الأشيب الفصل الثامن عشر 18 - بقلم سارة الحسن

﷽

الكاتبة:
"سـارة الحـسن"

-لا تنسون التصويت والتعليق بيـن الفقــــرات
+متابعة الحساب itsara_kh

Instagram: itsara.kh
Telegram: itsara105

..

كان عزيز بُركان ثائر يقابلة جليد
مِـنْ ردة فعلة مِـنْ صوتة العالي مِـنْ غضبة
واضح اللي صاير شي كبير وخطــر.!
كنت خايفة مِـنْ اللي دا يصير وزاد
خوفي ورهبتي أكثر كلام الأشيب مِـنْ وكف
والأبتسامة مرسومة على وجهة بأنتصار
الأشيب: كتلك أكسر ظهر اللي يندك بمورفو.
- صاح بي بقهر
عزيز: اللي سويته مو لعب.!
تعرف أذا حالوني محكمة عسكرية شيصير بيه لو لا؟
- رجع الأشيب كعد بمكانة مورث جگارة وجاوبة بهدوء
الأشيب: حذرتك تندك بأبو شيبة.

عزيز: شتريد و تطلعني منها

الأشيب: ما تطلع

دخل عمران والغضب اللي مستوطن
عيونه مو أقل من غضب عزيز ونتر بـ الأشيب
عُمران: هي هذه سالفة واحد يسويها؟
تريد تجيب نهايتة.! ولك حتى أحنا راح ننضر بيها.

الأشيب: وانت شكو

عمران: هااا احنه شكو ومن راح يحيلو محكمه عسكرية وينفضح وتطش السالفه بكل الامه العربية ما راح يكولون هذا يعود للضابط عمران والأشيب لو هاي ما فكرت بيها

الأشيب: لا راح يكولون هذوله شريفين وسلمو اخوهم بيدهم للحق

عزيز: بس هذا اتهام باطل انت تعرف كلش زين اني ماعندي تعاون وي اي جلب ولا مجرم ولا صخام ليش تسوي بيه هيج

قوس حلكة بحركة ذات معنى
الأشيب: حذرتك بس انت غبي

شبت النار بيناتهم ، دخلت خالة نسرين وسهاد
الدموع مغركة وجوهن وحيلهن مهدود
سهاد: يُمة والله حيلي راح شبيكم متذابحين.
- أنفجر عزيز أنفجار الحِمم البُركانية
عزيز: شبينــا بعـــد شبينـــا.! أبن أختج ذاب تُهمة براسي توديني ورة الشمس شبينــا يعنـــــــــي؟!

كنت متعجبة بتصرف الأشيب..
عمران: أنهي هذه المهزلة وطلعة منها لا تكبر السالفة مو هيج اللي يعاقب.
- رُبت زياف على كتفة أيضاً
زياف: أخوك هذا لا تضيع تعب سنينه هيج.

بُقى الأشيب ملتزم الصمت وهُمَ يتلاطمون
واحد يرفع والثاني يكبس ، خلاهم طشار وهو
مكتفي بأبتسامة على شوغة عزيز ..
عزيز: شتريد أني حاضر بس طلعني منها.
- نهض الأشيب مِـنْ مكانة وحضني مِـنْ أكتافي
الأشيب: حياتك بـ أيد مورفو هسه.

أنصعقت وأتمنيت الأرض منشگة وبالعتني
قبل لا أنحط بهيج موقف .!
كُلها صارت عيونها عليه ونظراتهم زادت رجفة
كلبي .. فكرة وحدة أجت على بالي وهي العائلة
راح تكرهني بسبب هذا الموقف.!
ثبتت نظراتي على عزيز مِـنْ بطلع ريگة أحسه
يريد يبجي مِـنْ كُثر ما مقهور على وظيفتة ؛
ما كان ينظرلي غير بنظرات توسـل
عزيز: أسف مورفو.
- يُعتبر كرامتة أنسحلت وأكد هذا الشي
مِـنْ دار وجهة بسُرعة قبل لا يسمع جوابــي
الأشيب: بس أسف؟ غير تطلُب منها.
- حسيت عزيز راح ينفجر لأن حسب طبعة وشخصيتة
صعب وكلش صعب ينزل نفسه لأحد ؛
بس الأشيب حصره بزاوية خلاه يحس الموت
أهون مِـنْ هذا موقفة ، رجع باوعلي محتقن
عزيز: شتردين أني حاضر ، ولو يرضيج بحياتج ما تشوفيني بعد.

بُقيت ساكتة والأغلب توقع دا أفكر
بس الحقيقة مِـنْ دهشتي بالموقف
ومن صدمتي بقساوة الأشيب على عزيز.!
تقدمت خالة سهاد على الأشيب تبجي منهارة
سهاد: بروح أبوك لا تضيعة هيج ، ولك هذا هم أخوك.
- أحس كلبي أنمرد عليها وكيف حالها يبجي
الصخر بسبب أنهيارها على أبنها ؛
رُفعت عيني على الأشيب مستجمعة قوايّ
ونطقت كلماتي بس غدرتني وطلبت بهمس الخايفة
مورفو: طلعة منها خطية.

ما ناقشني أكتفى يهز راسة بقبول
ويندار على عزيز يحجي وياه بتهديد وتحذير
الأشيب: هذه أخر مرة تندك بـ مورفو وتحاول تخليها بموقف صعب أو تحاول تحرجها بسوالف طايح حظها ، أبتعد عنها وعن كُلشي يخُصها الف متر لأن مرة ثانية ما تحس نفسك غير بساحة الأعدام.

ما نطق ولا حرف رغم النار والشرار اللي
مستوطن عيونه، هز راسة وطلع مِـنْ المكان
وطلع وراه عُمران ، صُفگ روار أديه وصاح
روار: يلا تطشرو خلصت المسرحية.

ضحك الأشيب وأني ندستة مِـنْ كتفة أهنس
مورفو: خطية خالة سهاد أحجي وياها.
- تقرب منها طابع بوسة على راسها يحجي وياها بضحكة
الأشيب: شبيج الحنينة عليمن هذه الدموع؟
سهاد: ليش هذا الكُره لو ما أخوة أنتو.!

الأشيب: مو كرهه خاله بس عزيز يرادله شده اذن بين فترة وفترة حتى يصير ادمي ويجر عدل

كانت تعاتبة وتبجي وأكيد حقها
لأن عزيز أبنها وتحبه حُب عظيم ..
أخذتها خالة نسرين وطلعن مِـنْ الأستقبال
زُفر انفاسة زياف بأرتياح وباوع لسيماف
زياف: ها سيماف نشرد لا؟
سيماف: خلصت هي شبُقى.
- أندار علينا أني والأشيب
زياف: تحجولنا شصاير لو لا؟

مورفو: اني احجي لسيماف وهي تحجيلك

زياف: بعد احسن لان سيماف تسوي بيها اكشن أنتِ فاهية.

مورفو: شبيك ابو زلوف

ضحك ورجعو كعدو نفس كعدتهم
وأني وسيماف كعدنا وهي تباوعلي بفضول
سيماف: شكو شصاير؟ احجي
- حجيتلها شنو صار وشعمل عزيز
وكيف طلع يحبني وتواصل ويا عمي حتى
ياخذني وما يبقيني عند الأشيب ،
صُفنت ما مستوعبة
سيماف: هو وين يعرفج حتى يحبج؟

مورفو: من بقيت يمهم أسبوع

سيماف: شهل مشاعر الخرطي من اول اسبوع يحب

مورفو: مو هنا المشكله اني الي مخبلني راد يأذيني وبالاصح اذاني شلون يحبني ويسوي بيه هيج ويجيب عمي حتى ياخذني

سيماف: خاف مو عاقل هذا

مورفو: هي اكيد مو عاقل طاكات فيوزاته، لج فد مستفز حتى من يحجي وياج عادي يستفزج

سيماف: خيولي لا تهتمين ع هل دكه الي سواها بي الأشيب بعد بحياته ما يتقربلج

مورفو: اي ان شاء الله

أنتبهت للحلقة اللي بأيدي سحبتها
مركزة بيها وضحكت
سيماف: واو صار بيها حلقات.
مورفو: على كولة خالة سهاد لعد ليش خمو ماخذيني فصلية.
سيماف: تجنن بالعافية.

مورفو: جانن ثنين عاجباتني واخذهن الي ثنينهن

سيماف: هلوووو صاير رومانسي ابو حاجب المكطم

مورفو: لا تحجين ع زوجي سيموو

سيماف: أنتِ مو تكولين على زوجي ابو زلوف لعد؟

مورفو: أنتِ تقبلين اني ماقبل

سيماف: انجبي غصبا عليج وكومي شوفيني ششتريتي بعد

مورفو: وشعليج شهل حشرية اوي

سيماف: راح اترس حلكج قنادر ترا وكومي

مورفو: العفو منج يلا كومي

ضحكت ونهضنا نريد نصعد لغرفتي
صاح زياف ورانا يسأل وين رايحين
زياف: ويـــن؟

سيماف: هسه نجي

زياف: لا تتأخرين حتى نروح

مورفو: لاااااااا شنو ترحون باتو يمنه عليكم الله

زياف: لا والله اعذرينه منكدر

مورفو: ننطيكم غرفه والله وباتو يمنه

ضحك بصوت عالي هو والأشيب
زياف: عندي شغل مو عن شي.
- سحبتني سيماف مشيتني وياها
سيماف: أمشي راح يلهينا.

