شـــقـــق الــشــمـــس
شـــقـــه قـــمـــر
قمر:لا بدق ع فهد واقوله مو رايحه وشلون اخليك لحالك هنا انتي صاحيه ؟
وسن بابتسامه:ايه صاحيه عادي وشفيها لما كنت بشقتي كنت اقعد لحالي
قمر وهي تجلس ع طرف الكنبه: قلتيها يوم انتي بشقتك (وقفت بحماس)لقيتها
وسن باستغراب:وشي اللي لقتيها؟
قمر بابتسامه غبيه:تروحين معي للمزرعه
ناظرتها وسن باستغراب بعدين انفجرت ضحك:هههههه بصفه ايش بالله؟
قمر وهي تعض ع شفايفها السفليه وتفكر: اختي ماقدر وش رايك عمتي؟
وسن وهي تحط يدها ع خصرها:لا ياشيخه وش شايفتني عجوز؟
قمر:هههههه مو كل عمه لازم تكون عجوز
وسن وهي رافعه حاجب وراسمه ابتسامه:وش رايك خطيبتك؟
ناظرتها قمر بصدمه:ههههههه من جدك؟
وسن:هههه ايه يلا قمر خلنا نستهبل
قمر: طيب بس اكيد بيستغربون وشلون خطيبتي تجي معي؟
وسن:انا كاني بنت خالك وعندي اختبار يوم السبت واهلي راحوا للقريه عند الجماعه وماهم راجعين الا يمكن الاحد وانا اضطريت اقعد معك عشان الامتحان
ناظرتها قمر بصدمه:هههه اقول وسن ألفي روايات
وسن:ههههه اعجبك يلا والله كذبه مقنعه
قمر:هههه صادقه يلا بسرعه البسي
راحت وسن تلبس واخذت لها هي ملابس: قمر اخذتي ملابس؟
قمر:ايه اخذت (دق جوالها) هلا فهد طيب يلا بنزل باي (سكرت) وسن يلا
طلعت وسن وهي تلبس عبايتها وماسكه شنطتها:يلا
قمر بمزح وهي تتكلم بصوت رجولي: اروح ياقلبي مع هالكشخه
وسن بنفس المزح غطت وجهها وبدلع:لا حبيبي استحي
ناظرن بعض وفطسن ضحك واخذن الشناط وطلعن
مــســتــشــفــى الانــتــمـاء
دخلت اميره بهدوء وتمشي بخطوات ثابته وترد ع الممرضات والطالبات وبعض الطلاب اللي يتحمدون لها بالسلامه
سوسن وهي تضم اميره:الحمدلله ع سلامتك
اميره بابتسامه:الله يسلمك
جت ممرضه:بنات الدكتور رامي يبي كل الطلاب بمكتبه (وطلعت)
سوسن:يلا امشي
اخذت نفس اميره:يلا
ســــيـــاره فــــهــــد
طلعت قمر من العماره ووراءها وسن عقد حواجبه فهد باستغراب ""من هذي""
مها وخوله اللي كانوا راكبين مع فهد ناظرن بعض باستغراب بعدين رجعن ناظرن قمر
وقفت قمر قدام الشباك فهد:مرحبا ايه فهد هذي خطيبتي وسن بنت خالي
فهد ناظرها باستغراب بس بعدين استوعب ان قمر تقولها بمعنى مشاها:ايه ايه تفضلوا
هزت راسها قمر ولفت لوسن:اركبي وراء
هزت راسها وسن بهدوء وركبت جنب مها وخوله:السلام عليكم
خوله وفهد:وعليكم السلام (اما مها سكتت وهي مقهوره ودموعها بعيونها"" وشلون خطيبته ومتى خطب "")
قمر:اعذروني اني يعني جايبها معي بس
فهد:لا وش دعوه عادي (قالها وهو ماسك ضحكته)
لفت قمر وجهها لشباك لانها تحس بتنفجر ضحك بلعت ريقها وسكتت
خوله بابتسامه: باي سنه؟
وسن ""لازم اصير اصغر من قمر او كبرها"" لفت لخوله: 17
خوله:ياي هههه حلو كبر بعض انتي وفارس
ضربتها مها من فخذها بقوه
خوله:اايه
ناظرتها وسن باستغراب:فيك شي ؟
فهد وهو يلف لهم:فيكم شي؟
خوله وهي تحك فخذها: لا لا هههه
وسن:ايه انا عندي اختبار السبت واهلي رواحوا للقريه عند جماعتنا وماراح يرجعون الا الاحد عاد اضطريت اجلس عند فارس
خوله اللي ودها تسولف بس خايفه من مها:هههه ايه ..
مــســتــشــفــى الانـتــمــاء
دخلوا كل الطلاب بالمكتب وهم يسلمون ماعدا اميره ظلت ساكته
انبسط لما شافها وقف وابتسم:الحمدلله ع سلامتك يااميره
اميره بدون ماتناظر له وبهدوء:الله يسلمك دكتور
ناظرها شوي بعدين لف وجهه:بقى لكم اسبوع واحد بس وينتهي تتطبيقكم
ناظروا بعض بفرحه وصاروا يتهامسون
رامي وهو يتاملهم:بس
كلهم لفوا له بخوف واستغراب وباصوات مختلفه: بس ايش...وشفيه؟
رامي:بقى اختبار واحد بس لكم وبعدها باذن الله كلكم ناجحين
انبسطوا وهم يتكلمون قالت سوسن:وش نوع الاختبار؟؟
رامي: قلتي وش نوع الاختبار صح؟
سوسن باستغراب وهي تناظر الطلاب:ايه
رامي:كلنا درسنا قسم نفسي وكيف نتعامل مع المواقف الطبيه صح؟
الطلاب ماعدا اميره:ايه
رامي وهو يتراكى ع مكتبه:هذا هو الاختبار كل واحد منكم بعطيه شخص يشخص حالته النفسيه وكيف يبلغ المريض واهله بمرضه فاهمين؟
واحد من الطلاب:هذا اختبار سهل دكتور
رامي بابتسامه:متاكد لا مو سهل بنشوف كل واحد واسلوبه كيف بيقنع المريض واهله بان المريض مرضه ماله أي علاج
شهقوا كلهم وصاروا يتلفتون وهم يتهامسون صح وشلون ببيلغونهم بشي زي كذا باي اسلوب بيتكلمون وش راح يقولون؟
رامي لف وجهه وسحب ملفات:سوسن وزيعها كل واحد منكم مكتوب اسمه ع ملف المريض
صارت سوسن توزع بحسب الاسم لين خلصت ووقفت
واحد من الطلاب:دكتور ماتقدر تغير الاختبار جد هذا صعب
رامي:لا ماقدر ويلا ماقدامكم الا اسبوع واحد بس تفضلوا شوفوا شغلكم
صاروا يمشون برا المكتب وهم يتهامسون بقهر ومتضايقين ويسبونه
رامي وهو يشوف اميره:اميره لحظه وقفي
وقفت اميره بدون ماتلف وصارت تشوف الطلاب اللي طلعوا وسكروا الباب لفت له:نعم دكتور؟
رامي وهو يتنهد:اميره صدقيني ذاك اليوم ازهار
قاطعته اميره وهي تمثل عدم الاهتمام:متى أي يوم اااه يوم دخلت المكتب ايه اسفه ماقصدت ادخل دون مااطق الباب
رامي وهو يناظرها بصدمه:لا انا ماقصد كذا انا وازهار ماببينا أي شي وو
قاطعته اميره:وانا وش دخلني تقولي ههه كيفك انت وزوجتك مدري طليقتك حورين و ايه صح اكيد انك تقصد مااقول لاحد لاتخاف محد راح يدري (طلعت بسرعه وسكرت الباب وهي تسمعه يناديها حطت يدها عند فمها تمنع شهقاتها غمضت عيونها بقوة ودموعها تنزل ضمت الملف بيد وحده وصارت تركض)
الـــمـــزرعــــه
وقفت سياره فهد بس قبل مايطفيها نزلت مها بسرعه
لف فهد باستغراب:وشفيها؟
خوله:هاه مدري (لفت لوسن) تفضلي
هزت راسها وسن بعد ماناظرت قمر ونزلت
قمر باستغراب:وشفيها؟
فهد:مدري عنها (ابتسم) ههه خطيبتك هاه؟
قمر:ههههه شفت بصراحه ماقدرت اتركها لحالها بالشقه
ابتسم فهد وهو يفتح باب السياره:انزلي
نزلت قمر وبدا السلام عاد تعرفونه وعرفتهم قمر ع وسن زي مااتفقوا ..
مشاري : يالعين ماقلت لي انك خاطب؟
قمر: ههههه
فهد اللي كان ينزل الاغراض وابوه يكلمه من شاف مسكه مشاري رمى اللي بيده وراح يركض وسحب قمر ولف يده حول رقبتها
ابوفهد وهو يناظرله باستغراب: الله يخلف ع هالولد
ابتسمت قمر بخجل وفرحه من حركة فهد وسكتت
فهد:هههه شفت يامشاري ههه البزر ماقال لنا؟
مشاري اللي استغرب بس مشاها:ايه من متى؟
قمر وهي تبعد يد فهد عنها:ههه يعني هو ايه حنا محيرين ((للي مايعرف وش معنها:مثل ان نقول فلانه لفلان من هم صغار ))
مشاري:هههه يلا امشوا للخيمه
دخلوا وقعدوا بعد ماشبوا النار وفهد تتطوع انه هو اللي يسوي القهوة ..
