رواية أخطاء لايُمحيها الزمن الفصل السابع والعشرون 27 - بقلم أنثى 🪽 ملائكية

انثى 💜 ملائكيه

اخطاء لايُمحيها الزمن

رجاءً تصويت قبل القراة والي ممصوت على بارتات سابقه يرجع يصوت

جوري ...بيت خالي علاء كاعدين بره البلد صارلهم اسنين عنده خمس ولد و3بنات..هذا الخال الوحيد مامختلطين ويا عبالك غريب ووهو وعائلته وحته ماتذكره هواي ولاشايفتهم غير بس من جنت صغيره ولحد مزوجت ماعرف عنهم شي بس مرات اسمع خالتي وامي يسولفن بيهم ...

وبسنه 2017 اجوي للعراق لان ابنه الجبير اتزوج هنا والعرس سوه بارقه قاعه بغداد فـ بوكتها رحت صالون ولبست فستان وكلش اتونست هناگ..بس اليوم صدمني...

حسن ...اوف ولج جوري شفتج بلعرس شلون جنتي طالعه تخبلين وحته مادري بيج متزوجه وسالت عليج وكتلها امي اريد اخطبها بس من كالتلي متزوجه كلش اتفاجأت والله فكرتج الي..

جوري ...جنت كاعده واقره رسايله عززه بعينج جوري شوكت هذا شافني صخااام.... وين شفتني اعتقد جانت قاعه مغلقه....

حسن ...ههههه ششفتج وحته من طلعتي من قاعه اني من بعيد لمحتج وشفتج ..

جوري.. هااا دكول اني مشفتك بس اكيد انته مشتبه بيه.. جنت اكتب وارجف....  هاي مو اني ماعرف ليش خفت....

حسن ...ههههه لا انتي متاكد....

جوري....سكتت بعد مجاوبته شي وحذفت رسايل وعفت الفون بعد بس طول هاي مده حسن بعد معافني كل يوم يراسلني وحته اتردد اجاوبه ومرات احس اسألته مو راحه ماعرف گلبي مارتاح اله وبيوم الي مارد عليه يدزلي انتي ليش متكبره ومغروره لان مارد..واني محب احد يكول عني متكبره ارد ع كد سؤاله اذكر اخر مره سالني ..

حسن ...انتي تحبين زوجك...

جوري ... جاوبته... طبعا احبه شعندي غيره ابو جهالي...ضليت ارد واعوفه....ليش مايوم منهن امي خابرتني فجأه وشوكت بليل جانت ساعه 11 اتفاجأت بتصالها بهذا اهلي ينامون المهم جاوبتها جان تكلي .....

ام جوري...بنتي اذا ماعندج شي هسه تعالي احجي وياج ضروري...

جوري ..گلبي لعب ..... ليش خير يمه اكو شي...

ام جوري...  تعالي والله كريم.

جوري .....سديت الخط ورحت بساع لبست عباتي وطلعت حته من ستعجالي ماكلت لاحد اني طالعه جنت امشي وبالي الف شغله حاسه اكو شي لاحد ماوصلت سلمت عليها وع بيبي وع اخوني هم كاعدين..امي راحت للمطبخ وصاحتني رحتلها ركض طبعا ماما دائما متحجي شي كدام بيبي تعرفون مره جبيره متتحمل واله بيبي منخلص منها وكفت يمها كتلها... هاا شنوو....باوعتلي ورفعتلي تك حاجبها..

ام جوري ...اني اسالج لو انتي سئليني...

جوري ... يمااا عااد احجي ...

ام جوري.... من شوي جان خالج قاسم يمنه...

جوري ... والله خالو اجه شعجب همه من وشوكت يجونه...

ام جوري ....اي اجه للسبب واشتكالي عليج....

جوري ...باوعتلي امي وهيه مقهوره ودك بنفسها ....ولججج جووري اني كم مرره كايتلج لاتندكين وتحجين ويه ولد خالج ولد خالتج شكم مره حاجيه وياج زوجتج ومخلصت من الحجي....

جوري ...باوعتلها واني فاتحه عيووني ......عززه شنو هذا الحجي ماما قابل اني شمسويه ....

ام جوري ... لاكلشي مامسويه بس كاعده ويه ابن خالج بذاك لليل تتراسلين ويا وسوالف وضحك وشنو كاليتله انتي ها معترفتله وكايتله احبك ومن هلحجي ....حجت بعصبيه اله شوي تضربني..

