رواية أكابر و اقول فراقه عادي و انا في داخلي اصرخ تكفون جيبوه الفصل الخامس عشر 15 - بقلم HaboOoshy

بــــيـــت خـــالـد الــراســي
دخل خالد وهو شايل قمر المغمى عليها وهو يصارخ:ميري ميري
جاءت الشغاله ميري تركض:يس؟
خالد:افتحي غرفه الضيوف بسرعه
هزت راسها وراحت تركض وجابت المفتاح وفتحت الغرفه ودخل خالد وحط قمر ع السرير وهو يقعد جنبها وبهدوء:كلمي الدكتور خليه يجي
هزت راسها ميري وراحت تركض بسرعه
بس قال وكانه تذكر شي:ميري ميري
ارجعت ميري:يس؟
خالد:جيبي بجامه بنت من عند اميره ولبسيها
انصدمت الشغاله ولا استوعبت من يقصد:وات؟
خالد وهو يناظرلها وبعصبيه:هذي بنت بسرعه بعدين كلمي الدكتور
هزت راسها الشغاله وراحت تركض اول مره تشوف خالد معصب كذا
تنهد ومسح وجهه بقهر ""وشفيني ليتني مسكت اعصابي بس (عصب لما تذكر شكلها وهي جالسه بينهم ولا كيف متمسكه بفهد) وشي اللي صار وشلون تعرفت عليه وليش مسويه بنفسها كذا؟(اسئله كثيره دارت براسه بس مالها جواب الا عند قمر)
تنهد وهو يمسح ع وجهها دق جواله:الو
ناصر باستغراب:يبه وينك؟
سكت خالد وكانه توه يستوعب شي ""ايش راح يقول لمراته وعياله عن قمر ""
ناصر:الو يبه ..
خالد:هاه هلا
ناصر بخوف:يبه وشفيك؟
تنهد خالد:ولا شي بس اسمع بالليل تعالوا لاتنامون بالشاليه
ناصر باستغراب:ليش يبه قولي صاير شي؟
سكت خالد شوي وناظر قمر ""مدري ياناصر"" : اه لا بس زي ماقلت لكم واستسمح لي من ابومعاذ مع السلامه
ناصر بهمس وهو مستغرب:مع السلامه

الـــمــســتــشــفـــى
كل شي حوله هدوء ماغير صوت تنفسه الظاهر ياترى الناس رحلوا ولا هو رحل معقولة رحل بدون رجعه وشلون وقمر؟
كانت هذي تسالات فهد لحظه بدى يتذكر كل شي اصوات وصراخ كثير بس صوت مميز كان يناديه هذي قمر ايه قمر صار يتذكر شكلها وهي تبكي وابوها يسحبها وهي تستنجد فيه اخر شي شافته عيونه هي هي يحس بخدر بكل جسمه يحس بالالم بدا يفتح عيونه وهو يرمش بس سكرها ونزلت دمعه ايه دمعه بكى قهر بكى شوق بكى دمعه رجل مقهور بكى لانه ماقدر ينقذ قمر وهو اللي واعدها انه مايتخلى عنها بكى ضعفه بكى حبه اللي مايدري وش راح يكون مصيره حس بشخص يدخل الغرفه مسح دموعه بكفه بسرعه وفتح عيونه
دخل الغرفه مشاري وصار يناظر فهد وهو يمسح دموعه ""تتدرون متى اخر مره شفت دموع فهد يوم كان عمره 11 سنه بس تتدرون ليش بعد بكى لاني انضربت وماقدر يدافع عني ايه هذا هو اخوي وصديقي مايبكي الا من القهر"" تنهد وحط يده فوق يد فهد:فهد
كان شايح بنظره بعيد عن مشاري مايبي الدموع اللي بعيونه يشوفها ومانطق ولا بكلمه
مشاري وهو يقعد ع الكرسي ولسى ماسك يد فهد:بنت اه فارس طلع بنت صح؟
نزل عيونه بعدين رفعها وناظر مشاري وهو معقد حواجبه ويتامله وكانه يقوله الجواب
تنهد مشاري وترك يد فهد:اه وشلون اقصد ليش ومن متى تتدري وليش ماقلت لي؟
سكت فهد وناظر يده الملفوفه:انكسرت؟
ناظر مشاري يد فهد وتنهد:ايه (وقف بعصبيه) كنت بتروح من بين يدينا يا فهد كنت بتموت لولا الله كتب لك عمر جديد عشان ايش عشان من
فهد بقهر وعصبيه:مستعد اموت الف مره عشانها يا مشاري مستعد ارمي نفسي بالنار اذا هذا بيساعدها
دخل بعصبيه وبصراخ:كل تبن فاهم؟
لفوا كلهم مشاري وهو يمسك عمه:عمي هدا قلت لك لاتتدخل
ناظره فهد بصمت وهدوء
ابوفهد بعصبيه:اتركني اتركني اربيه تحبها تحبها؟
فهد بهدوء ينرفز:ايه يبه احبها
ابوفهد بصراخ:اتركني مشاري اتركني خلني اربيه اتركني
فهد بصدمه: يبه ليش تقول كذا هذا فارس اللي عديته ولدك
ابوفهد:بس انطم انت قلتها ولدي مو بنت شوارع
عصب من كلمه بنت الشوارع: يبه لاتقول بنت شوارع هي اشرف من مليون بنت
مشاري وهو يلف لفهد وبعصبيه:بس خلاص اسكت انت (لف لعمه) عمي امسحها بوجهي عشاني فهد تعبان امش معي امش
هز راسه ابوفهد وعيونه لسى ع ولده لف وجهه وطلع مع مشاري
مسك وجهه بيده:اااه وش معنى انا ااه ياقمر وينك وش اللي قاعد يصير لك الحين سامحيني سامحيني ماقدرت احميك منه ااه ..

بـــيـــت خــالــد الــراســـي
طلع الدكتور من الغرفه ووقف خالد بسرعه واتجهه له:بشرني؟
الدكتور:هي الحين بخير بس تعرضت لصدمه وبتتعدها ان شاء الله
خالد:مشكور دكتور تعبناك معنا
الدكتور بابتسامه:لاتعب ولا شي عن اذنك
خالد وهو يتنهد وياشر للخدامه توصل الدكتور للباب بعد ماعطاه للفلوس:تفضل اذنك معك

الــشــالــيــهــات
الــمــطــعــم
كانوا البنات جالسات ع الطاوله المكشوفه ع البحر ويسالفون ويضحكن
قرب نادر وبهدوء:اميره ناصر يقول تجهزوا بنرجع للبيت
اميره باستغراب:ليش مو ع اساس ننام اليوم هنا؟
البنات بنبره رافضه:لا..ليش بالهسرعه..
نادر وهو يتنقل عيونه بينهن بعدين رجع لاميره:مدري بس يقول ابوي اللي قاله يعني بسرعه تجهزوا
ساره:وحنا بعد؟
نادر:مدري ماقال لي ناصر شي (لف وجهه ومشى راجع للشاليه)
اميره:غريبه وشفيه خلوني ادق ع ناصر
البنات:ايه ايه دقي
طلعت جوالها ودقت:الو هلا ناصر
ناصر:اهلين
اميره:ناصر ليش بنروح؟
ناصر:والله اني ماادري يااميره كلمني ابوي وقالي تعالوا مدري بس حاس فيه شي
خافت اميره:مثل ايش؟؟
ناصر:الله اعلم المهم تجهزوا كذا ساعه بالكثير وبنمشي
اميره وهي تشوف ساره تاشرها بمعنى اسأليه:ايه صح وعمي بعد يروحون؟
ناصر:لا عمي يقول حنا بنقعد
اميره:اها يلا مع السلامه
ناصر:مع السلامه

ريناد:بنروح معكم؟
اميره:لا
رجعوا البنات يسالفون ويضحكون ماعدا اميره اللي تفكر ""وشفيه ابوي معقوله صاير شي بس مثل ايش اف""
وقفت يارا:ريوف بروح اجيب ايس كريم تجين معي؟
ريوف وهي تاقف:طيب
سما:جيبوا لنا معكم
يارا:اوك ايش تبون؟
كل وحده صارت تقول ايش تبي ومشوا يارا وريوف وهم يسالفون ويضحكون

بـــيـــت نــــور
نور وهي تجلس ع الكرسي:ااف منور خلاص حاولي تنسينه وربي انه هو الخسران
هزت راسها منيره وهي تناظر الحاره من الشباك وبهمس:عارفه
نور وهي تقوم وتضمها من وراء وببتسامه:دامك عارفه اجل ليش مضايقه نفسك؟
تنهدت منيره:نور انتي ماتعرفين انا ايش احس فيه تعرفين لما تبنين شي من الطفوله تبنين احلامك وطموحك وسعادتك كلها فوقه وفجأة كل اللي بنتيه ينهار بثواني شعور صعب وربي صعب يانور(شهقت من البكي)حاسه اني بموت
لفتها نور بسرعه وبخوف:لاتقولين كذا مره ثانيه فاهمة ..

بــــيـــت خــالــد الـراســي
بدت تفتح عيونها بتعب وارهاق وبهمس:فهد فهد ااه(تعدلت بجلستها بس صارت ترمش بصدمه من المكان اللي هي فيه انقزت بسرعه من السرير ونزلت عيونها للبسها كانت لابسه بجامه بناتيه بلعت ريقها وبدأت تستوعب كل شي قعدت ع السرير بصدمة ""يعني كل اللي صار حقيقه يعني اللي صار مو حلم يعني خلاص ماعاد بتشوف فهد ولا ابوفهد ولا مشاري ولا ام فهد شهقت شهقة حبيب شهقة اب شهقة عزوه شهقة اهل شهقة سعاده ذوبتها لمدة شهور تمنت انها ماتت ولا شافت هذا اليوم ايه ماتت وقفت بسرعه وهي تبي تهرب ركضت للباب بس كانه كان قاري افكارها وكان مقفل صارت تسحبه بقوه بقوه وكانه اذا شدته اكثر بينفتح تركته بعد ماضربته برجلها ركضت للشباك الوسيع الضخم اللي مالي نص الجدار ماكان فيه حدايد من برا بس كان مسكر من برا بطبقه بيضاء انقهرت وطاحت ع ركبها وغطت وجهها بيدينها وبكت صارت تشاهق وتبكي  بس لو البكي بيفيد كان فاد مع قمر!!

| من يعوضني بغيابك
لاخذاك البعد عني
أمة آدم في بعادك
صعب فيك تعوضني |

الـــمــســتــشــفـــى
مشاري بعصبيه: فهد وين بتروح انت انجنيت؟
فهد وهو يغمض عيونه  مارد ع مشاري
مشاري وهو يمسكه من ذراعه:فهد كلمني انت لحد الحين تعبان
ناظره فهد وبهدوء:لاتخاف مو برايح لها (تنهد ومشى تارك مشاري وراءه)
مشاري اللي بسرعه اللحقه:طيب خلني اوصلك للمكان اللي تبي
تنهد فهد:مشاري اتركني ترا اللي فيني مكفيني
مشاري:طيب طيب خوذ مفتاح سيارتي
فهد:ماابيها (ومشى طلع من المستشفى وركب سياره تاكسي وهو يقول رح للبحر)

انــدونــيــســيــا
دخلوا السويت اللي حاجزينه وقال سلمان بهدوء:هذي غرفتك وهذي غرفتي
ناظرته حلا بطرف عينها وراحت لغرفتها ورمت نفسها ع السرير بتعب وغمضت عيونها ""يعني وشلون بعيش كذا طول عمري بهذا البرود  ياربي ساعدني يارب انت الاعلم بحالي"" طلعت جوالها اللي جابه لها ابوها مع رقم جديد ودقت ع شهد وصارت تسولف لها او تشكي

الـــــبــــحــــر
وقف بنفس المكان اللي دايم يرحون له غمض عيونه ""تركتيني خلاص يعني وشلون كل شي انتهى لالا ياقمر انتي لي لو طال الزمن والا قصر وربي اللي خالقني انت لي لي لحالي"" ابتسم وهو يتذكر كل لحظه عاشوها هنا ضحك و بعدين صار يبكي

تذكرِينْ !!