جـــهــــه الــحــريـــم
كانت مها مكتفه يدينها وتخز وسن بقوة
الجده:ياحليله فارس اتاريه خاطب ولا قال
وسن:هههه ايه
ام فهد بابتسامه:وربي ان هذا الولد دخل قلبي ع طول
ام منى:ايه والله انك صادقه ياحليله (لفت لوسن وقالت بطبعها الشبابي وهي تغمز بعينها) اكيد تحبون بعض؟
ضحكت وسن:هههه
منى بابتسامه: يمه البنت تستحي
ضحكوا كلهم ماعدا مها اللي وقفت وطلعت وهي ماسكه دموعها
وسن بابتسامه """ماالومك ياقمر يوم انك تحبينهم وربي انهم يدخلون القلب ع طول""
الـــخـــيـــمـــه
قمر وهي طايحه ع المركى من الضحك:ههههههه فهد خلاص يرحم امك طاح وجهك لين قال بس وانت مسوي فيها تعرف تسوي قهوه ههههه خلها خلاص
مشاري:هههههه لا لا كل شي الا مايعرف الهيل
قمر:هههههه
عصب فهد ولف لهم:يعني انتوا اللي تعرفون هاه يلا تعالوا وروني شطارتكم
مشاري:هههه انا ماقلت اني اعرف
قمر بابتسامه وهي تقرب منه:خلاص خلاص رحمتك انا بسويها
رفع فهد حاجبه:رحمتني هاه؟
قمر وهي ماسكه ضحكتها:ايه
دف وجهها بيده وقام وجلس بعيد
ضحكت قمر وبدت تسوي القهوه
ابوفهد وهو يتاملهم بهدوء ""الله يخليهم لي يارب""
قمر وهي تحوس بالعزبه:مافيه اللفيه؟
مشاري:دورها
قمر:متاكد مافيه
مشاري وهو ياقف:بروح اجيبها اكيد بالمطبخ
قمر وعيونها ع دله القهوه:طيب
طلع وهو يمشي ومدخل يدينه بجيوب بنطلونه ويغني اغنيه اجنبيه
((المطبخ حق المزرعه خلفي وله باب من عند جهه الحريم وباب من جهه الرجال وعند الباب الخلفي ممر وسيع وفيه احواض نخل))
وقف مشاري وبلع ريقه وهو يناظر لها كيف جالسه ع طرف الحوض وتبكي نزل راسه وتنحنح:احمم
تغطت مها بسرعه وسكتت
مشى مشاري وتعداها بس وقف وبلع ريقه وغمض عيونه ""لاتلف يامشاري ماتستاهلك ااه"" لف وهو يقرب:مها
رفعت راسها وهي لسى متغطيه وبصوت مبحوح:نعم
سكت شوي بعدين قال:ممكن اجلس؟
ناظرته باستغراب: ايه تفضل
جلس مشاري ع الحوض اللي قدامها ومابينهم مسافه بعيده وبصوت هادي:وشفيك؟
مها وهي تبلع ريقها بارتباك:مافيني شي
نزل راسه بعدين رجع رفعه وبهدوء بس بحده:قلت وشفيك؟
سكتت مها شوي بعدين تكلمت بقهر وبدون شعور:مااحد يفهمني ويفهم مشاعري ..
صار يتاملها وهو يتالم بداخله ""انا يا مها انا افهمك وربي افهمك"" فضل السكوت عشان تتكلم براحتها
مها وهي تصيح ناظرت مشاري بتامل:مشاري تعرف لما تحب شخص وانت تتدري انه مو ملكك؟
غمض عيونه بالالم ""انا اكثر شخص بالدنيا فاهم هذا الشعور"""
شهقت مها:تعرف شعور انك تشوف اللي تحبه مع شخص غيرك انك تتدري بداخلك انه مايحبك
مشاري """خلاص اسكتي "" قالها بنفسه بس ماقدر يقولها بوجهها
مها بانفعال:هو جاي مع خطيبته يعني هو مايحبني بس انا احبه مشاري قلي تكلم وش اسووي اسكت والا لا ايش اسوي تكلم
وقف بغضب وهو يشد ع يده وكانه يبي يتخلص من الغضب بهذي الطريقه وهو مغمض عيونه تنهد بصوت عالي وفتح عيونه وصار يتاملها بهدوء بعدين قال بابتسامه:هذا هو الحب يامها صعب وفيه اشياء بحياتنا تكون (ناظرها من فوق لتحت) عقاب ع اشياء سوينها (لف وجهه ومشى)
وقفت وهي معقده حواجبها باستغراب ركضت له ومسكت معصمه:وش قصدك؟
كان معطيها ظهره وهو مغمض عيونه """ااه يامها اتركيني دامني هادي"" سحب يده من يدها بقوه ومشى
صارت واقفه وهي مصدومه ومستغربه منه""وش يقصد""
صار يمشي مشاري بدون أي مكان معين بالمزرعه وهو يتنفس بصوت عالي فجاه رفع راسه وصرخ جلس ع ركبه وهو يبعثر التراب بعصبيه لين طاح ع كوعه كانه ساجد وصوت تنفسه عالي والظاهر"""ليش انا يصير لي كذا؟"": ليش؟
بلاني زماني بواحد اناني
نسى طيب قلبي وعطفي وحناني
الـــخـــيـــمــــه
قمر ""تاخر مشاري"" وقفت وشافت فهد يسولف مع ابوه وعمه ابومشاري طلعت وهي تتلفت دخلت المطبخ:ماري
ماري الشغاله:نعم
قمر:وين مشاري؟
ماري:مافيه يجي هنا
عقدت حواجبها باستغراب وطلعت وهي تمشي طلعت جوالها ودقت عليه:الو مشاري يا دب وينك؟ ليش ما ـ ـ (حست شي غريب بصوته) وشفيك طيب الحين جاي باي (سكرت ومشت للمكان اللي قالها مشاري عنه) ..
بـــيـــت مــنــيــره
نور وهي تاقف بقهر:بس بس خلاص انتي هنا تصيحين عشانه سنين وانا وقمر نمثل اننا ماندري انك تحبينه (تنهدت وجلست جنبها ع السرير وحطت يدها ع شعر منيره وهي تمسح عليه وبحنيه) بس ياروحي بس انسيه هو الخسران هو مايستاهلك هو بس خانك لا هو خاننا كلنا حبيبتي
منيره اللي منسدحه ع بطنها ومدخله راسها بالوساده شهقت وتعدلت ورمت نفسها بحضن نور: احبه يانور احبه ااه من اختفى كنت اقول بنفسي اكيد انه فيه شي يمكن مريض يمكن مسجون يمكن أي شي بس ماتوقعته يسوي كذا تركنا عشان الفلوس فلووس يانور وشلون جابها ومتى مو قادره اصدق مو قادره
بكت نور معها وهي تضمها:بس حبيبتي بس اذا انتي وفواز تسوون كذا اجل قمر لو درت وش بتسوي (سكتت شوي بس منيره لسى متواصله بالبكي) طيب اذا مو مهتمه فيني ارحمي امك اللي تصيح بالصاله عشانك قومي شوفيها
بعدت منيره ع طول ع نور وبصوت مبحوح:صدق؟
نور وهي تمسح دموع منيره وتبتسم:ايه قومي لها
هزت راسها منيره وطلعت لامها وارتمت بحضنها
ام منيره:وشفيك يابنتي
نور وهي تمسح دموعها وبابتسامه:مافيها الا العوابه بس من شافت عبدالعزيز تذكرت قمر وتفكر فيها بس
ام منيره اللي ماصدقت:صدق يامنيره؟
هزت راسها منيره وهي تتدخل راسها بصدر امها وكانها تبي الامان تبي الحنان
الـــمـــزرعــــه
قمر وهي تقعد ع ركبها بخوف جنب مشاري وتناظره بتركيز:مشاري وشفيك؟
رفع راسه مشاري وهو يناظرها:فارس
قمر وهي تبلع ريقها:هلا
مشاري:انت تحب خطيبتك نسيت اسمها؟
استغربت قمر سؤاله وصارت تناظرله وهي معقده حواجبها:ليش؟
مشاري اللي صوته مبحوح وعيونه حمراء:جاوبني
مشاري وهو يمسكها من كتوفها بقوه:تكفى يافارس اذا ماكنت تحبها تزوج مها
ناظرته قمر بصدمه وذهول بعدت يدينه: انت اكيد انجنيت وشفيك؟
مشاري وهو يبتسم باستهزاء:ماقدر اشوفها تتعذب وتتالم هي تحبك هي تبيك انت مو انا ههه شكلي مكتوب لي مااتزوجها (رفع راسه وهو يناظر قمر) طالبك يااخوي انك ـ ـ
وقفت قمر بعصبيه:لاتكمل انت اكيد مجنون (كان ودها تصرخ وتقول انا بنت بس حتى لو هي ولد ليش يسوي كذا ماقدرت قمر تستوعب موقف مشاري ياترى هو ضعف والا تضحيه بس اللي قدرت تستوعبه ان مشاري وصل لمرحله الجنون) هزت راسها ولفت وجهها وهي تمشي بعصبيه طلعت جوالها:الو وسن اطلعي برا ابيك واسمعي جيبي مها معك ايه مها بس بعدين تعرفين (سكرت الجوال وهي واقفه عند الباب الخلفي ومتراكيه ع الجدار ورفعه حاجب وتهز برجلها بعصبيه ونرفزه)
مـــســتــشــفــى آلانــتـمـاء
كانت اميره تمشي وجنبها رامي وهم ساكتين
رامي: قريت ملف المريضة ؟
اميره بهدوء:ايه
رامي:هاه؟
هزت كتفها اميره باستغراب:مافهمت شي بصراحه يعني كل فحوصاتها سليمه بس مع كذا هي لسى موجوده هنا
هز راسه رامي وهو ياقف قدام باب غرفه: هذي غرفتها ندخل؟
اميره بسرعه:اكيد
فتح الباب رامي ودخل و وراءه اميره وسلموا
وقفت اميره وهي تتامل المراه انصدمت ماكانت الا شابه بعمر الزهور مستحيل تتعدى 23 سنه بس كانت تناظر للفراغ اللي قدام ووجهها اسود وعيونها حمراء والدموع تنزل منها صحت ع صوت المراه الكبيره بالسن اللي قاعده ع الكرسي
رامي بابتسامه:وشلونك ياخاله؟
تنهدت المراه وهي تمسك يد بنتها:الله اعلم بحالتنا
لف رامي وصار يتامل اميره:ياخاله هذي الطالبه اميره هي تتطبق الحين عشان تصير دكتوره وطلبت منها تستلم حاله اصيل (البنت المريضه)
تنهدت ام اصيل:ماراح يفرق تفضلي يابنتي
هزت راسها اميره بهدوء: خالتي قوليلي كيف بدا مرض اصيل؟
سكتت شوي ام اصيل بعدين تكلمت:اصيل تزوجت ولد خالتها عن حب وغصبا عن الكل لان حنا عندنا البنت لولد عمها (ابتسمت باستهزاء وهي تتامل بنتها) من هي طفله وهي ترفض تسمع لاحد بعكس خواتها وتمشي كلمتها ووقفت قدام كل الجماعه ورفضت تتزوج ولد عمها و هربت مع ولد خالتها لفرنسا وتزوجوا هنااك كانت تكلمني دايم بس بدون مايدري ابوها وبعد سنه قالت لي يمه انا برجع لاني حامل خفت عليها ونبهتها ما ترجع لان عمانها حالفين لايذبحونها (صارت تتامل بنتها وهي تصيح ومسكت يدها)
بلعت اميره ريقها وناظرت رامي بخوف وسكتت
كملت ام اصيل: بس هي ماسمعت كلامي ورجعت مع ولد خالتها استغربت انهم واقفوا يقابلونها وانهم سامحوها وبعد اسبوع واحد بس اولاد عمها تجمعوا وضربوا عمر (زوج اصيل) ااه ااه وتركوه ينزف ولما وصل للمستشفى مات قدام اصيل مات بين يدينها ااه يابنتي سامحيني ماقدرت احميك منهم سامحيني
وبعدين ضربوا اصيل لين سقطت ومن بعد هذاك اليوم هذي هي حالها ماتتكلم وبس تناظر بدون تركيز وتصلي حتى الاكل ماتاكله عايشه ع هالمغذي
اميره بصدمه وقهر: واولاد عمها وش صار عليهم ؟
ام اصيل: بالسجن حاولي يابنتي بس انا متاكده ان بنتي ماتت مع عمر
حست اميره كلمه ام اصيل قشعرت جسمها ماتدري ليش لفت وصارت تتامل اصيل بالالم وهي تفكر ليش الدنيا قاسيه ليش الحب كذا؟
غبت أنت وأصبح كل هالكون منفى
مدري أكمّل وين باقي سنيني ؟
خذني قبل يقتلني الضيق تكفى
أنا تعبت وصرت ماعاد أبيني .. !
