الأشيب الفصل الحادي وثلاثون 31 - بقلم سارة الحسن

﷽

الكاتبة:
"سـارة الحـسن"

-لا تنسون التصويت والتعليق بيـن الفقــــرات
+متابعة الحساب itsara_kh

Instagram: itsara.kh
Telegram: itsara105

..

كلماتها كانت مثل تيزاب يقطر على كلبي .. متخيلين حالتي بهذهِ اللحظة وأني أسمع كلامها..! كارهة نفسها ورغم معرفتها بعواقب الأنتحار لكن فضلتة على حياتها الليّ دا تعيشها .. الله يلوم الليّ يلومها بس كيف حالي وحالنا كُلنا أذا صارلها شي؟ لچمت كلبي بكلامها دا تحسسني بكُبر وجعها وأني عاجز أسويلها شي .. حضنت أيدها بقوة رافض تفكيرها
الأشيب: ليش حبيبتي ليش تحجين هيج؟ أنتِ مو تردين الجنة حتى تروحين يم بابا رِسن أذا أنتحرتي ما راح تكدرين تروحين ، خلصتي حياتج أنتِ صابرة ومتحملة وهسه تردين تنتحرين بعد ما خلص كُلشي؟

مورفو: منو كلك تنقذني لو اريد اعيش مجان انتحرت

الأشيب: تـعذبتي بـحياتج تردين تتعذبين بـ اخرتج هم

...غمضت عيونها وكالت
:-صبا جسد بدون روح هسه

الأشيب: راح اردلج روحج بس عينيني لا تخوفيني عليج بنياتي

...فتحت عيونها باوعتلي بنضرات مكسورة وهمست
:-راد يغتصبني لـ جنت بنته

صفنت على حجايتها أحاول أستوعبها "راد؟" وسألتها بتأكيد
الأشيب: راد لو سواها؟
- هزت راسها بنفي
مورفو: ما سواها بس كان يمارس قذارتة فوكاية ، سوة هيج حتى يقهرك وتطلكني .. بس سلب روحي موتني

غصت بالحجاية وأعرفها شكد صعبة عليها ، الموضوع مو هَين أبد ومع ذلك كان نوعاً ما أهون مِـنْ الأغتصــاب الفعلي .. رُفعت نفسي أبوس براسها أعتذار على كُـل الليّ صار ويايها ، غمضت عيونها حابسة دموعها ما نعتهن ينزلن
الأشيب: راح أطلع حقج مِـنْ عيونه لهذا العار
مورفو: طلعني منا

الأشيب: صار يروح فَدار باجر من الصبح نطلع

مورفو: تعـبت

الأشيب: انطيج حيلي لو حـيلج تـعب يـتعب گلبي

رجعت إلتزمت الصمت شكد حاولت وياها وشكد سألتها في سبيل تحجي شي بس ما نطقت ولا حرف ولا باوعتلي بعد ، بُقيت للصبح كاعد مكابلها وهي مرة تنام مرة تصفن بالسكف .. الفجر تحركت تريد تنهض مِـنْ مكانها ، تقربت منها بسرعة
الأشيب: على كيفج يروحي أني أساعدج
- ما جاوبتني بس سمحتلي أساعدها وهذه هم كانت أول مرة تسمحلي أتقرب منها بالأيام المُضت ما تقبلت مُساعدة غير مِـنْ المُمرضة ..
الأشيب: وين تردين تروحين بنياتي؟
- أشرتلي بأيدها على مساحة الغُرفة الفارغة وأفتهمت منها تريد تتمشى .. تركتها على راحتها تفتر بنفس المسافة تروح وترجع بخطوات بطيئة .. كنت كاعد على جهة وعيني عليها دقايق وحسيت حركتها ثكلت ، صارت تتعرق وصوت أنفاسها مسموع ، نهضت بسرعة خايف عليها
الأشيب: كافي حبيبتي أرجعي لفراشج

بدون ما تجاوبني رجعت لفراشها ساعدتها تنام وبُقت مغمضة عيونها ، فتحت بطل الماي بللت أيدي وغسلت وجهها ، وبقيت كاعد بجانبها أمسد على شعرها لما غُفت ..
صار الصبح وقت طلعتها مِـنْ المستشفى ، إجة الدكتور تطمن على وضعها وطمأنت كلوبنا بنفس الوقت .. صرت أجمع بأغراضها وأندكت الباب قبل لا نكمل ، صحت بصوت مسموع سامح لليّ يدكها يدخل ، أنفتحت بهدوء ودخل زياف مبتسم
زياف: يابة صبـــاح الخيــــر

الأشيب: اجيت بـوكتك

باوع على مورفو وحجة وياها بـهدوء بدون ما ينتظر منها جواب
زياف: شلونج ماشا الگملة؟
- فاجئتني من ردت عليه بدون متباوعلة
مورفو: زينة
- أتوسعت أبتسامة زياف لأن حجت وياه
زياف:يلا عاد كافي دلال أشتاقينالج
- ما تجاوبت وياه بعد ، أنطيتة الأغراض مالتها
الأشيب: طلعهن للسيارة

زياف: اجيبلكم كرسي متحرك

الأشيب: ميحتاج حضني موجود

زياف: ااحححمممم

بنص الضيم يضحكني بنيتة الليّ دوم مو بمكانها ، ردت أشيلها بس رُفضت ورادت تمشي ، سندت أيدها على أيدي وطلعنا نمشي بهدوء ، مِـنْ وصلنا الباب وكفت مغمضة عيونها بتعب
الأشيب: مورفو حبيبتي تعبتي أشيلج؟
- هم رُفضت وسندت راسها على صدري كأنُ تستمد القوة مني ، صمدت لفترة وكملت طريقها للسيارة مشي ، صعدت يمها بالخلف طلبت منها تنام على رجلي لما نوصل بس سمعت مني ، دارت وجهها على الجامة ملتزمة الصمت .. الطريق كله زياف يحاول يخليها تحجي بس ما نطقت وبسكوتها هذا توجع كلبي ، وصلنا البيت وأستقبلونا أهلي كُلهم ، تقدمت أمي بسرعة حضنتها
نسرين: رجعت فراشة بيتنا

ما أنطت أي ردة فعل وحتى مِـنْ تقدموا عليها البقية وتحمدلوها بالسلامة ما نطقت حرف واحد ، نزلت عيونها متلافية نظراتهم .. تقربت منها مسدت على ظهرها
الأشيب: تصعدين لغرفتج ترتاحين؟
-اومأت بقبول ولأن صعبة عليها صعدة الدرج شلتها بحُضني وصعدنا ، مِـنْ وكفت كدام الغُرفة أريد أفتح الباب همست
مورفو: هذه مو غرفتي

الأشيب: صارت غرفتج منا وهيج

دخلنا الغُرفة وكانت تختلف جذرياً عن الغرفة القديمة مِـنْ حيث الألوان والأثاث والترتيب كلشي كان مختلف .. أفترت عيونها تتفحصها ووضح أستغرابها بالتغير لكن ما علقت .. خليتها على السرير وكعدت يمها مقبل جبينها
الأشيب: راح أصيحلج أمي تساعدج تغيرين ملابسج

