رواية أخطاء لايُمحيها الزمن الفصل الخامس عشر 15 - بقلم أنثى 🪽 ملائكية

آنثى 💜 ملائكيه

اخطاء لايُمحيها الزمن

تأخرت لان البارت سويته طويل علمودكم لاتقصرون بالتصويت حبايبي ..

تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل

جوري ...انصدمت عمتي واكفتلي بلباب ومتخصره وغاضبه اول مشافتني استلمتني...

يسر.... ياكوا..ة متستحين تركبين ويه واحد غريب ولا ومتاخره لل 11 رايحه تتواعدين لو شنو وشلون جايه بنصاص اليالي وصاعدة ويااا شكد صلفه اهلج مربوج ...

جوري .اني واگفه مصدومه وهي ضلت تحجي وتغلط اباوعها ترجف وتحجي وتريد تهد واني دموعي بس تجري واشهگ اجه علي وتلگته صيح عليه هوا متفاجئ...

يسر .... لك تعال شوف مرتك ويامن راكبه بلسياره ويه هذا ساق.....جاايه بنص الليل مرتك ويه ...

جوري ...علي عيونه فتحهن وصارن حمرا ...

علي ...صك سنونه وحجه بعصبيه .... شنو ويامن ويه اكرم مو غيره ..

جوري ... باوعلي واني كل حيل ماضل بيه احس رجليه تكسرت من الخوف ...

علي ...بصياح رج البيت...لج انتي شنو من بشر فوك مامتتاخره نوب تجين ويه هذا كووواا....امشي ولي لأهلج وماريد اشوف شكلج ولي ....

جوري...لزمني من ايدي جرني ودفعني برى وعمتي طبكت باب بوجهي باوعت شارع اظلم وبس ضوا القمر علت شهگاتي ودموعي تجري اكثر دگات گلبي توجعني حيل مشيت بتعب ورحت لأهلي شافني بابا واجه يركض وهوا مستغرب جيتي وشكلي ...

ابو جوري ... شكو شبيج بنتي وليش هيج حالتج ..

جوري ... حجيتله صار ابويه تخبل الزم وروحلهم وتعارك وياهم ...

ابو جوري ....بصياح وحرگة گلب ....لكم اني دزيته ونطيته سويج مال سيارتي وكتله روح جيب بنتي ولكم صديقي واثق من عنده واعرفه اكثر مما انتو تعرفو ودزيت حسن ويا حتى كلت محد يحجي وهم مخلصنه ويعني واذا صعدت ويا هسه مو داتصعودن انتو بتكسي ويه شخص متعرفو لو انتو كوه تسون حبايه كبايه...

يسر....عيني أبو احمد بنتك متعرف بسوالفها نسيت لو اذكرك واحنه ماعنده ثقه بيها واني رحت كتله علي خابرها خلي تجي وين اكو عرس يضل لهيج وكت ونوب ترجعلنه ويه صاحبك الساق ....الي كل ناس تعرف اصله شنو ميكفي ناس تحجي عليك مصاحب واحد مخوش نوب ترجع تخلي بنتك تركب ويا اذا انته ترضها احنه منرضاها ...

علي ...والله خالي بنتك بعد هاهيه وياها وبعد لاترجع ...

ابو جوري ...بعصبيه ... اسكت انته هواي ترى متحملك ومداحجي ومخليها بمزاجي لان البنيه ساكته وتحبك ...

علي .... اجتي بيبي مرات اتخايلها العكيد ابو شهاب هلكد ماتتحكم وتمشي امرها على جبير وصغير نوب كملت ضلينه نتصايح وبيبي تهدي بينه اخر شي بيبي حكمت ومقبلت ارجع جوري لأهلها واني گلت يلا تعالي مكمل حسابي وياج ...

جوري ...طبيت لغرفتي حتى ارتاح جاي انزع حجابي خليته على جتفي ماحسيت الا لزمني من شعري وجرا بيده.. بألم....اخخخ علي عوفني شبيك...

علي ... لجج شلون تركبين ويه هذا ساق ..شگلتي لنفسج من صعدتي ويه ..

جوري ..يحجي يم أذني وجار شعري لزمت ايده اريدا يعوفني گمت ابجي واكله ...فدوه بس اسمعني افهمك والله كلشي بتفاهم ينحل... بس هو ماكو شمرني بالگاع وصار يضرب ضل مستمر يكتل بيه بقيت اصرخ وابجي ماعفني الا من تعب واني صوتي نبح خله جسمي متكسر وراسي منفوخ من الوجع كل جسمي صار كدمات وعيوني ورمت...

.. لحد ثاني يوم قررت اروح لاهلي وبعد ولاارجعله بس رحت شفت اخويه حسن هوا عمره 15سنه من شافني ابجي جا كعد يمي ..

حسن ..بأسى ...جوري كافي ادري صار جان بسبب ابويه وهم بسببي بس اني مادري هيج راح يصير...

جوري ..واني امسح بدموعي ابتسمتله .. لا حبيبي معليكم بس هذولي وين يعرفون يتفاهمون زين همه عرفو ليش اجيت وهسه اني مقرره بعدد ولاارجع كافي مليت منهم ...

حسن .. جوري بس تره حقهم ...

جوري ..شلون يعني ..

حسن ... اول شي سمعت الولد محلوه وتدرين البارحه اني ويا تكاتلنه واله شوي اقتله هوا اكبر مني بس حرگة گلبي خلتني الزمه وبوكسات وين اليوجعه حتى خشمه نزف دم ...

جوري .. عزه ليش ولك ...

حسن ..جر نفس وكمل بقهر... مو ابوج الافندي تعرفي شصير ميصير يحجيله وهو ضاهر كايله عليكم وع صار ولمن اجيت وكعدت وابويه خابرو وطلع جا شيكلي ...

جوري ...عقدت حواجبي ... اي شيگول ..

حسن ... اختك اذا صدك تتطلك اني اخذها واتزوجها تفيدني غير تخبل وصاكه ...صك سنونه ...هو هيج كلي لزمته من ياخته كبل وضربته بوكس وتعاركت ردت اكله بسنوني نذل ...

جوري ... لطمت على صدري ... عزه العزاني كون اموت واخلص ياربي منين اجتني هل بلوه معايزيني غير اكرم الفگري ابو الوصخ عيعع شلون شكولات الله يذب عليه ...

