تحميل رواية «أخطاء لايُمحيها الزمن» PDF

انثى💜ملائكيه

اخطاء لايمحيها الزمن

اعتذر على تأخير بارتات وتقصير والسبب حبيت جوري تكمل للختام حتى انشر القصه براحتي وماطول عليكم بعد خمس بارتات وتنهتي القصه وراح ابتعد عن الكتابه لحد ماتتحسن صحتي وترجع طاقتي يالله كمل بقيت القصص ....

.

.

.

.

.

يسر.... اذا متجين تنضيفين البيت كله اخبلج .....

جوري... بوكتها حيل نقهرت وبقيت ابجي حته طلعتي ماتهنه بيها رحت لعيالي اكرب كراب خلت البيت كله اشتغله وسمعتني كلام يسم البدن ...

يسر...عشتوو اذا رحتي كربلا شكو يمه تبقين نايمه ع ضهرج كومي اشتغلي بعد....

جوري.....وكمت يوميه اشتغل الهم وارجع لاهلي ابجي...

علي بقه شهر بكربلا اخر يوم برمضان رجع كتله..... علي اشتريلي ملابس للعيد...

علي.... لاعوفيهم خلي نجمع للدكتوره وراج كومه فلوس وصرف ....

جوري... اني هنا طنبرت لا اشو اله اريد ملابس شنو بس اني مالبس واكشخ حته بهاي بوكتها كام يتعارك ويايه ويصيح وكمنه اني ويا ع اقل شي نتعارك واني منا نفسيتي تعبانه من الحمل وتفكير وهو يزيدها عليه...

.. 3يوم العيد خابرت زينب اخت علي تعالو معزومين عندي على عشه بوكتها رحنه كلنه وجانو موجودات خواته كلهن وهناك اتفاجأت بـ مريم من شفتها لان من حبلت ابد ماطلعت شفتها بطنها كلش جبيره عبالك حامل بشهرها مو 7اشهر واالناس مصيطها عليها انو مسوين اطفال انابيب وعلساس بيها توم ...

.. تسلامنه وكعدنه كلنه اتعشينه وعادي سوالف وضحك وره ماخصلنه جان تكلي مريم...

مريم ...اي جوري عند يادكتوره تراجعين وشوكت حبلتي..

جوري... ابتسمت وجاوبتها ...يم ابتهاج ومصارلي هواي...

مريم ... هاا ..

جوري...ونتي بيه شهر...

مريم ... هاا والله ماعرف دكتوره مااتكلي وحته جنس بيبي منعرف فلاتسئليني شنو بيج عفيه ...

جوري... باوعتها كتلها... ايي ني هم مثلج ماعرف شكد عليه.... وسويت مثلها عشتو كمت حته مانطيها مجال للان اعرفها مشكلجيه وتحب القال ولقيل عفتها ورحت يم لبنات وهيه احسها ضاجت وكامت متحجي ويايه  اني هم بعد متهميت الها.....

...طلعنه من بيت زينب رجعنه للبيت اني بهل فتره ماعرف ليش صار عندي قلق وتفكير واحلامي كلش مزعوجه منهه و ساعه اكول يمكن طفل مابي نبض ساعه احجي ع دكتوره لان اخرتني مده وني لايبه اريد اشوف وضع طفل ولاكثر الاحيان اختنك وابجي يوم منهن جنت بيت اهلي كتله....ا ماما عفيه اخذيني غير دكتوره بس خلي اطمئن ع طفل راح يصير 3اشهر واني ماعرف عنه شي...

ام جوري.. يلا ميخالف اخذج لهاي لمستشفى هم اقرب النه وهم اصرف مستشفى حكومي مياخذون هواي...

جوري...  ويادكتوره بيهه...

ام جوري... عل ماعتقد اسمها مروه..

جوري... يلا نشاءلله اروح انام نعست..

ام جوري... نوم العوافي...

جوري... رحت نمت ماعرف شكد مر وقت واني نايمه بس حيل جنت مزعوجه بنومتي احسس اكو شي بطني يدك مثل نبض دكته اني نسيت نفسي عبالك حامل كلت اووي هاي شنوو فتحت عيوني كمت كتلها.... ماما اشو منا بطني بيها دكه هاي ليش...

ام جوري... ابتسمت... شبيح طفل غير...

جوري...  ياا قابل هسه يتحرك غير من خامس وره ...

ام جوري.... مو شرط ويجوز رب العالمين خله يتحرك علمود تتطمئنين..

جوري.... هااا زين شوكت نروح...

ام جوري... هسسا بس اخلص شغلي ونروح شعدنه وكومي انتي حضري نفسج بين ماخلص .

جوري ....يلا اوك ، رحت اخذت ملابس ورحت بدلت خلصت وامي هم جهزت نفسها وطلعنه رحنه حته مشي لان مهواي بعيده طبعاً الجو جان كلشش حار علما وصلت للمستشفى متت تعب واحس نفسي اريد اوكع من طولي دوخه موتتني لهناك كصينه باص ورحنه كعدنه ننتظر ساعه ودخلنه لكينه غير دكتوره مروه..بس كلت ميخالف المهم اسوي سونر وهاهيه. سلمت وكتلها دكتوره اريد سونر دكتورتي مسافره واني حامل ..

د ... حبيبتي ماكدر اسويلج سونر ترحين تسوين تحاليل ووياه تحليل حمل وتجين واسويلج سونر...

جوري....باوعتها كلش ضجت ياتحااليل يابطيخ اكلها بيه تكلي تيه ...دكتوره كتلج حامل واني سويت تحاليل قبل شهرين واني جايه اسوي سونر.....

د ... لا ماسويلج وان مسويه تحااليل اني ارد اتاكد ...

جوري ....مجاوبتها شي اخذت اوراق وطلعت كتلها امي امشي نرجع للبيت احسن من هلدوخه دنكعد نسوي تحاليل الي مالها داعي...

ام جوري...  ليش يمه غير هيه دكتوره واعرف كلشي بيها صالح الج امشي للمختبر يلا...

جوري.... نافخت من ضوجتي ماراضيه اسوي دائما شي يصير عكس ماريد دخلنه للمختبر وشفنه بنات 3كاعدات يسولفن امي نطتهن االورق شوي وجتي وحده نطتني مثل علبه كتلها شنو هذا كالت ادرار فريت بعيوني كتلها مايحتاج اسحبي دم وفضيها..كالت اي هو بعدين دم امي جانت تكرص بيه اخذت ورحت رجعت كالت بعد نسحبلج دم كعدي هنا كعدت  اجت دخلت تسحب وماكو دم ، طلعتها ودخلتها بغير مكان وتسحب وماكو حاولت ويايه بل اربع مرات هنا اني شنو حسيت ايديه نملت مثل صار خدر كمت ماحس بيها كتلها وج عيني يلا والله تعبت احس نفسي دايخه كالت صبري شبيج وريدج ضعيف بقت جك جك بل ابره زرفتها الايدي وماكو كتلها كااافي كالت بعد هنا اشوفلج بلكي يطلع كتلها گتلج عوفيني تره ماعاد اتحمل...

...مسمعت كلامي حاولت بل مره خامسه وهيه وجايه دخل الابره بهل اثناء صدك بعد محسيت بنفسي صارت كلش دوخه عندي حراره صعدت بيه رجعت راسي ليوره غمضت من تعب ماعرف صار هبوط عندي  وين يالله حسيت اسمع امي تحجي عل ام تحليل وتغسلي بوجهي امي وتقراء ايات بلكوه حجيت كتلها ....ماما تعبانه... ودموعي تنزل هيه تخبلت عليه متعرف شسويلي..

....وهاي ام تحليل تكلها امي شبيها بنتج متتحمل نحسه وامي مدري شتكلها اني حيل ضجت لو مااجنت تعبانه وربي انهد بيها بس جان مابيه حيل وكوه ماسكه نفسي كمت عل كيفي وكتلها امي امششي يمه خلي نرجع وبلكوه طلعت امشي ولزمه راسي  بس ايديه احسها مو طبيعيه الخدر ماراح والآلم الي بيها مو طبيعي..

...دخلنه للبيت وامي رئساً سوتلي عصير برتقال...

بيبي...هاي شبيها بنتج وجهه اصفر وشكالت دكتوره..

ام جوري....والله عمه ياريت لو مارايحين غير هناك تخربطت من جاي تسحبلها دم ...

بيبي ....يااا ليش لا هيه بنتج مو سبعه مابيهه خير خوافه ووهواسيه

جوري.... جنت مدده بلفراش  واسمع بيبي تحجي عليه..بله هاي شلون بيهه  متكول مريضه ضغطها شي  لا  هيه بس تعرف تكول مابيهه خير نوب لليل واني وباقيه الوب من ايديه وصدوك حيل خفت لاصار شي بيه كتله ل علي كال اسئلج دكتور احمد...

....امي تكلي عادي كم يوم وطيب لاتخافين بس اني اضل قلقه فتحت فوني جان عندي كروب الحوامل على الفيس نزلت منشور وحجيتلهم سالفه واجتني كومة تعليقات حته مالحك ارد بس جانت اغلب تعليقات تكول موزين تعوفيها روحي طبيب يشوفج انتي حامل ومن هل حجي نوب خلوني الناس بااكثر خوف راسلت صديقتي بسمه هيه هم اختصاصها تحليلات وكتلها هيج وهيج كالت عادي حبيبتي حطيلها ثلج واستمري كم يوم وصير زينه والله سويت كالتلي عليه وهم ماشفت فرق ضلت تئذيني سبوعين وثالث يلا شوي صارت احسن....

..بهاي الفتره مريم ومهند اجوي يباتون يمنه لان مريم قربت ولادتها ومهند وعمتي والكل مخبصوص بيهم يجهزون اني صار موعد دكتورتي اجت ويايه امي هل مره علي جان ملتهي بلشغل ويه سجاد صار شغله ، فـ رحنه وكالعاده انتظار علما تجي دكتوره ويدخلون مراجعين قبلي يلا ادخل اني كتلها سكرتيره خلي تدخل امي ويايه كالت اي عادي ودخلنه...

.. سلام عليكم دكتوره..

د....عليكم سلام بنتي كارت مالتج وين

..

جوري... نطتيتهه قرت كالت روحي للسديه سونر رحت وهيه اجت خلت سونر ع بطني واني كلشش خايفه واجيب واندعي كون تبشرني دكتوره بطفل مابي شي..بس هيه ضلت ساكته كلشي ماتحجي بس تباوع وبقت دقق كلش حته تعبت وجرت كرسي وكعدت تباوع ارد اسالها بس ماكدر اختنك وبجيت بلحظتها دكتوره انتبهت عليه باوعتلي كتلها بصوت مخنوك  هاا دكتوره....

....فرت راسها بأسى وصارت تسالني...

د... طفلج السابق شكد طول وتوفه..

جوري...  بس طلعوها من بطني بنفس اليوم

..

د... وشكد جنتي حامل بوقتها..

جوري... جان بعدلي 4ايام ودخل تاسع ودخلوني عمليه سكتت بعد ماحجت طبعا امي جانت كاعده كبالي من سمعتها تسالني لزمت گلبها واشوف شفايفيها تتحرك كاعده وتندعيلي واني اباوعها وعيوني تكت دموع ، وكله هذا ودكتوره بعدها تباوع بسونر وساكته تعبت حيل هواي اتاخرت بس ماعرف ليش صار عندي فضول ارد اعرف شنو جنس طفل سالتها بصوت مخنوك.... دكتوره شنو بيه ...

د.... مابين بنتي هسه اهم شي كولي يجي بسلامه واتمام الخلقه ...

جوري.... اي والله اهم شي ها اكلج دكتوره طالعتلي مثل حبايه بس جبيره جوه بطني صايره  ولاول مره تصير ويايه..

د.. هسه اشوفها لحظه بعدين حجت بصوت ناصي بس مسموع... العامود الفقري للي بطفل...

جوري... جان رئساً تسكت فتحت عيوني كتلها ...شنو شبي طفل دكتوره...

د...  هسه عوفي خلي اشوف الحبايه...

جوري...كلبي ضل معصور كلت شبيهه دكتوره لافت السالفه ومكاالتلي واني هم بعد ماسالتها ..

..

د..  هاي محمله جراحه...

جوري...جابت مكص وقطن وهذن ادوات وجتي سوتليها بلمكص ومتت من وجعها كالت تحملي بلكوه خلصت وكتبتلي دهون الها وخلت شاش ولزكتها وكالت يوميه لزكيها حته لاتلتهب بعد.. كتلها ماشي وكالت عشرة ايام وتجين علمود الحبايه تره موزين اذا هملتيهه كتلها انشاءلله طلعت منها

بس حجاية دكتوره ترن بذني كالت عامود فقري شنو عامود بس شغله بعدين نسيتها وكلت يجوز داتتاكد بس امي معجبتها دكتوره لان من سالتها عليه مجاوب تكول شدعوه هيج ماتتحاجه ..

.. رجعت للبيت وعلي جان توه راجع من شغل ابتسمت وكتله  ...الله يساعدك ...

علي...ويساعدج شوكت اجيتي من دكتوره ...

جوري .. مصار هواي..

علي ..اي وشكالت..

جوري... ماحجت شي هلمره وعلمود هاي حبايه كالت عشرة ايام وتعاي..

علي...وضع طفل شلونه..

جوري...  مكاالت شي وحته من سالتها شنو بيه كالت مابين بس اني اعرفتها بنوته دام ماتبين ...

علي.. ادري غير تفتهمين منهه لعد شكو داترحين غير نعرف وضعج وضع جنين ...

جوري...فريت عيوني بنزعاج ..  ياعيني واذا هيه ساكته وعل كولت امي ماتتحجه لو تحجي كلمه كلمتين لو ماكو.

علي .. لازم انتي ماعندج لسان تحجين مو....

جوري.. اهوو علي شتريدني احجي لو اكو شي جان كالت شنهي هاي....اباوعله سحب ملابسه بس بعصبيه ...

علي... امشي نزلي حضري غده...

جوري.... نزلت وهو راح يسبح كمل وكعدنه ناكل واحنه ساكتين واني مدري شبيه ضايجه احس اكو شي ماعرفه شنو دوم احساسي مايخيبني....

....مرت الايام وصادف يوم الخميس تاريخ 2019\7\18 مريم اشوف وضعها مثل خايفه گتلها عمتي ...شبيهه مريم ...

يسر....باجر صبح تروح للمستتشفى تجيب...

جوري.... هااا الله يسهل عليها... للصبح بل 8 كلهم راحو للمستشفى ويه مريم واني جنت وحدي بلبيت نضفت وغسلت ملابسهم خابرتني تبارك..

تبارك...  ها جوري شداتسوين وحدج بلبيت لو يمج علي...

جوري ... لا وحدي علي بشغل..

تبارك... هااا يلا اني جايه خو ماكو شغل بلبيت ...

جوري.. لا فضيته ماعنده شي..

تبارك...يلا خوش..

جوري... سدت الخط وره ساعه اجت هيه وجهالها گتلها ...ها تبارك بشري جابت مريم لو لا ..

تبارك... توني خابرت امي كالت دكتورتها بعد مااجت ويردون منها تحاليل..

جوري....  يالله خطيه ربي يسهلهم..

تبارك...  امين...

جوري... بقيت كاعده جوه يمهه وهيه جانت تراسل اخواتها لل ،2 ضهر واني جنت اغسل ماعين الغده واجتي تبارك تخابر وتضحك ويتباركون عرفت مريم جابت گبل سديت الماي ورحت اركض يم تبارك لكيتها تراسل كتلها ...هااا بشري..

تبارك... اي جابت الحمدالله بنوته  انشاءلله يوم الج وتكومين بسلامه...

جوري... تسلمين بس صدوك حيل فرحت لمريم ول مهند بعد انتظار 10سنوات دعيت الله يفرح كل محروم.. بس الكل جان مصدوم من كالو اجتهم بنيه لانو مريم جانت تكلهم بيه ولد وهيه اصلا جذب جانت بيها بنيه بس ماعرف ليش سوت هيج بس علمود عمتي تكيف بلولد اكثر ويهتمون اكثر بيها مادري شنو هالعقليه..

.... بهل اثناء موبايلي دك

ررحت شلته لكيت امي تخابر وكتلها ...مريم جابت...

ام جوري... اي صدك مو جانو يكولون بيها ولد شو طلعت بنيه...

جوري... اي يمه ماتعرفين سوالف مريم شتعرفيها قابل ... ضحكت وكالت..

ام جوري... هسه موزين صار عندهم ان كان ولد او بنت الله رزقهم ..

جوري...  يي مفروض يحمدون الله شبيها لبنيه...بقينه نسولف اني وامي نهيت منها الاتصال شفت رساله من عمتي ندى وكاتبتلي يوم نفرح بيج حبيبتي جوري وتكومين بسلامه...

...من قريت رسالتها دمعت عيني ولزمت بطني اجاني احساس انو مايفرحون بيه گتبتلها ماتفرحون بيه..

ندى... يااا شبيج جوري اكو وحده هيج تكول ليش تتفاولين بلعكس..

جوري... ماعرف عمه مخنوكه هواي... وعفتها صعدتت للغرفتي لكيت علي نايم رحت فتحت شباك  وايدي ع الحايط وعيني ع سمه ودموعي تنزل عشره عشره شبيه شجاني ماعرف  علي كعد...

علي... شو فاتحه شباج سدي يلا..

جوري... حجه بنتره سديته ومسحت دموعي ..

علي... منو جوه شنو هاي لهوسه..

جوري... مريم جابت ع اقل خابره لـ اخوك اتباركله اول طفل اله ....سحب فونه محجه شي واني بعد نزلت...

تبارك....  تعاي جوري نضفي طبلات الاستقبال اليوم يطلعوها من مستشفى لمريم اريد كلشي جاهز...

جوري...  ماشي... اخذت السفنجه والخاولي ورحت انضف بيهن وحضرت باقي شغلات للعصر تبارك دزت محمد اخوها للمحل يجيب نفاخ ونشرات وسوت تزينات واحروف هاي كلها بلغرفه لليل ساعه 10واحنه كاعدين نسوي عشا لان راح يجون وكاعدين ننتظرهم علي  نزل مبدل وكال رايح للمستشفى وياهم لحد مااجوي واني وتبارك واكفين بلباب نزلت عمتي واشوفها تضحك وبيدها طفله ومريم بلكوه تمشي عمليه مسويه وعمي ومهند بيدهم الغراض مال طفل وجان الكل فرحان تباركت الهم اجت امها واخوتها لـ مريم وسوالف وضحك صدوك جنت اشوف بعيون الكل فرحه الما تصفهم وره ساعه الكل اجوي عماتهم خالاتهم والبيت صار هوسه ....

.. اله اني جنت عبالك بغير عالم خنگه بگلبي محد يدري بحالي غير بس الله عمتي اجتي للمطبخ شافتني واكفه...

يسر....  جوري ليش صافنه ودي جيبي حضري فواكه ودي للخطار ميصير هيج...

جوري... فزيت منها اني طبعا كتلها هاا يي عمه صار على سريع كمت اخلي بمواعين فواكه وصينيه واروح اقدم وارجع وع هاي موال والماعين العشه لسا ماخلصتهن غسل اباوع مطبخ كله هوسه يرادله كومة شغل اريد احد يساعدني ماكو تبارك التهت بنت مهند مامصدكه صارت عمه.....

..وشغل كالعاده كله براسي لل 2بليل يلا كدرت اصعد غرفتي وحته من تعب گبل نمت ومادري بنفسي وبهاي لليله واشوف احلام وطبعاً اني طول هاي فتره احلامي كلش مزعوجه منها اشوف كوابيس وحيونات اله بذاك اليوم اشوف بلحلم حيوان ضخم جبير لونه رصاصي بس ماعرف شنو من نوع حيوان هذا لاهو خنزير لاهو نمر ماعرف حيوان عجيب غريب ولساته بالي فزيت من النوم واني لزمه گلبي وعركانه وجسمي يرجف يممه هاي اني شفت حته علي كعد ع فزه مالتي ...

علي.. شبيج ليل كله تتفزفزين...

جوري...احس بلاعيمي مطبكه كوا حجيت ... مادري علي خاايفه ...كمت ابجي...

علي... تعاي يمي ليش بعيده..

جوري...  لا خليني مااجي...

علي...  مو دكلج تعاي يلا لاتعاندين...

جوري.. ماا اجي ماريدك بقيت بعيده عن علي حته اتنرفز منه وهو هم زعل ورجع نام لثاني يوم اكعد واني مريضه صخونه ونحول بجسمي وكلما ارجع انام اشوف نفس الحلم وهم افز نفسيتي حيل تعبت وماعرف سبب ....

يتبع.

انثى 💜ملائكيه

اخطاء لايمحيها الزمن

انثى 💜ملائكيه

اخطاء لايمحيها الزمن

هلووو حبيباتي ياريت تصويت يصعد وتعلقون بين لفقرات مجاي اشوف تفاعل 😢💔اذا كملت البارت باجر احتمال انشرا

جوري ...مرت ايام لحد مااجه يوم السبت االي هو موعد دكتوره كتله لعلي...اريد اروح اراجع دكتورة ...

علي... مو ذاك يوم رحتي ماكو روحه بعد ...

جوري... علي هاي شبيك غير كالت موزين تعوفيها حبايه ..

علي...اي عوفيها ميحتاج هيه طيب وحدها ..

جوري... علي خليني اروح تره مو بكيفك.... كام يصيح ويتعارك وعافني وطلع خابرت امي ابجي كتلها ....ميقبل اكيد من وره لفلوس ...

ام جوري... معليج بي اني انطيج صحتج اهم عندي من طفل مديشوفج مريضه امشي اني اخذج...

جوري... يلا انشالله ...اجه علي وكتله لفلوس من امي بعد شنو كلشي ماحجه بعد ويايه بس امي اصرت تاخذني للدكتوره ورحنه الصبح اول مدخلت للدكتوره كتلها ...دكتوره علمود حبايه كتيلي تعاي ..

د... صعدي للسديه..

جوري... رحت وهي اجتي..

د ... طلعي بطنج اسويلج سونر...

جوري... فتحت عيوني... دكتور سونر ليش مو ذاك اليوم سوتيلي...

د.. احسن بنتي...

جوري... بعد مكتلها شي بس صارت بيه خوفه وكلبي يدك سريع  سوت سونر وشوي وكاالت هاهيه راحت للمكتب ملتها واني جنت داعدل بملابسي....

د....  جوري اني دزيتج تسوين دوبلر لو لا..

جوري...نعصر كلبي رأسن فريت راسي ودموعي نزلت من كالت دوبلر حسيت طفل بي شي كوا طلعت من لساني ..لا ...

د...تمام اكتبلج وروحي دكتور فائق تسوين دوبلر وتجيني...

جوري... اخذت منها الورقه واني تغيرت احوالي امي اباوعها شكلها تغير وجنها خايفه ومسطوره بيه..

ام جوري... دكتوره فدوه طمنينه خو ماكو شي...

د.... انشاءلله ماكو شي ...

جوري....اخذت من دكتوره الورقه وطلعت ودموعي تنزل وامي صارت فد مره خفنه طفل بي شي گتلها... ماما اوكفي خلي اخابر علي يجبلنه فلوس لان خلصت.... اتصلت ع علي واني كوه احجي مخنوكه حيل.... علي لازم تجي وجيب وياك فلوس دكتوره طلبت مني دوبلر ...

علي.. شنو يمعوده ..

جوري.. علي مثل مداكلك ..

علي...يلا الله كريم..

جوري.. انتظرك... سد الخط علي هم جان مدري شبي بس يتعارك ويايه ويصيح ع اقل شي اثنينه منعرف حالنه شنو كعدنه اني وامي وهاي اني باقيه ابجي ع حضي باوعت الورقه كاتبتلي انو اسوي يم دكتور فائق وهذا اعرفه كلش غالي يعني دوبلر مالته يطلع بورقه هيج سعر..كتلها .. شلون يمه خاف علي ميكدر يدبر فلوس هلكد ...

ام جوري..  اكولج صدك قبل فتره خالج نطاني 250الف كال هاي ل جوري شوكت متحتاج تاخذ منهن بس للدكتور مو لغير شي وكت ضروره ...

جوري...وليش يعني نطاج...

ام جوري...  يمه خوالج يعرفون بحالتكم الماديه شنو ويعرفون وراج جيبوبه ومصاريف...

جوري... شنو قصدهم يساعدونه لو شنو...

ام جوري...  لالاتعتبريهه هيج..

جوري...كبل قاطعتها كتلها ...يمااا يعني الى متى فهميني والله خجلانه منهم فوك مااني مقصره لاروحلهم لااجيهم ليش هيج يسون سؤالهم عليه كافيه.....

ام جوري... ربج ميكطع احمدي الله يمه جان منين انتي جيبين وابوج هذا ابوج شتعرفين عنه يكدر قابل ينطيج وهذا شغل رجلج يادوب يكفي مصرف ...

جوري.... اخذت نفسس كتلها... وربي ماعرف شلون اجازيهم لبيت جدي بل خصوص خالي...

ام جوري... اندعيلهم يمه اندعي كون الله يفرحه بطفل...

جوري...  انشاءلله ربي يفرحهم ويفرح كل محروم..

ام جوري....  دخابري هسه لـ علي وكليله لفلوس مخليته عند بيبتج خلي ياخذهن منهه...

جوري.... كتلها ماشي خابرته وكتله...

علي... صدك تحجين ومنيلج هل مبلغ واني وكاعد حاير بلفلوس كتله...

جوري... لاعلي لاتحير خالي دازلي 250 الله يرضه عليه دنيه واخره على طول اندعيله من گلبي.. ..

علي.. يمعوده شلون هيج..

جوري... اني مثلك مادري بس مخليهن يم امي ومادري وهسه هيه كالتلي...

علي.... ديلا هسه جايكم...

جوري... لاتنسه اخذهن من بيبي وخلي نروح اليوم اسوي دوبلر وسديت الخط منه....لهناك واجه علي شافني ابجي...

علي...  خير خو ماكوشي...

جوري...  ماعرف علي حيل خايفه لان ليش دكتوره طلبت دوبلر ..

علي...كولي يالله ياعيني انشاءلله ماكو شي يجوز رادتت تتأكد يلا امشي وبلا بجي...

جوري... مسحت دموعي وطلعنه وامي ويانه جان عمي ابو رضا جاي بسيارته ويه علي سلمت ع عمو وكعدت وطول طريق احس گلبي يريد يطلع من  مكانه  خايفه احساسي لايكون بمحله علما وصلنه لشارع المغرب بالف ياعلي ازدحامات قافله شوارع لل ساعه 11الصبح وصلنه للعياده نوب كعدنه بلانتظار لان عالم كاعدين وزدحام حته يم دكتور اني وامي كعدنه وعلي وعمي طلعو بره ينتظرون اجت وحده كعدت كبالي وبس تباوع عليه واني هنا لايبه ارد بس ادخل للدكتور كمت من مكاني اروح منا واجي منا وابجي واندعي من الله كون طفل مابي شي وجان اسمعها تكلها امي شبيها لبنيه حامل لو شنو كالتلها اي حامل كالتلها عند يادكتوره تراجع امي جاوبها يم د ابتهاج كالتلها ني هم يم ابتهاج والله ايدها عافيه وكامت تسولف حالتها لامي وني هنا تعبت من الوكفه امي كلسا تكلي كعدي اكلها ماريد اكعد شوكت تفرج وادخل للدكتور...

.. طلعت بره اشوف علي اريده يحجي ويه سكرتير اني استحي اكله ماعرف ليش ماعندي جراءه رحت واشوف علي صافن وبيده جكاره ويدخن وعمي بصفه يحجي ويا بس مفتهمت ع شنو يحجون ،صحت... علي... دار وجهه ....

علي ... هااا شبيج..

جوري...  فدوه دكله للسكرتير خلي يدخلني تره مليت من الانتظار وتعبت...

علي...ميخالف هسه اروحله وانتي روحي كعدي...

جوري...  ماشي ..و بداخلي كاتلني فضول ياربي اريد اطمئن ع طفل  رحت كعدت يم امي وهاي المره بعدها تسولف ويه امي وضاهر مسولفتلها حالتي  اشو كامت تكلي كثري بالاستغفار وصلي صلاة الاستغاثه بفاطمة الزهراء وهيه توكفلج ومن هلحجي واني اكلها اي خاله انشاءلله لحد مااجه سرايه كمت ع حيلي حسيت گلبي راح يوكف على دقيقه ياربي بجاه ام البنين انظر لحالي واريد تفرحني بطفل سليم ...

... دخلت للدكتور سلمت كال اهلين جوري تفضلي كعدت كام يسئلني...

د... انتي الي اجيتني قبل سنتين وطفلج جان هيج وهيج بي...