تركناهم وصعدنا للغُرفة ، الأغراض كانت
على حطتها ، طلعناهن مِـنْ الأكياس تشوف
وترتب وياية وتضحك وتقشمر صدك غيرتلي نفسيتي
رُفعت كدامها تراك لون أخضر
سيماف: هذا أذا لبستي تصيرين وردة "الراس بُرتقالي والعود أخضر"

مورفو: داتتنمرين لو تتغزلين لو شنو حددي

سيماف: لا اتغزل

مورفو: ابد ما حسيته هيج

سيماف: لان هو ابد مو هيج

ضحكت ضحكتها الرنانة وكملت
تشوف البقية ، كان من ضمنهن تراك بنفسجي
سيماف: هذا أذا لبستي راح تصيرين صُدك ماشا.
- سحبت كيس مِـنْ مالات الأشيب وضحكت
مورفو: شوفي هو أخذ تشيرت جوزي راح يصير صُدك دُب.

صرعت راسي بالضحك
سديت حلكها بسرعة صوتها فضحنا وأحنا
قبل دقايق طالعين مِـنْ هوسة شكبرها
سيماف: عزة متت.. تلبسوهن وتطلعين أنتِ
تمشين وراه وتلغين وهو بس مبتسم ..
يُمة راح أمــوت والله نُسخة.

مورفو: عليج الله لا تشتغلين مو وكتج ترا متضحك هكد

أستمرت تضحك ما أهتمتلي
وشبهت تصنيف علينا ، ما سكتت ألا من أتصل
عليها زياف وطلب منها تنزل حتى يروحون ..
نزلنا وهُمَ كانو طالعيــن واكفين بالباب
سيماف: واكف بالباب حتى خاف سيماف تفكر تكعد.

زياف: ما شبعتن سوالف صار ساعه اني والأشيب مخلصين سوالف وصافنين

مورفو: هو انتو شنو سوالفكم غير الشغل

زياف: وانتن شنو سوالفجن غير النميمه والتنمر وحش بالعالم

مورفو: اي صدك سيماف جانت تتنمر عليه وع الأشيب

الأشيب: ليش سيماف شمسويلج

سيماف: مشترين ملابس بلون ماشا والدب هههههههههههههه

أنفجرو ضحك هي وزياف والأشيب هز أيده يباوعلي بلوم
الأشيب: هو صوجها لو صوج الليّ يشوفها.

مورفو: شعليه هي شافت

الأشيب: منو صعدها للغرفه

مورفو: ترا غرفتي هم مو بس غرفتك اصعد اليعجبني

الأشيب: لا تخليني حتى أنتِ ما افوتج للغرفه

مورفو: والله افوت مو بكيفك

الأشيب: خوووش لعد

مورفو: لا تصييييح عموووو

الأشيب: وين مصيح بنت الاوااااادم

مورفو: هي هاي نتائج الزوااااج داتشوف بعينك موووو

فزينا على صوت ضحكة سيماف
وهي تحلفنا نسكت لأن راح تنتهي من الضحك
مورفو: أرتاحيت سويتنا مضحكة.

الأشيب: اسالي نفسج تالي عمري صرت الدب من وراج لعد

مورفو: هاي شبيك ليش هيج تحجي ويايه والعباس ما ابقى يمك

الأشيب: وين تروحين

مورفو: وي زياف وسيماف لو تموت ما ابقى يمك بعد

عفتهم وطلعت امشي بـ اتجاه السياره صاح ورايه يضحك
الأشيب: لا تتخبلين مورفو.
- ما أهتميتلة وصعدت السيارة دايرة وجهي
عنه ، هو أجة وراية فتح الباب يضحك
الأشيب: أنزلي وين رايحة.

مورفو: مابقى يمك بعد اشبع بغرفتك

الأشيب: أنزلي مورفو أتشاقة وياج.

مورفو: مانزل عوفني

الأشيب: لعد اني هم اروح وياج

مورفو: ترا اني هاجه منك وين تروح ويايه

ضحك ولزم ايدي يريد يطلعني
الأشيب: أنزلي بنياتي وين اكدر بدونج اني

مورفو: ليش تصيح عليه كدامهم لعد

الأشيب: اعوفج تصيحين وحدج لعد

مورفو: ما مصيحـــــة أنـــــي.

الأشيب: دخيلك ياعلي شداتسوين لعد تغردين

مورفو: شو تستهزأ بيه عمو

الأشيب: لا هو أنتِ طير الشوك والطير شيسوي غير يغرد

مورفو: لا يوصوص

الأشيب: أخ يا لساني وأوف من لسانج ؛ أنزلي لا تشلعين كلبي.

مورفو: الغرفه غرفتمن؟!

الأشيب: غرفتج

ابتسمت بأنتصار وهو ماخذني على كد عقلي
نزلت وياه نباوع لزياف وسيماف اللي منتهين من الضحك
زياف: تضلين طول عمرج قشمر.
- أشرلة الأشيب على السيارة
الأشيب: توكلو يلا ، أضحكو بِـبيتكم لعبتو نفسنا.

ضحكت سيماف وصاحت
سيماف: هل أصطدت سمكة؟
زياف: لا

سيماف: طيب والان

حجوها وأنفجرو ضحك ، سحبني الأشيب
يريد يدخلني البيت
الأشيب: أمشي هذولة فصلوا بعد.
- دخلنا البيت وتركناهم ، وصاح زياف يسمعنا
زياف: طيـــــب والآن؟

ضحكنا لسوالفهم ودخلنا البيت
مورفو: عادي سؤال؟
الأشيب: مِـنْ شوكت تستأذنين جديدة هاي.
- أبتسمت وبسرعة رجعت لجمود ملامحي متسائلة بجدية
مورفو: عود صدك أتهمت عزيز هيج أتهام يضيعة لخاطري؟
الأشيب: جانت لعبة ماكو شي حقيقي وفعليّ ، هم حتى يعتذرلج وهم ياخذ حذرة يندك ببنيات الأشيب بعد.
مورفو: ويلوموني.

توسعت أبتسامتي وهو أبتسم ما فاهمني
الأشيب: على شنو؟

ويلوموني مِـنْ ضعت بيك.!
بس ما كدرت أنطقها ؛ أبتعدت عنه ساكتة
من أجتنا تبارك تركض وتباوع للأشيب
تبارك: ها خالــو أخذها؟

الأشيب: اخذيها بابا بس لا تتأخرون

تبارك: لا منتأخل شُكلاً.

سحبتني من ايدي فرحانة
تبارك: تعالي نلوح بغلفة ولدة.

صعدت وياها لغرفة وردة وكانت هي ودينا
لابسات تراكات نفس الشي ، ضحكت على شكلهن؛
شُمرت عليه وردة كيس
وردة: لا تضحكين راح تلبسين مثلنا، هذا وصيناه الج وبي نفس جواريبنا والطاگية ، ألبسيهن وتعالي.

تبارك: وين مالتي اني هم اليد ابث

اخذت تبارك تراكها واني اخذت مالتي وطلعت لغرفتي حتى ألبسة ؟ رتبت شعري وخليت عطر ، بعدني أباوع
لنفسي بالمرايا فرحانة بيهن ودخل الأشيب ،
أبتسم من شافني وتقرب مني
الأشيب: هذا اللي جابتة تبارك؟

مورفو: هاي شمدريك

الأشيب: هي كالت ورادت تاخذج يمهن اليوم عدهن سهره بنات

مورفو: أي كُلنا لابسين نفس الشي

سحب الطاگية من ايدي ولبسنياها
الأشيب: يلا روحي

مورفو: راح تنام

الأشيب: اذا تأخرتي تلكيني نايم لان تعبان

هزيت راسي بأيجابية وهو مسد على خدي بحنية
الأشيب: ليش محتاجة شي؟

مورفو: لا بس حتى اكلك تصبح ع خير

ابتسم وطُبع بوسة على خدي
الأشيب: الخير بوجهج فـراشتي

أحس السعادة غُمرت كلبي
حجايات بسيطة منه تطيرني وتاخذني لعالم ثاني..
رجعت يم البنات وأكثر وحدة كانت تجنن بينا هي
تبارك هلكدوتها وتطفر فرحانة ، بُقينا كاعدين
وسوالف وضحك ، بعدها دينا أقترحت نلعب
دينا: خلِ نلعب محيبس عليكم الله.
وردة: شكد قديمة أنتِ.

دينا: احبها خل نلعب حبابين

تبارك: يلا نعلب شعدنا.

جابت محبس صغير ، صرنا أني وتبارك فريق
ودينا ووردة فريق ، كالت دينا بشقة
دينا: راح نفوز عليكم لأن مورفو تك أيد.
- بهتت ملامحي وتذكرت أيدي اللي ما أحس
بيها ، بُقيت صافنة بوجها روحي وجعتني ..
أختفت ضحكتها مِـنْ شافتني هيج وتكلمت تبرر
دينا: مو قصدي والله ، جنت أتشاقة.