البَرد ، وَ المِطر ..
وَ رِيحْ العِطر ..
الليْ بِ كفُوفك .. سجِينّ !

تَذكرِينْ .. الوصَايآ
........ وَ الوعُود ..
............. وَ حلفْ اليَمينْ !
........... « مآ نتفآرقْ ! »
وانْ تَفآرقنَآ :
إمآ أجِي , والآ تجِينْ !

تذكرِينْ !!

تذكِرينْ هَذاك .. الليّ يَنومِك ..
وتُوعدِينَه .. فِيه بِ تَحلمِينْ !!

يَ عزّتيْ لَه !
هَذا هُو بِ كلّ حَيله
يَصرخّ ) وآنتِي , ولآ تَسمعِينْ !‏

كنتْ آسولِف لِك ..
وكنتِي تَخجلِينْ ..‘

يَوم اشّر لكْ علىَ صدرٍيْ ...
وآقُول :
........ منْ هُو هِنآ !!
..................... مَن هُو هِنآ !!

كنتْ انآظِر فِيْ عُيونك ...
ومنْ خَجلك ... تَغمضِينْ !

وَ هذِيْ اللّيلهَ آسولِف لِ الغيآبّ
كآنتْ هِنآ ..

وللأسفْ ...
مآت كآنتْ هِنآ ..
كآنتْ هِنآ .. ذكرين ... !!

بــــيـــت ابــوســــن
جــنـــاح ووســن والــجـوري
قامت من النوم مفزوعه ع فتحت الباب وهي تتعدل بجلستها فوق السرير
دخل ابوها وهو يمد اصبعه قدام وجهها بتهديد: بعد 3 ايام زواجك فااهمه؟
ناظرت ابوها بصدمه وذهول:ايش؟
ابووسن بعصبيه:سمعتيني وربي ياوسن لو تحاولين بس مجرد محاوله تهربين وربي لاكون ذابحك فاهمه؟
بلعت غصتها ودموعها اخذت مسارها ع خدودها وبهمس: ليش تسوي فيني كذا انا بنتك
بلع ريقه ورد :بس وطيتي راسي للارض خلتيني امشي بين الناس وراسي للارض
شهقت بالالم:بس انا مالي ذنب مالي ذنب هو السبب
قرب لها ومسك خدودها بيدينه وبحسره:هذي هي عاداتنا وتقاليدنا يابنتي سواء كان برضاك ولا مو برضاك انتي السبب حنا كذا مااقدر اغير فكري ولا فكر الناس الولد عيبه بجيبه (وبغصه) بس البنت لا لا ياوسن
شهقت بقوة وبغصه:يعني الغلط ع البنت ليش عشانها بنت؟
هز راسه بحسره وقهر:لاتحسبيني مااحبك لا وربي اني اموت فيك تكفين لاتهربين وتزوجيه وروحي معه روحي خلاص يكفي فضايح روحي واستري ع نفسك
ناظرته بصدمه ياترى هو بس ابوها كذا ولا كل الرجال كذا ياترى جد مجتمعنا حكم حكمه وقال الغلط دوم ع البنت والولد عيبه بجيبه باي حكم واي دليل باي حديث انقال هذا الكلام والا صدق هذا عادات وتقاليد ؟
ضمها ابوها بقوه وباس راسها وطلع بعد ماقفل الباب

الــشــالــيــهـــات
صاروا ريناد وساره وريوف ورغد وسما ويارا يمشون ع اطراف البحر اما اميره راحوا للبيت وسديم راحت تسوي شغلها مع حمد
قرب لهم معاذ:السلام عليكم
ردوا بهمس بعكس سما ويارا:وعليكم السلام
معاذ:وين رايحين؟
يارا:فيه كافي قدام بنروح نشتري منه
معاذ:اها (وبتتطنز وهو يبتسم) يارا شخبار اخر كتاب قريتيه هههه هاه قدرتي تحلين اللغز اللي فيه
يارا اللي متعوده عليه:ههههه لا لسى ماخلصتها
ناظرته ريوف باستحقار بجد استحقرته
لفت انتباه ناظراتها المستحقره لف لها وناظرها باستغراب
لفت ريوف وجهها بسرعه خجل وليس خوف وبهمس لساره:امشوا من زين شكلنا كذا رازين اعمارنا
ساره بصوت ينسمع:تكلمت المثقفه
ضربتها ريوف بكوعها وبهمس:قصري صوتك امشوا (واشرت لريناد ورغد ومشوا)
كان يراقب كل حركاتها حركه حركه مايدري ليش حس انه تضايق او مايدري بس جاه شعور غريب
سما:اقول بعد البنات استحوا وراحوا تبي شي؟؟
معاذ بهدوء وهو يناظر البنات او ريوف:لا
لفوا يارا وسما واللحقوا البنات

الــمــطــعـــم
ع طاوله بااخر المطعم جالسين سديم وحمد ومهند
سديم وهي تفتح صفحه جديده بالملف:اها بس ماتشوف ان التكاليف غاليه؟؟
حمد وعيونه ع الملف:امم لا زين السعر
سديم قبل ماتتكلم لفت وجهها وابتسم لشكل مهند اللي يلاحق الخيار بالصحن بالشوكه ابتسمت وحطت وركت يدها ع الطاوله وحطت وجهها فوقها:حبيبي؟؟

رفع راسه حمد بصدمه بس استوعب انها تكلم مهند مسك ضحكته ع نفسه وناظر مهند
مهند وهو يرمي الشوكه بضجر وبعصبيه مضحكه:ااااف خلاااث طفشت
سديم:هههههه (باست خده واخذت الخياره بيدها) افتح فمك
فتح فمه مهند واكل الخياره وابتسم
ضحكت سديم:هههه خلك بسيط عادي ههه (وجرت خده ولفت لحمد) ايوه
ابتسم حمد وهو يناظرها بتامل
استحت من نظراته ونزلت راسها وبصوت قصير:وشفيك؟
حمد وعيونه لسى عليها:ولاشي
مهند بطفوله:بابا
حمد وهو يلف لولده:هلا
مهند:مايصير نااخذ سديم معنا للبيت؟
ماقدر اوصف لكم كيف صار وجهه سديم كل الوان انصبغت فيه وحمدت ربها بداخلها انها لابسه نقاب والا كان صارت بلاوي
حمد بابتسامه ع جنب وهو يناظر سديم بطرف عينه:والله مدري ياحبيبي قلها يمكن توافق
مهند وهو ينقز بفرحه:هيه سديم سديم (ولف يدينه حول رقبتها) قولي موافقه قولي موافقه
رفعت راسها بصدمه لما قال قولها بس صحت من الصدمه ع تعلق مهند برقبتها حست بخجل مو طبيعي: مهند
مهند: وافقي وافقي عندي اللعاب كتيره باالبيت نلعب انا وانتي وبابا
حمد وهو يبتسم بخبث : ايه صادق عندنا العاب كثيره
ناظرته سديم بنظره حاده وهي مستحيه وبعدت يدين مهند وحطتها بحضنها وصارت تلعب باصابعه:شوف حبيبي مايصير انا اجي معكم
قاطعها مهند بطفوله:ليش عادي
ابتسمت سديم وناظرت حمد بطرف عيونها:اخاف ابوك يهاوشني؟
ضحك حمد بخفه وسحب كوب العصير وشرب منه وعيونه عليهم
مهند بحركه طفوليه حط اصعبه عند فمه:وعد وعد ماخليه يهاوشك
سديم اللي ماتت ضحك ع حركته:هههههه يالبيه ياانت ههه
ابتسم مهند:يعني بتروحين معنا؟
سكتت سديم بخجل وتورطت مع مهند
حمد اللي حب يرفع ضغط سديم شوي ويتكلم بطريقه كانه طفل: ايه سديم يلا روحي معنا (وغمز بطريقه تتدوخ) عندنا العاب كثيره
ناظرته سديم بقهر وبنفس الوقت خجل ممزوج بمتعه وقفت ومسكت يد مهند:يلا نرجع للبيت
مهند:يعني بتروحين معنا؟
سكتت سديم وناظرت حمد:يلا
ابتسم حمد ووقف وشال الملفات ودفع الحساب وطلعوا وصاروا يمشون ومهند بينهم ع اطراف البحر باتجأة الشاليه وهدوء ماغير مهند اللي يناقز
مهند وهو يركض للبحر وبحركه سريعه صار يكب ماء ع ابوه
حمد وهو يشهق بس ع طول ضحك وركض لولده ورفعه بيد واليد الثانيه صار يكب ع وجهه ماء
اما سديم كانت تضحك ع اشكالهم بس مامدها تكمل الا رشوا عليها ماء شهقت:ااه يعني تتعاونون علي؟
ضحكوا وقال حمد:عندك رد؟
سديم بحركه سريعه وهي ترش عليه ماء:طبعا
حمد وهو يضحك:يعني كذا (لف لمهند) هجوم
صرخت سديم وهي تركض وهم يركضون وراءها ويكبون عليها ماء وشوي تلف وتكب هي عليهم

