رواية أخترتك بنفسي الفصل الخامس عشر 15 - بقلم Chra

# اخترتك _ بنفسي 15

لا تسأليني عن حياتي قبل أن ألقاك

إني بدأت العمر منذ لقاك
قد كان عمري في الحياة ضلالة

ورأيت كل النور بعض ضياك
لو كان عمري في الحياة خميلة

ما كنت أمنح ظلها لسواك
لو ظل شعري في الوجود بعطره

فالشعر يا دنياي بعض شذاك
إني تعبت من المسير و لا أرى

في القلب شيئا.. غير أن يهواك.

نسرين : العطلة كلها كضيتها سفرات وطلعات تونست بس بالي أدهم متغير لا يسال لا شي هاجرني بالفراش مرات أروح أتحارش بيه يعوف المكان ويطلع اعرف زودته ويا شويه بس هو دايما يسامح ويرجع يطلب رضاتي هسة لا كوة يحجي ويايه حتى الفلوس قبل موجود كدامي بغرفته هسة مخليها بالبنك صارلي يومين رجعت اليوم اول يوم حمودي يروح للمدرسة جنت ناوية أروح وياه صحيت متأخرة  حمودي راجع من المدرسة نزلت شفت أدهم وياهم سالتهم وين رايحين عرفت يتغدون برا كلت من زمان مطالعين برا خلي اروح وياهم .

ليلى : رجع رمزي الحمدالله انتهى الكابوس شرطت عليه قبل ماندخل حياة جديدة يتغير يصوم ويصلي حتى يكفر عن ذنوبه حجزنا بفندق جنت اخلي ملابسنا بالجنط وهو حاضني من ورا ويتغزل بيه .اتذكرت من رجعت داليا اني وميادة واكفين وبيدنا عبايتها يم الباب خايفين واحد يشوفنا وهي ترجع بسيارة أدهم نزلت هو راح مدخل جوا جان مستحي من ميادة لزمناها كفخ ورزايل هي ولا عبالها شفايفها جانت متورمه  عرفت مسوية مصيبة طول الليل بقينا نحجي على الزواج وعلى علاقتهم متستحي تكول اني لو اتزوج أدهم لا استحي منه ولا شي اتجاوب وياه تعلم ميادة خطية ميادة جانت ترجف من الخوف وهاي تزيد من عدها هيجي يسوي بيج شوفي ليلى كدامج يومين تبجي طبعا جذابه تعرف بعدني بنية جانت تخوف بميادة .

داليا : اول يوم وصلت للدوام كوة افتح عيني مجنت نايمه من ورا أدهم صارحني يريدنا نتزوج بس مو هسة خلي نتعرف اكثر يالله خايفة اهوايه من هالخطوة صح احبه وأموت عليه بس هو ميحجيلي بعلاقته ويا زوجته وميادة كالتلي مو مرتاح منها وأني كلما أساله يكولي انتي تتزوجين أدهم ماعليج من غيره المديرة كالتلي كل سنة اول يوم دوام نطلع كلنا نتغده برا مو مسموح تعتذرين ومتجين لازم تجيين خابرت
أدهم ميجاوب اكثر من مرة وصلنا للمطعم كعدنا على حظي المعاون الرجال الوحيد بالمدرسة كعد بصفي هو اهواية يتشاقى ويحب يقلد المدرسات  تونست اهوايه لحد شفت حمودي يركض بيد ابوه كعدو بعيد عنه كلما اباوع أدهم مقابيلي مبين صاير نار شفتهم كاعدين حسيت نفسي اشكد حقيرة اريد اخرب عائلته مكدرت اكل شي جنت اتمنى اكوم وأطلع مرات اباوع شلون مندمج وياهم مبين عليهم السعادة ونسرين كل دقيقة تخلي شي بحلكه كمت اطلع استئذنت المعاون جر ايدي حلفني أكعد كلش خفت من أدهم اليوم يوم أسود مبين شفت تليفوني ميادة تسألني ويني عرفت ادهم مخابرها يردني ارجع للشقه .اي كاعده على كلبك متكدر تاخذ راحتك ويالمدام على عنادك راح ابقى أندمجت أحجي وياهم وأضحك .

