تحميل رواية «أخطاء لايُمحيها الزمن» PDF

انثى 💜 ملائكيه

أخطاء لايُمحيها الزمن

قرأة ممتعه رجاءً تصويت قبل القرأة

جوري ...محمود طلع كبالنه يمشي واحنه وراه عصرت ايدي بغضب وحجيت بعصبيه ....ماما شنووو هذا ويانه ويانه ميستحي ويولي وينطبر بلسياره....جان تخنزر بوجهي..

ام جوري...بنترا... جووري تره مصختيها وكافي تحجين ع ولد فوك مايوكف النه هم خلفله عليه يجي والي ويانه وشمسويلج حته تحجين عليه هيج...

جوري...كتمت غضبي گوا وحجيت بهدوء..يممممه هذااا ممحمود تعرفين عنه كلشش زين لو ميحتاج احجي...

ام جوري....اي مو انتي معاشرته مثلا حته داتحكمين عليه لو بس سمعين كلام ناسس يمه ترره هاي عالم كلشي تصفط حجي ومو كلشي تسمعي صحيح ومحد راضي ع ولااحد احسن من ثاني وميزكي الانفس اله الله انتي قابل تعلمين بي....

جوري.... ماما صحيح كلامج بس تره مو كل ناس طيبه مثلج وهيج ع نياتها ماعرف ليش مامرتاحه اله....

..بهل اثناء ويدك موبايلي فتحت جنطه وطلعت موبايلي قريت متصل اختي ازهار جاوبتها... هلو حبي..

ازهار... هلا حياتي شلونج..

جوري... الحمدالله وانتي...

ازهاء... الحمدلله وين ماوين انتي....

جوري...ابتسمت صفح بخباثه حبيت اشعوطها.... طالعه ويه امي نتونس دافتر بمول الحارثيه هذا جديد نوب يجنن والمحلات راقيه فدشي حرمات طلعه فاتتج... هيه تخبلت واني كاتمه الضحكه ...

ازهار...بقهر ودمعه بطرف عينها .... هاا شنو هلخيانه ليش ماخذتوني وياكم لو اني بنت البطه سودا محد يدز عليه روحي زعلت....

جوري...نبرة صوتها مخنوگه ...شبيج هووب هووب اسمعيني ياعيني اخذنه محمود حتلو كايلليلج عمار تضنين راح يقبل لو يسويلج زفه مثل ذاك اليوم ويكعدج بيت اهلي....

ازهار.... وشكو ترحن ويا اكيد مراح يخليني وانتي شلون خلاج علي ترحين...

جوري....اكو غير العكيد بيبي

ازهار.... هااا دكول ...

جوري.... ديلا ولي خلي اروح اشوف ملابس ..

ازهار... يلا باي ..

جوري...غلقت الخط وصعدنه الدرج الكهربائي وصلنه فوك وجان واحد واكف شافني ضل يباوعلي هنا محمود رئساً شافه خنزر ع ولد مهتميت مشيت دخلنه بمحل عارض فساتين عجبني الماروني جانت بنيه بلمحل رحت الها ...شنو قياساته...

... كالت.. اكبر واحد قياس 42 ..

ام جوري...  لونه محلو هواي صارخ اخذي الوان فاتحه احله ..

جوري...كامت لـ بنيه تطلع النه بلموديلات الابنيه ببتسامه وكالت... انتو خوات ...سوت اشاره الي والامي..

جوري .. ضحكت وكتلها ...يااخوات هاي امي ..

كالت... يااا صدوك ليشوفكم خوات مشاءلله امج صغيره..

..طبعا امي مواليدها 85 ويعني عمرها بل ثلاثينات بس ليشوفها حسباله بنت العشرينات امي ناعمه وبيضه حته اني من اوكف يمها اطول منها وشوي جسمي لان متروس هههه مو مثلها..

جوري...درت وجهي واشوف نفس الولد دخل للمحل بحجة عود يكلب بلملابس وصار يقترب بتجاهي ابتعدت منه وسمعني كلام عود ديتغازل اني بعدتت نفسي عنه ورحت يم امي.... ماما شوفي هذا يباوعلي وسمعني كلام...

ام جوري ...عكدت حاجبها وكالت ... شسويله يمه غلسي ع هيج سوالف لاتحجين بيها وانتي هسه متزوجه ديربالج بيوم تحجين لاحد هيج وبعد لاتحطين بالج يم هلسالفه وتمشين بدربج ولاكنو تشوفين ولاتسمعين...

جوري...تنهدت .. ماما والله ماشيه بطريقي بس همه يصيرون كبالي وماستر ارفع عيني بعد يلزك يضل باوع بس هو قابل مديشوفني مناطيته مجال شكو هلزكه هاي ...جنت احجي ع كيف واني ملتهيه اباوع بلموديلات رجعلي من صفحه ثانيه وهم كرر حاله بس هلمره جرني من ملابسي شهكت ورئستن دفعته وعطت بي....

.. ماشوف غير محمود يجي ويسحله بره ولزمه دك بوكسيات حطيت ايدي ع شفايفي امي فتحت عيونهه وضربت خدها عزه عززاني اجوي شباب تفاككهم رجفه صارت بجسمي ومدري ليش بهل لحظات اتخايلي محمود علي حسيته يغار عليه ويخاف عليه حته ابتسمت ابتسامه خفيفه بس رجعت تذكرت وصحيت ع نفسي وكلت علاوي صح يغار بس غيرته ابد مايضهرها الي شكد من نطلع يباوعولي شباب اشوفه يضوج ومايقبل بس مايبين اليه بس اني اعرفه...

....اله محمود فاجئني بردتت فعله اباوع محمود بعده يتضارب ويا واحد يغلط ع ثاني واهذا يضربه ولخ يضربه صخخاام كمنه منعرف شنسوي صرت ارجف خايفه  اباوع امي حالها اكثر من حالي  نباوع رجعو كووم شباب يفاككوهم لحد ماواحد عاف لخ بس بعدهم يتواعدون واحد للثاني ...

..اجه محمود متبهذل تيشرته ملخ وشعرا هوسه وبطرف شفته دم تقرب علينه و جانت عينه عليه وهو صاك سنونه بين عليه الغضب وجه نظراته لامي ...

محمود...ها ام احمد خلصتو نمششي..

ام جوري... اي عيني اصلا نرجع للبيت هواي احسسللنه...

جوري... مشينه وركبنه سياره وامي كامت تحجي ويه محمود واني ساكته صدك ضجت منه بزايد شكو ديسويلنه هوسه منو هو قابل ماما داده....

ام جوري ..ابني هذا شي صار ماريده يطلع او احد يدري عفيه تصير مشاكل وكلام ...

محمود ...لا ام محمد شلون يصير نحجي..

جوري... وصدك جان محمود كد كلمته ماسمعت منه حجايه اتوقعت منه راح يفضحني شكد مجنت ادعي من الله كون ينسه سالفه وتروح والحمدالله عدت سالفه ....

....اليوم اخر يوم برمضان طبعاً احنه نسهر برمضان متعلمين  فـ الصبح علي جان ماعنده شغل بقه نايم واني تقريب لل تسعه الصبح انام اجيت مددت بلفراش...

.. بعدتت عن علي لان اخاف منه يسوي وكاحه واحنه صايمين نداريت ونطيته ضهري شوي غمضت عيوني بس حسيت ع ايده مخليها ع خصري اني كبل فزيت بعدت ايده مني ع كيف نوب هو كبل سحبني وصرت بحضنه حضني بقوه اختنكت اريد اتنفس شوي وهذا صار جريئ اكثر اتلمس بمفاتن جسمي اريد اشرد منه ميخليني كلما ابتعد يقيدني ....علي هذا اخر يوم بس اليوم اصبر...

علي ... همس بذوبان وخدر... شبيج حياتي مداسويلج شي هاي اني حباب ..

جوري...عمصت عيوني .. لعد عوفني انام ...

علي.... نامي شعليج بيه..

جوري... هو جان يحجي ويبوس بيه نوب اني ماريد اضعف واسلمه نفسي اعرف هلشي حرام نوب نفطر رجعت ادفع بي ومانطي مجال مللني عصر خصري بيده وسنونه برگبتي عضاني انيت بوجع صار يضغط بجسمه على جسمي دفعته من صدره ونهضت نفسي داطلع من جواه بس رجع لزمني من ايدي وسحبني ونومني وايديه رفعهن فوگ راسي لزمهن حيل واني ارفس جواه مقاومه اجاني وتقرب بقوه وحيل ائذاني اول مرة يتصرف هيج اعيونه نعسانه ويتنفس سريع حتى شعرا تمرد ونزل على گصته اهز براسي وصرت ابجي واتوسل بي يعوفني وهوو ماكو معافني اله اخذ ليريده مني يالله گام وطبع بوسه على گصتي .....علي ليش هيج ..

علي...بذوبان ..نعل يومج شكد قويه تعبتيني ..

جوري...انت طيحت حظي والله تأذيت ..

علي...غمزتلها ...غير اعبر عن حبي ..

جوري...هفف ..

...........................

لثاني يوم صبحنه ع اول يوم العيد ساعه 6الصبح كاعدين الكل مقررين نروح للجامع ع صلاة العيد صعدت ابدل فتحت الباب واشوف علي واكف ع المرايه وجاي يشسور شعره اباوعه شلون طالع هيبه وحلو لبس دشداشه لونها تركوازي  كلش فاتح لونها طالعه دشداشه تخبل عليه ضليت سرحانه عليه هو انتبهلي من المرايه طفه شسوار اني رحت وكفت يمه مادري شلون صرت جرئيه خليت ايدي ع ركبته ورفعت نفسي اله وطبعت بوسه على شفايفه ... فديتگ يروحي و كل عااام وانت باالف خير حاوط خصري بأدي واخذني بحضنه وباسني بكل رقه احس طرت فوگ الغيوم ..

علي.... وانتي بااالف خير حياتي يخللياج الي...

يسر....بصوت عالي... يلا وينكم مترحون للجامع...

جوري... شهگت... يا واني لسا ماخلصت...

علي... راح كلها ....لا هسه جاايين انتظري يمه يلا جوري بسرعه ولج...

جوري.... واني ركض ركض خلصت كلشي وطلعنه للجامع قريب علينه بنفس المنطقه جانت نساء ورجال بجامع الكل متجهين للصلاة نساء خلوهم بطابق الثاني وزلم جوه....

..تشاوفنه هناک كلها الگرايب وناس تعرف ناس اهل منطقتنه تسالمنه وتعايدنه ورها اجه سيد صلة بينه جماعه لحد ماخصلنه سوينه سفرة ريوك وكعدنه الكل سوه نتريك كيمر وكاهي صدك جانت اجواء حلوه لل7ونص يلا رجعنه للبيت....

...للعصر يلا رحت الاهلي عايدتهم هناك واحس بطني وجعتني حيل لحد ماشفت شهريه تعبت كلش نوب منايمه زين جهال وهوسه لليل علي خابرني ..

علي.. حبي شوكت تجين..

جوري ...  ليش ..

گلبي لعب علي ابد مايخابرني اله بضروره تفاجات بتصاله وهو يسال عليه...

علي... هيج حبيت اسال ...

جوري... ها ماعرف يمكن بعد شوي او نص ساعه اشوف ...

علي...ها يلا اوك ..

جوري...من بعد ماسديت الخط اجوي بيت عمي يوسف كلت عيب اروح وهمه هستوهم اجوي بقيت ساعه نوب يلا رجعت صعدت لغرفتي اريد انام تعبانه اني اجيت فتحت الباب وهناااا الكه المفاجأه اباوع الغرفه كلها اضويه ملونه ترمش ونفاخ گلوبه وسمايلات شكو شي احبه موجود اباوع الميز عليه كيكه وداير مداير الكيك ورود  وحته دب باندا مخلي لان احبه...

...ومشغل اغنية عشگ مووت اموتن بيك يلغالي غيرر انته النفس مالي عششگ موت لـ سيف نبيل..اباوع اجواء الغرفه تخبل جان اول مادخل فزيت من علي ماعرف منين طلعلي هههه وهو

يضحك لان فزيت وجانت بيده باقة ورد قدمها الي واخذ شفايفي بين شفايفه الاحتاجيت هوا يالله عافني...

علي... عيد ميلاد سعيد حبيبتي وكل عام وانتي بخير وتحقيق الاماني..

جوري....باوعتله وعيوني لمعت بلدموع والله مجاي اصدك هذا علي شكد فرحت كبل شبكته كتله.... شكراً يروووحي احبككك الله يخليك الي يااعز ناسي... بعدتت عنه وهو مبتسم اخذ ايدي ولبسني سوار جان هو مو ذهب او شي.. سوار عادي بي قلب احمر بسس بوكتهه شفته شي حلو منه....

علي... عجبج سوار ...

جوري..هزيت راسي... اي والله كلش حلو حبيبي يسلموو ...نوب اخذني وقطعنه الكيك وصورنه سناب اني ع سريع غيرت ملابسي ولبست فستان قصير وفليت شعري وركصنه ع اغنيه لل 12بليل اجه ينومني ع فرش راد يتقرب مني اني منعته لان صدك جنت حيل تعبانه ومنا بطني....

اشو هذا كلب عليه وزعل وكام يصيح ميعذرني ابد وعافني وطلع خلاني ابجي عود هاي جنه فرحانين ع اقل شي زعل وطلع نمنه بليل واحنه زعلانين اعرف سوالي العيد لان لحيت عليه...

... بعد مرور 4 اشهر

جان بوكتها بداية شتاء الجو بارد بشهر 11 رحت للدكتوره جانت الشهريه غايبه عليه شهرين توقعت نفسي حامل طلبت مني تحليل حمل قبل لاتسويلي سونر..سويت تحليل وجنت ادعي من الله كون حمل ونخيت ام البنين بذاك اليوم لحد ماطلع تحليل ويكلي ماكو حمل رجع خاااب ضني ونصبت مناحه يابه مناحه هناك يم دكتوره وبس ابجي حته المراجعات كامو يندعولي ويكلولي الله كريم بعدج صغيره وملحكه ومن هلحجي دخلت للدكتوره شافت تحليل رجعت كتبتلي علاج وكالت شهر جاي اني اسويلج لقاح بنفسي لاترحين للجامعه كتلها انشالله دكتوره طلعت منها حيل مخنوكه من رجعت رحت لاهلي مارجعت لعيالي مالي خلك...

....اول مشافتني امي ركضت عليه ..

ام جوري... ولج شكو شبيج يمه متعاركه ويه علي وجايه زعلانه شبيج ...

جوري...لا كالعاده اسوي تحليل ماكو حمل يمه واالله مللييت تعبت اريد طفل يصيحلي ماما مليت من الناس يوميه وحده تگلي ها مصار عندج ويضلون يسئلون ويحرگون گلبي .... صرت ابجي وامي تهدي بيه استلمتني وياها بيبي..

ام جوري... ولج ليشش تنقهرين ياامي هاي كلها من صالحج انتي شمدريج ربج هو اعلم بحالج واني مو كايلتلج شيلي فكرة طفل من راسج ولج بسس انتي لاتفكرين شوفي الله شلون راح ينطيج ماما كااافي ديربالج ع نفسج وصحتج هاي حالتج نفسيه هم اتأثر عليج..

..بيبي.... اني دكتورات تدرين جانو يكلولي ...

جوري...باوعتلها ... شنوو.

بيبي....  انتي رحمج صغير ميصير عندج 90%متخلفين بس اني استهزئت بكلام دكتورات وخليت ايماني بالله وشوفي ربج خلفت وجبت هاي كلها ارادة ربج يابنتي خلي ايمانج بالله قوي...

جوري....مسحت دموعي بتعب وتنهدت احس جبال على صدري وخانگتني بكل حزن گلت... الحمدالله ....شوي ارتاحيت من بيبي وماما حجو ويايه رجعت للبيت وكانو شي مصاير حته لعلي ماحسسته بشي...

....بعد مرور شهر...

..رحت سويت لقاح وكالعاده 14يوم وكون اسوي تحليل حمل..هلمره خليت عندي امل انو راح يصير عندي حمل مو يكولون تفائلو بلخير تجدوه من بعد ماسويته رجعت للبيت عادي اتحرك اشتغل وانضف مابقيت نايمه ع ضهري مثل كل مره سويت العكس وبقيت الهي نفسي حته انسه ماحط بالي اكول بلكي حته يصير ....

اشو تالي وعلى غفله اسناني بعضهن بيهن حركه وبعضهن مدفوعات ونصهن طالعات ليكدام يوم بعد يوم اسناني تزيد وماعرف ليش والحنج احسه يوجعني بسببهن بذاك اليوم جان خميس الساعه 5العصر الجوو بارد سويت كهوه الي ولـ علي بس جان بالي شارد دافكر ليش اسناني هيج صارن وليش الحنج يوجعني علي شافني صافنه حسني مو ع بعضي ...

علي.. جوجو شبيج ليش صافنه...

جوري... علي مادري اشو خايفه يعني بيه شي ليش هلوجع البيه هنا ...واشر ع حنجي..

علي.....بأبتسامه...  خاف من سنوج بعدج تاكلين ترب مو

جوري.... لا والله بس ابللها بلمي وشمها احب ريحة التراب هواي..

علي... فر بيده ...شلون يمعوده تعاي بلله يمي اشوفهن...

جوري... تقربت يمه جر شفتي وشافهن...

علي...بدهشه... ولج هاي شصاير بيهن ملعون بخت بختهن...

جوري...بأسى وألم. اكيد يحتاجلي تقويم...

علي.. ضاهر هيج...

جوري....حطيت ايدي على خدي ...وهسه شلون ابقه اتفرج ع سنوني الى متى..

علي... يعني شتردين...

جوري...حجيت بزعل.... انته هسه ماخفت عليه من شفت سنوني...

علي...لا صوجج شكو تاكلين ترب...

جوري.....اهووو هم كال صوجي من يكول من الترب قابل رحت دكتور بي خير حته ديعرف سبب وين لو بس يعرفون يكلولي لاتاكلين عليهن..

علي..... لعد شيردون يسون اشو هنه كلشي مابيهن....

جوري....جريت حسسره ودمعت عيوني...

علي... ام دميعه هسسه شنو رايدته..

جوري..... وديني طبيب يكولون دكتور ايهاب يفتهم خلي نروحله...

علي....گومي شوفيلي بيش ساعه هسا..

جوري... صارت 5وربع..

علي... ديلا روحي بدلي وامشي..

جوري....تنفست براحه وگلت بداخلي الحمدالله قبل الله يهدي من يشاء رحت ع سريع جهزت نفسي وطلعنه بلسياره وصلنه لدكتور صعدنه للعياده شفناها مسدوده الباب..شباب واكفين قريب العياده...

علي...خويه دكتور موجود لو لا..

....واحد منهم كله لا اليوم مايتواجد ع يوم السبت ..

علي...يلا امشي حته دكتور ماكو ...

جوري...كلت بداخلي من خرب حضي هاي عود كوه قنع ديوديني للدكتور صعدنه بسياره

..

علي.    اكلج هنا اكو دكتور امير شتكولين ننزله ...

جوري... عووع دكتور امير مو غيره خاف هنه سنوني حلوات حته كلهن يدمرهن جنت اقلد. ..

علي..... لعد هو مو صوجج صوجي داخذج...

جوري... علي محد يطبله تره لهذا دكتور يكولون يدمرهن للاسنان...

علي... واني شعليه بلي يكولون هو كلمن وسببه..

جوري..گلبت عيوني بملل .. يلا هاهيه اخذني وامري لله ....سكتت وصلنه جان محد ماكو بس احنه بسرعه دخلنه كلنه سلام عليكم ..

رد عليكم سلام..

علي حجيت ويا دكتور وگتله زوجتي عنده هيج وهيج 

.. تفضلي اختي..

جوري... كعدت ع سديه شاف اسناني.

كال... اسنانج ماعرف بيها مشاكل..

جوري ..  دكتور بهل حاله يحتاج تقويم.

كال... اكيد تقويم وعندج كم سن راح ينشالن...

جوري...فتحت عيوني مصدومه . شنوو وليش ...

كال... لازم هيج علمود تقويم مهم ...هو ضل يشرح النه شلون يسولي تقويم وماعرف ايش حته توقعت هو راح يسويلي تقويم بس بعدين كال ...اني هذا مو شغلي ادزكم ع دكتور احمد عيادته بشارع المغرب هو يسويلج تقويم... نطانه الرقم وكال... اتصلو علمود الحجز ...

...كناله انشاءلله طلعنه منه وركبنه سياره اتصلنه ع دكتور كال تعالو هسه اني متواجد طلعنه خارج المنطقه ورحنه شارع المغرب جان شوارع قافله زدحام كلش لحد ماوصلنه لهناك نوب نريد نندل العياده وين ماكو اختفت وهناك بشارع المغرب هواي دكاتره

كمنه نقره اسم اسم لحد ماعلي سال ودلونه ع مكانه جانت العياده بمجمع مال دكاتره بحيث من دخلنه كلها هووسه عالم شكدد بهذا المجمع اكو دكتوره نسائيه دكتور مفاصل دكتور باطنيه اشكال..نوب هم دورنه ع العياده واحنه هاي بعدنه جوه كتله علي انتظرني هنا اروح اسال سكرتيره...

علي.... وين ترحين اوكفي ولج...

جوري...رفعت تك حاجب وجتفت اديه ... شنوو تريد تدخل بنص نسوان....

علي...ههههه ديلا روحي مو لسان وگعتي عليه صلي ..

جوري...لعد شعبالك..عفته ورحت دخلت مكان كاعدين مراجعات هواي اكو حوامل ودكتوره اختصاصها راعية حوامل رحت ع سكرتيره طبعا علي جان من بعيد ديباوعلي ويبتسم..

كلت... سلام....

جاوبت عليكم سلام ..

حبي عيادة دكتور احمد وين صايره....

كالت مو هنا فوك صعدي هذا الدرج الوراج وهناك هو.

...كتلها ...هاا وك عيني مشكوره

... كالت دللي ..

عاد صعدنه فوك صدوك اول ماصعدنه صارت عيادته كبالنه واخيراً هم جان ماكو احد اول مااحنه دخلنه دكتور كاعد ع مكتب.

..سلمنه وكعدت حجيتله الحاله العندي وهنا انصدم بصدمه خلتني فاتحه عيوني وحلگي صدمه مامتوقعتها بحياتي ...

قائد حلمي يشبه محمود 😉😂

هنا صاك سنونه ويخزر بجوري😣 😹😹

حبيباتي تابعولي الكاتبات يستاهلن الدعم والمتابعه

shooshaea_amera

user75190001

انثى 💜 ملائكيه

أخطاء لايُمحيها الزمن

الدكتور... بنتي روحي للسديه لنشوف....

جوري...كعدت واني متوترا وگلبي يدگ سريع وهو نزل عليه ضوه بمجرد بس شافهن بدون فحص فتح لثتي الجوه بيده يباوع واني حجيت... دكتور يحتاج تقويم...

الدكتور... فر براسه... لا منو كلج يرادلج تقويم ..

جوري...فتحت عيوني... ع يااساس اني جايه غير دسوي تقويم ودكتور امير دزني عليك..

الدكتور..... بنتي اني ماعندي اشكال اسويلج بسس شاكك عندج كيس بس احنه نتأكد بالاشعه يلا نكدر نقرر شنو...

جوري....نزلت من سديه مشيت ع كيف اشو الخوف قيدني ومتوتره حيل ماعرف شبيه...

علي.....دكتور شوكت يعني تسويها ..

الدكتور... هسسه خلي تسويهه متاخذ وقت...

.. وصف النه مكان وننزلنه طبعا عفنه سياره بلكراج ورحنه مشي لان كال قريب لحد ماوصلنه كذلك جان مجمع من دخلنه هووسه وضجه ناس تروح هيج وناس تجي هيج والمكان مزدحم وزلم هواي علي خلاني كدامه ولزم اجتفافي ونمشي ميريد احد يطخ بيه

لحد ماشفنه دكتور الي يسوي اشعه...

.. كال.. اتفضلو ..

مخلي ويا وحده مساعده

كاالتلي.. تعاي حبيبتي....

.. رحت جوه وعلي بقه بره ينتضر...

كالت ...اي شي من حديد نزعي مثل دنبوس اذا كلاده تراجي متصير بلاشعه..

جوري.. تمام ذبيت دنابيس مال شال وكلادتي ورحت ..

كالت ...خلي راسج هنا ..

تقصدع مكان الي يسون بي الاشعه وشي خلته بين اسناني  وراحت التقطت الي الاشعه شوي ورجعتلي...

وكالت ..هاهيه ..

دفعنه لفلوس وطلعنه بره ننتظر الاشعه والتوتر سيد الموقف بين ماتطلع تقريب وره نص ساعه او اقل وصاحت اسمي اخذنه الاشعه ورجعنه للدكتور ..

..وهنا جانت الصدمه..

دكتور بقه يباوع بلاشعه رجع باوعلي وجان يكلي

الدكتور.... مثل متوقعت انتي عندج ورم باااجر وباااسرع وقت نسويلج العمليه  وتعالي بمستشفى مدينة الطب تررره موزين يبقه اكثر ينتشر عندج..

....اني وعلي مدنصدك بلي دايحجي دكتورر ..

علي ...شنووو دكتور..

الدكتور... ايي عندها العضم متهشم تهشم وهذا مررض خطرر عليها...

جوري...اثناء مجان دكتور يحجي اني هنا انهاريت ماعرف شصار بيه بلحظاتها دموعي بس تجري دموع وايدي على حلگي اكتم شهگاتي  احس ع لحظه اوكع ...

..دكتور نطانه موعد باجر ساعه 8الصبح كون احنه بلمستشفى..طلعنه منه صرت كوه امششي ماحس برجليه ليششش ياربي ليششش والله صعب اختبارك جنت احجي ويه روحي وبجي

علي ساكت اكيد نصدم من الي سمعه ركبنه سياره واني ادهك وبجي جنت متأمله انو هلشهر اني حامل هسه حته حمل هم مايصير تذكرت اني مسويه لقاح عزززه خاف حاامل نوب لاويلي عافيتي ولاويلي اني حامل وبيه مرض صارت فكره جيبني وفكره توديني سلمت امري لله علي طول طريق يهدي بيه وهنا ويدك موبايل ..

علي ...ها يابه..

ابو علي...ابني وين انته ..

علي... جنت يم دكتور...

ابو علي.. شكو خير...

علي.. جوري باجر عمليتها ...

ابو علي... شنوو قابل شبيهه يمعود عملتيش..

علي.... يابه مو مال موبايل ارجع ونسولف...

