رواية ♡الأسيرة 1♡ للكاتبة/ندى محسن♕Noody♕ الفصل الخامس عشر 15 - بقلم الكاتبة ندى محسن

♡الأسيرة♡

بقلم/ندى محسن ♕Noody♕
الحلقة 14

سفيان بعند: انتي فاكره اني معرفش اعند بردو
نهلة ذكرياتها عماله تعيدلها نفس طريقه كلامه لما خطفها: ابعد سفيان ابعد...
سفيان بيقربلها بعند:مش هبعد
نهلة انهارت في العياط وزأته وهو استغرب وسحبها وباصص في عينها اللي كلها بقت خوف وهي راحت مصوته وضربته بالألم: كفايه قولتلك تبعد ابعد عني انت اتجننت
سفيان حط ايده على وشه بصدمه وهي بعدت بصدمه وبصت لأيدها ورجعت بصتله من تاني بخوف من ردت فعله وهو اتنهد بعمق بينظم نفسه بيحاول يهدى واول ملقته بيقرب بعدت بخوف وهي بتعيط بصلها وفتح الباب من جنبها ونزل
نهلة قعدت بحزن وحطت ايدها على وشها وهي بتعيط: انا مكنتش اقصد بس انا خفت انا حسيت بالخوف منه.... سفيان انا بجد مكنتش اقصد انت...كنت عايز تخرج...بس انا....
عيطت وقعدت مش فاهمه اي اللي حصلها فجأة
مرتضى ضحك: زي القرد بسم الله تبارك الله
سفيان: ازيك يا علا
علا: كويسه... انت كويس شكلك تعبان
سفيان: انا كويس هنا هاتي حاجه يشربوها
مرتضى: خد ياعم الفراخ
سفيان: چوليا معلش طلعيها لنهلة
چوليا خدت الشنطه بأستغراب وطلعت
مرتضى: سفيان خلاص بقاا قلبك ابيض هتفضل مكشر كدا كتير والله ياعم انا اسف مكنتش اقصد وبعدين خفت عليك وهات نهلة هتأسفلها
سفيان اتنهد بعمق
مرتضى: الله بقاا.. دا في حاجه
سفيان: مرتضى انا مش  طايق نفسي
مرتضى وقف: طب قوم معايا يلاا
سفيان: على فين
مرتضى: قوم بس علا ثواني وجايلك
خد سفيان على برا
سفيان نفخ بضيق: نعممم
مرتضى: ايه اللي حصل
سفيان بصله وسكت
مرتضى: اخلص علشان هتقول انجز
سفيان حكاله اللي حصل
مرتضى بضيق: وتفتكر مين اللي غلطان
سفيان: انا دلعتها زياده ازاي ترفع ايدها عليا! انا بفوتلها بس بمزاجي والواضح انها فهمت حبي ليها ضعف!
مرتضى: يبني اتهد بقاا هي تصرفها كان طبيعي جدآ انت بتحكي بهدوأ وبمنتهى البرود تفتكر انها كانت هاديه ومن غير حاجه ضربتك بالألم
سفيان: انا بكره نظره الخوف في عينها مهما حصل مش  هأذيها ليه خافت اوي انت مشوفتش كانت بتبعدني عنها ازاي ولا كأنه مجرم دا ولا كأني وحش هيفترسها يبني
مرتضى: سفيان متضحكش على نفسك انت عارف ومقتنع ان تصرفها دا طبيعي جدآ انت بتحاول تنسيها بس عارف ان هي لسه مخرجتش من حاله الزعر اللي انت زرعته جواها
سفيان بضيق: والعمل انا طول الوقت عايزها تنسى وبحاول بس هي بردو لسه
مرتضى: حاول مره واتنين ومية لو حكم الأمر متنساش هي عانت اد ايه بسببك
