رواية أخطاء لايُمحيها الزمن الفصل الثاني والعشرون 22 - بقلم أنثى 🪽 ملائكية

انثى 💜 ملائكيه

أخطاء لايُمحيها الزمن

علي.... بغضب وعصبيه..... لج انتي مو مال واحد يسويلج خير هذا صاحبي تحجين عليه باصعب ضروف وهو واكف ويانه وماعافنه ويفرح لفرحنه ويحزنن لحزنه وتره اني مكاعد ع بنك حته تفكرين شلون تسدديهم......

جوري..... ادري يوكف النه ع عيني وراسي بس ليش يروح ع بيت جدي يعني عاف هاي الامه كلها معرف اله همه وحته نسوان خوالي مقهورات عليه ويباوعلي بشفقه لان شافو هيج حالتنه وفوكها راحت مني بنتي اني مااحب احد يجي يستخطيني اكرهه هذا شي تره حته امي مقهوره تكول ليش مكله الابوج جان مقصر وهسه شلون راح تسددهم 8اوراق اهنا اهنا........

علي.... مامتعود اطلب من احد وسجاد اني مرحت وكتله لو ماهو شافني محتار بس لاتضوجين لان نص لفلوس رجعتهن بس اخذت 4اوراق وهذن حاسبهن ويه ماطلبه لسجاد.....

جوري.... اها يعني بعد ميريد منك فلوس...

علي....  لا ميريد لان اني هم اطلبه  فلوس....

جوري....  اها من هيج لعد مترهي ومامهتم.... فريت ايدي شكله بعد شحاجي نزلت وعفته لكيت عمتي تسوي اكل هيه ومروه ومتفقات ع اساس يرحن للكاظم يزورن كلت بداخلي لو اكلهن اجي وياجن صارلي كومه مطالعه بس مكتلهن اكول لو بلجذب يكللي بدون ماكلهن شافتني عمتي....

يسر... تعاي جوري عندج شي...

جوري...... لا عمه كولي....

يسر..... . نضفي الكاونتر طلعي المواعين ومسحي من جواهن مليان تراب...

جوري......  ماشي..... رحت اخذت زاهي والسفنجه فتحت كاونترات وبلشت اشتغل...

يسر.... مروه يلا روحي جهزي نفسج انتي ساعه علما تخلصين حته نروح من وكت....

ابو مهند.... هاا وين راح ترحن...

يسر... للكاظم عليه السلام...

ابو مهن.... اخذي جوري وياجن ليش ضل وحدها بلبيت....

جوري.... باوعتله وابتسمت بأمتنان... وكلت بداخلي حمدالله اكو من يحس بيه.....

يسر....... ياا شلون تجي وهيه اربعين ملتها مطالع خاف تنجبس وموزين عليها...

جوري... .. عمه فدوه منيلج هلسوالف اني مخليتها ع الله مافكر بهل امور......

يسر....  لعد كيفج غير اني علمودج....

جوري... كملت شغلي بنشاط فرحت لان راح اغير جو وازور لامام خلصت شغلي ورحت للحمام اسبح طلعت خابرت علي ونطيته علم انو راح اطلع عاد جهزت نفسي خلال ساعه وطلعنه من البيت  وصلنه للصحن الامام اني مادخلت زرت بقيت بلصحن جنت بعدني نفسه ومنا جان هواي ازدحام عمتي ومروه دخلن يزورن واني كاعده بلصحن بس كبالي المناير الامام ترف وبيها نسمة هوا رفعت راسي ودمعه نجمعت بعيوني كلت دخيلك ياموسى بن جعفر بجاهك عند الله اريد اشوف الراحه بيوم بحياتي تعبتت حيل وماضل صبر عندي مسحت دموعي بيدي وتنهدت بحزن.....

.... ماشوف غير وحده تجي من بعيد وتباوعلي وصافنه عليه اني مهتميت الها شفت اكو كتاب مال زياره اخذته اقره الزياره وماشوفها اله يمي تجي تكعدو ابتسمت...

وكالتلي... شلونج حبيبه..

جوري.... اهلاً وسهلاً..رجعت اقره...

