رواية أكابر و اقول فراقه عادي و انا في داخلي اصرخ تكفون جيبوه الفصل الخامس 5 - بقلم HaboOoshy

ناظرها فهد باستغراب كيف تضحكين بوجه اللي تحبين بعدين ترجعين لحالتك كل هذا حب لهم : قمر ؟
سكتت اول مره تسمع اسمها من لسانه حست غير بس ع طول ردت وعيونها بالارض: هلا
فهد: ممكن اسالك سؤال؟
قمر وهي تهز كتوفها بعدم اهتمام:اكيد
فهد: تحبين نور ومنيره لهدرجه؟
وقفت ورفعت راسها وناظرته بعدين كملت مشي وهي مبتسمه:لو اقولك احبهم اكثر من روحي مستعده اضحي بعمري علشانهم ..
انصدم فهد:معقوله لهدرجه؟
قمر بابتسامه: ولا راح اقدر اوفيهم لاني بكون ماسويت شي
فهد:ليش؟
قمر باستغراب:قصدك ليش احبهم؟
فهد: ايه
قمر:انا ونور ومنيره من فتحنا عيوننا وحنا قدام بعض نفهم بعض اكثر من انفسنا احيانا ادري وش تحس فيه نور ومنيره دون مايتكلمون اعرفهم لما يكذبون ولما يكونون صادقين اعرفهم لما يتصنعون الفرح واعرفهم لما يكونون جد فرحانين لما الوحده منا تتطيح تلقى 2 يمسكونها ويرفعونها ويقولون لها حنا معك حتى لو ماتكلمن (وضحكت باستهزاء) صدقني لو نور ومنيره مو معي لما ماتت امي واختفى عبدالعزيز كان صرت مجنونه الحين هن امي وابوي وخواتي وكل شي بحياتي
ابتسم فهد بعطف: الله يخليكم لبعض
ابتسمت قمر بحب ومن كل قلبها: امين
صار يناظر لها وهي مبتسمه اول مره ينتبه ان ابتسامتها حلوه ..

بـــيـــت ابــوفــهــد ..

وقفت منى: اف زهقنا ابي اسوي شي
خوله اللي قدامها اللاب:ادور اغنيه وخلونا نرقص
مها:لالا مابي ارقص مالي خلق
نواره:حتى انا مالي خلق
منى:وين مشاري وفهد ؟
نواره:مدري والله
خوله وعيونها ع اللاب: انا قبل شوي شفت مشاري قاعد ع التلفزيون لحاله ولما سالته عن فهد وفارس قال مدري عنهم
نواره: ياعمري يا اخوي خلونا ننزل نقعد معه
مها دون نفس: لالا نبي نسوي شي
منى: الا خلونا نروح نقعد مع مشاري ياحليله يونس
خوله وهي تاقف ونواره بعد
خوله: ايه ياحظ من تتزوجه دوم رايق
سكتت مها وماعلقت ولبسن منى ومها جلالات وتلثمن وطلعن ..

ســيـــاره فــــهــــد ..

وقفوا عند الاشاره والهدوء عام ع السياره بس قطع الهدوء صوت بوري لفوا لسياره اللي جنبهم وشافوا سلمان وسامر ومروان
فتح فهد الشباك: هلا والله
سلمان وهو ياشر بيده ع قهوه قريبه لان الاشاره انفتحت:ع القهوه
فهد بسرعه:اا اا سـ ـ(ماكمل كلامه لان سلمان مشى والسيارات صارت تضرب عليه بوري ومشى)
فهد وهو يلف يناظرها بعدين ناظر القهوه ويرجع يناظرها
قمر اللي حاسه بنظراته:فيه شي؟
فهد: ايه فيه
قمر:ايش؟
فهد:كيف تقعدين مع اصدقائي؟
قمر بعدم اهتمام:ماهي اول مره بعدين انا امشي قدام كل هالناس وقفت ع اصدقاءك بعدين انت وش يهمك فيه؟
سكت فهد ومارد عليها ووقف قدام القهوه وطفى السياره ونزل
تنهدت قمر ونزلت وصارت تمشي وراءه دخلوا وصافحوا الشباب
ناظرت قمر لهم وهم جالسين ماكان فيه كرسي فاضي الا جنب مروان وبعيد عن فهد حست بخوف وناظرت فهد
ناظرها فهد ولف وجهه عنها وكانه يقول مالي دخل
انقهرت منه وقعدت جنب مروان
سلمان بابتسامه:هاه وشلون الشاليهات ؟
فهد:حلوه والله
سامر:وش تشربون؟
مروان: انا جيب لي شيشه فرواله
هز راسه سامر: وانتوا؟
سامر:جب لي شاهي
سامر وهو يناظر فهد:أيش تبي؟
فهد بعدم اهتمام: عصير أي عصير
سامر وهو يهز راسه ووقف ولف لفارس:ايش تبي؟
قمر وهي زعلانه: مابي شي
سامر: لالا مايصير ماتبي شي اطلب لاتستحي صرنا اصدقاء
قمر:لا والله مو مستحي بس مو مشتهي
سامر:بجيب لك عصير (ومشى)
صاروا يسولفون ماعدا قمر اللي ساكته ومكتفه يدينها بضيق
جاء سامر وقعد شوي وجاء النادل وحط الاكواب قدامهم والشيشه جنب مروان
ناظرت قمر مروان بقرف ولفت وجهها
سامر:اقول سلمان ماقلت لفهد عن البنت اللي تكلمها؟
سلمان: ههههه لا
فهد:ايش؟
سلمان:اكلم بنت وقسم انها فله بس تضحك وتسولف مو زي البنات اللي يدلعون
سامر : لا تقول لسلمان انا طفشانه وانت دقيت يلا سولف معي
فهد وسلمان: ههههههههه
اما قمر اكتفت بابتسامه اما مروان ماكلف نفسه حتى بابتسامه
صارت قمر تكح: كح كح
لفوا كلهم له وناظروه باستغراب
قمر وهي تناظر مروان بقرف وقفت لانها تختنق من الدخان
وقف فهد بسرعه ومشى لها وصار قريب منها: فيك شي؟؟
قمر وهي ترمش بعيونها وتحس باختناق لانها من جلست وهي متحمله وبصوت مخنوق: لا (وبعدت فهد عن وجهها وراحت للحمام)
مروان باستهزاء:ههههه شكله عنده حساسيه من الدخان
انقهر فهد وسحب الشيشه من يد مروان:دامك تدري وتشوف وجه الولد قلب لونه ليش ماتوقف ؟
وقف مروان وسحب الشيشه من فهد بس فهد متمسك فيها : فهد عطني الشيشه
فهد:مااني معطيك وش بتسوي؟
سامر وسلمان اللي وقفوا:هدوء ياشباب
مروان باستهزاء: ايه طبعا خايف ع حبيبك اذا جاء ضمه لصدررك وهده
حس فهد ان ميه جني صاروا براسه رمى الشيشه وعطى مروان بكس خلاه يطيح ع الارض
وقفت قمر بصدمه وهي تشهق ..

مسك سلمان فهد: فهد وش سويت ؟
سامر وهو يوقف مروان:انت بخير؟
وقف مروان وضرب فهد اللي مسك يده وبلحظه صاروا فوق بعض
كل اللي بالقهوه وقفوا وصاروا يناظرون وبعضهم يصفقون ويصارخون ((تعرفون حركات الشباب))
قمر وهي تسحب فهد وبصراخ: فهد فهد خله ..
سامر وهو يسحب مروان:مروان خلاص مروان
سلمان وهو يحاول يبعدهم عن بعض:بس
وقفت قمر بينهم ووجهها لفهد
فهد اللي مانتبه لها لانها صارت بسرعه قدامه عطاها بكس خلها تتطيح بالارض
طاحت قمر بالارض بس ركت يدينها وهي منزله راسها
ناظر فهد لها بصدمه وبسرعه نزل لمستواها اما سامر ترك مروان اللي وقف عن الحركه وسلمان وقف قريب منها
فهد وهو يمسك ذقنها ولف لها وبخوف: فيك شي؟
قمر اللي تحس سنونها طارت وهي مغمضه عيونها حطت يدها ع خدها وبهمس: لا(وقفت وفهد ماسكها من ذراعها)
مروان باستهزاء وهو يعدل بلوزته اللي انفتحت من الضرب: ايه فهد لاتنسى تبكي ع حبيب القلب
سامر بعصبيه:مروان خلاص
تقدم فهد بس قمر مسكت صدره بيدينها:خلاص
ناظر عيونها بتامل ورجع خطوه وراء ومسكها من معصمها وطلع
سلمان وهو يلحقهم ويصارخ: فهد انتتظر (ضرب برجله الارض لان فهد مشى باسرع ماعنده لدرجه ان السياره طللعت صوت زي التفحيط)

ســـيــارة فـــهــــد ..