سفيان: بس مهما حصل مكنش المفروض تتهور كدا ترفع ايدها عليا انا كنت قادر اعمل كدا بس حتى الفكرة مجتش في دماغي اني ارفع ايدي عليها هي نفسها خافت لضربها بس انا وعدت نفسي قبل موعدها مش هرفع ايدي عليها يا مرتضى
مرتضى: اتضايق بس اوعي تخلى غضبك يسيطر عليك
سفيان اتنهد جامد
مرتضى افتكر لمى ضرب علا واتوجع
سفيان: انت مالك وصح ايه حكايه علا
مرتضى حكاله الكلام اللي علا قلتهوله
سفيان: احنا لازم نتأكد من دا
مرتضى: وازاي هنتأكد
سفيان: ارجع بس وهقولك اهم حاجه تروح الشركه بدالي الفتره دي
مرتضى: تمام وانت ارتاح وكل يوم هاجي اشوفك
سفيان: مش هبقى هنا
مرتضى: اومال
سفيان: هسافر وهاخدها معايا بكرا  وصح ابقى روح شوف فارس مش عايز نهلة تعرف باللي حصل دي روحها فيه وعلاقتنا مش  ناقصه
مرتضى: حاضر  وهبقى اجي اشوفك قبل متسافر
سفيان:جبت السلاح
مرتضى:ايوا اهو
سفيان خده منه وابتسم
مرتضى:بس عايزو ليه
سفيان:ملكش دعوة
مرتضى:والله انا اللي غلطان متولع صح هتبقى عمو يا مدهول
سفيان بصله بتركيز
مرتضى حط ايده في جيبه بإبتسامه ثقة:علا حامل هبقى بابا تخيل انا نفسي مش متخيل
سفيان ابتسم وابتسامته اتحولت لضحكة وحضن مرتضى:مبرووووك
مرتضى ضحك:الله يبارك فيك هيبقى عندك اتنين مرتضى
سفيان:يمكن تبقى بنوتة الواحد مش عارف
مرتضى ضحك:اللي يجيبه ربنا كويس
سفيان ابتسم بحب بيتخيل اليوم اللي هيعرف فيه ان نهلة حامل يا ترى هيبقى اي موقفه
وهنا وصلت عربيه ونزلت منها بنت جميله جدا شعرها اصفر رموشها كثيفه لابسه بنطلون وبلطو ابيض عنيها عسلي فاتح
مرتضى بتلقائيه:اللهم صلي على النبي
نور:هاي انا نورا الدكتوره اللي جايه تعالج سفيان بيه
سفيان برسميه:اتفضلي جوا
مرتضى مسك ايده وبضحك:متضربني رصاصه واروح انا والنبي
سفيان:يا اخي لم نفسك بقاا دا منظر اب جتلك القرف
مرتضى:اقسم بالله اراهنك لو نهلة متجننتش منها
سفيان ابتسم:تفتكر
مرتضى:افتكر ونص حبيبي الغيرة عند الستات ملهاش سيطره اسألني انا
سفيان بتهكم:اه هلاقي مين احسن منك اسأله اصلك خبرة
علا خرجت مكشره:تعرف لو كنت لقيتك داخل دلوقتي كنت عمل فيك ايه
مرتضى ضحك وحضنها:يبقى شافت الصاروخ
علا:صاروخ ف عينك سفيان!!
سفيان:معلش قليل الأدب معرفتش اربيه معلش
علا:ايوا
مرتضى ضحك:بتشتكي لمين دا هو اللي مبوظني
علا:لا حبيبي انت بايظ خلقه انت تطول تبقى فرعون
مرتضى:مبلاش احسن انتي مش حمل الأمنيه دي والعالم يخاف منك لمجرد انك تنتمي لفرعون
سفيان:طب يلا يا خفيف اتكل
مرتضى:خلي بالك من الصاروخ بقاا هاا خلي بالك
علا قرصته وهو ضحك وسفيان ضحك على ضحكة صحبه اللي رجعت من قلبه بعد فترة

