الأشيب الفصل السادس عشر 16 - بقلم سارة الحسن

﷽

الكاتبة:
"سـارة الحـسن"

-لا تنسون التصويت والتعليق بيـن الفقــــرات
+متابعة الحساب itsara_kh

Instagram: itsara.kh
Telegram: itsara105

..

واضح يُعرف كثير
أشياء عني والأهم يُعرف وين كنت عايشة.!
كان يتحداني بنظراتة حتى أجاوب
على شي صعب أنطقه.!
حصرني بزواية هيجت مواجيع روحي بسؤاله
عزيز: وين جنتي عايشة صبا؟!
- كنت خايفة أكول يم عُثمان
أحس كُـل العالم راح تعرف شلون بتصرف
وياية وكيف عايشين طول هذهِ السنين ..
كنت أحس راح أنزل مِـنْ عين كُـل شخص
يعرف الحقيقة ، شعور قذر وصعب ..
عيوني أفترت على الموجودين واضح الأستفهام
على ملامحهم بس ما عرفت شجاوب.!
خُفق كلبي بقوة مِـنْ سمعت صوت الأشيب
داخل للصالة واضح سامع الحديث ..
نقذني مِـنْ الجواب ووجه كلامة لعزيز بثقة وهدوء
الأشيب: متعب نفسك وأنتَ تدور معلومات عن مرتي.!
- ضحك عزيز بأستفزاز
عزيز: المعلومات اللي المفروض أنتَ تحجيها إلنا.

الأشيب: خليك ملتهي بـ حياتك ومن تتزوج عود انت وزع معلومات زوجتك علينه

عمران: شبيكم شصار هسه

الأشيب: ماصار شي دانتناقش

عزيز: نقاش ودي وهسه ماعرفنه وين جانت عايشة مورفو

الأشيب: يفرقلك؟!

عزيز: لا

الأشيب: سد حلكك لعد

ابتسم وهز راسة وواضح سكوته مؤقت
وما ناوي على خير أبد ، الكل كان مستغرب ويتسائل
نسرين: شبيكم يُمة؟ شفتهمنا احنا؟
- باوع الأشيب عليهم وتكلم وياهم بحدة
الأشيب: أكتفو بـ اللي سمعتو مني
وياريت محد يزعج مورفو بعد بـ أي سؤال ؛
الشي اللي نريدكم تعرفونه أحنا راح نحجي
بدون لا تتبعون نفسكم بالسؤال ،
وهــــذا الكلام للكل مو بس لـ عزيز .!

بُقت عيني على عزيز أحس جمرة
أشتعلت بنص كلبي مِـنْ كلامة ..
الخوف تملكني بهذهِ اللحظة خايفة
يعرفون ، ما أعرف شنو اللي بداخلــي
يخليني مترددة أحد يعرف ماضيّ ويا عُثمان ..
رغُم الأسئلة اللي كانت واضحة بعيونهم
بس محد نطق حرف واحد بعد كلام الأشيب ،
إلا تبارك نهضت مِـنْ مكانها واكفة كدام عزيز
تبارك: لاح أزعل منك لأن ضوجت مورفو.
-ضحك مقربها منه
عزيز: تحبين مورفو أكثر مِـنْ عمو؟
تبارك: أحبكم أنينكم بس هيَ حبابة وأنتَ ضوجتها وزعلت عمو فدال هم.

عزيز: اسف ماضوجهم بعد

ضحكت وتأشرله بأصابعها
تبارك: احبك مية بالمية

سحبها يبوس بيها وعينه عليه نظراته غريبة ،
شتت تركيزي الأشيب من مدلي أيده
الأشيب: تعالي وياية.
- خليت أيدي بأيده ورُمقت عزيز بنظرات تحدي
كنت متحامية بالأشيب حتى مِـنْ أهله ..
بحركتي ردت أكله لا تحاول تأذيني والأشيب بظهري
ورغُم ما كدرت أنطق الكلام اللي بداخلي
بس حَركتي ونظراتي وضحت كُلشي ..
مشيت ويا الأشيب ساكتة ، ياخت علينا أُمه
نسرين: عود أنزلو أتعشو يُمة.

الأشيب: تآمرين الحنينة

صعدنا لغُرفتنا ، كان شايل بإيدة علاگة
خلاها على جهة وسحبني مكعدني بجانبة
الأشيب: لا تضوجين مورفو ما راح شي وياج بعد.
مورفو: بعدنا أول يوم وهيج .!

نزلت عيوني أباوع لأيده اللي محتضنه
كف أيدي ويلم بيها كأنو راح تنأخذ منه .!
مورفو: يمكن عرف أني جنت عايشة يم عُثمان.

الأشيب: واذا عرف طبه مرض

مورفو: هم راح يعرف عثمان شنو وراح يكول لاهلك

الأشيب: خليهم يعرفون أنتِ ما مسوية شي
غلط ومحد يهمني لا تتوقعين راح أتغيّر لو أتخلى
عنج لأن مُستحيل أعوفج مورفو.

مورفو: شيريد مني ليش هيج حجة كدامهم

الأشيب: يولي ماعليج بي يروحلج فدوة

من كلامة واضح الأشيب معاني مِـنْ عزيز
هواية ، صح ولد عم بس علاقتة بي مو مثل البقية..
يمكن لأن عزيز طبعة غريب شوية أو يمكن
أني بعدني ما فاهمتة ، بُقيت ساكتة وعيوني
تفتر بالفراغ أتجنب مُلتقى نظراتنا ،
لزم وجهي بين كفوف أديه جابرني أباوعلة
الأشيب: باوعيلي.
- أبتسم مِـنْ باوعتلة
الأشيب: مو حلوة مِـنْ تضوجين تصيرين كنافة أم الجبن.
مورفو: مو طيبة أم الجبن.

الأشيب: اي فـ ابقي اضحكي حتى تبقين كنافة ام القشطه

مورفو: ضوجني ابن عمك غثه ما حبيته

الأشيب: يولي ماعليج بي

مورفو: خل نطرده من البيت

الأشيب: هههههه كعدن شياطينج

مورفو: راح يعكر صفو حياتنا هذا
الأشيب: وشحده؟ أطيحلج حظه أذا يحجي بعد.

مورفو: هسه اهلك يكولون هاي ام مشاكل تخلي فدفودي يتعارك وي ولد عمه علمودها

ضحك بصوت عالي وما أتوقع جدران
الغُرفة كدرت تمنع صوته عن اللي موجودين بالبيت
الأشيب: حرتي وأحتاريتي بأسمي وعلي
بـــــس حلـــوة هاي فَدفودي.