قمر وهي تحس بتموت من الخوف من سرعه فهد: فهد هد السرعه فـــــــهــــد
ضرب فرامل قويه ووقف ع جنب ويدينه ع الدركسون وعيونه لقدام وصدره يرتفع وينزل من القهر
نزلت قمر راسها وبهمس:اسفه
لف وجه لها بسرعه: ايش ؟
قمر وهي تناظر الشباك اللي يطل ع البحر البعيد وابتسمت بالالم: هذا انا لما اكون موجوده مع أي شخص اخرب حياته (لفت لفهد ودموعها تمشي ع خدودها وخصلات شعرها متبعثره ع وجهها) اسفه لاني دخلت حياتك وخربطتها
ناظرها فهد وهو يتنقل بين ملامحها عيونها وخصلات شعرها المتبعثره ودموعها حس انها هزته هزت رجولته مد يده ومسك خدها
غمضت عيونها ع طول لانه عورها
فهد بهمس وهو يلمس خدها اللي صار لونه اخضر ع بنفسجي : اسف
فتحت عيونها وناظرته وضحكت بخفه وهي تبعد وجهها عن يده وبمحاوله تلطيف الجو المتكهرب:انت متاكد انك ضربتني بيدك مو بطبوق ؟
ضحك فهد
ناظرت عيونه وغمازاته نزلت راسها بخجل ولفت تناظر البحر
ابتسم بقوه وحرك السياره
حست قمر بان السياره وقفت شافت البقاله نزلت ولفت تبي تقوله مع السلامه بس شافته نزل
دخلوا البقاله وهي تناظر له
تقدم فهد لثلاجه وسحب كيس الثلج و فتحه وطلع منه ثلجه ولفها بمناديل
قمر وهي تناظر له: ايش بتسوي؟
تقدم فهد لها وصار قريب منها مرا وعيونه ع عيونها ومسك بيده اليمنى ذقنها ورفعه شوي وبيده اليسرى المناديل اللي فيها الثلج وحطه ع مكان الضربه
اول ما حط الثلج على وجهها غمضت عيونها بالالم وعضت ع شفتها السفليه
انقهر لما عرف انه عورها بقوة بعصبيه رمى عليها الثلج وطلع
مسكته قمر وهي تناظر له باستغراب: وش فيه ماسويت شي ؟

مشى بسرعه للبيت دخل دون مايقول ولا كلمه للبنات ومشاري اللي قاعدين صعد غرفته وسكر الباب تمدد على السرير وهو يقول : اف ليش دخلتي حياتي ؟

بـيـت صــقـر الـراسـي

غـــرفـــه وســـن
كانت قاعده ع السرير ولامه رجولها لصدرها وحاطه يدها ع ركبها وملامحها خاليه من أي تعبير
دخلت جوري وهي تناظر اختها مع صغر سنها فمهت اشياء مستحيل طفله بعمرها تفهمها قربت لاختها وضمتها بجسمها الصغير ويدينها وكانها تبي تقولها انا جنبك
بكت وسن وضمت جسم جوري الصغير لصدرها وبهمس وهي تحرك يدينها ع شعر جوري: انا اسفه
جوري بهدوء: انا بعد اسفه وسن ماقدرت اساعدك
رفعت راسها وسن ومسكت وجه جوري الصغير بيدينها وابتسمت : حبيبتي انتي مالك دخل مالك دخل (وبصوت عميق كله حقد) بس صدقيني راح ادفعهم الثمن غالي غالي
هزت راسها جوري وضمت راس اختها بدينها: طيب وسن لاتبكين ما احب اشوفك تبكين
ابتسمت وسن وضمت جوري بقوه وبهدوء قاتل : راح ادفعهم ثمن طفولتك وثمن شبابي صدقيني راح يدفعونه غالي ..

** الــبـــقـــالـــــة ..

قمر وهي قاعده وراء الكاشير وتحاسب
دخل ابوفهد: السلام عليكم
رفعت راسها قمر وابتسمت و وقفت وباست راسه:وعليكم السلام
ابوفهد بصدمه: وش هذا اللي بوجهك؟
قمر بارتباك وهي تحط يدها ع خدها : هاه ايه هذا هههه قمت من النوم وطحت ع وجهي
ابوفهد بخوف: تبيني اوديك المستشفى؟
قمر بسرعه:لالالا ههه بسيطه تروح
هز راسه ابوفهد:انا بمكتبي اذا تبي شي تعال
هزت راسها قمر:طيب (و رجعت لمكانها وراء الكاشير ) ...

دخل مشاري و وراءه مها وخوله: السلام عليكم
رفعت راسها قمر وابتسمت: وعليكم السلام
مشاري وهو يسحب كرسي ويقعد:وشلونك؟
قمر: بخير
مشاري باستغراب: ايش هذا (واشر ع خدها)
قمر: ايه توني اقول لعمي قمت من النوم وطحت ع وجهي
وقفت مها وهي تناظر له بخوف
مشاري:هههه شكلك كان لسى فيك نوم
قمر:هههه ايه الظاهر
خوله وهي تسحب مها:امشي ماهو ميت من طيحه بعدين خلصينا خلينا ناخذ اللي نبي ونرجع للبيت
هزت راسها مها وصارت تاخذ بس كل شوي تاقف وتناظر
قمر وهي حاسه بنظارات مها ""هذي وشفيها ليش بس تناظر لي؟؟""
دخل فهد وبهدوء:السلام عليكم
قمر وهي تبتسم: وعليكم السلام
مشاري بابتسامه: ليش جيت توني قايل لك تجي قلت لا وش غير رايك ؟
فهد وهو يقعد:ولا شي بس طفشت لحالي (ورفع عيونه شوي شوي وشاف خد قمر حسه خف بس ولو لسى باقي لونه بنفسجي)
كانت قمر منزله راسها وتكتب الدفتر
دخل البقاله مستعجل ومسك علبه حليب وحطه ع الكاشير وعيونه ببوكه:كم؟
طاح منها القلم بصدمه تغلط بكل اصوات الناس الا صوته مستحيل تغلط فيه بلعت ريقها ورفعت راسها وقفت ع طول وعيونها تنتقل بين ملامحه وهي ترمش وشفايفها تهتز
ناظرها فهد باستغراب وناظر الشاب
رفع راسه الشاب:بكم ؟
بلمت فيه لالا بجد صدمه حست رجولها ماهي قادره تستند عليها وشلون ينسى اخته وشلون ينسى مستحيل ناظر بعيونها وماعرفها؟
مشاري باستغراب:فارس رد ع الرجال وش فيك؟
لفت قمر بسرعه وركضت للمخزن اللي صار غرفتها وقفلت الباب طاحت ع الفراش اللي بالارض وهي تشهق لمت السلسال لصدرها:ااه يمه تعالي شوفي عبدالعزيز ما عرفني ماعرف اخته نساني ..
مشاري وهو يبتسم بارتباك بوجه الشاب:اسف اخوي سعره 7
هز راسه وهو مستغرب ومد الفلوس لمشاري وطلع
مشاري وهو يدخل الفلوس بالاله ولف لفهد:وشفيه؟
فهد وهو عيونه ع المخزن:مدري
مها بخوف وهي تمسك بيد خوله:وشفيه؟
خوله:مدري امشي يلا نروح (ولفت للمشاري) مشاري ترجعنا للبيت والا نروح لحالنا
مشاري:لا روحوا لحالكم بشوف فارس
فهد وهو ياقف وعيونه ع المخزن: لا انت ود البنات مايصير يمشون بالشارع لحالهم وانا بشوف فارس
هز راسه مشاري: طيب يلا
ناظرت مها المخزن وهي ودها تعرف وشفيه
طق فهد باب المخزن وبهمس: قمر افتحي (بس مافيه أي اجابه عصب وضرب الباب بقوه) قمر افتحي
فتحت الباب وعيونها مليانه دموع ..
ناظرها بخوف دخل وقفل الباب وراءه:وشفيك؟
شهقت قمر بقوه وصارت كتوفها تهتز من قوه البكي..
فهد اللي خاف بجد مسكها من كتوفها:تكلمي وش فيك ليش من شفتي الولد تخربطتي؟
ناظرته قمر وهي تشهق بقوه: لانه ماتذكرني وشلون يناسني ؟
فهد اللي حس بشعور غريب وكانه شعور غيره:من هو؟
قمر وهي دون شعور ارتمت بحضنه:عبدالعزيز أخوي ..
فهد اللي بلم لسببين الاول ان قمر بحضنه والثاني ان اللي دخل قبل شوي يكون عبدالعزيز اخو قمر
قمر وهي تبعد عنه واشرت ع نفسها: انا غبيه ليش ما مسكته ليش ما ضربته كل شي كنت اقوله اني لما شوفه راح اسويه ما سويت شي ليش صرت ضعيفه فجأة يعني نسيت وش سوا فيني؟
(غطت وجهها بيدينها وهي تشااهق
ناظرها فهد وبهمس: اش خلاص اكيد انه بيرجع اكيد دامه جاء مره بيجي ثاني مره
شهقت بقوه وبهمس انا خايفه اذا اخوي وهو اخوي ماعرفني وشلون ابوي؟
فهد : ماعليك كل شي بوقته
هزت راسها بضعف وهي لسى تشاهق من البكي
وفهد يقرا عليها ..