تصورّ !
. . لآ بغيت إنيّ ـآشوف |[ الكونّ ]|
. . . . . بّ ـآحلى شيء ,

. . . . . . . . . . . . . . * تخيلتك

بـــيـــت خـالــد الــراســي
دخلوا وهم يتكلمون عن الشي اللي يبيهم فيه خالد اللي خلاه يترك الناس الكل يتكلم ماعدا نادر
اميره:يمه معقوله ابوي ماقالك شي؟
ام ناصر:لا امشوا اكيد انه بمكتبه
ناصر:غريبه صوت ابوي ماكان طبيعي
ام ناصر بخوف:الله يستر
دخلوا مكتبه وهم يسلمون:السلام عليكم
خالد بهدوء:وعليكم السلام اقعدوا
توزعوا ع الكنب وا
جلسوا وهم يناظرون بعض باستغراب
صار ينتقل بعيونه بينهم ""وشلون بقول باي طريقه ""
ام ناصر:خالد تكلم قول وشفيه؟
تنهد شوي:قمر
كلهم ناظروا له باستغراب وذهول ايش جاب طاريها ليش جت بباله وليش بهذا الوقت وليش جابنا كذا>>كانت هذي اسئله ام ناصر واميره وناصر اما نادر مافكر بالموضوع ابدا
خالد سكت شوي وهو يناظرهم بعدين قال:بنتي قمر
تناقلوا نظرهم بين بعضهم والمره هذي نادر لفت نظره الموضوع وصار يناظر ابوه بترقب
ام ناصر بهمس:وشفيها؟
خالد وهو ياخذ نفس:موجوده هنا انا جبتها وهي بتعيش معنا
عم الهدوء ثواني لان صرخه نادر وهو ياقف بحماس:جد يبه وينها؟
ناظروا له بصدمه وهم مستغربين فرحه نادر فيها وشلون يعرفها عشان يفرح كذا؟
ناظره خالد باستغراب:بغرفه الضيوف
راح يركض وكانه يسابق احد
وقفت ام ناصر وهي طالعه من المكتب
خالد:ام ناصر
وقفت ثواني بعدين لفت له وناظرته بهدوء
تنهد خالد وهو يتامل مراته: اذا ماتبينها هنا ادبر لها مكان ثاني
هزت راسها بلا:لا هذا حقها وهذا بيت ابوها حياها الله تصبحون ع خير (لفت وجهها ومشت)
وقف ناصر بعصبيه وطلع برا المكتب وبرا البيت كله
مابقى الا اميره جالسه بذهول اخر شي توقعته هذا وقفت وطلعت واتجهت لغرفتها

غـــرفــــة الـــضــيـــوف
جاء يركض ومسك مقبض الباب بس انصدم لما لقاه مقفل رجع بسرعه لابوه:يبه ليش مقفله الغرفه؟
سكت خالد شوي ومد المفتاح له
اخذه نادر وهو مصدوم يعني ابوه مقفل الباب ليش؟
رجع للغرفه وفتح الباب وقف بصدمه من
شكل قمر وهي جالسه بالارض ولامه رجولها لصدرها وتبكي: قمر؟

وقفت بسرعه بخوف بس اول ماشافته ركضت له وكانه الامان وهي تضمه بقوة وتبكي
انصدم ولف يدينه حول راسها:قمر؟
شهقت وهي تبعد عنه وجلست ع السرير وعيونها بالارض
ركض لها نادر:قمر وشفيك؟
ناظرته وهي تبكي: نادر مابي اقعد هنا مابي ابي اروح لفهد
سكت نادر بصدمه:يعني  انتي ماجيتي هنا براضك ابوي غصبك؟
شهقت وهي تمسح دموعها بكفوفها وهزت راسها بايجاب
دخل خالد وهو يناظرهم:نادر من متى تعرف قمر؟
سكت نادر ورفع عيونه لابوه بقهر وبنظره صدمت خالد ومارد
انصدم خالد من نظره نادر كانت غريبه عليه غريبه: وشفيك؟
سكت نادر شوي بعدين قال بحده وبلهجه كبيره حيل ع سنه:هي ماتبي تجلس هنا ليش تغصبها؟
عصب خالد:اقول انطم يلا لاوالله اعرف اتصرف معك فاهم؟
قمر بسرعه وهي تلف لنادر وبصوت مبحوح من البكي:خلاص حبيبي ولا يهمك انا بخير
صار يتامل قمر بالنسبه له قمر مو مجرد اخت لا قمر حسسته من جديد بمعنى الاسره بمعنى الشخصيه قمر عرفته ع العالم ورته كيف هو كبير لمسه من قمر والا همسه تفرق عنده هي ماتعرف ايش هي بالنسبه له:اكيد؟
هزت راسها وهي تتجنب تناظر خالد
سكت خالد شوي وهو مذهول من اهتمام نادر اللي ماعمره اهتم لاحد:نادر قوم خل الطباخات يسوون العشاء
ناظره نادر بحده يعرف انه ابوه يصرفه لانه لو يبي جد يقول للطباخات كان كلم بالسنترال وقف وابتسم لقمر:برجع اوك؟
هزت راسها قمر له:طيب
طلع نادر وهو مقهور من ابوه
سكت خالد وماعرف كيف يبدا كلامه مع قمر او كيف يفهمها هو ايش يبي وايش كان قصده تنهد وقرب وجلس ع كرسي مو بعيد عن السرير:قمر اه امم اا اقصد كيف وشلون عرفتي هذا الشاب؟
سكتت وماردت مو لانها خايفه لا لانها كارهته وماتبي تتكلم معه
هز راسه خالد بقهر ووقف: طيب لا تتكلمين بس مصيرك بتقولين لي (طلع وسكر الباب بدون مايقفله)
رفعت راسها وناظرت الباب تنهدت بقهر ووقفت بس قبل ماتمشي دخل نادر
نادر:ميري قالت لي انك ماكلتي شي تبين اجيب لك شي معين؟
تنهدت قمر ورجعت جلست:لا ماني مشتهيه شي
نادر:قمر لاتحاولين تهربين لانك مااراح تقدرين
ناظرته بفهاوه كيف قرا افكارها وكيف عرف ايش يدور بنفسها:الا اقدر
نادر وهو يجلس:قمر انتي ماسكنتي هنا بكل زوايه من برا البيت فيه حراس ايه ماهو داخل البيت بس منتشررين برا يعني والبوابه الرئسيه فيه حارس يعني ماعندك امل انك تتطلعين
ناظرت نادر بخيبه بس فجاه تذكرت شي:جوالي جوالي وينه كان بثوبي
نادر:اكيد ان ميري اخذته خليني اروح لها اسالها وبجيب لك اكل غصبا عنك (وطلع)
ابتسمت وحطت يدها ع رقبتها بس وقفت بسرعه بصدمه وهي تتلامس رقبتها مالقته "وينه شهقت"" اكيد انه طاح لما (بلعت ريقها بغصه وهي تتذكر شكلها وابوها يسحبها وفهد طايحين فيه ضرب لاشعوريا بدت دموعها مجراها من جديد)

غبت أنت وأصبح كل هالكون منفى
مدري أكمّل وين باقي سنيني ؟
خذني قبل يقتلني الضيق تكفى
أنا تعبت وصرت ماعاد أبيني .. !

بـــيـــت ابــوفــهــد
غـــرفـــه مــهــا
نواره وهي تاقف بصدمه:مو قادره استوعب اللي صار احسه كانه حلم
منى بذهول:معقوله فيه بنت تسوي كذا؟
خوله:لا وبعد فهد يدري يعني اف مدري مدري
نواره بضيقه وهي ترجع تجلس:ماكسر خاطري الا مها من درت وهي بالحمام تصيح
تنهدت منى وبقهر:يعني كانت تلعب علينا مره بانها بنت ومره ولد؟
خوله بهدوء وسؤال مفاجىء:تتوقعون فهد يحبها؟
ناظروا لخوله بصدمه يعني ماكانوا متوقعين هذا السؤال بالذات اكتفوا بالسكوت والتفكير
خوله بحزن:انا متاكده ان ظروفها هي حدتها كانت طيبه معنا وحنا حبينا قمر وفارس
نواره وهي تتنهد:صادقه ومشاري مرا متضايق
منى:يعني الوحيد اللي كان يدري ان فارس بنت فهد صح؟
خوله ونواره:ايه صح
سكتت منى شوي بعدين رفعت راسها وتكلمت بعمق:شفتوا كيف فهد كان يدافع عنها وشلون طاح وهو ينادي باسمها
نواره بنفس نبره منى: والا هي كيف كانت تصارخ
خوله بلهجه تساؤل:يحبون بعض؟
صاروا يناظرون بعض بخوف وتحذر
وقفت منى بضيق:بروح اشوف مها
خوله:خوذينا معك(ووقفوا وراحوا للحمام)

انــدونــســيــا
كانوا جالسين بمطعم خاص بالعصاير يطل ع البحر كان منظر خيالي بس الهدوء كان سيد الموقف
حلا وهي تتامل البحر ""لو يرجع فيني الزمن كان ماكلمت سلمان ايه كان ماكلمته كان الحين يمكن (لفت وناظرت سلمان) كان يمكن الحين تعودت عليه والا بديت احبه كنت ع الاقل الحين مبسوطه""
ناظرها ببرود:مضيعه شي بوجهي؟
انتبهت انها تناظر له صدت وهي ترجع تناظر البحر
سلمان وهو يفتح المنيو:وش تبين؟
حلا بهدوء:ولا شي
سكت سلمان شوي بعدين قال:تراك ماكلتي شي
حلا:عارفه بس مو مشتهيه شي
سلمان وعيونه ع المنيو:ترا الاكل هنا مايفوت العصاير والفواكه شي غير
ناظرته حلا: طيب

سلمان وهو ياشر للنادل وصار يتكلم بالانقلش:جب لي عصير فرواله مع مانجو وصحن قطع فواكه مشكله (لف وناظر حلا)وانتي ؟
حلا بهدوء:نفسك
هز راسه وصار يكلم النادل ولف وصار يناظر للمكان اللي تناظر له كره البرود اللي بحياته كره ""ااف هذا بس يومين صار كذا اجل وشلون بكمل معها ""

بــــيـــت ابـــووســـن
جــنـــاح تــركــي ووســـن
نقزت بخوف من فتحة الباب وهي تترقب اللي بيدخل بس لما شافت تركي ركضت له: تركي
قرب بسرعه:وشلونك؟
وسن والدموع تجمعت بعيونها:تركي ابوي
تركي بخوف:وشفيه؟
وسن:بيزوجني (بدت تبكي) امس قالي اه ااه تركي ماابي اتزوج تركي تكفى سوي شي
صار يناظرها بضياع وصدمه وشلون ماعرف ليش محد تكلم او قاله عصب حس وكان فيه احد بياخذ شي يخصه مسكها من كتوفها:لاتبكين وسن
رفعت راسها وهي تناظر له بدون أي كلمه
تركي وهو يناظر عيونها بحده وكانه بيخترق عيونها وبيتعدى جسمها وقلبها وعقلها:ماراح تاخذينه
وسن اللي حست الصدق والامان بكلامه بس قالت بتردد:وشلون اقصد وش بتسوي؟
تركي وهو يتركها:ماعليك انا بحلها المهم اكلتي شي؟
سكتت ونزلت راسها وهي تلعب باصابعها بارتباك
لفت انتباه وراءها صينيه فيها صحون مغطيه وكوب عصير:ليش ماكلتي؟
تنهدت بضيق:مالي نفس
مسك يدها بقوة ومشى فيها
صارت تناظر ظهره بصدمه ونزلت عيونها ليده اللي متمسكه بيده بينها وبين نفسها بلحظه تمنت انه مايترك يدها ماتتدري ليش جاها هذا التمني بس كذا جاها
ترك يدها وجلسها ع الكرسي وفتح الصحون واخذ المعلقه:افتحي فمك بسرعه
تصبغ وجهها بخجل من حركته:تركي اعرف اكل
ابتسم ع حياءها:طيب خوذي(ومد لها الملعقه)
رفعت عيونها وسن له:يعني غصب؟
هز راسها تركي:طبعا غصب يلا بسرعه مااقدر اطول
هزت راسها بس قبل ماتتدخل الملعقه لافمها بعدتها:طيب اكل معي
ناظرها وابتسم وسحب ملعقه وبدا ياكل
رفعت راسها وابتسمت ع خفيف وبدوا ياكلون