أعرف مو قصدها وأعرف شقة
بس مو بأيدي تغيّر حالي وما كدرت أرجع
طبيعية ، خصوصاً بعد ما حسيت بيها مِـنْ يوم
اللي وجعتني ، حاولت وردة تلطف جَـوّ
وردة: ترة عادي ، هُن يلعن بـ3 أدين وأحنا هم حتى نتساوى.

مورفو: خربت واهسي حروح انام

دينا: والله مو قصدي شبيج

نهضت مقهورة مو منها وأنما مِـنْ حالتي
أسمع تبارك تحجي بضوجة
تبارك: خلبتي سهلتنا عمة.

وبالأصح أني اللي خربتها بحساسيتي الزايدة
بس كان شي خارج عن أرادتي..
رجعت للغُرفة والخنگة وصلت بلعومي ذبحتني ؛
كان الأشيب نايم ، كعدت بجانبة وندستة
مِـنْ كتفة أحجي وياه بصوت محتقن
مورفو: فَـــدار.
- فز مِـنْ نومتة يباوعلي بقلق
الأشيب: ها بابا.!
- شهگت مِـنْ نزلت دموعي وهو نهض
بسُرعة مشغل التيبلام
الأشيب: شبيج مورفو؟
- مِـنْ شافني ساكتة وأبجي ما كدرت
أحجي بسبب الغصة ، سحبني لحُضنه
سالأشيب: لا تبجين بنياتي بس أحجيلي شبيج.

مورفو: اريد ايدي عمووو ليش لسه ماحس بيها

شدد حضنتة مِـنْ فهم العلة
الأشيب: لا تبجين والله ما بيها شي ،
وراح ترجع مثل قبل أن شاء الله ، ما سمعتي الدكتور
شكال؟ مو كال دام حست بيها راح ترجع تحس وهذه الأيام يبلش وجعها.

بُقيت ساكتة وبس أبجي وأشهك
رُفع راسي محاول ينسيني الموضوع
الأشيب: مو جنتِ سهرانة ويا البنات شذكرج بيها؟

مورفو: دينا تكلي مورفو بتك ايد

الأشيب: باجر اطيحلج حظها

مورفو: لا كالت مو قصدها

مسح دموعي
الأشيب: تعالي نامي لا ترحين يمهن بعد

مورفو: ضمني بحضنك

أبستم وسحبني لحُضنه يبوس براسي
بعدها أصابع أيده تخلخلت فروة شعري
وبُقى يسويلي مساج بهدوء لما غُفيت ..
ما كعدت ألا على صوت الأشيب الصُبح يكعدني
مورفو: أممممم
الأشيب: راح اطلع اني واحتمال اتأخر هم
-فتحت عيوني منعسة
مورفو: بيش الساعة؟
الأشيب: بـ6 الصبح.

مورفو: وين تريد وشوكت ترجع

الأشيب: شغل واحتمال لليل يلا أرجع.

مورفو: هواية فدعوس

ابتسم وهو يمسد على شعري
الأشيب: راح اتصل بيج كل ما تصيرلي فرصة

مورفو: وخاله نسرين راح تضوج عازمه كرايبك اليوم عود لان تزوجت

الأشيب: ماحب هاي السوالف اني وبعدين أنتِ بمكاني تكفين وتوفين

مورفو: اذا طلعو زعلانين منا اني ماعليه

ضحك وتقرب باس راسي بقوة
الأشيب: يلا نامي رايح اني

مورفو: احضني شويه

سحبني من مكاني لحضنه حضني بقوة وهمس
الأشيب: اروح فدوة للبنيات

يعاملني كطفلة يضيعني بحنيتة
وأهتمامة ؛ يخليني أطغى بالدلال والدلع
بدون ما يحس على نفسة ،
رجعني لـ مكاني وغطاني زين
الأشيب: تصرفي بـ الليّ يعجبج لا تتقيدين ماشي

مورفو: متضوج ولا تزعل

جاوبني بحماس يشجعني بمزح
الأشيب: اللي يضوجج طيحي حظه هم بعد
مورفو: هاهي متفقين
الأشيب: يلا نامي.

مورفو: انتبه لنفسك فَداري وطمني عليك مو تختفي

الأشيب: صار بنياتي

تركني وطلع وأني كملت نومتي
كعدت الظُهر على صوت تلفوني وكالعادة
فتحت خط بدون ما أباوع للأسم
مورفو: نعم.!

الأشيب: الله ينعم عليج بابا هو هيج الي يرد

مورفو: مو ماشفت منو يتصل توقعت سيماف

الأشيب: كافي نوم بنياتي نزلي يم امي لو نسيتي

مورفو: نسيت

الأشيب: يلا كومي لعد اني رايح

ودعني وراح ، وأني غسلت ورتبت نفسي
ونزلت ، خالة نسرين كانت مخبوصة بالمُطبخ
ويا البنات ، وخالة سهاد كاعدة بالصالة ويمها
ماجدة عمة الأشيب وبنتها "هند" ،
سملت عليهن بس كانت وجوهن ثكيلة ،
أشرتلي خالة سهاد أكعد يمها،
ماجدة باوعت لأيدي متسائلة
ماجدة: شبيها أيدج؟

سهاد: هو الي مجبر ايده شبيها يعني غير مكسورة

...عوجت حلكها وكالت
:-هي عروس شلحكت تسوي وتنكسر ايدها

سهاد: هذا قدر ربج مكتوب يصير هيج بعد

سكتت ما عاجبها الوضع واني هم غلست عليها
ما حجيت شي مرت ساعة واجن هواي نسوان
بعد من اقاربهم تحولن بالاستقبال
وخاله سهاد ونسرين يمهن وأني بجانبهن ..
الكل نظراتها عليه ووحدة منها ما كدرت تحتفظ
برأيها لنفسها ونطقت بأستنقاص
أم حسن: هو الليّ ياخذ غير كون احسن
- نترت بيها خالة نسرين
نسرين: شقصدج ام حسن؟

بدون لا خجل ولا مستحى تحجيها كدامي
ام حسن: كلنا نعرف عائشة جانت لايكة للأشيب عقل ورزانة وعين الله عليها شو على كُبر اخذله زعطوطة.

نسرين: اني ماقبل تحجين على چنتي بهذهِ
الطريقة ، وثانياً على شنو حكمتي بهذا كلامج؟
ما شـاء الله عليها هم عقل وهم ثُكل وتخبل تنحط على
الجرح يطيب ، والأهم أبني هاويها.

ام حسن: من هذا صابغه شعرها برتقالي

نسرين: من ربها شعرها هيج لا صابغته ولا ابد

مورفو: خالة احنه عزمناج تباركيلي مو تقارنيني بـ عائشة وتعيبين عليه

أتنرفزت من كلامها وما كدرت أسكت
بس حاولت اكون هادئة شكد ما أكدر ..
ابتسمت خالة نسرين وام حسن بقت
صافنة عليَّ ماعرفت شتجاوبني ، تدخلت ماجدة
ماجدة: والله عيني ام حسن جابها وكال هذه مرتي لا ندري شلون وشوكت ومنين هذه البنية.

نسرين: اهم شي ابني مرتاح وياها الباقي كله مايهم

ام حسن: اي عيني شكايلين احنه الله يسعدهم

كنت أسمع بالصلافة والسمانية
بس اللي سمعتة مِـنْ ماجدة وأم حسن
تجاوز هذه التسميتين ..
لعبت نفسي مِـنْ سوالفهن وتشمرهن
وكأنُ عائشة بنتهن وأني أخذت زوجها منها.!
طلعت مِـنْ يمهن لأن ما أضمن نفسي أسكُت ؛
كعدت بالصالة يم البنات وهند تباوعلي
بنظرات أقرف مِـنْ نظرات أمها ..
ندست وردة اللي كانت كاعدة بجانبي
مورفو: شبيها بنت عمتج؟

ورده: ماعليج بيها ختولي

مورفو: نظراتها داتحسسني اني ماخذه زوجها منها

ورده: من قبل عائشة الله يرحمها وامها تحوص تريدها للأشيب وما صارت من ماتت عائشة رجعن يتلوكن ويوميه جايات علينه بس اصلا الأشيب مجان متواجد، لبالهن يكربسنها براسة

مورفو: ايييععع تخيلي الأشيب ياخذ هاي ام عظام

ورده: شوفي اني لساني اطول مني بس ما اتنمر

مورفو: تنمري وذنبج بركبتي

ضحكت وسكتت ، مرت كم ساعة بهذه
الهوسة وأول مرة أكره تجمع
شكد كنت أحب أختلط وأكعد بين الناس
بس بهذهِ العزيمة كرهت وكلش هم الأختلاط
كانت ناس عبارة عن مغثة وكلام سماني ..
مر الوقت وتطشرو كلمن لبيته بعد ما
أكلو وشربو وحجو وتنمرو ..
ألا ماجدة وبنتها بُقن كاعدات بالصالة
بعد فترة دخل روار منطيها خبر بجية زوجها
روار: عمي صائب ينتظركم بالباب.

