رواية ♡الأسيرة 1♡ للكاتبة/ندى محسن♕Noody♕ الفصل الرابع عشر 14 - بقلم الكاتبة ندى محسن

♡الاسيرة♡

بقلم/ندى محسن عوض الله ♕Noody♕
الحلقة الثالثه عشر:-

نور الدين: على فين
سفيان بصله بضيق وبص لنهلة: واخد مراتي وهمشي من هنا
نور الدين: لا نهلة هتيجي معانا
سفيان مسك ف نهلة اكتر ونهلة اتألمت: سفيان حاسب...
سفيان بعصبيه: مراتي وهتيجي معايا واظن كفايه اللي حصل والزباله خاف وجاب ورا لما عرف انا ابقي مين وانا معنديش استعداد اتكلم معاك لأن لو فكرت تقربلها هنسى سنك
نور الدين بثقه: بس انت واثق انك مش  هتعمل كدا
سفيان بتهكم: يبقى متعرفنيش
نور الدين: مش هتأذي اللي انقذ حياتك مرتين  دا دين عليك ومش اي دين مش كدا؟
نهلة بصت بأستغراب وسفيان بصلها وبصله بأستفهام!!
سراج هز راسه بإيجاب: دا صح...
سفيان: ودا ازاي....
نور الدين: قول لجوز بنتك يا سراج
سراچ: اول مره لما مسك ايد عاصم لما كان هيموته والمره التانيه لما فقد دم كتير وبابا اتبرعله بكل الدم اللي محتاجه رغم انه تعب ومكنش ينفع يتبرع بكل دا
سفيان: وليه مهو السبب في كل حاجة حصلت واي الرضا اللي نزل عليك من ناحيتي مرة واحدة كدا؟
نور الدين: اثبتلي انك بتشبهني
سفيان ابتسم بسخريه: فرعون مبيشبهش حد
نور الدين ابتسم: مش هعارضك دماغك ناشفه بس اللي مش  هتنازل عنه انكم تيجوا على عندي والمره دي ف حمايتي انا
عاصم كان سامعهم وكله غل واخيرا اتدخل: انت ايه اللي بتقوله دا هي اتجوزت في السر وجابت واحد زي دا على البيت بكل بجاحه وعايز تجيبه انت وترحب بيهم
نور الدين بص لسفيان اللي ابتسم بسخريه من كلام عاصم
عاصم: بطل برود انا مش  قدك
سفيان بسخريه: اهاا دي حقيقه بس مكنتش اتخيل ان تفكيرك متخلف للدرجه دي ودلوقتي انا هروح على البيت بيت مراتي علشان جدها طلب دا
نهلة بصت لسفيان بصدمه
نور الدين ابتسم على تفكيره وعاصم مشي وفاطمه مسكت ف چوليا اللي ابتسمت على تمسك فاطمه بيها

#الأسيرة ♡بقلم/ندى محسن ♕Noody♕

علا صحيت لقت مرتضى لسه نايم وهي ابتسمت اوي وقربت باسته وهو فتح بنوم وابتسم
مرتضى بنوم: صباح الخير
علا: صباح النور
مرتضى حضنها: نامي بقاا انا مش قادر اقوم مشبعتش من حضنك لسه
علا ابتسمت وحضنته
مرتضى ابتسم
علا: يلا عشان  هتتأخر على الشغل
مرتضى: مش هروح سفيان في المستشفي
علا: طب هتسيب الشركه كدا لازم على الأقل تبقى انت موجود
مرتضى: اممم شويه بس
علا كان الفضول والغيره هيقتلوها: مين اللي كانت معاك ف المستشفى
مرتضى: اللي انتي بهدلتيها دي
علا بغيرة: هي شكلها مش بنت عاديه كانت حلوة وشيك... مرتضى متكذبش عليا..
مرتضى باس ايدها: مش  هكذب عليكي مش  هكذب
علا ابتسمت: طب مين دي يا مرتضى
مرتضى: مرات خاطر
علا: خاطر اللي كان مشارك سفيان
مرتضى: بالظبط كدا
علا: طب هي كانت بتعمل معاك ايه وليه كنت حاطط ايدك على كتفها وفين جوزها دي
مرتضى بصلها وافتكر لما باس چوليا وهي اتجرحت وغمض عينه بعدم رضا
علا بصوت مهزوز ودموع بتحبسها بالعافيه: قولي انت في حاجه  بينك وبينها قولي وانا انا مش هعمل حاجة..
مرتضى حضنها: لا مفيش حاجه  كل الحكايه ان هي انفصلت وجت مع مرات سفيان لهنا
علا: هو سفيان اتجوز؟
مرتضى ابتسم: يااااه انتي قديمه اووي يا علا

