رواية العشق الذي أحياني الفصل الثاني عشر 12 - بقلم Fatma Mohmed

ظلت آسيا على صدمتها لا تستوعب ما سمعته تتلفت حولها و مسكت حقيبتها و خرجت من الغرفه لا تعلم ماذا عليها ان تفعل الان و كيف تتصرف مع سيف هل تصدق ما سمعته عنه فهناك شعور داخلها يخبرها بأن سيف لا يمكن ان يفعل هذا الفعل الدنيئ و لكنها سمعته امس كان يحدث أحدهم بالهاتف و يخبره بأن لا يقلق و انه سيفعل العمليه اليوم لتهز راسها و تنفض تلك الافكار من راسها وظلت في هذا الصراع حتى وصلت المستشفى لتنزل من السيارة و تتجه لمكتبها و كان يبدو على وجهها علامات الحيرة و الصدمه فرأتها ريهام عند دخولها المستشفي فابتسمت بخبث فمن الواضح أن اسيا مشتته و ستصدق هذا الكلام عاجلا او اجلا

اخرجت ريهام هاتفها من جيب البالطو و اتجهت لمكان خالي و هادئ و هاتفت معتز

ريهام بفرحه : صاحبتك جت ووشها ميتوصفش 

معتز بشر : و لسه استني بس عليا

ريهام و هي تتذكر : بس انا خايفه تروح تحكي ل سيف عن المكالمه اللي جتلها الصبح لو قالتلو هيدور ورانا لحد ما يعرف

معتز بتأكيد : متقلقيش آسيا اضعف من انها تقوله اللي حصل هي كل اللي هتعمله هتواجهه باللي عرفته و ده اللي مطلوب لكن حته انها تقوله عرفت منين دي استحاله تعملها و بعدين اسيا مندفعه و متهوره و مش بتشغل دماغها 

ريهام : ماشي انا هروح دلوقتى اكمل شغلي و لو عرفت حاجه هكلمك 

معتز : ماشي 

اغلقت معه الهاتف وعادت لعملها

في مكتب آسيا 

ظلت مشتتة لا تستطيع العمل و لا التفكير بأي شئ

اسيا لنفسها : و بعدين يا اسيا هتفضلي ساكته كده كتير

آسيا : طب اعمل ايه طيب

آسيا لنفسها : قومي اتحركي على مكتبه وقوليله اللي حصل معاكي و المكالمه اللي جتلك مش يمكن يطلع مظلوم و حد مسلط اللي كلمك

آسيا : مظلوم!!
و بعدين يعني اللي هيكون مين مسلطه يقولي الكلام ده و مصلحته ايه

آسيا لنفسها : لا ده في كتير و اولهم ريهام انتي نسيتي انها حامل منه و انك انتي العقبه الوحيده اللي في طريقها 

آسيا بصدمه : معقول معقول تكون ريهام 

ثم نهضت من علي مكتبها سريعا و اتجهت لمكتب سيف و طرقت الباب ودخلت الغرفه فلم تجد احد لتتآفف و كادت تخرج وتغلق الباب لتجد سيف في وجهه 

سيف بابتسامه عاشقه : آسيا خير اللي جايبك مكتبي

توترت آسيا كثيرا من تلك الابتسامه التي تخطف قلبها و تشتتها 

آسيا وهي تبتلع ريقها : كنت جيالك عايزاك في موضوع مهم 

سيف و هو يغلق الباب : طب تعالي اقعدي و قولي اللي انتي عايزاه

جلس سيف امامها و ظلت هي صامتة لا تعرف كيف تخبره 

سيف و هو يقترب و امسك يديها : في ايه مالك

ثم رفع ذقنها بيده و تقابلت عينيهم 

آسيا بتوتر : حصلت معايا حاجه الصبح و عاوزه احكيهالك

سيف بتركيز : احكي 

أسيا و هي تبلع شفتيها : انهارده الصبح بعد ما انت نزلت و انا فطرت و طلعت البس لقيت الموبايل بيرن و لقيته رقم غريب فرديت لقيت واحد رد عليا و بيقولي كلام غريب و صمتت قليلا

