الأشيب الفصل الرابع والعشرون 24 - بقلم سارة الحسن

﷽

الكاتبة:
"سـارة الحـسن"

-لا تنسون التصويت والتعليق بيـن الفقــــرات
+متابعة الحساب itsara_kh

Instagram: itsara.kh
Telegram: itsara105

..

ومن بعد 5 أيام حَرب ويا المَرض صرت أتعافى بس أعيش الأتعس .. كوابيـــــس..! كوابيسي القديمة صارت ترجعلي تعيشني ليلة مُرعبـة ، فزيت خايفة وأرجف ونهضت مِـنْ فراشي أتلفت بالغُرفة وأحس حتى الهوى شَح..
فتحت الباب وطلعت وما صار كدامي غير باب غُرفتة
الوحيــد الليّ أكدر ألجئ أله بهذا الوقت..!
تقربت مِـنْ الباب أرجف مترددة أدكها ، حضنت أيدي
على كلبي ونزلت دموعي بضيااع إلمن أروح؟
تجرأت وردت أدك الباب بس تراجعت بسرعة
مِـنْ صوتة الليّ أختــرق مسمعي محذرنـــــــــي
عزيز: مورفــــــو..!
- ألتفت عليه بسُرعة فازة بخوف مِـنْ صوتة الليّ أقتحم هدوء المكان بدون مُقدمات ، هز راسة بمعنى لا تدخلين وهمس
عزيز: بدأ يحس بخسراتج لا ترجعيلة بسهولة

ما كان عقلي يستوعب الكلام الليّ دا أسمعة..! معقولة عزيز الليّ مسويها حَرب ويا الأشيب علمودي وبكل فرصة تقربة مني يحاول يقترب ويقنعني أحبه هسه ينصحني بهذا الكلام.!! مِـنْ كلبة لو هم وراه غاية ؟ حرت وأحتاريت وتلايم غيم أسود على كلبي وعقلي .. تقدم ناحيتي ودنگ راسة تحسة يجبر نفسه على الكلام الليّ ينطقة
عزيز: أنتِ أغلى مِـنْ أنُ يستهان بيج وبمشاعرج ، أثبتي على موقفج خلي يعرف قيمة وجودج بحياتة وصدكيني راح يجيج ويحارب حتى ترجعين مورفو الأولية وهو الممنون

بُقيت ساكتة غرگانة بدموعي حاضنة أيدي الليّ ترجف على كلبي فعلاً كنت بموقف ضعيف .. رُفع عيونه يتفحص حالتي ويقرأ الخوف المستوطن عيوني وأشرلي ناحية الدرج
عزيز: أذا خايفة تعالي هنا أكعد يمج لما ترتاحين لو تروحين يم خالتي نسرين

هزيت راسي رافضة الأختيارين وبدون لا أنطق حرف واحد رجعت لغُرفتي .. ثاني يوم ما نزلت غير الصُبح مِـنْ الكل بالدوام والباقين ملتهين .. ومن بعد ما أجت يُسرا والأمور الليّ صارت الكُل عرف أريد أتطلك مِـنْ الأشيب ومحد كان قابل لا على الطلاق ولا على زواج الأشيب ، خصوصاً خالة نسرين
نسرين: فكري بوعيّ يُمة عوفي الطيش
مورفو: خالة حبيبتي برأيج بعد الليّ صار وتصرفات فَـدار الليّ ما ألها مُبرر منطقي ما راح أطلع بدون كرامة لو بقيت وياه؟
- سكتت ما عندها جواب تعرفة غلطان بس ما تنطي بي
سهاد: أذا قافلة على الطلاك تطلگي وهو يطلع مِـنْ البيت وأنتِ تبقين
مورفو: هاهي متفقين

نهضت مِـنْ مكاني حضنتها والضحكة مرسومة على وجهي الليّ أبتهج مِـنْ كلامها ، بعدها تركتهن وصعدت لغُرفتي من قرب موعد رجوع الولد من دوامهم وطول النهار ما طلعت بعد ..
مُضت ساعات طويلة أني معتزلة وصافنة بالفراغ ، بعدها فزيت على دكة الباب ، عدلت كعدتي وصحت بصوت مسموع سامحة لليّ داكة يدخل ، كان عزيز دخل مبتسم ، سلم عليَّ وكعد على الكرويتة تارك الباب مفتوح متسائل
عزيز: سمعت تردين تطلگين مِـنْ الأشيب؟

مورفو: اي بس هم لا تتأملني احبك وراها

ضحك هاز راسة بنفي
عزيز: ما راح اتأمل شي ، لأن الليّ دا أشوفة خلاني مأيس منج

مورفو: وشداشوف

عزيز: حبج للأشيب وحبه هو هم

مورفو: بنته اني

طالت نظراتة ألي وهو ينطق كلماتة
عزيز: بس هو يعشقج ..!
- بهتت ملامحي ما فاهمة قصدة بالمضبوط وهو أبتسم بقهر
عزيز: مو بس مثل بنتة ، هو يعتبرج كُـل دنيتة .. حُبي ألج يم حُبه لا شي مورفو

مورفو: بس هو راد يتزوج

عزيز: مِـنْ الحيرة اللي بكلبة وخوفة ما يعرف شيسوي وشيتصرف والله ، يحاول يقنع نفسه أنتِ بنتة بس جذاب ما يكدر عيونه فاضحتة ، أنتِ شايفة نظراتة مِـنْ تحجين وياية لو يشوفج واكفة يمي شيصير بي لو لا؟ ترة أني شبعت تهديدات مِـنْ وراج يومية يطيح حظي ويتحلف يذبحني أذا فكرت أتقرب منج ، وللعلم حتى سالفة زواجة جذبة البنت الليّ جابها صديقة عمران وهو حتى ما يعرفها سابقاً بس لأن أنتِ طلبتي تشوفينها قبل الزواج رهمها وأتفق وياها وجابها ، وأنتِ ما شـاء الله مندمتها لأن أجت.