مورفو: اي بس فَدار احلى شي

بُقى يضحك جُبرني أضحك لضحكتة
وكان يحاول يغيرلي مزاجي اللي تعكر بسبب عزيز ..
ونجح بهذا الشي لأن هو الوحيد اللي يكدر يحسن مزاجي..
مَر الوقت هدوء ونزلنا وقت العشة
كنت أتجنب نظرات البقية بس مِـنْ شفتهم يعاملوني
وكأنُ شي ما صار رجعت أنطلقت وياهم ..
عزيز ما شفتة بعد ..
وتقريباً ساعة 11 دخل روار للبيت
سلم علينا وبارك النا وكعد ويانا ؛
باوع عمران للأشيب يحجي بهدوء عكس المغزى
عمران: تدري روار وين جان لحد هذهِ الساعة؟

روار: شبيك عمران؟!

الأشيب: وين جنت

روار: طالع غير

روار بسرعة أتغيرت ملامحة حسيتة
ضاج من عمران ، والأشيب كان يستفسر منه بهدوء
الأشيب: وين وويا منو؟
روار: رحت لبغداد ويا جماعتي.

الأشيب: وبيش ساعه هسه

بعثر شعرة ساكت والأشيب كمل كلامة بتحذير
الأشيب: هذه أخر مرة روار.

روار: ان شاء الله

محد تدخل بيناتهم لا صغير ولا كبير
ولا حتى روار ناقشة أو أعترض ..
بس عمران ما سكت لأن ضايج من رجعتة
للبيت متأخر يمكن مِـنْ خوفة عليه
عمران: للعلم بغيابك يومية بمكان ، قبل أيام
ما عرفنا هو وين إلا مِـنْ نشر هو بالنجف.

الأشيب: شعندك بالنجف

روار: ازور غير

تغيرت وتيرة صوت الأشيب للهدوء
أخذ نفس عميق متسائل
الأشيب: ما مليت يومية رايح؟
روار: أكو أنسان يمل من الزيارة؟

الأشيب: انت فاهم قصدي روار لا تغشم نفسك

دنك راسة وسكت ما جاوبة
نهض الأشيب مِـنْ مكانة متقرب منه
طبطب على كتفة بحنية
الأشيب: خايف عليك أني مو دا احاسبك، أطلع بس لا تتأخر.

روار: ان شاء الله ماتنعاد

أترخص منهم وأشرلي براسة أكوم وياه ،
صعدنا لغُرفتنا هو نزع الساعة وتوجه للكنتور طلع
ملابس يريد يدخل الحمام ووكف يباوعلي عاگد
حاجبة مِـنْ لاحظني واكفة بمكاني وعيوني تراقبة
الأشيب: شبيج؟
مورفو: شبيك ويا روار؟

ميل راسة مستغرب ونظراتك تطلب مني توضيح
مورفو: أحس فشلتة أو قهرتة مِـنْ حجيت وياه هيج كدام الكُل.
الأشيب: خايف عليه أني.

مورفو: من شنو هو جبير مو صغير

الأشيب: دام اخوتي اصغر مني راح ابقى اعتبرهم صغار واخاف عليهم

مورفو: شكد عمره هو

الأشيب: مواليد 94

لا أرادي صحت بنبرة حزينة
مورفو: جبير ترة.! شبيك وياه؟
- ضحك وخطى خطوات ناحيتي
الأشيب: هسه أنتِ ليش مقهورة؟
مورفو: ما أعرف.! بس أحس خطية فشلتة

الأشيب: والحل

مورفو: روح طيب خاطرة

شُمر ملابسة اللي كانن بأيدة
على السرير وسحب تلفونة متصل على روار
الأشيب: أصعد لغُرفتي.
- غلقة منه وكعد على طرف السرير ، طلع جگارة
ورثها ينتظر جية روار ، بُقيت ساكتة ما علقت
لما أجة روار ، فتحتلة الباب وهو كان مبتسم
روار: ها الملونة وين رجلج؟
- أبتعدت مِـنْ كدامة مسويتلة طريق
مورفو: تفضل.
- دخل ساد الباب وراه وعينه على الأشيب
روار: ها الغالـــي آمـِر.
الأشيب: اكو وحدة انقهرت عليك لان حجيت وياك هيج وكالت صيحلة طيب خاطره.

ضحك روار بصوت عالي صدمني
روار: والله أنتِ كفو بس ترة هذا فلم كدام
أني وعمران حتى يسكتون عني.

مورفو: يعني انت لا ضجت ولا انقهرت

روار: اضوج من الدنيا كلها وماضوج من الأشيب صدك تحجين

مورفو: شمدريني شفتك كاعد وميل راسك مثل اليتيم كلت هسه كلبه نفطر هذا

روار: وعلي أنتِ أصيلة.

الأشيب: وهسه أرتاحيتي

مورفو: اي والله ، كُلشي ولا تغثون يتيم.

روار يهز براسة بحزن مُصطنع ، أشرله الأشيب يطلع
الأشيب: يلا فارك.
- مشيت وراه أريد اغلق الباب وهو وكف
روار: خلِ أضحكج دام فكرتي بيه.

مورفو: ضحكني يلا

روار: اكو طالبه وصلت للمدرسه متأخره فمن دخلت للصف سألتها المدرسه:- ليش متأخره ؟؟كلتلها :ست اكو واحد يمشي ورايه.
المدرسه: اي هو يمشي وراج انتي ليش تأخرتي شعليج بي ؟؟
الطالبه: ست مو هو يمشي على كيف

بُقيت صافنة بوجهه وهو صافن بوجهي
مورفو: اي كمل.!
روار: هي هاي خلصت.

مورفو: زين هي هاي سالفه لو نكته

روار: تحجين صدك

مورفو: هسه شنو حدد اذا نكته حتى اضحك

روار: شكد فاهيه دخيل ربج

مورفو: خليلي ملح

روار: ناصبة عليه شنو

ضحك الأشيب يهز بأيده
الأشيب: أهــوّ بعدك ما شِفت شي.

مورفو: اسفه والله بس ما تضحك

روار: صوجج لو صوج الي يحجيلج نكات

مورفو: شوف اني هم تافهه لا عبالك نفسية بس انت تفوقت عليه بتفاهه لدرجه ماكدر عقلي يستوعبها

روار: ها أنتِ من هذا النوع
مورفو: يانوع
روار: والله ماعرف اني هم حرت من يا نوع أنتِ

الأشيب: اذا خلصت تمسلت اطلع عاد

روار: ديلا هسه واذا بقيت شويه شبيك هي الملونه ويامن حاجين

...خزرة ونتر بي
:-لا تمسلت روار لا اجي اورك ور

روار: غير يستقر التكريتي

مورفو: روح روار لا يورني وياك باجر نتفاهم

تركنا وطلع والأشيب اخذ ملابسة ودخل للحمام؛
تمددت بمكاني عيني بتلفوني ، طلع الأشيب بعد
دقايق مغير ملابسة
كان لابس تشيرت رُبع ردن ضاب كُلش على جسدة
بحيث تقاسيم عضلاتة واضحة كُلش ..
ولابس وياها برمودة فوق الركُبة ، كان شكله يفتن
بس أني بسُرعة أتخيلك عريف شلتاغ
وضحكت بصوت عالي ، بُقى صافن عليه لما
حاولت أكتم ضحكتي مِـنْ حسيت على نفسي
الأشيب: ها.! طگن فيوزاتج؟

مورفو: عمو من شفتك تذكرت عريف شلتاغ

أشر على نفسة بصدمة وحقة
هيئتة اللي يشوفها ما يكول غير ما شاء الله
الأشيب: أني عريف شلتاغ؟

مورفو: لا مو انت بس هاي برمودتك ذكرتني بي

الأشيب: لج الملوووونة

مورفو: شكوو تصيح ابو حاجب المكطم

صاح بصوت شوي عالي
الأشيب: رجعنـــــــا.