ميادة : راح نرجع اليوم لبيتنا اتونسنا اهواية بعدني ممصدكه خالي طلع عاشك اول ليلة سويت نفسي زعلانة منه ليش مكالي خالي يحب داليا هو يعرف اني اتمنى هذا الشي وحاولت فشلت جنت اتدلع وادلل كالي مو ناويه على خير انتي ترى اني جلال تعالي 💪😘 خابروني هي وليلى الصبح يكولولي شنو الاوضاع جاوبت ماعليج مراح اكول شي شيطانة خلتني أحجي وهي تضحك عليه تكول والله جلال سبع. جنت مترددة اتزوج واحد اصغر مني بس طلعت غلطانة العمر مو مقياس للسعادة وجلال اثبتلي هالشي.جنا مندمجين سوية خابرني خالي جان يصيح يكولي كولي للخاتون ترجع للشقه بصياح اني جنت بحضن جلال فزيت مشايفه خالي معصب هيجي ابد جان جلال يصيح خالي قطعت ذريتنا من الخوف مجاوبنه خالي يغار اهوايه على داليا وهاي ماخذة راحتها تحركه بزيادة.

رمزي : اخيرا استقرينا وكلشي رجع مثل قبل كملنا وصارت مرتي دخلت بحضني تبجي حلفتني مااخونها ابد مراح تتحمل صدمة ثانية الصبح سمعت صوت تليفون اني مصدكت صارت مرتي ونايمة بحضني شفت داليا رادت تجاوب قفلته راح اصير مثلها خبيث😁 كتبتلها مشغولين نحسن نسل عائلتج  اللي شبهج ياقردة عوفيني عيب عليج هههههه ليلى تخبلت ليش هيجي احجي وياها لان دزيتها باسم ليلى سكتتها بطريقتي .😍just me

نسرين : بدلت لبست طخم ألماس جديد كعدت بالصدر  مرات أحس نفسي أميرة عندي كلشي مرات اضوج من اشوف وحدة احسن مني طول الطريق جنت احجي واسولف ويا ادهم وهو ولا عبالك بس مو ويايه اعرف شلون أجيبك للدرب  خليت ايدي على ايده أعرف ميكدر يفشلني كدام   الجهال نقطة ضعفه جهاله يعيشون بأمان وراحة نفسية بيناتنا دخلنا للمطعم خليت أيدي  بأيده طلبنا ألاكل فجاءة تغير وكام أستأذن يروح للحمام كومت حمودي وياه أشبيه هذا انخطف لونه رجع صاير شخص ثاني مبين معصب بس يمثل سالته شبيك ميجاوب ويضحك بوجهه الجهال شفته مياكل صورت كعدتنا وادزه لصاحباتي همه يموتون على ادهم وشخصيته ردت احرهم جنت اخلي أكل بحلكه جان يتقرب مني عبالي يبوسني 😊 كالي ماكو داعي لهالحركات صيري عاقلة 😲
مستحيل هذا مو أدهم اشبيه متغير ياحظي ميصير براسه خير بس غلست سويت اللي أريده اخر شي طلب مني أكوم واروح يم مدرسات ليان لان أدهم دفع حسابهم مصدكت
يعجبني اتفاخر بنفسي كدامهم رحت سلمت عليهم همه يعرفوني واخذت ليان ويايه كتلهم حسابكم مدفوع حجيت وياهم شوية اريد ابينلهم اني شنو بالبداية مقبلو بعدين اتشكرو مني وطلبو مني اسلم على ادهم وحدة بيهم جانت تكول اني مااقبل احد ينطي حسابي شفتها داليا الفكر صديقة ميادة هو اني من الله اكرهها كتلها بكيفج منطيتها اهمية عابت خلقتج .

