رواية أخطاء لايُمحيها الزمن الفصل الرابع والعشرون 24 - بقلم أنثى 🪽 ملائكية

انثى 💜 ملائكيه

أخطاء لايُمحيها الزمن

بعد گلبي ياريت تصوتون واريد يزيد تفاعل حتى باجر هم انشر بارت ولاتنسو تعليق بين الفقرات ....

جوري ...وقت الفون بل 3لان اتاخر علما اجهز نفسي كمت من فراش باوعت علي نايم بسته بخدة وگمت اخذت الفرشه مال اسنان والمعجون فرشت اسناني وغسلت وجهي بغسول الخاص بيه وصعدت بدلت وعطرت نفسي وماخليت ميكب لانه ممنوع كتفيت واقي شمس وبعدين تذكرت مامخليه بلجنطه عطورات وشغلاتي طلعت المرطب والغسولات والعطورات من خمس انواع الاستخدمهم...

....اخذت من محفظت علي فلوس وخليت بجنطتي صغيره اخر شي بعدلي الحجاب لبسته واخذت ساعتي همين لونها اسود وبيها لمع اخذتها بلون ملابسي انتبهت ع فوني يرن جان صامت شفت اتصال من مسئوله جاوبت ..

المسؤله .. صباح الخير...

جوري .. صباح الخيرات ...

المسؤله ...خلصتي لو بعدج....

جوري ... اي خلصت بس اطلع من البيت وين نلتقي...

المسؤله ... تعاي لـ بيتي نلتقي ومناك نطلع ...

جوري ... ماشي... سديت منها الخط دزيت رساله عمتي ندى كالت راح اطلع ومرت عمي كذلك سحلت الجنطه بيها جروخ باوعت علي نفس نومته كعدت بصفه خليت ايدي ع وجهه اتلمسه وجريت نفس راح اشتاقله بهدوء حجيت ...علاوي اني رايحه هسسه... فتح عيونه بنعاس وباوعلي...

علي ... لزمتها من خصرها وسحبتها لصدري اتلمس خدودها ....راح اشتاقلج ..

جوري ..عضيت شفتي بفهاوة ودمعت عيني ..ترى ماروح ..

علي ...لاحبي روحي احتمال مراح تجي هيج فرصه مرة ثانيه ...

جوري ...حضنته واني دمعه بطرف عيني باسني من گصتي ..

علي ... الله وياج حبيبتي ...

جوري ...بوسته من خده وطلعت وهو رجع نام تنهدت و نزلت جوه لكيت عمتي كاعده لابسه جادر الصلا كتلها ....عمه وين خليتها الابره حته اخذها وياي ....

يسر ... بثلاجه وسوتلجيها.

جورب .. رحت فتحت ثلاجه لكيتها لزكتها ويه بطل الثلج اخذت المطاره عندي لونها بنفسجي خليت بطل بيها حته اذا يموع الماي ما عليها شي ويه جنطه خليتها وطلعت مرت عمي ويانه بنفس الفرع طلعنه سوه شوي واجت عمتي ندى وهمين اخذنه سياره ونزلنه لهناك ولكينه النسوان كلها جايه اتجهنه للكوستر ...

ندى.... هاج جوري هذا نقاب الج...

جوري .. اخذته منها واني اباوعله بحيرة ... شلون اني ماعرف البسه ....

ندى.... مو هسه تلبسي ولج من ننزل كربلاء ....

جوري ... اكلج هو ليش نلبسه يعني ضروري...

ندى.... طبعا ضروري هم احتراماً للامام وهم محد يعرفنه ....

جوري ...خلي نجرب البسه هسسه اشوفني حلوه بي ....

مرت عمي ضحكت ..

ندى ...گلبت عيونها وتفر بيدها ... باعي هاي بطرانه دور جمال ...

جوري ...لبستني النقاب لان ماعرف البسه طلعت بس عيوني اخذت فوني فتحت كام واشوف بس عيوني عزه شنو هاي اخوف ...

مرت عمي وندى كالن يخبل عليج النقاب عيونج برزن وهنه بيهن لمعه كلش حلوات اجن هنه هم لبسن نقاب مثلي واخذنه صور ونسولف ونضحك لحد ماكمل العدد النسوان اجت المسئوله رادت من الكل فايلات مال مستمسكات سلمناهن وهنا كوستر مشت بينه.

.....بدتت تحجي ويانه مسئوله وتنبهنا ونطتنه بعض ملاحظات بخصوص الخدمه هذا شي ممنوع وهذا ممنوع حته ميقبلون نسولف ونضحك ولازم كلشي نتحمل من الزاير الاهانه اي شي يصير لازم نسكت لان احنه جاين نخدم الامام واي شي يصير مخالفه يصير ابلاغ ويسحبونه ...