... انتي شلون اجيتي وحدج هيج بنيه حلوه مثلج ميخافون اهلج عليج...

جوري... .. ابتسمت وكتلها... لا خاله مو وحدي ويايه عمتي وحماتي.. اشو هاي فتحت عيونها...

... شنووو انتي متزووجه
.
..جاوبتها اي متزوجه...

كالت... يا بعدج صغيرا زين شنو عندج جهال وصارلج شكد متزوجه بس بصراحه فاجئتيني..

جوري... لا ماعندي وصارلي 6سنوات بس ليش تفاجئتي...

كالت.. ولجج شفتج من بعيد شكد حلوه كلت اي هاي  لابني مصطفى بس مدري ليش هلوليد ما عنداحظ واخطبله.....

..ضحكتلها.. لا خاله لادكولين هيج انشاءلله تلكين الابنيه تستاهله....

... . فدوه گلبج احنه اجينه للكاظم نشتري ذهب شوفي شنو اخذت محبس وكلاده شوفيهن حلوات....

جوري.... بلعافيه خاله تتهنين بيهن...

كالتلي.. تسلمين عيون خاله هسه ابني كمل البيت مالته وجبناله نيشان يعني الذهب ناخذليها تخم كامل وشتريد تدلل علينه.....

جوري َ... . اني هنا جنت مدنكه راسي ع كتاب بس مبتسمه ع سوالفها هسه اني ياهو مالتي حته تحجيلي وبساع ذبت ميانه عزاا خاف مامصدكتني مزوجه وجايه تقنعني باابنها صرت بكلشي افكر..وهيه بقت تسولف وتنفخ باابنها وبنفسها ومتباهيه بلذهب الي مشتريته بعدين شافتني ساكته غيرت الموضوع وسالتني...

وين بيتكم.....

جوري... هنا قريب الكاظم...

هااا جوارين ابو طلبه بس مشااءلله عين البارده عليج دمج حلو ومحبوبه...

جوري... اني هنا صارت خدودي حمر كلش خجلت كتلها.... شكراً...  وجان تطلع مروه وعمتي شفتهم اجني عليه.....

يسر.... يلا جوري كومي...

مروه باوعت للمريه صفح......

جوري... ..ترخصت من المره ورحت وياهن.....

مروه.... ولج هاي منو كاعده تخرطين وياها.....

جوري.....ماعرفها والله اجت يمي وحبيت تتعرف عليه...

يسر... اي وتعرفتن.....

جوري....طبعا.... وصلنه للكشوانيه اخذنه الاحذيه وطلعنه مروه دخلت للعطار اشترت اشيااء زيوت للشعر وماعرف ايش.....

يسر..... جوري اذا تحتاجين شي اخذي...

جوري..صفنت مامحتاجه شي من عطار بس تذكرت يكولون زيت الخروع يكثف الشعر واني فترة الحمل حواجبي صارت خفيفه  سالته موجود زيت لخروع بس اريد خاص للحاجب..كال موجود نطاني واحد دفعت فلوسه ومروه خلصت وطلعنه رجعنه للبيت......

..لليل اتصلت بيه ازهار..هلا حبي شلونج بس جان صوتها مال وحده باجيه...

جوري... الحمدللله شبي صوتج...

ازهار...  تتعاي عند اهلي واحجيلج سالفه...

جوري...  خيرر راح تخلين بالي...

ازهار...  هسه تعاي مو مال موبايل..

جوري... ماشي عشر دقايق واني يمج.. سديت الخط خرب هاي شبيها ضليت نوب افكر بيها بدلت ملابسي ودزيتله لـ علي رساله اني رايحه عند اهلي لبست عباتي وطلعت وصلت وجان اشوف ازهار كاعده وتبجي وامي تبجي وياها خوفني كتلهن... شكوو يمعودات....

باوعتلي ازهار وكاالتلي... راح اطلك من عمار...

جوري... شنوووو.....

.ازهار..... اي جوري مثل ماسمعتي.....

.باوعت ع امي وهيه دك بنفسها وتسوي....