مورفو: لااااا تصيييييح فَداااااار

تقرب مني يمشي بهدوء
الأشيب: منو بلش؟
مورفو: أنتَ طلعت متنجرع، خدعتني خليتني اتزوجك.

ضحك بخُبث وهجم عليَّ يدغدغ بيه
وأني شاغت روحي وبس أرفس بين أديه ..
جمدت بمكاني فجأة وأنكتم صوت ضحكاتي.!
أبتعد عني متسائل بخوف وقلق
الأشيب: شبيج؟
- فتحت عيوني على وسعها وعطت
مورفو: لك فَــــــدار.
- نهض على حيلة بسرعة مفزوع
الأشيب: الله ياخذ روحة ولج شبيّـــــــج؟!
مورفو: لك أيدي فَـدار أيــــــــــديّ.
- رجع كعد بجانبي ولزمها بتردد خايف
الأشيب: أذيتج مو؟ بس والله ما وصلتها أني.
مورفو: وجعتني أيدي عمو وجعتني.
الأشيب: الله ياخذني ولج والله ما أدري.
مورفو: لك فدعـــــــوّس أفرح حسيت بأيدي يبـــــــــاوّ.

حسيته ما مستوعب كلامي يباوعلي
ويرجع ينزل عيونه لأيدي، تركته يستوعب وصرت
أضرب بخفة على أيدي أحسها توجعني
نزلت دموعي بفرح لأن كنت شُبه مأيسة منها
ومتوقعة بعد ما تفيّد للأبــد .!
لزم أيدي مانعني أضربها وضحك
الأشيب: صدك والله تحسين بيها؟
- هزيت راسي بأيجابية ودموعي تصُب
أحتضن وجهي باس عيوني بقوة
الأشيب: الف الحمدلله يا رب ، هَم وأنزاح عن كلبي والله.

مورفو: توقعتها متفيد بعد

دنك باس أصابعي اللي ممجبرتهن
ورُفع عينه يباوعلي بفرحة
الأشيب: وأصابيعج تكدرين تحركيهن؟
- هزيت راسي بـ لا وهو بسُرعة نطق
الأشيب: ميخالف ميخالف، دام حسيتي بيها يعني ما بيهن شي لا تخافين.
- ما أنطاني فُرصة أحجي ونهض مِـنْ
مكانة مبتعد عني ، صحت وراه بسُرعة
مورفو: ويّـــن؟

الأشيب: اريد اصلي شُكر لرب العالمين

أحس راحة وطمأنينة لامست قلبي
وفكرة براسي أني شسويت وتعوضت بهيج أنسان؟
ضحكت فرحانة ، وهو توضأ وطلع فرش السجادة
وقبل لا يبدأ صلاتة تقرب مني طابع بوسة عميقة
على راسي وتوجهه للسجادة بدون كلام ..
ميلت راسي اتأملة مبتسمة
مورفو: أدعيلي وياك.

الأشيب: ليش ناسيج اني

أتوسعت أبتسامتي وأحس فراشات طارت بكلبي من كلامة ؛ حنيتة؛ أهتمامة ؛ خوفة ..
بدأ يصلي ومن سجد طول بالسجود ..
كمل ورجع كعد بجانبي والأبتسامة ما فاركت وجهه
الأشيب: لو أعرف مِـنْ زمان مسوي بيج هيج.

مورفو: تعالي مردغني بعد خل توجعني اكثر

ضحك محتضن كف أيدي
الأشيب: لا عوفيها باجر نروح لطبيب يشوفها.
مورفو: ما أحب الاطباء
الأشيب: لـ خاطري والله كلبي نار عليج
- هزيت راسي بقبول
مورفو: هاي لخاطرك فَداري.
الأشيب: يروحلج فدوة فدارج بنياتي أنتِ.

نهض من مكانة مطفي الأضوية
ورجع نام بجانبي فاتحلي أديه
الأشيب: تعالـــي.
- ميلت نفسي عليه وهو سحبني لحُضنه
طابع بوسة عميقة على شعري مستنشق عطره
الأشيب: تصبحين على خير فراشتي.

مورفو: وانت بخير فدعوسي

بس من ينطقها هو أحس فعلاً أني "فراشة"
بس يمة أحس عندي جناح وأكدر أطير ..
أصابعة تخلخلت شعري ومن حركة أصابعة
يسوي مساج للفروة أحس تبنجت وبعدها غُفيت ..
حسيت بعد فترة على أنفاس الأشيب
يم أذني ويتمتم بكلمات ما مفهومة ، همست بهدوء
مورفو: فَــدار.!
- حسيت أيده اللي مطوقتني شدتني عليه
طُبع بوسة جوة أذني وهمس بنفس النبرة
الأشيب: مشتاقلج عائشة.

رجف كلبي مِـنْ سمعت كلامة .!
حاولت أباوع لملامح وجهه وأني أحجي بغصة
مورفو: عمو أنـي مورفو.

أريدة يعرفني.! مورفو اللي بحُضنه مو عائشة؛
أحس أختنگت ما أعرف شصارلي ..
سحبت نفسي مِـنْ بين أديه مبتعدة لطرف
السرير وخليت مخدة بيناتنا .. بُقيت فترة كاعدة
وصافنة مرة أحس روحي تنسحن سحن
ومَرة أبقى ألوم نفسي ليش أضوج؟!
شعور غريب أول مرة أحس بي وما عرفت أفسره وقتها..
غُفيت وأني ضايعة بدوامة أفكاري
ما كعدت إلا على صوت الأشيب ، فتحت عيوني
بنعاس وأنداريت عليه أحاول أركز بكلامة
كان مستغرب وعيونه تتفحص ملامحي بدقة
الأشيب: ليش مخلية مخدة بيناتنا ونايمة بعيد؟

مورفو: ماريد انام يمك بعد

الأشيب: ليش شبيج

مورفو: مابيه بس ماريد انام وهاهي

بدون لا أفكر وأتعمق بالموضوع
قررت ما أنام يمة بعد وشاركته قراري بغباء
وبطريقة ما يحبها وبدون لا أوضح شي..
وخر المخدة وصار بمكانها متقرب مني ،
يمسد على خدي بحنية يحاول يفهم السبب
الأشيب: ليش ضايجة مورفو؟ سويتلج شي أني؟

مورفو: لا بس ماريد انام يمك

هز راسة مبتعد عني وتكلم بجمود
الأشيب: كملي نومتج بعد وقت.