#الأسيرة ♡بقلم/ندى محسن♕Noody♕

چوليا طلعت على نهلة جري لقيتها قاعده لسه بحزن:يخربيتك انتي لسه قاعده والدنيا بتتهد فوق دماغك
نهلة:چوليا اكيد هو زعلان مني انا غلطت
چوليا:لا اطمني يختي مش زعلان
نهلة:وانتي ايش عرفك
چوليا:جوزك معاه صروخ تحت يا ماما
نهلة:حاسه ان مرتضى بهت عليكي صاروخ ايه بس
چوليا:معاه واحده زي القمر قمر ايه بدر
نهلة:نعممم....سفيااان.!!!

الأسيرة ♡بقلم/ندى محسن♕Noody♕

سفيان فاتح القميص وقالعه من عند كتفه المجروح ف المكتب وهي بصاله بأعجاب وبتعالج جرحه بلطف وهو غمض عينه بألم
نور:اسفه معلش اني بوجعك
سفيان:اخلصي بس
نورا باصه لعضلاته ولياقته وبدلع:انا شرف ليا اني اعالج فرعون انت عارف اني انا اللي صممت اجي بدل الدكتورة اللي مسؤولة عن حالتك؟
سفيان بصلها وهي قربت منه وهنا الباب اترزع ودخلت نهلة زي العاصفه وسفيان غصب عنه دور وشه وابتسم
نهلة بعصبيه:تسمح تقولي ايه اللي بيحصل هنا ومين البتاعه دي
نورا رفعت حاجبها:مين دي
نهلة:مراته انتي اللي مين
نورا:انا الدكتوره اللي بعالج جرحه انا معرفش انك اتجوزت!
سفيان ساكت ببرود ودا عصب نهلة وراحت قعدت قدامهم ونورا بتعالج جرحه برقه زايده وطولت اوي متجاهله نهلة اللي خلاص عايزه تجيبها من شعرها
سفيان مبتسم عاجبه غيظ نهلة وكل مسفيان يبتسم ونور تضحك نهلة هتتجنن
نورا:خلاص انا عالجته اي خدمه يا تانيه
سفيان:لو ممكن بس تلبسيني القميص
نهلة برقت ووقفت قدامها:اتفضلي حضرتك من هنا انا هساعده
نور:هاجي بكرا الصبح هطمن عليك واغيرلك عليه بعد اذنك
خرجت ونهلة لبستله القميص وهو مش باصصلها وهيموت ويضحك
نهلة بصتله بعتاب وهي واقفه قدامه وهو رفع عينه بصلها
عقل سفيان فرض السيطره على قلبه وبصلها بجمود:مش عايز اشوفك قدامي واظن انك عارفه غلطك
نهلة بصتله والدموع لمعت في عينها
سفيان دور وشه لما لقى انه خلاص هيضعف
نهلة:سفيان...
سفيان ساكت بجمود
نهلة غصب عنها دمعت وطلعت بسرعه
سفيان اتنهد