جوري...هزيت راسي بمعنى اي اختنكت ودموعي نزلت مكدرت حته اجاوبه ..

د... يلا تعاي..

جوري.. صعدت للسديه نمت وبده يشتغل خله سونر ع بطني وكالعاده ساعه علما خلص سالته ...دكتور ماكتلي طفل شلون حالته... باوعلي  وكال..

د.... الله كريم بنتي بعدج صغير بس ولله هاي دكتوره تكلج الحاله اني راح اكتب تقرير وادزلها والباقي يمها..

جوري.... من كالي هيج دكتور گلبي ابد مارتاح شنو قصده بكلامه يعني بي شي طفل يلعن حضج جوري اذا جان صدوك  طلعت من دكتور وكوه اسحل بنفسي حسيت نفسي انتهيت من هسه حيل مضل بيه شافتني امي ...

ام جوري...هااا شكال احجي..

جوري... يمه ميكول غير يم دكتوره تعاي هم ننتظر علما نتسلم دوبلر ونرجع للدكتوره وتحجيلنه ...

ام جوري.... يمه غير كون تفرحينه اللهي وسيدي ومولاي لاتلوعنه نريد فرحه منك...

جوري ... بقت تندعي امي وتبجي وهاي المره الي وياها خطيه هم ضلت تندعيلي وتكلي الله يجبر بخاطرج وكل هذا واني حالتي حاله فكري وعقلي مشتت ساعه اكول واتفائل بلخير اكول رب العالمين راح يعوضني ومستحيل يخيب ضني واكيد راح يفرحني علما طلع سكرتير وسلم دوبلر لـ علي بودي اطيررر بسسرعه وادخل للدكتوره وتبشرني وتكلي طفل مابي شي  بس ماعرف ليش هاي خنكه الي بيه وصلنه للمستشفى ساعه 1ضهر همزين لحكنه على دكتوره لان تطلع من وكت كبل رحت للسكرتير كتلها.... فدوه دخليني على سريع مصار من ساعه من طلعت من دكتوره ودزتني ع دوبلر...

.. كالت اي حبيبتي بس اصبري شوي اكو مراجعين يمها ..

جوري... يلا... بقيت واكفه حته ابد ماكعدت دخيلك ياربي اباوع امي تعبت وراحت كعدت ع كرسي سوده عليه شافو مني اهلي غير بس شلعان الگلب...

....شوي واسمع سكرتيره تصيح اسمي جوووري فزيت من صفنتي باوعت باب مال عيادة دكتوره مفتوح التفتت ع امي لكيتها ورايه عبالك مثل مترردين ندخل او لا..مشيت ع كيف وبكل خطوه اندعي وابجي وصلت يم دكتوره نطيتها دوبلر الملون  بدون اي كلام وامي كذلك..فتحته هو صاير مثل ملف بس صورة طفل وجوه كتابه انكليزيه كامت تقره بس بدون صوت رفعت راسها جان تكول ...

د....مزوجه ابن عمج ...

جوري...لا دكتوره ابن عمتي واحنه كرايب...

د...  شوفي بنتي اني راح اكون صريحه وياج طفلج مشوه ..

جوري... باوعت دكتوره كمت احجي واقطع بكلام مثل صدمه... ششش ننوو دكتوره لاعفيه لاتكوليها...

امي كامت دك بنفسها وتبجي...

ام جوري... شنوو دكتوره شبي يعني مشوه هم كلياته ..

دكتوره..والله ياام جوري جنت هذا خايفه منه كلت خاف يطلع بسبب الكلى بس ماكو مابيها شي بس طلع الاكثر من هذا طفل اكثر من تشوه بي عندها مي براسه وخلل بلعامود الفقري واكو خلل بلحبل السري يعني الطفل ياكل بحشائج مايوصله غذاء عبر حبل السري  ويذكر موجوده تشوهات عديده بطفل ..

جوري... طبعاً هنا جانت دكتوره تشرح بتفصيل واني ابجي حييل انهاريت شافتني د بهاي الحاله سكتت ماقبلت تكمل ...

ام جوري... دكتوره والحل شنو هسه...

د....شوفي هو لو يموت بطنها يااما من تولد شكد يريد. يعيش يوم او يومين ويموت مثل هيج حالات ميعيش طفل بكل الاحوال اني الي برئيي تنزل طفل افضل الها خطيه هيه هم تعبت بس دقيقه اخابر

دكتور فائق واتاكد منه ..

جوري.... تصلت عليه وكامت تحجي ويا بل انكليزي واحنه بعدنه كاعدين يم دكتوره بقينه بلنص ساعه واحنه بعدنه وهيه تشرح علما خلصت مكالمه جان تكول...

د.... بنتي تعالي شهر جاي ونزله للطفل ميبقه بطنج احتمال يموت حته نبض ضعيف وحركه مجاي تحسين اكو مو ...

جوري... اي دكتوره ماحس بحركته ...

د... اي فـ تعاالي شهر جاي وهم نعيد دوبلر....

جوري... دكتوره ياريت اعيده اليوم وبغير مكان يعني بلكي اكو خطأ فدوه دكتوره سويلي جاره اريد طفل يجي وكلشي مابي ..

.. اخذت نفس دكتوره وكالت... حبيبتي الله يعينيج احنه علينه جاي نسوي الج الله  اذا تردين اكتبلج وترحين يم دكتوره خوله بلمنصور عيادتها دكتوره شاطره ودوبلر يمها مضبوط اذا رايده تتاكدين....

جوري.. ياريت ..

د... هاهيه...

جوري... كتبت ونطتني الورقه كتلها... باجر اسوي..

د..  شوكت ميعجبج سوي وتعاي..

جوري...  انشاءلله... طلعنه من دكتوره واني حالتي حاله اتهسترت عبالك وبدون وعي كمت اتصرف صرخت وبجيت وحته ردتت اوكع من مكاني دوخه لزمتني كعدت ع كرسي لزمه راسي واشهنك ماضل حيل بيه والله ليش ياربي ليشش اجوي مراجعين والنسوان التمو عليه ويندعولي ويهدون بيه لهناك وماسمع غير صوت علي ورايه...

علي.... جووري ..

جوري...كلهم باوعو عليه وحده كالت

هذا مو زوجج جاي يصيحلج كمت ورحت يمه ..

علي... شبيج مدكليلي دخلتي للدكتوره..

جوري.....اباوعه يحجي بعصبيه ودموعي تنزل كتله... دخلت وياريت ماداخله... طبعا هو رئساً عرف اباوع بعيونه بسرعه غرغرت بدموع..

علي...  اششش لاتكملين اممشي يلا..

جوري... اني هنا ايدي كامت ترجف جسمي احسه يون راسي راد ينفجر من الوجع وعيوني مثل شلاال ركبنه سياره وطول طريق اندب بحضي وابجي واعيط وعمي وعلي يتعاركون ويايه..

....عمي يكلي كاافي جووري لاهيج سوين بنفسج تره صحتج اهم من كلشي طفل يتعوض بس انتي اذا صارلج شي منو يفيدج عود بعد  وتره مو انتي اول وحده صار الي صار وياج هاج اني مو كدامج فقدت 2اطفال هم ماعاشو بس ماسويت هيج ولاحته مرتي صحيح واحد ينقهر يبجي مالومج بس خووما اضل ابجي واكول حضي وحضي تره ميصير و نكول حمدالله ع مايقسم الله لنا وهاج  اني ربج عوضني ب3اطفاال ويجي يوم الله يعوضكم انشاءلله ياعمي كااافي والله انقهر عليج بعدج صغيره والحياة كدامج وكلشي تشوفين بيها والانسان معرض اللابتلاء، والحياة ياعمو تحتاج صبر وتذكري وراء كل ضيق فرج وربج مدوم ع الحال لابد يجي يوم تفرج وكولي ومكال عمي..

جوري.....اباوع عمو يحجي ومانطاني مجال حته احجي حجايه كلنه نستمع اله اني امي علي بس اني ضاله ع حالي ابجي احس حته صبري خلص صارلي سنوات اكول شنو لعد الي تغير من حياتي اشو اللاسوء من حمدلله يارب اريد منك الصبر والقوه وصلنه للبيت بس اني نزلت يم اهلي مالي خلك اروح لهناك واسمع كلام من عمتي وانغث فوك مااني مغثوثه  اول مادخلت بيبي شافتنه ...

بيبي...هااا خيرر شبيها جوري..

جوري... ني ماحجيتها شي بيه كافيني رحت لغرفة اهلي

طبكت الباب ماريد اشوف اي بشر كرهت دنيا كلها ذبيت شالي والعبايه وكفت كدام المرايه اباوع بعيوني حمر من البجي وجهي تعبان اووف ياجوري بعد شنو الي راح تشوفي بحياتج مامكتوبلج الفرح بيوم عيوني تكت دموع كعدت بلفراش خليت راسي ع مخده غمضت عيوني من تعب غفيت ومادري بنفسي شوكت نمت وكالعاده احلامي كلها كوابيس وحيونات مخيفه اكعد مرعوبه من الحلم ورجع ابجي ماشفت غير امي يمي تحجي ويايه بهدوء ...

ام جوري...كومي يمه جوري توضي وصليلج ركعه قضاء حاجه وين الله ويباوع حالج...

جوري... هزيت راسي اي تذكرت اني حته صلاة الظهر فاتت عليه كمت للمغسله توضيت وكفت صليت لحد ماكملت سجدت وصرت ابجي واطلب حاجتي رفعت راسي شفت اخويه حسن يباوعلي ودمعه بعينه احس بعيونه كلام وهو بس يباوعلي ميحجي شي لان هم شبهه مصدوم من سمع بيه جان ع طول من يشوفني يكلي شوكت اصير خال وشوكت تجي رقاوي..جنت اكلهم اهلي ولـ علي اذا تجيني بنوته اسميها رقيه طلبتها من سيده رقيه وتمنيت يكون حقيقه....

..كاعده وابجي ع سجاده سمعت امي تصيح جوري وينج كمت رحت لكيتها واكفه بلباب ويمها عمي ابو علي وبيبي يسولفون..من شافني عمي كال....

ابو علي....امشي لبسي عباتج ويلا ع سريع...

جوري...حجيت بتعب ... لوين نروح...

ابوعلي... مو دكتورتج دزتج ع دوبلر بلمنصور امشي هسا سوي وفضينه..

جوري.... جان عمو عصبي اني هم رحت ع سكتي لبست وطلعت للسياره وعلي جان ويانه وعمي ابو رضا اخذنه بسيارته وطبعاً هاي اني طول طريق دموعي ماوكفت لحد ماوصلنه للعياده جانت ساعه 5العصر لكيناها مزدحمه عمي حاول عود بواسطته يدخلني لان هو موظف عسكري ونطه بغاشيش للسكرتيره عمي طبعه ميحب الانتظار يريد على سريع....

...بس هم بقيت كاعده تقريب نص ساعه واني بعدني تبارك خابرتني جاوبتها بلكوه عرفتني ماريد احجي كالت انطيني سكرتيره اني احجي وياها..كتلها هاي حماتي تحجي وياج تره مالي خلكها اخذته مني واسمعها تبارك تكلها فدوه دخلي وياها وافتهميلنه شبي طفل تراها طرنه متفتهم فـ اريدج وياها..

....اني هنا اسمعها وافور بداخلي يمكن لو يمي اكطعها واطلع حركة گلبي بيهه سكرتيره كالتلها ماشي تدللين سدت الخط اخذت منهه موبايل جان تسالني شنو حالتج عيني كتلها اني حامل ودكتوره كالت طفلج مشوه واني سويت اليوم دوبلر بس رايده اتاكد يم د خوله. كالت ماشي يلا تعاي ويايه دخلتني للدكتوره نطتيها اوراق كلها شافتها وحته دوبلر جديد ولقديم مال اول طفل رفعت راسها ..

دكتوره ... شنو انتي وليش تزوجتي كرايبج اذا تعرفين عندكم وراثه على مالمن ازوج ورب الي انتي تزوجتي غير تسوين تحاليل من قبل زواج هيج لعد احسن ...

جوري....طبعاً دكتوره استلمتني حاصل فاصل مانطتني مفكه حته احجي ونوب ماعرف شبيها عصبيه وتحجي من كفه خشمها وتعلي صوتها عليه ابد ماحبيت سلوبها كتلها.... دكتوره اني ماعرف انو عنده وراثه علما صارت الحاله وسالت بعدين عرفنه وله احنه شدرانه وبعدين اني وزوجي فصلية الدم متوالمه ...

دكتورة... اني مداحجي ع هاي اقصد لازم تسون تحليل جينات وراثيه قبل زواج دام انتو اقارب ويلا امشي صعدي للسديه...

جوري... سكتت بعد مجاوبتها شي غير بس دموعي تنزل خرب حضي هاي وين جانت الي سوتلي دوبلر وحته بسرعه خلصت ...

دكتورة... كومي اصلا اني لو مني ومنج اروح انتحر  وشكو مخليته بطنج طفل مششوه شنوو شتسوين بي لخاطر الله....

جوري...فتحت عيوني اباوع دكتوره تحجي وتتعارك ويايه زيدت طين بله فوك مااني الي بيه نوب دكتوره طلعتلي مخبله حتى ماراعت مشاعري والي اني بي وبس تتعارك جان ترجع تسالني..

دكتورة.. وين تحاليلج مسويه تحليل مال تشوهات لو انشاءلله هم مامسويه ..

جوري... بلا مسويه موجودات ويه دوبلرات... فتحت الاوراق لكتهن هواي شافتهن ...

دكتورة... لعد ليش مذكور طفلج طبيعي اول اشهر...

جوري... ماعرف بلسونر الملون تبين

طفل مشوه سدتت الاوراق حيل وركعتهن بلمكتب ملتها ..

دكتورة... روحي رجعي دكتورتج الزمي..

جوري... سلمتني الاوراق كلها ودوبلرات وطلعت واني حييل اتنفرزت من من ورها شنو من دكتوره لااسلوب لااخلاق واكفه وادردم وسكرتيره جانت تكبس اوراقي محجيت شي وياها اخذتهن وطلعت لكيتهم واكفين ..

ابو علي... ها فرجت ..

جوري...اي..

ابو علي..  شو انطيني..

جوري... اخذ دوبلر ونزلنه للسياره ركبنه جان يسالني ...

ابو علي... احجي ليش ساكته شكالتلج...

جوري....مسحت دموعي وحجيت بصوت مخنوك ...عموو شتريد احجي مو نفس شي لو ماجايه هواي احسلي... كام ينافخ ويسوي استغفرالله...

ابو علي... لو بس اعرف ليش كل هذا ديصير وياكم شجاكم عين وماصابتكم ..

جوري...جان الكل ساكت بس ابو علي يدردم ماسكت هو يحجي وني ماعندي غير بس دموع وصلنه للبيت كال باجر الصبح حضري نفسج نروح للدكتوره ونشوف شنوو تقرر بعد..گتله انشاءلله عمو ني نزلت من سياره دروح لهلي...

علي... وين امشي للبيت يلا...

جوري...  مااجي خليني هنا مرتاحه..

علي... وين هنا ترتاحين هسه شوي نوب شوفين واكفات ع راسج عماتج

..

جوري... گلت يبو لعد اني شفرقتها ..يلا امشي.. ورحت ويه علي دخلنه للبيت ساعه 6 المغرب شفت عمتي بلمطبخ هيه ومروه يسون عشه..گلشي ماحجيت مشيت وره علي بس جانن يباوعلي دام علي ويايه محجن شي.. صاحت مروه

علي عود تعال تعشه گلها اكلو بلعافيه ماريد صعدنه بلغرفه ذبيت غراضي سبحت وبدلت وعلي كذلك وكل هذا واحنه ساكتين هم اني وهم علي كل واحد عبالك بغير عالم مانعرف شنو الي راح يصير...

...اجيت مددت بلفراش خليت هتفون بذني اسمع ادعيه وابجي..علي كاعد ومخلي ايده ع راسه هو بجهه واني بجهه ، وره ساعه باب ندكت فتحا طلع ابو علي جان جايب لفات وببسي كال اتعشو لاتضلون بدون اكل موزين....كلت بداخلي اووف هو احنه بحال اكل شفته كعد يم علي ويحجي ويا يكله جنت بيت اهلها وتعاركت ويه امها  اني گبل درت وجهي عليه متفأجاه  بداخلي شنو متعارك ويه امي وليش...

علي... ليش شكو..

ابو علي... غير جاي نسولف وصار حجي وامها كالت دكتوره تكول عندكم وراثه ولهذا سبب گتلها احنه ماعنده وراثه خاف الوراثه بيكم ومن اهلج ...

جوري....جان يباوعلي كام يمسح بوجهه وحجه بهدوء..

ابو علي... حالة عصبيه كمت ماعرف شحجي ونفعلت هناك ع كلن هسه باجر ساعه 9 نروح للمستشفى...

جوري... وجان يطلع ويطبك وراه الباب وكل هذا واني ساكته وعلي كذلك بس حيل ضجت من كلام عمو ماله داعي يحجي ويكول وشكو جاي يحجيلنه فوك قهرنا شوي وشفت موبايلي يرن باوعته مرت عمي تخابر مجاوبتها مابيه حيل احجي شوي وكامت دز رسايل ...

يتبع ..

انثى 💜ملائكيه

اخطاء لايمحيها الزمن

انثى 💜ملائكيه

اخطاء لايمحيها الزمن

حبيباتي بارت طويل وتعبت بكتابه وكمية الالم بي حيل اذتني ياريت تصويت يصعد ..

جوري...فتحت رساله كاتبه هلو جوري شلونج بالي يمج شكالتلج دكتوره بعد..جاوبتها ماعرف باجر اروحلها ونشوف وسديت موبايل ورحت نمت جنت حيل تعبانه وراسي يوجعني مابيه حيل اي شي احس دنيا ظلمه بعيوني ...

.. لثاني يوم الصبح ساعه 10 اسمع علي يكعد بيه..فتحت عيوني بس بعدني نعسانه ...

علي...  يلا كومي بدلي خلي نروح..

جوري.... كمت من فراش وهاي ع سريع جهزت نفسي ونزلت بعدني مطالعه عمتي صارت كبالي مدري شعجب ابتسمت ...

يسر.... احمدي الله وانشاءلله هو يعوضج...

جوري... هيه من حجت وياي ماعرف ليش اختنكت دنكت راسي كلشي ماجاوبتها ع دقيقه ابجي وحته بس طلعت من باب البيت صرت ابجي علي وعمي جانو ع شارع ينتظروني واني طول طريق باقيه ابجي لحد ماوصلتهم لكيتهم موكفين تكسي ركبنه ورحنه اول ماوصلنه مستشفى طبكت سياره نزلت رفعت راسي وجان يصير واحد كبالي اجت عيني بعينه  اجه علي لـ يمي وكال يلا مشيت وراه وعمي قبلنه يمشي دخلنه للمستشفى اني رحت للسكرتيره گتلها ...موجوده دكتوره..

كالت لاوالله فوك عندها عمليات..

جوري... فدوه ياريت دخليني من وكت ..

گالت تدللين عفتها ورحت طلعت لكيت علي وابو واكفين شافوني هااا شوكت دخلين كتلهم بعد دكتوره بلعمليات...

  علي.... اهووو هاي دام بلعمليات طوالتها طواله..

جوري..... اكيد تتأخر..

علي... ليش واكفه انتي متكعدين هناك..

جوري.. ماكو مكان ازدحام..

علي... دكعدي يمج لعد....

جوري... طبعاً اباوع مكان مليان زلم بس اكو كم كرسي فارغ عاد كعدت عمو وعلي طلعو بره مستشفى يسولفون واني ضاله كاعده حاطه ايدي وابجي وتذكر كلام دكتوره لهناگ وماشوف غير نفس رجال الي ضل يباوع دخل وكعد گبالي وبقه يباوعلي اني دنكت راسي هسه مجان ناقصني غيرك حته ضجت من نضراته داكوم من مكاني وجان يجي علي...

علي... ها وين رايحه...

جوري... اشوف سكرتيره...

علي... لا امشي ويايه نسوي تحليل...

جوري..  عقدت حاجبي ...ماليش ..

علي... ولج خاف فصليه الدم مامتولمه اني وياج ..

جوري... لابربك شلون علاوي لو مامتوالمه جان مخلونه نعقد بلمحكمه ...

علي.. هو شنو انتي فصيلة دمج...

جوري...  A+...

علي..  لعد اني شنو ...

جوري...رفعت جتافي .. واني شدارني غير انته تعرف...

علي... امشي عيني للاحسن نسوي كلشي يصير...

جوري...  يلا هاهيه... رحنه للمختبر سحب دم الي واله عشر دقايق ماطول يمكن وطلعن تحاليل اثنينه +يعني متوالم ماكو اشكال كتله... علي يعني والله مالها داعي جان نسوي...

علي... يمعوده غير ابويه يريد يعرف سبب مجاي يقتنع بشي اسمه وراثه ...

جوري...  طبعاً لان شي صحيح محد يصدكه...

علي... يلا عاد روحي رجعي كعدي وبله لغوه زايده ...

جوري...  هاي شبيك علي وبعدين شلون تريد ارجع وحدي للمستشفى امشي وصلني عاد..

علي... تره مو بعيده وهسه اني جايج وابوي هناك ..

جوري...سكتت ورحت امشي ع كيفي بسس اخاف وحدي واشوف ناس كلها تباوعلي بلكوه وصلت للمستشفى اول مادخلت شفت عمو كاعد يم رجال الي هو نفسه كاعد ع نفس الكعده رجعت كعدت نفس مكاني وهو شافني ابتسم واني وكاعده وادردم عليه لشوي علي اجه جايب ويا مي وحبشكلات...

علي... اكلي ادري بيج مامكله من بارحه...

جوري....  والله ماشتهي انطيني بس المي..... احس معدتي متقلصه وكلشي ماتقبل حتى المي كوا اجرعه احسه يوكف بحنجرتي بقيت اشرب بلمي علي كعد بصفي اشو هنا منشوف غير ابويه يجي طبعاً تفاجأت بجيته لان اصلا ميدري بيه اول مشافني بلهفه سلم ...

ابو جوري.... ها يابه شلونج..

جوري...باوعتله جان شكله تعبان گتله ...يم الله.. ورجعت دموعي تنزل هو تخبل من شافني ابجي كعد يمي ويصبر بيه اجه عمو وكعدو يسولفون علي ماقبل ابقه يمهم يدري بيه تأثر..

علي...روحي هناك بلكي صار مكان..

جوري... كمت من مكاني دخلت شفت سكرتيره مشغوله والعالم بعدها وماكو مكان وحته اكو هواي حوامل واكفات فـ شفت وحده تباوعلي وهيه حلوه بيضه وعيونها كبار وناعمه شافتني ابتسمت جتي وكفت يمي...

الابنيه .. من شوكت اجيتي ودكتوره ليش ماكو..

جوري.... اجيت قبل ساعه ودكتوره بلعمليات...

الابنيه... عفيه بس هواي اتاخرت..

جوري....  اي بلكي تنزل ع ساعه....

الابنيه... انتي حامل..

جوري... اي وانتي شنو حاالتج..

الابنيه... اني هم حامل وعليه 3اشهر وكلش خايفه...

جوري... ابتسمت الهاابتسامه كذابيه كتلها... وليش خايفه...

الابنيه... صار عندي اسقاط مرتين..

جوري... بهل اثناء اجه واحد يحجي وياها ماعرف شلون اني درت وجهي واشوفه  نفسه هذا جان من شوي يباوع ويغمز  ويصخم من كبر..جانو واكفين هو وياها قريب مني و يحجي  وهو كبالي عينه عليه وهيه تبتسم وتتموع من تحجي وشوي واجت تضحك....

الابنيه... اي اكملج سالفه..

جوري... گتلها قبل لاتكملين هذا زوجج...

الابينه... اي زوجي...

جوري.... هاا الله يخليكم لبعض..

الابنيه... تسلمين ..

جوري...كلت بداخلي تهي بهي يالله مرته شلون حلوه وهو عينه على هاي وهاي اوف منهم رجال مامنهم امان..لساعه 11 اجت دكتوره اني رحت وكفت يم ابويه وعلي وابو...

...بنتي روحي كليلها سكرتيره عادي دخلين ويايه ابويه يريد يفتهم منها ...

جوري...واني هم رحت كتلها كالت اي عادي شوي وادخلكم..بعدني واكفه سمعت اسمي نصااح جوري يلا تعاي دخلي..رحت للدكتوره نطيتها دوبلر الي هو سونر فتحته وقرته قبل لاتحجي گتلها... دكتوره عادي يدخل زوجي... باوعتلي ورجعت باوعت للسكرتيره ...

د....هسه ابوها لو رجلها الي يريد يفوت ..

جوري... دكتوره هم الاثنيهم موجودين ..

د... روحي بنتي كليلهم وتعالو هلا بيكم ..

جوري...طلعت ع سريع شفتهم واكفين كلت لـ علي يلا كال وابويه كتله اي عادي حتلوواثنيكم عاد اجوي ورحنه للدكتوره عمي سلم ع دكتوره وقبل لاتحجي فتح الموضوع...

ابو علي.... دكتوره فهمينه شنو سالفه تره دايخين والله اليل مجاي نامه...

د..... حجي مشكله بطفل عنده تشوهات بلاعضاء مي براسه وطفل حته مجاي يتغذه من المشيمه وعنده اطراف اصابيعه قصيره وطويله ويوجد ورم بلرحم حسب ذاكري بلدوبلر الثاني وبعد اكثر توجد تشوهات عديده...

جوري....  طبعاً دكتوره تحجي واني ابجي لزمت گلبي من كاالت ورم حيل خفت حته هناك جانت وحده كاعده يمي من سمعت دكتتوره هذا كلامها كامت تباوعلي وتبجي وتكلي الله يعينيج ويصبرج جان دكتوره تسكت وتباوعها ..

د... وانتي شكو داتبجين متكليلي...

المرة... خطيه لبنت هواي قهرتني..

جوري... وصارت تمسح بدموعها جان ترجع دكتوره تحجي ويه عمي اووف اباوع حته عل حالي نبجه  جان علي واكف يستمع للدكتوره كلشي ماحجه بس عمي مانطها مفكه استلمها تحقيق وليش وشنو..اخر شي كلها...

ابو علي... والحل شنووو نريد االزبده...

د...  عندها حلين...

ابو علي... وهو..

د.... تسوي اطفال انابيب والحل الثانيه وراجع الكم اذا رايدين تخلوها بيد رب العالمين لان هذا شي يبقه يم الله لان وراثه مالها علاج  ..سكتت وجان تباوع على علي... كالتله الله كريم ابني....

ابو علي... دكتوره انتي جاي تكولين وراثه بس احنه ماعنده وراثه ...

جوري....عمي جان ابد مامقتنع بهاي سالفه..

د...  انتو اقارب لو عسى من سابع جد تضهر يعني تكون طفره وراثيه...

ابو علي.. وليش انابيب هيه صار عندها....

د... نسويلها حقن مجهري ناخذ العينه من الزوج ونحللها نطفه الموزينه نذبها نخلي بس نضيفه ونكدر نخلي اكثر من طفل فلهذا اني انصحكم بلانابيب وهسه احنه الي راح نسوي جوري لازم تنزل الطفل راح اكتبلكم ورقه واخذوها للستعلامات ...

جوري....باوعت دكتوره احجي بداخلي وهيه تكتب هاي من كل عقلها تحجي شلون انزله خليت ايدي ع كصتي ياربي صبرني ساعدني اللهي ماكو شي صعب عندك....

.علي.... يلا كومي شبيج ...

جوري... دايخه وراسي حيل يئذيني...باوع بعيوني وكال..

علي...  بداعتي جوري كااافي بجي انتي مجاي تشوفين نفسج شلون صرتي عيونج مورمات من وره البجه وجاي تئذيني اكثر مما دايصير كاافي لخاطري انتي عندي اهم والله ...

جوري....هزيت راسي وامسح بدموعي طلعنه وعمو وابويه راحو للستعلامات رحت كعدت كبالهم وهمه واكفين يحجون وياهم سمعت ابو الاستعلام كلهم دخوليه مليون....علي وعمو شفتهم واحد يباوع عل لخ اكيد ميكدرون حته يدبروها..ابويه شفته عاافهم وطلع اني ايست هنا طفل راح مني واحتمال حته اطلع من مستشفى منين علي يجيب هلكد مبلغ باقيه كاعده واباوع عل وضعنه منين ماالفتت الها سوده مصخمه..بداخلي قريت الفاتحه لام البنين لتسهيل الامر ونخيتها شوي واجه علي كتله ...ها شلون....

علي. ابوج طلع خابر على جماعه بلكي يكدر يدبر فلوس..