بُقيت أباوعلة لما دخل الحمام وما حاولت أشغل
تفكيري ورجعت حضنت المخدة مكملة نومتي ..
حسيت عليه بعد فترة طابع بوسة على راسي وطلع مِـنْ الغُرفة.
ما أعرف شكد مُضى مِـنْ الوقت
وفزيت على صوت تلفوني ، فتحت خط كالعادة
بدون لا أباوع للأسم وأعرف منو
مورفو: نعم.!

سيماف: العالم تكول هلو صباح الخير صباح الصخام مو نعم

مورفو: وشكو متصله من الصبح شهل ازعاج

سيماف: ساعه بـ11 يا صبح هذا

مورفو: شوكت ما اكعد يبدأ صباحي اني

سيماف: وينه الأشيب عنج مخليج نايمه لهسه

مورفو: طلع ابو حاجب المكطم من الصبح

أبعدت التلفون شوية عن أذني منزعجة
مِـنْ صوت ضحكتها الرنانة
سيماف: شبيج من الصبح؟
مورفو: شلون ترديني أكون يعني وأنتِ مكعدتني مِـنْ أعز نومة؟

سيماف: انجبي حياتي ردت اشوفكم اليوم بالبيت لو لا نريد نجيكم

مورفو: لا نريد نروح لطبيب

سيماف: خير يا ستار شكو

مورفو: علمود ايدي ماكو شي

سيماف: زين باجر شعدكم

مورفو: يمكن خاله نسرين مسويه عزيمه لكرايبهم ع شرف زواجنه الموقر

رجعت ضحكت ضحكة أقوى من اللي قبلها
سيماف: عزة بعينج مورفو روحي حبيبتي روحي هو أنتِ صاحية ولسانج فالت مو عاد هسه كاعدة من النوم

مورفو: هسه اشوف جدول أعمالنه وانطيج موعد

سيماف: تمام حبيبتي يلا اخذي راحتج

غلقتة منها ونهضت للحمام غسلت
ورتبت شعري شلون ما كان وطلعت من الغُرفة
أريد أنزل ، صار بوجهي عزيز أبتسم مِـنْ لمحني
عزيز: شلونج مورفو؟
كملت طريقي دايرة وجهي عنه ، مجاوبتة مِـنْ ورة خشمي
مورفو: مو زينـــة.

يضحك بكل صلافة ، ما أهتميتلة ونزلت
للمُطبخ ، كانو مجتمعين روار وتبارك ووردة ، ركضت
عليه تبارك مِـنْ شافتني دخلت عليهم
تبارك: كوّد مولنك.
مورفو: أحلى مورنك بالدنيا.
تبارك: كُلتلهم أليد أكعدج بس ما گبلو.

مورفو: ماعليج بيهم بعد من ترديني تعالي كعديني

تبارك: اوكي متفكيييين

روار: يابة صباح الخير

مورفو: صباح الخيرات

كعدت وياهم هُمَ منطلقين بالكلام
بس ما كان عقلي يمهم ، كُـل تفكيري كان
بـ الكلمتين اللي نطقها الأشيب ..
رُفعت راسي على الشخص اللي وكف بجانبي
مخلي أيده على كتفي ، كان الأشيب يباوعلي بقلق
الأشيب: تعالــي وياية.
- نهضت بدون كلام صاعدة وياه للغُرفة ،
بُقيت واكفة وسطها وهو سد الباب وسند ظهره
عليه مركز بيه ، أخذ نفس عميق وبعدها أتنهد
الأشيب: شبيج مورفو؟
مورفو: ما بيه شي.

الأشيب: وضعج ما عاجبني من الصبح وهسه جوة كاعده يمهم وصافنه صاير شي

مورفو: لا ما صاير

الأشيب: لعد شبيج؟

سأل بنبرة مختلفة مثل الأب اللي أطفالة تغيرو
عليه بدون سبب ، بُقيت ساكتة ما عندي جواب .!
تقرب مني محتضن وجهي بين كفوف أديه
الأشيب: مو جنتِ تحجيلي كُلشي
ليش هسه ساكتة؟
حتى لو ضايجة مني هم أحجيلي حتى أعرف بشنو ضوجتج.
مورفو: بس ما أريد أنام يمك بعد وهاهي.
الأشيب: ما أجبرج على شي ، كُلشي يضوجج ما يصير بعد.

كان المفروض ينتهي الموضوع عند هذا القرار ..
أحترم قراري ورغبتي بس هذا الشي ما غير
الأحساس اللي داينهش بكلبي .!
أنطاني خَبر بعد الغدة نروح للطبيب بس
عنادي غير كُـل الموازين و وتر أوضاعنا
مورفو: ما أروح بعد ، رجعت ما أحس بيها.
الأشيب: شحجينا البارحة؟
- أنفجرت بوجهه بدون وعيّ مني
مورفو: جان عندنا أمل هسه إلمن رايحيّن؟
أصلاً عُرفتها مِـنْ البداية ماتفيد وما راح ترجع مثل قبل.

كملت كلامي دافعة أديه عني بنتر
وكعدت على طرف السرير منهارة أبجي
كنت أحتاج سبب حتى أبجي براحتي مو علمود أيدي..
بُقى ساكت كُـل اللي سواه كعد بجانبي وسحبني
لحُضنه "ما يدري تصرفاته هذهِ تعلقني بي أكثر"
حاولت أدفعة عني وأنتر بي
مورفو: وخر عني كُله بسببك وخر.

...شدد حضنته عليه مانعني ابتعد وهمس
:-اششش تردين تبجين ابجي بحضني مو وحدج

أستسلمت مِـنْ شفت أصراره بعدم تركي
أبجي وحيدة ، أنهاريت بحُضنه وبُقيت أبجي
لحد ما تعبت يلا سكتت ، رُفع راسي يمسد على
وجهي يمسح أثر الدموع وكان وجه محتقن
الأشيب: أعرف هذه البجية مو علمود أيدج بس ما راح اسألج عن شي بعد ، راح أنتظرج تجين تحجيلي مِـنْ ذاتج.
- نزلت راسي وبُقيت ساكتة
بس رجع رُفعة مرة ثانية يباوع لعيوني
الأشيب: بكُل حالاتج بحزنج وبفرحج ؛ بضوجتج وبأكتئابج وأذا تردين تبجين أو تضحكين.! تجين لـ فَـدار قبل الكُل.
- اومأت بأيجابية ونزلن دموعي مرة ثانية
مسحهن بسُرعة وطُبع بوسات على عيوني أثنينهن
الأشيب: أبوس عيونج كافي بچي.