... بعد مرور ساعتين او أكثر ودخلنه كربلاء ..

المسئوله.... صاحت.. عيني خواتي البواشي لبسوهن قبل لاتنزلن ...

...عاد الكل لبس واني تعلمت البسه شافتني مسئوله وفتحت عيونها عليه كلت بداخلي عزه هاي شبيها راح تاكلني جان تعيط بيه وجفلت ...

المسؤله ....جوري ليش مخليه كحله احنه مو گلنه ممنوع ..

جوري ...بخجل نزلت بوشيه وكتلها بأرتباك حجيت...لاخاله مامخليه والله ...

المسؤله ...لعد عوفي هاي البوشيه واخذي هذا وغطي عيونج لان انتي بعيونج جذبين الواحد ...

جوري ... صراحه حيل ضجت واتنفرزت عود اني مقابله البسه هنوب عيوني اغطيها من خرب حضي حته هنا محاسبه بترجي حجيت ...فدوه خاله تره هذا لعندي بلكوه لبسته وخانكني خليني عليه .....

المسؤله ... ميصير حبيبتي غير احنه نتحاسب من وراج هاي بعد شروط كالولنه اي وحده عيونها ملونه اذا كانت عيونها مكحله لازم تلبس نقاب كامل حته عيونها تتغطه ...

جوري ...اخذت نفس كتلها ...اذا لبسته شلون بعد اشوف من امشي....

المسؤله ...اووف شكد تنعوصين بنتي تشوفين تعاي جربي...

جوري .. اجت ليمي ولبسته الي ونزلت البوشيه ع عيوني خرب اختنكت حيل وكمت انافخ ...

المسؤله .. ها شفتي...

جوري ... اي بسس ...

السؤله ...بقلت صبر .... هاهيه لابس ولاشي يلا انزلي حبيبتي ....

جوري .. لميت شفايفي وجتفت اديه طنكرت وعمتي ندى تكرص بيه ....

ندى ...مجاين للسياحه ونتونس اتحملي هاي الخدمه شعبالج ....

جوري.... سلمت امري لله ونزلت اكو وحده نتبهت عليه هم مثلي نقاب كامل ع عيونها الي عرفته من مرت عمي كالت عيونها ملونه ولبسوها وكفنه ع شارع بس ع صفحه نتظر تجي سياره من العتبه واكفين بساعه تقريب اني كلشش تعبت ورجلي نملت ودوخة ومنا شمس تصكع فوكانه روحي ماعت هسه اني شورطني واجيت ضليت ادردم بيبني وبين نفسي وحيل اتنفرزت......

.. واسمع وحده من نسوان تكولهن...

.. عفيه بنات هذا سايق وين صار
ليش اتاخر تره تعبنه ..

المسئوله ....شبيجن خواتي صبرن الأجر على كد المشقه...

جوري .....اني نافخت وكلت بهمس ...حته هيج اجر ماردنه ع هاي سلكيه مو نسمط ابو ابونه بلشمس سمعتني عمتي ندى وباوعتلي ...

ندى ...بعصبيه ...ولج جوري بله لغوه زايده شكو لعد اجيتي اذا ماتتحملين انتي شعبالج لعد اكو شي يصير بسهوله تره بعدنه باول طريق عيني ...

جوري ....باوعتها صفح وكتلها... واني شدراني هيج نبقه بشارع لعد واني تخبل من الانتظار ..

مرت عمي ... جوري ميصير هيج تحجين فدوه مو جايه للامام تخدمين وتعرفين هااي الخدمه شكبرها عند الله ناس تتوسل لو تجي مره وحده تخدم الامام والله وهسه حاسدينه ع هاي خدمتنه وانتي كاعدتلي تحجين منريد هيج اجر لاحبيبتي...

جوري .....سكتت بعد مجاوبتها بشي صدوك غلطت وحجيت هاي اني دائماً هيج من اعصب واضوج احجي حجايه وبعدين اتندم اكول ليش هيج حجيت ورجع احاسب نفسي حته ماعيدها.....

....اجتي الكيه من بعد انتظار ساعه احنه عددنه كلنه تقريب 30وحده صعدت نص المجموعه بلكيه وقبطت واحنه ماصعدنه لان صار هجوم ع الكيه احنه عنده عزيت نفس مانروح هيج مثل نسوان ونتهجم بلعكس ضلينه ع وكفتنه لان دنباوع الوضعيه لحد ماقبطت الكيه وطلعت بيهن واحنه واكفين....