...هزت راسها رافضة رفعت عينها عليه وحجت بنبرة مكسورة
:-كلها شافت جسمي

...نزلت راسها وي ما نزلت دمعتها واديها صارن يرجفن لزمت اديها عصرتهن وهمست
:-راح اعمي عين كل واحد تجرأ وسوة هيج

...شهكت وجاوبتني بصوت مبحوح
:-احس نفسي قذرة من وراهم كارهه نفسي وجسمي وكلشي بيه كارهته

الأشيب: لا يروحي لا حبيبتي لا تحجين هيج راح نتخطى هل شي وننسى ويصير ماضي

بقت تهز راسها بـ لا ودموعها ينزلن رافضة وما مقتنعة بفكرة النسيان والتخطي مِـنْ كمية الألم الليّ تحس بي ، أحتضنت وجهها بين كفوف أدية محاول أهون عليها
الأشيب: أنتِ مو تكولين عطف الله وحنانك كبير وراح يعوضنا على كل لحظة سيئة بحياتنا وين راح كلامج هسه.!
- دفعت أيدي عن وجهها ومسحت دموعها ، غمضت عيونها متهربة مِـنْ واقعها بالنوم ، بُقيت حاير والألم هلك كلبي ، أمسد على شعرها وأحجي وياها بهدوء عسى ولعلِ يفيد الكلام
الأشيب: أعرف صعبة عليج وصعبة عليَّ أكثر منج وعيونج ، بس لا تبقين كاتمة بكلبج بنياتي ، أحجي أبجي أصرخي كسري شتردين تسوين سويّ بس لا تسكتين
- جاوبتني بدون ما تفتح عيونها
مورفو: شراح يتغير؟
الأشيب: راح ترتاحين، أنتِ مو مرة كلتي الدموع طاقة سلبية ولازم نـبجي حتى نرتاح

...فتحت عيونها عليه وكالت
:-بس اني ماكلت الك كلت لـ عزيز

...ابتسمت وجاوبتها
:-سمعتكم بـ الصدفة

...هزت راسها وكالت
:-ماريد ابجي من ورة واحد نذل

الأشيب: ولا تضيعين عمرج من ورة واحد نذل لعد

...صفنت علية وهمست بغصة
:-لو ما متأخر عليه ماصار كل هذا

...انعصر كلبي ورجف كل حيلي من حجايتها، بقيت اباوعلها حاير شجاوبها طول هل فترة جنت خايف من هاي حجايتها ميلت راسها وهمست
:-جنت اكله راح يجيني الأشيب بس ماجـيت انت

...نزلت راسي وجاوبتها بـقهر
:-والله ماكعدت لحظه وحده واني ادور عليج وحق الله وكتابة ما هدالي بال ولا هدالي وجع كلب طول فترة غيابـج

مورفو: اذا هيج تحبني ليش ما خليتني اموت وارتاح

الأشيب: واني مورفو واني شلون ارتاح بعدج فهميني شلون

مورفو: مثل ما ارتاحيت ورة عائشة

الأشيب: جبرتي كسر كلبي انتي بس اذا صارلج شي مستحيل ينجبر بعد مورفو كسرتين لنفس الكلب صعبة

مورفو: لعد شلون تريدني اتحمل 5 كسرات موت بابا وكسره امي الي يوم عافتني بشارع ومحاولة عابد باغتصابي وخلاني فلم لاصدقائة وغدرت عمي الي واعتداءات عثمان، لو لازم اصير البنية القوية الي ما يهزها شي واتحمل واكمل حياتي طبيعية

الأشيب: مستعد افنيلج عمري واجبر كسورج كسر كسر يابعد كسر روحي عليج

غمضت عيونها حتى تنام وما كان بأيدي غير أنصاع لرغباتها ، كعدت على الكرويتة مخليها على راحتها رغم معرفتي بيها تتصنع النوم حتى تتهرب مِـنْ واقعها وتتجنب الكلام مع أي شخص وحقها ما أكدر ألومها لأنْ الليّ صار مو قليل أبـد ..
فتحت الحاسبة أباوع لتسجيلات البيت الليّ كانت بي ، مَرت أكثر مِـنْ ساعة وأني مكابلهن أحس راسي أتضخم وراح ينفجر مِـنْ قهري عليها شلون مفرفحة روحها يم ذاك الحيوان ، ورغم كُـل شي كانت تستفزة بطريقة تشب نار بين أضلاعة ، كانت قوية بس بقذارتة كدر يكسرها ..!
رُفعت راسي مركز وياها مِـنْ حسيت على أنينها وصارت تتحرك بخفة وشوية شوية زادت حركتها وعاطت بقوة
مورفو: لا عوفــــني لا ، لك لا هيـــــــــــج.!
- ركضت عليها رافع راسها لحضني بقصد اخليها تصحى مِـنْ الحلم الليّ دا تحلمة
الأشيب: مورفو حبيبتي تسمعيني مورفــــو
- فزت حاسة على نفسها وشهگت بقوة حسيت كلبها طلع مِـنْ مكانة مِـنْ قوتها .. صارت تختص بين أديه ووجهها متعرق ، حُضنت راسها على صدري
الأشيب: حلم يروحي لا تخافيــن يمج أنـي
- مِـنْ أستوعبت الأمر صرخت بصوت عالي مفجوعة
مورفو: لك أطلع مِـنْ راســـــــي أطلـــــع

شددت حضنتي مقيد حركتها وأتوسل بيها تهدأ
الأشيب: كافي أروحلج فدوة ، عمليتج راح تنفجــر مورفو
- صارت تبجي بصوت عالي منهارة بين أديه
مورفو: شيريـــد منــي ليــش ما يعوفنــــــي؟
- رُفعت راسها أريدها تشوفني حتى تأمن ماكو غيرنا
الأشيب: ماكو أحد مورفو ماكو غيري يمج محد يكدر يوصلج هنا بنياتي حبيبتي

...طلعت منها شهكات متتالية وهمست
:-ليش ما اجيتني ليش عفتني يمة مو اني بنياتك ليش ماردتني

الأشيب: اسف يروحي والله اسف اعرف تأخرت بس مو بيدي

مورفو: كلبي يوجعني فَدار والله يوجعني

سندت راسي على صدري ذابة ثُكلها وتعبها على ضلوعي ، كنت أتمنى لو أكدر أسحب منها الألم .. مُضت الأيام وهذا حالها لا بجت ولا عبرت عن حزنها بعد .. دائماً تفز خايفة بسبب الكوابيس لو تصرخ هي ونايمة مرعوبة وواضح دا تعيش نفس المُعاناة بالحلم ، طول الوقت حابسة نفسها بالغُرفة رافضة تنزل وتشاركهم الكعدة ، الأكل يوصل يمها وترفض أحد يساعدها بأي شي تحتاجة غيري ، حتى وأن ما تحجي وياية بعض الأحيان لكن ما تتقبل أحد يتقرب منها إلا أنـي ..
أنجبرت هذه الفترة أداوم حاولت أرهمها وابقى بالبيت يمها بس ما رُهمت وصرت الصُبح أغيب عنها ، أمي تحاول تبقى يمها بفترة غيابي بس هي تقفل الباب وترفض تطلع او أحد يبقى بجانبها .. ودائماً تجاوبهم بنفس الجواب "أريــد أنام" ولأن ما يكدرون يضغطون عليها يتركونها براحتها .. لكن بيوم الليّ ما سمعت منها جواب خافت عليها هواية وأتصلت عليَّ تبجي
نسرين: مورفو ما إلها حس تعال شوفها والله حيلي أنهد عليها

