رواية أخطاء لايُمحيها الزمن الفصل الحادي والعشرون 21 - بقلم أنثى 🪽 ملائكية

انثى 💜 ملائكيه

أخطاء لايُمحيها الزمن

جوري ....لزمت ايد بابا واني ابجي ودموعي تصب ...باباااا الله يخليك اريد اشوفها لبنتي ...

ابو جوري ...بحزن ودموعه تجري.... لج بابا ششوفين منها هاهيه كولي حمدالله اهم شي كمتي انتي بسلامه طفل يتعوض ان شاءلله ....

جوري....حيل تأذيت قطعه من نوخذت احس گلبي مشلوع ومكانه فارغ الالم جبير وماتحملته جنت حامل احس بثقل هسا لا أثقال صار الحمل ضلو اهلي يواسوني بس اني ماكدر اسكت من البجي تعبت حيل باوعت علي كام يمي ميحجي شي بس عيونه حمر خليت ايدي ع ايده باوعلي واني دموع ماوكفت مني هو متحمل طلع وعافني اكيد ميحب يشوفني بهل حاله ....

....اما عمتي وعمي جانو يم طفله طلعوها من بطني وبيها نبض قليل جانت بين الحياة والموت....

يسر... شافت طفله وتصلي ع محمد وتبجي....  ابو مهند شوفها زهراء كلشي مابيها ماكو تشوهات شوف رجليها وايديها طبيعات شنو هلجمال شايلته بيضه حيل وخدودها حمر هيه مشاءلله دبدوبه

....وزنها 3كيلوات بس انتبهت ع بطنها عاليه اجه دكتور ...

دكتور ... اذا ضل عايشه تبقه بلخدج وكل ليله تكلف 500 الف ...

ابو مهند ... يمعود ميخالف اهم شي تعيش طفله بس دكتور ليش بطنها عاليه ومنفوخه ..

اجه فحصها دكتور اختصاصه اطفال .... عندها توسع بلكياتها وماضن تعيش

ابو مهند.. دكتور وماعندكم اوكسجين خليها تتنفس وتعيش..

دكتور .. موجود بس يكلفكم..

ابو مهند...  مو كتلك معليك بلفلوس جيبه هسسه...

  دكتور راح وخله للطفله اوكسجين...

... بس مع الاسف مفادها خلال ربع ساعه وتوفت..

عمتي .....وهي تبجي وتضرب على رجلها ...اويلي سنين يله شفناها تالي تروح اويلي ع حظك علاوي مافرحت بنتك يمه جنها ورده تجنن وراح ندفنها..

جوري... للساعه 12ونص بليل اجتي ممرضه ضربتني ابر مهدئات ونمت وكلهم رجعو ضلت يمي بس امي.

فتحت اعيوني بثقل وعيت من النوم ساعه 6الصبح باوعت داير الغرفه ومستغربه وجودي هاي اني وين وشصار عبالك حلم نوب احس جسمي ثكيل ورجليه كوه حركتهن من مكانهن وحسيت بوجع بطني حيل قوي سجاجين تنغز نزلت دموعي من رجع شريط الذكريات وكمت اتذكر الي صار شهكاتي علت خطيه امي جانت نايمه ومن سمعتي فزت من مكانها واجتني وهيه تمسح ع راسي بحنان وتتمنى تمص حزني بس هيهات حزني تشبع داخلي وماظن راح اتعافى منه ....

ام جوري... بحزن.... ها يمه شلون صرتي مكافي بجي والله يمه بس اتئذين نفسج وهاهيه دكومي شوي اششربي حليب ريگج يابس كلشي مماكله وشاربه وبس تبجين ...

جوري ... مسحت دموعي وحجيت بغصه ... ماريد...

ام جوري... تنهدت بتعب ... لعد شلون من بارحه مماكله شي....

جوري ... يمه متأذيه جسمي وگلبي و بطني هواي يوجعني احس روحي نوخذت مني ...

