رواية اخفيت انوثتي بثوب وشماغ الفصل الثالث والعشرون 23 - بقلم غير معروف

البارت اثنان وعشرون …♠

الساعه 9 الليل في دار الايتام 
غيرت لبسها واللبس الي كانت لابستهم حطتهم في كيس ورمتهم اخذت حبل وناظرت المروحه المعلقه في السقف دورت بعيونها وشافت كرسي اخذته وطلعت عليه ربطت الحبل في المروحه 

نتركها شوي ونروح لبره الغرفه في غرفه ثانيه 
كانوا البنات قاعدات ويسولفون 
مشاعل ضاقت فجاءه وحست ان في شي رح يصير او صار 
قامت وناظرت جود : جود يله نروح كفايه من خمسه وحنا هنا
قامت جود : اي والله تعبت حيييل 

سلموا البنات على بعض وطلعوا
فتحت مشاعل الباب وجت تدخل بس فجاءه سمعت صوت صراخ جود
التفتت عليها ولقت عيون جود متعلقه بشي ما بالغرفه ومصدومه 
لفت مشاعل تشوف المكان وهنا 
طرررراااااخخ « طاحت عالارض مغمي عليها من المنظر

نرجع لدانه الساعه 11 الليل 
فتحت عيونها وهي معقده حواجبها رفعت راسها عالشخص الي رابت يده ع كتفها قامت بضيق : هتان ؟
هتان بحزن وضيقه مو طبيعيه : بدر ادعيله لا تبكي كذا كنك بنت تلحلح عاد راكان اخوي قبل لا يصير صاحبك وكاني بكيت شوي ورحت اصلي وادعيله قوم ياخوك قوم رح ادعيله 
مشت والغصه بحلقها طلعت من الغرفه بدون م ترد ع هتان 
وراحت الحمام تغسل وتصلي
عند هتان قعد عالكرسي وهو يناظر راكان بحزن شديد وألم غمض عيونه ونزلت دمعه يتيمه حاره وتحرق تنهد وقال : ركيين يا غبي قوم اشتقت لك يا تيس 
مسح دمعه: ركوون اليوم شفت بنت خذت عقلي « ابتسم بانكسار : عيونها لحالها تغرق العشاق كنت جاي الشقه اسولف لك تدري ههه خذيت رقمها بالبدايه م رضت بس قلت لها بتقدم لك بس طلع اهلها متوفين « غمض عيونه بحزن وبلع ريقه الناشف : ايه بتقدم لها بتزوجها خذت عقلي بنظره الا خذتني كلي « ناظر في راكان النايم الي مو سامعه :راكان صحصح عشان تحضر ملكتي عليها ابيك ترقص بالحفله ههههه والله بكون فله العرس احوله لديسكو « غمض عيونه وطاحت دموعه بقوه وصارخ : رااكاان قوووم راكان خلاص انا مالي غيرك اخ واب وصديق بهالدنيا « ومسح دموعه بيدينه وشهق بالم

نروح لدار الايتام بنفس هالوقت
الاسعاف عند باب الدار وسيارة شرطه
المديره واقفه وباقي مصدومه من الي سوته أميره 
واحد من الشرطه : انتي مديرة الدار الجديده جهير صح ؟؟ 
« اييه نسيت اقولكم ان الامير طلال انسجن بتهمة الترويج وبيع البنات الصغار وبيوت الدعاره 
والمديره حصه حكموا ع سجنها لمدة عشر سنوات 
المديره جهير : ايه طال عمرك انا المديره الجديده 
الشرطي : وراه ما انتبهتي للبنات الي هن امانه برقبتس ؟! 
المديرة : والله ياخوي انتبه لهم بس هذي البنت طلعت نكبه 
الشرطي تنهد بقهر : عالعموم حنا كتبنا التقرير وبجوا هيئه حريم يفتشون البنات ويشيكون ع جوالاتهم بس لا تقولين لهن 
المديرة : ان شاء الله 
في سيارة الاسعاف اخذوا اميره وحطوها في ثلاجة الاموات وراحوا المستشفى 
اما جود كانت منهاره تماااما وماتكلمت ولا حرف بالاستجواب ويئسوا منها وتركوها
اما مشاعل من هذاك الوقت وهي مغمي عليها من الصدمه 
â™ **********â™ 
مر اسبوع على ابطالنا 
دانه حالتها كل ما شافت راكان تسوء وتبكي بحرقه 
راكان للحين ما قام من غيبوبته
هتان نفسيته تعبت حيييل واخذ اجازه من شغله مايدري لمتى 
عبدالله نفسيته زي الزفت من وضع راكان لانه يعتبره يده اليمين الي اعتبرها انكسرت 
سطام قام من غيبوبته الي ما طالت الا ثلاث ايام ومن درى انه مشلول ومايقدر يمشي ع رجوله حس انه بنجلط وكره حياته ويسب بدانه وراكان الي خلوه كذا برايه ! 
مشاعل قامت من اغمائها واستوعبت ان اميره ماتت بس ما اهتمت بأميره وانتحارها لانها هي جابت هالشي لنفسها
جود كل يوم اذا صلت الوتر تدعي لاميره ان الله يغفر لها
سعد واسيل كل يوم عند راكان يقعدون عنده يقرون عليه قران 
عمر وفرح يبكون ع راكان اذا شافوه ويدعوله يقوم بسلامه 
وبسس ^^ 

