رواية الانسه ظابط الفصل العشرون 20 - بقلم sososamir (الزهرة السوداء)

الفصل الـ(21)

_ يا عيون طارق
_ ريم أنت قولت أيه
_ أيه قال يعني مش فاهمه الكلمة
_ طارق أنت قاصدها
_ لا ريم أنا اقصد ........

قطع حديثهم صوت هاتف "طارق" فوجده "زياد" فأجاب في غضب

_ أيه يا زفت وده وقتك
_ يا عم بتطمن عليك ليكون في مشكله ولا حاجة
_ لا يا عم أنا كويس أقفل بقا

ريم : طارق أنا هروح بقا
طارق : خلاص هوصلك

بعدما وصل طارق بسيارته إلي بيت ريم
_ أنتي كويسة دلوقتي ؟
_ الحمد لله
_ هبقي أكلمك أتطمن عليكي
_ ماشي ...... يلا سلام
_ سلام

الكرة تعاد مرة أخري صعدت ريم لغرفتها وأرتدت ملابسها ولكن هذه المرة قبل أن تذهب إلي بيت الحارة لتتحدث إلي طارق

ريم : ألو يا طارق
طارق : أيه يا كريم خير في جديد
ريم : أها البضاعة اللي أنتوا عاوزينها مش هتطلع مرة واحدة زي ما أنت فاكر
طارق : يعني أيه
ريم : يعني كل شويه هيخلوني أخد جزء منها أوديه للموزعين ولما يخلصوا الجزء اللي معاهم هيطلبوا تاني وهكذا
طارق : يا ولاد الكلـــــــب والعمل
ريم : هما لو شاكين فيا هيسيبك تقبض عليا ولو مش شاكين لو قبضت عليا ولا كأنهم يعرفوني وهيشوفوا غيري
طارق : طاب أقفل أنت دلوقتي وأستني مني أي جديد أقولهولك
وخلي بالك من روحك
ريم : حاضر ... سلام
طارق : سلام

عادت ريم مره أخري إلي بيت الحارة واثناء دخولها وجت احدهم يخبطها بشيء علي راسسها ففقدت الوعي
فاقت في مكان يكاد يشبه السجن
ريم : أهاااا أنا فين
_ متخفش يا أحمد أنت معايا
ريم : خير يا معلم أنت لو عاوزني تجبني كده
_ انت لازم تعرف ان في اشكال بيني وبين الريس
ريم : ريس أيه ومين
_ صدقني محدش فينا عارف هو مين
ريم : أزاي يعني
_ زي ما بقولك كده الممول الوحيد لينا عبارة عن وسيط وعمرنا ما شوفناه
ريم : طاب في ايه
_ محدش عارف أتقلب علينا وكان لازم أعمل فيك كده عشان يصدق اني أتقلبت عليك أنت كمان
ريم : طيب يا معلم والمطلوب
_ ولا حاجة هتفضل قريب بس وتحت عنينا
ريم :انت شاكك فيا يا معلم
_ لا يا أحمد بس أحتياط وخوف مش أكتر
ريم : خوف !!!
_ أنا مش بخاف من حد أنا خايف عليك رجالة الريس ممكن يصفوك في أي لحظة
ريم : طيب ماشي يا معلم

عادت ريم إلي بيتها مرة أخري وهي تكاد تبكي من شدة البكاء والتفكير
هيصفوني !! أزاي طاب ليه أصلا وبعدين بقا أتصال ريهام يقطع حديث التفكير من رأسها
_ ألو يا ريهام
_ ريم حبيبتي .. يحيي جيلي بكرة
_ طيب يا ريهام ألف مبروك
_ لا أنتي لازم تكوني موجوده بكرة
_لازم . لازم يعني
_ أها طبعا مش قراية فاتحة أختك
_ طيب حاضر هاجي
_ لا تصبحي علي خير بقا يحيي علي الويتنج
_ أسمه الـwaiting بلاش فلح بقا
_ طيب يا أختي أنجزي الواد ملطوع بقا
_ طاب روحي كلمي الملطوع بتاعك

أغلقت ريهام في عجل لكن ريم تلحظ أن أحدهم أيضا كان في قائمة الانتظار يالهوي ده طارق
_ ألو يا طارق
_ أول مرة تكوني علي ويتنج دلوقتي
_ (ويتنج حتى أنت كمان ) كنت بكلم ريهام
_ في الوقت ده
_ أها عادي وبعدين ما أنت متصل في الوقت ده بردو
_ ( يخربيت قله زوق أهلك أيه البت دي بتنزل مازوت من بوقها )
طاب أقفل يعني ولا أيه
_ لا قولي كنت متصل ليه
_ ( معايا رصيد زيادة وبضيعه , غبية فحت ) بتطمن عليكي
_ اتطمن أنا كويسه بخير ,, حتى بكرة هروح عند ريهام عشان قرايه الفاتحة بتاعتها
_ عقبالك
_ أنت الأول
_ أن شاء الله هانت أهي
_ لاقيت واحدة
_ ( هي جزمة ,, ) أها
_ ربنا معاك

