رواية أخطاء لايُمحيها الزمن الفصل الثالث عشر 13 - بقلم أنثى 🪽 ملائكية

آنثى 💜 ملائكيه

اخطاء لايُمحيها الزمن

تم اعادة نشر البارت بسبب مواصل للبعض

تابعو حسابي جديد احتمال انقل القصه هناك

mmmlakke

جوري .... كمت وكتله بصياح ....عووفني ولهنا وينتهي كلشي رايحه اهلي وبعد لاشوفك ولاتشوفني بخطوات ثقيله من ألم جسمي رحت ع كنتور فتحته واني امسح دموعي واشهگ ....

علي ...بصياح وتهديد يحرك اصبع سبابه .... يله بلكي اشوفج تطلعين للباب حته هاي رجليج اكسرهن واخليج مكسراااا فااااهمه ....

جوري ...باوعتله بنظرة حقد واني اغلي .... مو بكيفك فاهم انته متحبني ولاتريدني شعندي باقيه وياك هاااا بس خدامه الك ولأهلك اني مرة وعندي مشااعر واريد ارتااح بحياتي كاافي خلص وقتك ....

علي ....عكد حاجبه وتقدم خطوات وهوا يهدد بعصبيه ....لج انتبهي صوتج لااجي اموت هسه هنا فااهمه واريد واحد يطلع ورااج ....

جوري ...ماشوف الا طلع وطبك باب وقفلها انتبهت من صفتني ورحت اركض صحت بعلو
صوتي ..عللللي ....كمت اضرب بلباب وگلبتي محترگ احس نار بدت تاكلني اصيح اريد بس يسمعني .....

.... لاتقفلها حباب افتحها لك علي تعااال لاتعوفني محبوسه ....علي ماجاوبني أي شي بقيت اضرب بلباب واصيح محد يسمعني خليت ضهري على الباب وضربت راسي واحجي بحرگه ...غبيه غبيه حبيتي شحصلتي هااا ....

...نزلت للكع وادهك وابجي على حظي والوم بنفسي اني ليش حبيته وليش قبلت اتزوجه اي صوجي اني غبيه تسرعت مشيت للهلاك برجليه مثل الي منوم مغناطيسي ويتحرك ومايعرف يتصرف هيج حالتي رحت ع مرايه بخطوات بطيئه لزمت گلبي دگاته قويه وتضرب بعنف وگفت كدام المرايه واخذت نفس بس بعدني مخنوگه انتبهت وحده من عيوني وارمه صايره زركه تلمستها وغمضت عيوني بقهر ... حسبي الله ونعم وكيل عليك من شفتك ماشفت راحه ....

... شوي واسمع حماي مهند يتعارك ويصيح على اهله...

مهند ...بغضب وصوت عالي .... راجع من شغل تعبان اريد انام وهاي صوتها تعيط متستحي..

جوري ...سمعت علي وكملت ضلو يتصايحون صعدلي اكثر عصبي ويتوعد بصوت عالي كمت ماحس برجليه من الخوف طفرت كبل و رحت ختلت بلكنتور اخاف يكتلني بس دگات كلبي قويه احس راح ايفضجني الغرفه هدوء حسيت بخطواته نرعبت ورعشه صارت بجسمي من صيح بصوت مرعب ....

علي ... طبيت للغرفه وأصيح بعصبيه .... لج وينج ...باوعت ورا البردة ماكوو يالله جنيه هاي موبشر وين اختفت دنگت جوا جربايه باوعت ماكو كمت ومسحت گصتي بتوتر خطر بالي كنتور مشيت سريع وفتحت الباب ...

جوري ...اسمع خطواته يدور گمت ابجي خليت ايدي على حلگي صميته بس طلع شهگات سمعني فتح كنتور باوعته بقهر وخذلان وحجيت بترجي واني خايفه وارجف .... حباب عوفني واسفه ع كلشي ....ماحسيت الا جر ايديه بكل قوة حسيت جتفي نخلع بدون كلام ضربني راشدي فر وجهي ...

علي ...بعصبيه ..... شمسويه ورايه تعيطين وتصيحين وگالبه دنيا اني شكتلج مو كتلج ماريد صوت لج انتي شلون وياج شوفي اياج ثم اياج اذا سمعتلج بعد صوت واني طالع ومااجي ليوم يمج بليل ....

جوري ...حجيت واني اشهگ ...خفتا وراحه احسك صرت بلوكه على گلبي ...اقترب وهوا عاگد حاجبه خفت لايضربني رفعت اديه على وجهي بعلامه اكس شوي رفعتهن...

