رواية العشق الذي أحياني الفصل السابع 7 - بقلم Fatma Mohmed

ابتلعت اسيا ريقها و نظرت له بصدمة وغضب سرعان ما اخفته فهي لا تريد ان تخرب مخططها لا تنكر بأنها غضب منه و من وقاحته و بجاحته و سوف تجعله يندم على فعلته تلك و لكن الآن ليس وقته الآن وقت الانتقام من معتز 

آسيا بلامبالاه مصطنعه : انا مليش دعوه باللي فات يا سيف انا ليا في اللي جاي و اي حاجه عملتها قبل اللحظه دي انا مليش دعوه 

نظر لها سيف بنظرات غامضه لم تفهم معناها 

ثم اقترب منها و نظر بعينيها و هو يقول 

سيف : متأكده من كلامك ده

آسيا وهي ترفع عينيها لتتقابل عينيهم : ايوه يا سيف متأكده بس انا عندي شرط 

سيف بسخريه : اسمه طلب مش شرط انا محدش يشترط عليا يا آسيا

آسيا بتنهيده : أي كان يعني المهم انا مش عاوزه اشوف وش اللي اسمها ريهام دي تاني في المستشفى 

سيف بتساؤل : و المطلوب

آسيا : تطرد طبعا 

سيف : اللي تشوفيه يا آسيا

آسيا بابتسامه مصطنعه : شكرا يا سيف

سيف باستغراب : بتشكرينى على ايه 

أسيا و هي تقترب منه : عشان وافقتني كنت فاكره انك ممكن تعترض

ابتعد عنها سيف و هو يردف : و اديني وافقتك يا اسيا بس بقا اللي انا مستغربه هو رد فعلك انتي علي اللي قولتهولك

آسيا بثبات : ما انا قولتلك يا سيف اللي فات ميهمنيش انا ليا من اللحظه دي و بس 

سيف بابتسامة لم تحدد اسيا اهي سخرية ام شئ اخر : ماشي يا اسيا انا همشي دلوقتي و لما اشوفك بكره نضبط كل حاجة للفرح

لتسرع آسيا : لا لا انا مش عاوزه فرح احنا نعمل كتب كتاب و بس

سيف بتفحص : متأكده 

آسيا بإيماءة : ايوه انا اصلا مبحبش جو الافراح و الحفلات ده بمعني اصح بصدع 

سيف : خلاص اللي يريحك 

اتجه ناحية الباب و يقول بابتسامه : انا همشي بقا سلام

آسيا بابتسامه : سلام

ركب سيف سيارته و الابتسامه على وجهه و بمجرد ان اختفى عن أنظار اسيا تغيرت ملامح وجه و قام بفك ربطة عنقه بغضب

أما آسيا فبعد مغادرته اتجهت ناحيه الاريكه وجلست عليها و ابتسامه خبيثه و ماكره ترتسم علي وجها فهي تريد الزواج من سيف لتنتقم من معتز فهي ستسرع الزواج من سيف قبل قدوم معتز من سفره لتفاجئه و تصدمه بفعلتها تلك اما سيف فهي لن تنسى فعلته هو و تلك الوقحة و ستجعله يدفع ثمنها فهي لو كانت في ظروف اخري و اخبرها سيف بانه اقام علاقة مع أخرى كانت سترفضه رفضا قاطع فهو في نظرها اصبح خائن و هي لا تحب الخائنين لذا لتنال من معتز اولا و بعدها ستتصرف مع سيف