بُقيت مصدومة مِـنْ الكلام الليّ دا أسمعة مِـنْ جهة حُب الأشيب ومن جهة مصدومة بقابلية يُسرا شلون كلبها ينطيها تسوي هيج وهي لا تعرفني ولا أعرفها؟ أبتسم مِـنْ طال سكوتي
عزيز: أريـد أساعدج ترتاحين مورفو

مورفو: بـشنو تساعدني

عزيز: راح اخلي الأشيب يجي يعترفلج بـحبه

مورفو: وليش تعذب نفسك هيج

عزيز: المن ثنينه متعذبين ع الاقل واحد من عدنه يرتاح

مورفو: ماريد تساعدني عزيز

عزيز: شوفي من تحب من كل كلبك راح تتمنى السعادة والراحة للشخص الي تحبه حتى اذا جانت راحته مو وياك واني هيج اريدج ترتاحين حتلو راحتج وي الأشيب هم ادوس ع كلبي لـخاطرج وهم لان عرفت مستحيل يجي يوم وتكدرين تحبيني، فـ لـيش نبقى متعذبين بس بشرط؟!

مورفو: شنو؟!

عزيز: راح تدعيلي الله يريح كلبي ويعوضني عن خسارتج انتي كلبج طيب وبريئة دعواتج راح تكون مستجابة

نزلت راسي ويا ما نزلت دمعتي وأحتقن صوتي
مورفو: دا تعذبني هيج عزيز ما أتحمل أزيد كسرة كلبك

عزيز: وداعت ضحكتج متعذب ع عذابج اكثر من اي شي

مورفو: ماريد عزيز ابقى بعيد عني وهاهي

عزيز: راح ارتاح من ترتاحين مورفو اذا صدك تردين تجبرين كسرة كلبي خليني اساعدج

هزيت راسي رافضة كُـل الفكرة أستصعبت عزيز هو الليّ يجمعنا ، روحي أنسحنت عليه وهو ضحك وهمس بهدوء
مورفو: لج شهل حنية الليّ شايلتها دخيل ربج
- بُقيت ساكتة ودموعي تشرح كُلشي ، أخذ نفس عميق يصبر نفسه
عزيز: كافي تبجين مو زين عليج وأنتِ مريضة
- مسحت دموعي بسرعة ورُفعت راسي
مورفو: بس هو كسر كلبي ما أريد أسامحة

عزيز: ومنو كلج راح يحصلج بالهين

مورفو: شنو ببالك

عزيز: راح نعذبة شوية حتى يحس هو شخسر

مورفو: بس خطيه ليش

عزيز: هههههه شكد فطيرة والله محد خطيه غيرج

مورفو: شبيك عزوووووز

عزيز: وهسه شنو اي لو لا عوفي الصياح

مورفو: شلون راح نعذبة

عزيز: اكثر شي يعذب الرجال هي لـ غيره

مورفو: وشلون نخلي يغار

عزيز: اكو غير عزيز محترك منه الأشيب

مورفو: لا انجب راح تتعذب انت هيج

بهتت ملامحة وصُفن بوجهي يستوعب غلطتي ومن أني أستوعبت نفسي شجفصت خلين أيدي على حلكي عاصرتة بقوة وأهز براسي ، بُقى مصدوم ويباوعلي .. أبعدت أيدي أحلف
مورفو: وحق الحُسين الشهيد بالغلط ما أعرف شلون طلعت مني بس أتحمست شوية .. لا تضوج والله أني ما أحب أغلط بس الليّ يمردغني أغلط عليه شوية
- أبتسم وهز أيدة
عزيز: ينلام بيج أبو شيبة مِـنْ يكول لسانها مزيت

مورفو: والله اسفه عزوز شبيك

عزيز: المهم هسه نرجع لسالفتنه

مورفو: اي انت ما تدخل راح تتعذب

عزيز: اسمحيلي اكلج انجبي لعد وغصباً عليج ادخل

مورفو: ماريد والله مو غصب هي

عزيز: لج شبيج قابل متزوجين هي شويه نحركه وهاهي

مورفو: اي بس مو وياك

عزيز: لعد ويامن وي روار الفاهي

مورفو: لا ما اسمحلك تحجي على روار رجاء
عزيز: هم حظوظ هي هسه المهم تقبلين وأنتِ ساكتة

مورفو: وانت شراح تحصل من تسوي هيج؟!

عزيز: احرك كلبه شوية واخذ حق دموعج منه وبعدها راح اشوفج مرتاحه

مورفو: شوووووف شلوووون يمرد كلبيييي شبييييييك

عزيز: لا تتحمسين واسمعيني عدل

هزيت راسي وركزت بكلامة وهو يشرح ويوضح شيريد يسوي خلال هذه الأيام ، كمل وأشرلي بحواجبة
عزيز: أستوعبتي مو؟

مورفو: استوعبت بس ماريد لا هيج راح تتعذب انت شبيييييك ماتفهم

عزيز: اهوووو شبيج لطشتي بيه يابة ماحبج ولا راح اتعذب عليج بس فضيها عاد

مورفو: مادري عزيز خليني افكر وبعدين المايحبني خمو كوة اخلي يحبني

عزيز: ترا ميت بيج هو مو بس يحبج ليكون بعلمج

مورفو: وانت؟!

عزيز: يابة شتلح شبيج مورفو شمضرطت اني لعد

مورفو: اكول احترم نفسك ولا تنتر بيه لا عبالك صرنه اصدقاء وتكدر تاخذ راحتك والله امردغك تمردغ

عزيز: هههههه خوش وهسه متفقين لو لا

مورفو: متفقين

عزيز: خوش لعد رايح اني واول خطوة بالليل

مورفو: خوش

نهض ما مقتنع ولا متأكد مني بس سكت ، تركني وطلع وأني بُقيت صافنة أعرف الليّ راح يصير غلط بغلط أذا ناحية الأشيب أو عزيز بس كنت أريد أرجع حقي منه ولو بشي بسيط وأعيشة الشعور الليّ عيشنياه مِـنْ جاب يُسرا ..
أخذت ملابسي ودخلت سبحت ، بعدها رتبت نفسي وتركت شعري مفتوح ونزلت للصالة بكل نشاط متناسية المرض وكُلشي سيء عشتة ، فتحت أديها خالة نسرين تهلي بيه بضحكة ترد الروح
نسرين: يُمة هــلا بفراشتنا
- تقدمت حضنتها مكزكزة عليها وهي تضحك ، صرت أبوس بوجها بقوة
مورفو: بعد روحي العزيزة ، شهل جمال هــا؟ فهميني شهل جمال..! لك أذوب عليك أني نسرينــــو