خلتني ما أشوف دربي ، شلون طلعت شلون سقت شلون وصلت البيت ما أعرف .! دخلت البيت أركض والليّ زاد خوفي مِـنْ شفتهم كلهم متجمعين عند باب الغرفة والدموع مغركة وجوهم .. أنخمش كلبي حيل ما ضل عندي ، أتقربت على الباب دكيتها وأحجي وياها بهدوء عكس ضجة روحي
الأشيب: مورفو حبيبتي أني رجعت أفتحيلي الباب
- بُقيت أنقر على الباب نقرات خفيفة وأدعي أسمع صوتها وما بيها شي .. زفرت أنفاسي بعد ما كنت حابسة ويا طكة المفتاح ، فتحتها ودخلت وحدي ، صارت ورة الباب هي تباوعلي بخوف وفكها يرجف ، مِـنْ شوغة روحي حضنتها بقوة
الأشيب: ليش قافلة الباب بنياتي خوفتيني عليج
- تشبثت بيه بقوة لأول مرة وكل جسدها يرتعش
مورفو: لا تروح فَـدار خايفة ياخذوني وراك

حاولت أطمنها أني بجانبها وأهلي ومحد راح يسمح بأذيتها بعد ، بس هي صايرة تخاف حتى مِـنْ ظلها ، ما تأمن إلا بجانبي .. وأنجبرت أشتغل شغلي مِـنْ البيت والليّ يتطلب وجودي بالمركز زياف يسد مكاني بي ، سعيت شكد ما أكدر لخاطر راحتها ولخاطر أشوفها مطمئنة ، بس تعل كلبي مِـنْ تبقى ساكتة مرات نهار كامل وهي حرف ما تنطق ..
الأشيب: طير الشوك
- كانت كاعدة بجانبي تاكل مِـنْ ناديتها أندارت تباوعلي بأهتمام ، مسدت على خدها متكلم وياها بضحكة
الأشيب: أنتِ صايرة بومة حبيبتي ، لأن طير الشوك 24 ساعة يغرد

دنكت راسها ما عدها جواب ، حاولت أذوب الجليد الليّ محاوط كلبها وأخليها تتفاعل وياية شوية ، أستمريت أحجي وأشرحلها شكثر مشتاق لسوالفها وحتى صرت أذكرها ببعض المواقف الحلوة عشناها مع بعض .. مِـنْ شفتها تصححلي الأشياء الليّ اخطأ بيها صرت أتعمد أخطأ بكل جملة أحجيها ، عگمشت ملامحها بأنزعاج مِـنْ كثر ما صححتلي
مورفو: بعدنا ما كُبرنا نسيت كلشي عشناه
الأشيب: أنتِ مو تكولين أني شايب والشياب دائمًـا يصيبهم زهايمر
مورفو: بس لا تنساني وين أروح
- حجتها بحزن خايفة لا صدك أنساها وتحسب راح تضيع وراية ، أحتضنت كف أيدها على كلبي مبتسم حتى اطمنها
الأشيب: أنسى الدنيا وروحي وما أنساج

ميلت شفايفها بس ما أبتسمت ، رغم ما كنت مشاركها بالأكل بس شالت زيتونة خلتها بحلكي جبرتني أضحك .. بس هذا الحال دائماً مؤقت ومُضى أسبوعين هي بهذا الحال مرة هيج ومرة هيج .. كنت مخليها بحُضني وكاعدين بجانب الشُباك
الأشيب: مورفو حبيبي أريد أكلج شي

مورفو: شنو

الأشيب: بس لا تزعلين مني هل شي علمودج ولمصلحتج

...رفعت راسها تباوعلي وكالت
:-اذا زعلت منك وين اروح وانت ما تسمحلي حت بالموت

الأشيب: اذا صارلج شي اموت اني مورفو ماتحمل فراكج

مورفو: لعد خلي نموت سوة ونروح نعيش هناك بعيد عن العالم

الأشيب: راح امحي كل شخص بهل دنيا يغثج لـ خاطر تعيشين مرتاحة

مورفو: وشلون انسى؟!

الأشيب: هو هذا الليّ ردت أحجي بي ، أريد نروح لدكتور نفسي او أجيبة إلج للبيت شتكولين؟!

مورفو: بس اني مارتاح احجي شي لـ غريب ماكدر

الأشيب: شلون لعد فهميني لا تحجين لا تبجين شلون راح تتخطين هل شي هسه

...حضنت وجها بين كفوف اديه واردفت بـقهر
:-ع الاقل ابجي فرغي الطاقة السلبية البداخلج

...طولت بنضراتها عليه اخذت نفس بتنهيده وهمست
:-الـ ما يـبچي بعـيونة، يـبچي بـگلبة فَدار

الأشيب: راح تتعبين هيج فـراشتي

مورفو: فـراشتك بدون جـناح

الأشيب: اصيرلج جـناح

...نزلت دمعتها واردفت بـكسرة
:-ردت اضـمد جرحك بس جـرحي صار اكبر

الأشيب: تتشافى جروحي بـشوفه ضحكتج

مورفو: حيلي مهدود

الأشيب: اصيرلج حيل يـحيل فَدار أنتِ

مورفو: ماريد دكتور داويني انت

الأشيب: تامرين أمر شنو التردي ويريحج اني اسوي بس ترجعيلي مثل قبل

...ضمت راسها بـصدري وهمست
:-لا تنطيني لاحد بعد لا تخليني اروح لمكان وانت مو وياي

الأشيب: غلطة وصارت مره مستحيل اعوفج بعد

مورفو: اريدك توعدني بـشي

الأشيب: آمري يروح فَدار

مورفو: اذا صار شي بعد اوعدني انت الي راح تقتلني وتخلصني من هل دنيا، اذا صدك تحبني وما تريدلي النار اقتلني انت

...حضنتها بـقوة وهمست
:-ماراح يصير شي بعد وعيونج ماراح يصير

ساد الصمت بيناتنا وما نطقت إلا أني حجيت وياها
الأشيب: طير الشوك
مورفو: امممم

الأشيب: مو صرت دكتورج لازم تسمعين كلامي بـكلشي اكولة

مورفو: اذا ماعجبني الشي ماسوي

الأشيب: هيج نتخارب

مورفو: بس لا تضغط عليه

الأشيب: لا ماضغط عليج بس هسه كومي انزلي وياية اكعدي وي اهلي مشتاقيلج

مورفو: يباعولي بنضرات شفقة ماحبها

الأشيب: خايفين عليج همه بنياتي

مورفو: شوية ونصعد

الأشيب: صار يلا كومي هسه

كومتها لازم ايدها وامشيها وياية قبل لا نطلع سحبت العطر وباوعتلها مبتسم
الأشيب: خلِ أغركج عطر بالاول ونطلع
- أبتسمت لكلامي وأحس روحي رفرفت ، بُقيت صافن أحس عيوني توهمني ، هزت راسها متسائلة ليش ساكت؟ تركت العطر مِـنْ إيدي وأحتضنت وجهها الدنيا ما سايعة فرحتي
الأشيب: صار 27 يوم ما شايف هذه الضحكة

مورفو: رجعلي ضحكاتي لعد

الأشيب: انذر عـمري لخاطر ضحكتج

...بقت ساكته وتباوعلي توسعت ابتسامتي وسألتها
:-انتي شنو تكولين من تفرحين؟!