بـــيـــت ابــوفــهـــد
دخل وهو يتنهد وقف ولف وصار يتامل المكان صار يتذكر كل شي هنا دخل فجأة هنا صرخوا هنا كانت قمر تناديه تنهد كان بيكمل طريقه بس جذبه شي يلمع بين الشجر تقدم ونزل ورفعه انصدم وهو يشوف سلسال قمر فتحه وصار يناظر الصوره ابتسم بالم لف السلسال ع يده وسكره بحيث صار كانه اسواره ودخل البيت واتجه بسرعه لغرفته ورمى نفسه ع السرير يحس بالفراغ ياترى عشانه تعود ع قمر موجوده بحياته والا عشانه حبها؟
انفتح الباب ودخل مشاري وقعد ع الكرسي:فهد
تنهد وهو مغمض عيونه وحاط يدينه ع صدره:اشتقت لها
سكت مشاري وهو مايدري يواسي نفسه ولا يواسي فهد: ماتدري يمكن كان اللي صار خيره
ابتسم باستسخفاف واستهزاء وقهر والم واكفتى بالسكوت

~ تٍدًرٍيً وٍشً اٍلًلٍيً يٍكًسٍرً قٍلًوٍبً اٍلًاٍحًبٍاًبٍ

حًكٍمً اٍلًقٍدًرٍ لًاٍقًاٍلً لٍفًرٍاًقٍهًمٍ خًيٍرً ~

**

بــــيـــت خـــالــد الـراســي
جــنـاح الــضــيــوف
دخل نادر وهو يمد الجوال لقمر:تفضلي
اخذته قمر وصارت تتامله ابتسمت وتنهدت
نادر: اجل اتركك لحالك (وبحنيه) تبين شي؟
قمر وهي لسى تناظر الجوال:سلامتك
هز راسه وطلع
صارت تناظر اسمه كانت مسميته روح الروح تنهدت وضغطت ع الزر الاخضر وصار يدق

انـــدونــســيــا
دخلوا سوق شعبي وهم يمشون بهدوء بمسافه مو بعيده عن بعض
لفت انتباه حلا اسواره لفت للمحل بدون ماتقول أي شي لسلمان صارت تتفرج ع الاساور وهي تبتسم اعجبتها حيل اشكالها صارت تختار لها ولشهد فجأة حست بنظرات موجهه لها رفعت راسها وشافت شابين يناظرون لها بنظرات مرعبه بلعت ريقها بخوف لفت وجها تبي تشوف وين سلمان بس هنا كانت الصدمه لما مالقته حست بخوف يتسلسل لقلبها طلعت بسرعه برا المحل بس مالقته حاولت تستجمع قوتها وهي تتدوره بعيونها بس نفس الشي مالقته صارت تمشي بين الممرات والمحلات وكل شوي تلفت وراءها وتشوف الشابين لسى يمشون وراءها ناظرت الساعه شافتها 7 والسوق بدا يفضي من الناس هي حتى كلام انلقش ماتعرف الا يس و نو بدت تبكي وهي تتلفت فجاه وقفت بممر شبه فاضي مافيه الا كم محل فاتحين والبايعين داخل المحلات لفت بسرعه وهي تشوف الشبابين صاروا قربين لها لفت بسرعه وصارت تركض بدون أي هدف او مكان معين والشابين صاروا يركضون وراءها "" وينك وينك تعال تعال سلمان حست انها صدمت جسم رفعت راسها بخوف بس من شافت سلمان حست براحه لفت يدينها بسرعه حول خصره وهي تبكي:ااه اااه
حس بغضب بس بنفس الوقت براحه لانه لقاها كان بيموت من الخوف تخيل الف فكره انه صار لها شي ولما شاف شكلها والشابين عصب وبعدها ..

حلا بسرعه وهي تحط يدينها ع صدره:لا تكفى سلمان اتركهم تكفى
اما الشبابين لما شافوا سلمان هربوا ع طول
انقهر سلمان وهو ياخذ نفس مسكها من معصمها بقوة وبصراخ:ليش تبعدين كذا ليش ماقلتي لي؟
انصدمت من لهجته الهجوميه غمضت عيونها من قوه صراخه وبهمس:اسفه
بلع ريقه من حركتها وهمستها اربكته حركت شي بداخله ترك يدها وهو يتنهد وبهمس:استغفرالله(رفع راسه وناظرها) فيك شي؟
حلا وهي منزله راسها هزته بلا
رفع ذقنها بيده وابتسم:اسف لاني صرخت عليك بس انا خفت يكون صار لك شي
ناظرته بصدمه وشلون يعصب ويهدا بنفس الوقت حست بدقات قلبها تزيد حست بخجل بعدت وجهها عن يده وهي تنزل راسها وبهمس:نقدر نرجع للفندق؟
ابتسم سلمان وبهدوء:اكيد(مد يده) هاتي يدك لاتضيعين بعد
ناظرته بطرف عينها حسته يستهزي بس فيه شي بداخلها ابتسم وفرح مدت يدها بصعوبه وهي ترجف
وصاروا يمشون قريب من بعض وبعد دقايق
سلمان:حلا عطيني رقمك
هزت راسها حلا وهي تقوله رقمها:050ـ ـ ـ
دق وفصل:هذا رقمي بس صح هذا مو نفس الرقم اللي شريته لك؟
سكتت حلا وهي تتذكر انها كسرت الجوال ورمته بالزباله: ايه هذا ابوي شاره لي
سكت شوي بعدين قال: حتى غيرت رقمي
حلا باستغراب:ليش؟
سلمان بارتباك: هاه بس كذا (رفع راسه) هذا هو الفندق
هزت راسها بس قبل مايدخلون الفندق كان فيه قدام الفندق كراسي شقهت لاشعوريا من اللي شافته
لف بسرعه لها وبخوف:وشفيك؟
حلا وهي تنزل راسها:هاه مافيه شي مافيه شي
لف للجهه الثانيه وابتسم وهو يشوف رجال ومراه ويبسون بعض صد وناظر حلا اللي صار وجهها احمر ابتسم ولف وجهه وترك يد حلا وهو يضغط ع المصعد ""حيويه حيل (ابتسم وهو يتذكر حلا) تذكرني بحلا اول لما كنت اقولها أي كلمه حلوه تزعل وتستحي حيل تتوقعين ياحلا بنساك معقوله بحب حلا (لف وصار يناظرها) يارب يسير لي امري""

بـــيـــت ابــوفـــهــد
غــرفــه فــهـــد
دق جوال فهد تنهد وطلعه من جيبه بدون مايشوف الاسم ورد بتعب:الو
سكتت قمر شوي بس شهقاتها قطعت صمتها وبهمس وصوت متقطع:فهد ااه ااه
قعد بسرعه وهو يتعدل بعد الجوال عشان يتاكد انه مو خياله اللي صار يسمعه صوتها صار يشوف اسمها رجع الجوال بسرعه لاذنه:قمر
شهقت طاحت ع السرير وهي تجلس:ااه ااه فهد ااه اااه (حست انها ماتقدر تقول أي كلمه ماتقدر تقول أي حرف حست كل الكلام والحروف خانتها )
بلع غصته وظل ساكت يسمع شهقاتها واهاتها وبهمس يقطع القلب:لاتبكين قمر
شهقت اقوى وهي تغطي فمها بيدها: ااه انت بخير ؟
ابتسم بإلم وقهر ودموعه خانته وبدت تنزل:ايه و انتي؟
شهقت وصار صوتها يعلى: سامحني ااه سامحني
فهد:لا انتي اللي سامحيني ماقدرت انقذك
سكتت بصدمه: فهد تبكي؟
سكت وهو يسمح دموعه بيده بقهر
قمر: لا تكفى لاتبكي ااه ماقدر اسمع صوتك كذا اه فهد
فهد بقهر:عيونه
قمر وهي تاخذ شهقه قويه حست روحها بتطلع معها:احبك
فهد:وانا اكثر قمر اوعدك اوعدك ماتكونين الا لي لي لحالي راح اخذك لو اضطريت اوقف قدام كل البشر انتي لي فاهمه لي لحالي
هزت راسها :ايه خايفه فهد خايفه
فهد:لاتخافين بقدر اخذك بقدر ابعدك عن الكل الا انا
لما جت بتتكلم دخل نادر بسرعه وهو يقول امي ابوي جاءوا بس قبل ماترد ع نادر او تعطي فهد خبر شافتهم مقبلين سكرت بسرعه وهي تتدخل الجوال تحت الغطاء

تنهد فهد وهو يناظر الجوال بحسره والالم ماتوقع بيوم انه بيبكي عشان بنت ماتوقع بيوم انه بيبكي عشان حب
صار يتامله مشاري ووقف وقرب لفهد وضمه بقوة وكانه بيريحه
ماعارض فهد وظل بحضن مشاري كانه طفل صغير وقال بصوت مبحوح:ابيها يامشاري ابيها
تنهد مشاري بقهر:ماتتدري يمكن بيوم بتقدر تاخذها بس انت لازم تفكر بعقلك مو قلبك هذا ابوها ابوها وانت ولاشي انت ماتقرب حتى لها
بلع ريقه لو بيفكر بعقله كان مستحيل تكون قمر له بس دامه يفكر بقلبه فيه امل انها تكون له

غـــرفـــه مــهـــا
منى وهي تضمها:بس ياروحي خلاص
مها وهي تبكي:مو قارده اصدق ااه احسه حلم حلمم وبصحى وشلون يصير كذا تكفين قوليلي انه حلم ااه ااه تكفين منى قولي انه حلم وبصحى تكفين
منى بضيقه على مها:ااه ودي اقولك حلم ودي يكون جد حلم لنا كلنا بس هذا واقع هذا اللي صار
شهقت مها بالالم وضمت منى بقوه وهي تبكي بحضنها بحسره والالم ع الحب اول مره تحب ويصير كذا فيها؟

 
بـــيـــت خــالــد الــراسـي
جــنــاح امــيــره
لفت طرحتها وسحبت شنطة ونزلت بسرعه وركبت السياره وهي تقول لسواق رح للمستشفى ركت راسها ع الشباك وغمضت عيونها ""هو انا ناقصه معقوله بيصير عندي اخت مو بيصير الا صار ياربي وشلون بتعامل معها واصيل بعد اليوم اخر يوم واذا ماقدرت اساعدها خلاص معناها كل هالترم اللي تعبته بيروح كذا يارب ساعدني وصبرني ياربي وش اسوي ااه""

جـــنـــاح الــضــيــــوف
كانت قمر لامه المخده الصغيره السودا بيدينها وتناظر للفراغ اللي قدامها وتتذكر احداث امس تنهدت وغمضت عيونها

