رواية اخفيت انوثتي بثوب وشماغ الفصل الثلاثون 30 - بقلم غير معروف

البارت ثمانيه وعشرون …♠ 

راكان: قررت اسافر لندن ان شاءالله بعد ما املك على دانه
هتان بفرحه نط عليه: اوويلاااه ركوووني بتصير معرس 
سعود ضحك واستغل الموقف: ههههههه حتى انا معرس ان شاءالله
هتان ناظره وشق الوجه: احللللففف عاااد اووم الحماااس 
أجل ترا ابشزكم حتى انا بصير معرس 
راكان ابتسم وتحمس معهم : اووخخص حركااات منهم ذيلا بتعرسون عليهم ؟! 
هتان لف بعيونه بدوخه العشاق: ااااه وااقلبباااه احمم مشاعل 
راكان: وانت سعودي ؟! 
سعود شق الوجه: جود 
هتان ضرب يدينه ببعض: كنت داااري والله من سحبتك علينا بالمشفى
دريت ان وراك بلا بس قلت خن اتاكد 
راكان ناظر سعود وهو يكلم نفسه: الحين اهله شايفين نفسهم
وعز ومال وقبليه شلون بوافقون يزوجون ولدهم اخر 
العنقود بيتيمه !!!؟؟؟ « نزل راسه بحزن على صاحبه 
سعود قطع افكاره: راكان انت تعرف دانه اكيد ابيك تقولها تقول
لجود ان سعود يبي رقم اهلك عشان يتقدم لك
هتان قلبه انعصر ووجهه انخطف بس هدا نفسه وقال: سعود 
سعود التفت عليه: هلا ؟!

نتركهم ونروح الشقه عند البنت
جود ماسكه بطنها: بنات جوعانه خل نطلب عشاء 
دانه داخله المنتدى وتفرفر فيه: كلمي اي مطعم يوصل لنا وجبات
مشاعل منسدحه عالكنبه وتطقطق بجوالها: اتصلي على هرفي او ماك 
جود تناظرهم: ابو جوكم المخيس اوف « وراحت عند الجوال واخذت 
رقم مطعم هرفي واتصلت تطلب وجبات لهم

نرجع للشباب 
هتان بتوتر: حنا ندري انك يا سعود من قبيله شيوخ وكذا
سعود رفع حاجب: طيب ؟! 
راكان كمل: ويمكن أهلك ما يقبلون تتزوج جود 
سعود بملل: طيب ؟! هاتوا الزبده 
هتان: وانت آخر العنقود وآكيد امك تبي تختارلك البنت الي تعجبها 
سعود بدا يعصب: وش قصدك ؟!! 
راكان: سعود هدي شوي 
سعود بنفاذ صبر ناظر راكان وعض ع شفته قال راكان: البنت الي انت 
تبيها يا سعود مو من قبيله او عائله وماندري هي وش اصلها 
سعود قشعر بدنه عدل جلسته: ما فهمتك 
هتان: يعني جود يتيمه ومانعرف اصلها 
سعود بصدمه مو مستوعب الكلام: يعني لقيطه ولا يتيمه ولا ايش ؟! 
راكان: ماندري 
هتان: ترا حتى دانه ومشاعل نفس السالفه 
سعود لف عليه بصدمه أكبر: تكذب انت ؟! 
هتان نزل راسه بوجع: لا 
سعود نبضات قلبه حتطلع من صدره: طيب شلون اهلكم رح يوافقوا 
عليهم ؟!! 
راكان: ابوي ما يقول شي هو اصلا بايعني خلقه بيهتم بزواجي !! 
هتان: انا قد كلمت ابوي وقلته له ابيك بموضوع يخصني بس مر 
شهر ولا قلت له عن هالموضوع والله يستر 
سعود يحس راسه بينفجر منقهر من هالحظ تنهد بألم: أنا متأكد
ميه بالميه إن أهلي مارح يوافقون اتزوج جود 
هتان: طيب وش بتسوي ؟! 
سعود ناظرهم وبعيونه التحدي: بخليهم يزوجوني الي يبوني
اتزوجها ثمن آجي واملك على جود « ومرر اصبعه فوق خشمه « يعني غصب 
راكان حس بالجوع: اقول شباب قوموا خل نروح مطعم انا بموت جوع
هتان مسك بطنه: والله انه صادق « قام: امشوا امشوا 