جوري.... علاوي تره احسب حسابك اكثر من مليون هاي اذا بس دخوليه وهيج....

علي.. يمعوده انتي لاتفكرين ربج هو يحلها ..تقربت منها ولزمت ايدها وامرر الابهام ...انتي صيري سباعيه ولاتخافين شوفي وجهج شلون تعبان  ...

جوري... جريت نفس ونزلت دموعي علي تعبانه ....جرني بحضنه ويحجي وياي بهدوء مشفنه غير ابويه اجه وطلع للستعملامات سلم لفلوس وكتبو ورقه نطوها اله واجا بتجاهنا...

ابو جوري... يلا تعاي ياب جوري....

جوري... رحت وراه طلعت كبالنه دكتوره...

رشا ...تعالي انتي جوري مو..

جوري . اي نعم..

رشا... تفضلي..

جوري... نطيتها الورقه فتحتلي فايل اخذت معلمومات مني وشافت ضغطي ..

رشا...ضغط هابط عندج بعد هسه اكتبلج حبوب..

جوري.... سوال ..

رشا.... تفضلي حبيبتي...

جوري... شلون اجيب واني ماعندي ولاده واني هسه يلا صار الي عشرة ايام بلخامس... ابتسمت وكالت..

رشا... عادي على اصطناعي تولدين وهاي حبوب تسويلج توسيع..

جوري...فتحت عيوني بخوف ... يعني طبيعي...

رشا... اي...

جوري...هزيت راسي برفض ..لا لاعفيه مستحيل اني اجيب طبيعي ماتحمل ائذيه مكافي الي جاي يصير بيه وكلبي يوجعني وماعرف اصلا شلون لهسا متحمله وعايشه ...

رشا....  لاانشاءلله سهله عليج كلها يومين او اقل وينتهي كلشي ولاتخافين خلي الامور على الله تره قبل كم يوم اجتنه وحده نفس حالتج هم طفلها مشوه ومات بطنها ونزلنا الها فـ شغله عاديه...

جوري....كلت بداخلي اي انتي عندج عادي بس عندي لا كلشي توقعت بس مال اجيب طبيعي من سابع مستحيلات طلعت بره دكتوره كالتله لـ علي عيني جيبلنه هذا دوه علي راح وابويه شفته ماهو سالت عمو كال راح يجيب امج حته تبقه يمج.....

...لحد مااجه علي صعدنه لفوك دخلت للغرفه طبعاً وحدي لان جانت جايه القابله ام ياسر..

ام ياسر... وين حبوب..

جوري.. نطيتها فتحتهن ..

ام ياسر.. يلا نامي حبيبتي..

جوري... شنو هذن الحبوب غير اشربهن ..

ام ياسر...كالت لاعيني شلون تشربيهن ..

جوري... شفتها كسرت نص حبايه واجت تخليها اني هنا متحملت صار عندي وجع كمت اعيط وبجي ... عوفيني فدوه..

ام ياسر..  شنو هاي جوري تره مدسويلج شي يمه شلون اذا اجتج طلوكه بعدج بلبدايه وهيج ...

جوري.....مااجيب غير اموت... بلكوه خلصت وعافتني وطلعت شوي واجت امي ضلت يمي جانت جايبه وياها ملابس شافتني لابسه بنطرون وبدي....

ام جوري.... كومي يمه بدلي لبسي هاي دشداشه ترتاحين بيها ...

جوري...والله مابيه حيل تعبانه ...

ام جوري.... شبيج تحسين بوجع..

جوري... هسا ماكو وجع قبل شوي صار ....

ام جوري...يلا الله يسهل ...

جوري....صارت ساعه 12ضهر واجت ام ياسر جايبه كانونه وبطل مغذي علكتهم الي وضربت ابر بل مغذي عرفت هذا المغذي علمود صير عندي طلوكه وينزل طفل....ليش بطيئ ينزل قطره قطره ..

ام ياسر... احسن بطيئ دكتوره وصت عليج كالت نخليها براحتها شوكت ماتجيب..

جوري... وجان تروح..بس ضلت ام ياسر تروح وترجع الي تسويلي فحص وتوسيع وكلما تجي اني اتخبل من وره الوجع ابقه اعيط واصرخ علما تكمل تكلي جوري لاتعبيني واتحملي ومن هلحجي اكلها خاله والله الوجع يوجع منو يحس بيه ...

ام جوري.. بنتي  لازم تتحملين لعد شلون احسن مما يدخلوج عمليه يايمه ويصير الوجع وجعين....

جوري...باوع امي حته بساع تعبت علي اجه يمي وجان يدك موبايله رد ع تصال....

اسمعه يحجي وي زوجها تبارك ..

ابو شهد .. شلونها جوري ومنو يمكم تحتاجون شي..

علي ...الحمدالله زينه سلامتك ابو شهد متقصر...

ابو شهد... راح اجيبها تبارك وخلي امها خطيه ترجع للبيت ترتاح..

جوري... اني كمزت وسويتله اشاره لـ علي بمعنى كله لا تجي مالي خلكها عوع لو تريد هيه تجي بدون ماهو

يكلها عيالي هسه فرحانين بـ مريم جابتلهم طفل اني شكو ورايه حته يجون يمي جنت احجي ويه روحي وابجي علي سد الخط من شافني ابجي باوعلي بعصبيه وكام من مكانه وطلع بره لل2الضهر اجت تبارك وزوجها اني عدلت كعدتي وخليت شال ع راسي..

..ابو شهد وهو يضحك اول مشافني ....ولج هلا شلونج..

جوري.. الحمدالله.. تبارك هم سلمت وكعدو ...

ابو شهد... جوريه جبتلج جبس ليز ادري بيج تحبي ..

جوري...وصار يضحك ويشاقه انتبهت ع علي يخنزرلي مافهمته شبي اجه كعد قريب مني وهمسلي وهو صاك سنونه ..

علي...غطي شعرج ثوله ..

جوري...وخر مني ورجع يحجي ويه تبارك واني ع سريع عدلته شالي ماجنت اكدر اسوي بيدي كانونه وكوه احركها واني معرف الف شال اله بيدي اليمنى المهم ضلو شوي وراحو.....

..ابو شهد رغم سلبياته واضوج مرات من نضراته الي. بس بنفس وقت اشوفه گلبه طيب وكفاته حلوه وبعدين عرفت من علي انو متعارك ويه تبارك لان مقابله تجي تريد تروح لبيت اهلها كايلها ليش مترحين يم جوري خطيه مالها احد ولاواحد بيكم راح وسال عنها وجارهه وجايبها واني جنت اشوف تبارك  اكول شبيها من كاعده احسها  عبالك جواها دنابيس وجاي تجكجك تريد بس تروح وماحابه تكعد ..

..المهم بعد ماطلعو لليل ساعه 10صرت احس بوجع مو طبيعي بس هلوجع يروح ويرجع گتلها... امي ولج يمه لحكيني هموت من الوجع ...كمت اصرخ امي عل سريع لبست عباتها وطلعت تصصيح على ام ياسر اجتي تركض..

ام ياسر...  هااا يااالله بلكي راح ذبي شوي نامي خلي افحصج ..

جوري... لا عفيه فوك الوجع البيه عوفيني ... كالت ياعيني بس شوي حته تخلصين منه اجتي فحصتني لو شاغت روحي هلمره الوجع اضعاف اشو هيه وداتفحص وجان يطك مي راس بس ويه ماعافتني ونزل مي راس اختفى الوجع كالت كومي ع سريع للحمام ويه مجايه اكوم من الفراش كمت انزف نوب اريد امشي ماكدر الغرفه كلها نملت دمايه لاول مره يصير هيج ويايه حيل خفت واني اشوف هذا وضعي اخذتني امي للحمام فتحتلي دوش ومي دافي رغم الجو جان كلش حار بس ام ياسر كالتلها خليها هيج احسن احساس حسبالك بحلم واريد اصحى منه تعبت حيل وطاقتي خلصت ....

..اجتي وحده نضفت الغرفه واني طالعه من الحمام شافتني جان تكلي هاي صاير بيج اكلج حبيبه ليش ماترحين لابو حديده والله يوكع ع عله يجوز عندج تابعه ..

جوري..بتعب كتلها.. انشااءلله خاله.. جنت حته بلكوه احجي تعبانه واريد بس انام مددت بلفراش اجتي ام ياسر رجعت خلت الي مغذي..

ام ياسر.. هسا نامي ارتاحي..

جوري... اني هم غمضت ونمت مادري شوكت علي بعد ماخلو يدخل للمستشفى من تصير ساعه 10بعد ممنوع رجال يضل بلمستشفى...

.علي... جنت احجي ويه ابو الا

الاستعلامات دكله ابقه يم زوجتي ماكدر اعوفها بس هو ماقبل يكول ميصير حاولت ويا ومافاد طلعت من مستشفى واني مخنوك حيل ضليت كاعد بره بالي يم جوري اخاف عليها تذكرت حالها نزلت دمعتي بهل اثناء اجه خالي...

ابو جوري ...ها خال ليش كاعد هنا وشتسوي..

جوري... والله خالي باقي هنا ..

ابو جوري...وليش ماتدخل

علي..شكد ردتت منهم ابقه ماقبلو..

ابو جوري... امشي ويايه..

جوري... دخلنه وخالي راح يقنعهم وهم ماقبلو كالو ممنوع عاد طلعنه..

ابو جوري...  امشي نرجع للبيت متبقه هنا ..

علي...طبعا خالي ضل يلح ويايه اله ترجع والله لو ماهو فلا اطب البيت....

جوري....اني نايمه حسيت من نوم ساعه 2بليل فتحت عيوني لكيت امي نايمه باوعت شكلها شلون تعبانه كمت احجي واباوعها وهيه نايمه تعبتج ويايه هوايه يانبع حناني هسه شنو الي فرحتي بيه جبتيني للضيم والقهر جنت احجي وابجي واشهنك حته المخده نملت دموع رجعت اتذكرت الطفل الي هو جان المفروض احس بحركته وبيوم بعد يوم انتظره يجي بقيت ساعات واني ع نفس وضعي ماعندي غير بواجي للصبح واني كاعده صارت 7 اجتي وحده بيدها جهاز الضغط فتحت الضوه..

.. ابتسمت وكالتلي صباح الخير ..

جوري...صباح النور ...اخذت ايدي تشوفلي الضغط ..

..جان تكلي مصار عندج وجع من بارحه انتي هنا مو ..

جوري...كتلها ...اي صار

بليل بس من طك مي راس راح الوجع..

كالت هسا ماعندج وجع..

جوري.. لا..

گالت ربي يسهل عليج..

جوري.. تسلمين... طلعت وسدت وراها باب امي جانت كاعده ندكت الباب راحت تفتحها دخل علي من شافني ابتسم بس جانت ابتسامته مو صدكيه كعد بصفي وايده ع ايدي ....

علي... شلونج هسا حبيبتي..

جوري... حمدالله.. ليش ماضليت البارحه يمي..

علي.. والله ردت ابقه ماعوفج بس هذولي ماخلوني اضل..

جوري... انته وره ماطلعت صارت عندي طلوكه و طك مي راس ونزفت وكل هذا  ومانزل ..جر حسره وباوعلي وعيونه مغروكه بدموع ..

علي.. الله كريم انتي بعد ماكلتي مو ضاله جوعانه....

جوري.... ماريد ماحس بجوع...

علي.. راح انزل اجيبلكم ريوك..

ام جوري... مو حاجه علاوي تره اني مايعجبني اكل وجوري هسه سوتلها حليب وبسكت وماكلته حرمات جيب وماينوكل.

جوري ... نوب اجه ابويه وجان جايب ويا علاكه حلويات وحته ريوك وجبرني اله اكل..بلكوه اكلت شوي دخلت علينه ام ياسر..

ام ياسر ...صباح الخير..

جاوبو صباح الخيرات اجت هم علكت مغذي هذا 3بطل خلته وراحت علي طلع اجه ابو وبقو بره وابويه كلها امي امشي للبيت جانت حيل تعبانه وكالي يابه راح ترجع امج خطيه بعد مابيها ادزلج مرت عمج تجي يمج ..

...كتله اي عادي براحتها مو حاجه احد يجي.. كال لاشلون وحدج

راحو اهلي وضل بس عمو وعلي بره واني وحدي ضوجه اخذت موبايلي صار هواي مافاتحته اتصفحت بلفيس عندي كروب حوامل العراق....

..نزلت منشور كتلهم بنات اني هيج حالتي حجيتها بتفصيل حته صارت جريده مو كتابه..اجتني هواي تعليقات كل وحده تحجي شكل هاي لتكول حرام عليج تنزلين طفل اذا روح وحده تكول عوفي دكتورتج تولي ماعندها مخافت الله واذا طفل مشوه شلون تنزلي وصارت تعليقات ايجابيه وسلبيه بس جنت اتابع بدون مارد عفتهم طلعت من فيس اجاني اتصال من خالتي زهراء جاوبتها ..

..هلا حبي جوري شلونج..

.. كتلها هلا خاله يم الله انتي شلونج..

كالت الحمدالله اكلج هسه انتي بعدج بلمستشفى ..

كتلها.. اي خاله من بارحه..

كالت جوري انتي صدوك تحجين تره حرام عليج تنزلين طفل وان كان مشوه دام طفل بي نبض الاجهاض حرام اطلعي من مستشفى لاتبقين..

جوري.. صفنت ع كلام خاله ودخت كتلها... واني شدراني هسه اروح اكله لـ علي ...اجيت اكوم من لفراش وجان يدخل عمي..

ابو علي.. وين رايحه ..

جوري...واني مرتبكه ... عموو اني ماضل بلمستشفى بعد..

ابو علي..او ليش يااابه...

جوري... حرام يكولون انزل طفل بي روح ... باوعلي بغضب وعاط بيه..

علي... وهذا منو ديكلج حررام ياابنل...

جوري... نزلت دموعي كتله... عمو والله اخاف اني  يعني هم حرام عليه.. رجع يصيح بوجهي..

ابو علي.... لاموحرام عليج خلي يصير عليه الحرام ومطلعين منا اله ماذبين طفل عود منو يبتلي شو جيبي..

جوري... سحب مني موبايل وجان يقفله ويشمرا ..

ابو علي. موبايل بعد ممنوع ماكو واحد يخابرج وتخابري فاهمه ..

جوري...وجان يطلع ويسد باب..اني بقيت ع كعدتي لميت رجليه خليت راسي وكمت ابجي بعلو صوتي والله تعبت منوو يحس بيه منوو ،ماشوف غير مرت عمي صلاح المسمومه تدخل مسحت دموعي باوعتلي وضحكت...

كالت... ياا خطيه محد يمج شبيهم عيالج وياج شنوو ولاوحده من حمواتج يجن يضلن يمج لو حابتها لمريومه والله انتي مسكينه جوري..

جوري.. باوعتها صفح كتلها بنترا... الله لايعوزني ع احد اصلا اني اكيف اضل وحدي وماريد اشوف بشر ولو ما يقبلون مايجي احد يمي جان صدك ماخلي احد بس شسويله الاحضي....ضلت تحجي وتسمعني كلام يغث كدامها مابين انقهر او شي سويت نفسي ماهتم الها وضليت ساكته مارد عليها شفتها ضاجت ..

كالت.. جوري اني طالعه هسه اجيج ..

جوري...  اي براحتج ..نوب راحت بعد مااجت خابرت علي كتله تره مرت عمو صلاح طلعت واني وحدي واريد اروح للحمام وبيدي كانونه والمغذي منو يصيحلي ام ياسر هنا علي تخبل صار عصبي ..

علي...ووهاي شلون تعوفج وتروح لعد شكو جايه هسه اني جايج واخابر ابوج يجي ياخذها وخلي تولي ...

جوري...علي عل كيفك لاتبينها لاحد هسه يكولون فوك ماجايه يمها ويطلعوها هيه ام راهي خلينه ساكتين احسن..

.. بهل اثناء دخلت اني كبل سديت الخط..

كالت ...هاا خو مااتاخرت بس والله نزلت سالت ام ياسر علمود سعر قص المعده اريد اسويها هنا...

جوري..رفعت تك حاجب وافر بيدي... اي وشكالت..

.كالت ..تكلفج بل 3ملالاين اكولج تعاي انتي ويامن جنتي تحجين..

جوري... ويه علي وكال راح يجي يمي وانتي عيوني اذا هاي اخذي راحتج ...

كالت ...لالاشلون اعوفج لازم تبقه يمج وحده..

جوري...لاعادي ..

..اجه ابويه وكلها يلا ام جعفر كالتله ابو حسن ماعندي شي خليني يم جوري خطيه وحدها اني اشرت ل ابويه بمعنى اخذها وخلصني منها كوه جارعتها هو هم فهم لح عليها وبلكوه قلعت نفسها وكامت وني من يمي افتت فتيت راحو واجه علي وصاح ع ام ياسر شالت مني المغذي ورحت للحمام كملت نوب ملابس نسيت اخذ فتحت باب شوي سمعت  علي يخابر صحت ... علاوي جيبلي ملابس.. شوي واجه اخذتهن منه بدلت وطلعت وهو بعد يخابر اسمعه يحجي ع مرت عمي ديسولفله لابو...

...طبعا بس ابو يخابر اله ولاواحد بعد من اهله كلف نفسه يتصل ويسال مشايفه بحياتي هيج خباثه اكيد متشمتين بيه..

..للعصر كمت الوب هم صار عندي وجع وباقيه الوب مكاني اجني عماتي ايات وندى من شافن حاالي ابجي وهن هم يبجن ويايه  ويندعلي ساعه 4 اجتي دكتوره ابتهاج اتفأجات بجيتها ..

د... شلونج بنتي.

جوري.. الحمدالله سولفتلها من صار بارحه عندي وجع وشلون طك مي راس..

د ..ومانزل طفل ..

جوري. لادكتوره...

د.. كامت تسوي استغفرالله خلي افحصج اخذت كفوف ..

جوري.. اجتي تفحص اتألم وابجي.

د.. صار عندج توسيع بس قليل حجت ويه ام ياسر كالتلها كتبيلها كذا ابره كتبت بورقه وعلي راح يجيب دوه ..

..طلعت دكتوره لليل وراحن عماتي واجتي عاد امي واني باقيه ع نفس وضعي عندي طلوكه بس ماجيب وهذا اليوم الثاني وام ياسر كالت لازم تذبي اليوم بعد موزين يضل بطنج تاليتج عمليه....

..راحت وجابت وياها وحده اسمها مروه سوتلي توسيع بس هاي هواي حاولت ويايه ضلت بل خمس دقايق متت موت بجيت وعيطت ودفر برجليه اريد بس تعوفني وهيه تتعارك ويايه وامي لزمتني وتحجي وويايه لحد ماعافتني اني انتهيت بقيت ساعات الوب لل1بليل هود عندي الالم واختفى بحيث جان بس يروح للالم انام من التعب لثاني يوم الصبح ساعه 8 اجتي مرت عمي حسام هاي حبابه كالتلها امي ليش مترجعين للبيت واني يم جوري كالتلها لاماعوفها يبقه بالي يمها وامي اصرت وبقت واني منا وبده الوجع يزيد عندي اجتي ام ياسر..

ام ياسر.. هااي بعدج اويلي عليج شوفي اقري سورة الكرسي فد 7مرات حته الله يسهل وتجيبين بخير وسلامه تره اني ماخليت شي ماحطيته الج 8ابطاله مغذي وابر وتوسيع ولحد الان انتي ع نفس وضعج واليوم الثالث الج تجي دكتوره وتقرر احتمال عمليه ندخلج اذا ماذبيتي اليوم....

جوري...امي من سمعت لطمت كالتلها لاعفيه لادخولها عمليه انشاءلله جيب اليوم ..

ام ياسر... ماعرف ام جوري يم دكتوره ضلت..

جوري.. وراحت وطلعت مرت عمي وامي ضلن يندعيلي خوب امي مخلت امام مانخته وتبجي واني بقيت اردد بلساني نادي علياً مضهراً العجائب تجدوه عوناً لك في النوائب كل هماً وغم سينجلي بولايتك ياااعلي يااعلي ...

..جنت اكولها وابجي دخيلك ياعلي اشو ومنا ويزيد الوجع كمت ماركد بمكان واحد رايحه جايه اجتي دكتوره شافتني ..

د..كم ساعه الج وهذا اليوم الثالث واني هواي جازفت وياج جوري بعد هاهيه لهنا وبس صاحت ام ياسر فتحيلها طبله ندخلها عمليه .....

يتبع .

اخطاء لايمحيها الزمن

انثى 💜ملائكيه

احتمال باجر بارت الاخير اذا مالحكت على عكب باجر انشرا لان طويل وخاف مالحك اخلصه تمام حبيباتي ولاتنسو تصويت وتعليق احبكم هواي ...

انثى ملائكيه

اخطاء لايمحيها الزمن

جوري....الالم الي اني بي ماتمنى لعدوي احس واحد لازمني من ركبتي ويخنكني باوعت دكتوره ودموعي تنزل ردتت اكلها لادكتوره ماريد بس ماكدرت مرت عمي حجت بمكاني ..

...عيوني دكتوره صارلها 3ايام الم وطلوكه ليش يعني هسه دخليها عمليه جان من بدايه خليتها هيج ليش شلعتي كلبها ..

د...  اني عليه سويته وكلت الها طبيعي احسن واني هم مارضه على عمليه بس هيه هم تعبت وصارلها مده وموزين بعد يضل طفل بطنها...

جوري... امي تبجي واني ابجي بحركة كلب ولازمه بطني باقيه ادعي بكلبي بهاي لحظات ودكتوره يمنا اجاها اتصال عندها حاله طارئه عافتني وراحت اجتي ام ياسر تضحك...

ام ياسر ..  الله يحبج جوري دكتوره عندها هسه عمليه يعني هسه انتي عندج فرصه راح اخلي الج بعد مغذي وين الله وجيبين بهاي ساعه بحيث تطلع دكتوره من عمليه تلكاج جايبه...

جوري... هزيت راسي وامسح بدموعي خلت المغذي وطلعت وبعدهن امي ومرت عمي يمي والالم شوي شوي يزداد وصلت مرحله ماكو مفكه بلوجع نهائياً طلوكه وحده وره ثانيه وهنا شنو اني ملخت نفسي  عيطت وصرخت حييل سديه نايمه عليها اله شوي افلشها من الوجع اصيح وابجي.... ولج يممه راح امووت...

ام جوري...  ولج سكتي خزيتينه هنا زلم واكفين بره نصي حسج...

جوري... كمت اعيط كتلها ....يمه والله ماعاااد اتحمل...

.. مرت عمي تعاركت ويه امي كالتلها ...شنو نسيتي الم طلوكه شنو عوفيها شتسوي خلي تسوي خطيه..

جوري.. لشوي راح الم رجعت للفراش غمضت عيوني تعبت حيل وجهي يصب ماي جسمي صار نار عندي صخونه عاليه رجع بيه الم ورجعت اصررخ بكل قوتي كمت اكلهم ...دخلوني عمليه بعد مابيها مجال همووت... الالم مستمر ساعه ونص اني ع نفس وضعي اخر شي انتهيت صوتي راح من كثر لعياط اباوع ايدي كلها مورمت من كثر ماضربت بلسديه شكو شي يمي كسرته مرت عمي خلت ايديها عليه صيحت عليها ...عوفيني ...وهيه  عود خطيه جانت تقرالي ايات واني سحبتها الايدها وعضيتها حيل هيه  كبل عاطت وكمزت وامي اجت تركض ع مرت عمي وكوه كاتمه ضحكتها ..

...تكلها شبيها هل بنيه تخبلت خو ماتخبلت ..

..جتي امي تحجي ويايه بهدوء اني اعيط اكلها عووفوني مو ررراح اموت كون الله يموتني واخلص من هل الحياة....

.. كالتلها مرت عمي عوفيها يمعوده لاتعضج الج هم..

.. امي هم عافتني وراحن كعدن بعيد عني واني صرت مثل مخبله ماعرف شسوي من الوجع البيه مخليت شي مكسرته اخر طلكه اجتني اله طلعت روحي للسما بس ورها بشوي حسيت بشي قويه وندفع وبس نزل اختفى كل الوجع مني راح  ذبيت نفسي ع فراش لزمه راسي حسيت بدوخه وبتعب احس حنجرتي يبست شكد ماعيطت...

.. من شافوني خنست وسكتت عرفو نزل طفل امي طلعت تركض تكلها ام ياسر....

..علي... اني واكف بره وبس اسمع عياط جوري ضليت رايح منا وجاي منا مادري شسوي ماريدها تتئذه ياربي وبكل عيطه منها ابجي واتوسل بالله يخلصنه من هل شده اخر شي كمت ماسمع صوتها مكدرت اذا ماروح اشوفها جاي امشي واشوف جوري مخليها بكرسي متحرك اباوعها وجهه اصفر ذبلان ماتحملت اشوفها بهل وضع اختنكت طلعت بره اريد اشتم هوه....

جوري....اني بعدني ع كعدتي ساكته وصافنه هاي شنو الي صار ويايه حلم لو حقيقه سمعت ام ياسر تكلي واخيرا واخيرا يرادلج هلهوله

كعدت ع كرسي اول ماطلعوني اشوف علي گبالي وعيونه مغوركه بلدموع نزلت عيوني للكع ودمعت عيني ماردتت يشوفني وني ابجي اخذوني للصالات الولاده نمت عل سديه واجت ام ياسر تنزل الجاره وكصت لمسار وطفل ماشوفتليا..

.. كتلها ارد اشوفه ماقبلت  اخذته وراحت عمي جان بره اخذه منها للطفل عل سريع راحو يدفنو حته ماقبل احد يشوفه مرت عمي كالتله ارد اشوف وين تشوه البي..كلها مايبين كله خمس اشهر واني نايمه ع سديه صافنه فكري يودي ويجيب لحد ماشفت ام ياسر خلت مغذي جانت بعدها ماوكعه الجاره وره ماخلت المغذي رجعت عبالك عندي طلوكه كمت احس بوجع كتلها... ام ياسر ليش هلوجع ..كالت اي عادي بعدها جاره مانزلت بقيت نوب الوب وره نص ساعه اجتي دكتوره ابتهاج وياها مرافقات 2 اعتقد همين دكتورات من شافتني فرحت لان جبت طبيعي(اول دكتوره اشوفها ماتقبل على عملياات تكول طبيعي احسن)  ...

..د..ضحكتلي وكالت حمدالله ع سلامه حبيبتي جوري بطله..

جوري...شجعتني عود لان جبت طبيعي دكتورات الي وياها هم تحمدلي بسلامه وكالن ربي يعوضج....اجت ام ياسر كالتلها د ابتهاج بدلي ملابسها واخذيها صالات عمليات نسويلها لازم كورتاج ..

جوري...ام ياسر ليش  كورتاج بعد موجبت...

ام ياسر... احسن الج حبيبتي وحته متصير مشاكل بلرحم كورتاج ينضف....

جوري...سكتت بعد مكتلها شي كلت اصلا ماله داعي بس يردون يكرفون فلوس جابتلي ملابس العمليات لبست وكمت امشي دخلت بصالات عمليات واكفين دكاتره 2 عدلت حجابي لان جان نص شعري طالع ، صعدتت ع سديه اجه واحد منهم بدل الكانونه وحط وحده جديده وشكل مغذي وماعرف شنو كمل وراح اجت دكتوره ابتهاج كعدت عرفت هيه الي راح تسويلي كورتاج ، اجه ثاني جايب ابره اخذ ايدي دفع البنج بلكانونه ورها بعد ماحسيت بشي ، ساعه 12الضهر اسسمع صوت طفل يبجي بذاني كلت اي هاي بنتي رقيه جنت احجي ويه روحي ودموعي تنزل عبالك جنت احلم فتحت عيوني اباوع على مكان ماكو احد غير بس اسمع صوت طفل يبجي كمت اتذكر الصار رجعت اشهك وابجي وصوت طفل يرن بذني صار وكت اذان الضهر ندعيت من كل گلبي بذاك الاثناء كلت ياربي لاتحرم احد مثل ماحرمتني جنت ابجي حيل حته نفس كمت ماكدر اخذه اجيت اكوم من سديه رفعت راسي واشوف طفل مخلي وحده بس يبجي اووي فدوه حبيبي شلون هيج مخلي تمنيت اروحله بس ماكدرت حسيت بوجع بطني لشوي اجه واحد شفته فرش سجاده ديصلي ...

.. اني هنا اريد اروح للحمام نوب لااندل ولااكدر اتحرك من مكاني هاي شلون واستحي اكله اوف ع حضي بقيت ساعه واني ع نفس حطه مليت وهذا بعده جاي يتعبد متحملت كتله... شنو راح تبقوني هنا طلعوني منا ..