مورفو: منو هذا

أشر بعيونه على ماجدة مبتسم
روار: زوجها لعمتي.

طلعن وياه وخالتي نسرين وياهن توصلهن
للباب ، أجت تبارك كعدت بجانبي
تبارك: ضايجة مِـنْ عمة دينا؟
مورفو: لا حبيبتي ليش اضوج
تبارك: هي كالت أنتِ ضايجة منها.

مورفو: لا ماضايجة

تبارك: والله احنا نحبج

أبتسمت وبستها مِـنْ خدها بقوة مكركزة عليها
مورفو: وأني أموت عليج يروحي أنتِ.

تبارك: شو متكليلي تبالك اللحمن

مورفو: راح اكلج توتة منا وهيج

تبارك: واني شكلج

مورفو: مورفو بس

هزت راسها مبتسمة وبُقت كاعدة يمي
دخل الروار كعد كدامنا يحجي وياها
روار: تبارك أذا صرتي مُعلمة شيصيحولج؟

تبارك: ست تبالك

روار: واذا اسمج توتة

تبارك: يكلولي ست توتة

روار: ستوته لو دراجة ههههههههههههه

ضحكنا على السالفة من كُثر ما تافهه
وردة: غير يستقر أبو القوق.

روار: يجي يوم واشك حلكج من صدك

روده: قــــــــــوّق

مورفو: شبيج تقاقين لبالك دجاجة لو تحجين لو تسكتين

ورده: اكللهم لو لااااا

روار: الشوكة العوجة وعلي اموتج

ورده: السالفة داتمغصني مارتاح اذا ما اكولها روار ومورفو مو غريبة علينه خل تعرف

خزرها وهي سكتت لأن حسته ضاج فعلاً،
مُضى الوقت وصار الليل ، تعشينا وسهرنا وبعدها
كلمن راح لغُرفتة مِـنْ تأخر الوقت إلا الأشيب ماكو.!
بُقيت بغُرفتي أكل بأظافري مِـنْ القلق والخوف..
أتصلت عليه ألآف المرات بالأول ما يرد بعدين
أنغلق الجهاز وهذا اللي زاد خوف كلبي.!
الساعات صارت كأنُ سنين ثگيلة حيل ،
أحس روحي فرفحت ومن الخوف والقلق والتوتر
اللي صابني حتى أيدي صارت توجعني
ووجـــع قوي لأول مرة .!
بُقيت كاعدة ألوب وركضت طالعة مِـنْ الغُرفة
مِـنْ سمعت صوت خطوات على الدرج ..
توقعت الأشيب بس خاب ظني مِـنْ صار بوجهي
عزيز شكلة تعبان وعيونة حُمر ، أبتسم مِـنْ لمحني
عزيز: منتظرتني لو شنــو؟
- ما كنت بمزاج يسمحلي أجاوبة
درت وجهي أريد أدخل وصاح وراية بسُرعة
عزيز: أصبري مورفو.

مورفو: نعم شكو

تقدم ناحيتي كم خطوة وصُفن بوجهي لثواني
بعدها دنك راسة ورجع باوعلي
عزيز: أسف على الصار لا تبقين كارهتني ومبتعدة.

مورفو: الأشيب مو كلك ماريد اشوفك بهل بيت بعد شجابك

رديت عليه بأسلوب جاف وفُض لأن كلبي
محمل عليه بسبب اللي سواه ، ضحك بخفة
عزيز: عندي كم شغلة اخذهن واطلع
- ما طولت الحديث وياه ردت ادخل الغُرفة بس
أستوقفني صوت باب المُطبخ ، وكفت بمكاني
مركزة بالصوت وعزيز ضحك
عزيز: أجة اللي جنتِ منتظرتة.

تركته ونزلت بسرعة ، بعدني على نص
الدرج ولمحت الأشيب ، عطت بفرحة
مورفو: فَـــــــدار
- وكف بمكانة فاتحلي أديه مستقبلني
بحُضن دافي وأبتسامة نستني خوفي ،
لمني بحُضنة يحجي بتعب
الأشيب: أروح فدوة لِـ بنيات فَـدار.

مورفو: كلبي يوجعني من كد ما خفت عليك والله ليش تأخرت

الأشيب: ماكدرت اجي قبل هالوقت

إبعدني عنه محتضن وجهي بين كفوف أديه
الأشيب: مو كايل ممنوع السهر؟ ليش ما نايمة؟

مورفو: منو يضمني بـ حضنه حتى انام

أتوسعت أبتسامتة وحضني مِـنْ أكتافي
أمشيني وياه صاعدين لغُرفتنا ..
عزيز كان واكف على بداية الدرج وعينه علينا ،
الجگارة بحلكة ويضحك مستهزأ ما أعرف
على شنو.! أبعد نظراتة ونزل مار بجانبنا
الأشيب: مِـنْ تحتاج شي بعد كول لعمران أو روار ياخذو ألك ، لا تشوفني وجهك بهذا البيت.

توسعت ابتسامته وحضني من كتفي مشاني ويا صعدنه لغرفتنه جان عزيز واكف ع بدايه الدرج والجكارة بحلكه ويباوع ضحك مستهزأ ودار وجهه يريد ينزل كال الأشيب
:-من تحتاج شي بعد كول لعمران لو روار ياخذو الك لا تشوفني وجهك بهل البيت

ما جاوب عزيز وكمل طريقة
ونحن دخلنا الغُرفة ، الأشيب دخل الحمام
سبح وطلع ينشف بشعره اللي يقطر ماي ،
كنت حاضنة أيدي لأن الوجع ما هدأ
الأشيب: أخذتي علاجج؟

مورفو: اي بس صارت توجعني هوايه

تقدم ناحيتي بسُرعة مبتسم
الأشيب: هسه دا توجعج؟

مورفو: اي كلش

شي غريب نفرح بالألم اللي يصير.!
نزل راسه باس اصابعي اللي ما مجبرات
الأشيب: الحمدلله بنياتي تحملي ميخالف ، أهم شي رجعتي تحسين بيها وهسه هم أنطيج علاج يهدأ الألم.
- هزيت راسي متفهمة وهو جاب العلاج
ووياه ماي أنطانياه ، بعدها سأل
الأشيب: عزيز حجة وياج شي؟

مورفو: اي كال اسف ولا تبقين كارهتني

ما علق ونام بجانبي فاتحلي أديه
الأشيب: تعالي بـ حضني يلا
- توسدت حُضنه وصار يلعب بشعري
مورفو: فدعوس احجيلك شصار لو تريد تنام

الأشيب: احجيلي

..كعدت كدامه تربعت وانطلقت احجيله شصار
:-شوف هاي ام حسن تكول الي جان عنده مثل عائشة رزنه ومدري شنو شلون رجع تزوج زعطوطه بس خاله نسرين كلتلها لا عيني جنتي تخبل هم عاقلة وثكيله وفشلتها وهاي عمتك الحية تكللها مدري منين جابها كل احنه مانعرف وخالة نسرين كالتلها اهم شي ابني يحبها ومرتاح وياها واني كتلهم خاله انتي جايه تباركيلي لو تحجين عليه عاد هي سكتت واني طلعت من يمهم

كنت أشرحلة بذمة وضمير وهو مكتفي بأبتسامة
ويهز براسة لما كملت كلامي ضحك
الأشيب: ما عليج بيهن يغارن منج.

مورفو: اي وهاي ام عظام بس تخزر بيه

الأشيب: ام عظام مني

مورفو: بنت عمتك الحية

الأشيب: تروحلج فدوة

مورفو: بقو كاعدين ويخزرون بينه لما اجه خاطئ اخذهم

عكد حاجبة مستغرب
الأشيب: خاطئ منو؟!

مورفو: زوجها لعمتك الحية

ضحك من كل كلبه فزز حتى النايمين
الأشيب: يعني ما تكدرين لازم تتنمرين؟

مورفو: همه عائلتهم نخلقو للتنمر

بُقيت كاعدة وأحجي وأحجي وهو يسمعني
بأهتمام رغم التعب الطاغي على ملامحة ..
ما سكتت لما أني تعبت ونهضت طفيت الأضوية
ورجعت نمت بحُضنه ..
و مثل كُـل ليلة حسيت عليه يهذي بأسم "عائشة"
كان شعور غريب ما أعرف شنو بس روحي وجعتني.!
حضنت راسة احركها بهدوء أريدة يُعرف أني مورفو
مو عائشة ، حاولت أخلي يصحى وهمست
مورفو: فَـدار أني مورفو.