** بـــيـــت ابــوســديــم ..

سديم وكانها تذكرت شي: صح اميره صدق اللي تقوله ساره ان هذاك الولد طلع بنت ؟
اميره بحماس وهي تنزل كوب الشاهي من يدها:ايه صدق
ريناد:طيب الولد اللي كان معها؟
اميره:انصدم ماكان يدري انها بنت
ريوف بحنيه: وش سوا لها؟
اميره بخوف: يمه ياحرام رحمتها ضربها
شهقوا البنات بخوف
ريناد:وبعدين؟
وصارت اميره تقولهم اللي صار
ساره:تصدقون انها مغامره الله شي
ريناد وهي تشهق: نو مستحيل اسوي نفسي ولد يع
سديم:اقول مالت عليك بالعكس فله (وبحماس) اقعد مع العيال واشوف حياه الاولاد اللي يعيشونها دايم الله
اميره:صح وناسه بس يعني
ريوف باستغراب: بس ايش؟
اميره:امم مدري اقولكم شي بس ماتضحكون؟؟
كلهم:لا
اميره:امم احس اني اعرفها
ساره بصدمه:جد من وين؟
اميره بسرعه:لالا مافهمتي قصدي انا ماعرفها ولا بحياتي شفتها
ريوف:اميره مافهمنا؟
اميره:اقصد يعني احس اني اعرفها احس اننا بينا رابط مدري كذا لما شفت ملامحها وهي تبكي مدري حسيت وكاني اعرفها من زمان
سديم بابتسامه:انتي حساسه وحنيتي عليها بس عشان كذا تحسين انك تعرفينها
اميره ""لا ياسديم انا متاكده من انه مو مجرد احساس"" هزت راسها وابتسمت:ايه يمكن
دخل نادر و وراءه ناصر:السلام عليكم
سديم:يوه وش صاير بالدينا ناصر ببيتنا؟
ضحك ناصر وقعد:ايه طفشت لحالي قلت خليني اشوفكم وش تسون
ساره:ابد ماغير نسولف
ناصر:ليش مارحتوا العرس؟

ريناد اللي وكان احد معطيها الحريه وبدون ماتاخذ نفس: والله انا ابي اروح بس ساره وسديم عيوا عندي فستان شاريته من باريس بس مالبسته ولا مره وو
صرخ ناصر:بس حشى انتي ماتاخذين نفس؟
كل البنات ونادر ماعدا ريناد اللي بوزت:ههههههه
ساره: وك وك وك هههه امسكي خشمك
ريناد وهي ماده بوزها مترين ومكتفه يدينها: طيب انا اوريكم
ضحك ناصر:هههه اقول الله يعين زوجك بس وربي اني راحمه بقوه
ريناد بغرور: هو يحصل له ريناد الراسي مفووض لما اقبل فيه يصلي مرتين باليوم صلاه شكر بس لاني قبلت
ناصر:اوه لاتنهد الارض بس
البنات ونادر:هههههههه
ناصر: يرحم امك بس الا بيصلي صلاه استخاره عشان يطلقك
ريناد لفت وجهها
سديم:واخيرا فيه احد يقدر يرد ع غرور ريناد
ابتسم ناصر:اقول خوش بنات الحين انا ضيف عندكم ماتجيبون لي عصير شاهي قهوه ماء ع الاقل؟
ساره:ليش منكسره رجلينك ولا لسانك مقطوع نادي الخدامه تجيب لك اللي تبي
ناصر:شوف شوف طيب اصلا الشرهه علي اللي جايكم يلا مع السلامه (و وقف)
رغد وهي تنقز: ناصر وين تروح؟
ناصر وهو مسوي نفسه زعلان:أي مكان
ساره وهي تناظر له بطرف عينها: اقول انثبر بس (وصرخت) ناني
جئت تركض ناني:يس؟
ساره:جيب كوب عصير لناصر وحلى
هزت راسها: اوك (وراحت)
قعد ناصر وهو يضحك وبدوا يسولفون ويضحكون ..

بـمــكــان مـخـتـلـف
لـبـطـلـتـنـا اللي صـار الـحـزن هـو
صــديـقـها والـفـرح عـدوهـا

فهد: هاه وشلونك الحين ؟
قمر بخجل من اللي سوته بس هي كانت محتاجه شخص تضمه وتبكي ع صدره: احسن اسفه
ناظر فهد بلوزته اللي مليانه دموع وهو يمسكها وابتسم:عادي
قمر:امم هاتها اغسلها وارجعها لك
فهد:طيب (وفصخها)
طارت عيون قمر ولفت وجهها ع طول هي كان قصدها يعني يجيبها لها مو الحين يفصخها
ابتسم فهد بقوه هو كان فاهم قصدها بس حب يحرجها وهو ماسك ضحكته: وشفيك امسكي
قمر وهي لافه وجهها: مو برد؟
فهد:لا بالعكس الجو حلو
قمر وهي ترجع خطوه: لا برد البسها بعدين جيبها
فهد:هههههههههه
رفعت راسها قمر وناظرته باستغراب
لبس فهد البلوزه وهو يناظر لها وبابتسامه تخق : ادري ان هذا قصدك بس حبيت امزح معك
ابتسمت قمر بخجل: سخيف قسم خفت
فهد بضحك : مايحتاج تغسلينها اذا جئت البيت اعطيها الخدامه
قمر:لا انا ابي اغسلها جيبها
فهد:طيب وبدأ يرفع البلوزة ؟
قمر وهي ترفع راسها له:ايش؟
فهدوهو مبتسم بقوه
ناظرت قمر : يا سخيف
هرب فهد برا المخزن وصارت قمر تلحقه:والله مااخليك
فهد وهو واقف وراء رف:ههههه خلاص اسف ماعاد اعيدها (صرخ بصوت عالي وهو يركض لان قمر ركضت وراءه)
قمر وهي واقفه ماتقدر تروح يمين ولا يسار لان فهد صار وراء ثلاجه الايس كريم وكل شوي يروح يمين بعدين يرجع يسار: وقف وربي ما اخليك
فهد: ههههه طيب انا اسف ..
ابوفهد:خير تتلاحقون كنكم اطفال وش صاير؟
فهد وقمر واقفين جنب بعض وساكتين
قمر وهي تضرب بكوعها بطن فهد وتطير عيونها عليه
اما فهد ماسك ضحكته وضرب بكوعه يد قمر بقوه
قمر: ااي
ابوفهد:خير قسم انكم اطفال يلا انت (يقصد قمر)ع شغلك وانت ررح البيت بسرعه مالك فايده
هز راسه فهد وهو ماسك ضحكته: طيب
وطلع بسرعه
اما قمر رجعت لمكانها وهي مبسوطه ""قدر يغير نفسيتي بكم دقيقه ااه ليش قلبي يدق كذا ..