كال هسا يجون نوب ...هو هم طلع لشوي جابو وحده وهمين بلسديه مطلعيها من العمليه خلوها قريب مني اجت دكتوره كالتلها حمدالله ع سلامه اجتج بنوته شنو راح تسميها سمعتها تكلها رقيه..تذكرت نفسي من جنت اكول اسمي بنتي رقيه ضليت ادهك وابجي شافتني دكتوره باوعتلي مقهوره عليه كاالتلي الله يعوضج انشاءلله ...

..مكتلها شي صاحت ع ام ياسر وجان يطلعوني جان الكل موجود اهلي وعلي ومرت عمي وعمي تحمدولي بسلامه جنت كلشي ماحجي غير بس دموعي تنزل واباوعلهم كلهم يبجون علي مابقه بسرعه طلع...

...مسحت دموعي گتلها ..امي اريد اروح للحمام ...

ام جوري..شلون اذا كمتي دوخين..

جوري.. لاعادي ع كيفي.. اجت وكفت يمي ومن جهه ثانيه مرت عمي ويه ماكمت صدوك لزمتني دوخه بعده تأثير البنج بلكوه كدرت اروح للساعه 2ضهر اجتي دكتوره ابتهاج شافتني ..

ام جوري...دكتورة شوكت نكدر نطلع..

د.. لامطلعون اليوم صخونتها بعدها عاليه...

جوري.. ماما باوعتلي وعاكده حاجبها مامقتنعه بكلام دكتوره من راحت جان تجي تخلي ايدها ع كصتي...

ام جوري... اصلا ماعندج صخونه جاي تبردين لو لا ...

جوري...لا ماكو برد واني اشوف نفس

صرت زينه اكول لو نرجع للبيت احسن... اجه علي كتله...علي كلهم وخلي نطلع مليت عفيه صارلي 3بلمستشفى...

علي... هسه احجي ويه دكتوره...

.. مرت عمي كالت خلي يولون يردون تبقون بعد علمود ياخذون اكثر فلوس نطلع على مسؤليتنه احسن وجوري وبعد جابت شكو ضالين...

جوري.. رجعتلي دكتوره كتبتلي دوه كالت 5ايام وتعاي اشوفج..

جوري... للعصر طلعنه للبيت....

علي... بعد ما طلعت جوري من المستشفى واني حالي بس الله يدري  بي راحت جوري عند اهلها رجعت اني للبيت صعدت للغرفه كعدت واني جنت حيل مخنوك بلحظاتها صاحبي يوسف اتصل جاوبته واني مخنوك..

يوسف.. الو شبيك علاوي ..

علي... هو بس كلي شبيك طكت دمعة عيني حجيتله ع كلشي صار وهاي اتذكر وبجي وهو يهدي بيه ويكسر عليه....

يوسف.. علاوي هاهيه  كول الحمدالله  تره طفل يتعوض اهم شي مرتك طلعت سالمه و امك وابوك الله يحفظهم طيبين  شتكول عليه اني للي فقدت امي...

علي... جان يوسف يحجي واني اسمعه وهو يسمع  بس صوت بجيي من بعد مانهيت الاتصال منه خليت راسي ع جربايه ماعرف شصار بيه صار عندي ضيق نفس كمت ماجره والغرفه احسها تفتر بيه وهناك وبعد ماحسيت بشي  وره وووين اسمع صوت. مهند اخويه يصيح ..

مهند....يمعوود لك علي...

علي...احسه يضرب ع خدي يريدني اصحه فتحت عيوني لكيت اهلي فوك راسي هاااي اني وين وشصار بس بعدني مضايق اجتي امي تقره ع راسي وتبجي وابويه كاعد ويحاول يواسيني.....

... رجعت غمضت ونمت وبلحلم اشوف كاعد بستان وبصفي سجاد احجي ويا وبهل لحظات اسمع صوت طفل يبجي سالت سجاد جاي تسمع موو طفل ديبجي..

سجاد..  لا ماكو ..

علي.. جنت اسولف ويا واشوفه يبجي بعدها فزيت من الحلم ...

...................

جوري....رحت لاهلي عمتي كايلتله علي لاتجي مرتك ولاتوصل مريم خاف تنجبس بعدها نفسه واني هم ضليت عند اهلي مكلت شي كلت حقهم ياخافون عليها ...

ام جوري.. شلون تفرقه وليش ميكولون انتي تجبسين لو بس هيه..

جوري..  يمه هسه هيج وله هيج خليني كاعده اهنا ابردلي ....راس لليل وخطار طاب طالع ساعه 9 كاعدين الكل سوالف وضحك بس اني جنت بعيده عنهم حته ماحجي شي وكل شوي اتذكر وابجي  شفت امي جانت تخابر بس المن مادري بس اشوفها تبتسم....شوي واجت كعدت يم بيبي..

ام جوري.. ازهار عمليتها باجر راح تجيب ..

جوري...بس جانت تحجي بصوت ناصي عود متريد تسمعني او تكلي حته قصدها حته مانقهر عل ها اختي صار عندها واني لا بوكتها افرحت ل اختي بس انقهرت لان امي متقبل تكلي ليش عود اتصورت حته امي تخاف ع اختي او كلت يجوز من عين بس اني كدامها سويت الامر طبيعي وكمت من مكاني طلعت بره بلحديقه لان اختنكت باوعت ع سما وطيور بودي اني طير واطير جريت نفس...

.. سمعت اخويه يصيح جوري مسحت دموعي ماريد احد يحس رحت كتله ..ها حبيبي مودي ..

محمد . باجر تجيب ازهار ..

جوري... اي انشاءلله تكوم بسلامه...

.. لثاني يوم الصبح ازهار كعدت ساعه 7الصبح بدلت رايحين للمستشفى حددتلي دكتوره موعد ولاده طلعنه اني وعمار وامه..بس امي ماكو ماسالت عني ضل بالي هناك كاعدين بلمستشفى لل ضهر دخلوني لعمليه من بعد ماطلعوني واني اريد اشوف ابني كالو بلخدج مخلي اشوف الكل جان موجود اله اهلي ولاواحد منهم سالت ام عمار كالت امج ماكدرت تجي بس ااني ماقتنعت بكلامها گلبي لجمني احس اكو شي بس محد يقبل يكلي لحد ما جابو ابني حسوني خليت بحضني دمعت عيني شفته يشبه جوري اجت باالي اندعيلها تكوم بسلامه ونفرح بطفلها للعصر شفت ابويه اجه جن ردتت رويحتي من شفته بس اباوع بعيونه اكو حزن ومن سالته ع جوري دمعه بعيونه گتله ...يابه بيها شي جوري ..ابتسم كال لاياب ماكو شي ولاف سالفه وكال امج بليل تجي تشوفج...

جوري...اني كعدت الصبح ساعه 10 شفت نسوان عمومتي موجوادت سمعتهن يكللها امي شلون جوري تضل هنا وازهار راح تجي هنا وعمتها توهس تخاف ازهار تنجبس  اني من سمعتهن بجيت كلت يعني بعد وين اروح صرت اتمنه يصير عندي بيت وحدي جان ماضل هيج شافتني امي وكالتلي...

ام جوري.. خابري علي وكليله ياخذج راح تجي ازهار واني ماريدها تروح بيت عيالها محد يداريها ..

جوري.. اي عادي حجيت بصوت مخنوك..

.. مرت عمي صلاح كالت جوري تعاي يمنه شكو بيها هذولاك عيالج هم يوهسون..

جوري... كلت بداخلي علساس اني شكد احب اكعد يمج...  لا ميحتاج بلكي اكدر ادبر امري... جان تكلي ثانيه لاجوري يعني وين ترحين تعاي يمنه واحنه بيت عمومتج مابيها شي كتلها ...لازحمه واني ماكدر انام وين ماكان ..

..كالت لعد شلون..

جوري.. الله كريم ... رحت للغرفه خابرت علي وكتله كال رجعي للبيت ومعليج باامي اني احجي وياها كتله ماشي رحت كتلهم راح ارجع لعيالي...

...مرت ع حسام كالت جوري اليوم ثالث الج غسلي بشنان اسولجيها كتلها شنو هاي نوب كالت معليج عليج صافي خليج فد ساعه قبل لاترحين لعيالج كتلها ماشي اني رحت حضرت اشيائي كلت حته بعد ماعندي شي نص ساعه واجت جايبه ورق مال اشجار وراحت اخذت جدر جبير خلت ماي ع طباخ وخلت الاوراق يعني  فورتهن وجت خلت جدر بلحمام سبحتني بي وبلاوراق تفرك بجسمي ماعرف شنو غايه البيها خلصت وبعدين عادي سبحت وبدلت..وره ماكملت كلشي جان يكولون لازم نردج كتلهن شلون كاالن هيه لي تجيب طبيعي لازم يردوهه كتلهن لاعيني ماريد امي كالت سمعي كلام وخلي يسونها الج كلش زين لحد ماقنعوني يلا صارت ساعه 11 اجيت الم غراضي الباقيه علمود دارجع لبسه عباتي...

.. شفت اجت مرت عمو صلاح بدون حته متكلي اخذت نص غراض وطلعت كلت يجوز خطيه كاعده تساعدني بيهن راحت توديهن لغرفتي اخذت ملابسي بعلاكه وترخصت من امي وطلعت ورايه اجت مرت عمو حسام واكفه بلباب داحجي وياها مدري شلون التفتت واشوف مرت عمو صلاح تطلع من بيتهم وغراضي بعدها بيدها كلت يا لسا ماودتهن شفتها كبل راحت لعيالي اترخصت من مرت عمو حسام ورحت امشي بيبي اجت ورايه...

بيبي...  اروح اكلها عمتج وخلي تطلع مريم قبلج علمود تفتر وراج وماتتجابسن..

جوري... اي بيبي زين سوين ... بداخلي شيخلصني من يسر...

...عاد راحت وطلعن من بعيد واشوف عمتي ومريم واكفات وبيبي ومرت عمي..لحد ماوصلت جان بيبي تكلها مريم يلا تعالي عيني افتري داير مدايرها طلعت مريم لبسه عبايه ونص شعرها بين بس بنتها ضامتها جوه العبا...

...افترت مره جان بيبي تكلها لازم 3مرات رجعت افترت جان تسالها بيبي سوتيها 3 جان تكلها صارن 4مو 3 جان مرت عمي تكرها بضحكه باوعتها صفح تكيف..

....مدرت بال سلمت عاد ع عمتي ودخلت للبيت شفت غراضي

ذابيها ع درج اخذتهن وصعدت للغرفتي بس شفت غرفه طكيتها بجيه صار مرتين ارد من مستشفى ومابيدي طفل ارجع للغرفه وع نفس حال اووف جريت العلاكه فرغت الجنطه ارتب بملابسي ودموع تجري انتبهت ع علاكه مال دوه مالتي ماهيه نبشت بلغراض لكيتها فتحتها وانصدم ...

... يااا عزه شنو هاي وين الابر لكيت نص الابر مالاتي مكسرات والحبوب مطشريهن اتفاجأت منو هاي مسوي هيج تذكرت مرت عمي من شايله غراضي وطاالعه من بيتهم كلت معقوله هيه ، والله كلشي عاد اتوقع منها  هل حقيره اخذت الابر وذبيتهن بزبل كعدت ع جربايه كمت اشهك وابجي ماشفت غير علي يدخل شافني...

علي... شنو شبيج..

جوري... اني مدري صار بيه كمت صرت عصبيه وكمت اصيح كتله... شووف هاي حقيره مرت خالك شمسويه مسويه نفسها عود هيه خوش ادميه...

علي... شنوو يمعوده ولهيج تصحين..

جوري..  الابر وووين لكيتهن نصهن مكسرات ليشش يعني هيج... اجه شافهن بين مال واحد متعمد ومكسرهن مال خباثه

..علي طلع موبايله وصورهن وجان يخابر على عمو صلاح كله خالي ارد اسالك جان يحجي ويا بهدوء كله عمي صلاح هااا علي كوول..كله مرتك من شوي جابت الغراض ويه جوري ولكينه الابر ماكو طبعا مكله مكسرات..بس كله ماكو خلي اشوفهن

عمو صلاح...كله هسه اسالها واشوف سد الخط علي باوعلي جان ديحجي وياي هنا ونسمع عمتي...

يسر... وينكم...

علي...  نزلي شوفيها ..

جوري...خليت شال ع راسي ونزلت..

يسر...  شبيكم صوتكم واصل لسابع جار....

جوري...بجيت وكتلها مرت اخوج مكسرتلي الابر المتخاف من الله اصوري  حته اخذت غراضي وطلعت وبدون متكلي ولمن اني  طلعت جان اشوفها طالعه من بيتهم ..

يسر... اي بعدين اجتي ونطتني الغراض بيدي وكالت هاي مالات جوري ..

جوري...اي عمه صعدتهن لكيت حته الحبوب مطشرتهن..

يسر... اي ياعيني يجوز مامتعمده المره جائز من داتمشي وكعن ونكسرن ..

جوري... هااا عمه نسيتي بلاويها كلشي تره اتوقع منها واني ساكته لخاطر عمو صلاح جتني للمستشفى تسمعني كلام حته انغث نوب هيج سوت ..

يسر... يلا ميخالف شسويلها هيه والله والابر فدوه الج وخلي علي يجيبلج غيرهن..

جوري..... لاعمه بعد ماريد لاجيب ولاشي... طبعا هاي اني جنت اصيح بكل علو صوتي وابجي طلعت ضيمي وحركتي وعمتي تحجي بهداوه ولاكن شي رغم تعرف سوالف مرت اخوها طلع عمي ابو علي سمعني كام يحجي ع مرت عمو صلاح طبعاً هو هم يتخبل منها ولايطيقها لان ويه الكل مسويه مشاكل فلهذا مسكت نزل علي ..

علي...خابرني خالي صلاح يكول ليش تذبوها براس مرتي وهيه شعليها فوك مجاي تعاونها نوب زعل علينه خالي صلاح...

جوري.... وزعلتهم طبعاً يطبك ويه مرته لان ميعرف شسوي مسوي وراه استغفرالله كتله خليني ساكته...

ابو علي... هاااك فلوس وروح جيب ابر جديده...

جوري... لا عمو ميحتاج..

علي... ياابه خلي لفلوس ع حالك هسه طالع اجيب ...

جوري...راح علي واني كاعده ونار وشابه بيه بودي الزمها اكطعها ميبرد گلبي عمتي عود جاي تهدي بيه تكلي سلمي امرج لله بس ناويه ماسكت الها مروه جانت ساكته بس تباوع وتصب الغده طلعت مريم من الغرفه...

مريم... عفيه شنو هاي الاصوات المزعجه متكولون نايمين بنتي كل شوي تفز ...

جوري...ادري بيها تقصد عليه جانت تباوعلي اجيت اطلع كل قهري بيها كوه مسكت اعصابي ونوب عمتي واكفه ودافعلها ل مريم وشلون تحجي وياها شفت شلون يفرقون كمت من مكاني وصعدت لغرفتي ركعت باب شمرت نفسي ع جربايه وابجي حييل حته شعري ملخته اشياء لـ يمي كلها شمرتها وكسرت اجه علي شافني نوب تعارك ...

علي...امشي يلا نزلي وخلي نزقنب وكافي خبال ...

جوري...عطت وكتله مااريد عووفني بحاالي... اجه لزمني من ايدي...

علي...يعني شلون وياج كليلي شسويلج هسا...

جوري... جان قريب مني ويحجي بعصبيه واني بس صوت شهكاتي مسموعه عيط وحجه لحد ماسمع ابو يصيح عافني ونزل وره شوي اسمعه يصيح ..

علي... يلا وينج نزلي..

جوري... كمت ع المرايه اباوع شكلي عيوني حمر مورمات من البجه وجهي تعبان شعري مكطعته لبست حجابي ونزلت غسلت وجهي بس دموعي ماتوكف جان الكل كاعدين يتغدون علي يخانزر يريد اكعد كعدت يمه اكلت شوي وكمت مالي نفس طلعت بلحديقه صار بوجهي مهند..

مهند... شلونج الحمدالله ع سلامتج..

جوري.. ابتسمت بتسامه كذابيه كتله ..الله يسلمك ...هو دخل للبيت واني بقيت وحدي بلحديقه ماعندي غير بس دموع....

...ازهار طلعوني من المستشفى اخذوني لاهلي تصورت اول مادخل للبيت جوري واكفتلي تنتظرني بس دخلت لكيت الكل موجود اله جوري ماكو ماحجيت كعدت ع جربايه حسوني يبجي اخذته رضعته ونام..وره ساعه كام شكله يصير ازرك مثل الي يختنك خفت عليه مرت عمو حسام شافته تكلها امي لازم تاخذو للدكتور موزين هيج يضل اباوع امي شبيها تعبانه حته كوه تحجي ودمعه بطرف عينها احس حته فرحه بوجهه ماكو اخذو حسوني للدكتور كايل لازم دخلو مستشفى وخدج شارب مي راس بقه ابني بلمستشفى 3ايام واني الوب عليه وابجي حيل خفت لايروح مني..لحد ماخابروني وكالولي تعاي للمستشفى حته ارضعه رحت واني بطني حيل مئذيتني بعد عمليه مدري ابجي من الوجع البيه مدري ع ابني رحت بس رضعته ورجعت للبيت..كاعدين اني اني وامي سالتها جوري مختفيه ليش ماكو حجتلي امي عل جوري..لو هيه جانت تسولف واني ابجي وهيه تبجي كتلها والله جنت حاسه بيها شي جوري وانتو ضامين عليه كالتلي خفنه عليج ماقبلنه نكلج..بجيت ع حال جوري اكلها امي شافت من حياتها بس قهر من صغرها وليش كل هذا ديصير وياها..قررت اخابرها واسال عنها اخذت موبايل واتصلت...

جوري....اني كاعده بغرفتي حاطه ايدي وابجي باوعت موبايلي يدك شفت ازهار تتصل جاوبتها جانت تحجي ويايه وتبجي واني ابجي كالتلي تعاي ارد اشوفج اشتاقيتلج كتلها مادري ازهار تعبانه ومالي خلك خليها غير مره كالت براحتج ديربالج عل نفسج كتلها انشاءلله نهيت الاتصال منها اجه علي جايب الابر..

علي... نفسهن بس من غير شركه..

جوري... جتفت اديه وحجيت واني مخنوكه ودمعه بعيني ..  حرمات جبتهن روح رجعهن اصلا بعد ماريد حته علاج بعد ماخذ ....سكت محجه شي مددت بلفراش جان تعبان فتح ايده رحت يمه خليت راسي ع ايده حس بيه شبكني صار راسي ع صدره لحدماغفينا ونمنه....

.. واني داحلم اشوف بزون واكفه يم بيت عمو صلاح بس هل بزون عيونها تخوف فاتحتهن حيل وتباوع عليه وتريد تتقرب مني اني كبل فزيت باوعت علي مثل حالي كعد وهو فز من الحلم واحد يباوع عل ثاني سحبت نفسي منه..جان يحجي وهو متوتر ..

علي... شفت ببلحلم بزونه سوده تمشي ع الحايط البيت وعينها عليه ..

جوري... باوعته وفتحت حلكي مصدومه كتله ... نفس حلمي ... مدري ليش اجت بالي مرت عمو صلاح اكيد من عينها الحقيره جنت محتركه حرك منها..

اني نزلت للمطبخ لكيت عماتي موجودات كعدت يمهم وسولفت الحلم الهم جان تكلي عمتي...

ندى... ولج بزون بلحلم يكولون تابعه وحسد شوفي جوري على طول بغرفتج شغلي سوره البقره ونشري حرمل وشوفي شلون ترتاحين...

جوري... گتلها.   انشاءلله.. لليل وامي خابرتني...

ام جوري.. تعاي يمنه جوري خالاتج ونسوان خوالج يردون يشوفج...

جوري.. مااجي مالي خلك اشوف احد بيه كافيني ماريد اسمع حجايه ناقصه...

ام جوري... هاي شبيج جوري ميصير امي جاي يشوفج ويسالون عنج غير من محبتهم الج ...

جوري..وليش ميجون لهنا ..

ام جوري...  يستحون من عيالج تعاي يلا هيه خطوتين وتوصلين ميرادلج طياره....

جوري...جريت نفس كتلها.. الله كريم.. سديت الخط واني ضايجه شلون اروح بهذا وجهي وعيوني مورمات اووف عاد كمت لبست عباتي ورح اجتي ازهار وبيدها حسوني ابتسمت الها اباوعها وجها يضحك...

بيبي ...يلا افتري وره اختج حته ماتتجابسن..

جوري... اجت افترت 3مرات ورها اجتي بوستني گتلها ...شلونج كبد.. اخذت منها حسوني اباوعه فدوه يجنن جان نايم بوسته ورجعته الها رجعت باوعت بعيون ازهار جانت عيونها مغوركه بدموع واني بس شفتها هيج بجيت جريت نفس وكلت ...الحمدالله علمايقسم الله.. اجتي امي شافتنا ...

ام جوري.. هاي شكو شبيجن يمه يلا جوري فوتي سلمي ع خالاتج ونسوان خوالج ينتظروج...

جوري.....رحت سلمت وهم تحمدولي بسلامه وكعدت محد سالني شي بلعكس جان الكل يضحك ويسولف واني عود هاا ابين الهم اني شكد قويه اضحك وياهم بسس داخلي غير حيل مكسورة ومهضومه..

.... بعد ماراحو رجعت كعدت يم اهلي اشوفهم منشوف اله مرت عمو صلاح تجي باوعت عل كل سلمت واله اني ماباوعت عليه ولاحته سلمت كبل دارت وجهه عني راحت يم ازهار...

.. تكلها انتي تسويها الاختج ماكو مثل طيبة گلبج   ...

جوري...تحجي عود هيه كاعده وتسمعني يابه اني ناااار وشبت بيه وحق محمد بودي الزمها واسحلها بس بيبي وكفتني وخنزرت امي گبل جرتني من ايدي وطلعتني بره...

ام جوري.. ك سمعي جوري ترحين تعتذرين من مرت عمج تره سويتي موصحيح. .

جوري .. كلبت عيوني ..كتلها شنو اني اروح اعتذر فوك شينها..

ام جوري..  ميخالف يمه اكبر منج واحنه تره مشفنه بعيونه حته دنكول هيه لكسرت الابر مثلاً حته عمج شايف بلكامرات كايل ماكو هيج شي مرتي متسويها...

جوري...  يمه لاتقنعيني وهاي كلاوتهم متمشي عليه سوالفها كلها اعرفه ...

ام جوري.... هسه لخاطري ترحين تعتذرين...

جوري... نوب امي خبصتني اله اعتذر ولخاطرها رحت كتلها عذريني حالة عصبيه ومن هلحجي هيه كامت تعوج بحلكها وحجت من كفه

خشمها وكالت لاعادي باوعتني مرت عمو حسام صفح والكل جان يباوع عاد اني ترخصت منهم وطلعت من بيت اهلي و جان عمو صلاح واكف يم بابهم والله بس شافني گبل دار وجهه عني عود هو ومرته زعلانين وبايعين ثكل واني كلت اكسر عينه وخلي اسلم رحتله ببتسامه ...هلا عمو شلونك... عكد حواجبه وكلشي مجاوبني عافني وطب لببيت وركع باب كلت... يااا والله مو صوجك صوجي.. عشتو عود همه اهل راهي والله يالله فريت بيدي ومشيت...

.. رحت للبيت اسمع اصوات عاليه سوالف دخلت للمطبخ شفت مروه تحضر فواكه كتلها.. منو هنا ..

مروة. خطار يم مريم اجو...

جوري.. ها.. عفت ومشيت شفت علي نزل ..

علي... راح يجون يوسف ومرته ..

جوري.. شوكت ...

علي... منا ساعه..

جوري...  ماشي ...صعدت للغرفه يعني والله مالي خلك اتمنه ماشوف احد ابقه بلغرفه ومانزل وره ساعه كال اجو بلطريق نزلت سمعت علي يرحب بيهم باوعت من الباب شفت ريام تضحك وتسلم ويه علي وتسولف ويا ماعرف ليش ضجت ليش اني استحي اطلع اسلم ويه رجلها دخل علي وكلها تفضلي شافتني اجت بوستني..

ريام..  حمدالله ع سلامتج وربي يعوضج..

جوري...تسلمين حبي وكل هلا بيج تعاي استريحي ليش بلباب..

ريام..  اجيت اشوفج..

جوري.. كعدنه سوه وبقينه نسولف سولفت ع حياتها عل هيه عندها،4جهال وتكول مامرتاحه اريد بيت وحدي ومتبهذله باوعت وكلت هو لعد منو مرتاح بهذا وكتنه.....

مرت الايام واني حالتي حاله نفسيتي كلش تعبت كضيتها بغرفتي وماعندي غير بس بواجي حته علي صرت اكره قربه الي احلامي كالعاده متفاركني كوابيس مريت بتعس ايام حته عيالي محد بيهم سال عني او كال لَيــِْ♡̷̴̬̩̃̊ـِْش. جوري ماكو محد يهتم لَيــِْ♡̷̴̬̩̃̊ـِْش. ويه مريم يحبوها يهتمون بيهه وره شهرين رجعت حبلت مريم وجان بيهه ولد ويوم منهن اجت مروه فرحانه طلعت حامل وبيها بنيه واني جان الي يشوفني يكلي ليش انتي لسا مصار عندج ومن هلحجي جنت اكول كلشي بيد الله ميعرفون هذا رزق بيد رب العالمين مو بيد البشر....

.. يوم م̷ـــِْن الايام جان صفر وقربت اربعينة الامام الحسين  علي جان بكربلاء واني وحدي كاعده بلغرفه وبيدي موبايل اجتني رساله م̷ـــِْن المسؤله كاتبتلي هَــْـِْـْْـِلاّو جوري اكو خدمه بكربلاء لمدة خمس ايام ترحين، طبعا كيفت كبل نطيتها الموافقه جنت بودي بس انهزم م̷ـــِْن واقع العايشه بي  رحت لكربلاء ماختلطت بااحد كضيتها بلامام ابجي واندعي اريد اشوف الراحه بيوم صرت اتمنه انسه الي صار اريد ارجع اضحك مثل قبل دخيلك يااعبدالله اريد القوه والصبر نسيني الي صار تعبت حيل ماضل بيه جنت واكفه كبال الامام ودموع تجري جانت سَـآعــهْْ 6الصبح يفوت موكب نداء العقيله كل سنه بكربلاء وهذا اكبر موكب يسونه بين حرمين  جانت اجوء تقشعر البدن عيوني جانت ع شباك الامام صافنه واشكيله همومي....

.. مرت الخمس ايام واني بكربلاء جانت خدمتي كلها بالامام صحيح كلش تعب وكفه طويله بس بعدها من رجعت لبغداد حسيت براحه صدك لو كالو كربلاء راحه نفسيه ...

.. دخلت للبيت لكيت الكل كاعد سلمت عليهم واحد واحد وضحكه مرسومه بوجهي جان الكل مثل المتعجب بيه. رجعت شوي اضحك ترخصت منهم وصعدت لغرفتي لكيت علي نايم ابتسمت من شفته اشتاقيتله رحت يمه شبكته وبسته هو حس عليه كبل سحبني بحضنه..

علي..  ولج مشتاقلج..

جوري.. دموعي نزلت كتله... وني هم حبيبي كومه اشتاقيتلك......

النهاية.

رسالة جوري...

الى هنا وتنتهي قصتي

القصه مليانه عبر وموعظه بين كل سطر محاج اكول العبره اكثر لان فهمتوها ومتأكده وصلتكم...

ياريت الكل اخذ منها العبره ومن اخطائها ونصيحتي لكل بنت خلي اهتمامج بنفسج ثم دراستج وخلي الله بين عيونج عيشي حياتج عل صح لاتغرج هاي سوالف الحب والطيشان..تره محد يستحق الحب غير الله سبحانه وتعالى ...

بالنهايه اكولكم 😔تندعولي بلذريه الصالحه ويرزقني بطفل سليم واصير بيت بوحدي وبعد اكو امنيات باالي 😔💔اتمناها تحقق..

انثى 💜ملائكيه .

اخطاء لايمحيها الزمن

في أمان الله

مرحبا حبيباتي مشتاقتلكم هواي

حالياً محتاجه دعائكم نورة صاحبة القصه أخطاء لايمحيها الزمن تمر بظروف صعبه ولهسا ماعرفو السبب بتشوه الجنين أسئل الله العلي العظيم يفك كربتها ويرزقها الذريه الصالحه دعوة أربعين شخص بضهر الغيب مستجابه

حبيت ابشركم نورة صارت حامل وتعرفون شلون عانت بحياتها السابقه وكلما تصير حامل تنفجع بتشوه الجنين ياريت الكل يدعيلها يطلع الطفل سالم معافى وينور الدنيا والله يرزق كل محروم الذريا الصالحه يارب 🥺❤️

انثى💜ملائكيه

اخطاء لايمحيها الزمن

اعتذر على تأخير بارتات وتقصير والسبب حبيت جوري تكمل للختام حتى انشر القصه براحتي وماطول عليكم بعد خمس بارتات وتنهتي القصه وراح ابتعد عن الكتابه لحد ماتتحسن صحتي وترجع طاقتي يالله كمل بقيت القصص ....