ضُميت نفسي بحُضنة متشبثة بي بقوة
مورفو: كُله بسببك اني ضجت.
الأشيب: شسويت وضجتي مني مورفو؟ مو نمنا شحلاتنا كُلشي مابينا.!

مورفو: انت ونايم ضوجتني

ضربني بخفة على راسي باعدني عنه
الأشيب: وشلون ضوجتج اني ونايم

مورفو: انت داتخوني فَداااااار

الأشيب: وين خاينج مورفو شبيج؟

مورفو: المهم وخر عني عوفني ضايجه

الأشيب: راح تصيرين كنافه ام الجبن

مورفو: عسا ما اصير كنافه ام الـ.

سكتت قبل لا أكمل جفصتي
رُفــــع حاجبة يتكلم بتحذير
الأشيب: لسانج طـولان.
مورفو: ما حجيت شي ترة.
- هز راسة ونهض
الأشيب: أنزلي أكلي شي لما يصير الغدة
مورفو: ما أريد.

الأشيب: لتعاندين مورفو

مورفو: اريد انام

الأشيب: شوكت كعدتي أنتِ.!

مورفو: نعست

الأشيب: ماكو نوم بعد يلا أنزلي

مورفو: هاي شوف نفسك بعينك ما احجي شي اني

الأشيب: ششوف شبيج

عطت بي بقهر ما أعرف على شنو
مورفو: شوف شلون تغيّرت من تزوجتك.!

الأشيب: مامتغير يالسموات مامتغير

مورفو: لا متغيّــــــر وتصيّـــح عليَّ وفوكاها تخونــــــي هم.

...عاط بيه بعصبية
:-صووووتج صباااااا

انبلع لساني من الخوف بقيت مصتكة بمكاني وعيوني عليه مغرغرة بالدموع شجاني.!
ليش هيج فقدت أعصابي.! ليش تصرفاتي
جاهلة وما مُحكمة.! فرك وجهه بقوة متنرفز
الأشيب: ليش توازيني أرفع صوتي عليج؟
شبيج متخبلة عليَّ اليوم يا عينــــي.
- غيمت ملامحي مقهورة
مورفو: مِـنْ تبطل تحبني تكلي صبا مو؟

الأشيب: اذا صيحت عليج مو معناها ماحبج

فُقدت أعصابي وعقلي
الغيرة عمت على عيوني وقلبي
مسحت دموعي اللي تنزل بدون وعي مني
وعطت بوجهة هاجمة الأول والتالي
مورفو: وشنو فرقك عن عُثمان هسه ها.! شنو الفرق؟

توسعت عيونه مصدوم من كلامي
ضرب على وجهة بـ كفوف اديه اكثر من مرة
وتقرب مدنك كدامي يحجي بعصبية
الأشيب: شسويتلج وتقارنيني بـ عُثمان؟
ليش ما تثمنين كلامج صبا .. مِـنْ الصُبح أتوسل
بيج احجيلي شكو شبيج؟ أريد أفتهم علتج؛
وأنتِ تجين تصيحين وتنترين بيه وما عاجبج كُلشي ..
ليش أني بعُمرج وترفعين صوتج عليَّ؟
تقبلين هسه تبارك تصيح بوجهج وأنتِ رايحة تدورين رضاتها؟

بُقيت ساكتة ومنزلة راسي أعرف غلطي كبير
وجُفصت ببطنه بس كان شي خارج عن سيطرتي..
بُقى واكف يباوعلي ينتظر جوابي مني
بس أني حتى ما رُفعت راسي ، أخذ نفس
وتكلم بهدوء "هذا الهدوء كان عقوبتي"
الأشيب: طالع أني ، أجيج بـ3 نروح للطبيب.

تركني وطلع وأني بُقيت بمكاني
حضنت نفسي وأنهاريت بالبجي مقهورة
منه ومن نفسي لأن حجيت وياه هيج .!
ما سكتت إلا مِـنْ تعبت وبُقيت نايمة
وعيوني بالفراغ ، بعدها أجت وردة أنطتني خبر
خال نسرين تريدني أنزل يمها ..
غسلت ونزلت وياها وواضح على عيوني باجية
بس محد بيهم علق ، أشرتلي خالة نسرين أكعد
يمها ، وأيدها تمسد على ظهري بحنية وهمست
نسرين: شبيج حبيبتي ليش ضايجة.
مورفو: ما بيه شي خالة.
- ما لحت بالسؤال وأشرتلي على الأكل
نسرين: أكلي يُمة ، رحيق كالت ما تريكتي.

هزيت راسي بأيجاب وبدأت أكل
وهي تجيب وتخلي كدامي ، أتنهدت وردة بأسى
وردة: أوف يا زمن شكد أغبر.
روار: هسه يلا حسيتي مو؟ صار يومين أحجي وأكول أمج باعتج بس ما تصدكين.

ورده: ولك روار كسرو كليبي

روار: آه يا ورده حالتج ماتسر العدو

ورده: ولك امي من دمي ولحمي تخوني كدام عيني شلون بيه

ضحكت خالة نسرين فاهمتهم
نسرين: بشنو خاينتج يُمة ، مورفو هم اخيتج.

ورده: لج يمة مو هييييييج احسج لابسه كعب وتتمشين ع كلبي زرفتي تزرف

مورفو: صارلج 18سنه عايشها بـ دلالها انطي مجال لغيرج شويه

روار: ترة وردة حتى احنا حارمتنا من امي ماخذتها حاصل فاصل بس الها.
نسرين: كلكم احبكم يمه بس هذه ماخذتها على كد عقلها.
- عاطت وردة فززتنا
وردة: قصدج أني خبلة؟
روار: وهذا المقصود ، أتمنى من أحجي بالجايات تصدكين مو إلا تشوفين بعينج وتنصدمين بالواقع المُر.
وردة: أويلي على حظج وردة ، أمج شمتت الشماتة بيج أــخخ يا زمن يا أغبر الله لا يوفقك.

مورفو: بعد عوزج بس تكولين طاح حظ الوكت الجاب مورفو يمنه واخذت امي مني

ورده: بعدني استحي منج بالمستقبل راح اكولها

روار: حتى عمها يورج ور

نسرين: عمها منو

ضحك مطمطم الموضوع
روار: قصدي أبو شيبة.

باوعتلة رافعة حاجبي وهو ضحك ودنگ
مغلس عن الموضوع ، وبُقت وردة كُـل شوية تجُر
حسرة واحدة فاگدها ضناها ونسرين تضحك
بسكتة عليها ، أخر شي جرت حسرة قوية
وصدمتنا تبارك مِـنْ عاطت بيها
تبارك: أوف وردة تعبتي نفثيتي.
وردة: هو أني نفسيتي ممرودة مرد مِـنْ ورة بيبيتج.