صاحت وردة متنرفزة
وردة: أستغفر الله حســــوّ أكو مُطـــي كاعد هنـــا

مورفو: نسرينووو منو بنياتج

نسرين: مورفو

عاطت عطية فززتنا
وردة: ولكم يبـــــــــووو ألحكولي يا عالم راح أشك هدومــــي وأطلع بالشــــارع
- صاح بيها روار منزعج
روار: وجـــع شبيــج هرجتينا؟

ورده: ولك باعتني نسرينووو باعتنييييي

روار: بيش الكيلو أنتِ

ورده: بزوج قنادر

مورفو: اووووي شبيج

ورده: شبيه بعد شبيه ماخذه امي مني شتردين اسوي

مورفو: عادي استقبليها برحابة صدر واسكتي

ورده: هو صوجج لو صوج ست نسرين عيني الي ما صدكت لكت بنيه ملونه كبل باعتنه ترا احنه هم حلووووين يمةةةة

نسرين: ثنينجن بناتي يمة معزتجن وحده

ورده: ومن كالتلج منو بنياتج كلتي بس مورفووووو تراااا

نسرين: نشاقيج يمة

طلعت تبارك مِـنْ غرفتهم تتبختر نعرفها متضايقة مِـنْ أصواتهم العالية ، بس ما حجت شي وروار ما يكدر اذا ما يتحرش بيها
روار: أكو وحدة أسمها توتة كبرت صارت مُعلمة شيصيحولها؟

مورفو: ستوته هههههههههههههه

ضحك روار بصوت عالي هو ووردة، تبارك ما كان عاجبها الموضوع
تبارك: هي الشغلة انداست
روار: الله ياخذ روحك عزيز على هذه الحجاية
تبارك: سمعتها مِـنْ مولفو مو من عمو عزيز

روار: الملونة كل نفع مابيها بس تعلم الشغلات الطايح حظها

مورفو: غير اتعلم منكم

ضحكت وردة بشماتة
وردة: طارت جبهة روار وعلــي
- بُقى مضيك عيونه علينا وتبارك تسأل
تبارك: شوكت أنطيكم دلوس (دروس) هدوء
روار: لج خالو أنتِ عليمن طالعة والله ما عندنا أحد مثلج

نسرين: احسن منكم مربيه نفسها بنفسها خمو مثلكم مسربتين

روار: شمسوين عيني ست نسرين

نسرين: شالعين كلبي

روار: لو الأشيب جان ما كلتي شالع كلبي

نسرين: بعد كلبي كلبه شمسوي الرجال

روار: طبعا هذا الأشيب خمو روار المكرود

ورده: ولك احنه مضطهدين

روار: والعباس اي

مورفو: ع طاري العباس شوكت نروح للزيارة

نسرين: تردين تزورين يمة

مورفو: اي وروار كال اخذكم

روار: خنشوف رجلج الشفية وتدللين

نسرين: صيري زينه هسه يلا نروح وين بيج حيل هسه

مورفو: اي غير لـما يتفرغون بعد سنه منروح

سهاد: والله الأشيب بس تحجين يشيلج ع ظهره وياخذج

مورفو: خالة احد كلج هو بعـ...

سكتت قبل لا أكمل كلامي متلاحكة نفسي وروار المفضوح فهمها
روار: منين أجيبلج أبو شيبة هسه يسمعج؟

مورفو: نتخارب اذا حجيت والله هي فلتت ترا

روار: ع يوم يطير راسج من ورة فلتات لسانج

غلست عليه وهو بقى كل شوية يتذكر ويضحك وخالة نسرين ترزل بي ، للعصر رجع الأشيب مِـنْ الدوام سلم عليهم وتقرب مني طابع بوسة على راسي ونزل نفسة للكاع لازم أدية وعيونه تتنقل بين شعري النازل على أكتافي وبين ملامحي الجامدة ويسأل بحنية
الأشيب: شلون صرتي يا نظر عيني؟
- اكذب أذا أكول ما خجلت مِـنْ تصرفة كدام أهلة بس هو كان عادي وكأنُ طفلة كدامة ، سيطرت على نفسي وجاوبتة ببرود
مورفو: زينة

الأشيب: اخذتي علاجج الظهر

...هزيت راسي بـ اي رجع سأل
:-تكدرين تاكلين مثل قبل لو بعد عندج الم

مورفو: عندي الم رصاص

أبتسم رغم حجيتها بدون نفس
الأشيب: باجر نروح للطبيب نشوف وضعج هم
مورفو: ما أروح

الأشيب: ليش بنياتي حتى تصيرين زينه

مورفو: ماعليك بيه عمو

الأشيب: لعد منو الي عليه يروح عمو

بُقيت صافنة بوجهة يعرف نقطة ضعفي هذا الأسلوب بس كابرت ، نزل راسة طابع بوساتة على باطن أيدي وسأل
الأشيب: تجين يمي؟

مورفو: وين؟!

الأشيب: راح انام فد ساعه

مورفو: لا ماريد انام اني

قرب راسة مني أكثر حتى يهمس بدون محد يسمعة على الرغم نبرة صوتة الهادئة هم ما مسموعة لأن بزواية شوية بعيدة عن البقية
الأشيب: ما مشتاقة لحُضني

روار: احححمممم

أتوقع روار سمع أو يمكن لأن لاحظ همس الأشيب ، بالحالتين ضحكت عليه وبُقيت ساكتة ما جاوبت الأشيب الليّ أندار على روار يباوعلة بطرف عينة ورجع باوعلي بدون لا يحجي شي وياه
الأشيب: هــا تجيــن؟

مورفو: لا ماريدك وكوم من يمي كلها داتباوع علينه

أخذ نفس عميق وبعدها أتنهد مأيس مني
الأشيب: أذا أحتاجيتي شي تعاليلي تمام

مورفو: الله كريم

نهض على حيلة طبع بوساتة مرة ثانية على راسي وصعد لغُرفتة ، ما صعدت عليه ولا هو نزل لليل ، تعشينا مع بعض العائلة كُلها وطول ما أحْنا كاعدين هو عينه عليَّ بس أني متجاهلتة أحجي ويا الكُل إلا هو ، بعد فترة نهض مِـنْ مكانة وراح يغسل .. مُضت دقيقة ما تأخر وفزيت عليه مِـنْ لزم شعري ردت أندار بس منعني وكان يلم بشعري بأثنين أديه وجمعة بقُراصة
الأشيب: حتى تاكليـن براحتج