..اباوع ويانه كم وحده تقريب 7 ضلن اجت المسئوله...

المسؤله .. بنات راح اخابر ع كيه ثانيه توصلنه...

جوري ... خابرت ع سايق دقايق واجانه وصعدنه بكل هداوه وحته الكيه ماقبطت ومتنفهين عكس ذيج الكيه صارت لحم كثر الازدحام صار بيها وصلنه السايق قريب الامام كلش بحيث يم صحن وين متوصل سيارات العتبه هناك نزلنه وتلقينه ويه الجموعه الأولى وكفنه سوه علما تخابر المسئوله ع احد من العتبه حته يفرغون النه مكان داخل صحن الامام بس اكو غرف خاصه للمتطوعات او المنتسبات للراحه الهم ..... فـ احنه ذبينه الاحذيه وخلناهن بكيس وبجنطه لحد مااجت المسئوله دبرت لكلشي ودخلنه للمكان ...

..بحيث كلش قريب ع الامام الحسين عليه سلام مثل اذا اريد اطلع خارج اصير كبال الامام اول مدخلت دمعت اعيوني وحسيت صدري ثلج وكزبر جسمي دخيله الامام شكد تعبانه حسيت براحه نفسيه عجبيه وكأنما اجبال على ضهري نزاحت تنفست براحه وبدمع العين بديت ادعي وحتى ارتبكت وكلت هوا اعلم مني بحاجتي فدوته ميرد احد...

... هناك عاد اني وعمتي ومرت عمي سوه عزلنه روحنه كالعاده حته منختلط هواي بلناس جانو كاعدين اقسام اقسام لان حته محافظات اكو متطوعات ، الجنط خلناها يمنه وكعدنه مددنه بلكاع لان صدك تعبنه حيل كعدنه نسولف ..

ندى.....ترحن للحمامات نغسل ونجي ناكل ..

كنالها ..يلا... صعدنه بلقاطع الثاني الحمامات لكينه نوب ازدحام اني كتلهن ...بس اغسل وجهي واطلع..

كالن... يلا روحي..

شفت ماكو احد يم المغسله اخذت الغسول وصابون مالتي فتحت الماي غسلت وجهي وايدي حسيت ردت روحي من صار ع وجهي مي لان طگگ من الحرارة وخدودي صايرات حمر ماشوف اله وحده يمي واكفه واني ناسيه ونازعه حجابي ومخليته ع كتفي ونوب صابغه شعري شقارات جان تكول..

... عيني يحلوه..

.. اني عبالي مو وياي داتحجي واني مندمجه افرك بوجهي بصابون .. جان تعيط بأذاني وتكولي..

.. ام الشعر الاشقر عيني حجابج لبسي...

رجعت باوعتلها واني عاقدة حاجبي وأشر لنفسي ...وياي...

باوعت داير المكان وگلبت اعيونها .. لا ويا الحايط مو داكلج لبسي حجابج تره فوكانه كامرات...

جوري ... خليت الحجاب ع راسي ورجعت اغسل وبداخلي احجي اني شدارني فوكاي كامرات وشنو من سلوب عندهم والله يالله خلصت وطلعت لكيت عمتي ندى واكفه ويه وحده وتقصقص وياها رحت ليمها واني دعدل بشال شافتني ع ندى ضايجه ...

ندى ....شبيج شكلج ضايجه ...

جوري .. اي غير اجتي وحده ونترت بيه بعد شوي وتاخذلها راشدي مني..

ندى ... ليش شصار..

جوري...حجيت واني مختنگه.... تكلي لبسي حجابج عفيه شنو هنا ماعندهن اسلوب حلو ويعع...

ندى .. ضحكت وكالت... يمعوده لا ع كلشي وتضوجين تره عادي واذا كالتلج لبسي حجاب غير علمودج وع لاتجيهم محاسبات جوري انتبهي مره ثانيه تره بكلشي يحاسبون...

جوري .. باوعتها صفح واني روحي بخشمي .. خلي يولن ماحب احد يحاسبني اجت مرت عمي...

.. كالت ها بعدجن واكفات تره متنه جوع

جوري ..عمتي ندى جانت مقابله ع كلامي حجت ويايه واني طنشت كلامها عشتو نزلنه ولكينه مسوين سفره ريوك كعدنه ناكل اني مشتهيت طلعت بسكت من جنطتي واكلت وياها عصير كملنه اكل ...

ندى... جوري مددي نامي شوي تره ورانه واجب ادري بيج بسرعه تعبين بزر نستله .. في

جوري ..بس من يتغير مكاني ماعرف انام هنا..