الـــمـــزرعـــه
مها وهي تمشي وراء وسن ومستغربه وش يبي منها فارس بس مع كذا مبسوطه
وسن وهي تاقف جنب قمر وبهمس:وش تسوين؟
قمر وهي تناظر مها بنظرات قويه:الحين تشوفين
قربت مها وهي منزله راسها وبهمس:السلام عليكم
قمر طبعا بصوت رجولي:وعليكم السلام شوفي يامها بجيبها لك من الاخر
رفعت راسها مها وهي مستغربه من كلامه وصارت تناظر له
قمر بحده:مشاري واحد مجنون وضعيف لانه لو هو صدق قوي ورجال كان (ناظرت مها من فوق لتحت بقهر) مابقى يحبك لين الحين (ضحكت باستهزاء) غبي جد هو غبي لانه يحب وحده زيك (بعصبيه) انتي تدرين انه كان يدري انك تحبيني من زمان بس ساكت ولا فضحك عند ابوك وفهد انتي تدرين انه يعشق ترابك تدرين انه جايني يقول لي تزوج مها هي تحبك (ضربت برجلها الارض بعصبيه كان ودها تصفق مها كف كان ودها تصحيها وتقولها انا بنت مستحيل تفضح نفسها وحبت تقطع أي امل عند مها وقالت) بعدين انا احب وسن ومستحيل اخذ وحده يحبها صديقي واخوي ومستحيل بعد اخذ وحده اكبر مني (مسكت يد وسن بقوه وهي تناظر مها)
وسن اللي تناظر قمر بصدمه وفهاوه
اما مها اللي بدت دموعها تنزل بقوة شهقت كلام فارس جرحها جرح انوثتها ناظرت وسن بقهر لفت وجهها وراحت تركض
اول مااختفت مها من قدام عيونها جلست ع طرف الحوض وهي تتنهد
وسن وهي تجلس جنبها:قمر وشفيه وش صار؟
قمر وهي تتنهد: مدري يا وسن
سكتت وسن بضيقه ولفت يدها حول كتوف قمر ..
شـركـــه أبــوســديـــم
غـــررفــه آلإجــتـمـاعـات
طلعت سديم وجنبها حمد وهم يتكلمون بالشغل والاجتماع مروا من قدام مكاتب الموظفين
حمد:ايه صح بس ياسديم لازم ندرسها قبل مو ع طول نوافق
سديم: صح صادق
واحد من الموظفين بصوت عالي:هههه شباب شكلنا طحنا ع الكبير
الثاني:ههههه وبنصير فوق هاه؟
ضحكوا كلهم وهم يتطنزون باصوات عاليه والغاز مفهومه
وقفت سديم وهي تحس بتصيح لفت لهم وهي تناظرهم بصدمه تنهد حمد بقهر وبهمس:سديم اسحبي عليهم امشي
بس سديم لسى واقفه وهي مصدومه منهم
واحد بجراءه:شباب مالومه هههه من شاف هالعيون العسليه لزوم يخطط هههه
حمد اللي كان ماسك اعصابه بس من سمع هذا يتغزل بسديم حس وكان فيه ميه جني براسه لاشعوريا مسك الشاب من ثوبه وضربه بوكس
شهقت سديم بصدمه وبصوت عالي: حمد
نقزوا كل الرجال وهم يحاولون يبعدون حمد اللي قاعد فوق الشاب ويضربه بقوة والشاب بعد يضرب حمد بس مو بنفس قوه حمد
سديم وهي تصارخ:حمد اتركه اتركه حمد
بس حمد ماهو راضي يتركه ويضربه باي مكان يجي عليه والرجال يسحبونه وبالقوة بعدوه عن الشاب ومسكوه
واحد من الرجال: بس خلاص حمد اهدا
وقف الشاب وهو بيضرب حمد بس رجلين مسكوه:بس خلاص
حمد وهو يحاول يبعدهم بس هم ماسكينه رفع اصبعه بتهديد:قسم بالله لو سمعتك تقول كذا والله لاكون دافنك هنا
بسام وهو يقرب وانصدم ومسك حمد:وشفيك وش صار ؟
الشاب وهو يضحكه بضحكه منرفزه:هههه مسوي فيها روميو يعني؟
حمد اللي حس بيذبحه:اتركوني
بسام وهو يحط يدينه ع صدر حمد:بس خله يولي (ولف لشاب) يلا تقلع من هنا
سديم وهي تقرب وبخوف:حمد فيك شي؟
الشاب وهو يبعد يدين الرجال عنه:بعدوا ايه شوفيه مو هذا حبيبك
بس قبل مايتكلم أي احد شهقوا بصدمه من حركه سديم
سديم اللي ماقدرت تستحمل كلامه عطته كف محترم وبصرخه:اطلع برا انت مطرود
الشاب اللي انقهر وهو يحط يده ع خده:من انتي عشان تضربيني بعدين مو بكفيك تتطرديني وبقول لابوك عن كل سواتك مع هالكلب
حمد اللي خلاص وده لو معه مسدس كان فجر راسه:اتركوني اقول
لفت سديم لحمد وابتسمت بعدين لفت له:شوف اللي ماتوصله بيدك وصله برجلك والحين يلا تقلع (صرخت) محمد تعال طلعه برا ولا ابي اشوف وجهه ثاني مره هنا
محمد وهو يسحب الشاب:حاضر امش
ناظرتهم سديم وبصوت عالي:كل واحد ع شغله يلا (ولفت لحمد) تعال للمكتب (اخذت الملفات اللي مرميه بالارض ودخلت المصعد وهي تتراكى ع الجدار وتغمض عيونها بقهر)
عـــبـــدالـــعــزيـــز
كان متربع فوق السرير ويناظر بحده وحاط يده ع فخذه ووجهه ع يده ""وش اسوي الحين ارجع لفواز واتفاهم معه بس فواز مايبيني اف مابقى ع زواجي من نوف الا 3 اسابيع وش هالورطه وقمر وينها (بلحظه فكر ان قمر سوت الحرام) لالالا مستحيل قمر تسويها مستحيل (سكت شوي) وليش مستحيل اذا انا سويت اللي ماكنت بيوم اتخيل نفسي اسويه ليش استغرب ان قمر تسويه لا قمر ماتسويها ااف""
طق الباب ودخلت الشغاله وبالانقلش (بعد الترجمه): سيد عبدالعزيز السيد بندر(ابونوف) يريدك ضروري
هز راسه عبدالعزيز وهو ينزل من السرير ويلبس الشحاطه:طيب جاي
هزت راسها الشغاله وطلعت
الـــمـــزرعــــه
فهد اللي استغرب اختفاء مشاري وقمر لف للقهوه وشافها طبخت لين قالت بس شالها عن النار وطلع يدورهم وهو يمشي انتبه لقمر ووسن نزل راسه وتنحنح:اححم
وقفت وسن وهي ماسكه يد قمر وبابتسامه حنونه:انا داخل خلاص؟
ابتسمت قمر وهزت راسها:خلاص
راحت وسن وجاء فهد ابتسم وجلس جنبها:ااه وشفيك؟
ابتسمت قمر:ولا شي
سكت فهد وهو يكتف يدينه ويناظر لقدام وابتسمت:حلو المنظر صح؟
صارت قمر تناظر المنظر كان الشجر متتداخل ببعضه وحوله العشب وبعض الورود ووراءه المسبح المكشوف ابتسمت:ايه ( رفعت راسها وناظرته) فهد؟
فهد بدون مايناظر لها:هلا
قمر وهي تتامل ملامحه وبعمق:لو بيوم حبيت شخص بس اكتشفت انه مايحبك يعني اا
لف فهد وجهه لها وهو معصد حواجبه:طيب كملي
قمر وهي تنزل راسها بعدين رفعته:يعني هو مايحبك يحب صديقك يعني شخص انت تعتبره اخوك وانت تتدري بس صابر وبيوم جاك حبيبك وقالك انا احب صديقك وش راح تسوي بتروح لصديقك وتقوله روح تزوج حبيبي عشانه يحبك والا وش بتسوي؟
ناظرها فهد باستغراب:قمر وش السالفه؟
قمر بسرعه:مافيه شي بس يعني مجرد سؤال
سكت فهد شوي بعدين ناظرها وابتسم وبصوت يخق:طيب واذا انا متاكد انه يحبني؟
بلعت قمر ريقها وهي تناظر عيونه لفت وجهها وهي تبتسم وعضت ع شفايفها بعدت ابتسامتها ولفت له وهي رافعه حاجب:بس انا قلت ...