ام جوري .... يم حسن جنتي بوحده صرتي باثنين شلون وياجن انتن زوجتن حتى تستقرن وترتاحن تاليتها يوميه وحدا واكعه بمصيبه عين وصابتجن مايوم ارتاحيتن حظجن مثل امجن ...

جوري ...ترى داحس نفسي مثل الاطرش بزفه غير افتهم سالفه هسسه احجن وكفتن عقلي منين صوج منها منه.....

ازهار ....وهيه تبجي.. جوري ولج غير البارحه بابا خابرني كلي تجين ويانه لكربلاء يدري ب عمار لايوديني ولايطلعني ومن كلي كلش فرحت انو راح اروح كربلا ولمن اجه عمار كتله اهلي راح يروحون كربلا واني صارلي هواي مزايره ومشتاكه خليني اروح....

عمار ... مترحين كعدي وسكتي ..

ازهار ...باوعتله واني ضايجه .... ليش وشنوو سبب ...

عمار ... منو هنا بلبيت يشتغل ويطبخ ...

أزهار ... سهله ع شغل اخلص كلشي واطلع هم عندك بعد اعتراض .....

... والله جوري موتني علما قنع وافق اروح ....

جوري ... اي وبعدين ....

أزهار ....اجه عليه اخويه حسن ورحت بس اتفاجأت لمن شفت محمود صديق ابويه ولا نوب هو الي راح يوصلنه بعد مكدرت احجي شي  طلعنه اني وبيبي وماما واخوتي وابويه طبعا مكانج خالي وذكرناج بس مكنالج لان بعد مطالع اربعينج ....

جوري ...اي عادي هسه كملي يمعودا فتيتي گلبي ...

أزهار ...  اي رحنه ولمن رجعت للبيت واني فرحانه حته نفسيتي ارتاحت اشو وره ساعه رجع عمار عيونه تجدح نار وعصبي تعارك ويايه.....

عمار ...بعصبيه ...شلون طلعين ويه هذا كوا.. ومتكليلي خليتي ليسوه ومايسوه يحجي عليج ولاطلعتي عندج علاقه ويا قبل واني مادري من ساعه سوده زوجتج بيها ولي روحي اهلج لاعرفج ولاتعرفيني واحسبي حسابج اليوم باجر اطلكج....

أزهار...... ولج جووري والله صدمني بقيت اباوعله
وابجي مامصدكه هذا الي حبيته من  كل گلبي طلع  يشك بيه لميت هدومي واجيت لاهلي اني مابقه ويه شخص مايثق بيه.........

جوري ..... باوعتها صدك انقهرت عليها ازهار متستاهل هيج يصير وياها فقيره حيل وع نياتها بعد اختي واعرفها  وبنفس وكت تذكرت علي من سوالي هوسه من مره هم أجيت ويا محمود مشكله هم نكول حقهم يمكن من خوفهم علينه وحرصهم وميردون ناس تحجي علينه وهو الولد سمعته محلوه رغم احنه مشايفين شي منه بس مانعرف ليش هذا كلام يطلع عنه..حجيت بهدوء ...

....حبيبتي تره هذا مو حل عوفي هسه يهدء ورجعي احجي ويا وكلشي ينحل بتفاهم وكون الله يخرس السان كلمن يطلع علينه كلام وحجي موزين بجاه حبيبنا محمد بس هذا شبي رجلج شدعوه يهتم لحجي الناس طزز بيهم كلامهم لايقدم ولايأخر ....

أزهار ....كالتلي جوري هو ميهتم للناس بس لان جماعته جوي كالوله شفنه مرتك صاعدة ويه محمود سا.. لو مااني ويه اهلي  لعد جان سوه  والولد يشهد الله ماشفت شي منه  واني مدنكه راسي بعد شنو بس ضاهر ماكو ثقه بس هاهيه بعد ويا  ونوب ابويه من عرف كايم يغلط ويسب عليه وجا يكلي ابقي بابا ماكو رجعه اله والله لزوجج اغاته محمود يسوا ويسوه دمه هلحقير صاحبي معاشره واعرف شنو اشرف منه.......

جوري ...لطمت على خدي ... عززه يسويها للحظ معايزتج بس هاي.......