قطع شرودها رنين هاتفها لتمسكه فوجدته معتز
لتبتسم بشر و هي تجيب عليه

آسيا : الو ازيك يا معتز عامل ايه دلوقتي

معتز ببعض العصبية : ايه يا آسيا فينك عمال اتصل عليكي من بدري مش بتردي

آسيا بتمثيل : سوري يا معتز بس سيف كان عندنا في البيت بيتعشى معايا انا و فريدة

معتزه بغيظ : و ده اللي يجيبه عندكو

آسيا : جرا يا معتز سيف يبقا عم بنتي و كان بقالو كتير مشفهاش

معتز بغضب : آسيا متنرفزنيش عاوز يشوفها يشوفها بره مش يجيلك بليل كدا

لتقلب آسيا عينيها بملل : ماشي يا معتز المهم انت راجع امتي

معتز بخبث : انا لو عليا عاوز ارجع دلوقتي نفسي اخدك في حضني يا آسيا

آسيا : لا ده انت شكلك اتحسنت علي الاخر الظاهر أن السفر فادك كتير

معتز و هو ينظر بجانبه لتلك الفتاه التي يحتضنها : اه اوى فوق ما تتخيلي 

آسيا : طب كويس بس بردو مجوبتنيش هترجع امتي

معتز و هو يملس على ذراع الفتاة : على اخر الاسبوع ان شاء الله 

آسيا : ماشي يا معتز توصل بالسلامه

معتز بكذب : الله يسلمك يلا سلام دلوقتي عشان رامي بيناديني

ابتسمت آسيا بسخريه فهي تعلم ان رامي ليس معه وإن معتز سافر بمفرده و انه كذب عليها

آسيا بسخريه : ماشي يا معتز انبسط بقا ها

معتز : حاضر يا قلبي سلام

ليغلق مع آسيا و يفعل ما حرمه الله مع تلك الفتاه

.................................................................

في صباح يوم جديد

وصلت آسيا المستشفى و كادت تدخل غرفتها لتتراجع و تطرق باب غرفة سيف 

سيف : اتفضل 

آسيا بابتسامه : صباح الخير 

سيف بابتسامه جذابه جعلت دقات قلبها تتسارع : صباح النور 

جلست اسيا امامه : تشرب قهوة معايا

نظر لها قائلا بدهشة : هتشربيها هنا

آسيا بمرح : اها هشربها هنا عندك اعتراض 

سيف بمرح مماثل : لا يا حاجه معنديش اعملي ما بدالك لو عاوزه المكتب كله اخرج و اسبهولك

نظرت اسيا للغرفه بتفحص : تصدق اول مره اخد بالي ذوقك حلو جدا

سيف : متشكر يا ستي

و تحركت آسيا من مكانها واتجهت ناحية كرسيه واقفه امامه  رافعه سماعة الهاتف 

فعقد سيف حاجبيه باستغراب 

سيف : انتي بتعملي ايه

آسيا بغمزه : هتعرف دلوقتي متستعجلش 

آسيا بجدية : ادي خبر لدكتوره ريهام انه دكتور سيف عاوزها بمكتبه

أغلقت الهاتف و نظرت لسيف الذي يبتسم على أفعالها 

آسيا بتذمر طفولي : انت بتضحك علي ايه

سيف بضحك : عليكي طبعا 

آسيا : ليه اركوز قدامك انا

سيف : لا يا حلوه بس مكنش في داعي قهوه و تشرب معايا و مش عارف ايه جايه عشان موضوع ريهام قولي علطول مكنش له لازمه اللفه دي كلها

جزت اسيا علي اسنانها و كادت ترد عليه ليطرق الباب و تدخل ريهام الغرفه و الابتسامه واسعة على وجهها 

و سرعان ما اختفت تلك البسمه بمجرد ان رأت اسيا بغرفته فهي ظنت انه قد حن اليها و لذلك طلبها

ريهام بجديه مصطنعه : ايوه يا دكتور بلغوني ان حضرتك طلبتنى

تحركت اسيا و وقفت بجانب سيف و وضعت يديها علي ذراعيها : انا اللي طلبتك مش سيف يا دكتوره

نظرت ريهام بغيره واضحه ليد آسيا الموضوعة بذراع سيف : اتفضلي حضرتك 

آسيا بسخريه : مع الاسف يا دكتور انا و سيف قررنا نستغني عن خدماتك في المستشفي

ريهام وهي لا تستوعب ما تسمعه : يعني ايه حضرتك مش فاهمه

رفعت اسيا حاجبيها بسخريه و زمت شفتيها : يعني حضرتك مرفوضة يا دكتوره

ريهام بغضب : يعني ايه و ليه اصلا اظن اني شايفه شغلي على أكمل وجه

نظرت آسيا لسيف الذي يتابع الحديث و عينيه لا تفارقها و يراقب حركاتها و كرهها تجاه ل ريهام

اسيا بخبث : هو من ناحيه انك شايفه شغلك علي اكمل وجه فدي حقيقه مقدرش انكرها و سيف يشهد لك بكده مش كده يا سيف