جوري ...اني هنا كلش انصدمت بكلام الي سمعته رجفه صارت بجسمي ونزلت دموعي رأستن وابتعدت كتلها ... يمه انتي وياي لو عليه فهميني اني بنتج جوري جبانه وضعيفه شلوون تصدكين انو اني هيج حاجيه شلوون ماعندج ثقه بيه يمااا صحيح قبل جنت دائما ع غلط وتعرفيني بس هسسا متعرفيني شكد اتغيررت وماعدت اسوي الغلط لو ع كص ركبتي  وثاني شي ازيدج علم  علي يدري بيه شسوي ماسوي واني تره ماسويت شي غلط لمن حجيت ويه حسن جعلته مثل اخويه وهو مو غريب واني عرضه تعرفين شنوو داقصد بن اخوج الي تعرفي لو احجيلج سوالفه تصفن العقل وللله..راح اكلج شي واحد عنه وانتي حسبيهه ابن اخوج حسسن عنده سوالف بناات ويطلع وياهن وشراب عرك وو.. هو كلي بعضمت لسانه ومن يسولفلي اتعجب متوقعت ولد خوالي هيج حسبالي متدينين ويشهد الله عليه ماقبلت بلي ديسوي كعدت ونصحته كتلها حسن فكر شوي انته عندك اخوات وبنات ناس مو لعبه عندك وداتسوي اكبر حرام خاف الله ومن هلحجي.. بعد انتي كل هاي سوالف لعنده تصدكين بعد مايطلع حجي عني وله جان هو يباوعلي بنضره محلوه يلا كليلي. ...

ام جوري...... ادرري يمه ولد هلوكت مابيهم ثقه بس لعتب عليج هم ليش تردين واني لمن امنعج غير من صالحج ولاتصير حجايه محلوه وبغض النضر عن حلال وحرام ابن خالج محرم عليج وابن عمج محرم عليج ميصير تكعدين وياهم سوالف وضحك نوب يطلعوج مخوش ادميه وانتي ع نيتج تحبين سولفين وضحكين ويه اخوج ويه ابوج ويه زوجج بسس غيرهم لا لعد هسه صارت حجايه وبحلوك خوالج ونسوانهم هيج حلو يماا جوزي منهم وهسه اريدج تحضري من الفيس او علوا تسويلج غير صفحه بحيث محد يعرفج بيها...

جوري.....نتهدت وكتلها ...الله كريم مو بس اسويله بلوك اركعه مية نعال... هل ساا... ضليت اعد واحجي عليه حيل احترك دمي مسمعين امي حجي ابد مولايق وكله بجذب بجذب والحمدالله اهم شي اخلي عندي ثقه بنفسي وطزز بلي يحجي ولما يحجي..رجعت للبيت كبل سويتله بلوك وحته تفلت ع صورته شكد ماحركني لايفيد ويا نصيحه ولافوكها يطلع عليه حجي موحلو صدوك لو كالو كلمن يحجي صفاته الخايس اجتني رساله ع وتساب من علي كاتبلي هلو كاعد حبيبي قريت رسالته وابتسمت دزيتله.. اي كاعده.

علي ... مشششتاقلج...

جوري ....من كتبلي هيج دمعت عيوني محتاجه احد اشكيله الي بيه مخنوكه وحيل مشتاقتله.. رجعت كتبتله شعر يكول ...شلون ابدي واكلك اني مشتااك وانت اول شخص زلزل کياني وانت اول عشگ شيبني بصباي وأنت اول حرف يتعلمه لساني وأنت اول عشگ مطبوح بالروح ربيته اعله ايدي وهو رباني جنت تايهه بغربه ودربي كله هموم ومشيت بدرب حبگ هو دلاني كل لحظه حبيبي لـشوفتک اشتــاگ لان شوگي بغيابـك حييل اذني....

علي ...  فديت شاعره ❤..

جوري .. ابتسمت وسالته .....يمته تجي ...

علي .. تسهيل من ربج احتمال لو باجر لو عكبه..

جوري.. اها انشاءلله ترجع بسلامه حبي....

علي ...اووف مشتاقلج راح اخابرج نفتح كام...

جوري ... يلا خابر ..دك عليه قبل لااجاوبه باوعت نفسي بلمرايه مو كلش مرتبه ع سريع كمت فليت شعري وعدلت تراك وجاوبته نفتحت كام كدامي بعدتت موبايلي شوي شافني...

علي ....ايبااااه اشو حليانه ورايه ولج ...

جوري ....طكيتها بضحكه ...هههه عيونك الحلوات كبداي حجيت بهدوء ودلع ...مشتاقه لحضنگ ...وعيوني بساع غرغرت بدموع اباوعه جان مدد بلفراش ولابس فانيله وبارزه عضلاته فدوه اموت ع عضلاته والشعر مخربط اؤي فديت ضليت اباوعله وابتسم....