حَس على نفسة بس ما حجة شي
عرف الموقف تكرر ، كُـل اللي سواه
أبتعد شوية وطبع بوسة على راسي بحنية
ورجع لمني بحُضنه ..
شعور غريب يخالجني وشوية ضوجة
بس كنت مقدرة وضعة مثل ما هو مقدر وضعي
لا ماضي مورفو سهل ولا ماضي الأشيب..
ثاني يوم كعدت بوقت ونزلت جوة
كعدت اتريك بالمُطبخ يم خالة نسرين
نسرين: الأشيب موجود لو ما رجع؟

مورفو: رجع متأخر وهسه نايم

نسرين: شبيج يمة شو ضايجة أنتِ؟

مورفو: لا خاله بعدني ما مستوعبة اني كاعده من النوم

ضحكت وسكتت ، مُضى الوقت وصار
الظُهر والأشيب ما يقبل يكعد ، بُقيت أحوس
أريد أكعدة ، كُـل شوية أصعد أشوفة واسوي ضجة
يمة في سبيل يكعد بس ما كعد.
نزلت للصالة وعيني على الدرج طول الوقت
والكُل لاحظ بيه شي لأن كنت مفضوحة
نسرين: شييج تحوسين اليوم؟

مورفو: مو تحسين طول بالنومه

ضحكت فاهمة قصدي
نسرين: كعدي يُمة.

مورفو: مو احسه خطية هو مينام هكد بس من تعبان

نسرين: هم كافي راح يصير وكت الغدة روحي كعدي

مورفو: اذا عصب اكله خاله نسرين كالت

نسرين: يكدر يعصب على فراشتة هو

ضحكت على حجايتها وأحس أنطتني حافز
قوي ، صعدت مرة ثانية عليه كعدت يم راسة أندس بي
مورفو: فَـدار أكعد حباب.
- أتوقع حتى ما حس عليَّ ، ندستة أقوى
مورفو: فدعـــــــوّسي كافي نوم.
الأشيب: أمممم

مورفو: اكعد كافي شنو امممم

الأشيب: شتردين بابا

مورفو: افتح عيونك احجي وياك

ابتسم بس ما فتح عيونه
الإشيب: اسمعج احجي

مورفو: افتح عيونك ما ارتاح هيج

فتح عيونه يباوعلي مبتسم ، تقربت طبعت
بوسة قوية على خدة وبُقيت لازگة وجهي بوجهه
مورفو: صباحو فَـداري

الأشيب: روح فَدارج

مورفو: كافي نوم مليت وحدي

الأشيب: شمكعدج من الصبح أنتِ؟

مورفو: شبعانه نوم وكعدت غير

الأشيب: متعوفيني نايم شوية بعد
- جاوبتة بتوسل
مورفو: عليك الله اكعد

نام على ظهرة معدل نفسة وسحب راسي
جعصة بحُضنه خلاني أعيط وأرفس يلا عافني ،
ضربتة بوكس بنص بطنة ، ضحك بصوت عالي وصاح
الأشيب: لــــچ لا.
مورفو: شبيك هيج تجعص براسي؟ أنمرد مِـنْ وراك

الأشيب: محد كلج كعديني

غيمت ملامحي بزعل
مورفو: غير مشتاقتلك فدعوس.
- رجع حضن راسي بهدوء يمسد على خدي
الأشيب: يلا كعدت لا تبجين.

مورفو: وخر عني وخر زعلت منك

الأشيب: لا مروتج كلشي ولا تزعلين

مورفو: لا لا وخر شو اله ازعل

الأشيب: يلا وخري من حضني وازعلي

باوعتلة بصدمة
مورفو: عود صدك؟

كان مستلعب عليَّ وعلى مشاعري
هز راسة بأيجابية مبتسم ، رجعت ضربتة بوكس
ببطنة ونهضت مِـنْ يمة أدردم
مورفو: خوش فدعوس خوش ، أشوفك الزعل شلون يصير
- بعدني ما فتحت الباب وعطت لازمة أيدي
مِـنْ الوجع القوي اللي صابها فجأة لثوانـــي.!
ركض ناحيتي مسوي الطريق بيني وبينه خطوتين
يباوع ويحجي بخوف مِـنْ عطيتي
الأشيب: شبيج مورفو؟
- دفعتة عني ونزلن دموعي مستستلمة للألم
مورفو: وخر عني كُله مِـنْ وراك.

الأشيب: لج شسويتلج اني ليش تبجين

مورفو: انت قهرتني وايدي كامت توجعني

مسح دموعي يحجي بهدوء
الأشيب: أشش لا تبجين مورفو أتشاقة وياج اني

مورفو: وخر عني والله زعلت منك

الأشيب: وشلون نراضي الزعلان

مورفو: تجيبله حبشكلات لان خلص

ضحك وباوعلي رافع حاجبة
الأشيب: صايرة لوتية.!

مورفو: غير داسهلها عليك فَدار

الأشيب: تآمرين يبعد فَدار وهل مره راح اخذج وياية هم تاخذين كلشي يعجبج

مورفو: يلا لعد تصالحنة

الأشيب: وايدج صدك توجعج لو فلم

مورفو: لا والله صدك بس مو هوايه شويه

الأشيب: الصبح ما اخذتي علاج

مورفو: لا نسيت

الأشيب: ليش شموصيج اني

مورفو: المفروض انت تكعد وتذكرني بي

أتنهد بحزن من أهمالي وبُقى ساكت
رُفعت نفسي بستة من خدة
مورفو: ما أنسى بعد لا تضوج.

الأشيب: چؤ ماريدج بعد

مورفو: شبيك متخبل عليه اليوم

...وهنا تمنيت الكاع منشكه وبالعتني قبل لا اجفص هاي الجفصه، ومن خزرني ردت اوكع بالكاع من الخوف ايدي صارت ترجف وهمست بخوف
:-اقصد اني متخبله عليك والله وحق نملة سليمان مادري شلون طلعت مني

..بقى خازرني ويباوعلي بنضرات مرعبة، عفته وكعدت بـ الكاع احس رجليه ماتن واردفت
:-عمو لو تسوي بيه شي لو لا تبقى خازرني هيج والله حيلي راح من الخوف

..طكها بضحكه عاليه واني صافنه عليه تقرب مد ايده وكال
:-كومي كومي من مو كد الحجاية ليش تحجيها

لزمت ايده ووكفت وهو مستمر يضحك
الأشيب: لا تخافين مني ما أأذيج اني

مورفو: عمو خزرتك خرطت عافيتي اذبحني ولا تخزرني

الأشيب: الزم لسانك طير الشوك وخاصه برا هل غرفه

مورفو: يعني بالغرفة عادي

الأشيب: من وحدنه اخذي راحتج ويايه بس كدام احد لا ماقبل

مورفو: باوع والله مو بقصد هنه مدري شلون يطلعن مني

الأشيب: يم عثمان شلون جنتي لازمه لسانج

مورفو: ههوو جنت اسب واغلط وافشر وماخلي حجاية ما اكولها بس بكلبي

الأشيب: اوف منج اوف

...عافني وراح للحمام واني نزلت جوة ضحكت خالة نسرين وكالت
:-الله يديم ضحكاتكم يمة

مورفو: وين ضاحكين خالة

سهاد: يمة ضحكه الأشيب رجت البيت

نسرين: اي والله واخيرا ردت روحه صار هواي ما سامعه ضحكته

مورفو: ليش ما يضحك قبل

سهاد: يمة يطب ويطلع عبالك متعارك عاكد هل حواجب والجكارة بحلكه، يكعدلج هنا ومغيم لو عينه بتلفونه تحجين ويا سنه الحايط يرد هو مايرد

نسرين: اي والله، الله ينطيج ويفرح كلبج مثل ما فرحتي كلبنه بالأشيب

حسيت فراشات تدغدغ كلبي
وفُرحت لكلامهن مِـنْ حسيت بالفرق الليّ
مسويتة بحياة الأشيب
وهُن بُقن يمدحن بيه ويدعلي دعوات حلوه ترد الروح..
نزل الأشيب باس راس أمه وخالتة وكعد يمهن
سهاد: شلونك يُمة؟
الأشيب: بخير خالة شلونج أنتِ؟
- دنكت راسها مهضومة
سهاد: على الله.

الأشيب: شبيج الحنينه ليش ضايجه

سهاد: مابيه شي يمه

مورفو: مقهورة ع عزيز تريده يرجع للبيت

باوعلي بسُرعة متسائل
الأشيب: شمدريج أنتِ؟

مورفو: هي كالت قبل شويه

كعد بجانبها حاضنها من أكتافها
الأشيب: هذا اللي مضوجج؟
سهاد: أني هم أم وكلبي يوجعني على أبني مو بأيدي هم متعلمة عليه يومية أصبح وأمسي بوجهه.

الأشيب: هاهي يجرالج يرجع عزيز للبيت

فرحتها ما تنوصف حارت شتسوي
كيف سحبته تبوس بي وتدعيلك مِـنْ أعماق كلبها ..
بُقى مبتسم وعينه عليَّ يمكن يحاول يفهم ردة
فعلي مِـنْ رجعة عزيز للبيت
والحقيقة ما يهمني أذا ما سببلي أذية..
بعد دقايق نهض وسأل عن الغدة مِـنْ
أنطوه خبر ينتطرون الولد طلب مني نطلع ..
طلعنا للسيارة وقبل لا نصعد أستوقفني يسأل
الأشيب: ضجتي لأن راح يرجع عزيز؟

مورفو: لا ماضجت هو هم بيته

الأشيب: لو مو خالتي مارجعة

مورفو: اي خطيه خاله سهاد مقهورة

الأشيب: لتخافين ميكدر يندك بيج بعد

ابتسمت وهزيت راسي بـ اي ما طولت الموضوع
صعدنا بالسيارة وأنداريت عليه
مورفو: وين راح نروح؟

الأشيب: بنيات الأشيب مخلصات حبشكلات نروح نجيبلهن

مديت أيدي أكرص بخدة وأضحك
مكزكزة عليه بسبب لطافته وأهتمامة
مورفو: أوي فدعـــوسي شكد حلــو ولطيــــف.