.

.

.

.

.

يسر.... اذا متجين تنضيفين البيت كله اخبلج .....

جوري... بوكتها حيل نقهرت وبقيت ابجي حته طلعتي ماتهنه بيها رحت لعيالي اكرب كراب خلت البيت كله اشتغله وسمعتني كلام يسم البدن ...

يسر...عشتوو اذا رحتي كربلا شكو يمه تبقين نايمه ع ضهرج كومي اشتغلي بعد....

جوري.....وكمت يوميه اشتغل الهم وارجع لاهلي ابجي...

علي بقه شهر بكربلا اخر يوم برمضان رجع كتله..... علي اشتريلي ملابس للعيد...

علي.... لاعوفيهم خلي نجمع للدكتوره وراج كومه فلوس وصرف ....

جوري... اني هنا طنبرت لا اشو اله اريد ملابس شنو بس اني مالبس واكشخ حته بهاي بوكتها كام يتعارك ويايه ويصيح وكمنه اني ويا ع اقل شي نتعارك واني منا نفسيتي تعبانه من الحمل وتفكير وهو يزيدها عليه...

.. 3يوم العيد خابرت زينب اخت علي تعالو معزومين عندي على عشه بوكتها رحنه كلنه وجانو موجودات خواته كلهن وهناك اتفاجأت بـ مريم من شفتها لان من حبلت ابد ماطلعت شفتها بطنها كلش جبيره عبالك حامل بشهرها مو 7اشهر واالناس مصيطها عليها انو مسوين اطفال انابيب وعلساس بيها توم ...

.. تسلامنه وكعدنه كلنه اتعشينه وعادي سوالف وضحك وره ماخصلنه جان تكلي مريم...

مريم ...اي جوري عند يادكتوره تراجعين وشوكت حبلتي..

جوري... ابتسمت وجاوبتها ...يم ابتهاج ومصارلي هواي...

مريم ... هاا ..

جوري...ونتي بيه شهر...

مريم ... هاا والله ماعرف دكتوره مااتكلي وحته جنس بيبي منعرف فلاتسئليني شنو بيج عفيه ...

جوري... باوعتها كتلها... ايي ني هم مثلج ماعرف شكد عليه.... وسويت مثلها عشتو كمت حته مانطيها مجال للان اعرفها مشكلجيه وتحب القال ولقيل عفتها ورحت يم لبنات وهيه احسها ضاجت وكامت متحجي ويايه اني هم بعد متهميت الها.....

...طلعنه من بيت زينب رجعنه للبيت اني بهل فتره ماعرف ليش صار عندي قلق وتفكير واحلامي كلش مزعوجه منهه و ساعه اكول يمكن طفل مابي نبض ساعه احجي ع دكتوره لان اخرتني مده وني لايبه اريد اشوف وضع طفل ولاكثر الاحيان اختنك وابجي يوم منهن جنت بيت اهلي كتله....ا ماما عفيه اخذيني غير دكتوره بس خلي اطمئن ع طفل راح يصير 3اشهر واني ماعرف عنه شي...

ام جوري.. يلا ميخالف اخذج لهاي لمستشفى هم اقرب النه وهم اصرف مستشفى حكومي مياخذون هواي...

جوري... ويادكتوره بيهه...

ام جوري... عل ماعتقد اسمها مروه..

جوري... يلا نشاءلله اروح انام نعست..

ام جوري... نوم العوافي...

جوري... رحت نمت ماعرف شكد مر وقت واني نايمه بس حيل جنت مزعوجه بنومتي احسس اكو شي بطني يدك مثل نبض دكته اني نسيت نفسي عبالك حامل كلت اووي هاي شنوو فتحت عيوني كمت كتلها.... ماما اشو منا بطني بيها دكه هاي ليش...

ام جوري... ابتسمت... شبيح طفل غير...

جوري... ياا قابل هسه يتحرك غير من خامس وره ...

ام جوري.... مو شرط ويجوز رب العالمين خله يتحرك علمود تتطمئنين..

جوري.... هااا زين شوكت نروح...

ام جوري... هسسا بس اخلص شغلي ونروح شعدنه وكومي انتي حضري نفسج بين ماخلص .

جوري ....يلا اوك ، رحت اخذت ملابس ورحت بدلت خلصت وامي هم جهزت نفسها وطلعنه رحنه حته مشي لان مهواي بعيده طبعاً الجو جان كلشش حار علما وصلت للمستشفى متت تعب واحس نفسي اريد اوكع من طولي دوخه موتتني لهناك كصينه باص ورحنه كعدنه ننتظر ساعه ودخلنه لكينه غير دكتوره مروه..بس كلت ميخالف المهم اسوي سونر وهاهيه. سلمت وكتلها دكتوره اريد سونر دكتورتي مسافره واني حامل ..

د ... حبيبتي ماكدر اسويلج سونر ترحين تسوين تحاليل ووياه تحليل حمل وتجين واسويلج سونر...

جوري....باوعتها كلش ضجت ياتحااليل يابطيخ اكلها بيه تكلي تيه ...دكتوره كتلج حامل واني سويت تحاليل قبل شهرين واني جايه اسوي سونر.....

د ... لا ماسويلج وان مسويه تحااليل اني ارد اتاكد ...

جوري ....مجاوبتها شي اخذت اوراق وطلعت كتلها امي امشي نرجع للبيت احسن من هلدوخه دنكعد نسوي تحاليل الي مالها داعي...

ام جوري... ليش يمه غير هيه دكتوره واعرف كلشي بيها صالح الج امشي للمختبر يلا...

جوري.... نافخت من ضوجتي ماراضيه اسوي دائما شي يصير عكس ماريد دخلنه للمختبر وشفنه بنات 3كاعدات يسولفن امي نطتهن االورق شوي وجتي وحده نطتني مثل علبه كتلها شنو هذا كالت ادرار فريت بعيوني كتلها مايحتاج اسحبي دم وفضيها..كالت اي هو بعدين دم امي جانت تكرص بيه اخذت ورحت رجعت كالت بعد نسحبلج دم كعدي هنا كعدت اجت دخلت تسحب وماكو دم ، طلعتها ودخلتها بغير مكان وتسحب وماكو حاولت ويايه بل اربع مرات هنا اني شنو حسيت ايديه نملت مثل صار خدر كمت ماحس بيها كتلها وج عيني يلا والله تعبت احس نفسي دايخه كالت صبري شبيج وريدج ضعيف بقت جك جك بل ابره زرفتها الايدي وماكو كتلها كااافي كالت بعد هنا اشوفلج بلكي يطلع كتلها گتلج عوفيني تره ماعاد اتحمل...

...مسمعت كلامي حاولت بل مره خامسه وهيه وجايه دخل الابره بهل اثناء صدك بعد محسيت بنفسي صارت كلش دوخه عندي حراره صعدت بيه رجعت راسي ليوره غمضت من تعب ماعرف صار هبوط عندي وين يالله حسيت اسمع امي تحجي عل ام تحليل وتغسلي بوجهي امي وتقراء ايات بلكوه حجيت كتلها ....ماما تعبانه... ودموعي تنزل هيه تخبلت عليه متعرف شسويلي..

....وهاي ام تحليل تكلها امي شبيها بنتج متتحمل نحسه وامي مدري شتكلها اني حيل ضجت لو مااجنت تعبانه وربي انهد بيها بس جان مابيه حيل وكوه ماسكه نفسي كمت عل كيفي وكتلها امي امششي يمه خلي نرجع وبلكوه طلعت امشي ولزمه راسي بس ايديه احسها مو طبيعيه الخدر ماراح والآلم الي بيها مو طبيعي..

...دخلنه للبيت وامي رئساً سوتلي عصير برتقال...

بيبي...هاي شبيها بنتج وجهه اصفر وشكالت دكتوره..

ام جوري....والله عمه ياريت لو مارايحين غير هناك تخربطت من جاي تسحبلها دم ...

بيبي ....يااا ليش لا هيه بنتج مو سبعه مابيهه خير خوافه ووهواسيه

جوري.... جنت مدده بلفراش واسمع بيبي تحجي عليه..بله هاي شلون بيهه متكول مريضه ضغطها شي لا هيه بس تعرف تكول مابيهه خير نوب لليل واني وباقيه الوب من ايديه وصدوك حيل خفت لاصار شي بيه كتله ل علي كال اسئلج دكتور احمد...

....امي تكلي عادي كم يوم وطيب لاتخافين بس اني اضل قلقه فتحت فوني جان عندي كروب الحوامل على الفيس نزلت منشور وحجيتلهم سالفه واجتني كومة تعليقات حته مالحك ارد بس جانت اغلب تعليقات تكول موزين تعوفيها روحي طبيب يشوفج انتي حامل ومن هل حجي نوب خلوني الناس بااكثر خوف راسلت صديقتي بسمه هيه هم اختصاصها تحليلات وكتلها هيج وهيج كالت عادي حبيبتي حطيلها ثلج واستمري كم يوم وصير زينه والله سويت كالتلي عليه وهم ماشفت فرق ضلت تئذيني سبوعين وثالث يلا شوي صارت احسن....

..بهاي الفتره مريم ومهند اجوي يباتون يمنه لان مريم قربت ولادتها ومهند وعمتي والكل مخبصوص بيهم يجهزون اني صار موعد دكتورتي اجت ويايه امي هل مره علي جان ملتهي بلشغل ويه سجاد صار شغله ، فـ رحنه وكالعاده انتظار علما تجي دكتوره ويدخلون مراجعين قبلي يلا ادخل اني كتلها سكرتيره خلي تدخل امي ويايه كالت اي عادي ودخلنه...

.. سلام عليكم دكتوره..

د....عليكم سلام بنتي كارت مالتج وين

..

جوري... نطتيتهه قرت كالت روحي للسديه سونر رحت وهيه اجت خلت سونر ع بطني واني كلشش خايفه واجيب واندعي كون تبشرني دكتوره بطفل مابي شي..بس هيه ضلت ساكته كلشي ماتحجي بس تباوع وبقت دقق كلش حته تعبت وجرت كرسي وكعدت تباوع ارد اسالها بس ماكدر اختنك وبجيت بلحظتها دكتوره انتبهت عليه باوعتلي كتلها بصوت مخنوك هاا دكتوره....

....فرت راسها بأسى وصارت تسالني...

د... طفلج السابق شكد طول وتوفه..

جوري... بس طلعوها من بطني بنفس اليوم

..

د... وشكد جنتي حامل بوقتها..

جوري... جان بعدلي 4ايام ودخل تاسع ودخلوني عمليه سكتت بعد ماحجت طبعا امي جانت كاعده كبالي من سمعتها تسالني لزمت گلبها واشوف شفايفيها تتحرك كاعده وتندعيلي واني اباوعها وعيوني تكت دموع ، وكله هذا ودكتوره بعدها تباوع بسونر وساكته تعبت حيل هواي اتاخرت بس ماعرف ليش صار عندي فضول ارد اعرف شنو جنس طفل سالتها بصوت مخنوك.... دكتوره شنو بيه ...

د.... مابين بنتي هسه اهم شي كولي يجي بسلامه واتمام الخلقه ...

جوري.... اي والله اهم شي ها اكلج دكتوره طالعتلي مثل حبايه بس جبيره جوه بطني صايره ولاول مره تصير ويايه..

د.. هسه اشوفها لحظه بعدين حجت بصوت ناصي بس مسموع... العامود الفقري للي بطفل...

جوري... جان رئساً تسكت فتحت عيوني كتلها ...شنو شبي طفل دكتوره...

د... هسه عوفي خلي اشوف الحبايه...

جوري...كلبي ضل معصور كلت شبيهه دكتوره لافت السالفه ومكاالتلي واني هم بعد ماسالتها ..

..

د.. هاي محمله جراحه...

جوري...جابت مكص وقطن وهذن ادوات وجتي سوتليها بلمكص ومتت من وجعها كالت تحملي بلكوه خلصت وكتبتلي دهون الها وخلت شاش ولزكتها وكالت يوميه لزكيها حته لاتلتهب بعد.. كتلها ماشي وكالت عشرة ايام وتجين علمود الحبايه تره موزين اذا هملتيهه كتلها انشاءلله طلعت منها

بس حجاية دكتوره ترن بذني كالت عامود فقري شنو عامود بس شغله بعدين نسيتها وكلت يجوز داتتاكد بس امي معجبتها دكتوره لان من سالتها عليه مجاوب تكول شدعوه هيج ماتتحاجه ..

.. رجعت للبيت وعلي جان توه راجع من شغل ابتسمت وكتله ...الله يساعدك ...

علي...ويساعدج شوكت اجيتي من دكتوره ...

جوري .. مصار هواي..

علي ..اي وشكالت..

جوري... ماحجت شي هلمره وعلمود هاي حبايه كالت عشرة ايام وتعاي..

علي...وضع طفل شلونه..

جوري... مكاالت شي وحته من سالتها شنو بيه كالت مابين بس اني اعرفتها بنوته دام ماتبين ...

علي.. ادري غير تفتهمين منهه لعد شكو داترحين غير نعرف وضعج وضع جنين ...

جوري...فريت عيوني بنزعاج .. ياعيني واذا هيه ساكته وعل كولت امي ماتتحجه لو تحجي كلمه كلمتين لو ماكو.

علي .. لازم انتي ماعندج لسان تحجين مو....

جوري.. اهوو علي شتريدني احجي لو اكو شي جان كالت شنهي هاي....اباوعله سحب ملابسه بس بعصبيه ...

علي... امشي نزلي حضري غده...

جوري.... نزلت وهو راح يسبح كمل وكعدنه ناكل واحنه ساكتين واني مدري شبيه ضايجه احس اكو شي ماعرفه شنو دوم احساسي مايخيبني....

....مرت الايام وصادف يوم الخميس تاريخ 2019\7\18 مريم اشوف وضعها مثل خايفه گتلها عمتي ...شبيهه مريم ...

يسر....باجر صبح تروح للمستتشفى تجيب...

جوري.... هااا الله يسهل عليها... للصبح بل 8 كلهم راحو للمستشفى ويه مريم واني جنت وحدي بلبيت نضفت وغسلت ملابسهم خابرتني تبارك..

تبارك... ها جوري شداتسوين وحدج بلبيت لو يمج علي...

جوري ... لا وحدي علي بشغل..

تبارك... هااا يلا اني جايه خو ماكو شغل بلبيت ...

جوري.. لا فضيته ماعنده شي..

تبارك...يلا خوش..

جوري... سدت الخط وره ساعه اجت هيه وجهالها گتلها ...ها تبارك بشري جابت مريم لو لا ..

تبارك... توني خابرت امي كالت دكتورتها بعد مااجت ويردون منها تحاليل..

جوري.... يالله خطيه ربي يسهلهم..

تبارك... امين...

جوري... بقيت كاعده جوه يمهه وهيه جانت تراسل اخواتها لل ،2 ضهر واني جنت اغسل ماعين الغده واجتي تبارك تخابر وتضحك ويتباركون عرفت مريم جابت گبل سديت الماي ورحت اركض يم تبارك لكيتها تراسل كتلها ...هااا بشري..

تبارك... اي جابت الحمدالله بنوته انشاءلله يوم الج وتكومين بسلامه...

جوري... تسلمين بس صدوك حيل فرحت لمريم ول مهند بعد انتظار 10سنوات دعيت الله يفرح كل محروم.. بس الكل جان مصدوم من كالو اجتهم بنيه لانو مريم جانت تكلهم بيه ولد وهيه اصلا جذب جانت بيها بنيه بس ماعرف ليش سوت هيج بس علمود عمتي تكيف بلولد اكثر ويهتمون اكثر بيها مادري شنو هالعقليه..

.... بهل اثناء موبايلي دك

ررحت شلته لكيت امي تخابر وكتلها ...مريم جابت...

ام جوري... اي صدك مو جانو يكولون بيها ولد شو طلعت بنيه...

جوري... اي يمه ماتعرفين سوالف مريم شتعرفيها قابل ... ضحكت وكالت..

ام جوري... هسه موزين صار عندهم ان كان ولد او بنت الله رزقهم ..

جوري... يي مفروض يحمدون الله شبيها لبنيه...بقينه نسولف اني وامي نهيت منها الاتصال شفت رساله من عمتي ندى وكاتبتلي يوم نفرح بيج حبيبتي جوري وتكومين بسلامه...

...من قريت رسالتها دمعت عيني ولزمت بطني اجاني احساس انو مايفرحون بيه گتبتلها ماتفرحون بيه..

ندى... يااا شبيج جوري اكو وحده هيج تكول ليش تتفاولين بلعكس..

جوري... ماعرف عمه مخنوكه هواي... وعفتها صعدتت للغرفتي لكيت علي نايم رحت فتحت شباك وايدي ع الحايط وعيني ع سمه ودموعي تنزل عشره عشره شبيه شجاني ماعرف علي كعد...

علي... شو فاتحه شباج سدي يلا..

جوري... حجه بنتره سديته ومسحت دموعي ..

علي... منو جوه شنو هاي لهوسه..

جوري... مريم جابت ع اقل خابره لـ اخوك اتباركله اول طفل اله ....سحب فونه محجه شي واني بعد نزلت...

تبارك.... تعاي جوري نضفي طبلات الاستقبال اليوم يطلعوها من مستشفى لمريم اريد كلشي جاهز...

جوري... ماشي... اخذت السفنجه والخاولي ورحت انضف بيهن وحضرت باقي شغلات للعصر تبارك دزت محمد اخوها للمحل يجيب نفاخ ونشرات وسوت تزينات واحروف هاي كلها بلغرفه لليل ساعه 10واحنه كاعدين نسوي عشا لان راح يجون وكاعدين ننتظرهم علي نزل مبدل وكال رايح للمستشفى وياهم لحد مااجوي واني وتبارك واكفين بلباب نزلت عمتي واشوفها تضحك وبيدها طفله ومريم بلكوه تمشي عمليه مسويه وعمي ومهند بيدهم الغراض مال طفل وجان الكل فرحان تباركت الهم اجت امها واخوتها لـ مريم وسوالف وضحك صدوك جنت اشوف بعيون الكل فرحه الما تصفهم وره ساعه الكل اجوي عماتهم خالاتهم والبيت صار هوسه ....

.. اله اني جنت عبالك بغير عالم خنگه بگلبي محد يدري بحالي غير بس الله عمتي اجتي للمطبخ شافتني واكفه...

يسر.... جوري ليش صافنه ودي جيبي حضري فواكه ودي للخطار ميصير هيج...

جوري... فزيت منها اني طبعا كتلها هاا يي عمه صار على سريع كمت اخلي بمواعين فواكه وصينيه واروح اقدم وارجع وع هاي موال والماعين العشه لسا ماخلصتهن غسل اباوع مطبخ كله هوسه يرادله كومة شغل اريد احد يساعدني ماكو تبارك التهت بنت مهند مامصدكه صارت عمه.....

..وشغل كالعاده كله براسي لل 2بليل يلا كدرت اصعد غرفتي وحته من تعب گبل نمت ومادري بنفسي وبهاي لليله واشوف احلام وطبعاً اني طول هاي فتره احلامي كلش مزعوجه منها اشوف كوابيس وحيونات اله بذاك اليوم اشوف بلحلم حيوان ضخم جبير لونه رصاصي بس ماعرف شنو من نوع حيوان هذا لاهو خنزير لاهو نمر ماعرف حيوان عجيب غريب ولساته بالي فزيت من النوم واني لزمه گلبي وعركانه وجسمي يرجف يممه هاي اني شفت حته علي كعد ع فزه مالتي ...

علي.. شبيج ليل كله تتفزفزين...

جوري...احس بلاعيمي مطبكه كوا حجيت ... مادري علي خاايفه ...كمت ابجي...

علي... تعاي يمي ليش بعيده..

جوري... لا خليني مااجي...

علي... مو دكلج تعاي يلا لاتعاندين...

جوري.. ماا اجي ماريدك بقيت بعيده عن علي حته اتنرفز منه وهو هم زعل ورجع نام لثاني يوم اكعد واني مريضه صخونه ونحول بجسمي وكلما ارجع انام اشوف نفس الحلم وهم افز نفسيتي حيل تعبت وماعرف سبب ....

يتبع.

انثى 💜ملائكيه

اخطاء لايمحيها الزمن

انثى 💜ملائكيه

اخطاء لايمحيها الزمن

هلووو حبيباتي ياريت تصويت يصعد وتعلقون بين لفقرات مجاي اشوف تفاعل 😢💔اذا كملت البارت باجر احتمال انشرا

جوري ...مرت ايام لحد مااجه يوم السبت االي هو موعد دكتوره كتله لعلي...اريد اروح اراجع دكتورة ...

علي... مو ذاك يوم رحتي ماكو روحه بعد ...

جوري... علي هاي شبيك غير كالت موزين تعوفيها حبايه ..

علي...اي عوفيها ميحتاج هيه طيب وحدها ..

جوري... علي خليني اروح تره مو بكيفك.... كام يصيح ويتعارك وعافني وطلع خابرت امي ابجي كتلها ....ميقبل اكيد من وره لفلوس ...

ام جوري... معليج بي اني انطيج صحتج اهم عندي من طفل مديشوفج مريضه امشي اني اخذج...

جوري... يلا انشالله ...اجه علي وكتله لفلوس من امي بعد شنو كلشي ماحجه بعد ويايه بس امي اصرت تاخذني للدكتوره ورحنه الصبح اول مدخلت للدكتوره كتلها ...دكتوره علمود حبايه كتيلي تعاي ..

د... صعدي للسديه..

جوري... رحت وهي اجتي..

د ... طلعي بطنج اسويلج سونر...

جوري... فتحت عيوني... دكتور سونر ليش مو ذاك اليوم سوتيلي...

د.. احسن بنتي...

جوري... بعد مكتلها شي بس صارت بيه خوفه وكلبي يدك سريع سوت سونر وشوي وكاالت هاهيه راحت للمكتب ملتها واني جنت داعدل بملابسي....

د.... جوري اني دزيتج تسوين دوبلر لو لا..

جوري...نعصر كلبي رأسن فريت راسي ودموعي نزلت من كالت دوبلر حسيت طفل بي شي كوا طلعت من لساني ..لا ...

د...تمام اكتبلج وروحي دكتور فائق تسوين دوبلر وتجيني...

جوري... اخذت منها الورقه واني تغيرت احوالي امي اباوعها شكلها تغير وجنها خايفه ومسطوره بيه..

ام جوري... دكتوره فدوه طمنينه خو ماكو شي...

د.... انشاءلله ماكو شي ...

جوري....اخذت من دكتوره الورقه وطلعت ودموعي تنزل وامي صارت فد مره خفنه طفل بي شي گتلها... ماما اوكفي خلي اخابر علي يجبلنه فلوس لان خلصت.... اتصلت ع علي واني كوه احجي مخنوكه حيل.... علي لازم تجي وجيب وياك فلوس دكتوره طلبت مني دوبلر ...

علي.. شنو يمعوده ..

جوري.. علي مثل مداكلك ..

علي...يلا الله كريم..

جوري.. انتظرك... سد الخط علي هم جان مدري شبي بس يتعارك ويايه ويصيح ع اقل شي اثنينه منعرف حالنه شنو كعدنه اني وامي وهاي اني باقيه ابجي ع حضي باوعت الورقه كاتبتلي انو اسوي يم دكتور فائق وهذا اعرفه كلش غالي يعني دوبلر مالته يطلع بورقه هيج سعر..كتلها .. شلون يمه خاف علي ميكدر يدبر فلوس هلكد ...

ام جوري.. اكولج صدك قبل فتره خالج نطاني 250الف كال هاي ل جوري شوكت متحتاج تاخذ منهن بس للدكتور مو لغير شي وكت ضروره ...

جوري...وليش يعني نطاج...

ام جوري... يمه خوالج يعرفون بحالتكم الماديه شنو ويعرفون وراج جيبوبه ومصاريف...

جوري... شنو قصدهم يساعدونه لو شنو...

ام جوري... لالاتعتبريهه هيج..

جوري...كبل قاطعتها كتلها ...يمااا يعني الى متى فهميني والله خجلانه منهم فوك مااني مقصره لاروحلهم لااجيهم ليش هيج يسون سؤالهم عليه كافيه.....

ام جوري... ربج ميكطع احمدي الله يمه جان منين انتي جيبين وابوج هذا ابوج شتعرفين عنه يكدر قابل ينطيج وهذا شغل رجلج يادوب يكفي مصرف ...

جوري.... اخذت نفسس كتلها... وربي ماعرف شلون اجازيهم لبيت جدي بل خصوص خالي...

ام جوري... اندعيلهم يمه اندعي كون الله يفرحه بطفل...

جوري... انشاءلله ربي يفرحهم ويفرح كل محروم..

ام جوري.... دخابري هسه لـ علي وكليله لفلوس مخليته عند بيبتج خلي ياخذهن منهه...

جوري.... كتلها ماشي خابرته وكتله...

علي... صدك تحجين ومنيلج هل مبلغ واني وكاعد حاير بلفلوس كتله...

جوري... لاعلي لاتحير خالي دازلي 250 الله يرضه عليه دنيه واخره على طول اندعيله من گلبي.. ..

علي.. يمعوده شلون هيج..

جوري... اني مثلك مادري بس مخليهن يم امي ومادري وهسه هيه كالتلي...

علي.... ديلا هسه جايكم...

جوري... لاتنسه اخذهن من بيبي وخلي نروح اليوم اسوي دوبلر وسديت الخط منه....لهناك واجه علي شافني ابجي...

علي... خير خو ماكوشي...

جوري... ماعرف علي حيل خايفه لان ليش دكتوره طلبت دوبلر ..

علي...كولي يالله ياعيني انشاءلله ماكو شي يجوز رادتت تتأكد يلا امشي وبلا بجي...

جوري... مسحت دموعي وطلعنه وامي ويانه جان عمي ابو رضا جاي بسيارته ويه علي سلمت ع عمو وكعدت وطول طريق احس گلبي يريد يطلع من مكانه خايفه احساسي لايكون بمحله علما وصلنه لشارع المغرب بالف ياعلي ازدحامات قافله شوارع لل ساعه 11الصبح وصلنه للعياده نوب كعدنه بلانتظار لان عالم كاعدين وزدحام حته يم دكتور اني وامي كعدنه وعلي وعمي طلعو بره ينتظرون اجت وحده كعدت كبالي وبس تباوع عليه واني هنا لايبه ارد بس ادخل للدكتور كمت من مكاني اروح منا واجي منا وابجي واندعي من الله كون طفل مابي شي وجان اسمعها تكلها امي شبيها لبنيه حامل لو شنو كالتلها اي حامل كالتلها عند يادكتوره تراجع امي جاوبها يم د ابتهاج كالتلها ني هم يم ابتهاج والله ايدها عافيه وكامت تسولف حالتها لامي وني هنا تعبت من الوكفه امي كلسا تكلي كعدي اكلها ماريد اكعد شوكت تفرج وادخل للدكتور...

.. طلعت بره اشوف علي اريده يحجي ويه سكرتير اني استحي اكله ماعرف ليش ماعندي جراءه رحت واشوف علي صافن وبيده جكاره ويدخن وعمي بصفه يحجي ويا بس مفتهمت ع شنو يحجون ،صحت... علي... دار وجهه ....

علي ... هااا شبيج..

جوري... فدوه دكله للسكرتير خلي يدخلني تره مليت من الانتظار وتعبت...

علي...ميخالف هسه اروحله وانتي روحي كعدي...

جوري... ماشي ..و بداخلي كاتلني فضول ياربي اريد اطمئن ع طفل رحت كعدت يم امي وهاي المره بعدها تسولف ويه امي وضاهر مسولفتلها حالتي اشو كامت تكلي كثري بالاستغفار وصلي صلاة الاستغاثه بفاطمة الزهراء وهيه توكفلج ومن هلحجي واني اكلها اي خاله انشاءلله لحد مااجه سرايه كمت ع حيلي حسيت گلبي راح يوكف على دقيقه ياربي بجاه ام البنين انظر لحالي واريد تفرحني بطفل سليم ...

... دخلت للدكتور سلمت كال اهلين جوري تفضلي كعدت كام يسئلني...

د... انتي الي اجيتني قبل سنتين وطفلج جان هيج وهيج بي...