اما فهد وهو يمشي للبيت ومدخل يدينه بجيبه ومبتسم بقوه""وش فيني مبسوط لهدرجه ااه صار يضحك بقوه وهو يتذكرها هههههههههههه
مر من عنده رجال وهو يناظر له باستغراب
فهد اللي استوعب انه يضحك لحاله تعدل""وش سويتي فيني ياقمر خلتيني مثل المجنون هههه بس بجد كان شكلها تحفه (تذكر لما كان ضامها)جسمها الصغير بالنسبه لي كان اامم مدري كان زي ااه حسيت بشعور غريب ومربك قربها لي ودموعها اللي ع خدودها حركت اشياء فيني""

بــعـــد يــومــيــن ..

اول يـوم دراسـه بـعـد اجـازه الفـصـلـين
الــجامــعـــه
دخلت ريناد و وراءها ريوف اتجهت ريناد ع طول للمرايا بعكس ريوف اللي كملت مشيها للمحاضره بس وقفها كلام البنت وهي تسمعها تقول: معقوله هذي اخت ريناد (وبقرف واضح بصوتها) يع هذي كانها شغاله ولا وحده تشتغل بالكافتيريا مستحيل تكون بنت الراسي
البنت الثانيه:ههههه ايه انا اقول اكيد انها مو بنتهم
وصارن يضحكن وكملن مشي
نزلت راسها ريوف وضمت شفايفها بقوه بس حركت نظاراتها بيدها وارفعت راسها ""كلامهم ماراح ياثر فيني هذي اصلا خراابيط"" وكملت مشيها وهي تحس انها مجروحه

بــيــت ابــوفــهــد..

ام فهد وهي تمشط شعر ريماز:اهجدي يابنت خليني امشط شعرك زين
ريماز وهي تصيح: يمه عورتيني
منى وهي قاعده وتضحك:هههه يا حرام انتوا كل صبح كذا؟
مها:هههه ايه
((حنان وبناتها نقلوا خلاص لشرقيه واليوم حنان بتروح تسجل خوله بنفس مدرسه نواره وتنقل اوراق منى لجامعه مها))
خوله وهي تقعد:الحين مها مو ريماز عمرها 5؟
مها:الا
خوله:وين تروح ماتدرس ؟
مها:تروح للروضه
خوله:اها
ريماز وهي مبوزه وقفت وسحبت شنطتها وطلعت للباص
نزلت نواره ((نوراه دوم تنام ببيت عمها وعندها ملابس واغراض هناا)) بصوت كله نوم: اف وش هالازعاج ع الصبح؟
الجده:الناس يقولون صبااح الخير السلام عليكم مو وش هالازعاج؟
طاحت نواره ع الكنبه وهي تفرك عيونها بطفش: اف انا ماعرف ارجع انام الحين وش ارجع انام؟ (وبصراخ)ميته نوم
ضربتها الجده ع راسها:وجعه ان شاء الله خير ليش الصراخ؟
البنات وام فهد وحنان:ههههههههه
نواره وهي مبوزه:ايه ايه ضحكوا وين اخوي حبيبي
فهد من الدرج:احمم
تغطوا البنات ماعدا خوله ومها
فهد:السلام عليكم
الكل:وعليكم السلام
خوله:فهد يعني لازم تداوم؟
فهد بابتسامه:ترا انا مو زيكم اليوم اول يوم لا ياحبيبتي انا كنت ماخذ اجازه بس يلا انا طالع
مها:لحظه فهد بروح معك عندي اشغال بسويها بالجامعه بضبط جدولي
ام فهد:لحظه وانا امك افطر
فهد:لالا (وطرت فكره بباله) بمر البقاله اخذ لي فطيره (ولف لمها) يلا امشي مع السلامه
اوقفت مها:مع السلامه
الكل:مع السلامه ..

الــبــقــالــــه ..

كانت قمر واقفه قدام باب البقاله وتناظر الباصات اللي تمر من عندها والسيارات اللي فيها الاطفال والبنات والاولاد ..
قطع افكارها صوت بوري رفعت راسها وابتسمت وهي تشوف فهد بس انتبهت لبنت معه عرفت انها مها من نظاراتها وقفت عند شباك مها:صباح الخير
فهد بابتسامه:صباح النور
مها ""اااه هذا احلى صباح بحياتي""
قمر وهي تتدخل يدينها بجيبها : رايح لداومك ؟
فهد:ايه ومها بوديها الجامعه
قمر ""الجامعه؟ اااه (تخيلت لو انها بنت عاديه زي كل البنات كان الحين هي رايحه للجامعه)
فهد:وين وصلت؟
ابتسمت قمر بسرعه وهي تهز راسها:ولا مكان
فهد وهو ينزل ودخل البقاله ودخلت قمر وراءه اتجه للرف وسحب منه فطيره جبن وراح للثلاجه وسحب ببسي
مسكت قمر الببسي وهي تناظر له و راسمه ابتسامه ع الجنب
ناظر الببس اللي بيده وقمر ماسكتها بعدين ناظرها:وشفيك؟
قمر وهي تسحبه :فيه احد يفطر ع ببس ؟
فهد:ايه عادي
قمر:لا مو عادي
فهد وهو يلف ويسحب ببس من الثلاجه بس قبل مايلف سحبتها قمر:قمر مو رايق خلصيني عطيني
قمر وهي تمد له عصير تفاح:خوذ هذا ..
ابتسم فهد:طيب بس تراني مو فاضي لك ولا وريتك شغلك باي
ابتسمت قمر بقوه:باي ..

بــيــت ابــوســديــم ..

ابوسديم وهو ياقف عن الطاوله: الحمدلله (ولف لسديم وابتسم) يلا اليوم اول يوم لك داوم
ابتسمت سديم: ايه
ساره وهي تناظر لها بطرف عينها:يعني مبسوطه؟
سديم:هههه تصدقين ماتوقعت اني بنبسط كذا بس خايفه ..
ام سديم بابتسامه:ماعليك من ساره ولا تخافين انتي بنت رئيس الشركه
هزت راسها سديم و وقفت وباست راس امها:ادعي لي
ام سديم بفرحه:الله يوفقك يارب
ساره باستهبال: ويرزقك بالزوج الصالح (وناظرت امها) يمه تراها بتروح لشغل ماهي داخله ع زوجها
ام سديم وهي تدور شي ترميها: انا وش اسوي بهذي البنت اللي ماتستحي؟
هربت ساره قبل ماتضربها امها
ابوسديم:هههه اتركي البنت
ام سديم:روحوا انتوا بس تاخرتوا
ابوسديم:يلا مع السلامه
سديم:مع السلامه
ام سديم:مع السلامه سدديم انتبهي لنفسك
سديم : حاضر ماما ..

**بـــيــت نـــور ..

وقفت نور وهي تبوس راس امها: يلا يمه تاخرت ع الداوم ((طبعا نور ومنيره ذكرت قبل انهم تمريض والتمريض دراسته سنتين بس))
ام نور:الله يوفقك
وقفت نور ودمعت عيونها وهي تتذكر لما امها تقول هذي الكلمه يقول ابوها امين ..
وقف وهو فاهم اللي باخته:امين
لفت بسرعه وهي تشوف فواز وابتسمت بين عيونها وتذكرت كلام قمر""صادقه ياقمر انا لسى بقى لي ناس""
تقدم فواز ومسح دمعتها:يلا عشان اوصلك
هزت راسها ولفوا لامهم:مع السلامه
ام نور بضيق: مع السلامة

