رواية أقرب مما يجب الفصل الثاني 2 - بقلم ني نو

خبطت على الباب بهدوء ثواني وفتحت خالتي، فابتسمت وقلت بمزاح:
-مساء الياسمين والورد علي روح
بصتلي بغيظ مصطنع وهي بتوسعلي:
-ادخلي
دخلت وراها قولت حزن مفتعل:
-مالك ياخالتو حاسكي كده مش طايقاني.
ضحكت وقالت:
-لا طبعا يا قلب خالتك بس واخده الواد اللي حيلتي من الصبح مش عارفه المه.
قالت اخر كلامها بضيق مصطنع، قولت بمشاكسه:
-انا برضوا اللي واخده ابنك يا روح ولا هو اللي لازق فيا مش عارفه ماله يختي بقوله روح لامك يقولي لا طبعا واسيبك انت يا جميل لمين؟
نطقت اخر كلامي بضحك قعدت على الكنبة ، انفجارت في الضحك وهي بتعقد جنبي :
-ابني برضوا اللي لازق فيكي يا بنت نور مش تخلي الواحد يتكلم بقي.
نطقت اخر كلامها بضحكه مكتومه وهي بتفتح التلفزيون ،رديت بحنق:
-قصدك ايه يا خالتو.
ردت ببساطه:
اللي فهمتي يا قلب خالتك.
رديت بضيق وانا بفك الطرحه:
-يعني انا غلطانه اني مش لاقيه حد يعبر ابنك في قلت المه انا واكسب ثواب.
نطقت اخر كلامي بنظره براءه، ردت ببرد:
-ابني الف من يتمناه يا حبيبتي.
بصيت لها بصدمه:
-يعني انتي مش عايزه ليلي حبيبتك تبقي مرات ابنك المعفن.
قالت ببساطه وهي بتبصلي:
-وبدل هو معفن يا ليلي يا حبيبتي بتحبيه ليه.
رديت وانا باخد نفسي:
-القلب وما يريد يا روح يختي.
قربت اخد كوبايه ميه من على الترابيزه وبشرب ،سكتت خالتي لحظة، نظرتها اتغيرت،و اتكلمت فجاه:
-ليلي انا مش عايزاكي تزعلي هو ابني اهو بس هو مش يستاهلك وو
قطعتها وانا بضحك، وبرجع الكوبايه مكانها:
-في ايه يا خالتو حساكي هتقولي اللي هو هيتجوز.
بصتلي بهدوء:
-ليلي بصراحه كده ياسين عايز يخطب.
بصت لها بفرحه كبيره:
-ودي حاجه وحشه يا خالتو ده يوم المنى، ها بقي هتيجوا امتى عشان احضر نفسي، مش عشان انتي خالتي يعني وهو ابن خالتي مش هدلع نفسي قبل ما تيجوا.
قلت اخر كلامي بفرحه كبير أن اخيرا اكتر حد حبيته ومن يوم ما اتولدت وهو جنبي، هيبقي اكتر من ابن خالتي لحد ما هي نطقت اكتر حاجه مش كنت اتوقعه:
-هو هو مش عايزك يا ليلي هو عايز بنت معاه في الشغل .
قالت كلامها بحزن كبير بان علي ملامحه،كل الضحك اللي كان في المكان اختفى فجأ، سكت وانا حاسه اني عايزه اعيط رديت بصوت مخنوق وانا بلم حاجتي:
انا رايحه شقتنا عشان ماما .
خلصت كلامي وانا بفتح باب الشقه، لقيته قدامي :
-مالك يا ليلي؟
قال كلامه بستغرب، رديت وانا طالعه بصوت مخنوق وشك على البكاء:
-مفيش.
وجريت قبل ما أسمع أي حاجة تانية.