مورفو: فراشات طايرات بكلبي

الأشيب: واني مورفو طـايرة بـكلبي هسه

نزلت عيونها بكسرة
مورفو: مورفو أنبتر جناحها

الأشيب: راح انطيها روحي اطير بيها

ما أكدر أوصف فرحتي بهذه اللحظة الأبتسامة الليّ توقعت أنحرمت منها رجعت أشوفها وزاد أملي مورفو راح ترجعلي مثل قبل ، رغم أبتسامتها أبتسامة أنسان مكسور ومن تحجي مهضومة بس يبقى أحسن مِـنْ سكوتها ..
مَر أسبوع ثاني وصحتها الجسدية هواية أتحسنت ، وكنت أجبرها تنزل تكعد ويا أهلي الليّ مِـنْ يشوفونها لما تغيب عن عيونهم هُمَ يحجون ويتشاقون ويضحكون في سبيل تندمج وياهم ، كانت تحجي بعض الأحيان بس أبد ما تضحك حتى على الكلام الليّ يضحك وهي تحجي ما تضحك..
نهضت مِـنْ مكانة وكعدت يم أمي ، نامت وخلت راسها بحُضنها
مورفو: إلعبي بشعري شوية
- أبتسمت أمي فرحانة لأن أجتها
نسرين: يُمة فدوة للشعر الحلو

ورده: لعد اني ليش ما تتغزلين بيه

نسرين: اني مورفو صارت بنتي ماريدكم بعد

مورفو: فَدار هم لا تردي

نسرين: وحت فَدار هم ماريده تدللي

مورفو: راح احبج نسرينو

نسرين: ليش يمة انتي ماتحبيني هسه

مورفو: ماعندي اي مشاعر اتجاه اي شي بـ الدنيا

نسرين: كلبج حنين انتي ما تتغيرين

مورفو: ماتت الحنية حتي ع نفسي ماكدرت احن وانتحرت

...رفعت راسها امي تباوعلي اشرتلها بـمعنى خليها تحجي بقت امي تمسح ع راسها وتحجي وياها
:-رب العالمين اذا احب عَـبد ابتلاه وانتي فكري بيها شكد يحبج لعد، صح تعذبتي وانضلمتي بس يمة مضلومة ولا ظالمة وتاليتج الجنه ان شاء الله ع الصبر الصبرتي اهم شي ما تنهز ثقتج بـ رحمة رب العالمين

مورفو: بس اني ما أذيت احد ليش هيج داتأذه

نسرين: عوض ربج جبير يمة راح يعوضج ع كل أذيه عشتيها

...رفعت راسها ع امي وكالت
:-عادي اكلج يمه لان بقت حسرة بكلبي والله

...ماكدرت امي تسيطر ع دموعها وحضنتها تبجي وكالت
:-يبعد امج انتي والله اضمج بـعيوني

ورده: اوووووي راح ابجي، عليكم الله لا هيج

...بقت حاضنتها امي وتبجي رفعت راسها مورفو فكها يرجف تريد تبجي وحجت بغصه
:-تدرين امي من رحتلها بعد 12سنه تكلي انتي غريبة ماحسج بنتي

نسرين: هاي دافرة النعمة ماحست رب العالمين بـشنو مفضل عليها وله اكو واحد عنده فراشة مثلج ويكدر يعوفها

...نزلن دموعها واردفت بشهكه
:-اكللها بقيت بشارع ماعندي مكان اروحله تكلي لا مبين عليج جنتي مرتاحه ارجعي منين ما اجيتي

نسرين: هذا بيتج يمه واني امج وهذن خواتج ويشهد ربي عليه اقصر ع بنتي بنت بطني وماقصر عليج بـشي

مورفو: ماريد شي اريد احس بحنان الأم بس والله

مسحت دموعها بسرعة وأبتسمت
مورفو: صرت احبج مو راح احبج لعد
نسرين: بعد كلبي أنتِ
- بجت وردة بصوت عالي
وردة: ولكم أرحمـــو كلبــي ما أتحمــل أوووي

مورفو: بطليهن دموع التماسيح

ورده: انجبي وخليني عايشه الدراما ومتأثرة

دخل روار مِـنْ شافها كاعدة صاح بصوت عالي
روار: ولكم هذا منـــو الكاعد يمنا اليوم .!

مورفو: فراشة نسرين

الأشيب: لاااااا مورفو ما اتفقنه هيج

نسرين: بعد ما تريدك صارت بنتي

كعد روار كدامها محاول يشاقيها مِـنْ شافها متجاوبة وياهم
روار: طلعتي مسوية واهس بالبيت والله شني هاي عمي وعلي من تكتئبين كلنا يطكنا أكتئاب

ورده: انجب لك لعد اني مو اضحكك

روار: احترميني ولج غير اخوج اكبر منج

ورده: عادي عزيزي اني وياك مابينه احترام

مورفو: ماشين ع مبائ مردغني وامردغك

روار: ونمردغ ويانه

نسرين: مورفو تمردغكم كلكم

ورده: عينيييي ست نسرين لا طوخينهاااا عاد

...ضحكن ومورفو ابتسمت باوعلها روار وكال
:-اكو سالفة ببطني اريد اكولها الج

مورفو: كولها

...ضربتة بـ الكوشة وخزرته ضحك وكال
:-ماكدر اضمها والله

مورفو: احجي روار المغوار ماعليك من الأشيب

الأشيب: اشك حلكك روار

...باوعتلي خازرتني وكالت
:-تضم عليه فدعوس

الأشيب: هوووووب يمعووووده كاعدين بالسموات

مورفو: ليش انت ملاك مثلا حتى كاعد بسموات وماعليك بي خل يجي

...ندارت ع روار وكالت
:-احجي

روار: من سويتي عملية احتاجيتي دم ويسرا يمنى تبرعتلج

...صفنت ثواني وكالت
:-يعني هسه دمها بيه؟!

