رواية أخطاء لايُمحيها الزمن الفصل الرابع عشر 14 - بقلم أنثى 🪽 ملائكية

آنثى 💜 ملائكيه

اخطاء لايُمحيها الزمن

مساء الخيرات عليكم حبايبي اعتذر منكم هواي لان تأخرت بالقصه وتعبتكم بس غصباً عني 😘😘

عــله  هــجــرك.
کــتبــت اهــواي کــلــمات
   بــس ڪــلمة اعــوفــك
       مــاتــجي ابــالــي

❤️❤️❤️❤️⁦❤️⁩⁦❤️⁩⁦❤️⁩

جوري ...وصلنه لطريق محمد القاسم هنا صارت ازدحام وسيارات تمشي سريع علي هم مشه سرعه احسه يتهور بلسياقه كتله بخوف.... علي ع كيفك تره اخاف نوب مشه سرعه اكثر ويبتسم بمكر ....عطتت ... تره هموت خوف خفف سرعه عاد حباب.... شوي خفف وصار ازدحام وجانت كدامنه سياره العرسان واحنه وراهم واجتنه سياره من ورانه وضربتنه حسيت السيارة نگلبت بينه اله شوي ...

.. حسيت بدگات گلبي العنيفه والخوف سيد الموقف غمضت عيوني وعلي كوا دارك الموقف ماتنگلب مدري شلون ضرب سياره العرسان فتحت عيوني وفقدت كمت اعيط ....علي ديربالك وطبت سياره حيل اني رأستن نضربت براسي حيل حسيته راد ينفجر من الضربه علي نضرب راسه وايديه وكعت جامه الاماميه كلها علينه كمت اصرخ واني اشوف علي يطلع منه دم من راسه وايديه هو ميعرف شيسوي واني ارجف اجوي ناس تركض علينه طلعونه من سياره...

على سريع اباوع سيارتنه مباقي شي بيها متفلشه الكدام كلها اما سياره الي ضربتنه هم متأثره بس شي قليل وحتى سياره العرسان حادث عجيب غريب شلون هيج صار مندري ابد ماانسه هذا الموقف...

بعدين علي خابر ع زوج اخته تبارك وكله تعال اخذها لجوري وسياره راح اوديها للتصليح طبعاً اني هنا وكفت ع صفحه لان كلها شباب وكفت وصارو يحجون ويتصايحون وره ربع ساعه اجه حيدر زوج تبارك بسيارته وكف وياهم يسولف بعدين اجه ليمي...

حيدر ... الحمدالله ع سلامتكم خو ماتئذيتي ..

جوري .. لا حمدالله بس راسي عنجر ..

حيدر ...هههه يله الحمدالله امشي صعدي للسياره وشوي وارجعلج..

جوري .. ماشي رحت للسياره ، علي راح اخذ سيارته وداها ويا شباب اجه حيدر وصلني للبيت وعلي اجه وراي بنص ساعه هنا امه وابوو استلمو اي اكيد ندعمت بسبب سرعتك وتهورك بسياقه ضلو يتصايحون اني باقيه بغرفتي واسمع بس صايحهم....

فاتت الايام ومره صار عندي موعد دكتورتي تعاي لازم اشوفلها الاشعه علي خابر ع سايق ورحنه ويا رحت ساعه 3الضهر جانت العياده كلش مزدحمه يجوها محافظات للدكتوره اجت دكتوره ساعه 5 جانت بلمستشفى.وبدو مراجعين يدخلون...

علي ...نفخت بضجر ورحت لسكرتير ...عبدلله خويه شوكت لسره النه...

عبدالله.... والله بعد هواي قبلكم هسه دخلت اول وجبه ...

علي ...شوي سهل النه امر اجينه من 3 تكسر ضهري من الكعدة ..

عبدالله ...شسويلك ياعيني وهاي اكو مراجعين يجون من 7صبح ومحافظات ..

جوري ..گعدنا وملل يقرا ألف تقريباً لل 8 بليل يله صاحو اسمي لحد مابزعت روحي سلمت الكارت والاشعه وكعدت هاي قبل دخول الدكتوره هم اكو انتظار جوه هنا الممرضه رنا مساعده مال دكتوره تفحص الضغط ومن هلسوالف ، تقريب لل8ونص ودكتوره صاحت اسمي دخلت لكيت كاعدات نسوان ويا 3وحده نايمه ع سديه....