: بس أنا قلت انه مايحبك
ابتسم لين بانت غمازاته ورفع حاجب بتقليد لها:بس انا اقول انه يحبني
قمر وهي تكتف يدينها وبدلع رباني: فهد قلت مايحبك
فهد اللي ماسك ضحكته لانها انقهرت:الا يحبني
قمر: فهد
فهد:ههههه (لف لها وهو يقرب لوجهها) عيونه؟
بلعت ريقها ومن قربه لها وقفت بخجل وماعرفت ايش تسوي وماتبي تبين له انها استحت ضربت برجلها الارض وجمعت قبضتها وضربت صدره وهي تضحك بخجل و وجهها صار احمر: سخيف خلاص (لفت وجهها وهي تمشي)
فهد اللي حط يده ع المكان اللي ضربته كان قلبه عض ع شفايفه السفليه وقال بصوت عالي: اااااه اااي
لفت له قمر بخوف صارت تناظره وهو ماسك قلبه ركضت له وصارت لاصقه فيه: فهد وشفيك ؟
فهد وهو مغمض عيونه ومسكر اسنانه:ااه قلبي
قمر اللي لاشعوريا بدت تصيح حطت يدينها ع قلبه: فهد ااه وش اسوي (كانت تبي تاقف تروح تنادي احد بس)
مسك فهد يدينها اللي لسى ع قلبه بيدينه وهو يناظرها:خلي يدينك هنا لاتحركينها
ناظرته قمر بصدمه ودموعها تمشي ع خدودها:خلني اروح انادي عمي والا مشاري ووـ ـ
فهد وهو يبتسم: ماابي احد
قاطعته قمر بخوف:وشلون ماتبي احد اتركني اروح انادي احد
فهد بصوت يخقق:خايفه علي؟
قمر اللي تتكلم بدون ماتحس ايش هو يقصد:اكيد ياغبي
حط فهد يده ع فمها وهو يقرب وجهه لها وبهمس:احبك
كانت عيونها ع صدره بس من كلمته فتحت فمها وهي ترفع عيونها شوي شوي صارت تناظر ملامحه وكانها تبي تتاكد ان اللي قاله لها حقيقه والا مجرد خيال:هاه ؟
فهد وهو يتعدل بجلسته وماسك يدينها اللي ع قلبه ومبتسم وهو يناظر عيونها:تحسين بدقاته هذا هو من يشوفك يظل كذا (سكت يناظر عيونها ويتاملها) ايه احبك ياقمر حاولت اكتمه حاولت اخبيه بس (نزل عيونه ع خشمها وشفايفها بعدين رجع لعيونها هز كتفه) ماقدرت مايهمني انك تسوين نفسك ولد والا بنت المهم اني احبك وراح اتزوجك(سكت شوي وكانه ينتظر ردها بس لما شافها طولت) قمر؟
رمشت بعيونها اللي من بدا الكلام ماتحركت ولا حركه وبهمس:فهد
ابتسم بقوه وبانت غمازاته وغاصت عيونه
فتحت فمها تبي تتكلم بس ماقدرت كل الحروف خانتها والمشاعر هاجت وصارت تعصف بداخلها شهقت من البكي ماتدري هي فرحه والا حزن لا اكيد انها فرحه تحس وكان باب السعاده انفتح لها شهقت ثاني مره:ااه ااه فهد
ضحك فهد وهو يحط يده وراء راسها وسحب راسها لصدره وهو يمسح ع شعرها:هههههه يعني هذي فرحه؟
شهقت وهي تلف يدينها حول خصره:ااه ااه
ابتسم بقوه وغمض عيونه وهو يحط يده الثانيه حول ظهرها
أن قلت أحبكـ قالها قبلي الناس..
ودي بكلمه تعجزالناس عنها.!!
بــــيــــت حـــــــلا
شهد وهي تحط يدها ع كتف حلا:حبيبتي خلاص وربي قطعتي قلبي
حلا وهي تشهق من البكي:بعد بكرا عرسي ياشهد بس مو مع اللي ابيه ..
تنهدت شهد وهي تناظر لحلا هزت راسها باسف وش بيدها تسوي ماسوته: ااه حلا انتي لازم ترضين بالواقع خلاص سلمان زوجك.
شهقت حلا بقوه وهي تاقف وبعصبيه:ايه زوجي بس راح يصير زواج ورق وبس
وقفت شهد وهي تشهق:حلا وش قاعده تقولين تبين تحرمين الرجال من حقه بعدين من قالك انه بيسكت وتتوقعين لو خالتي او عمي دروا وش بيسون فيك تتوقعين ماراح يشك حلا خليك عاقله ولا تسوين شي تفضحين نفسك فيه
حلا وهي ضامه شفايفها بقوه وشاده ع قبضه يدينها ""ماحد يفهمها مااحد يفهم هي وش تحس فيها محد""
شــــركـــه ابوسـديـــم
مـــكـــتـــب ســـديــــم
كانت واقفه وتفتح علبه الاسعافات الاوليه ع المكتب اخذت قطنه فيها معقم ولفت لحمد اللي جالس ع الكرسي والكرسي اللي قباله قاعد عليه بسام قربت سديم لحمد:ارفع راسك
صد حمد وهو ساكت بعصبيه
تنهدت سديم وبحده:حمد قلت لك لف ابي اعقم جرحك
بسام:حمد وشفيك خلها تعقمه
ناظرهم حمد ولف وجهه لها ورفعه شوي
قربت سديم وهي تمسح ع جرحه بالمعقم سكتت شوي بعدين قالت:ماكان مفروض تسوي كذا
حمد اللي كان المعقم حار بس مااهتم:يعني كنتي تبيني اسمعه يتغزل واسكت؟
رفعت سديم عيونها عن الجرح وصارت تناظر عيونه
بلع حمد ريقه اول مره ينتبه لوساع عيونها ورموشها الكثيفه
تنهدت سديم وهي تمسك لزقه وتحطها ع الجرح وسكرت علبه الاسعافات ورجعت لكرسيها وراء المكتب
بسام اللي حس ان بينهم كلام وقف:انا استأذن (وابتسم لحمد) تعيش وتاكل غيرها مع السلامه
سديم وحمد:مع السلامه
بعد ماطلع بسام لفت سديم لحمد:كنت اقدر اتصرف
سكت حمد وهو يبي يعدل ثوبه اللي مفتوح كله بس لقى الازارير مقطوعه انقهر وشده بقوه وسكت
صارت سديم تتامله:حمد لازم تخفف من عصبيتك شوي مو كل شي عندك بالقوة
حمد اللي كان يبي يتكلم بس تذكر كف سديم ابتسم بعدين ضحك:هههههه
ناظرته سديم بصدمه واستغراب:وشفيك؟
حمد:هههه صراحه كنتي رهيبه ع الكف ماتوقعتك بتسوين كذا
ابتسمت سديم بخجل:ايه ههههه
عم الهدوء بينهم لدقايق بعدين قالت سديم بتردد: حمد؟
حمد:هلا
سديم: ممكن اسالك سؤال خاص شوي؟
حمد اللي استغرب:اكيد تفضلي
سديم بسرعه:بس ماتهاوشني اذا ماتبي تجاوب براحتك
ابتسم حمد:طيب قولي
سديم: ليش طلقت وجد؟
سكت حمد شوي وهو يناظر للمكتب بهدوء
سديم بسرعه:خلاص خلاص لاتقول انا اسفه ع لقافتي """ يعني لازم اسال صدق ملقوفه""
ابتسم حمد وهو يرفع راسه لها:لا عادي انا كنت احب وجد
تحمست سديم بس حست بشعور وكانه غيره:ايوه
هز راسه حمد:ايه خطبتها وتزوجتها (ابتسم باستهزاء) كنت مزين غرفه الفندق ومجهزها كنت ابيها تصير ليله غير بس (بلع ريقه) كنت كل ماكلمتها ماترد وبس عيونها بالارض فسرته انه خجل وحياء وطبعا ماصار أي شي ولما صحيت الصبح سمعتها تكلم بالحمام بس ماركزت بكلامها توقعتها تكلم امها والا وحده من خواتها وسافرنا لماليزيا كنت فرحان ومبسوط بس هي لا ههه كنت غبي لدرجه اني مالاحظت الكره بعيونها لي (سكت شوي) وبعد اسبوع دخلت عليها بالفندق ولقيتها تصيح انصدمت ولما سالتها(عقد حواجبه وبان الضيق عليه وكانه تذكر موقف مؤلم) صاحت بوجهي بعصبيه وصارت تسب فيني وانها ماتحبني وانها انغصبت علي وهي تحب سلطان ولد خالتها وهو بعد يحبها وهي تكلمه دايم بس اخوها جبرها تتزوجني وطلبت ارجعها للسعوديه واطلقها اااه كنت مصدووم مو مصدق اللي قاعد يصير رجعتها للسعوديه بس ماقدرت اطلقها قعدت يمكن شهر وطلقتها بس طلعت حامل حقدت عليها وعلى سلطان وشرطت ان اذا تزوجت باخذ مهند منها (ابتسم باستهزاء) ادري انها حركه نذله وحقيره بس كنت ابيها تحس بالعذاب اللي حسيت فيه لما تشوف حبيبك قريب بس بنفس الوقت مستحيل تقدر تاصل له وانتي حضرتي ذاك الموقف بالمستشفى بس بعدين فكرت اني نذل وحقير رجعت لها وعطيتها مهند وقلت لها اذا تبين تتزوجين تزوجي براحتك (صار يحرك اصابعه ع المكتب) بكرا زواجها
ماقدر اوصف لكم مشاعر سديم هي غيره هي قهر من كلامه عنها هو حسد؟ بس الشي الوحيد اللي تبي تعرفه الحين وقالت بدون شعور:لسى تحبها؟
رفع عيونه حمد لها وهو يتامل عيونها بتعمق بس قبل مايرد انطق الباب
انقهرت سديم من هذا اللي قطع عليها اهم شي وقالت بصوت عالي منقهر: نعم؟
انفتح الباب ودخل السكرتير:انسه سديم السيد ثامر برا ويبي يدخل عشان فيه موضوع عن المشروع
سديم بهمس سمعه حمد:هذا وقته ااف (ارفعت راسها لسكرتير) طيب خله يدخل
ناظرها حمد وابتسم ووقف مع سديم لما دخل ثامر وهو يناظر له من فوق لتحت
انقهر ثامر من وجود حمد بالمكتب صافحه وسلم بهدوء وجلس
بـــيـــت ابــوســديـــم
ريناد وهو تصارخ بنعومه:ساره يلا
ساره وهي تتطلع من المصعد وتقلد صوت ريناد بدلع:ساره اقول انكتمي وامشي
ناظرتها ريناد بدلع وعدلت لثمتها وطلعت
ساره:الحين ليش ريوف ورغد مايرحون معنا؟
ريناد:مدري ريوف تقول مالي خلق ورغد تقول عندي مسلسل بتابعه
ساره وهي تركب السياره بعد مافتح لها السواق الباب:أي سوق تبينا نروح؟
ريناد وهي تسحب عبايتها ويسكر السواق الباب:وش رايك الراشد؟
ساره:الراشد الراشد قدام
عـــبـــدالــعــــزيــــز
وهو يدخل مكتب ابونوف ويبتسم:السلام عليكم عمي
ابونوف: تفضل تفضل
قعد عبدالعزيز ع الكرسي:تقول الخدامه انك طلبتني؟
ابونوف وهو يسكر الملف اللي قدامه:ايه انت تدري ان ضاري (ولده يعني اخو نوف) مسافر وبالعاده هو اللي اخذه معي للاجتماعات بس هو مو موجود وعندي بعد ساعه صفقه مهمه مع شركه كبيره وابيك تروح
عبدالعزيز بسرعه:تامرني امر خلني اروح اتجهز واجيك
ابوضاري:ايه ياوليدي استعجل عشان اعطيك نبذه عن الصفقه ع السريع
عبدالعزيز وهو ياقف:حاضر دقايق وراجع
بـــيـــت نـــور
نور وهي تجلس جنب فواز:فواز اقدر اطلب منك طلب؟
فواز بسرعه:انتي تامرين مو تتطلبين
ابتسم نور:تسلم منيره نفسيتها تعبانه حيل ودي ناخذها ونطلع أي مكان
تنهد فواز:طيب وين تبين نروح ؟
نور: أي مول يعني نلتهي بالتسوق
فواز:خلاص قومي البسي وكلميها خليها تتجهز
نور وهي تاقف: نبي نروح للراشد؟
فواز بابتسامه:حاضر بس يلا بسرعه
هزت راسها نور وهي تركض لفوق ..