دخلوا خالد وام ناصر وهم ساكتين
خالد بهدوء:نادر اطلع برا
هز راسه نادر وابتسم لقمر وطلع
بلعت ريقها بارتباك وهي تلعب باصابعها رفعت راسها وطاحت عينها بعين ام ناصر
خالد:قمر اعرفك هذي مرتي ام ناصر
سكتت قمر وماردت:ـ ـ ـ
خالد:انا بتركم لحالكم اذا احتجتوني انا بمكتبي (طلع وسكر الباب)
تقدمت ام ناصر وجلست بجنب قمر ع السرير ومسكت يد قمر بيدينها وابتسمت
رفعت راسها قمر لام ناصر بصدمه ابدا ماتوقعت ام ناصر بتسوي كذا
ام ناصر وهي تتامل قمر:لاتخافين حبيبتي هذا بيت ابوك يمكن ماتتعودين علينا بالبدايه وحنا بعد انا عارفه انه صعب عليك تتاقلمين معنا وحنا بعد صعب علينا بس هذا المكان كان مفروض من زمان تكونين فيه وانا اسفه ع السنين اللي راحت من عمرك بعيده عن ابوك واخوانك
صارت قمر تناظر ام ناصر بذهول ابدا ماتوقعت ان هذا اللي يصير ذكرتها بحنيه امها ايه نفس الحنيه وكيف تعتذر عن ذنب هي مالها دخل فيه ماقدرت ترد او بالاصح ماعرفت ايش تقول عشان كذا اكتفت بالسكوت
ام ناصر وهي تترك يد قمر:ماراح تقعدين بجناح الضيوف بنجهز جناح لك فوق وحنا ناكل مع بعض بس اذا ماتبين براحتك راح اخلي الخدم يصعدون الاكل لين جناحك وعارفه انو ماعندك ملابس من بكرا الصبح اذا تبين تروحين بنفسك تختارين بالسوق راح اخليك تروحين بس اذا ماتبين بروح بنفسي اشتري لك
ماردت قمر وعيونها بحضنها واكتفت بالصمت
هزت راسها ام ناصر وتقدمت ولعبت بشعر قمر بحنيه:تصبحين ع خير ( طلعت وسكرت الباب)

تنهدت بقوه وهي تفتح عيونها ""ايش اللي راح يصير لي فهد معقوله خلاص هذي النهايه ااه ياربي ساعدني ياربي ليش يصير لي كذا (بدت دموعها تنزل) ياليتني ماطلعت من البيت ياليتك يانور مسكتيني ياليتني ماقابلتك ياعمي (تقصد ابوفهد) ليتني قبل ماشوفك لفيت وجههي اااه ياربي لو يرجع الزمن ماقابلتك يافهد لو يرجع الزمن بقيت واستحملت ظلم خالي ياليتني رضيت وسكنت عند نور والا منيره ياليت ترجع حياتي البسيطه ياليت اقدر ارجع ايام المتوسط والثانوي وانبسط فيها ياليتني اااه ""

الا ليت الزمن يرجع

ورى والا الليالي تدور

ويرجع وقتنا الاول

وننعم في بساطتنا

بـــيــــت نـــور
نور وهي تجلس بقلق وتافف وبيدها الجوال وبهمس:ياربي وشفيها؟
ماجد باستغراب:وشفيك؟
رفعت راسها نور وبخوف:قمر
ماجد بخوف:وشفيها؟
نور:مدري اكلمها وماترد غريبه اخاف صار لها شي
ماجد اللي بدا يوسوس:لا ان شاء الله كلميها ثاني مره خلاص نور خليها تجي
سكتت نور وهي تصد وتناظر الحوش الباين من باب المدخل المفتوح وتنهدت بصوت مسموع ""ياليت ياماجد قمر سهله زي كذا عنيده ماراح ترضى بهذي السهوله ولا بعد فهد قالها احبك ياربي استر حاسه انه صار لها شي يارب احميها هي ضعيفه ياربي""

عـــبـــدالـــعـــزيــــز
واقف ومدخل يدينه بجيوبه والهواء يطير خصلات شعره غمض عيونه ورجع فتحها وهو يناظر البحر ""ياترى اللي بسويه صح والا غلط ياربي استر انا خلاص مابي من هذي الدنيا الا اختي وينك ياقمر وينك ارجعي لي والله لا اسوي المستحيل عشان بس ترضين بس انتي وين وين؟ انا خلاص  برجع ماعاد تهمني الفلوس بس ابيك ايه ابيك ابي نرجع لبيتنا ابي نرجع ايامنا اول  سامحيني ياختي سامحيني ياقمر""

شـــركـــه ابــوســديـــم
قــاعـــه الاجــتــمــاعــات
عطست سديم وهي تمسح خشمها بالمنديل وكملت بصوت مبحوح:ايه استاذ ثامر خلصنا من بناء القواعد اتشو اااتشوو ااه (مسحت خشمها كانت بتكمل بس عطست هي وحمد بوقت واحد)
ناظرهم ثامر بقهر:وشفيك سديم شكلك مزكومه؟
حمد وهو يمسح خشمه ابتسم ""لما تذكر انهم لعبوا بالماء امس بالهبرد اكيد بيمرضون""
سديم: ايه شوي
ثامر:تبين ناجل الاجتماع وقت ثاني؟
سديم بتعب:ياليت
ثامر وهو ياقف ويجمع الملفات وابتسم:اهم شي راحتك
هزت راسها سديم وابتسمت ع خفيف ووقفت معه ..

ثامر بسرعه:ارتاحي مايحتاج انا اروح بنفسي
قعدت سديم:مشكور
هز راسه ثامر وطلع وطلع معه مساعده ومابقى الا حمد وسديم
حمد بخوف:سديم شكلك تعبانه مرا قومي روحي للبيت
سديم:لا بنتظر اهلي يرجعون من الشاليهات وبروح
حمد: لا قومي خليني اوصلك لسيارتك
سديم اللي حست بجد انها تعبانه هزت راسها ووقفت وطلعوا للمواقف حقت الشركة ..

الــشــالــيــهــات
سما:بنات قومن خلونا نروح نفطر بالكافي
ساره:يلا
وقفوا البنات وراحوا يمشون للكافي اللي مو بعيد وهم يسالفون
ساره وهي ماسكه جوالها:اااف
سما باستغراب:وشفيك؟
ساره بخوف:ادق ع اميره ماترد بشوف وشفيهم امس راحوا بدري
سما:لاتخافين تلقينها نايمه ترا الساعه 9 ونص تونا
ساره بتشكيك:لا مااعتقد لان اليوم اخر يوم تتطبيق لها
سما:خلاص اجل تلقينها مشغوله وانتي بعد لاتعلقين عليها تشغلينها
ساره: صح معك حق ..

مـــركـــز الــشــرطـــه
مــكــتــب فــواز
طق الباب وقال فواز بصوت عالي:ادخل
دخل الجندي وضرب تحيه لفواز: الضابط وليد يبيك بمكتبه
هز راسه فواز:طيب
ضرب تحيه الجندي وطلع بعد ماسكر الباب
وقف فواز وطلع واتجه لمكتب وليد طق الباب ودخل:السلام عليكم
وقف وليد وسلم عليه وجلسوا
وليد:اقدر اطلب منك طلب فواز؟
فواز برجوله:انت تامر مو تتطلب
ابتسم وليد:مشكور عندي دوريه قريب من عند شاليهات ـ ـ بس ولدي تعبان وابي اوديه للمستشفى تقدر تروح بدالي
فواز بسرعه:ابشر ماعليك رح ود ولدك للمستشفى وانا بروح مكانك
ابتسم وليد:ماراح انساها لك تسلم
ابتسم فواز:الله يسلمك
وقفوا وطلعوا مع بعض فواز اتجه لشاليهات اما وليد راح لبيته

بـــيـــت ابـــووســـــن
ابووسن وهو يكلم ام وسن:الو
ام وسن بسرعه:الو
ابووسن: اليوم ملكة وسن قلت اكيد انك تبين تحضرين ملكه بنتك
ام وسن بصدمه:ايش (وكانها بدت تستوعب) متى رجعت وشلون و وين كانت ومن بتزوجها ؟
ابووسن بهدوء:ماله داعي كل هالاسئله اللي علي سويته تبين تحضرين تعالي ماتبين براحتك (وسكر السماعه)

جــــنــاح وســـن و الــجــوري
كانت قاعده بمكانها المعتاده بالشباك اللي جداره داخل وتتامل العمال اللي يدخلون الطاولات والاغراض اليوم مو بس ملكه لا اليوم بتملك وبتروح مع الرجال ع طول بيته طبعا لان ابوها خلاص مايبي يشوفها توقعت انه بمثل هذا اليوم بتبكي بتنهار بس لا ايه هي ماسوت شي بالعكس تحس ببرود غريب مانزلت منها ولا دمعه ماكانها اليوم بتدخل ع رجال غريب ياترى هذي الصدمه ام برود اعصاب اطلقت اه مسموعه
:سلامتك
نزت من الخوف ولفت وهي تشوف تركي نزلت رجولها من الجدار بس مانزلت وصارت تتامله بهدوء
ابتسم بوجهها قرب:لاتخافين
قاطعته وسن:ماني خايفه
سكت تركي ماعرف ايش يقول
لفت وسن وهي تتامل السماء:وش بتسوي؟
سكت تركي شوي بعدين قال:ااه (بس حس بااحد بيدخل ارتبك واتخبى بالحمام)
ارتبكت وسن وهي تنزل وجلست ع السرير دخلت الخدامه ومعها علبه كبيره حطتها ع السرير وطلعت وقفت وسن وهي تناظر لها باستغراب تقدمت وفتحتها كان فستان عروس سحبته وهي تتامل كان لونه ابيض تنهدت بقهر ورمته داخل العلبه شوي ودخلت الخدامه وهي معها اكياس نزلتهم وطلعت فتحت اول كيس كان كعب لونه ابيض ناعم حيل والكيس الثاني كان فيه طقمين الماس تركتهم وقعدت ع السرير
طلع تركي وقرب لها وصار يتامل الفستان ابتسم ع جنب:حلو
ناظرت تركي ببرود بعدين لفت وناظرت الفستان بتامل وبهمس:ايه حلو بس اكيد مو علي
صار يتاملها بهدوء تنهد:انا طالع توصين ع شي؟
وسن وهي تناظر الارض:ايه
تركي باهتمام:ايش؟
وسن وهي ترفع راسها وتتامل عيون تركي:الجوري هي وصيتي لك تركي
قرب لها تركي ومسك ذقنها ورفعه:لاتخافين الجوري ماراح تبعد عنك
ابتسمت ع جنب باستهزاء:ايه
صار يناظر عيونها بتامل ومابعد يده
حست بخجل لفت وجهها بحيث تبعد عن يده
سكت ودخل يده بجيبه وطلع برا الجناح

مـــواقــف شــركــه ابــوســديــم
كانت سديم تمشي و وراءها حمد بمسافه قريبه شوي وحست بدوخه مسكها حمد ولف يدينه تحت ابطها:سسديم
حاولت تتوازن بس ماقدرت صارت تاخذ نفس:ااه ااه
قعدها بالارض وهو خايف:سديم انتي بخير؟
صارت تحاول تاخذ نفس بس ماقدرت
حمد وهو يتركها:بروح اجيب ماء من سيارتي (راح يركض ثواني ومده لها)
اخذته وهي تشرب شوي بس مع كذا لسى دايخه وتحس بصعوبه بالتنفس
حمد وهو يحوطها بيدينه من كتوفها:قومي بوديك للمستشفى
هزت راسها ومشت معه لسيارته وركبها قدام ودعس بقوة

مــســتــشــفــى الانــتــمـــاء
مــكــتــب رامــــي
اخذت نفس عميق قبل ماتتطق الباب مدت يدها وطقت الباب بخفه ولما سمعته يقول تفضل دخلت وبصوت قصير: ..

