رواية أخطاء لايُمحيها الزمن الفصل الثالث والعشرون 23 - بقلم أنثى 🪽 ملائكية

انثى 💜 ملائكيه

علي ...فتحت حلگي وعيوني وأشرت ....بذني ترحين ...

جوري ...ايڤت  واذا قابل بيهن شي....

علي ....كمت القد عليها .... لاشبيهن بس اكول لو تبقين بلبيت احسن لج ...

جوري ...فتحت اعيوني وتقربت منه لميت شفايفي بزعل وعيوني انملت ادموع ...ينطيك گلبك تعوفني ....

علي ...اوووف هم هاي نظرة ولج يابنت الناس كلبي رجيج موحمل هاي نظرة ونوب شفايف منفوخه دتعاي ...

جوري ...ماحسيت الا نومني على جربايه ويريد يبوسني دفعته من صدرة وحجيت ...على دير بالك الا المكياج گوم تأخرنا عيب ...

علي ...خرب افلتي مني هسا بس اني اعلمج بعدين ..

جوري ...غمزتله ..تدلل ..

علي ...خرب اليوم شلون بيج بس صدك هيج تطلعين ...

جوري ...گمت للمرايه ... لا بصفك بشت البسه فوكاهن.... اجه ليمي وكف كدام لمرايه لبس فوك قميصه ستره و اخذ ساعته لبسها وسحب الموبايل من شحن...

علي ... ديلا ع سريع اني نازل انتظرج وها قبل لاتنزلين الغرفه تترتب يلا ...

جوري ...گلبت اعيوني بملل ...هل هناك اومر اخرى ...

علي ...ساعه تركي ساعه فصحه الفاهيه كملي بساع ونزلي ...

جوري .... ماشي بس روح هففف..... كاعد كبالي وبس يتأمر بس هسه اني شلحك بعدني شال ماالبسته باوعت للغرفه قنبلة ومفجورة لهدوم كلها مطشره بلكع وع جربايه كمت ع سريع رتبتها ورجعت لبست شال ولـبشت فوك ملابسي ويجي ويا حزام ضبيته ع خصري والحذاء شوز الابيض وخليت فوني بجنطتي وطلعت لكيتهم جااين سجاد ومرته بسياره صعدنه وياهم ..سلمنه هلا حياتي سجو  ..

سجى .. ياهلا بيج عمري ...

جوري ...جانت بحضنها بنتها ملاك اؤي فدوه كرصتهه ع كيف من خدودهه.. فدوه حياااتي شلونهه فصعونه....

سجى .....زوينه هاجيها خليها عندج...

جوري ... اخذتها منهه جان عمر بنتها 4اشهر واني هاي الاعمار الاطفال كلش احبهم خليتها بحضني والعب وياها واغنيلها ويه الاغنيه لمشغلها سجاد وهيه تضحكك..

..سجى تحجي ويه سجاد... اطلع كبل لبيت اهلي اخلي ملاك يم امي خلي اليوم هيه تبتلي بيهه...

جوري... خطيه يخافون عليها تفز من اطلاقات ناريه بعد راس السنه كلها احتفالات ، وصلت بيت اهلها هيه نزلت ودتهه ورجعت تضحكك...

سجى.... الله اليوم اني حره طير وراح اطير...

كنالها ليش شكو....

سجى....  اي غير خلصت من ملوكه هفف.....

جوري... ضحكت وكتلها... هيج مضوجتج طفله...

سجى....   والله موتتني شالعه كلبي خليج جوري بدون طفل هسه اتونسي اطلعي اؤؤي لاحكه ع شلعان الگلب....

جوري...اي والله ليشوفني ماكو هيج شي متونسه من دوله الى دوله مسافره ورايحه مامخليه مكان بنفسي....

سجى..  اي شبيج يحظي لو مني ومنج 24ساعه افرن واسافر واكضي شهر العسل بلندن ياهو الكاضج...