حسن ...يمعودا سكتي لاتحجين هيج عرفت شلون أئدبه لهذا لحيوان ولج الي يقهرني اكثر اروح احجيله لابويه ميصدكني ذاك النذل خوش يمثل دور الفقير وشاب الصالح وغاسل مخ ابويه ...

جوري .. طبعا هذا صاحبه هو الروح والريه مصيدگ احد الا يشوف بعينه ... اجت ماما جانت نايمه....

ام جوري... هلا بنتي ..

جوري .. هلا مامامي ...جنه كاعدين بلمطبخ وهيه تسوي كهوه ...يمه عرفتي بلي صار ماحجيتلج شلون عمتي زفتني زفه واني اخذت قرار مارجع بعد....رأستن امي عاطت بيه فزيت على صوتها وفتحت اعيوني ...

ام جوري... لج ثوله انتي هم مدري شلونج شنو ترجعين ترى اذا ضلين هيج مراح تعيشين لازم تتحملين وتصبرين ويه رجلج مو ع كلشي وجيتي زعلانه امي ميصير تره المراه بدون الرجال متسوه فلس ...

جوري .. عشتو علساس شلون عيشا ويا ...

ام جوري.. كيفج لاتصدكين بس شوفي الايام شلون راح تثبتلج ...

جوري ..حجيت بقهر ...ماما مشفتي شلون يكتلني ويئذيني وكل هذا تكليلي مامتحمله قابل حيوان اني وبس يضرب ويتأمر وبس يلكه زله عندا يوم عيد يطيحلي حمس وين اليوجعني ...

ام جوري ... تستاهلين الضرب لان انتي متجين اله بلعين الحمره من قبل لاتزوجين اله اكتلج يلا شوي جرين عدل وع طول جنت اكلج الله يساعده الي ياخذج تذكرين لولا ...

جوري ... باوعتها صفح وضحكت ... اي اتذكر وجنتي تكليلي هسه طلعيله كرون للرجال ..

ام جوري .. اي شوفي تعرفين نفسج يمه انتي جاي تكبرين يعني مو صغيره حتى واحد يكعد يعلمج هذا رجلج اهم شي هو عندج اذا شوي فكرتي وفتحتي دماغج هذا راح تشوفين شكد يصير زين وياج سايسي لا تراددي وهوا يگوم يحبج ...

جوري ..خليت ايدي على خدي واستمع الها ضلت تحجي وياي وتنصح بس اني جنت اضوج من النصيحه وحتى ماما احسها مو وياي تطبك ويه علي وعيالي وبعدين حتلو اني جنت ع غلط اشوف نفسي اني ع صح وماقبل احد يحجي عليه ويتفلسف براسي كان من يكون اهم شي رائيي وبس ...

دك موبايلي رفعت راسي .. ماما ابن الحلال دنسولف بي وخابر جاوبته واني ضايجه ... تفضل شرايد...

ماما كبالي خنزرتلي وحجت بصوت ناصي...

ام جوري.... لج ثولي احجي ويا عدل....

جوري ...وهو كلي بصوت عالي ...وين انتي شلون تطلعين ...

جوري ..گلبت عيوني وحجيت ... يعني وين قابل اني بيت اهلي ماگتلي شرايد ورجاء لاتصيح طرشت اذني ...

علي ...بعصبيه ...نوب تشرط بلله شكو موليه وماكتيلي ...

جوري ...تنرفزت ... اهوو تره مو بعيدين اهلي بصفكم ليسمعك يكول رايحه لغير قارة ...

علي ... دنجبي وتعاي يلا علسريع اريد بلمح البصر اشوفج بالبيت ...

جوري ...رمشت اعيوني ..احد گلك اني الجني مالسليمان عشتو بلمح البصر ...

علي ...جوووري لاااتطلعيني من طوري بسااع تجين لو استخدم غير اسلوب.

جوري ...رديت عليه بعصبيه .... والله مارجع بعد ولاا اريدك ....عاط بيه ...

علي .... ترجعين وغصباً ماعليج فااهمه ..

جوري .. خبل مو صاحي سد الخط ضليت اتئفف حجت امي ...

ام جوري ...لج تالي وياج شنو هيج تحجين ويا وتكولين ليش يضربني ومايحترمني.

جوري ... هو بسببه واني زعلانه عليه ماما انتي تعرفين احبه واموت عليه بس هو بسبب تصرفه وياي خلاني هيج اتعامل ويه خبلني ...

ام جوري... والله انتي تزيدين طين بله اني حجيت وياج بما فيه كفايه وبقت يمج ويلا هسه لاتتاخرين ع رجلج لبسي عباتج وروحي. .

جوري ...ضربت رجلي بالگاع ... ماروح يعني ماروح. .

ام جوري....ولاترحين وشوفي تجي بيبتج وانتي وياها تصافو بس هي دواج ...

جوري ... استغفرالله نوب تكلها بيبي وهاي هم تستلمني عايزني بس هيه رحت بتعب لبست عباتي ورجعت لكيت البيت هدوء كلهم طالعين بس علي موجود شافني....

علي.... برود... سويلي اكل جوعان اطب اسبح اطلع الكه الاكل جاهز ....

جوري ...كلت بكلبي طبعا خابرتني علمود مصلحتك وتخدم عليه اصلا معتبرني بنگلادش بس للشغل مزوجني حضرته حجيت بعصبيه .... عيني شتريد اصيرلك سوبرمان بلحظه لاكل جاهز اعذرني اني مو بطل خارق ماكدر .....

علي ...بعصبيه .... اني شحجيت ماعيد كلامي بعدد خلي اطلع وشوفي ..

جوري ... وطب للحمام رحت للمطبخ نوب احتاريت شسوي اكل نوب حظرته يريد بساع رحت للثلاجه طلعت كبه من المجمده سويتها تكلا واخذت بتيته واكفه ع كاونتر و اكشرها طلع هو من الحمام جان لالبس بس شورت والمنشفه ع راسه لفت انتباهي مزين ومسوي شعره ولحيته مخففها فتحت اعيوني اويلي شطالع غير يموت ضليت اباوع عليه وسرحانه بي شوي وتذكرت سوا بيه بارحه نزلت راسي بحزن ولميت شفايفي بزعل اجه يمي تقرب نوب عطره يبو يكتل دوخني بي ....