#الأسيرة ♡بقلم/ندى محسن ♕Noody♕

سفيان قعد بألم على السرير
نهلة بأستغراب وهي هتتجنن من تصرفاته وغموضه: انت ليه وافقت تيجي هنا سفيان انا بجد مبقتش فهماك... مبقتش ايه بس دا انا عمري مفهمتك
سفيان بكل هدوأ: وايه المشكلة 
نهلة: سفيان متعصبنيش وكلمني عدل
سفيان ابتسم: طب ينفع اكلمك عدل وانتي بعيده كدا بردو
نهلة: سفيان انا بتكلم جد
سفيان رفع حاجبه: وانا بتكلم جد تفتكري هعرف اتكلم وانتي مش  في حضني
نهلة غصب عنها ضحكت وهو سحبها وقعدها على رجله وهي ف حضنه
سفيان: اممم بقى كنتي بتقولي ايه
نهلة: سفيان ليه جيت هنا...
سفيان: هقولك بقاا دلوقتي جدك عنده تفكير هوس العادات والتقاليد ومع ذلك هو فهم اني مختلف واحترم دا ومع ذلك التاني اللي فهمت انه مسيطر على جدك هيتجنن يا نهلتي ايه بقاا
نهلة بصتله: انا فهمتك
سفيان ابتسم : اخيرآ بس اي الحلاوة دي
نهلة ابتسمت وهي مركزة اوي فيه
سفيان: اي
نهلة بشرود:انت حلو اوي
سفيان: الله بتعاكسيني بقاا
نهلة ابتسمت بخجل: سفيان
سفيان: قلب سفيان وروحو
نهلة ضححت: انا بحب كلامك
سفيان حضنها: وانا بحبك وبحب اي حاجه تحبيها بقااا
نهلة: وانا بحبك...
سفيان: تؤتؤ انتي تقوليهالي وانتي عينك في عيني عايز اشوف الحب ف عينك قبل متقوليها يا نهلة
نهلة بخجل: مش هعرف... مش هعرف
سفيان رفع وشها وقرب باس شفايفها وهي غمضت وهو ابتسم على تعابير وشها وهي بصتله بأستغراب
سفيان فك شعرها وهو بيفرده: هاا يلا قوليها والا
نهلة بتحدي: والا
سفيان بأستفزاز: المفجأه الحلوة اللي انا عملهالك هلغيها وانتي عارفه كلمتي
نهلة: سفياان انت بتضايقني
سفيان ضحك وباس خدها وهي بصاله وقرب من شفايفها بعدت وشها وجت تقف سحبها
نهلة: انت رخم وانا مضايقه منك
سفيان همسلها وهو قريب منها: حبيبتي انا قولتلك اوعي ابدآ تبعدي عن حضني
نهلة باصه لعينه بتوهان
سفيان ابتسم وهمس: وحيات فرعون لتقوليها
نهلة: انا بحبك يا سفيان... انا حقيقي بحبك... فجأه حسيت اني كنت تايهه ووقعت اتجرحت كتير وعيطت وفجأة اتحول دا كله لأمان وسعاده عمري متخيلت اني اقولهالك بس انا بحبك يا فرعون مع كل الناس وبحبك يا سفيان معايا انا نفسي تتغير تبقى تعامل الكل زي مبتعاملني ساعتها كلهم هيحلفو ان مفيش احن منك مفيش قلب زي قلبك
سفيان بيطبطب على شعرها بحنان: سفيان دا معاكي انتي بس لما هدمتي كبرياء يا نهلة يا نهلتي ومن وقتها خلااص اعلنت الاستسلام حتى لو مكنتش سمعتها منك كنت هفضل اقولهالك قولتهالك قبل كدا يا نهلة حتى لو بتكرهيني هفضل احبك انتي بس واعشقك انتي بس لأخر نفس فياا