ام جوري.... حته ابوجن تره مابقه يمنه رجع لكربلا وقبل لايروح متدرن شسوه  ابوجن هم عصبي عبالجن يعرف تفاهم والله خلاني ابجي مدري ع حالي مدري على حالجن يكلي اني زوجتهن للقهر بناتج كل وحده علتها شي وحده جابت طفل مشوه ومات والله شنو وراثه ولخخ جايتني تريد تتطلك متكليلي شنو هذني بناتج جان يلم بملابسه ويخلي بلجنطه وهو يدردم عليجن بس حيل مقهور تالي عافني وطلع.......

جوري ....صارت دمعه بعيني ...هذا حضنه مدوملنه الفرحه..اباوع ازهار لزمت راسها جانت دايخه اشو فجأه كامت تذب من راسها الى ان شفناها فقدت الوعي كبل اجه عمي صلاح اخذها للمستشفى نوب ضل بالنه يمها وخفنه عليها..مسويلها تحااليل ومغذي الى ان صحت فـ جان اول تحليل الها طلع عندها حمل وهيه ماتدري بنفسها.....

عمي صلاح مخابر ع عمار وكايله ازهار حامل اجاها للمستشفى وطلعوها وبيبي كاعده تحجي ويه عمار وهو هم تراجع عن طلاك لان طلعت حامل طفل ربطهم بعد شفت موبايلي علي يتصل بيه جاوبته الو.....

علي ...بنترا...... الو وين انتي من صبح لليل دايحه شعندج بلله ..

جوري ...  والله اجيت لاهلي علمود ازهار ليش انته وين رجعت من الكاظم ومالكيتك بلبيت.....

علي ......جنت ويه سجاد طالع وهسه شوي وراجع للبيت ...

جوري ... ماشي سديت الخط منه..اجه اخويه حسوني ...

حسن ... جوري سويلي عشه تره جوعان ...

جوري ...تدلل حبيبي شنو تحب اسويلك...

حسن ... اي شي من ايدج طيب ..

جوري ... رحت للمطبخ سويتله بتيته تكلا وطماطه وكباب وزلاطه وعصاير وخليتهم ع ميز..وينك حسوني خلصت العشه ...اجه ياكل بعدين اجه احمد وبيده كتاب جان يدرس....تعال حمودي اتعشه ويانه. .

احمد ... لا ماريد اكلو بلعافيه....

.حسين.... لك تعال والله يفوتك لكباب شلون مسويته جوري يخبل....

احمد ..... لا صدك منو جوري سوي اكل والله صايره تعرف تسوي اكل ... اجه اخذ كبابيه ياكل بيها ويكله لـ حسين.... ابد مو طيب ماصدك هاي جوري مسويته عود صايره ام بيت اختي ومادري. 

جوري ... باوعتله وتخوصرت ولك شايفني وشكالولك عليه يمه طبعا اعرف كلشي اسوي دولمه وبرياني واندومي......

احمد..ايبااا سكتي عيني منال العالم بس تعرفين سوين اندومي وهاهيه......

جوري ...باوعتله صفح واني اكل صاير ابو لسان ولاينكدرله....

.احمد .....ديله كملي عشه وتعاي سمعيلي اجتماعيات بس عندي امتحان....

جوري ... عاد حافظ خو مو مثل ذيج مره تشلع گلبي.....

احمد ....طكها بضحكه.    لا ولج حافظ كلش زين اصلاً مي وبلبل ...

جوري .... ديله عود نشوف.... خلصت عشه ولملمت مواعين غسلتهن اجت ماما خطيه ملتهيه بازهار...

ام جوري..... يمه بس سوي لاختج عصير برتقال ويا ليمون شوي يستعدل ضغطها ...

جوري ...تدللين ....سويتلها ورحت اودليها شفت عمار كاعد يمها ...هلو شلونك عمار ..

عمار ... ياهلا جوري انتي شلونج علاوي شلونه ...

جوري ...الحمدالله ...

عمار ..سلميلي عليه..