... وهو بدل وطلع بقيت اشهگ وابجي نمت ع فراش وكلت يطبه طوب عسا لاراجع صارت ساعه 2بليل وهو ماكو عرفت مراح يجي غفيت ونمت للصبح ساعه 9فتحت عيوني بنعاس واشوف علي يمي مخلي ايده ع خصري وخرتها مني هو فتح عيونه عرفته كاعد منايم عكدت حاجبي و درت وجهي عنه وداكوم من فراش سحبني من ايدي بنتره .... عوفني مالي خلكك....

علي ... اشش بله كلام وتعاي....

جوري ... اريد اجر ايدي ماكدر ايدي ناعمه بين ايده الضخمه سحبني بقوة ماحسيت الاصايرا على صدرة خله ايده على راسي ونومني على صدره ويمسح على شعري بحنان مثل الي يقتل القتيل ويمشي بجنازته شنو فايدة العتذار بعد فوات الاوان تذكرت البارحه وصار احس سجاجين نرغزت بنص گلبي وكمت ابجي ابتعدت عنه باوعلي بقهر ماعرفت اوصف عيونه ..

علي ...اخذ نفس ... راح اشوفلج شي بس لاتضوجين يحلوة ولو زعل يلوگ الج صيرين احلى وشفايفج تنفخ اكثر ..

جوري ..تلمس شفتي ويبتسم ابمكر بعدت وجهي وحجيت بهمس ...شنو...

علي.... باعي هذا رقم ...

جوري ...عقدت حاجبي وجهي احس صخن من الحرارة گامت تطلع من أذاني باوعت ورقه وبيها رقم حجيت بعصبيه ...وشنو هذا بلله ....

علي ...ابتسم بمكر ويحجي بحيله وغرور .... بارحه واكف ع شارع واجتي بنيه فاتت من يمي ونطتني رقمها بس شلون وحدة صاكه ...

جوري ... فتحت عيوني عشره عشره وصلت حدها وبراكين بداخلي تثوور وگامت تطلع لهيب ... شنووو وشلون انته تاخذ رقم من كل عقلك مو عيب ...

علي ...بمكر ... اي عادي واتفقت ويا وتواعدنه شكوو بيها ...

جوري ...بقهر وخذلان ... علي اسسكت داتعرف شتكول لو لا....

علي ...رفع تك حاجب ... ههه شوفي شصار بيج وشلون تخبلتي شلون لعد اني من شفتج تحجين ويه غيري ولمن بارحه تكليلي غيرك وغيرك هاا هسه انتي بعد راح تثقين بيه ع هاي سالفتي او سكتيلي ...

جوري ...نزلت راسي بخجل .. لا مااسكت طبعاً...

علي ... راح تثقين ...

جوري ...باوعته بقهر ...مجاوبته شي ..

علي ... عموماً ماكو هلشي ومصار بس جيت اخليج بنفس الموقف ارد اشوف ردتت فعلج شنو حتى لاتكولين ليش هو هيج وياي. ويله روحي طفي الاضويه دنام منايم من البارحه وراسي يوجعني ..

جوري ... كمت ع سكتي طفيتهن واني دموعي تجري خرب بمجرد ماتخيلته يم وحده غيري نجنيت ونار وشبت بيه كون اموت ولااشوف هلموقف معقوله هلكد احبه اااخ يكلبي وين هجولتني موجنت مرتاحة المن جبت الظيم الي...

... مرت الايام...
علي ....خابرني سجاد ...هلا خويه شلونك ..

سجاد....هلاا بيك الحمدلله علي محتاجك بشغله ..

علي ...أأمر خوويه شنو شغله ...

سجاد .نطلع وياكم نجهز للعرس وخلي تجي ويانه مرتك..

علي ..تدلل خويه غالي وطلب رخيص شوكت ..

سجاد ..مشكور ونعم منك بعد شوي نطلع ...

علي ...اتفقنه رجعت للبيت صعدت فوگ شفت جوري مسطحه على جربايه ... جوري كومي بدلي...

جوري ..عقدت حاجبي متفاجئه ...ليش وين ..

علي ..دنروح للمول ويه سجاد وخطيبته ...

جوري ..احس سجين وتحرر من السجن كمزت من مكاني وكتله بحماس ... صدوك حبيبي ثواني واكون جاهزه اكيف ع فران جهزت نفسي خلال ساعتين باوعت لعلاي وحجيت بهدوء .. علاوي ممكن طلب وبله متردني ...

علي ... برود ... احجي شنو ...

جوري ...تنهدت ... تعرف زواج اختي قرب اريد اشتري فساتين من المول ...

علي ...گلب عيونه بملل.... افكر بلموضوع ...