نهلة ابتسمت: وانا اتأكدت من دا لما حسيت ان كل حاجه هتنتهي وساعتها لقيتني في حضنك واتعرضت للموت عشان  بس نهلة
سفيان: علشان نهلتي ونونتي اللي قبل متكون مراتي كانت ومازالت طفلتي
نهلة ابتسمت بسعاده قلبها بيرقص على كلماته اللي بمسابه نغم ليها اشارة للسعاده
سفيان: نهلة انا مفكرتش ولا بفكر اضغط عليكي في تطور علاقتنا عايزها تيجي برضا منك على علاقتنا عايز اتأكد انك واثقه فيا قبل اي حد واثقه ان مهما عملتي ومهما حصل انتي في قلبي وفي دمي وبعدين مش جدك اتبرعلي بالدم خلااص بقاا انتميت ليكم
نهلة ضحكت وهو ضحك على ضحكها والباب خبط
سفيان بضيق: مين
فاطمه: افتحوا خدو الأكل
سفيان: مش عايزين
نهلة كتمت ضحكتها وجت تقف
سفيان همس بغيظ: فرحانه انتي لأفساد لحظتنا
نهلة ضحكت وفتحت وفاطمه ابتسمت لما شافتها فرحانه وادتلها الصينيه ومشيت ونهلة حطتها على الترابيزه
سفيان سحبها وهو محاوطها بأيد واحده وايده التانيه مربوطه ف كتفه المجروح:امك دي طيبة اوي زيك كدا يا نهلة
نهلة: سفيان
سفيان بيقرب: قلبو
نهلة بغيظ طفولي: انا جعانه
سفيان عض شفته بغيظ وهي ضحكت وهو رفع حاجبه وهمس: هستنى تقعي تحت ايدي وربنا مهرحمك روحي كلي يختي
نهلة بثقه: دا بعدك يا حبيبي
بعدت عنه وقعدت تاكل وهو ضحك بغلب
سفيان: طب مفيش تعالى كل ولا اي حاجه دا انا حتى مريض
نهلة: انت عارف امبارح انا... انا خفت اوي
سفيان قعد قدمها: وليه بقااا
نهلة: كنت منهارة لو كنت حصلك حاجة كنت هموت كنت هفضل الوم نفسي اني انا السبب
سفيان بضيق: نهلة اسكتي
نهلة بصتله بإستغراب
سفيان بضيق:دا مش بسببك تمام وبعدين هتلومي نفسك علشان دا بسببك وبس نهلة انا معنديش اغلى منك
نهلة بصاله مركزه في عينه بأبتسامه حب: وانا حقيقي معنديش اغلى منك ومظنش ان في واحده في العالم هتبقى محظوظه زيي كدا زي منا محظوظه بيك يا سفيان
سفيان مط شفته بتكشيره: اومال ليه بعيدة كدا
نهلة ابتسمت اوي وهو فتحلها ايده وشاور على رجله وهي قعدت
سفيان ابتسم: مش بقولك انتي طفلتي الأولى طفلتي اللي مهما كبرت هتفضل تقعد على رجلي واكلها كمان
نهلة ابتسمت بحب: لا بقاا انا اللي واجب عليا دا وبعدين انت ايدك التانيه مش  شغاله
سفيان رفع حاجبه: نعممم!! ايه مش شغاله دي هي مكنه
نهلة ضحكت اوي: مقصدش حبيبي انت تعبان اقصد مينفعش تحركها ها يلاا بقى افتح بؤك
قعدت تأكله وهو يأكلها وهو سرح معقولة دا انا معقول دا سفيان لو حد شافه دلوقتي مستحيل يصدق ان دا فرعون... هو دا بجد فرعون.!!!
نهلة حركت ايدها قدام عنيه: بتفكر ف ايه بقاا
سفيان بأبتسامه: فرعون اللي قلبتيه 800درجه