جوري...هزيت راسي بمعنى اي اختنكت ودموعي نزلت مكدرت حته اجاوبه ..

د... يلا تعاي..

جوري.. صعدت للسديه نمت وبده يشتغل خله سونر ع بطني وكالعاده ساعه علما خلص سالته ...دكتور ماكتلي طفل شلون حالته... باوعلي وكال..

د.... الله كريم بنتي بعدج صغير بس ولله هاي دكتوره تكلج الحاله اني راح اكتب تقرير وادزلها والباقي يمها..

جوري.... من كالي هيج دكتور گلبي ابد مارتاح شنو قصده بكلامه يعني بي شي طفل يلعن حضج جوري اذا جان صدوك طلعت من دكتور وكوه اسحل بنفسي حسيت نفسي انتهيت من هسه حيل مضل بيه شافتني امي ...

ام جوري...هااا شكال احجي..

جوري... يمه ميكول غير يم دكتوره تعاي هم ننتظر علما نتسلم دوبلر ونرجع للدكتوره وتحجيلنه ...

ام جوري.... يمه غير كون تفرحينه اللهي وسيدي ومولاي لاتلوعنه نريد فرحه منك...

جوري ... بقت تندعي امي وتبجي وهاي المره الي وياها خطيه هم ضلت تندعيلي وتكلي الله يجبر بخاطرج وكل هذا واني حالتي حاله فكري وعقلي مشتت ساعه اكول واتفائل بلخير اكول رب العالمين راح يعوضني ومستحيل يخيب ضني واكيد راح يفرحني علما طلع سكرتير وسلم دوبلر لـ علي بودي اطيررر بسسرعه وادخل للدكتوره وتبشرني وتكلي طفل مابي شي بس ماعرف ليش هاي خنكه الي بيه وصلنه للمستشفى ساعه 1ضهر همزين لحكنه على دكتوره لان تطلع من وكت كبل رحت للسكرتير كتلها.... فدوه دخليني على سريع مصار من ساعه من طلعت من دكتوره ودزتني ع دوبلر...

.. كالت اي حبيبتي بس اصبري شوي اكو مراجعين يمها ..

جوري... يلا... بقيت واكفه حته ابد ماكعدت دخيلك ياربي اباوع امي تعبت وراحت كعدت ع كرسي سوده عليه شافو مني اهلي غير بس شلعان الگلب...

....شوي واسمع سكرتيره تصيح اسمي جوووري فزيت من صفنتي باوعت باب مال عيادة دكتوره مفتوح التفتت ع امي لكيتها ورايه عبالك مثل مترردين ندخل او لا..مشيت ع كيف وبكل خطوه اندعي وابجي وصلت يم دكتوره نطيتها دوبلر الملون بدون اي كلام وامي كذلك..فتحته هو صاير مثل ملف بس صورة طفل وجوه كتابه انكليزيه كامت تقره بس بدون صوت رفعت راسها جان تكول ...

د....مزوجه ابن عمج ...

جوري...لا دكتوره ابن عمتي واحنه كرايب...

د... شوفي بنتي اني راح اكون صريحه وياج طفلج مشوه ..

جوري... باوعت دكتوره كمت احجي واقطع بكلام مثل صدمه... ششش ننوو دكتوره لاعفيه لاتكوليها...

امي كامت دك بنفسها وتبجي...

ام جوري... شنوو دكتوره شبي يعني مشوه هم كلياته ..

دكتوره..والله ياام جوري جنت هذا خايفه منه كلت خاف يطلع بسبب الكلى بس ماكو مابيها شي بس طلع الاكثر من هذا طفل اكثر من تشوه بي عندها مي براسه وخلل بلعامود الفقري واكو خلل بلحبل السري يعني الطفل ياكل بحشائج مايوصله غذاء عبر حبل السري ويذكر موجوده تشوهات عديده بطفل ..

جوري... طبعاً هنا جانت دكتوره تشرح بتفصيل واني ابجي حييل انهاريت شافتني د بهاي الحاله سكتت ماقبلت تكمل ...

ام جوري... دكتوره والحل شنو هسه...

د....شوفي هو لو يموت بطنها يااما من تولد شكد يريد. يعيش يوم او يومين ويموت مثل هيج حالات ميعيش طفل بكل الاحوال اني الي برئيي تنزل طفل افضل الها خطيه هيه هم تعبت بس دقيقه اخابر

دكتور فائق واتاكد منه ..

جوري.... تصلت عليه وكامت تحجي ويا بل انكليزي واحنه بعدنه كاعدين يم دكتوره بقينه بلنص ساعه واحنه بعدنه وهيه تشرح علما خلصت مكالمه جان تكول...

د.... بنتي تعالي شهر جاي ونزله للطفل ميبقه بطنج احتمال يموت حته نبض ضعيف وحركه مجاي تحسين اكو مو ...

جوري... اي دكتوره ماحس بحركته ...

د... اي فـ تعاالي شهر جاي وهم نعيد دوبلر....

جوري... دكتوره ياريت اعيده اليوم وبغير مكان يعني بلكي اكو خطأ فدوه دكتوره سويلي جاره اريد طفل يجي وكلشي مابي ..

.. اخذت نفس دكتوره وكالت... حبيبتي الله يعينيج احنه علينه جاي نسوي الج الله اذا تردين اكتبلج وترحين يم دكتوره خوله بلمنصور عيادتها دكتوره شاطره ودوبلر يمها مضبوط اذا رايده تتاكدين....

جوري.. ياريت ..

د... هاهيه...

جوري... كتبت ونطتني الورقه كتلها... باجر اسوي..

د.. شوكت ميعجبج سوي وتعاي..

جوري... انشاءلله... طلعنه من دكتوره واني حالتي حاله اتهسترت عبالك وبدون وعي كمت اتصرف صرخت وبجيت وحته ردتت اوكع من مكاني دوخه لزمتني كعدت ع كرسي لزمه راسي واشهنك ماضل حيل بيه والله ليش ياربي ليشش اجوي مراجعين والنسوان التمو عليه ويندعولي ويهدون بيه لهناك وماسمع غير صوت علي ورايه...

علي.... جووري ..

جوري...كلهم باوعو عليه وحده كالت

هذا مو زوجج جاي يصيحلج كمت ورحت يمه ..

علي... شبيج مدكليلي دخلتي للدكتوره..

جوري.....اباوعه يحجي بعصبيه ودموعي تنزل كتله... دخلت وياريت ماداخله... طبعا هو رئساً عرف اباوع بعيونه بسرعه غرغرت بدموع..

علي... اششش لاتكملين اممشي يلا..

جوري... اني هنا ايدي كامت ترجف جسمي احسه يون راسي راد ينفجر من الوجع وعيوني مثل شلاال ركبنه سياره وطول طريق اندب بحضي وابجي واعيط وعمي وعلي يتعاركون ويايه..

....عمي يكلي كاافي جووري لاهيج سوين بنفسج تره صحتج اهم من كلشي طفل يتعوض بس انتي اذا صارلج شي منو يفيدج عود بعد وتره مو انتي اول وحده صار الي صار وياج هاج اني مو كدامج فقدت 2اطفال هم ماعاشو بس ماسويت هيج ولاحته مرتي صحيح واحد ينقهر يبجي مالومج بس خووما اضل ابجي واكول حضي وحضي تره ميصير و نكول حمدالله ع مايقسم الله لنا وهاج اني ربج عوضني ب3اطفاال ويجي يوم الله يعوضكم انشاءلله ياعمي كااافي والله انقهر عليج بعدج صغيره والحياة كدامج وكلشي تشوفين بيها والانسان معرض اللابتلاء، والحياة ياعمو تحتاج صبر وتذكري وراء كل ضيق فرج وربج مدوم ع الحال لابد يجي يوم تفرج وكولي ومكال عمي..

جوري.....اباوع عمو يحجي ومانطاني مجال حته احجي حجايه كلنه نستمع اله اني امي علي بس اني ضاله ع حالي ابجي احس حته صبري خلص صارلي سنوات اكول شنو لعد الي تغير من حياتي اشو اللاسوء من حمدلله يارب اريد منك الصبر والقوه وصلنه للبيت بس اني نزلت يم اهلي مالي خلك اروح لهناك واسمع كلام من عمتي وانغث فوك مااني مغثوثه اول مادخلت بيبي شافتنه ...

بيبي...هااا خيرر شبيها جوري..

جوري... ني ماحجيتها شي بيه كافيني رحت لغرفة اهلي

طبكت الباب ماريد اشوف اي بشر كرهت دنيا كلها ذبيت شالي والعبايه وكفت كدام المرايه اباوع بعيوني حمر من البجي وجهي تعبان اووف ياجوري بعد شنو الي راح تشوفي بحياتج مامكتوبلج الفرح بيوم عيوني تكت دموع كعدت بلفراش خليت راسي ع مخده غمضت عيوني من تعب غفيت ومادري بنفسي شوكت نمت وكالعاده احلامي كلها كوابيس وحيونات مخيفه اكعد مرعوبه من الحلم ورجع ابجي ماشفت غير امي يمي تحجي ويايه بهدوء ...

ام جوري...كومي يمه جوري توضي وصليلج ركعه قضاء حاجه وين الله ويباوع حالج...

جوري... هزيت راسي اي تذكرت اني حته صلاة الظهر فاتت عليه كمت للمغسله توضيت وكفت صليت لحد ماكملت سجدت وصرت ابجي واطلب حاجتي رفعت راسي شفت اخويه حسن يباوعلي ودمعه بعينه احس بعيونه كلام وهو بس يباوعلي ميحجي شي لان هم شبهه مصدوم من سمع بيه جان ع طول من يشوفني يكلي شوكت اصير خال وشوكت تجي رقاوي..جنت اكلهم اهلي ولـ علي اذا تجيني بنوته اسميها رقيه طلبتها من سيده رقيه وتمنيت يكون حقيقه....

..كاعده وابجي ع سجاده سمعت امي تصيح جوري وينج كمت رحت لكيتها واكفه بلباب ويمها عمي ابو علي وبيبي يسولفون..من شافني عمي كال....

ابو علي....امشي لبسي عباتج ويلا ع سريع...

جوري...حجيت بتعب ... لوين نروح...

ابوعلي... مو دكتورتج دزتج ع دوبلر بلمنصور امشي هسا سوي وفضينه..

جوري.... جان عمو عصبي اني هم رحت ع سكتي لبست وطلعت للسياره وعلي جان ويانه وعمي ابو رضا اخذنه بسيارته وطبعاً هاي اني طول طريق دموعي ماوكفت لحد ماوصلنه للعياده جانت ساعه 5العصر لكيناها مزدحمه عمي حاول عود بواسطته يدخلني لان هو موظف عسكري ونطه بغاشيش للسكرتيره عمي طبعه ميحب الانتظار يريد على سريع....

...بس هم بقيت كاعده تقريب نص ساعه واني بعدني تبارك خابرتني جاوبتها بلكوه عرفتني ماريد احجي كالت انطيني سكرتيره اني احجي وياها..كتلها هاي حماتي تحجي وياج تره مالي خلكها اخذته مني واسمعها تبارك تكلها فدوه دخلي وياها وافتهميلنه شبي طفل تراها طرنه متفتهم فـ اريدج وياها..

....اني هنا اسمعها وافور بداخلي يمكن لو يمي اكطعها واطلع حركة گلبي بيهه سكرتيره كالتلها ماشي تدللين سدت الخط اخذت منهه موبايل جان تسالني شنو حالتج عيني كتلها اني حامل ودكتوره كالت طفلج مشوه واني سويت اليوم دوبلر بس رايده اتاكد يم د خوله. كالت ماشي يلا تعاي ويايه دخلتني للدكتوره نطتيها اوراق كلها شافتها وحته دوبلر جديد ولقديم مال اول طفل رفعت راسها ..

دكتوره ... شنو انتي وليش تزوجتي كرايبج اذا تعرفين عندكم وراثه على مالمن ازوج ورب الي انتي تزوجتي غير تسوين تحاليل من قبل زواج هيج لعد احسن ...

جوري....طبعاً دكتوره استلمتني حاصل فاصل مانطتني مفكه حته احجي ونوب ماعرف شبيها عصبيه وتحجي من كفه خشمها وتعلي صوتها عليه ابد ماحبيت سلوبها كتلها.... دكتوره اني ماعرف انو عنده وراثه علما صارت الحاله وسالت بعدين عرفنه وله احنه شدرانه وبعدين اني وزوجي فصلية الدم متوالمه ...

دكتورة... اني مداحجي ع هاي اقصد لازم تسون تحليل جينات وراثيه قبل زواج دام انتو اقارب ويلا امشي صعدي للسديه...

جوري... سكتت بعد مجاوبتها شي غير بس دموعي تنزل خرب حضي هاي وين جانت الي سوتلي دوبلر وحته بسرعه خلصت ...

دكتورة... كومي اصلا اني لو مني ومنج اروح انتحر وشكو مخليته بطنج طفل مششوه شنوو شتسوين بي لخاطر الله....

جوري...فتحت عيوني اباوع دكتوره تحجي وتتعارك ويايه زيدت طين بله فوك مااني الي بيه نوب دكتوره طلعتلي مخبله حتى ماراعت مشاعري والي اني بي وبس تتعارك جان ترجع تسالني..

دكتورة.. وين تحاليلج مسويه تحليل مال تشوهات لو انشاءلله هم مامسويه ..

جوري... بلا مسويه موجودات ويه دوبلرات... فتحت الاوراق لكتهن هواي شافتهن ...

دكتورة... لعد ليش مذكور طفلج طبيعي اول اشهر...

جوري... ماعرف بلسونر الملون تبين

طفل مشوه سدتت الاوراق حيل وركعتهن بلمكتب ملتها ..

دكتورة... روحي رجعي دكتورتج الزمي..

جوري... سلمتني الاوراق كلها ودوبلرات وطلعت واني حييل اتنفرزت من من ورها شنو من دكتوره لااسلوب لااخلاق واكفه وادردم وسكرتيره جانت تكبس اوراقي محجيت شي وياها اخذتهن وطلعت لكيتهم واكفين ..

ابو علي... ها فرجت ..

جوري...اي..

ابو علي.. شو انطيني..

جوري... اخذ دوبلر ونزلنه للسياره ركبنه جان يسالني ...

ابو علي... احجي ليش ساكته شكالتلج...

جوري....مسحت دموعي وحجيت بصوت مخنوك ...عموو شتريد احجي مو نفس شي لو ماجايه هواي احسلي... كام ينافخ ويسوي استغفرالله...

ابو علي... لو بس اعرف ليش كل هذا ديصير وياكم شجاكم عين وماصابتكم ..

جوري...جان الكل ساكت بس ابو علي يدردم ماسكت هو يحجي وني ماعندي غير بس دموع وصلنه للبيت كال باجر الصبح حضري نفسج نروح للدكتوره ونشوف شنوو تقرر بعد..گتله انشاءلله عمو ني نزلت من سياره دروح لهلي...

علي... وين امشي للبيت يلا...

جوري... مااجي خليني هنا مرتاحه..

علي... وين هنا ترتاحين هسه شوي نوب شوفين واكفات ع راسج عماتج

..

جوري... گلت يبو لعد اني شفرقتها ..يلا امشي.. ورحت ويه علي دخلنه للبيت ساعه 6 المغرب شفت عمتي بلمطبخ هيه ومروه يسون عشه..گلشي ماحجيت مشيت وره علي بس جانن يباوعلي دام علي ويايه محجن شي.. صاحت مروه

علي عود تعال تعشه گلها اكلو بلعافيه ماريد صعدنه بلغرفه ذبيت غراضي سبحت وبدلت وعلي كذلك وكل هذا واحنه ساكتين هم اني وهم علي كل واحد عبالك بغير عالم مانعرف شنو الي راح يصير...

...اجيت مددت بلفراش خليت هتفون بذني اسمع ادعيه وابجي..علي كاعد ومخلي ايده ع راسه هو بجهه واني بجهه ، وره ساعه باب ندكت فتحا طلع ابو علي جان جايب لفات وببسي كال اتعشو لاتضلون بدون اكل موزين....كلت بداخلي اووف هو احنه بحال اكل شفته كعد يم علي ويحجي ويا يكله جنت بيت اهلها وتعاركت ويه امها اني گبل درت وجهي عليه متفأجاه بداخلي شنو متعارك ويه امي وليش...

علي... ليش شكو..

ابو علي... غير جاي نسولف وصار حجي وامها كالت دكتوره تكول عندكم وراثه ولهذا سبب گتلها احنه ماعنده وراثه خاف الوراثه بيكم ومن اهلج ...

جوري....جان يباوعلي كام يمسح بوجهه وحجه بهدوء..

ابو علي... حالة عصبيه كمت ماعرف شحجي ونفعلت هناك ع كلن هسه باجر ساعه 9 نروح للمستشفى...

جوري... وجان يطلع ويطبك وراه الباب وكل هذا واني ساكته وعلي كذلك بس حيل ضجت من كلام عمو ماله داعي يحجي ويكول وشكو جاي يحجيلنه فوك قهرنا شوي وشفت موبايلي يرن باوعته مرت عمي تخابر مجاوبتها مابيه حيل احجي شوي وكامت دز رسايل ...

يتبع ..

انثى 💜ملائكيه

اخطاء لايمحيها الزمن

انثى 💜ملائكيه

اخطاء لايمحيها الزمن

حبيباتي بارت طويل وتعبت بكتابه وكمية الالم بي حيل اذتني ياريت تصويت يصعد ..

جوري...فتحت رساله كاتبه هلو جوري شلونج بالي يمج شكالتلج دكتوره بعد..جاوبتها ماعرف باجر اروحلها ونشوف وسديت موبايل ورحت نمت جنت حيل تعبانه وراسي يوجعني مابيه حيل اي شي احس دنيا ظلمه بعيوني ...

.. لثاني يوم الصبح ساعه 10 اسمع علي يكعد بيه..فتحت عيوني بس بعدني نعسانه ...

علي... يلا كومي بدلي خلي نروح..

جوري.... كمت من فراش وهاي ع سريع جهزت نفسي ونزلت بعدني مطالعه عمتي صارت كبالي مدري شعجب ابتسمت ...

يسر.... احمدي الله وانشاءلله هو يعوضج...

جوري... هيه من حجت وياي ماعرف ليش اختنكت دنكت راسي كلشي ماجاوبتها ع دقيقه ابجي وحته بس طلعت من باب البيت صرت ابجي علي وعمي جانو ع شارع ينتظروني واني طول طريق باقيه ابجي لحد ماوصلتهم لكيتهم موكفين تكسي ركبنه ورحنه اول ماوصلنه مستشفى طبكت سياره نزلت رفعت راسي وجان يصير واحد كبالي اجت عيني بعينه اجه علي لـ يمي وكال يلا مشيت وراه وعمي قبلنه يمشي دخلنه للمستشفى اني رحت للسكرتيره گتلها ...موجوده دكتوره..

كالت لاوالله فوك عندها عمليات..

جوري... فدوه ياريت دخليني من وكت ..

گالت تدللين عفتها ورحت طلعت لكيت علي وابو واكفين شافوني هااا شوكت دخلين كتلهم بعد دكتوره بلعمليات...

علي.... اهووو هاي دام بلعمليات طوالتها طواله..

جوري..... اكيد تتأخر..

علي... ليش واكفه انتي متكعدين هناك..

جوري.. ماكو مكان ازدحام..

علي... دكعدي يمج لعد....

جوري... طبعاً اباوع مكان مليان زلم بس اكو كم كرسي فارغ عاد كعدت عمو وعلي طلعو بره مستشفى يسولفون واني ضاله كاعده حاطه ايدي وابجي وتذكر كلام دكتوره لهناگ وماشوف غير نفس رجال الي ضل يباوع دخل وكعد گبالي وبقه يباوعلي اني دنكت راسي هسه مجان ناقصني غيرك حته ضجت من نضراته داكوم من مكاني وجان يجي علي...

علي... ها وين رايحه...

جوري... اشوف سكرتيره...

علي... لا امشي ويايه نسوي تحليل...

جوري.. عقدت حاجبي ...ماليش ..

علي... ولج خاف فصليه الدم مامتولمه اني وياج ..

جوري... لابربك شلون علاوي لو مامتوالمه جان مخلونه نعقد بلمحكمه ...

علي.. هو شنو انتي فصيلة دمج...

جوري... A+...

علي.. لعد اني شنو ...

جوري...رفعت جتافي .. واني شدارني غير انته تعرف...

علي... امشي عيني للاحسن نسوي كلشي يصير...

جوري... يلا هاهيه... رحنه للمختبر سحب دم الي واله عشر دقايق ماطول يمكن وطلعن تحاليل اثنينه +يعني متوالم ماكو اشكال كتله... علي يعني والله مالها داعي جان نسوي...

علي... يمعوده غير ابويه يريد يعرف سبب مجاي يقتنع بشي اسمه وراثه ...

جوري... طبعاً لان شي صحيح محد يصدكه...

علي... يلا عاد روحي رجعي كعدي وبله لغوه زايده ...

جوري... هاي شبيك علي وبعدين شلون تريد ارجع وحدي للمستشفى امشي وصلني عاد..

علي... تره مو بعيده وهسه اني جايج وابوي هناك ..

جوري...سكتت ورحت امشي ع كيفي بسس اخاف وحدي واشوف ناس كلها تباوعلي بلكوه وصلت للمستشفى اول مادخلت شفت عمو كاعد يم رجال الي هو نفسه كاعد ع نفس الكعده رجعت كعدت نفس مكاني وهو شافني ابتسم واني وكاعده وادردم عليه لشوي علي اجه جايب ويا مي وحبشكلات...

علي... اكلي ادري بيج مامكله من بارحه...

جوري.... والله ماشتهي انطيني بس المي..... احس معدتي متقلصه وكلشي ماتقبل حتى المي كوا اجرعه احسه يوكف بحنجرتي بقيت اشرب بلمي علي كعد بصفي اشو هنا منشوف غير ابويه يجي طبعاً تفاجأت بجيته لان اصلا ميدري بيه اول مشافني بلهفه سلم ...

ابو جوري.... ها يابه شلونج..

جوري...باوعتله جان شكله تعبان گتله ...يم الله.. ورجعت دموعي تنزل هو تخبل من شافني ابجي كعد يمي ويصبر بيه اجه عمو وكعدو يسولفون علي ماقبل ابقه يمهم يدري بيه تأثر..

علي...روحي هناك بلكي صار مكان..

جوري... كمت من مكاني دخلت شفت سكرتيره مشغوله والعالم بعدها وماكو مكان وحته اكو هواي حوامل واكفات فـ شفت وحده تباوعلي وهيه حلوه بيضه وعيونها كبار وناعمه شافتني ابتسمت جتي وكفت يمي...

الابنيه .. من شوكت اجيتي ودكتوره ليش ماكو..

جوري.... اجيت قبل ساعه ودكتوره بلعمليات...

الابنيه... عفيه بس هواي اتاخرت..

جوري.... اي بلكي تنزل ع ساعه....

الابنيه... انتي حامل..

جوري... اي وانتي شنو حاالتج..

الابنيه... اني هم حامل وعليه 3اشهر وكلش خايفه...

جوري... ابتسمت الهاابتسامه كذابيه كتلها... وليش خايفه...

الابنيه... صار عندي اسقاط مرتين..

جوري... بهل اثناء اجه واحد يحجي وياها ماعرف شلون اني درت وجهي واشوفه نفسه هذا جان من شوي يباوع ويغمز ويصخم من كبر..جانو واكفين هو وياها قريب مني و يحجي وهو كبالي عينه عليه وهيه تبتسم وتتموع من تحجي وشوي واجت تضحك....

الابنيه... اي اكملج سالفه..

جوري... گتلها قبل لاتكملين هذا زوجج...

الابينه... اي زوجي...

جوري.... هاا الله يخليكم لبعض..

الابنيه... تسلمين ..

جوري...كلت بداخلي تهي بهي يالله مرته شلون حلوه وهو عينه على هاي وهاي اوف منهم رجال مامنهم امان..لساعه 11 اجت دكتوره اني رحت وكفت يم ابويه وعلي وابو...

...بنتي روحي كليلها سكرتيره عادي دخلين ويايه ابويه يريد يفتهم منها ...

جوري...واني هم رحت كتلها كالت اي عادي شوي وادخلكم..بعدني واكفه سمعت اسمي نصااح جوري يلا تعاي دخلي..رحت للدكتوره نطيتها دوبلر الي هو سونر فتحته وقرته قبل لاتحجي گتلها... دكتوره عادي يدخل زوجي... باوعتلي ورجعت باوعت للسكرتيره ...

د....هسه ابوها لو رجلها الي يريد يفوت ..

جوري... دكتوره هم الاثنيهم موجودين ..

د... روحي بنتي كليلهم وتعالو هلا بيكم ..

جوري...طلعت ع سريع شفتهم واكفين كلت لـ علي يلا كال وابويه كتله اي عادي حتلوواثنيكم عاد اجوي ورحنه للدكتوره عمي سلم ع دكتوره وقبل لاتحجي فتح الموضوع...

ابو علي.... دكتوره فهمينه شنو سالفه تره دايخين والله اليل مجاي نامه...

د..... حجي مشكله بطفل عنده تشوهات بلاعضاء مي براسه وطفل حته مجاي يتغذه من المشيمه وعنده اطراف اصابيعه قصيره وطويله ويوجد ورم بلرحم حسب ذاكري بلدوبلر الثاني وبعد اكثر توجد تشوهات عديده...

جوري.... طبعاً دكتوره تحجي واني ابجي لزمت گلبي من كاالت ورم حيل خفت حته هناك جانت وحده كاعده يمي من سمعت دكتتوره هذا كلامها كامت تباوعلي وتبجي وتكلي الله يعينيج ويصبرج جان دكتوره تسكت وتباوعها ..

د... وانتي شكو داتبجين متكليلي...

المرة... خطيه لبنت هواي قهرتني..

جوري... وصارت تمسح بدموعها جان ترجع دكتوره تحجي ويه عمي اووف اباوع حته عل حالي نبجه جان علي واكف يستمع للدكتوره كلشي ماحجه بس عمي مانطها مفكه استلمها تحقيق وليش وشنو..اخر شي كلها...

ابو علي... والحل شنووو نريد االزبده...

د... عندها حلين...

ابو علي... وهو..

د.... تسوي اطفال انابيب والحل الثانيه وراجع الكم اذا رايدين تخلوها بيد رب العالمين لان هذا شي يبقه يم الله لان وراثه مالها علاج ..سكتت وجان تباوع على علي... كالتله الله كريم ابني....

ابو علي... دكتوره انتي جاي تكولين وراثه بس احنه ماعنده وراثه ...

جوري....عمي جان ابد مامقتنع بهاي سالفه..

د... انتو اقارب لو عسى من سابع جد تضهر يعني تكون طفره وراثيه...

ابو علي.. وليش انابيب هيه صار عندها....

د... نسويلها حقن مجهري ناخذ العينه من الزوج ونحللها نطفه الموزينه نذبها نخلي بس نضيفه ونكدر نخلي اكثر من طفل فلهذا اني انصحكم بلانابيب وهسه احنه الي راح نسوي جوري لازم تنزل الطفل راح اكتبلكم ورقه واخذوها للستعلامات ...

جوري....باوعت دكتوره احجي بداخلي وهيه تكتب هاي من كل عقلها تحجي شلون انزله خليت ايدي ع كصتي ياربي صبرني ساعدني اللهي ماكو شي صعب عندك....

.علي.... يلا كومي شبيج ...

جوري... دايخه وراسي حيل يئذيني...باوع بعيوني وكال..

علي... بداعتي جوري كااافي بجي انتي مجاي تشوفين نفسج شلون صرتي عيونج مورمات من وره البجه وجاي تئذيني اكثر مما دايصير كاافي لخاطري انتي عندي اهم والله ...

جوري....هزيت راسي وامسح بدموعي طلعنه وعمو وابويه راحو للستعلامات رحت كعدت كبالهم وهمه واكفين يحجون وياهم سمعت ابو الاستعلام كلهم دخوليه مليون....علي وعمو شفتهم واحد يباوع عل لخ اكيد ميكدرون حته يدبروها..ابويه شفته عاافهم وطلع اني ايست هنا طفل راح مني واحتمال حته اطلع من مستشفى منين علي يجيب هلكد مبلغ باقيه كاعده واباوع عل وضعنه منين ماالفتت الها سوده مصخمه..بداخلي قريت الفاتحه لام البنين لتسهيل الامر ونخيتها شوي واجه علي كتله ...ها شلون....

علي. ابوج طلع خابر على جماعه بلكي يكدر يدبر فلوس..

جوري.... علاوي تره احسب حسابك اكثر من مليون هاي اذا بس دخوليه وهيج....

