رواية أخترتك بنفسي الفصل الرابع 4 - بقلم Chra

# أخترتك_ بنفسي 4

خيالك دائما ماغاب عني

أدهم: أشكد أكره النسوان من ورا نسرين وافعالها انتظرت ميادة تطلع حتى أخذها ويانه رحنا كعدنا بمطعم جنا نحجي بمواضيع مختلفه ردت انسي لي لي  اللي صار اليوم راحت تغسل ايدها بقيت ويا بنت اختي ميادة كلش قريبة مني هي وجلال وأحمد أحسهم جهالي واصدقائي ماكو اسرار بيناتنا.

ميادة : طلعت من أخر أمتحان ميته تعب خابرني خالي عازمني اني ولي لي بنته ويايه بالمدرسة مرفضت وجنت تعبانة بس حسيت صوته حزين كعدنا جان يدخن جكارة ورا جكارة مأكل شي بس سلطه عرفت مهموم كامت بنته راسا سألته شبيه الحلو .

أدهم: ميادة تحسين علاقتي بعمتج اني السبب بيها لو مقصر وياها لو جهالي اللي راح يضيعون بيناتنا اليوم حركتني حرك كدامهم ماعرف شلون اتصرف وياها تعرفين لي لي بمرحلة خطيرة مراهقة ماريدها تتأثر بينه وحمودي مرات من صياح امه يسويها على نفسه .

ميادة : كلش انقهر على خالي اعرف مو مرتاح بحياته عمتي بطرانة رجال كامل المواصفات عندج ليش متحمدين ربج والله مرات اكول عدها حظ لاجمال وجه ولا لسان بس مثل مايكولون حظ القبايح بالسما لايح. جاوبته حبيبي خالو لاتضوج نفسك قابل هاي اول مرة انت تعرف عمتي وطبعها سايرها احنا نسوان ناقصات عقل كلمة حب تجينا وتودينا صير رومانسي وياها روحو غيرو جو  بالعطلة .

أدهم:  تكولي صير رومانسي شكوللها خلي الطبق مستور أكوللها حبيبتي تجاوبني تريد تخدعني تنام ويايه نطلع نتونس ماجي اذا جتي خواتك ويانه نروح للمزرعة تجاوبني روح لوحدك ماروح للصخام هاي من مستواك انت وخواتك. دفعت الحساب بالسيارة كالت بنتي بابا شكلت لست داليا جاوبتها منو داليا .بابا  اللي جانت واكفه يمي.

ميادة : صدك ذكرتوني داليا عايشة بدهوك ليش منروح يمهم بالعطلة هي عزمتنا والله احسن شي الطبيعة تخبل اهناك ولو هسة باردة بس هم حلو شتكول خالو الله عليك قنع بابا خلي نروح كلنا وبلكي تتصلح حال البالي بالك هههههه.

داليا: اول اسبوع العطلة كضيتها نوم وطلعه ويا خواتي وليلى مرات تجي لأن رمزي موجود على حظي رجع وقت عطلتي مراح أشبع من ليلى .خابرتني ميادة كالت راح يجون يمنه هي وامها واخوها كلش فرحت حجزنالهم مكان حلو قريب على بيتنا اليوم راح يوصلون مبقيت اكله مسويناها بلكي شوية ارد من تعب امها ويايه بس حجيت لأهلي عليهم كلش فرحو استقبلتهم كعدنا بعد الاكل والسوالف أترخصنا احنا والبنات رحنا للحديقه احنا متعودين على البرد بس ميادة جانت ترجف متتحمل واني أضحك عليها وخالد أخويه بس شاف ميادة جان يجي ويروح يستعرض خدماته طبعا مو لسواد عيني أعرف سوالفه.

ليلى: حبي الله يخليك بس ساعة اروح يم البنات عيب البنية اني اتعرفت عليها يم دالي لازم اروح يمها شوية ليش قافل هيج والله اعوضك بس ارجع فدوة حبي .كوة سحبت نفسي منه طلعت من بيتهم رحت يم البنات خطية ميادة صايرة زركه من البرد وهاي الخبيثة دالي تضحك عليها سلمت وكعدت جانت تأشرلي ضمي صدرج واني مافتهمت شنو تقصد.

دالي : متت من سوالف ميادة حجيتلهم على الموقف اللي صار باخر يوم امتحان كتلهم تعرفون شفت فارس الاحلام طلع متزوج الخاين منتظرني هسة اني وين الكه البديل بقينا نصنف ونضحك جتي ليلى صدرها مبين صاير أحمر الحمارة أشرتلها متفتهم ذبيت الشال على راسها تقربت من يمها ستري نفسج خية فضحتينا .

نور : دالي حركاتج مكشوفه ليش تسترين ليلى مبينه من وين جايه وشجانت تسوي متكول حدايق مثلي ومثلج كاعدات تريد تخربنا خلي اكوم اشوف ام ميادة محتاجه شي لو لا.