#الأسيرة ♡بقلم/ندى محسن ♕Noody♕

چوليا رايحه جايه ف الأوضه: هو مبانش وحتى حتى سفيان متكلمش عنه هو نسي انه ضربه وبعدين  مرتضى بيعشق سفيان يعني.... يعني اكيد حالته وحشه واجب عليا اكلمه لأنه وقف معايا لما كنت مخنوقه.. اااه مع انه قليل الأدب وميستهلش!..... بس لا يا چوليا انتي العاقله هكلمه... لا ليفتكر اني مدلوقه عليه وبعدين  انا ماله.... هكلمه ومش  عايزه كلمه تانيه
اتصلت بسرعه واول مسمعت صوته قفلت في وشه
مرتضى ضحك: يا بنت المجنونه
چوليا بتنعكش شعرها بغيظ: ايه دا انا قفلت ليه اوووف... چوليا اهدي يا چوليا واركزي كدا ايه مفيش مشكله خليكي راسيه ولبقه ايوا نفس عميق
اتصلت تاني وهو رد من اول جرس
مرتضى: نعم مستني تقفلي تاني
چوليا: احم على فكرآ الفون هو اللي قفل
مرتضى ابتسم: انتي عامله ايه وايه اخبارك
چوليا: انا حلوة..
مرتضى ابتسم: طول عمرك حلوة
چوليا بتوتر: اقصد كويسه
مرتضى: مالك حاسس انك متوتره كدا
چوليا بتلقائيه: قلقت عليك مرتضى انت مظهرتش من امبارح انت كويس ومكلمتش سفيان
مرتضى ابتسم: يا ستي انا زي الفل ولسه صاحي بجهز عشان اروح لسفيان رغم اني متضايق منه بس عارف اني زودتها بس بردو عشان كنت مضغوط وجت في نهلة لازم اعتذرلها هي كمان انا قولت كلام ملوش لزمه
چوليا ابتسمت بسعاده: ودي احلا حاجه ممكن تعملها يا مرتضى يلاا هنستناك وصح سفيان خرج من المستشفى واحنا في بيت جدها نور الدين
مرتضى بصدمه: بتهزري!!
چوليا: لما تيجي هفهمك كل حاجه
مرتضى: تمام
قفل ولف لقى چوليا والواضح انها سمعته وهو ابتسم وحضنها: انا خارج عايزه حاجه
علا: اجي معاك
مرتضى بصلها بأستغراب: ايه
علا: انت سألتني لو عايزة حاجه وانا عايزه اجي معاك ايه بقاا هتعمل اللي انا عايزاه
مرتضى: بس حبيبتي الدكتور نبه انك ترتاحي
علا: انا ادرى براحتي وراحتي لما تخدني معاك بدل منا هتجنن
مرتضى: ولو قلت لا
علا: انت نستني!!
مرتضى بأستغراب: يعني ايه
علا: كلامك معايا حساه رسمي وكلامك معاها كأنك كأنها هي مراتك و..
مرتضى: علا ايه الكلام دا حبيبتي انا بس خايف عليكي
علا: وانا كويسه يا مرتضى
مرتضى ابتسم وحضنها: البسي بسرعه طيب
علا ابتسمت وباست خده وجريت تلبس وهو ابتسم