طبطب على كتفي وأبتعد كاعد بالصالة ما رجع لمكانة بعد ، بُقيت مدنكة راسي ألهي نفسي بالأكل ما أريد أشوف نظرات البقية .. مِـنْ كملنا وكُلنا كعدنا بالصالة أجة كعد بجانبي بأيده كلاص ماي والعلاج مالتي مقدملياهن
الأشيب: علاجج
- أخذتة مِـنْ أيدة بدون ما أحجي شي ، طلع چُگليتة مِـنْ جيبة فتحها وقربها مِـنْ حلكي ، مديت أيدي أريد أخذها منه بس رُفض
الأشيب: أكليها مِـنْ أيدي
- أكلتها من أيده وما ناقشتة أعرفة مِـنْ يقفل ولأن أحس نظرات الكل علينا ما ردت أفشلة ، ضحكت خالة سهاد ماكدرت تسكت
سهاد: مو كدامنا عاد يُمة

الأشيب: شمسوين احنه الحنينة

روار: هسه لو منطيك وجه ذولاك العالم

الأشيب: لا تمسلت روار

ضحك روار وسكت ، أجة عزيز هم شاركنا الكعدة وباوعلي مبتسم
عزيز: شلونج اليـــوم؟
مورفو: زينة
عزيز: أتشافي بسرعة مشتاقين لصوتج بالبيت
مورفو: أشتاقولي بعد كم يوم .

ضحك وسكت ما طوخها ، أنداريت على الأشيب بقصد أشوف حالة كانت عيونة بكصتة ومشخصهن على عزيز ، ندستة مِـنْ كتفة
مورفو: فَـدار
- سحب نفس عميق في سبيل يهدأ وجاوبني بهدوء
الأشيب: هــا بابا

مورفو: اريد كنافة

الأشيب: تآمرين بنياتي ترحين ويايه لو اني اروح اجيبلج

مورفو: لا ماكدر تعبانه انت جيبلي

كرصني من خدي بخفة وهمس
الأشيب: تآمرين روح فَـدار أنتِ

ما كدرت ما أبتسم مِـنْ كُـل كلبي على حجايتة الليّ طيرت فراشات روحي حواليني ، طلع هو وأني باوعت لعزيز كان صافن عليَّ ، غلست عنه وبُقيت منتعشة بحجاية الأشيب ..
مُضت تقريباً نص ساعة وأشرلي عزيز بالخفية حتى أروح للمُطبخ وهو سبقني .. اتسحبت بهدوء ورحت للمُطبخ ، طلع كنافة أنطانياها
عزيز: دقيقتين بالزايد وراح يجي

مورفو: شو كلبي يوجعني

عزيز: لا تبقين فاهيه وعود ما وصيج هم روحي كليله متفقين اني وعزيز

مورفو: هم اكله بس مو هسه

عزيز: مورفو شبيج دخيل ربج ضميلج سالفه ببطنج

مورفو: ماكدر اسفه

ضحك وطلع مأيس مني أضم حجاية عن فَـدار ، والليّ سويتة مثل ما أتفقنا كعدت أكل كنافة بالمُطبخ بس أحس مغصة ببطني مِـنْ التوتر ، الأشيب مــا تأخر مثل ما كال عزيز ودخل البيت ، تقرب مني عين عليَّ وعين على الكنافة وسأل مستغرب
الأشيب: منو جابلج؟
مورفو: عزيز
- بُقى واكف بمُكانة ساكت ، دخل عزيز زاد الطين بَلة
عزيز: مِـنْ رجعت شفتها وجبتلها أعرفها تحبها
- شُمر الكيس الليّ بأيدة على الطاولة
الأشيب: أي بالعافية
مورفو: شكراً عمو

أخذلة نظرة مطولة على عزيز بعدها تقرب منه بهدوء وفززني مِـنْ ضربة گَلة بنص وجهة مِـنْ قوتها طاح عزيز على الأرض وصار خشمة ينزل ..! شهگت مفزوعة ومصدومة مِـنْ تصرفة نهضت بسرعة أريد أشوف عزيز بس الأشيب منعني مِـنْ سحبني مِـنْ أيدي مرجعني لمكاني يحجي بهدوء
الأشيب: كملي أكـــل بنياتي
مورفو: عـــزة شبيك فَـدار ليش هيج تضربة.!

ما جاوبني وبقت عيونة على عزيز يحجي وياه محذرة
الأشيب: هذا تنبيه وبلش عِد وياية كم تنبيه وكم أنذار وتجي نهايتك
- ضحك عزيز بأستفزاز
عزيز: ما توكف بعيني تنبيهات ولا أنذارات ولا خطوط الموت
الأشيب: أنتَ الليّ جبتها لنفسك لعد

شال علبة الكنافة الليّ هو جابها وسحبني مِـنْ أيدي وياه مصعدني الغُرفة متجاهل كُـل العيون الليّ كانت علينا و كُـل الأسئلة الليّ توجهت النا ..! حاولت أسحب أيدي وأبتعد بس ما سمحلي شدد قبضتة ونتر بيه بحدة
الأشيب: كافـــــي مورفـــو
مورفو: شبيك أنتَ شبيــــك شنو هذه التصرفات؟
- دخلني للغُرفة وقفل الباب ، أندار عليَّ يسأل بنفاذ صبر
الأشيب: كم مرة حجيت وكلت أبتعدي عن عزيز؟

مورفو: وين ابتعد ترا عايشين نفس البيت

الأشيب: اني مو رحت اجيبلج ليش تاخذين منه

مورفو: ماحبيت افشله عادي

صاح بيه بعصبية جمد الدم بعروگي
الأشيب: ممنــــوع مورفو ، ممنــــوع تاخذين أي شي مِـنْ أحذ حتى لو مِـنْ أمي هم ممنــــوع خـــوش؟