سيف : كملي يا آسيا 

آسيا بتلعثم : و قالي انه في عمليات مشبوهة بتتعمل في المستشفى و انه انت اللي بتعمل العمليات دي

سيف و ملامحه لم تتغير : صدقتيه

آسيا بتلقائيه : مكنتش جيت و قولتلك اللي حصل لو صدقته فعلا كنت هتلاقيني بواجهك و بزعق مش بحكيلك

سيف بفرحه داخليه من حديثها : و ايه اللي خلاكي مصدقتيهوش

اسيا : انا مش هكدب و اقولك اني مشكتش فيك لا دماغي قعدت تفكر و اتشتت بس انا و انت قعدنا كم سنه نشتغل مع بعض و انا شايفه حبك لشغلك و بعدين انت مش محتاج انك تعمل حاجه زي دي

سيف بتساؤل : اومال ايه اللي خلاكي شكيتي من الاول مدام انتي عارفه حاجه زي دي

اسيا بتوضيح : منا قولتلك اتشتت و خصوصا اني سمعت مكالمه ليك امبارح و انت بتقول لحد ميعاد عمليه النهارده

سيف : اها دي حقيقة و انا قولتلك الصبح اني عندي عمليه النهارده

أسيا : و ده من ضمن الاسباب اللي خلتني مشكش فيك انك قولتلي وبعدين في حاجه كمان انا شكه فيها

سيف بانعقاد حاجبيها : ايه هي

آسيا :احمم حاسه انه ريهام هي اللي ورا المكالمة

ارتسمت ابتسامة على وجه سيف لم تفهم اسيا معناها وبعدها قال

سيف : مش ريهام بس يا آسيا معتز كمان معاها

★★★★★★★

عادت اسيا غرفة مكتبها بعدما اخبرها سيف بكل شئ لم تكن تتوقع أن يكون سيف بهذا الذكاء و انه يعلم بكل ما يحدث من حوله

ثم اتجهت ناحية مكتبها و اخذت حقيبتها حتي تعود للمنزل و تبدء ما امرها به سيف

أما ريهام رأتها وهي تخرج من المستشفى و علامات الاجهاد تبدو على وجهها لتتسع ابتسامتها 

ريهام : ولسه لما تواجهي سيف هتشوفي الوش التانى و هتخليه يكرهك استني بس عليا يا انا يا انتي يا آسيا

★★★★★★★

في المساء 

كانت ريهام في الصالون تنتظر عودة سيف و اسيا فاسيا خرجت منذ ساعة تقريبا و تأكدت ريهام بأنها ذهبت للمستشفى من معتز 

سمعت صوت سياره سيف فابتعدت سريعا عن النافذة و جلست امام التلفاز

فتح الباب و ظهر منه سيف و هو يمسك آسيا من ذراعيها

سيف بغضب جحيمي : ادخلي يا هانم

منعت ريهام ابتسامتها من الظهور و اتجهت ناحية سيف 

ريهام بتمثيل : في ايه يا سيف بتزعق كده ليه مالك

شدد سيف من قبضته على آسيا

اسيا : اااااه اوعي دراعي يا مجنون انت و بعدين انت كمان ليك عين يا بجاحتك يا أخي بس أنا هوديك في ستين داهيه

سيف : انتي مجنونه يا بت انا عايز اعرف الكلام الاهبل ده جبتيه منين مين اللي قالك التخاريف دي

آسيا بتهكم : تخاريف و لما هي تخاريف انت متعصب كده ليه و لا عشان انا عرفت و كشفت حقيقتك

سيف بغضب و يشدد علي خصلات شعره : حقيقه ايه يا مجنونه انتي 

انا نفسي افهم انتي ايه معندكيش مخ تفكري بيه 

ريهام : في ايه يا سيف آسيا عملتلك ايه

سيف بصوت عالي : الهانم جايالي المستشفى و انا يدوبك كنت لسه خارج من العمليات القيها في وشي و مصممه تشوف المريض و بتتهمني اني بعمل عمليات مشبوهة و بتاجر بالأعضاء بقا انا دكتور سيف الدمنهوري احب المستشفى اعمل كده في المستشفي بتاعتي و ادمر و ابوظ سمعتها