جوري.. تنرفزت من كلامه وتحيرت ...شنو هاي يعني متاخذلي...

علي ... اهوو تره هسه اكلج نبطل منروح اسكتي احسلج....

جوري ...سكتت بس حيل اختنكت تمنيت يكلي اي تدللين حبيبتي ويشترلي كلشي يعجبني وادري حته هاي طلعه ماشوفها من عنده لو ماصديقه خلفله عليه ذبيت حسرة وركبنه سياره ورحنه عليهم ركبو ويانه اشوف سجى لبسها وذهبها مليانه وبس تتلوك وتحجي بتكبر كعدت يمي ..

سجى ... شلونج حبي ..

جوري .. ابتسمت ... الحمدالله عيني.. لزمتني من حنجي ..

سجى ... فدوه شلون رصعه عندج تخبل اريدها...

حوري .. ضحكت ...اخذيها وخلصيني منها ... علي وسجاد يسولفون بيناتهم واحنه هم نسولف وصلنه للمول بلمنصور فـ دخلنه محل فساتين صار فستان كبالي لونه بنفسجي قصير يجنن سجى وسجاد راحو يباعون للفساتين ... علي الفستان هذا حلو ...رحنه عاملنه عليه طلع 95الف .. هنا وصاحتلي ...

سجى... تعاي جوري شوفي هذا فستان حلو ...

علي ... روحي وياها..

جوري ... رحت ليمهه وضلينه نكلب بلفساتين اجه سجاد يمنه ...

سجاد ... خويه هذا شبي الفستان الوردي مو يخبل وهيه معاجبهه ...

سجى ... عيني دشوفه موديله يخزي جوري بله عليج الله ياهو الاحلى الوردي لو الماروني ...

جوري ..تحجي وتباوع على سجاد صفح ... حبيبتي اني انطيج رئي عادي بس تبقه يمج اخذي ليعجبج لان انتي الي راح تلبسي مو اني.... بعدين اقتربت يمها وهمستلها ...لج ثوله اخذي الوردي يجنن يطلع عليج وامشي بلي يعجبه هوا وهسه انتي راح تاخذين اكثر من واحد فـ اخذي ليعجبه وليعجبج وفضت سالفه وبله مشاكل انتي ويا.. باوعتلي صفح وعوجت حلگها معاجبها ..

سجى ... اوي جوري جبتج الي عون لو...

اجه سجاد وقاطعها ...ها هسه ياهو تاخذين..

جوري ... صارت عيوني تدور ع علي كلت هذا وين راح التفتت ورايه واشوفه واكف ويه صاحب المحل ويسولف وتجي وحده تفوت من يمه وتباوعله وتضحك بخفيه ونوب هو يباوعلها اني عقدت حاجبي و بسرعه بين ع شكلي ضجت ..

سجاد..خويه شبيج.

جوري..اخذت نفس اهدء نفسي .. ها لا كلشي ماكو..

التفت سجاد شاف علي واكف ولبنيه واكفه قريب منه وتباوع ... والله عمي حقج تضوجين وتغارين غير هيه تخبل دمشي روحي يم رجلج لايروح منج شكلها مو كمت افور بلزايد وياساعه انفجر وابتلي بي ...

سجى .... وانتي ليش هلكد مهتمه وتغارين عوفي يمعوده كلهم هيج الرجال ميملي عينه غير تراب....

سجاد ..جوري حقج لان هو بس الي يحب يغار ع محبوبه ... حجه ع كيف وباوع ع سجى صفح.... ااوف منين اجيب الاحساس لاتغار ولاتحب من همده حظي ...

جوري ..ضحكت بگلبي بسهتزاء اني وسجاد متشابهين هم يحب ومحبوبه ميحبه حب من طرف واحد يعني تتعذب ومحد يحس بيك تضحي ومحد يجازيك ميحسون بنار الي بگلوبنه ولهفتنه يطفوها برودهم دنگت وعيوني تلالي بدموع جريت نفس مابين حرگة گلبي هما اشترو و اخذو الفساتين ورحنه طلعنه للسياره ومشينه واني محجيت شي ويا بعد طنكرت عليه شكو يباوع عل غيري فـ من صعدنه سياره ....

علي...اووه غير نسيت اخذلج فستان تردين نرجع ناخذه حبيبتي....

جوري ... يباوع و يغمزلي بلمرايه النص مال سياره. باوعته صفح ومحجت شي بگلبي اي هسا تذكر جان فاقد ذاكرة ....

سجاد....بمكر ... ها ضلع متاكد علمود فستان تريد ترجع لو.....

علي.....هههههه لك دنجب قابل اني مثلك..