دخلت وبصوت قصير:السلام عليكم
رامي بابتسامه خفيفه:وعليكم السلام
ارفعت عيونها له:اا
رامي اللي لاحظ ارتباكها:اقعدي
قعدت اميره ع الكرسي سكتت شوي بعدين قالت بخيبه امل:انا متاكده اني ساقطه اسفه ماقدرت اساعد اصيل حاولت بس ماقدرت ( وقفت تبي تتطلع بس وقفها صوته وهو يناديها لفت له وسكتت)
وقف رامي وقرب لها وبابتسامه هاديه:اميره انتي ماتعرفين قدراتك انتي (حس فيه شعور بداخله بس ماهو قادر يوصله لاميره) انتي تجهلين نفسك طيب بقولك انتي علمتيني اشياء محد يقدر يعلمني هي طول هالسنين صدقيني انتي (وهو يناظر عيونها) انتي نقطه تحول بحياتي تونا بقى وقت ايه بقى عندك لين بكرا الفجر روحي سوي أي شي انا متاكد انه بتساعدينها انا متاكد انك بتقدرين
صارت تتامل عيوونه اول مره تشوف احد واثق فيها كذا بس نزلت راسها:لا ماراح اقدر
انقهر منها وبحركه جرئيه رفع ذقنها بيده:لا انتي بتقدرين انا واثق
صارت تتامله بلعت ريقها وصدت عنه وهي تنزل راسها: طيب اذا ماقدرت (رفعت عيونها وناظرته) اسقط؟
صار رامي يتامل عيونها ابتسم:تتدرين ودي اسقطك
ناظرته اميره بصدمه:هاه؟
ابتسم رامي ابتسامه واسعه:ولا شي روحي عشان مايضيع عليك الوقت
هزت راسها ولفت وجهها وطلعت
تنهد ورجع جلس ع كرسيه ""معقوله اليوم اخر يوم بشوفها من يصدق انه مر شهرين ع وجودها هنا ااه بفقدها""

بـــيـــت ابــوفــهـــد
ام فهد:مو قادره اصدق معقوله فيه بنت تسوي كذا وشلون؟
ام منى:ولا بعد تضحك معنا وعايشه جو
ام فهد:اجل هذيك البنت اللي تقول انه خطيبته وش تصير؟
ام منى وهي تتنهد:والله مدري كل شي عند فهد
سكتت ام فهد بضيق بعدين قالت:بس انا حبيت هالولد
ام منى وهي تهز راسها باسف:كلنا حبيناه ياعيني ع اخوي (تقصد ابوفهد) من درى وهو متضايق ومايتكلم
ام فهد وهي تتنهد:ايه والله هو اكثر واحد متاثر
ام منى:ايه هذي حال الدنيا صدق غريبه تشوفين اشياء عجيبه
ام فهد:وانتي صادقه

غــــرفـــة فـــهــــد
كان يمشي بجواله ع صورهم ومره يبتسم ومره تضيق ملامحه رمى الجوال ع طرف السرير وتنهد ""ااه ياقمر معقوله وصلنا لنهايه المشوار معقوله خلاص انتهينا لالا مستحيل اتركك هناك مستحيل اخليك تبعدين عني انتي لي لي بس وشلون ؟ ""صار يغني بصوت هامس مبحوح وكانه يبكي او انه صدق يبكي:
غلطة الايام احنا ما غلطنا .. كنا مشتاقين يوم انا افترقنا

كلنا ملهوف واحزانه كبيره .. العيون تشوف وإيدينا قصيره

لعبة الاقدار تلعب في هوانا .. والزمن غدار ما يحفظ أمانه
(غمض عيونه بقوة)

بـــيـــت ابــووســــن
صارت تتامل نفسها بالفستان الابيض والمكياج الفخم بس بنفس الوقت ناعم والتسريحه والطرحة بلعت ريقها نزلت راسها وهي تسمع كيف الكوفيره تمدحها رجعت رفعت راسها ""يعني خلاص ياوسن هذا المكتوب لك طول عمري تمنيت اشوف نفسي بهذا الفستان بس من صار اللي صار كرهت هاللون"" صحت ع صوت وراءها لفت بسرعه وصرخت:يمه
شهقت وهي تبكي وركضت لبنتها وضمتها بقوه: ااه ياروح امك سامحيني يابنتي سامحيني ماقدرت احميك منهم
دمعت عيونها بس مانزلت الدموع ماتتدري ليش فيه شي رافض يخليها تنزل: يمه
الجوري اللي دخلت وصرخت:ماما
لفت ام وسن ونزلت بسرعه وهي تضم بنتها بقوه رفعتها وهي تبوسها: ااه يااقلبي انتي
لفت يدينها الصغيره حول رقبة امها:ماما لاتتركيني
شهقت وسحبت وسن وهي تضمهن بقوه وهي تبكي بانفعال
اما وسن ساكته وهاديه ماتتدري من وين جاها هالبرود الغريب .

الــمــســتــشــفـــى
حمد وهو ماسك يد سديم اللي نايمه ومحطوط ع فمها وخشمها البخار اول مره يشوفها كذا بدون طرحه ولا شي شافها مره بالشاليهات بس الحين حتى شعرها صار يتامل ملامحها وهي نايمه حرك يده ع شعرها وبهمس:انا اسف تعبتك ادري انه من اللعب بالماء امس اسف حبيبتي
بدت تفتح عيونها ع خفيف وهي ترمش
ترك يدها بسرعه وطلع
بلعت ريقها ورجعت غمضت عيونها شوي وفتحتها ""حسيته هنا شكلي اتخيل"""

طلع حمد وهو يكلم ابوسديم وقاله بس طمنه انها بخير وانها بس تاخذ بخار وتتطلع..

الــشــالــيــهــات
وقفت ريوف بخوف:ايش متى طيب يلا الحين بنجي
وقفوا كل البنات بخوف:وشفيه؟
ريوف بارتباك:ابوي يقول ان سديم بالمستشفى
ساره وهي تشهق:ليش
ريوف:مدري يقول تعبانه يلا بسرعه خلونا نمشي
كلهم صاروا يمشون بسرعه وكانهم يركضون واخرهم ريناد وهي تقول بصوت عالي:انتظروني اااه (زلت رجلها وطاحت وتناثرت كل اغراضها اللي بالشنطه لانها كانت مفتوحه)
:حصل خير
رفعت راسها وهي تناظره معقوله؟!
صار يجمع اغراضها ومدها له:تفضلي (بس اول مالتقت عيونه بعيونها عرفها ابتسم) شكلنا بنلتقي كثير
صارت تتامل عيونه مو مزيون ولا جميل لا
فيه شي يجذبك شي غصبا عنك يخليك تلفت له يمكن صوته لا رجولته ااف اكيد فيه شي غير شي يميزه عن الكل
ابتسم فواز:اهلك راحوا؟
رفعت راسها بسرعه للبنات اللي صاروا بعيد اخذت اغراضها ودخلتها بشنطتها ووقفت وركضت بس وقفت بسرعه وكانها تذكرت شي لفت له:مشكور
ابتسم وهو يدخل يدينه بجيوب بدلته:لاشكر ع واجب
هزت راسها وراحت تركض وهي تحط يدينها ع قلبها ..

بــــيـــت ابــووســــــن
نزلت وسن ع زفه هاديه وعيون الكل تراقبها قعدت لين وصلت للكوشه بلعت غصتها صار الكل يسلم عليها شوي وجتها عمتها وهي تبتسم بمكر:يلا حبيبتي ابوك يقول تعالي عشان توقعين ع الكتاب
رفعت راسها وهي تناظر عمتها بصدمه الحين بس حست ان اللي قاعد يصير حقيقه ايه حقيقه مو حلم وقفت بصعوبه وهي تبلع غصتها مشت وهي تحسهم كانهم يزفونها لقبرها وقفت ومسكت القلم والدموع تغارقت بعيونها ""ووينك تركي ""

وقف تركي بمجلس الرجال بصوت عالي:للحظه
الكل لف له وهم مستغربين من تركي وابوه ياشر له يجلس
بس تركي سحب ع الكل وابتسم وهو يقول: ......

الــمــســتــشــفــــى
دخل ابوسديم ووراءه مرته وبناته وهم يمشون بسرعه وقف عند الاستقبال:سديم الراسي أي غرفه؟
الموظفه:رقم 15 الدور الثاني
هز راسه ودخلوا المصعد واتجهوا لغرفتها
وقف حمد بسرعه وهو يشوف ابوسديم سلم عليه:لاتخاف عمي مافيها الا العافيه بس ضيق تنفس وعطوها اوكسجين والحين هي بخير
دخلوا ام سديم وبناتها ابوسديم هز راسه:مشكور ياوليدي تعبانك معنا
حمد:لا وش هذا الكلام ياعمي تعبكم راحه
طلعت ساره وبهدوء:يبه قلهم ينقلون سديم لغرفه الثانيه هذي مره صغيره
ابوسديم:ماله داعي تقعد بهذا المستشفى اصلا (وصار يناظر الجدارن وعلى وجهه ارتسمت قرف او عدم رغبه لف لحمد وابتسم) اذا ماعليك امر ياحمد ابيك تروح للدكتور وتشوفه نقدر نطلع سديم للبيت ولا نبي ناخذها مستشفى ثاني؟
حمد اللي حس بغصه من حركه ابوسديم: لا مايحتاج تجلس او تروح أي مستشفى انا قبل شوي سالت الدكتور وقال انه اذا صحت تقدر تروح للبيت
هز راسه ابوسديم:اها اجل مشكور ياحمد ومعروفك هذا ماراح انساه
ابتسم حمد ع خفيف:عن اذنك تاخرت عن البيت
ابوسديم بسرعه:اذنك معك مع السلامه
حمد بصوت قصير وهو يمشي:مع السلامه (صار يمشي بدون مايسمع ولا يحس باللي حوله هو وشلون كان يفكر صار يلوم نفسه وشلون خلى قلبه يميل لها هي وين وهو وين ابتسم باستسخفاف ""وشلون فكرت انه ممكن بيوم تكون لي ااه ليش انا كذا ليش كل وحده احبها ماتكون لي انا لازم انساها ايه لازم هي غير هي زي الحلم الصعبب اللي الكل يتمناه بس محد يقدر يااصل له هي تصلح لثامر ايه تصلح له مو لي مو لي"" ابتسم وركب سيارته ومشى ..