علي .... واني هم مشتاقلج كون هاي شفايف اجي اعضها وطلع منها دم ..

جوري ..يحجي ويغمزلي.. يهلك بيه..

علي ..  دشوفي بس خلي اجي يمج عبالج راح ارحم بيج....

جوري .. راح تخليني اشررد منك من هسه اذا سوي بيه شي يمااا....

علي ...ههههه بله شوفيلي طولج الحلو ..

جوري .. حركت شعري بدلع ولميت شفايفي..مااا ..هيج حبيت اعانده شوي.

علي ....خنزرتها ... ولجج شلون بيج يعني يلا عاد سوي كتلج عليه باباتي...

جوري.... اووي هي كوا اصلا بكيفي تقبل متقبل.

..علي ...يلله شو ماعيد بعد...

جوري ..... اهوو.. كمت وكفت ع مرايه وصورتله..وهيج بقينه بلساعه ساعتين واحنه بعدنه لحد مانعست وغفيت وكام مفتوح كعدت الصبح لكيت رساله منه....فدوه للنايم... ابتسمت وكتبت.. صباح العسل حياتي... انتبهت ماعنده اتصال كمت رتبت لفراش ونزلت جوه تريكت ونضفت البيت خلصت كلشي رجعت للغرفه فكرت اروح للصالون اسوي تغيرات باوعت شعري اممم حبيت اصبغه لون بنفسجي فاتح .. هنا ودك موبايلي عمتي ندى تتصل جاوبتها ..

ندى .. جوري تجين للدرس اليوم..

جوري .... شلووون والله نسيت اكو درس... باوعت الساعه بل 2الضهر..

ندى .. ديلا علسريع بدلي وتعاي للاهلج ونروح سوه..

جوري .. يعني انتي بيت اهلي...

ندى ..  اي جاي انتظرج ..

جوري ...يلا ماشي....نهيت الاتصال .. طبعا عمتي ندى جانت بلسبوع مره تحضر الدرس مو دائماً فـ جهزت نفسي خلال نص ساعه و رحت لاهلي وعاد طلعنه مناك للدرس نوب كلش تتاخرنه منا طرق مزدحمه ،دخلنه ولكينه المدرسه تشرح سلمنه وكعدنه سالتها ع ندى هاي جديده علينه..اول مره اشوفها واكفه وتشرح شكلها حلوه جذبتني عيونها كبار وعسليه...

ندى .. هاي ام محمد من العماره همين جانت مسئوله بلخدمه بس هلمره مااجت ويانه تكول صارت عندها ضروف..بس احنه من طرفها رحنه..

جوري .. هااا واكول ياهاي ام محمد من سئلونه من اي مدرسه اجيتو ومنو المسئولتكم..

ندى ..  اي هيه هاي...

جوري ..فتحنه الكتاب الفقهي الي ندرس عليه نقره ونستمع للشرح ونرجع نسال ونجاوب وهكذا  بس اني ماشاركت فقط استمع..من بعد ماخلص الدرس اكو بعض طالبات مثلا مافتهمن الموضوع او عندهن سوال من يخلص درس يوكفنهه لـ ام محمد ويبقن يسئلنها ويسولفن فـ ع عمتي ندى راحت يمهن وبقت سولف وتضحك باوعت قاعه فرغت وطالبات واكفات داير مداير ام محمد ، اله اني مارحت بقيت واكفه ليغاد عنهم انتظر عمتي تجي كلت شسوي اروح يمهن ماعندي شي اسال بس لفت انتباهي ع ام محمد تباوعلي من بعيد وعينها ابد مشالتها مني شوي وصاحتلي عمتي ندى تعاي رحت يمها كتلها .. ها عمه....

ندى .. تعرفي ع علويه ام محمد وكليلها خلي دوسج ع ضهرج بلكي تحبلين...

جوري....باوعتها صفح وفريت ايدي .. عمه ماكلها شتدريني استحي ... مجاوبتني شي رجعت تضحك ويه علويه وكاالتها ..

ندى ..ام محمد هياتهه جوري..

..باوعتلي ام محمد وابتسمت .. اهلا وسهلا بيهه دباوعهه اني اول مره اشوفها شنو مجايه للدرس..

جوري ....طبعا اني ساكته جنت مستحيه ماعرف ليش..حجت مكاني عمتي وكالتلها ...

ندى ...اي مسجله جديده واجت مره للخدمه ويانه وسوتلنه سالفه هناك ههه ..

جوري ..طالبات كلهن واكفات ودايسمعن واجت مسئوله الي جانت ويانه ضحكت...