سجاد.... احم احم گاع محظورا استر علينا ..

علي.... وشنو يعني خايف منك ...

سجاد ...اووه ضاهر نضربت براسك هااا شبيها ام الشعر الاسود دوختك ضاهر...

سجى.... سجاد خوب انته راح تحركها للبصره اليوم ...

جوري ...باوعتها سجى وغمزتلها وكتلها بصوت ناصي... خلي نحرك دمهم ليش بس همه ...حجيت بصوت عالي حتى يسمعون.... اكول سجو شفتيها ام الشعر الاسود شلون تزحف ع ابو عيون الخضر...

سجى ...بحيله .. لج اي شكد ملطلطه دور صاكين...

جوري ...كملت بمكر .... مو بس ملطلطه وحده رخيصه و.. وهذا ابو عيون مصدك كبل رقمها ونوب هو شنو من عيون عليه ...همست ... عيون جتاله...
بس اضن سمعو رفعت عيوني اشو علي باوعلي من المرايه وخنزر بوجهي وسجاد دار وجهه ع سجى وخنزر عليها صعدت عندهم الغيره وره شوي علي شغل اغنيه لـ فضل شكر واليسا غرامك شو عامل فيني وصار يغني وياها ويباوعلي من المرايه بئلك بشو بئلك بدي ئلك اني بحبك كلمة حبيبي صغيره عليه بعشگ كلامك وعينك.. اني اباوع على عيونه بيها لمعه حب اقره نزرات عيونه وسحرتني....

سجاد....يمه الحب يمه ...

علي ... وانت شبيك هسه ...

سجاد ...ماكو شي خلي ناخذ عشه سفري لو نروح مطعم...

علي ... يله نروح مطعم بيستون صمد...

سجاد ...هاهيه نتوكل ...

جوري ... وصلنه للمطعم اني وعلي وصينه ع مشاوي مشكله ومقبلات وهمه وصو بيتزا وصاج ومقبلات المهم ساعه علما جا العشه احنه ضلينه ناخذ صور سلفيات وسولف لحد مجا الاكل وساعه علما خلصنه ورجعنه عاد للبيت..

ثاني يوم وتذكرت عندي موعد الاشعه ضليت خايفه شلون اسويها وراح اتحمل لو لا وخابرنه وحجزنه ع يوم الاربعاء ساعه 9 الصبح كون اني هناك...

هاي لايام صادف عرس اختي الحنه مالتها اني لبست فستان وردي وبي تول اسود من وره يسحل جان موديله جديد ونازك ويخبل وحذاء فضي يلمع وصبغت شعري لون عسلي وسويت اضافري وبشرتي ماسكات وكذا المهم عنايه كامله بحيث صار منو ليشوفني ميعرفني لان اول شي هواي ضعفت تقريب نزلت 15ک ونوب مكياح مغيرني اكثر وصابغه شعري ومسرحته فـ جان منو ليشوفني يتعجب بيه مرت عمي شافتني ...

....ولج جوري شمسويه بنفسج ليش تجيبين العين لروحج ...

جوري ..ابتسمت ....عيني شايله حرز مال حسد لاتخافين ..نزلت لجوه والحذااء بيدي خفت البسه وانزل خاف اوكع لان كلش عالي من نزلت لبسته بدتت الحفله وركص طم طم طح جنت كلش فرحانه بعرس اختي بس اشوف مريم ماتت غيره لان كل نسوان يسالن عليه منو هاي وشكد حلوه والي امثال مريم هم كلش نضغطن مني عووذا نوب جتى حجي كامن يذبن ويضحكن عليه من غيرتهن حته يقهرني بس اني مهتميت الهن بعدين صعدت لفوك كلت ابدل البس فستان ثاني كملت تبديل ودانزل الدرج وجانت بنت عمي تحجي وياي ومامنتبه من دانزل واكو قوطيه ببسي مفتحوا بلنص ومخليها ع درج فـ اني دست عليها بدون مادري هنا شاغت روحي احس سجاجين صارت برجلي ...

..كمت اعيط واصرخ... يماااا رجليه ...اجت امي تركض بسرعه بنات جابولي قطن وسبيرتو والدم يفور لان الجو حار فستاني نمله دم يخلون القطن وماكو ماينكطع الدم تالي خابرو ع علي واجه ...

يسر ....يمه اخذها يحتاجلها اخياط

علي.... كومي بدلي ع سريع...

جوري....واني اشهگ ... ماكدر اكوم علي حموت ...تالي كومني ع كيف ورحت بدلت لبست جبه وشال شلون مجان انتبه على وجهي ...