جوري الج الاشعات مو ...

جوري .اي دكتوره ...

شافتهن كالت الحمدالله نفتحن الانابيب خطوه جيده سويتي تحاليل هرمونات وتحليل تكلس ...

... لا..

كالت زوجج...

جوري .. هم لا ..

كالت اوك راح اكتبلج تحاليل الج وزوجج تسويهن بساحة النصر عند منذر تحاليله مضبوطه ماشي بنتي...

جوري ...ماشي اخذت الورقه وطلعت طبعاً مسوتلي سونر لان مسويه اشعه وعلاج مكتبتلي اله تشوف تحاليل يله . نزلت لكيت علي واكف وكتله طلبت هلمره تحاليل من عدنه ..

علي .. الله كريم..

جوري .. رجعنه للبيت ساعه 10بليل....

ثاني يوم شافتني مرت اخو مريم هيه عازله بس بنفس البيت بس منشوفها قليل فـ من شافتني سالتني...

مريم ...خبث ممزوج بحنان ..جوري داترجعين يم دكتوره وشگالت....

جوري ... اني حجيت بداخلي اهوو راح تكعد تحقق ويايه علساس مهتمه الي ....اي رحت بس كالت كلشي مابيكم رزق ع الله

مريم ... ها لعد شفتج بارحه بيدج اشعه ...

جوري ...حجيت بكلبي عزه بعينج هيج مراقبه عليه ومادري بيها ...ها اي مو رادتت تأكد غير هيه دكتوره واعرف ..

مريم ... يمعوده هاي سوالف كلها مرت عليه وكلشي مفادني لااشعه لامنشط تعاي كليلي شوكت نزلت عليج لايكون هسه حامل ومتقبلين تكللينه وفتحت عيونها ..

جوري ... ضحكت عليها ورفعت اديه للدعاء وحجيت من كل گلبي ....ان شالله من حلكج لباب السمه وهيج اصير حامل من صدك ...باوعتلي صفح معاجبها احس الكلام صعقها گامت وراحت لغرفتها وركعت الباب تخبلت من هيج كتلها جانت تتخبل لو تسمع بيه حامل....

مرت الايام واجه يوم االي نسوي تحاليل رحنه للمختبر سحبلي دم وكال يومين يله يطلع تحليلي اما تحليل علي بنفس اليوم طلع. بعد مرور يومين طلعن تحاليل واخذتهن ورحت للدكتوره

..كالعاده لل 9بليل تقريب دخلت للدكتوره شافت تحاليل مالاتي ..

..وكالت عندج تكلس بس شي بسيط ومايضر عادي وتحاليل باقيه كلش تمام  نجي ع رجال فتحت تحليله كالت زوجج نسبته نكدر نكول ع وسط بس اريد بعد تصعد ولو لل60 هسه صعدي للسديه اشوفلج المبايض نمت ع سديه جتي سويلي سونر

كالت مشاء الله عندج وحده حجمها 20 والثانيه 13 يحتاجلج ابره وحده نشط ام 13وانشاءلله تبشرين بلخير وهسا روحي جيبي الابره وتعاي...

جوري ... بس دكتوره ذاك شهر كتيلي حجمهن المبايض 22ويصير بيه توم شو وين التوم ..

باوعتلي وابتسمت.. كالت حبيبتي انتي جان عندج انسداد لو مجان اكو جان فعلا حبلتي وحجم مبايضج مال توم اي وزوجج لو نسبته اعله جان اصلا هسه انتي حامل هسه ع كلن اكتبلج ابره بلبطن تنضرب هسه لازم وعلاج زوجج ...

جوري ...بأسى ...بس دكتوره بس هو ميحب ياخذ دوه شلون ..

...لعد اكتبله فوار يخلي نص كلاص مي ويضفله الفوار..

جوري ..  ماشي.. المهم اخذت راجيته ونزلت لكيت علي واكف ينتظرني نطيته راجيته وكتله هسه تريد الابره رحنه للصيدليه نطانه الابره كله شكد سعره كال 35 باوعه علي.

علي .. يمعود الابره صغيره شدعوه هيج كله هاي

خويه هاي اسعار الابر المنشطه الزينات واخذها وانته مخسران هواي صارن حوامل..

