رواية أخطاء لايُمحيها الزمن الفصل السادس والعشرون 26 - بقلم أنثى 🪽 ملائكية

انثى 💜 ملائكيه

اخطاء لايُمحيها الزمن

تصويت قبل القراة

جوري ...نهيت الاتصال من علي باوعت للمسئوله تحجي ..

المسئوله.... اكلجن عيني الي مامسجله بلمدرسه ويانه لازم تسجل بس لي رايده تستمر تجي للخدمه  شغلة البارحه صارت ويانه انو وحده من  خواتنه المتطوعات طبعا هيه مامسجله بلمدرسه يعني لاعلم ولافهم المهم واكفه بل امام اجتها وحده من زوار كاليتلها علويه اني عليه الشهريه الحد الي وين وارجع ...راده عليها المتطوعه حبيبتي عادي زوري ورجعي  هنا سامعتها المنتسبه جايه ع متطوعه كالتلها شلون تكليلها عادي ياامي حرررام تدخل للامام وهيه عليها الحيض مفروض رئساً تكليلها ميجوز انتي من اي مدرسه جايتنه وهيه تحجي بعصبيه..المتطوعه كاليتلها اني مادرس اجيت من طرف افلانه..هنا المنتسبات متخبلات رئساً راحن واشتكن عليها وكعت سالفه براسنه وكوه حليناها فـ ياخواتي ماريد اطولها عليجن الجديده وماتدري عنده مدرسه لازم تحضر علمود دروس الفقيهه
تتعلمها حته اذا اجتها وحده من الزاريات تسالها سوال تعرف تجاوبها تره هواي من زايرات تلكيهن حته وضوء ميعرفن يتوضن ....

... فلهذا داكلجن والي ماداوم من وغادي رجاءاً لاتجي وتكلي اجي للخدمه مابينه حيل وبعد  ماكو وحده تجي من طرف فلانه ولافستانه..والي  تريد تسجل بلمدرسه اسمها...وعنوانها بشارع فلسطين....

جوري ....هنا الكل جان يستمع للمسئوله وهيه تحجي من سكتت كامن نسوان يسئلنها فـ ع ندى كاعده بصفي دغيتهه من ايدهه كتلها.... هسه شنو احنه راح نسجل لو لا...

ندى .... ليش مدسمعيها داتكول بس الي تستمر بلخدمه لازم تسجل وانتي اذا رايده تستمرين سجلي شعندج لاجاهل ولامحمول ع اقل تلتهين هاي فرصه الج ...

جوري ... باوعتها ...امممم والله مادري اشوف ضروف اذا ولامني ليش لا وهمين الامر يرجع للعلي بلكي ميعترض...

ندى..... اني اكلج ميعترض هسه يكلج روحي هيج شي بلعكس واحد هو يفتخر اشو من حمدلله لادرسنه مثل لاوادم ولافلحنه بيها خلي نفلح عاد بهاي ..

جوري ..ابتسمت ... ديلا انتي مسجلين ...

ندى ... جوري ماكدر وهسه لو ماعندي جهالي دراستهم والله اكيف اداوم...

جوري .. يعني بعد متجين للخدمه...

ندى ... الله كريم كلشي بوكته حلو ..

جوري....نهى مرت عمي خطيه جانت حيل ضايجه لان عمي مخابرها ومتعارك وياها ومقابل تجي للخدمه وهيه معانده ونوبه ابنهم واكع بلمدرسه ومفشوخ وعمي حيل عصبي يكلها ارجعي وشوفي شسوي بيج اذا مااكلبها عزه عليج جان يحجي بعصاب ويهد بيهه وهيه تبجي تكول بحياتي ماشوفلي شي اسمه زياره  بقينه اني وع ندى نواسيها ونكلها ميخالف اتحملي ساعة عصبيه ومن هلحجي .......

دخلنه بغداد _قريب الساعه 9الصبح..

.. دخلت البيت واني كلش تعبانه وراسي مصدع اريد بس انام عيوني كوه فاتحتهن لكيت الكل نايمين صعدت للفوك فتحت باب غرفتي ماكو علي ذبيت عباتي واخذت ملابس من الكنتور ورحت سبحت لحد مخلصت لفيت الخاولي ع شعري ولبست برنص وصعدت للغرفه جففت شعري بلسشوار بس كوه اتحرك شكد متعبانه اخر شي عطرت نفسي ورحت نفضت لفراش زين  وطفيت الاضويه شغلت ضوه خافت لان ماعرف انام اله هيج  اجيت للفراش خليت راسي ع مخده نمممممت حته الغراض معزلتهن من التعب كلت بعدين من اكعد اعزلهن نمت نومه ثكيله

ماعرف شكد مر وقت حسيت ع علي يكرص بخدودي  ويحرك بخشمي ويتلمس  بشفايفي واسمعه يحجي...