علي .... مكياج كله مسحي ...

جتي امي ....على بختك علي لسا ماخذتها مو لبنيه حتموت وانته كاعد تدورلي هيه بحال تمسح مكياج...

علي بعصبيه ... ماخذها والله اله تمسحا شلون تطلع وزلم كلها ع شارع ...

عاد امي خطيه مسحتليا شوي وطلعنه واني ميته الف موته من الوجع وصلنه للمضمد كال شنوو هاي رجلج مفتوحه مثل العين صايره خيطها بس متت كوا مسيطرا مايغمى عليه طلعنه واني بس ابجي متت. ....

..ونوب وره ماخلصت الحنه محد ينضف البيت غيري امي شوي ساعدتني متكدر وعماتي وخالاتي عافن وراحن واني والله كوه ادوس بنفسي واشتغل عليه وحيل تلجمني ونغزا تصير بگلبي گوا كدرت عليه لثاني يوم صارت زفه واشوف أزهار تبجي وصرت ابجي وياها لحد مجا اخذها احنه بلعاده عدنه عادي اخت العروس تروح ويه اختها للزفه وعاد رحنه وياها للفندق ردت انزل وياها بس وكفتني عمتي...

يسر ...بنتره ... وين نازله ويه اختج كعدي انتي ميصير عندج خلفه وهاي ام عمار توهس اذا شافتج دخلين يمهم ...

جوري ...نصدمت من كلامها باوعتها بقهر مجاوبتها شي بس بسرعه نزلت دموعي دائما هيه تسمعني هكلام واني شبيدي ميصير عندي طفل كله بيد الله ويسون روحهم يصلون ويصومون ويعترضون على مشيئة الله عاد اجه عمي جبير..

صلاح ... جوري نزلي ويه اختج ميصير بنتي ...

جوري ..عمتي خنزرتلي. ها..

صلاح ... اشبيج فاهيه امشي يلله...

جوري ... نزلت من سياره ورحت للفندق شافتني ام عمار شو هاي عقجت وجها وتباوع على اختها معقوله لان بس ميصير عندي طفل شهل عقول رحت يم اختي لزمت ايدها وابتسمت ...حبيبتي اي شي تحتاجين خابريني... وبوستها وطلعت لان احس نفسي مخنوكه وماكدر اطول واريد بس ابجي ليش هيج ماعندي حظ والفرح ميدوملي يارب اكتب الخير لأختي واجعل حظها احسن مني ضليت منظرتهم بعدين اجت خالت عمار ...

...جوري احنه كنالها لعمتج ليش نزلتي ام عمار ظلت توهس لان انتي متاخره وميصير عندج اطفال...

جوري ...تنهدت باوعتها بقهر شگلها شحاجيها عفتها ومشيت حيل نجرحت من كلامهم لازم يغثوني بقيت طريق كله بس ابجي.....

اجه يوم الاربعاء الي هو موعد للاشعه اخذت امي ورحنه جانت شوراع كلش مزدحمه وقبلها بيوم جان صاير انفجار بلكراده...

. الاحداث سنه 2016بشهر9 ...

فلهذا ازدحام قريب ساعه يله وصلنه جانت هواي اكو عيادات سالنه ع عياده دكتوره ايمان كالو فوك صعدنه جان كاعد سكرتير امي حجت مكاني ...

ام جوري ...سلام عليكم..

كلها عليكم سلام..

ام جوري ...موجوده دكتوره..

كلها حاليا ماكو تجي بعد ساعه..

ام جوري... حجزنه اربعاء ..

كلها باسم منو

ام جوري ...جوري ..

كلها اي موجود اسمها..

جوري ..رفع عيونه و باوعلي وابتسم اني حسيته مو راحه هلولد كبر شلون يباوعلي بجرئه..

شكد عمرج انتي..

جوري .. حجيت بگلبي هذا ليش يسال كتله بملل .. 17سنه... عاد كتب ..

ماعدج اطفال..

جوري .. اي ولهذا راجع ..

كتب ...سعره الاشعه 150...

جوري .. طلعت من جنطتي فلوس ونطيته..

انتظرو بين ماتجي ..

جوري .. ماشي كعدنه وحدنه ماكو احد غير بس احنه اول ناس بس بعدين اجوي العالم وهذا سكرتير كاعد كبالي وصافن عليه اني مهتميت كاعده واسولف ويه امي المهم اجت الدكتوره وصاحلي ..

يله تعالي جوري..

جوري ... رحت دخلت حيل متوترا گلبي مثل طبل خايفه حجيت بصوت خافت ...سلام عليكم ..