.. وهنا هم امي خابرتني عبالك كلبها حس بيه وماردت اقلقها..  رحت دكتور ونطاني علاج...

ام جوري... لا اكو شي متقبلين تكليلي ليش صوتج مال وحده باجيه مخنوكه...

جوري....بجيت رئستن وكتلها... ماما اريد منج بس دعاء يمكن باجر عمليتي...

..اني كتلها هيج لو هيه تخبلت دكت بنفسها..

ام جوري... ولج يمه شدتحجين عملتيش يمه

جوري....احس صوتها صار مثل يرجف كتلها.... ماما اطمئني ماكو شي انشاءلله.....

ام جوري.... وين انتي هسه وشلونج شنو يوجعج يمه ...

جوري... ماما لاتخافين ولايضل بالج انشاالله سهله.... جنت هيج اكلها امي بس اريد اطمنها لان موزين عليها هبطات والقهر اخاف عليها بس هيه تبقه والده تفكرر وتنقهر....

..لحد مانهيت منها الاتصال واني روحي لايبه خاايفه هواي اخاف اطلع حامل شلوون ياللهي ساعدني انته المعين ربي  جنت ابجي واتوسل بالله  خليت راسي ع جامه مال سياره اباوع الجو كلش برد وصارت تنث وتمطر مطر خفيف  وسيارات تمشي سرعه لان ماكو زدحام علي مشغل اغنيه..

طفوج القدر ياشمعتي خلاني اجر بحسرتي شلي بهل العمر يادنيتي محسود ع حضي وقسمتي..

....رجعت راسي ع كشن وبقت دموعي تجري مثل شلال ويه الاغنيه.. بداخلي صرخه وعتاب وألم گمت احجي بداخلي بكل حزن ليش اني مامكتوبلي الفرح بيوم ليشش ساعات اصفن واكول بسبب اخطائي ساعه اكول لا هذا اني مكتوبلي القهر ماعرف شعوري شنو بذاك اليوم اتمنى يكون حلم واصحه منه ...

..  رجعنه للبيت اثناء مانزلنه سياره جانو واكفين يسولفون زوجها تبارك وزوج عمتي ندى وعمي صلاح..اول مشافوني كلهم تفاجأو...

..كالولي خير شبيج..

جوري ... لان وجهي منفوخ من البجي عيوني اصلا مبينات باجيه..هزيت راسي بمعنى ماكو شي هذا زوجهه تبارك حجه وياي ..

.. اطمئني ماكو شي ابن عمتي هم طلع عنده كيس وفتحو لثته ع طولها وشالو يعني شغله بسيطه لاتخافين وهنا وحجه ع كيف مثل همس وكالي يحلوه ويركصلي حواجبه..

جوري.....مجاوبته شي لان نفرزني ولايبطل سوالفه بس كلت بداخلي هذا زين شمدري شبسرعه طش الخبر اكيد هذا عمي ابو علي ميضم سالفه ترخصت منهم ومشيت صعدت لغرفتي  البيت هدوء عمتي بلدرس محمد بغرفته وعمي طالع....

..علي ضل واكف يم جماعه ذبيت حجابي باوعة نفسي بلمرايه عيوني حمر دم رجعت ابجي تذكرت حجايته من يكلي يحلوه هه اي صح حلوه وشنو فائده ماعندي عافيه وشنو مفتهمه من حياتي بس دكاتره اباوع لنفسي واحجي وبجي لحد ماسمعت صوت عمتي وعلي يحجون مسحت دموعي اسمع عمتي تحجي...

يسر.... لاتاخذها لمستشفى الطب تره يموتها خالتك ندى مو ماتت جوه ايدهم وربك عاين حال بناتها ورجع النبض بيها....

جوري....صدك احننه كلنه نتشائم من هاي مستشفى الطب منا اشكال بيها الامراض ومن يوم صار بـ عمتي ندى وسو بيها بعد ولاعترفنه بهل مستشفى  رجعت اسمعها تكله ...

يسر....مستشفى تعليم الي بلكاظميه خوش مستشفى..

  ابو علي... اي اخذها للتعليمي وهناك دكتور احمد...

..ع فكره دكتور احمد مضمد الي ضربلي الابره مال منشطه....

علي ... يابه عندك رقمه خلي اخابره استفسر منه  

ابو علي .. لحظه اشوفه..

علي...لكه رقمه و خابرته وحجيت ويه..

دكتور .. تعالو الاحد والله كريم...

.صعدت فوگ واشوف جوري طاگه من البجي شوكت نرتاح ماعرف مكتوبلنه الحزن.... الاحد نروح للمستشفى يعني بعد يومين...

جوري... غرغرت عيوني بلدموع... علي خااايفه وبس افكررر كليي شلووون...

جر حسره وباوعلي بنضرة حزن جرني لحضنه بقيت اشهك وبجي بحضنه وهو حاضني بقوه رجع بعدني ومسح دموعي...

علي... كاافي ياااعيني ماريد اشوف هلدموع هاهيه كولي الحمدالله تنكضي وتصير سوالف سلمي امرج لله هو الي مدبر الامور....

جوري....هزيت راسي بمعنى اي صارت ساعه 12بليل علي نام واني ضليت كاعده مانمت بس افكر وابجي ماعرف شنو بعد مضموم الي لحد ماتعبت ونمت...

...بعد يومين جان يوم احد...

...كعدنه الصبح ساعه 8 الجو يكص كص بلبرد..كمت غيرت ملابسي لبست بنطرون كايبو وبدي احمر بي فرو وكلاو..خلصت تبديل اخذت لغسول والمرطب ونزلت غسلت وجهي وسويت ترطيب صعدت علي بعده نايم كعدته ...علي اكعد صارت ثامنيه... باوعلي بنعاس ويفرك بعيونه .. صباح الخير ..

علي... صباح النور خلصتي لو بعدج...

جوري...  لا بعدني..

علي... يلا بساع ونزلي سوي ريوك ..

جوري... ماشي عاد ع سريع خليت ميكب خفيف ولبست الشال والساعه وعطرت نفسي ونزلت يبقه بس ريوك نزلت للمطبخ نصبت قوري الجاي وطلعت اجبان من ثلاجه مشفته اله نزل وهو مبدل ومخلص سحب الكرسي وكعد واني دصب الجاي باوعلي من فوك ليجوه ورفع تك حاحب وشكله ضاج ..

علي... شنو هذا لبسج...

جوري.. شبي يعني...

علي... شلون تنزلين هيج مو كايل ممنوع تنزلين بلبنطرون ...

جوري... علي هسه قابل منو اكو هو بس اني وياك...

علي...بخزراا... ومحمد مو هنا....

جوري.. اووو تلكا نايم بسابع نومه مينزل لل ١٢ضهر حبيبي اكل واسكت هسه رايحه البس فوكا ستره....

علي.. ديلا امشي روحي ومن طلعين عبااايه...

جوري.. فريت بعيوني كتله ..صار.. صعدت اخذت عبايه خليتها ع جتفي ونزلت اني ماحب اشرب جاي سويتلي نسكافه شربتها خلصنه وطلعنه بسياره رحنه من ع الاعظميه ومناك نطلع ع الكاظميه من الصبح وازدحام كلش نوب تفتيش سياره سياره  واذا كان نسوان ينزلن للتفتيش همين... علي هاي شلون دوخه هسه وكت تفتيشهم...

علي..  هيه هنا هواي يدققون ...

جوري .....وصل النه سره نزل جامه علي وحجه ويه الحرس كله هويتك واجازة سوق وماعرف ايش يطلب منه وعلي يطلع اله يشوفهن ويرجعهن الحرس باوعلي وكال...

.. بس الاخت تنزل للتفتيش لان سياره دفتشوها ....

جوري...عاد نزلت اباوع تفتيش بعيد شوي والله مابيه امشي نوب بارده جنت كارسه بلسياره ودافيه اباوع كل سيارات واكفه وشكو وحده بسياره ينزلوهه للتفتيش....

.. صرت امشي وراهن اثناء مجاي نعبر اني وصلت نص شارع وجتي سياره تمشي وطوط طووووط ني هنا جلفت من مكاني ومشيت سريع لحد ماوصلت يم المحيط  نوب سياره وكفت قريب مني نزل جامه وواسمع واحد يكول... انه امووتن ع هاي الفهاوه البيج ..كلت عززه هذا ويامن التفتت وجان اشوفه يباوعلي كتله... كبر كبرك... مدري سمعني مدري لا رجعت درت وجهي ومشيت الغبي شلون فززني فزه من عاب شكله بقيت ادردم عليه...

....رحت للتفتيش تفتشت وطلعت انتضر علي اباوع كومه سيارات بعدهم يفتشوهم لك علي وين صرت شكد بقيت واكفه لحد مااجه وركبت ويا وطلعنه صعدنه ع الجسر....

.. طبعا اول مره اشوفه هلجسر سالت علي هذا يا جسر...

علي.... جسر الائمه الي يفوتون منه زاور بوفاة الامام موسى بن جعفر ..

جوري...اباوع الجسرر كله مشدد بلرايات دخيل موسى بن جعفر دخلنه الكاظميه بشارع 60 هناك المستشفى علي طبك سياره بلكراج ورحنه للمستشفى مشي مسافه احنه وجاي نمشي جتي اسعاف نزلو منها مريض اباوع ناس كلها مخبوصه بلمريض ينقلو احنه دخلنه واشووف اسم الله اشكال بيها ناس هذا المعاق وهذا المكسر كوه يمشي وهذا الي كاعد ع كرسي متحرك تباعون كلشي بيها مستشفى شكد ماحمد الله وقليل اله العافيه....

علي اتصل ع دكتور احمد التقينه بي سهل النه امر لان زدحام ع الاستشاره الدكتور....

..عاد وكفنه وره ساعه دخلت اطباء  مو دكتور واحد يعني كادر اكثر من واحد اجه واحد منهم كلي احجيلي من شنو تعانين بديت احجيله كذا وكذا ورحت اكثر من دكتور ماعرفولي اخر شي رحت لدكتور احمد كلي عندج كيس كلي وين الاشعه نطيته الاشعه باوعهه واجو دكاتره التمو يباعون الاشعه ضلو يسالوني من شوكت صرتي هيج

ومن شنو....

كتله دكتور ماعرف بس قبل فتره من كمت الاحظهن الاسناني يتعوجن.

..بعدين اجه واحد دكتور طويل عنده عضلات ورافع شعره عليه فد شخصيه اباوع دكتورات والممرضات اكلنه اكل بنضراتهن اباوع عليه معاجبه وبس يئفف اجاني وديفحص اسناني اخذ ادوات الاسنان..

دكتور..  شنو اسمج..

كتله جوري ..

دكتور... عاشت للاسامي جوري راح افحص اسنانج واحد واحد الي تحسين بوجعه كليلي والي ماتحسين عليه همين كليلي تمام..

جوري ...كتله.. تمام.. اجه خله شي ع اسناني يسوي وززز ععطت من الوجع آآآي متحملت رئستن دفعت ايده من الآلم متحملت ابد هو هم وكف وباوعلي....

الدكتور... بسم الله هاااي بعدنه يااالله شوي انطيني مجال ...

جوري...غرغرت عيوني بدموع وغمضتهن حيل ورجعت راسي ع سديه ورجع اشتغل متت كلهن بيهن وجع الفوك وكل شوي يسالني... ها اكو وجع.. اكله اي نزل ع اسناني الجوه هنا ماحسيت بوجعهن سالني...

الدكتور... اكوو وجع..

جوري...  لا ابد ..

الدكتور... عندج الي هنا 4اسنان مابيهن وجع والباقي شوي اكو مو..

جوري...  بلضبط دكتور...

الدكتور... انتي طالبه..

جوري...  لا متزوجه..

الدكتور..  شكد عمرج ..

جوري... 19..

.. كتب ورد سال ..عندج اطفال..

جوري..  لا...

الدكتور...يعني مصاير عندج حمل ..

جوري... بلآ صار عندي اسقاط ومره لا ولدته وتوفه....

الدكتور. الله يعوضج ولو هو انتي بعدج طفله... ببتسام...

جوري....خجلت ماكتله شي..

الدكتور... وهسه خو ماكو حمل..

جوري....هنا تذكرت من كلي اني مسويه لقاح كتله... دكتور مسويه لقاح اصتناعي قبل شي 13يوم ماعرف راح يبين او لا...

الدكتور.... راح اكتبلج تحليل روحي سوي اليوم حتلو 13يبين عادي..

جوري.....كتله.. ها وكدد اخذت الورقه منه اجه دكتور هذا المدير ملتهم ع ماعتقد لان رجال كبير بلعمر سحب كرسي واجه ليمي وشاف لثتي واسناني صار يفحص بيده...

دكتور... حته جوه لسانج اكو ورم..

جوري... اشو خوفني اكثر نوب اخذ مواد مال اسنان ماعرف شنو واجه من جوه اسناني شك لثتي شوي يابه هنا شاغت روحي دكاتره داير مدايري واكفين كلهم ع راسي ..

دكتور اياد ...بس كليلي وين جنتي ليش هامله نفسج ...

جوري... ابتعد عني وكال روحي غلسي لان كام يجري دم طفرت ع مغسله ذبيت الدم غسلت ورجع اشتغل شوي ..

دكتور... هاهيه...

جوري... خله قطن لو اني ردتت اتقيئ مدري ليش لعبت نفسي نوب دم مانكطع خليت كنينس عاد حجيت كوه ...دكتور والله مادري هيج حالتي وجان كل ضني اسوي تقويم حته دكتور امير كلي ع تقويم ولمن دزني لدكتور احمد كالي كيس فاجئني وني رحت سابقاً اكثر من دكتور وجانو يكللولي تركيهن لاتاكلين ع هاي اسنانج سويتله اشاره عليهن بس اني ماطبقت الي كالولي عليه الى ان شفت اسناني يوم عن يوم تزيد دكتور ساكت يسمعلي...

. علي... دكتور هيه جانت تاكل ترب خاف منها...

..دكتور باوعله ورجع باوعلي كاال... ترب شنو ماعرفها ...

جوري...عاد وضحله انو تربه الصلاة...

دكتور... ها لا مو شرط منها ..

.دكتور وسام .. اكيد عندها نقص حديد لان ليش تاكلين ترب..

جوري... كتبولي بعد تحاليل عامه عاد اخذت الاوراق طلعت بره علي ماعرف ليش ضل جوه يسولف ويه دكتور..

علي ...ضليت واگف وجاي اسال دكتور اياد ع حالة جوري ارد اعرف... ليش صار عندها ورم ...

دكتور..صراحه منعرف بس هيه حاله نفسيه كلش الها تأثير  وصراحه مثل حالات جوري يطلع بيهم مرض خبيث يعني انته خليها بالك واحنه همين نتاكد انشاءلله بتحاليل...

.علي... من بعد ماسمعت للدكتور كلش خفت ع جوري حسيت ع لحظه راح اخسرها بقيت صافن وافكر بيها دخيلك احس دنيا ظلمت بعيني رفعت عيوني ودموعي تجمعن ربي هاي وين جانت النه....

جوري....اني بعدني واكفه بره تعبت من الانتظار ودوخه صارت براسي شفت اكو كم كرسي فارغ وباقي كراسي كاعدين عالم رحت كعدت وايدي ع حلكي مخليه كلينس وكوه متحمله الآلم وع ياساعه اتقيئ دقايق مشفت اله علي اجه اباوع شكله مو عل بعضه اشرتله بيدي .. شبيك... ابتسم ابتسامه خفيفه ..

علي.. شبيه كلشي مابيه...

جوري....مشينه طلعنه خارج مستشفى ورحنه للمختبر كلش قريب بصف مستشفى سحب مني دم وكال ساعه ويطلع تحليل عاد انتظرنه بره لان داخل مختبر مزدحم فـ اكو حديقه وكعده بيها وهناك ضلينه كاعدين علي غثيث يضحك عليه ويقلد وصار ياخذلي صور واني شلون مخليه ايدي على كامرة...

علي.. ولج وخري ايدج ..

جوري... مااا... واخلي ايدي ع كامره وهو يضحك...

علي...گولي جيزز ولج بس سنووونج اصورهن ..

جوري.. درت وجهي عنه ورحت ليغاد واكول معجبه هسه اله يطكلي صوره واني هذا وضعي شكد خبيث..بس يحب يحشش عليه صاح وراي...

علي... وين تعاي عمي بطلنه ماصورتج والله...

جوري... اي عفيه صير حباب... رحت يمه ورجعنه كعدنه ع مصطبه نباوع طلاب الطب صارت حلتهم من الجامعه وتجهو للمستشفى شكدد طلاب بنات وشباب جامعتهم قريبه ع مستشفى ف وحده من بنات هيه ماشيه وتباوع لعلي مشالت عينهه اني نتبهت عليها درت وجهي عليه اشوفه هو هم يباوع والكا يباوعلها نار وشبت بيه ادري لـ بنيه حلوه رشيقه وشعرها طويل ومشيتها وهيه تتموع خليت ايدي ع خده ودرت وجهه عليه وخنزرتله...  باااوع هنااا لافگسهن لعيونك...

علي... ههههه شكو انتي مضغوطه...

جوري... موشفني ساكته ومتوجعه لااا وعلي اكوم هسه اسحلها من شعرها... رجعت باوعتلها وخنزرت بوجهه هيه دارت وجهه كلت... اي من بدايه صيري خوش ادميه بس اريد اعرف هيج شكولات منو يگبلهن ... علي بس يضحك ..

علي...ولج هسه واذا مباوعت شنو يعني..

جوري... العتب موعليها العتب عليك وانته شكو تباوع هاا ...

علي... يمعوده شتريدين لعد اغمض هاي شلون بيهه ياربي...

جوري...  اي ربنا كايل بلقران غضو ابصاركم يعني شنو ...

علي... هاي كايلها للنساء مو النه...

جوري...لاتخبلني البيه مكفيني لا الكم ...نوب شلون ينفرزني شلون مااجي ميجي ويايه  بقينه نتشاجر لحد ماسكتنه رجعت سالته... اگول شنو جنت تحجي ويه دكتور شكالك من جنت اني بره....

علي... فضوليه موبيدج....

جوري...گلبت عيوني... اي اريد اعرف لان شي يخصني.....

علي... يكول حالتها نفسيه مامرتاحه عود بعد ابجي زين ونقهري خلي يفيدج البجي...

جوري....صفنت تذكرت حجايت ماما تكلي ديربالج ع صحتج تره موزين هلكد تبجين وتنقهرين تأثر عليج بعدين لميت شفافي... اي صح حته امي جانت تكلي هيج....

علي...شفتها ملتهيه تسولف وهي طول تحجي ومامنتبهه عليه مخلي فوني بيناتنه وشوي رافعه وفاتح كامرة  ودايصورها كوه كاتم ضحكتي....

جوري... اني نسيت وجريتها الايدي والكنينسه ومن شفته مبتسم لااردي ابتسمت كتله... شكوو شبيك اكو شي يضحك ...

علي.. هااا اي كملي معليج...

جوري... عقدت حاجبي.. شكمل ..شفته سحب موبايل وديباوع ويضحك مديت راسي اباوع سحب موبايل كتله... هاااا مصوورني ...

علي...طكيتها بضحكه... فدوه لهاي سنون ووصرت أقلد ..

جوري...داسحب منه موبايل اكله امسحا يلا ..

علي ...لا مامسحا شبيج تخبلين ههههه..

لحظات ودك موبايلي دكتور احمد يتصل....

دكتور.. هااا وين انتو طلعتو من مستشفى لو لا ..

علي... لا والله دنتظر تحليل بعدنه..

دكتور... لعد هسه جايكم..

جوري....دقايق واجه د احمد طبعا هذا دكتور الحلوو عنده راعي همه وكلش حباب مرح وطبعه يضحك ويشاقه هو من عشريتنه وصديق ابو ل علي فـ عنده عادي ميانه ويا وهو شغله بلمستشفى دقايق واجه اباوعه من بعيد لبس صدريه بيضه هو طويل بشرته حنطاويه عمره بل ثلاثينات يمشي و مخلي ايديه بجيوبه من البرد وصل ليمنه ويسوي اششه باوعلي ..

دكتور... هااا سلامات..

جوري .. ابتسمت وكتله.. الله يسلمك.

دكتور... ادري مبارده كاعدين هنا...

.علي...  لا وين اكو برد وهنا احسن ...

جوري...باوعلي وغمز افتهمته لان بنات يفوتن مكيفلهن.رجع باوعلي د احمد..

احمد...  اي شكالو مكالو ..

جوري...اني سويتله اشاره بمعنى شكو لثتي ..اهئ ..

احمد.. هههه اوويلي ياااب يلا تكبرين وتنسيها ههههه..

جوري... بقه يضحك ويانه واني ولله مالي خلك اضحك وضحكت ع سوالفه بعدين علي اخذ د احمد ع صفحه بقو يسولفون واني ماعرف كلشي مثل الاطرش بلزفه عود يعني ليش ميحجون كدامي ..

علي واكفين اني ود احمد ع صفحه ماردتت جوري تعرف وتضل تخاف وتوهس ودكتور وسام وصاني انو لازم ماتدري شبيهه مابيهه وهذا شي من الزينات الها .

.. د احمد..لازم اليوم ياخذولها العينه حته تعرفون هلشي موجود وله لا...

علي.. الله كريم..

.صاح ابو تحليل اسم جوري رحت ستلم تحليل ..

جوري..شوي واجاني ..

علي..  يلا تعاي..

جوري.. رحت وراه وجان ويانه د احمد قره تحليل كله ماعندها حمل اني بيني وبين نفسي حمدت الله الف مره  تذكرت الايه القرانيه وعسى ان تحبو شيئاً وهو شراً لكم وعسى ان تكرهو شيئاً وهو خير لكم..ضليت 6اشهر ابد ماكعدت واني اسعي علمود الحمل وسويت المستحيل 3مرات اسوي لقاح وماينجح رب العالمين مجاي يكتبلي الحمل لان يعرف هلشي مو بصالحي واني بيه مرض واحتمال ورايه عمليه صدوك لو كالو كلشي بيها اراده وحكمه ونحمد الله ونشكره...

..رجعنه لدكتور اياد شاف تحليل ورجع كتبلنه تحليل للعينه حته يعرفون بيه ذاك مرض او لا ..

اياد ... ترحون فلان دكتور  المختبر العنوان الاعظميه شارع ضباط سبوع وتجونه مراجعه ع الاحد جاي دد

علي..زين يحتاجلها عمليه ...

اياد...طبعاً عمليه بنج عام عندها ورم موزين بس نكمل الها الاجراءت بعد الله كريم....

جوري...كناله مشكور دكتور ...وطلعنه من مستشفى جانت ساعه 11الصبح رجعنه للبيت اول شي علي راح يجيب فلوس وني رحت لهلي كلت اسلم ع امي اكيد بالها يمي اول مطبيت البيت شتميت ريحة دولمه اويلي شافتني ..

ام جوري... هلا يمه شلون صرتي..

جوري... حمداالله ..

ام جوري... شكالولج هناك ..

جوري... كمت اسولفلها وكتلها هسه رايحه للدكتور ياخذلي العينه..

ام جوري... اجي وياج ..

جوري... لا ميحتاج علي وياي... راحت صبتلي دولمه ويا خضره وخيار كعدت اكل لان صدك جنت جوعانه هنا وجتي عمتي ندى بيدها فلوس حجت ويه امي تكلها..

ندى... وين حسن اريد ادزه للمحل يجيبلي مبروش وسمسم دسوي كليجه ..

ع فكره عمتي ندى خطيه حالتهم ماديه موو كلشش تمام وهيه ماعندها ولد بس بنات فـ صارت تشتغل تسوي كليجه لوو سوي كبب وتبيع فـ بذاك اليوم رايده كميه من شغلات تحتاجهم اخواني ماكو بلمدارس ضلت تكول شلون منو يروح رجلها ميقبل تطلع هيه تشتري شفتها حايره خطيه وهيه ع باب الله ...عمه  اني اشتريلج بعيوني...

باوعتلي فرحت .. صدوك خاف زحمه

حبيبتي ...

جوري...لا ليش زحمه ...عاد نطتني لفلوس علي جان توه طالع من بيت نطيته علم راح اطلع ..

علي..ع سريع لاتتاخرين حته دنروح للدكتور ..

جوري...كتله ..لا ماتاخر.. هنا اكو محلات غذائيه قريبه علينه طلعت عبرت شارع ودخلت المحل واكفين زلم بس شافوني ابتعدو يسون طريق واكف ولد كتله... خويه اريد  كميه مبروش وسمسم... عاد نطاني ودفعت لفلوس درت وجهي بعدني مطالعه المحل جاان صاحب محل مخلي كراتين وماعرف ايش بلطريق ومنا واكفين زلم واني شكد ماجنت مرتبكه ومستعجله نثولت وماشفت كراتين وشغلاته وهنا وجان اعثرر يااابويه شصار بيه تمنيت الكاع تنشگ وتبلعني ع هاي الفشله ..

نوب اسمعهم يكولون  الله الله ع كيفج واحد منهم اجه ليمي..

كال ...بيج شي ..

جوري...كمت واني انفض بملابسي مدنكه راسي كتله... لالا مابيه.. متت من خجل واحس حرارة صارت بوجهي ودمعت عيوني ... بس بقيت بكلبي ادردم ع صاحب محل اغبر اكو واحد يخلي كراتين بلطريق بس والله ردتت ابجي طلعت من المحل ورجعت للبيت شافوني...

هااي شبيج صاير وياج..

جوري..ابتسمت كتلهم ...مابيه شي... نطيت غراض لعمتي همزين مشدودات بلكيس وماطشر المبروش وسمسم...

...شفت علي كاعد بلسياره ينتظرني اترخصت من اهلي ورحت للسياره طلعنه نوب منطقتنه مزدحمه بسبب الجنازه جان واحد ميت من منطقه فـ يصير ازدحام كوه طلعنه من منطقتنه وصلنه لاعظميه للمختبر صعدنه درج اول مادخلنه فارغ المكان ماكو احد كاعد سكرتير جان ديكتب ...

علي ...سلام عليكم ..

جوري... سكرتير رفع راسه رئستن باوعلي يووومه اني باوعت بعيونه عززه شنو من عيون حته لون عيون البزون مو هيج سبحان خالق لاهنه خضر لاهنه زرك لون عيونه غرريبه  مشايفه مثل عيونه رد سلام هو طول مايحجي عين ع علي وعين عليه ويبتسم ويكتب ....

يتبع

انثى 💜 ملائكيه

اخطاء لايُمحيها الزمن

انثى 💜 ملائكيه

اخطاء لايُمحيها الزمن

هلوو شلونكم حبايب شلون صحه يارب كلكم بخير وعافيه اعتذر على غيابي بس والله موبيدي واسفه اذا ضوجتكم ......