مورفو: لا مو خوش وماعليك بيه ترا احنه متخاربين شهل حشرية

الأشيب: تبقين فراشتي وتخصيني وحدي وبنياتي خليها ببالج مورفو

مورفو: بس اني اريدك تطلكني

الأشيب: خليها ترجية بـ اذنج ما اطلك

مورفو: ترة أتفقنا ما تلزك بية أريد أعيش حياتي على شنو هيج معاند؟ مو تريد تتزوج أنتَ؟ حلال بس عليك؟

الأشيب: ترا حت لو اطلك ماراح تطلعين من هل بيت

مورفو: اي ازوج عزوز وابقى عايشة هنا هو يحبني ويريد رضاتي وراحتي

هنا ما كانت مُجرد جفصة كانت نووي أنفجر بعقلة مِـنْ الليّ سمعة .. بس كان ضروري أحجي حسب أتفاقنا أني وعزيز .. عيونة صارت دم .. شرايين گصتة صارت واضحة وضوح الشمس ، ضرب الحايط بقبضة أيدة بقوة حسيت أعظام أيده تكسرت ، صاح بيه بغضب مُخيف
الأشيب: لج شبيــــــج؟ شهل كلب الليّ عندج وتحجينها بوجهــــــي بهل برود؟ وين صايرة شهل ***** هذه..!
- شهل كلب أحجيها كدامة؟ ما يحجي عن نفسة لو نسى أفعالة؟ حسيت كلبي راح ينفجر وما كدرت أكتم أكثر وعطت بوجهة
مورفو: شنو مِـنْ صلافة لعد جايب وحدة للبيت وتكلي أريد أتزوجها؟ لو المشاعــــر والأحاسيــس بس عنــــدك ومورفو مِـنْ حَجـــــر؟
الأشيب: كتلج ما أنطيـــج لعزيز تفتهمين شنو ما أنطيج؟ وهسه لا لعزيز ولا لغيرة
مورفو: مو على كيفك فَـــــداار...

غَصيت بالكلمة وخليت أيدي على حلكي بسرعة أگح مِـنْ حسيت أحبالي الصوتية أنفجرت ، أفتر راسي دايخة وأيدي صارت بيها دم طالع مِـنْ حلگي.! رُفعت راسي على الأشيب كان صافن على أيدي مصدوم، تقرب بسرعة والخوف مستوطن عيونة ونبرة صوتة
الأشيب: منين هذا الدم مورفو شبيج؟
- أحس روحي راحت وهويت على الأرض ، سندني مخليني بحُضنة مكذب الحقيقة يتأمل يسمع مني غير جواب
الأشيب: عليتي كلبي بس حاوبيني منين هذا الدم.!

ماكدرت أجاوبة ما أعرف شصار بيه بهذه اللحظة .. غمضت عيوني فاقدة وعيّ.! ما أعرف بعدها شصار وشلون وصلت سدية المُستشفى كان الأشيب يمي يمسد على راسي بحنية .. صرت أتذكر الليّ صار وأنقبض كلبي مِـنْ تذكرت الدم الليّ شفتة والخوف أستوطن روحي وهمست بوجع
مورفو: راح أموت مو؟
الأشيب: لا بنياتي لا يا نظر عيني لا تحجين هيج ما بيج شي
مورفو: لعد ليش هيج صار؟

الأشيب: من التقرحات والجراحه الي صايرة ببلاعيمج ولان صيحتي بصوت عالي صار هيج

مورفو: ماحب اتمرض فدعوس اريد اطيب

الأشيب: من عافيتي لـعافيتج يروح فدعوس

...شهكت ابجي واردفت بغصة
:-طلكني فَدار خليني اروح ماريدك بعد

...سند كصته ع كصتي واردف بحسره
:-ماكدر اخليج تروحين تبيض عيوني اذا ما اشوفج كل يوم،ما اكدر اتخيل يجي يوم وادخل للبيت وانتي مابي

مورفو: ماريد اشوفك اني

...حضني راسي لكلبة وهمس بغصه
:-واذا عيوني رادت وجهج وين اوديها

مورفو: راح اتعبك واكسر كلبك فَدار

الأشيب: شككي واني اخيط وراج

غمضت عيوني مستسلمة لأذرعة الليّ محتضنتني بقوة ، أبتعد بعد ثواني يمسح بدموعي متسائل
الأشيب: نرجع للبيت لو نبقى الليلة هنا؟

مورفو: اريد ارجع لـ فراشي

الأشيب: شوكت ترجعين لـ حضني

مورفو: مارجعلك بعد انت خسرت مورفو

الأشيب: خسارة روحي اهون من خسارتج وغلات عيونج بـكلبي

سكتت ما عرفت شجاوبة ، راد يشيلني يطلعني للسيارة بس أبتعدت عنه رافضة
مورفو: أني أمشي
- ما أهتم لرأيي وشالني بين أديه
الأشيب: مدا أخذ رأيج أني

ضميت وجهي حتى ما أشوف نظرات العالم ألنا ، رغم الوضع كان شُبه عادي لأن أغلب المُرضى يا بكُرسي متحرك يا أحد شايلة .. الطريق كُلة أني ساكتة ما نطقت حرف واحد وهو يحاول يفتح موضوع بس فشل هذه المرة .. مِـنْ وصلنا البيت تلكتنا خالة نسرين خايفة
نسرين: شلون صرتي يمة؟

مورفو: زينه خالة

نسرين: وكعتي كلبي عليج

الأشيب: اسم الله ع كلبج العزيزة مابيها شي ان شاء الله

كملت طريقي أريد اصعد غرفتي وأستوقفتني
نسرين: تعالي نامي يمي بنيتي

ما أعترضت لأن كنت بحاجة حُضن يحتويني ، تغيرت خُطاي ناحية غُرفتها وأسمع حسرات الأشيب الليّ تهد حيلي قبل حيلة .. نمت بحضنها ذيج الليلة ذابة ثُكل راسي على ذراعها ، الصُبح كعدت مِـنْ وقت وطلعت مِـنْ يمها بهدوء لغُرفتي .. غيرت ملابسي وعناد بالأشيب تركت شعري مفتوح وطلعت اريد أنزل بس صادفني عزيز طالع مِـنْ غُرفتة بملابس الدوام ، ركزت بوجهة وبالضبط على خشمة كانت الكدمة واضحة
مورفو: شلون صرت؟ تأذيك؟
- أبتسم وهز راسي نافي
عزيز: ما توجع ، أنتِ شلونج اليوم؟
مورفو: زينة أني مابيه شي