في الشــركــه دخلت سديم وهي تمشي وراء ابوها و وراءهم مدير اعمال ابوها وصار يتكلمون هو ابوها وهي تمشي وراءها دخلوا المصعد وقف المصعد بالدور 4
لف ابوسديم:سديم هذا مكتبك(واشر ع مكتب)
سديم وهي تناظر له:وانت يبه وين مكتبك؟
ابوسديم: بالدور اللي فوق
سديم:اها خلاص مع السلامه
ابتسم ابوسديم:مع السلامه واذا احتجتي أي شي عندك بهذا المكتب واحد اسمه حمد واذا ماتبين دقي علي
هزت راسها سديم:حاضر
سكر مدير الاعمال المصعد
لفت سديم واتجهت لمكتبها اول مادخلت وهي مبتسمه نزلت شنطتها ع المكتب ونزلت طرحتها اللي كانت مسويه فيها لثمه شهقت بفرحه وهي تشوف مكتبها يطل ع الشارع بنافذه بطول الجدار وعرضه حطت يدينها ع القزاز: واو حلو شكل الشارع كذا
حست بطق ع الباب زينت ثلمتها بسرعه وقعدت وراء المكتب وهي تتعدل وبصوت عالي وهي مبتسمه:تفضل
دخل بطوله الفارع وجسمه المنسق بثوبه الابيض والشماغ رفع راسه وبيده اوراق:السلام عليكم
فتحت فمها سديم بلعت ريقها واستوعبت:وعليكم السلام
اشر ع نفسه:انا حمد راح اكون نائب المدير العام
سديم اللي لسى مفهيه:ومن المدير العام؟
ناظرها بصدمه ورفع حاجب واحد واشر عليها:انتي
سديم اللي بدت تستوعب:هاه ايه انا
ناظرها باستغراب واستحقار ونزل الاوراق ع المكتب:اذا احتجتي أي شي انا بمكتبي(ولف وجهه وطلع)
سديم""وشفيه هذا يكلمني كذا مغرور بس يحق له ااه"" ناظرت الاوراق الكثيره :اف ابوي مايرحمني مالي يوم مدوامه لا والله ماكملت يوم ساعه بس
اف (وصارت تقلب بالارواق وهي تحس نفسها محتاسه وتحاول تسترجع كل شي درسته) ..

مــكــتـــب حـــمـــد
جلس وصار يناظر الاوراق وبيده القلم بس قطع افكاره اليد اللي اضربت بمكتبه رفع راسه:وشفيك؟
بسام:يااخي مو قهر؟
حمد ببروده الدايم:ليِش؟
بسام:يمه يابرود دمك
سكت حمد ورجع يكتب
بسام:الحين بس عشانها بنته يخليها المدير العام ياخي انت اللي تستاهل هذا المنصب مو هي
ابتسم ابتسامه ع جنب وعيونه لسى بالارواق ويكتب:ولا بعد ازيدك من الشعر بيت لما قلت انا نائب المدير العام قالت من المدير العام
بسام بقهر: ماشاء الله شفت ناس يمسكون شغل مايدرون عنه شي اصلا والله حاله وحنا لنا 5 سنوات هنا ونكرف من 8 الصبح لـ3 العصر واخر شي هي تجي بالساهل وتاخذها
حمد بعدم اهتمام:اكيد عشانها بنته اقول اسكت خلني اعرف اشتغل
بسام وهو يرمي القلم: ايه ايه اشتغل
ابتسم حمد وكمل شغله ..

((حمد بطل جديد عمره 27 سنه انسان بارد وهادي لابعد حد عنده برود اعصاب مو طبيعي بس اذا عصب بعد عن وجهه يعني ينطبق عليه المثل اتقي شر الحليم اذا غضب حاله الاجتماعي متوسط اللي يميزه طوله اما ملامحه فهو مملوح ))

** الــبـــقــالــــه ..

كانت قمر قاعده بنفس مكانها وراء الكاشير زهقانة عمها ابوفهد ماجاء اليوم ناظرت ساعتها شافتها 2:30 فكرت متى يطلعون فهد ومشاري من الدوام وقفت بسرعه وهي تشوف عبدالعزيز اللي دخل البقاله واتجه لمكان الثلاجات صارت ترمش وهي تناظر له ضغطت على يدها بقوه وهي تراقبه اخذت نفس عميق وقعدت
حط الاغراض فوق الكاشير
قمر وهي تحاسب كانت يدها ترجف بقوة
عبدالعزيز وهو يناظر يدها باستغراب : فيك شي اخوي؟
سكتت وماردت وبهمس:15 ريال
هز راسه وعطاها الفلوس طلع
اول ماطلع وقفت وركضت وراءه شافته يركب سياره ناظرت السياره بصدمه كانت بورش اخر موديل صارت تردد ارقام السيارة بس استغربت اﻷرقام مميزه وش اللي يصير بحياتك ياعبدالعزيز سياره اخر موديل ولوحه مميزه وشي اللي قاعد تسويه ياخوي تنهدت وسجلت رقم اللوحه بجوالها ورجعت داخل ماصدقت اذن العصر سكرت البقاله واتجهت للمخزن ورمت نفسها على الفراش قامت وفتحت الشنطه وطلعت جلالها وراحت للحمام ..

الــســ7:00 مساء ــاعـــــه

شــركــه ابـوســديــم
سديم وهي حاطه راسها فوق يدها ورايحه بسابع نومه
طق الباب بهدوء بس مالقى أي اجابه عقد حواجبه باستغراب وطق ثاني مره بس نفس الشي استغرب ليش ما ترد فتح الباب شوي شوي وهو منزل راسه: احممم
بس سديم رايحه بسابع نومه ولا هي راده ع احد
رفع راسه وقرب شوي شوي وناظرها وهي نايمه ورايمه طرحتها ع وجهها هز راسه "الحين هذي تصير مدير عام؟؟"" ابتسم بنذاله وضرب الطاوله بقوه بيده
نزت سديم وقفت من زود الخوف:هااه ايش ااه
حمد اللي ماقدر يمسك نفسه من الضحك على شكلها: هههههههه
ناظرت سديم بطرف عينها ولفت وجهها تعدل لثمتها
حمد وهو يحط يده عند فمه وهو لامها: احمم
لفت سديم وبحقد: فيه شي؟
حمد وهو يمد الاوراق لها:الرئيس يقول وقعيها (ابوسديم)
سديم:ايه ايه (وهي تمسح عيونها) اف كم الساعه؟
حمد وهو يناظر ساعته:7 وعشر
سديم:سؤال انتوا متى ينتهي دوامكم؟
حمد بابتسامه : 3
سديم وهي تهز راسها:اها 3؟
حمد:ايه
سديم:والحين 7 (وبصوت عالي شوي وهي تقعد) اف وليش قاعدين لين الحين اجل؟

حمد:هههه انسه سديم كل الموظفين طلعوا بس فيه انا وانتي والرئيس
سديم : وليش قاعدين لين الحين؟
حمد : فيه اوراق ومعاملات لازم نخلصها؟
سديم:وليش ماتنتظر؟
حمد وهو يهز كتوفه:مدري هذي اوامر الرئيس
سديم: اف (دق جوالها طلعته وهي ماده بوزها) الو ساره:هههه وشفيك؟
سديم:زهقانه وش هذا ماتوقعت الشغل كذا؟
ساره:سدومه
سديم وهي تعرف ساره ماتقول سدومه الا اذا تبي تقهرها:ساره وش تبين تسوين؟
ساره:ههه بنروح لبارتي حق صديقه ريناد
سديم وهي تصرخ:لالا ماتروحون وانا ؟
ساره:ههههه خلي الشغل ينفعك يلا بايو
سديم وهي تناظر الجوال:لا اوريك ياسوير وصارت تدق ع ساره وساره تعطيها مشغول قعدت لفت وانتبهت لحمد اللي يناظر لها باستغراب طاح وجهها اتفشلت ..
تعدلت بالكرسي: عطني الاوراق
مدها لها حمد وهو مستغرب منها: تفضلي
سديم وهي تمسك الارواق وتشتغل فيها
طق الباب بادب
سديم: تفضل
دخل ابوسديم وهو يبتسم:وشلون حبيبتي مع الشغل؟
سديم : مو حلو
ابوسديم وهو يحط يدينه على كتوفها: افا ليش؟
سديم:مرا طويل
ابوسديم:هههه لا اليوم استثنائي بس بكرا نطلع عادي
سديم: ايه طيب
ابوسديم وهو يناظر حمد ويبتسم:اجل تعرفتي ع حمد افضل موظف بالشركه
ناظرت سديم حمد بعدين لفت لابوها: ايه
ابوسديم وهو يطلع ملف ويحطه على المكتب: بعد 3 اسابيع عندنا عرض لاعمال شركتنا والعرض هذا اذا نجحنا فيه بيفيدنا كثير (وناظر حمد) اقعد حمد
هز راسه حمد وقعد
ابوسديم وهو يمد الملف لسديم: ابيك انتي تنظمين للعرض ..
سديم بصدمه وهي تاشر ع نفسها: انا ؟
ابوسديم:مو لحالك بيساعدك حمد
حمد بهدوء:هو المؤتمر اللي بيجي فيه من كل دول العالم تقريبا؟
ابوسديم:ايه هو(وقف) ابيكم ترتبون كل شي مع بعض وقبل العرض بيومين ابي كل شي جاهز خلاص؟
حمد:ع امرك
ابوسديم بابتسامه:هاه سديم مستعده؟
سديم:هاه ايه ايه
ابتسم ابوسديم:يلا اجل انا بضبط كم معامله عندي وبطلع بتروحين معي والا تروحين مع السواق
سديم:لا بروح مع السواق
هز راسه ابوسديم ولف لحمد:مشكور حمد تعبناك معنا اليوم
حمد بسرعه:لا عادي لاتعب ولا شي
ابوسديم بابتسامه: تقدر تروح لبيتك
هز راسه حمد:مع السلامه
ابوسديم:مع السلامه

