رواية العشق الذي أحياني الفصل السادس 6 - بقلم Fatma Mohmed

كان رامي يقف أمام المرآة يهندم ملابسه و الابتسامه لا تفارق شفتيه رفع يديه و ضبط خصلات شعره فهو يستعد للخروج لقضاء ليلته في احد الملاهي الليليه فسمع صوت طرقات علي الباب فعقد حاجبيه باستغراب و اتجه ناحيه الباب و فتحه فوجد امامه اسيا 

رامي بصدمه : آسيا

آسيا بصرامة : عاوزه اتكلم معاك ضروري

رامي باستفسار : انتي لسه مش مصدقاني يا آسيا طب هو انتي مسمعتيش التسجيل اللى ادتهولك و لا ايه

أسيا بنفاذ صبر : لا سمعته يا رامي و مصدقاك بس عاوزه اسمع كل اللي عندك اكيد في حاجات اكيد مقولتهاش

رامي بإيماءة : اكيد طبعا بس الصراحه محبتش اقولك كل اللي عندي مكنتيش هتستحملي تسمعي و تعرفي اللي معتز عمله فيكي

اسيا : و ادينا اهو جيتلك و عاوزه اعرف منك كل حاجه بالتفصيل الممل يا رامي

رامي بخبث : طب اتفضلي واقفه علي الباب ليه انا مش بعض والله

آسيا برفعه حاجب : انا في عربيتي تحت متتأخرش

رامي بغيظ : ماشي هكمل لبس بسرعه و هحصلك

غادرت اسيا من أمامه و ركبت سيارتها وظلت تنتظره حتى رأته و هو يخرج من باب العمارة و فتح الباب و ركب بجوارها

رامي بمرح : الا قوليلي يا اسيا انتي عرفتي بيتي ازاي

آسيا بسخريه : اللي يسأل مايتوهش المهم خلينا في موضوعنا

رامي بإيماءة : بصي هو انا يعتبر حكيتلك كل حاجه ما عدا حاجه واحده بس

ابتلعت آسيا ريقها و هي تردف : ايه هي

رامي بتفحص يريد أن يرى وقع كلماته عليها : انتي كنتي رهان بالنسبة ل معتز 

أسيا و هي تغمض عينيها بألم و تجز على أسنانها : وضح اكتر يا رامي انا مش فهمه حاجه

رامي بتوضيح : الحقيقة انه احنا اول ماشفناكي عجبتي رامي و ساعتها حاول يكلم معاكي بس انتي صدتيه 

تذكرت آسيا ما يتحدث عنه فاومات براسها له 

اسيا : كمل و بعدين

رامي : بعدين معتز جه و انا و طارق اتريقنا عليه عشان صدتيه و ساعتها تراهنا عليكي و انه هيخليكي تحبيه و هتبقي زي الخاتم في صباعه

جزت آسيا على اسنانها بغضب من نفسها لتسأل نفسها اكانت ساذجة لتلك الدرجة وكان حبها لمعتز يعمي حقيقته عنها

آسيا بصرامة : الرهان كان على ايه

حمحم رامي باحراج : عربيتي و عربيته

عضت آسيا على شفتيها بغضب شديد 

آسيا : ايه تاني عندك

رامي : بصراحه معتز ايام الجامعه كان بيخونك و كل يوم مع واحده و بياخدهم البيت عندي

ارتسمت ابتسامه سخريه علي وجهها : و بنت عمه اللي اتجوزها تعرف عنها ايه

رامي : بصراحه آيه محترمه جدا و متدينه و مكنتش عجبه معتز عشان كده و لما اتجوزها و سافر بيها كان مقضيها برضو اكتر من كده معرفش

أسيا : و عرفت منين انه كان مقضيها

رامي بسماجه : كان بيبعتلنا صوره و هو هناك و اصلا ارتبط ببنت عايشه هناك و كانوا عايشين مع بعض بس البنت كانت اصلها مصري 

تنهدت اسيا و نظرت لرامي باشمئزاز : خلصت اللي عندك

رامي بتفكير : اه كدا حكتلك كل اللي اعرفه 

آسيا بصرامة : طيب اتفضل انزل بقا

رامي باحراج خلاص كده مش هتعوزي اي حاجه مني

آسيا بسخريه : لا متشكره انا هعرف اتصرف 

نزل رامي من السياره وتحركت آسيا بسيارتها بمجرد أن نزل رامي

رامي بخبث : اشرب بقا يا معتز و خلينا نشوف آسيا هتعمل فيك ايه
.................................................................