جوري....جريت نفس بتعب باوعت لعلي حسيته مقتنع ياخذها باوعته برجاء واعيوني مدمعه ... حبيبي خلي ناخذها بلكي الله يجعل السبب ويكعد حظي بيها واصير حامل حالي حال الحبلن عليها عاد والله دبر فلوسها واخذتها وصعدت للدكتوره طبعا اني خفت لان ضربه بلبطن لاول مره بس طمنتني...

دكتوره ...بنتي متوجع سمت بسم الله ..

جوري.. وضربتليها بس صدك ابد محسيت بيها..

دكتورة .. راح اكتبلج مثبت حمل وبنفس وقت هو منضم اذا صار عندج حمل يثبته مصار تنزل عليج وتجيني بس اذا شفتيها فاتت عليج ترحين تتحللين وبس يطلع عندج حمل تجيبلي تحليل وهذا هم اكتبلج فوليك اسيد يساعد على الخصوبه ومقويات...

جوري ... اخذت رجيته ونزلت هم اشتريت العلاج هنا علي ماحجيلكم صار عصبي لان علاج كلفنه هواي اخر شي صعدت للممرضه رنا مساعده الدكتوره فهمتني ع علاج وكالتلي دام ضربتي الابره لازم يقترب مني واتاكدلي اهم شي المثبت تضبطي ع وقت كتلها مشكوره عيوني اخذت الدوه ونزلت ...

علي ...بملل ... ها مافضت..

جوري ...ابتسمت خفيف واقتربت .. هاهيه فضت بس شبيك عصبي ياعيني ..

علي ...يمعوده شوفي ساعه بيش وباجر عندي شغل من الصبح...

جوري ... باوعت ساعه بل 11ونص بليل ركبنه سياره ورجعنه للبيت لثاني يوم كعدت ساعه 7الصبح
سويت ريوك بيض بل قرنابيط طبعا احنه كلش نحبها وخدرت الجاي هنا تذكرت علاجنه وهم اصعد اكعده صعدت للغرفه لكيته بعده نايم رحت ليمه خليت ايدي ع خده ... حبيبي يله اكعود حضرت ريوك ...فتح عيونه بنعاس ...  صباح الخير ...

علي .. صباح الخيرات تعاي يمي ..

جوري ...راستن جر ايدي سحبني لعنده وحضني  ورجع غمض اني هم بادلته الحضن وخليت وحهي برگبته طبعت بوسه رجعت نمت ع صدره ومادري بنفسي ... صارت ساعه 8 دك موبايله فزينه ع صوته...

علي .. لج كومي حضريلي الحمام خرب طار الوكت ننعل بليسج 

جوري ..رمشت عيوني واشرت نفسي .. واني شعليه انته ضليت نايم وسويتلي واهس ..عضيت شفتي بفهاوة ..اقترب مني وخله راسه برگبتي ...

علي ...بهمس .. غير تعبان وردت ارتاح بحضنج ...

جوري ..احس خدودي اشتعلن نار ابتعد ..

علي ..يلله كافي كسل كومي حضري الحمام ..

جوري ..اخذت المنشفه والملابس ونزلتهن للحمام رحت للمطبخ رجعت حميت الجاي لان اكيد برد لحد مجا تريكنه رجعت تذكرت علاج اخذت الدوه مالتي بس شفت علي ماخذ علاجه اني بدون ماحجي ويا اخذت الفوار مثل مكالت دكتوره بنص كلاص مي ضفته عليه ومزجته بلخاشوكه ورحت وديته اله اجاني توتر بس قويت نفسي وحجيت ..  علاوي هذا الدوه شنو نسيت تاخذه باوعلي ممفتهم ..

علي ..شنو هذا الي داشوفه مي ..