جوري... رمشت اعيوني....  ايباااا ليشوفج انتي شكد مسافره علساس مخاله دوله بنفسج......

سجى... بغرور... شعبالج لعد حياتي...

علي وسجاد جانو يسولفون بس من سمعو طاري سفر التفتت علينه علي...

علي... حبيبتي ليش لندن تره صارت ملل شكد مارحنه الها خوب نروح تركيا احله...

.. سجاد باوعلي من مرايه وحجه..... جوري كليله هسسه انته وديني للشمال العراق وبعدين اخذني لتركيا......

جوري..... .ضحكت... اي صدك العافيه درجات باوعتله لعلي وكتله حبيبي ماحب اكلفك لدهوك وبس ..

سجى..... همداج جوري ولج تركيا تخبل عضت اصبعها يحظي وين تلكيها بعد لهاي سفره....

جوري.. ...ضلينه نضحك ونسولف هواي حلت بعينه الدنيا و حلمنه احلام ورديه ونحجي على المستقبل وكأنما راح نحقق احلامنا بسهوله....

.. وصلنه للمنصور جانت كلش مزدحمه سيارات وناس مليانه اجواء تخبل واطلاقات ناريه ماوكفت بقينه نصور ودكت ساعه 12 يوم جديد بسنه جديدة واحلام ننتظرها تحقق نزلنه من سياره ومشينه.....

وكفنه يم المول وناخذ صور بس اني جان مامخوفني غير طلاق  افكر لاتجينه طلقه تايهه تذكرت نفس خوفي من جنت طفله رحت يم علي ولزمت ايدة باوعلي مستغرب...

علي.. شبيج حياتي..

جوري... هزيت راسي وبتسمت... ماكو شي.... وره ساعه  رجعنه للسياره وضلينه نفتر بشوارع بغداد لل 1ونص بليل يللا رجعنه للبيت......

..مرة الايام.....

... فجأه صارت اسناني الاماميه الجوه اتئذيني حيل بمجرد ماشرب ماي يصلن عليه واي شي اكله اموت من الوجع اباوعهن بلمرايه مابيهن شي بس ليش هلوجع لبيهن ماعرف رحت لعلي... علي اخذني للدكتور اموتتاني...

علي... قابل شبيهن لامسوسات ولاشي ميحتاج هذا من المي البارد...

جوري...  بس يوجعني هواي الالم مجاي احمله خلي بس اساله للدكتور...

علي...  هسه من اطلع اسالج دكتور حيدر... للعصر وطلعت للعياده دخلت للدكتور وحجيتله سالفه...

دكتور... خويه غير جيبها وياك حته نشوفهه لازم فحص عاد...

جوري....علي خابرني وكلي اتحضري بلعجل اني لبست وجهزت نفسي ع سريع وطلعتله لكيته واكفلي مأجر تكسي ورحنه للدكتور بس ساعه علما دخلت لان رحت بدون حجز.... ..دخلت سلام عليكم...

دكتور..وعليكم سلام....

جوري... كتله ع اسناني اتئذيني..

دكتور... روحي ع سديه..

جوري... كعدت واجه هو شغل ضوه واخذ ادوات الاسنان ضل يفحص باسناني واحد واحد...

دكتور...  ماكله عليهن شي قوي...

جوري.... لا...

دكتور... شنو لا اني اكلج ماكله اتذكري...

جوري... ضليت صافنه ماتذكر.....

دكتور..... هسسه على العموم هاي اسنانج الاماميه..... وهو يأشر عليهن.. لازم تتركيهن  يرتاحن لمدة. 21يوم ابد لاتاكلين عليهن وهذا مسكن الآلم تاخذي بليوم 3مرات..... رجع على المكتب هو ودايكتب ويشرح....

جوري... ماشي دكتور... اخذت منه راجيته وطلعت...

علي.... ها شكال....

