رواية الانسه ظابط الفصل التاسع 9 - بقلم sososamir (الزهرة السوداء)

الفصل العاشر

جلست "ريم" بعدما أعادة قرأت جواب الاستدعاء القادم من وزارة الدخلية
والنص فيما معناه علي الرائد كريم حسن القاضي الحضور لاستلام المهام الوظيفية في مدرية أمن الإسكندرية مكافحة المخدرات وفي حالة عدم الحضور يتم اعتباركم عقاب الهارب من نداء الوطن وتحمل المسألة القانونية _ وبعدين بقا ما هو لو صحي ولقياني مضيت باسمه هتبقى كارثة

_ صباح الخير يا ريم
_ كريم !! أنت أيه اللي صحاك
_ عادي بس بقولك
أنا عاوز أروح لبابا كفاية بقا خصام وزعل وموضوع نقلي دهـ شكله طلع فشينك
_ فيشنك ! أنت أنت أيه خلاك تقول كده يعني
_ أصل لو حقيقي كان زمان جواب الروتين وصل وكده شغل روتيني
_ وهو لو وصل هيحصل أيه يعني
_ هيبقي معاناه أني لازم أروح الشغل عشان المسأله القانونية وممكن أتحرم من شغل وأبقي ظابط موقوف
_ أيه دهـ يخربيتك أنت قريت الورقة
_ روقه أيه
_ لالا ولا حاجة كمل
_ بس يا ستى ده حاجة تثبت أني كنت ظالم بابا معايا
أنتي مالك مسهمه كده ليه
_ لا أبدا أنا هقوم أغير هدومي وأروح الشغل
_ مش هتيجي معايا
_لا خد أنت عمتي وأنا هخلص وأطلع علي المستشفي

( يا ليله فله أنا كده روحت في داهيه مش بس كده ووديت أخويا في داهيه وأنا ما صدقت صفي لبابا يادي النيله عليكي يا ريم )

في منزل "طارق" كان يجلس ويجاوره أمه و أخيه وزوجته المستقبلية

_ يا طارق عشان خاطري روح أحجز أنت القاعة بدل منى , أنا مشغول مع العمال اللي شغالين في الشقة

_ وحياتي يا طارق روح أنت دهـ فرح أخوك وأنا بردو في حاجات ناقصة في جهازي ولازم أنزل اشتريها غير حجز الكوافير والفستان وكدهـ بقا

_ طيب خلاص ماشي هروح أحجز لكو القاعة بس أنا مش عارف هعمل أيه يعني لو الفرح باظ ماليش فيه

_ لا متخفش القاعة دي سمعتها فظيعة دي صحبتي بنت وزير البيئة هي اللي قالت لي عليها كان فرح أختها فيها وأنا حضرته حاجة فوق الوصف يا طنط

_ والله يا بنتي ربنا يجعله فرح حلو وجميل زيك كدهـ
روح يا طارق بقا عشان أخوك مش فاضي

_ حاضر يا ماما من عنيا

_ نردهالك يا فرحك يا تيتو

_ لا ياعم فال الله ولا فالك ردهالي في ترقيه في علاوة مش فرحي خالص أقولك ردهالي في فرح الواد زياد ده هيموت ويتجوز

_ تقصد هيعيش ويتجوز

_ الفرق جوهري لكن الواقع واحد وحياتك

خرج طارق ومعه سيارته مقصد العنوان وصل حيث عمارة فخمه تقع أمام البحر مباشرا وصعد إلي الطابق الثالث ووقف أمام باب مكتوب علي لفته التعريف مكتب حجز طرق الباب ففتحت "ريهام"

_ مساء الخير
_ مساء النور مش هنا مكان حجز قاعة
_ أيوه يا فندم هنا أتفضل

مكتب شيك وأثاث رائع يطبع العصرية عليه جلس " طارق " أمام هذا المكتب

_تشرب أيه يا فندم
_ شكرا ولا أي حاجه
_لا إزاي لازم تطلب حاجة
_خلاص قهوة سادة
_ خلاص تمام ضغطت علي الزر جاءها العامل طلبت القهوة وعادت إليه مره أخري
_ ها يا أستاذ حضرت جى تحجز فرحك أمته
_ لا هو مش فرحي دهـ فرح أخويا هو يوم 13
_ وهو مجاش يحجز ليه
_ مشغول والله ومرمطني أنا بقا
_ ربنا معاه عموما الآنسة "ريم" زمانها جاية
_ أومال حضرتك مين
_ أنا ريهام بس ريم مسئوله الحجز ... النظام نظام
_ ممتاز بس هعمل أيه دلوقتي عبال ما تيجى
_ حضرتك تقدر تتفرج علي تصميم الأفراح وتختار اللي يعجبك
_ لا وأنا أيش عرفني دهـ فرحهم هما
_ طيب مثلا في دخله بتقي تبع شغل العريس مثل لو طيار بيكون لابس بدله الطيارن لو قبطان بيلبس لبسه وهكذا
_ العريس ظابط
_ خلاص يبقي يدخل لابس لبس الشرطة