جوري ..هاا اي هيه هيج كالت دكتوره ...والله اخذه مني وصار يشرب منه واني بكلبي اكول ياهادي ياهادي اهدي ياخذ الدوه  هو بلبدايه كش منه بس اني ضليت احجي ويا واقنع مثل طفل بعدين طلع للشغل اني غسلت المواعين عيالي بعدهم نايمين صعدت لغرفتي شفت موبايل وامي تتصل عليه

بهاي الفتره علي جابلي الموبايل ع كد الامور الضروريه وجان ويا الف شرط وهذا شي ممنوع وهذا ممنوع جان بي نت بس مجان عندي برامج غير الفايبر ع كد المخابره واقفله واذبه لان مجان يقبل واذا يشوفني اخالف شوي يسحب مني الموبايل فـ جنت احسه جاي يختبرني او هيج شي وجنت افكر لازم انجح بل اختبار واتمنه لو ترجع ثقته بيه جريت نفس ...فـ جاوبت ع ماما ...

كالت شلونج يمه ..

هلا ماما الحمدالله ..

كالت ضل بالي يمج شكالت دكتوره بعد..

جوري ..هيج وهيج سالفه..

كالت يا ولج يعني عنده ضعف باعي سويله مكسرات وعسل وخلي ياكل جزر او دبس وراشي سمج هذن يفيدنه ..

جوري ... ماشي من بعد مانهيت الاتصال فكرت بعد اخلي ياكل هذن اكلات طبيعه اذا ميحب ياخذ علاج تذكرت ماعنده عسل تعاي اذا اروح اكله جيب عسل راح يعرف ليش ويضل يسب ويحجي لان مره خالتي خابرتني وسمعت علي نسبته ضعيفه فـ خطيه هيه نصحتني تكلي خلي ياكل ثرب السمج كلش زين فـ اني رحت وكتله وهو تخبل كلبها عزه عليه...

علي ...بعصبيه... لج شلون ترحين وتشهريني وتكولين صوج من رجلي ونوب يكلولج خلي ياكل هيج وهيج انفضحت كدام الكل لاتحجين اسرارنا لأحد فااهمه ..

جوري ..طبعا اني مجنت اعرف هذا شي ماينحجي واني ماسولف غير امي وخالتي زهراء هيه الوحيده عندي ميانه وياها فـ من ذاك اليوم صرت كلشي ماحجي ولاحتى اكله ومن امي خابرتني كاالتلي فكرت اكله لـ محمد اخو يشتريلنه عسل وكرزات وفعلا اشترالي ورحت طحنت المكسرات ناعم وضفت العسل ومزجتهم وخليتهم بلثلاجه سويت تشكيله فواكه جزر وموز وبرتقال وهم خليتهم بلثلاجه....

... لليل اجه ساعه 10 اني حضرت الميز وترتيبات خليت كدامه ماعون العسل والفواكهه وهو كعد يباوع مسلسل هندي اخذت جزر اكرط واشيل بالفواكه وخلي بحلكه ادري بي يحب هلسوالف ونوب سويتله واهس وكلته العسل واكل ويا.وهو بعد مصدك شال العسل وخلاه على شفتي اباوعله عيونه ناعسه وانفاسه مرتبكه اخذ شفتي وايديه تمشي ع جسمي نزل ع ركبتي وبعد ووو...

... لحد مشفت نفسي نايمه بحضنه  لثاني يوم صبح سبح وتريك وطلع للشغل واني نضفت البيت وغسلت مواعين واخر شي سبحت كملت شسورت شعري وخليت سيروم علمود يصير ناعم وميكب خفيف باوعت ساعه 12الضهر نزلت لجوه ..

يسر ... اليوم تجي هبه من السفر وراح يجن بناتي ورياجليهن ع العشه....

جوري .. هبه جانت ماتتواجد هواي بلعراق ع طول مسافره ويه رجلها بشغل تجي بلسنه مره عندها بس ولد واحد وعمره 4سنوات اما زينب جانت تجي بلشهر مره عيالها كلش نحسين ميخلوها تجي هواي عندها 3ولد وبنيه وحده اما تبارك تجي بلسبوع مره وعندها 2ولد وبنيه بس بعدين حبلت وصار عندها ولد ثالث ومروه تعرفون مطلكه ...

..المهم اجن خواته ورياجليهن بس بقت هبه بلطريق لحد ماوصلت كلنه رحنه وكفنه وتلكيناها مشتاقيلها تسلامنه واني ومريم رحنه حضرنه العشه مسوين دولمه بوكتها فرشنه السفره الاكل واني هنا جنت مستحيه اسلم ع زوج هبه بلكوه دخلت وكلت سلام عليكم ردو الكل عليكم سلام كتله ...شلونك ابو جعفر الحمدالله ع سلامه ..