الساعه 8 العشاء بالفندق عند البنات 
قاعدين ياكلون بشراهه من الجوع 
جود وهي تاكل وتفكر: الحين سعود هو مشاعره مثل مشاعري 
ولا انا بس الي احس اني حبيته طيب اليوم الي سواه معي 
يدل على غيرته علي ااففف تعبت من التفكير 
مشاعل تناظر جود: جويد وش فيك سرحانه 
جود انتبهت لها: ممم مو شي يذكر 
دانه: بنات ودي اسوي مقلب بالشباب شرايكم ؟! 
جود ومشاعل بحماس: اييييوهه 
مشاعل: وش نوع المقلب ؟! 
دانه بخبث: مقلب ابو كلللبب محد فكر فيه ابد 
جود: من زمان عن مقالبك اخت دنو 
دانه: خلصوا عشاكم عشان اقولكم عالمققلب ونسويه 

نتركهم ونروح للشباب الي قاعدين يتعشون بمطعم الرومنسيه
هتان: وش جابنا هنا المفروض حنا بهرفي او ماك هههههه
سعود وهو يحط لقمه رز بفمه: كل يبا كل مو عشان اسمه تقول كذا
راكان: ههههههه ايه وهو الصادق هرفي ختمنا ابو وجباته
هتان وهو يشرب بيبسي: الا نسينا البنات اكيد جوعانين 
سعود نزل راسه بحزن وكمل اكله وهو سرحان 
راكان: ما عليك انت لا خلصنا نودي لهم عشاء
رفع هتان جواله: بكلم ميشو اسئلها « ودق عليها بعد رنتين 
ردت قال: هلا ميشو ،،، شلونك ،،، تمام ،، بسئلك عندكم عشاء ولا نجيب 
لكم ؟! ،،، اوك انتظرك ،،، ( بعد شوي رجعت له ) هلا ،، اووك خلاص ،، باي
ناظر الشباب: يبون عشاء ماعندهم 
راكان: طيب نخلص ونروح لهم 

نترك الشباب ونرجع للبنات 
جود ودانه ومشاعل: ههههههههههههههههههههههههههههه
مشاعل ميته ضحك: لا مقدر بموووت مساكين بروحوا فيها
جود وهي تضحك: بس احس حرام توه قام من غيبوبته راكان
دانه بمكر: لا تخافين عليه هالوحش « وضحكت ضحكه شريره 
قامت مشاعل بحماس: يله طيب خل نبدا نسوي المقلب