وصلت اسيا بسيارتها أمام منزل معتز وظلت جالسه بها بعض الوقت و بعدها حسمت قرارها و نزلت من السياره و صعدت للمنزل و طرقت الباب ففتحت لها آيه 

آسيا بتفحص لايه : لو سمحتي معتز موجود

آيه بنفي و بهدوء شديد : لا مش موجود

آسيا بترقب : انتي بنت عمه مش كده

آيه بإيماءة : ايوه اتفضلي مينفعش تفضلي واقفه على الباب

استمعت لها اسيا و دلفت معها المنزل

آسيا : هو مفيش حد معاكي و لا ايه

آية : لا مرات عمى نايمه و انا ما صدقت انها نامت عشان كنت عاوزاها تريح نفسها شويه و معتز نزل من بدري

اسيا : طب و مكلمتهوش تطمني عليه ليه مش جوزك برضه و لا ايه

رفعت آيه عينيها و نظرت ل اسيا : لا مش جوزي احنا اطلقنا امبارح

آسيا بسخريه : كنت متوقعه منه بس مكنتش متخيله انه يعملها بالسرعه دي بس طبعا مش عاوز اي عائق في سبيل تحقيق أهدافه

آية بانعقاد حاجبيها : انا مش فاهماكي ممكن توضحي

آسيا وهى تقترب بوجهها من آيه : انتي عارفه انا مين الاول و كنت ايه بالنسبه ل معتز

آية بإيماءة : اكيد طبعا عارفاكي كنت بشوفه في الجامعه معاكي

آسيا بصرامة : طب كويس وفرتى عليا كتير 

ايه : انتي عايزه ايه بالضبط

آسيا : عاوزه اعرف ايه اللي حصل معاكي هناك و معتز عمل معاكي ايه يعني عاوزه اعرف كل حاجه يا ايه

ايه بحده : بس ده شئ ميخصكيش يا دكتوره دي خصوصياتي انا و معتز 

تنهدت اسيا و جلست على الاريكه و اردفت بهدوء : بس انا عاوزه اعرف من حقي اعرف معتز ضحك عليا سنين و استغنى عني في أشد وقت كنت محتاجاه فيه لولا عوض ربنا عليا مش عارفه كنت هكمل ازاي

نهضت آسيا من مكانها ووقفت بمواجهة ايه : أيه انا وانتي كنا ضحية لمعتز انا مش عاوزه اعمل فيه حاجه بس محتاجه افهم اللي حصل كله فارجوكي ريحيني و قوليلي كل حاجه من البدايه معتز اتجوزك ليه و ازاي و عمل معاكي ايه هناك و رجعتو ليه كل حاجه لو سمحتي

أيه و الدموع بعينيها : انا اسفه يا دكتوره بس مش هقدر

تنهدت اسيا و مسكت حقيبتها و قامت باخراج الكارت الخاص بها

آسيا : طيب ده الكارت بتاعى فيه رقم موبايلي و عنوان المستشفى و ياريت بعد ما اعصابك تهدى تجيلي و انا هستني زيارتك

