رواية اخفيت انوثتي بثوب وشماغ الفصل الحادي والثلاثون 31 - بقلم غير معروف

البارت تسعه وعشرون …♠ 

ابوه قام: لا تحلم تتزوج بنت مايندرا هي من ولمن ووش تحتها وفوقها
امه قامت: الجوهره ولا لا تفكر تتزوج » وطلعت مع زوجها
سعود بضيق رمى نفسه على ظهر الكنبه وحاس ان قلبه بطلع من مكانه
أحلام جت وقعدت جنبه: سعود انت تكذب صح ؟! البنت مو صديقة زوجة راكان راكان نعرفه ما يملك بدون ما يعزمنا !!! قول الصراحه 
سعود ناظرها وبعيونه ألم ومو عارف كيف يبدا وبعدين قرر يقول 
وكيف ما تجي معه تجي ،،،

نتركه ونروح لشقق عند البنات 
دانه ومشاعل نايمين الا جود 
كانت سرحانه وتبكي على حالها وحظها الزفت 
ببالها: ليش ناظرني كذا قبل ما يطلع حتى ما قال شي او ضحك او عبر عن الي صار بس نظره تخفي كلام مبهم ما فهمت منه شي

اخذت جوالها ناظرت فيه ورمته عالسرير سحبت البطانيه وغطت نفسها ونامت

تسريع للاأحداث ⏩
مروا يومين على ابطالنا وهذا الي صار معهم
راكان « استئذن من ابوه عشان يملك على دانه واليوم بتكون ملكتهم 
وحجز تكت لبكره طياره الى لندن 
دانه « تحس الايام تمر بسرعه وملكتها تفاجئت فيها لمن قالها راكان
وبتطلع مع البنات عشان تشتري فستان الملكه 
هتان « أهله وصلوا للرياض أمس واليوم بروحوا يشوفون مشاعل
مشاعل من درت عن أهل هتان وهي منخبصه وتفكر باشياء كثير 
سعود « استسلم لقرار أهله وقالهم انه بيتزوج على عمر 28 
جود « فرحانه لدانه ومشاعل ومو مبينه لهم ضيقتها وحزنها عشان سعود الي اختفى والي تعلقت فيه كثير ⏯

رجعنا للروايه ⏸

في شقة البنات 
دانه وهي تنظف الطاوله: الله يصلحك يا هتان ليش ما علمنا من امس عشان نكون متجهزين 
جود وهي تمسح الغبره: هو شكله تفاجئ بجيتهم ويمكن وصلوا بالليل عشان كذا ما قال لنا 
مشاعل تزبط الكنب وهي متوتره: اصلا كل شي صاير مدري كيف احس شريط وقاعد تتسرع احداثه
دانه وهي تربط شعرها الي طال لتحت ظهرها: ايه ملاحظه انا بعد هالشي
جود بحزن ما بانته: ازيدكم من الشعر بيت بكره عيد ميلادي يعني بيصير عمري 17
دانه بفرح وهي تتذكر: ايييه صح يا بعد قلبي يا جووودي نسيناك هههه
مشاعل: انا باقي اسبوع ادخل 18 
دانه: اجل بنسويلكم حفله ويا بعض 
جود بفرحه: ايه حلوو
دانه: يله بنات بسرعه خل ننتهي من الصاله تراها نتفه 