بـــيـــت ابـــووســـــن
مـــجـــلـــس الــرجــال
وقف تركي بمجلس الرجال بصوت عالي:للحظه
الكل لف له وهم مستغربين من تركي وابوه ياشر له يجلس
بس تركي سحب ع الكل وابتسم وهو يقول:انا ابي بنت عمي لي (ولف لعمه) عمي انا ابي وسن ع سنه الله ورسوله واكيد اني اولى من الغريب
صار الكل يتهامس ويتكلمون والكل اتجهوا ببصرهم لابووسن اللي صار يناظر الناس بارتباك
المعرس وقف:ايش وش هذا الكلام وسن بتصير زوجتي
تركي ماالتفت حتى عليه:هاه ياعمي بتبدي الغريب علي؟
ماقدر يقول أي شي صعبه يرفض ولد اخوه عشان الغريب وش بيقولون الناس رفع عيونه وناظر اخوه اللي اشر له براسه وبخيبه:لا ياوليدي مااعزها عنك وانت اكيد اولى من الغريب
عصب المعرس ووقف وطلع وطلعوا معه اهله
ابتسم تركي وقعد ولف للمملك:تقدر تملك لنا
هز راسه المملك اللي مصدوم ومد الكتاب لتركي

الــصــالـــــه
طلعوا اهل المعرس وعمان وسن مستغربين شوي وجاهم ابوتركي وقالهم اللي صار
وقفت وسن بصدمه وذهول معقوله تركي سواها بس وشلون لا مو شلون سواها لا وشلون بتعيش معه يعني الحين هي بتصير زوجته
صاروا عمات وسن يصارخون ويتهاوشون
ابتسام وهي تاقف جنب بنتها وتمسك يد ها:حبيبتي
رفعت عيونها لامها وهي تناظرلها وماقالت أي شي
ثواني ودخل ابووسن ومد الكتاب لوسن: وقعي
صارت تناظر الكتاب قبل شوي ابوها جابه لها بس قبل ماتوقع سمعوا اصوات بمجلس الرجال وقال ابوها لحظه بيروح يشوف ويرجع والحين رجع بنفس الكتاب بس هذي المره مع شخص غير
ابووسن:وسن
صحت ع صوت ابوها ومسكت القلم ويدها ترجف
نهى بعصبيه سحبت القلم من يد وسن وررمته:ياوسخه وشلون تاخذين خطيبي (وبحركه سريعه عطت ووسن كف قوي)
الكل شهق بصدمه من حركه نهى اما وسن اللي وجهها لف من قوه الكف ظلت ع نفس الحركه مصدومه ماهي مستوعبه اللي صار ..

ابتسام بقهر:ياحيوانه من انتي عشان تعطين بنتي كف (ورفعت يدها تبي تعطي نهى كف بس فيه يد مسكتها لفت وشافت وسن وبصدمه) وسن؟
وسن اللي تجمعت الدموع بعيونها تركت يد امها ونزلت للارض وسحبت القلم ووقعت ولفت وهي تناظر نهى وابتسمت:صرت زوجته غصبا" عنك وعن اهلك كلهم
الكل ساكت ومصدوم من الموقف بس قطع هالهدوء دخول تركي وابوه
تقدم تركي ووقف جنب وسن وناظر خدها الاحمر باستغراب وبهمس:انتي بخير؟
وسن وهي تناظر تركي وماردت
صار يتامل عيونها تنهد ولف وجهه ومسك يد وسن:انا باخذ زوجتي وبنروح (ناظر ابتسام) خالتي اذا ماعليك امر جيبي عباية وسن
هزت راسها ابتسام وهي مصدومه راحت جابت عباية وسن ولبستها وهي تمسك يدين بنتها: وسن
ابتسمت وسن بالغصب ومسحت دموع امها: يمه انا بخير (سحبت يدينها من يدين امها ولفت لتركي اللي مد يده لها مسكتها بتردد ومشت خطوه بس وقفت ولفت تناظر اهلها صارت تتامل امها لفت وناظرت الجوري اللي واقفه بعيد وساكته لفت وناظرت ابوها اللي منزل راسه تنهدت ولفت ومشت ماهي عارفه لوين هي رايحه للمجهول مع شخص ( رفعت عيونها لتركي) ماتدري من هو او كيف تشرحه تكرهه وتغليه تحس فيه الخوف والامان كل شي فيه متناقض ياترى كيف بتكمل حياتها معه )

مــســتــشــفــى الانــتــمـاء
غــــرفــــه اصـــــيـــل
اميره بياس رمت كل الاوراق بعصبيه ع الارض:مو معقوله يعني حلمي اللي بنيته طول هالسنين ينهدم كذا ينهدم بس عشانك ضعيفه (لفت وناظرت اصيل برحمه تنهدت وقربت لاصيل ومسكت كتوفها) تكفين قولي أي شي تكفين الكل نجح الا انا تكفين تكلمي تكلمي
بس اصيل زادت بنقاط خيبه الامل عند اميره وماقالت ولا كلمه
تنهدت اميره وجلست ع السرير وعيونها ع الاوراق اللي بالارض وبهدوء:امك امس قالت لي ان المحكمه طلبت شهادتك عشان تقولي لهم انهم كانوا يهددونك من قبل (رفعت عيونها لاصيل)ةلو ماتكلمتي يااصيل بكرا دم عمر بيروح هدر ( وقفت اميره وهي تتامل اصيل) يعني ماكانك سويت أي شي زوجك وحبيبك مات وولدك مات واللي سوا فيهم كذا بيطلعون لو ماتكلمتي (سكتت شوي بعدين قالت بهقر) ايه اقعدي كذا ضعيفه اقعدي زي ماانتي وخليهم هم يطلعون من السجن وينبسطون بحياتهم وانتي (ناظرتها باستسخفاف) اقعدي طول عمرك بهذا السرير لحالك (حركت يدينها حولها) شوفي من فيه عندك من فيه محد بتموتين كذا وحيده اذا ظليت كذا (لفت وجهها تبي تتطلع مقهوره من اصيل وتصرفاتها مسكت مقبض الباب بس قبل ماتتطلع وقفت بصدمه ولفت لاصيل سمعت صوت هادي ممزوج ببحه ركضت لاصيل) تكلمتي اصيل قولي لي تكلمتي ؟
دخلت ام اصيل وسكتت تناظر الموقف بصدمه
رفعت عيونها اصيل لاميره وهي معقده حواجبها:ماراح يروح دم عمر ولدي هدر ماراح اموت وحيده ماراح اخليهم يعيشون مرتاحين وعمر رحل عن هذي الدنيا
هزت راسها اميره وهي تبكي: ايه لاتخلينهم لاتسمحين لهم يدمرونك
شهقت بصدمه ام اصيل وركضت لبنتها وهي تضمها: يمه اصيل اااه يابنتي اه حسبت اني فقدتك ااه  ياروح امك
شهقت اصيل وهي تضم امها:سامحيني يمه سامحيني
كان منظر بجد مؤثر صارت تبكي اميره وهي ضامه شفايفها لبعض اصيل ماكانت الا ضحيه لعادات وتقاليد لفت اميره تبي تتطلع بس وقفها صوت اصيل
اصيل:اميره
لفت اميره لاصيل:هلا
ابتسمت اصيل بين دموعها وفتحت يدينها
قربت اميره وضمتها بقوة
اصيل:لولاك ما وصلت لكذا
ابتسمت اميره:لاتقولين كذا لو ماانتي قويه كان ماوصلتي لهنا
ابتسمت اصيل وبعدت عن اميره وناظرت امها:يمه انا بروح للمحكمه
هزت راسها ام اصيل وهي تمسح دموعها:اكيد بكرا الصبح نروح
ابتسمت اميره وهي تمسح دموعها:اجل انا اعذروني عندي كم شغله توصون ع شي؟
اصيل وام اصيل:سلامتك
اميره:الله يسلمكم (لفت وجهها وطلعت وتراكت ع الجدار شهقت وهي تبكي تعرفون شعور لما تنجحون بشي كنتوا فاقدين الامل منه )
كان يمشي بين غرف مرضاه وماسك بيده ملف ويكتب فيه رفع راسه وشافها ركض لها بخوف:اميره وشفيك؟
رفعت راسها ولاشعوريا ضمته وهي تلف يدينها حول رقبته وصارت تبكي بقوة
طاح الملف من يده يحس وكان الدنيا صارت تمشي بحركه بطيئه حيل غمض عيونه ورجع فتحها ويدينه بعيده عن ظهرها
اميره وهي تشاهق: نجحت اصيل تكلمت ..
ابتسم بفرحه وبعدها عنها وهو يمسكها من كتوفها: جد ؟
هزت راسها وهي تشهق
ابتسم وهو يناظر عيونها:ليش تبكين ؟
شهقت بقوة وهزت كتفها بمعنى مدري
ضحك بخفه: هههه اميره انتي سويتي اللي الكل ماقدر يسويه هنا ومنهم انا انتي عالجتيها اميره عالجتيها انتي رجعتيها لحياتنا اميره انتي ملاك ارسله الله للبشر يساعدهم
كانت كلماته لها وقع كبير عليها بعثرت مشاعرها وبنفس الوقت جمعتها ماقدرت تقول أي شي تحس مافيه ولا حرف ياصف موقفها
ابتسم بقوة وهو يتامل عيونها:انتي ساعدتيني حيل خليتيني اعرف اتصرف بمواقف ماكنت قبل اتوقع اني بقدر اتصرف فيها انتي خليتي اصيل تتكلم بعد جرح قليل احد يصحى منه اميره انتي لازم تفخرين انتي ساعدتي اثنين وغيرتي مجرى حياتهم
شهقت وهزت راسها بايجاب وابتسمت بين دموعها ..