دالي: صدك انتي بلوة هاي عليمن طالعة ولج .جاوبوني اكيد عليج .وشعندج كل دقيقة رايحة وراجعة تخدمين ام ميادة ترى مووتي المرة من جاي وعصاير وكهوة خليها ترتاح خطيةهلكت من دخول الحمام كافي عرفت انتي ام بيت ومعدلة بس ابنها اكبر منج متفيدج روحي خلي امي تسويلج ظفاير وكعدي راحة هههههه.

ميادة : الله ياخذج دالي صار عندي تبول لا أرادي من وراج مدا اكدر الزم نفسي لا من سوالفج ولا من البرد وبعدين هذا فارس احلامج ليش مشوفتيني اياه تعرفين خويتج ناقصها حنان .

دالي: صدك مو وجهه نعمة جايبج لأحلى مكان تكولي باردة عيني مفيد للجهاز التنفسي تشمين هوا طبيعي وبعدين شلون اشوفج فارس احلامي هو اني راحت عليه انتي شكو جاية مو تكولين صايرين اكسباير الكيلج واحد مثل رمزي يشبعج طكع حمرة زركة حسيت طكه ليلى على ظهري .

ليلى: ها هيجي فاضحتني انتي اخ من لسانج وبعدين همست بأذنها اكولج هاي 50 مرة تعيدين لقائج بجحا كافي راح واخذ الحمار كعدي بلا فضايح.

أدهم: حجزت رحلة لتركيا كوة أخذت نسرين وصلنا للفندق جنت حاجز سويت vip اريد اقربها مني بس وصلنا للجناح بدت الاسطوانة كلت للجهال روحو تفرجو على الغرف.

نسرين : هاي حركاتك مو عليه ليش غرفتين حاجز فوك مراهقتك صاير بخيل اني اريد غرفة وحدي والجهال نفس الشي جايبني اتونس وأفتر لو غير شي هسة تحجز غير جناح كل واحد أريد عنده غرفة مراح اكعد اهنا .

ادهم: وتالي وياج شلون عيني انتي نامي على السرير واني افرش على الكاع والجهال كل واحد وسريره ليش مكبرة الموضوع ليش تردين جهال يعرفون احنا منفصلين غرفنا ترى هذا مو بيتج كافي ولاتخافين ماريد منج شي مستغني عن خدماتج حتى همسة منج ماريد بس خلي هالاسبوع يعدي على الخير .

داليا :  قضينا ايام حلوة ويا ميادة  اهلي حبوهم وتونسنا سوية رحنا اهواية اماكن  حسيت اخوها عينه على نور اختي وهي ممقصرة سوالف وضحك تساعد امه تبدع بالاكلات  كلت ليلى باوعي نور اشكد لوتيه شتسوي واني المفروض اكبر من عدها والله ماعرف اسوي هالحركات متشوفيني خايسة بمكاني .

ليلى: والله مو بس لوتيه بارحة رمزي جان جايب كباب أحمد مياكل لحم يحب صدر دجاج مثلي وهو رمزي جان جايب اليه طبق واحد  هي رأسا شالت الطبق من كدامي واخذته اله بدون خجل وتغمزلي تكولي اكلي كباب يفيدج للطاقه محبيت افشلها كدامهم ههههه بس اني الها .اكولج داليا احسج اهو تفكرين بابو طالبتج شنو السالفة

داليا: والله مادري ميغيب عن بالي خياله أصفن اتذكره متصدكين ليول اشكد احس اعرفه من زمان مثلج هيجي احسه كلش قريب عليه ياريت ارجع واشوفه يمكن راح ارجع اضرب بنته بلكي يجي يشتكيني ههههههههههه حتى اسمه ماعرف.

ليلى : ولج لاتكونين وكعتي بالفخ ديربالج خبله كومه شباب كدامج تباوعين على واحد متزوج وعنده جهال ولا معبرج هذا لو حاجي وياج برقه جنتي شتسوين اما بالنسبة لاسمه بسيطة طلعيه من دفتر التصليحات يبين اسمها فلانه بنت فلان ماكو اسهل منه ترى حياتج من غيري سلطة.

رمزي : أعيش بصراع داخلي بين حبي وبين عشيقتي لارا عايشة ويايه بشقتي وكعتني بشباكها هسة تهددني تكول بس تعوفني افضحك كدام حبيبتك اول ماجتي للشقه شالت صور وغراض ليلى مادري ذبتها حرقتها بسبب رغباتي خليتها تتمادى ويايه عايشين مثل المتزوجين بس نشبع رغباتنا بدون حب هي جريئة تعرف ماكو حبيات بيناتنا بس تكول المهم اني اريدك مو ضروري الحب هياتك تحب خطيبتك وتخونها دايما تسكتني بصراحتها.😱 هذا أخر جزء لليوم نكمل باجر قرأة ممتعه