...هز راسه روار يضحك وهي اظهرت ملامح القرف ع وجهه وكامت وكفت تنفضح بروحها وتحجي
:-ااايععع ايع ايع عفيةةة لااااا لااااا

الأشيب: شتنفضين انتي ترا دم هوه مو تراب

مورفو: واني اكول من امشي ليش اتمايل يمين يسار بقوة طلع دم يسرا بيه عفيةةةةةة لااااااا لو عايفني اموت ولا هل دكةةةة

روار: يميـــن يســـار

مورفو: مااااااااا فَداااااار

...جاوبتها بضحكة
:-روح فَدار

مورفو: لو تبدل دمي لو انتحر والله عفيةةةة ماريد شلون تقبل انت دم ضرتي بيه اييييعععععع

الأشيب: شبيج تخبلتي بنياتي منين صارت ضرتج

باوعت لأني بزعل
مورفو: يُمة أحجي ويـــاه

نسرين: شحجي يبعد امج

مورفو: كليلة خيبدل دمي ماريده

روار: وتخيلي هل دم صعد لـكلبج هم

...باوعتلي ونترت بيه
:-وانت شلوووون تقبل فَدار

الأشيب: وحق عيونج مادري اله من صحيتي

مورفو: شلون تخليهم يحطولي دم متعرف مصدرة منين

الأشيب: جان كل همي ترجعيلي

روار: اي وعلي يمكن لو نحطلج دم جلب هم ما يحجي

مورفو: قصدك دمك

ضحكت وردة ضحكتها المفضوحة متشمتة بي
وردة: بــوّوم ولكم وين جبهة روار ويــــــــن
الأشيب: الليّ يدك الباب يسمع الجواب

روار: جيبلي ابو المثل الي كال هل مثل خل ادكه بـ النعال

ورده: ولك جبهتك الي اندكت بالنعال حيييل حيييل هههههههههههه

أندارت عليَّ مورفو تبرر كلامها وياه
مورفو: اني اريد احترمة والله بس هو ما يسمحلي
الأشيب: الليّ يندك بيج طيحي حظة واشك حلكة الليّ يعترض
- رجعت أندارت على روار
مورفو: خلينا حبايب روار المغوار

روار: هو انتي غطيتي راسي بـ الخيسة يا حبايب بعد

مورفو: اعذرني دم يسرا بيه

الأشيب: شينسيها بعد

روار: لو دم جلب ولا دم يسرا ههههههههههههه

...صفكت ايد بـ ايد وكالت
:-اي وعلي لو دم روار ولا ودمها

ورده: بعدنه ما لكينه جبهه روار رجعت ركعتها دفرة وطيرتها ههههههههههههه

روار: كوم أخذ مرتك صعدها لغرفتها نزلت ساعة طشرتنا

الأشيب: ليش تتحرش بيها

روار: عمي تورطت اسحب كلامي

بقوا متناكرين هي وروار ووردة تضحك عليهم ، كنت أحس براحة مِـنْ أشوفها مندمجة وياهم بس مفتقد ضحكتها .. ما كانت تضحك وكلش كلش كانت تبتسم أبتسامة خفيفة بس الحَمـدُ لله أفضل مِـنْ الماكو ، وهذا دليل أنُ هي دا تتعافى .. أعرفها دا تدوس على كلبها وتضغط على نفسها في سبيل تبين طبيعية بس الكسرة واضحة على ملامحها ..
مرت الأيام والأسابيع بهذا الحال ، كانت تطلب مني أكعد بظهرها وتبدأ تحجيلي كُـل المواقف الليّ مأذيتها مِـنْ صغُرها لحد هذا يومها ، تحجي وتبجي وتوصل حد الأنهيار واني كلبي يتكطع عليها أريد أندار أحضنها أنتشل وجعها بس ما أكدر أتقربلها لما هي تكمل كلامها .. ومن ضمن المواقف الليّ ضالة بكلبها أذيتي إلها شحال كلبي وأني أسمعها تشكيلي مني..! بذاك اليوم حتى أني كنت محتاج دكتور ، محتاج الليّ يسمعني وينتشل مني وجع روحي ، توقفت عن الكلام لثواني وحسيتها أحتضنتني ضامة نفسها بظهري تهمس
مورفو: أحجيلك حتى لا يبقى الموقف يحز بكلبي ويأذيني ، بس والله أنــي أحبك وهم ما عندي غيرك
الأشيب: كليّ آذان صاغية لكلشي مضوجج حتى لو مني

أستمرينا على هذا الحال كُـل يوم تقريباً نكعد نفس الكعدة وبعدها أنقل الكلام للدكتور الليّ كنت على تواصل دائم وياه لخاطرها ، هو الليّ كان يساعدني لأن ما أعرف أتصرف بهيج وضع ، صرت أخاف أخطي خطوة وتضرها لو تأثر سلباً على حالتها .. و الحَمـدُ لله يوم عن يوم صرت أشوف فرق كبير بوضعها .. بيوم كانت كاعدة على كرسي بشكل مرجوحة مخلي إلها بالغُرفة ، تتمايل بهدوء وأعرف عينها عليَّ لأن كنت كاعد مقابيلها لكن عيوني بالحاسبة إشتغل ، أسمعها تتأفأف رُفعت راسي عليها متسائل
الأشيب: شبيها فراشــتي؟

مورفو: ضايجة

الأشيب: لـيش يـواهسي أنتِ

مورفو: شوكت اداوم جامعة ضاعن سنتين مني

الأشيب: راح تداومين السنة الجاية يَبعد طوايفي

مورفو: اريد اروح تخدير روار كال بي فلوس

الأشيب: وشتسوين بالفلوس

مورفو: روار كال سر السعادة الفلوس

الأشيب: واني بـشنو مـقصر وياج

مورفو: مو مثل من فلوسك وبتعبك، شوف يعني هسه فلوسك اصرفها بدون وجع كلب بس لو فلوسي وتعبانه عليهن راح يوجعني كلبي عليهن وابطل تبذير

الأشيب: يفداج حالي ومالي يَبعد تعبي

مورفو: يعني انت متضوج من اصرف طن فلوس بمكتبة الرسم وانت ممستفاد شي

الأشيب: لج بابا اني مستعد انطيج روحي لخاطر تضحكين تردين اضوج ع فلوس

...تأفأفت واردفت بقرف
:-من صار دم يسرا بيه اختفت ضحكتي

الأشيب: وتالي وياك طير الشوك

مورفو: انت مستانس لان دمها الخايس بيه مووووو

...عوجت حلكها وحجت بتنعوص
:-فدااااار القلب غدااااار

...رجعت خزرتني ونترت بيه
:-كول عاجبني الوضع كوووول

توسعت ابتسامتي وهزيت راسي نافي
الأشيب: ما يـعجبني شي بـهذه الدنيا غير عـيونج و ضـحكتج و سـوالفج و غـيرتج عليَّ مو بس تعجبني إلا أموت بيها

أبتسمت وحركت المرجوحة دايرة وجها عني منطيتني ظهرها ، نهضت مِـنْ مكاني درتها عليَّ ودنكت لمستواها أيدي تمسد على خدها الگُطن
الأشيب: وجهج أجمل لوحة شافتها عيوني

...توسعت ابتسامتها وحجت بنفس نبرتي
:-احب عيونك الي تميزني

صرت أناثر بوساتي على ملامح وجهها الليّ يعشقها كلبي وختمتها بقُبلة خفيفة كنت حذر بتقربي منها ومن أبتعدت لاحظت أختفاء أبتسامتها ، نزلت عيونها وزادت أستغرابي بردة فعلها
الأشيب: شبيها فرحة سنيني؟

...رفعت اكتافها وهمست
:-يـمكن طفا گلبي

رُفعت راسها أباوع لعيونها أريد اقرأ وأفهم سبب كلامها وتصرفها بس حيرتني لو كانت ما متقبلتني كان المفروض ردة فعلها تكون غير السكوت ومن غير ما تغرغر عيونها بالدموع
الأشيب: ليش حبيبي شبيج؟

مورفو: ماحسيت بشي من بستني عكس قبل جان كلبي يريد يطلع من مكانه وادية يرجفن من قربك بس هسه ماحسيت بشي

...كومتها من مكانها حضنتها وحجيت وياها
:-شي طبيعي بنيتي الصدمات والمواقف الي مريتي بيها مو قليلة عليج، بس هل شي مؤقت وعيونج راح يرجع يفز كلبج الي

مورفو: اني احبك والله بس ماعرف ليش صار هيج

الأشيب: عادي يروحي تصير لا تضوجين ولا تزعلين يجي يوم وترجعين احسن من قبل

مورفو: واذا ما رجعت؟!