علي.. يمعوده انتي لاتفكرين ربج هو يحلها ..تقربت منها ولزمت ايدها وامرر الابهام ...انتي صيري سباعيه ولاتخافين شوفي وجهج شلون تعبان ...

جوري... جريت نفس ونزلت دموعي علي تعبانه ....جرني بحضنه ويحجي وياي بهدوء مشفنه غير ابويه اجه وطلع للستعملامات سلم لفلوس وكتبو ورقه نطوها اله واجا بتجاهنا...

ابو جوري... يلا تعاي ياب جوري....

جوري... رحت وراه طلعت كبالنه دكتوره...

رشا ...تعالي انتي جوري مو..

جوري . اي نعم..

رشا... تفضلي..

جوري... نطيتها الورقه فتحتلي فايل اخذت معلمومات مني وشافت ضغطي ..

رشا...ضغط هابط عندج بعد هسه اكتبلج حبوب..

جوري.... سوال ..

رشا.... تفضلي حبيبتي...

جوري... شلون اجيب واني ماعندي ولاده واني هسه يلا صار الي عشرة ايام بلخامس... ابتسمت وكالت..

رشا... عادي على اصطناعي تولدين وهاي حبوب تسويلج توسيع..

جوري...فتحت عيوني بخوف ... يعني طبيعي...

رشا... اي...

جوري...هزيت راسي برفض ..لا لاعفيه مستحيل اني اجيب طبيعي ماتحمل ائذيه مكافي الي جاي يصير بيه وكلبي يوجعني وماعرف اصلا شلون لهسا متحمله وعايشه ...

رشا.... لاانشاءلله سهله عليج كلها يومين او اقل وينتهي كلشي ولاتخافين خلي الامور على الله تره قبل كم يوم اجتنه وحده نفس حالتج هم طفلها مشوه ومات بطنها ونزلنا الها فـ شغله عاديه...

جوري....كلت بداخلي اي انتي عندج عادي بس عندي لا كلشي توقعت بس مال اجيب طبيعي من سابع مستحيلات طلعت بره دكتوره كالتله لـ علي عيني جيبلنه هذا دوه علي راح وابويه شفته ماهو سالت عمو كال راح يجيب امج حته تبقه يمج.....

...لحد مااجه علي صعدنه لفوك دخلت للغرفه طبعاً وحدي لان جانت جايه القابله ام ياسر..

ام ياسر... وين حبوب..

جوري.. نطيتها فتحتهن ..

ام ياسر.. يلا نامي حبيبتي..

جوري... شنو هذن الحبوب غير اشربهن ..

ام ياسر...كالت لاعيني شلون تشربيهن ..

جوري... شفتها كسرت نص حبايه واجت تخليها اني هنا متحملت صار عندي وجع كمت اعيط وبجي ... عوفيني فدوه..

ام ياسر.. شنو هاي جوري تره مدسويلج شي يمه شلون اذا اجتج طلوكه بعدج بلبدايه وهيج ...

جوري.....مااجيب غير اموت... بلكوه خلصت وعافتني وطلعت شوي واجت امي ضلت يمي جانت جايبه وياها ملابس شافتني لابسه بنطرون وبدي....

ام جوري.... كومي يمه بدلي لبسي هاي دشداشه ترتاحين بيها ...

جوري...والله مابيه حيل تعبانه ...

ام جوري.... شبيج تحسين بوجع..

جوري... هسا ماكو وجع قبل شوي صار ....

ام جوري...يلا الله يسهل ...

جوري....صارت ساعه 12ضهر واجت ام ياسر جايبه كانونه وبطل مغذي علكتهم الي وضربت ابر بل مغذي عرفت هذا المغذي علمود صير عندي طلوكه وينزل طفل....ليش بطيئ ينزل قطره قطره ..

ام ياسر... احسن بطيئ دكتوره وصت عليج كالت نخليها براحتها شوكت ماتجيب..

جوري... وجان تروح..بس ضلت ام ياسر تروح وترجع الي تسويلي فحص وتوسيع وكلما تجي اني اتخبل من وره الوجع ابقه اعيط واصرخ علما تكمل تكلي جوري لاتعبيني واتحملي ومن هلحجي اكلها خاله والله الوجع يوجع منو يحس بيه ...

ام جوري.. بنتي لازم تتحملين لعد شلون احسن مما يدخلوج عمليه يايمه ويصير الوجع وجعين....

جوري...باوع امي حته بساع تعبت علي اجه يمي وجان يدك موبايله رد ع تصال....

اسمعه يحجي وي زوجها تبارك ..

ابو شهد .. شلونها جوري ومنو يمكم تحتاجون شي..

علي ...الحمدالله زينه سلامتك ابو شهد متقصر...

ابو شهد... راح اجيبها تبارك وخلي امها خطيه ترجع للبيت ترتاح..

جوري... اني كمزت وسويتله اشاره لـ علي بمعنى كله لا تجي مالي خلكها عوع لو تريد هيه تجي بدون ماهو

يكلها عيالي هسه فرحانين بـ مريم جابتلهم طفل اني شكو ورايه حته يجون يمي جنت احجي ويه روحي وابجي علي سد الخط من شافني ابجي باوعلي بعصبيه وكام من مكانه وطلع بره لل2الضهر اجت تبارك وزوجها اني عدلت كعدتي وخليت شال ع راسي..

..ابو شهد وهو يضحك اول مشافني ....ولج هلا شلونج..

جوري.. الحمدالله.. تبارك هم سلمت وكعدو ...

ابو شهد... جوريه جبتلج جبس ليز ادري بيج تحبي ..

جوري...وصار يضحك ويشاقه انتبهت ع علي يخنزرلي مافهمته شبي اجه كعد قريب مني وهمسلي وهو صاك سنونه ..

علي...غطي شعرج ثوله ..

جوري...وخر مني ورجع يحجي ويه تبارك واني ع سريع عدلته شالي ماجنت اكدر اسوي بيدي كانونه وكوه احركها واني معرف الف شال اله بيدي اليمنى المهم ضلو شوي وراحو.....

..ابو شهد رغم سلبياته واضوج مرات من نضراته الي. بس بنفس وقت اشوفه گلبه طيب وكفاته حلوه وبعدين عرفت من علي انو متعارك ويه تبارك لان مقابله تجي تريد تروح لبيت اهلها كايلها ليش مترحين يم جوري خطيه مالها احد ولاواحد بيكم راح وسال عنها وجارهه وجايبها واني جنت اشوف تبارك اكول شبيها من كاعده احسها عبالك جواها دنابيس وجاي تجكجك تريد بس تروح وماحابه تكعد ..

..المهم بعد ماطلعو لليل ساعه 10صرت احس بوجع مو طبيعي بس هلوجع يروح ويرجع گتلها... امي ولج يمه لحكيني هموت من الوجع ...كمت اصرخ امي عل سريع لبست عباتها وطلعت تصصيح على ام ياسر اجتي تركض..

ام ياسر... هااا يااالله بلكي راح ذبي شوي نامي خلي افحصج ..

جوري... لا عفيه فوك الوجع البيه عوفيني ... كالت ياعيني بس شوي حته تخلصين منه اجتي فحصتني لو شاغت روحي هلمره الوجع اضعاف اشو هيه وداتفحص وجان يطك مي راس بس ويه ماعافتني ونزل مي راس اختفى الوجع كالت كومي ع سريع للحمام ويه مجايه اكوم من الفراش كمت انزف نوب اريد امشي ماكدر الغرفه كلها نملت دمايه لاول مره يصير هيج ويايه حيل خفت واني اشوف هذا وضعي اخذتني امي للحمام فتحتلي دوش ومي دافي رغم الجو جان كلش حار بس ام ياسر كالتلها خليها هيج احسن احساس حسبالك بحلم واريد اصحى منه تعبت حيل وطاقتي خلصت ....

..اجتي وحده نضفت الغرفه واني طالعه من الحمام شافتني جان تكلي هاي صاير بيج اكلج حبيبه ليش ماترحين لابو حديده والله يوكع ع عله يجوز عندج تابعه ..

جوري..بتعب كتلها.. انشااءلله خاله.. جنت حته بلكوه احجي تعبانه واريد بس انام مددت بلفراش اجتي ام ياسر رجعت خلت الي مغذي..

ام ياسر.. هسا نامي ارتاحي..

جوري... اني هم غمضت ونمت مادري شوكت علي بعد ماخلو يدخل للمستشفى من تصير ساعه 10بعد ممنوع رجال يضل بلمستشفى...

.علي... جنت احجي ويه ابو الا

الاستعلامات دكله ابقه يم زوجتي ماكدر اعوفها بس هو ماقبل يكول ميصير حاولت ويا ومافاد طلعت من مستشفى واني مخنوك حيل ضليت كاعد بره بالي يم جوري اخاف عليها تذكرت حالها نزلت دمعتي بهل اثناء اجه خالي...

ابو جوري ...ها خال ليش كاعد هنا وشتسوي..

جوري... والله خالي باقي هنا ..

ابو جوري...وليش ماتدخل

علي..شكد ردتت منهم ابقه ماقبلو..

ابو جوري... امشي ويايه..

جوري... دخلنه وخالي راح يقنعهم وهم ماقبلو كالو ممنوع عاد طلعنه..

ابو جوري... امشي نرجع للبيت متبقه هنا ..

علي...طبعا خالي ضل يلح ويايه اله ترجع والله لو ماهو فلا اطب البيت....

جوري....اني نايمه حسيت من نوم ساعه 2بليل فتحت عيوني لكيت امي نايمه باوعت شكلها شلون تعبانه كمت احجي واباوعها وهيه نايمه تعبتج ويايه هوايه يانبع حناني هسه شنو الي فرحتي بيه جبتيني للضيم والقهر جنت احجي وابجي واشهنك حته المخده نملت دموع رجعت اتذكرت الطفل الي هو جان المفروض احس بحركته وبيوم بعد يوم انتظره يجي بقيت ساعات واني ع نفس وضعي ماعندي غير بواجي للصبح واني كاعده صارت 7 اجتي وحده بيدها جهاز الضغط فتحت الضوه..

.. ابتسمت وكالتلي صباح الخير ..

جوري...صباح النور ...اخذت ايدي تشوفلي الضغط ..

..جان تكلي مصار عندج وجع من بارحه انتي هنا مو ..

جوري...كتلها ...اي صار

بليل بس من طك مي راس راح الوجع..

كالت هسا ماعندج وجع..

جوري.. لا..

گالت ربي يسهل عليج..

جوري.. تسلمين... طلعت وسدت وراها باب امي جانت كاعده ندكت الباب راحت تفتحها دخل علي من شافني ابتسم بس جانت ابتسامته مو صدكيه كعد بصفي وايده ع ايدي ....

علي... شلونج هسا حبيبتي..

جوري... حمدالله.. ليش ماضليت البارحه يمي..

علي.. والله ردت ابقه ماعوفج بس هذولي ماخلوني اضل..

جوري... انته وره ماطلعت صارت عندي طلوكه و طك مي راس ونزفت وكل هذا ومانزل ..جر حسره وباوعلي وعيونه مغروكه بدموع ..

علي.. الله كريم انتي بعد ماكلتي مو ضاله جوعانه....

جوري.... ماريد ماحس بجوع...

علي.. راح انزل اجيبلكم ريوك..

ام جوري... مو حاجه علاوي تره اني مايعجبني اكل وجوري هسه سوتلها حليب وبسكت وماكلته حرمات جيب وماينوكل.

جوري ... نوب اجه ابويه وجان جايب ويا علاكه حلويات وحته ريوك وجبرني اله اكل..بلكوه اكلت شوي دخلت علينه ام ياسر..

ام ياسر ...صباح الخير..

جاوبو صباح الخيرات اجت هم علكت مغذي هذا 3بطل خلته وراحت علي طلع اجه ابو وبقو بره وابويه كلها امي امشي للبيت جانت حيل تعبانه وكالي يابه راح ترجع امج خطيه بعد مابيها ادزلج مرت عمج تجي يمج ..

...كتله اي عادي براحتها مو حاجه احد يجي.. كال لاشلون وحدج

راحو اهلي وضل بس عمو وعلي بره واني وحدي ضوجه اخذت موبايلي صار هواي مافاتحته اتصفحت بلفيس عندي كروب حوامل العراق....

..نزلت منشور كتلهم بنات اني هيج حالتي حجيتها بتفصيل حته صارت جريده مو كتابه..اجتني هواي تعليقات كل وحده تحجي شكل هاي لتكول حرام عليج تنزلين طفل اذا روح وحده تكول عوفي دكتورتج تولي ماعندها مخافت الله واذا طفل مشوه شلون تنزلي وصارت تعليقات ايجابيه وسلبيه بس جنت اتابع بدون مارد عفتهم طلعت من فيس اجاني اتصال من خالتي زهراء جاوبتها ..

..هلا حبي جوري شلونج..

.. كتلها هلا خاله يم الله انتي شلونج..

كالت الحمدالله اكلج هسه انتي بعدج بلمستشفى ..

كتلها.. اي خاله من بارحه..

كالت جوري انتي صدوك تحجين تره حرام عليج تنزلين طفل وان كان مشوه دام طفل بي نبض الاجهاض حرام اطلعي من مستشفى لاتبقين..

جوري.. صفنت ع كلام خاله ودخت كتلها... واني شدراني هسه اروح اكله لـ علي ...اجيت اكوم من لفراش وجان يدخل عمي..

ابو علي.. وين رايحه ..

جوري...واني مرتبكه ... عموو اني ماضل بلمستشفى بعد..

ابو علي..او ليش يااابه...

جوري... حرام يكولون انزل طفل بي روح ... باوعلي بغضب وعاط بيه..

علي... وهذا منو ديكلج حررام ياابنل...

جوري... نزلت دموعي كتله... عمو والله اخاف اني يعني هم حرام عليه.. رجع يصيح بوجهي..

ابو علي.... لاموحرام عليج خلي يصير عليه الحرام ومطلعين منا اله ماذبين طفل عود منو يبتلي شو جيبي..

جوري... سحب مني موبايل وجان يقفله ويشمرا ..

ابو علي. موبايل بعد ممنوع ماكو واحد يخابرج وتخابري فاهمه ..

جوري...وجان يطلع ويسد باب..اني بقيت ع كعدتي لميت رجليه خليت راسي وكمت ابجي بعلو صوتي والله تعبت منوو يحس بيه منوو ،ماشوف غير مرت عمي صلاح المسمومه تدخل مسحت دموعي باوعتلي وضحكت...

كالت... ياا خطيه محد يمج شبيهم عيالج وياج شنوو ولاوحده من حمواتج يجن يضلن يمج لو حابتها لمريومه والله انتي مسكينه جوري..

جوري.. باوعتها صفح كتلها بنترا... الله لايعوزني ع احد اصلا اني اكيف اضل وحدي وماريد اشوف بشر ولو ما يقبلون مايجي احد يمي جان صدك ماخلي احد بس شسويله الاحضي....ضلت تحجي وتسمعني كلام يغث كدامها مابين انقهر او شي سويت نفسي ماهتم الها وضليت ساكته مارد عليها شفتها ضاجت ..

كالت.. جوري اني طالعه هسه اجيج ..

جوري... اي براحتج ..نوب راحت بعد مااجت خابرت علي كتله تره مرت عمو صلاح طلعت واني وحدي واريد اروح للحمام وبيدي كانونه والمغذي منو يصيحلي ام ياسر هنا علي تخبل صار عصبي ..

علي...ووهاي شلون تعوفج وتروح لعد شكو جايه هسه اني جايج واخابر ابوج يجي ياخذها وخلي تولي ...

جوري...علي عل كيفك لاتبينها لاحد هسه يكولون فوك ماجايه يمها ويطلعوها هيه ام راهي خلينه ساكتين احسن..

.. بهل اثناء دخلت اني كبل سديت الخط..

كالت ...هاا خو مااتاخرت بس والله نزلت سالت ام ياسر علمود سعر قص المعده اريد اسويها هنا...

جوري..رفعت تك حاجب وافر بيدي... اي وشكالت..

.كالت ..تكلفج بل 3ملالاين اكولج تعاي انتي ويامن جنتي تحجين..

جوري... ويه علي وكال راح يجي يمي وانتي عيوني اذا هاي اخذي راحتج ...

كالت ...لالاشلون اعوفج لازم تبقه يمج وحده..

جوري...لاعادي ..

..اجه ابويه وكلها يلا ام جعفر كالتله ابو حسن ماعندي شي خليني يم جوري خطيه وحدها اني اشرت ل ابويه بمعنى اخذها وخلصني منها كوه جارعتها هو هم فهم لح عليها وبلكوه قلعت نفسها وكامت وني من يمي افتت فتيت راحو واجه علي وصاح ع ام ياسر شالت مني المغذي ورحت للحمام كملت نوب ملابس نسيت اخذ فتحت باب شوي سمعت علي يخابر صحت ... علاوي جيبلي ملابس.. شوي واجه اخذتهن منه بدلت وطلعت وهو بعد يخابر اسمعه يحجي ع مرت عمي ديسولفله لابو...

...طبعا بس ابو يخابر اله ولاواحد بعد من اهله كلف نفسه يتصل ويسال مشايفه بحياتي هيج خباثه اكيد متشمتين بيه..

..للعصر كمت الوب هم صار عندي وجع وباقيه الوب مكاني اجني عماتي ايات وندى من شافن حاالي ابجي وهن هم يبجن ويايه ويندعلي ساعه 4 اجتي دكتوره ابتهاج اتفأجات بجيتها ..

د... شلونج بنتي.

جوري.. الحمدالله سولفتلها من صار بارحه عندي وجع وشلون طك مي راس..

د ..ومانزل طفل ..

جوري. لادكتوره...

د.. كامت تسوي استغفرالله خلي افحصج اخذت كفوف ..

جوري.. اجتي تفحص اتألم وابجي.

د.. صار عندج توسيع بس قليل حجت ويه ام ياسر كالتلها كتبيلها كذا ابره كتبت بورقه وعلي راح يجيب دوه ..

..طلعت دكتوره لليل وراحن عماتي واجتي عاد امي واني باقيه ع نفس وضعي عندي طلوكه بس ماجيب وهذا اليوم الثاني وام ياسر كالت لازم تذبي اليوم بعد موزين يضل بطنج تاليتج عمليه....

..راحت وجابت وياها وحده اسمها مروه سوتلي توسيع بس هاي هواي حاولت ويايه ضلت بل خمس دقايق متت موت بجيت وعيطت ودفر برجليه اريد بس تعوفني وهيه تتعارك ويايه وامي لزمتني وتحجي وويايه لحد ماعافتني اني انتهيت بقيت ساعات الوب لل1بليل هود عندي الالم واختفى بحيث جان بس يروح للالم انام من التعب لثاني يوم الصبح ساعه 8 اجتي مرت عمي حسام هاي حبابه كالتلها امي ليش مترجعين للبيت واني يم جوري كالتلها لاماعوفها يبقه بالي يمها وامي اصرت وبقت واني منا وبده الوجع يزيد عندي اجتي ام ياسر..

ام ياسر.. هااي بعدج اويلي عليج شوفي اقري سورة الكرسي فد 7مرات حته الله يسهل وتجيبين بخير وسلامه تره اني ماخليت شي ماحطيته الج 8ابطاله مغذي وابر وتوسيع ولحد الان انتي ع نفس وضعج واليوم الثالث الج تجي دكتوره وتقرر احتمال عمليه ندخلج اذا ماذبيتي اليوم....

جوري...امي من سمعت لطمت كالتلها لاعفيه لادخولها عمليه انشاءلله جيب اليوم ..

ام ياسر... ماعرف ام جوري يم دكتوره ضلت..

جوري.. وراحت وطلعت مرت عمي وامي ضلن يندعيلي خوب امي مخلت امام مانخته وتبجي واني بقيت اردد بلساني نادي علياً مضهراً العجائب تجدوه عوناً لك في النوائب كل هماً وغم سينجلي بولايتك ياااعلي يااعلي ...

..جنت اكولها وابجي دخيلك ياعلي اشو ومنا ويزيد الوجع كمت ماركد بمكان واحد رايحه جايه اجتي دكتوره شافتني ..

د..كم ساعه الج وهذا اليوم الثالث واني هواي جازفت وياج جوري بعد هاهيه لهنا وبس صاحت ام ياسر فتحيلها طبله ندخلها عمليه .....

يتبع .

اخطاء لايمحيها الزمن

انثى 💜ملائكيه

احتمال باجر بارت الاخير اذا مالحكت على عكب باجر انشرا لان طويل وخاف مالحك اخلصه تمام حبيباتي ولاتنسو تصويت وتعليق احبكم هواي ...

انثى ملائكيه

اخطاء لايمحيها الزمن

جوري....الالم الي اني بي ماتمنى لعدوي احس واحد لازمني من ركبتي ويخنكني باوعت دكتوره ودموعي تنزل ردتت اكلها لادكتوره ماريد بس ماكدرت مرت عمي حجت بمكاني ..

...عيوني دكتوره صارلها 3ايام الم وطلوكه ليش يعني هسه دخليها عمليه جان من بدايه خليتها هيج ليش شلعتي كلبها ..

د... اني عليه سويته وكلت الها طبيعي احسن واني هم مارضه على عمليه بس هيه هم تعبت وصارلها مده وموزين بعد يضل طفل بطنها...

جوري... امي تبجي واني ابجي بحركة كلب ولازمه بطني باقيه ادعي بكلبي بهاي لحظات ودكتوره يمنا اجاها اتصال عندها حاله طارئه عافتني وراحت اجتي ام ياسر تضحك...

ام ياسر .. الله يحبج جوري دكتوره عندها هسه عمليه يعني هسه انتي عندج فرصه راح اخلي الج بعد مغذي وين الله وجيبين بهاي ساعه بحيث تطلع دكتوره من عمليه تلكاج جايبه...

جوري... هزيت راسي وامسح بدموعي خلت المغذي وطلعت وبعدهن امي ومرت عمي يمي والالم شوي شوي يزداد وصلت مرحله ماكو مفكه بلوجع نهائياً طلوكه وحده وره ثانيه وهنا شنو اني ملخت نفسي عيطت وصرخت حييل سديه نايمه عليها اله شوي افلشها من الوجع اصيح وابجي.... ولج يممه راح امووت...

ام جوري... ولج سكتي خزيتينه هنا زلم واكفين بره نصي حسج...

جوري... كمت اعيط كتلها ....يمه والله ماعاااد اتحمل...

.. مرت عمي تعاركت ويه امي كالتلها ...شنو نسيتي الم طلوكه شنو عوفيها شتسوي خلي تسوي خطيه..

جوري.. لشوي راح الم رجعت للفراش غمضت عيوني تعبت حيل وجهي يصب ماي جسمي صار نار عندي صخونه عاليه رجع بيه الم ورجعت اصررخ بكل قوتي كمت اكلهم ...دخلوني عمليه بعد مابيها مجال همووت... الالم مستمر ساعه ونص اني ع نفس وضعي اخر شي انتهيت صوتي راح من كثر لعياط اباوع ايدي كلها مورمت من كثر ماضربت بلسديه شكو شي يمي كسرته مرت عمي خلت ايديها عليه صيحت عليها ...عوفيني ...وهيه عود خطيه جانت تقرالي ايات واني سحبتها الايدها وعضيتها حيل هيه كبل عاطت وكمزت وامي اجت تركض ع مرت عمي وكوه كاتمه ضحكتها ..

...تكلها شبيها هل بنيه تخبلت خو ماتخبلت ..

..جتي امي تحجي ويايه بهدوء اني اعيط اكلها عووفوني مو ررراح اموت كون الله يموتني واخلص من هل الحياة....

.. كالتلها مرت عمي عوفيها يمعوده لاتعضج الج هم..

.. امي هم عافتني وراحن كعدن بعيد عني واني صرت مثل مخبله ماعرف شسوي من الوجع البيه مخليت شي مكسرته اخر طلكه اجتني اله طلعت روحي للسما بس ورها بشوي حسيت بشي قويه وندفع وبس نزل اختفى كل الوجع مني راح ذبيت نفسي ع فراش لزمه راسي حسيت بدوخه وبتعب احس حنجرتي يبست شكد ماعيطت...

.. من شافوني خنست وسكتت عرفو نزل طفل امي طلعت تركض تكلها ام ياسر....

..علي... اني واكف بره وبس اسمع عياط جوري ضليت رايح منا وجاي منا مادري شسوي ماريدها تتئذه ياربي وبكل عيطه منها ابجي واتوسل بالله يخلصنه من هل شده اخر شي كمت ماسمع صوتها مكدرت اذا ماروح اشوفها جاي امشي واشوف جوري مخليها بكرسي متحرك اباوعها وجهه اصفر ذبلان ماتحملت اشوفها بهل وضع اختنكت طلعت بره اريد اشتم هوه....

جوري....اني بعدني ع كعدتي ساكته وصافنه هاي شنو الي صار ويايه حلم لو حقيقه سمعت ام ياسر تكلي واخيرا واخيرا يرادلج هلهوله

كعدت ع كرسي اول ماطلعوني اشوف علي گبالي وعيونه مغوركه بلدموع نزلت عيوني للكع ودمعت عيني ماردتت يشوفني وني ابجي اخذوني للصالات الولاده نمت عل سديه واجت ام ياسر تنزل الجاره وكصت لمسار وطفل ماشوفتليا..

.. كتلها ارد اشوفه ماقبلت اخذته وراحت عمي جان بره اخذه منها للطفل عل سريع راحو يدفنو حته ماقبل احد يشوفه مرت عمي كالتله ارد اشوف وين تشوه البي..كلها مايبين كله خمس اشهر واني نايمه ع سديه صافنه فكري يودي ويجيب لحد ماشفت ام ياسر خلت مغذي جانت بعدها ماوكعه الجاره وره ماخلت المغذي رجعت عبالك عندي طلوكه كمت احس بوجع كتلها... ام ياسر ليش هلوجع ..كالت اي عادي بعدها جاره مانزلت بقيت نوب الوب وره نص ساعه اجتي دكتوره ابتهاج وياها مرافقات 2 اعتقد همين دكتورات من شافتني فرحت لان جبت طبيعي(اول دكتوره اشوفها ماتقبل على عملياات تكول طبيعي احسن) ...

..د..ضحكتلي وكالت حمدالله ع سلامه حبيبتي جوري بطله..

جوري...شجعتني عود لان جبت طبيعي دكتورات الي وياها هم تحمدلي بسلامه وكالن ربي يعوضج....اجت ام ياسر كالتلها د ابتهاج بدلي ملابسها واخذيها صالات عمليات نسويلها لازم كورتاج ..

جوري...ام ياسر ليش كورتاج بعد موجبت...

ام ياسر... احسن الج حبيبتي وحته متصير مشاكل بلرحم كورتاج ينضف....

جوري...سكتت بعد مكتلها شي كلت اصلا ماله داعي بس يردون يكرفون فلوس جابتلي ملابس العمليات لبست وكمت امشي دخلت بصالات عمليات واكفين دكاتره 2 عدلت حجابي لان جان نص شعري طالع ، صعدتت ع سديه اجه واحد منهم بدل الكانونه وحط وحده جديده وشكل مغذي وماعرف شنو كمل وراح اجت دكتوره ابتهاج كعدت عرفت هيه الي راح تسويلي كورتاج ، اجه ثاني جايب ابره اخذ ايدي دفع البنج بلكانونه ورها بعد ماحسيت بشي ، ساعه 12الضهر اسسمع صوت طفل يبجي بذاني كلت اي هاي بنتي رقيه جنت احجي ويه روحي ودموعي تنزل عبالك جنت احلم فتحت عيوني اباوع على مكان ماكو احد غير بس اسمع صوت طفل يبجي كمت اتذكر الصار رجعت اشهك وابجي وصوت طفل يرن بذني صار وكت اذان الضهر ندعيت من كل گلبي بذاك الاثناء كلت ياربي لاتحرم احد مثل ماحرمتني جنت ابجي حيل حته نفس كمت ماكدر اخذه اجيت اكوم من سديه رفعت راسي واشوف طفل مخلي وحده بس يبجي اووي فدوه حبيبي شلون هيج مخلي تمنيت اروحله بس ماكدرت حسيت بوجع بطني لشوي اجه واحد شفته فرش سجاده ديصلي ...

.. اني هنا اريد اروح للحمام نوب لااندل ولااكدر اتحرك من مكاني هاي شلون واستحي اكله اوف ع حضي بقيت ساعه واني ع نفس حطه مليت وهذا بعده جاي يتعبد متحملت كتله... شنو راح تبقوني هنا طلعوني منا ..