الــــمـــزرعــــه
البنات وهم يهدوءن مها اللي ماوقفت بكي ولا هم قادرين يفهمون منها أي شي
خوله وهي تلف لوسن اللي قاعده بعيد عنهم:وسن وش صار انتن طلعتن مع بعض وفجاه رجعت مها كذا
بلعت وسن ريقها وهي تشوف نظرات البنات كلها لها: مدري وش اقول؟
مها:قولي اللي صار
وسن وهي تناظر مها اللي تصيح: طيب (وقالت لهم اللي صار)
كلهم صاروا يناظرون بعض بضيقه وحزن مسحت خوله ع كتف مها بهدوء اما نواره وقفت وطلعت برا تبي تتطمن ع اخوها ومنى ووسن يناظرن بعض بخوف وضيقه ع مها وبنفس الوقت ع مشاري ..
شـــركـه خـالــد الــراســي
وقفت سياره ابوضاري وعبدالعزيز ونزلوا السواقين يفتحون لهم البيبان
نزل عبدالعزيز وهو يلبس نظاراته الشمسيه ويمشي جنب ابوضاري
ناصر اللي واقف بالاستقبال ابتسم وسلم ع ابوضاري:هلابك تو مانورت شركتنا كيف حالك؟
ابوضاري بابتسامه:منوره فيكم بخير الله يسلمك انت بشرني عنك؟
ناصر بابتسامه:تسلم بخير (وناظر عبدالعزيز وابتسم ومد يده وهو يصافحه) اكيد انك ضاري؟
عبدالعزيز وهو يسلم عليه:لا والله مو ضاري كيف حالك؟
ناصر:بخير انت كيف حالك؟
عبدالعزيز:بخير الله يسلمك
ناصر وهو يمد يده:تفضلوا ابوي ينتظركم فوق
هزوا روسهم ومشوا قدامه بهدوء للمصعد
الــــراشــــد
ساره وريناد جالسين باكافي ويسالفون والاكياس حولهم وشغالتهم جالسه بعيد عنهم شوي
ريناد:كلمتي اميره؟
ساره:ايه كلمتها امس
ريناد باهتمام:وش قالت وش صار لما راحت للمستشفى؟؟
صارت تقولها ساره كل شي قالته لها اميره من دخلت لين طلعت وقالت لها عن اصيل
بــنــفــس الــمــول
بـــس
بــجــهــه ثــانــيـــه
نور وهي تشد ع يد منيره:الله شوفي هذاك الفستان روعه مو؟
منيره بهدوء وبدون ماتناظر للفستان:ايه
نور وهي تناظر منيره:ااف منيرة خلاص يابعدهم كلهم انسيه وانبسطي شوي
ناظرت منيره نور بتعمق وبهمس:ياليت اقدر يانور
فواز وهو يقرب لهم:انا تعبت من الفرفره معكم بروح اقعد ع هذاك الكرسي اذا خلصتوا تعالوا
نور وهي تسحب منيره:طيب
جلس فواز ع الكرسي وحط الاكياس ع الارض وهو يتفرج بعيونه ع الناس لفت انتباهه بنتين جالسين بالكافي وشكلهم متحمسين بالسالفه عقد حواجبه""شفت اللي لابسه لثمه قبل وين ايه صح هذي البنت اللي ساعدتها"" ابتسم ولف وجهه وهو يتامل المحلات
الــمـــزرعــــه
نواره وهي تمشي تتدور عن مشاري اللي تتدق عليه ومايرد وقفت وهي تتافف: اف وين راح (صارت تتدور بنفس المكان بعيونها فجاه لمحته من بعيد صرخت) مشاري (صارت تركض لين وصلت له واوقفت)مشاري انت بخير؟
رفع راسه مشاري وناظر نوراه وابتسم:اكيد وليش مااكون بخير وانا عندي اخت زيك؟
تجمعت الدموع بعيونها ودها تصرخ وتقول لاتمثل وين تلقى زي حنييه اخوها وين ارتمت بحضنه وهي تضمه بقوة :مشاري احبك
ضحك وهو يضمها:وانا بعد بس وش الطاري؟
نواره وهي تحط راسها ع صدره وبصوت مبحوح:والله لااخطب لك زينه البنات كلهم اخلاق وزين بس انسى مها هي ماتستاهلك وربي بيجي يوم تندم وتتدورك تكفى مشاري ماابي افقدك خلني ادور لك وحده تنسيك مها
سكت مشاري شوي بعدين تنهد وبعد نواره عنه ومسك وجهها بيدينه وابتسم وباس جبهتها ولف يده حول ظهرها وضمها بهدوء وهو يغمض عيونه ""ااه ياانواره ياليت السالفه سهله كذا ياليتني اقدر اقول بنساها وانساها صدق ااااه""
لفت نواره يدينها حول اخوها بقوة وكانها خايفه انه يروح من يدينها ويختفي ..
شـركـــه خـــالــد الـراســي
غـــرفـــه الاجــتـمــاعــات
سلموا ابوضاري وعبدالعزيز ع خالد اللي كان واقف باستقبالهم:تفضلوا تفضلوا
جلسوا ع طاوله طويله وموزع عليها قدام كل كرسي ملف وكوب عصير جلس ابوضاري وجنبه عبدالعزيز وقبالهم خالد وناصر وجنبهم بعض الموظفين
صاروا يتكلمون بالصفقه ويتناقشون
خالد بابتسامه:خلونا نفتح الملف ونشوف النقاط المهمه
فتح عبدالعزيز الملف بس توسعت عيونه بصدمه وبلع ريقه وهو يقرا اسم الشركه اللي مانتبه لها لما دخل """شركه خالد الراسي وابناءه"" رفع عيونه شوي شوي لين وقفت عند خالد ضاقت عيونه وفتح فمه ع خفيف معقوله ابوه جالس قدامه هذا ابوه هذا هو وقف ع طوله وعيونه ع خالد
ناظروا كلهم له باستغراب
ابوضاري بهمس:عبدالعزيز وشفيك اجلس
لف وناظر ابوضاري بعدين ناظر خالد وقال بتصريفه: اعذروني بس وين الحمام؟
ناصر وهو ياشر بيده:اول ماتتطلع تلقاه ع يمينك
هز راسه عبدالعزيز وطلع بسرعه ودخل الحمام وتراكى ع المغسله وهو منزل راسه ""لالا مستحيل يكون ابوي ااه"" جمع قبضه يده وضرب فيها بقوة ع المغسله بقهر ولف ورمى برجله صندوق الزباله وهو يصرخ بقهر:اخ اااه اااااااه(حط يدينه ع راسه وشد شعره وهو يتنهد) لازم اهدا ايه لازم اهدا مستحيل كل شي سويته ينهار كذا (اخذ نفس عميق وغسل وجهه وطلع)
الـــمـــزرعــــه
ام منى وهي تتدخل ع البنات وتصفق بيدينها ولا انتبهت لمها:يلا قوموا مسويه جلسه برا ونبي ننطرب
ابتسمت خوله: يمه وش ننطرب حسيت اننا شباب
منى:ههههه واطلق شباب بعد
ام منى وهي تناظر بناتها باستسخاف مضحك:اقول قومن بس بلا خرابيط
ضحكن وسن ومنى وخوله اما مها فظلت ساكته
وسن وهي تاقف:يلا قوموا بنات
منى وهي تاشر لخوله:روحوا انتوا وانا ومها بنلحقكم
خوله ووسن:طيب (واطلعوا مع ام منى)
عــــنــــد مــشـــاري
رد ع جواله وهو لاف يده حول كتوف نواره:هلا عمه (ام منى) هههه نتمشى شوي انا ونواره اها طيب هههه لا الحين جايين يلا(وسكر)
نواره وهي ترفع راسها له:وشفيه؟
ابتسم مشاري:هذي عمتي تقول مسوين جلسه وطرب وتعالوا انت واختك ههه ياحليلها عمتي
ابتسمت نواره وهي تاقف وتمسك يده:يلا اجل نروح لهم
عـــنــد فـــهــد و قـــمـــر
كانوا يمشون وبينهم مسافه بسيطه ومتجهين لقسم الحريم لان ام منى كلمتهم كان الهدوء هو سيد الموقف بس ماكان يخلو من بعض النظرات السريعه
قمر وهي تلعب باصابعها بارتباك ""لالالا مو مصدقه يمه احس ودي اصرخ ااه لا اكيد اني بحلم لالا بس هذا مو حلم يعني وشلون يعني فهد يحبني (عضت ع شفايفها السفليه بخجل وحياء)يااربي الحين وشلون بجلس معه واسولف بعد اللي صار لايكون بس يستهبل علي بيشوف رده فعلي معقوله؟ (رفعت عيونها وهي تناظر لظهره)
وقف فهد ولف لها باستغراب:وشفيك وقفتي؟
قمر وهي تناظرله:فهد انت تكذب؟
ابتسم فهد وهو يقرب خطوه وصارت بينهم مسافه بس مو كبيره:ناظري عيوني وقولي لي اكذب والا لا؟
كانت منزله راسها بلعت ريقها وصارت ترفع راسها شوي شوي لين طاحت عيونها بعيونه وصارت تتاملها لفت وجهها وسكتت
ابتسم فهد ومد يده:صدقتي؟
حست بخجل وشعور غريب وكانها ودها تتطير وتقول لكل الناس مدت يدها بتردد بس فهد مسكها بسرعه وصاروا يمشون مع بعض
الـــراشــــد
وقفوا ريناد وساره والخدامه وراهم تشيل الاكياس بس صاروا شباب يزعجونهم اصلا هالشباب من جلسوا وهم مقلقينهم بس ريناد وساره مطنشينهم
ريناد بخوف:ساره هاوشيهم يخوفوني
ساره وهي تلف لهم بعصبيه: اف نعم وش تبون ؟
واحد من الشباب مسوي فيها انه بيخق:ابيك
ريناد وهي تتمسك بذراع ساره:ياماماي ساره خلينا نهرب
ناظرتها ساره وهي ترفع صوتها:شوفوا قسم بالله ان ماارحتوا لاتشوفون شي ماعمركم شفتوه فاهمين؟
ريناد اللي تبي تسوي نفسها قويه: ايه تراكم ماتعرفون حنا من بناته
ضحك واحد باستهزاء:من بناته ؟
