رواية أخترتك بنفسي الفصل الرابع عشر 14 - بقلم Chra

# اخترتك_ بنفسي14

تعالي واسقطي مطرا
على عطشى وصحراى
وذوبي في فمي كالشمع
وانعجني بأجزائي
أحبيني أحبيني
أحبيني بطهري أو بأخطاءي
وغطيني ايا سقفا من الأزهار
يا غابات حناءي
أنا رجلا بلا قدرا
فكوني أنتي لي قدري .

رمزي : حضرت غراضي راح أسافر ويا ابويه جاني بلاغ من المحكمة علمود قضية لارا جانت ليلى كاعدة مسوية نفسها مو مهتمة كتلها ليلى مو ناوية تسامحيني صارلنا شهرين سويه خليتج على راحتج محبيت اضغط عليج لأن اني غلطت بحقج بحق نفسي الله يسامح انتي ليش متسامحين وتنسين السالفة اتمنى من ارجع اشوف ليلى القديمة بست راسها طلعت سلمت على امي كلبتها عزا .

داليا : أكول ميادة عمتج ماكو مشفتها جنت معزومة على حنه ميادة الحفلة بيتهم ردت اطلع اشوف أدهم بس جنت خايفة لايشوفنا احد علاقتنا بدت تتطور من يوم اللي شفته بالمطعم رجعت للبيت خابرته حجيت عليه رجعت لعادتك القديمه شفتني وغلست محجيت شي عرفت جان معصب بقى اسبوع يوميا جنت اتحجج اطلع اروح اشوفه لو بمطعم لو كوفي شوب أخر يوم رجعنا اني ويا السايق وهو ويا جلال بقينا 4 ساعات نتراسل جان يمشي ورايه يكول اخاف عليج وصلت للشقه شفت ورد يم الباب خابرته قبل مااسد التليفون كالي أحبج عرفت الورد منه .طلعت برا بهدوء رحت قريبة على بيتهم عرفت نسرين مسافرة ويا جهالها سمعت خطواط عبالي ميادة شفته أدهم راح يم سيارته أشرلي أطلع يم البوابه رحت صعدت وياه نسیت نفسي شلابسة.just me

ليلى : متحملت دموع أم رمزي وهي تودع ابنها خفت لايصير بيه شي او يقتلو بالبداية مسلمت عليه وصل يم باب ركضت حضنته بكل قوتي واني ابجي كتله أسامحك بشرط ترجعلي سالم انتظرك .

أدهم : ماأعرف شلون تعلقت بداليا وحبيتها مأدري شنو نهاية هذا الحب صرت اغار عليها من تحجي بصوت لو تضحك بالبداية مجنت أعبر عن شعوري غير بالغضب بس هسة أحجي عليها مرات ازعل من تصرف بسيط كلش اخاف من هاي التجربة أعرف هي هم تحبني ولو متكول بس لهفتها من أخابر يبين مرات أكول خاف تطلع مثل نسرين تتغير اتمنى تبقى هيجي مرات أتعمد أتأخر ماخابرها هي تسال بيك شي كلش يفرحني علاقتي بنسرين مقطوعه على كد السلام وشي يخص الجهال اما الزوجيه منتهية مستحيل ترجع اهواية صبرت ونصحت وأنطيتها فرص متغيرت هي الخسرانة تروح تسافر وتغير جو انطيها على كد اللازم فلوس مو مثل قبل بدون حساب وبكيفها وممنوع السفر خارج العراق بدوني او بدون اهلها هسة بدت تاخذ امها وياها ولا أخابرها مجرد احجي ويا ليان وحمودي خواتي يحسوون عندي شي بس ميعرفون هي منو غير جلال شفتها اليوم تفتر بالحديقه لابسه فستان احمر تموت صعدت ويايه طبعا ملتهية واني اباوع عليها لزمت ايدها خليتها على صدري كتلها تحسين بي لو لا باوعت رجليها طالع ركزت جسمها تقريبا يبين وين اخذها هسة هاي شلون طالعة هيجي 😤 وجاية ويا السايق ماعرف أشكد سرعة جنت أسوق بس أسمعها تتوسل وخايفة تكول على كيفك حبيبيjust me

ميادة : انتهت الحفله أدور داليا ماكو أتفقت تبات يمي اليوم عبايتها موجود ياربي وين راحت شفت خدامتنا سألتها كالت مااعرف حسيتها تكذب لزمتها خافت كالت شفتها ركبت ويا بابا أدهم اني 😲 المصيبة بعد شوية جتي امها واختها نور علمود باجر حفلتي وهمه يعرفون هي موجودة يمي ياربي شكول هسة امي شلون دورت تليفوني خابرتها عزا هاي ناسية جنطتها اهنا .