نهضت من المكان وأشرت لوردة تكعد بي
مورفو: روحي أنطمري بمكانج بس سدي حلكج.
- بحلقت عيونها عليَّ
وردة: عزة طلعت لسان.!

مورفو: احد كلج اني خرسة لعد

طكها روار بضحكة وهي كامت بسُرعة
وردة: وعلي ماكول لا
- كعدت بمكانها وحُضنت أمها تبوس بيها
وردة: دا تشوفين شكد أحبج ست نسرين ؛ تخونيني وأرجعلج.
نسرين: فُضحتينا يُمة صغيرة أنتِ؟
وردة: ما أكدر ما أكدر أذا مو لازكة بيج حتى اللگمة ما أكدر أبلعها.

روار: هي لحست مواعينها وتكول ماكدر منيلج هل كلاوات الشوكة

مورفو: الشوكة شنو

ورده: والحسين اذا حجيت اخلي راسك بالمركه

روار: عود هي اسمها ورده وحركات بس هي تشبهه الشوكة اليابسة

عاطت بي بضحكة
وردة: أبو القوق
روار: أنجبي والعباس أشك حلكچ.
رحيق: ترة لعبتو نفسنا ، خلونا ناكل بهدوء شوية.

وردة: أسكتي أنتِ احنا ما صدكنا رجلج مو هنا تطلعين لسانج علينا بمكانه.
نسرين: كافي يُمة أحترمو النعمة.

مورفو: هي هاي خراطه المصارين شتتأملين منها خالة

الكل ضحك وروار يعيبلها إلا هي بُقت
مبحلقة عيونها عليه بصدمة
وردة: هاي عليَّ؟!

مورفو: لا

ورده: ترا اني اصغر نفر

مورفو: شكو تسألين لعد من تعرفين نفسج

ورده: لج عزة يُمة.! چنتج طلعت متنجرع.

نسرين: شمسوية جنتي تتهمينها

رُفعت أديها وعاطت عياط اللي ميتلة ميت
وراو عاط بيها يريد يسكتها ، ما أهتمت للرزايل
اللي صارت تجيها من الكل وأندارت عليَّ
وردة: لج مورفو ترجعين منين ما أجيتي خوش؟
- قبل لا أنطق دخل الأشيب يحجي وياها بهدوء
الأشيب: تطردين مرتي وردة؟
- ضحكت تتملق وتغيّرت نبرتها 180 درجة
وردة: لا حبيبي ، أني أكدر أحجي؟ بس عفية هو أنتَ متزوجها مو أني ، خَليها تعوف أمي بحالها والله أغار.

الأشيب: مثل ماهي امج صارت ام مورفو هسه

حسيت غيرتها حقيقية والموضوع تعدى مرحلة
المزح ، بُقت ساكتة وهو أبتسملها
الأشيب: تمام؟

ورده: ع راسي انت ومرتك ابن امي الغالي

ضحك وتقرب كرصها من خدها وتوجهه
ناحية الدرج يريد يصعد للغُرفة
طلبت منه خالة نسرين يجي ياكل ويانه بس
أنطاها خبر ماكل برة ، بعد الأكل ما صعدت للغُرفة
بُقيت بالمُطبخ أني وتبارك نباوع بالتلفون
أني نايمة على الكرويتة وهي على أيدي نتفرج مع بعض..
غافية بدون ما أحس على نفسي ، وفزيت على
الأشيب يكعدني كنت وحدي بالمُطبخ حتى تبارك
عايفتني ورايحة ..
الأشيب: ليش نايمة هنا؟
مورفو: جنت أباوع ويا تبارك ما أدري بنفسي.
الأشيب: كومي تجهزي حتى نروح.

جان وجهه ثكيل عليَّ ، تركني وطلع مِـنْ المُطبخ
واني صعدت وراه أخذ ملابس ودخل للحمام
بُقيت واكفة بنص الغُرفة وأتصفن كأن مضروبة
على راسي ، شوية وطلع هو شافني بعدني
على وكفتي ، راح للكنتور مطلع ملابس إلي
وتقدم ناحيتي مخليهن بأيدي
الأشيب: غيري ملابسج يلا وأذا ما كدرتي صيحيلي أساعدج.
- توجهه للمرايا يمشط شعري ويرتب بنفسة،
دخلت للحمام بدلت ووكفت كدام المرايا
شعري مخربط وأني بس أيد وحدة حتى ما أكدر
أفتحة وأظفرة ، والأشيب وجهه ثكيل عليه
مو مال أحجي وياه وأطلب منه يمشطلي ..
أخذت نفس بجزع وطلعت مقررة أنزل
على خالة نسرين تمشطلي ، هو كان كاعد
على السرير وبأيدة مُشط ، أشرلي أكعد كدامة
الأشيب: تعالـي أمشطلج.

أحس فز هجع بكلبي مِـنْ الفرحة
كان مفكر بيه وبحالتي ، كعدت كدامة طايرة
بأهتمامة وهو يمشط بهدوء ، حجيت وياها
أكثر مِـنْ مرة بس ما جاوبني ، كتمت غصتي متسائلة
مورفو: شبيك متغيّر عليَّ؟
- طبطب على كتفي ونهض مِـنْ مكانة
الأشيب: كملنا ، يلا أمشي.

ردت أبجي بسبب مُعاملتة
يهتم بيه بس ما يحجي وياية يحسسني
بالذنب غصباً عليه ..
طلعنا للسيارة والطريق وفترة الأنتظار يم
الدكتور كله ساكتين لا هو حجة ولا أني ..
مَرت فترة ودخلنا مع بعض على الدكتور
والأشيب شرح حالتي بالتفصيل إله ..
طُلب نسوي تحاليل وأشعة والأهم رنين ..
كملناهن وبُقى بس الرنين
الأشيب: الرنين لازم بالمُستشفى.
مورفو: أكره المُستشفيات.
الأشيب: تحمليها نص ساعة.

توجّهنا للمُستشفى كانت قريبة ،
وهم كعدنا فترة ننتظر ، بعدها دخلنا
كانت الغُرفة مقسومة نصفين بحاجز زُجاجي
عازل للصوت ، جهة كاعدة الدكتورة والجهة الثاني
تحتوي على جهاز الرنين ، طُلبت مني أدخل لغُرفة
الجهاز وبس لمحته عيني أختنكت تحسه قبر ،
باوعت للأشيب والرفض واضح بعيوني
مورفو: ما أريد عفية أمشي نرجع.
الأشيب: لا تخافين مورفو ، شلون يكدر يعالجج لعد أذا ما نسوي كُـل الأجراءات اللازمة؟

بُقيت رافضة والأشيب يقنع بيه
مُضت دقايق والدكتورة مِـنْ يمها زهكت
وطلبت نقرر بسرعة يا ندخل لغرفة الرنين يا نطلع ..
والأشيب بيضت عيونه يلا قبلت أدخلها للغُرفة
وهو وياية لازمة أيدة بقوة ما أريدة يروح..
ساعدتنا مُمرضة موجودة هناك
صعدت على السدية اللي تدخل بنص جهاز الرنين
ثبتت أيدي مثل ما يردون وبعدها خلت
سُماعات كبيرة على أذاناتي ، كانت فاتحة قُرآن
دائماً نسمعة بالفواتح ..
خاف كنت عايزة شوية فهي زادتها عليَّ..
مسد الأشيب على شعري يحاول يطمني
الأشيب: لا تخافين شوية وتطلعين ، راح أنتظرج برة.