علي ... مو كتلج اطلع الكه الاكل جاهز اتقربت منها وخليت حنجي على جتفها وايدي على خصرها سحبتها لحضني ...

جوري ...وكف ورايه جسمي كزبر وخله ايده ع خصري وجهه يم ركبتي تخردلت من يمه وجان يهمس ..

علي ..بخدر ...بعدج زعلانه ...

جوري ..هزيت راسي حتى ارجع لوعيي الحقير عرف شلون ينومني مغانطيسي ويسحبني حسباله راح اجيت ببحضنه جريت نفسي و كتله.... اي دوخر عني اووف شبيك ... حصرني حيل ع كاونتر وخله راسه برگبتي ....

علي ...ابتسم بمكر ... شنو شكلتي ترى ماسمعت عيدي ..

جوري ..عصرني من خصري كتله... آآآي تره جاي تئذيني لامازعلانه بس عوفني... دارني عليه اني ماباوعته منزله عيوني للكاع عود بايعه ثكل عليه وزعلانه اصير اني ام راهي ..

علي ..بوياي زعلانه شو باوعلي ...

جوري ...خله ايده ع حنجي ورفع راسي اجت عيوني بعيونه قرب عليه واخذ شفتي بكل رومنسيه اني دخت وهوا سحبني اكثر لحضنه وعيت على نفسي و كمت ادفع بيه و خايفه احد يطب علينه وخر عني وهوا يتنفس سريع ... شبيك هسه يجون اهلك ويشوفونه...

علي .. واذ خلي يشوفنه حلالي وبكيفي ...

جوري ..رجع اتقرب خليت ايدي على صدرة وكفته... ااوي علي خلي اكمل شغلي يوو نسيت الكبه عزه هسه احتركت رحت اركض عليها وصدك اشوفها محتركه باوعتله ... شووف كله من وره سوالفك شصارت كبه ...

علي ... ههههه عادي سوي غيرها ...

جوري .. طبعا شهامك انته ..احجي وافر بلجفجير نوب اجه يمي اخذ من ايدي الجفجير وذبه ع طباخ وسحبني لحضنه وعصرني بحضنه ... يعني شلون مراح اكمل اليوم انته مو علساس جوعان وخابصني... غمزلي وعض شفته ...

علي ... اي جوعان واريد اكلج امشي وياي شوي للغرفه عندي شغله وياج ...

جوري ... بهل اثناء ينفتح الباب عزه ويشوفنه اخو محمد بسرعه ابتعدت عنه وهو هم عافني ..

محمد .. احم احم ..

جوري ..اني مدري صار بيه ارتبكت وصرت حمره متت خجل عبالك مسويه جريمه اباوع علي ولاهتم عنده عادي صعد للغرفه واني كملت الاكل وصحتله اجه اكل رجعت عمتي من الدرس...

يسر. .... باجر اكو قرايه بيت عمي ..

جوري .. جان بوكتها وفاة ام البنين عليها السلام ومسوين مجلس فـ رحنه يمكن اني لاول مره اطلع بمجالس من دخلت وشفت كومه نسوان كلش استحيت وحتى كلشي ماحجي ع كد سلام كعدت يم عمتي وبدتت تقره الملايه بعدين لقت محاضره بينه طبعا اني جنت ماحب استمع لهاي محاضرات مال دين وديانه بس بذاك اليوم مدري ليش الله هداني وخلاني استمع للمحاضره ولاول مره صارت تحجي ع الي ميصلون وع وكتنه. بصراحه محاضرتها كلش ائثرت بيه وخاصتن من جانت تحجي عن صلاه وعواقبها الي ميصلي اني جنت ماصلي ع طول يوم اصلي وعشره ماصلي ابد مامتلزمه وحتى قران ماقره جنت دائما سماعات والاغاني وركص نكدر نكول غارتني الدنيا بس لمن سمعت بديت احس بغلطي وخفت الله يعاقبني بدت تقره مليه ع ام البنين صرت ابجي ونخيت ام البنين كون تقضيلي حاجتي وتدلني للطريق الصحيح....

رجعت للبيت واني افكر بكلام الملايه وصافنه اخذت قرار ومن وجاي التزم بصلاتي واقضي الي فااتتني صرت كل ماكعد وحدي بغرفتي اصفن واتذكر شنو جنت اسوي لمن اتذكر الگه كومه اخطاء عندي وماحسه بيها بعد مرور اسبوع كامل واني صلاتي كلش التزمت بيها واصلي باوقتها وقران وسوره مريم ع طول اقرها بنية الحمل بهل فتره صدك خليت ايماني بالله واهل البيت...

.. وهنا دخلنه بسنه 2017 وبدايه شهر 1وجو كلش بارد كعدت الصبح ساعه 7 اسوي ريوك لـ علي سويت مخلمه بس بمجرد اشتميت ريحة البيض رحت اتقيئ واذب من راسي لعبت نفسي حيل وماعرف شبيه نزل علي...

علي .. وينج متتريكين وجهج اصفر ..

جوري .. لا اتريك انته ماريد ...صعدت لغرفتي واني تعبانه حيل حسيت بدوخه كلت اكيد هاي هبط ضغطي رجعت نمت ومادري بنفسي لل12الضهر حسيت اجه علي شافني...

علي .. جوري شبيج شو صايرا صفرا حياتي شي يوجعج ..

جوري .. مادري تعبانه وراسي موتني ..

علي .... خاف مريضه...

جوري .. خله ايده ع كصتي واشوف بعيونه قلق ...

علي .. هاي انتي مصخنه ....

جوري ... اي وضغطي هم يمكن هابط...

علي .. هسه اجيب مقياس الضغط اشوفلج ...

جوري...راح جابه واجه شافه وفتح اعيونه ..

علي .. ولج هواي هابط ضغطج يمته زين راح انزل اجيبلج علاج بس انتي صدك لهسا ماكلتي شي ميصير بابا....

جوري .. اي جوعانه وعاجبني كباب اذا تكدر تجيبلي ....راح جابلي كباب لفتين اكلنه اني ويا اشو بس اكلت صار عندي لعبان نفس نزلت للحمام وهم رجعت اذب من راسي نوب داصعد الدرج وصلت لغرفتي وهنا وغوشت عيوني صرت كلشي ماشوف نغمه عليه وماحس اله اني بلفراش وعلي يمي خايف لزمت راسي من وجع ...