**بـــيـــت فـــهـــد ..

كانوا يرتبون البيت ويسوون القهوه والشاهي واللي يبخر وانوار البيت كلها شغاله
دخلت قمر وهي معقده حواجبها:وشفيه؟
(شافت ريماز تركض) تعالي تعالي
لفت ريماز ومدت يدينها لقمر بمعنى شيليني
ابتسمت قمر وشالتها:فيه احد بيجي ريماز؟
هزت راسها ريماز: ايه
قمر باستغراب:من؟
ريماز وهي تعد باصابعها:صديق فهد ومشاري وبتجي خالتي وبناتها
قمر:اها (نزلت ريماز وابتسمت لمشاري)
مشاري باستغراب:ليش مالبست ثوب؟
قمر:ليش؟
مشاري باستغراب: فهد ماقال لك؟
قمر: لا ايش؟
مشاري: رامي بيجي تتذكره الدكتور اللي انقذك انا قلت لفهد قال انا بقول لفارس بس شكله نسى
هزت راسها قمر بارتباك:ايه
جاء فهد وانصدم وهو يشوف قمر مسكها من ذراعها بقوه وبهمس: انتي وش جابك؟
قمر وهي تناظر له باستغراب سحبت يدها:اتركني
مشاري باستغراب:وش فيكم؟
ابتسم فهد:ولا شي عن اذنك (وسحب قمر من ذراعها بقوة وبعدوا عن مشاري اللي يناظر لهم وفوق راسه ميه علامه استفهام)
قمر:اااف فهد تراك تعورني
فهد وهو لسى متمسك بذراعها بقوه:انتي وش جابك؟
ناظرته قمر باستغراب حزت كلمته بنفسها سحبت ذراعها بقوه ولفت وجهها وبضيق: خلاص بروح
رفع راسه بتافف وسحب يدها:تعالي
قمر وهي معطته ظهرها:اتركني بروح
فهد بابتسامه وهو يلفها له: ماكنت اقصد كذا
قمر وهي تكتف يدينها:اجل وش تقصد؟
فهد:رامي بيجي وانا مابيه يشوفك
قطع كلامهم ابوفهد:وشلونك فارس اليوم؟
لفت قمر وهي تبتسم:بخير عمي انت وشلونك؟
ابوفهد: بخير الله يسلمك الا اقول فارس
قمر:تفضل
ابوفهد:ليش ماتجيب اختك تتونس مع البنات
بلمت قمر: هاه؟
ابوفهد:ايه خلها تنبسط مع البنات
بلعت قمر ريقها:ههه لالا ماله داعي
ابوفهد:عاد حلفت عليك تجيبها
قمر تورطت : ههه عمي مايصير تحلف
فهد وهو يمسك معصمها:خلاص فارس جب اختك وش بيصير يعني؟
ناظرته وهي تعقد حواجبها هزت راسها ولفت لعمها:حاضر عمي
هز راسه ابوفهد وطلع
قمر وهي تسحب يدها:انت وشلون تقول كذا بدال ماتاقف معي الحين من وين اجيب اخت؟
فهد بابتسامه: ليش تجيبين اخت وانتي فيه ؟
ناظرت قمر بعدم فهم:يعني وشلون ما فهمت
فهد:اف ياغبيك افهمي انتي تجين على انك اخت فارس
قمر وهي تكتف يدينها:احلف بس وانا وشلون اصير بمكانين بوقت واحد؟
فهد:بسيطه تعالي كانك قمر بس فارس مايجي فهمتي؟
قمر:لا مافهمت
فهد: اف انتي روحي والبسي (وهو يناظر لها) لبس بنات وتعالي وانا بقول لابوي انك دقيت على وخالك يبغاك بس
ابتسمت قمر وهي تهز راسها:صح فكره بس اف ماعندي ملابس بنات
ناظرها فهد بصدمه:بنت وماعندها ملابس بنات؟

ضحكت قمر:ههه لا مو كذا اقصد يعني عندي بس مو عندي بالبقاله
فهد: اممم تبين اوديك السوق؟
قمر بسرعه: لالا وش سوقه الحين مافيه وقت (صرخت) لقيتها
فهد:قصري صوتك ايش هي؟
قمر وهي تاشر بيدها:باي
فهد: تعالي قولي لي وش بتسوين؟ (وبهمس) قمر قمر
سكرت الباب قمر و وقفت اول تاكسي وكلمت نور:مرحبا لاحلى واجمل اخت بالدنيا
ضحكت نور بفرحه لانها من زمان ماسمعت صوت الفرح والراحه بصوت قمر: بخير دامك بخير
قمر: ههه تسلمين نوري ياقلبي ابي طلب صغنون
نور:انتي مو تطلبين انتي تامرين
قمر:الله يخليك لي ابي فستان ناعم وجزمه وعبايه وشوي مكياج
نور باستغراب: ايش تبين بكل هذولاء؟
قمر:سالفه طويله اقولها لك بعدين بس بمرك الحين ابيك تجهزينها لي اوك؟؟
نور:اوك ياقلبي انتظرك
قمر:يسلمو باي
نور:باي

وصلت قمر و وقفت عند الباب وخلت راعي التاكسي ينزل يجيب الاغراض اخذت الاغراض ورجعت البقاله دخلت بسرعه للمخزن وفتحت الكيس ابتسمت وهي تشوف علبه شوكلاته وورده وكرت بس ماكان عندها وقت تقراه لانها تدري انه من نور اخذت الفستان ولبسته كان لونه ليموني ناعم وبسيط ولبست كعب لونه فضي ناظرت شعرها : اف وش اسوي فيه ياليل (ابتسمت وهي تتذكر شعرها لما كان طويل ماكانت تحتار ابدا) ااه لقيتها ..
مسكت الجل وبعثرته ولبست طوق لونه ليموني وعليه ورده بالابيض وحطت مكياج خفيف ناظرت شكلها بالمرايه وابتسمت لبست عبايتها:ههههه من زمان عنها (تنهدت وطلعت ودقت ع فهد) : هلا فهد ايه انا قريبه قل لعمي باي ..

** بـــيـــت ابــوفــهـــد ..

فهد وهو يسكر الجوال:يبه
ابوفهد:هلا
فهد:كلمني فارس ويقول صار عنده شغل مع خاله بينزل اخته ويروح بعدين بيرجع
هز راسه ابوفهد: الله يسهل له بس قوم قل لامك واختك ان البنت على وصول
هز راسه فهد وقام قالهم ورجع وفتح الباب لرامي ودخله ..