ابو جعفر ..هلا خيتي الحمدالله انتو شلونكم الاهل بس معرفتج جوري كبرانه و شكد ضعفانه شنو مسويه دايت..

جوري ... ابتسمت اي فتره سويت بس هسه تركت ...

ابو جعفر ...عفيه عليج عندج الاراده..

وهنا ودخل علي سلم عليهم واني ترخصت وطلعت لحد ماكملنه كلشي ورحنه كعدنه سوه نتعشه احنه عنده عادي حيدر زوج تبارك جانت نظراته الي مفضوحه يباوعلي بنظرات موحلوه ويركز على مفاتني هواي ارتبكت من نظراته وكوة اكلت باوعت لعلي مامنتبه...

فـ خلصو عشه اني مدنكه اخذ مواعين رفعت راسي  باوعت عمتي خنزرت عليه انتبهت ع حيدر يباوعلي ارتبكت اني مو بقصدي اخذت مواعين ع سريع ورحت للمطبخ اجتي عمتي ...

يسر ... شنو متستحين دنكين كدام زلم ميعيب هسه شيكولن..

جوري ..هواي اختنكت من كلامها نزلت دمعتي ... عمه والله مادري داخذ ماعين ..

مريم ....ها شكو..

جوري ..انتي معليج ماكو شي مسحت دموعي بقيت اغسل مواعين اجه ابن هبه...

جعفر ...جوري عمو يريد جاي من ايدج الحلوه،

جوري...ابتسمت كل ظني علي باوعته ...هذا ياعمو منهم ..

جعفر ... عمو حيدر..

جوري ... بصوت ناصي... عزه بعينه هو هيج كلك..

جعفر .. اي اخذني بحضنه وهمسلي وكلي روح كلها وتعال...

جوري ...حيل ضجت .. ماشي بس حبيبي جعفوري لاتكول لاحد هيج كال عمو  ...

..هز راسه وراح واني هنا صرت افور شكد صلف وميستحي اجت بنته شهد... اكلج شهوده ..

..شهد ..ها ..

جوري .. اخذي الجاي ودي الابوج .   دخلت تبارك ضايجه وگالبه وجها

  تبارك...بنتره ...شلون ترديها تحترك من جاي ..

جوري ..باوعتلها ورفعت حاجبي ... اي مو صغيره قابل متعرف تشيل الجاي  ...

تبارك .. روحي انتي ودي يلا   ...

جوري ..  اوف خلي اودي بحالتين اني مخلصانه بس اني بوكتها لابسه بنطرون اسود وبدي لونه وردي طويل للركبه وستره فوكا جانت بداية شتويه اني ماحب البس دشاديش اتعقد منهن احب ع طول اكشخ والبس بس ملابسي مستوره ومحتشمه وكل هذا لاعلي راضي ولاعيالي راضين ع لبسي بس مجنت اهتم البس ليعجيني فـ دخلت وبيدي صينيه وكلاصات الجاي هو صار كدامي وابتسملي دنكت ومشيت قدمت الابو علي بلبدايه ونوب للباقين بس لمن وصلت ليمه باوعلي ورفعلي حاجبه ...

حيدر......بهمس ...تسلم الايادي ..

جوري .. وصارت نظرته ع مفاتني وضل صافن اني بسرعه سحبت نفسي انتبهت ع عمو كلش ضاج كلت همزين علي ماكو جان صارت مجزرة لان خابرو اصدقائه وطلع بس خفت عمي يسوي سالفه وره ماطلعو وراحو اجه عمو يتعارك ويصيح عود يسمعني...

ابو علي.... ليش هيج تلبسين كدام زلم  وانتي رايحه وجايه كدامهم معيب ...

جوري ...ضل يغرد لحد مكال بس اجه علي وهو هم استلمني ماخله مكان صاحي بيه ملابسي اخذها وشمرها ماخله لابنطرون لاقميص خلاني بس ع دشاديش ولحد متعودت عليهن ...

..  ندكت الباب اني كاعده بلحديقه اسقي الزرع فتحت الباب سلمن وكاللي..

موجوده عمتج..

.. كتلها اي رحت صحت عمه نسوان ع باب..