داليا: جنت عايشة وداخلة جو أدهم لازم ايدي ويغازلني أشكد حسيت بشعور حلو من خله أيدي على صدري مخلاني أكمل الحلم خلاني بكابوس من اللهفة نسيت ألبس عبايتي جنت لابسة فستان قصير بدون ردان جسمي جان مبين من اكعد يصعد اتخبل شافني تحول من عاشق الى قاتل متت من الصدمة وصلنا للمزرعة نزلني من السيارة جنت ابجي من الخوف والخجل عفية ادهم والله جنت لابسه عباية حتى تأكد مستحيل أجي هيجي بس شفتك نسيت نفسي رأسا طلعت محسيت اني شلابسة يحجي ومعصب يكول اذا واحد غيري شافج بقيت ابجي واتوسل يهده خايفه يصير بيه شي من العصبية .

ميادة : أمها وأختها سألوني كتلهم تعبت راحت ترتاح بغرفتي وهاي نور مصره ألا تروح يمها حتى تشوفها فستانها كتلها بعدين خلي ترتاح بعد لزكت نقذتني ليلى وامها من اجوي بسرعة واني ارحب بيهم وأبوسها كتلها بصوت ناصي لاتسالين عليها طالعة ويا خالي حسيتها تعرف شي لأن جانت تعابير وجهها عادية شكو شديصير اني بعد هالهبطة راح أبجي😭just me

ادهم : حضنتها وأبوس براسها أسف حبي تعرفيني ماتحمل لاتساويين هيجي مرة ثانية كتلج من البداية تحملي غيرتي احبج والله العظيم اكثر من روحي نسيتيني نفسي نسيت الدنيا صرتي انتي كلشي وعدتيني تتحملين شوية ارتاحت انطيتها مي جانت تشرب واني اشرب وراها ضحكت لزمت راسها بستها من شفايفها لأول مرة نسينا نفسنا تليفوني جان يرن اكثر من مرة كوة بعدت نفسي منها جانت ليلى انطيتها تحجي وياها.

رمزي : رحت للمحكمة أدليت بشهادتي ماكو شي عليه جانت ويا 3 أشخاص بنفس الوقت اللي جانت عايشة يمي واحد بيهم كاتلها لأن طالعة حامل منه اخذت مستحقاتي الباقية من الشركة ممريت على شقتي حتى مسألت على غراضي انتظر ارجع يم ليلولتي بأسرع وقت طول الطريق احلم نروح للفندق لو نسافر شهر عسل جديد.😍

داليا : جنت طالعة ملكه بعرس ميادة أدهم هددني أذا سويت شي يزعل منه يعوفني للأبد أتوسلت بيه البس فستاني شوفته صورته مقبل بعد ساعات من التوسل ودموع التماسيح جنت بالصالون شفت جاييني كيس جبير فتحته فستان على ذوقه محتشم لو جان بيده يلبسني كفوف وياها جان فخم ومبين غالي أهواية لبسته طبعا مخلصت من كرصات ونغزات ميادة تروح وتجي تكولي خاينة هيجي متكوليلي .وصلنا للقاعة جانت عيونه بعيوني💕💓💓💓💓💖 طول الحفلة لا خجلت من أحد ولا خفت يعرفون عبالي اني وهو وحدنا محسيت بالوقت انتهى وكل واحد راح لبيته بقينا نحجي طول الليل كالي بعد مااتحمل خلينا نتزوج 👸كافي

أدهم :ارهقني الانتظار وبحثت عنك كثيرا
بين الازقةِ و الشواطئ بحثت كثيرا
بحثت عنكي في الاشعارِ وبين السطور
بحثت  عنك بين النجوم وسألت الطيور
اتقلب بين افكاري وظنوني عن ماهية الشوق
لا استطيع التفكير وكاني مشدود اليدين بالطوق
لست ادري هل هي العشقُ ام حبي للتملكِ
فانا في حربٌ مع نفسي حرب ٌمن الظن والشكِ
اين انتي واين انا من كل ما يجري لي ولنفسي
ظنونٌ تشاطرني للشك وظنونٌ يقلب بفكري
من انا وماذا انا لاجاريكي وأطلب العشق منكِ
الذي عرفته واعترف بها انني مجنونٌ بك ِ