وصلت قمر بغت تفتح الباب ضربت راسها وش فيني نسيت؟""دقت الجرس
جت تركض ريماز وفتحت الباب قابلت بوجهها ام فهد ابتسمت لها
ام فهد:حيا الله من جاءنا
قمر:الله يحيك
مها وهي مبسوطه وبهمس لمنى : ياي بشوف اخته ااه ياقلبي
منى وهي تناظر لها بطرف عينها:اقول وشرايك بس تسكتين ؟
ابتسمت مها ولفت وجهها لقمر اللي دخلت
بدا السلام والسؤال
ام فهد:افصخي عبايتك يابنتي
هزت راسها قمر وفصخت عبايتها وزين شكلها وقعدت
الجده بابتسامه: ماشاء الله تبارك الله
ابتسمت قمر بخجل و سكتت
منى بحماس:اعرفك علينا انا اسمي منى وهذي مها وهذي نواره وهذي خوله وهذي امي وهذي مره عمي بس بحسبه عمتي وهذي جدتي
ام فهد وهي تأشر على بنت وبجنبها مره : وهذي اختي ام نجوى وهذي نجوى بنتها
هزت راسها قمر بابتسامه:تشرفت
منى: وانتي ايش اسمك؟
قمر اللي تفشلت انها نست: ههه اسفه اسمي قمر
خوله ببراءه: واو اسمك مرا حلو وغريب
ضحكت قمر:هههه تسلمين ..
وناظرت مها""هذي اللي دايم تناظر لي والله حلوه هههه وشفيني صار تفكيري كاني رجال صدق"")
صار جوالها يدق بعلامه رساله فتحتها وهي تقراها كانت من فهد ""وش رايك تجين برا عشان اشوف شكلك وانتي بنت؟ ""
ابتسمت وهي تدري انه يمزح ردت له ""لا انا اخاف يغمى عليك من الخقه"""
منى: قمور ههه عادي اقولك قمور صح ؟
قمر بسرعه: هههه اكيد عادي
منى:امشي نطلع برا (ولفت لنجوى) تعالي نجوى
وقفت نجوى وطلعت معهم
قعدوا بالحديقه الصغيره البسيطه على فرشه كمان بسيطه وعليها قهوه وشاهي وخرابيط البنات
مها: انتي باي صف قمر؟
خوله: اكيد باول ثانوي
ضحكت قمر(قمر متعوده يقولون لها كذا شكلها ابدا مو على سنها لان ملامحها ناعمه مرا ):هههه الله يجزاك خير
نواره بصدمه:ليش انتي باي صف؟
قمر: امم المفروض ثاني جامعه بس ماصارت لي ظروف اني اكمل دراستي بعد الثانوي
شهقوا كل البنات بصدمه
مها:لالا مو معقوله شكلك مرا صغيرة يعني انتي اكبر مني
خوله:ههه اصلا انتي تشبهين اخوك فارس
قمر بابتسامه: هههه ايه
نجوى بلقفاتها المعتاده:وليش ماكملتي دراستك؟
قمر بارتباك: ااا ااا
بس انقذها صوت تنحنح فهد:احمم مها
ابتسمت قمر على خفيف""دايما" تجي بالوقت المناسب""
مها وهي تقوم:عن اذنكم (وراحت)
منى: ايوه بعد
قمر بابتسامه: وانتوا؟
منى: انا كبرك وخوله بثاني ثانوي ومها باول جامعه ونواره بعد كبر خوله ونجوى (ولفت لنجوى وكانها تسالها)
ناظرتها نجوى باستحقار:بثالث ثانوي
ابتسمت قمر: الله يوفقك يارب
الكل: امين
قعدت مها وهي تبتسم لقمر
خوله بهمس: تراها اخته مو هو
ضحكت مها وبهمس:ادري
قمر وهي تبي تعرف سر نظرات مها الغريبه لها:ايه فارس اخوي دايم يتكلم عنكم ويمدحكم وحمسني اعرفكم
مها بخجل:حتى فهد ومشاري وابوي دايم يمدحونه
قمر باستغراب وهي حاسه بصوت الخجل بكلامها:ايه
منى وهي تمد فنجان لقمر: تفضلي
قمر بابتسامه: يزيد فضلك (شربت شوي و وقفت ومشت) بروح للحمام
صاروا يناظرون لها بصدمه بمعنى كيف تعرفين مكان الحمام ...

وقفت وهي تعض على شفتها السفليه لفت لهم وهي تبتسم:وين الحمام؟
منى وهي تأشر بيدها: اول باب على يمينك جنب المطبخ
هزت راسها قمر ومشت دخلت الحمام وطلعت وقفت قدام المرايه وهي تزين شكلها وقفت يدينها وصارت تناظر نفسها ""من زمان ماشفت نفسي كذا (ضحكت باستهزاء) مو لايق علي ااه ياربي مافيني صفه مميزه مااني جميله ولا جسمي حلو ولا اسلوبي غريب ويجذب وماني كشخه ولا حتى وصلت لمستوى تعليمي عالي ااه الشي الوحيد فيني هو حزني ااه"" لفت بسرعه حست انها صدمت شي وطاحت على الارض:ااي
ع دخلت البنات وهم يسولفون وقفوا وهم يناظرون بصدمه
نزل فهد بسرعه لمستواها ومسك يدها وهو يناظر لها: انتي بخير؟
كانت منزله راسها وحاطه يدها على راسها رفعت راسها وناظرته: ايه
بلم فهد وهو ينتقل بين ملامحها الناعمه رفع عيونه لشعرها اللي مزينه الطوق الاصفر الناعم وناظر يدها اللي بيده اول مره ينتبه لها انها طويله وناعمه وبيضاء استوعب ان البنات يناظرون نزل راسه وبهمس: اسف (وطلع)
جت مها تركض ومسكت قمر:فيك شي؟
قمر بهمس: لا
مها وهي تمد يدها لها:قومي (وبخجل) ههه هذا طبع فهد اذا كان مستعجل مايشوف اعذريه
هزت قمر راسها:لا عادي ..

مــجــلــس الــرجــال ..

دخل فهد وقعد وهو مفهي ""معقوله اللي قبل شوي قمر (ابتسم ) ياحليلها"" صحى ع اصوات الضحك العاليه
رامي:اللي ماخذ عقلك يتهنى به
ابتسم فهد وسكت
ابوفهد: وش تبتسم له اقول الله يخلف ع ولد جبته وين القهوه مو كنت قايم تجيبها؟
فهد وهو يضرب راسه:اوه ايه صح هههه اسف (وقام يجيبها) ..

مــجــلــس الــحــريــم ..

كانوا يسالفون ويضحكون ماعدا هي اللي لامه يدينها لبعض ""ليش فهد بلم فيني معقوله اعجبته اف وش هذا التفكير اصلا من بيعجب فيني صدق غبيه"""
مها ببتسامه:قمور انتي كثير تسرحين
ابتسمت قمر بخجل: ايه
مها وهي تدور موضوع تفتحه عشان تتكلم عن فارس بس مالقت وصاروا يسولفون سوالف عاديه ..

بــــيــــت ابــونـاصــر..

نزلت اميره وانصدمت وهي تشوف ابوها اللي ماتشوفه الا بالسنه مرتين ابتسمت: اوه وش صاير بالدنيا خالد الراسي بعظمته هنا؟
ابتسم بقوه ومد يده لبنته تجي بحضنه
ماعارضت ابدا اميره وصار راسها ع كتفه وهو لاف يدينه ع كتوفها
ابوناصر: وشلون بنتي الوحيده؟
اميره بدلع:مو زينه
ابوناصر:افا ليش؟
اميره: لاتقول لي وحيده مااحب
ابوناصر:ههههه
ابتسمت اميره بقوه وهي مبسوطه صح انها ماتشوف ابوها الا قليل بس تحبه بشكل مو طبيعي
دخلت ام ناصر وهي تبتسم:الله يخليكم لبعض
اميره:ويخليك لنا يمه
اكتفى ابوناصر بابتسامه
دخل ناصر: اوه لا لا الشمس من وين طالعه اليوم العيله متجمعه
دخل نادر وراءه ويناظر اهله:ايه والله صادق
ابوناصر: تعالوا تعالوا بس اقعدوا
قعدوا وصاروا يسولفون ويضحكون والخدم يصبون لهم القهوه والعصيرات والشاهي والحلويات والفطاير

بــيـــت ابــوفــهــد ..