جوري .. يوصل..رجعت لخويه احمد لكيته يلعب كلاش بلموبايل ..... ها شطور مو كتلي حافظ مي وبلبل وين كتابك اسمعلك....

احمد ...جوري بعدين بس خلي اهجم ع قريه.   ..

جوري.... اشوفه مندمج ع موبايل..  يا ولك هاي عود انته شاطر تراني هسه اروح لعيالي علي اجه شوكت الحگ ...

احمد ...ياابه يله عفته....

جوري ... سد فون ونطاني كتابه وكعدت اسمعله الدرس قريته شوي ورحت اخذت عباتي ترخصت من اهلي ورجعت.......

..بهاي الفتره قررت اسوي دايت  لان فترة الحمل وره ماولدت صارت عندي ترهلات بطني وهذا شي كلش زاعجني حسيت جسمي تخربط ع حمل بس نطيت وعد نفسي اله ارجع مثل ماجنت اول شي بلشت نظام غذائي ورياضه الصبح والبس كورسيه لشد الجسم و احس رياضه تخلي عندي طاقه ايجابيه وكلني نشاط بديت اهتم بنفسي والحمدللله خليت عندي اراده وعزيمه وضعفت هواي   ورغم هذا مانسيت بنتي بس احاول اصبر واكسر ع نفسي....

... وبليل كل يوم قبل لاانام تهيج الالم والذكريات ماغفه اذا ماتنزل دموعي واضل ابجي.....

..يوم منهن اجوي مهند ومريم وخوات علي كاعدين كلنه وجان ينفتح موضوع ع سالفتي بس مجانو كدامي يحجون بس يبسبسون بيناتهم عود ميردون يبنيوها كدامي وانقهر بس سمعت تبارك اريد اشوفه بس معرفت ع شنو تقصد بس عمتي مخلتها بعدين تبارك اخذته بخفيه للموبايل منها الي فهمته عمتي ماخذتلها صوره زهراء واني مادري ومجايه تخليها عمتي لـ تبارك تشوفها تكلها انتي حامل ميصير تشوفين طفل مشوهه ...

... بعدين اجتي مريم سبحت من تبارك موبايل..

مريم ... شو انطيني اشوفها ...شافتها وخلت ايدها ع حلكها وتسوي..... يااا خطيه شلون بينه مشوهه وتخوف وتحجي بصوت عالي حته تسمعني وهاي كدام الكل ....

......عمتي خنزرت الها..اني هنا اختنكت بعد متحملت طلعت منهم وكمت ابجي ماقبل احد يكول مشوهه واهيه مابيها شي لو ماكلياتها بقيت ادهك وبجي وحاضنه لمخده ومشفت اله علي عاقد حاجبه ومنزعج ..

علي ... جووري هم رجعنه يعني شلون وياج بس فهميني ....

جوري ....رفعت راسي ومسحت دموعي.... مابيه شي بسروح كلها امك تمسح صوره مو ياهو ليجي يشوفها ويكول مشوهه.....

.علي..... ليش منو كال وحجه واني مو كايلج معليج بلي يحجي ولج بابا فضي خلكج وكبري عقلج حجو وان ماحجو هاي الناس نبي ايوب ماسلم  من حجي الناس هذا نبي بعد احنه ياعيني دسكتي اموت ولااشوفج تبجين...

جورية.... خليت ايدي ع حلكه... لاتكول هاي الكلمه شلون اعيش بدونك ....نزلت دمعتي وجان يسبحني لحضنه وهو يمسد بشعري ويشمه همسلي...

علي .... احبج ولخلقج احبجج.....

جوري ...واني امووت عليك الله لايحرمني منك....

... لثاني يوم نزلت ماعرف ليش صار عندي فضول اشوف صوره بنتي حيل تشوقت شفت عمتي كاعده بغرفتها كتلها ....عمه اريد اشوفها لبنتي .....

يسر.... مسحتها ششوفين منها....

جوري ...شوكت حذفتيها علي كلج لو انتي....

يسر.... لا اني ...

جوري.... شو انطيني موبايل بلكي اكدر استرجعها......

يسر ...بنترا ... جوري ماكو مشوفيها ...