علي .... شوكت يكعد الحلو ماتي ...

جوري ..عكدت حاجبي واني ضايجه انزعج من يجي واحد ويكعدني من النوم اني احب اكعد بمزاجي وخاصتن اذا جنت تعبانه يوو اتخبل واليكتلني علي الخبيث ع طول يجي يزعجني صرت اتنعوص و اضرب بصدره وبيده ادري بي يضوج من اتنعوص واني هنا مغمضه عيوني بحساب نايمه مادري بنفسي واكله ...عووفني تره منايمه صار يومين ...

علي ... ههههههه اياااابه ويومين عاايفتني مووو الا اطلعهن من عيونج..

جوري ... هففف درت وجهي عنه ونطيته ضهري اجه مدد من وراي وايده ع خصري ورجعت نمت.....

......

... علي رجعت من الشغل بل 6 اليوم متأخر كل مره ارجع بل 4 للبيت هلمره ازدحام والشوارع قافله والوضعيه لعبان نفس واني رايد بس اوصل للبيت مشتاق لجوري دخلت للبيت وكبل صعدت للغرفه فتحت الباب الغرفه بارده ثلج نوب عالكه ضوه احمر خافت وعطرها مالي الغرفه صدوك مال نومه باوعتها نايمه متحملت رحت يمها اكرص بخدودها اريدها تحس ماكو تلمست شفايفها يابويه اموت ع هيج شفايف ورديه وطريه مقاومت نفسي تقربت واخذت شفايفها شوي وكامت تضرب بيه وتبعدني ادري بيها تتخبل لو اجي يمها وهيه نايمه  بس احب ازعجها شفتها دارت وجهه مددت يمها وشبكتها نوب اني هم غفيت وياها جنت حيل تعبان .....

... محسيت غير ع موبايل يدك شفت المتصل هذا شاكر اخو سجاد رفعت الخط ...

شاكر.....الوو علي الحك سجاااد راح يروح من ايدينه...

علي ... بفزع.... شنووو شتكول وين هو .....

شاكر .....تتعال احنه بفلان مستشفى...

علي ..  دقايق واني يمكم... نهيت الاتصال ع سريع كمت لبست وطلعت كبلي للمستشفى بالي يم سجاد....

جوري ...جنت نايمه وكعدت تقريب ساعه 9بليل كمت من فراش باوعت علي ماهو يا هذا وين راح نوب بطني تزقزق من الجوع ماكلت من البارحه باوعت الغرفه كلها هوسه والجنطه لسا ماعزلت باوعت ساعه حييل صار شكد الي نايمه اخذت الغسول مال وجهه ونزلت للحمام غسلت وطلعت لكيت عمتي ومروه كاعدات يسولفن رحت سلمت عليهن .... اشو عمتي تلكتني وگبت بوجهي ..

يسر.....بنترا ...اي شنو هذا سمعته عنج شمسويه هناك...

جوري ....رمشت عيوني وني متفاجئه ..شكو عمه.. بكلبي حجيت والله خرعتني ...

يسر ... سمعت انتي هناك متعاركه ومصيحه ع المنتسبات ومخليه ليسوه والمايسوه يضحك عليج ويحجي حررام اذا يصيرلج جاره ابقي انتي انتي. 

جوري ... باوعتها واني فاتحه عيوني عززه شبسرعه وصل الها خبر ونوب عاد هيه متصدك واحد يحجي عليه تجي تكملها ويايه وتريد تقهرني حجيت بهدوء ...عمه منو الي كالتلج هيج...

يسر ....معليج تره لاعبالج كاعده هناك مادري شكو ماكو تجيني الاخبار ساعه بساعتها ....

جوري ...ابتسمت صفح ... بس مني هاي الحجت عني اكيد مضغوطه مني لو تلگيها انسانه صلفه ماعدها شغل وعمله غير تحجي ع هذا وهذا كليلي منو مراح اكول لاحد لازم اعرف مني ع اقل اعرف منو الي منو عليه...

يسر .....بله عاد لاتلحين كتلج هسه مو داتكولين وحده ماعندها غير تشيل وتحط بلوادم اي هاي حته ماوارها غير المشاكل....