الأسيرة ♡بقلم/ندى محسن♕Noody♕

نور الدين:اومال هي فين
فاطمه:مش عايزه تنزل
سفيان بص لچوليا لقاها بصاله بضيق عرف انها مضايقه
فاطمه:سفيان حبيبي قوم خليها تيجي هي هتسمع كلامك لو فضلت كدا يمكن تتعب
سفيان طلع لقاها قاعده على السرير دافنه راسه في رجليها وكبريائه منعه يتكلم قعد على السرير وشايف الشنطه اللي فيها الفراخ زي مهي ودا ضايقه انها مكلتش
نهلة انتبهت اخيرا لوجوده وبصتله
سفيان بيلعب في التليفون ببرود
نهلة:سفيان...انا اسفه سفيان انا مقصدتش واللهي مقصدتش انا اسفه بس انت خوفتني...
سفيان:يبقى تبعدي عني عشان متخافيش
نهلة:سفيان بلاش تكلمني كدا
سفيان:نهلة ابعدي عني
نهلة بضيق:لا مش هبعد يا سفيان ثم انت ازاي تضحك مع الدكتوره كدا وانت اكيد عارفه انها عايزه تتكلم معاك وخلاص
سفيان:وانتي مالك بقاا على الأقل هي عارفه ان مش لازم تخاف مني
نهلة بصتله بضيق والدموع عنيها ومسكت ايده:طب متزعلش مني
سفيان قلبه عمال ينبض بعنف:نهلة نامي وابعدي عني
نهلة نامت وهي بتمسح دموعها وهو عايزها تقوم تاكل فقام فتح الشنطه وطلع الفراخ
سفيان:انتي مش طلبتيها ايه بقااا زي مهي!!!وهو وجع قلب ليا وخلاص
نهلة مبصتلوش وهي مغطيه وشها بالمخده:معلش مش هطلب منك حاجه تاني
سفيان اتنهد بضيق وقعد على السرير وهو باصصلها وهي رفعت المخده شفته راحت حطاها تاني على وشها 
سفيان كتم ضحكته:قومي
نهلة:انت زعلان مني
سفيان شال المخده:تعالي
نهلة بصتله
سفيان اتنهد:انتي شايفه ايدي مربوطه تعالي بقاا انتي في حضني
نهلة ابتسمت وحضنته جامد وهي دافنه راسها ف رقبته
سفيان ابتسم:مش معنى كدا اني مش زعلان بس حتى لو زعلان مينفعش تنامي من غير حضني
نهلة:انا اسفه يا سفيان بالله عليك سامحني ولا انا ابدآ مقصدتش بس انا خوفت غصب عني خوفت يا سفيان بالله عليك خلاص
سفيان باس خدها ومسك دموعها:طب متعيطيش طيب
نهلة:طيب خلاص مش زعلان مني
سفيان:مش زعلان اصلا بس حبيت اوريكي ان دا غلط
نهلة باست خده اللي ضربته عليه:انا اسفه واللهي مقصدتش
سفيان ابتسم وهي حضنته بخجل:طب ينفع كدا الأكل زي مهو ايه علاقه الأكل بمشاكلنا