أخذت آية منها الكارت و نظرت به

اسيا : انا همشي دلوقتي و ياريت معتز ميعرفش حاجه عن زيارتي

اومات لها ايه و كادت تخرج اسيا لتجد في وجهها معتز 

معتز وهو أشعث الشعر و ملابس غير مهندمة : آسيا بتعملي ايه هنا

أسيا و هي تغتصب ابتسامة : جيت اطمن عليك بس ملقتكش بنت عمك قالتلي انك مش موجوده 

نظر معتز ل أيه : انا كويس متقلقيش

رفعت اسيا يديها و مسدت على ذراعيه : انا همشي بقى عشان اتاخرت علي فريده و ابقي طمني عليك لو سمحت 

معتز بإيماءة : حاضر مع السلامه

آسيا : سلام

بمجرد أن أغلق الباب تحركت ايه من مكانها لتجد قبضة من حديد تمسك يديها 

معتز بغل : عارفه يا آيه لو طلعتي اكلمتي كلمة معاها وقولتلها علي موضوع جوازنا هعمل فيكي ايه

آية بتوجع : أه أنا مقولتلهاش حاجه هي يدوب سألت عليك وبعدين استأذنت 

معتز و هو يحرر يديها : انا بس بعرفك لو عرفت انه آسيا عرفت موضوع جوازنا هحملك المسئولية فاهمه

آية : فاهمه يا بن عمي

.................................................................

كان سيف بغرفته يتجهز لدخول غرفة العمليات وإجراء أحد العمليات فوجد الباب يطرق

سيف و هو يعطي ظهره للباب : اتفضل

فتح الباب و اغلق و وجد من تقترب منه و تحتضنه من الخلف فنظر لها فوجدها ريهام

سيف بصرامة : ايه ده اللي انتي بتعمليه ده

ريهام بدلال : ايه يا حبيبي وحشتني

سيف : و انتي موحشتنيش و انا مش حبيبك فاهمه اللي بينا ليله و خلصت و اصلا انا مخنوق من نفسي مش عارف عملت كده ازاي

ريهام بضيق مصطنع : اخس عليك يا سيف طب دي كانت احلي ليله في عمري

نظر لها باشمئزاز و يقول : ريهام لو فضلتي كده كتير اعتبري نفسك مرفوضة فاهمه و اوعي بقى عشان ورايا عملية

خرج سيف من المكتب لتدبدب هي بقدميها بغيظ : برضو مش هسيبك يا سيف 

خرجت خلفه من المكتب فرأتها آسيا و هي تخرج من غرفته

آسيا بصرامة : تعالي ورايا 

نظر لها ريهام بنفاذ صبر و تقلب عينيها بملل

دلفت آسيا غرفتها و خلفها ريهام 

آسيا بغضب : ممكن اعرف يا دكتوره يا محترمه كنتي بتعملي ايه في اوضة دكتور سيف

ريهام بعملية : ابدا يا دكتور دكتور سيف عنده عمليه وكنت دخله ابلغه أن المريض دخل غرفه العمليات و لما دخلت ملقتش حد فخرجت تاني و حضرتك شفتيني وانا خارجه و نادتني

اسيا بضحكه سخريه : طيب هحاول اصدقك و هنسي المره اللي شوفتك فيها في اوضته يا محترمه

اقتربت منها اسيا واصبح وجهها مقابل لها واقتربت لها اكثر حتى اصبحت بجانب اذنيها

آسيا بهمس : سيف و مكتب سيف خط احمر فاهمه

ريهام وهي تبتلع ريقها بتوتر : دكتوره حضرتك فهماني غلط انا 

شاورت لها اسيا بيديها : مش عاوزه اسمع حاجه انا قولتلك اللي عندي اتفضلي شوفي شغلك

ريهام بغل : حاضر عن اذنك

خرجت ريهام من الغرفه اما أسيا فجلست خلف مكتبها لا تعلم لما تشعر بالضيق كلما رآت ريهام مع سيف و شعرت بدمائها تغلي عندما رآتها تخرج من مكتبه وبعد تفكير عميق اقنعت نفسها بانها تتضايق من ريهام لانه مكان عمل و هم لا يحترمون ذلك فهي لا تنسي عندما رأتهم بالمكتب من قبل

.................................................................