قطع حديثهم ريم التي دخلت من باب المكتب في صورة مفجائة

_أهي ريم جت أهي ريم الأستاذ
_ هو أيه دهـ هي دي الآنسة ريم
_ هو أنت ؟ أنت أيه اللي جابك هنا بالظبط
_ أنا جاي أحجز فرح أخويا أوعي تكوني فكراني جي أتملي في جمال عيونك
_ ما تتلم يا بني أدم أنت ولما تبقي في مكتبي تتكلم بأدب
_ أنا مؤدب
تدخلت ريهام لتنهي الأمر يا ريم الأستاذ جي عشان يحجز فرح لأخوه ودي الآنسة ريم
_ أنا مش حاجز حاجة لحد من قله قاعات إسكندرية
_ يلا أحسن متنساش تاخد الباب في أيدك

_ أيه يا ريم العصبية دي
_ ما أنتي مش فاهمه هو دهـ الواد الملزق اللي أتخانقت معاه هو وصاحبه
_ طيب عادي دهـ دلوقتي جاي يحجز القاعة مش جاي
_ مش مهم عادي فرح وراح الرزق مش فيه الزرق محدش بيقدر ياخده غيرك لو كان ليكي
_ أنتي عصبيه كده ليه بس مالك
_ مصيبه يا بنتي مش عارفه أعمل أيه فيها
_ خلاص أهدي بس وقوليلي في أيه

جلست ريم علي مكتبها وفتحت التلفاز وكانت تتحدث وهي تقلب القناوات حتى أوقفاتها علي محطة mbc2 وأستمعت إلي ريهام التي كانت تقول

_ سيبي أم الزفت دهـ وكلميني
_ أعمل أيه يعني اللي حصل بقا ومعرفش هعمل أيه ربنا يحلها
_ خلاص سيبي الفليم ده عشان بحبه
_ فليم أيه
_ she is the man كوميدي أوي
_ خليكي أنتي في الفليم وأنا هخلص شهر الحجوزات

جلست ريم تعمل بينما ريهام تشاهد التلفاز فتعالت ضحكاتها فتعجبت ريم

_ أيه المضحك أوي كده بيتكلم عن أيه الفليم ده
_ وأزاي يعني she تبقي is the man يعني هي تكون رجل هتعمل عمليه تحويل يعني
_ لا يابت دول أخين توأم بس الأخ مش بيحب الكورة و أخته بتموت في الكورة بس مينفعش تلعب لأنها بنت أخوها بقا في مدرسة للكورة
وهو مش بيحبها فقرر يسافر وأخته بقا لبست راجل زيه وحلت محله وعشان كده في كوميديا في الفليم

_أيه العبط ده أزاي يعني ومحدش خد باله
_ ما هما توأم بقا يا بت فعادي مفيش فرق كبير

عادت ريم للعمل مرة أخري بينما عادت ريهام للمتابعة وعند حلول الفاصل ألتفتيت ريهام لـ ريم

_ يوه فاصل ها يا ريم مقولتيش هتعملي أيه مع أخوكي
_ ولا حاجة هعمل أيه يعني هقوله بقا
_ و أفرضي رجع قلب علي أبوكي تاني دهـ أنتي ما صدقتي
_ مش عارفه أنا خلاص
_ أه بتاع البراويز جاب لك الصورة بتاعتك أنتي وكريم اللي أنتي كنتي عاوزه تقدميها له هدية عيد ميلادة
_ وريني كده

أمسكت ريم الصورة و أخذت تنظر إليها فلاحظت مدي شبه الملامح بينها وبين أخيها حيث كانت الصورة رأسها تجاور رأسه فقفزت في رأسها فكرة تكاد تشبه اللمبة المضيئة في أفلام الكارتون

_ لاقيتها
_ هي أيه دي يا ريم
_ أنتي مش فاهمة أنتي أحلي صديقة و أجمل صاحبة أنا بموت فيكي

وخرجت تجري من مكاتبها فنادتها ريهام : رايحة فين
_ رايحة لإيناس لازم أشوفها بسرعة
_ البت دي أتجننت
عادت مرة أخري إلي المكتب تعالي معايا قوووومي يلا

عاد طارق إلي مكتبة فوجد زياد أمامه

_ يا أخي أنت مفيش في قانونك أبتسام خالص
_ لا مفيش يا زياد عاوز أيه بقا
_ يا عم مالك
_ ألبت بتاعه القاعة اللي أتخانقنا معاه يوم الفرح
_ المزة دي مالها
_ أخويا ساب قاعات إسكندرية كلها وراح يحجز القاعة اللي هي صاحبتها
_ وطاب وفيها أيه دي حاجة حلوة يا جدع
_ ما أنا شوفتها و أتخانقت معاها
_ طول عمرك مدب مع البنات
_ أنا هروح لأخويا بقا و أقوله لو هيعمل فرحه في القاعة دي مش جي
_ لا الأمور متجيش كده روح قوله مثلا القاعة مش حلوة وبراحة
_ طيب ماشي أنا همشي