علي ...بخوف وقلق ... متكليلي شبيج خبلتيني بس شفتج واكعه اجيت ركض شلتج واذب عليج مي ومتحسين ...

جوري ... على ماعرف شبيه احس روحي رايحه ..

علي .. هسه انزل اجيبلج الدوه مخلي جوه ..

جوري .. ماشي..

علي..نزلت اخذ العلاج مال صخونه شافتني امي...

يسر... اكول اشو اليوم مرتك مانزلت تنضف البيت شنو حضرتها ماخذا اجازة ..

علي ... والله يمه مريضه ونايمه بلفراش حالتها حاله ..

يسر ... يا وهاي الها علاج ...

علي .. لعد المن قابل ..

يسر... علي لاتاخذ بكيفك روح اسالها بالاول خو ما فايته عليها...

علي ... لاماعتقد ..

يسر ...مو بكيفك ليش مو جانت دارجع عند دكتوره وهيج ويطلع عندها حمل مرتك مطفيه ادري بيها روح اسالها وتعال كلي...

علي ..شمفهمني بهاي سوالف على كلن اسئلها ....صعدت وكتلها... صدك ارد اسالج ..

جوري .. اسأل شنو..

علي .. نزلت هذا شهر لو لا ...

جوري .. بس كلي عليها فتحت عيوني متفاجأة... يااا صدوك شلون ناسيتها شوفلي شكد بلشهر اليوم....

علي ... 17\1..

جوري ..ضربت كصتي...اووف غير نسيت مو دكتوره اذا تفوتج ضروري تحللين...

علي .. ليش شوكت اخر مره شفتيها...

جوري ... 3 بلشهر اوكف خلي احسب كم يوم وصرت احسب كتله 15يوم الها غايبه هو فر بيده معاجبه ..

علي .. نيالها الامي على فهاوتح ...

جوري ... كام ونزل وحجالها امه واني بقيت صافنه تذكرت حجي دكتوره من كالتلي احتمال يصير حمل بس مجنت اصدك او اعتقد بكلامهن ابد ولا جنت مخليه بالي انو ممكن يجي يوم وارجع احبل سبحان الله تجي لاعلى البال ولاعالخاطر ...

. علي... يلله كومي بدلي وخلي نروح نسوي تحليل...

جوري .. بس كلي ع تحليل وجعتني بطني حسيت بخوف ماريد اسوي خاف مثل كل مره يخيب ظني ويطلع ماكو حمل لزمتني العبره واختنگت انتبه علي ..

علي .. جوري شبيج مو كتلج كومي...

جوري ..عصرت الحاف بقهر وحجيت گوا العبرا خنگتني ... علي خايفه خاف اروح كلي أمل وارجع محمله بالهموم ... جا كعد بصفي لزم ايدي بحنيه ..

علي ... اخذ نفس عميق ... كولي يالله انشااءلله خير...

جوري .. زين انته احساسك شيكلك اكو حمل لو لا.....ابتسم وغمض عيونه رجع فتحهن وباوعلي وسولي حركه براسه بمعنى اي اكو غرغرت عيوني بلدموع كتله...... صدك معقوله يصير عندي حمل يلا نروح بلكي يطلع احساسك بمحله ...رحت بدلت وهو نزل يشغل سياره اني كملت ونزلت واشوف مريم مرت اخو واكفه وشكلها ضايجه وتحجي ويه عمتي...

مريم ... جوري حامل وماتحجون النه شنو قابل نحسدها ...

جوري ..تحجي وتفر بعيونها كلش نضغطت من سمعت عمتي متقبل تنطيني علاج شكت عندي حمل ونزلت تسال وعمتي ردتها ..

يسر ... لا بعد راح تروح هسه تسوي تحليل بلكي الله وتطلع حبله ...

جوري ... فـ اني رحت ليمهن وكتلها عمتي... يلا باي عمتو رايحين ...احنه باوعتلي مريم صفح حسيتها ضاجت حيل راح المهم طلعت للسياره ... علي ماريد هنا بلمنطقه نسوي تحليل...

علي ..عقد حاجبه ... ليش ...

جوري ..بأسى ...صراحه ماتفائل بيهم كل ماسوي يمهم تحليل ميطلع حمل فـ شتكول نطلع خارج المنطقه بلكي هناك يكعد حظنه ..

علي .. هاهيه نتوكل نطلع للمختبر منذر ...

جوري ... اي عادي اباوع ساعه جانت 4العصر دخلنه للكراده ومناك طلعنه ع ساحة النصر بس جانت الشوراع كلش مزدحمه بسبب الاوضاع وصلنه تقريب ساعه 4ونص دخلنه للمختبر جانت كومه عالم واكفه ولازمه سره ..

.. علي شنو سالفه حتى هنا انتظار اووف الفضول قرا ألف ...

علي ...اباوعلها وجها اصفر ومتوترا لزمت ايدها ... هسه نشوف صبري ولاتخافين اوگفي هنا اروح اسال الولد بلكت يمشينه ...

جوري ..ابستمت خفيف ... ماشي.. رحت كعدت جانت اكو كراسي خمس دقايق ورجعلي سهل امر...

علي .. يلا كومي..

جوري .. شلون مشيتها ...

علي ... بس كتله نريد تحليل حمل تكدر تفوتنه هسه كال اي عادي بس تحليل ساعه كامله يله تطلع النتيجه ...

جوري ... ميخالف بس فضها بس اويلي ساعه هواي ياربي شيصبرني.... دخلت وسلمت ع ممرض ..

خويه كعدي هنا ..

جوري ..جاب ابره وشغلات بتوتر .. عادي تحسبلي دم من جف ايدي...

ممرض .. لا هنا تتئذين من فوك ايدج احسن..

جوري .. بس هنا وريدي مايبين الاغلبيه من يجون يسحبون مني دم ميلگون عندي ...

ممرض .. ههه لا يمعوده قابل ياهو ليجي يعرف يسحب دم ..

جوري ..كلت بداخلي ايباااه شكد متواضع ...

ممرض ..شو انطيني ايدج ومعليج...

جوري .. اخذ ايدي وضل يدوس بيها..

ممرض .. هياته الوريد ..

جوري ...دخل الابره واني درت وجهي وغمضت اعيوني اخاف من الابره وكلش اتئذه ...