دكتوره ...عليكم سلام حبيبتي قبل لا ابدي بللاشعه اضربي هاي ابره وتعاي واكو جوه مضمده ...

جوري ...ماشي ..كتبتلي راجيته ونطيتها امي راحت جابتليها ونزلت ضربتها وصعدت رجعت للدكتوره لكيتها محضره الادوات اباوعهن كلهن حدايد يمااا رجلي خدرت من الوجع واحساس الخوف سيطر عليه كمت افرك بيدي متوترا ...

.. يلا حبيبتي اني راح اطلع وانتي بين ماتجهزين..

جوري .. قصدها ملابسي فـ بقيت وحدي ذبيت عباتي بوكتها جنت لابسه بنطرون اسود وبدي بنفسجي ربع رادن هنا وتنفتح الباب ويصير بوجهي السكرتير وضل صافن عليه اني كبل ركضت ع باب وطبكتها بوجهه حيل لك هذا صدك واحد ميسحتي ضليت ارجف وخايفه اجت دكتوره..

شبيج ماما شو لساج ..

جوري ..تمالكت نفسي وحجيت بعصبيه ...دكتوره شلون تسمحين احد يدخل عليه واني طالعه ماسويها....

...تعاي حبيبتي عذرينه بس منو الي دخل خاف ميدرون انتي هنا...

جوري ... ليش ميدرون هذا سكرتير مو بنفسه صاحلي...

.. او لج هذا مرات ينسه خطيه وهسه اني هم احاسبه ويله نامي علسريع...

جوري ... بخجل ...دكتوره شلون ماكدر خاف هم يفتحا...

راح اروح اقفلها وامني...

جوري ... راحت قفلتها يله عاد نمت ع سديه وبدت تسويلي اشعه واني ابجي متت الف موته ..

.. اتحملي شوي عندج انسداد بالانابيب ولازم تسويها حتى تصيرين حامل ...

جوري ... ربع ساعه علما خلصت اني منتيهه المهم بعدني ماطلعت برى واني دايخه ورجلي يوجعني وصار كبالي السكرتير بس شفته فورت بلعصبيه اجه ليمي ونطاني كارت بي رقم...

نظرات كلها جرئه ويحجي بذوبان .. خاف تحتاجين شي من دكتوره...

جوري...وجهي احتقن وصرت اعصاب ومنه الالم محتل جسمي بنترة سحبته من ايده وشگيت كارت وشمرته بوجهه بغضب .... صدك انته واحد ماعندك ذرة شرف وسكط الله يطلعها بعرضك ان شالله ...

بتوتر وفشل .... اعتذر واني مو قصدي مجرد رقم ..

جوري ... قاطعته بعصبيه وعيوني تطلع شرار ... بسس اسكت ماريد اسمع هاي كلاواتك تره والله اروح واشتكي عليك ولاتنسه كما تدين تدان ... وعفته ومشيت واني روحي واصله لخشمي شافتني ماما ...

ام جوري... ها يمه شبيج ...

جوري...مسحت وجهي بقهر ... مابيه شي ..

ام جوري... سويتها ...

جوري .... اي بعد بس ننتظر يطلع التقرير والاشعات ونروح بعد مرور نص ساعه طلعت تقارير اخذتهن ورجعنه للبيت رحت كبل للعيالي جانت ساعه 4العصر بس احس نفسي ميته من تعب واريد انام اول مدخلت شافتني عمتي وضلت دردم مهتميت الها صعدت لغرفتي خليت الاشعه كبالي وكعدت ادهك وابجي مو بس من الوجع من هواي اشياء من يلتمن يكسرا الظهر اجه علي وفتح عيونه ..

علي ..بأهتمام ...شبيج...

جوري...من كلي شبيج بجيت اكثر وكتله.. متوجعه ومتأذيه ..

علي ...بقلة حيله ..منطوج علاج مسكنات..

جوري ... كتبتلي مسكن واخذه بليوم مره ..

علي .. لعد اخذي هسه بلكن حتى تكدرين تحضرين الحنه مال سجاد وتغيرين جو ..

جوري ... هزيت راسي برفض ... لا ماكدر اني بيا حال ...

علي .. لعد اني اروح وانتي نامي وارتاحي ...

جوري ... ماشي ...

علي ...دخلت للغرفة واشوفها وجها احمر وشفايفها منفوخه وعيونها ذبلانه هواي نقهرت عليها جريت نفس مابيدي شي هي تمددت واني بدلت وطلعت للحنه بس مدري ليش حسيت جوري بيها شي اكيد ضامه شي عليه هسه اني ليش مضليت اسألها ااوف من ارجع احجي وياها شافني سجاد ...