ريهام بصدمه مصطنعه : ايه الكلام ده يا آسيا معقول سيف يعمل كده مستحيل

سيف و هو يمسكها من فكيها : انا عاوز اعرف جبتي الكلام ده منين

آسيا بدموع : واحد كلمني الصبح و هو اللي قالي

ابتلعت ريهام ريقها بخوف و نظرت ل اسيا : و هو انتي اي حد يقولك حاجه علي سيف تصدقيه

سيف : قوليلها شايفه العقل شايفه الناس اللي بتفكر

آسيا بدموع : اهو بقى اللي حصل عاوزني اعمل ايه و انا بسمع واحد بيكلمني وهو متأكد من كلامه

سيف بسخرية وتهكم : انا مش عاوز منك حاجه انا عايزك تطلعي اوضتك و مشوفش وشك اطلعي اوضتك يا اسيا

نظرت له اسيا بغضب و صعدت غرفتها

اقتربت منه ووضعت يدها على ذراعه 

ريهام : حبيبي بليز متضايقش نفسك 

سيف بتأفف : اطلعي اوضتك يا ريهام و مش عاوز اشوفك برا اوضتك انهارده سامعه و لا لا

ريهام : طب انا عملت ايه انا كمان طيب

سيف بغضب : سمعتي و لا لا 

ريهام بتأفف : حاضر حاضر

صعدت غرفتها و اغلقت الباب خلفها فتحرك سيف من مكانه وصعد لغرفه اسيا و طرق الباب و فتحه

وجد آسيا تبدل ملابسها 

اسيا بشهقه : ايه ده انا قولت ادخل

سيف وهو يتحاشى النظر إليها : ما انتي مردتيش و انا اكيد مش هفضل واقف على الباب

آسيا بعدما أكملت ارتداء ملابسها : انت اصلا بتعمل ايه هنا احنا مش عاوزين ريهام تشوفك

سيف و هو يقترب منها : متقلقيش ريهام في اوضتها

توترت اسيا و شعرت بالبروده بجسدها : طيب الوقت اتأخر و لازم ننام

سيف بصوت خافت : انا عاوز انام هنا 

آسيا باستغراب : هنا فين في اوضتي!

أؤما سيف لها

آسيا بسخريه : ده انت معملتهاش و لا مره عاوز تعملها دلوقتي عشان ريهام تشوفك مش كده 

سيف و هو يقترب منها : مش هتشوفني

آسيا بهمس : و لو شافتك

سيف بنفس الهمس : قولتلك مش هتشوفني

★★★★★★★

كانت آسيا تتوسط صدره و يده تحيط خصرها ويده تداعب خصلات شعرها وظل يتأملها و هي نائمه لا يصدق بانها أصبحت ملكا له و زوجته و لا يصدق استسلامها التام له بل و مبادلته مشاعره لتظهر ابتسامه مشرقه و هو يتذكر تفاصيل ليلتهم سويا و ظل طوال الليل يراقبها لم يغمض له جفن ليرفع يديه و لمس وجنتيها بحب و بعدها قبل جبينها مر الوقت سريعا بجانبها و وجد منبه هاتفه يرن فقام باغلاقه سريعا حتي لا تستيقظ و كاد ينهض من مكانه و لكنها تمسكت به و احاطته

سيف بهمس : اسيا حبيبتي انا لازم اققوم والا كل اللي اتفقنا عليه هيبوظ

آسيا بتملل : اممم خليك

سيف : مينفعش يا حبيبتي واوعدك بليل هنكون مع بعض 

نظر لها و قبل ثغرها قبله سريعه و نهض من مكانه و ارتدى ملابسه و خرج من الغرفه قبل ان تستيقظ ريهام 

★★★★★★★

في صباح يوم جديد استيقظت ريهام و نزلت لاسفل بعد ان ارتدت ملابسها فوجدت سيف يجلس على طاولة الافطار و برفقته اسيا و فريده ف اقتربت منه و قبلته علي وجنته