ممرض .... شبيج جبانه لاتخافين هاهيه خلصت

جوري .... سحب الابره مني اباوع ايدي صارت حمره وطعنت بساع ... ليش هيج صار بيها ...

ممرض .. عادي ايدج حلوه بيضه ونوب صارت حمره ..

جوري...حجه وغمزلي فتحت عيوني ع وسعهن وكلت بداخلي عزه بعينه هذا جاي يشتغل لو يتغزل
طلعت من المختبر ..

ممرض ..انتظروساعه لما يطلع التحليل ...

جوري .. علي امشي نفرفر بلسياره اضوج من الانتظار والفضول ياكلني .. عاد طلعنه للسياره افترينه بشوارع بغداد رحنه للمنصور وللاعظميه والجو جان كلش قارص من البرد كل شوي وعيني ع ساعه يمته يطلع التحليل وعمتي كل شوي تخابر..

يسر .. علي ها بشر طلعت النتيجه ..

علي ...يمه رحمه ربج حرگتي الموبايل بالاتصالت ..

يسر ...وسم غير اسأل وضل بالي ..

علي ...تنهدت بتعب ... لا و بعد مرور ساعه ولاتخابرين من تطلع النتيجه اخابرج ...

جوري ..خلصنه و توجهنه للمختبر واني كلبي يدك الف دكه ماحجيلكم القلق والخوف الي عندي طبك السياره ورجلي صارن شثگلهن ...

علي ...راح انزل اجيب التحليل انتي ابقي بلسياره ..

جوري ... ماشي....نزل علي واني ضليت ادعي من الله كون يطلع حمل. ...

علي..نزلت للمختبر كتله.. ممكن تحليل طلع لو لا ...

باسم منو ...

علي ...بأسم جوري ...

..ثوان واجيبلكيا ..

علي ...اني واكف هاي ثواني عبالك صارت ساعات شوي واجه سلمني التحليل كوا بلعت ريگي كتله... ها اكو حمل لو لا...

..كلي اي اكو ومبروك...

علي ... هو كلي لو اني ماصدكته يعني وتوترت وماعرف شحجي لو شصرف ..اكيد اكوو ولاداصدك ياربي الف الحمدالله ...

ياخويه لعد قابل اجذب عليك...

علي... ابتسمت.. هاهيه حبيبي مشكور ...طلعت من المختبر واني الفرحه ماوسعتني....

جوري ...اني كاعده وانتظر علي ع نار احس راح اتبخر من كثر التفكير دقايق واجه ركب سياره خله تحليل بحضني باوعت على عيونه بيها لمعه فرح حجيت بغصه ... ها علووش بشرر ...باوعلي وابتسم..

علي .. هههه اي اكو الف مبروك عمري ..

جوري .. وكعد حجالي من استلم تحليل اباوعه وابتسمت بفرحه والعيون تلمع بلدموع خله ايده فوك ايدي وضحكلي...

... علاوي تره بعدني مداصدك انزل اعيد تحليل معقوله اني حامل بعد انتظار خمس سنوات الف الحمدالله بس اوصل للبيت اسجد سجدت الشكر.....

..اباوع السما صار وقت الغروب اخذت نفس عميق وكلت الحمدالله. هنا ودك موبايل علي امه تخابره خطيه هيه هم جانت تنتظر الخبر جاوبها ...

يسر ..ها يمه مطلع تحليل ...

علي ...بفرحه .. اي طلع ..

يسر ... اي يمه عااد بشرني اكو حمل ان شاءلله..

جوري .. طبعا اني جنت اسمع صوت عمتي تحجي ومخنوكه عبالك تريد تبجي...

علي ... اي حاااامل..

جوري .. هو كلها حامل لو اسمعها تهلاهل وتصلي ع محمد ..

يسر ... رايحه اكصد لموسى ابن جعفر جان نذر عليه بس اسمع وحده من نسوان ولدي حبله اروح اقصده موسى بن جعفر يمه كولها لمرتك هم من تنزل من سياره ع كيفها ومن تمشي همين رحمتك ربي ...

علي .. ماشي يمه الله وياج

جوري ...صرت اسمعها وابجي صدك بلحظتها اجتي بالي مرت اخو هم صارلها عشره سنوات ماعندها باوعلي ...

علي ...كافي تبجين ياعيني ...

جوري ...واني اشهگ ..علاوي كون الله يفرحهم لـ اخوك ولمرته مثل مافرحنه ويفرح كل محروم بحق هاي الغروب باوعلي وابتسم...

علي ... انشاءلله حياتي مثل مافرحنه يفرحهم ...

جوري... وصلنه للبيت ونزلت من سياره وهو يمشي وياي ولزم ايدي ويكلي ع كيفج امشي جان كلش خايف عليه وعيونه مليانه فرح أول مدخلت للبيت عمتي شافتني وضحكت...

يسر .. بنتي ان شالله تكومين بسلامه وديربالج ع نفسج...

جوري .. حجيت بداخلي اي عيني من شوكت تكليلي ديربالج ع نفسج مخايفه عليه ع الي بطني كتلها ... انشاءلله... داصعد الدرج جان تعيط بيه...

يسر ... وين لاتصعدين من وغاد تنزلون جوه تنامون مو مثل اول متزوجتي وحبلتي ومن درج وكعتي هلمره ممنوع ...

علي... يمه خليها تصعد ع كيفها ماعليها شي انشاءلله..

يسر ... علي انته اسكت هلمره خليها عليه ماخليها كلشي تسوي اهم شي تجيب طفل بسلامه وكون يطلع بيها ولد انشاءلله....

جوري ... عمتي تحب الولد وتكول فرحة الولد مو مثل البنيه .. رجعت باوعتلي...

يسر ... عيني بعد حلويات وحبشكلات نوتيلا ببسي كلها مننوع موزين ع طفل فهمتي مو كلشي تاكلي وسونر ودكتوره مترحين هسه فد اربعه اشهر طلعه طبه ممنوعه حتى اهلج مترحين يشتاقولج همه يجون عليج فاهمه لو اعيد...

جوري ..فتحت اعيوني وهي تعد بأصابعها يعني كلشي ممنوع.... بسس عمه.... بسرعه قاطعتني وكالتلي ...

يسر ....لابس ولاشي عليه گتلج ....