جوري....هنا عمتي ضلت تحجي ويايه  كلام يسم البدن واني احرك بعصابي حرك تالي ترخصت منها كتلها ....غرفتي دصعد ارتبها ....صعدت بس حيل ضجت من الحجي عود رحت لهناك لحته ارتاح ومن رجعت حسيت شوي حالتي نفسيه ارتاحت رغم تعب بس حيل حلوه بس قهرني ليش العالم دائماً يرحون يحجولها بلذات عمتي ، شنو من غيرتهم لو حته يقهروني لو يقهرون عمتي ويسون حزازيه بيناتنه صارت افكاري تودي وتجيب ....

يعني عجيبه اني شمسويه للعالم لايمها ولا بقربها تجي تأذيني وتفتن عليه يعني البشر لايمك ولاحوليك يجي ينتقدك ويحجي كلام ماله داعي ليشش عووود ...

... فتحت الجنطه وبديت اطلع بلغراض شفت موبايلي قافل مابي شحن خليته بين ماخلصت غرفتي ورتبتها اجيت ع فوني فتحت نت وجتني رسائل كوومه ومكالمات

من صديقاتي من اهلي من اصدقائي ع الفيس يبوو بالف رساله وقليل  والكروبات مشتغله ، لان صارلي 3ايام ماعندي نت.دخلت ع مازنجر جاوبت ع صديقاتي عنده كروب كلش اشتاقيتلهن بقيت اسولف واضحك وياهن وسولفتهن روحتي لكربلا كللي نيالج ومدري شنو بقيت ساعه واني وياهن تالي اجه علي شافني وابتسم ...

علي ...صح النوم وزياره مقبوله ..

جوري ..ههههه ياهلا حياتي مشتاااااقتلك كووومات ....تقربت يمه خليت ايدي على جتفه رفعت راسي اله وطبعت بوسه بركبته وايدي ثاني ع خده اتلمسه ...اووف شكد احبك يبعد رويحتي...

علي ....تقربت مني وهي تتموع وتحرك شفايفها بدلع حضنتني واني بادلتها الحضن رفعتها وبستها بشفتها بكل رقه ...

جوري ..صرت جريئه وبسته بعمق ..

علي ..انطتني الاشارة وهجمت على شفايفها اكلتهن بسنوني ..

جوري... ماحسيت الانايمه على جربايه هوا مصدك لزمني بعد معافني...مشفت غير رحنه لعالم ثاني...

جوري ..علي وين جنت كعدت مالكيتك...

علي .. اووف ولج غير سجاد متخربط وواكع ومحد يدري بي لو مااخو شايفه وجاي يركض وخابرني ورحتله لكيتهم بلمستشفى ....

جوري ... يااا عزه ليش شبي وهيج صار...

علي .. معلك ضغطه ومتعارك ويه مرته وطالعه لاهلها وعايفته وهو ورها مكسر الغرفه شكو غراض مكسرها مطلع قهره بيهن لحد ماوكع وماحس ع روحه اله بلمسشفى....

جوري .... اوووف اووف هذولي ولايصيرلهم جاره ولايرتاحون بحياتهم دام ماكو تفاهم ...

علي ...  شكد احجي واكوله ميفيد هو جابها لـ روحه.....

جوري ....ترى هيه مبينه متحبه كووه خو مو كوه ...محجه شي بعد اخذ ملابس وراح يسبح كمت اني حسيت عندي اوجاع بضهري كلت خاف موعدها..

علي.... يلا خلصي وسويلنه لكمه تره جوعان ...

جوري ... اني هم بين ماخلصت كلشي ورحت بلمطبخ سويت اكل وكملنه وكتله لعلي علمود روحه للمدرسه وحجيتله عن الخدمه وشكد هيه حلوه..مجان عنده اعتراض لان عمتي همين كايلتله خلي تروح وتتعلم ومنا هم اكو بنات يطلعن وياي وزوج عمتي ياخذنه ويجبنه عنده كيه ياخذنه خط اتصلت ع المسئوله وسجلت اسمي وكالت دوام يبدي السبت..بلسبوع مرتين سبت وخميس كتلها انشااءلله وطول هاي الفتره اني ماعفت الدكتوره وكل مره احاول علمود ديصير عندي حمل ، فـ اجيت كتله لعلي ...تره عندي موعد اشعه باجر....

علي ...برود ...ماعندي فلوس راتب لسا مامستلمه شوكت مااستلم روحي سويها ....

جوري . ميصير شوكت مجان غير الها وكت محدد ودكتوره كالتلي ....مداربال عافني ومشه صدوك اني ضجت تذكرت عندي فلوس جامعتهن فتحت القاصه بيهن تقريب 150يعني ع كد الاشعه هاي اني كل مره افكر اجمع فلوس علمود اسوي لي براسي اجي اكله ....علي اريد اطلع بيت وحد اعزل وارتاح من اهلك احنه لازم نستقر ...