بـــيــت خــالـــد الـــراســي
جـــنـــاح الـــضــيـــوف
كانت قاعده ع السرير ولامه رجولها لصدرها ومركيه راسها ع ركبتها وتناظر للفراغ ""ااه لو اموت الحين وارتاح يمه تعالي تكفين ارجعي لي انا محتاجه لك ااه فهد نسيت وعودنا نسيت اننا مستحيل نتخلى عن بعض اه"" مسحت دموعها بسرعه لان الباب طق:ادخل
دخلت الخدامه وهي تتدف عربيه فيها صينيه كبيره نزلت الصينيه ع الطاوله الصغيره قدام قمر وفتحت الصحون وصبت بكوب عصير من الجاك وطلعت
عقدت حواجبها بضيق ""هذا هو العز هذي هي الفلوس اللي باعنا ابوي عشانها هذي الفلوس اللي عبدالعزيز باعني عشانها (صارت تتامل السقف والجدارن والاثاث) عشاان كم غرض عشان خدم يصبون لنا اكلنا وشربنا ( شهقت وهي تبكي وقفت ورمت الصحون بغضب وسحبت الابجوره ورمتها بكل قوتها ع الارض دفت كل الاغراض العطور الموزعه ع التسريحه ع الارض وهي تبكي): ااااه اكرررررررهكم (صارت تحوس السرير وسحبت مزهريه اللي فيها الورد المحطوط ع الطاوله وكسرتها بالارض طاحت ع ركبها وهي تشاهق وبصوت مجروح): فهد تعال 
دخلوا يركضون اولهم خالد ووراءه ام ناصر ونادر واخر شي ناصر ووقفوا يناظرونها بصدمه
شهقت بقوة وبصوت عالي: تعال خذني ااااه   ماابيهم  ابيك فهد
ركضت لها ام ناصر وهي تحاول تهديها:بس حبيبتي بس (وبدون شعور ضمتها) بس يمه بس خلاص اهدي
صارت قمر تبعدها عنها بانفعال: اتركبني اتركوني كلكم اطلعوا من حياتي اطلعوا ااه (ضمت ام ناصر بقوة وهي تشاهق وبهمس) فهد فهد تعال انا تعبانه دونك فهد فهد
بدت دموع ام ناصر تنزل رفعت عيونها وناظرت خالد بنظره لوم عتاب او يمكن حقد
بلع ريقه وتسند ع الباب المنظر اكبر من انه يستحمله هو السبب هو السبب باللي قاعد يصير
ناصر بخوف: يبه فيك شي؟؟
نادر وهو يركض لقمر وحط يده فوق كتفها وبخوف:قمر؟
ناصر وهو يمسك ابوه من يده:يبه؟
رفع عيونه لناصر وناظره بتعب وتساءل بس صرخه ام ناصر خلتهم كلهم يلتفتون
ام ناصر اللي حست بثقل جسم قمر صرخت وهي تبعدها: اااه
ركض لها ناصر ومسك قمر وصار يطق خدها:قمر قمر (رفع راسه لنادر وصرخ) جيب عطر قوي
هز راسه نادر وركض وتعدى ابوه اللي طاح ع الارض ويناظر للموقف بصدمه وبدون أي ردة فعل ثواني وجاب العطر مده لناصر
ناصر وهو يبخ بيده وصار يشممها وبهدوء:قمر قمر
قبل ماتفتح عيونها ""ويني احس وكاني طايحه بمكان عميق اااه من اللي يناديني ليش صوته بعيد كذا" بدت تفتح عيونها ع خفيف وبهمس:فهد
ناظرها ناصر باستغراب وتذكر لما قاله ابوه اللي صار""اكيد هذا اللي قالته انه زوجها بس وش بينها وبينه ""
ام ناصر بخوف:ناصر قوم جيب الدكتور بسرعه
هز راسه ناصر وشال قمر وحطها ع السرير وطلع بسرعه
اما نادر نقز بجنب قمر ع السرير وهو يمسح ع شعرها بخوف
وقفت ام ناصر وناظرت زوجها اتجهت له وحطت يدينها ع ركبه:خالد؟
رفع عيونه لها وناظرها بنظره مافهمتها
ابتسمت ع خفيف:هي بخير شوفها (وناظرت قمر)
لف وجهه وناظر قمر طاحت عينه بعينها الذبلانه بس نظرتها حسسته بشعور رعب ايه رعب خاف من المستقبل حسه ثقيل وصعب وشلون بيمر نظره قمر مو أي نظره نظره قمر نظرة غاضب نظرة حاقد نظرة منتقم لف وجهه ورجع يناظر زوجته شوي
مدت يدينها وساعدته ياقف ومشت معه لجناحهم
صارت تتامله بعيونها الذبلانه والدموع مغرقتها تكرهه تكرهه

اخبرني كيف استطعت ان تنظر مباشره في عيني
هل تعتقد ان مافعلته يغتفر ام تعتقد ان الايام محته
هل اردت ان اسمعك مره اخرى صوت انيني
ام ان ضميرك لم يعد يهتم وفعلتك جمدت قلبك وقسته

شـــقـــق الــشــمــس
شــقـــه وســـن و تــركـــي
دخلوا وهو يساعدها بفستانها دخلت الغرفه ودخل هو وراءها
تركي بارتباك: اا ايه انا بطلع وانتي غيري
ناظرته بعدين صدت عنه:طيب
طلع تركي وسكر الباب
لفت وسن وهي تتنهد وناظرت المرايه الطويله ""بغير وبروح لقمر من زمان عنها بشوف اخبارها"" حاولت تفك الفستان بس ماقدرت لان السحاب وراء"" ااف الله ياخذهن عماتي ان شاء الله شارين هذا الفستان اللي مدري وشلون ينفتح ""

تركي اللي قاعد برا حس انها طولت تقدم وطق الباب: وسن؟
وسن:ادخل
دخل تركي وقال بصدمه:انتي لحد الحين ماغيرتي؟
وسن وهي حاطه طرحتها ع كتوفها المكشوفه ا
سكتت شوي بعدين قالت:لا يعني الفستان السحاب  من وراء وماقدرت افتحه
سكت شوي وقال بتردد:افتحه؟
رفعت راسها بسرعه له وناظرته سكتت وصدت شوي بعدين قربت له وعطته ظهرها
بلع ريقه ومد يده لظهرها ورفع شوي الطرحه اللي شدتها وسن حس بان وسن كانها بتموت من صوت تنفسها العالي سحب السحاب لتحت تنهد بعمق ولف وجهه وطلع برا الغرفه
ماتحركت من مكانها بس دموعها بدت تنزل ع خدودها والكحل والمسكارا ساحت مسحت دموعها بقوه وغيرت الفستان ولبست بجامه  ومسحت المكياج ونزلت التسريحه صارت تتامل شكلها الهادي سحبت عبايتها وطلعت: تركي بروح لقمر
رفع عيونه لها بهدوء وهو يتاملها:روحي (ووقف ومشى وراءها)
هزت راسها وطلعت صارت تتطق باب الشقه بس مافيه أي اجابه لفت لتركي:وشفيها؟
تركي باستغراب: مدري يمكن طالعه
عقدت وسن حواجبها بضيق: لا مااتوقع الساعه 1 وين بتروح؟
تركي وهو يمد جواله لها:حافظه رقمها؟
وسن بخيبه امل:لا (وكانها تذكرت شي) صح نادر اكيد يعرف وينها عندك رقم نادر ولد خالي خالد؟
تركي وكانه يتذكر: والله مدري لحظه (صار يدور بالارقام) هذا هو
وسن بحماس:صدق دق عليه
تركي:طيب (ودق مده لها بسرعه) رد
سحبت السماعه وسن:الو هلا نادر انا وسن اايه وشلونك انا بخير (وبسرعه) نادر بسالك عن قمر شفتها (شهقت بصدمه) ايش متى وشلون؟
تركي بخوف:وشفيه وش صار؟
هزت راسها وسن وبضيقه:طيب طيب مع السلامه (سكرت السماعه ومدت الجوال لتركي ودخلت الشقه)
دخل وراءها تركي:وسن وشفيه؟
قعدت وسن ع الكنب بذهول وصدمه وماقالت أي شي ..

بـــــعـــد يــــومــيــــن

بـــيــت خـــالــد الــراســــي
اميره وهي واقفه قدام المراييه وتضبط الكحل وحاطه سماعات الجوال باذنها:ايه المهم ترا بكرا عزيمه عندنا ايه عشان قمر
ساره: اميره حلوه؟
سكتت اميره شوي بعدين قالت: ايه يعني ناعمه مو جميله
ساره:وصدق شكلها كانها ولد؟
اميره:ايه المهم تعالوا بدري
ساره:من بيجي؟
اميره:الكل حتى ووسن بتجي
ساره:جد؟
اميره: ايه بلاك ماتتدرين وش صار بوسن
ساره بحماس:وش صار؟
اميره:بكرا اقولك المهم لاتتاخرون
ساره:الحين وين بتروحين؟
اميره بابتسامه:بروح الحفل المستشفى مسويه لنا عشان تخرجنا
ساره:اها حلو اجل اتركك تكملين كشختك
ضحكت اميره:هههه ايه كشخه كلها كحل ومسكارا وشويه بلشر
ساره: ايه صح ههه نسيت انه مختلط وانك لابسه نقاب مدري لثمه
اميره: ايه يلا عاد اشوفك بكرا
ساره:اوك بايو
اميره:باي (سكرت عبايتها وطلعت)

جـــنـــاح الــضــيــــوف
قمر وهي ماسكه الجوال ودقت ع فهد ردت بغصه:الو
فهد وهو يتنهد:الو
سكتت قمر شوي بعدين قالت: تدري وش تذكرت؟
فهد بهمس:ايش؟
قمر: تذكرت وعودنا اننا مانتخلى عن بعض (بدت دموعها تنزل وبهمس) فهد انا اموت وربي قاعده اموت ومحد حاس ااه ااه
بلع ريقه بغصه:اصبري وربي اني لارجعك لي بس انتظري قمر لاتبكين
شهقت وهي تحاول توقف شهقاتها بس ماقدرت حاولت تنطق بس صوت شهقاتها ماعطاها مجال تتكلم كل ماجت بتقول أي حرف شهقت:ااه
سكت فهد شوي وهو يسمع شهقاتها اخذ نفس وبدا يغني بصوت عذب مجروح مبحوح عميق:

لا تبكيـــن يا عينــي

لا تبكين يا عيني..
ياعيني وتبكيني ....
مثل ما فارقوج مفارقيني.
لو بالبجي يرجعون أعمي أثنين العيون..
لو بالبجي يرجعون أعمي أثنين العيون
ياعيني عليهم شو تنشديني ..
مثل ما فارقوج مفارقيني.
باجر يجون أحبابنا..
نحجيلهم كل شي بدمع الفرح وإثنينآ ..
نقابلهم ونبجي..
لو بالبجي يرجعون أعمي اثنين العيون ..
يا عيني عليهم شو تنشدين..
مثل ما فارقوج مفارقيني..
ياعين غمضي الجفن..
خليني ساعة ارتاح..
وصدقيني..
عمر البجي ما يعوض اللي راح:
لو بالبجي يرجعون أعمي اثنين العيون ..
لو بالبجي يرجعون أعمي اثنين العيون
يا عيني عليهم شو تنشدين..
مثل ما فارقوج مفارقين..

سكت وقال:وربي ياقمر لو البكي بيرجعنا لبعض وقسم اني مستعد انعمي مو بس ابكي قمر هذا مايفيد حنا لازم نفكر بشي يفيدنا
هزت راسها وهي تمسح دموعها وبصوت مبحوح من البكي:صح
ابتسم ع خفيف:يكفيني الحين بس اسمع صوتك (وبصوت خافت) قمر
قمر:لبيه
فهد وهو يحط الجوال ع اذنه وينسدح وغمض عيونه:سولفي علي لين انام ابي اخر صوت اسمعه قبل ماانام انتي
ابتسمت بين دموعها:حاضر (وبدت تتكلم باي شي يطري ببالها)

ماذبحني .. غير [ دمعه ] جات من عقب إبتسامه
ۈلا قهرني .. غير شي .. شفته عمره ماطرا لي !

 
#يـــتـــــبـــع...