جوري... يكول اتركيهن لاتاكلين عليهن وسبب انو ماكله شي قوي..نطيته راجيته...

علي....  شنو كتبلج علاج...

جوري... اي بس مسكن علمود الالم.... دخلنه للصيدليه اخذنه دوه ورجعنه للبيت بس اني ضليت افكر شلون ماكل عليهن احسها صعبه الا الاسنان لكدام قررت انو اضل ع سوائل هيه فتره وتعدي بس اشلون اني اجوع هواي هفف ضليت دايخه بهل سالفه....

.علي.... جوري سوي عشه...

جوري... رحت للمطبخ لكيت عمتي مسويه كبة برغل وشوربه حميتها ع نار وسويت زلاطه وعصير خلصت الاكل خليته ع الميز اجيت اكل سويتلي لفه صغيره كلش وخليته بحلكي جاي اهرم بيها عاطن عليه اسناني وكمت الوب عفت الاكل وكمت.....

... .اخذت دوه المسكن  ونفس شي الوب لاديفيد مسكن لاديفيد اتركهن اجيت اشرب عصير هم عاطن عليه اشرب ماي سويته دافي علمود مئذي ونفس شي كمت لاكل ولااشرب لليلي مانامه وابجي من الالم بعدين تذكرت شنو ماكله عليهن.....

... جنت اكل ترب مال صلا فـ مره واني داكل بيها اجتني حصوايه صغيره ودست عليها بسناني وشوي صار بيهن وجع وراح شكيت من تربه الاكلتها من سالني دكتور ماكله شي قويه عرفت من تربه ومن رحت العلي... علي...

علي... هممم..

جوري... تذكرت شنو اكلت قوي وسناني تأذيني..

علي.. شنو بلله...

جوري... بهدوء... تربه وجان بيها حصوه...

جوري... عگد حاجبه وباوعلي بغضب يبوو لو دري ماحاجيه بعد شيخلصني من لسانه..ضل يحجي عليه ويرزل...

علي.... لو تموتين بعد ماوديج دكتور بعد اكلي زين ترب نوب تاكل ترب وتعال ياعلي وديني للدكتور اوووف منج بابا شوكت تكبرين...

جوري... شورطني وكتله اووف منه سنوني ومنه هوا عصبي اووف شتحمل هسا ياكلمه ردي المكانج بعديش وكع الفاس براس..

... بعد فتره كمت ماهتم لاسناني لان ع مسكن من كمت اخذه اربع مرات شوي يهدء الالم عندي واكدر اكل بس ماسويت مثل ماكلي دكتور انو اتركهن لا بقيت اكل عليهن عادي مهم ماكو وجع بس كمت الاحضهن صار بيهن حركه قويه رجعت كتله علي لازم اروح دكتور يشوفهن اسناني وحته الوجع رجع بيهن من خلص عندي المسكن بلكوه قنعته ورحنه ع دكتور بلكاظميه صعدنه للعياده لكينه ماكو احد غير بس سكرتير.....

... كتب اسمي وكعدنه اني وعلي وره عشر دقايق كامت تجي الناس اجوي اثنين شباب سجلو اساميهم واجوي كعدو كبالنا حسيت علي كلش ضاج نوب همه كاعدين ويباعون شوي وهم اجه واحد سجل وكعد وهاي ضلو كل شوي جاينه واحد لحد مقبط المكان ونوب كلهم شباب هنا علي ضل ينافخ واني كاعده ع اعصابي احس علي ع ساعه ينفجر بيهم حجيت بهدوء... حبيبي خلي ننزل ناخذلنه عصاير شي لان كلش عطشت ولحته شوي يمشي الوقت....

.. وهو تضايق بوجود شباب وبس اني يمهم عاد نزلنه دخلنه سوبر ماركت اخذنه عصاير وماي طلعنه ضلينه واكفين يم الدرج مال العياده شوي وصعدنه دخلنه للدكتور شاف اسناني...