ندى ... جوري ام دميعه صارت عصبيه هناك من وره ابره لان مضربتها وحجن المنتسبات ورادن يشتكن بس اني وكفتهن...

جوري ....جانت ام محمد واكفه وبتستم وتباوعلي محجت شي رجعت حجت عمتي..

ندى...  يعني يصير هيج سوي جوري وع هاي سالفتها حته للخدمه بعد مناخذها لو شايفتها هم شلون تنعوص ومتتحمل وكفنه شوي بشارع تعبت وكامت تحجي يصير يعني كليلها....

جوري ....نصدمت صدمت عمري عقلي ميستوعب كلامها عليه باوعتها واني ارمش بعيوني ياناس هاي عمتي شگد متفاجأه بكلامها شلون هيج تكلها وتحجي عليه صدك ضجت حيل حته اجيت ابجي نوب كل طالبات عرفن سالفه وضلت تسولفلهن وهنه يضحكن وام محمد هم صفت ويها ..

ام محمد ...لا لا شنو لا ميصير سويتي حبيبتي ومره ثانيه متكرر ..

جوري ..واني عيوني مدمعه سويت بحركه براسي بمعنى اي ليش جانت مركزه بيه ماعرفت شنو نضراتها الي وع ندى سولفتلها انو ميصير عندي اطفال وهيج وهيج وخلتها دوس ع ضهري ..

ام محمد .. انشاءلله يصير عندج حبيبتي.

جوري ....ونصحتني اروح ع دكتوره نطتني عنوانها كتلها... اني مكاعده جاي ارجع عند دكتوره فاديه....

ام محمد ..كيفج بعد انتي .حجت ويه طالبات...بنات عدنا خدمه عن قريب كم وحده تروح دزولنه خبر من العتبه....

جوري ..هنه كامن عاد يسجلن اسماءهن اني ماسجلت هلمره كلت ارجع للبيت واقرر واشوف اموري يلا انطيهم الجواب المهم طلعنه من الدرس وبلطريق دانسولف ني وع ندى كتلها ..اكلج شفتهه ام محمد شلون تباوعلي حته نضراتهه مفسرتهه شنو...

ندى ...هههه ولجج مو جنتي واكفه ع صفحه وشافتج وكالت للمسئوله منو هذيج للبنيه واتأشر
عليج..كالتلها طالبه ويانه..عاد كتلها بنت اخوي جوري وجيت صحتلج  وسمعتها تكول صدقه لله شلون حلوه فـ من باوعتلج انعجبت بيج هههه ..

جوري ..هههه كون كتيلها صلي ع محمد خاف طكني بعين فديتني غير اخبوول بس غير اني ماحجي سوت هه وكفختني ع راسي بس ع كيف مال شقه ..

ندى ...وهيه تعوج بحلكها.....عاد لاصيرين مغروره درينه حلوه هسه لاتنغرين...

جوري ....لا مانغر غير اني حلوه هذا واقع حال..

ندى..... هسه افتهمنه تعاي صدوك ليش ماسجلتي للخدمه ..

جوري ...والله عمه مو اكيد اروح تعرفين علي راجع من السفر خطيه مو مال اعوفه...

ندى .... براحتج زين مسمعتي بلعركه صارت..

جوري ..عمصت عيوني .. ياستار ياعركه....

ندى .. وج غير هاي ام محمد شفتيهه متعاركه هيه وام سيف العلويه وحده تريد تصير اعله من لخ...

جوري ... شنو يعني ..

ندى ...غير هنه اثنيهن معروفات بلعتبه الحسينيه فـ لي هنا طالبات لمن يرحن كربلاء ويسئلون من طرف منو اجيتو مو كنالهم ام محمد العماره فـ هاي ام سيف متخبله تكول اني الي تعبت ع المجموعه ولميتهم وهيه تجي ع حاضر وتكلهم كولو من طرف ام محمد تريد نكول ام سيف وبعددد صاير نقل كلام وفلانه وعلانه وكبرانه شغله ووهسه ام سيف وام محمد متزعلات وكلمن اخذت مجموعتهه فـ اكلج من هسه خاف تردين ترحين للخدمه روحي ويه مجموعة ام سيف احسلج....

جوري ..فريت ايدي ...يااا شنو هاااي حته بهاي مشاكل متفض عود هنه خادمات وبالك عمي نوب هيج والله حته الامام ميقبلها الحاصل عمه احنه شعلينه بيهم عسى نارهم تاكل حطبهم علينه احنه دنروح للامام ومالنه دخل وعادي ويامن مكان اروح ان كان ويه مجموعة ام محمد او ام سيف نفس شي.....