جوري .. اني هنا طنگرت ضاهر عمتي راح تشد وياي وراح تقيدني هذا ممنوع وهذا ممنوع نزلت دموعي. عمتي صاحت ع مروه ..

يسر ... نزلي ملابسهم وكالت لـ علي نزل اثاث غرفتكم جوه...

مروه...لعد واني وين انام بعد...

يسر ... صعدي انتي بغرفتهم وهمه ينزلون مكانج بس تجيب كلمن يرجع مكانه....

علي... ياأمي بس غرفة مروه صغيره متكفي واثاث غرفتي ضخمه وين اخليها ع راسي...

يس. ... يلا مو مشكله احنه نتحول بغرفة اختك وانتو كعدو بغرفتنا واختك تصعد فوك..

علي .. هاهيه ماشي...

جوري .... شافني علي ابجي وعقد حواجبه ..

علي ... وشلون وياج ضلين تبجين ...

حوري ...بس خليني لعد اصعد ابدل شنو ابقه بل عبايه ترى مصايرا امك تتحكم لهدرجه احس راح اختنگ ...

علي ...غير علمودنا وتخاف عليج وهسا امشي صعدي ع كيف بس هلمره قبل لاتشوفج امي وسوي سالفه وراسي يوجعني ..

جوري .. ماشي... صعدت وراه ع كيفي بعدني موصلت باب غرفتي جان اسمع مريم تبجي وتعيط ومهند يتعارك وياها اسمعها تكله ....

مريم ....بس اني حظي ماحبل واجيب ...

جوري .. صدك كسرت خاطري بس بنفس وقت خفت ع نفسي هواي قريت معوذات بداخلي وطبيت لغرفتي شفت علي جاي يسحب بلغراض الغرفه اني رحت فتحت الكنتور طلعت دشداشه حته ابدل وبعدين صعدت مروه وشافتني ضلت باوعلي من فوك ليجوه وتهز بيدها باوعت ع لبسي جنت لابسه بنطرون اسود وبدي احمر وبي كلو من وره والجو جان بارد لبست فوك البدي قمصله السوده بين ماحضرت غراضي والملابس طلعتها ...

مروه.... حبيبتي بنطرون ممنوع بعد تلبسي وانتي حامل يصير ضغط ع الطفل....

جوري ... ها صدك ...عود اني هم صدكتها وخفت لان اول طفل ... هسه اروح البس دشداشه.. اخذت ملابسي ونزلت للحمام ابدل. بين ماطلعت لكيت غراضنه جوه محمد اخو هم صعد ينكل بلغراض خطيه نزلو اثاث غرفتنا جوه بعد مرور ساعتين خلصو كلشي...

.. تذكرت امي كلت اخابرها وابشرها اخذت الفون دكيت ع فايبر شوي وجاوبتني....هلا مامي شلونج...

ام جوري ... هلا يمه جوري نتي شلونج...

جوري ..بحماس ... عال العال ...

ام جوري...من صوتج فرحانه صاير شي...

جوري ...هههه اي عندي الج خبر ...

ام جوري ... خير انشااءالله...

جوري ...ماما حللت وطلعت حاااامل...

ام جوري ...مصدومه ...كالت شنووو لالالا تشاقين..

جوري ... لا مداشاقه وللله صدك ...

ام جوري ...اخذت نفس وكالت... الحمدللله يايمه فرحتيني كومه نذرت وكومه اندعيلج والحمدالله فرحني يلا حبيبتي اخذي راحتج واني اروح اوزع خبز العباس دخيله واصلي ركعتين ل ام البنين وكل نذور ان شاءلله اوفيهم بس تجيين بسلامه واشوف طفلج كبالي....

جوري ... اني ضليت ساكته اسمعها وابجي اخر شي كتلها... ماشي ماما ...بصوت مخنوك نهيت الاتصال ومسحت دموعي وكل شوي واكول حمدالله شكد ماحمدالله وقليل....

مرت الايام وعيالي وزوجي هواي جانو يخافون عليه جنت ع طول نايمه ع ضهري ماتحرك حتى مليت من الكعده جنت اريد بس اخلص شغلي وارتاح هسا لا مليت ونكسر ضهري من النوم وبس ابجي حالتي نفسيه كلش تعبت...

.. بهاي الفتره مهند حمايه اشتره قطعه ارض مرته ع طول توز بي تعال نطلع بيت وحد وماعلم هيه عدها شقه فوك وعازله نفسها بس كل هذا ومعاجبهه تريد تطلع بيت وحد وفعلا مهند مقصر وياها اخذ قطعه صغير يمكن 100متره باع نصها 50 وبنه ب50علمود يكدر يبني البيت. وبعدين هو جان مقدم ع تعين طلع التعين مالته وصار عسكري استخبارات....

.. صحيح جان ماعندهم اطفال بس الله معوضهم بغير شي صار عندهم بيت ومهند توضف وحالتهم احسن من حالتنه. اما علي ترك الشغل اصلا هو عامل جان ويه نسيبهم زوج زينب. قرر يفتح محل غذائيه بمساعده من عمها زينب ابو زوجها...

المحل باسمه والغراض الي بي كلها من عنده كله لعلي اشتغل بلمحل ونص فلوس اله والك. نكدر نكول شراكه صارو. ..

..علي يوميه يروح للمحل يطلع الصبح يرجع لليل جان كل وقته بلمحل. يوم منهن علي راجع من محل وابو كله...

ابو علي.... اخذ اخوك محمد شعنده كاعد واتعاونو اذا هو بنهار يطلع انته بليل اطلع وانطي شكد مايطلع من عندك ..

علي ...هاهيه يابه خلي يباشر من باجر لان صدك يابه حيل تعبان من المحل ويحتاجله شغل هواي...

ابو علي... اي هسه احجي ويا والله كريم...

جوري .. اني جنت نايمه بلفراش صخنت هواي وصار عندي سعال متت موت وعمتي لاتقبل اروح دكتور ولادكتوره. ...

..سمعو بيه العالم اني حامل كلها كامت تتصل بيه وتتباركلي عمتي اسيا درت اني مريضه تخبلت تكول يمته زين هيج انتي حامل ومريضه خابرت ع عمتي..

اسيا ..بنترا ... امشي روحي وديها حيري بيها كاعده وتتفرجين عليها شنو الابنيه مريضه مو زين لا عليها ولا على جنين ...