ريهام بدلع : صباح الخير يا حبيبي

و بعدها نظرت ل فريده و اسيا و قالت بابتسامة مقتضبة : صباح الخير

لم ترد عليها اسيا التي رمقت سيف نظره غيره أسعدته كثيرا و كذلك فريده التي قلدت والدتها لتتغتاظ ريهام و كتم سيف ابتسامته 

نهض سيف و قال بصرامة : أنا ماشي

ريهام بلهفة : خلي بالك من نفسك 

لم يرد عليها سيف و اتجه للخارج لتلتفت ريهام لآسيا و هي تردف

ريهام بتمثيل : تعرفي انه امبارح كانت اسعد ليله في حياتي سيف قضاها معايا انتى مش متخيله هو كان وحشني ازاي

نظرت لها اسيا و لم تستطع منع ضحكتها العاليه من كذبها 

ريهام بغل : انتي بتضحكي علي ايه 

أسيا و هي تنهض : احممم انا ماشيه و قولي للخدم يبقو يروقو اوضه المكتب اصل سيف كان نايم فيها امبارح

و ودعت ابنتها وغادرت من امام ريهام التي اشتعلت منها 

★★★★★★

وصلت آسيا المستشفى ودخلت مكتبها لتتفاجئ بمعتز أمامها

آسيا بغضب : انت بتعمل ايه هنا يا حيوان انت انا مش طردتك

اتكأ على اسنانه بغضب و لكنه لم يبين غضبه وقال بقناع زائف : وحشتيني يا آسيا

آسيا بتهكم : و انت موحشتنيش ووجودك هنا مرفوض اطلع بره بكرامتك بدل ما اخلي الأمن يجي يطلعوك غصب

معتز : بكره تندمي يا اسيا لما تعرفي انا بحبك ازاي و تعرفي اخلاصي ليكي هتندمي على معاملتك دي

آسيا : اندم و عليك انت مظنش و يلا بقا معطلكش عندي شغل

★★★★★★

طرقت ريهام باب منزل معتز و سريعا ما فتح لها

معتز بنظرات غامضه : اتفضلي يا ريهام

ريهام بتوتر : هو لازم يعني عندك ما كنا تقابلنا في اي مكان بره 

معتز بتمثيل : مينفعش طبعا افرضي حد شافنا سوا كل اللي عملناه هيبوظ

استسلمت ريهام و دخلت المنزل و اغلق معتز الباب و ابتسامه خبيثه ترتسم علي وجهه و أغلق الباب بالمفتاح

التفتت له ريهام سريعا : انت قفلت الباب ليه

معتز ببراءه مصطنعه : اصلي مش عايش لوحدي معايا صحابي و اخاف خد.فيهم يجي و انتي معايا

ابتلعت ريهام ريقها و شعرت انها اوقعت نفسها في مصيبه كبيره 

اقترب منها معتز و يتطلع عليها بنظرات وقحه

ريهام بخوف : ايه هو الموضوع يا معتز

لمس معتز وجنتيها : مالك مستعجله كده ليه اشربي حاجه الاول 

ريهام : مش عايزه يا معتز ممكن تقول اللي عندك بقى عشان عايزه امشي

معتز و هو يتطلع لثغرها فهو لم يشتهي امراه من قبل مثلها 

ثم اقترب و حاوط و خصرها و حاول ان يقبلها لتدفعه بعيدا عنها 

معتز بغضب من ابتعادها عنه : في ايه يا دكتوره انتي هتعملي فيها الشريفه العفيفه ما انا عارف اللي فيها و عارف انك كنت مقضياها مع سيف و لا نسيتي و لا هو حلو لسيف و وحش ليا

ريهام بدموع : اخرس يا حيوان و بعدين سيف ده انا بحبه لكن انت لا و انسي انك تلمس شعره مني فاهم

معتز باصرار : لا مش فاهم 

و اقترب منها لتردف بتوسل : معتز انا حامل 

معتز : طب و فيها وبعدين متخافيش كده 

و ظلت تبتعد عنه حتي اقترب و التصق بها و ظل يحاول معها و هي تحاول ابعاده و ظلت تبحث عن شئ تبعده به عنها حتى وجدت مزهريه فقامت بامساكها وضربته بها على رأسه 

يتبع.........

ها يابنات ايه رايكم و توقعاتكم❤