ام جوري ...يبعد روحي ربي يعوضج و هسه اروح اصحيهن للممرضات يخللج مسكناات ...

جوري ...طلعت امي واني الوب من بطني عمليه تموت محصلت بس الالم ياريت بنتي يمي جان ماحسيت ب الألم وفرحت على الاقل تعبي يتعوض

.. وره ساعه اجتي الممرضه

ممرضه... صباح الخير حبيبتي جوري.

جوري ....بأسى... يا خير يايوم شفت الخير تنهدت وحجيت بتعب... صباح النور ..اخذت ايدي وخلت مغذي وابر ضربتني..

الممرضة...  بس يخلص مغذي اريدج تكومين تمشين شكد ماتمشي ام عمليه احسن الها واشربي سوائل همين ...

جوري ..ان شاءلله .....علي اجه جانت ساعه 8الصبح كعد يمي.  ...

علي ....شلونج ...ويبتسم ابتسامه كذابيه...

جوري...  حمدلله... وجان تنزل دموعي هو اخذ نفس عميق ورد عليه...

علي ... صدك البارحه صديقاتج اتصلن عليج لو لا ..

جوري ...انتبهت جان يحاول ينسيني حزني مسحت دموعي ... هو وين موبايل...

ام جوري....  عندي هياته بارحه ام مهند خلته يمي وطلعت....

جوري ... اي صح بقيته عندها.... اخذت الفون فتحته لكيت كومة رسايل مكالمات من صديقاتي ومن بيت جدو هم مخابرين..هنا ودك عليه رقم ماعرف منو شوفتليها لـ علي رفع الخط سمع صوت وحده رجعليا...

علي ... هاج مدري منو ...

جوري ...أخذته ونطيته الامي مابيه حيل احجي البيه مكفيني حجت وياها امي طلعت مرت خالي خطيه تسال عني.....وهاي بعد موبايلي ماسكت كلساع واحد مخابر وترد عليهم امي..هنا خلص المغذي وحاولت اكوم من الفراش بس حسيت بدوخه علي سندني وكمت ومشيت ع كيف بس احس بكل خطوه بطني حيل تئذيني لزمت بطني وكوه امشي واردد دخيلك ياعلي ...

....طلعت بره الغرفه وضليت امشي خممس دقايق ماطولت ورجعت متحملت اكثر امشي صارت ساعه 9الصبح اجت دكتوره ابتسام شوفوتي....

دكتوره ... ليش كاعده حبيبتي اريدج تمشين واشربي عصاير هواي وكتبتلج علاج بارحه لو لا تره انسى ...

جوري ...  لا...

دكتوره ... تمام.... اخذت راجيته وتكتب وتشرح تاخذين يوميه نص حبايه بليل حته حليب العندج ينشف وهذن مقويات همين لان عندج فقر دم وهاي ابر كذلك...

جوري ... كتبت واخذ علي منها راجيته سالها ...

علي ...دكتوره شوكت نكدر نطلع ..

دكتوره ...خلوها للعصر يلا.... 

علي ...طلعت دكتوره وطلعت وراها اريد استفسر هواي اسئله اكلت عقلي ماحبيت احجي كدام جوري حتى لاتتأذه ... دكتوره اريد اعرف ليش وشنو سبب ليش بنتي ماتت وبعدني مشابع من شوفتها....

دكتورا ...اخذت نفس ... طبعا اسباب هواي احتمال تصير من جرثومه او ممكن وراثه هيه بعد ماسوت تحليل مالت فايروسات خلي تجيني وره اربعين واكتبلها تحاليل ونشوف بس علمود البلاستر تجيني الاحد الجاي اشيله الها.. ..

علي ...تنهدت بتعب ...ان شاءلله...