ندى ... حتلو بس غمضي عيونج هسه تغفين بس ..

جوري ....كتلها ها مادري مرت عمي شفتها مددت بلكع وحطت راسها ونامت خرب واني وين اعرف انام هيج ونوب اباوع هوسة النسوان يبوو اني اريد انام بمكان هدوء وماكو احد شفت عمتي ندى هم اخذت بطانيه وفرشتها بلكع ومددت.

ندى. ...تتعاي يمي هنا..

جوري ... رحت يمها كعدت ونتجيت ع حايط غمضت عيوني احس راسي يوجعني هناك وتجي المسؤله الجبيره ع المجموعات كلها...

المسؤله .. عيني خواتي هسه لازم تنامن ترتاحن تره وراكم واجب وقت طويل فـ هسه الكل اتنام ..

جوري ...وصدك كامن النسوان يفرشن وينامن بلكع وره ساعتين صار هدوء وصنطه الكل نام اله اني ضليت كاعده واتكلب ماعرف انام اله بفراشي....

.. صار عندي ملل كد مجنت كاعده كمت ع هدوئي فتحت الجنطه وسحبت منها فوني لكيت مكالمات من علي طلعت بره حته اخابره. واني وجايه امشي شفت وحده ماعرف منو جانت كاعده مثلي ومخليه هتفون بذنها ابتسمت الها وهيه هم بادلتني الابتسامه وجان تكلي...

... ليش مانمتي..

جوري ..رفعت اجتافي .. ماكدرت انام ونتي ليش منايمه..

... مثلج ..

جوري ..بتسمت بعفويه ز استمريت امشي ورجعت سالتني...

.. وين جاي ترحين ..

جوري ..كلبت عيوني وكلت بداخلي عزه هاي شبيها شرايده مني هسه التفتت عليها ورفعتلها موبايلي كتلها... دخابر ..

..بخجل .. هاها ع راحتج..

جوري .. عفتها وصعدت فوك جان ممر يم حمامات هذا مكان الوحيد فارغ ومابي احد اتصلت ع علي رفع الخط كتله.. الو...

علي ... بدراما وزعل ....الو ها ولج ليش مجاوبين من ادك عليج هيج بساع نسيتيني من رحتي بذاته ..

جوري ...رمشت عيوني وحجيت بهمس ...حبيبي والله غير علما وصلنه وكعدنه واكلنه وهسه صار عندي مجال وخابرتك انته هسه وين وشدتسوي واكلت لو لا....

علي ....بحزم .. بس مره ثانيه من اخابرج تردين واني هسه توني رجعت من الشغل ومدد بلفراش وتعبان ومحتاج انام بحضنح ..

جوري ...اووف ياريت يمك وانام براحه خرب هنا ماعرف انام وراسي كلش مئذيني ....

علي .. ليش حبيبتي حاولي نامي وارتاحي تره موزين ،شوكت طلعين للواجب ..

جوري ... ماعرف مكالو شوكت...

علي .. ديله من طلعين انطيني علم ..

جوري... انشاءلله.... نهيت الاتصال ونزلت لكيت لبنيه بعدها كاعده مشيت درجع لمكاني وجان تكلي..

... تعاي يمي اذا وحدج كاعده ..

..باوعت مكانها مزدحم ...وين اكو كعده..

... لا هنا اكو مكان ..

جوري ...رحت يمها كعدنه..

شنو اسمج..

جوري وانتي ..

ايات من البصره ..

جوري .. تشرفنا ..

ايات .. واني كذلك تشرفت بمعرفتج حبي ..

جوري ...بقينه نسولف ع حياتنه وع الخدمه وهيج محسيت بلوقت صار وقت الضهر 12 رجعت المسسئوله تكعدهم ع وقت االصلاه وكلهم كعدو واني بعدني يم لبنيه نسولف مشفت اله عمتي ندى فوك راسي...

ندى ... ولج جوري وينج كاعدتلي هنا واني ادور عليج اكول هاي وين راحت ..

جوري .. ضحكت وكتلها ..مو طلعت بره اخابر علي وبلصدفه شفت لبنيه كاعده وبقيت يمها ..

ندى ... يعني منمتي ..

جوري ... لا ماكدرت..

ندى .... ولج يمته زين دمشي يلا كومي اتوضي حته نصلي ورها يبلش التدريب ...

جوري ... كمنه اتوضينه وصلينه وهنا اجو المسئولات هنه اكثر من وحده فـ المسئوله الي علينه...