علي ..  منين اجيبلج انتي بيج خير اجمعي فلوس وتعاي بذاك الوكت كليلي هاك وسويلي...

جوري ... فـ سكتت لان ميفيد الكلام وكمت اسوي اجمع واضم حته ع نفسي قصرت شسوي جنت قبل ذابه فلوسي ع ملابس ع مكياج ع احذيه ومن هلسوالف جنت ع اطول افكر بااناقتي وبشكلي ميهمني شي افكر بروحي وبس حته طفل جنت ماهتم ليش اني ميصير عندي صح جنت انقهر من اسمع كلام ناس ليش مايصير عندج وليش وليش بس ساعه زمان انسى وارجع اضحك واونس نفسي ميهمني عكس هسه كبرت وصرت هواي امور افكر بيها وكمت اريد اشتري راحة بالي واسوي لليريده وماريد اسمع قال وقيل من هذا  وهذا لان الى درجه صرت ماتحمل اي شي ........

...فـ اخذت فلوس وبدلت ورحت للدكتوره بالاعظميه سوتلي الاشعه وهلمره الحمدالله ماعندي انسداد وطمنتني انو مابيج شي ولاتخافين يصير عندج ومن هلحجي شوي ارتاحت رجعت للدكتورتي وشفتلها الاشعات كالت مابيج شي بعد ، وتبقين ع ابر المنشطه وحته حبوب كتبتلي ، وهاي كمت كل شهر ارجع للدكتوره ومستمره ع نفس الابر واخر شي زيدتلي بيهن كمت كل ابرتين سوه اضربها وحيل اتئذه وصلت حجم المبايض عندي 20 و18 وماكو حمل حته دكتوره داخت ويايه تكلي بعد شسويلج احسن شي احولج ع لقاح الاصتناعي ...

جنت اطلع من دكتوره ابجي دم والله وهاي كل شهر احلل تحليل حمل وماكو عجزت ويايه دكتوره ولقاح اجلته ع شهر الجاي ، ويوم منهن علي اجه يضحك تفاجأت بي.... شو تضحك خير ضحكني وياك.....

علي ... جددت الجواز وراح اسافر ويه جماعتي ...

جوري ...تخوصرت وضربت رجلي بلگاع ... شنووو شنوو يمه ومنيلك اقروش اقصد فلوس ....

علي ...معليج دبرتهن....

جوري .. ادري منين يعني هم داينت من هذا وهذا ...

علي .... لا يمعوده من فلوس السلفه بيهن مليونين ومليون كلت اخذها من ابوج ....

جوري ... باوعته صفح وحجيت بدلع ... زين واني تاخذني وياك موو...

علي .... لاانتي شسوين اني رايح ويه جماعتي شلون اخذج...

جوري .....اااااهووو يعني اصدقائك اوله مني علي شوكت تفكر بيه وتحس خلي اسافر فديوم بحياتي واتونس ميصير وله ...قاطعني..

علي ... غير مره اخذج وعيونج هسه اني هم اول سفره الي خلي اروح هلمره وهم ع اقل اندل الامكان الحلوه واخذج واحنه علساس دنطلع تركيه بس مصارت عاد قررنا نطلع لـ شمال ايران ....

جوري ...باوعته صفح وبرطمت جيت ابجي.... علاوي اني ماعندي صبر اريد اجي وياك بليزز... باوعلي بغضب...

علي ...بعصبيه ... انتي ليش تلحين مو كتلج غير مرررره....

جوري ....حجيت بنترا..... ااااي شوووكت غير مره فهمني هو انته منيلك فلوس هلكد حته تضمن نفسك تسفرني واني متأكده انك مراح تسفرني بيوم ....

علي ...كمت افر بعيوني واسوي... اللهم يطولج ياروح شلون هاي تبزعني انتي مو مال واحد يحجيلج كلشي لو باقي ساكت ومكايلج هواي احسلي ....

جوري ...عافني وطلع..همده حضي عبالي يجي يكلي حبيبتي نسافر سوه ولو حته جواز ماعندي بعد دكعد اتحلم اسافر..شوي ورجع كعد خابر ع ابويه كله خالي محتاج هلكد فلوس اريد اسافر عندك اسمعه يكله تتعال تدلل ، كلت بداخلي حته ابويه مسال ع بنته وكال تسافر وياك لو لا تشعوطت بلزايد راح اخذ منه فلوس واجه لثاني يوم وعلي ملتهي بروحه راح للسوك يمكن شال المحل كله واجه كووومه مشتري ملابس واحذيه وشفقات ونضارات شمسيه وساعات وكلهن من ذني الماركات مشتري اشكال والوان باوعته بله هاي لو اني رايحه هيج للسوك ومشتريه هلكد ملابس مجان مخلصت منه ومن لسانه .....