يسر...  يا شكد عيب فوتيهن ع سريع للاستقبال ...

جوري ...الي عرفته منهن خطابه اشوف مروه فرحت راحت شسورت شعرها ولبست وكشخت هنا عمتي صاحتلي..

يسر .. جوري امشي بساع قدمي فواكهه شي ..

جوري .. اني هم ع سريع حضرت ورحت اوديهم نسوان ضلن يباوعلي ويكولن لعمتي مشاءلله بنتكم تخبل عين البارده عليها حجت عمتي..

يسر ... هاي جنتي الثانيه ..

كالن ها صلوات وعبالنه بنتكم واشو هذن وحده تباوع لخ وكامن يبسبسن شوي ودخلت مروه سلمت وكعدت ني قدمت وطلعت مضليت وره ماطلعو عمي اكيد راح يسأل ع ولد زين لا ، اخر شي عرفو طلع سكير وموزين عمي كبل رفض من يمه...

لثاني يوم صديقتها لمروه مخابرتها وكايتلها ...

..لج مروه صدك مرت اخوج حيل حلوه هاي بنت فلان شايفتها وكايله وللله مرت اخوها احلى منها

جوري ..اني نزلت واسمع مروه تحجي مدري ويامن  نهت الاتصال شافتني صكت اسنونها وباوعتلي بغضب....كلت بداخلي عزه هاي شبيها تخبلت مدرت بال طلعت للحديقه دكت عليه سجى ..

سجى ... هلاو حبي...

جوري ..  هلا بيج كلبي شبي صوتج..

سجى ..بقهر ...جوري مخنوكه والله وقررت اطلگ من سجاد..

جوري ..فتحت اعيوني .. شنو تخبلتي وليش بله تردين تطلكين مصار الكم كم شهر من تزوجتو.... كعدت تحجيلي مشاكلهم هيه ويا ويه عيالها كتلها... حبيبي ع هاي شغلات تره كلش تافهه تره اني حالي اسوء من حالج حمدي ربج ورجلج يحبج ويدور رضاج شرايده بعد...

سجى ... يمعوده هذا حجي واني هسه شرطت عليه لو يطلكني لو نطلع من بيت اهله ونعزل اني ماتحمل مشاكل...

جوري ...وضلت تحجي نوبه شكد ماقنع بيها ميفيد وياها الحجي نهيت الاتصال شفت جتي عمتي من الدرس واسمع مروه تصيح وتكول لامها ...

مروة ..بصياح وعصبيه ...هيه كطعت نصيبي شكوو تطلع للنسوان ...

جوري ... اني هنا صدمني كلامها عود اني شعليه حقها متدري الي اجها واحد سكير ومنطوها وتذب صوج بيه والله يالله نوب اجه علي مدري شبي ضايج كتله... خير ..

علي .. جنت يم سجاد و هاي بلوه مرته تريد تتطلك منه ..

جوري ...اي خابرتني وحجتلي وبعدين سجاد راح يقبل ...

علي .... لا هو يحبها وميريد يطلك بس تعرفين الحلو بلموضوع شنو ..

جوري .. شنو ..

علي .. طلعت حامل يعني ماصور تكدر بعد وهو
ديفكر يأجر الها بيت ...

جوري ..فريت ايدي بقهر ... عشتو بعد شتريد وين تلكيها والله اشوف سجاد ورده وياريت كل شباب مثل طيبة كلبه بس هيه هم متعرف تتصرف... باوعلي صفح وضاح ...

علي ....شنو قصدج ها...

جوري ..رمشت اعيوني وحجيت ... مقصدي بس يعني رجال مامقصر وياها ويحبها وهيه ع اتفهه شي راحت زعلانه اهلها ولا ونوب تشرط عليه بله لو اني اسوي مثلها واخيرك بين طلاك والبيت شو هذا كبل عاط ....

علي ...تنجبين لو لااجي اموتج وهذا هم مابي خير يمشي بشور مرته حجيت ويا وميفيد  .

جوري .. طبعا يفتهم غير مريته... باوعلي وخنزر اني مهتميت لان حجيت صدك رجع دك موبايلي ماما تتصل حاجيتها ..

ام جوري ... معزومه اليوم بلعقد مال بنت خالج زينب ..

جوري ...صدك شوكت نخطبت زينب ومادري..