نخلي البنات يشتغلون ونروح لراكان وهتان الي كانوا بالسوق يشترون أثواب وبشوت 
هتان: ذا البشت عجبني مررره وكششخه بعد بشتريه 
راكان: ايه تطلع مززه « وغمز له مع ابتسامه
هتان مسوي مستحي: بعد قلبي لا تحرجني كذا
صاحب المحل كان وراهم يبي يشوف بوش يساعدهم
وانصدم بكلام هتان قال وهو باقي مفهي: تبون شي اساعدكم به ؟!
ناظره هتان وابتسم: لا شكرا 
ناظره راعي المحل بفهاوه ومشى
هتان يهمس لراكان: شفيه ذا مفهي هههههه
راكان: ليكون سمع استهبالنا وفكره حقيقه ههههههه
هتان: ههههههه اوم الفشله مابي اشتري ابشت امش نطلع
راكان: لا يارجال خل نشتريه بس « ناظر راعي المحل
الي يناظرهم بقرف: لو سمحت كم سعر ذا البشت ؟! 
راعي المحل: 500 ريال 
هتان سحب راكان: شكرا ابوي ما قصرت « وطلعوا
راكان: شفيك يالغبي ؟!
هتان: شف النصاب قال بخمسميه وهو حده لو تروح
للبسطه حقين المساجد يقولون لك 200 ويطلع نسخه من ذالبشت
راكان ضرب راسه بخفه: امش يا ولد الفقر فشلتنا
هتان يهز راسه ويقلد راكان: فشلتنا فشلتنا « رجع لصوته: اقووول يالغني كيفي وبعدين احط 500 واشتري بهن بلاك بيري الي توه نازل احسن لي من ذالبشت المخيس
راكان فطس ضحك وهو يشغل السياره: طيب طيب بكيفك وين نروح ؟!
هتان يحك دقنه: روح لمحل ال***** ترا بشوته واثوابه مرتبين ومره كشخه
مشى راكان للمحل ونزلوا ودخلوه وبعد مالقوا طلبهم 
هتان: كم ذا البشت يالطيب ؟! 
راعي المحل شايب ومحترم: الي يعجبك خذه لك ومارح نقصر معاك 
هتان اخذ البشت مع الثوب الي عجبه: باخذ هذولا 
الشايب: احسبهم لك على 350 
هتان ابتسم طلع المحفظه وحط الخمسميه: مشكور عمي
الشايب اخذ ال500 وعطاه الباقي: لبس العافيه يا وليدي 
راكان: انا بعد ابي هالثوب وهالبشت والشماغ 
الشايب بعد ما حسبهم: تطلع عليك ب400 
راكان بدون نقاش حط الفلوس اخذ الكيس حق اللبس وطلع مع هتان

نترك الشباب ونروح لمكان ثاني بعيد عن الرياض تحديدا في الدمام
كان قاعد عالبحر ويناظر فيه وهو يسولف
بقلبه: اهلي دايما ضدي يبون هم كل شي لنفسهم ما يفكرون الا مصلحتهم خشومهم عاليه مدري ع ايش 
ومتكبرين وما يعجبهم الا بنات قبيلتنا اوووف بس 
عقد حواجبه بضيق وهو يتذكر مواقفه مع 
جود: اههخخ حبيت هالانسانه مع اني ماقد شفتها الا كم يوم ومواقفي معها بسيطه وشوي الا مع هذا
كله خذت عقلي خذت تفكيري حبيتها ابيها لي مو متخيل تكون لغيري
تمدد على تراب الشاطئ وهو يناظر لصفاء السماء 
مروا بنات من فوق راسه وهم يتهامسون وباين انهم يتكلمون عنه 
رفع عيونه وناظرهم ورجع ناظر السماء
وحده منهم: يلبييه يجنن وعيونه تخبل 
الثانيه: وطي صوتك سمعنا « ومشوا وهم يتساسرون عنه
تنهد بقلبه: هالي يخبل ويجنن قلبه تعبان 😭
مرت وحده من عنده وبس ناظرها ابتسمت له
بقلبه: وقاحه قسم
قام وفصخ بلوزته ورماها عالارض عند ملابسه 
ومشى للبحر وكان لابس برمودا بحري حط رجل في البحر: ااححيي بارد مع ان الدنيا صيف بس وشوله بارد يله خل ابرد على روحي 

نترك سعود ونرجع الرياض
الساعه 5 المغرب مشاعل متكشخه وكانت شي خياآل
لابسه تنوره سترتش قصيره وبلوزه نص كم لونها وردي 
وعليها ورود لونهم ابيض من تحت على جنب وطالع لنص بطنها
وفارده شعرها ومسشورته ومسويه فيه رولات 
حاطه قلوس خمري خفيف ومسكاراه وشوية بلشر على وجهها ولابسه كعب عالي بس مو كثير
دانه تصفق.: واااااو طالعه مززززهه خياااال لا لا مقددر على كذا
مشاعل بخجل: جد شكلي حلو احس لو اغير البلوزه 
دانه: بلا هبل مررره يجنن والله
جود: والله شكلك كيوت ميشو
مشاعل رضت قالت بابتسامه وهي ترش عطر من نعومي: طيب شكرا
دانه طلعتهم وهي تدفدفهم: دوري يله 
جود بضيقه كاتمه ع صدرها بس مو مبينته: بنات انا مارح ادخل
دانه: بكيفك « وقفلت الباب
مشاعل وهي تناظر شكلها بمراية الصاله: وراه ما بتدخلين ؟؟
جود وهي تدخل الغرفه الثانيه: بنام نعسانه طول امس سهرانه « وقفلت الباب 