صارت تتلفت ريناد وهي تشوف الناس صاروا يناظرون لهم بهمس لساره:ساره خلاص خلينا نمشي
ساره اللي عصبت:لالا خليني اادبه هالحيوان
واحد من الشباب عصب:مو الحيوان الا انتي ياحيوانه (وبكذب وصوت عالي عشان الكل يسمع) من اليوم تلاحقينا ويوم ماعطيناكي وجه جايه تتبلين علينا
فتحن عيونهن بصدمه وشلون يكذب كذا وبجراءه بعد
صارت ريناد تتلفت للناس اللي يناظرون لهن باستحقار او اللي يتمتم باستغفرالله والا الله لايبلانا تجمعت الدموع بعيونها وبصراخ:ياحقير حنا اشرف منك ومن عشرة من اشكالك
واحد من الشباب وهو يكتف يدينه:شوفوا كيف تصيح ياربي يادموع التماسيح
ساره اللي تحس مافيه شي تقوله: سافل
واحد من الشباب بهمس لريناد:امشي معي ومابنفضحك زياده
ريناد ولاول مره تسوي حركه جرئيه مدت يدها وعطته كف محترم:حقير
تجمعوا الناس اكثر وسوا دائره حولهم وهم يتفرجون
الشاب اللي انصدم وبقهر مد يده ومسك معصم ريناد: يابنت ****
شهقت ريناد وهي تغمض عيونها بس فجأة حست بان الشاب ترك يدها بقوة فتحت عيونها وهي تشوف شاب معطيها ظهره وضرب اللي كان ماسك يدها بوكس محترم
فواز اللي كان يراقب الموقف من بدايته وكان يشوف الشباب لما يغازلونهم بس من مد يده ومسك ريناد حس بشعور غريب شعور غيره شعور فزعه ونخوه نزل فواز لمستوى الشاب وهو ماسكه من بلوزته ودفه بقوه ع اصدقاءه:تقلعوا من هنا لا والله لااذبحكم هنا
نور ومنيره اللي ركضوا لفواز بخوف عليه لان الشباب عددهم 4 يعني اكثر من فواز
نور وهي تمسك ذراع فواز وبخوف:فواز اتركهم
واحد من الشباب:ع بالك خايفين منك (ضحك باستهزاء) ترى بضربه منا بيشلونك من هنا جثه
ابتسم فواز باستسخاف:جد قرب وشوف من اللي بيطلع من هنا جثه
ساره اللي بلعت ريقها بخوف وهي تقرب لفواز:لالا اخوي مشكور ماقصرت لاتوسخ يدينك بهذي الاشكال (فجاه وهي تتدقق بملامح فواز ""لحظه هذا اللي ساعد ريناد الا هذا هو انا متاكده"")
فواز وهو يناظر ساره وريناد وبحده ورجوله:رجعن وراء بس(لف لنور ومنيره) بعدن
نور بخوف:لا فواز ماابي
فواز بعصبيه:نور؟
بعدت نور بخوف من فواز وجنبها منيره
فجاه لفوا كل الناس للشرطه اللي تبعد الناس:بعدوا بعدوا(قربوا للشباب وفواز والبنات) وش فيه؟
لف فواز وابتسم وهو يشوف صديقه طارق
الشرطي سكت شوي بعدين قال:فواز (وسلم عليه بحراره وهو يبعد عنه) وينك ياشيخ يعني طلعت من قسمنا تنسانا
فواز:ههه شغل والله
الشرطي طارق:وشفيك؟
لف فواز ع الشباب:هذولاء مضايقين اهلي
الشباب اللي خافوا ماتوقعوا ابدا انه شرطي
الشرطي طارق لف ع العناصر اللي معه:خوذهم للسياره
الشباب اللي منقهررين حدهم بس مشوا غصبا عنهم مع العناصر
طارق بصوت قصير:فواز انت تدري ان البنات لازم يرحون معنا للقسم عشان التحقيق
فواز اللي تضايق:ادري بس مانقدر نمشيها دونهم؟
طارق وهو يهز راسه بلا:لا وانت اكثر واحد تدري
..
سكت فواز وهو يناظر للبنات وبالذات ريناد بعدين رجع لطارق:خلاص بس انا بجيبهم بسيارتي
طارق بابتسامه:صار يلا ننتظرك بالقسم (ومشى)
ساره بخوف:وش صار لازم نروح؟
ريناد وهي تتمسك بذراع ساره باقوى ماعندها وساكته بذهول وخوف
تنهد فواز وناظر نور ومنيره بعدين رجع لساره وريناد:ايه
شهقن بخوف ورعب
فواز:اهدن بس ماراح تركبون سياره الشرطه بتروحون معي للقسم وهناك انا معكم لاتخافون
ساره اللي تتطمنت شوي بس خافت انها تركب معه بالسياره: طيب مايصير نركب بسيارتنا ونمشي وراءك؟
فواز:لا اصلا اني اخذكم بسيارتي شي مو قانوني
ريناد بهمس:خلاص ساره خلينا نروح معه تراه ساعدنا بعدين هذي مو اول مره
هزت راسها ساره:طيب
نور:فواز وحنا وش نسوي؟
فواز:امشوا معي بعد وين تروحون؟
مشوا كل البنات والشغاله وراء فواز ..
مــســتـشــفــى الانــتـمــاء
غـــرفـــه اصــيـــل
طقت الباب اميره ودخلت بس استغربت لما مالقت ام اصيل ناظرت اصيل اللي لسى ع وضعها قربت لها وبابتسامه وهي تحط يدها ع يد اصيل:وشلونك اصيل اليوم؟
ماردت اصيل عليها ولا حتى التفتت لها
تنهدت اميره وهي تتامل اصيل وشلون تعالجها وش تسوي وش تقول ولا بعد ماقدامها الا اسبوع بس قعدت ع كرسي قريب من اصيل ومسكت يدها بقوه:اصيل (صارت تتاملها بحزن وجاءت ببالها فكره ابتسمت) اصيل انا حبيت واحد بس (تنهدت وهي تتذكر رامي) هو طلع خاين هو ماقالي انه يحبني بس كلامه حركاته معي غير تتوقعين هذا هو الحب تخيلي كان متزوج قبل بس مرته خانته وهو تعقد من الحريم لان امه بعد خانت ابوه (تجمعت الدموع بعيونها) مو قهر مفروض الشخص اللي ينخان مايخون لانه يعرف وش معنى الجرح صح؟ (نزلت عيونها بالارض بعدين رفعتها وهي تناظر يدها اللي ع يد اصيل وبهدوء) بس هو ضعيف عشان كذا رجع للي خانته وانا مو بحاجته وبلاقي اكيد اللي يستاهل قلبي بس وين معقوله اقدر انساه؟ (سكتت بصدمه وهي تشوف يد اصيل صارت فوق يدها وهي تتطمنها وهي اللي عرفته انها ماتكلم احد ولا تلمس احد يعني ميته بس حيه رفعت عيونها بصدمه لاصيل وهي تشوفها تناظر لها) اصيل؟
بس اصيل ماردت ولا قالت ولا كلمه بس تتامل اميره بهدوء
اميره بحماس:انتي فاهمه مشاعري صح عمر كان يحبك من كل قلبه عمر ماخانك صح (صارت تراقب ملامح اصيل اللي توسعت عيونها وعقدت حواجبها ولفت وجهها عن اميره وسحبت يدينه وحطتها بحضنها) اصيل ردي علي قوليلي تكلمي عن عمر انا مابيك تنسينه لا انا مااراح اقولك زي ماقالوا لك انسيه هو مات لا بالعكس كل يوم لازم تتذكرينه كل يوم لازم تقولين فقدتك الله يرحمك بس مو كذا مو كذا مو بالطريقه اللي انتي تسوينها (بعصبيه خفيفه) لو كان موجود كان مارضى باللي تسوينه بنفسك (هدت وهي تتنهد ومدت يدها وحطتها ع قلب اصيل وبابتسامه) هو مامات هو هنا موجود ساكن بداخك مستحيل يموت فيه انا متاكده انك تشوفينه كل يوم وهو يضحك وهو زعلان صح؟
ناظرتها اصيل بصدمه ودموعها تمشي بغزاره ع خدودها وكانها تقول وشلون عرفت؟
ابتسمت اميره وبعدت يدها:لو كل غالي مات وذبحنا نفسنا بالحياه زيك كان ماشفتي احد يمشي بهدنيا كان المستشفيات امتلت كثير زيك يااصيل كثير بس مااسوا اللي انتي سويتيه بس تدرين ليش انتي سويتي كذا (سكتت شوي وهي تشوف اصيل تناظرها وكانها تقول ليش قالت بصوت عميق واقرب للهمس)لانك ضعيفه ايه اذا انتي تشوفين مصيبتك عظيمه وش تقول ام فلسطنيه اخذوا زوجها للسجن بيموت فيه ولا تعرف أي سجن هو وعيالها يموتون واحد وراء الثاني قدامها اللي يروح شهيد واللي يروح ضحيه قصف وش تقول اللي ماتوا امها وابوها الكبار بس لانهم محاصرين واخوها ودعها لانه بيروح يجاهد تخيلي تخيلي بس يجيك غالي ويودعك توديع الميت تدرين بداخلك ان هذي اخر مره بتشوفينه فيها وش بتسوين انتي ضعيفه لو كل من مات له احد سواء مثلك كان الكل مات (بلعت ريقها وهزت راسها باسف واخذت الملف من الكومدينه وطلعت بعصبيه)
بـــيــت ابــو وســـن
كان قاعد ابووسن وهو حاط يده ع راسه وقدامه كوب شاهي بس ماشرب منه ولا شي ويتافف
جلس جنبه ابوتركي:وشفيك؟
ابووسن بقهر: وطت راسي بس لو تتطيح بين يديني والله لااقتلها
ابتسم ابوتركي باستسخاف:كلام بس
انقهر ابووسن: وش قصدك اني مااقدر عليها؟
ابوتركي وهو يشرب من كوب شاهي ابووسن:ايه
وقف ابووسن بعصبيه:وش ع بالك خايف مثلا ؟
ابوتركي:ههه اقعد اقعد بس وخلنا نتكلم بالمعقول (نزل كوب الشاهي وقدم نفسه ع الطاوله) ..