ام جوري...  تتعاي واسولفلج...

جوري ....ماشي. للعصر بدلت وكشخت دنروح بيت خالي توني نزلت شفت عمتي رحت اگللها هروح لان علي موصيني مطلعين اذا متكولين لامي. فـ جنت اكلها يله اطلع...

يسر ..بنترة ...ماقبل ترحين يلله كعدي وسكتي ..

جوري ..عمه ليش اريد اروح غير خطبة بنت خالي..

يسر ...   بيت جدج مانحبهم عل الي سو لبنتي ومقاطعينهم وانتي هم قطعي علاقتج بيهم ..

جوري ..  وشعليهم بيت جدي غير هذولاك بيت اختها بيبي ..

يسر ..اي وعلساس همه مو منضمنهم بيت جدج ماكو تروحه وبلا كلام زايد ..

جوري .. احس دخنت من القهر اريد اقنع ماكو وهي قافله ... عمه صدك جذب بيت خالي عازميني يعني عيب منهم اذا ماروح...

يسر ... اي اني كتلج بعد ماكو طلعه ...

جوري ... واني صدك رجعت لغرفتي ابجي وكلت ماروح مابيه حيل مشاكل ونوب علي اجه . 

علي ...ها شو مارحتي ..

جوري ...لميت شفايفي بقهر ..غير امك مخلتني وهسه راح اخابر ع امي اكلها ..باوعلي وخنزرلي..

علي ...بتهديد ... لج اسمعي اكلج اذا رحتي وحجيتي وجبتي طاري اهلي وتكولين ميخلوني تعرفين شسوي بيج وهسه ولي لبسي عباتج وروحي واني احجي وياها...

جوري... اني لبست عباتي ونزلت هو نزل هم ورايه..

علي ...  يلا روحي..

جوري .. عاد طلعت للمطبخ دفتح لباب واسمعه علي صاح ع امه..

علي .. يمه ليش كوه تجيبين النه لحجايه شلون يعني وهسه بيت خالها شعليهم ضل يصيح..

جوري .. وهيه مدري شتكله اني كبل طلعت ماريد بعد اسمع اكثر امشي بلدرب وابجي لحد موصلت بيت اهلي شافتني ماما  ..

ام جوري ...خيرج يمعوده شكو هلبجه...

جوري .. كعدت احجيلها وكتلها لاتكولين لاحد..

ام جوري... ادري يمه عرفت عمتج مراح تخليج حتى عمج لو يدري ميخليج...

جوري .. هو بلشغل ..

ام جوري... احسن لو موجود جان هم مخلاج يتخبلون من بيت اهلي اعرف بسوالفهم الميخافون من الله بس صوجج انتي قبلتي وتزوجتي دشوفي زينب بنت خالج شيفرقها عنج شناقصج مو انتي
وياها بنفس العمر وها هسه خلصت دراستها وراح تصير دكتوره وراح تزوج واحد دارس وعنده وضيفه وفلوس وسيارات وبيت كلشي كامل خوب مو مثلج رحتي ركضتيلي وره واحد لاعنده شغله لاعمله اني كتلج من بدايه بس شسويلج يايمه وانتي راسج يابس.

....جوري.... اباوع ماما تحجي بحركت گلب واني دموعي تجري بديت احس بندم لان تزوجت بدون مافكر بنفسي شنو راح يكون مستقبلي جان كل فكري انو زواج حلو وراح البس البدله واعيش حياتي وي انسان يحبني ويشتريلي ويطلعني هاي ابسط الامور مامتوفرا من غير برودة وتعامله وياي يوم زين وعشرا لا ....

جوري ..ضليت افكر ومهمومه..

أزهار ... وين الحلو صافن بشنو تفكرين ..

جوري...رجعتني من صفنتي باوعتلها وبتسمت .. ها مادري ..

ازهار ..يمعودا لاتضوجين متسوه كومي يلا حطيلي ميكب فدوه ...

جوري ... ماشي... اخذت جنطتي جانت مليانه مكياج وعطور ماطلع بدونهن بديت اخلي مكياج الاختي طلعتها اله فدشي وشسورت شعرها خلصتها وراحت تبدل باوعت نفسي بلمرايه عيوني مورمه من البجي اخذت كونسيلر خليت تحت عيوني حته يخفي شوي هالات طوخت كحلتي والحمره بلون شفتي اخذت الشال لبسته ...