ادهم : ردت بس أوصل عائلتي للبيت باقصى سرعة مشيت بالي بس ارجع لست داليا تكسرين كلمتي وفوكاها كاعدة يم هذا الحيوان اني الج رادت نسرين تحجي صيحت بوجهها وكفت السيارة  يم البوابه كتلها نزلي بسرعه بدون كلمه رجعت اني الج داليا تحتقريني هذا حبج اخ اخ منج شسوي بيج هسة مراح اسمحلج تستغلين حبي الج وصلت للمطعم ردت اضرب اكثر من سيارة من السرعة طلبت من الكرسون يروح على داليا يخبرها السايق ينتظرها برا انتظرت شوية وطلعت رحت يمها سويت نفسي عادي لزمت ايدها قوي جريتها للسيارة والناس تباوع علينه كتلها امشي بدون صوت الناس تباوع رحنا للمزرعة طول الطريق تحجي ماجاوبها.just me

ليلى : حبي كوم كافي وصلني للمدرسة متشبع والله راح أنفصل من وراك صارلي اشكد ممداومة يعني كفرت انطيتك وجهه راح اروح وانت ياحظي ابقى نايم والله خجلتني يم اهلي واهلك لا اشوفهم ولا يشوفوني حتى تليفون حارمني منه وفاضحني
يم داليا صرت سجينة الغرفة  اي سوي نفسك نايم ومتسمع صارلي ساعة ألمن احجي واشكي اني ألك حبي بهمس شنو رايك اغلس وارجع انام وياك رأسا فتح عينه يا لوتي صارلك اشكد مسوي نفسك نايم جذاب وغشاش ردت أنهزم حلف يخليني طول اليوم ماطلع يكول مو انتي تردين واني كلبي مينطيني أردج مكسورة الخاطر.😍😍😍😍😍

داليا : هذا تخبل زيادة طلعني من المطعم يجر بيه جر جنت احجي عليه بالسيارة واسبه ميسمع  ولا كأنه مسوي شي شفت الطريق عرفت راح ياخذني للمزرعة نزلت بعده بس يباوعلي كتله أدهم  خلي ننهي كلشي اني ماكدر استمر بعد شفتك مندمج وعايش بسعادة ويا عائلتك ماريد اكون سبب بخراب بيوت كأنما احجي لنفسي  كملت صح أحبك وانت اول واخر شخص احبه بس ميصير ميصير بقيت ابجي تقرب يحضني ويبوسني أمتنعت بس ماكو فايدة .

ادهم :قاوميني بما أوتيتِ من حيل
اذا أتيتك كالبركان مشتعلاً

أحلى الشفاه التي تعصي
و أسوأها تلك الشفاه التي دوما تقول بلى. أخذتها بقوة

من الاخير كافي بجي ردت اضربج اليوم على اللي سويتي مرة ثانية اذبحج اذا كلتيلي ننهي اللي بينا انتي متعرفين شنو بحياتي فلا تحجين حجي انتي اصلا مو كدها شفتي شلون ترجفين بين ايدي وتكوليلي انهي وانسى وعائلتك جذابه انتي كلج اليه واني الج محبيت أحجي بحياتي الخاصة راح أريحج اللي شفتيه اليوم تمثيل لا اكثر اني منفصل عنها بالفراش باقي علمود جهالي سنين تحملت لسانها وتصرفاتها اللي مستحيل رجال يتقبلها كعدنا على خليت راسها بحضني حجيتلها شلون تزوجنا شنو شفت منها تحملت كلشي مو ضعف بيا لا مردت جهالي يحسون بالنقص لان اني جنت يتيم محروم من نعمة ألام والاب كلش عانيت من هالموضوع ونسرين جانت تعرف ضعفي استغلتني بجهالي بس هي خسرتني هسة ميهمني شي لان لكيت الانسانه اللي جنت اتمناها بحياتي ومو نادم بحبج وراح يكونون جهالي جهالج اما انتي اريدج كلج اليه اني اناني بحبج اريدج تعوضيني عذابي وحرماني داليا انتي كد هذا الشي لو لا .just me