خرج طارق قاد سيارته و اتجاه إلي كافتيريا حيث أتفق مع أخيه أن يقابله هناك بعيدا عن جو توتر العمل . وصل ودخل بينما تفاجئ بوجود خطبيه أخيه هناك . نفس عميق ثم اتجاه إليهم

_ ها يا طارق حجزت القاعة
_ لا
_ ليه
_ بص يا حبيبي القاعة دي مش حلوه ومش هتليق بفرحك أنت أخويا وأتمني فرحك يكون أحلي فرح
_ أيه العبط ده يا طارق أنا روحت الفرح معاها وشوفت القاعة والقاعة جميلة جدا وعجباني أكتر ما هي عاجبها
_ يعني قاعات إسكندرية كلها أصبها زلزال ودي اللي نجيت
_ مش مسأله بس دهـ فرحي ويوم العمر زي ما بيقوله ولازم يتعمل في مكان أنا مرتاح فيه قبل الناس
_ خلاص يبقي لازم تكون موجود عشان تختار الدخلة وكده
_ دي سهله بس نحجز دلوقتي وبعد كده الدخلة والزفة سهلين

أخرج طارق هاتفه المحمول وضغط الأزرار فأجاب أحدهم
_ لو سمحت كنت عاوز أحجز القاعة يوم 13 الشهر ده __ أيوه فرح
ماشي يا فندم شكرا __ لا هنيجي بس مش حاليا لأننا مشغولين المهم نحجز بس __ شكرا يا فندم مع السلامة

_ ولما هو ينفع في الموبيل روحت لحد هناك ليه
_ ما أنا أخدت الرقم من هناك
_ ماشي

في سنتر إيناس تجلس علي كنبه "إيناس" وتجاورها "ريهام" بينما علي الكرسي "مازن" ومعه "أسامة" و" يحيي" وتقف ريم وتذهب ذهبا وإيابا

ريم : أيه رائيكوا
مازن : في أيه لا مؤخذة
ريم : في اللي قولته يا مازن
إيناس : طب ريهام هبله ولا مخرج الفليم أهبل أنتي كمان هبله ؟
يحيي : الله !! طاب ريهام زنبها أيه يعني المخرج خياله واسع
أسامه : خياله أيه طاب في الفليم كان كورة أنما أنتي عاوزه تدخلي الدخليه بصفتك كريم أخوكي أزاي يعني أزاي يعني هو دخول الحمام زي دخول البلاكونه
ريم : ع فكرة نفس الفكرة دهـ طبعا يرجع لإيناس
إيناس : و أنا مالي
ريم : طبعا المكياج هو اللي هيظبط لان أنا وكريم نفس الملامح
مازن : طاب والجسم واحد مثلا
ريم : دي بردو بتاعتك
مازن : أزاي
ريم : اللبس اللي بيداري
ريهام : أنتي عاوزه تقولي أن إيناس هتخفي الأنوثة اللي في وشك ومازن هيخفي الأنوثة اللي في جسمك
ريم : مظبووط هتسعدوني ولا لا
متخافوش المسأله القانونية كلها ليا أنا
ريهام : أخص عليكي أحنا صحاب علي الوحش قبل الحلو أنا معاكي
إيناس : وأنا مستحيل أسيبك حتى لو غلط
مازن : أها طبعا أزاي البنات يطلعو أرجل مني أنا معاكي
أسامه : لا بلاش تبصوا لي كده أنا عندي مراتي حامل يعني الموضوع دهـ لو أتاخر كام شهر هتحجج وأقول عندي عيال عاوز اربيهم
بس بما أن جيه بدري يبقي أنا معاكو
يحيي : أنا اصلا مش هتفرق كتير بس معاكو
ريم : كده أقدر أقولكو أننا هنبدأ صح

جلست ريم بينما كانت إيناس تقوم بوضع الميكاب ومازن يضع المقاسات و يحيي يصور ما يحدث لان هذه العملية سوف تتكرر مرات
انتهيت ريم او كريم فالشبح يكاد يكون لا يوجد اختلاف
أصبح ريم وكريم نفس ذات الشخص :)

طارق عاد إلي مكتبه فوجد زياد

_ كويس أنك جيت
_ خير .. في أيه
_ الظابط الجديد اللي هيستلم معانا القضية
_ ماله
_ جي من ريحة الغالية
_ أتحدف علينا من أنهي داهية .. يبقي مين أصلا
_ أسمه في الورق علي مكتبك

جلس طارق علي المكتب وقرئ الاسم الرائد كريم حسن القاضي

و انتهيت الحلقة لحد هنا