نترك البنات ونروح لهتان وراكان 
راكان وهو يلبس الثوب: واو شكله يجنن 
هتان: مرره ياخي رزه ولباقه وبالذات مع لونك الحنطي طالع مزه
راكان مسوي انه شاف نفسه وراسه كبر: اححم اكيد دامي راكان ابن ال****
هتان رمى عليه المخده: كل تبن لا امردغك 
راكان ضحك: ياخي حرام الواحد يستهبل حتى في ذي
هتان قام واخذ ثوبه: اخلص علي اهلي قالوا ربع ساعه ونجيك يعني مامعي وقت 
راكان طلع وهو يستهبل: طيب حبيبتي لا تتحلطمي وتجننيني 
هتان يقلده: انت تعبتني اوي اوي وانا عايزه اخلص 
راكان ضحك: لا تقلب علينا رداحه مصريه هههههههه
هتان قفل الباب وهو يضحك وقعد يلبس 
بعد خمس دقايق طلع وهو نافخ صدره: ها شرايك ؟!
راكان صفر: حركااااات عريس تووحفه 
هتان : دايم كشخه انا هع 
راكان: لا يكبر راسك واهفك بالمخده 
هتان: لا لا بطلنا يله خل نمشي نروح لاهلي 

نزل راكان وهتان ومشوا بالسياره وبعد عشر دقايق
التقوا مع اهل هتان سلموا على بعض ومشوا للفندق
هتان قلبه شوي يطلع من مكانه وبيسبقه لمشاعل 
ناظر في امه وابتسم وناظر اخته وحط يدها ع كتفها: وحشتيني يالدبه
الريم بابتسامه: وانت اكثر والله 
راكان وقف سيارته عند الفندق ووقف ابو هتان وراه: يله انتن انزلن 
وبعدين يطلع وراكن هتان يشوف البنيه وتشوفه 
ام هتان: طيب « ونزلت ووراها الريم 

فوق بالشقه دانه كانت واقفه عالباب تنتظر في الضيوف 
وكانت لابسه فستان رمادي ضيق لحد الركبه وفوقه جكيت سبورت ابيض
ولابسه كعب عالي شوي وفارده شعرها الطويل ولابسه طوق من الورد 
وحاطه قلوس خمري خفيف ومسكارا
مشاعل قلبها يدق بقوه: دنووي وربي خايفه ومتوتره 
دانه: ههههه عادي حبيبتي شعور طبيعي يجينا كلنا 
اندق الباب قالت بهمس: ادخلي بس يطلبونك اجي اناديك 
راحت مشاعل جوا الغرفه وقلبها يدق بقوه 
فتحت دانه الباب ودخلت الريم وام هتان: السلام عليكم 
دانه بابتسامه تسلم عليهم: يا هلا والله ومرحبا تفضلوا 
دخلت الريم وهي خاقه على دانه وهي عبالها انها مشاعل 
اما ام هتان كانت تعرف انها مو مشاعل من كلا هتان لها 
↩ هتان: يمه ترا صديقة مشاعل اسمها دانه هي الي بتستقبلكم ↪
قعدوا وقعدت قدامهم دانه: شلونكم شخباركم 
ام هتان بابتسامه: الحمدلله بخير يابنيتي وانتي شلونك 
دانه بابتسامه: الحمدلله بخير « قامت تصب القهوه لهم 
ام هتان وهي تاخذ فنجال القهوه: مشكوره حبيبتي 
دانه بابتسامه تمد لريم الفنجال: بالعافيه 
وبعد سوالف قالت ام هتان: بخاطرنا نشوف مشاعل اذا سمحتي
دانه قامت وابتسمت: ابشري بناديها الحين 
الريم رفعت حاجب: يمه منهي ذي اذا ما كانت مشاعل
ام هتان: هذي صديقتها دانه هتان قالي 
قطع عليهمدخول مشاعل 
ام هتان والريم ناظروها ..

نهاية البارت تسعه وعشرون ^*^

رايكم وتعليقاتكم يالبى

استغفر الله واتوب اليه