جوري ... للعصر ساعه 4 وطلعوني من المستشفى ورحت عند اهلي اول ماوصلت لكيت عماتي هناك تحمدلي ع سلامه واني كوه احجي و مالي خلك رحت مددت بلفراش بس حيل مخنوكه ثگل على صدري كوا تنفس نزلت دموعي نوب اباوعلهم كلها تباوعلي بشفقه انقهرو ع حالي.....

....لليل وكامو الضيوف يجون واني ماريد اشوف احد بس لازم ابين اني نفسي قويه وماحب احد يعرف نقطه ضعفي مسحت دموعي ورحت مشيت كوه للمغسله غسلت وجهي ورحت سلمت جانو...

بيت عمي جبير هو ومرته وشيماء وصايره هوسه  كعدت يمهم بس اني بغير عالم فاصله حيل تعبانه  وماعرف الي بيه شنو بس حاولت مابينها عود همه يضحكوني ويشاقوني بس اني ابد ماضحك بس ابتسم ابتسامه جذابيه....

... وهنا وتجي مريم مرت اخو لـ علي اول مشافتني ابتسمت....

مريم ...خبث ممزوج باهتمام .... هلا هلا عيني حمدلله ع سلامتج......

جوري..... تباوعلي وتتمضحك والعلج بحكلها امبين من شكلها فرحانه بلي صار ويايه كعدت كبالي وتحجي لـ عمي......

مريم .... اي عيني يتبطرن لان بنيه وتالي من ياخذها منها تكوم تتبجبج وتعوي ...

جوري ...عصرت ايدي حيل وهي تحجي ذاك الكلام الي ينكط سم وخبث وتباوعلي بطرف عينها بشماته گوا اتجرع كلماتها واني مالي خلك اردها نطيتها اذن طرشه بس حسيت بدوخه وتعب اريد اتمدد وارتاح امي انتبهت عليه ....

ام جوري..... يمه تمددي ع فراش يمج يعذروج مريضه ارتاحي انتي .....

جوري ... فـ مددت ع فراش بمجرد بس خليت راسي ع مخمده غفيت من التعب بس وين حسيت اسمع مريم كاعده تحجي فوك راسي ...

مريم .... يله مع سلامه...

جوري ... شافتني مجاوبتها مالي خلگ ...

مريم.....  يا داحجي ويه حايط... وتكركر وتضحك..

جوري ... شنو مداتشوفني نايمه وتعبانه شنو هلتصرف وكلام مالتها حسبي الله ونعم وكيل حته دخت من الهوسه والضجه مال جهال سطرت راسي كمت من فراش ورحت بغرفة اهلي عفتهم ونمت واحد توه طالع من مستشفى وين اله خلك ونوب هيج حالتي ونفسيتي صفر.....

..نمت تقريب ساعه 11بليل حسيت بل 3 بليل واني اون من الوجع اريد انهض نفسي ماكدر ...

ام جوري .... ابو جوري تعال ويه بنتك متكدر تكوم من فراش ......

ابو جوري .. ها بابا انطيني ايدج وع كيفج كومي. ....

جوري .... واني اشهك وابجي...  ماكدر بطني حيل توجعني ...

ابو جوري ...ميخالف اتحملي بويه انتي سباعيه ..

جوري ... نطيته ايدي ولزم ضهري وكوه كمت بالف ياعلي رحت للحمام شفت نفسي عبالك جاي انزف والم قوي رجعت للفراش ولزمتني الصخونه ورجفه صطكن اسنوني وضليت اليل كله اون جسمي صار نار وامي ابد معافتني وهيه تقره ع راسي لو تسويلي مشروبات بس مفادني كلشي للصبح نوب صار عندي زكام وسعال....

... نزل البنج ع صدري وخلاني اكح والتهاب نوب كل ماصير عندي كحه يزيد الوجع لبطني واضل ابجي ضليت اسبوع عند اهلي شفت الويل فوك الم البيه نوب تمرضت يعني الموت اهون الي ولاالي شفته ...