الأشيب: راح اسوي المستحيل حتى ترجعين

...رفعت راسها عليه وكالت
:-واذا مارجعت راح تتزوج غيري مو

الأشيب: ليش تفـكرين هيج، اني يا يوم طالب شي لو كايلج اريد هيج شغلات منج

...باوعتلي مبرطمه وحجت ببرائة
:-اني سمعت خاله سهاد تكول الرجال يدور

الأشيب: هههههههه شيدور

مورفو: ما كالت بس فهمت قصدها النسوان

أهتز المكان بصوت ضحكتي الليّ كانت مِـنْ كُـل كلبي بسبب حجايتها وبرائتها وفهمها للمواضيع
الأشيب: اني مو أكلج ماعليج بكلام النسوان

مورفو: هنه يحجن كدامي عود اني هم مزوجه وحركات

الأشيب: بس اني مادور غيرج وشيحجلج طنشي ماعليج بكلامهن

مورفو: شوف اني جبت عمري ثولة كلشي ماكو بهيج سوالف لان مجان عندي صديقات ولا اعرف سوالف البنات شنو فـهسه داكعد يم خاله سهاد وهي تحجي بهذن سوالف بس هم كلهن مافهمهن

الأشيب: من تردين تعرفين شي تعالي عليه لو لامي وسألي مابيها شي من حقج تعرفين

صفنت عليَّ مثل الليّ بكلبها حجاية ومترددة تحجيها ، كرصتها من خدها مشجعها تحجي
الأشيب: أحجيها للسالفة الليّ دا تفتر بعقلج

مورفو: شوف خالة سهاد من حجتها جانت بصوت ناصي فـ الي فهمته يعني هي عيب شوية بس اني ماعرفتها شني الحجاية يعني ماتخيلتها شلون فـ راح اهمسها بـ اذنك وانت فهمنياها واذا طلعت حيل عيب وفضيحة كلي روحي ع نسرينووو

الأشيب: احجيها ونشوف

رفعت نفسها همستها بأذني بهدوء بدون تمهيدات أو مقدمات ، وفعلاً كانت السالفة ما تنحجي عجيب هل النسوان شلون ياخذن راحتهن بالكلام ، ومورفو رغم المواقف والتحرشات الليّ تعرضتلها لكن تبقى جاهلة لكثير أمور مِـنْ هذه الناحية .. أبتعدت عني عاضة شفتها منتظرة ردة فعلي حتى تعرف أذا السالفة عيب أو عادية ، أبتسمت متسائل
الأشيب: عود صدك ما تعرفين شتقصد؟
مورفو: الشغلات الليّ أعرفهن محدودة

سحبتها مكعدها يمي على الكرويتة ، سحبتها لحضني مخلي ظهرها على صدري حتى ما تجي عينها بعيني وتخجل مِـنْ أي شي أحجي .. فهمتها بالأول أني زوجها وكُلشي مُباح بيناتنا ومن واجبي أعلمها وأوعيها على كُلشي ما تعرفة .. صرت أفهمها على هواية شغلات ما ردت تسمعهن مِـنْ غيري وتفهمهن بغير قصد وخصوصاً النسوان مِـنْ ينجمعن يفلت قايش لسانهن ، بُقت تسمعني بتركيز وكأنُ دا أحجيلها قُصة أو فد شي مُهم وتريد تحُفظة ومن يجي ببالها سؤال تسأل بدون تردد مهما كان وأني أجاوبها بهدوء وتفهم الأمر الليّ خلاها تنطلق وتاخذ راحتها وياية بالحديث أكثـــر .. بعد ما أنهيت كلامي أندارتلي مضيگة عيونها
مورفو: أنتَ منين تعلمت كُـل هذه السوالف؟
الأشيب: غيـر شايب أني
- أبتسمت فرحانة
مورفو: صار عندي معلومات أسكت بيهن خالة سهاد
الأشيب: لا ما أتفقنا هيج الحجي الليّ حجيتة مايطلع
مورفو: اسرار متزوجين يعني؟!
الأشيب: اي حبيبي كلشي يصير بيناتنا مايصير يطلع

...صفنت عليه شوية وكالت
:-لعد سيماف مره قشمرتني وخلتني احجيلها

ضحكت على برائة عقلها شنو الليّ صاير بيناتنا حتى مُمكن أحد يقشمرها وتحجي .! حركت خشمي على خشمها بهدوء
الأشيب: بشنو قشمرتج؟ وشتحجيتيلها؟

مورفو: من صرنه حبايب اني وياك يعني احبك وتحبني ورحنه عليهم كالت شو احس اكو شئ صاير فـ سألتها كلتلها مو المفروض هذن اسرار ميصير يطلعن كالت لا عادي وخلتني اكللها احبك وتحبني

الأشيب: بس هيج؟!

...دنكت راسها تعض بشفتها كرصتها من خده وهمست
:-ها طير الشوك شجافص

...همست ببرائة
:-كالت تطورتو كتلها أي صارن بوستين بيناتنه

الأشيب: وهي تحجيلج شي

مورفو: لا لان اني ما اسال ع هيج شغلات

الأشيب: من اليوم نتفق لعد ما يطلع شي بعد

مورفو: ابد والله

...بداخلي فرحان لان تحجيلي كلشي وماتضم سالفة عليه وجنت افرح اكثر من اعلمها ع الاشياء الصح وتقتنع بيهن وتنفذهن ومايوم كلتلها هذا شي لا تسوي وسوته ودوم جان الشي الي اكول عليه غلط تقنع بي هي غلط واذا ممقتنعه تجي تكلي قنعني واكعد ساعات اشرحلها بـ شي منطقي لـما يقتنع عقلها، بقت بس سالفة نزلت الترابي الي متسيطر عليها ابد

* مورفــــو ..
الألم الليّ عشته كان أشبه بمريض سرطان متحمل ألم جُرع الكيمياوي ، ويمكن أكثر مِـنْ هذا كان شي صعب وصفة ، أنين كلبي ما هدأ وكان ينزف ويستنزف طاقي وياه ..
لكـن رحمة الرحمٰن عظيمة ، عُطفة وحنانة أعظم وحاشاه ينسى عَبد مِـنْ عِبادة .. وعوضة كان كفيل يهون عليَّ وجع دنياي ، أبتسمت وأني أشوف الأشيب يطلع ويرجع بملابسي حاير بيه وبلبسي أكثر مني ، تقربت منه بدون مقدمات وسحبت أيده شميت باطنها وقبلتها بعُمق ، رُفعت راسي عليه مبتسم
مورفو: الحَمـدُ لله مِـنْ كنت أنتَ نصيبي بهذه الدنيا