الأشيب: سحلتي الأشيب هو وهيبته ورتبته وعلي

مورفو: بس بيناتنا فَـدار.

بُقى الضحكة مرسومة على وجهه
و كُـل ما أشوفها أتذكر كلام خالة نسرين
وسهاد وتزيد دغدغة كلبي مِـنْ الفرح ..
أخذني للسوبر ماركت أخذت كُـل الأشياء الليّ
أريدها ولـ تبارك والبنات هم ..
مِـنْ رجعنا للبيت أتصل زياف على الأشيب
أشرلي أنزل وأترك الأغراض هو يجيبهن وراية ..
تمشيت أريد أدخل للبيت وهو يفتر بالحديقة ويحجي ..
وصلت باب المُطبخ اللي كان مفتوح شوي
ودرت وجهي بسُرعة مِـنْ شفت عُمران حاضن
رحيق مِـنْ ظهرها ومغطي عليها تماماً بسبب
ضخامتة ، لا كدرت أدخل ولا كدرت أرجع بُقيت
جامدة بمكاني وأسمع حديثهم
عُمران: أم البنات الحلوات شمسوية غدة اليوم؟

صارت تعددله بنبرة خجل حتى أني ماسمعتها
فُصل عقلي منهم وبُقيت أفكر الزلم شكد أدبسززية.!
وأذا زوجتك تحضنها بالمُطبخ والعالم طابة طالعة؟
مِـنْ الخجل والفشلة جان هذا تفكير عقلي..
مديت أيدي بدون لا أندار ودكيت الباب
بعدها دخلت مِـنْ سمعت صوتهم يسمحولي أدخل ..
تمشيت ناحية الصالة وبدون لا أباوعلهم
نطقت كلمة أول مرة أنطقها يمكن
مورفو: مرحبا .
عمران: مراحب يا هلا.

كملت طريقي وهُم ضحكو يمكن على شكلي؟
أو ردة فعلي المفضوحة؟ بس توقعت الحركات هذه
مِـنْ الكل الا هذولة الأثنين اللي جانو بنظري
قمة بالثُكل حتى كنت استحي أفكر مُجرد
تفكير هو مُمكن يبوسها .. تفكير محدود.!
أنجمعنا كُلنا على سُفرة وحدة ناكل بهدوء
بس روار كسر الصمت من جر حسرة
روار: خاف تطشر ولك وشلون ألمك.

مورفو: بـ مكنسه كهربائية تلمه وتلم اهله

باوعلي يضحك
روار: يبقى منه ما ينلم زين.

مورفو: بوصله مسح لعد تمحي اثرة

روار: لج الملونه تضحكين ع مشاعري

مورفو: اهووو معيدي ولكاله سالفة عاد

نسرين: رحم الله والديج خالة صرنه معدان هسه

مورفو: لا بس روار

روار: معيدي و ع المناصب نافض كوامه

تبارك: خالو مو كايلين ممنوع نثولف ع الاكل

روار: هو أنتِ بس على روار كادرة.

تبارك: ميسيل اداب المائدة هاي

عمران: لج بابا هذا ادب ماعنده تردين يعرف اداب المائدة

روار: غير يستقر ابو الادب شوكت عقلت انت

الأشيب: كافي تمسلت وكملو اكلكم

روار: حجه النفسية

مورفو: روار اذا تحجي ع فَداري بعد احط راسك بالمركه والله

أنسى نفسي وأتهور بالكلام
ضحكو كُلهم بصوت عالي إلا أني
بُقيت فشلانة وعيني على الأشيب ، غمزلي وكمل
أكل طبيعي ، وبُقى روار كُـل شوية ياخذ مِـنْ المُركة ويضحك
روار: أخلصج قبل لا ينطمس راسي بيج.

ما حجيت بعد أي حرف لما كملت أكل ..
وهيج مُضت الأيام يمكن كانت مِـنْ أسعد أيام حياتي
بجانب الأشيب وعائلتة ..
أيدي صرت أحس بيها وحركة طفيفة بيها
وليل ونهار أحمد ربيّ لأن صارت تتحسن ..
الأشيب كان يطلع كُـل يوم مِـنْ الصُبح لليل
ودائماً مشغول ولو أكدر احجي وياه مرة بالنهار
لو ما يتحصل لما يرجع بالليل ..
ما كنت أضوج بس لأن دا يغيب هواية
صرت أضوج وأخاف عليه بشكل لا يُعقل لأن
أعرف مدى خطورة شُغلة وخطورة المُهمة اللي مستلمها.!
كنت أنتظرة مثل كُـل يوم بالمُطبخ
وأول ما يدخل ويشوفني تنرسم أبتسامة راحة
على ملامحة الحادة تنطي جاذبية غيّر ..
ما كنت أحب أزيدها عليه فوك تعبه التفكيّر بيه
تقدمت ناحيتة أغنيلة بس ما طولت وأختفت أبتسامتة
ويا طيحة دموعي مغرگة وجهي ، بهتت ملامحة
وأحتضن وجهي بين كفوف أديه الباردة قَلق
الأشيب: ليش البجي مورفو بنياتي.
- شهگت كلبي متكطع مِـنْ الخوف والتفكير المُفرط
مورفو: خايفة والله الخوف عليك هِلك كلبي ، هذا الكُرسي اللي تشوفني كاعدة عليه وأنتظرك كُـل ليلة بالنسبة إلي جَمُر والله ، يحركني ويلهب نار كلبي اللي ما تخمد إلا مِـنْ تدخل البيت ، شلون أذا طال الأنتظار وما دخلت؟ شيصير بيه أني؟

مسح دموعي ورجع شعري عن وجهي بحنية
ضمني بين أديه مثل طفلة خايفة ومستنجدة بي
الأشيب: لا تبجين فدوة أروحلج ، كُلها فترة وتعدي وأضل مكابلج بس لا تبجين ، بدل دموعج اللي تحرك روحي أدعيلي.

بُقيت ساكنة لما سمعت صوت خالة نسرين
أبتعدت عن الأشيب بسُرعة بس هو ما تركني
بُقى حاضني مِـنْ أكتافي
الأشيب: تعالــي الحنينة.
- تقدمت سحبتني منه وضربتة على أيده
نسرين: أني مو محذرتك ما تبَجي بنيتي ها؟ مو كتلك أطردك مِـنْ البيت اذا زعلتها؛ أرجع منين ما أجيت.

أعرفها تتلاطف لأن شافتني أبجي
ضحكت أمسح بدموعي وعيني على الأشيب
مورفو: أسمع كلام أمك فَـدار.
الأشيب: هو هذا البجي كُله لأن فَـدار متأخر وهسه تطرديني وسفة عليج.
نسرين: النهار كله عينها على الباب
مورفو: خالة ليش تفضحيني؟

ضحكت تبوس بوجهي ، بعدها باوعت للأشيب
نسرين: أصعد لغرفتك أريد احجي ويَّ بنيتي.
- هز راسة بقبول مبتسم وتحرك يريد يصعد وأني صحت وراه
مورفو: لا تنام أنتظرني.
نسرين: أني أطرد بي لخاطرها وهي تكله لا تنام ولچ يُمة خليلج موقف.
مورفو: هو ما مزعلني والله بس أني عندي دموع زايدة وبجيت.

ضحك الأشيب عينه على أمه
الأشيب: مغزر بيها لدرجة ما تتخيلينها.

ما فهمت معنى كلامة وليش حجة هيج
هو صعد وخالة نسرين أندارت عليَّ تحجي بحنية
نسرين: أعذريني يُمة لأن سمعت كلامكم وسمعت شلون خايفة أذا صار شي لـ فَـدار شيصير بيج أنتِ؟ بس ليش هيج تفكرين؟ مو أحنا أهلج اني امج سهاد امج البنات اخواتج الولد أخوتج ليش تحسين روحج وحيدة مِـنْ دون الأشيب؟ الله لا يقدر وهذهِ دنيا ونهايتنا كلنا لفرض الأشيب خلص عُمره وما رجع تتوقعين راح نعوفج أحنا؟ مثل ما هو يكلج أنتِ بنيتة ؛ بنيتنا هم والشاهد الله.

دنكت راسي صح هُم ما مقصرين وياية
ويعاملوني أحسن مُعاملة بس أبقى خايفة أعيش
بدون فَـدار ؛ مسدت على شعري
نسرين: أزعــل منج لو سمعت هذا الكلام بعد ، البيت مثل ما بيتنا هو بيتج هم ، أنتِ صرتي وحدة مِـنْ بناتنا لا تحسبين روحج وحيدة.
مورفو: والله أني أحبكم.
نسرين: بعد عيون أصحاب البيت كُلهم.