يسر ... ماعليها شي بناتي كلهن تمرضن وفلاونزه وهنه حبل ولااخذن علاج ولاراحن دكتور يعالجن نفسهن بلاشياء الطبيعيه عصير برتقال واذا مصخنه تروح تغسل مي بارد بس هاي جوري الله يسلمها راسها راس عنوديه شگلها متقبل لاتقبل تاكل لاتقبل تشرب لاتقبل تغسل مي بارد شسويلها مادري ...

اسيا ... نصيحيتي ام مهند اخذيها وروحي لبيت الجواهري صدكي تشوف عافيه وخلي تنطيها صيد يحفظ الجنين اذا متقبلين ع دكتور وديها الهم..

يسر ... الله كريم عيني وسدت الخط...

..لليل بيبي اجت عرفو بيه مريضه خطيه جايبه وياها فواكهه وحليب وتكول شربوها حليب تصير زينه. طبعا هيه جانت بلمطبخ تحجي ويه عمتي بس اني داسمعها اجت ليمي ...

بيبي .. شلونج يمه ...

جوري ...هلا عيوني بيبي انشاءلله احسن...

بيبي ... ليش نايمه بلفراش ع طول كومي شوي اتحركي غسلي ايدج رجليج لاتجلب بيج فلاونزه...

جوري... گوا احجي ...بيبي مابيه حيل تعبانه والله...

بيبي ... لعد شلون باجر ناخذج لبيت جواهري..

جوري .. ماروح فدوه بيبي ...

بيبي....بأمر ... لاتجين حته طيبين..

عمتي باوعتها بيبي ومتفاجاه..
يسر ... يمه عوفيها اني ماقبل تطلع من بيت مصدكنه كوه حبلت ونوب تمشي الجسر مسافه طويله عليها. ...

..جاوبتها بيبي وليش هلكد خايفه عليها يمه معليها شي موسى بن جعفر هو يحفظ الي بطنها وهيه رايحه للدوه مو لغير شي ...

بعد تعرفون بيبي وحجايتها الحلوه تعرف شلون تقنع الواحد. خلتها عمتي تسكت بعد متحجي شي.نوب سولفت ع عمي محمد ابو رضا لان هم فقد اطفال2 وبس راحو بيت جواهري الله رزقهم وعوضهم بطفال 3 ضلت تسولف و شوي وكامت بيبي ترخصت...
وكالتلي لاتنسين باجر الصبح ساعه 8 تتحضرين حته نطلع..

كتلها انشاءلله عيني بيبي نسوي عليج زحمه...

كالت لا حبيبتي تدللين كم جوري عدنا ..

وراحت بيبي اجه علي ساعه 11بليل واسمع عمتي تكله...

يسر ...يمعود احجي ويه مرتك متقبل تاكل ولاتكوم تغسل هاي هيج راح تزيد صخونتها..

علي .. .. هسه اخليها تاكل وتغسل بس سكتي يمه لان تعبان وراسي حينفجر من الوجع ...

يسر ... يا ولك خاف نعيدت من مرتك وراح تتمرض يبوو هاي عين وماصابتكم اروح انشر الكم حرمل وضلت تسوي قل اعوذ برب فلق. ..

اجه للغرفه علي شافني ...

علي .. ليش متاكلين ..

جوري ... والله ماشتهي ونفسي حيل تلعب لاضغطون عليه فدوه ...

علي ... وزين ليش متكومين تغسلين ايدج وجهج حته تفكج الصخونه باعي شكلج شلون اصفر ..

جوري ..ماكدر ابرد هواي واضل ارجف ومنه شوف ايدي ماگدر احركها ...

علي ...المي هو احسن ويلله حبيبتي يلا كومي لخاطري....

جوري ..... نزلت دموعي كتله والله ماتحمل والمي بارد حيل ...

علي ..بحنان .. ميخالف داكلج لخاطري كلشي اتحملي ويله

جوري ...أجه ليمي وكلي انطيني ايدج خليت ايدي ع ايده وكومني من الفراش ومشاني وصلنه للحمام فتح الباب دخل قبلي جاب الطشت وفتح البوري مي بارد ترسه ..

علي ... تعاي خلي رجليج ...

جوري .. رحت گعدت وكوه خليتهن وبس اشهك واكوله اشه بارده ..

علي ...لميت شعرها بالقراصه واشوفها صاكه سنونها ترجف جريت نفس ورحت شلت صوندا ..

جوري ..نوب جاب الصونده وفتح الماي واخذ ايدي وغسلياهن وذبلي ماي ع وجهي واني هنا جمدت وصكت سنوني وگوا مسيطرا على رجفه وابجي... بسس فدوه راح اثلج تره ...عاد شوي وسد الصونده ...

علي ...يلا كومي ...صحت ع مروه... سوي عصير برتقال بساع ...

جوري .. اني رجعت للغرفه ركض وندحست بلفراش وتغطيت لان كلش بردتت ومنا الجو بارد. وهو جان بعده يسبح دقايق وطلع من الحمام ...

علي ...هاي شنو هم رجعتي للفراش بابا كومي امشي كعدي بلمطبخ عوفي للفراش خلي تروح منج صخونه...

جوري ..لميت الفرشه وحضنتها .... ما ما ما خليني هنا مرتاحه موزين كمت غسلت بعد لاتكلي كومي ..

علي ...بعصبيه ...اهوو شلون تعاند مو داكلج كومي يعني گومي ..

اجت مروه وبيدها كلاص عصير برتقال ..

علي ....امشي ودي للمطبخ هسه تجي تشربه ...

مروة ...يعني ليش بلله هو الك لو الها ...

علي ...شبيج مروه غير الها مداشوفيها مريضه.

مروه ... .. ها ...

جوري ...شو هاي ذبيت العصير يمي وباوعتلي صفح وراحت. ...علي ليش كتلها تسوي اصلا ماشرب.

علي ... لا تشربين هسسه دشوف شلون مشربي....

جوري ...حيل ضجت اخذ لكلاص ونطانياه شربت منه شوي ورجعته نفسي لعبت...

لثاني يوم الصبح ساعه 8 كعدت بدلت ورحت لأهلي لكيت بيبي وماما كاعدات... صباح الخير...

ردو صباح الخيرات...