دكتور... هاي شنوو ربع اسنانج الاماميه بيهن حركه خاف عندج سكر....

جوري... لا دكتور مسويه تحاليل من جنت حامل....

دكتور... لازم اكو فدسبب...

جوري.. دكتور اني جنت اكل ترب ومره اجتني حصاويه عليهن...

دكتور... لا معليها راح اسويلج الهن حشوه تصير مثل جسر علمود يثبتهن لاسنان ويرجعهن اهم شي لاتاكلين عليهن لمدت شهر وتجين اشيله الج....

جوري... اجه ضربني ابرة البنج يمه منا اني اخاف من ابره ومن اتئذي بلكوه متحمله وعيوني تجري دموع..بده يشتغل باسناني كلش اتاخر بلنص ساعه يلا خلص سوالي 6اسنان سوه....

علي... دكتور شكد تأمر..

دكتور.. خليها ابني...

علي... لادكتور هذا حقك...

دكتور.. .. 6 اسنان اشتغلنه 65الف وتجيني شهر جاي..

جوري... شفت علي كام يفر براسه اكيد من وره فلوس داخ طلع محفضته يادوب بيهن 40 فتحت جنطتي كلت بلكي بيهن ونطي فوكاهن طلعت عندي 20الف الحمدالله... علي هذن وياهن حسبهن للفلوس...

علي..  ذني 60..

جوري.. شلون هسا..

دكتور. هاهيه ابني...

علي.... بعدلك 5 ع جيه اجيبلكيها...

..دكتور لالا هاهيه وصلت ..

علي.. مشكور دكتور... طلعنه..جوري بيج حيل تمشين نروح للبيت مشي......

جوري... اباوع مسافه كلش بعيده بس ادري بي خلص فلوس وكال نمشي... يلا عادي نمشي..ضلينه
هوواي حته تعبت واحس رجليه تشنجت... علي شوكت نوصل...

علي... مضل شي شسويلج فلوسي كلها ذابها ع دكاتره.....

جوري... تنهدت بحزن.. الحمدالله... بس بداخلي حيل اختنكت وطريق كله ابجي اباوع هذا حالنه لو اباوع حالي الي مداشوف عافيه وصلنه للبيت بلكوه
و كلش تعبانه من المشي اخذتلي ملابس ورحت سبحت اباوع رجليه صايره حمر من المشي طلعت من الحمام جففت شعري واخذتلي مرطب للقدم خليت....

.... بس هنا واحس بوجع بطني وبضهري مددت ع فراش والم ميروح تذكرت الشهريه صارلها شهر ماكو كلت خاف عندي حمل شي لمن صعد علي كتله..

علي ... ها شلون اخذج للدكتوره ليكون حمل لان هواي طولت وماكو...

جوري... حجزت عند دكتوره ابتسام للصبح ورحنه طلعنه ساعه 9 وصلنه للعياده سالت سكرتيره موجوده دكتوره كالت لا عندها عمليات لل 10تنزل  كعدنه انتظرنه الدكتوره فعلا ساعه واجت بدو المراجعات يدخلون الها ومابقه شي واني ادخل كدامي بس اثنين  اني كاعده وكبالي شباك مفتوح والهوه يطاير والاشجار تتحرك منظر كلش حلو اخذت نفس گلبي مدري ليش مامرتاح احس اكو شي راح يصير بس ماعرف شنو ضلت افكار جيب وتودي واني سرحانه ،....

فجأه اسمع علي يصيح باسمي جوري درت وجهي واشوف علي مثل مخطوف لونه وخايف باوعته بتعجب وگلبي يدگ سريع..... ها علي خير....

علي...  بصوت مخنوك امشي ع سريع اسحبي الكشفيه وامشي نطلع...

جوري... ادري شكو وليش داطلع مابقه شي وادخل للدكتوره.....نتر بيه..

