رواية اخفيت انوثتي بثوب وشماغ الفصل الرابع والعشرون 24 - بقلم غير معروف

البارت ثلاثه وعشرون … ♠
رفع راسه وناظرها وبصدمه فتح عيونه عالاخر وقال : بببدددرر !!
ناظرت فيه وهي رافعه حاجب رمشت مرتين وقالت : لؤي 
لؤي قام وسلم عليها : اخبارك 
دانه : الحمدلله وانت ؟!
لؤي بخير : الا وش جايبك هنا ؟
دانه : جاي ازور راكان صاحبي
لؤي: ايه هذا الي يشتغل مع سطام
دانه اوجعها بطنها من الاسم ابتسمت : ايه هو نفسه
لؤي : لا تاخذون بخاطركم ع سطام هو ما قصد الي سواه
دانه تنهدت من قلب : الله يسامحه
لؤي: انت زرته ؟!
دانه : لا كنت عند راكان 
لؤي مسك يد دانه : تعال تحمد له عالسلامه نفسيته تعبانه
مشت دانه وهي ترتجف دخلوا عالغرفه قال لؤي : سطام بدر جاء يتحمد لك عالسلامه
سطام من سمع الاسم رفع راسه بصدمه : بدر ؟! 
دانه بخوف : الحمدلله عسلامتك
سطام ما سمعها لانه سرح في عيونها لف وجهه صاد عنها بألم 
سالم يناظر فيها : مو هذا الخكري الي شفناه بالمول ؟! 
دانه بحده : الزم حدك تفهم
سطام بنبره غريبه : اطلعوا مابي احد هنا « صرخ : اااطلطلللععووا
طلع لؤي وسالم منصدمين منه ودانه كانت وراهم 
ناظرها سالم وقال : من شافك انهبل شمسويله انت « مسك ياقة ثوبها وبحده : شمسويله تكلم 
دانه بخوف : مادري عنه 
لؤي فك سالم عن دانه : اتركه يا سالم انت تعرف سطام معصب 
من قبل لا يشوف بدر 
دانه تركتهم ومشت عنهم 
بس قبل لا تبتعد اكثر ناداها لؤي 
التفتت عليه : نعم !!
لؤي : سطام يبيك بالغرفه
طاح قلب دانه وبدا يتسارع ومشت لغرفة سطام وقلبها طايح برجولها ويدها تعرق 

نتركها ونروح لدار الايتام
مشاعل ترتب بالغرفه : يله جودي بسرعه خل ننضف دانه بتجي 
جود بحماس : اخخخيييرررا بشوفها اخيرا هالظالمه بتجي
مشاعل ضحكت بخفه على حماس جود : اسمعي انا شريت صبغه لونها بني فاتح ابي اغير هالصبغه الزهريه جابت لي كآبه 
جود بفرحه: الله وناسه اكيد دانه اذا شافتك حتنبسط كثير
مشاعل ابتسمت : ايه حتى الحلق الي بفمي من ماتت اميره ماحطيته كرهته حيل واحط هذا الدواء عليه
عشان يقفل الخرمه لان ما صار لها الا شهرين 
جود : حللووو 
مشاعل قامت راحت لدولابها فتحته واخذت كيسين ورجعت لجود فتحت الاول وطالت بلوزه لونها وردي وعليها كلام بالانجليزي بلون ابيض : شوفي جود ذي شريتها هديه لدانه
جود بفرحه: وااااو تجنن دانه اكيد حتفرح بهديتك ميشو 
مشاعل بابتسامه اكبر طالت بلوزه ثانيه : شرايك في ذي حلوه ؟!
جود خقت عالبلوزه قالت : الله ميييششوو صاير ذوقك عال العال مره تجنن ماشالله 
مشاعل بنفس الابتسامه: هذي لك 
جود ماستوعبت الا متأخر قامت وضمت مشاعل : يا قلبي ميشو مره شكرا كانك تعرفين ذوقي
مشاعل : امك انا نسيتي ههههههه
جود ضمت البلوزه : هههههه

