رواية أخترتك بنفسي الفصل السادس 6 - بقلم Chra

# أخترتك_ بنفسي 6

من قايس أموره على غير مقياس

ترى مصيره للفشل والهزيمه

داليا: طول ماهو كاعد مرفع راسه حبيت رزانته راقبت حركاته مبين عليه معصب عروق ايده بارزة ويدخن بشراهة طلبت أكل مرتين ماعرف شنو طعمه بس أبلع واللي وياه جان يسوي حركات ليلى جانت ضايجه تريد بس اكوم واني مو يمها اصلا اخر شي كاموا الولد خله ورقه على طاولتنا كال انتظر اتصال منك ياحلو على ليلى.

ادهم : وصلت جلال لبيتهم اختي حاولت انزل مقبلت كتلها ام احمد زعلانة ماكدر انام لازم اراضيهم جانت تكولي كلشي بالهداوة ينحل لاتخلي عقلك بعقل نسرين ودعتها رجعت لبيتنا دايما اختي وعائلتها يرتبون كعدة بالحديقه نكعد سويه اليوم ماكو شي قافلين باب المدخل اللي دايما مفتوح الله ياخذج نسرين شمسوية ردت اروح يمهم اراضيهم كلت خلي ابدل واروح فتحت الباب سمعت صوت أحمد.

أحمد: عمتي صارلج سنين تحاربين أمي وخالتي بكل شي اعرف متحبيهم  وساكتيلج مو لان انتي اخت ابويه لا علمود خالي احنا نغلس بس شرف اختي لا وألف لا مو أنتي ولا غيرج يمسوها بشي أني أعرف تربية اختي مو حضرتج تكولين عليها تدور رياجيل اختي بمية رجال واذا تريد باجر تتزوج بس كلشي قسمة وأحنا ممرخصين بنتنا .اما بخصوص تحجين على تربية امي فاحب اكولج ربي جهالج بالاول صارلي شهرين دايخ من ورا سوالف بنتج يوم تخابر يوم ترسلي بيد الخدامة رسالة غرامية وبيها حجي مال متزوجين ماريد أكولج عليها نبهتها اكثر من مرة متفيد وياها ماعتب عليها لان مراهقة أعتب عليج انتي واللي اني متاكد انتي معلمتها.

نسرين : دولي روح أدبسز متحترمني والله اكول لأبوك على سوالفك أبو البنات صاير شريف براسي اني محجيت شي غلط شوف امك واختك شمسوين ببنتي وبيا ويريدون يخلون السالفة براسي امهات السحورة ومنو انت حتى انطيك بنتي بنتي تتزوج ابن أكابر مو واحد كوبي أدهم كبر لفكم انشالله عائلة متجيب غير المرض دايح اطلع من بيتي وكول لأمك خلي تبتعد عن زوجي وجهالي كافي سحر وشعوذة بس اخ على حظكم أخويه مسافر بس يرجع شوفو شلون أخلي يربيكم .

ادهم : بقيت أسمع من الباب رجليه متحملني بنتي عمرها 13 سنة تسوي هالبلاوي دخلت انصدمو اثنينهم كلت احمد عندك شي لو خلص اذا خلصت اخذ حمودي وروح لبيتكم .

احمد : بعد السالفة اللي سوتها عمتي خابرت جلال يطلع خالي من البيت حتى اروح أتفاهم ويا عمتي وحدنا ماريد خالي يعرف بسوالف زوجته وبنته ازيد همه أثناء الحجي طب علينا ويمكن سمع كلشي طلب مني اطلع بست راسه جان يرجف مبين معصب أستأذنت واخذت حمودي ويايه.حجيت لامي اللي صار بقت تضرب بنفسها وتحجي عليه ليش هيجي حجيت اخويه راح يروح بيها رادت تروح يمهم مقبلت.

نسرين:😰😨😨😨😨يمه أدهم سمع كلشي الله يستر ويعدي الليلة على خير شفت ليان ترجف من الخوف كتلها روحي لغرفتج خلينا وحدنا ويا أبوج أريد أسوي اي شي حتى أنهي السالفة.

ادهم : أوكفي تعاي ليان لأول مرة أضربها لزمتها من ايدها الحجي اللي سمعته من أحمد صحيح لو هم يتبلون عليج مثل ماتكول أمج دايما رادت تنكر ضربتها وكتلها روحي لغرفتج بقيت ويا نسرين كتلها تحبين أنصفي حسابنا بالصالة مثل مامتعودة لو أستر عليج أخذج لغرفتج جانت مصدومه ممصدكه أضرب بنتي جريتها من ايدها واخذتها لغرفتها طلعت قهر سنيني بيها جانت كل ماأضربها تحجي وتغلط على ميادة وأمها واني أضرب بيها أكثر تعبت منها عفتها كتلها رتبي نفسج ونزلي هسة قبل مايطلع الصبح تروحين تعتذرين منهم.

نسرين : أول مرة أدهم يضربني موتني من الضرب مسكتت بقيت أحجي وأغلط ميهمني الضرب اللي كسر ظهري يريدني أتنازل وأعتذر منهم فريت السالفة براسي كتله تأمر أبو حمودي هسة بس قبلها اريد منك شيك بهلكد مبلغ والا ميصير طيب.