ضحكت فرحانة بحجايتها وبكلامها كُله
بوست وجهي وطبطبت على كتفي
نسرين: يلا روحي نامي تأخر الوقت.
- رُغم الخجل اللي تملكني بهذهِ اللحظة بس
تجرأت وحضنتها بقوة لثواني وأبتعدت
مورفو: والله أنتِ خوش مرة مثل أبنج خوش زلمة.

أبتسمت وطلعنا مو المطبخ سوة
هي راحت لغُرفتها وأني صعدت لغرفتي
الأشيب كان بعده بالحمام ..
بُقيت كاعدة أنتظرة لما طلع ورُغم التعب الواضح
عليه بس ما نام لأن يعرفني متلهفة للسوالف وياه ..
مورفو: أكُلك فدعوس مُمكن طلب؟
الأشيب: صايرة كله أستأذان خير؟
مورفو: خالة سهاد كالت الزلم بالحيلة يجون.
- ضحك وكفخني على راسي
الأشيب: أنتِ ما تبطلين سالفة سهاد كالت ورحيق حجت؟

رفعت حواجبي بمعنى لا ، أشرلي براسة
الأشيب: أحجي شنو طلبج؟
مورفو: خالة نسرين وسهاد والبنات راح يروحن لأقاربكم لبغداد خليني أروح وياهن.
الأشيب: لا.
مورفو: فكر فدعوس شنو مُباشرةً لا.!
الأشيب: ما يحتاج تفكير لأن لا.
مورفو: نلعب حجرة ورقة مقص اللي يفوز تمشي كلمته.

ما أعترض وبلشنا نلعب مرة ومرتين وعشرة
وبكُلهن هو يفوز فر راسي فر ؛ ضربتة على أيدة
متنرفزة وعطت
مورفو: وحق نملة سُليمان دا تغُش.
الأشيب: وحق نملة سُليمان ما غاش.
مورفو: لعد شلون بكُلهن دا تفوز ، تتنبأ مثلاً؟
الأشيب: توفيق مِـنْ رب العالمين.
مورفو: غمض عيونك ونلعب.

بدون نقاش غمض عيونه وبدأنا نلعب
ومن بين عشرة مرات فزت بس مرتين ؛ أحس
أنقهرت مِـنْ صدك دفعته عني ضايجة
مورفو: تنلام سهاد مِـنْ تكول الزلم ما بيهم أمان
الأشيب: تحسسيني متزوج عليج مو فايز بلعبة

ما جاوبتة نمت بمكاني منطيتة ظهري
صار وراية ساند نفسة على عكس أيده
وراسة يم راسي يباوع لصفحة وجهي
الأشيب: تنامين بدون حضني؟ كدها؟
مورفو: أي ما أنام بحُضن غشاشين.
الأشيب: زين عوفج مِـنْ بغداد أني أخذج لمكان أحلى بهواية شنو رأيج؟
مورفو: ليش ما تريدني أروح وياهم؟ أريد أشوف أنشاف خمو بس محبوسة بالبيت ومكابلة وردة وروار.
الأشيب: الحجي صاير قوي.! أشوف أنشاف.!
مورفو: الله يكول "أسعى يا عبدي وأني أعينك" أريد أسعى بنصيبي.

دارني عليه صافن بوجهي وأني أنفجرت
مِـنْ الضحك ، سكتت وعطت متألمة مِـنْ كرصني
مِـنْ زندي رافع حاجبة
الأشيب: لسانج صاير أطول منج تدرين لو لا؟
مورفو: شعليك عمو؟ أنتَ مو كلت أعتبريني عمج وعيشي حياتج براحتج.! شو تغيّر الحجي؟
الأشيب: عمج هيج ما تخليله هيبة؟ وسفة عليج.
- رُفعت حواجبي أركص بيهن
مورفو: ما أخليله هيبة لو تغار عليَّ؟

دفعني مرجعني لوضعيتي
الأشيب: نامي يلا.
مورفو: بدون حُضنك؟
- سحبني عليه حاضني بقوة
الأشيب: ذكريني الصُبح أكص لسانج لأن طولان.
مورفو: كُصه هسه خاف أنسى أذكرك.
الأشيب: هسه تعبان نخليها للصُبح.

ضحكت ونمت مُطمئنة بحُضنه..
وأكيد رُفض روحتي وياهم بدون لا يذكر سبب
معقول ؛ ووعدني مِـنْ تنتهي المُهمة ياخذني لأمكان
تنسيني حبسة البيت طول هذهِ الفترة..
بعد أكثر مِـنْ أسبوع كان عندنا مُراجعة للطبيب
ونفس هوسة المرة اللي مُضت بس بدون رنين ..
بعد ما الدكتور شاف الأشعة والتحاليل طمنا
الدكتور: الحَمـدُلله كسورها جُبرت وراح نفتحها هم بس تحتاج تسوي علاج طبيعي حتى ترجع حركتها مثل قبل .

الأشيب: اكو جهاز معين مال علاج طبيعي ناخذه الها بالبيت

الدكتور: والله اني افضل بـ مركز تسوي يكون افضل

تشكرنا منه وطلعنا ، فتحنا التجبير ورغُم ما كان بيها وجع بهذهِ اللحظة بس الأشيب الخوف واضح بعيونة ويتصرف وياية بحذر ؛ حتى بعد أيام كان يمنعني أحركها هواية أو أشيل شي ثكيل بيها ؛ تطلب وقت وعلاج طبيعي كثيف
يلا كدرت أحركها مثل قبل ومع ذلك كانت تتعب بسُرعة..
جابلي كُرة أسفنجية شوية قوية يخليني أضغط
بيها حتى تتقوى عضلات أيدي مِـنْ بعد الضمور
اللي صابها ، كنت أسوي شوية وأتعب
مورفو: ما أكدر بعد تعبت.
- كعد وراية وسحبني لحُضنه
مد أيدة محتضن كف أيدي اللي بي
الكُره وصار يقبض أيدي وأيده سوة على الكُره
ويحجي وياية حتى ما يبقى تركيزي يمها
الأشيب: بُقت أيام معدودة ويمكن أقل الشهر
ينتهي كُـل هذا الكابوس اللي عايشتة بسببي ...

قاطعتة بسُرعة فاهمة قصدة
مورفو: أترك كُلشي حتى ثار مِـنْ السيد ما أريد بس أبقى بخير.
الأشيب: صعب مورفو
مورفو: ليش؟
الأشيب: بعد موت عائلتي عفوني مِـنْ المُهمة وأني اللي رجعتلها رجوع حتى أخذ بثارهم ، ما تُطفى نار كلبي لو تركتها.

نار الأنتقام اللي تسعر بكلبة مُستحيل
تخمد بدون ما ينتقم مِـنْ اللي سببو بموت زوجتة وأبنة..
أستمرينا فترة على هذا الروتين لما تحسنت
وبأخر جلسة مِـنْ العلاج الطبيعي وبطريقنا للبيت
وكف السيارة على جهة وسحب أيدي باسها بقوة
الأشيب: شعاجبها نسوي بنيات أبو شيبة؟

مورفو: اي شي بس يكون وياك

هز راسة مبتسم وأول شي أخدني
لمطعم حتى نتعشى مع بعض ، كان المكان هدوء
وأضاءة خافتة الأجواء شُبه رومانسية ؛ باوعت
للأشيب أضحك
مورفو: فدعوس خلينا نترومس
الأشيب: نسينا ذاك اليوم ما كصينا لسانج الصُبح ذكريني مِـنْ أرجع.

ضحكت بصوت عالي وهو بحلق عيونه بسُرعة
عليَّ يريدني أسكُت ؛ كتمت ضحكتي وهو أبتسم يهز
براسة يستغفر ، ما يتعامل بجدية مع كلامي
يعرفني ما أعنيه لهذا مخليني أحجي براحتي وأي
شي يخطر على بالي..
بعد ما كملنا طلعنا نفتر بالسيارة ووكفنا عند
نهر ديالى تحت الجسر ..
وكف السيارة بمكان معزول بعيد عن الشارع
وعن أنظار العالم ..
الأشيب: هذا المكان الليّ كُـل ما أضوج أجي بي.
- كان حلو والماي بوقتها عالي ، كعد على
بنيد السيارة وسحبني كدامة
الأشيب: راح أكلج شي ما أريد تضوجين.

مورفو: دام متريد اضوج يعني يضوج

الأشيب: مجبور بابا

مورفو: احجي شنو

الأشيب: راح اغيب عنج فترة 10 ايام

ردت اتحرك أندار عليه بس ما سمحلي
الأشيب: أشش أسمعيني مورفو.

مورفو: هواي 10 ايام والله

الأشيب: مجبور بنياتي وراها راح ينتهي شغل وتعب هاي الأشهر كلها راح يخلص

مورفو: يعني راح تعوف شغله المجرم مو

الأشيب: اي راح تخلص المهمه

مورفو: واني وين ابقى فَدار

الأشيب: أنتِ كاعده ببيتج شنو وين تبقين مورفو؟

بلحظة نسيت كُـل كلام خالة نسرين
وشعور الغُربة أجتاح كلبي مِـنْ سمعت راح يختفي ..
شعور مو بأيدي غصباً عني؛
دارني عليه يحاول يقنعني
الأشيب: تحملي هذه العشرة أيام وبعدها راح نطلع مِـنْ ديالى فترة أني وياج لـ مكان بعيد نرتاح بي مِـنْ الهوسة اللي عشناها.