لبسن عبايه وطلعنه اخذنه تكسي كناله للعبره مال كاظميه مسافه قليله وصلنه للجسر نزلنه وهم مشينه عبرنه الشط واني كواا امشي حيل تعبانه ومريضه رجلي احسهن متكسرات وصلنه للمحيط الكاظميه همين اخذنه تكسي ورحنه ليسموهم بيت الجواهري وصلنه لهناك.سلمنه وكعدنه وجانو اكو ناس بس معدودين لن بعد وكت اجت المره سلمت ع بيبي لان تعرفها وكل فتره تجيها فـ رحبت...

. هلا ام يوسف شلونج شلون صحتج...

...بيبي هلا بيج عيوني اذا انتو بخير احنه بخير..

جوري .. شافتني وفتحت اعيونها احس اكو كلام او شافت شي ...

اكالت يحلوه مصار شي عندج بعد انتي مو نفسج الي اجيتي قبل ...

جوري ..اي خاله مره اجيتج علمود الحمل والحمدالله هسه حامل..

كالت صلوات ع محمد يعمري تكومين بسلامه ك تعاي يمي...

جوري ... رحت يمها قرت عليه..

بنتي ...هاج صيد و تلبسي ع بطنج ع طول حته يحفظ الطفل واقري سوره يوسف والصافات والبقره والدخان متركيهن طول فترة حملج..

بيبي ..سودة عليه متشوف عافيه من حبلت لليوم صخونه متفكها...

.. حجيه عليها حسد هوواي حته من اشوفها
اضل بس اثاوب شكد لعد عليها عين راح انطيها هاي الادعيه تقراهن وع العافيه حديث الكساء خلي يمج ماي واقري عليه وشربي..

كناشلها انشااءلله المهم خلصنه لل11 الصبح يلا طلعنه..

بيبي ..عيني ترحن تزورن ونصلي يله نرجع للبيت..

ام جوري ... براحتج عمه.

بيبي ...  بس خاف جوري تتعب هاي بزر نستله شوفي صارت حمرا من تعب ..

جوري ..ابتسمت ... لا بيبي عادي خلي ازور بعد شوكت اجي علما اجيب اصير محبوسه وداعتج للباب ما اوصل ...

بيبي ... هاهيه لعد نتوكل ع الله ...

جوري ...وصلنه للكاظميه مشينه شوي وصلنه للتفتيش جان ازدحام لان وكت صلاة لحد مااجه سرانه ودخلنه للامام زرنه وطلعنه للصحن صار وكت الاذن الضهر صلينه وقرينه زياره وطلعنه دانمشي واكو سوك ع طريقنا فـ امي راحت ع ابو المخضر اخذت سفرجل ..

ام جوري... ولج هذا هواي بي فوائد للحامل ...

جوري ...نبع الحنان بعد اخذت موز وتفاح اشي سامعه زين للحامل تاخذليا ... ماما اياعيني ادري ليش جاي تكلفين نفسج وهذا شنو سفرجل موطيب...

ام جوري...معليج انتي هذا مو الج للي بطنج وبعدين حتى يطلع الطفل حلو وذكي ..

جوري ...باوعتها وضحكت كتلها.. يعني سفرجل يسوي طفل صاك فديتو..

ام جوري .. والله سامعه يكولون حتى الموز والتفاح الحامل شكد متكثر بلفواكهه الها زين وللطفل تعاي هم ناخذ علج بستج هذا هم زين للحامل ...

جوري ..ماما بس هذا ماكله اني ويع بي مروره ومينجرع...

ام جوري...  اسوليجا اني طيب بس اسكتي معليج عليج الصافي...

جوري ..نفخت بتعب ... ماما يكفي وبعد شنو تاخذين راح تشيلين سوك كله ...

ام جوري...  مو داكلج سكتي ...

جوري .. يلا سكتت امري لله ...

  بيبي... ام احمد خذيلها مكرزات وزبيب...

جوري ...يووه ضلن يشترن واني انافخ وتعبانه احس روحي ماعت راحنه اشترينه المهم خلصنه مسواك يمكن ماما لو عليها تشيل السوك وتطلع...

رجعنه واخذنه تكسي كعدت اني بلنص رتبت حجابي وبيبي باوعتلي ..

بيبي.  ولج صايرا حمرة من شمس ..

جوري ..ابتسمت وهذا ابو تكسي اجه ركب للسياره شغلها ورفع راسه وباوعلي من المرايه وفاك حلكه وصافن ...

بيبي....استغفر الله يلا ابني امشي ليش واكف...

جوري ... عاد مشه وهو طول طريق يباوعلي اني اسولف ويه امي ولا متهمه بس ضجت من نظراته وخنزرت بوجهه حتى لايباوع بس ميفيد فـ وصلنه بيبي ماعندها صرافه فلوس وامي خلصت فلوسها للمسواك كتلها.... بيبي اني عندي خرده هسه انطي....

... طلعت من جنطتي 3الالف همه ياخذون تكسيات من الكاظميه للمنطقه ملتنه بس 3الالف لان مسافه قريبه. كتله ...اتفضل اخي هاي لفلوس... مديت ايدي اشو هذا مدري شنو سحب من يمه اخذ فلوس ونطاني وخله ورقه بيدي وابتسم اني هنا ارتبكت ماريد اهلي يحسون قبضت الورقه بيدي نزلت امي وبيبي واني نزلت وراهن وهو وراح نوب كتلني الفضول شنو بلورقه بس شكيت رقمه فتحته وشفت كاتب رقمه ومكتوب اسمه محمود شكيت الورقه ودستها برجليه واستمريت بلمشي ولامن شاف ولامندره  ....

رحت عند اهلي هنا حسيت بحراره بجسمي وحسيت بدوخه لزمت راسي كوة سيطرت لا اوگع .... امي حارره شغلي بنكه...گمت اهفي بيدي ....

ام جوري ...يا ولج هيه مال بنكه كومي سبحي شوي ترتاحين وتبردين هاي صخونه...

جوري...كوا مشيت ودوخه لازمتني رحت للحمام بس حسيت شي نزل عليه شفت نازل مني لون جوزي  متت خوف هذا جوزي هم يسوي اسقاط طلعت من حمام ابجي كتلها ماما لحكيلي راح يروح مني الطفل

يتبع

انثى 💜 ملائكيه

تابعو البنوته وقصصها هواي حلوة شوفوهن

laylashareef0