سيف و هو ينظر لريهام و يتجه لمكتبه و يجلس خلفه و يقول بصرامة : دكتوره اظن سمعتي اللي دكتوره آسيا قالتهولك و ياريت تتفضلي عشان ورانا شغل 

ريهام بترجي و هي تتجه لسيف : سيف ارجوك انا محتاجه الشغل و 

قاطعتها اسيا و هي تمسكها من ذراعيها بغضب و توقفها حتى لا تصل لسيف : اسمه دكتور سيف يا شاطرة ياريت تعرفي حدودك و تخلي عندك شوية كرامة

ريهام بغضب و تحرر يدها من يد اسيا : انا مبكلمكيش انتى انا بكلم سيف 

كادت تتجه ناحيته لتتوقف مكانها بصدمه عندما سمع اسيا تقول : و سيف هيبقا جوزي و انا و هو واحد

ريهام : الكلام ده مضبوط يا سيف

سيف بتأفف : ايوه مضبوط 

ريهام بصدمه : طب و انا يا سيف تفرق ايه هي عني لتنظر ناحية آسيا بغل و غيظ

نهض سيف ويفتح باب المكتب : اتفضلي يا دكتوره انا قولنا اللي عندنا يلا 

ريهام باستفزاز : طبعا عايزه تخلصي مني اكيد قالك علي اللي حصل بينا بس لازم وعرفي انه بكره يزهق منك و هيرجعلي و هتشوفي يا آسيا
لتخرج من الغرفة بغضب 

لم ترد عليها اسيا و يغلق سيف باب المكتب 

آسيا : سيف خلينا نجوز علي اخر الاسبوع ده لو سمحت

سيف : بسرعه كده 

آسيا : اها انا وفريده محتاجينك جمبنا 

سيف : ماشي

.................................................................

وصلت آسيا المنزل فوجدت أيه تجلس مع ابنتها و تلعب معها

آسيا بمرح : يا مرحب يا مرحب أيه بنفسها عندنا

أيه بابتسامه : ما انني مبتساليش فقلت اسال انا

آسيا بتبرير : حقك عليا بس والله مشغوله اوي الفتره دي

انخفضت لمستوي ابنتها و قامت بحملها : حبيبه مامي عامله ايه

فريده بحب : الحمد لله هو فين سيف مجاش معاكي ليه

آسيا وهي تمسد على شعرها : مش هو كان معاكى امبارح و اتعشى معانا

فريده : ايوه بس انا بحبه و عايزه اشوفه على طول

اسيا : بجد يا فريده يعني لو سيف عاش معانا هنا علطول انتي هتفرحى 

فريدة : أيوة يا ماما

أبتسمت لها اسيا و نادت علي الداده حتى تصعد مع ابنتها و بقيت هي مع أيه

آية باستفسار : انتي ناويه علي ايه بالضبط 

آسيا وهي تجلس بجانبها : كل خير طبعا

ايه بضحك : مش عارفه ليه مطمنالك انتي ناويه تعملي ايه و بعدين انتي فعلا هتجوزي معتز

آسيا : اهاا هتجوز بس مش معتز 

أيه بتفكير : اوعي تقولي سيف

آسيا : هو بعينه

ايه : ليه يا آسيا كده انتى كده بتستغليه

آسيا ببرود : انا مش بستغله يا ايه هو اصلا بيحبني و اعترفلي بده 

ايه : كمان يعني انتي كده مش بتستغليه و بس انتي بتلعبي مشاعره 

آسيا بتأفف : لا يا أيه و بعدين انا اصلا محتاجه سيف جمبي و فريدة كمان محتاجاه

أيه : مش عارفه ليه مش مرتاحه للموضوع ده

آسيا : لا اطمني انا عارفه انا بعمل ايه كويس

ايه : اتمني واتمني انك متندميش بعد كده

اسيا بسخريه : لا لو علي الندم ف مش انا اللي هندم

.................................................................