مورفو: ابقى يمي عليك الله والله خايفه

الأشيب: ميقبلون بنياتي بس راح اوكفلج وره الجامة تكدرين تشوفني

أقنعني وطلع ، صار وره الجامة يباوعلي ..
أشتغل الجهاز وتحركت بيه السدية للداخل
لما صرت كُلني داخل تجويف الجهاز ..
ما كدرت أشوف شي بعد حتى الأشيب ؛
الصوت كان مُخيف بشكل يضرب بالراس
الغُرفة كُلها تهتز مِـنْ شدته .!
مُضت تقريباً نصف ساعة يلا طُفى ..
طلعوني منه ودخل الأشيب ويا المُمرضة حتى يساعدني،
كنت دايخة والدنيا سودت بعيني
أول ما وكفت على حيلي طحت مغمي عليه
فاقدة حسي لكل الأشياء اللي حواليا...
فتحت عيوني بعد فترة راسي بحضن الأشيب
تحركت متألمة وهمست
مورفو: راسي راح ينفجر.
- كان يحاول يطمني رغم الخوف اللي مستوطن عيونه
الأشيب: شوية ويهدأ لا تخافين .
- رجعت غمضت عيوني أحس نفسي مسطورة
أسمع الدكتورة تحجي وياه وتطمنه الرنين مابي شي
وهو تشكر منها ، وسألني
الأشيب: مورفو تكدرين تمشين؟

...هزيتله راسي بـ لا شالني بحضنه وطلع دفنت راسي بركبتة وهمست
:-عمو ريحتك طيبه

الأشيب: عطر هذا
مورفو: ريحتك الأصلية هاي

ما أدري شنو داعي كلامي
بس ما حبيت يُبقى بكلبي مِـنْ شميت عطره ..
غلس هو ما جاوبني وصعدني السيارة ،
جابلي عصير وحلويات شربت بس العصبر وأحس
شوية صحصحت بس راسي بعده يوجعني ..
و كُـل ما أشكيلة يوضحلي بسبب جهاز الرنين
الأشيب: مِـنْ صوت الجهاز بس نرجع للبيت تنامين وراها ترتاحين.

مورفو: عمو انت تحبني مو

هز راسة بأيجابية بدون لا يحجي شي
مورفو: لعد ليش متحجي وياية؟

الأشيب: ليش مو داحجي

مورفو: بس من ورة خشمك

سكت ما جاوبني ، وأني هم ما لحيت
لأن راسي كان مصدع وما إلي نفس حتى بالكلام..
رجعنا للدكتور وبعد ما شاف الأشعة والتحاليل
والرنين كـــــال
الدكتور: الكسور كانت قوية ومتأذية
ولحد هسه العظم ما ملتحم ، راح أنطيها علاج
لفترة 10 أيام وترجعولي أذا ما جابر الكسر راح
نفتح التجبير ونعيـــده.

الأشيب: دكتور هي ماتحس بـ ايدها من نكسرت لهسه بس البارحه حست بوجع شويه وهاهي

الدكتور: اي طبيعي هل شي وممكن حتى بعد ما تفتح التجبير تبقى فترة متكدر تحركها هم وبالنسبه للوجع دام حست مرة معناها راح ترجع تحس واحتمال هل فترة يلا يبلش وجعها الحقيقي الي جان المفروض تحس بي من البداية

الأشيب: اذا صارت توجعها شلون ما تتحمل اذيه هي

ابتسم الدكتور وأنطاه خبر راح يكتبلي
مُسكنات وهم طلب منه يهتم بطبيعة أكلي
ويكثر فواكهه وحليب حتى يساعدن بجبر العظم ..
أخذنا الوصفة وطلعنا بعد ما تشكر منه
الأشيب ، أخذ العلاج مِـنْ الصيدلية
وكانت ليل لأن المشوار كان طويل ..
بطريقنا ونحن راجعين للبيت أتصل روار على
الأشيب يسأل شوكت نرجع؟
الأشيب: بـ الطريق ليش؟

روار: اكو خطار جاي عليكم

الأشيب: منو

روار: ماعرفهم كالو جايين ع الأشيب وكاعدين ينتظروكم

الأشيب: ماشي

ما أهتميت لأن شي طبيعي يجيهم
خُطار ، بس من وصلنا ونزلنا أستقبلتا روار
عند الباب وكان مستغرب شوية
روار: كاعدين بالأستقبال ويردون يشوفون مورفو هم.
- عگد حاجبة الأشيب مستغرب
الأشيب: مورفو شكو؟

ما أنطاه مجال يجاوبة
وخطى خطوات سريعة ناحية الأستقبال
ووجهلي كلامة بدون ما يباوعلي
الأشيب: أصعدي لغُرفتج مورفو.
- بس فضولي كان أقوى.! منو هذا اللي
جاي يشوفني بعد هذهِ السنين كُلها؟
منو بحالي ويدروني ويجي لبيت الأشيب فوكاها؟
ركضت وراه للأستقبال وروار صاح عليَّ
روار: لا تعاندين مورفو مو كال أصعدي لغُرفتج؟

مورفو: خل اشوف منو هذا الي رايدني

تركته ودخلت ورة الأشيب
وجمدت بمكاني عند زاوية الباب مِـنْ
شفت "عمي عبد" ووياه ولد بعُمري توقعت هذا
أبنه ماهر .! بُقت عيوني متشخصة عليهم
شلون عرفو مكاني؟ وشيردون مني بعد هذهِ السنين؟
باوعلهم الأشيب بأستصغار
الأشيب: خيـــــــــر يا طيــــر.!

عبد: شو ما تحترم انت بعمرك تحجي ويايه هيج

الأشيب: بدون تمسلت وكول من الاخير شرايد وشجابك

عبد: جاي اخذ بنت اخوية

الأشيب: لا والله شو واثق من نفسك

عبد: بنت اخويه واخذها غصبا ع اكبر راس

الأشيب: منو الي قبل فترة يكول اني ماعندي بنت اخ

بُقيت مصدومة شوكت صار هذا الكلام
وما نكر.! نزل راسة مُذنب
عبد: جنت مجبور ما أكدر اخذها يمي.

الأشيب: اي لان حضرة زوجتك المحترمة ما تحبها مو؟!