ناظره ابووسن باستغراب و جلس:انت عرفت شي عن وسن؟
ابوتركي وهو يبتسم ع جنب بخبث:امممم
ابووسن اللي عصب بجد:تكلم
ابوتركي:ههه طيب اسمع انا مو متاكد بس شاك
ابووسن:شاك بايش وشفيك تقول الغاز تكلم زي مايتكلمون الناس
ابوتركي:طيب (وبصوت قصير) انا عندي خطه بنخليها هي تجي لهنا برجولها
ابووسن باستغراب وهو يتلفت:ليش تقصر صوتك وشي هي الخطه اللي بتخليها تجي؟
ابوتركي:مقصره عشان مااحد يسمع (رجع وهو يتراكى ع الكرسي براحه وابتسم بخبث) تبي تسمع الخطه؟
ابووسن بسرعه:اكيد
ابوتركي:اسمع ـ ـ ـ
قـــســـم الــشـــرطــــه
دخلوا البنات وهم يمشون وراء فواز بخوف ورعب وقفوا قدام مكتب لف فواز للبنات:اجلسن هنا
هزوا روسهم واجلسوا بخوف
نور بحنيتها المعتاده وتوجهه كلامها لساره وريناد:لاتخافون فواز بيحل الموضوع
ابتسمت ساره بخوف:ان شاء الله مشكورين
بادلتها نور الابتسامه وهزت راسها وسكتت وهي تمسك يد منيره:وشلونك الحين؟
ناظرتها منيره وابتسمت ع خفيف:بخير دام لي اخت مثلك
ضحكت نور بخفه واضغطت ع يد منيره وسكتت
اما ريناد تلعب باصابعها بارتباك وخوف اول مره بحياتها تتدخل مركز شرطه وعيونها بالارض من الرعب
طلع فواز: بنات تعالوا نور منيره خليكم
هزوا نور ومنيره روسهم وصاروا يناظرون ساره وريناد
وقفت ساره وهي تمسك يد ريناد وبحنيه:رنوده قومي
ريناد بدلع رباني يخق :ساره ماحس برجولي
ابتسم فواز غصبا عنه""صدق انها خوافه""
ساره اللي بدت تعصب هي الحين مو خلق مياعه ريناد:ريناد قومي اقول
نور وهي تجلس مكان ساره بجنب ريناد:شوفي حبيبتي لاتخافين فواز ماراح يتركم مهما صار
صارت ريناد تناظر نور بعدين رفعت عيونها لفواز وكانها تبي تتاكد وشافت فواز يهز راسه بايجاب هزت راسها وهي تبلع ريقها و وقفت وتمسكت بذراع ساره بقوة ودخلوا وراء فواز
الــمــزرعــــه
جلسوا كلهم بالدكه بدون أي استثناء وام منى وخوله كل وحده معها طبل وبالوسط كل انواع الحلويات وعصايرات وغازيات وقهوه وشاهي
كانت قمر جالسه بجنب فهد وبعد فهد جالسه الجده وجنبها وسن وقبالهم مشاري وجنبه نواره وجنبها ام فهد و ع يمينهم ام منى وخوله ومنى ومها و ع اليسار ابومشاري ومراته وريماز وحمودي
خوله بصوت عالي:من بيغني؟
منى بصوت عالي: فهد يلا غن
صرخت خوله ونواره:يلا غن
ضحكوا كلهم ع حماسهم
فهد:ههههه لا لا ماابي
مشاري:هههه فهد مالك مفر منهم يلا غن
سكت فهد شوي بعدين لف ع قمر وبابتسامه تتدوخ:بشرط اذا فارس غنى معي
كلهم صرخوا حتى وسن:يلا فارس فارس
ضكحت قمر بخجل وبهمس لفهد:اوريك
ضحك فهد:هههه يلا فارس
ناظرته وهي تبتسم ع جنب:طيب وش نغني؟
صاروا يفكرون بااغنيه وكل واحد يقول اغنيه والثاني يصرخ بانها شينه
ام فهد اللي بدت تعصب:اقول اختاروا أي زفت
ضحكوا كلهم ع ام فهد لانها حاره وبسرعه تعصب
مشاري بصوت عالي:انا الفرس
خوله:ايه ايه حلوه (ولف لامها تقولها كيف يدقون وبصوت عالي) كلنا بنصفق خلاص؟
كلهم باصوات مختلفه ماعدا مها الساكته:طيب..اخلصي علينا ان شاء الله
فهد ناظر قمر : مع بعض؟
قمر بابتسامه:ايه
فهد وقمر بحماس بداوا يغنوا ..
🎻🎻
🎼 اﻷغنية مع اجواءها
#فرس_فرس...
فرس فرس
من حسنها الحسن انخرس
تتزاحم قلوب البشر في حسنها
.
فرس فرس وقفة فرسه
مشية فرس نفذة فرس
من حقها تغتر حيل بحالها
فهد لحاله: فرس فرس من حسنها الحسن انجرس
تتزاحم قلوب البشر بقبالها
وقفة فرس مشية فرس نفذة فرس
من حقها تغتر حيل بحالها
.
كم ساحراً بعيونها النجلى درس
وكم شاعرا ً من حسنها غنى لها
واحلى الغواني بقربها كنهن حرس
كن الحلا مخلوق فيها لحالها(كان بكل كلمه يقولها يتامل قمر بحب واعجااب ويبتسم او يضحك)
قمر بصوت عالي ومن قلبها: أنا فرس ومعربٍ ساس الفرس
وأنت الغلا والفارس وخيالها(كانت تقولها وهي تناظر فهد بعدين لفت وجهها بدلع وهي تضحك بغنج وتغني بحماس وسط صراخ البنات وتتطبيل والتصفير)
والفارس اللي بالحشا حبه غرس
هو فارس احلام الفرس وآمالها
.
والقلب وعيوني على شخصه حرس
والروح عـ(كفوف) المحبه شالها
والحب في قلبي وفي قلبة انغرس
واليوم طاول بالشموخ اجبالها
فهد وقمر وهو يتاملون بعض وبوقت واحد: فرس فرس من حسنها الحسن انجرس
تتزاحم قلوب البشر بقبالها
وقفة فرس مشية فرس نفذة فرس
من حقها تغتر حيل بجمالها
.
فرس فرس افرس فرس
من حسنها الحسن انخرس
تتزاحم قلوب البشر في حسنها
.
فرس فرس وقفة فرسه
مشية فرس نفذة فرس
من حقها تغتر حيل بحالهالف وجهه فهد وهو يصفق بقوه: كم قلب في دربه انشد فيه انغرس
يحلم تمرة لو بظل ظلالها
ماتلتفت حتى لطويلين المرس
متربعه ماكلمن جا طالها
.
ياما احترست من الغرام وما احترس (صار يتاملها وكانه يقول هذي لك)
قلب تعلق في طرف سلسالها
والي غرس فيها المحبه بي غرس
حب يفوق الي في بالي وبالهاقمر وهي تبتسم بخجل ولفت وجهها عنه وبصوت عالي وقوي: فارس ماغيره له القلب انفرس
مالي عيوني عن جميع ارجالها
الـ(ميم) مجد فيه كل مجد اندرس
تشهد له الدنيا وطيب افعالها
والـ(حاء) اقروا من اطوال المرس
والـ(ميم) مامثله برز بأبطالها
والـ(دال) درع في المواقف محترس
والمرجله هو عمها وهو خالها
ومع بعض: فرس فرس من حسنها الحسن انجرس
تتزاحم قلوب البشر بقبالها
وقفة فرس مشية فرس نفذة فرس
من حقها تغتر (استمرت قمر وهي تغني بس فهد صار يصاارخ بحمااس وهو يقول:عااااشووا ايووه ايووه عااشواا ااااااوووه اووووه ورجع يكمل مع قمر)حيل بجمالها
.
فرس فرس افرس فرس
من حسنها الحسن انخرس
تتزاحم قلوب البشر في حسنها
.
فرس فرس وقفة فرسه
مشية فرس نفذة فرس
من حقها تغتر حيل بحالها
مشاري ونواره ومنى وخوله صاروا يصااررخوون بحماااس:اوووووه(صفر مشااري بقوووه وهو يصفق)عااااشوووا الشبببببببااااب
فهد وهو يناظر قمر ويضحك بعدين لف للبنات ومشاري: ياما احترست من الغرام وما احترس
قلب تعلق في طرف زلزالها
والي غرس فيها المحبه بي غرس
حب يفوق الي في بالي وبالها
.
فرس فرس لحالها مية فرس
يوم لمحتها العين قلبي شالها
في خافقي اسمع لخطوتها جرس
ويرن في صدري صدى خلخالهاقمر وهي تناظره بدلع ولفت وجهها: فارس كتاب المجد من مجدة انترس
لو هو تمنى كل عاليه نالها
صوت الوفا والحق لو الحق انخرس
مايخلي الشقرة عليها يلالها
.