بعد مرور شهرين

سيف يجلس بغرفته يرحب بصديقه باهر 

سيف بابتسامه : والله ليك وحشة يا اخ باهر

باهر بابتسامة : مش انت اللي نزلت و قولت عدولي انا بقا فقدت فيك الامل عشان كده نزلت

سيف : ماشي يا سيدي مقبوله منك المهم بقا قولي هتشتغل مع ابوك و لا هتعمل ايه

باهر و هو يحك دقنه : و الله لسه مش عارف بس شكلي كدا هشتغل معاه اصله هيقعد يزن و انا عارفه مش هيسكت غير لما اوافق فلازمته ايه بقى ده كله المهم هسيبك انا بقا و هخلع و اشوفك بليل

سيف بإيماءة : ماشي يا صاحبي

غادر باهر من مكتب سيف وذهب ناحيه المصعد و انتظر قليلا حتي فتح المصعد و كاد يدخل فوقف في مكانه بانبهار يتطلع لذلك الملاك صاحبة الوجه الملائكي و هي تخرج من المصعد

اغلق المصعد و ظل هو يتابعها بعينيه حتي اختفت فاتجه مره اخري ل مكتب سيف دون ان يطرق الباب

سيف باستغراب : انت ايه اللي رجعك و دخلت كده ليه يا بني

باهر : ملاك يا سيف ملاك 

سيف و هو ينهض : مالك يا باهر في ايه و مين دي اللي ملاك

باهر : كنت رايح اركب الاسانسير و لسه بقول يا هادي و هدخل لقيتك بنت محجبة زي القمر بقولك ملاك

نفخ سيف بغيظ : كل ده عشان بنت مالك يا باهر اللي يشوف حالتك يقول مشفش بنات قبل كده 

باهر : انت مش مصدقني طب تعالى

سيف بحده : اجي فين يا باهر

باهر : المكتب اللي جمبك هي دخلته

نظر له باستغراب و خرج معه 

طرق باهر الباب ودلف برفقة سيف و رآي ملاكه تجلس امامه و لم ترفع وجها له

آسيا باستفسار : في حاجه يا دكتور

حمحم سيف و هو ينظر لصديقه : كنت عاوز اقولك انى حابب اتعشي انهارده مع فريده 

آسيا بابتسامه : اوك مفيش مشكله

استغرب سيف ابتسامتها تلك و استاذن منها لترفع ايه عينيها و تقابل عيني باهر الذي اصبح اسير عينيها 

سيف بضيق : يلا يا باهر اتحرك

باهر و هو يسير معه : حاضر يلا

خرج من المكتب برفقة صديقه

آسيا : مبسوطه اووي عشان جيتي يا ايه اينعم بعد فتره بس م مشكله المهم انك جيتي

آية : الحقيقه بعد ما مشيتي فكرت كتير وكنت عاوزه اجيلك بس مردتش عشان عارفه انه معتز ممكن يشوفني و لما عرفت من مرات عمي امبارح انه سافر امبارح الفجر مع صحابه يغير جو قلت اجيلك

آسيا : نورتي يا ايه و انا جاهزه اسمعك

آيه بتنهيده : انا هحكيلك عشان انا فعلا محتاجه اكلم و احكي مع حد و مفيش حد يسمعلي و في نفس الوقت متأكده انك مش هتأذي معتز 

آسيا بتساؤل : عرفتي منين اني مش هأذيه

آيه : بيبان يا دكتور و بعدين انتي مش مؤذيه انتي بس مجروحه زي بالضبط و زي ما خرجت معتز من قلبي عاوزاكي انتي كمان تخرجيه من قلبك 

آسيا بتنهيده : احكي يا أيه قوليلي كل حاجه حصلت 

اومات لها ايه و بدأت تقص عليها ما فعله معها معتز 

انصدمت آسيا مما سمعته لم تكن تتخيل ان تصل به الحقارة لتلك الدرجة و يترك ابنة عمه ببلد غريب بمفردها أين الشهامة و الرجولة لديه