كان جوهم مايختلف عن جو بيت ابوناصر بس ع بساطه
ناظرتهم قمر بتامل وتذكرت كلام فهد ان ابوها غني وسياره عبدالعزيز""يمكن يكون عبدالعزيز عرف ابوي؟ (جئت فكره ببالها) ""ناظرت ساعتها شافتها 10 وقفت : يلا عن اذنكم انا مضطره اروح
ام فهد بابتسامه: اقعدي ماشبعنا منك
قمر بابتسامه: ولا انا والله بس مره ثانيه
ام فهد وهي تاقف معها و وقفوا البنات
منى:عطيني رقمك
هزت راسها قمر:طيب خوذيه 050
دقت منى وفصلت وهي مبتسمه:يلا عاد لازم نشوفك ثاني مره
قمر بابتسامه:اكيد
طلعت قمر وصارت تمشي بالحاره بااتجاه البقاله دخلت وغيرت ملابسها قعدت ع الفراش وهي متربعه تذكرت كرت نور فتحته وهي تبتسم نزلت الكرت وطلعت شدت الجكيت عليها كان الجو بارد بس مع كذا حلو صارت تمشي بين الحارات دون هدف او مكان معين بس كان ودها تمشي وتمشي تبي ترتاح تبي القهر اللي بقلبها يطلع مهما سوت او ضحكت مستحيل تنسى لازم تسوي لابوها وعبدالعزيز شي يمكن ترتاح او اقل شي تشوفهم وتفهم ليش يصير لها بحياتها كذا وقفت وانصدمت وهي تشوف البحر ""انا وشلون وصلت هنا؟"" حست بالالم برجولها قعدت ع كرسي وهي تتنهد ناظرت ساعتها شافتها 2:50""افف طيب ياقمر لو شفتي ابوك وش راح تسوين ايه اول شي بقوله ليش تخلى عني؟ ابي افهم ليش امي لما تتكلم عنه تبتسم مع انها تركها مجروحه ابي اعرف ليش ماسال عنا طول السنين ااه بس اكيد ماراح يصدق اني بنته وشلون اخليه يصدق مالي الا اسوي الفكره اللي ببالي"" وقفت وهي تبتسم وراحت تركض اشرت لتاكسي وركبت وصارت تاصف له وصلت لحارتها صارت تناظر بيت نور ومنيره نزلت ولفت وجهها وناظرت البيت اللي عاشت فيه طفولتها ومراهقتها ابتسمت بالالم دخلت يدها بجيبوها وهي تناظر له"""وشلون ادخل الحين اف"" صارت تتلفت ابتسمت وهي تشوف الشجره الضخمه ضحكت ع خفيف وهي تتذكر لما كانوا اطفال
....

كان دايم عبدالعزيز وفواز يصعدون عليها وهن يقعدن يصارخن بخوف عليهم صارت تصعد الشجره وقفت فوق السور بلعت ريقها وهي تناظر المسافه بس لما فكرت باللي راح تسويه طبت بقوه ع الارض : ااه رجولي (وقفت ع خفيف وهي تعرج) صارت تناظر الحوش وكيف الغبار غطاءه نزلت دموعها ع كل لحظه مرت هنا صارت تدور بنفس مكانها هنا العبت وهنا فرشوا فرشتهم وهم يشوون ويضحكون وهنا طاحت وهنا ماقدرت تكمل أي ذكرى ثانيه شهقت بقوه ومسحت دموعها"" خلاص ياقمر لين متى بتظلين كذا عشان ابوي وعبدالعزيز اللي كملوا حياتهم دونك ليش انتي مو قادره تكملينها ليش؟ تنهدت بقوه""الحين وشلون افتح هذا الباب"" صارت تحاول تفتحه بس ماقدرت وكانها تذكرت شي""صح""راحت تركض لوراء البيت شافت الباب اللي يطلع ع المخزن اللي موجود بالمطبخ ابتسمت ع الذكرى مره كانوا هي وعبدالعزيز يلعبون عند هذا الباب وكان القفل من مزلاج ومصدي وبدون مايقصد عبدالعزيز كسره لانه اصلا كان ع وشك الكسر وخافوا من امهم وعدلوه أي كلام ومشوا""يلا ياعبدالعزيز طلعت لي بفايده"
فتحته ودخلت حطت يدها على فمها تكتم شهقاتها اللي ماقدرت تمسكها بهذا المكان بذات تكمن روح امها اللي دايم تكون هنا تتطبخ وتنتبه لاكلهم صارت تمسح دموعها وكملت طريقها وقفت وهي تناظر الصاله تنهدت بصوت مسموع ودخلت غرفه امها اتجهت لدرج تعرف ان امها دايم تحط الاشياء المهمه فيه فتحته ورمت كل شي ع الارض وقعدت وصارت تتصفح الارواق والصور مسكت شهاده ميلادها وشهاده ميلاد عبدالعزيز وصوره لامها وابوها مسكت الصوره بقوه ""اكرهك ليش تخليت عني ااه""
اخذت الاوراق اللي تحتاجها وطلعت بعد ماسكرت الباب زين وصارت تتامل البيت ""برجع لك احلف لك اني برجع لك بس لما انهي كل الاشياء اللي كانت مفروض تنتهي من زمان"" لفت وجهها وطلعت وصارت تمشي عشان تتطلع من الحاره لشارع العام وتلقى تاكسي
ركبت التاكسي وهي مركيه راسها ع الشباك:روح للبحر

** يــوم جــديـــد ..

الـــســ6:30 ص ـــاعــــه
بــيــت ابــوفــهــد
صحى فهد ونزل تحت وهو لابس ثوب ابيض وشماغ ومتكشخ اخر حد طلع وركب سيارته ""امر قمر ايه خليني اروح لها""
وقف عند باب البقاله ونزل فتح الباب بالمفتاح اللي معه ودخل بصوت عالي:قـمر قمر""شكلها نايمه؟""
صار يطق الباب بس مافيه رد باستغراب""هذي ليش ماترد لايكون صار لها شي"" فتح الباب ووقف بصدمه وهو يشوف الغرفه فاضيه اتجه للحمام وكان فاضي""هذي وينها ""جذب انتباهه علبه الشوكلاته والورد والكرت سحبها وهو يقرا:الى من ملكت روحي(قمر)اعلم ان الورد لن يكفي لايعلمك مقدار حبي لك ولكن هو بعض من التقدير
احبك (وقف بعصبيه ورمى الكرت ""من اللي مرسل لها وهي وينها""
لف يبي يطلع بس شافها وهي توها داخله)
قمر وهي تتنهد براحه:ااه خفت لما شفت باب البقاله مفتوح (سكتت باستغراب وهي تشوف ملامح وجه فهد اللي تدل ع العصبيه) وشفيك؟
تقدم لها ومسكها بقوه من ذراعها
قمر بالالم: اه فهد وشفيك تراك تعورني
فهد وهو مقهور:وينك لين الحين ومن اللي مرسل لك وورد وشوكلاته ومسوي نفسه (صرخ بصوت عالي) تكلمي
غمضت قمر عيونها من قوه صرختها وبهمس:فهد والله تعورني
بلع ريقه وهو يشوفها مغمضه عيونها وتهمس ترك ذراعها بقوه:تكلمي
قمر وهي تناظر له بضيق:نور هي اللي مرسلتها لي وبعدين انا رحت لبيتي اجيب اوراق منه بس (طلعتهم) شوفهم اذا مو مصدقني
بلع ريقه وهو يشوف الاوراق حس انه تسرع وجرحها ماقدر يقول أي شي
ناظرته قمر بهدوء ودخلت الاوراق بجيبها ومشت لغرفتها بس يد فهد اللي مسكت معصمها وقفتها
فهد:اا اا احمم اه
قمر وهي تاخذ نفس عميق لفت له وسحبت يدها وابتسمت بالقوه وهي تحاول ماتظهر اللي داخلها: ولايهمك عاادي مافيها شي
ناظرها فهد بتامل""ادري انك زعلتي"":امم امشي معي
قمر باستغراب:وين؟
فهد:امشي وتشوفين
قمر بتعب:لا فهد والله تعبانه مواصله من امس ابي انام لي ساعه عشان اقوم وافتح البقاله
سكت فهد شوي بعدين قال:طيب
قمر وهي تناظر له ""اليوم شكله يجنن""
فهد وهو يبتسم وبانت غمازاته وحرك شماغه:ادري اني حلو
ضحكت قمر:هههه واثق بقوه
فهد:ههههه طبعا
قمر بابتسامه باهته: وش عندك؟
فهد:ابد والله بس اجتماع عندنا
قمر:اها الله يوفقك
فهد:امين (نزل راسه باارتباك بعدين رجع رفعه وناظرها) تبين شي؟؟
قمر:سلامتك
فهد وهو يناظرها حسها تعبانه بس ماحب يضغط عليها:الله يسلمك مع السلامه
قمر:مع السلامه

#يـــتـــــبـــع...