... يوم منهن خابرني علي...

علي ...هلو حبي شلون صرتي ..

جوري ...شوي زينه بس نفسيتي تعبانه ..

علي ...هواي مشتاقلج ..

جوري ...دمعت عيني وسكتت مجاوبت ..

علي ...شنو رائيج نطلع نتمشى ..

جوري ...بكيفك ...

علي ...يلله حضري نفسج ..

جوري ... باوعت جانت ساعه 12 وكلي نطلع بلدرب نمشي وجان الدرب هدوء لبست الجبه والشال داطلع شافتني ماما  ..

ام جوري ....ها وين رايحه...

جوري ... بلدرب اني وعلي نتمشه... طلعتله ضلينه شوي نمشي سوه ونسولف ع قصتنه وحياتنه طلعنه الي بگلبنا لزم ايدي ويواسيني ويصبرني ضلينه ومحتارين شنسوي وشنو الحل الي يحل العقدة الي بحياتنه ...

.. اجه يوم الاحد جان عندي موعد يم الدكتوره اخذوني عمتي وعمي ابو مهند ورحنه للوزريه انتظرنه السره وعمتي كاعده يمي وتسولفلي ع طفله شلون خلولها اوكسجين وشلون هيه حلوه خلتني انقهر و ابجي متت بودي اشوفها واشبكها واضمها لصدري بودي اتلمس بشرتها واشتم ريحتها كوا صبرت نفسي وسكتت بس گلبي متگطع مية وصله ...

بعدين دخلنه ..

دكتوره... هلا جوري شلونج...

جوري ... حمدلله ....حجيتلها حالتي شلون صخنت وشلون صار عندي زكام وكحه ...

دكتوره ...هذا من البنج دصعدي للسديه اشوفلج الجرح .....

جوري ...نمت كوه ع سديه لان صارت عدي نغزه بطني اجت وشالت البلاستر..

دكتوره....  حمدالله نضيفه عمليتج اكيد اهتميتي بنفسج...

جوري ... اي دكتوره حته لمن سبحت ماوصلتها مي..

دكتوره ... زين سويتي بس راح اكتبلج هسه علاج للكحه تاخذي بليوم 3مرات وطفل هسه بعد لاسوين زوجج وتاخذين مانع لمدة 6اشهر لان انتي عمليه ميصير تحبلين فوكه فوكه وتجيني وره مايطلع اربعينج....

جوري ..... كتلها انشاءلله دكتوره اخذنه الرجيته ورحنه للصيدلايه اخذنه الدوه ورجعنه للبيت وعمتي ضلت دردم طول طريق هيه وعمي يكلولي معليج بحجي دكتوره ....

يسر ....لامانع تسوين ولابطيخ بنتي تبارك ع اربعين وتحبل وكله عمليات تسوي فـ لاسمعين كلامها ...

جوري ...ها مادري ...

يسر ... اي شگلج اني عادي ..

جوري ... وهنا وصلوني  عند اهلي نوب  وكهرباء ماكو عندهم مولده عطلانه والجو كلش حار رحت سبحت من الحر طلعت من حمام لكيت امي محضره الغده تغديت هنا خابرني...

علي.... هلا حبيبتي شلونج هسه ..

جوري....  انشاءلله احسن...

علي ... رحتي للدكتوره...

جوري ... اي اخذوني اهلك...

علي ..اي وشكالت دكتوره...

جوري ... هذا من البنج هيج صرت وتئذيت وبعدين كالت لاسون هسه طفل وره 6اشهر ...

علي ... ليش...

جوري ... لان عمليه مو زين ..

علي ... يلا الله كريم شوكت لعد ترجعين لو طابتلج الكعده يم اهلج...

جوري ...  مادري بكيفك تريدني ارجع بس غير علمود صعدتت الدرج ...

علي ...  متكدرين ع كيفج صعدين ..

جوري ... مادري اشوف و اسال امي. 