نترك الحلوتين ونرجع لدانه
وصلت عند باب الغرقه وقلبها برجولها سحبت نفس ودخلت 
ناظرها وهو مكتف يدينه ونظره حقد معتليه وجهه : هه مابغيتي تشرفين والله !!
دانه : الحمدلله ع سلامتك 
سطام : هه تو الناس كان تأخرتي 
دانه ناظرته ببرود : جيت اهنيك عالي سويته صراحه مبدع طيحت راكان بغيبوبه وانت انشليت عاجبك الي سويته ؟! ولا بتقول كنت غيران لانك معه بس اقولك انك اغبى انسان شفته بحياتي 
ولفت تبي تروح بس وقفت يوم قال بقهر : ايه صح كلامك غبي لاني حبيتك « صارخ : انققللععي
دانه طلعت بدون م ترد عليه سالم ولؤي كانوا بره وانصدموا من اخر جمله قالها سطام 
ناظرتهم بس ما اهتمت لنظراتهم ومشت عنهم 

الساعه 5 المغرب 
نزلت دانه من الشقه 
راحت لحديقه قدام الشقق دخلت ناظرت ان كان فيه احد او لا ودخلت حمام النساء فصخت الثوب ولبست ملابس وفوقها العبايه والطرحه والنقاب حطت الثوب بالكيس وطلعت انتظرت تاكسي واول واحد ركبت معاه ودلته على مكان دار الايتام 

بنفس الوقت هذا عند البنات 
بدار الايتام 
كانوا قاعدين ع احر من الجمر 
وينتظرون بصمت 
قطع صمتهم صوت الباب يدق
قامت بفرحه وفتحت الباب 
واول ما فتحته ما حست الا بذاك الشخص الي يضمها بقوه و يصارخ بشوق : دنووويي ااخخيييررا جييتتتيي
دانه بشوق كبير: لكم وحشه يا بقر 
ضمتها الثانيه: وانتي اكثر يالثوره
دانه بضحكه غبيه : اخباركم 
مشاعل : اشتقنالك يا زفت
جود : فقدناك يالتبن
دانه بخفه: ههههههه خفو علي 
جودي دفتها من كتفها بمزح 
مشاعل قرصت اذنها : ادخلي بس ادخلي 
ناظرت دانه الغرفه بحنين وشوق تنهدت وقعد بمرح ع سريرها: الله من زماان عنكم وعن سريري
جود قعدت قدامها ومشاعل جنبها 
مشاعل: سولفي لنا عن اخر مغامراتك والتطورات عن هتان 
دانه بنص عين: هذا وانتي ما شفتيه تسئلين عنه آجل شلون لو شفتيه 
مشاعل بابتسامه: مدري ليش انجذبت له « وفجاءه طرا على بالها ذاك العسكري الي رقمها وابتسمت ع شكله « هو نفسه هتان بس هي ماتدري 
دانه وعتها من سرحانها بتنهيده حزينه: كيف ماتت أميره ؟؟
جود بلعت ريقها جت تتكلم بس قالت مشاعل : الله يرحمها كنا بره عند نوره وشلتها ويومنا رجعنا لقيناها عالارض واكتشفنا انها ،،« وماكملت كلمتها من العبرهه 
دانه بحزن : الله يرحمها
جود ببالها: مدري ليش احس سبب موتها هالي اسمه ياسر 
دانه قامت: انا جبت معي حلويات وكذا يكفي كآبه البنت عند ربها تعالوا نتونس حنا 