يوم الجمعه الساعه 1 ونص 
في مستشفى الهلال الأحمر بغرفة الطوارئ عند راكان 
قاعده وتقرأ قرآن وتنفث عليه 
قطع عليها صوت الباب وهو يندق 
غطت وجهها وقالت : مين فوت 
انفتح الباب وبابتسامه مكسوره : السلام عليكم 
قامت : وعليكم السلام انت بدر مو
دانه بصوت حزين : ايه « مشت لراكان ووقفت عنده ناظرته بغصه وقالت : مساء الورد 
نزلت عيونها بحزن على دانه وقالت : هتان صاحبو حكالي انو بدر حيجي يزور راكان انا مرة ابوه وأجيت اقرا عليه قرآن
دانه بدون م تناظر لها : هلا فيك انا جيت ازوره شويات واطلع
أسيل بسرعه : اذا حابب تضل عندو انا بطلع وأقعد بالمسجد
ناظرتها دانه بعيون ناعسه حزينه : مشكوره خالتي 
أسيل ابتسمت من تحت النقاب و طلعت وهي تقول : العفو
قعدت دانه عالكرسي ومسكت يد راكان ناظرت في ملامحه الهاديه 
هنا ماقدرت تتحمل وصارت تبكي

نروح لشخص ثاني 
كان قاعد بسيارته ويناظر بصور له مع راكان وعبدالله 
عقد حواجبه بحزن : الله يقومك بالسلامه يا راكان 
فتح ثلاجة السياره يبي يشرب مويه وشاف ورقه صغيره بلون أزرق اخذ الورقة وهو مستغرب فتحها وابتسم ع طول : اووه رقمها « تنهد بحزن : لو انك يا راكان مو بغيبوبة كان الحين رحنا لها وتقدمت لها اكيد هي تقول الحين كذب علي وطلع لعاب

اخذ جواله وسجل الرقم عنده 
ركى راسه ع الكرسي وغمض عيونه بتعب

في دار الايتام بنفس الوقت 
كانت مشاعل متمدده عالسرير وفاتحه الجوال وتطقطق عليه ناظرت لجود : جود 
جود ناظرت لها : هلا ؟! 
أميره : تدرين ان دانه لها شهرين مو جايه عالدار !!!
جود تنهدت : ايه بس الايام مرت سريع وماحسيت والله فاقدتها حيل
مشاعل : برايك نقول لها عن أميره ولا نصبر شوي !!
جود بتفكير : مدري والله 
مشاعل : عندي فكره شرايك نسلم عليها ونسئلها عن الحال اذا كانت نفسيتها عاديه نقول لها اما اذا كانت شينه حرام نزود عليها 
جود بدلاخه : لا لا العكس اذا كانت نفسيتها شينه نقول لها عشان تشين مره وحده 
مشاعل بلمت وفيها وفجاءه صارت تضحك : ههههههههه غبيه يا جودي هههههههههه
جود ابتسمت بغباء : اخيرا ضحكتي من زمان م ضحكنا هههههههههههه 
مشاعل : هههههه والله صادقه احس هالايام مرت بنكد 
جود قالت : حنا كنا نفسيات من طلعت دانه المفروض 
اننا مسكنا بعض عن الحزن وغيرنا نفسيتنا للاحسن
مشاعل : يله معليه « ناظرت بالغرفه : اميره مع هبالها ودلاختها وغباءها بس لها وحشه
جود : والله اميره ما كانت كذا بس مدري وش الي غيرها هالدرجه
مشاعل : الله يرحمها « ابتسمت وقالت : الا شقلتي قبل شوي ههههههههههههههههههه
جود ضحكت : ههههههههه بتمسكينها علي ادري 
مشاعل : هههههههه طول عمرك 