.. ... الجديده ع االخدمه تطلع هنا تجي يمي..

جوري ... فـ اني جنت من ضمن الجديدات علمود تدربنه ع تفتيش فـ وكفت وحده واجت مسئوله تفتشها ودقق من راسها لجعب رجليها ...

وكالت... اهم شي تركزن ع المكان الي يخلون بيها موبايلات ..

جوري ..اني بقيت اباوع شلون تفتش حسيتها شغله صعب ومراح ادبرها واخاف تجيني وحده لبسه حزام نافس وتفجرني بمجرد بس اتخايلت متت خوف عزه جوري شورطج وجيتي جايزه من روحج هفف نوب اجاني السره وكالت..

.. تعاي جوري فتشي كدامنه..

جوري ... كمت ارجف خايفه ومتوترا يعني هسا شورطني بلعت ريگي بصعوبه وجهي شحب لونه ماحسيت الا من حجت وياي..

...بنتي تره ضامه موبايل اريدج طلعي منها ..

جوري ...اجيت افتشها وايدي ترجف بس كوا سيطرت على نفسي وكلت لازم اصير قويه بديت من راس ونزلت ع اكتاف فتشتها كلها وصلت للركاب وهجزت شي قوي ... خاله لكيته موبايل... صدك فرحت لان الي تلكي موبايل او شي معناها تفتيشها مضبوط...

... عفيه عليج جوري هيج اريدج سباعيه ونبها

جوري . ابتسمت مجامله ...انشاءلله.. بس بنفس وقت اني حيل خايفه ماعرف ليش باوعت ساعه 3ضهر رحت ع عمتي ندى ...عمى الابره لازم هسا اضربها استحي اكول للمسئوله ....

نظى ... هسه انكلها ولايهمج.... راحت عمتي وكالتلها و اجتني...

ندى .. امشي لبسي عبايه والبوشيه ونروح نشوف بلكي اكو مضمده ..

جوري ..لبست وطلعنه بلصحن الامام دنمشي وسالنه ع طب رحنه لكينه اكو كاعدات مضمدات اكثر من وحده بس ولا وحده قبلت تضربلي ابره ماعرف ليش اعترضو من شافو الابره ..

المسئوله ....امشي جوري خلي يولن تلكيهن ميعرفن يضربنها ..

جوري ...اني هنا كلش ضجت واختنكت خرب حضي عود جنت متأمله كل شهر وهلشهر ومدا يصير حمل  رجعنه واني ابجي من قهر ...

مسؤله ...اووف شنو هاي حبيبتي لاتبجين وادعتج اني مريت بالاسوء مثلج مخليت دكتوره تعتب عليه وجربت اشكال الابر والمنشطات وماحبلت مات زوجي ومصار واحمد الله واشكره وانتي بعدج صغيره انشاءلله يصير عندج وتملين....

جوري ...اني سكتت نقهرت عليها وبقيت استمع الها اكول صدوك لو كالو ليشوف مصيبة غيره تهون عليه مصيبته مسحت دموعي وكلت الحمدالله بس داخلي مليان هموم وقهر ومتنفرزه حيل ...

.. وصلنه لمكانه شافتني مرت عمي ابجي ..

...ولج شبيج جوري ضربتي الابره ...

جوري ...من كالتلي اشبيج اختنكت اكثر وعيوني تجري دموع وجان البطل الماي بيدي وبي ثلج باوعتها كتلها بصوت مهزوز.... لا مقبلو من خرب حضي ...صرت عصبيه وشمرت البطل حيل واجه ع الباب وهناك المنتسبات كاعدات واجت وحده فتحت باب وباوعتلي وضحكت ....

كالتلي... عليج الله الابره وين ضربتيها بلباب ..

جوري .. وهنا اباوع النسوان كلهن فطسن ضحك واني حيل خجلت حسيتها فشله وبقيت جامده مكاني عزه هاي اني شسويت شفت مرت عمي ضربت خدها واجتي وجرتني من ايدي وكالتلي ....

... يمعزايه يجوري هاي هم سوايه تسويها غزتينه كدام العالم .  .راحت وكالتلها.... اعذرينه خيه تره البنيه مو قصدها اجتي تبجي لان ماضربت الابره وتدرين بيها مديصير عندها اطفال وضلت تقنعها من هذا الحجي بس المنتسبات كامن يحجن يكولن هذا مو تصرف .....

يتبع ..

انثى 💜 ملائكيه

اخطاء لايُمحيها الزمن

لاتنسو التصويت

بلازحمه ممكن تابعوها وتقرون قصصها مبينات حلوات

Zzaa_478