..

جوري ...سكرتير كام من مكانه راح يشوف دكتور شوي وصاحلنه كاال فوتو ، دخلنه سلام...

.رد عليكم السلام تفضلي اشر ع الكرسي كعدت جان يكلي.... احجيلي.

جوري.... عاد سولفتله الحاله وهوو يستمع ويباوع عل ورقه بعدين حرك راسه ..

دكتور... روحي للسديه هسه جاي....

جوري...علي هم بقه يسولف ويا واني كاعده انتظر شوي واجاني سالني..

دكتور... مزوجه انتي مو خو مااكو حمل ...

جوري... لا ماعندي ... ..

دكتور... تمام شو خلي اشوف مددي ورجعي راسج..

جوري... سويت الگاله عليه اشو هذا جاب ابره جبيره بس شفتهه خفت يؤؤمه كتله برجاء ودموعي بعيني احس ريگي نشف ... عفيه دكتور شنو هاي ..

دكتور.. هههه لاتخافين اخليلج مخدر..

جوري... اجه يريد يسحبلي دم من الحنج..

..علي رئساً گتله... دكتور ليش منا غير من لثتها ...

دكتور .... نفس شي ابني بس انتو بعد كيفكم واذا من لثه شوي تئذيها...

جوري...حجيت بخوف.. اي دكتور ماريد هنا من لثه احسن ....بداخلي اكول حته اذا ورمت او صار شي ماتبين داخليه مو مثل بلحنج ضاهر عاد كال هاهيه فتح لثتي رش عليها مخدر موضعي واجه دخل الابره جوه لثتي رددت امووت حته مخدر مفادني كمت ادفر برجليه من الوجع شفت الموت بعيني ...

دكتور.. شووي اتحملي راح اخلص.

جوري.. يحجي وبعده يسحب عيوني تكت دموع ..

دكتور.... خويه بس من يمك المخدر..

جوري... نطاه ورجع خله مخدر وشوي هاد اللآلم بس من يرجع يسحب اتئذه تقريب سحب سرنجه كامله ، خلص وخله كطن كتله بوجع .. مااااريد ...لان تلعب نفسي منه ولكنينس همين كوه خليته وطلعنه شفنه سكرتير واكف يم شباك ويشرب كهوه اباوع الجو مغيم مندر كلش حلو باوعلنه وابتسم انتبهت عنده رصعه بخده بهل لحظه دكتور يصيح ع سكرتير عاد اجه يمنه ..

سكرتير.. هسه جايكم..

جوري... عاف الكهوه ع مكتب وراحله سمعته يكله كول خالي عرفت انو سكرتير يصير ابن اخته للدكتور اباوع حته المختبر حلوو مرتب هيج تحسووو يشرح الگلب..المهم اجه سكرتير وهذا كل شوي يرفع عينه ويباوعلي كتبلنه الوصل..

سكرتير.. سبوع وتعالو..

علي ..شگد سعر ...

جوري... كله هلكد تحليل جان من 100وفوك عاد نطا قسم من فلوس ضلن بس 15 ..

علي دشوفي بلكي عندج بلجنطه ..

جوري... فتحتها وصدوك جانت عندي 25 سحبت 15وكتله اتفضل..

سكرتير . ببتسامه ..خليها..

جوري... لا عيني شلون... عاد اخذهن وطلعنه ركبنه سياره اشوف علي حسبالك ضايج وبس ينافخ كتله.... شبيك ...باوعلي وصك سنونه وخنزر ...

علي...شكو تكليله عيني قابل هو منووو حته تكليله عيني بساع بعتي ميانه ويه ....

جوري....اني كوه كتمت ضحكتي من شفته غار وعصب وحجيت برود... والنبي هيه طلعت من لساني مادري واني متعوده اي واحد من اسولف اكله مثل اي عيني وشكرا عيني هههه....

علي... بعصبيه ...اييي بطليها عاااد...

جوري..كلبت اعيوني... انشاءلله ....سكتنه طول طريق لحد ماوصلنه البيت جانت ساعه 3 العصر وهاي من الصبح طلعنه ومرجعنه غير للعصر ...

علي... جوري نزلي هدوم رايح اسبح...

جوري عاد صعدت للغرفه اخذت ملابسه وني كلت وراه اسبح سمعته يصيح وييينج نزلت اركض نطيته لملابس خلص وصعد للغرفه واني وراه سبحت وخلصت جنت مخليه موبايلي ع شحن شفت صديقتي دازتلي رساله جاوبتها ورحت مددت يم علي خليت راسي ع صدره مدار بال ملتهي بلموبايل خليت ايدي ع ركبته وقربت نفسي اله اكثر وانفاسنه ختلطلت اشتاقيت لحضنه هوا خازر حواجبه باوعلي صفح و تجاهلني عرفت ضايج لان حجيت ويه سكرتير وكتله عيني ...حجيت بدلع وصوت اقرب للهمس... حبيبي...واباوع بعيونه بعمق عاف موبايل وباوع بعيوني ورجع غمض بملل...

علي....برود..... احجي شرايده...

جوري....ضربته على صدرة خفيف وحجيت بمياعه ...شبيك ويايه....

علي.. رفع تك حاجب ..تعرفين شبيه يلا وخري عني..

جوري..گام يدفع بيه اباوع والم شفايفي بزعل اتخبل لو اشوفه يتجاهلني وماريدني سحبت نفسي منه خليت كرامه لنفسي ورحت ليغاد اشو هو كام من فراش بدل وطلع...

..حته بعد محجيت ويا شي ضوجوني كمت ع مرايه امشط شعري باوعت ورقة الوصل علي مخليها ع ميز لمرايه اخذتها بيدي باوعتها مكتوب اسمي جوري وجوه اسمي اكو رقم اباوع كتابة خطه واسم جوري حلووة ممم ضليت اتسأل نفسي عود ليش كاتب رقم بهل لحظات شفت موبايلي يدك باوعته صديقتي سرى ...

سرى...هلاو حبي شلونج..

جوري... هلا بيج حياتي يم الله انتي شلونج اخبارج...

كالت ...بخير اذا نتي بخير ..

كتلها ..دامج بخير..

سرى.. شلون صرتي بالي يمج رحتي للمستشفى وشكالولج..

كتلها... والله عيني كالو لـ علي حاله نفسيه....

سرى.. ولج عيني هو احنه كلنه بينه حاله نفسيه ..

كتلها.. يي غير من دنياتنه الحلوه الورديه اوكفي لحظه شوفي شنو راح ادزلج.

.سرى.. شنوو..

جوري... دخلي ع محادثه وهسه توصلج الصوره..طكيت صوره للوصل ودزتلهيا طبعا اني وسرى عادي كلشي نسولف بيناتنه واكثر اسراري يمها فـ دزتلها الوصل كتبت... شنو رئيج بلخط شوفي شلون حلو ..

سرى... شبي يعني عااادي ...

جوري...ولج باعي ززين هذا عندج عاادي اوويلي الله هههه باوعتها ورجعت كتبتلها هوصلت فكره شوي وردتلي اكيد اخذتلها صفنه دزتلي...

سرى... هههههههه وصلت طيح الله حضج ..

جوري...انجبي وين راح بالج خيه دزتلي ملصق 👊ضربتني بوكس بنت لـ بوكس رجعت خابرتني استلمتني ثوله ولاتكعدين راحه ووو...كتلها ياابه ع كيفج تعاي اخذيلج راشدي فد مره هسه شكلنه تراني اقصد ع الخط والله حلو شبيج ثول متفتهم سالفه گبل...

سرى.... اي علساس ماعرفج اني.

جوري... انجبي بعدج متعرفيني...

سرى...ك هسه عوفيج من هلحجي شوكت عمليتج..

جوري... ماعرف كال علما نخلص الاجراءت من تحاليل واشعاات وسونر ومفراس ورها عاد يحددون العمليه ولج سرو اندعيلي اشو خايفه گلبي حاسسني بيه شي لاشوفيني دوم اضحك واسولف اله متدرين شنو البيه بس الله ليدري لاليلي ولانهاري .....

سرى.... حبيبتي الله يساعدج مناسيتج بلدعاء كل ماصلي تجين بالي ولج دبربالج عل روحج تره محد يفيدج اهم شي صحتج ...

جوري... اي الله كريم نهيت الاتصال منها وطول هاي الايام مخابرات متخلص كل يوم واحد مخابرني ويسال شلون صرتي سمعنه بيج مريضه ولاكثريه جانو ينصحوني انو لاتنقهرين ولاتبجين وتئذين نفسج لان حاله نفسيه تأثر على الانسان . بعد مرور اسبوع صادف يوم سبت علي راح استلم تحليل ولثاني يوم الصبح طلعنه للمستشفى دكتور اياد شاف تحليل اني جنت بره واكفه بس علي يم دكتور ...

د وسام ... طالع بلتحليل اكو شي يعني بيها مرض خبيث ...

علي... تخبلت من كلي دكتور... شنووو دكتوور شدتكول كمت ما استوعب شديكول دكتور خفت عليها هواي، دكتور هز راسه بعد ماسكت كتبلها بعد تحاليل واشعه وتخطيط قلب مفراس سونر كل هذني طلبوهن..

دكتور وسام ... نكول يالله نسويلها عمليه صغرى ناخذ جزء من الي عندها نفتح لثتها وناخذ العينه ونزرعها زرع ونتاكد اكثر وانشاءلله خير....

علي... اخذت الاوراق بكل ثقل احس جبال على ضهري ومحتار بزماني اباوع تحااليل بضياع طلعت وجوري كاعده بره متدري شكو ماكو كتلها ...

يلا امشي ...

جوري....اني كاعده كالعاده بنفس مكان كبال الاستشاره شفت علي طلع و وجهة اصفر عبالك خايف عليه حته من حجه وياي صوته مال واحد مخنوك ماسالته شي مشيت وراه ومناك هم شافنه د احمد والله وكفاته متنسي اخذ من علي تحاليل لان جان ازدحام ع مختبر گبل سهل النه امر وفوتني كعدت واجتي وحده تسحبلي دم اشو هاي دخلت الابره تسحب ومايطلع دم كتلها عفيه يلا تره ايدي ائذتني...

كالتلي حبيبتي صبري عليه ..

جوري ...سحبت الابره ودخلتها بغير مكان ونفس شي كتلها وريدي ضعيف ..

كالت اي احسن شي اخذلج من جف ايدج ..

دكتور احمد... كلها هااا يمعوده مخلصتي...

كالتله ماكو

احمد... شو نطيني اخذ منها الابره واجه عليه اشرتله ع جف ايدي يعني منا اسحب عاد سحب من ايدي واني دايره وجهي لان اخاف اشوف ابره خلص ونطاها الابره ...

احمد... يلا تعاي ...

عاد طلعنه اخذني للسونر همين دخلت ودكاتره وكعدو يحققون وياي من شوكت حالتج وليش ومن هلحجي اجاوبهن ع سوال عاد اخذتني دكتوره للسونر خلته الجهاز ع حنجي وتباوع بلشاشه ، طبعا كل هذا طلبو مني ماعرفت ليش هلسونر وليش هل تحاليل طلعنه من سونر ورحت للمفراس هنا الانتظار بقينه 3ساعات علما اجه دوري واخذولي مفراس وطلعنه ورجعنه ع تخطيط القلب المهم خلصت الاجراءت كلها بس المفراس كالو يتاخر كم يوم لان قرص..اخذناهن ورجعنه للدكتور اياد شاف تحاليل..

اياد.... مابيها شي تخطيط مابي شي بس سونر باين اكو شي بسبب الورم تعالو ثلاثاء نسويلها العمليه الصغرى ونعيد تحليل العينه ...

جوري ...رجعنه للبيت ..هلمره صدك تعبت لان شنو روحه وجيه وانتظار وووو.. والله مليت من دكاتره...

.. مرت الايام واني اشوف بعيون علاوي الخووف عليه وكل يوم يسال ع حوالي يطب يطلع من البيت اشوفه هيج رغم هو مابينها الي ابد بس جاي احس اكو شي ضامه عليه اما عمتي هم جانت خايفه من تشوفني اشتغل تكلي عوفي لاتشتغلين انتي مريضه اكو

اكول شبيه يعني اذا ع ورم هسه اسوي عمليه وكلشي ينتهي والحمدالله اني زينه....

..اما امي يبووو جانت اكثر وحده خايفه عليه يمكن كل ساعه مخابرتني وتسال بذاك االيوم امي مخلت امام مانخته وتندعيلي انو مابيه شي ...

..علي بهاي فتره طلع كربلاء ويه سجاد جنت ع تواصل ويه سجى وهيه تسولفلي ع انو سجاد كالليها خطيه علي كلش خايف ع جوري وهناك بلامام لزم شباك ويبجي حيل قهرني وحته سجاد هواي يدعيلج يكول جوري متستاهل اني جنت ساكته استمع الها بلحظتها غرغرت عيوني كلت ياربي ليش اني شبيه وهيج الكل تندعيلي تذكرت كلام دكتور احمد الي بشارع المغرب اول مشاف الاشعه وكال عندج ورم موزين يبقه ينتشر كلت عزه معقوله بيه مرض خبيث نهيت الاتصال منها بقيت اشهك وبجي بهل لحظه شفت متصل عمتي اسيا ....

اسيا.. هلا حبيبتي جوري شلون صرتي..

جوري.. مسحت دموعي وخذت نفس هديت نفسي ...على الله...

اسيا... حبيبتي احمدي الله وشكري هذا كله امتحان الج ربي العالمين جاي يختبرج بعد تصبرين وعبد المؤمن مبتلا ..

جوري...ضلت تسولف وياي من هلحجي بعدين سولفتلي ع بنتها ..

اسيا...بنتي زينب نفس حالتج همين كالولها عندج كيس بس عمليتها جانت بسيطه بنج موضعي وشالو الها اربع اسنان وبعدين شالو الكيس والحمدالله عدت وصارت سوالف ، وهم جانت تراجع بهاي مستشفى ترحين بيها بس عند دكتور عمار مو اياد انتي لو رايحه لـ عمار يطمنج ..

جوري..عمه اني شمدريني عليك يالله رحت للمستشفى وزينب تختلف حالتها هيه كيس اني ورم ..

اسيا.. تقريبا نفسه...

جوري... زين ليش شالو اسنانها يعني اني هم ايشلوهن...

اسيا... لازم هيج وانتي ماعرف حسب الحاله انشالله متحتاجين...

جوري... انشاءلله... نوب عمتي خلتني اكثر افكر عزه فوك الحسن شامه نوبه اسناني يقلعوهن خرب ليش هيج حالتي يوميه سالفه ...

.. لثاني يوم علي اجه من كربلاء

جان جايب ويا رايه من الشباگ الامام الحسين خلها بيدي وجانت عطرها يجنن حسبالك من شدها بيدي ارتاحيت ورجعت اضحك كتله... زياره مقبوله حبي ، ...

علي ...يتقبل الله اعمالج..

جوري..تلسمتها بيدي... ليش شديتها بيدي اول مره تسويها ابتسم وكال..

علي.. هااا علمود يصير عدنا نونو...

جوري... ابتسمت اله ورحت حضنته من كلي نونو بجيت خايفه اموت ومايصير عندي طفل الى هاي درجه وصلت افكاري ابتعدت عنه وكتله علوشي اذا متت هو كبل خله ايده ع حلكي ..

علي...خنزر وبنترا حجه... لاتحجين هييج يعني ليشش تضوجيني...

جوري... نزلت دموعي ... اي شمدرينه انه شبيه اشو كلش خايفه..

جرني لحضنه وباسني من راسي بعمق ....

علي... حبيبتي اقري ايات وخلي عينج بعين الله هو ديباوع الحال ...

جوري... مسحت دموعي وبتسمت ... ونعم بالله ..

علي...كرصتها من خدها ...دكومي سويلنه لكمه ناكل ..

جوري... شنو تحب تاكل..

علي... اي شي من ايدج طيب...

جوري... نزلت للمطبخ سويت مقرمش وفنكر وزلاطه وخير من الله وكعد ياكل طبعا اني بسبب اسناني ولثتي توجعني ماكدرت اكل سويتلي عصير كوكتيل وهاهيه حته بذيج ال فتره ضعفت لانو اكثر شي اكلي ع سوائل علي لليل بدل وطلع جان مخابره د احمد كايله المفراس طلع وهو خطيه جان جايبه النه من مستشفى...

.علي طلعت من لبيت اخذت

وياي تحاليل جوري شافني ابويه ها وين رايح كتله يم د احمد كلي ليش متروح تساال دكتور محمد سليم ع حالة جوري شوفه شيكول ، طبعا هذا دكتور هو المدير مال مستشفى مدينة الطب دكتور محمد يصير اقاربنه بس من بعيد فـ اي شي يصير ويانه نروحله ، هو اختصاصه امراض دم ويعرف مثل حالتها

طلعت كبلي ل د كتور محمد مثل مكال ابويه حجيتله كلشي لـ دكتور شاف تحاليل فر براسه ...

دكتور ... ماضن بيها هذا المرض ووعوف هذا تحليل يولي اني اريد تحليل زرع وينه سويتو

علي..لا بعد..

زين منو دكتورهه..

علي... دكتور اياد..

... هسسه اخابره وني احجي ويا وواصي عليها خلي يمي هسه هذا تحليل..

علي... طبعاً من بعد ماحجه وياي دكتور محمد شوي اطمنيت ع جوري بعدها طلعت من دكتور خابرني د احمد رحتله نطاني المفراس...

احمد ... والله شوف علاوي كـ نصيحه اخذها وروح لبنان عالجهه يعني اذا طلع بيها المرض واذا لا هاي بعد انشاءلله سهله هنا تكدر تتعالج ..

بلصدفه اجه ابو جوري جان اخر من يعلم بنته ميدري كعد وحجيتله سالفه هو تخبل..

ابو جوري... يمعود علاوي هاي منين طلعتلها لجوري ..

علي... اي والله خالي لا عالبال ولاعالخاطر

فجأه ،..

ابو جوري....كله شلون هيج يمعود فهمني..

علي.... كتله صدكك خالي جنت ماخذها لدكتور احمد الي بشارع المغرب دزنه د امير علساس يسويلها تقويم شو من شاف اسنانها ولثتها حولها ع اشعه وهنا عرفنه عندها هلشي واجينه للمستشفى ، وكال تعالو ثلاثاء ناخذ منها العينه بعد دنشوف الله كريم..اباوع خالي صااافن بعد كلشي محجه بس اني ضليت دايخ شلون اذا طلع بيهه شي منين اجيب فلوس حته اسفرها للبنان اخذتها مستشفى حكومي علمود شوي تفرقنا دخيلك ربي رجعت للبيت واني مدوخن..اجه يوم الثلاثاء امي كالت تجي ويانه وابويه حته ابوها لجوري اجه واليوم عمليتها لـ جوري طلعنه حدود ساعه 9الصبح اخذنه سيارات من ع العبره الكاظميه ورحنه ،

جوري....اني هناگ بلمستشفى وعقلي مخربط وخايفه وكوا اجر نفس حيل متوترا من لعمليه كعدنه بالانتظار دكاتره بعدهم مجاين لل 10يلا اجوي دكتورات اثنين شافن تحااليل والمفراس كتبتلي ورقه وحولتني ع عمليات عاد رحنه هناك قبل دخول العمليه اباوع شكد ناااس عزه هذولي كلهم عندهم عمليات شلون هوسه علي كلي كعدو هنا وياي جانت عمتي وعلي وعمو راحو يسالون دكتور طلعو..

يسر .... اني ماحبه ليوم الثلاثاء ..

جوري... ليش..

يسر... اتشائم من عنده حته بيومه ماطلع بي من لبيت بس الله يستر اليوم ....

يتبع ..

انثى 💜ملائكيه

اخطاء لايمحيها الزمن

انثى 💜ملائكيه

شلونجن حبيبات قلبي طبعا حابه اكول ليش هذا تأخير بكتابه بارت اني حامل ونساوتي حيل متعبه والله هبوط ضغط حيل قوي وفقر دم وصداع مابيه حيل اي شي ياريت تقدرن ضروفي هاي الايام هذا بارت 4000كلمه ....

.........

جوري ...عمه ليش تفكرين هيج ترى هوا يوم عادي ...

يسر ...هزت راسها... ماعرف ماحبه...

جوري...كلبت عيوني... ها هاهيه لاتحبي..سكتنه جانو نسوان كاعدات كبالنه بس يباوعن عليه..بداخلي هاي شكو مكنهرات بوجهي شافني يمه  اشو هاي دقايق وحده منهم جتي كعدت بصف عمتي جان تكلها ..

المرة ..عيني هاي بنتج واتأشر على جوري...

جوري... باوعتني عمتي مراضيه ..

يسر...لا عيني جنتي وبنت اخووي ..

المرة ... هاااا هااا مزوجه طلعت وتباوعلها لـ مريه الي وياها ..

جوري...طبعا اني جنت كوه كاتمه ضحكتي اكيد جايه تخطب حته بلمستشفى وماخلصانه بعدين اجه رجال ويا طفل بس شنو جان يدفعه بعربانه وياهم اخته ماعرف امه..فـ وهو ودايمشي ضل يباوعلي اني دنكت راسي لان عمتي شافته وترجع تباوعلي خنزرت عليه فـ بقيت مدنكه هنا اجه علي جان جايب النه حبشكلات وعصاير ومي...

علي...جوري اكلي لان مامكله شي..

جوري... رفعت راسي اله كتله ...ماريد.. شفت هذا ولد نفسه كعد كبالي ورفعلي موبايله فتهمته انو يريد رقم غلست نوب طلع بره وهم عينه عليه عمتي جاي تباوعله خرب بحضي متصدك تلكه زله عليه حته تروح تكله لـ علي هنا وجان تكله....

يسر...بعصبيه ...شوف مرتك شوف شلون يباوعلها لان هيه تباوع عليه ...

جوري.. وضلت تحركه لـ علي هو تخبل كبل خنزرلي وصك سنونه لزمني من زندي واخذني

ع صفحه وتعارك ويايه خلاني ابجي..

..رجعت كعدت بس مرحت يم عمتي رحت ليغاد منهه لان ضجت شكو تكله لـ علي كوه سويلنه مشاكل اني بيه حال عود هيه جايه ويايه خرب بحضي بعد مرور 4 ساعات من الانتظار يلا دخلوني عمليه...

دكاتره الي وكفو عليه د وسام ودكتوره ساره ود مصطفى لبست صدريه مال عمليات ودخلت غرفة العمليات دكتوره ساره كالتلي يلا تعاي صعدي سديه عاليه صعدت ومددت خلت عليه غطه علما اجوي دكاتره ضربوني ابرة بنج بلثه انتظرو شوي حته يخدر مكان يلا يبلشون بلحظات اجه دكتور اياد شافني..

د اياد... ها جوري شلونج..

جوري.. هلا د كتور الحمدالله ..

د اياد... اكلج دكتور محمد اقاربج ..

جوري... كلت بداخلي هذا يامحمد طبعا مجنت اعرف انو هو يصير اقاربنه ولاادري انو هو موصي عليه بعدين عرفت كتله... لا اصلا ماعرفه..

د اياد...  شنو هاي مو خابرني وسالني عليج ووصاني...

جوري... هزيت راسي ...خاف مو اني..

د اياد... بلا كال اسمج جوري زين انتي منو عمامج....

جوري...تنرفزت باوعتله صفح وبداخلي هذا شبي اليوم جاي يحقق وياي كتله ..شنووو ...وسكتت منطيته مجال مدري ليش محبيت اكله عاد هو هم سكت بعد مكلي شي وصه دكاتره عليه وعاف وطلع اني كيفت من وله مدري ليش ماحبيته لان قلقني وخوفني عكس دكتور وسام كلش حباب يطمن الواحد وطبعه يشاقه ويضحك فـ

جان شيكلي...

وسام... جوريه..

جوري..تفاجأت باوعته صفح وحجيت ع كيف ..شنو جوريه... هو ضحك لان سمعني...

وسام... اي مو اسمج جوريه هههه..

جوري... لا جوووري ...

وسام... هااا ايي جوري هاي رصعه الحلوه لعندج راح تروح عادي...

جوري... جان يدوس بحنجي ع كيف خرب خجلني كتله ..لا مو عادي..

دكاتره الي ويا ضحكو كلهم جان تكوله دكتوره...

ساره... دعوفها للبنيه وكت شقاكك شوفها راح تبجي حبيبتي تره يشاقه وياج يلا هسه رجعي راسج ليوره...

جوري...رغم توتر حاولو يلطفون جو عليه خوف بكلبي ونبضي متسارع كوا اخذ نفس حركت راسي بمعنى اي وسويت كالتلي عليه اجه دكتور وسام شغل لايت ع عيوني صار بس ضوجني بس محجيت استحيت فتح لثتي وبده يفتح عبالك بلموس حسيت بلوجع بسرعه عطتت...

وسام... هاااا داتحسين بوجع ...

جوري... اي كلش....

عاد صاح ع د ساره جابتلي بعد بنج وضربوني ابر وهم انتظرو شوي ود وسام مابطل شقه يريد بس يضحك عكس د مصطفى شايف روحه وكوه يتحاجه شوي ورجعو يشتغلون بعد محجيت بشي لان خدرت شفايفي ولثتي الجوه بس الضوه موتها لعيوني حسيت عليه د ساره ..

سارة ..شبيج بس تحوصين ..

جوري... ضوه حبابه...

سارة ...  غمضي عيونج وراح اغطيهن الج عاد والله من غمضت احسن ساعه علما خلصو لثتي حشوها حش بلكطن بحيث شفتي جوه صارت منفوخه بس علمود ميطلع الدم ، كمت من ع سديه د مصطفى جان ديكتبلي علاج سالني عندج تحسس لو لا عل

علمود يعرف شنو ينطي دوه كتله لا .خلصت كلشي يلا طلعت ويه د كتور مصطفى وكام يحجي ويه علي علمود دوه واني بعد رحت يم عمتي....

يسر...  ها فضت..

جوري .. هزيت راسي اي جنت كوه احجي ودايخه اجه عمي وابويه ودكتور احمد واكفين الكل ديسولفون واني احس راسي مسطور لزمتني دوخه حيل قويه كعدت ع صفحه لهناك وطلع دكتور وسام شفته يسويله لـ علي يأشرله بانو ماكو شي جان من بعيد ديمشي ...