سجاد ....شبيك علي شو صافن قبل لاتروح لبيت تضحك وتسولف اشو اجيتنه ضايج

علي ....كتله اي والله مرتي راحت للدكتوره رجعت تبجي وماعرف شبيها وها كالت متكدر تجي للحنه هم وصللها لـ سجى واعتذرلنه منها لان عزمت ومجتي ...

سجاد.... لايمعود عادي معذوره ومابيها غير العافيه انشاءلله وانته كافي تفكر خلي الامور ع الله...

علي ... ونعم بالله.

جوري ...اني كاعده والوب من بطني وابجي وحتى مكدرت انام من الوجع الله لايراوي لاحد بعد مرور ساعات رجع علي...

علي ... ها شلون صرتي..

جوري ...بأسى .. نفس شي بطني موتتني..

علي ... خاف صاير شي وياج جوري احجي احس بيج عندج سالفه ..

جوري ... باوعته بتعجب كتله ... لا حبيبي ماكو شي بس من الوجع هيج...

علي ... وليش غيرج من يسويها الاشعه هم مثلج يضلن توجعهن بطنهن. ...

جوري .. مادري بس كالت دكتوره لان عندي انسداد بلانبوب ..محجه شي بعد ..

علي ... راح انام وباجر حته اروح للزفه ..

جوري .. ثاني يوم اخذت علاجي شوي احسن گلت ...علي نروح للزفه ..

علي ...يلا بدلي...

جوري ... حيرة... مادري بس احس نفسي تعبانه ومالي خلك..

علي .... كيفج بعده...رحت أبدل ودك موبايلي ... الو ها سجاد ..

سجاد ..هلا خويه سجى تريد تحجي ويه جوري اذا موجوده يمك...

جوري... اني جنت ارتب بلغرفه وصاحلي ..

علي ...جوري سجى تريد تحجي وياج ..

جوري ...رحت اخذت منه موبايل حجيت.. الو..

سجى ... الو هلا حبيبتي شلونج سلامات سمعت بيج رايحه دكتوره وضل بالي يمج...

جوري .. اهلين عمري الحمدالله لا احسن هسه انتي شلونج بلخير حياتي يوم الولد الصالح ...

سجى ... تسلمين حبيبتي تعالي اليوم بلزفه اتونسي..

جوري .. مادري محتاره..

سجى ... ليش تتعاي حبابه والله مشتاقتلج بارحه مجيتي ...

جوري .. يله لخاطرج راح اجي..

سجى ... تسلمين عمري انتظرج

جوري ...ماشي باي.. وسدت الخط..

على ... ها شرادتت..

جوري ... تسال وتكلي تعاي امري لله راح ابدل واجي...

علي.... يلا ع سريع لاتتاخرين قبل ساعه5 انتي جاهزه ..

جوري ... ماشي.. نزل علي واني اخذتلي المنشفه والشامبو وغسول للجسم وغسول للبشره وكذا سبحت وطلعت خليت مرطب للجسم لوشن وبودره وكذا رحت للكنتور اخذت فستان ذهبي طويل ومستور بس هو مال مناسبات ويا شال اسود وبي لمعه ذهبي لبسته وخليت مكيب خفيف بطبعي ماحب اكثر بلمكياج احبه هيج هادئه حته ضلال اختاره فاتح ونوب اخذت ساعتي ذهبيه لبستها وسوراتي جهزت نفسي بلكامل واخر شي خليت عطري المفضل واخذت الجنطه صغيره بلون فستاني ولبست الحذاء الاسود العالي ونزلت شافتني عمتي فتحت عيونها وحلكها ...

يسر ... هاي وين رايحه ونوب بهذا لبسج دباع فستان مخصر عليها هاي شلون يخليج هيج طلعين لك علي وينككك ...

جوري ...ضلت تصيح كتلها ...ع كيفج عيني عمه تره لبسي مستور شبي قابل دمشي مصلخه باوعتني بغضب ...

يسر ... ها وهيج جاوبين لج صدك انتي متستحين....

علي.... اني كاعد بلسياره انتظرها تنزل نوب اتاخرت لشوي واسمع امي تصيح كلت ياستار ياربي شكو نزلت من سياره وطبيت للبيت واشوفها واكفه خرب بهلج شطالعه....

جوري ...اني بعدني واكفه بس حسيت نفسي اختنكت من كلام عمتي اريد بس ابجي اجه علي وضل يباوعلي من فوك ليجوه اكلني اكل بنظراته دنكت راسي واريد ابجي حجه ...

علي ... شنو تردين تطلعين بهذا لبسج احجي ..