#الأسيرة ♡بقلم/ندى محسن ♕Noody♕

نهلة قاعده على السرير بتعيط بصمت وسفيان بيلعب في تليفونه ورماه وبصلها لقاها بتعيط اتصدم وقرب بلهفه: حبيبتي مالك بتعيطي ليه تعبانه طيب في حاجه وجعاكي طيب
نهلة بتحرك راسها بنفي
سفيان: مالك طيب يا روحي ايه اللي حصل زعلانه مني عملت حاجه ضيقتك
نهلة بتحرك راسها بنفي
سفيان: طب ممكن تهدي بس وقوليلي في ايه انا عملت ايه ولا ايه اللي حصل هما 10 دقايق اللي اتلهيت عنك فيهم
نهلة: انا زهقانه ومخنوقه
سفيان: طب ليه
نهلة: هو كدا من غير سبب وسيبني اعيط وانا هسكت
سفيان بيتنهد بضيق: طب حد كلمك اي الجنون دا
نهلة بتعيط: ملكش دعوة يا رخم
سفيان ضحك: طيب ليه بس كدا
نهلة: انت بتتريق يا سفيان افضل اتريق عليا كدا
سفيان: طب اعمل ايه طب تحبي تخرجي
نهلة: لا انا تعبانه مش  هقدر وانت تعبان والدكتور هيبعت حد يغيرلك على الجرح
سفيان: طب اعملك ايه
نهلة: اعملي فراخ مشويه
سفيان رفع حاجبه: هاا نعم
نهلة: عايزه فراخ مشويه
سفيان: انتي لسه واكله
نهلة بصتله بحده وهو كتم ضحكته
سفيان: طب اسف اسف انا اجبهالك منين دي انزل اقولهم عايز فراخ مشويه
نهلة بدموع: مليش دعوة
سفيان بصلها وضحك: نهلة انت ولا كأنك بتتوحمي
نهلة بصتله رفعت حاجبها: بتوحم!!!(كملت بغيظ)اه بتوحم يا سفيان
سفيان  بيضحك: اه انك تعوزي فراخ مشويه وهي مش  وقتها ولسه واكله وتعيطي كدا اكيد بتتوحمي وزنانة بس بلا وكسة هيجي منين الوحم
نهلة بغيظ : طب افرض اني بتوحم سفياان انا عايزه اكل بجد
سفيان وقف: ثواني
نهلة: رايح فين وهتسيبني لوحدي وانت تعبان
سفيان رفع حاجبه: اومال هجيبهالك ازاي
نهلة: مش انت فرعون بقاا اتصرف
سفيان عض على شفته بغلب وهو بيكتم ضحكته: والله مش ساحر ومجربتش ابيض
نهلة ضحكت بغيظ: بطل تريقه اتصرف بقااا بس متمشيش
سفيان: هتخليني اعمل حاجه  مكنتش عايز اعملها بس علشانك
نهلة بصتله: علشاني بس
سفيان ضحك: ابوس ايدك متخديش على كلمتي ومتنكديش
نهلة: انا نكديه!!
سفيان حط ايده على بؤها: خلاص انا اسف انا حمار
خد التليفون وكلم مرتضى
مرتضى: فرعون باشا بنفسه لا لا مش  مصدق وبعدين  ايه مش  انت عامل زعلان بتتصل ليه بقا
سفيان: من غير كلام كتير هات فراخ مشويه وتعالى
مرتضى: ايه!!!
سفيان: اسمع الكلام بس
مرتضى: عايز اد ايه يعني
سفيان: على الأقل فرخه
مرتضى ضحك بصوت عالي: انت والد يا سفيان ولا ايه
سفيان بص لنهلة بغيظ: نعم
مرتضى بضحك: اصل طلب غريب دلوقتي يعني
سفيان:اخلص يبو دم خفيف وهاتلي السلاح معاك
نهلة بصتله اوي والخوف ظهر على وشها
مرتضى:ودا ليه
سفيان:اخلص يا مرتضى وبسرعه