علي ..  يلا اذا ردتي ترجعين خابريني...

جوري....  ماشي سديت الخط وكتلها امي...

ام جوري...  اذا هو يريدج رجعي هو هم خطيه عاد تأذة نفسيته ...

جوري ... رحت لميت غراضي وخابرته وكتله راح اجي شوي واجاني لهلي اخذ مني الغراض هو شالهن وكلت لاامي وبيبي يلا مع سلامه اشو ويه ماكلتها امي نزلت دموعها وضلت تبجي رحت حضنتها.... ماما ليش تبجين جاي تقهريني ..

ام جوري...  لا يمه هيج ماكو شي تعودت عليج شلون راح افاركج ..

جوري ... نزلت دموعي وياها وبعدين رحت وكامت امي تبجي وتحجي ويه بيبي ...

ام جوري.... سوده عليه رجعت لرجلها ومابيدها طفل.... وضلت تبجي. 

بيبي ...تحاول تكسر عليها وتكلها ....الله هسه يعوضها.... ومن هلحجي...

جوري ... رجعت لعيالي واني ابجي وعلي حيل ضاج كالي لو باقيه هناك احسن صعدت الدرج كوه ذبيت العبايه وبديت اعزل بلغرفه وبلغراض ع كيف وهنا رفعت راسي واباوع بلحايط مال غرفه جانت مليانه سمايلات الحلوات الاحبهن اني ابتسمت ابتسامه كذابيه لاول مره علي يشتريلي الشي الاحبه جنت من زمان واني اتوسل بي اريد سمايلات رجعت باوعت لـ علي جان واكف كبالي ويضحكلي من شافني ابتسم اتقدم ليمي وحضني بادلته الحضن وصرت ابجي شوي وابتعدت عنه وهو يمسح بدموعي....

علي ... بعد شتريد جوري وهيا جبتلج سمايلات الي تحبينهم ...

جوري ...رجعت باوعتلهم وني اضحك ع روحي واكول بكلبي اشياء تافهه حبيتها وردتها ومااجتني بوقتها اله من بعد مانسيتها وراحت حيل صارلها سنين بعد ع هذا شي رجعت للفراش مددت حسيت وجع بطني واحسها مثل رطبه باوعلي علي وعقد حاجبه ..

علي ...  شبيج حياتي شي يوجعج ..

جوري ... نزلت دموعي... اكو غير بطني.... اجه كعد يمي وشاف بطني..

علي ...خرررب لج هاي شنو جاي تذب جراحه مكتبتلج دكتوره معقم شي ...

جوري ... باوعته وفتحت عيوني على وسعهم خفت حيل من كال جراحه تصورت عمليتي نفتحت ... ماكتبتلي شي الها بس علاج للكحه ..

علي .. يلا باجر امر للصيدليه واجيبلج معقم بس ليش انتي خفتي تره عادي هو جرح بعد....

جوري ...اخذت نفس وأهدي بنفسي ودموع تنزل ياربي ولااصدك طفله راحت من بطني كأنو بعدني بحلم  باوعته وكتله ...علاوي تذكر من جنت تكلي هسه تجي زهوره وادللها ونخليها تنام يمنه علي مو ذاك اليوم كتليها وهيه سمعتك وصارت تتحرك بطني......

..جنت احجي ودموعي تنزل وشهكاتي ماوكفت رفعت راسي باوعت بعيونه كلها حزن و دموعه تنزل وهو ساكت مو كادر يحجي شي رحت نمت ع صدره خله ايده ع شعري ضليت ساكته ويا ودموع مستمره لحد ماغفينه ودمعه بعيونه ...

علي بهاي الفتره المضت خسر المحل مالته وباع السياره والذهب كلشي خسسسر وحياتنه تصعب يوم بعد يوم واني كاضيتها بس ابجي وادعي من الله يعوضنه لان مابيدي شي اغيره.....