علي... مو داكلجج كووومي عادد جدي اتووووفه.......

جوري..... .خليت ايدي ع شفتي يااا خطيه الله يرحمه حجيت بكلبي هسه وكتك لو فايته عاد للدكتوره عاب عضي..... حبيبي خليني اني لان راح ادخل ومنتاخر انشاءلله.... ..باوعته صك سنونه ويمكن اله شوي يكوم يضربني ونوب منا عالم تباوعلنه كمت من ع كرسي واني ضايجه اختنكت....

... يعني اني جااايه جااايه شكو دنرجع هفف لو مجايه هواي احسلي عود جنت متأمله اسوي سونر واطلع حامل دمعت عيني بلحظاتها رحت ع سكرتيره كتلها..... حبي صارت عندي ضروف هسه اني لازم اطلع...

... اي حبيبتي ترجعين لو تسحبين كشفيه...

جوري.. لا اسحب... طلعت لفلوس ورجعتلياهن وطلعنه اخذنه تكسي ع سريع ورحنه واني طول طريق ادردم بداخلي حيييل ضجت..وصلنه  هو كبل راح لبيت عمه اخو ابو اني دخلت للبيت لكيت هدوء ضاهر كلهم هناك صعدت لغرفتي طلعت الاسود لان ميصير بعد هم اخو بيبي ام ابويه وهم ابو زوجي وخال ابويه......

.... ..فتحت فوني اتصلت ع امي جانت توها راجعه من بيت عم علي كعدت تسولفلي شلون مات خطيه جان هو كلشي مابي رجال جبير بلعمر ويعني ماعنده امراض مثل مزمنه وله شي كلشي مابي بس جان قبل فتره راح سافر للاردن وهناك ومتخربط وناطي علاج ومن يومها بدتت.....

حالته تدهور يوم بعد يوم تزيد وفجأه صارت عنده جلطه بلدماغ ضل اشهر يعاني من مرضه الى ان حط راسه ومات .....

... . للضهر اجت عمتي ومروه لبسن اسود وطلعن اما عمي ابو علي لاول مره اشوفه يبجي جان حاط الموبايل وصورة ابو كباله ويبجي من شفته بهاي حاله لااردي نزلت دموعي مسح دموعه رفع راسه وجان يشوفني حجه بصوت مخنوك...

ابو مهند.... عمو ولو زحمه عليج حضريلي ملابس للحمام....

جوري...  اي عمو تدلل.... رحت ع سريع حضرت اله حمام سبح ولبس دشداشته سوده وطلع واني وراه عزلت البيت وبدلت ولبست عباتي ورحت لبيت المرحوم جانو مسوين العزه بيت عم علي .....

... اني لاول مره  احضر فاتحه اني ابد ماروح فواتح فـ جنت استحي وكوا احجي متلبكه والخجل عاميني كتلهن لنسوان عمومته ولـ عماته لعلي بقاء بحياتكم بس حيل متوترة جان اول يوم قران علي وعمي ومهند والكل راحو للنجف جنت اباوع حال عماته وهنه نفسهن يصيرن بنات خال ابويه كاعدات يم امهن يبجن بنحيب وألم ويلطمن بقوة اما حال بيبته لعلي ماكدر اوصف حالها جانت حيل تحبه تزوجو ع حب......

..حته نسوان عمومته يشاقن وياهم يكولن عليهم راميو وجوليت قصتهم مليانه حب وتضحيه شكد مجانو يحبون بعض لقبوهم هيج.. لثاني يوم الفاتحه بنات عماته  واكفات بلمطبخ يسولفن ومن ضمنهم هدى فـ علي اجه جايب الهم ماي صناديك واشوفه واكف ويحجي ويه هدى احس نار شبت بصدري  ضجت نوبه حيا هيه لزكه تضحك ويا وعادي ولبس مالتها ضيگ وكله لمع ولمكياج عبالك ولاجدها ميت الاشوي اروح اسحلها من شعرها كوا لزمت نفسي وكتمت غيرتي ........