الساعه 9 ونص الليل 
بالفندق كانوا الشباب واقفين عالباب 
سعود بطفش: هذيلا مارح يفتحون الباب !!
هتان: يمكن مشغولات بدق على مشاعل تفتح لنا 
راكان باستغراب: بس مدري ليش احس بهدوء زايد 
ليكونون طلعوا يتمشون ؟! 
هتان وهو يحط الجوال ع اذنه: لا ماظن 
فجاءه انفتح الباب طالعوا بعض باستغراب
راكان دف الباب بشويش: يا شباب مافي أحد ورا الباب !!
قشعر جسم الشباب وصاروا يناظرون بعض 
هتان بعد الخوف عنه ودف الباب ودخل: غريبه معتمه الشقه 
سعود واقف وينتظر يصير شي دخل راكان وهتان ووراهم سعود 
يمشي ابطئ ما عنده 
فجاءه سمعوا صوت مسدس من وراهم 
وقفوا متجمدين بمكانهم وكل واحد يحرك عيونه 
انفتحت الانوار ولقوا البنات قاعدين قدامهم لابسين 
عبايات ومربطين 
صوت همس لراكان: كلكم حتموتوا 
تجمد راكان بمكانه وما عرف وش يسوي 
سعود تجمد بمكانه لمن شاف المسدس ينحط ع راسه من ورا 
هتان بخوف: من انتم وش تبون مننا ومن البنات!!!؟؟
صوت همس باذنه: تموتون كلكم 
هتان بلع ريقه وناظر يدور مشاعل بس ماقدر يميزها: طيب
ممكن اقول هالشي ان كنت واحد او اكثر مايهم بس بقول هالشي
همس باذنه: قول شعندك ؟! 
هتان بباله: يلعن ابو هالهمس يقشعر البدن: ابي تفكوا عن 
البنات وعن اصحابي وسوو الي تبونه فيني ولو تبون فلوسي كلها
الصوت ضحك بقوه لدرجه ان راكان ميز الصوت التفت 
ولقاها لابسه ثوب ومتلثمه وماسكه بطنها من الضحك
وفجاءه سمعوا البنات وهم يضحكون عليهم وقاموا من مكانهم 
دانه تناظر راكان وميته ضحك مو قادره تمسك نفسها 
هتان حس نفسه مخفه قام صارخ وهو ماسك ضحكته: تستهبلين 
حضرتك ؟!! تسوون مقلب زي كذا « وهنا ماقدر يمسك نفسه وفقع ضحك
سعود ناظر جود وعيونه متألمه لف وطلع من الفندق بكبره 
اما راكان شاف هتان يضحك وقام ضحك معه: يلعن شيطانكم شلون 
سويتوا كذا وفكرة من ؟!
جود وهي تمسح دمعة من الضحك: فكرة دانه هههههه
مشاعل: والله ماتوقعنا ان بتخافون الا بتتجمدون من الخوف ههههههه
هتان ناظر مشاعل وابتسم بحب: هالمره نعديها لكم 
قاطعه راكان: لا من قالك بنسامهم لهم عقاب ابو كلبي « استوعب 
ان دانه لابسه ثوب ولافه الشماغ: ترا بطلتي بدر روحي غيري الثوب 
ولا تفكرين اني مارح اعاقبك يالدبه 
راحت دانه الغرفه تغير وهي تضحك عليه 
راكان: سعود وين راح ؟! 
هتان رفع كتوفه ونزلهم يعني مدري ناظر مشاعل: ميشو 
روحي خذي كيس العشاء وتعشوا يله « ناظر راكان: وحنا خل 
نشوف وين راح سعودي ونرجع الشقق 
راكان: طيب يله « ناظر البنات: مشاعل جو قفلوا الباب زين 
ولا تفتحوا لاي شخص كان الا اذا شفتونا من العين 
مشاعل وجود: لا توصي حريص 
هتان غمز لمشاعل وابتسم وطلع مع راكان ونزلوا سيارتهم بعد 
ما تأكدوا ان البنات قفلوا الباب زين 
بالليل الساعه 11 هتان بغرفته وراكان بغرفته اما سعود راح لبيته 
بغرفة هتان كان يكلم امه واخته الريم وابوه 
وبعد سوالف طويله وسؤال عن الحال قال: يمه يبه ودي منكم شي
طبعا كانوا حاطين سبيكر قال الاب: امر يبا تكلم 
هتان بتوتر: يبه يمه انتوا تدرون بي لحالي عايش هنا بعيد عنكم
قالت الام بحزن: تعال الدمام يا يمه واشتغل عند ابوك 
بلاه المرمطه عند الناس وراتب أقل
هتان لوا بوزه: يمه عبدالله ولله الحمد معطيني أكثر من حاجتي 
وثاني شي يا يمه حاطني على راسه ويقول لنك ولد ال*** نكرمك
ابوه ابتسم: سلم لي عليه وقله ربي يكرمك ويسعدك ياعبدالله 
هتان: يوصل يا يبه طيب ماودكم اكمل !
امه: الا كمل يمه كمل 
هتان: طيب الزبده ومافيها أبي أعرس 
سمع صوت الريم تزغرط: مبروك خيو بس منهي ذي الي ودك فيها
هتان شق الحلق: والله يا ريومه ذي وحده صديقة زوجة صديقي 
وشفتها يومني طلعت مع صديقي والله البنت محترمه ماشاءالله 
ابوه: شلون تعرف عربها واصلها لازم نسئل عنهم نقابل اهلها 
هتان مغصه بطنه قال: يبا البنت يتيمه 
ابوه: الله يرحم اهلها 
امه: طيب لازم نشوف قرابتها عمانها خوالها نسئل عنهم 
هتان بباله: ياليل مطولك « قال: يمه انا صراحه سئلت عن اهلها 
وقالوالي جيرانهم انهم زينين وطيبين ومحترمين مره 
الريم: طيب انا متحمسه اشوفها لازم اجي مع ابوي وامي نشوفها
هتان: طيب انتوا شوفوا يوم وكلموني قبل بيوم 