نترك البنات ونروح لمكان ثاني بنفس الوقت كان قاعد يسولف مع ابوه بالجوال 
ابتسم: ابجيكم يبا هالاسبوع ماقدرت اجيكم الاسبوع الي طاف عشان شغلي
ابوه: الله يصلح امرك يا ولدي هتان ويرجعك لنا سالم
هتان وهو يتذكر شي: يبا شسمه 
ابوه: وش قول
هتان بتراجع: لا لا سلامتك ابوي
ابوه : طيب اكلمك بعدين جاني اتصال « وقفل الخط 
هتان فتح عالارقام وقعد يدور بالاسامي ولقا الاسم ابتسم ودق 
بعد خمس رنات رد صوت نعومي : الو 
هتان بقلبه فديت هالصوت وراعيته تنحنح وقال : هلا 
البنت : نعم من معي !!
هتان يجمع كلام : انا ذاك العسكري الي قالك ابا رقمك تذكرتيني ؟!
شهقت بقلبها قالت بخجل: اي ايه تذكرتك 
هتان براحه انها تذكرته : شلونك
بخجل : الحمدلله 
هتان ابتسم: وانا بخير 
لوت فمها بفشله : دوم 
هتان : انا مدري كيف ابدا ،،
بقلبها « ليكون بعتذر !! 
هتان ما سمع رد قال : انا قبل اسبوع كذا صار مع خويي حادث وماقدرت اتصل بك 
« لا رد 
هتان كمل : واليوم سنحت لي الفرصه ادق عليك
بصوت خافت: يقومه بسلامه
هتان ابتسم: الله يسلمك
بتردد: اعذرني عندي صديقاتي
بسرعه: اها طيب معك هتان وانتي شسمك
دق قلبها بقووه وبلمت بالي قدامها قالت تصرف: مشاعل يلا باي 
هتان جا يتكلم بس سمع طوووط
تأفف : شفيها ذي قفلت بسرعه
حط الجوال وشغل سيارته ومشى

نرجع لدار الايتام 
كانت مصدومه وتناظر الارض ببالها : معقوووله هو نفسه الي قالت لي عنه دانه !!!!
وعت ع صوت دانه تناديها : مييششوو يا بنت تعالي ساعدينا 
قامت مشاعل: معليش جتني مكالمه من واحد غلطان
بعد مافرشوا البنات السفره وحطوا الحلويات والكيكات والعصاير
طلعت جود تاخذ من المطبخ ملاعق وصحون 
استغلت مشاعل الفرصه وبعد دقيقه من التردد قالت: دانه بسئلك الحين هتان ذا وش يشتغل ووش اسم المول الي تشتغلون فيه ؟! 
دانه ناظرتها: بل بل شعندك تسئلين ؟! 
مشاعل: انتي جاوبي احين 
دانه : يشتغل معنا بمول ال***
عسكري عند البوابه ال****
مشاعل بصدمه مابينتها : اها 
قاطعهم دخول جود وهي مبتسمه 
مشاعل ببالها: طلع هو نفسه الي تتكلم عنه دانه 

نتركهم ونروح لشخص آخر 
كان متمدد ع السرير ويفكر جته فكره بس شلون ينفذها وهو مايقدر يمشي حتى
اخذ جواله واتصل عالنيرس حقته بعد شوي جته: هلو بابا ايس يبغا مني( هلا بابا ايش تبغا مني )
بلل شفته: وديني عند راكان ال**
النيرس هزت براسها اوك وساعدته انه يقعد عالكرسي 
بعد ما قعد مسكت النيرس يدين الكرسي وجرته خارج الغرفه ومشته لغرفة راكان ودخلوا
كانت الغرفه مظلمه الا من نور الاجهزه الخفيفه والجو بارد شوي وقفته عند السرير
ناظر فيه وكان نايم وملامحه الهاديه والجذابه مرسومه عليها تعابير الالم 
بباله : اسف يا راكان ادري اني كنت متهور مره وكنت منقهر من دانه انها بنفس غرفتك وممكن تكشفها وتحبون بعض 
تنهد بغصه وكمل: بس الحسد عماني وادري اني ماقد حبيتك وكنت اغار منك بس الي سويته لك كثير بحقك اوعدك اني ما عاد اتعرض لدانه ابد « عقد حواجبه وقال للنيرس: رجعيني غرفتي

نهاية البارت ثلاثه وعشرين ^*^

توقعاتكم