ادهم : كتبتلها شيك ميهمني الفلوس بقدر اختي وزعلها مستحيل اخليها تبات وهي مقهورة سمعيني مانطيج فلوس لسواد عينج بس أثبتيلي اني أكدر اتحكم بيج بفلوسي كلما أحاول اكبرج بعيني تنزلين نفسج أكثر لان هذا مستواج تدرين جنت اتكطع بداخلي من ضربت ليان وضربتج لأن مو اخلاقي وضد مبدأ الضرب بس اشكرج علمتيني على شغلات تريحني ومن هسة أكولج ماريد أشوفج بغرفتي خير شر  مثل ماعزلتي غرفتنا قبل 4 سنوات وجنت أتوسل بيج واجي يمج وماريد الجهال يحسون بينا وجنتي تدللين واني أتنازلج منتظر منج تبادليني مشاعري بس مع الاسف عليج خليتي مشاعري ورغباتي مقابل فلوس .

نسرين : والله تعبت من رغباتك وطلباتك باوع على نفسك بالمراية لا عبالك بعدك شاب وصلت لسن اليأس شنو تهددني مادخل غرفتك على الاساس ميته انام وياك روح شوف الناس شلون عايشة سفرات وطلعات وسيارات اتحسر على حظي مقيدني بيك بكل شي كافي تعبت منك ومن انانيتك تريدني اصيرلك عبدة والبي رغباتك بالفراش وغير شي لا ميصير اطلع الا وياك سفر وياك مطعم وياك حتى النومه كرهتني بنفسي اريد أستقلال اني عندي شخصية مثل غيري شوف صديقاتي كل وحدة سيارة اخر موديل سفر وحدهم طلعات طبات بس مادري شبيه حضي ابجي واضرب بنفسي يارب اموت واخلص من هالحياة.

ادهم : اباوع على نسرين شلون تلطم وتبجي وتصنف حجي على نفسها وشلون اني ظالمها ياربي شنو هالمخلوقة كتلها سفرات وسيارات وحدج ماكو تنسين مااسمحلج وبعد تنسين سوالف الصايعات اللي تمشين وياهم ومصاحبتهم لو جان بيهم خير اغلبيتهم مطلقات لو عدهم سوالف مكسرة من يسافرون لاتخليني احجيلج سوالفهم اخليج صدك تبجين وهسة لمي نفسج وتعالي ورايا بدون حجي غلط حتى لو  كتلوج متجاوبين افتهمتي ومن نرجع أنطيج الشيك.

ميادة : كاعدين اني وامي واخويه نحجي بالسالفة امي مقهورة اهواية تعاتب احمد ليش حجيت وكبرت الموضوع شفت خالي دخل للصالة مبين تعبان من وجهه كمت حضنته وبست راسه .

ادهم: طلعت لبيت اختي شفتهم كاعدين ميادة شافتني كمزت حضنتني اعتذرتلها اسف حبيبة خالو امسحيها بيه اخذت حقج منها ولايهمج اتقربت شفت اختي تبجي بست ايدها وزادت البجي كتلها دموعج غالية لاتنزليها مااستحقها.

أم احمد: دخل اخويه اللي ربيته وسهرت عليه وتعبنا اني واختي لحد ماوصل للمكانه اللي هو بيها اشكر الله دايما واحمده صار والنعم الرجال شفت وجهه مهموم متحملت بجيت واكوله ولك حبيبي انت قطعه من روحي لاتزعل نفسك وتضوج تروحلك فدوة روحي وجهالي ولا اشوف لمعة حزن بعيونك تكوي كلبي وداعتي لاتشيل همي ولاتتأسف مصار شي حبيبي اكعد اسويلك عشى كمت بدون مااخذ رايه اعرف ممتعشي .

احمد : أني أسف خالو تجاوزت عليكم بالبيت بس والله من حركتي شفت شلون مبهدلة امي وميادة مكملت الحجي شفت عمتي داخلة ومتمكيجة وتعتذر وتبوس ميادة وتكولي ولك حمادة بعد كلب عمتك هيجي تزعلني منك منو عندي غيركم استغفرالله ياربي هاي عمتي لو جني مالتها.

ليلى: خابرني رمزي يريد يجيني يم داليا وحاجز فندق طلب مني احضر نفسي وأروح وياه خفت أكول لداليا ياخذني على فندق أعرفها تخابر رمزي وتحجي عليه واني ماريد أزيد همها بنفس الوقت مستغربة من طلب رمزي حبي أكلج رمزي وصل ممحتاجه شي احاول ارجع من وكت مع السلامة.

داليا :بدلت ملابسي ورحت للمدرسة بس من الفشلة اتمنى ماالتقي بميادة خابرت المعاون مقبل ينطيني اجازة انجبرت اروح سلمت وكعدت جتي وحدة من المدرسات كالت صديقتج مجازة تعاي تريكي ويانه ست فلان جايبه ريوك بمناسبة عيد زواجها الله يستر على بناتنا ويفك قسمتهن 😱 هاي من كل عقلها اني عانس ومحد ميريدني كمت واني ماريد ريوك شبعت من حجيها بس كلت خاف تكول حاسدتنا لان ممتزوجه .

أدهم : منمت الليلة كعدت ادخن مادري جم باكيت كلما أتذكر اللي صار أدخن أكثر حتى لو اختي رضت على نسرين أني كلبي شلون يرضى عليها هالمادية حسيت بدوخه وراسي يفتر جسمي صار بيه خمول مادري شلون شمرت التيشيرت بقيت الشورت وكعت على فراشي.