فارس فراسه وعزم لا دق الجرس
يهوا المعالي والمعالي طالها
وانا فرس ومعرب ساس الفرس
ماتمتثل الا لأمر خيالها(قالتها وهي تناظره وكانها تقول هذا البيت بالذااات لك اضحكت ولفت وجهها)
فهد وقمر بصووت عاللي وحماس: فرس فرس من حسنها الحسن انجرس
تتزاحم قلوب البشر بقبالها
وقفة فرس مشية فرس نفذة فرس
من حقها تغتر حيل بحالها
صاروا يصارخون ويصافرون
لف فهد ومسك يد قمر وهو يضغط عليها:ايوه ايوه
انعمت عن كل الناس وانصقهت عن كل الناس ماصارت تشوف الا هو وكيف يضحك ويكلم خوله بان هذي الدقه حلوه وبنفس الوقت يضغط على يدها بنعومه اطلقت ااه بس هذي المره الـ آه كانت غير كانت اهات راحه وطمأنينه لفت وجهها وهي تتاملهم واحد واحد لين رست عيونها ع وسن اللي تصفق بحماس وشكلها تعلق مع منى ويضحكون توسعت ابتسامته ورجعت تناظر فهد اللي يصفق ورافع راسه ويضحك
_ _ وكل ماشفتك _ __ _ رددت مع نوال_ _
_ _ جابك الله لي هديه من السماء_ _
🎼🎻
قـــســـم الــشــرطـــة
الضابط وهو يوجهه كلامه لساره وريناد:اساميكن؟
ناظرن بعض بخوف وصدمه وصارن يتهامسن
ريناد:لالا مستحيل اقول اسمي
ساره بخوف:اصلا لو قلناه بتصير فضحيه لا ماراح نقوله بعدين تصير اسماءنا بالشرطه لامستحيل
هزت راسها رنياد مايده لكلام ساره
ساره بصوت عادي:لا ماراح نقول اسماءنا
الضابط ناظر فواز وكانه يقول شف لك حل
تنحنح فواز ولف لهن وبصوت قصير:مافيها شي لو تقولون اسماءكن
ساره بشويه عصبيه:خلاص اذا لازم نقول انا واختي ماانبي شي من الشباب خليهم يطلعون
فواز اللي انقهر:وتخلينهم يروحون كذا بعد اللي سووه؟
ريناد بصوت قصير:اهون من نقول اسماءنا
ناظرها فواز بصدمه ضغط ع يده بقهر ولف يم مكتب الضابط وصاروا يتهامسون
ناظرت ساره ريناد وكانها تقولها وش تتوقعين يسوي؟
هزت كتوفها ريناد بخوف وقلق
رفع راسه فواز لهن:خلاص اسمعن بكتب الشكوى باسمي وانتن بس وقعن خلاص؟
ناظرته ريناد بصدمه وبدون شعور:ويصير لك ملف بالشرطه؟
ابتسم فواز ع عفويتها وناظر ساره:اتفقنا؟
هزت ساره راسها بسرعه
اما ريناد ناظرت ساره بقهر خلاص هو سوا اللي عليه وبسرعه:لو سمحت
لف لها فواز:هلا
ريناد:لاتكتب شي انت سويت اللي عليك اقصد انو انت ماكان واجبك تساعدنا بس هذا يكفي وانا مانسيت مساعدتك الاولى لي
ناظرها فواز بتامل لثمتها ""بصراحه عيونها تذبح مالوم يوم لاحقوها""
خافت ريناد من نظرته نزلت راسها وهي تلعب بااصابعها بارتباك
ساره بصدمه وهي تشد ذراع ريناد:ليش سويتي كذا هاه تبين الحين نكتب اسماءنا ؟
ناظرتها ريناد:لا خلاص حنا مسامحين الشباب
الضابط:انتن متاكدات؟
ساره مع انها كان ودها تبرد حرتها بالشباب بس قالت:ايه
ماشال عيونه عنها وهو يراقبها وهي توقع:لحظه
ناظرنه ساره وريناد باستغراب
نزل فواز للضابط وتهامسوا شوي ورفع الضابط صوته:عبدالله جبب الشاب اللي لابس بلوزه صفراء
طق عبدالله التحيه وراح دقايق وجاب الشاب
الضابط وهو يوجهه كلامه لريناد:هذا اللي مسكك؟
ريناد اللي تنتقل نظراتها بين الضابط وفواز باستغراب بعدين لفت لشاب وبلعت ريقها وبهمس:ايه (بس بسرعه شهقت وهي تحط يدينها ع فمها لان فواز ضربه بوكس خلاه يطيح ع الارض من قوته)
نزل فواز لمستوى الشاب وشده من بلوزته:ان قربت لبنت ثاني مره والله لااكون ذابحك فاهم؟
الشاب اللي انقهر: بعد عنني راح اشتكي عليك ليش تضربني؟
وقف فواز وهو يمثل البراءه:انا ضربتك (لف للضابط) ضربته؟
الضابط بهدوء:لا ماشفت شي انت من جيت من السوق وانت كذا
ناظر الشاب بصدمه الضابط: وشلون تكذب هيه انتن قولن الصدق
ساره اللي حست بانتصار :لا ماشفنا شي
ناظر الشاب ريناد وكانه يقول قولي الصدق
ناظرته ريناد وهي معقده حواجبها بعدين رفعت عيونها لفواز ومشت للباب بس وقفت جنب فواز وبهمس:ماكان لازم تضربه (ناظرت ساره وكانها تقولها يلا امشي)
صار واقف ويناظر مكانها الفاضي ..
وقفت ساره وريناد عند نور ومنيره
ساره ببتسامه وهي تمد يدها تصافح نور:مشكورين تعبناكم معنا
نور بنفس الابتسامه وتصافح ساره: لا تعب ولاشي
(وسلمت ساره ع منيره وريناد ع نور ومنيره)
ريناد بتردد: عاتي ناخذ ارقامكم؟؟
نور بسرعه:اكيد
طلعت ريناد الايفون حقها:اوك
نور:050 ـ ـ ـ
ريناد دقت وفصلت وناظرت منيره:ايوه
منيره:055ـ ـ ـ
دقت وفصلت وبابتسامه:مشكورين ثاني مره (لفت وهي تشوف فواز واقف عند الباب:مشكور
فواز وهو يكتف يدينه ويتامل عيونها:العفو(نزل يدينه) خلوني اوصلكم لسيارتكم (لف لنور ومنيره) يلا
مــســتــشــفــى الانــتــمـاء
كانت اميره قاعده ع كرسي بالممر وتتامل ملف اصيل ""اف وش راح اسوي ياربي ساعدني"" رجعت راسها ع الجدار وغمضت عيونها
كان واقف بمسافه مو بعيده ويتاملها وهو مكتف يدينه ونظراته حاده بس قطع افكاره صوت من وراءه لف:الوليد
ناظره الوليد بقهر:قاعده تناظر لها اكيد مافكرت بصديقك واخوك اللي مزعله ولا اهتميت انك تراضيه؟
تنهد رامي وبضيق:الوليد انت اللي غلطان علي بعدين مو امس جيتك بس انت سحبت علي تكفى ياالوليد لاتصير انت والزمن علي
تنهد الوليد وبقهر وهو يناظر اميره:انت تتدري ان كل المستشفى يتكلم فيكم ويقولون ان بينكم علاقه
رامي اللي عصب بقوة:والله اللي يقول كذا لاقص لسانه قلي من؟
الوليد:كل المستشفى
تنهد رامي بقهر وسكت وهو يضغط ع قبضه يده بقوه
ناظره الوليد من فوق لتحت وبهدوء:رامي انتبه لنفسك ولسمعتنا واسمنا بين الناس
ناظره رامي بقوه ومشى تارك الوليد واميره والدنيا كلها وراءه
بـــيـــت خـالــد الــراســـي
دخلت ريوف ومعها رغد طلعت جوالها:الو اميره وينك؟
شهقت اميره لانها مواعده بنات عمها ببيتها بس راح الوقت بدون ماتحس:يوه ريوف وربي نسيت خلاص نص ساعه بس مشوار الطريق واكون عندكم
ابتسمت ريوف بهدوء:اوك ننتظرك باي
رغد:ريوفه كلمتي ساره وريناد؟
ريوف:ايه بس ماردوا مدري وشفيهم (وقبل ماتكمل كلامها دق جوالها) هاه هذي ساره(وردت)الو وينكم ايه ببيت عمي اوك باي
رغد:وش تقول؟
ريوف:تقول الحين نجي
رغد:ليش تاخروا؟
ريوف:مدري تقول الحين نجي ونقولكم كل شي
رغد وهي تسحب الريموت وتشغل التلفزيون وعلى طول ع قناه وناسه وكانت منى امرشا تغني:ريوفه قومي خلينا نرقص
ضحكت ريوف:ههه تخيلي انتي بس
رغد بفهاوه:ليش اتخيل يلا صدق قومي ( وقفت وهي تهز خصرها بنعومه وتسحب يدين ريوف)
وقفت ريوف وهي تضحك وصارت تقلد رغد بحركاتها
غـــرفـــه نـــاصـــر
وهو متربع ع سريره وفاتح اللاب قدامه رد ع جواله:هلا معاذ ايه ادخل لا مافيه احد اميره بالمستشفى وامي والله مدري وينها اوك باي (سكر ونزل جواله جنبه ورجع يطق باللاب)
مـــعـــاذ
دخل بسيارته البيت ونزل وهو يفتح باب المدخل وتعدى المجالس بس وقف وهو يشوفها كيف كانت تهز خصرها بنعومه ومدخله يدينها بشعرها الاشقر المخصل اللي ياصل لين تحت صدرها واصوات ضحكها خالط الاغنيه وصوت اساور يدها اللي تتضارب مع بعضها
الــصـــالــــه
ريوف:ههههه رغد الله يقطع ابليسك بتهبلين فيني
رغد وهي واقفه فوق الكنب:ههه ريوف ياالخبله مو كذا هزي زين كذا(وهي تسوي)
رفعت ريوف راسها وضحكت ضحكه عاليه رنانه وهي تهز:هههههه
مـــــــعــــــاذ
كان لسى واقف ""ااه ياقلبي ليش يدق كذا يا ويل حالي لحظه اسمها ريوف اه يا حلو الاسم وصاحبته ويالبى روحها وكيانها" صحى انه واقف ويناظر لهم لف ودخل المصعد واتجه لجناح ناصر وهو متاكد انه ترك قلبه عند وبهمس:ريوف
ســيــاره عــبــدالــعــزيــز
كان ماسك الدركسون بيد واليد الثانيه مركيها ع الشباك وحاط اصبعه عند فمه ومعقد حواجبه وهو يتذكر الموقف لما شاف ابوه ""وشلون استحملت وشلون قدرت ابتسم واتكلم واناظر له بدون مااسوي له أي شي كان ودي اضربه واضربه اخ بس (وقف ع جانب الشارع بقوة وضرب الدركسون بيده بقوة) الله يلعن الفلوس الله يلعنها ااااه""حس انه تعبان حس انه وده يصرخ ويقول لكل الناس انا مظلوم او لا انا ظااظلم ايه ظالم انا تركت قمر تخليت عنها زي ماتخلى ابوي عنا مسكينه ياقمر وينك وشلون عايشه كله بسببي انا السبب باللي صار لك انا مو بس دمرتك انا دمرت كل مبادئك ااه سامحيني وانا اخوك""
حس بدمعه نزلت ع خده واحرقتها غمض عيونه وصارت تنزل دموعه بغزاره حرك السياره لمكان دوم لما يتضايق مايطري بباله الا هو
#يـــتـــــبـــع...
#موعدنا_غدا"
في بارتات أكثر إثارة وتشويق
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!