انهمرت دموع آيه و هي تقص عليها فاقتربت منها اسيا و قامت تهدئتها بعض الشئ 

آسيا : خلاص بقا يا آيه ده حيوان ميستهلش دموعك

ايه : انا مش بعيط عشانه انا قولتلك حبه خرج من قلبي انا بس صعبان عليا نفسي

آسيا بابتسامة : طب خلاص بقى الوش الجميل ده مش رايق عليه البكا

ابتسمت آية من مدح اسيا بها

آسيا : ايوه كده بقولك ايه

آية : ايه

آسيا : ايه رائيك نبقى اصحاب انا معنديش صحاب و من الواضح ان انتي كمان معندكيش 

آية بابتسامه : موافقه طبعا 

ابتسمت لها اسيا و اقتربت منها و قامت باحتضانها

.................................................................

في المساء 

كانت آسيا بغرفتها تتطلع في صورة والدها والدتها ووالدها توفي منذ ٣ سنوات تقريبا أما والدتها فتوفت منذ حوالي سنة ونصف تتنهد بوجع وهي تتذكر معاملة والدها لها و تشتاق لحنان والدتها عليها ثم فتح الباب ودلفت فريده

فريده : ماما عمو سيف وصل يلا عشان نأكل سوا

آسيا بابتسامة : حاضر يا حبيبتي يلا بينا

نزلت اسيا برفقة ابنتها فوجدت سيف يتطلع على صورتها برفقه سمير و يضع يده بجيبه

آسيا : عجباك الصوره و لا ايه

نظر لها و تجاهلها بعدها نظر لفريده و قام بحملها

سيف : حبيبة سيف عامله ايه

فريده و هي تقبله : كويسه يا سيف بس زعلانه منك شويه صغننين عشان مكنتش بتسئل عليا

سيف بمرح : لا اخص عليا أنا وحش و لازم تعاقبيني عشان زعلت فريده القمر

فريده : لا مش هعاقبك بس مش تعملها تاني عشان انت بتوحش فريده

سيف : حاضر بس كده من عنيا انتي تؤمري

كل هذا و اسيا تراقب افعاله مع ابنتها و لاحظت تجاهله لها وأردفت

آسيا : يلا نتعشى الاكل جاهز

جلسوا حول المائدة وبدأوا بتناول الطعام و كانت اسيا تنظر ل سيف من حين الى آخر و لكنه يتجاهلها تماما و تركيزه مع ابنة اخيه

وظل طوال الجلسة يتجاهلها و بعد مرور بعض الوقت نامت فريدة بأحضان سيف

حملها سيف و صعد بها الي غرفتها و خلفه اسيا و بعد أن قاموا بوضع الصغيرة بسريرها خرجوا من الغرفه

آسيا بتلعثم : سيف هو انت لسه بتحبني

سيف بصرامة : بتسألي ليه 

أسيا بتوتر و هي تقترب منه : خلينا نجوز بس ده لو انت لسه بتحبني

ضحك سيف بصوت عالي و يردف بسخريه 

سيف : هو انتي فاكرنى لعبه ولا ايه يا آسيا شويه لا انت مجنون انا مستحيل افكر فيك انت اخو جوزي و شويه انت لسه بتحبني لو لسه خلينا نجوز

ثم مسكها من ذراعيها : انتي عاوزه ايه بالضبط 

ابتلعت ريقها بخوف و تردف : انا عايزه نجوز يا سيف 

انزل سيف ذراعيه و عقد حاجبيه : و انا موافق بس عاوزك الاول تسمعي اللي عندي يمكن بعد ما تسمعيه تغير رائيك 

اسيا : انا مستحيل اغير رايي

سيف بسخريه : متأكده

أومأت له براسها و اردفت بثقه : متأكده

اقترب سيف منها و اردف بهمس بجانب اذنيها : انا كنت مع واحده غيرك بعد ما رفضتي حبي ليكي و الواحده دي تبقي ريهام اللي شفتيها معايا في مكتبي

يتبع.............