علي..من بعد مااطلع دكتور وسام وجا كللنه لاتخافون مابيها شي انشاءلله بس للاحسن حته تتطمئنون اكثر نسوي زرع ونريد تحليل الغده ديكولون احتمال بسبب غده وهيج صارت ابو جوري كال اني اخذها واروح للمختبر وعاد اني اخذت العينه وهمين رحت للمختبر اهلي كالو يرحون يزورن ويرجعون للبيت طلعت اخذت سيارتي ورحت للاعظميه....

جوري....اني جنت بعدني كاعده شوي بعيده عنهم شفتهم كلهم ملتمين اكيد يسولفون بيه شوي واجاني بابا..

ابو جوري... ها يابه شلونج هسا..

جوري.. حجيت ع كيف . الحمدالله.

ابو جوري.. امشي وياي راح اخابر محمود ياخذنه للمختبر ..

جوري...بس جاب طاري اسمه اهووو هم محمود الشفيه عمي وعمتي سمعتهم يردون يرحون الامام الكاظم ويرجعون للبيت ابويه طلع موبايله واتصل ع محمود يجينه ماكو اقل ربع ساعه وكال ابويه اجه محمود خرب بيومه شبسرعه وصل...

..بس اجه د كتور احمد يسولف ويه ابويه واني شافني واكفه..

بويه روحي للسياره هسه اني جاي.

جوري.... لايابه عادي اني وياك ..

ابو جوري... دروحي يابه ماتاخر ..

جوري...كلت بداخلي استغفرالله يعني شلون اركب وهذا شفيه بلسياره ، عاد شسوي طلعت للسياره فتحت باب وركبت وره كلت سلام من كفه خشمي هو وجهه لمرايه عليه ...

محمود...و عليكم السلام والحمدالله ع سلامه ..

جوري...الله يسلمك.. وسكتت ودايره وجهي ع جامه واباوع بلشارع اشو هذا شوي وشغل الاغنيه  ل حسام الرسام ويدندن وياها  عمي شدعوه متكبره وعليمن ثگلج كبالي اذا خليتج براسي اكسره لخشمج العااالي..اني هنا اتنفرزت كتله... بلله مطفي الاغاني بلا زحمه.....

محمود....اوو طلعت الاخت تستحرم يلا عيني طفيناها...

جوري... وجان يطفي ورجع باوعلي كتله ...مو شغلة استحرم اله اني تعبانه وراسي يوجعني فـ ماريد دوخه زايده يعني رجاءاً ...

محمود... هاااا هااا هيج ...

جوري... باوعته صفح بعد مجاوبته شي مالي خلكه بلاشي اني اكرهه وماطيقه نوب يلغي عاد اجه ابويه وطلعنه للمختبر ضل يسولف هو ويا ع شغل وع سيارات طول طريق مسكتو واني حايره بضيمي وبوجعي اووف هم يجي يوم وارتاح يوم عيد ضاهر ممكتوبلي ارتاح ...

وصلنه مختبر منذر سحب مني دم خطيه ابويه دفع لحساب كلفنه بوكتها 50تحليل الغده عاد خلصنه وطلعنه بس طول ماابويه موجود بعد محمود ماتجرء وباوعلي بلمرايه التهه ويا يسولف وصلنه للبيت رحت عند اهلي امي اول مشافتني شفتهه شلون خايفه عليه وجها اصفر ..

ام جوري....حمدالله ع سلامتج حبيبتي ماماتي شلون صرتي هسسا..

جوري... الحمدالله عفتها ورحت للمغسله اغسل علي اجاني للاهلي وكال الزرع سبوع ويطلع كتله هااا انشاءلله عاد اترخصنه من اهلي ورجعنه للبيت لليل وهم مانمته غير بس ابجي شافني عكد حواجبه ..

علي...ولج اني شحجيت وياج ذاك اليوم يعني ميفيد وياج الحجي...

جوري... مسحت دموعي ورحت نمت بحضنه وكتله ...علاوي لعد تبقه هيج حياتنه بسسس دكاتررره دكااتره والله مليت وتعبت من هذا وضعنه سنه 2018 من بدايتها نهاية شهرها واحنه رايحين ورادين للدكاتره كللي راح تضل هيج حياتنه...

.علي.... وكل هذا وحمدي ربج هاي الحياة شترديها لعد كلها حلوه متصير والانسان لكلشي تره معرض واحنه نكول الحمدالله يمكن حالنه احسن اكو نااااس يضلون اشهر نايمين مستشفى لعد هاي ناس شيكولون انتي خوب شفتي من دنروح للمستشفى...

جوري... اي هاهيه الحمدالله اخذت نفسس عميق ودموعي تنزل حمدت الله وشكرته متضيق اله وفرجت....

.علي طول لليل يججي ويايه ويكسر ع روحي حته يلطف ويايه الجو علمود شلون الي يننسيني بس اني بقيت قلقه وخايفه مو بيدي لحد مانمنه حسيت تقريب ساعه 3بليل هيج فجأه فزيت من االنوم ماعرف اشوف كوابيس شفت علي كبل كاام ع حيله ويباوعلي مفزوع حجه بخوف ...

علي... هااا شبيج حبي..

جوري..خله ايده على راسي واخذني بحضنه اخذت نفس ... مابيه شي....

.علي... من بعد ماشفت جوري غفت ونامت اني اني بقيت بين نايم والكاعد لان فكري يمها فجأه شفتها فزت وكامت اني من شفتها فزيت من يمي هنا اباوعها الحنج مورم هواي شفايفها منفوخه ياربي هاااي شنو من شفت وضعها خفت عليه اكثرر كتلها شبيج واخذتها بحضني تكلي مابيه وهيه صافنه رجعت خلت راسها ع مخده ونامت لثاني الصبح كعدنه واشوف وضعها ززاد هاي مو جوري حته شكلها تغير...

جوري.....اني من بعد ماشفت علي شلون خايف عليه وكل شوي يسالني متفاجأه بهتمامه وخوفه عليه كعدت الصبح نزلت للحمام داغسل وجهي وهنااا اشووف نفسسي عزززه هاااي شبيه تلمست بشرتي ودموعي تنزل اباوع الحنج مورم شي ابد مو طبيعي حته مابقه بيه جمال اباوع شفايفي منفوخه وحمرا ياربي مدصدك راح اضل هيج طلعت من حمام ورحت لـ علي لكيته يخابر نهه الا تصال وكتله برجفه... ليش اني صرت اخوف باوع شكلي خرب حضي ...هو ابتسم ابتسامه كذابيه واخذني بحضنه...

علي... ماكو شي يخوف انتي بدون شي جبانه هسه خابرت دكتور وسام وحجيتله كال عادي بعد عمليه كم يوم ويروح الورم لاتخافون...

جوري... علي بس اني استحي بعد انزل يم اهلك اكيد يفزون من شكلي ...

علي... لا ليش غير مريضه شنو يعني  يلا اني طالع للشغل تتحتاجين شي..

جوري... كتله ..سلامتك ..وطلع للضهر واسمع تبارك اجت وتسولف ويه امها ، ماردتت انزل ويشوفون هذا شكلي هفف تذكرت عندي بملابس شارتهم ع مشرار دطلع اجيبهم..طلعت من غرفتي وهنا اسمع عمتي تحجي ويه تبارك ..

يسر...علي من تزوج لليوم مشاف راحه دشوفي لخوج شلون تعبان ومشلوع گلبه ولج هاي خااف مرته بعدد متخللف لان صار بيها مررض هذا هم حضه لوليدي...

جوري....جنت اسمع كلامها وكمت ارجف متحملت دخلت للغرفه وني مثل متخبله بقيت ادهك وبجي ملخت روحي ليشش ياربي ليشش نوب راح يصيحولي بعد متخلف لان بيها مرررض ليشش هو اني شبيه هسسه اني شجاني وتزوجت لو باقيه عند اهلي جان هسسه اني ملكه لولو لو...بقيت الوم بروحي واتندم وببجي هاي خطاء واحد وتسرع مراهقه دمر حياتي ماعرف شضام الي مستقبلي ....

مرت الايام واجه موعد استلام التحليل ..

علي ...طلعت للمختبر ورحت استلم التحاليل وادعي من الله كون الزرع يطلع نضيف صعدت شفت السكرتير كاعد سلمت ونطيت اله الوصل شوي واجاني سلملي التحليل طلعت من المختبر وتصلت ع د احمد كال تعال اني بلعياده رحتله  واخذ صوره لتحليل ورسله لدكتور وسام لشوي وجاوب كايله الورم حميدي يعني الزرع مابي شي طلعت من دكتور واني احمد الله الف مره اتصلت ع جوري كلت ابشرها.....

جوري....اني جنت جوه كاعده اغسل مواعين سمعت موبايلي يرن مخليته ع ثلاجه سحبته شفت علي يتصل جاوبته... هااا عيني ..

علي...حبيت ابشرج طلع التحليل الحمدالله الزرع مابي شي ...

جوري...تنفست براحه ... الحمدالله ياربي ...سديت الخط واني بداخلي شكد مااحمد الله وقليل وحتى توتر راح مني لليل يلا اجه علي صعدت داصلي شفته مدد بلفراش وايدة جوا راسه باوعلي ..

علي ...تعاي...

جوري... رحت يمه رفع نفسه وسحبني لحضنه خله راسي ع صدره وكام يحجيلي انو شلون الاطباء كالو بيه مرض خبيث ولمن هو راح كربلاء طبعا جان يحجي هو واني عيوني تنزل عشره عشره يعني والله جنت حاسه اكو شي بصوت مخنوك ... علي ليش ماكتلي بوكتهه شلون تضم عليه...

علي...  ميصير حبيبتي اي واحد مريض وبل اخص هيج امراض ميحجوهه للمريض يخافون عليه  والحاله النفسيه الها دور تره هسه كافي بجي دكومي صلي ركعتين لـ اباعبدالله وحمدي الله ..

جوري....كمت من يمه وكفت صليت وشكد بجيت بذاك اليوم لحد ماسمعت عمتي تصيح علينه وينكم تعالو تعشو..عاد خلصت ونزلت تعشينه الكل وخلصنه بس كلهم ملاحظيني بيه شي وياهو ليشوفني شبيج..بعدين كتلها عمتي... انتي جنتي تدرين انو هيج كالو دكاتره ليش ماكتيلي...

يسر... ليش دكلج وعلي كايلي لاحد يدريهه ..

جوري... سكتت بعد مجاوبتهه شي لحد اني مجاي استوعب شنو جاي يصير وياي معقوله حسبالك حلم وارد اصحه منه ...

.. الاحد جانت مراجعتي للمستشفى كالعاده نكعد الصبح بل 8 رحت كعدت علي... كوم صار دوام هههه... جنت من اكعده اكله صارت عنده مستشفى دوام لان كل يوم وثاني رايحين الها اصلا تعلمنه ع هل موال عاد طلعنه للمستشفى هلمره ماكو دكتور اياد بس دكتوره ساره ود وسام..صاحتني د ساره تعاي هنا رحنه بغرفه خاصه سوتلي فحص بلثتي شافت العمليه عاد سألتني ...

سارة...هم عندكم احد من اقاربكم يصير بيهم كيس هسه شلون حالتج..

جوري... فريت راسي كتلها لا ،ط وبداخلي اكول خاف هم قصدهه وراثي يعني حته بهاي بس تذكرت عمتي اسيا من كالت ع زينب صار عندها كيس كتلها... دكتورة ذكرت بنت عمتي هم صار عندها كيس وقبل سنه سوت العمليه يمكم هنا بلمستشفى..

سارة...  شنو اسمهه وعند يادكتور..

جوري...  اسمهه زينب سوتهه يم د عمار ..

سارة... ماذكرهه علموم حبيبتي اذا تكدرين دزيلي تقرير ملتها هيه مسويه تحااليل اشعه شي وراح انطيج رقمي رسليلي منه ...

جوري...  اوك... ورجعت اسالها شلون ورم الحنج عندي  كالت عادي شوي شوي يخف ويروح كتلها انشاءلله..

دكتور وسام .... اسنانج خمسه منهم راح نشيلهم اثناء العمليه..

جوري...طبعا اني كلش ضجت من كال يشيلوهن شنوو اضل بدون اسنان خرب حضي فوكها الاسنان الكدام اجيت ابجي ..

د ساره... حبيبتي نكدر نخلي الج اسنان متحركه موقته علما تصيرين احسن ترحين تزرعين اسنان وينه زوجج يجي يوقع ع شيلت الاسنان..

جوري... كتلها بره واكف عاد طلعت اله..واني كمت من سديه وهم طلعت وراها شفت علي ديوقع اجيت اكله لا علي بس مدري ليش سكتت حسبالك احد صم حلكي وخلاني اسكت واتقبل امر الواقع..د سارة واكفه ويانه طلعت موبايلها وردتلي رقمها وكالت راسليني لاتنسين كتلها ماشي  اخر شي كالو ثلاثاء تجين نسويلج عمليه الكبره يعني يشيلون الاسنان والورم تحت لساني وجوه لثتي عاد للضهر طلعنه للمستشفى ورجعنه للبيت نوب اول موصلت للبيت كل شوي واحد متصل ها الزرع طلع لو بعده وشكالولج دكاتره ومن هل اسئله اجاوب ع سوال واعوفهم اصلا مالي خلكهم لليل اجت عمتي اسيا وع ندى اسمع ع ام علي تكلهن شفتن جوري شلون صايره تخوف وجن عيني خاف بعد ميصير عندها لان تمرضت واني هنا بداخلي احترك حرك من كلامها ياهو اليجي تكله نفس كلام شنو من عقل عندها مادري عبالك بيدها شي لو بيدي شي دخلت سلمت عليهن ع اسيا كالت بنتي زينب هم هيج ورمت هواي وبعدين صارت زينه انشاءلله جوري هم تصير زينه وتنكضي وصير سوالف ...

عمتي اسيا حلوو حجيها متجرح الواحد موو مثل اختها كتلها اريد تقارير مالت زينب اخذلهن صوره كالت ليش كتلها ماعرف دكتوره طلبتهن كالت تدللين من ارجع اصورهن لحد مارجعت عمتي نوب طكلي صور وكلهن مو واضحات طلع موبايلها ميصور زين عاد علي راح لبيتهم واخذ صور بجهازه رجعلي ...

علي... شو انطيني موبايلج..

جوري.. ليش..

علي...  هسه ثواني ..

جوري...مكلي راح اخذ رقم دكتوره وارسليها اني اخذ الرقم بدون علمي ودزلها صور بعدين كتله... ددكتوره هسه جاي تنتظر مني...

علي..  شنو يابه تره دزيتلها اني.

جوري.... احس دخان طلع كن ذناي وتخوصرت اله....شنووو شنوو يمممه ومنو سمحلك انته دزلها ولا فوكها من موبايلك اعتقد نطتني رقم الي شكو انته دزلها جان يعيط بيه ..

علي... . اكلي تبن لاهيج تعلين صوتج تره اكوم افركه لحلكج ...

جوري...رفعت حواجبي ... عشتوو يلا هسسا تمسسح رقمها فاهم لوووو لو لا..صار عصبي ويصيح ...

علي.... ايي مو راححح اكوو... وياها...

جوري...نقهرت حيل ودرت وجهي عنه وزعلت ضجت من كلامه حيل شنو معناها تصرفه ..

لثاني يوم راسلتها كتلها دكتوره مابقه شي للعمليه تتواجدين الثلاثاء

سارة .. لا حبي ماكدر اعوف البيت ماخذه اجازه وامي مريضه..

جوري.. دكتوره انتي اكثرر وحده ارتاحتلج فـ اريدج بيوم عمليتي فدووه كلش خايفه ..

سارة...  حبيبتي عذريني لو اكدر بعيوني وهناك بديلاتي دكتوره ايمان اخابره واوصيها عليج ولاتخافين انشاءلله سهله..

جوري.. يلا الله كريم...

مرت الايام وصادف موعد عمليه  الثلاثاء بتاريخ 2018\12\12..طلعنه للمستشفى ساعه 8الصبح كاعدين هناك بالانتظار حدود اربع ساعات واحنه بالانتظار كلش ازدحام ع عمليات واكفين اني وعلي بره لان اصلا ماكو كعده حته نكعد اجه دكتور احمد كلنه بلكي يسهل النه امر راح حجه ويه دكاتره..دكتور وسام كال وره مانخلص عملية الطفل هيه وراه وطلبو منه بنج عاد علي راح للصيدليه..

ود وسام .. مسويه عمليه سابقه.

جوري... اي قيصريه ...وكتب بعدين كال انتظري بعد..

.شفت عمتي اجت هيه وابويه وعمي..

ابو جوري... شو وحدج علي وين..

جوري..  راح للصيدليه..

يسر... شوكت لعد دخلين للعمليه

جوري.. يكول دكتور بعد ..

يسر.. يلا الله يسهل..

جوري... دخلت جوه كعدت اني بقيت واكفه بره ابويه وعمي واكفين يسولفون..هناك واشوف وحده هم هيه وهم وزوجها يرحون منا ويجون منا ميعرفون شيسون كلت بداخلي خطيه شبيهم اكيد ينتظرون احد بلعمليات شوي واجت المريه وكفت قريب مني حطت ايدهه وتبجي قهرتني والله واني مادري بسالفتهه شنوو ، اجه لـ يمها زوجها ونطها كنينس شوي سكتت رفعت راسها شافتني انتبهت ع ايدي لبسه ساعه سالتني ساعه كم كتلها 10ونص  عاد هيه كامت تسولفلي ع ابنها عمره سنه وديسوله عمليه عنده فتحه بلهاته جانت تسولف وتبجي مردتت گلبي حته دمعت عيني حاسه بيهه ، لهناك واجه علي..وهم واكف وجان يحجي ويه زوجها  واني داحجي وياها كتلها ماعرفتو سبب ومن يمته هيج حالته..كالت لا والله

ماعرفنه من الولاده عنده فتحه..كتلها خاف وراثه زوجج اقاربج ، عاد زوجها كلي مو شرط تكون وراثه او اقارب دكاتره هم سالونه..وكنالهم مو اقارب كتله بس لازم اكو فد سبب ولو هو كلشي بيد الله رجعت باوعت زوجته كتلها المفروض تسوين تحاليل او دوبلر من انتي وحامل..كالت لا ماسويت شي تمسح دموعها وتكول الحمدللله ، باوعتهه وسكتت كلت بداخلي هاي دنيه مثلك لهناگ وطلعو الطفل من العمليات وهو يصرخ ويبجي وامه وابو راحو يركضوله اباوعهم شلون متلوعين بطفل كلت احمدالله الي مابقت زهراء بنتي جان هسه حالي اتعس من حالهم دموعي تجري اجه علي ليمي...

علي....اووف داتشوفين حال العالم ..

جوري...مسحت دموعي كتله.. اي شفت خطيه اهله الله يساعدهم ..

رجعنه كعدنه ننتظر والعالم تروح وتجي وكلمن مصيبته شكل، شفنا واحد يطلع عمره بل اربعينات ويا مره كبيره بلعمره واثنين نسوان كعدو كبالنه اشو هذا ضل يباوع ويغمز تنفرزت منه كتله ...علي امشينه بلحديقه ضوجه هنا ...

علي...انتظري مابقه شي ودخلين..

جوري.. بهل اثناء صاحو اسمي جوري فريت من مكاني والخوف سيطر عليه يمه عرفت  اجه وكت عمليتي وكفت ورجلي يرجفن ونفسي ثكل رحت جان عمي وعمتي وعلي وياي يمشون  وكفنه واجت وحده نطتني ملابس مال عمليات كالت روحي بدلي وتعاي رحت دامشي وجان اشوف واحد ماعرف مكسوره ايديه لان جان لافها ويا واكفه امه واخوانه 3 هم جاي يدخل عمليه ، دخلت للغرفه بدلت جنت لبسه بدي وبنطرون كايبو ولبست فوكاهن صدريه مالت العمليات المهم رتبت نفسي وطلعت وهنا يصيرون كبالي الولد وامه واخوانه كاعدين بالانتظار اشوفهم يباوعولي من فوك ليجوه مدري ليش خجلت كلش خاصتن امهم ضلت صافنه دامشي اروح للصالة العمليات جان اسمع صوت ورايه التفتت شفت امهم داتحجي كتلها ...خير خاله.

.ابتسمت وكالت... فضول  انتي شبيج حته داتسوين عمليه اشو شوفتج مثل الورد..

جوري...تحجي وترجع تباوع من فوك ليجوه حسبالك متفاجأه ابتسمت وكتلها.. اي صح ليشوفني كلشي مابيه... بهل لحظه اختنكت وكلت بداخلي اني كلشي بيه 

..رجعت كتلها عندي ورم وجاي يشيلونه مني ..

فتحت عيونهه كالت يااا وين صار عندج..

اشرت الها ع حنجي كتلها ت..حت اسناني لثتي ..

..كالت اوي حبيبتي متستاهلين انشاءلله تكومين بسلامه وترجعين مثل الورد..

جوري....كتلها تسلمين خاله يلا اني اترخص..

كالت اخذي راحتج حبيبتي ..

جوري... ورحت للصاله العمليات اول مدخلت شفت كومة دكاتره واكفين ينتظروني بس ماشفت دكتور اياد  اجه د

مصطفى .. هلا جوري شلونج ببتسامه ..

جوري.. الحمدالله..

مصطفى.. خو ما لبسه شي من حديد..

جوري.... اي لابسه..

مصطفى.... دروحي نزعيهن وتعاي ميصير بلعمليه. ..

جوري...طلعت واجت وياي وحده اعتقد مساعده وياهم بلمستشفى فـ طلعت قبلي وصاحت منو اهل جوري خلي يجون شفت عمي ابو علي اجاني كال ها يابه بعدج..كتله عمو خلي عندك كلادتي والحلقه نطيتهن اله ورجعت هنا شفت دكتوره ايمان كالت هاي وينج يلا تعاي رحت للسديه صعدت ونمت اخذت ايدي خلت كانونه ودفعتلي البنج حسيت بدوخه وبعدها ماحسيت بشي ....

يتبع ..

انثى 💜ملائكيه

تابعو الكاتبه وقرو قصتها ضابط والكرديه

user70675947

انثى 💜ملائكيه

اخطاء لايمحيها الزمن

هلوو قلبي شلونكم  😙😘

....... 

جوري...مر 5ساعات واني بلعمليه  واسمع دكتور وسام يصيح باسمي جووري جووري واني ظلام محاوطني وماكدر افتح اعيوني ولا احرك الساني ماجاوبته ماكدرت كام يضربني عل كيف بخدودي حته اصحه ونيت وحركت راسي شوي سمعته د وسام يكلهم صحت طلعوني من صالة عمليات فتحت عيوني بثكل وبتعب شفت علي واهله واكفين ويحجون ويه دكتور رجعت غمضت وغفيت بعدين حسيت ع واحد جا يشيلني يحولني عل سديه ....

.. واسمع صوت علي يكله شووو وبعده عني واجه هو عدل حجابي جان طالع نص شعري ضاهر شايلين االشال اثناء العمليه وخله ايده جوه ضهري شالني وخلني على سديه ورها هم محسيت بشي بس سديه مشت بيه ....

حولوني بل ردهه بغرفه  بعدها اجه دكتور خله مغذي بيدي...

دكتور.. تبقه ع سوائل مثل شوربات عصاير حليب  لمدة سبوع وتجيني مراجعه على احد جاي ...

جوري...اني هنا مغمضه بس اسمع حجي دكتور وهوسه يمه بلحظتهه اختنكت ونزلت دموعي ودموع صارت تتسابق وبجيت تذكرت من سويت لقاح علمود الحمل وشكد حاولت حتى يصيرلي طفل وتاليتي هيج حالتي ليش ياربي شنو اني لمسويته وهيج يصير بيه شكد بقيت احجي بداخلي وابجي...

... كلهم انتبهو عليه نوب كمت ارجف بردتت حيل الجووو باارد اجه دكتور يحجي ويايه واني ولاكن ماكدر احجي..

.. اجوي اهلي يتحمدولي بسلامه مجاوبتهم بشي لساني ماكدر احركه احس بوجع ، بس شغله اتفاجأت بيهه انو اسناني ماشالوهن خلوهن  بس بعدين الي افتهمنا من دكاتره ماحتاجيت لهذا شي شالو الورم بدون قلع اسنان بس تبقه بيهم مشاكل اسناني انو ماحس بيهم نهائي وضل العواج بيهن...

...للعصر وراحت عمتي وبقت يمي امي وابويه وعلي راح اخذ العينه هم كال دكتور انو لازم نرجع نعيد الزرع للاحسن واهلي اي شي يحجون ويايه كمت اكتبلهم بلورقه ويقروها لو بلموبايل وبقيت ع الحال....

..سالت امي وين موبايلي سويتلها اشاره عبالك مثل خرسه هههه افتهمتني اخذت موبايل اول مافتحته يووو لكيته مليان رسايل ومكالمات يسئلون عني  بقيت اجاوبهم واحد واحد  علما خلصت اخذت صوره لايدي بيهه كانونه ونشرتهه بقناتي بتليكرام...

.. شفت ناس شلون تندعيلي وتحبني من باوعت بجانب الحلو انو شلون ناس يخافون عليه ويسالون عليه وو ، بعدها ضليت بلمستشفى يومين كال دكتور الى ان تستقر حالته يلا تكدر تخرج خلوني على مغذي عايشه  مريت بااتعس ايام تحملت الجوع والالم احس دنيا صارت ظلمه وبغير عالم ....

.. شكلي كلش اتغير شفايفي ورمت حيل والحنج حته دكتور يشاقه ويايه هههه يكلي مسويه فلر لان منفوخه شفايفي ولحد الان شفايفي ضلن شوي منفوخات وصدوك عبالك مسويه فلر وهذا لي يكلي يله مو جنتي تردين سوين دايت هسه تضعفين بدون دايت وكل واحد يكلي. شي جانو بس يردون يضحكوني ...

...بس اني ماعندي واهس حته للضحكه راحت من وجهي شتذكر اتذكر كل الي دامر بي صعب بهاي اليومين كاضيتها بلمستشفى امشي بلممرر مال ردهه دكتور وصاني انو اكثر بلمشي علمود البنج فـ ثاني يوم الصبح كعدت امي كتلها اريد اروح للحمام ماكدرت اكوم من الفراش لزمتني دوخه صار عندي هبوط  كعدت امي كومتني عل كيف وشالت عني المغذي وكمت مشيت وني وداطلع صار كبالي نفس رجال الي قدرت عمره بل اربعينات ومن غمزلي تفاجأت بيه هذا جابه لهنا لحكني من شافني ابتسم مهتميت ودرت وجهي بس بقيت مرتبكه من نضراته جنت طالعه بلبنطرون وشال شامرته ع شعري بدون ترتيب حسيت نفسي مبهذله بس شسوي مريضه وكوه متحمله وضعي استمريت بلمشي رحت للحمامات طلعت لكيته واكف يسولف ويه عمي فكرت يعرفه او شي بس لمن سالت كال عمي لا ماعرفه هو اجه وكف يمي وكام يسولف نوب كايله ليش بنتك مسويه عمليه خطيه قهرتني كايله هاي مو بنتي جنتي نوب هذا شكله ضاج االزم وكايله يلا خويه اني اتترخص هههه صدك ضحكت من كلي شنو جان رايده مني الله اعلم ....