جوري ... باوعتها ونزلت دموعي... بس مره وحده اريد اشوفها لبنتي فدوه عمه ...حسيتها نقهرت عليه فتحت موبايل وطلعتها ...

يسر ... هاج شوفيها...

جوري .. اخذت نفس عميق ودگات گلبي صارت ألف اخذت موبايل باوعتها فدوه تخبل شعرها اسود وسرح بشرتها بيضه شفايفها ورديه مثلي دموعي كامت تنزل عشره عشره ضليتت صافنه عليها وبجي عمتي كبل سحبت مني موبايل ركضت وصعدت لغرفتي ادهك وبجي بعلو حسي صورتها ماراحت
ماراحت من بالي ابد.......

...صرت كل يوم اتذكر شكلها وملامحها ااخ يگلبي شوكت ترتاح بعدين اگول الحمدالله ع كل حال هذا الله كاتبه .....

...بعد مرور شهر تبارك جابت ولد واجت يمنه ضلت لحد ماطلع اربعينهه بس طول هلفتره زوجها جان ع طول يمنه واكثر احيان يتعشه ويتغده ويانه هو طبعه يشاقه ويضحك وخاصتن ويايه واني مانطي مجال وهيج علاقتي سحطيه مخليتها لان ابد مارتاحله وكل هذا وهو بعد مصر ويحاول وياي واكثر من مره يراسلني بلموبايل ومارد عليه......

.. جنت گاعده اجت رساله على ماسنجر گمت شفتها گلبت اعيوني بأنزعاج هذا الغثيث ولايمل گبر كون قريت رسالة كاتبلي ...الوو جوري ردي ...لعبت روحي من ملحته زايده .جاوبته ...تفضل شرايد... جنت احجي ويا من كفه خشمي اريد احسسه ع انو اني معاجبني تصرفه وياي بس ميفيد ويا لاطش....

... مانتبهت الا علي سحب مني موبايل...

علي ...  ويامن مندمجه تتراسلين...

جوري ...گوا بلعت ريگي حيل خفت حته وجهي نخطف لونه حسبالك مسويه جريمه لان اعرف علي مراح يقبل بتصرفي واكيد يمد ايده عليه فـ حاولت اسوي الامر طبيعي ابتسمت بهدوء وحجيت رغم توتر ابين طبيعيه .....حبيبي زوج اختك ماعرف شيريد ....مجاوبني شي فتح لموبايل وقره الرسايل.....

...اني اطكك بأصابيع ايديه خوف تملكني حجيت بداخلي جوري اهدي شبيج هم اذا شافج بهل وضع راح يشك بيج وانتي مامسويه شي خلي قويه لاتستلمين للخوف ......

...شوي باوعلي ورفعلي تك حاجبه ...

علي ..شعنده دائما يراسلج... كام يقلد ويقره برسايله ... هلاو جوري وين انتي وشدسوين ولا نوب مكالمات لم يرد عليها....بعصبيه ... اكوم هسه اطيح حظج منو يكلي ليشش....

جوري ...رمشت اعيوني وحجيت برائه ... هاي شبيك حبيبي  علاوي انته شفت بعينك مجاي انطي مجال بس هو لزكه وانته شتعرفه دوم يحب يضحك ويسولف ماعنده شغله وعمله وبعدين انته لاتكبر الموضوع هواي تره الرجال يسالني ع اختك وهنا من كلي وين انتي عباله جوه يم اختك راد يحجي وياها وخابرني مجاوبته عاد كتلها تبارك شوفي زوجج ديسال عليج خاف ديخابرج وانتي مامتبهه......

...اني حجيت هذا الحجي علمود ميروح ويهد عليه وتكبر سالفه وصير مشكله وقال وقيل بسببي حاولت اهدي الامر ونمشيها......

علي ..اها يعني هيج متأكدة...

جوري .. عقدت حاجبي مزعوجه ....حبيبي لعد شنو ماعندك ثقه بيه وله شنو ويعني مالها داعي تعصب بسرعه و تره ميزكي الانفس اله الله فلا تضن واذا هذا شي يضوجك ياعمري  بعد توبه اذا اجاوب عليه اصلا كدامك هذا هو سويتله بلوك حبيبي واني عندي اهم شي راحتك بعد روحي..... ابتسمت اله وشبكته ردتت بس امتص غضبه.....