ميل راسة وراد يكمل طريقة حتى ينزل بس مِـنْ أجت عينه على باب غُرفة الأشيب أبتسم وتراجع باوعلي يتكلم بصوت عالي
عزيز: حلو عليج شعرج هيج ، دائماً خلي مفتوح

ما لحكت أستوعب ليش هيج يحجي وأنفتحت باب غرفة الأشيب بعصبية تحسة متعارك وياها .. أندار عليه عزيز وأبتسم
عزيز: صباح الخير أبن عمي الغالي

عن أي خير يحجي وهو زاد النار حطب مِـنْ الصُبح؟ كانت نظراتة مليانة أستفزاز يجلط .. مِـنْ ما سمع جواب مِـنْ الأشيب نزل وتركنا ، بدون لا أندار وأشوف الملامح الليّ أكيد هسه صايرة بُركان قررت أنزل وأحافظ على حياتي ، وبأول خطوة خطيتها لزمني مِـنْ شعري مرجعني وهمس بنبرة ترجف مِـنْ الخوف
الأشيب: أذا يبقى مفتوح أكص راسج مو بس شعرج صَـبا
- بلعت ريگي وحاولت أخفي خوفتي منه بهذه اللحظة
مورفو: عوف شعري خلِ نتفاهم
الأشيب: تخلي مفتوح؟
مورفو: عوفني أرجع لغُرفتي أشدة

هو صدكني وتركني ، أبتعدت عنه كم خطوة وأنداريت صحت بي
مورفو: لا تدخل بيه بعد أني حُرة نفسي شريد أسوي

كملت كلامي وطكيتها ركضة على الدرج أريد أنزل يم نسرينو وهو يركض وراية ويصيح
الأشيب: لا تركضين الخبلة الملونة ام لسان لا تركضين
مورفو: لا تركض وراية لعد راح أوكع عوفنــــــــي

وكفت عند النهاية أتنفس بقوة وكلبي يرجف ، بُقيت متبسمرة بمكاني مِـنْ صار بوجهي عُمران يباوعلي مصدوم .. نزل الأشيب وراية ساكت وعينه على عُمران الليّ ما نطق حرف واحد حتى صباح الخير نسى يكولها وطلع ، بس طلع كملت ركضتي لغرفة خالة نسرين والأشيب أجة وراية لا يخاف منها ولا يهابها ، صرت وراها متحامية بيها
مورفو: خالة أنقذيني مِـنْ أبنج بروح رجلج المرحوم
- حاولت تخفي ضحكتها
نسرين: شبي وياج أبني؟
مورفو: يعاملني بقسوة نزلني مِـنْ الدرج يسحسل بيه مِـنْ شعري

رُفع حاجبة الأشيب بأستنكار
الأشيب: أني هيج سويت؟
مورفو: وعمران شاهد
الأشيب: لج أم لسان ليش تخليني اذبحج عكس القبلة؟
- صارت عيني على خالة نسرين وأيدي تأشر على الأشيب
مورفو: دا تشوفين خالة مو؟ ما يحتاج أحجي شي بعد

سحبتني خالتي نسرين مِـنْ أيدي مكعدتني وكعدت بجانبي وأشرت لـ فَـدار يكعد مِـنْ الجانب الثاني
نسرين: لشوكت تضلون بهذا المناكر؟ فهموني حتى أعذركم
الأشيب: شتعرفين عن أبنج يُمة
نسرين: والله الليّ أعرف عاقل ورزن وثكيل ويعرف شلون يتحكم بالأمور بس هسه مدا أعرفك
الأشيب: معناها المصيبة الكُبرى مورفو لان طيرت عقلي مِـنْ راسي بسوالفها ، أحجي وياها شوفي شنو علتها؟
مورفو: خلِ تشوف علتك وتفسر تناقضاتك بالأول

تحرك يريد يشوفني زين وراد يحجي بس خالة نسرين سُبقتة مانعتة يحجي شي
نسرين: أصبر قبل لا تهجم خلِ نفتهم
- أندارت عليَّ متسائلة
نسرين: بنيتي مورفو أنتِ شنو الليّ تردينه؟
مورفو: أريد يبقى بعيد عني ولا يتدخل بيه ، خليني بمسؤوليتج مو بمسؤوليتة

صُفنت بوجهي ومن لاحظت الجدية بكلامي ما أعترضت حاولت تكون وياية بكُلشي أريدة ..
نسرين: هاهي ما يتدخل بيج
الأشيب: هو شنو...
- رُفعت أيدها مانعتة يكمل
نسرين: كافي يُمة ما تريد راحتها أنتَ؟

باوعلي بخيبة ما توقعها مني أطلب مِـنْ أحد يخلي يبتعد عني ، نهض مِـنْ مكانة بدون كلام وطلع مِـنْ الغُرفة .. وخالة نسرين رغم ما راضية على هذا البُعد بس رادت توكف وياية وما تحسسني هي واكفة ويا أبنها .. مُضت الأيام وأني أحاول أبتعد عن الأشيب وأقهرة مثل ما قهرني بس هو ما مَل كان دائماً يحاول يرجعني أله ، و كان كُـل يوم بالليل يجي يكعد يم راسي أني ونايمة يناثر بوساتة على وجهي ويشم شعري بعدها يطلع ..
بعد أيام مِـنْ حرگان الدم كنت كاعدة بالصالة وأجة عزيز
كعد كدامي متسائل
عزيز: شنو الوضع؟

مورفو: محترك وطالعه ريحته

عزيز: ههههه اني هم شتميت ريحته

مورفو: بس احس خطيه كافي هيج

عزيز: بعد اصبري

مورفو: شكو بعد

عزيز: راح نروح للزياره باجر وراح اروح وياكم ونحركه هناك شويه هم

مورفو: منو كال راح نروح

عزيز: الأشيب كال لخالتي وامي

ما أعترضت وهو نهض يريد يطلع
عزيز: محتاجة شي أجيبلج من أرجع؟

مورفو: ما كفتك الضربة مال الكنافة

عزيز: هههههه عادي يمعوده شابع گلات من الأشيب

مورفو: مدمغ قصدك

عزيز: اي والله خاصه هاي الفترة من وراج طيح حظي

مورفو: تكبر وتنسى

أستمر يضحك بعدها ودعني وطلع ، كان البيت هدوء ماكو أحد الأغلبية طالعين حتى خالة نسرين ، صعدت لغُرفتي أتصفن على الحياطين ما أعرف شسوي مِـنْ الملل والضوجة ، أنفتحت الباب بعد فترة بدون استأذان ودخل الأشيب ، أبتسم وتقرب كعد يمي
الأشيب: شلونها بنيات الأشيب؟