...  من بعد ماطلعت  من مستشفى  الصبح امي كالت تعاي يمنه منو يداريج هناك بيت عيالج ، وبقيت عند اهلي وجانت اختي وامي يسولي عصاير طبيعيه واشربهه عدا العصاير ماكل شي بحيث خلال سبوع هووواي ضعفت صار لي يشوفني يكلي مستحيل انتي مو جوري خطار يطبون ويطلعون علي كمت ماشوفه ملتهي بشغل لو مرات يجي بليل يسلم ويروح...

يوم منهن ايديه كمت ماكدر احركهه من الوجع الي بيهه ابجي واستغيث منهه وامي متعرف شسويلي كتلها خابريلي ع علي وكليله راحت وكاالتله ، كال هسه اسال دكتور احمد نوب ايديها يوميه شغله خابر ع دكتور احمد كايله خاف من الكانونه صارلها هواي بيدها عادي بس لازم تتبدل اني كاعده وابجي ماعرف شصارلي الوب مشفت غير علي يدك عليه جاوبته ..

علي.. لبسي حجابج هسه يجي دكتور احمد يبدل الج الكانونه يكول لان صارلها هواي ..

جوري..  يلله ماشي .

عاد بدلت ولبست حجاب اجه علي ويا د احمد اول مشافني د هو ويضحك..

د... ولجج هلا بجوريه شلونج  شلون صرتي صايره عوده( يعني ضعفانه) يلا تعوضين انشاءلله..

جوري....جنت كوه كاتمه ضحكتي خرب نوب تصرفاته وحجيهه ينجبر الواحد يضحك كدرت احجي شوي كتله اشكركك دكتور الحمدالله  اجه كعد  اخذ ايدي وجرها كانونه لو شاغت روحي تموت نوب خله وحده مكانهه وشكللي مغذي والعلاج كله ابر مسكنات يضربهن بلمغذي علمود مفعوله اسرع من حبوب ..

د... وين راجيته كتبلها دكتور دوه.

ام جوري... هسه اشوفلكيها..

جوري... راحت امي دورها ملكتها نوب كلها كارت مال مستشفى وهم دورنه ومالكيناه كال ليش مضيعي كلش مهم كارت ماما جتي سالتني وين مخليتها كتلها ويه دوه اتذكر نوب هم دورنه ماكو دكتور احمد كال يلا من تلكوه خلي علي يجبلياه ماعرف شيسوي بي المهم طلع د احمد واني كمت نبشت بلغراض وجان الكاه للكارت كتلها امي لكيته هنا ليش مادورتي نوب توه طلع جان شافه شلون حظ عليه .....

.. بعد فتره رجعت لعيالي والحمدالله وضعي استقر ، ورجعت اكل بس ع كيف مو كل الاكلات اكدر اكلهن ، وبقيت كل سبوع عندي مراجع كل يوم احد اروح للمستشفى يشوفون وضعي ضليت شهر على هذا الحال..دكتور كال 3اسابيع واشيل الخيط مال عمليه ، بس جنت هواي اعاني من تنضيف اسناني بسبب الخيط والحمدالله مرت الايام...

 علي.... جوري شكد يمج فلوس..

جوري... جنت جامعتهن من الي اجو خطار وينطون فضل تقريب بيهم 360 كتله.... ليش علي هم راح تاخذهن وتصرفهن ني رايده اشتري بيهم ذهب ع اقل نستفاد منهن...

علي... ادري حبيبتي والله بالي شغله ارد اسويها وراح تكيفين بيهه بس انطينايهن ...

جوري...رفعت تك حاجب... وشني هاي شغله غير تكلي بالاول...

علي... لا ماكلج لوكتها راح تعرفين وبنفس وقت تفرحين ...

جوري.... مممم زين شغله الي اني احلم بيها لو لا من الاخير....

علي...ههههه ييي يجوز هسه شمدريج ...

جوري...  يلا ماشي اخذهن...

علي.... كاعد ويه جماعتي وجان ويانه محمود صاحبه لخالي فتحو موضوع انو يسوون روحه شبابيه لربيل فـ ديكلولي يلا علي ويانه وامشي وخلي نتونس بس صارت بيهه جراره وعراره هذا ليكول لا نروح تركيه وثاني يريد اربيل ماتصافو ع رئي واحد ،  وني بذاك اليوم جنت مفكرلها انو اطلع لاربيل ع راس السنه محمود جا كعد بصفي وغمزلي ..

محمود... اكولك علي ليش متاخذ مرتك وياك والله احسلك من هلدوخه كل واحد دشوفه يحجي شكل..

علي... والله ماعرف شكلك بعدني مامفكر ..

..بهل اثناء اجه خالي وسمعنه وكالي اخذها جوري هم تغير جو خطيه  واذا عل فلوس لاتهتم..كتله يلا خالي الله كريم رجعت للبيت وفتحت صفحتي بلفيس وبقيت اتابع شركات الي يرحون سفرات لربيل ولدهوك  شفت شركه اسعارها كلش مناسبه يعني عل كد فلوس لعندي ولفلوس الي عند جوري همين  دزيتلهم رساله وكلت خلي احجز..بس جوري مكتلها حبيت اسويلها مفاجأه .

الثلاثاء رحت لشارع فلسطين حجزنه ونطونه موعد السفره اخذت منهم الكارت ورجعت للبيت ....

جوري ...اني بصراحه مجنت راضيه انطي لفلوس لانو كم مره اجمع وهو ياخذهن ويصرفهن وماعرف وين يوديهن بس يوم رحت لهلي واشوف اخواني يضحكون . يابه شبيكم ضحكوني وياكم ...

محمد ....ليش مكلج علي وين هترحون..

جوري... لا ..اشوف حسن خنزر لـ محمد كتلهم.... ولكم احجو شكوو...

محمد... لالا هيج مو يمج لعد سالفه ...

جوري... نوب اني ضليت الوب شكو شبيهم ذولي بس بعدين نسيت سالفه والتهيت اجوي بيت عمتي وبعد عفت مسالت..لليل علي خابرني..

علي... الو جوري وين انتي شو ماكو بلبيت..

جوري.. ليش اني عند اهلي...

علي... تعالي طلعي بلباب اني واكف عل سريع ..

جوري... اني هم لبست عباتي وطلعتله اول مشافني  ..

علي.. زين لابسه عبايه امشي هسه ويايه..

جوري...  وين ..

علي...هااا معليج هسسه امشي وسكتي..

جوري.....اني هم سكتت بس بداخلي شبي هذا راح يعجبني مشيت وراه طلعنه عل شارع..

علي... نروح دكتور احمد بلكي يشيل الج الخيط ونفضها احسن من ماروح للمستشفى ..

جوري...شنهي هاي علاوي غير دكتور وسام يشيله هو كاللنه قابل دكتور احمد ..

علي...هسه الله كريم نروح نسأله شـ خسرانين....

جوري... .. يالله هاهيه... وبداخلي هذا شبي مستعجل اصلا بعد مصار الي 3اسابيع هسسه يلا سبوعين الي من عمليتي..وصلنه للعياده مال د احمد.. سلمنه وكلي تعاي تفضلي رحت كعدت ع كرسي ..

علي... دكتور باجر عدنا سفره واحنه منكدر سبوع. لخ تروح للمستشفى اذا تصير هسه نشيله الها الخيط ..

د احمد.... والله علاوي ماعرف شكلك اني ماعندي مانع اشيله بس اكول الافضل انو دكتورهه يشيله الها وهو نطاكم موعد مو...

علي... اي بس عل احد الجاي ..

جوري... اجه لـ يمي د احمد فتح لثتي وشاف الجرح...

د احمد... الحمدالله بين لاحم الجرح راح اخابرلك دكتور وسام اذا متواجد هسه بلمستشفى تروحله هسا ويشيلونه الها عادي واذا ماكو باجر الصبح ..

علي ...ياريت هسا باجر منكدر..

د احمد... بس دقيقه اخابرلك..

جوري... لحظات وتصل ع دكتور وسام كله خلي تجي هسه موجود..عاد طلعنه هنا محمود كل شوي يخابر ع علي عود صاير خوش ادمي وحباب كايله اني اوصلكم للمستشفى هسه اجيب سيارتي واجيكم ، علي معترض لان هو ويايه اجه ورحنه ويا وصلنه وطول طريق محمود يضحك ويبسمر ويه علي وهو يخنزر اله ميقبل علي انو اعرف وهذا محمود مكعد راحه بس يضحك ويحجي بل الغاز واني اضحك وياهم مثل اطرش بلزفه ولافتهمت شي منهم...

.. المهم وصلنه للمستشفى ومحمود نزل ويانه اباوع مستشفى هدوء بعد بليل جانت حدود ساعه 10ونص دخلنه جوه علي سال ع دكتور وسام شوي واجانه سلمنه عليه كال انتظرو هسه اجيكم ماعرف وين راح واحنه بقينه واكفين واكو عالم بس قليلين تعبت من الوكفه رحت كعدت ع كرسي بين مااجه...

اجه دكتور وجان ويا واحد شايل غراضه كلي يلا جوري كمت من مكاني ودخلت واجه اخذ مواد تعقيم وشي مثل موس وبده يفتح بل خيط شوي صار وجع خلص وكام عل المكتب كال راح اكتبلج دوه مال التهابات وشراب مهم كتبلي علاج وكال الاحد تجين اشوفج ..

علي.. دكتور منكدر نجي..

د.... لعد على الخميس..

علي. هاهيه انشاءلله ..

جوري...كام يشرح دكتور كال خلينه الج ماده بمكان االعضم من تهشم وشالو خلو هاي الماده علمود ترجع الانسجه شلون تبني وحته يرجع العضم وهيج ..

من بعد ماطلعنه من المستشفى رجعنه من على شط واني بسياره صورت ونشرتهه ستوري..لحظات وصلت رسائل من صديقاتي عاطن هههه وكاتبت شكو خير بهل وقت رايحه مستشفى خو ماكو شي هههه خطيه ضلو بقلق عاد كتبلهم ماكو شي رحت شلت الخيط رجعنه للبيت كتله .....علي جن سمعتك تكله لـ دكتور عندك سفره ومادري ...

علي... اي حبيبتي حضري نفسج بليل ساعه 3نطلع..

جوري.... وين انشااءلله..

علي... لكربلاء بله انتي شعندج ملابس حلوه خلي اشوفهن ..

جوري...كلبت عيوني وكلت هف  بداخلي واني عبالي سفره سياحه شي مكان نتونس ..

علي...اريد اضحك علة شكلها ... شبيج صفنتي...

جوري...  هااا لا هيج...

علي...  يلا شوفيلي ..

جوري....فتحت كدامه كنتوري

وكمت اشوفله بيهن ..

علي.. بلله سوي عرض ازياء.

جوري..تخوصرت ... هااا ليش انته مثلا راح تخليني اطلع بلبنطرون ..

علي... مممم يجوز شمدرج عاد كيفي..

جوري...شهكت و فتحت عيوني متفاجأه كتله ...معقوله علي يخليني اطلع بلبنطرون شنو اني بحلم ولا وين بكربلاء هاي وين صايره اشو سالفه مداقتنع بيها شنو موضوع... طبعا هو هنا ساكت بس يباوعلي ورافع تك حاجبه ومبتسم..

علي... شنو حبيبتي تره اكو امكان حلوه بكربلاء ويعني عادي تطلعين بدون عبايه بس اهم شي تكون هدوم دفيج هناك الجو كلشش بارد...

جورث.... هااا ...طبعا اني اقتنعت ب كلامه وكلت هاهيه اني رايحه كربلاء وخابرت صديقاتي وكتلهن باجر مسافره هنه كيفن وكالن اي روحي غيري جو حته علمود حالتج نفسيه ترتاح كتلهن يمعودات هيه زياره قابل رايحه متونسه والله عبالي علاوي يكلي نسافر بس خاب ضني  من بعد ماعفت موبايل رجعت لكيت علي جايب جنطه جنها مال سفر كلش جبيره ... اشووو هايي جنطه...

علي... والله يادوب يكفن هدومج وهدومي طلعيلي ملابسج دشوف ..

0وري... هذا وهذا..

علي... اهم شي مستورات ..

جوري.... اخذت مانتو اسود وبي ابيض واخذت بناطير 3 وبديات ومن غيرهن مهم حضرنه كلشي بس علي جان مشتريله ملابس جدد ... وليش ماخذتلي ملابس وياك..

علي... مو عندج شلج بيهن..

جوري..اهاا دشوف وين عندي كنتوري فارغ..

علي... هههه دمشي عيني كملي الغراض ولادوخين راسي...

جوري... ها صدوك علاوي المكياج خلي مكان زين لايروح ينكسر فؤديشن... باوعلي صفح ..

علي...وشتسوين هناك بلمكياج عوفي بلطبيعه اشوفج احله..

جوري.... لاحباب بس هذولي مهواي هيه مسكاره ووشويه فؤديشن ومورد خدود فر بعيونه محجه شي بعد اني خليتهن بعلبه ودحستهن بلجنطه المهم خلصنه كلشي صارت تقريب ساعه 1ونص بليل وبعدنه مانمنه....

علي... خلي ننام ولو ساعه ورانه طريق ونتعب..

جوري... بس اني منعسانه ....

علي... حاولي حبيبتي تنامين ..

جوري... يلا ماشي هو راح نام واني بقيت جان عندي رسمه مسويته حفره ثلاثي الابعاد بقيت ارسم بيهه لحد ماخلصتها يلا نمت غفيت تقريب بل 2..حسيت ع علي يكعد بيه كمت من فراشي  باوعتهه هو ديبدل ... صباحوو بيش ساعه..

علي... يصباح العسل ساعه 3 اله ربع يلا حته تلحكين ...

جوري... عاد نزلت جهزت نفسي ع اخر حبايه صعدت فوك لبست فستان طويل جان مرتب لونه بيجي ومطعم بلون نيلي اخر لبست شال هنا دكت ساعه 3وربع وعلي خلص واني بعدني وكلسا يكلي يلا

يلا ولج ماخلصتي كتله بعدلي بس البس ساعه عاد كملت ونزلنه سوه هو سحب الجنطه وطلعنه بره باوع الدنيا بعدها ماصبحت والجو كلش بارد جان شهر 12نهايته علي خابر ع واحد سايق ركبنه ويا وصلنه شارع فلسطين نزلت من سياره اباوووع سيارات منشئااات هواي واكفااات كلت بداخلي يااا شنو سالفه مو علساس كربلاء هذا ليش ننزلنه هنا واصلا شنسوي باوعة ع علي باوعلي ويضحك  ..

علي.. اششش امشي ومعليج ..

جوري...مشيت ويا واباوع من بعيد واكفين كومة شباب وبنات تقربنه يم الشركه..

علي... اوكفي هنا هسه اجي..

جوري... خله يمي الجنطه وراح بس عيوني جانت تراقبه وين ديروح شفته دخل بشركه تقرربت اكثر وهناااا شفت االمفاجأه

بقيت اباوع كلش متفاجأه مداتصدك عيوني الي داشوفه حلم لو حقيقه معقوله جوووري راح تسافر يعني اني حياتي كلها مامسافره وهسه راح اسافر يااارباه شكددد حلو قريت مخلين شلون لافته عل شركه اسمهه المرجان للسفر وسياحه.. اربيل دهوك ، تركيا لبنان سوريا كلهم مذكورات بس لحد الان ماعرف وين راح اروح ، طلع علي من شركه اباوعه واضحكله جن مامصدكه..

علي....  يلا تعاي

جوري.. واني دامشي ويا كتله... هاي وين رايحين غير كربلاء ..

علي... اي حبيبي لعد وين اني شكتلج..

جوري... جان كوه كاتم ضحكته ...كتله ليش هيج علووش تشعوطني..

صعدنه بل منشئه كلشش جبيره اباوع لبس البنات كلش اوفر يمكن اني الوحيده بيهن لبسي مستور بس مهتميت كعدنه اني وعلي خله ايده ع ايدي ويبتسم باوعتله وكتله بنفاذ صبر ..عليي احجي تره فتيت گلبي وين رايحيين... هو كرهه بضحكه..

علي... شلللون.. وهو يأشر.. ولله حسره بكلبگ لخليهه... غمزتلها..

جوري... اني هنا كمت احوس بمكاني كتله ...شلوووون علاوي تره مداصدك وربي... عيوني غرغرت بدموع ضحكلي وخله ايده ورايه وشبكني وكلي بصوت ناصي..

علي... لربيل يبعد عمري ويدلل الحلو مالتي ..

جوري... جنت مدنكه رفعت عيوني صارت عيني بعينه... أحبكك والله احبكك شكررا حياتي وربي احله مفاجاه... حضنته ونسيت حته ناسس يمنه وتباوعلنه شوي وبتعدت عنه وهو يباوع بعيوني وضحكه ماليتنه يمكن جان هذا احله يوم صار ويانه..شوي والعالم كامت تصعد للمنشئه رحنه ويه كروب بس كمنه نشوف شباب تصعد ويانه مو عوائل شفت علي كلش ضاج وتوتر وبس ينافخ نزل للشركه بدون ميحجي  بقيت اباوعله من جامه مال سياره راح يحجي ويه مندوب..

علي.... اني حجزت ويه عوائل ليشش هاي شباب ويانه غير أتفاق هذا ...

جوري...كم شخص من اهل عوائل هم نزلو تعاركو ويه ابو شركه على شلون تخلون شباب ويه عوائل هو هيج يصير المندوب ضل يحجي وياهم ماعرف شنو نوبه..

علي ... اني انقل ويه غير شركه..

.. اي روحو عل شركة المرجان اذا تردون..

علي...رحت جوري... امشي نزلي..

جوري...ليش..

علي... نروح ويه ذيج شركه ...

...والله خويه هيه هاي شركات مو كلهن ثقه واني هم مثلك راح انقل ويه غير شركه..

  علي... يمعود لو ما اني اكدت وياهم ..

جوري...عاد ننزلنه ورحنه عل غيرهه نوب هم لكينه بيها شباب وفوكها نص المنشئه بيها شباب عوائل كم نفر وهمين راحو العوائل اشتكو واعترضو وصارت عركه من صباحيات وني من يمي ضجت خفت لاتخرب فرحتي ونرجع للبيت حضي واعرف بس الحمدالله بعد ساعه ..

..الى ان فضت المشاجرات سلمنه امرنا ورحنه ويه شباب لان بعد ماكدرنه لاهيج ولاهيج بس اشوف علي حيل ضاج ....

اجه المندوب صعد ويانه ..

.. سلام عليكم جميعاً اني المندوب كرار راح اكون وياكم اي شي تردونه تعالو عليه..

جوري... وكام يحجي ويكللنه تعاليم ومدري شنو المهم مشت بينه المنشئه وجانت ساعه 4اله ربع الفجر اكثر من منشئه طلعو ويانه تقريب 3..كلنه كاعدين وساكتين اني كاعده يم جامه اباوع الشارع الدنيا بددتت تصبح جيت اخذ صور...

علي.... ولج مو من هسا تاخذين خلي يصير صبح هسه كلشي مايبين..

جوري... اي خرب كلشي مايبين تعال انطيني ايدك خلي ناخذ هيج صور ني وياك....

خليت ايدي عل ايده وبقيت اتفيك بلصور وهو يضحك عليه ..

علي... شو نطيني موبايل انتي ماتعرفين تاخذين صور..

جوري... لا بالله يعني هاي محلوه..

علي...  لا هاي احله سوه...

جوري...  هو ولزم ايدي عصرها حيل كتله ...اؤؤي ايدي.. نوب هو ايده ضخمه هههه بقه يضحك عليه وهنا المنشئه ضلموها طفو الاضويه والعالم البيهه نامو اله اني ويا بعدنه كاعدين والشباب الي كدامنه والي ورانه..

علي....نامي

جوري....مكدر ... ابتسم وجرني من ايدي وخله راسي عل صدره والقمصله الي جان لبسهه نزعهه وخلها ع اجتافي ويحجي وياي بهمس..

علي ... انتي متعرفين تنامين اله هنا موو...

جوري... يحجي بهمس ويأشر على صدره ..جريت حسره وابتسمت وغمضت عيوني هاي حلم لو حقيقه

يتبع ..

انثى 💜ملائكيه

انثى 💜ملائكيه

اخطاء لايمحيها الزمن

جوري ...خليت راسي على صدرة كلما احضنهه حييل وابوسهه انسه كلشي يمه.وني مغمضه عيوني اسمع دكات گلبه وحسيت تقرب اكثر وباسني مدري ليش خجلت گبل رفعت راسي باوعته وحجيت بهمس ودلع ....علوش اكعود راحه عيب منا عالم والله استحي ..

علي ...هههه ليش تستحين كبد عادي شمسوين وبعدين همه نايمين....ويه مدانحجي اني وعلي واحد من شباب قاطعنه وسال علي اكلك هسسا بيش ساعه صارت ..

  علي ... ساعه اربعه ..

جوري...كله هااا بس هو جان يحجي ويه علي وعينه عليه نوب هو كلش قريب علينه كدام علي كاعد بلنص مدرت بال رجعت خليت راسي عل جتف علي  اشو هذا لولد دار وجهه علينه وكام يسولف ويه علي مدري منين يجيب هيج سوالف اشو صار يحجي بل سياسه والحكومه..بس طول ماهو يسولف يباوعلي شكد صلف اني اغمض بس ارجع افتح عيوني الكاه يباوع كلش ضجت وعلي مندمج ويا بسوالف مامنتبهه نوب عيونه زرك بس هو شكله مدري ليش يخوف  بس حسيته مقرف ولعبت نفسي منه ....

....صارت تقريب ساعه 7 الصبح العالم كعدو وهنا بدت سفره تحلى شغلو الاغاني والشباب تركص وكلنه صرنه ننغني ويه الاغنيه اخذت فوني وصورت سناب سلفي اني وعلاوي واحنه ودانغني ...

..مكتوبتلك تبقه اليه ومقسومتلك تبقه حبيبي نص ثاني وتؤم روحي واني مريضك وانته طبيبي لااخر يوم بهاي الدنيا احتاجك ماشبع منك انته مفصل اليه حبيبي طعم الدنيا لكيته بحضنك..قاااافل على حبك صدك قاافل....

...للساعات واحنه بعدنه بلطريق والاغاني وووالونسسه والضحك والشباب ماكعدو فـ واحد من شباب اسمه عمر طويل جسمه شوي متروس بس هو معضل والشعر مرفوع وهو دمه خفيف يختلط ويه الكل اجه وكف ليكدام جان قريب مني ومن علي وشغلو ساجده انا ارد اعوفن هلي وارد امشي وياك كام يردح اجه عل علي يكومه يريده يركص ويا بس علي رفض ماعرف ليش بقه كاعد واحنه نضحك كتله لعلي. .   وربي عمر يعرف يركص احسن مني شلون حلو ركصه .. مدري شلون فلتت مني وني اباوع عليه من يركص وهنا شباب وكفو ويا وكلهم طلعو ليكدام حسيت علي غااار صار يلهيني حته ماباوعلهم بعدين خله ايده عل عيوني كتله ...شبيك علي.....نزل ايده وجرني لحضنه وفتح موبايله طلع كامره ....

علي.... خلي نصور احسن..

جوري...ضيقت عيوني وعرفت المن يخطط اني دعرفه من حركاته هههه ميقبل اباوعلهم بس عود هو مديبينها الي ... للساعه 10الصبح دخلنه  محافظة كركوك وبددت الاجواء تحله بقيت اصور المناضر الي بيهه للساعه 11 نزلنه للمطعم تريكنا طبعا لكل عوائل نزلو حته شباب..

..واني وعلي نمشي سوه وايدة بأيدي كعدنه وصينه عل مشاوي

اكلنه وكملنه دانطلع وجان اشوف وحده بنيه تباوع وتبتسم عل علي اني مهتميت غلست بعدين دانصعد للمنشئه صعدتت ويانه لان جانت من ضمن العوائل هيه وامها لـ بنيه بعدين عرفت اسمها مريام وعمرها 14سنه وهيه لبس مالتها فالتو يعني بنطرون ضيق والشعر طويل بس طول السفره مريام مشالت عينهه من علي وكل شوي انتبهه عليها تتلفت وتضحكله واني كوه ماسكه عل نفسي لاكوم اسحلها ...

... لحد ماوصلنه لاربيل بل 2الضهر رحنه للفندق وكالو بليل ساعه 8 نطلع..كلمن اخذ مفتاح غرفته وصعدنه طوابق دخلنه لللغرفه اخذت ملابس ورحت سبحت علي كذلك.. خلصنه ورحنه للفراش علي بساع نام من التعب الطريق بس اني بلكوه اريد انام ماعرف بقيت كمت اخذت موبايلي بقيت اتصفح بلفيس نزلت منشور موقع باربيل وخابرت ع امي وبقيت اسولف وياها للساعه 5 علي كعد يفرك بعيونه ..

علي ..بنعاس .. ليش مانمتي..

جوري...باوعله موا مفتح عيونه ابتسمت على منظرا.... ماكدرت انام....كام غسل و بدل..

علي... راح انزل اجيب عشه لان جوعان ...

جوري.. ماشي..

علي... تعاي قفلي الباب ورايه واي واحد يجي لاتفتحيله باب اذا مو اني ...

جوري... هاهيه حبيبي... طلع واني وراه قفلت الباب بقيت افكر شنو البس فتحت الجنطه طلعت المكياج  والعطورات خليته ع الميز المرايه ، دقايق واجه يدك باب...

علي... هذا اني فتحي..

جوري... رحت فتحتها جان جايب

بيتزا ومقبلات وكولا كعدنه ناكل..فتح المقبلات اخذ خاشوكه دياكل بيهم يخلي نص بحلكه ونص باقي يوكلها الي من غير شقاة علما خلصنه عشه...

صارت 7ونص بديت اجهز نفسي لبست مانتو طويل لونه اسود ومخطط بل ابيض كلش حلو ونازك بس شوي جان ضيق عليه بس اني شفته عادي مابي شي علي فتح عيونه من شافني وهو يباوعلي بتركيز ..