..... بس هو ضل ساكت ويباوعلي ومجاوبني شي  عافني وطلع وهو ضايج.. ..وفعلا اني من ذاك اليوم صرت ابد ماجاوبه رغم هو ضل مستمر يراسلني من غير حساب او من غير ارقام واني ارجع اسويله بلوك كون بلوكه على راسه ابو صماخ استمريت الى ان بزعته ومللته وحته اذا مرات يجي يمنه واشوفه اثكل وجهي عليه بس هو ابد ماعنده كرامه مشايفه هيج بشر........

. يوم منهن خابرتني امي وجنت دسولف وياها وجان تصدمني ...

ام جوري ....اگلج ولج جوري سمعت مرت حماج مريم حااامل....

جوري ... كمزت مكاني مثل المكروصه ..... صدوووك يمه تحجين مرريم حبله وشوكت هذا الحجي اشو مادري ومنو كلج.....

ام جوري..... وج شبيج يمه اهدي والله سمعت من عمتج ندى يوميه تروح تضربها ابر مال تثخر دم وكايلتها مريم حامل بس محلفتهه متكول لاحد لان محد يعرف بيها حامل.. ....

جوري ....ضحكت وكتلها ....حقهه شافت نفسها جانت هيه تحسد وعبالها كل ناس هيج ع كلن هوواي فرحتلهم من كلبي رغم سوته ويايه بس اكول خطيه الله يتمم عليها ع خير والله جنت ادعيلها بالذريه وهي تجي تشمت بيه ..

ام جوري ... معرفتي  شلون حبلت يكولون لان غيرت عتبت بابها وصدوك مكتلج ذاك اليوم شافتني ام وسام مرت حماها لخالتج ...

ام وسام ...أكلج جوري بعد محبلت

ام جوري... تنهدت ... لا والله ع حطت ايدج ننتظر رحمة الله....

ام وسام ...  والله ام حسين اكول لو تغير عتبت بابها بلكي تشوف خير وتحبل لان اني مجربه وشايفه...

جوري ....اخذت نفس وكتلها يمه واني شبيدي عبالج ماكيف اطلع من عيالي حته مره مرت عمه لـ علي نصحتني وكالتلي طلعي من بيت عيالج لان اهل قبل جانو يدفنون اطفال صغار وين مجان يدفنوهم وبل اخص الكع مالت عيالج بس همه ميحجون وكل هذا و علي قافل ميطلع من اهله وحتلو مثلا اذا فكر يطلع منين يجيب فلوس حته نبني بيت ونستقر شافيتلي يوم عيد.....

ام جوري......يبو جانت عايزه بس هاي بس يمه مو اله بيت متكدرون  طلعون ايجار اكعدو كم شهر ولو بلكي الله هم يرزقه وهم يصير عندج تشوفيها مرت حماج شلون لزمته وحكومت ع مهند وطلعت  شبيج انتي يحضي لاصيرين مثلي.....

جوري. .....يمه هااي انتي هيج لعد الغرب شيحجون  تكولين مهند صلوات متوضف وعنده راتب ولاتنسين مريم اهلها نطوها حصتها وصارو مشالله..واني من حمدلله لارجال ولا......وجانت اكطم لحجايه ماريد اقهرها لامي..ردتت اكلها لارجال ولا اهل بس هاهيه شكول ...حمدالله ...

...سديت الخط منها بس حيل اختنكت اريد ابجي حيل شنو بيدي ياربي كل الي اريده ماكدر اسوي مليت واني اسمع اشكال حجي ناس مليت واني اراجع دكاتره مليت منن كلششي ماكو اي شي يفرحني بحياتي بقيت ابجي فجأه دخل علي باوعلي ...

يتبع ..

انثى 💜 ملائكيه

لاتنسو التصويت حبايبي وليش البارت ميوصل 300نجمه گهرتوووني گهررر مااا زعليت منكم ⁦☹️⁩😭😭😭😭😭😭😭