...علي بده يصفي بلمحل شكو غراض زايده جابهن للبيت عمتي كامت تحجي عليه وتسمعنه حجي يجرح ويأذي نفسيتنه بالزايد علساس ناقصين ...

يسر.....اي راحت بنتك وهسه خسسرت المحل والسياره الي جانت نص فلوسهه مني وهسه بعد شراح تسوي اريد اتفرج عليك ...

جوري ...جانت ع طول تسمعه كلام وتحجي للناس نفس الحجي واني بداخلي افور واغلي منها هاي اذا ابنها وهيج تحجي عليه بس بنفس الوكت صدك حيل ضجت من خسر اول وتالي وحته فكرت كلت الحمدالله مابقت طفله وعاشت جان وين نطيت وجهي بيها اذا اني حسره عليه كلشي و هذا حالنه صفه بدون شغل وكعد كبالي....

.... بهلحظه وتذكرت من اني وجنت عند اهلي واتمنى كومة اشياء وماتجيني لان اهلي حالتهم الماديه مو كلش تمام  نزلت دموعي جنت اكول اذا اتزوج ويصير عندي طفل ماقصر عليه بشي واي شي بنفسه اشترلياها ماخلي يعيش مثل الي عشته بطفولتي بس ضاهر نفس شي اذا اجه طفل وع هذا وضعنه ...

هلا هلا لاعيني حمدالله ماعندي اطفاال الف الحمد ياربي مسحت دموعي لازم اتعايش واتقبل امر الواقع مهما يكون الحياة مستمره يكلك تفائلو بلخير تجدوه  ....

مر شهر  تقريب ع ولادتي بيوم جنت عند اهلي وكعدت امي تحجيلي..

ام جوري.... اكلج يمه جوري سجاد مو صديقه لـ علي...

جوري .. اي صحيح بس ليش.. اشوف امي دكت بيدها ع رجليها وتسوي اووويلي عليه ميكفي اني نوبه بنتي ... خير ماما شنوو وترتيني...

ام جوري.....  ولج نسوان خوالج دوم يسمعني حجي وحده منهن كالت اجه سجاد مداين منهم فلوس  ماخذ 8اوراق من خوالج وكايللهم علي محتاجهن لمرته نايمه مستشفى وعندها عمليه وخوالج شايلين وناطي وجايبهن لـ علي يعني شنو معناها رايح يكله لصديقه ليش مجا كله الابوج جان شال وونطا مقصر ليش يمه هيج يسوي ولا نوبه شفت ابو بهاي اعيوني رايح يدكلج باب بيت خاله سالم وجاي يداين منهم فلوس  غير اني تخبلت اله شويه يمه صعبه الواحد يروح يدك  باب ليش همه معرفو وراج عمليه ويسحبون احسابهم ويخلون فلس بيدهم ....

جوري ....صفنت امي وجان تكلي ...

ام جوري ....زمن يعيد تاريخه ذكرتيني بحالي قبل من جنت حامل بيج وهم من صارت عندي ولاده ابوج احتار منين يجيب فلوس لان جان شغله شلون علي محل غذائيه ويادوب النه معيشنه مكدر يدبر فلوس راح ع بيت عمه نفسهم بيت سالم حالتهم ماديه مشاءلله وطلب منهم فلوس يعني دين وهم بوكتها حيل نقهرت مقبلت ياخذ منهم وحلفت بعد اجمعلي فلس وخليهن جوه ايدي جنت اكول كلشي يصير ويانه  ولاحته نصير بعازة الناس.....

جوري .... اباوع امي مقهوره حيل وهيه تحجي....يمه صدك تحجين اشو لعد علي مكلي ....

ام جوري ...عضت اصبعها بقهر.  سكتي يمه خليها سكته ولاتكليله لـ علي هاهيه شي صار وراح بوكته بس خلي يرجعله لـ فلوس صاحبه وانتي بيج خير جمعيلج فلوس والله لايعوزج لاحد......