... بده يحضر كلشي وجهز الجنطه وكلشي جان جاهز..كال باجر نسافر الي عرفته منه انو جماعته راح يطلعون ويا وياهم زوج تبارك وزوج عمتي براء  واني جنت كاعده وضايجه من وره علي نوب اسمعه يحجي ويه وحده علمود طيران ماعرف حجز حته محبيت اساله لان اصلا مرااضيه ع روحته ليش اني مياخذني فـ هو ضل يسولف وياها وكبالي ونوب يضحك زهكت منه حيل لحد مانهه الاتصال اجه يمي باسني ....

علي ... يلا حبيبي اني مسافر تحتاجين شي..

جوري .....اني ساكته عيني ع فون اتصفح بلفيس من كفه خشمي باوعتله صفح ونتهدت وكتله الله وياك وروح بلعافيه عليك وترجع بسلامه..ابتسم وكلي. .

علي ... ماكو بوسه قبل لاروح ..

جوري.....فريت عيوني بملل بس ماردتت اضوجه وهو مسافر هديت بنفسي وتقربت طبعت بوسه ع خده ع خفيف اباوعه شلون كاشخ وطالع يخبل لبس جينز لونه نيلي ويه تشيرت لونه بيجي فاتح كلش لايك عليه وحته عضلاته بارزه اكثر شطالع هيبه والساعه بيده فديت الاناقه والنظارات مخليها ع شعره وعطره يجنن..صرت اغار عليه لو احد شافه هديت نفسي حتى لا انفجر.. ديربالك ع نفسك..... جرني لحضنه وهمسلي..

علي ... راح اشتاااقلج ...

جوري ... ابتسمت وكتله... وني هم.. رجع باوسني وشبكني حيل لحد مادك موبايله يلا عافني وكلي رايح وسافر علي..ماعرف ليش وراه كلش اختنكت
واريدة مثل طفل متعلق بأحد وعافه ويضل ضايج اني هيج اختنگت من راح بس بس لهيت نفسي فتحت للفون وبقيت اتصفح بل تلي عندي قناة كلش احبهه و بيها تفاعل واعضاءها هووواي بقيت انشر اشعار واقتباسات تقراأحاالتي ....

... هنا وشفت رساله من ادمن ويانه بلقناة كتبلي ...نازكه ليش احسج ضايجه....

قريت رسالته ومجاوبته لان علي جان محذرني انو ماارد ع احد فقط انشر وهاهيه وشوي ورجع كتبلي ...ماكو شي يسوه تضوجيله اختي العزيزه....من قريت رسالته لاارادي ابتسمت احجايته اجت بوكتها وهم مجاوبت حذفت رسالته وطلعت من تلي.....

..خابرت امي وبقيت احجي وياها وكاالتلي تعاي يمنه باتي كتلها لامااجي يجوز باجر اجي كالت كيفج نهيت الاتصال..مرت الايام وعلي بقه باايران 10ايام واني طول هاي الفتره ماكعدت كل يوم اروح المكان يوم بيت خالي يوم بيت عمتي بس اريد اكضي وكت من ضوجتي لان علي ماكو احس يومي ملل ومحلو بدونه وتايهه عبالك ...

.. يوم منهن جنت مدده بلفراش وبليل تقريب ساعه 12واني داتصفح ع فيس اجتني رساله من شخص

..كاتبلي مرحبا...

فتحت رسالته وباوعت صورته الشخصيه ولد ولابس نظاره شمسيه معرفته دخلت ع صفحته ردتت اعرف منو..بقيت اتصفح باوعت اصدقاءه عرفت هذا ابن خالي علاء عزه شلون صاير ولاعرفته متغير نوب كاعد بدوله اروبيه اممم رجعت جاوبته ..مرحبتين ...محبيت افشله كلت يجوز حب يسلم وهيج ..

جاوبني.. منو انتي?

..رديت اذا متعرفني ليش جاي تراسلني شوي وردلي

... مادري ليش راسلتج صارت صفحتج كبالي ودخلت الج خاص توقعتج من الكرايب...

جوري ... اها اي من كرايبك اني...

... اي ومنو منهم...

.كتله... بنت عمتك جوري.

.كال ..شنوو..

يتبع

انثى 💜 ملائكيه

أخطاء لايُمحيها الزمن

لاتنسو التصويت

ممكن متابعه

ayo12341234