كال هسا يجون نوب ...هو هم طلع لشوي جابو وحده وهمين بلسديه مطلعيها من العمليه خلوها قريب مني اجت دكتوره كالتلها حمدالله ع سلامه اجتج بنوته شنو راح تسميها سمعتها تكلها رقيه..تذكرت نفسي من جنت اكول اسمي بنتي رقيه ضليت ادهك وابجي شافتني دكتوره باوعتلي مقهوره عليه كاالتلي الله يعوضج انشاءلله ...

..مكتلها شي صاحت ع ام ياسر وجان يطلعوني جان الكل موجود اهلي وعلي ومرت عمي وعمي تحمدولي بسلامه جنت كلشي ماحجي غير بس دموعي تنزل واباوعلهم كلهم يبجون علي مابقه بسرعه طلع...

...مسحت دموعي گتلها ..امي اريد اروح للحمام ...

ام جوري..شلون اذا كمتي دوخين..

جوري.. لاعادي ع كيفي.. اجت وكفت يمي ومن جهه ثانيه مرت عمي ويه ماكمت صدوك لزمتني دوخه بعده تأثير البنج بلكوه كدرت اروح للساعه 2ضهر اجتي دكتوره ابتهاج شافتني ..

ام جوري...دكتورة شوكت نكدر نطلع..

د.. لامطلعون اليوم صخونتها بعدها عاليه...

جوري.. ماما باوعتلي وعاكده حاجبها مامقتنعه بكلام دكتوره من راحت جان تجي تخلي ايدها ع كصتي...

ام جوري... اصلا ماعندج صخونه جاي تبردين لو لا ...

جوري...لا ماكو برد واني اشوف نفس

صرت زينه اكول لو نرجع للبيت احسن... اجه علي كتله...علي كلهم وخلي نطلع مليت عفيه صارلي 3بلمستشفى...

علي... هسه احجي ويه دكتوره...

.. مرت عمي كالت خلي يولون يردون تبقون بعد علمود ياخذون اكثر فلوس نطلع على مسؤليتنه احسن وجوري وبعد جابت شكو ضالين...

جوري.. رجعتلي دكتوره كتبتلي دوه كالت 5ايام وتعاي اشوفج..

جوري... للعصر طلعنه للبيت....

علي... بعد ما طلعت جوري من المستشفى واني حالي بس الله يدري بي راحت جوري عند اهلها رجعت اني للبيت صعدت للغرفه كعدت واني جنت حيل مخنوك بلحظاتها صاحبي يوسف اتصل جاوبته واني مخنوك..

يوسف.. الو شبيك علاوي ..

علي... هو بس كلي شبيك طكت دمعة عيني حجيتله ع كلشي صار وهاي اتذكر وبجي وهو يهدي بيه ويكسر عليه....

يوسف.. علاوي هاهيه كول الحمدالله تره طفل يتعوض اهم شي مرتك طلعت سالمه و امك وابوك الله يحفظهم طيبين شتكول عليه اني للي فقدت امي...

علي... جان يوسف يحجي واني اسمعه وهو يسمع بس صوت بجيي من بعد مانهيت الاتصال منه خليت راسي ع جربايه ماعرف شصار بيه صار عندي ضيق نفس كمت ماجره والغرفه احسها تفتر بيه وهناك وبعد ماحسيت بشي وره وووين اسمع صوت. مهند اخويه يصيح ..

مهند....يمعوود لك علي...

علي...احسه يضرب ع خدي يريدني اصحه فتحت عيوني لكيت اهلي فوك راسي هاااي اني وين وشصار بس بعدني مضايق اجتي امي تقره ع راسي وتبجي وابويه كاعد ويحاول يواسيني.....

... رجعت غمضت ونمت وبلحلم اشوف كاعد بستان وبصفي سجاد احجي ويا وبهل لحظات اسمع صوت طفل يبجي سالت سجاد جاي تسمع موو طفل ديبجي..

سجاد.. لا ماكو ..

علي.. جنت اسولف ويا واشوفه يبجي بعدها فزيت من الحلم ...

...................

جوري....رحت لاهلي عمتي كايلتله علي لاتجي مرتك ولاتوصل مريم خاف تنجبس بعدها نفسه واني هم ضليت عند اهلي مكلت شي كلت حقهم ياخافون عليها ...

ام جوري.. شلون تفرقه وليش ميكولون انتي تجبسين لو بس هيه..

جوري.. يمه هسه هيج وله هيج خليني كاعده اهنا ابردلي ....راس لليل وخطار طاب طالع ساعه 9 كاعدين الكل سوالف وضحك بس اني جنت بعيده عنهم حته ماحجي شي وكل شوي اتذكر وابجي شفت امي جانت تخابر بس المن مادري بس اشوفها تبتسم....شوي واجت كعدت يم بيبي..

ام جوري.. ازهار عمليتها باجر راح تجيب ..

جوري...بس جانت تحجي بصوت ناصي عود متريد تسمعني او تكلي حته قصدها حته مانقهر عل ها اختي صار عندها واني لا بوكتها افرحت ل اختي بس انقهرت لان امي متقبل تكلي ليش عود اتصورت حته امي تخاف ع اختي او كلت يجوز من عين بس اني كدامها سويت الامر طبيعي وكمت من مكاني طلعت بره بلحديقه لان اختنكت باوعت ع سما وطيور بودي اني طير واطير جريت نفس...

.. سمعت اخويه يصيح جوري مسحت دموعي ماريد احد يحس رحت كتله ..ها حبيبي مودي ..

محمد . باجر تجيب ازهار ..

جوري... اي انشاءلله تكوم بسلامه...

.. لثاني يوم الصبح ازهار كعدت ساعه 7الصبح بدلت رايحين للمستشفى حددتلي دكتوره موعد ولاده طلعنه اني وعمار وامه..بس امي ماكو ماسالت عني ضل بالي هناك كاعدين بلمستشفى لل ضهر دخلوني لعمليه من بعد ماطلعوني واني اريد اشوف ابني كالو بلخدج مخلي اشوف الكل جان موجود اله اهلي ولاواحد منهم سالت ام عمار كالت امج ماكدرت تجي بس ااني ماقتنعت بكلامها گلبي لجمني احس اكو شي بس محد يقبل يكلي لحد ما جابو ابني حسوني خليت بحضني دمعت عيني شفته يشبه جوري اجت باالي اندعيلها تكوم بسلامه ونفرح بطفلها للعصر شفت ابويه اجه جن ردتت رويحتي من شفته بس اباوع بعيونه اكو حزن ومن سالته ع جوري دمعه بعيونه گتله ...يابه بيها شي جوري ..ابتسم كال لاياب ماكو شي ولاف سالفه وكال امج بليل تجي تشوفج...

جوري...اني كعدت الصبح ساعه 10 شفت نسوان عمومتي موجوادت سمعتهن يكللها امي شلون جوري تضل هنا وازهار راح تجي هنا وعمتها توهس تخاف ازهار تنجبس اني من سمعتهن بجيت كلت يعني بعد وين اروح صرت اتمنه يصير عندي بيت وحدي جان ماضل هيج شافتني امي وكالتلي...

ام جوري.. خابري علي وكليله ياخذج راح تجي ازهار واني ماريدها تروح بيت عيالها محد يداريها ..

جوري.. اي عادي حجيت بصوت مخنوك..

.. مرت عمي صلاح كالت جوري تعاي يمنه شكو بيها هذولاك عيالج هم يوهسون..

جوري... كلت بداخلي علساس اني شكد احب اكعد يمج... لا ميحتاج بلكي اكدر ادبر امري... جان تكلي ثانيه لاجوري يعني وين ترحين تعاي يمنه واحنه بيت عمومتج مابيها شي كتلها ...لازحمه واني ماكدر انام وين ماكان ..

..كالت لعد شلون..

جوري.. الله كريم ... رحت للغرفه خابرت علي وكتله كال رجعي للبيت ومعليج باامي اني احجي وياها كتله ماشي رحت كتلهم راح ارجع لعيالي...

...مرت ع حسام كالت جوري اليوم ثالث الج غسلي بشنان اسولجيها كتلها شنو هاي نوب كالت معليج عليج صافي خليج فد ساعه قبل لاترحين لعيالج كتلها ماشي اني رحت حضرت اشيائي كلت حته بعد ماعندي شي نص ساعه واجت جايبه ورق مال اشجار وراحت اخذت جدر جبير خلت ماي ع طباخ وخلت الاوراق يعني فورتهن وجت خلت جدر بلحمام سبحتني بي وبلاوراق تفرك بجسمي ماعرف شنو غايه البيها خلصت وبعدين عادي سبحت وبدلت..وره ماكملت كلشي جان يكولون لازم نردج كتلهن شلون كاالن هيه لي تجيب طبيعي لازم يردوهه كتلهن لاعيني ماريد امي كالت سمعي كلام وخلي يسونها الج كلش زين لحد ماقنعوني يلا صارت ساعه 11 اجيت الم غراضي الباقيه علمود دارجع لبسه عباتي...

.. شفت اجت مرت عمو صلاح بدون حته متكلي اخذت نص غراض وطلعت كلت يجوز خطيه كاعده تساعدني بيهن راحت توديهن لغرفتي اخذت ملابسي بعلاكه وترخصت من امي وطلعت ورايه اجت مرت عمو حسام واكفه بلباب داحجي وياها مدري شلون التفتت واشوف مرت عمو صلاح تطلع من بيتهم وغراضي بعدها بيدها كلت يا لسا ماودتهن شفتها كبل راحت لعيالي اترخصت من مرت عمو حسام ورحت امشي بيبي اجت ورايه...

بيبي... اروح اكلها عمتج وخلي تطلع مريم قبلج علمود تفتر وراج وماتتجابسن..

جوري... اي بيبي زين سوين ... بداخلي شيخلصني من يسر...

...عاد راحت وطلعن من بعيد واشوف عمتي ومريم واكفات وبيبي ومرت عمي..لحد ماوصلت جان بيبي تكلها مريم يلا تعالي عيني افتري داير مدايرها طلعت مريم لبسه عبايه ونص شعرها بين بس بنتها ضامتها جوه العبا...

...افترت مره جان بيبي تكلها لازم 3مرات رجعت افترت جان تسالها بيبي سوتيها 3 جان تكلها صارن 4مو 3 جان مرت عمي تكرها بضحكه باوعتها صفح تكيف..

....مدرت بال سلمت عاد ع عمتي ودخلت للبيت شفت غراضي

ذابيها ع درج اخذتهن وصعدت للغرفتي بس شفت غرفه طكيتها بجيه صار مرتين ارد من مستشفى ومابيدي طفل ارجع للغرفه وع نفس حال اووف جريت العلاكه فرغت الجنطه ارتب بملابسي ودموع تجري انتبهت ع علاكه مال دوه مالتي ماهيه نبشت بلغراض لكيتها فتحتها وانصدم ...

... يااا عزه شنو هاي وين الابر لكيت نص الابر مالاتي مكسرات والحبوب مطشريهن اتفاجأت منو هاي مسوي هيج تذكرت مرت عمي من شايله غراضي وطاالعه من بيتهم كلت معقوله هيه ، والله كلشي عاد اتوقع منها هل حقيره اخذت الابر وذبيتهن بزبل كعدت ع جربايه كمت اشهك وابجي ماشفت غير علي يدخل شافني...

علي... شنو شبيج..

جوري... اني مدري صار بيه كمت صرت عصبيه وكمت اصيح كتله... شووف هاي حقيره مرت خالك شمسويه مسويه نفسها عود هيه خوش ادميه...

علي... شنوو يمعوده ولهيج تصحين..

جوري.. الابر وووين لكيتهن نصهن مكسرات ليشش يعني هيج... اجه شافهن بين مال واحد متعمد ومكسرهن مال خباثه

..علي طلع موبايله وصورهن وجان يخابر على عمو صلاح كله خالي ارد اسالك جان يحجي ويا بهدوء كله عمي صلاح هااا علي كوول..كله مرتك من شوي جابت الغراض ويه جوري ولكينه الابر ماكو طبعا مكله مكسرات..بس كله ماكو خلي اشوفهن

عمو صلاح...كله هسه اسالها واشوف سد الخط علي باوعلي جان ديحجي وياي هنا ونسمع عمتي...

يسر... وينكم...

علي... نزلي شوفيها ..

جوري...خليت شال ع راسي ونزلت..

يسر... شبيكم صوتكم واصل لسابع جار....

جوري...بجيت وكتلها مرت اخوج مكسرتلي الابر المتخاف من الله اصوري حته اخذت غراضي وطلعت وبدون متكلي ولمن اني طلعت جان اشوفها طالعه من بيتهم ..

يسر... اي بعدين اجتي ونطتني الغراض بيدي وكالت هاي مالات جوري ..

جوري...اي عمه صعدتهن لكيت حته الحبوب مطشرتهن..

يسر... اي ياعيني يجوز مامتعمده المره جائز من داتمشي وكعن ونكسرن ..

جوري... هااا عمه نسيتي بلاويها كلشي تره اتوقع منها واني ساكته لخاطر عمو صلاح جتني للمستشفى تسمعني كلام حته انغث نوب هيج سوت ..

يسر... يلا ميخالف شسويلها هيه والله والابر فدوه الج وخلي علي يجيبلج غيرهن..

جوري..... لاعمه بعد ماريد لاجيب ولاشي... طبعا هاي اني جنت اصيح بكل علو صوتي وابجي طلعت ضيمي وحركتي وعمتي تحجي بهداوه ولاكن شي رغم تعرف سوالف مرت اخوها طلع عمي ابو علي سمعني كام يحجي ع مرت عمو صلاح طبعاً هو هم يتخبل منها ولايطيقها لان ويه الكل مسويه مشاكل فلهذا مسكت نزل علي ..

علي...خابرني خالي صلاح يكول ليش تذبوها براس مرتي وهيه شعليها فوك مجاي تعاونها نوب زعل علينه خالي صلاح...

جوري.... وزعلتهم طبعاً يطبك ويه مرته لان ميعرف شسوي مسوي وراه استغفرالله كتله خليني ساكته...

ابو علي... هاااك فلوس وروح جيب ابر جديده...

جوري... لا عمو ميحتاج..

علي... ياابه خلي لفلوس ع حالك هسه طالع اجيب ...

جوري...راح علي واني كاعده ونار وشابه بيه بودي الزمها اكطعها ميبرد گلبي عمتي عود جاي تهدي بيه تكلي سلمي امرج لله بس ناويه ماسكت الها مروه جانت ساكته بس تباوع وتصب الغده طلعت مريم من الغرفه...

مريم... عفيه شنو هاي الاصوات المزعجه متكولون نايمين بنتي كل شوي تفز ...

جوري...ادري بيها تقصد عليه جانت تباوعلي اجيت اطلع كل قهري بيها كوه مسكت اعصابي ونوب عمتي واكفه ودافعلها ل مريم وشلون تحجي وياها شفت شلون يفرقون كمت من مكاني وصعدت لغرفتي ركعت باب شمرت نفسي ع جربايه وابجي حييل حته شعري ملخته اشياء لـ يمي كلها شمرتها وكسرت اجه علي شافني نوب تعارك ...

علي...امشي يلا نزلي وخلي نزقنب وكافي خبال ...

جوري...عطت وكتله مااريد عووفني بحاالي... اجه لزمني من ايدي...

علي...يعني شلون وياج كليلي شسويلج هسا...

جوري... جان قريب مني ويحجي بعصبيه واني بس صوت شهكاتي مسموعه عيط وحجه لحد ماسمع ابو يصيح عافني ونزل وره شوي اسمعه يصيح ..

علي... يلا وينج نزلي..

جوري... كمت ع المرايه اباوع شكلي عيوني حمر مورمات من البجه وجهي تعبان شعري مكطعته لبست حجابي ونزلت غسلت وجهي بس دموعي ماتوكف جان الكل كاعدين يتغدون علي يخانزر يريد اكعد كعدت يمه اكلت شوي وكمت مالي نفس طلعت بلحديقه صار بوجهي مهند..

مهند... شلونج الحمدالله ع سلامتج..

جوري.. ابتسمت بتسامه كذابيه كتله ..الله يسلمك ...هو دخل للبيت واني بقيت وحدي بلحديقه ماعندي غير بس دموع....

...ازهار طلعوني من المستشفى اخذوني لاهلي تصورت اول مادخل للبيت جوري واكفتلي تنتظرني بس دخلت لكيت الكل موجود اله جوري ماكو ماحجيت كعدت ع جربايه حسوني يبجي اخذته رضعته ونام..وره ساعه كام شكله يصير ازرك مثل الي يختنك خفت عليه مرت عمو حسام شافته تكلها امي لازم تاخذو للدكتور موزين هيج يضل اباوع امي شبيها تعبانه حته كوه تحجي ودمعه بطرف عينها احس حته فرحه بوجهه ماكو اخذو حسوني للدكتور كايل لازم دخلو مستشفى وخدج شارب مي راس بقه ابني بلمستشفى 3ايام واني الوب عليه وابجي حيل خفت لايروح مني..لحد ماخابروني وكالولي تعاي للمستشفى حته ارضعه رحت واني بطني حيل مئذيتني بعد عمليه مدري ابجي من الوجع البيه مدري ع ابني رحت بس رضعته ورجعت للبيت..كاعدين اني اني وامي سالتها جوري مختفيه ليش ماكو حجتلي امي عل جوري..لو هيه جانت تسولف واني ابجي وهيه تبجي كتلها والله جنت حاسه بيها شي جوري وانتو ضامين عليه كالتلي خفنه عليج ماقبلنه نكلج..بجيت ع حال جوري اكلها امي شافت من حياتها بس قهر من صغرها وليش كل هذا ديصير وياها..قررت اخابرها واسال عنها اخذت موبايل واتصلت...

جوري....اني كاعده بغرفتي حاطه ايدي وابجي باوعت موبايلي يدك شفت ازهار تتصل جاوبتها جانت تحجي ويايه وتبجي واني ابجي كالتلي تعاي ارد اشوفج اشتاقيتلج كتلها مادري ازهار تعبانه ومالي خلك خليها غير مره كالت براحتج ديربالج عل نفسج كتلها انشاءلله نهيت الاتصال منها اجه علي جايب الابر..

علي... نفسهن بس من غير شركه..

جوري... جتفت اديه وحجيت واني مخنوكه ودمعه بعيني .. حرمات جبتهن روح رجعهن اصلا بعد ماريد حته علاج بعد ماخذ ....سكت محجه شي مددت بلفراش جان تعبان فتح ايده رحت يمه خليت راسي ع ايده حس بيه شبكني صار راسي ع صدره لحدماغفينا ونمنه....

.. واني داحلم اشوف بزون واكفه يم بيت عمو صلاح بس هل بزون عيونها تخوف فاتحتهن حيل وتباوع عليه وتريد تتقرب مني اني كبل فزيت باوعت علي مثل حالي كعد وهو فز من الحلم واحد يباوع عل ثاني سحبت نفسي منه..جان يحجي وهو متوتر ..

علي... شفت ببلحلم بزونه سوده تمشي ع الحايط البيت وعينها عليه ..

جوري... باوعته وفتحت حلكي مصدومه كتله ... نفس حلمي ... مدري ليش اجت بالي مرت عمو صلاح اكيد من عينها الحقيره جنت محتركه حرك منها..

اني نزلت للمطبخ لكيت عماتي موجودات كعدت يمهم وسولفت الحلم الهم جان تكلي عمتي...

ندى... ولج بزون بلحلم يكولون تابعه وحسد شوفي جوري على طول بغرفتج شغلي سوره البقره ونشري حرمل وشوفي شلون ترتاحين...

جوري... گتلها. انشاءلله.. لليل وامي خابرتني...

ام جوري.. تعاي يمنه جوري خالاتج ونسوان خوالج يردون يشوفج...

جوري.. مااجي مالي خلك اشوف احد بيه كافيني ماريد اسمع حجايه ناقصه...

ام جوري... هاي شبيج جوري ميصير امي جاي يشوفج ويسالون عنج غير من محبتهم الج ...

جوري..وليش ميجون لهنا ..

ام جوري... يستحون من عيالج تعاي يلا هيه خطوتين وتوصلين ميرادلج طياره....

جوري...جريت نفس كتلها.. الله كريم.. سديت الخط واني ضايجه شلون اروح بهذا وجهي وعيوني مورمات اووف عاد كمت لبست عباتي ورح اجتي ازهار وبيدها حسوني ابتسمت الها اباوعها وجها يضحك...

بيبي ...يلا افتري وره اختج حته ماتتجابسن..

جوري... اجت افترت 3مرات ورها اجتي بوستني گتلها ...شلونج كبد.. اخذت منها حسوني اباوعه فدوه يجنن جان نايم بوسته ورجعته الها رجعت باوعت بعيون ازهار جانت عيونها مغوركه بدموع واني بس شفتها هيج بجيت جريت نفس وكلت ...الحمدالله علمايقسم الله.. اجتي امي شافتنا ...

ام جوري.. هاي شكو شبيجن يمه يلا جوري فوتي سلمي ع خالاتج ونسوان خوالج ينتظروج...

جوري.....رحت سلمت وهم تحمدولي بسلامه وكعدت محد سالني شي بلعكس جان الكل يضحك ويسولف واني عود هاا ابين الهم اني شكد قويه اضحك وياهم بسس داخلي غير حيل مكسورة ومهضومه..

.... بعد ماراحو رجعت كعدت يم اهلي اشوفهم منشوف اله مرت عمو صلاح تجي باوعت عل كل سلمت واله اني ماباوعت عليه ولاحته سلمت كبل دارت وجهه عني راحت يم ازهار...

.. تكلها انتي تسويها الاختج ماكو مثل طيبة گلبج ...

جوري...تحجي عود هيه كاعده وتسمعني يابه اني ناااار وشبت بيه وحق محمد بودي الزمها واسحلها بس بيبي وكفتني وخنزرت امي گبل جرتني من ايدي وطلعتني بره...

ام جوري.. ك سمعي جوري ترحين تعتذرين من مرت عمج تره سويتي موصحيح. .

جوري .. كلبت عيوني ..كتلها شنو اني اروح اعتذر فوك شينها..

ام جوري.. ميخالف يمه اكبر منج واحنه تره مشفنه بعيونه حته دنكول هيه لكسرت الابر مثلاً حته عمج شايف بلكامرات كايل ماكو هيج شي مرتي متسويها...

جوري... يمه لاتقنعيني وهاي كلاوتهم متمشي عليه سوالفها كلها اعرفه ...

ام جوري.... هسه لخاطري ترحين تعتذرين...

جوري... نوب امي خبصتني اله اعتذر ولخاطرها رحت كتلها عذريني حالة عصبيه ومن هلحجي هيه كامت تعوج بحلكها وحجت من كفه

خشمها وكالت لاعادي باوعتني مرت عمو حسام صفح والكل جان يباوع عاد اني ترخصت منهم وطلعت من بيت اهلي و جان عمو صلاح واكف يم بابهم والله بس شافني گبل دار وجهه عني عود هو ومرته زعلانين وبايعين ثكل واني كلت اكسر عينه وخلي اسلم رحتله ببتسامه ...هلا عمو شلونك... عكد حواجبه وكلشي مجاوبني عافني وطب لببيت وركع باب كلت... يااا والله مو صوجك صوجي.. عشتو عود همه اهل راهي والله يالله فريت بيدي ومشيت...

.. رحت للبيت اسمع اصوات عاليه سوالف دخلت للمطبخ شفت مروه تحضر فواكه كتلها.. منو هنا ..

مروة. خطار يم مريم اجو...

جوري.. ها.. عفت ومشيت شفت علي نزل ..

علي... راح يجون يوسف ومرته ..

جوري.. شوكت ...

علي... منا ساعه..

جوري... ماشي ...صعدت للغرفه يعني والله مالي خلك اتمنه ماشوف احد ابقه بلغرفه ومانزل وره ساعه كال اجو بلطريق نزلت سمعت علي يرحب بيهم باوعت من الباب شفت ريام تضحك وتسلم ويه علي وتسولف ويا ماعرف ليش ضجت ليش اني استحي اطلع اسلم ويه رجلها دخل علي وكلها تفضلي شافتني اجت بوستني..

ريام.. حمدالله ع سلامتج وربي يعوضج..

جوري...تسلمين حبي وكل هلا بيج تعاي استريحي ليش بلباب..

ريام.. اجيت اشوفج..

جوري.. كعدنه سوه وبقينه نسولف سولفت ع حياتها عل هيه عندها،4جهال وتكول مامرتاحه اريد بيت وحدي ومتبهذله باوعت وكلت هو لعد منو مرتاح بهذا وكتنه.....

مرت الايام واني حالتي حاله نفسيتي كلش تعبت كضيتها بغرفتي وماعندي غير بس بواجي حته علي صرت اكره قربه الي احلامي كالعاده متفاركني كوابيس مريت بتعس ايام حته عيالي محد بيهم سال عني او كال لَيــِْ♡̷̴̬̩̃̊ـِْش. جوري ماكو محد يهتم لَيــِْ♡̷̴̬̩̃̊ـِْش. ويه مريم يحبوها يهتمون بيهه وره شهرين رجعت حبلت مريم وجان بيهه ولد ويوم منهن اجت مروه فرحانه طلعت حامل وبيها بنيه واني جان الي يشوفني يكلي ليش انتي لسا مصار عندج ومن هلحجي جنت اكول كلشي بيد الله ميعرفون هذا رزق بيد رب العالمين مو بيد البشر....

.. يوم م̷ـــِْن الايام جان صفر وقربت اربعينة الامام الحسين علي جان بكربلاء واني وحدي كاعده بلغرفه وبيدي موبايل اجتني رساله م̷ـــِْن المسؤله كاتبتلي هَــْـِْـْْـِلاّو جوري اكو خدمه بكربلاء لمدة خمس ايام ترحين، طبعا كيفت كبل نطيتها الموافقه جنت بودي بس انهزم م̷ـــِْن واقع العايشه بي رحت لكربلاء ماختلطت بااحد كضيتها بلامام ابجي واندعي اريد اشوف الراحه بيوم صرت اتمنه انسه الي صار اريد ارجع اضحك مثل قبل دخيلك يااعبدالله اريد القوه والصبر نسيني الي صار تعبت حيل ماضل بيه جنت واكفه كبال الامام ودموع تجري جانت سَـآعــهْْ 6الصبح يفوت موكب نداء العقيله كل سنه بكربلاء وهذا اكبر موكب يسونه بين حرمين جانت اجوء تقشعر البدن عيوني جانت ع شباك الامام صافنه واشكيله همومي....

.. مرت الخمس ايام واني بكربلاء جانت خدمتي كلها بالامام صحيح كلش تعب وكفه طويله بس بعدها من رجعت لبغداد حسيت براحه صدك لو كالو كربلاء راحه نفسيه ...

.. دخلت للبيت لكيت الكل كاعد سلمت عليهم واحد واحد وضحكه مرسومه بوجهي جان الكل مثل المتعجب بيه. رجعت شوي اضحك ترخصت منهم وصعدت لغرفتي لكيت علي نايم ابتسمت من شفته اشتاقيتله رحت يمه شبكته وبسته هو حس عليه كبل سحبني بحضنه..

علي.. ولج مشتاقلج..

جوري.. دموعي نزلت كتله... وني هم حبيبي كومه اشتاقيتلك......

النهاية.

رسالة جوري...

الى هنا وتنتهي قصتي

القصه مليانه عبر وموعظه بين كل سطر محاج اكول العبره اكثر لان فهمتوها ومتأكده وصلتكم...

ياريت الكل اخذ منها العبره ومن اخطائها ونصيحتي لكل بنت خلي اهتمامج بنفسج ثم دراستج وخلي الله بين عيونج عيشي حياتج عل صح لاتغرج هاي سوالف الحب والطيشان..تره محد يستحق الحب غير الله سبحانه وتعالى ...

بالنهايه اكولكم 😔تندعولي بلذريه الصالحه ويرزقني بطفل سليم واصير بيت بوحدي وبعد اكو امنيات باالي 😔💔اتمناها تحقق..

انثى 💜ملائكيه .

اخطاء لايمحيها الزمن

في أمان الله

مرحبا حبيباتي مشتاقتلكم هواي

حالياً محتاجه دعائكم نورة صاحبة القصه أخطاء لايمحيها الزمن تمر بظروف صعبه ولهسا ماعرفو السبب بتشوه الجنين أسئل الله العلي العظيم يفك كربتها ويرزقها الذريه الصالحه دعوة أربعين شخص بضهر الغيب مستجابه

حبيت ابشركم نورة صارت حامل وتعرفون شلون عانت بحياتها السابقه وكلما تصير حامل تنفجع بتشوه الجنين ياريت الكل يدعيلها يطلع الطفل سالم معافى وينور الدنيا والله يرزق كل محروم الذريا الصالحه يارب 🥺❤️