ماهر: هي مو ما تحبها بس لان امها رادت تزوج ابوية

الأشيب: من تحجي الزلم انت تسكت خوش، ولو ماكو زلمه كدامي

عبد: شوف اني عرفت انت مبقيها يمك لان صفت وحدها وعثمان مات بس خلص بعد اني راح اخذها يمي ما تحتاجك

طلع جگارة الأشيب ورثها ماخد نفس عميق
منها وزُفرة بهدوء أتجاهمّ ، كعد على جهة مخلي رجل
على رجل ، بس ما شافني إلا مِـنْ لمحني عمي
وأبتسم يتودد مأشرلي أتقرب منه
عبد: مورفـو.
- أندار الأشيب ناحيتي بسُرعة وخزرني
الأشيب: أرجعي جوة صبا.
عبد: بأي حق تمنعها مني؟ ترة أني عمها مو غريب.
الأشيب: شوف أبو ماهر خلينا نحلها بالطيب
تاخذ أبنك وتطلع منا وتنسى مثل ما جنت ناسي
كُـل هذه السنين أنُ عندك بنت أخ ..
واللي يسألك عليها تجاوب مثل ما جاوبتني
قبل فترة حتى ما تشوف وجهة أبو شيبة الثاني
لأن صدكني ما راح يعجبك.

ماهر: احنه ما جايين نتعارك جايين ناخذ مورفو ونروح لا مشاكل ولا هوسه

الأشيب: اوووو طلع عدها ابن عم كفووو لدرجة 12سنه عايفها يم رجال غريب وما شالته غيرته عليها وطلعها من يمه

ماهر: ما جنه نكدر لان امي ماتقبل

الأشيب: وهسه شتغير صارت ملاك امك لو شنو

ماهر: توفت قبل ايام

سحب نفس الأشيب من جكارة وزفره بـ اتجاه ماهر
الأشيب: يعني هسه مخلينها بجهنم

ماهر: احترم نفسك ولا تجيب طاري امي

نهض بحركة سريعة على ماهر
لازمة من مُقدمة ملابسة وضرب ظهره بقوة بالحايط
الأشيب: أسمع الكلام وصير حباب
أخذ أبوك وأطلع منا ، ماعدكم شي يمي يلا.
- دفعة ناحية عمي بقوة وصاح بيهم
الأشيب: طلعو برة چــــــلاب.!

عبد: بيناتنه المحاكم وراح اخذها غصبا عليك

ضحك الأشيب مستهزأ
الأشيب: شتكللهم اريد زوجتة؟
- بحلق عيونه عمي مصدوم
عبد: تزوجتها؟
الأشيب: شتكول أنتَ؟
عبد: وبيا شرع يزوجونها الك بدون وكيل وهي طفلة؟
الأشيب: والله تضحك، شكد مهتم لبنت أخوك لعد.!
لدرجة ما تعرف شكد صار عُمرها ، وهسه فارك لا تخليني أهيــن شيباتك.

تقرب ماهر ناحيتي يريد يحجي
ويايه بس الأشيب ما أنطاه مجال يخطي
خطوة وحدة ، سحبة مِـنْ ملابسة ودافعة
ناحية الباب بقوة لدرجة أختل توازن ماهر
الأشيب: ممنوع تحجي وياها حرف أفتهمت لو لا؟
- بس ماهر ما أهتم وبُقت عينه عليَّ
ماهر: مورفو أحنا أهلج تعالي ويانه مكانج يمنة.
- غضب الأشيب وصاح بيهم بصوت يرعب
الأشيب: أهل لو كـو**** أنتو.! أطلع برة ساقط أبو ******.

تقدم عمي سحب ماهر وطلع بعد
ما تعرضو لأهانة مِـنْ الأشيب طول عُمرهم
ما ينسونها ، بُقيت مصكطة بمكاني أرجف
مِـنْ الموقف وهوسة صارت براسي.!
شلون عرف مكاني؟ وليش هسه يلا يريد يرجعني؟
حسيت على الأشيب وكف كدامي يسأل
بخوف عن حالي بس ما جاوبتة ، أنطيتة
ظهري ورجعت للصالة وأسمع صوت خطواتة وراية ..
صارت عيني على عزيز اللي كاعد بالصالة
الجگارة بحلكة وأبتسم بحقارة أبتسامة
وضحت كُـل الحقيقة ووضحت سبب الموقف اللي صار.!
عزيز اللي وصللهم أخباري بس ليش؟
مِـنْ حرقت كلبي وشوغة روحي سحبت شال
رحيق اللي شامرتة على أكتافها وشُمرته بوجهه عزيز
مورفو: ألبسه وغُم روحك يا عار الزلم.

الكُل أنصدم مِـنْ تصرفي وهو طفر مِـنْ
مكانة صاح بيه بصوت عالي رج البيت
عزيز: مورفـــــــو.!
- ما هزني ولا خوفني صوته العالي
دفعة الأشيب مِـنْ صدرة بقوة باعدة عني
خطوات كثيرة ورُفع أصبعة السبابة بوجهه
الأشيب: حسابك راح يكون جبير عزيز.

كنت أغلي ونار وجت بكل أطرافي
تجاهلت تسائلات البقية وضجتهم اللي
صارت بسبب تجاوزي على عزيز ..
درت وجهي أريد أصعد لغُرفتي وأستوقفني
صوت عزيز يتكلم بنفس نبرة الأستهزاء
عزيز: أنتِ هم جنتِ عايشة يم واحد عار وفوكاها مُجرم.

شهكن نسرين وسهاد بنفس الوقت ووحدة منهن لُطمت على صدرها متفاجئة
نسرين: مُجرميش شبيكم تخبلتـــــو؟!

الأشيب: عزيز حجاية وحده بعد اكص لسانك وما توكف بعيني خوتك

...ضحك باستهزاء وكال
:-ليش تستحي من ماضي مرتك الي جانت عايشة يم واحد مغتصب

الأشيب: عزييييييز لا تخليني اطيح حظك

عمران: السالفه بعد ما ينسكت عنها شصاير واحدكم يريد ياكل الثاني شكوووو

الأشيب: وين ما جانت عايشة وشنو ما جانت تبقى مرتي اني ومايهمني لا انت ولا الأكبر منك افتهمت لو لا

نسرين: هسه غير نفهم شكو شبيكم

...تقرب عزيز من خاله نسرين دنك راسة يم اذنها وعينه بعين الأشيب واردف بابتسامه
:-مرت ابنج الغالي 12 سنة عايشة وي مجرم ومغتصب وتاجر مخدرات ووحش مال نسوان وحدهم، تتوقعين شنو ماضيها؟!

يتبع......

..

- لا تنسون التصويت
+تعليقاتكم الحلوة حبيبيني 🤎.

- حساب الأنستا itsara.kh
قناة التلي itsara105