في صباح اليوم التالي كانت ريم علي أهبه الاستعداد للذهاب إلي بيت ريهام بينما هي تعرف أنها مراقبة والتردد علي بيت ريهام أكثر من مرة في أوقات متقاربة لا يجدي فماذا تفعل تحركت من بيتها في هدوء ثم أتجهت إلي الانفاق ومن المعروف بالانفاق كثرة الذهاب ثم محطة الترام ومن بعدها إلي محطة القطار حيث انعدام الرؤية وذهبت إلي بيتها وهي تعلم أن لا أحد يستطيع العثور عليها
بدلت ملابسها ثم توجهت حيث وجدت في بيت ريهام "إيناس"

ريم : إيناس جاية بدري !!! دي معجزة
إيناس : حد هيحطلها مكياج غيري يعني يرضيكي
ريم : مكياج ليه هو يحيي أول مره يشوفها
إيناس : مش عارفة ده بيشوفها بلبس الشغل المعفن ده
ريهام : أها ومع ذلك حبني
ريم : ياختي حبك برص وربنا تلاقيكي صعبتي عليه
إيناس : اها والله ما كتر القاعدة قاعده والتتنيح له تلاقيه زهق يا قلب أمه
ريهام : أنتوا جاين تحرقوا دمي
ريم : لا خلاص خلاص تعالي بقا نزوقك
فتحت إيناس حقيبه ملئيه بمستحضرات التجميل وبدأت في وضعها أمام ريهام لكن هلعت

ريهام : أيه كل ده
إيناس : في أيه مكياج
ريهام : وأنا هحط كل ده في وشي .. أنا عاوزه حاجة خفيفة كده
إيناس : طيب ماهو علي خفيف
ريهام : لا كل ده كتير
إيناس : كل ده أصلا أساس مش هيبان في وشك
أنتي عاوزاني أحط لك أيه
ريهام : هو روج وبدرة واحمر خدود ومسكره وكحل
إيناس بقرف : أيييييييييييييه ده فين الأساس اللي هيبقي قبل كل ده
ريهام : حطي كريم أساسا
ريم : بااااااااس سيبلي الطلعه دي
أقعدي زي الكرسي اللي أنتي قاعدة عليه وبلاش مكياج ام علي الشغاله ده أتهدي بقا
إيناس : مازن باعت لك الفستان ده هدية كمان
ريهام : يا خرابي فستان
ريم : مالك أتخضيتي كده ليه
ريهام : أنا البس فستان من عند مازن
ريم : أيه فساتين فيها فيران ولا ايه
ريهام : لا بحسها مايصه أوي
إيناس : اها الفستان ماشي علي حل شعره معلش أنتي أخرك أصلا تلبسي بنطلون جينز وقميص وتطلعي تقعدي معاه
إيناس : كتفيها يا ريم
ريم : حاضر
أمسكت ريم بريهام في الكسر حتى أنتهيت إيناس وتركتها
ريم : ورحمه أمي لو مدخلتي لبستي الفستان وجيتي تاني لاعلقك يلا
ارتدت الفستان كانت ملاك بملامحها البسيطة الرقيقة وجلست تستعد قدومه
حضر هو الأخر في أبهي أشكاله وطلته بينما فتحت له ريم الباب
ريم : مين حضرتك
يحيي : أيه يا ريم ده
ريم : يحيي !! يخربيتك ولا عرفتك أيه النضافة دي
استحميت ^_^ .؟
يحيي : أيه السياح ده الله يخربيتك هتبوظي الجوازة
ريم : لا أتطمن أنا هظبتك
يحيي : وحياة أبوكي
ريم : ورحمه أمي

دخل هو إلي الغرفة المتواجد فيها عم "ريهام" للحديث معه بينما توجهتت ريم إلي غرفة ريهام
ريم : يا عيال يا عيال .. ألود يحيي لابس الحته اللي علي الحبل وشكله حلو
ريهام : أيه قلة الزوق دي هو يحيي كان من أمته وحش
إيناس : طول عمره يعني فين الجديد
ريم : طاب يلا عشان تدخلي ليهم جوه ... أها وبلاش جو تتكسفي وانتي بتدخلي العصير ده اتهرست وبقيت قديمه فحت
إيناس : تتكسف أيه ده حافظها أكتر من صالة بيتهم
بعد اللقاء والمناقشة جائت لحظة الرد وكان المفاجئة من عم ريهام
_ والله يا ابني هنسأل عليك وبعدين نرد واللي فيه الخير يقدمه ربنا
ريم : ايه اللي راجل ده بيقوله ده
إيناس : أيه ده بجد ده زي ما يكون بيكرشه بالزوق
_ نورتنا يا استاذ يحيي
خرج يحيي ينظر إليها في عجب ممزوج بالحزن عقب رحيله تحولت ريهام لثورة غضب
ريهام : عملت كده ليه يا عمي
_ الولد ده مناسب
ريهام : حكمت عليه بناءا علي أي اساس
_ ده حتته مصور لا راح ولا جيه وعاوزه تتجوزيه
ريهام : المصور ده راجل محترم وبيحبني وهيحافظ عليا
_ أنا مكان أبوكي وأدري بمصلحتك
ريهام : وانا أدري الناس بالانسان اللي هكمل حياتي معاها هو لو مش كويس مكنش جيه واتقدم
_ هتجوزيه أزاي ده أنا رافض
ريهام : وانا موافقة
_ أومال جايباني ليه
ريهام : عشان الأصول يقعد مع راجل
_ أنا مش موافق