مورفو: بنت رِسن اني

الأشيب: و بنت فَدار هم

اومأت رافضة ما طول النقاش ورُفع أيدة يمسد على شعري
الأشيب: ليش كاعدة وحدج؟

مورفو: ماكو احد مدري وين طلعو

الأشيب: وامي وخالتي

مورفو: خالة نسرين هم طلعت وخالة سهاد نايمه

الأشيب: شلون صرتي اليوم

مورفو: زينة مابيه شي

الأشيب: تحتاجين عمليه بلاعيم مورفو

مورفو: ماريد اخاف

الأشيب: مزمنات لازم تشيليهن بابا راح يتعبنج هيج

مورفو: طابن هسه مابيهن شي

الأشيب: لا تشلعين كلبي بنياتي سويها واخلصي

مورفو: مو هسه بعدين

الأشيب: شبيج يـعيونات فَدار لـيش ضايجه

دنگت راسي ملتزمة الصمت ، باس أيدي متسائل بقلق
الأشيب: أحجيلي مورفو بيج شي؟ محتاجة شي؟
مورفو: الليّ محتاجتك ما تكدر تسويلياه فَـ لا تسألني بعد

الأشيب: كليلي شنو هو يمكن اكدر اسوي

...رفعت راسي باوعت لعيونه واردفت
:-حضن ابوية

...سكت ثواني بعدها فتح ادية و كال
:-غمضي عيونج وتخيليني ابوج وتعالي لحضني

مورفو: بس انت فَدار

الأشيب: اني ابوج قبل اي شي بنياتي أنتِ

كنت محتاجة أحتواء أحس نفسي ضايعة ، دفنت راسي بصدرة مغمضة عيوني متناسية الدنيا والليّ بيها ، حضني بقوة ما تركني ولا تعب ولا مَل إلا مِـنْ أبتعدت اني وصار يمسد على خدي بحنية
الأشيب: كومي غيري ملابسج راح أخذج لمكان

مورفو: ماريد اطلع

الأشيب: راح ترتاحين والله كومي

مورفو: مابيه حيل عمو

الأشيب: ماخذج مشي شنو؟ غير بالسيارة يا عيني كومي لا تشلعين كلبي

مِـنْ بعد ملحة وأصرار منه قنعني نطلع ، دخلت الحمام غيرت ملابسي ورجعتلة هو كان كاعد على السرير وبأيدة مشط ، أشرلي أكعد كدامة
الأشيب: تعالي أمشطلج شعرج
- ما كدرت أخفي أبتسامتي وكعدت كدامة مستذكرة الأيام الليّ كانت أيدي مجبرة وهو يهتم بشعري .. صار يمشط بهدوء و مِـنْ كمل شم شعري بقوة
الأشيب: أوفيــــــــش شكثر مشتاقلك

مورفو: محد كلك خربنه فدعوس

...حضني من وره بقوة وهمس يم اذني
:-طلع مايكدر يعيش بدونج فدعوس شلون بي

مورفو: مشكلته بعد يجي يوم واروح منا واعوفه

الأشيب: اخذيني وياج وين ماترحين

مورفو: هو اني اريد اروح منك المن ماخذتك ويايه

الأشيب: ماكدر بدونك طير الشوك شبيك مداتفهمني، ردت ابتعد بس والله ماكدرت مثل ما انتي روحج صارت بيه اني هم روحي وكلبي وعقلي وكلشي بيه صار بيج ويريدج

ما عرفت شجاوبة وألتزمت الصمت ، سحبني مكومني وياه وطلعنا مع بعض ، كانت مسافة الطريق أقل الساعة تقريباً ووكفنا كدام مقبرة ..! أنداريت عليه بسُرعة وهو أبتسم
الأشيب: أول مرة تجين مو؟
- تجمعت الدموع بعيني وهزيت راسي بأيجابية ، نزلنا نتمشى بين القبور وسألتة أذا يندل قبر أبوية والواضح سأل قبل لا يجيبني .. وكفنا بعد مسافة قليلة وأشرلي على قبر
الأشيب: هذا قبر أبوج

بُقيت جامدة بمكاني دموعي تشرح مدى حزني وأشتياقي أله كنت محتاجة أحضن شي يخُصة حتى لو قبرة ..
الأشيب: ما راح تروحيله؟

مورفو: اريد ابقى وحدي عمو

الأشيب: ماشي بنياتي راح انتظرج اني

...رجع مسافه لورة مو بعيد وانت تقدمت كعدت يم قبرة دنكت راسي ونهاريت ابجي
:-وينك بابا مو كلت راح ارجع اخذج ليش اخذت امي وعفتوني والله حياتي صعبة بدونكم، صفيت وحدي بدون اهل ماعندي غير الأشيب حتى ماكدر ازعل منه لان ماعندي مكان اروحله بس لو انت عايش جان ما تبهذلت ونذليت هيج جان محد كدر يكسر جناح فراشتك فدوة بابا اخذني يمكم والله مشتاقتلكم صعبة العيشة بدون اهل ليش هيج كطعتوني من شجرة

كنت أتوسل بي ياخذني وأستمريت أبجي وأحجي وأقنع بس لا حياة لمن تنادي ، حسيت على الأشيب لمني بحُضنه يبوس براسي ويهمس
الأشيب: كافي مورفو مو زين عليج هيج

مورفو: اريدهم عموووو والله داموت لـ فراكهم محد يحبني مثلهم

الأشيب: اني احبج بنياتي نـظر عيني أنتِ

...شهكت ابجي وجاوبته بصوت مخنوك
:-حتى انت توقعتك رحمه الي طلعت عذاب اضافي

...عصرني بقوة واردف بغصه
:-لا مورفو لا بابا والله افرشلج عيوني

...بقى حاضني وكاعد لـما هدءت بعدها كومني ويا للسيارة صعدت وهو فتح بطل مي غسل وجهي وبقى واكف يمي يياوعلي بـ قهر ابتسمت واردفت
:-يلا خلصت الدراما امشي نرجع