.....شوي والناس كامت تجي وصارت ضجه وهوسه  اله ماشوف غير ازهار وام عمار دخلن اباوع ازهار شكلها كلش تعبان حامل بشهرها خرب هسه شعندها اجت يعني مو اله تجي يعذروها حامل  التفتت ازهار وجان تشوفني اجتي يمي ...

ازهار ....هلاو جوري شلونج ....

جوري ...ياهلا حبي ادري انتي متخافين ع نفسج حامل وجايه لهنا....

ازهار....بقلة حيلة ....شسوي  خالتي ام عمار كالت عيب منهم اذا منروح وناخذ من خاطرهم .....

جوري .... خلي طير هاي خالتج ليش مدشوفج حامل وبطنج واصله لخشمج امشي نروح لاهلي وارتاحي......انتبهت مريم شلون تباوع ع اختي غيرانه لان حامل مثل الحيه المسمومه تبث خباثتها وغيرتها حتى خفت ع ازهار لان ادري بعينها نگسه وتحسدها لزمت ازهار ...يلله امشي ...

.ازهار .... اي علوا جوري والله تعبت من المشي بس اروح انطي علم لخاله ورجعلج ....

جوري ...... ماشي حبي ...شوي واجتي مروه كعدت....

مروة ....  ااخ ضهري موتني اكلج جوري غسلتي الملابس مالت اهلي نضفتي البيت....

جوري ..گلبت اعيوني وعوجت حلكي... اي حبيبتي مطلعت اذا ماخلصت كلشي.

.ازهار.... يلا جوي امشينه...

جوري ... كمت اخذت عباتي وطلعنه رحنه عند اهلي لكينه امي واكفه تغسل مواعين اول مشافتنه رحبت بينه ...

ام جوري ....هللا هلا يمه شلونجن عاش من شافجن...

اني وازهار هلا مامي الحمدالله انتي شلونج....

ام جوري ... الحمدالله امشن فوتن جوه ليش واكفات...

جوري .. رحنه للغرفه كعدنه بس ماكو بيبي جانت بلفاتحه مال اخوها اجت امي جايبه وياها فواكهه مشكله كعدت يمنه ناكل ونحش بلعالم ...

ازهار ...يمه هواي خايفه من الولادة ونوب خاف حالي مثل حال جوري....

..ام جوري ..... عاطت بيها..... انجبي لاهيج تتفاولين انشاءلله تكومين بسلامه وكلشي ماكو.....

جوري ....ضلينه كاعدين لليل واجن عماتي وبيبي من الفاتحه هنا علي خابرني جان راجع من النجف تعبان رحت للبيت حضرت اله حمام سبح وصعد نام.....

....مرت ع الفاتحه 3 ايام واني كل يوم اروح ويه عمتي او مرات ويه مروه.. وره كم يوم وصلتني رساله من فاطمه حماتها الاختي كاتبتلي ....جووري  وينج ازهار تره بلمستتشفى جابت بنيه وحالة طفله خطره ....ودزلي مصلق الي يبجي.....

كبل فزيت من فراش وگلبي يدگ سريع انعاد عليه موقف ولادتي وهسا شحال اختي اكيد نفسي متأذيه اباوع ساعه 11صبح نزلت لجوه ع سريع غسلت وجهي وبالي كله يم ازهار خايفه عليها .....دخيلك ياربي كومهه بسلامه هيه وطفلتها...  بلحظتها اختنكت حيل وكمت ابجي صارت عمتي كبالي وشكلها مقهورة ...

يسر ... اختج جابت واحتمال ميعيش طفل يكولون..

يتبع ..

انثى 💜 ملائكيه

أخطاء لايُمحيها الزمن

لاتنسو الضغط على نجمه اسفل البارت والي ممصوت على بارتات السابقه يرجع يصوت