علي...  يلا يلا كدامي وبدون نقاااش تغيرين لبسج..

جوري.....بزعل ... ليشش حبيبي قابل شبي اشو هو مستور وطويل ..

علي.... اي مبين مستور دشوفي مفاتنج شلون مبينه..

جوري....تقدم ضربني على وركي ويرفع حاجبه شهكت... عليي..

علي ... تقربت منها ولزمتها من خصرها سحبتها لحضني همست يم اذنها ..عجبني ومن تلبسين شي ضيك اموتج بعد انتي ملكي ...

جوري...تخردلت بحضنه وهو يحجي بهمس وحرارة انفاسه بأذني لميت شفايفي بزعل ...حباب هسه البس كورسيه ماتبين بعد ..

علي....عصرت خصرها وهي شهكت بألم ... اني شكلت احسن ماكلج لبسي عبا ..

جوري... دنكت راسي زعلت من كلي هيج اجيت ابجي بس كلت البس كورسيه واشوف بلكي ميعترض والله عاد من لبسته مكال شي طلعنه للمنشئه جان الجو كلش بارد اخذونه للمنتزهه اول يوم بس اني وعلي ماصعدنه للعاب بقينه نمشي بلحدائق الجوو كلش قارص بلبرد احسس ايديه ثلجن  ..

..جان اكو واحد يبيع ذره اشترينه ورحنه نمشي علي لزم ايدي يريد يدفيها كعدنه واكلنه هنا جانت تراسلني بنت عمي اصلا ماكدر الزم موبايل واكتب من البرد كتلها ولج روحي ماكدر اكتب ايدي ثلجت كبل طفيت موبايل وعفتها حجيت واني شفايفي ترجف ...علي امشي نرجع للمنشئه والله بعد ماتحمل البرد ...

علي... يمعوده منو اكو بيهه خلي نمشي بلكي نلكه جوه كوفي شي..

جوري... عااد والله شفنا مكان كعده يبيعون كهوه و جاي ، هم كعدنه نشرب جاي ونسولف لهناك واجه واحد هو زوجته شفناهم ويانه جانو بلمنشئه ضمن مجموعه اخذو جاي وكعدو يمنه تعرفنه عليهم حميد وزجته ايلاف صارت اسئله بيني وبينهم ..

ايلاف..  شكد عمرج..

جوري.. 19....

ايلاف.. صغيره وينج وين زواج اني عمري 23...

جوري... العمر كله بس هاي بعد قسمتي والحمدالله... ضلينه نسولف وعلي وحميد كذلك يسولفون وحته محسينه بلوقت صارت ساعه 12 والكل رجع للمنشئه ورجعنه للفندق وهم اتفقو فلان ساعه ،9 الصبح نطلع..اخذت ملابس ورحت للحمام اسبح علي دك باب عليه...  هااا هسسه خلص انتظر ..

علي... فتحيها خلي افوت..

جوري...كلبت عيوني ...وين تفوت حمام صغير....

علي... تره اكسررها فتحيها احسلج..

جوري... اني جنت فاتحه دوش ومي دافي ميهلني اطلع منه بس خفت خاف صدك يكسر باب عل سريع رحت فتحتها وحجيت ويا واني وره باب ...

علي...ايباااه هاااي شنو عود هيه تستحي..

جوري...  علاوي بلا شقا خلي اكمل واطلع وانته ورايه والله مالي خلك ....تقرب وصار يمي جرني من ايدي حيل ونضربت بصدره وهو شابكني نزل يريد يبوسني كبل دفعته ورحت جوه دوش كام يضحك..

علي.... تنهزم مني بنتل...اوكفيلي...

جوري...رفعت جتافي ..  مااا رووح اطلع بعد ماحبك ... شفته طبك الباب وملابسه خلهم بتعلاكه واجه

واجه يمي وصرنه جوه دوش اخذ شفايفي بقوه والله حسيت ردتت اختنك نوب مي فوكانه صااار كلشش حارر بسرعه طفرنه نجوينه بلمي واباوع جسمي بلمرايه صااار احمر ...خررب.. علي سد الدوش ..

علي... يلا بدلي بساع انتظرج برى ..

جوري... غمزلي مجاوبته شي شفت اكو شسوار مخلي بلحمام فتحته وشسورت شعري ومشطت ولبست وطلعت رحت للفراش واني كلش تعبانه لان جنت منايمه زين علي اجه بصفي وبيده موبايله كلت اي هسه يلتهي بلموبايل وميسوي شي خلي انام غمضت عيوني وجان انام بعد مادري بي..حسيت بثكل عليه فتحت عيوني بنعاس والكه علي نايم فوكاي كتله ...فدوه خليني نايمه ..

علي.... نااامي منو وياج هههه ولج اووف راح اكلج ...

جوري....صار يعض بجسمي وبركبتي..وني كلش نعسانه معافني اله اخذ الي يريده يلا راح نام للصبح ساعه 8ونص كعدت لكيته بعده نايم اني كمت عل هدوئي رحت للحمام غسلت واباوع ركبتي كلها اثار هذا شمسوي بيه تذكرت اني لازم اسبح فتحت دوش علما خلصت كالعاده اشسور واطلع رحت للمرايه خليت ميكاب وغيرت ملابسي اخذت بنطرون كايبو وبدي اسود فوك رگبه بشوي وفوكا بوليره لونها ماروني ومخطط بلون الاسود ويجي وياها حزام ضبيته ع خصري وبعدها لبست شال وبقيت ساعه علما اقتنعت بلفت شال اباوع علي بعده نايم خرب هذا ميكعد  اخر شي جهزت نفسي ورحت كعدته كتله... صباح الخير صارت 9 هسه دينتظرونه... عاد كعد واني رحت لبست اكسسوراتي واخر شي البوت لونه اسود وطويل يوصل لركبه علي هم بدل وطلعنه صعدنه بطابق الرابع هو مطعم وبي بوفيه مفتوحه علمود نتريك اول مادخلنه صارو كدامنه ايلاف وحميد والعوائل والشباب هم كلهم كاعدين احنه اجينه متاخرين..

..كلنه صباح الخيرر ، رد حميد وايلاف صباااح النور...

علي... كعدي هنا.. اخذنه طاوله وحد بين مااجيب ريوك...

جوري.... يلا ماشي... خليت جنطتي ع كرسي وهو راح يجيب داريت وجهي واشوف نفس الولد جان يباوع عليه هم كاعد كبالي ومكنهر بوجهي شكد ضجت كلت خلي اتحول بذاك الكرسي قبل لايجي علي عاد اتحولت....

..دقايق اجه علي جايب كيمر وعسل واجبان ومربى وزيتون وجاي وكعدنه نتريك وجان يشغلون اغنيه لـ فيروز انا لـ حبيبي وحبيبي الي باوعت علي وابتسمت وهو كام يغني وياها ويدندن اني صراحه ماحب صوت فيروز وولااحب اغانيهه بس بذاك اليوم كلشش حبيت الاغنيه وبهيج اجواء جان حلوه وني وعلي نضحك ونسولف عاد خلصنه وكمنه من الميز رحنه غسلنه ونزلنه جوه كعدنه ننتضرهم لان اكو بيهم بعد مااجو نزلو ايلاف وحميد وراها اجو

هم اثنين وهو زوزجته بس بعدنه ماتعرفنه عليهم مانعرفهم ..

يتبع ..

انثى 💜ملائكيه

اخطاء لايمحيها الزمن

انثى💜 ملائكيه

اخطاء لايمحيها الزمن

جوري...اجوي وكعدو قريب منا..علي دغني برجله باوعته وحركت راسي بمعنى شنو..حجه عل كيف ..

علي.. اكولج هاي لبنيه مو شفناها البارحه لبسه حجاب يلا شوي شوي وو..

جوري... حجه وغمزلي باوعته صفح..وباوعت لبنيه مالبسه حجاب..كتله اي واحنه شعلينه بيها وكافي عاد تباوع وياها زوجها...

..حميد قاطعنه وحجه ويه علي وايلاف جانت تسولف ويه لبنيه..واني كاعده وضجت اريد بس اطلع ، ايلاف تعاي جوري يمنه رحت يمهن وتعرفت عل لبنيه اسمها هديل وزوجها علاء وكذلك علي تعرف عليهم وصرنه احنه 6 روحاتنه وجيات كله سوه ...

.. من بعد مااجوي العوائل وشباب صعدنه للمنشئه وجانت ساعه حدود 10الصبح اخذونه لمصايف وشلالات اربيل..وطول طريق كالعاده دك وركص ونباوع المناضر الطبيعيه تجنن اني مكضيتها تصوير وياخذني الواهس اريد اركص هههه وعلي كل شوي يخنزرلي لهناك اجه المندوب راد يعرف اسماء الكل وهو يضحك ويشاقه ويانه لحد ماوصل النه..

مندوب.. وانتو عيني بلابول عرسان موو..

علي ...هههه  ياعرسان ولك كللنه كم سنه صارلكم..

كرار ...شنو سالفه واني عبالي عرسان شوفتكم عرسان احم احم هههه كال..عندكم اطفال..

علي.. لا ماعنده..

كرار.. هااا الله يسعدكم ويرزقكم الذريه الصالحه...

.علي ...تسلم .

جوري...اني توني داحجي ويه كرار دكله شكرا وعلي بسرعه كرصني وقاطعني مقبل احجي..عاد سكتت راح كرار وجان علي يصك سنونه..

علي...  هلمره سوتيها..مره ثانيه اجنزج اذا عدتيهه ..

جوري...باوعته واني ضايجه حيل ... شنوو شبيك حته هيج تحجي ويايه ترى ممسويه شي..

علي...بعصبيه صكيت سنوني ... من اني الغي ويه احد متحجين انتي فاهمه شكو تنطين من يمج وتجاوبين ...

جوري...كلبت عيوني ...يهوو ع هاي يلا بعد ماحجي بس لاتعصب خلينه متونسين فدوه....سكت بعد محجه دار وجهه مني واني داباوع واشوف نفس لبنيه هم تباوع عليه وتضحكله بس مدرت بال ونوب اشوفه هو هم يباوع كلش ضوجني ونغثيت حتى هنا لحكتني مشاكل ومارتاحيت خليت هاتفون بذني ودرت وجهي عل جامه واباوع الجبال والطبيعة تجنن شنو هالخضار حسبالك بغير دولة حتى الهوا نقي بس فكري شارد  رجعت راسي ليوره وبقيت ادندن ويه الاغنيه ودموعي نزلت بلحظتها.....

... ماحسيت غير علي يسحب ايدي ويجرني عليه صرت قريبه منه انفاسنه ختلطت مشكلتي من اصير بحضنه واباوعله انسسى كلشي وابقه سرحانه بي ..

علي ..ليش هلدموع حبيبي..

جوري... يهمس يم اذاني بكل هدوء ..

علي ...  ووف اريدد اضوك شفايفج ..

جوري... حسيته يريد يتقرب عزه تخايلت يبوسني ويسويها ومنا عالم كبل وخرت عنه كتله ...مكاعدين بفندق منه عالم ..

علي... زين ولج بس خلي نوصل وشووفي....

جوري...ههههه شوكت تجوز من سوالفك ....

...ضحك وكام يغنيلي ويه الاغنيه.. عمرري وغلاي انت جرحي وداوي انت لو خيروني بالبشر اختار بسس انت ..جان شابكني وهو مستمر يغني ويه الاغنيه..

مرت بل ساعتين يلا وصلنه للشلالات نزلو شباب قبلنه وني جنت بعدني بلمنشئه انتظر عالم تنزل يلا انزل..مدري شلون باوعت من جامه واشوف شباب واكفين وعلي يمهم  وهذا نفسه ابو عيون زرك ضل يباوعلي مدرت بال نزلت ورحت يم علي لزمت ايده هو شافني حسيته ضاج بس شلون عليه نضرات والله خفت منه جنه مجرم...

..مشينه للشلال والكل هناك واني وعلي ناخذ صور جان تجي مريام وهيه تبتسم لـ علي ..

مريام .. ممكن تاخذلي صور وسلمت موبايلها لـ علي ...

جوري...اني فاتحه عيوني ومتعجبه عل جرائتها ولا وكل هاي شباب الي داير مداريج متجين اله ع علي تردين ياخذلج صور..واكفه ني ومتخوصره وكوه ماسكه اعصابي مكدرت احجي شي لان علي مارفض اخذ منها موبايل وضحكلها وراح يصورها وني اباوعلهم من بعيد وهيه واكفه وكل شوي مسويه حركه شكل ووتتموع..واني هنا ناااار وشابه بيه ماعرف ليش مارحت وسحلتها بس اني متفاجأه بـ علي انو شلون هو مكيفلها ...

...درت وجهي بعد متحملت كلت ارجع للمنشئه هواي احسلي اباوع العالم كلها متونسه وتضحك اله اني مخنوكه واريد ابجي...

.لو اباوع ايلاف وحميد وهديل وعلاء عاشين احله لحظات ، سويت نفسي ماهتميت مشيت ورحت يم شلال المي كله دخل جوه  حذائي بوت بردت رجليه اجيت انزل نوب شلال كلش بارد رددت اوكع ميسيطرت ماشفت غير لولد لزمني وماخلني اوكع رفعت راسي واشوف ابو عيون زرك كبل سحبت نفسي وعطتت بوجها وعفته ومشيت وهو بعده بكل صلافه يبتسم ويباوع على مفاتن جسمي...

.ركضت ادور ع علي شفته ماكو صارت خوفه بگلبي شفت علاء واكف هو ومرته كتله... علي وين ...

علاء... من شوي شفته ويه حميد..

جوري... وين راحو وشلون يعوفني... خرب حضي عفتهم ورحت ادور شفته من بعيد واكف وهو وشباب ويشرب كهوه كلت نيااالي تقربت. وجان يشوفني اجه ل يمي..

علي... وين جنتي..

جوري... واكفه نفس مكاني بس رحت اخذت صور وانته التهيت عيني بـ مريام خاتون ...

علي.. ههههه وانتي شبيج ضايجه شكو بيهه لـ بنيه حبت اخذلها صور ..

جوري... باوعته صفح ...اي خلي تفيدك بلعافيه عليك... درت وجهي دامشي وجان يجرني ..

علي... وووين..

جوري...باوعته بغضب ... علي عوفني رجاءاً...

علي....جوري لاهيج سوين وامشي ويايه تردين كهوه والله تفوتج..

جوري..... بلعافيه ماريد

...

ايلاف...  جوري تجين ويايه للحمامات حميد ميقبل اروح وحدي لان شوي بعيده..

جوري..يلا امشي...

علي ...انتظرن شلون ترحن وحدجن ...

جوري...صاح عل حميد واجو ويانه عاد بقو ينتظرون بره وواحنه دخلنه اني كبل رحت للمرايه اعدل بنفسي خلصت ايلاف واجت تخلي ميكب طوخت حمرتها..

ايلاف..  هاااج خلي ..

جوري...لاعيني شيخلصني من علي مكياجي خفيفي وماخلصنه منه...

ايلاف.... اهوو كلهم نفس شي لاتهتمين هسه ميكدر يحجي شي....

جوري..اي ومن ارجع يستلمني ..

ايلاف.. الزمي داكلج ميحجي ...

جوري....اخذت منهه القلم ورسمت شفايفي بلون الوردي...باوعتلي ايلاف وفتحت عيونهه..

ايلاف.. جوري مسويه فلر شلون حلوه طلعت عليج ..

جوري... ولج يافلر هيه هيج شفايفي..

  هديل...  ها وينجن..

جوري... نوب اجت ويانه وهيه ع واهس خلت ميكب وطلعنه علي اول مشافني خنزر عليه وكفت يمه ونطاني كهوه وحجه ع كيف...

علي... شنو هاي ولج....

جوري...رمشت عيوني .. شنوو حبيبي...

علي... حسابج بعدين..

اجه مندوب كرار وكال يلا عوائلنه وكلنه رجعنه للمنشئه اخذونه بمطعم جان وكت ضهر وهناگ واني دامشي والبوت نخلع كمت ماكدر امشي والكع كلش بارده كتله ..علي دبرلي حذاء تره مكدر امشي....طبعا هو يضحك عليه ويصنف  ..

علي...حته اهل محلات طارو ماكو هنا ولج بس مطاعم ..

جوري...شلون لعد..

علي... هسسه اسال كرار بلكي يدبر ..

راح كله وجان يكله كرار ماكو هنا من نطلع اشتريلها..رجع علي كلي يكول ماكو هنا..

جوري.. خرب حضي رجليه يمه ثلجن...

اجت ايلاف وحميد كلي هاااا ام دميعه شبيج تردين تبجين شوفتله رجليه والحذاء..

جوري... كتله شوف حضي ..

..ضحك وكال خطيه يلا تحملي بس يكملون ونطلع...

جوري... شوكت صارلهم ساعااات .. كال صبر صبر تعالو نكعد كعدنه وهمه وصو عل دجاج وتمن...

علي . شنو نوصي ..

جوري... عادي شنو مجان... ييمه رجليه منو يحس بيه بحيث من صدوك اتئذيت بلبرد حته جوارب نغسلو بلمي نوب حته مطعم بي شلالات وهوه صار جامد حميد كال نلعب تحدي وصراحه كناله يلا..بس اني اريد بس اطلع من وره الم رجليه لعبنه تحدي وصراحه شوي ضحكنه علما اجه الاكل خلصنه وطلعنه واني بلموت امششي وعلي لزمني لان عل لحظه اوكع علما طلعنه للمنشئه واخذونه للجبال نوب هناك هم ماكو تحملت 3ساعات واني بدون حذاء هناك تكول جوله ماكو محلات  اخر شي كلهم ياخذون صور ومتونسين اله اني كاعده عل صفحه كمت ماكدر امشي شفت اجه واحد من شباب ديباوعلي وهيج حالي كلي اختي اكو محلات بس شوي بعيده كبل كمت مكاني كتله... فدوه وووين دليني....

...رحنه اني وعلي ولولد ويانه خطيه مقصر دلنه عل مكان واخذت حذاء وواخيرا وتشكرته للولد ورجعنه وللعصر واخذونه مول..اول مادخلنه تفتيش علي بجهه واني بجهه طلعت واني اباوع علي كدامي يمشي كلت

ياا شبي يعوفني ويمشي غير ينتظرني مشيت وراه نوب اريد الحك بي ماكدر يمشي سريع وصلت قريب من عنده گتله... علاوي اوكف ليش تعوفني... اشو هذا التفتت باوعلي عززه وهنا اتفاجأت واشوفه هذا مو علي ..

..واحد غيره بس هو يشبهه نوب مدري صار بيه درت وجهي واباوع علي ورايه يضحك رحتله اركض گتله ...عززه غير عبالي انته دشوفه حته نفس قمصله انته لابسها..

علي.... ولج تركضين وره غيري..

جوري..  لا وربي عبالي انته والله.. ابتسم ولزم ايدي ..

علي... ادري بيج فطيره يلا امشي..

حميد وعمر وعلاء جانو ورانه وطاكين من ضححك واسمعهم يكولون لكك هاااي قووويه ويصفكون عززه واني متت خجل ردتت الكع تنشك وتبلعني...

...بقينه نفتر بلمول علما طلعنه ورجعنه للفندق ...

علي... اروح اجيب عشا وهاج هذني مفاتيح غرفه صعدي قبلي علما اجي..

جوري... كتله ماشي فـ صعدت بلمصعد ويايه ايلاف وحميد وعلاء وهديل كلمن راح للغرفته واني دامشي واشوف ابو عيون زرك واكف وعينه عليه اباوع داير مدايري ماكو احد غير بس هو واكف يممه خفت منه بس سويت نفسي قويه ومشيت بطريقي دافتح الباب اشوفه يبتسم ويتقدم تجاهي ونضراته محلوه نوب ايدي كامت ترجف اريد افتح باب ماكدر صار كلش قريب مني واشتم ريحته عيعع عرفته شارب وبين مو صاحي كل مايتقدم خطوه ارجع ليور ومصدومه وادعي من لله يجي علي حيل خفت منه احس على لحظه كلبي يوكف من الخوف وينك علي  .....

يتبع

انثى ملائكيه

اخطاء لايمحيها الزمن

انثى💜 ملائكيه

اخطاء لايمحيها الزمن

جوري ..حيل اقترب مني على لحظه اريد اصرخ بس خوف سيطر عليه بس الحمدالله اجوي ايلاف وحميد عاط بي اجتي ايلاف تركض عليه..

ايلاف... شبيج جووري..

جوري...شفايفي ترجف واحجي برتباك ..هااا حبي مابيه شي بسس هاج فتحيلي باب... اخذت مفاتيح وراحت حميد تعارك ويا وكله انته شتسوي هنا لك ادبسزز نوب شارب عرك كبل نزل للبو فندق كالوله وطردو من الفندق نوب طلعو كل الشباب الي ويا جانو يسكرون دخلت للغرفه وايدي ترجف ..

ايلاف... سوالج شي هل ساق..

جوري... لا ولج بس جانت نضراته الي وتقدم... وسكتت ..

ايلاف...اي كملي...

جوري...اي وجان تجون انتو والله ماعرف شلون اشكركم ...

ايلاف...همزين اجينه لاتكولين هيج حميد كال جوري وحدها منخليها هيج وهنا شباب ويانه كلهم يشربون ديربالج حبي بس هسه اذا اجه علي لاتبينها اله كأنما ماكو شي...

جوري...هزيت راسي ...اي اي طبعا غير يروح يموته منشوف اله علي يدخل ومتفاجئ ...

علي.. ليش مقافله باب..

جوري... بس من شاف ايلاف سكت..

ايلاف... يلا اني اترخص..

علي... خليج مادري بيج هنا..

ايلاف... لاعادي اجيت يم جوري متبقه وحدهه...

علي... شكوو عليها اذا قافله باب وكاعده ..

جوري...سوت حركه براسها بمعنى اي ايلاف وكالت اني رايحه وطلعت..قفل باب وراها ..

علي..شبيج شكلج اصفر مخطوف لونج صاير شي ..

جوري... كلت بداخلي خرب شلون يعرفني ابتسمت وكوا اسيطر على رتباكي  .. هااا لاحبي جانت يمي ايلاف نضحك ونسولف ماكو شي...

علي ... اكيددد ..

جوري...تقرب عليه وباوع بعيوني مثل يتفحصني ...

علي....جووري احجي شضامه عليه ..

جوري... حبي ماكوشي ينحجي... ابتعد عني وهوا ضايج ..

علي... شوفي يـ جوري اذا سمعت شي او ضامه شي عليه متلومين اله حالج تعرفين بيه بعد ميحتاج احجي...

جوري....خله العشا بلكع وراح يغسل ايديه واجه ياكل واني صااافنه خايفه حميد او ايلاف يحجون لاحد وتوصل لحجايه لعلي بقيت بقلق باوعلي وهوا عاقد حواحبه ..

علي...بنتراا ... هتبقين واكفه متجين ...

جوري... گبل تغير سلوبه ويايه اني بسرعه اضوج حيل من يعيط بيه  كعدت واني مقهورا يمه بدون كلام اكلت وخلصنه واحنه ساكتين لل 12بليل علي نام واني بعدني كاعده مكدرت انام ضليت افكر اخذت موبايلي بقيت اتصفح بلفيس شفت اهل علي يحجون بلكروب مسوين كروب خاص بيهم رحت دزيت رساله وسلمت عليهم مجانت عمتي موجوده بس زينب ومروه ومريم مرت اخو..دزيتلهن صورنه واحنه باربيل وبقيت اضحك اشوف مريم جانت كلش مضغوطه ...

..لحد مانعست ونمت لثاني يوم الصبح كعدت بل 8 رحت فتحت شبابيك واباوع شكد حلوه اربيل واجواءها تجنن الصبح اخذت موبايلي اصور ستوري وانشر ..

.. بس بهل اثناء لفت انتباهي على رساله جتني من عمتي ام علي فرحت كلت يجوز مشتاقتلنه او حابه تسلم عليه..بس لمن دخلت على كروب اتفأجات بكلامها اجيت اقره رسائلها كلها غلط وتحجي عليه وع علي مقابله على لبسي وتحجي بسس جان طريقة كلامهه ابد موحلو واني حييل بوكتها نقهرت منها وكمت ابجي والله حرام عليها يعني متكول رايحين متونسين وتكيفلنه لو تروح لعلي تكله شلون هيج تخليها لمرتك تطلع بلبنطرون لبسها عبايه ووتتتعارك احسس فرحتي ابد ماتكمل ...

.. هناك بقيت ابجي كعد علي شافني ...

علي... شكووو شبيج من صباحياات الله....

جوري... شفت رسايل امك شلون دداتحجي علينه وكدام الكل ليش ماتجي بلخاص ليش تحجي كدام فلان وعلان وتخلي الوادم تضحك علينه...

علي.... استغفرالله وانتي شعليج بيها واذا ماحجت هيه امي متقبل ع احد غلسي ومعليج.....

جوري ...علي يعني راح تسكت مثل كل مره....

علي...يعني شلون وياج...

جوري ...شفت موبايله يطنطل باوعت رسايل داتجي من امه ميجاوبها كامت وخابرته... ها داتكلك لبسها عبايه موو...

علي.... سكتي خلي الغي ..

جوري....رفع الخط وحجه وياها. واسمعها تحجي عليه وهو يكلها اي يام ماشي صار وتدللين سد الخط راح قره رسايل واشوف عيونه صارت بكصته من شاف صورنه رجع تعارك ويايه ...

علي....ولج انتي هم ثوله اكو وحده تنشر صورها بلكروب شكو جيبين حجايه لنفسج تعرفيهم ميقبلون بهيج لبس ....

جوري ...نزلت دموعي وختنكت ... واني شمدريني راح يحجون معبالي هيج و هسه ليسمعهم دالبس مايو واطلع اشو لبس محتشم ومااخلص من كلامهم وتدخلهم ... كلشي مجاوب بس عصبي وينافخ كام من فراش شمر جهازه وراح للحمام يسبح مسحت دموعي....

..كوه يجيني القهر مجنت اعرف ماهتم لكلام احد جنت بسرعه انقهر وازعل وابجي ماحب احد يحجي عليه اتخبل من هلشي الا يدمرون سعادتي مايحبون احد مرتاح بحياته زوجي قابل على لبسي هما شدخلهم طلع من الحمام ينشف بشعره ...

علي... يلا خلصي دنطلع ...