أنرسمت بسمة على مُحياه فرحان بكلامي ، حسيتة توتر وأرتبك مِـنْ كلامي المُفاجئ بدون مناسبة .. رُفع واحد مِـنْ الفساتين الليّ بأيدة مخلي على طولي ويباوعلة بتمعن
الأشيب: هذا الفستان راح يزيد جمالة عليج
- حسيتة خجل ما أعرف ليش ، ضحك بدون سبب وضم وجهه بشعري ناطق كلماتة بهمس
الأشيب: أحبـك طير كلبي

ضحكت لضحكتة وأخذت الفُستان مِـنْ أيده
مورفو: راح أكشخ حتى تمشطلي وتغرگني بالعطر

هز راسة بقبول وأني غيرت ملابسي ومشطلي وغرگني بالعطر مثل ما أحب ، نزلنا نتمشى مع بعض على الدرج سبقتة بكم درجة متصلة على سيماف أول ما جاوبتني نترت بيها
مورفو: وينـج نعالة؟
- ضربني الأشيب على راسي بخفة
الأشيب: لسانك طير الشوك
- تحمحمت وعدلت كلامي بهدوء
مورفو:وينج حبيبتي شو تأخرتوا؟
سيماف: راح نوصل

مورفو: وحدكم؟!

سيماف: لا جهال 6 وياية اكيد وحدنه

مورفو: شوكت خلفتي هلكد شنو بزون؟
سيماف: دنجبي أنجبي وصلنا بالباب أطلعوا

غلقتة بوجهي قبل لا أجاوبها ، أنداريت على الأشيب مصدومة
مورفو: غلقتة بوجهي.!
الأشيب: وأحْنـا ما نفتحلهم الباب

مورفو: اي عفية خل يتأدبون

الأشيب: مروان واخته راح يجون هم

مورفو: منو هذا

الأشيب: ابن خال عزيز

مورفو: هو مو خراب وي خوالة

الأشيب: هذا ابن خاله الجبير ويحبه واصلا اهله ميتين هو عايش ببيت وحده واخته ببيت جدها وهم يروح يبقى يمها

مورفو: ياااا خطية جيبها تعيش يمنة

الأشيب: لو بيدج تجيبين العراق كله يمنه

مورفو: الله وتخيل كاعدين لمه شكبرنه وبيهم طن تنمر وتقشمر ع هذا وذاك

...ضحك وكرص خدي وكال
:-شلون وي لسانك اني ماتبطل تنمر

مورفو: يكولو البشر ما معصوم اذا بطلت تنمر راح اصير معصومة لان ماعندي ذنوب غيره

سحبني على جهة محاوطني مِـنْ خصري
الأشيب: وعندج ذنب بعد
مورفو: شنو هو؟
- نزل راسة لمستواية مقبلني بهدوء وهمس
الأشيب: حارمتني شفايفج
- قربني عليه اكثر ومد ايدة على كلبي
الأشيب: هذه المرة فز كلبج؟
- قبل لا أجاوبة أبتعد عني مِـنْ رن تلفون ، فتح خط بسرعة يدردم
الأشيب: دارت الدنيا وكطعت اللحظة عليَّ طاح حظك

أسمع صوت زياف يضحك بعدهت غلقة وأخذني وياه حتى نفتحلهم الباب ، أول ما شافة زياف صار يغني بصوت عالي
زياف: يا ظالم إلك يــوم .. تجي وتصيح مظلوم

بُقى الأشيب يضحك وزياف يصيح صياح
زياف: ولك مشتاقلك

الأشيب: مو البارحة شفتك شهل كلاوات

...دفعته سيماف ونترت بي
:-وكت سوالف بالباب

...تقدمت تمشي بـ اتجاهي وكالت بضحكه
:-لك حبيب مشتاقين

مورفو: حبيبي السيفونة واني ما مشتاقتلج

حضنتني وهمست
سيماف: مو أعرفج عـار

مورفو: لا تعلميني ع الغلط زوجي ميقبل

...باوعلي زياف وسلم علية
:-شلونها ماشا الگملة

مورفو: الف هلا بـ ابو زلوف

زياف: شلون صحتج

مورفو: مردغتوها بـ جيتكم

...غمزلي وكال
:-ليش ازعجناكم

...اجته دفرة من وره ونتر بي الأشيب
:-مو اكول لا تمسلت وياها

زياف: هو انت كدرتك ع زياف المضطهد

رُفع ايدة الأشيب محتضن كتف زياف وهمس كلامة بأذنة خلاه يضحك بصوت عالي ، سحبتني سيماف وياها
سيماف: أمشي أمشي هذولة لباجر يبقون واكفين برة
- دخلنا كلنا مع بعض وهُم صوت ضحكهم يجيب التايه ، أستقبلنهم خالاتي يهلن بيهن ، وأنجمعنا بالصالة ، قطع هوستنة روار الليّ صار يصيح بصوت عالي مِـنْ شاف زياف
روار: لك الغالـــــي يمنا
- نهض زياف مِـنْ مكانه وتسالموا سلام قوي تحسهم صار سنين ما متشاوفيّن
مورفو: يا غالي ترة قبل ثواني حجة عليك
- باوعلي زياف مضيك عيونة
زياف: شو صايرة حية أنتِ؟

روار: دم يسرااا مدري يمنى بيها

حجاها وانفجروا مِـنْ الضحك
الأشيب: أنتو شتعرفون عن البنية وتحجون عليها؟

...شهكت وباوعتله
:-عزاااا فَدار دا دافع لـ ضرتي

الأشيب: مو ادافعلها بس ميصير

...كمت من مكاني همست بـ اذنه
:-راح اسكت ومن وحدنه نتفاهم عليها

...ضحك وهز راسه كال زياف
:-احجيلهم شهمستي

الأشيب: جرب وشوف

هذا زياف دائمًا يسمع أي كلام ينطق بهمس شلون محد يعرف .. بعد فترة أجة مروان وطلعوا الولد يستقبلونة ، دخل هو وأختة وكان عزيز وياهم ، تقرب مني روار يهمس
روار: قاتلت حتى يجيب أختة عليج
- رُفعت حواجبي بتلاعب
مورفو: عليَّ لو عليك؟

روار: انجبي لا تلوفين السالفة عليه هسه تعرفين ليش

ابتعد عني وسلم على مروان واني باوعت لعزيز
مورفو: هلا عزوز
- ابتسم مجاوبني بهدوء
عزيز: هلا مورفو شلونج

مورفو: زينة اني

...هز راسه وبقى يباوعلي كال مروان
:-هي هاي نفسها الجزر مو

حسيت أيد الأشيب لامست كتفي
الأشيب: اي هي هاي جزر كلبي

...ضحك مروان وكال
:-محد يلومك لعد من انجلطت

...عاط زياف قبل لا احجي
:-بعرهاااااا بعرهااااااا

...رفعت راسي ع الأشيب وسألته مستغربه
:-شدايحجي هذا

الأشيب: بعدين افهمج

...البقية هم غلسو رجع كال مروان
:-هاي اختي قَـبس جبتها خصيصاً عليج

...ابتسمت واشرتلها بيدي
:-هلاو قَـبس

قَـبس: هلاو موغفو

...صفنت عليها صارت لحظه استيعاب وكلها ساكته اشرت ع نفسي واردفت
:-احد كلج اني صابونه موغفه؟!