جوري....رفعت راسي ودمعه بعيني تلالي حجيت برجاء ...علي فدوه رايحه بعرس خليني اكيف واني بس كاعده بسياره منو يشوفني متكلي....

يسر ...وهي تفر بيدها ... والله وتعرفين شلون تقنعي بس ماكو مترحين اذا مو عبايه يله دشوف شلون طلعين ...

جوري ...طبعا عمتي تعرف بيه ماحب العبايه فسوتها عناد وياي هنا علي هم عاط بيه اله تلبسين عبايه والله ردتت ابطل وماروح بس تذكرت سجى كالتلي تعاي وكتلها اجي لخاطرج فـ عيب اذا ماروح سلمت امري لله وصعدت لغرفتي اخذت العبايه ورحت للسياره نوب باوعلي ضرب سترين بغضب ..

علي ... هذا صخام لبوجهج مسحي بسااع ..

جوري... والله مخليته خفيف ومابين يعني طبيعي عاط بيه جلفت من مكاني بسرعه اخذت كلينس وصرت امسح بوجهي ودموعي تنزل حته مسكارتي ساحت شغل سياره وطلعنه والانظار كلها عليه ...

علي ... وتردين تبقين بهذا لبسج ومكياج هو بدون هيج وكلها تباوعلج ونوب تصخمين بلكن بعد اشوفج تحطين مكياج وله تردين تطلعين بهيج لبس....

جوري ... اني هنا ساكته محجيت شي وصلنه بيت عريس حتى نطلع وياهم نزل علي جانو كومه شباب واكفين وشوي وطلع من بيتهم سجاد اباوعله من مرايه مال سياره واكف وشباب يتباروكله بس شلون طالع هيبه وشخصيه والقاط مغيره هواي. صارو يدكون ويركصون اجت مزيقه وضلو يركصون اني هنا مديت ايدي اخذ موبايل علي جان مخلي ع كشن...

... وهنا وتجي سياره تطبك بصف سيارتنه وينزل منها شاب شافني وضل يبتسملي اني درت وجهي وكلت عزه بعينه نوب هو ضخم طويل وضل واكف يم سيارته صار هو كدامي و ناطي ضهره ع سياره يباوعلهم ويرجع يباوعلي شوي سكتت المزيقه وكلمن ركب سيارته وطلعو لبيت العروس اجه علي ركب سياره انتبه ع ولد واكف عكد حواجبه رجع باوعلنه الولد باوعت بعيون علي خنزر بوجهه وهذا ولد نزل راسه وركب سيارته وطفر وعلي صارت عيونه بكصته مشينه طبعا هو ضل ساكت لحد ماوصلنه لبيت لعروس رجع طبك مكان مابي احد كتله....ها انزل...

علي ... لا وين تنزلين مشوفين كلها زلم ...

جوري ...اباوع مكان هدوء ... علي صدك جذب شلون تخليني وحدي بلسياره وهاي احنه وين ...

علي . بلفرع ثاني بيتهم وهناك كلها ادبسززيه ...

جوري ...توترت وكتله ....راح تعوفني...

علي ... شبيج شكو عليج راح اقفل باب وهسه بس يدخل ياخذها وارجعلج...

جوري ... وعافني وراح صدك حيل ضجت كلت لو مجايه هواي احسن وره عشره دقايق تقريب يله رجع شغل سياره وطلعنه اباوع كوستارت هواي وسيارات تمشي وره سيارة العرسان هنا واشوف بنات 4واكفات بلسياره واباوعتهن ... علي منو هذن بس لا خواته سجاد...

علي .. اي خواته...

جوري ... تره لبسهن كلش اوفر والمكياج والركص خرب بيومهن شكلهن يخرب ضحك بس همه زلم والبنات كلها تباوعلنه نوب اشوف بنات يباوعن عليه اموت غيره وهو هم من احد يباوعلي يضوج...

... وصلنه لطريق محمد القاسم هنا صارت ازدحام وسيارات تمشي سريع علي هم مشه سرعه احسه يتهور بلسياقه كتله بخوف.... علي ع كيفك تره اخاف نوب مشه سرعه اكثر ويبتسم بمكر ....عطتت ... تره هموت خوف خفف سرعه عاد حباب.... شوي خفف وصار ازدحام وجانت كدامنه سياره العرسان واحنه وراهم واجتنه سياره من ورانه وضربتنه حسيت السيارة نگلبت بينه ...

يتبع ..

أخطاء لايُمحيها الزمن

آنثى 💜 ملائكيه

تابعو الكاتبات المبدعات ينشرن قصص هواي حلوة مراح تندمون

Evelyn_Elyas

em_o5h

zahraaALasaadi