جوري ... وليش ماكله بلعكس حته افتهم منه شكد هيه كلفت عمليتي...

ام جوري.....  مليون ونص بس عمليه ويه علاجات وتحاليل والبقاشيش وعندج لحساب ...

جوري ......صفنت اذا هو هسه كاعد لاشغله ولاعمله منين راح يسدد ديون حتلو اجمع ادري ميضلن ع حالي نزلت دموعي حيل اختنكت باوعتلي امي...

ام جوري.... لاتبجين ولادوخين يمه الف حلالال يحلها ....

جوري ... الله كريم لبست عباتي ورجعت لكيته كاعد وبيده موبايل باوعتله صفح وضايجه بس انافخ ...

علي ...ياااستار بلله خير شبيج....

جوري ..... كلت خلي اكله وشيصير خلي يصير.....علي هم ماخذ من سجاد فلوس من جنت بلمستشفى....

علي ... فر بعيونه ....اي بس ليش سؤال ....

جوري .... اها ومعرفت منين راح جابهن الك ...

علي ...اهووو هاي شبيج تره اني وسجاد عادي كلشي بيناتنه وكت الي احتاج هو يوكفلي ويدبرلي لفلوس وكت الي هو يحتاجني اني اوكفله ولاتنسين هو هم من جابت مرته فلوس سلفه جنت جامعهن شلت ونطيته اله....

جوري ......باوعتله واني عاكده حواجبي ومتخوصره.....زين موتدري اني على وجه ولاده زين مافكرت بيه وحاولت تجمع الي او تضم فلوس لو احسن رحت طلبت وبعدين انته متعرف سجاد منين راح جابلك فلوس رايح ع بيت جدي على خوااالي الي تكرهوهم وماخذ منهم وكل واحد ناطي ورقه وكايللهم محتاجهن علي ضربت على رجلي شكدد عيب ياربي فوك ماااني مقصره وياهم لااروحلهم لااجيهم خوب انته شفت من اجني يمي نسوان خوالي فاجئني كل وحده بيهن شالت ونطتني 50 ولخ 100 اكيد هاي نيتهم يساعدونه ...

.. نزلت دموعي وكلت بداخلي ...من همده حظي هاي تاليتي ناس تصدق عليه جان يجاوبني....

علي ... اكلج تره سجاد طالبهم لخوالج وراح اخذ منهم يعني فلوسه لا خلف الله عليهم ...

جوري...ماليش طالبهم اني اعرف خوالي ميعرفون شي اسمه ديون قابل مثلنه يوميه نداين ...

علي ... شنو نسيتي سجاد يشتغل بلمولد ويعرف مينطون كل شهر ....

جوري ......يلله ميخالف نكول يطلبهم زين شكو رايح وكايللهم النه لفلوس عززه جان استحه من جاب طارينه ....هنا اعصابي كلش اتوترت واحس نار تسعر بگلبي....  علي اسمع بعد ممنوع تاخذ منه فلووس محتاج تجي تكلي لو اعرف اني ادربلك لفلوس ولاتروح وتكله سجاد خرب بيومه ع هاي سوايه سوها ...صدك احترك دمي اكثر ....رب لهو طالبهم فلوس المولد شكو لعد ديكلهم لفلوس النه خوب يكلهم اريد فلوس الدين....

گمت انافخ وخليت ايدي على گصتي..ياربي هاي شلون سالفه شكد عيب وهسه شلون اكدر اوفيهم من اجيب فلوس... باوعت لعلي وخزرته .....علي راح ترجع للفلوس مو وهو يردهم لبيت جدي ....اباوعله ضل ينافخ وعاط بيه جفلت وخفت حيل منه لان سمعني ادردم واغلط ع سجاد .....

يتبع...

انثى 💜 ملائكيه...

أخطاء لايُمحيها الزمن

لاتنسو التصويت