.لحد مخلصنه كلشي ورحنه اول بيت جدو بلساس احنه كلنه نلتم خالاتي وبناتهم وحتى نسوان خوالي وبناتهم ونطلع سوه لبيت خالو المهم اول مادخلت بيت جدي كلهم تلكوني ...

خالاتي .. يمعوده عاش من شافج..

نسوان خوالي ..عيني منين طلعت الشمس مشتاقين يابه

بنات خالي شدعوه عيني متساالين لادكولين ليش هيج كطعتي بينه بذاته ...

جوري ..كل الاسئله اني ماكدرت احجي شي وله اكول يمنعوني اجي اشوفكم كتلهم مجرد ضروف وكذا بس هم مخلصت منهم نوب جوي خوالي يعتبون عليه. عاد اخر شي طلعنه لبيت خالو احمد جان بيتهم بصليخ الجديد دخلنه كلنه سوه رحت ع زينب اول مشافتني كامت فرحانه ..

زينب ...هلا حياتي جوري شلونج مشتاقتلج ...

جوري ..هلا يروحي انتي شلونج شايفه كل الخير زينب..

زينب ...الله يسلمج حبي ولج شكد ضعفانه هاي شلون هيج نزلتي وزن ..

جوري ... فتره محدوده سويت دايت ..

زينب..حلو كلش لايك عليج الضعف طالعه مثل البنانيات ..

جوري .. اوو خجلتيني ...

فاطمه بنت خالي.. لا بلعكس اني اشوف من جانت  اصغر واسمن احلى خوب جانت خدودها تجنن حرمات هسه ذبلانات...

جورث .. اي حبيبتي انتي تحبين لخدود بس اني هيج مقتنعه بنفسي واهم لايگ عليه ..

زينب..والله جوري نصحيتي ابقي هيج ضعيفه احلى

جوري .. أنشاءلله حبي ..

اجوي البنات بعدين كلها كعدنه سوالف وضحك اجو المعازيم ونوب اجه السيد وعقدو لل 11بليل واني بعدني بيت خالي ماشوف اله موبايلي يدك شفته هذا علي يخابر جاوبته... هلو حبيبي شو هذا عاط بيه جفلت موبايل اجه يوكع...

علي ... لججج وينج ليششش لسا ماااااجيتي تعااااي بسسررعه يلا حدددج لل 11وربع اذا ماشفتج بابيت اكعدددج بيت اهلج افتهمي لو لا ...

جوري .. اني هنا اسمعه يحجي ودموعي تنزل عزه هذا شبي تخبل وسده بوجهي رحت ع امي ع سريع كتلها...يمه لازم ارجع هسه كام يصيح ويتعارك يمه مابيه حيله فدوه خلي نرجع....

ام جوري ... يا توه الناس اجت وانتي تردين هسه ترحين موعيب هي حفله وكلها ملتمه شبي هذا ..

جوري ... كعدت يمها واحجي برجاء ... يمه الله يخليج لاسويلي سالفه مابيه حيل مشاكل خابري ع حسن يجي ياخذني...

ام جوري...  ماشي بس سكتي وكافي تبجين عالم كامت تباوعج هسه شيكولون ..

جوري ..كوا سيطرت على رجفتي ومسحت دموعي واني عيني ع ساعه ياربي شوكت يجي والله عاد دقايق واجه بسرعه لبست عباتي وطلعت حتى زينب مكتلها رايحه بس الامها شفت حسن وجايب ويا اكرم صديق ابويه كلت عزه هذا شلون اركب ويا بس شسوي منو يرجعني سلمت وركبت وهذا نوب طول طريق مشال عينه مني اتنفرزت منه وضليت مدنگه لحد موصلنه اني اخذت جنطتي جاي انزل و اكرم فتحلي باب سياره نزلت اني تشكرته مشيت وصلت لبيت عيالي رفعت راسي ونصدمت ....

يتبع

تابعو الأخ

amaar90

وتابعو الكاتبات واقرو قصصهن

قدري الضائع للكاتبه

usershosha2511

و بقايا خرائب الحرب للكاتبه

Fatima_alrubai

انثى 💜 ملائكيه