جوري....مسحت دموعي واخذت نفس رحت جهزت نفسي هل مره لبست بشت وطلعنه تريكنه كالعاده ونزلنه للمنشئه بس لكيناها فارغه قليل بيها عالم كعدنه ننتظر ومحد بعد اجه يعني مو الكل وبذاك اليوم جان مصادف 2018\12\30 اخر يوم من سنه علي نزل سال الشباب كالو عمي نص العوائل راحو للقلعه اذا تردون روحو. ....بس شركه ماعندهم بلجدول يرحون للقعله ...

  علي ....شتكولين نروح لو نرجع للفندق ...

جوريد..رفعت جتافي .. بكيفك زين ايلاف وحميد والباقين وينهم...

علي...  كلهم طلعو للقلعه ...

جوري...اي لعد امشي نروح ... شوي وصعد واحد وهو ومرته كنالهم متطلع المنشئه عوائل كلها راحت للقلعه عاد ..

رجال ..يلا احنه نروح تجون ويانه بس بتكسي ..

علي... يلا نروح ليش لا ..

جوري....عاد اخذنه سياره تكسي سايق كردي بس يحجي مكسر مدري شلون افتهمو منه وركبنه كعدت اني بلنص وعلي بصفي والرجال كعد يم سايق وزوجته ع جهتي اليمنى ومشت سياره وصلنه للقلعه ورحنه مشينا اني وعلي بقينه نفتر صعدنه فوك هيه بلقلعه جانت اجواء كلش حلوه اخذنه صور ونزلنه جوه للسوك اخذنه بقلاوه وكعدنه ناكل وبعدها بقينه ننمشي افترينه ورجعنه للفندق...

.. لليل اخذونه فاميلي مول جانت هناك احتفالية راس السنه ساعة علما وصلنه والدنيا كلش بردت والمطر كام ينث نزلنه نركض نوب جان كلش مزدحم مول حته مكدرنه ندخل وعلي معجبته الوضعيه كلها شباب وبنات كلهم يركصون سوه وكومة شباب يتحارشون بنات شفنا بعينه..

علي ... امشي نطلع منا نروح نمشي بلحدايق احسن والله...

.. رحنه شفت سيارات مداعمات اموت عل لعبة اجيت اكمز من فرح لزمت ايد علي بلهفه.... علاوي فدوه خلي نركب بلسيارات شووف تجنن ...

علي... باوع صفح...  مشوفيهه كلها شباب شلون اخليج تركبين...

جوري... اوي علاوي واني شعليه بيهم غير انته ويايه حباب يلا نروح.... واني اجرجر بيده واتوسل..كلش عجبني اركبهه حته بغداد بلزوراء من نروح ميخليني اركب من وره شباب بقيت الح عاط بيه فززني ...

علي...  امششي راح سأل واجي ...خويه شكد نفر ..

...10الالف ...

علي...جوري وتردين تركبين نفر ب10...

جوري...  واذا قابل يوميه راكبه...

علي....يمعودة فلوس خلي تكفينه خاف نجزر مابقن هواي بيهن ورانه يوم لخ تره....

جوري....سكتت بعد مجاوبته بس حيل اختنكت بقيت ادردم بداخلي عيع كلشي ميقبل خرب حضي بوزمت وكمت امشي بعيد عنه لان مقبل اركب كمت اعند ويا وهو كل شوي يصيح عليه ويتعارك...

علي....بعصبيه ... لاهيج تتصرفين وامشي عدل لاطيح حضج موصوجج صوج جابج وفكر بيج...

جوري....اني هنا دموعي تنزل وكلشي ماحجي ويا حيل قهرني بكلامه حته هو غثني مو بس امه حته هيج سفره ماريدهه كعدنه ع مصبه ونباوع كل عالم اليوم محتفله ع راس السنه ، اله اني كاعده وابجي الله اعلم شلون سنه راح تمر عليه ضاهر مكتوبتلي اكضيها بجي  صارت ساعه 11بليل...

علي ...  كومي نمشي..

جوري... كمت وبقيت بس نتمشى العالم كلهم دخلو للمول بحيث قبط..اشو لهناك منشوف غير فنانين يجون ويغنون شوي فرحت لان عجبني ادخل للمول ومصارت بس همزين بعدين اجو مغنين وبددت حفله والعالم كلها التمت شباب وبنات ومكان واكفين بي اني وعلي صار كلش مزدحم شباب وبنات وركص..واني واكفه وكاتلني البرد احس نفسي متقيده من وره شباب وعلي كل شوي يخنزر عليه اذا واحد يباوع ولخ يغمز حته ارقام ذبو حيييل خفت علي لاينتبهه عليهم حته الاجواء معجبتني علي جان يصور هو وحميد لحد مادكت ساعه 12ضبط وبددت سنه جديده 2019 وصارت طكطاكات عاليه وزادتت الهوسات جنت اكول ياربي سنة خير علينه يارب افتحها بوجهنا وابعد الحزن.....

صارت ساعة 1...

علي...  خلي نرجع لو بعد وكت..

جوري... اي يلا امشي اصلا ثلجنه من البرد.... دنطلع للمنشئه شفنا محد ماكو بيهه ، لهناك اجو اثنين نسوان هم يردن يرجعن كاالت وحده منهن وين سايق خلي يرجعونه...

علي ... خاله مشوفين محد ماكو بيهه المنشئه غير علما يجون الكل....

كالت.. يلا لعد نرجع بتكسي ..

جوري.. دنمشي وياهن خلي نرجع خوما نكعد ننتظر.. عاد علي كلهن ورحنه ابو تكسي راد 10الالف علي دفع خمسه ومن الحجيه دفعت خمسه وركبنه وطول طريق الحجيه تسالني ليش ماعندج اطفال وصارلكم شكد متزوجين وليش وو.. ضلت من هل اسئله جنت اجاوب ع كد سوال وهاهيه مالي خلك احجي اني كوه اريد انسه ، عاد وصلنه للفندق...

... جان اكو مطعم يم الفندق رحنه اخذنه عشا ورحنه للفندق ، وثاني يوم اخذونه لجبل كورك صعدنه ديلفرك وكله ثلوج يخبل احله مكان شفته لان كله ثلوج.. ...

..وجان يوم رابع النه هناااا خااانت بينه لفلوسس ماخلت بجيب علي غيرر بس 10االالف عزه هاي وين نحطها ورانه رجعه لبغداد بعد..ضلينه محتارين بلفلوس شلون راح ندبرها..وني بيومهه كلش ضجت وكضيتها طريق كله ابجي وعلي عصبي حته اكل كمنه من تشتري خطيه حميد كال ويانه وكله لعلي لاتحتار سهله ومدري شنو...

....بس اني كتله ل علي متاخذ فلس احمر من احد هاهيه نتحمل كل

كلشي هو يوم ويعدي...

علي... يمعوده شلون اذا رجعنه لبغداد يذبونه بشارع فلسطين ورانه تكسي...

جوري... اي عادي بس نوصل للبيت تنزل تجيب وتنطي ...

علي... الله كريم ...

جوري... لثاني يوم الصبح 3الفجر ركبنه المنشئه ورجعنه لبغداد بس بلطريق وصلنه بديالى خالص والمنشئه معرف شنو صار بيهه خلل وننزلنه وكعدنه ننتظر يصلحوها ساعات علما خلصو ورجعنه ركبنه لل 4العصر وصلنه لبغداد ودعناهم ايلاف ول حميد وهديل وعلاء والعوائل كل الي بلمنشئه وصلنه للبيت واحسس بدوخه مو طبيعيه وجسسمي يوجعني عبالك بس دخلت البيت تمرضت شفنه عمتي رحت سلمت عليها سويت اني الامور عاديه مابينت الها اني مقهوره او شي.....

...صعدت لغرفتي رتبت الغراض ونزلت ملابس للحمام لـ علي  واني وكفت اغسل ملابس بلغساله كملت كلشي ورحت نمت من التعب حسيت علي يكعد بيه ...

علي... اهلج اجوي نزلي...

جوري... فتحت عيوني بلكوه باوعت ساعه 10بليل بلكوه كمت نزلت احس جسمي متكسر نزلت لكيت امي واختي ازهار وبيبي جايات سلمت وكعدنه نسولف شوفت الازهار صورنه بقينه نسولف ونضحك ساعه وراحو....

.. وثاني يوم صبحت مريضه صخونتي عاليه احس جسمي يوجعني حته علي تمرض صرنه فلاونزه رحنه للدكتور وكتبلنه علاج مرت الايام وصار عندي موعد يم دكتور وسام بلمستشفى وشفت هناك دكتوره ساره بس مجان موجود د وسام  سوت فحص لثتي والاسناني..

سارة..  لازم تسويلهم حشوه جذر اسنانج كدام كلها ..

جوري.... ليش ...

سارة ..موزين يبقن يسببن مشاكل لان عظم ماعندج..

جوري... وبقت تشرح كتلها.. يلا الله كريم ...طلعت وكتله علي هيج وهيج ...

علي...يلا نشوف دكتور ايهاب..

جوري... لثاني يوم رحتله كال كل جلسه 25 واذا حشوة جذر 50 باوعته لعلي كلت عزه منين نجيب فوكها عندي 9اسنان كتله... دكتور عندي هلكد اسنان ...اجه فحصهن..

دكتور..  لا بس اربعه يحتاجلج ..

جوري...تنهدت ... يلا نعمه احسن من تسعه... رجعت للبيت وني دايخه بحالي يوميه طالعتنه سالفه حياتي فلم هندي ...

علي... جوري اجمعي فلوس وروحي سويهن ...

جوري...والله عاد بقيت كم شهر حريصه ع فلس علما جمعت ورحت سويتهن وكال دكتور كل 6اشهر تجين اسويلج اشعه علمود نشوف اكو فرق وله لا..طبعا ني بقيت اربع اشهر اني اعالج بسناني ومراجعة مستشفى كل شهر اروح ...

مرت الايام عل نفس روتين بشهر 3 صادف وفاة موسى بن جعفر نزلت دانضف البيت لان جانن خواته لعلي موجودات وجهال وهوسه  بس جانت مريم مرت اخو ماكو سألت عمتي ...اكولج عمه اشو مريوم مختفيه صارلها مده ماعويدها اذا ماتجي كل يوم وثاني شعجب ماكوو ....باوعتلي صفح وتعوج بحلكها...

يسر.... اي متدرين بيها غير حبله وعليها 3اشهر...

جوري... باوعتها واني فرحانه كتلها ...صدووك عممه يارب يكومهه بسلامه خطيه هم هواي اتاخرت...

يسر.... اي انشاءلله يوم الج...

جوري... لله كريم... عفتها وصعدت لغرفتي من كالت يوم الج حييل اختنكت باوعت نفسي بلمرايه باهته ملامحي عيوني صبت دموع احس دنيا ظلمه ومراضيه تضحكلي بهل لحظه نفتحت باب واجه علي شافني وعقد حواجيه مستغرب كبل مسحت دموعي...

علي....  شبي الحلو مالي...

جوري... اجه يمي خله ايديه عل خدودي وهو يباوع بعيوني  واني بس كلي شبيج لو زدتت بلبجي خليت راسي عل صدره وببجي وهو ضل ساكت وشابكني ويمسح بشعري وخرت راسي عنه سكتت رجع باوعلي وحرك راسه بمعنى شنو كمت احجي واني امسح بدموعي كتله ...لاهيج ماكو شي ...باوعته واشوفه يجر حسرات طلع جكارته ورثها سحب الكرسي وكعد كباالي يدخن وكل شوي يسالني وني هم بعد مضميت عليه كتله  .. مرت اخوك حامل واحنه اخر من يعلم....باوعلي صفح جر نفس من جكاره...

علي... اي بلعافيه عليهم واصلا احنه شعلينه كليلي ليش جنتي تبجين..

جوري...  مادري كولش ضايجه ...علي كام من كرسي وطفه جكاره فتح الكنتور..

علي... يلا براحتج لاتحجين واني راح اروح اعبر للكاظميه..

جوري.. رحت ليمه لزمت ايده خليتها ع بطني حجيت بصوت مخنوك... ندعي يم الامام.... وسكتت هو كبل افتهمني غمض عيوني لحظات فتحهن واشوفهن صارن حمرر حسيته هو هم اختنك ويريد مثل ليبجي حرك راسه بمعنى اي اني بعدها عفته ونزلت....

..للمغرب اجيت اخابر امي داكلها خلي اروح للدكتور اسوي اشعه اليوم الموعد وجان اشوف منهه رساله ع واتساب فتحتها وجان اقره هلاو جوري شلونج ماماتي صحتج شلونهه..اليوم اختج ازهار سوت تحليل حمل وطلعت حاااامل ..قريتها وني مبتسمه كتبتلها الله يكومهه بسلامه همين فرحتلها، خابرتها وكتلها خلي نروح هسا كالت يلا

امشي عاد جهزت نفسي ورحنه لليل يلا رجعت اجيت اتوضه واصلي صعدت لغرفتي فرشت سجاده بس اني داحس بألم كلت خاف شهريه لان هل ايام موعدها قريت تاريخ بعد سبوع....

.. عاد صليت وخلصت ورجعت فتحت موبايلي دخلت ع قناتي بتلكرام نزلت منشورات جان واحد من الادمنيه كال اني رايح مشايه  للامام الكاظم كتبتله خويه اندعيلنه فدوه كال نازكه انتي اول وحده مانساج بكل خطوه اندعيلج و انشاءلله يرزقج بتوم...

....طبعا همه يعرفون بقصتي ... كتله تسلم تروح وترجع بسلامه ، جنت اقره رسايل الاعضاء انو الاغلبيه راح يرحون مشايه وكاالو نندعيلج تشكرت منهم ، مرت الايام خابروني انو اكو خدمه لسامراء عند الامام الحسن العسكري طبعا مارفضت وكاالعاده رحت بس هلمره جانت روحه تختلف هناگ اجواء تخبل....

...واكثر شي اذكره واني وداخدم بلامام اااابجي واتوسل انو يرزقني بطفل ضلينه يومين هناك رجعنه لبغداد....

...مر سبوع كامل...

يسر....  جوري اليوم اريد البيت يلمع لمع تعرفين شنو لو متعرفين...

جوري.. هااا عمه اي تدللين

يسر.... تره هااا عمل شعبي اريد تضفين المطبخ الكاونترات الحايط المروحات الجام شكو حاجه بلبيت تنضفيها والحديقه همين لاتنسيها...

جوري... باوعتها واني فاتحه حلكي بفهاوة بله شكلها شنو احاجيها اني منا جنت تعبانه واحس نفسي مريضه نحول عندي مو طبيعي بس اني دست على نفسي وكلت ميخالف الشغل عافيه وع اقل التهي...

.. لزمت البيت كله وحدي والله احس ضهري تكسر 7ساعات باستمرار اني اشتغل اخر شي خليت الحديقه والكراجيه لان جبيره وحيل تعب  طلعت للحديقه واحس بعد مابيه حيل احرك نفسي وفجأه صار عندي لعبان نفسس وبس اشتم شي اكش منه...

...بديت اكنس الحديقه والشمس تصكع فوك راسي..علي توه رجع من شغل شافني واجه يمي ...

علي...شبيج حبيبتي تعبانه...

جوري.... وكفت وبيدي المكناسه كوا اجر النفس ... لا عادي.. غمزلي..

علي...  اساعدج...

جوري..  ضحكت وكتله ...شكرا اجيت ع تالي راح اخلص تقرب مني وباوع بعيوني بتمعن...

علي...  احسج هل ايام مو على بعضج وعيونج ليش هيج ذبلانه..

جوري.....  هااا واني شمدريني شييه بس احس نفسيتي متغيرة... ابتسم اخذ مني المكناسه ...

علي.. روحي جيبي الصونده وفتحي الماي..

جوري... اني هم رحت سويت كالي عليه اخذها مني ورش الزرع مال حديقه اني صفنت ماعرف شعور ملبك احس اكو شي  باوعت الكونيه جنت مخليه بيها التراب اجيت اشيلها وهيه كلش ثكيله بس الم قوي صار بطني وضهري .....

يتبع ..

اخطاء لايمحيها الزمن

انثى💜 ملائكيه

لاتنسو التصويت حبايبي

الكاتبه انثى 💜 ملائكيه

اخطاء لايمحيها الزمن

جوري..حيل ثكيله بس اثناء مداشيل حسيت بطني عبالك مثل سجاجين صار عندي وجع حيل وعفت الي بيدي بعد مكدرت حسيت بوجع بضهري كلت هاي موعدها شهريه عادي هسه تنزل مدرت بال رجعت اشيل كونيه وجان علي يجي بسرعه ...

علي...دعوفيها يمعودة شثكلها ...

جوري....كلبت عيوني وكلت بداخلي اي وشيخلصني من امك ابتسمت وكتله .. خلي نطلعها بره احسن ...

علي....هسه كتلج عوفيها ...

جوري...اجه وكف بصفي ... علاوي بطني وجعتني هاي اول مره يصير بيها هيج وجع قوي ... ابتسم بتسامه خفيفه خله ايده عل بطني ويهمس..

علي... يجوز اكو نونو....

جوري....اني كبل باوعته فتحت عيوني كتله ...معقول لاماصدك لا يمكن هاي الآلم الشهريه مثل كل مره ماريد اتأمل مثل كل مرة واحلل واطلع مو حامل.. تنهدت بحزن حته اختنكت ودمعتي بطرف عيني سكتت بعد مجاوبته ...

علي... يلا اني رايح للحمام اسبح نزلي ملابس...

جوري... ماشي... صعدتت اركض للدرج واني هاي كل ماصعد يمكن درج اسوي بثانيه وحده اصعده نزلت اله ملابس واني هم سبحت خلصت صعدت لغرفتي اجفف شعري بلشسوار  سمعت عمتي تصيح ...

يسر.... يلا تعاالو خلي نتغده...

جوري... اي عمه هسه نازلين... كملت ع سريع ونزلت وياها واني داحضر الغده كلت خلي اكلها على الوجع ... اكولج عمه اشو منا محاشمي

سوتلها اشاره عل مكان بطني كل شوي يصير بيها وجع ليشش وهاي اني اول مره هيج ...

يسر...  يجوز عندج التهابات عادي...

جوري... هااا... نزل علي وتغدينه خلصنه واني جنت رايحه اغسل ملابس غساله وره البيت مخلينها واني جان بيدي موبايلي خليته عل البايات الدرج بس جان هو بل طرف مانتبهت زين و اني جنت مستعجله عل سريع خليت لهدوم بلغساله ورحت داخابر عل امي رايده اروح للخياطه بليل وجان موبايل يفلت من ايدي ويوكع ويتفلش...

...شلته عل سريع شفتها شاشه سوده نوب ايفون 6 وربي اجيت ابجي عليه بعد وين احصله الايفون بقيت الوب شلون شلون فوكها علي طالع..طلعت بره بلحديقه دافتح الباب وجان اشوف علي من بعيد واكف ويه عمي صلاح يسولف رحتله رركض.... علاوي ولك علاووي.... واني شكلي بس اريد ابجي باااوعلي فتح عيونه ويمكن فز مني لان بهشكل رحتله اركض ....

علي....شبيج يمعوده صاير شي...

جوري....وكفت واني كلبي يدك سريع وريد ابجي جان بيدي الايفون رفعت ايدي وشوفتله فون كتله ....راح مني مدايشتغل علي ...

علي. وعلى هذا تبجين شووو جيبي...

جوري... اخذه مني يتفحصه...

علي...بلله شبي ..

جوري... انتحر من الدرج....عمي صلاح خرب ضحك عليه ...

صلاح .. يمعوده فدوه الج بلايفون ولابغير شي..

جوري.....باوعته ل عمي كتله ...عمووو هذذا عزيز وغالي ...

صلاح ... هههه عادي اشتري اغاته عمي ...

جوري....كلت لا هم عايزه اضل بدونه باوعلي علي ...

علي... هاااج هو مابي شي بس دكمه كامت متشتغل...

جوري...  هااا بعد بي روح همزين  بس ياهي ...

علي... هاي بنص دكمه البيضه..

جوري... عزه بعد ميفيد اني اريد غيره ...

علي...دروحي رجعي للبيت لاحد يشوفج شايفه نفسج شلون طالعه

جوري ...يحجي ويخنزر باوعته بزعل درت وجهي ورجعت للبيت واني حيل ضايجه..تقريب لل 8بليل طلعت اني وامي للخياطه جان تصير اقاربنه من بعيد بس اني صراحه مشايفتها وماعرفها امي تعرفها اول مشافتها رحبت بيها لامي ..

ام جوري ...هاي بنتي جوري...

المرة ..صلوات على محمد عين البارده هواي حلوة عليها الله يخليها  ام حسوني ..

ام جوري...  تسلمين عيوني ...

جوري...كعدنه وكامت اخذت كدري واني ساكته ماحجي شي خجلانه ماعرف ليش جان تسالني شنو مخلصه دراسه..كتلها خاله تاركه مادرس ..

كالت... يا ليش حرمات...

جوري...موو تزوجت فتركت..باوعتلي وفتحت عيونها..

كالت ...جذذب انتي متزوجه يحضي بعدج صغيره هاي اني صار عمري 35سنه وماتزوجت...

جوري ... مجاوبتهه شي مدري ليش ضجت منها ومارتاحيت الها  ضلت تكولها امي اني ماتزوج واني واني..وامي تندعيلها تكلها انشاءلله يجيج نصيب طلعنه منها واشو اني ودامشي حسيت بدوخه قويه ... ماما اريداوكع داحس بدوخه...  لزمت ايدها هيه تخبلت...

ام جوري... ولج يومه اقري معوذات عوذه منها صابتج بعين..

جوري.....يمه امششي تره والله مالي خلك ....بلكوه وصلت للبيت كبل رحت للفراش واني حيل مخنوكه وتعبانه ونحول دمرني حته غفيت ونمت مادري بروحي واشوف بلحلم انو اني بضلام بس وحدي شايله بحضني طفل وابجي حييل وشابكته وهذا البجه ونحيب مالي ماخلص فزيت من الحلم ودمعه صارت بعيني اتمنه يصير حقيقه وايصير صدك بحضني طفل....

....باوعت بصفي علي نايم بسابع نومه..ثاني يوم العصر علي واكف بلكراجيه يخابر ويه سجاد وني بيومهه شفت تاريخ فايت موعد شهريه كلت اكله يجيب شريط منزلي تحليل حمل كلت وين الله وهيج ويطلع حمل وما يخيب ظني....

....انتظرته يخلص مخابره وگتله.... علاوي ممكن طلب...

علي... شنو ...

جوري...اذا هسه تطلع مر عل صيدليه جيب شريط مال اختبار حمل ...باوعلي صفح ...

علي...يمعوده عوفيها على الله....

جوري... ونعم بالله بس بلكي... دمعت عيوني صارت غصه بحنجرتي وسكتت ....

علي..  اي ونجيب مثل كل مره ويطلع ماكو وننصب مناحه موووو....

جوري.... لالا اصلاً تعلمت...

علي...  يلا الله كريم ...

جوري....راح طلع  اني بوكتها جنت مريضه افلاونزه وجنت اخذ ادويه مال فلاونزه علي لليل اجه وجايب ويا شريط اني كيفت بس شفته غير نوعيه مو مثل گل مره الي يجيبه عاد اخذته ونزلت وهو جان ينتظرني سويته واشو هذا طلع مايشتغل كلشي مابين عندي متت قهر طلعت واني ابجي شمرت شريط وصعدت للغرفه ابجي...

علي...  هااا مو اني اعرفها ...

جوري.. علي مايشتغل هذا هم حضي .... وحته ادويه جنت اخاف اخذهن اكول خاف عندي حمل هسسه خاب ضني اني ماعندي حمل اخذت علاج وكمت اطلع حبايه حبايه واجيب وابلع من قهري هو كام يعيط عليه..طلع وركع ورا الباب واني بقيت حاضنه المخده وابجي شفت موبايل ينطنطل بلكوه فتحته من وره دكمه شفت صديقتي تخابر جاوبتها وبقيت اسولف وياها وكتلها هيج وهيج سالفه....

.. كالت جوري هاي نوعية تحليل مامضبوطه خذي الوردي احسن منه خابري وكليله كتلها لاعوفي لااكله ولايكلي ماعندي حمل حضي واعرفه كالت لا انشاءلله اكو انتي جيبي وشوفي كتلها يلا الله كريم...

... سديت منها الخط بقيت افكر خاف اخابره نوب وشيخلصني بس لاخلي اخابره واحجي ويا بهدوء واكله تصلت عليه...

علي....هاا شرايده ...

جوري ...نعمت صوتي وحجيت بهدوء ..عمري شوكت تجي ...

علي... ماااجي ابقي ابجي احسن ...

جوري... علوش حبااب اني اريد جيبلي شريط الوردي يكولون هذا اضبط شي بس هل مره حباب...

علي ....اي وشنو ليفرق ...

جوري....يفرق هسه دجيبه ياعيني..

علي... عود افكرلج بلموضوع ...

جوري...گلبت عيوني بملل اعرفت رح يضوجني  بعدين كال يلا ثيملا وسد الخط..گلش ضجت من حجايته عرفت ميجيب مددتت بلفراش واتصفح بلفيس بس ملل وضوجه ماكو وره نص ساعه واشوف علي اجه باوعته صفح واني ضايجه هو هم مدار بال....

...بس مدري شنوو جان بيده خلا عل الميز المرايه وراح للكنتور طلع ملابس يبدل وحجه وبدون ميباوعلي...

علي...  اني رايح للمنصور بشغل خاف اتاخر وعلوا اذا ترحين لهلج...

جوري... طفرت من مكاني وباوعت ساعه 10ونص بليل گتله .... وهذا ياشغل بهل ليل... طبعا ضل ساكت وره شوي جاوبني وهو ديمشط شعره كدام لمرايه...

علي... بمطعم ويه خالي...

جوري.. هاااا هااا....هوا خلص وطلع فريت بيدي معاجبني كمت للمرايه اعدل بنفسي وهاي اني من اكعد بلغرفه اضل مكابله المرايه واكعد  بعدين خليت هتفون بذني اسمع اغاني  اخذت سيروم اخلي بشعري  واني اندندن ويه الاغنيه مدري شلون انتبهت علي جايب شريط الاختبار خرب وهذا ليش مكلي دومك تشعوطني اجيت افتحا وانزل اسوي بس عبالك متردده خايفه اسوي گلت اوي بعدين اسوي خاف هم ماكو والله هيج قهر بس گلت يلا لعد اني شكو خابرته وكتله جيب اخذته اقريت تعاليم انو تطلع نتيجه وره 10دقايق نزلت للحمام وسويت الاختبار وهنا ماحجيلكم خووف وگلبي يدك سريع ويارب ويارب ماگو اصلاً اقل 10دقايق بسرعه بين عندي خطين وايجابي يووومه ضلليت صاافنه گانو مامصدكه عندي حمل گبل نزلت دموعي الف لك الحمد يارب.....