في منزل سيف

كان يجلس بغرفته يقرأ أحد الكتب ليطرق الباب 

سيف : اتفضل

الخادمه : في واحدة تحت مصممه انها تقابل حضرتك

سيف و هو يعلم هويتها : ماشي نازلها اتفضلي انني

ذهبت الخادمه و بعدها خرج سيف من غرفته ونزل للأسفل و مثلما توقع فهي لم تكن إلا ريهام

راته ريهام و اسرعت مهروله ناحيته و هي تبكي بانهيار و كادت تحضنه و لكن سيف منعها من احتضانه

ريهام بترجي : سيف عشان انا خاطري متسبنيش انا بحبك بص مش عايزه ارجع المستشفى هشتغل في اي حته تانيه بس خليني جنبك انا بحبك اووي

سيف بتنهيده : ريهام احنا اتكلمنا في الموضوع ده انتي ليه مش عايزة تفهمي 

ريهام : مينفعش يا سيف مينفعش تسبني 

سيف : لا ينفع يا ريهام صدقيني انا مش هعرف اسعدك و لا هينفع اتجوزك انا هتجوز آسيا

ريهام بعند : لا يا سيف انا معايا اللي يخليك معايا علطول 

سيف باستغراب : ده اللي هو ازاي بقا

ريهام بخوف : انا حامل  

صدم سيف مما قالته و يشد علي خصلات شعره بغضب : انتي بتقولي ايه ازاي ده يحصل

ريهام : اهو اللي حصل بقى و بعدين انا مغلطش لوحدي يا سيف و اوعي تقولي انزله عشان انا مش هنزله

سيف بتنهيده : لا مش هقولك نزليه اطمني ده تبني و انا استحاله اموته او اسمحلك بكده

اعطاها ظهره حتى يفكر في حل بتلك المعضلة و لم يري الابتسامه الخبيثه التي ارتسمت علي وجها

استدار بوجهه لها لتخفي ابتسامتها سريعا : بس لازم اتاكد الاول انك حامل و انه مني فاهمه يا ريهام

اومأت له ريهام بموافقه 

.................................................................

كان باهر يجلس في احد المقاهي يشرب قهوته و شارد بتلك الملاك التي رآها فهو لم يهدأ باله حتى سأل عنها و عرف عنها كل شئ و شعر بألم و نغزه بقلبه عندما علم انها كانت متزوجة بابن عمها و سعد لطلاقها منه و لكن فكرة زواجها من أخر تشعل نيران الغيرة بقلبه تنهد بحيره لا يعلم ماذا عليه ان يفعل يعرف انه سيواجه المتاعب عند إخبار أهله برغبته بالزواج بها

و سبب هذه المتاعب سيكون بسبب زواجها السابق فوالدته انسانه متعجرفه متكبره و لكنه لن يسمح لهم بإبعاده عن ملاكه فهو وقع في غرامها و اصبح اسير لعينيها و انتهي الامر لينهض من مكانه وترك النقود على الطاولة ليخبر والديه بقراره 

وصل الى منزله و قام بصف سيارته و نزل منها و دخل المنزل ليجد والدته تجلس برفقة أصدقائها ليتأفف و يصعد لغرفته  

و بعد مرور بعض الوقت غادر اصدقائها لتذهب الخادمه و اخبرته برحيلهم فهو اخبرها ان تخبره عندما يرحلوا

باهر : ماما عايز اكلمك في موضوع مهم

فيروز : باهر انا مش فاضيه خالص لمواضيعك انا مصدعه و عاوزه اطلع اريح شويه

فتحركت مغادرة من أمامه فقال : بس انا عاوز ضروري

فيروز بلا مبالاة : بعدين يا باهر

باهر : طيب انا حبيت اقولك اني هتجوز

نظرت له و الابتسامه تعلو وجهها : خلاص نويت تجوز سمر

باهر : سمر ايه بس يا ماما انا اخترت ملاك مش واحده هلاك 

فيروز : و تطلع مين بقا بنت حد اعرفه

باهر : لا يا ماما

فيروز برفعه حاجب : يبقي لا يا باهر طلبك مرفوض

باهر برفض : انا اسف يا ماما بس انا هتجوزها هي دي اللي قلبي اختارها ليتركها و يغادر و تظل هي تتوعد لهذه الفتاة

.................................................................

في صباح يوم جديد 

كان سيف يتجهز فهو سيجري عمليه بعد قليل فطرق الباب

سيف : اتفضل 

الطارق بابتسامه سذجه : ازي حضرتك عامل ايه

سيف و هو يلتفت له بغضب : انت اتجننت يا رامي ايه اللى جايبك هنا يا بني آدم 

يتبع..........

ها يا بنات قولولي رايكم و توقعاتكم ❤❤❤