ندى....ولج غير اني علمودج بلعكس اكو فرق ام سيف بعدج متعرفيها انسانه بسيطه بس اخلاقها كافيه واي شي مثلا هناك يصير هيه تجي بنفسهه وين ماتردين تخليج وبراحتج..مو مثل هاي ام محمد شوفيها دور كبكبه تريد هيه وبسس...

جوري ....ماعرف اني بيهم مكاعده يمهن حته نعرف ويامن نصير ع كلن الله يهديهم..سكتت بعد محجت شي وصلنه للبيت...

لثاني يوم  طلعت للصالون..همزين ماكو ازدحام كعدت اول مااني اجتي وشافت حواجبي ضحكت وكالت ..

...حواجبج صايرات يتمشطن بلمشط بس تردين صدك حلوات امتان وسود اذا تردين اشمرهن الج يطلعن بعد احله..

جوري .. اي عادي بس لاخليهن امتان احله..

... اي هو هم هيج لاتخافين....

جوري ...وبددت ترسم بحاجبي يمكن ضلت بنص ساعه كلش اتاخرت ونوب دقق خلصتنهن وبعدين سوت شمع لبشرتي وياها خيط....كتلها
....حبي رايده اصبغ شعري بنفسجي شنو الوان العندج....

..كالت ..اي موجود هاج شوفي المجله...

جوري ... فتحتها وباوعت الوان بنفسجي كلهن حلوات مممم بس اختاريت الفاتح كتلها ع لون وراحت تجهز الي الصبغ بس بين ماتسويلي الخبطه كتلها ع الماسكات خلتلي قناع وراحت شوي ورجعت غسلتلي شعري وخلت الي شامبوات وسيروم ومن هلاشياء وبعدين يلا خلت الصبغ ع شعري..تقريب بساعه يلا رحت غسلته ورجعت كعدت ع كرسي وجت شغلت شسوار جففته وجان يطلع لونه..

..اباوعه صار يخبل وام صالون تعجبت ..

كالت ...كلش لايك عليج وبيضج اكثر.

جوري ....ابتسمت وكتلها.... شكرا حياتي... هنا وكامن زبائن يجون وياهو لـ تدخل تسال ام صالون هذا يالون ونريد مثله ومن هلحجي شافنه حلوو وامي جيب وتصلي ع محمد تخاف عليه من عيون الناس من بعد ماشسورتلي شعري طلعت غير شكل سوتلي تسريحه بسيطه وميكب خفيف تكلي صرتي عروس هههه باوعت نفسي بلمرايه صارت غصه بكلبي ماعرف ليش شنو فائده جمالي وكل حظ ماعندي تنهدت وكلت الحمدالله خلصتني وكمت لبست شال بس مادنبس علمود تسريحه لاتخرب سويت لفت شال عاديه اخذت جنطتني ونطيتها فلوس وطلعنه..

...ماماتي شنو رئيج. ..

ام جوري... ابتسمت وكالت.. صلوات تخبلين..

جوري ....فـ احنه وكنه نمشي اكو محلات عارضين بيها فساتين وملابس ، لفت انتباهي ع بينصل لونه احمر قصير يخبل كتلها امي خلي نفوت للمحل اعامل ع سعره دخلنه وسالته صاحب المحل كتله شكد سعر البينصل..

..كال...40 ..

جوري ... شدعووه النه بـ 30 ..

ضحك وكال بربج شلون بـ 30 تلكي بلسوك اغله وهاي تره مسوين تخفيضات..

جوري ..... يلا بلعدله 35...

.كلي ..كدامج ..

جوري .....كتله تسلم  بس تعرف اني اول مره اخذ منك....

كلي.. اهلا وسهلا شرفتينا والمحل محلج...

.ام جوري...  يعني هسه 35...

كال.. يلا هاهيه...

جوري ... شنو قياسه..

كال.. كل قياسات موجوده بس الونه تختلف تعاي شوفيهن ..

جوري ..جان معلكهن ع جهه رحت وهو واكف قريب مني كلش بعد شوي ويلزك بيه بعدت نفسي عنه وهو يرجع يتقدم ويطلعلي بلوان بينصل ويشوفلي....

..اممم هذا حلو عليج ..

جوري .. لا محب هلون ...يضحكلي ويغمز نوب ضجت من شفتهه زودهه درت وجهي عنه وكتله ...مشكور ماريد... وهو ضل يباوعلي ويبتسم واني تنفرزت منه كلش الاشوي اطيح حظه ..

يتبع

انثى 💜 ملائكيه

اخطاء لايُمحيها الزمن

ممكن متابعه الحسابات فضلاً وليس أمراً