نهلة:انا مش جعانه
سفيان:طبيعي نفسك هتتسد عشان دايمآ زعلانه بس اوعديني مهما يحصل معاكي هتاكلي بردو
نهلة:اوعدك
سفيان:يلاا بقاا تعالي كلي
نهلة قامت معاه وهو قعد يأكلها وتأكله كالعاده
سفيان دخل الحمام وهي معاه تغسله ايده وخرجو فسفيان ابتسم:حضري نفسك بقااا بكرا
نهلة:اشمعنا
سفيان:المفجأه
نهلة ابتسمت وحضنته:كفايه اني اشوف ضحكتك..
سكتت وبصتله وبعدت عنه
سفيان:في ايه
نهلة اتضايقت لما افتكرت ضحكه مع الدكتوره وازاي كانت بتلمسه
سفيان:ايه مالك عايزه فراخ تاني
نهلة بصتله بضيق:متهزرش معايا
سفيان قعد على السرير وهي قدامه:ودا ليه بقاا
نهلة:انت كدبت عليا وانت طلعت بتاع بنات وقليل الأدب وانا بقااا اللي مش هكلمك يا سفيان وملكش دعوة بيا وكمان مش هنام في حضنك
سفيان ضحك على الكلام اللي هي رصتهوله ورا بعضه
نهلة:مستفز
سفيان سحبها قعدها على رجله:حبيبتي انتي لسه فاكره
نهلة:انا كان هاين عليا اوي اني اضربها واسحبها من شعرها وانت كنت هموتك
سفيان ضحك وهي اتضايقك اكتر
نهلة:وكمان كنت بتضحكلها كدا
سفيان:وربنا مكنتش بضحكلها
نهلة:لا كنت بتضحكلها
سفيان:طب انتي شوفتيني بصتلها
نهلة:لا بس كنت بتضحك على ضحكها
سفيان:وربنا كنت بضحك عليكي انتي
نهلة:ليه ان شاءالله ارجوز؟
سفيان:عشان غيرتك المجنونه
نهلة جت تبعد مسكها
سفيان بيضحك:خلاص بقاا خلاص استني
نهلة بعصبيه:سفيااان ملكش دعوة بيا دلوقتي
سفيان:طب يرضيكي كدا لو مليش دعوة بيكي يبقى ليا دعوه بمين
نهلة:انت عارف انك بتضايقني وانا اتعصبت وانت كنت قاعد بمنتهى البرود
سفيان:طيب انا اسف مش هتتكرر ابداا تاني خالص
نهلة حضنته:ولو اتكررت
سفيان:تقدري تحكمي اي حكم
نهلة:انت كنت مبسوط معاها
سفيان باس خدها:ابدآ
نهلة:خلاص انا اللي هغيرلك على الجرح بعد كدا
سفيان:هتعرفي
نهلة:اه هتعلم ملكش دعوة
سفيان ضحك:هتتعلمي فيا يا مدام نهلة
نهلة:هو كدا
سفيان:بس انا بقى مش هعرف
نهلة:ودا ليه
سفيان:عشان هدوب ف كل لمسه منك
نهلة بصتله وابتسمت:يبقى خلاص انا اللي هغيرلك عليه مليش دعوه
سفيان حضنها:حبيبتي الغيوره