..طلعت عل سريع تمنيت علي موجود واكله بساعيتها صعدت للغرفتي واني رايحه منا وجايه منا ماعرف شنو اسوي فرحه عل خوف مدري صار بيه مشاعر متضاربه اجيت اخابره اريد اكله بس رصيد ماعندي.هاي شلون ياربي باوعت ساعه 11ونص گلت انزل اخابره من موبايل عمتي نزلت اركض لكيتها كاعده هيه وبنتها مروه وديسولفن..

.

...شافني وكالن... هااا شبيج جنج مخترعه ..

جوري....عدلت وكفتي وشال لفيته زين نوب ارتبگت بله هاي اذا اكلها اريد موبايلج خاف تكعد تحقق وياي..گتلها هاا عمه اجيت اخابر من موبايلج عندج رصيد لو لا...

يسر... المن تخابرين بهل ليل...

جوري... والله ع علي ضل باالي يمه اشو هواي اتاخر ...

يسر....ليش مو قبل نص ساعه من طلع ومكلج وين راح....

جوري.... لا صارله اكثر مو شفت ساعه فدوه عمه خلي اخابره...

يسر...  دروحي شوفي شاحن قبل شوي خليته ع شحن ...

جورث.. ماشي وين مخليته گالت بغرفتي رحت ركض لغرفتها شفته ع شحن اخذته وصعدت لغرفتي اخابره

حته لحد يسمعني دكيت عليه من اول دكه جاوب...

علي... هااا يمه...

جوري... عباله امه.. گتله علاوي وسكتت عرفني ...

علي...  احجي شرايده ...

جوري..... سوويته.... ورجعت سكتت..

علي... شنوو سويتي شلعتي كلبي احجي ...

جوري.... علاووي انــ ي حااا مل... ونزلت دمعتي....

علي... شنووو متأكده انتي...

جوري... والله طلع ايجابي...

علي...باااعي...

جوري... اي....

علي... مارريد اي بشررر يدري فاهمه غير بس اني ونتي ندري من هسسه اني دگلج...

جوري...  هااا ليش بسس امي والله راح تفرح بينه....

علي... اني شلغيت لاامج ولاامي ومن ارجع نتفاهم...

جوري... يلا ماشي.... سديت الخط ونزلت خليته عل شحن وگتلها عمه شكرا ورجعت لغرفتي فتحت البرده والشبابيك خليت ايدي ع حايط وبقيت اباوع على اشجار تتحرك والهوى نقي يخبل جان بداية شهر 3 بقيت صاافنه وافكر اتمنى يتتم حملي عل خير ،بس اجه باالي من حبلت باول طفل لزمت گلبي خاايفه هم يروح مني حاولت ابعد افكار سلبيه من راسي وسديت شباك ورحت اخذت قران وكعدت اقره بسورة مريم كملت ورحت للفراش نعست ونمت  حسيت ع علي جان حاضني وايده على بطني فتحت عيوني لگيته يباوعلي گتله ...شوكت جيت ....

علي... هستوني..

جوري.... كمت من يمه شفت ساعه 3 جايه اكوم من الفراش لزمتني دووخه حته كمت ماششوف واحس كع تفتر بيه صار عندي هبوط علي گبل رجع كعدني واخذني بحضنه...

علي... ادري وين جاي ترحين ليش هيج وجهج اصفر....

جوري.. علي دايخه واريد انزل...

علي... ومنو بعد يخليج تنزلين وصعدين ...

جوري...لعد شلون ابقه محبوسه... هز راسه وكال...

علي.... رجعي نامي حبي ...

جوري....رجعنه نمنه ، ثاني يوم كعدنه الصبح بل 9 سويت ريوك وتريكنه خلصنه داغسل مواعين وعمتي كالت من تخلصين حضريلي اشياء تبسي تريد تطبخ كتلها ماشي ، شوي واسمع علي يصيح...

علي... جووري وينج...

يسر...... دروحي شوفي شيريد منج مو صار ساعه يصيح مداسمعي ...

جوري...لاسمعته هسه رايحه عفت الي بيدي وصعدت للغرفه لكيته مدد بلفراش وبيده الموبايل شافني وعقد حاجبه ..

علي... مو دصيح ليش ماتجين ...

جوري...  غير دغسل ماعين ...

علي... امشي بدلي على سريع وخلي نروح ...

جوري...فتحت عيوني وكتله... وين نروح...

علي... صراحه هذا الاختبار الي سويتي ماصدك بي خاف يطلع كلاوات لو تحليل دم حته نتأكد ...

جوري....يلا براحتك بس تره عمه كاعده بلمطبخ وخاف تسئلنه وين رايحين شتكلها...

علي..... اذا سئلت كليلها مادري علي كلي بدلي وامشي نطلع وبعد معليج واي شي بعد تسئلج جوابج يكون مادري وخلاص...

جوري..... هااا واذا سئلتك الك ...

علي... ماتسئلني راح اطلع قبلج اوكفلج بره استعجلي ..

جوري..... اوك نزل قبلي واني على سريع جهزت نفسي ونزلت لكيت عمتي كاعده گتلها... عمه احنه طالعين هسسا نجي ....

هزت راسها بمعنى اي و بدون حته متباوع ادري معاجبها وهيه اصلاً متجاهلتني گلت بداخلي بعد احسن طلعت لكيت علي واكف مشينه...

علي....  هاا سالت...

جوري...  لا بس نطيتهه علم بمانو طالعين بس مكتلها وين...

علي... عفيه عليج...

جوري... وكف تكسي ورحنه للمختبر اجتي وحده تسحبلي دم كالت كم يوم غايبه عليج الشهريه..كتلها والله ماعرف محاسبه بس صارلها هواي..مكالت شي خلصت وكالت هاهيه علي سئلها شكد ويطلع كالتله نص ساعه طلعنه من المختبر ...

علي... ارجعج للبيت واني من يطلع اجيبه ..

جوري...ماشي... رجعني للبيت وهو وره نص ساعه وراح يستلمه لحد مااجه واني جنت دارتب بل ملابس الكنتور..رحت يمه  حضنته واني اباوعله اخاف حته اسئله متوترة حيل والكلام بلكوه طلع من حلكي كتله ...هااا شنوو... اباوعه وهوو متوتر وعاقد حاجبه...

علي... ماكوو ..

جوري....باوعته واني فاااتحه عيوووني بسرعه بعددت نفسي عنه بس شنوو دموعي تنزل عششره عشره واهز براسي بمعنى لا گتله.... لا علي لاتكولها والله امووت ...

يتبع ..

انثى 💜ملائكيه

اخطاء لايمحيها الزمن

لاتنسو التصويت ..

تابعو الكاتبه وصعدو حسابها

Lilaf_24

انثى 💜ملائكيه

اخطاء لايمحيها الزمن

.

.

.

.

.

جوري ...كوا سيطرت على نفسي ماشوفه اله ضحك وجرني من ايدي صرت بحضنه واني ارجف ...

علي... بهمس... مبروك حياتي...

جوري....فتحت عيوني وختلطت مشاعري و ابتسمت گتله... والله....

علي.. وعيونج الحلوه...

جوري... باسني من راسي واني حيل فرحانه.....

للضهر كاعدين وگتله.... علي انته لازم تكلها عمه هسه ااذا شافتني ماشتغل شلون....

علي... لاماكلها وانتي لاتشتغلين عادي موجوده مروه بمكانج تشتغل ....

جوري....بس انته داتشوفها مروه متسوي شي....

علي... معليج انتي ابقي بلغرفه وتنزلين بس عل كد حمام....

جوري... والله علاوي برئي تكللهم وامك اكيد اذا توصيها متكول اني هم خلي اكلها امي وبعد محد يدري ....

علي... هلاهلا وبس تدري امج بعد كلها تدري ...

جوري...باوعتله صفح ... لابله خاف امك وامي بلعكس متحجي لاحد ....

علي... لا امي متحجي لاتخافين....

جوري...واني هم امي لاتخاف متحجي باوعلي صفح وكام وطلع نزل شوي وصعدلي گتله... هااا گتلها...

علي...اي...

جوري.....اشو ماكو وره ساعه وجتني رساله من زوج تبارك اخته الف الف مبروك شوكت سويتي تحليل حاامل ومندري بيج عززه باوعت رسايله خرب حضي هذا شمدري وشبسرعه طشتها گتله . ..علي اشووو خواتك هم درن اني حاامل شنو هالسرعه ..

علي... لا محد يدري بس امي ...

جوري...هاااك اقره رسساله هذا مو ابو شهد جاي يتبارك منو طشها هسه تره امي لحد الان متكلها ....

علي...هاي شنووو شوكت لحكو و دزلج ...

جوري....توووه مصار دقايق.... علي عافني ونزل عصبي شاف البيت هدوء  عمتي جانت نايمه بس عمي ومروه كاعدين....

علي ...بعصيبه ..... يابه شمدري هذا بجوري ومنو كال اني لو ماوصيت امي متحجي لاحد...

جوري.....اني توني نزلت واشوف مروه عبالك خاافت من علي طبت تركض لغرفتها عرفتها هيه الي حجت وعمي مدري شنو يكله صعد علي وهو ضايج اني گبل عرفت سالفه مراح تنضم صعدت وراه عاط بيه ....

علي....شووفي كله من وراج ثبرتيني كلها وكلها ....

جوري....علي لعد تحجي عليه احسن غير اذا مشوفني اشتغل تبقه تحجي وانته تعرفها كلش زين واني ماتحمل حجايه....سكتت بعد مكال شي لشوي وخابرت امي وكتلها ...

ام 0وري....ترى حقه ليش ميقبل اكيد يخاف من العين ...

جوري... اي يخاف يكول احنه بدون هيج وعين مفتوحه علينه ...

ام جوري... حقه يمه وانتي على طول نشري اقري معوذات ..

جوري...انشااءلله.. ...

..مرت الايام صار سبوع من مسويه تحليل علي كلما اكله عل دكتوره يكلي صبري استلم راتب وروحي يوم منهن حسيت عندي الم بطني قوي وحيل خفت خابرت امي وكتلها....

ام جوري....  يمه اني انطيج بس روحي اطمئني لازم ترحين دكتوره خوما تضلين هيج...

جوري... ويا دكتوره بيهه خير اروح...

ام جوري... برئيي ترحين  مستشفى للوزريه عند دكتوره ابتسام لان هيه عرفت حالتج ....

جوري...يلا اشوف اكوله لـ علي.... سديت منهه الخط اجه علي وكتله ...

علي... خلي نخابرهم ونشوف علمود الحجز...

جوري... خابر وكالو مامتواجده دكتوره ابتسام حالياً د ابتهاج الوسي وبدون حجز...

علي..... كاعده ابتهاج مو ابتسام ...

جوري... صدوك... شكد كيفت من زمان واني اريد اروح ل ابتهاج هواي يمدحون بيهه خابرت على ماما ...

ام جوري... اي بعد احسن اذا د ابتهاج خوش دكتوره...

جوري... بس غاليه مو...

ام جوري... يمعوده فدوه اهم شي انتي وسلامة الطفل ..

جوري...لليل وامي دزتلي فلوس 150 والصبح بل 9رحنه اني وعلي

للمستشفى كعدنه بلانتظار اجتي سكرتيره رحت سجلت اسمي جان تكلي كشفيه 50الف فتحت عيوني مصدومه وكتلها.... شنوو... مجاوبتني شي  طلعت فلوس ونطيتها اووف اوفف الله يساعد فقيره وين ينطي وجهه ودكاتره تجرم.....

....كعدت وعلي بقه بره يم زلم لحد مااجتي دكتوره بل 10 وبدو المراجعين يدخلون وحده وحده نوب شكد تأخيره وضوجه كمت من مكاني طلعت بره لكيت علي كاعد شافني واجه...

علي... هااا بعدج مادخلتي..

جوري... لا بعد هواي كدامي...

علي... يلا الله يسهل خوما جوعانه...

جوري... لا ...

علي.... ديلا لعد رجعي وقبل لادخلين كليلي...

جوري...  ميخالف ...رجعت لمكاني وره ساعتين يلا صاااحت  سكرتيره جووري عززه گلبي صاار يدك سريع خايفه كلش عبالك عندي امتحان....

...دخلت للدكتوره كلت سلام عليكم..

جاوبتني عليكم السلام بنتي...

جوري.. نطيتها تحليل وكتلها دكتوره اول مره اجيج ابتسمت...

.. وكالت اهلا وسهلاً ..

جوري...دكتوره صارلي كذا سنه من متزوجه مجان يصير عندي حمل وره 4سنوات حبلت وصلت مرحلة 6اشهر وسويت دوبلر وجانت الحاله..طلعت اله دوبلرات اخذته مني وكامت تقره ضلت صافنه عبالك مثل داخت بسالفتي باوعتلي وكالت...

... متزوجه من كرايبج ..

جوري...اي... فرت براسها....

.. وگالت وبعدين كملي ...

جوري... بعد ماولدت الطفله توفت...

.. كاالت شنو قيصريه لو طبيعي...

جوري...لا قيصريه ..

...كالت ليششش ...

جوري... ماعرف دكتوره ابتسام گبل دخلتني عمليه...

فرت براسها مارضيه..

جوري... دكتوره اني وكعت بمرض.

وصار عندي ورم وسويت عمليه ودكاتره صار عندهم شك  انو عندي مرض خبيث بس من سويت زرع ولمره ثانيه الحمدالله طلع حميدي  وبعدها رحت دكتور اختصاص اسنان سولي حشوة جذر وكال كل 6اشهر تسوين اشعه واني هل شهر سويتها واني مادري بنفسي حاامل دكتوره واني  خايفه خوما تأثر عل طفل وصدوك الاشعه تسوي تشوه بطفل...

دكتوره..شوكت سويتي الاشعه ..

جوري... تقريب قبل سبوعين ماذكر بلضبط ..

گالت يلا انشاءلله متأثر روحي صعديلي ع السديه اسويلج سونر..

جوري... رحت وشوي واجتي خلت سونر ع بطني ..

... اي اكو حمل ...ودارت السونر عليه وكالت ...شوفي... باوعته للطفل و دموعي نزلت گتلها.... دكتوره اهم شي هو مابي شي... كالت والله بنتي جاي اباوعه مابي شي وبعده هسه يلا عليج 6اسابيع ...

..كامت من سونر ورجعت للمكتب  وكالت راح اكتبلج تحاليل حته نعرف اذا بي شي طفل او لا سوي تحاليل وتعاليلي واكتبلج بعد تحاليل الج  ...

جوري.. دكتوره وماتكبيلي دوه..

.. كالت هسه سوي تحاليل اول وبعدين نجي عل دوه ..

جوري... ماشي اخذت اوراق وطلعت وجان سكرتيره تكلي جوري 20 لان سويتي سونر مو....كتلها اي نطيتها ورحت لكيت علي واكف بره طلعتله شافني...

علي... ها شكالت...

جوري... حجيتلها قصه وسوتلي سونر وكالت اكو حمل وعليج 6اسابيع وهاي كتبتلي تحاليل اخذ مني الاوراق...

علي... هاي وين تسويهن..

جوري... بهذا المختبر ...جان بصف المستشفى..

علي...يلا امشي..

جوري... دخلنه للمختبر جان كاعد ولد نطيناه اوراق قراهن..

كال... شنو عندج اسقاط سابقاً ..

جوري.. لا مو اسقاط تشوه ..

كال ...هاا تعاي تفضلي ...اشر ع كرسي..

جوري...جاب سرنجه سحب دم وكال هاي تحاليل مو كلهن يطلعن اليوم...

علي... مو مشكله نجي باجر شكد تأمر..

..كال... كل التحاليل 110 ..

جوري...باوعته ل علي هاي شلون دوخه ياربي....طلع فلوس نطاه قسم وكله ع باجر نكمل القسم مكال شي خطيه الولد...

...رجعت للمستشفى وكتلها سكرتيره انو باجر يطلعن تحاليل راحت كالتلها دكتوره وجتي كاالتلي عادي حبيبتي تكول باجر ترد تجي كتلها تمام عيوني مشكوره..طلعنه واخذنه تكسي ورجعنه للبيت حدود ساعه 1ضهر عمتي بس شافتنه اجتي ...

يسر... هااا شكالتلج دكتوره خوما بي شي طفل...

جوري...  لا عمه الحمدالله وباجر تطلع تحااليل وخير انشاءلله...

يسر... يلا الله كريم...

جوري... عاد عفتها ورحت لغرفتي بدلت علي كلي حضري غده جوعان  سويت وكعدنه ناكل بس كملنه الغده رحت للفراش ونمت من تعب ...

.. ثاني يوم رحنه استلمنه تحاليل وهم كعدت انتظر دكتوره علما اجتي ودخلت شوفتلها تحااليل طبعا جانن كومة تحاليل ، قرتهن..

دكتورة... اول شي عندج فقر دم ثاني شي عندج نقص فيتامين D_ ، وطفلج عادي طبيعي..

جوري.....باوعتها واني فرحانه الف الحمدالله ...

دكتورة ...راح اكتبلج حبوب فيتامين ومثبتات وفوليك اسيد تستمرين ع هاي مقويات لمدة. 4اشهر..

جوري.. ماشي دكتوره ..

جوري... ترجعيلي من دخلين ب3 يعني وره العيد..

جوري... انشاءلله..  اخذت تحاليل وطلعت گتله علي حمدالله طفل كالت طبيعي يعني مابي شي باوعلي وابتسم لزم ايدي .

علي.. انشاءلله حبيبتي..

جوري... بس كالت عندي نقص فيتامين وفقر دم هسسه عادي اني اهم شي طفل يجي كلشي مابي ..

علي...ومكتبتلج دوه ..

جوري... اي  صدك هيتها راجيته طلعتها من جنطه اخذها وكال مناك ناخذه يقصد من منطقتنه كتله اي عادي رجعنه للبيت وللعصر جاب الدوه مرت الايام واجه رمضان طبعا جنت اصوم يوم منهن علي صار عنده شغل بكربلاء بلحسينيه وجان يروح يبقه سبوع او سبوعين جنت كلش اضوج كمت اريده ع طول يمي فـ ليش مايوم منهن ابويه خابرني وهو هم جان بكربلاء ويه علي....

ابو جوري.. يابه تعاي ويه امج واخوتج لكربلاء..

جوري...والله بابا يمكن ماكدر لان صايمه وخاف اتعب وتعرف الجو حار وانت شتعرف عن بنتك ههههه غير تموع من الحر..

ابو جوري..يلا كيفج ياب اخذي راحتج..

جوري... سد الخط شوي وخابرني علي كتله اتمنه اجي ويه اهلي واشوفك مشتاقتلك...

علي... لعد ليش متجين اني هم مشتاقلج ..

جوري... والله مادري اشو محتاره يلا بعدين اقرر همه ساعه بيش يرحون...

علي...يمكن كال بعد ساعه...

جوري... واكيد يرحون ويه محمود مو....

علي.. ماعندي علم..

جوري... يلا ماشي اخابر امي واشوف كال براحتج سديت الخط وخابرتها وهيه شجعتني يلا امشي ومدري شنو عاد والله كمت جهزت نفسي وطلعت للبيت اهلي بس بدون ميدري احد من اهله لـ علي جانو نايمين بيبي هناك شافتني استلمتني انتي شلون طلعين ومتكولين ل عمتج ول عمج انتي ماعندج احترام هو يصير هيج اني مو كايتلج من طلعين تكليلها عمه اني طالعه محتاجه شي شاتين  اباوع بيبي تحجي بعصبيه عززه هاي شبيهه كتلها.... بيبي ع كيفج بس والله نايمين واني عندي اهم شي علاوي راضي اطلع بعد شنو لو اله اكول ل اهله....

... كالت اي لازم تكليلهم شيكولون عليج...

جوري... لااله  الا الله... فريت بعيوني شلون بيبي صايره تنرفز الواحد ويطلع عن طوره واني منا اضوج بساع واصير عصبيه ونوبه بيبي تحجي ونوب ضلت تنك وكل شوي تكلي نفس الحجي ماما تكرصني..

ام جوري... يمعودة اتحمليها مره جبيره بلعمر شسويلها هيه وجاهل نفس شي..

جوري..... يمه فهميني انتي شلون جارعتها يمج وباقيه..

ام جوري...  شسوي يمه اكول خطيه وين تروح لعد غير بيت ولدها نسوان عمومج ميرددنها...

جوري... وانتي لفيتيها يمج يمه انتي دومج گلبج طيب وين اكو مثلج وبستها من راسها....

..طبعا ماما ع طول ساكته شكد بيبي تسمعها كلام يغث وع طول تحجي ع ابويه وع محمود وع اخواني تكول ابوهم مابي خير ومدري شنو خوب شافت ماما تخابر محمود تكلها اي عاشكته مووو تكعدين تتخابرين ويا ومن غير كلام لتكوله وتصفط عليها حجي وكلها هذا وامي متحمله وساكته لو غيرها ثانيه وحده متلفيها بيبي يمهم..

....المهم طلعننه لكربلاء وطول طريق احسس بنفسي دايخه وعندي وحام قوي واريد اتقئ بس كوه متحمله ساعتين وصلنه كربلا.. لهناك شفت علي رحت يمه متلهفه...هلاوو حبيبي شلونك....

علي.. هلا بيج حبي تعاي هناك يمي...

.

جوري... اخذ ايدي... وين...

علي...امشي ولج تره ماتحمل اشوفج وماسوي شي ..

جوري... ضحكت عليه وضربت جتفه ....  خرب حته هنا ماخلص منك....دخلني بغرفه مابيها احد گبل دفعني ع الحايط واجه يبوسني شهكت ... ميصير علوش صايمين عود هههه ..

علي...هههه بسس بوسه وحده والله ماسوي شي حباب اني...

جوري...  مااا ادري بيك وكح وراح تطلب بعد.. دفعته من صدرة و رحت داشرد دافتح لباب لكيتها قافلها... علي وين مفتاح خلي اطلع هسه اهلي يدورون عليه...

علي... مادري...

جوري... راح كعد... اهووو داكلك جيب مفاتيح...

علي...  تبقين هنا واذا نطتيني بوسه انطيج مفتاح ...

جوري... خرب يعني اليوم ماخلص منك شلون يعني ولك حرام حته البوسه ...

علي..ههههه لا هاي مو حرام ..

جوري...رحت يمه كعدت جنت قريبه منه اباوعه صفح هو اشر عل خده...

علي... يلا تعاااي بوسيني انتي ..

جوري... لابله....خنزرلي وعاط بيه فززني..

علي... مو دكلج تعاااي تره اجيج واطلع البوسه من عيونج وتكولين ياريت ماعاندته..

جوري...رفعت جتافي ... مااا مااا ماجي ولااريدك ..

علي... اكيد كد كلمتج..

جوري... هزيت راسي بمعنى اي ..

علي...  لعد مفاتيح ماكو. .

جوري... باوعته وعكدت حاجبي... انته مو كلت بس بوسه...

علي... اي مو دكلج مدتجين شسويلج..

جوري... تعال انته مابيه حيل اجي اني ...

علي...لااشو انتي تجين ..

جوري.. مااجي ...

علي ... لاتجين خليج لعد...

جوري ..فريت بعيوني اللهم يطولج ياروحي كمت رحت بصفه كلش هو كبل جرني صرت بحضنه. 

علي ... تجين نتي وغصباً ماعليج.

جوري ... رفع راسي وجان يبوسني  خليت ايدي ع ركبته تقربت وجان ابوسه من ركبته ع كيف هوو تخبل..

علي ...  هاي شلون بيهه هلبنيه تخليني افطر. 

جوري ... داكوم منه وسحب ايدي وكعت بحضنه...

علي ...  وين مشبعت منج صارلي سبوعين حرام عليج مشتاقلج...

جوري...يعني اليوم مرراح تعوفني موو ...

علي...ههههه لا يلا خطيه راح اعوفج لان نونو ..

جوري ..  ها علمود نونو مو علمودي هسه وين مفاتيح... نطانياهن رحت فتحت باب وطلعت اهلي جانو فوك صعدتت وكعدت يمهم علما اذن جابو فطور فطرنه وكملنه ورحنه للامام زرنه ورجعنه للحسنيه  شفت علي جان يخابر بس شكله عصبي كلت هاي ويامن خلص مخابره وكتله .. شبيك حبيبي..

علي...  شنو امي متدري بيج انتي هنا . .

جوري.... لا متدري جانو نايمين..

علي... اي خابرتني وكامت تتعارك وتحجي تكولي لاترجع مرتك لبغداد خليها يمك شلون راحت مخافت من طريق طويل وفوكها صايمه وين اكو حبله تروح مكان بعيد. .

جوري . اهووو رجعنه ع نفس القوانه هاي امه شوكت تتفتك ياختها مني مادري بكل طلعه طلعها سم عليه كتله ...علي اني جايه للامام ومشتاقه ازوره وهو راح يحفظ طفل اني ماخاف ولاواهس ليش امك مسويتها فد مره ...

علي ...يمعوده غير بلكوه لان ديصير والحذر غلب القدر ..

ام جوري ..  يلا جوري امشي دنرجع ..

جوري... يام هيج وهيج سالفه عمتي حطت عقلها وياي حسرة ماطلع تشوفني نجوم الضهر ..

ام جوري ...يمعوده وين تبقين هنا تعبين اكثر وصعده ونزله عليج امشي رجعي ويانه  ..

علي....ااي عمه اخذيها وخلي تبقه يمكم علما ارجع واحل السالفه ...

ام جوري .. اي عيني انشااءلله..

جوري... رجعنه لبغداد بليل اول ماوصلنه جانن عماتي كاعدات بره من شافني تعجبن وكام يكولن هاي شلون عمتج خلتج طلعين لو خاف متدري بيج وكامن يحجن من هلحجي اني مهتميت الهن رحت لاهلي  ...

..اشو ماكو وره ساعه خواتها عمتي راحن كالن الها جووري رجعت لبغداد عزه هاي سمعت لو تخبلت خابرت امي استلمتها بصياح والعركه تكلها هيج بنتج وهيج بنتج ماما اصلا تعلمت ع سوالفها وحته كامت كل متخابرها متجاوب نقهرت من عمتي عيب هيج تسوي وتحجي عليه شصار حتى تشن عليه حرب وزوجي قابل بطلعتي ...

.. وماعدا الي تخابرني تتعارك ويايه وحته ثاني يوم سوتها شغلة اعاند خابرتني ..

يسر....شووفي اذااا ماتجين تنضفين البيت كله أله اخبلج ...

يتبع ..

انثى 💜ملائكيه

اخطاء لايمحيها الزمن