نترك الجميلات ونروح لبطلتنا
الساعه 3 العصر 
هتان وعبدالله في الغرفه قاعدين عند راكان وفارشين السفره يتغدون 
اما دانه كانت تهز رجلها بتعب 
هتان : بدير تعال كل 
دانه ناظرته : لا يبا مو جوعان صحه وهنا 
عبدالله بحزن مخفيه : انزل بس تغدا يا رجل راكان بقوم ما عليك ندري فيه هالوحش يحب الدنيا 
هتان ابتسم بحزن: صح عليك 
دانه كانت تضور من الجوع بس استحت كيف تاكل بينهم ببالها : للحين يا غبيه عبالك انهم بشكون طول هالايام ماحد شك انزلي كلي بس « ونزلت تاكل معهم 
بعد ساعه دخل واحد وهو مبتسم بانكسار وحامل باقة ورد : السلام عليكم يا شباب 
الشباب : وعليكم السلام 
دخل حط الورد عند راس راكان وحسس عليه بحنان : يبا راكان قوي نفسك يابوك حنا اشتقنالك
هتان بباله : الله يصبرك ويصبرنا 
سعد قعد عالكرسي وناظر في دانه: انت شكلك بدر الي قالي عنه راكان 
دانه ابتسمت بخجل : ايه هو انا 
سعد : ماشالله الله يوفقك يا وليدي
دانه بخجل : وياك عمي 
بنفس هالوقت بره هالغرفه في غرفه ثانيه 
واقفين عنده يسولفون 
ابتسم : ترا مال راسه علاج وينتهي وضعك مدري ليه كل هالضيقه 
تنهد بكره : كله منها ومنه الله ياخذهم لجهنم 
شهق بقوه : هيه انت حرام تقول كذا انت السبب 
عطاه نظره تخوف : انا لو ماقلت لك احسن بس انا غبي 
مسك كتفه : انا اسف ماكنت اقصد يا سطام بس لا تدعي عليهم انت تعرف من البادي
سطام بقهر : طيب سكر السالفه يا لؤي راسي انفقع 
لؤي سكت وهو مبوز 
قال سالم : خلاص انتهينا عاد والله بزران كله علاج وترجع تمشي 
طلع لؤي وهو يقول : اذا هديت يا سطام قول لاني ماحب اشوفك كذا
سطام دنق راسه بحزن : اهخ لو ما خططت لهشي ما كان صار كذا بس « اشر ع عقله : انا غبي 
سالم : سطام حبيبي قلنا خلاص
بره الغرفه كان يمشي ويجر رجوله قعد بره عند الكراسي و ركى راسه عالجدار
طلعت مستعجله تكلم بالجوال بابتسامه مكسوره : هلا والله ،، الحمدلله بخير وانتي ،، دوم ،، ايه الوضع عادي ،، لا بس شوية مشكله لا أكثر ،، ما عليك كيف أميره وجودي ؟ ،، نننعععمممم ماتت !!! كيييف ،، انا لله وانا اليه راجعون الله يرحمها ،، 
كان يسمع كلامها بس بدون ما يناظرها وسرح مع صوتها انتبه على اخر كلمه يوم قالت بغصه : خلاص انا بحاول اجي اليوم انتبهي لك باي « وقفلت الخط
رفع راسه وناظرها وبصدمه فتح عيونه عالاخر وقال : ،،، 
نهاية البارت اثنان وعشرون ^*^ 

سبحان الله وبحمده