#الاسيرة ♡بقلم/ندى محسن♕Noody♕

چوليا خدت التليفون واتصلت على مرتضى
علا شافت اسمها على شاشه التليفون واتضايقت ومرتضى خد الفون ابتسم ودخل المكتب ودا عصب علا اكتر
چوليا:كنت نايم
مرتضى:لا بس بحضر شويه اوراق علشان هروح الشركه بكرا
چوليا:مش هشوفك
مرتضى:اشمعنا
چوليا:علشان هسافر بكرا
مرتضى:على فين
جوليا:فرنسا
مرتضى:ودا ليه
چوليا:الشغل
مرتضى:لما اشوفك هنتكلم
چوليا ابتسمت:تمام
مرتضى:خلي بالك من نفسك
چوليا:سلام
چوليا قفلت معاه واتنهدت بحزن

#الاسيرة ♡بقلم/ندى محسن ♕Noody♕

سفيان صحي لقاها لسه نايمه ابتسم وباس جبينها
ابتسم وهو عمال يفتكر لما مرتضى قاله انه هيبقى اب اتخيل لو نهلة حامل اي هيبقى شعوره للدرجة دي احلامه اتبدلت بقى حلمه انه يعرف انها حامل وتجيبله طفل
نهلة: بتفكر في ايه
سفيان ابتسم وحضنها: فيكي يا مجنناني
نهلة ابتسمت وباست خده: صباح الخير يا حبيبي
سفيان ابتسم: يلااا بقا ناكل علشان  نمشي ونلحق نسافر
نهلة: هي الساعه كام
سفيان: امم سته
نهلة: دا بدري اوي
سفيان: عشان نلحق ولا قلب فرعون مش على بالها المفاجأه
نهلة قامت بسرعه: طب يلا بينا
سفيان ضحك على طريقتها وهي جريت على الحمام لبست فستانها وحطت ميك اب خفيف وطلعت لقته مش عارف يلبس القميص وهنا الباب خبط ونهلة فتحت
هنا: الدكتوره نورا هنا عايزه سفيان بيه
نهلة: انزلي قوليلها البيه سافر
هنا: ايه
نهلة: سافر
دخلت وقفلت لقت سفيان ابتسم وهي قربت قعدته وجابت الشاش والمطهر والقطن وقعدت جنبه على ركبتها
سفيان: نعم نعم انتي هتعملي ايه
نهلة: مفيش دكتوره يبقى تسكت
سفيان سكت وهو بيكتم ضحته وهي فكت الشاش من على دراعه وعالجت جروحه بهدوأ وهي حذره متوجعهوش وبعد شويه وسفيان مغمض عينه
نهلة: خلصت بس دراعك مش  عايز يتربط تاني جرب حركه كدا
سفيان بصلها بدهشه: خلصتي!!
نهلة:اه
سفيان:انا محستش بأي الم
نهلة ابتسمت:طب دا كويس
سفيان حط ايده على دراعه:انتي ايدك خفيفه لا دا انا بعد كدا مش هروح لدكتورة!
نهلة ضحكت بثقه:عشان تعرف بس قدراتي
سفيان ضحك:صح
نهلة لبسته القميص وهو مركز ف عينها ومبتسم وبعدين راحت لبسته چاكيت البدله
سفيان خد المشط وسرح شعرها وربطه بشكل حلو:ايه رأيك
نهلة:حلو
سفيان ابتسم برضا وحط البرفيم المميز بتاعه ونزل
مرتضى:اللهم صل على النبي
سفيان:يا ساتر يا رب
نور الدين:الله علي فين
سفيان: هنسافر
نور الدين:يبني هو حصل حاجه
سفيان:لا بس علشان نهلة تهدي اعصابها اكيد هنبقى نيجي تاني
فاطمه حضنتها:يا حبيبتي هتوحشيني..طب مش هتاخدي هدوم
سفيان:لا انا هجبلها كل حاجه
چوليا نزلت بشنطتها
مرتضى عينه راحت عليها
سفيان:هتسافري دلوقتي
چوليا:عشان مينفعش اتأخر عن كدا
سفيان:خلي بالك من نفسك
چوليا:حاضر
سفيان بص لمرتضى:وصلها
مرتضى:من غير متقول على فكرآ
سفيان مسك ايد نهلة ومشي ونهلة كانت فرحانه ومستنيه تعرف ايه المفاجأه
مرتضى بضيق:هترجعيله تاني
چوليا:مستحيل
مرتضى:ليه عايزه تمشي وبالسرعه دي
چوليا بصتله وهو مركز في السواقه:تفتكر المشاعر ممكن حد يتجاهلها
مرتضى ابتسم:اشمعنا
چوليا لسه بصاله وهو سايق:المشاعر ممكن تتجاهلها وتتجاهل مشاعرك تجاه حد
مرتضى وهو لسه باصص قدامه:ممكن بس مش صح ابدآ الشخص القوي دايما بيواجه مشاعره اينكانت وبيتقبلها ويعترف بيها بس دا ايه علاقته بسؤالي وايه علاقته بسفرك بالسرعه دي!!!
چوليا بصاله بشرود وحزن:عشان لو فضلت هنا مش هقدر امنع نفسي اني احبك يا مرتضى.....