نتركهم مع سواليفهم 
ونروح لراكان الي كان يفكر كيف حيكلم ابوه ويقوله عن دانه
تنهد بتعب وغطا راسه بالبطانيه ونام 
نروح لفيلا كبيره في حي راقي من أحياء الرياض 
وفي غرفه مساحتها شاسعه وأثاثها من أفخم الاثاث 
معقد حواجبه ويفكر وقاعد ولابس شورت وصدره عاري 
تنهد بتعب وقام لبس بلوزه فسفوري أزرق وطلع من الغرفه
نزل للدور الاول ودخل الصاله وكان ابوه وأمه وأخواته قاعدين
{ ملاحظه } أهل راكان ما يهمونا بالروايه فقط ادوار بسيطه
بس رح اعرفهم لكم ،،، الام والاب سلطان وحليمه 
الاخ الكبير صقر متزوج ،، الي بعده جوري متزوجه 
وبعدها حمد متزوج « اعمارهم بالثلاثين 
بعده الجوهره وكرم متزوجات بعدهم ماجد متزوج « اعمارهم فوق ال25 
بعده فواز « خاطب وبعده أحلام مخطوبه وبعدها شروق متزوجه 
وسعود آخر العنقود 
الي بالصاله فقط ابوه وامه أحلام لان الباقي متزوجين
وهي أحسن أخواته وأخوانه ومو متكبره زيهم
قعد: السلام عليكم
ابوه وامه واحلام: وعليكم السلام 
سعود تفحص اهله بنظره خاطفه عشان يحلل نفسيتهم
ولقى انهم مبسوطين ومستانسين 
ابتسم: يبه يمه بغيتكم بشي من زمان أبي اقولكم اياه 
ناظروه باهتمام قال الاب: تفضل قول شعندك 
الام: نسمعك يا يمه قول
احلام اكتفت بانها ناظرته ابتسم وقال بتوتر: اححم ابي اتزوج
الام: هذي الساعه المباركه يا يمه 
الاب: بس مو كنه بدري عليك يعني اخوانك تزوجوا 25 وفوق 
سعود: بملك هالسنه والسنه الجايه يكون عمري 24 واتزوج 
الاب ميل راسه يفكر: منهي الي ببالك ؟! 
سعود جا يتكلم بس امه سبقته: وشوله هالسؤال 
عندي له بنت لقققططه وهي بنت عمه مفلح الجوهره 
سعود انقبض قلبه: لا يمه عاد الا ذي وجه السحليه 
ابوه بعصبيه: عيب تقول كذا عن بنت عمك 
سعود طنش كلامهم وكمل: طيب يبا عندي وحده ببالي 
ابوه: بنت من ذي ؟! 
سعود بلع ريقه بباله: شموقفهم لو قلت لهم يتيمه « عض ع شفته 
وقال: يبا تعرف راكان انت صح ولد ال**** 
ابوه: ايه والنعم به ولد رجال وولد اصول 
سعود: البنت ذي تكون صديقة زوجته « طبعا هتان وسعود متفقين عالكلام 
امه: طيب بنت من تكون ذي ؟! 
سعود بعد تردد: هي يتيمه البنت يعني وماعرف من اي عرب 
ابوه وامه ناظروا بعض …… 

نهاية الفصل ثمانيه وعشرون ^*^ 

رايكم وتعليقاتكم يالبئ

لا اله الا انت سبحانك اني كنت من الظلمين