الأشيب: لا تضغطين ع نفسج هيج مورفو تتعبين

مورفو: هونها تهون احنه ما عايشين بـ الجنه حتى نعيش بسعاده دائما عمو

...تقرب حضن وجهي وباسني من خدودي بقوة واردف بهمس
:-راح افنيلج عمري حتى ترتاحين

...رفعت اديه وحضنت راسه مبتسمه وجاوبته
:-يعني ما افكر بـشي واني بنيات الأشيب

الأشيب: انتي مو بس بنيات الأشيب انتي روحه وكلبه ونظر عينه وكل حياتة

مورفو: ما بقالي غيرك بهل دنيا عمو

الأشيب: اصيرلج دنيا بـكبرها لـخاطر تكتفين

مورفو: مكتفية بـحنيتك اني بس لا تخذلني بعد

الأشيب: جعل الموت ياخذني قبل لا افكر اخذلج

أحس جبل أنزاح عن كلبي بهذهِ اللحظة ، أبتعدت أباوعلة والضحكة مرسومة على وجهي شكبرها
الأشيب: أروح فدوة لهذه الضحكة شكد مشتاقلها

...بقيت ساكته وامسح بـ كفوف ادية ع وجهه وهو غمض عيونه وميل راسه باس ايدي ضحكت واردفت
:-هسه الموتى صافنين علينه يباعون المشهد الرومانسي

ضحك من كُـل كلبة على حجايتي
الأشيب: حتى الموتى ما خلصو منج

مورفو: غير احنه واكفين بنص المقبرة نبوس ونحضن

الأشيب: شنسوي صارت بعد

مورفو: العوز يفشل

الأشيب: يا عوز مورفو؟

حجاها وأنفجر من الضحك جُبرني أضحك لضحكتة
مورفو: أحسك هذه الفترة كلها ما ضاحك هيج ضحكة؟

الأشيب: ضحكاتي باهتة بدونج فـراشتي

...بقيت اباوعله مبتسمه ميل راسه وكال
:-نكطع المشهد الرومانسي ع الموتى لو نكمل

مورفو: نطيتك عين فدعوس

باسني بقوة من خدي بعدها عضة ونطق مفرفح
الأشيب: بعد عيــــون فدعوس أنتِ

سد الباب مالتي وأندار صعد بمكانة مرجعنا للبيت
مورفو: فَـدار أكو سالفة ببطني أريد أحجيها

الأشيب: احجي بنياتي

مورفو: قريت مرة فد اقتباس وحسيته عليك

الأشيب: شنو هو؟!

مورفو:"لَما رآني في هواهُ، متيماً
عَرف الحبِيب مقَامهُ فتدَللاَ"

...ابتسم وكال
:-وانـتي هم داتدللين عليه من عرفتي ماكدر بدونج

مورفو: ليش؟!

الأشيب: غيرتي المايتغير بـ الأشيب شلون اكدر اكمل ابتعد عنج بعد

مورفو: بس بنيتك مو؟!

الأشيب: صرتي وطـن للأشيب انتي

مورفو: اووووي فدعووووس راح احبك ترا

أكتفى بأبتسامة وأني بُقيت اسأل
مورفو: راح نروح للزيارة باجر؟

الأشيب: لا تأجلت

مورفو: ليش؟!

الأشيب: رحيق تريد تروح ويانه وكالت انتظرو ماكدر هسه

مورفو: ليش عليها الدورة

أتمنيت الكاع منشگة وبالعتني قبل لا أنطق هذه الحجاية ، فعلاً أنهار مِـنْ الضحك هو حتى سُرعة السيارة خففها مِـنْ كثر ما ضحك وجها أنصبغ أحمر وصاح بصوت عالي
الأشيب: ما تكدر تضمها بكلبها لا والله ما تكــــدر
- سكتت فشلانة ودرت وجهي على الجامة الليّ على يمنتي
الأشيب: ها هم كولي بالغلط؟

مورفو: اي والله مادري شلون طلعت

الأشيب: لج بنياتي شلون وي لسانج اني بس فهميني

مورفو: بس اني ممكذبة بـ اي شي اكوله

الأشيب: هو كل أحْنا مفتهمين السالفة ومغلسين أنتِ هم غلسي

مورفو: ماكدر اتعب تبقى تحوص ببطني

...ضحك وهز راسه يستغفر والطريق كله كل شويه يباوعلي ويكول
:-احجي لا تسكتين مشتاق لغوتج

ما كنت أحجي إلا مِـنْ يسأل وهو يبقى يفتح مواضيع حتى بس يخليني اشاركة الحديث ومن أحجي يبقى مبتسم ويسمعني بأهتمام ومتفاعل وياية لدرجة تجبرك تستمر بالكلام .. وحتى ضحكاتة كان يضحكها مِـنْ كُـل كلبة أحس بهذهِ اللحظة رجعنا "ماشا والدب" ..
وبنفس اليوم بالليل كنت نايمة بغُرفتي وكعدت على صوت همس
الأشيب: مورفو بنياتي
- كنت أحسب أني متوهمة أو حلمانة بس مِـنْ فتحت عيوني كان الأشيب كاعد على الأرض ووجهة كلش قريب من وجهي ، مسد على شعري طابع بوسة على وجهي وهمس
الأشيب: ما أكدر أنام أريدج يمي
- دفنت راسي بالمخدة مجاوبتة بنفس نبرتة
مورفو: ما أريد فَـدار
- سحب راسي مخلي على أيده ويتأمل عيوني بكل حُب ، كان ينظرلي بنظرات أول مرة أشوفهن بعيونة ، وضعة كان غَريب مو مثل كُـل مرة ، مسد على خدي بهدوء متوسلني بنبرة صوتة
الأشيب: ما أريد أعيش حياتي بدونج مورفو

...بقيت اباوعله وساكته تقرب باسني قريب شفتي وهمس
:-مطشر اني لميني

يتبع ..

..

- لا تنسون التصويت
+تعليقاتكم الحلوة حبيبيني 🤎.

- حساب الأنستا itsara.kh
قناة التلي itsara105