مورفو: شوكت تروح

الأشيب: من ارجعج للبيت اروح

مورفو: على الأقل الصُبح ليش هسه؟
اخذ نفس عميق حاير
الأشيب: لا تصعبيها عليَّ.

مورفو: راح اشتاقلك هوايه والله

الأشيب: واني هم راح تفرفح روحي لشوفتج وسوالفج وضحكاتج

بُقينا فترة كاعدين وبعدها رجعنا للبيت
كان يحاول يضحكني وأضحك بس داخلي
غيمة سودة خيمت على كلبي مِـنْ الخوف..
صعدنا لغُرفتنا وهو غير ملابسة وطلع سلاحة
وأخذ كم شغلة بعد وياه وأني واكفة مراقبة
حركاتة والدمعة بطرف عيني ، مِـنْ أجت عينه
بعيني كدر يفهم حزني ، أبتسم وتقرب مني
الأشيب: لا تضوجيــن.

مورفو: خايفة عليك خايفة تعوفني ومترجع بعد

الأشيب: راح ارجعلج وعيونج

حاولت ما أبجي وأضوجة بس ما كدرت
نزلت دموعي بغرازة على خدي وحضنته بقوة
الأشيب: لا تبجين وتحرگين كلبي خليني أروح مرتاح.

مورفو: خل انام وروح

الأشيب: تعالي يلا

يتوسلني ما أبجي بس شلون؟
وأني الليّ مفاركة أهل وديرة ووطـن.!
وبدون مُبالغة هذهِ مُكانتة بالنسبة إليّ ..
وما رايح لمُكان عادي حتى أهون عليَّ
أثنينا نعرف هو رايح لنص الموت وما معروف مصيرة..
بحُضنه ورفعت راسي أمشي أيدي على
ملامحة أريد أحفظهن شكلاً وملمساً
غمض عيونه مخليني ماخذه راحتي بالتمعن
بتفاصيلة ، مسدت على لحيته الكثيفة بسبب المُهمة،
رُفعت نفسي أكثر طابعة بوسة على زاوية فمة ،
رجف كلبي قبل جسدي وهو فتح عيوني يباوعلي
بنظرات غريبة ما عرفت أفسرها
الأشيب: ليش تسوين هيج؟
مورفو: ما أعرف شعور غريب بداخلي يجبرني.
- بُقى صافن بعيوني لثواني ما أعرف بشنو يفكر
عدل نومتي بهدوء وطبع بوسة على راسي وهمس
الأشيب: لا تعيدينها بعد بنياتي.
مورفو: فَـدار.
الأشيب: أشش نامي يلا.

كان يسمحلي اناقشة بكُلشي
ما يمنعني عن حرف واحد بداخلي
ألا هذا الموضوع ما سمحلي أحجي شي
وما خلاني أشرحلة شعوري حتى يفسرلياه.!
بقيت ساكنة بحُضنه لما غُفيت
ومن كعدت ما لكيته ؛
مرت 3 أيام وهو ماكو أي خبر عنه
وجهازة مغلق طول هذه الفترة ..
ومن أتصل على زياف يكتفي بكلمتين "هو بخير"
بـ اليوم الرابع كاعدة بالليل أكتب بدفتر مُذكراتي
وأتصل على جهازي رقم غريب
أول مرة ما جاوبت بس مِـنْ أتصل مرة ثانية
فتحت خط وبُقيت ساكتة لما أجاني صوتة
الأشيب: بنياتي
- عطت بفرحة مِـنْ عرفتة
مورفو: لك هذا أنتَ فدعــــــوّس.!
الأشيب: يا روح فدعوس.

مورفو: وينك صار 4 ايام مختفي ليش ما تسال عليه

الأشيب: حقج بس ما أكدر والله

مورفو: شوكت ترجع اشتاقيتلك

الأشيب: اصبري عليه بنياتي مابقى شي

مورفو: ابقى اتصل بيه لعد والله ماتحمل هيج

الأشيب: صار ؛ بس ما أكدر كُـل يوم.

مورفو: شنو هل شغل الي يخليك ماتكدر تحجي وي بنياتك

ضحك من أني حجيت حجايتة
الأشيب: اروح فدوه لـ بنياتي

مورفو: حتى بـ الليل مداكدر انام فدعوس تعلمت ع حضنك

الأشيب: مابقى شي وتشبعين مني ومن حضني

مورفو: ترجعلي بـ سلامه يارب

الأشيب: خمو داتسوين وكاحة

مورفو: لا وين مالي واهس بـ اي شي

الأشيب: لا تبقين ضايجه مورفو وعيونج ارجعلج

...نزلن دموعي وحجيت بشهكه
:-لك فدعوس تعلمت عليك اضوج بدونك والله

الأشيب: يول طير الشوك ابوس عيونك لا تبجي تحرك كلبي هيج اني اتصلت اريد اسمع صوتج سوالفج ضحكتج حتى ارتاح مو تبجين وتزيديها عليه

مورفو: مدا ابجي

الأشيب: ليش كاعدة مو المفروض هسه نايمه

مورفو: داتأخر يلا انام وابقى بالليل لو اكتب لو ارسم

الأشيب: مو زين على عيونج هيج

مورفو: من ترجع انام بوقت

ضحك وصار يودعني
الأشيب: ان شاء الله، راح اروح اني انتبهي لنفسج

مورفو: فَدار

الأشيب: يَــحيل فَدار

مورفو: ابقى اتصل بيه لا تتأخر

الأشيب: صار بابا صار

بعد هذهِ المُكالمة أرتاحيت شوية
أتوقعت كُـل كم يوم راح يتصل بس مَر أسبوع
وهو ماكو ومن أتصل على زياف يحجي نفس
الحجاية لا يزيد ولا ينقُص ..
خلصت الـ10 أيام بدون ما أسمع خبر عنه
وزادها 3 أيام وهو ماكو ..
أحس أنهاريت وتلفت أعصابي
ما أنكر اللي بالبيت خايفين عليه بس متعودين على
غيابة وخالة نسرين ما كانت تكول غير
"ما يصير غير اللي كاتبة ربنا ولا أعتراض على قدرة"
بس أني نار إشتعلت بكلبي
مو بس أنعزلت مو بس ألتزمت الصمت مو بس
حزنت وضجت مِـنْ الأنتظار ، أني أنهاريت
روحي صابها السل مِـنْ الخوف على فَـدار ..
أتصلت على زياف وأول ما فتح خط عطت بي بقهر
مورفو: ليـــــش ما تكــــول وين فَـدار وتريـــح كلبـــــيّ.!
زياف: دخيلك يَـا المهدي أحضرنا ، شكو شبيج؟

مورفو: وين فَدار ليش هكد طول هو كال 10 ايام وارجع

زياف: ويمكن يتأخر 10 ايام بعد ما معلوم

مورفو: زياف بروح امك خمو بي شي

زياف: لا والله مابي بس مايكدر يتصل وشي يخاف عليكم وشوية الوضع متوتر هم

مورفو: لعد انت شلون يتواصل وياك

زياف: شعليج؟

مورفو: زين باوع من تحجي ويا كله مورفو محتاجتك

زياف: محتاجه شي صدك

مورفو: اي محتاجه

زياف: ابشري اني بالخدمه

مورفو: ماريدك انت اريد الأشيب حباب وصله كلامي

زياف: هو صوجج لو صوجي اني اسالج

مورفو: زياف والله كلبي محترك مو وكتك

زياف: ديلا خوش طفي كلبج ومن احجي ويا اوصله كلامج

غلقتة منه وبُقيت كاعدة بالغُرفة ألوب ..
مرت فترة ونزلت يم خالة نسرين بالصالة
نمت على رجلها وهي تلعب بشعري
نسرين: شبيج يُمة؟ ليش هيج ذبلانة؟
مورفو: أشتاقيت للأشيب طول هواية.
نسرين: أدعيلة يرجع بالسلامة شبيدنا عليه غير الدُعاء ، وهذا شُغلة مجبور بي.

أتنهدت وغمضت عيوني أدعيلة
يرجعلي وأدعي ربي ما يفجعني بي
وقبل لا أكمل فزيت على صوت روار نزل
يركض مِـنْ الدرج ويصيح على عُمران مفجوع
روار: عُمـــــــران.!
- وكفت على حيلي طولي يرجف
وهو مو أقل مني حالتة مُخيفة ، طلع عُمران
يركض خايف مِـنْ نبرة صوته وصياحة
عُمران: شبيك روار شصاير؟

...جاوبه روار بصوت يرجف ومخنوك
:-اتصلو بيه من المستشفى جايبين شهداء

..غص بالكلمه وبعدها باوع ع خالة نسرين وكال
:-والأشيب واحد منهم

يتبع..

..

- لا تنسون التصويت
+تعليقاتكم الحلوة حبيبيني 🤎.

- حساب الأنستا itsara.kh
قناة التلي itsara105