...انفجرو الولد من الضحك وهي ضحكت بهدوء وكالت
:-لا اني عندي لدغه بحرف الـ غاء

مورفو: قصدج بحرف الـ راء

قَـبس: اي هو فـيطلع الحجي ويايه هيج

...ابتسمت واردفت بحماس
:-كولي روار

...قبل لا تحجي عاط مروان عبالك كاعد ببيتهم
:-لك غواغ حياااااتي

...تقدم حضنه من اكتافة واردف بهدوء
:-شتاقيتلج حبيبتي

روار: خليني محترمك كدام اختك لا امدك هنا

...طكها بضحكه وكال لعزيز
:-لك العزيز داتشوف منو يريد يمدني هنا لو لا

عزيز: خوفي لا تمدنه كلنا

روار: يابة اورك ور مو بس امدك

زياف: استر ع نفسك ورور

صارنا قسمين البنات على جهة والولد على جهة بس تركيزنا يمهم لأن سوالفهم تضحك أكثر ، فززنا صوت وردة وهي نازلة مِـنْ الدرج تركض وتصيح
وردة: لك هــــذا أبــــو زلـــووو....
- ما كملت كلامها وبلعت لسانها مِـنْ شافت مروان كاعد ، بُقت واكفة عند نهاية الدرج وصافنة بالوجوه و أحْنـا صافنين عليها ، ضحك زياف محاول يمتص فشلتها
زياف: هـــلا بوردتنا
- نزلت تمشي بهدوء ترجع بشعرها خلف أذنها ، سلمت عليهم بهدوء وكعدت بجانبي ، ندستها مستغربة وهمست
مورفو: منين أجتج هذه الأنوثة؟!

ورده: لج هذا كراشي مروان ااححح

مورفو: شو صلفه خيرج

ورده: دباعي والله يطك بالكاع حرامات نضيعه للغريب

مورفو: اذا سمعج الأشيب يسويج وصلتين

ورده: يا وصلتين والله يسويني 10

ضحكنا وأندمجنا وياهم ، طول الكعدة هي تباوع بنظرات سريعة على مروان بس هو ما رُفع عينه ولا حتى باوع نظرة بالغلط .. طولوا وهُمَ كاعدين يمنا بعدها كلمن راح لبيتنة ..
صار الليل وكلمن صعد لغُرفتة ، أول ما دخلنا غُرفتنة أني وفَـدار نترت أيدي الليّ كانت على كتفي مضيگة عيوني عليه وهو ضحك
الأشيب: بلشي أسمعج

مورفو: ليش ادافعلها وتكول خطية وهي حيه

الأشيب: ماكلت خطية كلت ميصير

مورفو: اي وليش؟!

الأشيب: لان ميصير حبيبي عيب نحجي ع العالم

مورفو: بس هاي ضرتي وحيه الحجي عليها حلال ترا

الأشيب: شمسوية يا عيني مو المفروض نتشكر منها لان تبرعتلج بـ دم لو نسينه الاصول

مورفو: نتعامل بالاصول وي العدهم الاصول مو هاي المايعه خطافه زوجي جاية ببيتي وكدام عيني وتتنعوص فَداااار القلب غدااااار

...ضحك بـ صوت عالي وحضني بـ قوة وكال
:-تروحلج فدوة ماكو مكان بـحياتي لـغيرج لا يمنى ولا غيرها

...ابتعدت عنه مبتسمه واردفت
:-هسه صرت احبك لان بلشت تفهمني

...حضن وجهي واردف بحنية
:-غركان بـ كلبي انت يـطير كلبي

...رجعت حضنته وبقينه نتمايل بهدوء وهمست
:-فَداري نركص

الأشيب: لا

مورفو: شوية حباب

الأشيب: لااا

مورفو: يا اغنية تحب

الأشيب: لا حبيبي

...ابتعدت عنه وسحبت تلفونه وطلعت اغنية (يُسمعني حين يراقصني كلمات ليست كالكلمات) تقربت منه بضحكه وصرت اتمايل كدامه ضحك بخفه وسحبني محاوط خصري وهمس
:-تتمايل روحي وي ميلت خصرچ

...بقى يتمايل وياية والضحكه ع وجهنه ثنينه بعدني لازم ايدي ويلفني مداير نفسي ورجع لزم خصري بـ اديه ثنين ويحركه ويه النغمه واني مستانسه، طبع بوسه ع خدي وسند راسه ع راسي ومستمرين نتمايل بهدوء وهمس
:-تـعجز كل كلمات الغزل بوصـف عـيونج

...حاوطت رقبته وهمست يم اذنه
:-فَـراشتك طايـرة بيك

...بعدني عنه وبقى لازم ايدي ويلفني مداير نفسي ضحكت بـصوت عالي ضحك ع ضحكتي وقربني منه ويحجي بفرحه
:-كل ما تردين تضيعين فَدار بـيج اضحكي

بقى ضامني لصدرة ويتمايل وياية ، قطع لحظاتنا من اتصل تلفونة واختفت الاغنية رفعت راسي أباوعلة بملل
مورفو: هي وكتها مو مستانسين

...ضحك بخفه وراح لتلفونه جاوب عليه
:-والله وصدك انكلبت الآية وصرت انت الي مخرب لحضات حياتي

عرفتة زياف مدري شحجى وياه بعدها طلب منه ينتظرة وكان لازم يطلع بهذا الوقت المتأخر
الأشيب: طالع بشغلة ما تأخر

مورفو: مو الوقت متأخر؟!

الأشيب: مشكله صغيرة نحلها وارجع

مورفو: ماشي راح انتظرك

قَبل جبيني وطلع ، أني دخلت سبحت وطلعت شسورت شعري وتركته مفتوح ، حاولت ألتهي بالتلفون لحد ما يرجع الأشيب بس مُضت أكثر مِـنْ ساعة وهو ماكو ، أتصلت عليه جاوبني بسُرعة
الأشيب: روح فَـدار

مورفو: مو تأخرت

الأشيب: راجع حبيبي

غلقت الخط ونزلت للمُطبخ حبيت أنتظره هناك مثل قبل وأغنيلة أول ما يدخل حتى أشوف فرحتة .. بعدني على الدرج وسمعت صوت بالمطبخ ولأن أعرف مو الأشيب بقيت محافظة على هدوء خطواتي .. أول ما دخلت أجت عيني على عزيز وأنعصر كلبي بوجع مِـنْ شفتة لازم راسة بأثنين أديه ويضرب بي بخفة على الطاولة ، حضنت أديه على كلبي خايفة عليه ومنه
مورفو: عزيز بيك شي؟

...رفع راسه يباوعلي عيونه حمر وشعره مخربط طول بنضراته عليه وهمس
:-اطـلعي مـن راسي مورفو

يتبع ..

..

- لا تنسون التصويت
+تعليقاتكم الحلوة حبيبيني 🤎.

- حساب الأنستا itsara.kh
قناة التلي itsara105