خرج وتركها في حيره من أمرها تبكي بشفقه علي حالها وعلي حاله هو الأخر
ريم : بتعيطي ليه
ريهام : مشوفتيش قال ايه
ريم : ما يولع بجاز
ريهام : بتقولي أيه ياريم
ريم : بقول اللي سمعتوه يحيي يجي يطلب أيدك من خالك وأنتي وافقي وان خالك كمان موافقيش اتجوزيه بردو
إيناس : أنتي هبله يا ريم
ريم : أيه بقا محدش له حاجة عندها ماهي عايشه هي وامها أهي ولا حد فيهم بيسأل خليها تشوف نفسها وحياتها مالكوا
اسمعي يا ريهام يحيي هيجي يطلب أيدك من خالك وهو هيوافق وأنتي هتتخطبي وهنعملك أحلي فرح واحلي خطوبه ومتخليش حد يتحكم في حياتك هتندمي علي كده صدقيني
ريهام : حاضر

أمام الأصرار كل صعب ينهار هذا الشعار كان من جعل يتم تحديد خطبة ريهام ويحيي تم تحديد الموعد وتجهيز كل شيء علي أكمل وجهه
بينما كانت "ريهام" في مركز إيناس كانت ريم معاهم
ريم : النهارده بقا بجد هتزوء وهرسم حنه مكتوب عليها أخت العروسه وهبقي حاسه أنه فرح أختي فعلا
ريهام : أنا مش مصدقة بجد ربنا يخليكوا ليا
مازن : يا زفته أنتي أقفي الفستان هيتبهدل
ريم : اها والنبي الفستان ده عليه أقساط
إيناس : لا ده مازن مأجرة تلبسه ريهام وتتصور بيه ويرجعه المحل تاني
ريهام : الأ صحيح مين هيصورني أنا ويحيي
ريم : اتفقنا مع فتوجرافي غيره
إيناس : أيه ده بجد
ريم : أها ولو طلع شغله أحسن من يحيي همشيه واعين ده
ريهام : يالهووووي
أسامة بيتصل يبقي قربوا علي هنا
مازن : أنا خلاص خلصت
إيناس : وانا كمان

وصل يحيي وصعد يصتحب عروسته في غرفة التجهيز بينما وقفت أمامه ريم حتى تعيق الرؤيه حتى ظهرت ريهام في أبهي صورها تكاد يزيد القمر نورا حتى تصبح هي . كاد أن يقبلها لكن
مازن : أحم أحم نحن هنا
أسامة : لا يا بابا ألكلام ده بعد الكتاب
يحيي : خلاص يا بشر مش كده هاتوا مأزون أنا مش مستحمل الجمال ده كله
أيناس : بقولك أيه البت هتحمر ووشها هيبوظ كده
يحيي : هي قمر من غير حاجة ... يلا بقا يا قمرايتي
بينما أعدت ريم لـهم طرق لم تتطبق في الزفه لهم وجدت طارق يقف بجانبها
طارق : شكلك زي القمر .. الفرحة مجمله وشك أوي
ريم : ميرسي يا طارق .. أنت
طارق : جيت ازاي انتي أزاي اصلا مش تعزيميني عموما يحيي طلع أجدع وعزمني
ريم : طيب
طارق : تعالي أركبي العربيه معايا
ريم : لا تعالي أنت معايا عشان تتفرج علي سواقتي
طارق : هههههههههه مبلاش

وصلوا القاعة بينما كل شيء معد في اكمل وجهه أثناء فقرات الحفل
ريهام : ريم السلسلة اللي ماما جابتها ليا وقعت مني في العربيه روحي هاتيهالي بالله عليكي
ريم : طيب خلاص هروح أجيبها أنا
خرجت ريم من القاعة حيث جراج المكان لكنها شاهدت سيارة تعرفها جيدا
لم تكن تتوقع وجودها هنا

ياتري مين هنعرف ده قريب وتفاعلوا