رواية أخترتك بنفسي الفصل الثالث 3 - بقلم Chra

#أخترتك _ بنفسي3

(لا تعرف المرأة قيمة سعادتها مع زوجها إلا عندما تفارقه)

نسرين حبيبتي ممكن نصعد لغرفتنا نحجي بهدوء .

نسرين: بصياح لا حبيبتي ولا هم يحزنون لاتسوي نفسك مراهق تكولي حبيبتي أدري بيك شتريد مقابيلها عبالك اني غشيمة أخليك بكلمة تجيبني وتاخذني لا عيني نومه مانام وياك كافي تعبت منك ومن مراهقتك.

أدهم: صدك انتي متستحين وماعندج ذرة أدب أني مراهق لو أستغلج حتى أنام وياج ألف مرة كايلج عندج شي نحجي بهدوء بيناتنا ليش تخلين الجهال بوسط مشاكلنا بنتج اليوم أخر أمتحانها خلي تخلص  بهدوء مو حرام تروح تمتحن ودمعتها بعينها ولج انتي شلون أم .

نسرين: أني حرام عليه لو حضرتك خليها تعرف ابوها شنو نوعية من الرجال يريدون المرة بس بالفراش ويلبي رغباته وشهواته اما اكولك شي تصير فيلسوف براسي تريد تبين لجهالك أني شكد  أم ظالمة وحضرتك أب مثالي بس عليمن والله راح أخلي ليلك نهار انت تشتري سيارة لجلال أفندي ومستخسره على ابني عفته وصعدت .😤

ليلى : أكول حبي دالي حجزت صالون ألي والج نسوي تغير نيو لوك من تجين اليوم وترتاحين راح نروح وراها اعزمج على اطيب عشا من صنع ايديه وحياة عينيه أشكد باقيلج وتخلصين من الامتحان يبو ساعتين ولج اني خلصت ورجعت ظلي خيسي منو كلج روحي بعيد عني مسمعتي كلامي يالله اخليج حبي.😘

داليا : جنت أحجي وياليلى كملت الامتحان رحت أجهز غراضي وأودع المدرسات عزمت بيت ميادة يجون يتونسون يمنه بالعطلة لان أني عايشة بمنطقه سياحيه حجيت ويا أمها كالتلي تسال زوجها وتردلي خبر اشكد احبها خطية بين يوم ويوم تدزلي أكل بيد السايق مالتهم دايما تخجلني. شفت طالبة كاعدة منتظرة أحد بس مبين عليها تبجي.

أدهم: طلعت من البيت رحت للشغل واني دايخ من سوالف نسرين وطبعها اني ادهم عمري 39 سنة متزوج من نسرين صارلي 15 سنة عندي منها ليان 13 سنة وحمودي 5 سنوات مشفت يوم حلو بحياتي وياها بس بداية زواجنا .ماعندي أخوان عندي 2 خوات اكبر مني تيتمنا واني جان عمري 7 سنوات أم جلال هي ربتني اكبر خواتي ضحت بحياتها علمودي هي واختي ام احمد متزوجة من أخو نسرين الجبير معرفت شنو حنان وعطف الام والاب غير من حضن خواتي احاول أعوض نقصي بجهالي أصير الهم احسن اب صح اكون مرات قاسي بس علمودهم عمري مرحت لطريق الحرام لابالفلوس ولا بالنسوان غير نسرين معرفت نسوان بحياتي كل همي جان شغلي وشهادتي واكون نفسي وأصير قدوة لجهالي واجازي خواتي بتربيتهم وتعبهم عليه بس دايما السعادة متكتمل ونسرين سبب تعاستي بحياتي. جلال أتيتم وهو بطن امه أحبه مثل ابني وهو يحبني اهواية تخرج من كلية هندسة بتفوق اشتريتله سيارة اخر موديل نسرين عرفت كلبت الدنيا عليه تكول ليش متشتري لابنك مثل جلال شجاوبها ولج ابنج بعده يلبس حفاظه بالليل ليش تقارنيه ويا ابن اختي بكد ابنج 4 مرات صدك ناقصة عقل.

داليا: اتقربت شفت ليان طالبة عندي اول متوسطه تمسح دموعها سئلتها حبيبتي بيج شي محتاجه شي مجاوبتني ظلت تبجي وتكول انتظر احد يجيني تعبانه مقتنعت بس خليتها على راحتها جبتلها مي مسحت دموعها كومتها سمعت صوت رجال ركضت ليان واني انداريت شفته 😍😍😍 يمه شنو هالجمال والهيبه صحيت على صوته .

أدهم : خابرت سايق لي لي كتله اني ارجعها ويايه للبيت ردت اخذها ونتغدا بمطعم حتى انسيها اللي صار الصبح اعرف نفسيتها تعبانة ردت أفاجئها وصلت شفت وحدة واكفة على راسها وبنتي تبجي صرت نار 😤 أتقدمت بنتي حضنتني وتشهك بستها كتلها روحي صعدي بالسيارة خليني أتفاهم وياهاألاشكال باوعتلها من فوك ليجوه واني اصلا مركزت بيها شنو شكلها حجيت وياها بنتر ممكن اعرف منو حضرتج واكفه على راس بنتي وتبجي منو انتي وشلون تتجرأيين تحجين ويا ليان .

داليا: انصدمت من نظراته وأسلوبه منو هو حتى يحجي ويايه بهالاسلوب الرخيص ردت أحاول أكون مهذبة مهما يكون أني هسة مدرسة بكلبي اكول ولج داليا هذا مو واحد بالشارع لو بيتكم رجعي لعقلج أستعملي الاتكيت رديت عليه واني كوة لازمة نفسي حضرتي مدرسة ليان شفتها تبجي حبيت أساعدها وبس من رخصتك😎

أدهم: ميهمني منو انتي هالمرة تجاوزتي حدودج مرة ثانية انسيج أسمج أفتهمتي لاتدخلين بشي ميخصج عفتها ومشيت.

داليا : صدك من كالو الحلو ميكمل هزيت راسي ورجعت لميت غراضي طلعت من المدرسة باوعت السايق بعده مواصل شفت ليان بالسيارة وهذا الأدبسز كاعد يمكن ينتظرون أحد بقيت واكفة أسترق النظر هو مشغول يحجي بالتليفون واني اباوع من جوة لجوة 😇.وصلت للشقة كلت للسايق لايروح ينتظرني نزلت جنطي ورجعت على بيت العز واني أعد الدقايق والطريق ميخلص وصورة ابو ليان متفاركني.