#الأسيرة ♡بقلم/ندى محسن♕Noody♕

نهلة:طيارة سفيان لا مستحيل دا انا بموت من الخوف وانت اللي هتسوق سفيااان
سفيان ضحك:يا حبيبتي يا قلبي مالك اكيد انا مش مجنون هسوقها وانا معرفش وبعدين مش اول مره انا واخد تدريبات متخافيش
نهلة:سفيان ليه طيارة بلاش
سفيان حاوط وشها:مش واثقه فيا
نهلة:واثقه واثقه وربنا بس بلااش احسن
سفيان:يلاا يا نونو بقاا متخافيش مش عايزه المفاجأة
نهلة كشرت وهو ضحك وهي بصتله:لا بقااا مهو مش كل حاجه تقولي المفاجأه
سفيان سحبها وطلع قعدها جنبه وهو ربطلها الحزام:جاهزه
نهلة:لاا
سفيان ضحك:يا بنتي منا معاكي اهو وربنا مش مستغني عن عمري
سفيان ابتدي يمشي بيها وهي تمام لحد مبدأت تترفع وهي مغمضه وبتتشاهد وهو عمال يضحك ويعمل حركات بالطياره وهي فتحت بصتله بغيظ
سفيان ضحك اوي:حبيبتي ايه رايك
نهلة:رأيي ايه انا هموت من الخوف
سفيان:معانا براشوت وربنا كان نفسي ننط بس انتي اول مرة وكمان انا لسه مشفيتش تماما ولا انتي ايه رايك
نهلة بصتله بصدمه:انت مجنون يا سفيان رأيي ف ايه بقولك ميته من الخوف تقولي ننط
سفيان ضحك:خلاص يا ستي انا اسف المرة الجايه ننط على طول من غير مقولك
نهلة ضحكت بغيظ وواحده واحده اتعودت وبقت تضحك معاه:لا طلعت مفاجأه حلوة والله ظلمتك
سفيان رفع حاجبه:بس مش دي المفاجأه
نهلة:اومال اي تاني
سفيان:المفاجأه احلا من كدا بكتير
نهلة برقت:لا والنبي انا قلبي ضعيف ودا اخري في الأكشن
سفيان ضحك اوي:طب خدي القماشه اللي جنبك دي غطي عينك بيها
نهلة:ودا ليه هترميني من هنا
سفيان ضحك: تؤتؤ عيب عليكي دا انتي صحتك على قدك
نهلة عضت شفايفها بغيظ
سفيان ضحك:خلااااص معلش يلاا بقاا غطي عينك
نهلة:لما نشوف اخرتها يا سفيان

#الأسيرة ♡بقلم/ندى محسن♕Noody♕

مرتضى وقف العربيه وبصلها وهي بصت قدمها
چوليا حست انها غلطت ونسيت انه متجوز وقعدت تلوم نفسها وهو مركز ف ملامحها
مرتضى:چولياا!!
چوليا بضيق:مرتضى وصلني على المطار وانسى....انسى اللي قولته ارجوك..
مرتضى بصلها وهو مش عارف يقول ايه بس قلبه وجعه ولأول مره يحس بالأحساس دا
ولما وصلها على المطار
مرتضى:چوليا....متسافريش
چوليا ابتسمت بحزن:انت قولت ان الصح نعترف بمشاعرنا بس انا مش عايزه تتمسك بيا هتحس ان الموضوع معقد بس....بس انا جه الوقت اللي هودعك فيه
مرتضى سحبها وحضنها وهي غمضت عينها دايمآ چوليا قويه بس اول مره تحس انها بالمقدار دا من القوة انها تعترف بمشاعرها ومتنهارش...
مرتضى:چوليا انا اسف
چوليا:ليه
مرتضى:دايمآ عندي فكرة ان مطارده البنات وحبهم للشخص واني اتجاهلهم بتحسسني اني مفيش مني بس سر بيني وبينك انا حاسس اني غبي وتفكيري فعلآ محدود زي مقولتيلي اول مره في قصر ارسلان
چوليا بصتله وابتسمت:فرصة سعيده
مرتضى ابتسم:انا اسعد واكتر واحد محظوظ اني قبلتك وقابلت حنيتك اللي تغلب اي حد وقبلت حبك يا چوليا
چوليا مدت ايدها وهو سلم عليها عاجبه قوتها وحاول يعرفها انها فعلآ صح
مرتضى:هتوحشيني
چوليا ابتسمت:وانا هفتقدك وهفتقد جنانك بس عندي طلب
مرتضى:ءأمري
چوليا:مش هيبقى عندك صديقة
مرتضى ابتسم:كنتي انتي الأولى وهتبقي الأخيرة يا صديقة عمري
چوليا سابت ايده ومشيت وهو لسه مكانه باصص عليها وهي غصب عنها دموعها نزلت ومسحتها بأبتسامه وهمست:فرصه وصدفه سعيده يا مرتضى
مرتضى كانه اتجمد وهو واقف ملامحه اتغيرت للحزن بعديه الضيق وهو مش شايفها
چوليا قعدت في الطيره وغصب عنها فقدت السيطره على دموعها وقعدت تعيط جامد
مرتضى قلبه وجعه ومحسش باي حاجه كأنه ف حلم جري بيبص حواليه زي المجنون وهو حس انها فعلآ صديقته المواقف القليله معاها حسسته انه لو فقدها هو فقد شخص غالي عليه وهنا شاف الطياره وهي طالعه وهنا الدموع لمعت ف عينه وغمض عينه بعنف...
(تفتكروا هتكون نهايتهم؟)

#الأسيرة ♡بقلم/ندى محسن♕Noody♕

سفيان:هااا
نهلة:هاا هفضل انا كدا كتير يا سفيان
سفيان ابتسم:شيليها
نهلة شلتها وبصتله وابتسمت
سفيان ابتسم بحب:بصي تحت يا قلب فرعون
نهلة بصت لتحت وهنا شافت انهم فوق جزيره الجزيره على شكل قلب وجوا القلب دا اسمها وهنا بصت بصدمه وبصت لسفيان اللي ابتسم اوي
سفيان:دا قلبي اللي انتي بس اخدتيه ومحدش يعرف حاجه عنه ولا حتى مرتضى انتي بس لأنه بتاعك انتي وبس
نهلة الدموع بتنزل من عينها بأنسياب ومبتسمه بفرح:انت ازاي كدا ازاي كدا يا سفياان
سفيان مسك ايدها باسها:دا سفيان بتاعك انتي اللي ظهر من يوم محبك يا نهلة يا نهلتي
نهلة ضحكت بفرح
سفيان:ايه بقاا مش حابه تنزلي
نهلة هزت راسها بنفي وهو ابتسم وابتدى ينزل بالطياره وهي قلبها بيدق جامد من الفرحه حاسه انها اكتر بنت مميزه ف العالم
ولما نزلت عماله تتلفت بأعجاب للورود اللي ماليه المكان والبيت الأبيض اللي هيئته من برا تجنن وللبحر اللي نسيمه بيداعب شعرها
سفيان حضنها وهو وراها وفلت شعرها:هنا بقااا انا وانتي وبس وهنا هتلاقي كل حاجه عيزاها
نهلة ضحكت ولفت حضنته وهي متشعلقه في رقبته وهو رفاعها بايده ودفن راسه في رقبتها وهمس:بعشقك
نهلة:انا بحبك اوي يا سفيان انا بموت فيك انا بجد مهما عملت مش هعرف احس اني وفيتك حقك
سفيان باسها:انا مش عايز غير اني اشوف ضحكتك كالعاده بتنور وشك
نهلة دخلت ايدها في الجاكيت بتاعه وهي محاوطه ضهره وهو ابتسم وهو فرحان على فرحتها وهي حبت تبعد ايدها خبطت في حاجه في جنبه فبصتله بصدمه وهو اتنهد
سفيان:نعم عملت اي والله حضن اخوي
نهلة طلعت المسدس وبصتله بأستفهام:انت ليه جبته معاك وليه كنت عايزو قولت ان مفيش غيرنا هنا؟
سفيان:علشانك
نهلة بصتله بأستفهام.......

🌸الى اللقاء في حلقه اخرى🌸

#اشوفكوا_بكرا

اسئله الحلقة:-
تفتكرو چوليا غلطانه ولا لا؟!هي فعلآ خلاص سافرت؟!مرتضى ردت فعله هتكون ايه؟!سفيان ليه جاب السلاح معاه؟!!