مرتضى:هجيب علا بسرعه وجاي سلام
سفيان استغرب بس معلقش:سلام
نهلة:سفيان
سفيان بصلها
نهلة:انت عايز السلاح ليه سفيان انت ناوي تعمل ايه
سفيان ضحك بيحاول يغير الموضوع:مالك كدا مش هقتلك متخافيش يا نهولتي
نهلة:سفيان هتعمل ايه بالسلاح هتأذي مين
سفيان:نهلة في حاجات مش لازم تعرفيها
نهلة:سفيان بالله عليك بلاش تعمل حاجه غلط بلاش تتهور بلاش تعمل كدا
سفيان:حبيبتي دا للأمان بس في اي اهدي
نهلة:انت بتضحك عليا
سفيان اتنهد وابتسم بحنان:متخافيش جوزك مش غبي
شويه كدا مرتضى وصل بعربيته وچوليا شافته من فوق وجريت فتحت الباب تحت انظار فاطمه المستغربه وكانت صدمتها لما فتحت ولاقت علا معاه
مرتضى ابتسم:ازيك يا چوليا
چوليا:ك..كويسه
علا وهي ماسكة في ايد مرتضى:ايه اخبارك
چوليا:تمام...اتفضلو
نور الدين ابتسم:اتفضلو
مرتضى بص لچوليا بأستغراب وهي ابتسمت بحنان كعادتها وعلا متضايقه حاسه كأن في كلام بالأشارات والعيون بينهم وهي مش فاهمه حاجه
هنا خبطت على اوضه سفيان ونهلة فتحت
هنا:احم فين سفيان
نهلة:وانتي عايزه ايه
هنا:ممكن تناديه...
نهلة:بت انتي انجزي وبعدين دا يبقى جوزي اسمه سفيان بيه فاهمه وغوري من هنا
سفيان كاتم ضحكته
هنا بغيظ:قوليله ان استاذ مرتضى تحت
نهلة:مكنتي تقولي كدا من الأول يلا غوري
نهلة قفلت الباب ف وشها ولفت بصت لسفيان بغيظ:عاجبك؟انا اول مرة اعامل حد بالشكل دا بسببك
سفيان ضحك:طب انا مالي ممكن افهم انا مالي بتبصيلي كدا ليه
نهلة:ملكش يلا ننزل وشوفه جاب الفراخ ولا لا ولا اقولك خليك وهنزل انا
سفيان سحبها:على فين انا مش كل مره اقول شعرك دا ميتفردش غير ليا انا
نهلة بعند:مكلش دعوه منت عاجبك اوي شعرها
سفيان:انتي عبيطه يا بت انتي نهلة انا مبهزرش واي اللي عاجبني؟
نهلة بعند:وانا مش هلمه انت اللي فردته اصلآ وانا مش قادره المه ومش هلمه
سفيان:نهلة انا بحذرك
نهلة بعند:بردو لا
سفيان سحبها منه جامد وهي صوتت بألم وبصتله بصدمه
نهلة:سفيان انت بتعمل ايه س...سيبني.سفيان ابعد اي اللي بتعمله دا
سفيان بيشده اكتر وبيقربلها وهي خافت من نظراته وافتكرت لما خطفها وكان بيضربها وقد اي كانت بتتوجع وكانت خايفة يقرب منها افتكرت وجعها وضربه من غير رحمة والضلمه اللي قعدت فيها ايام كانت كافية انها تجننها
نهلة بخوف:ابعد عني
سفيان بعند:ايه بقى مش انتي بس اللي بتعندي
نهلة:سيبني يا سفيان سيبني
سفيان بعند قرب اكتر
نهلة بتحاول تبعده وهو مركز في عينها لحد منهارت وراحت زأته بعنف:ابعد بقى انت عايز ايه سيبني
سفيان قرب وسحبها ليه
نهلة زأته بعنف وانهارت في العياط غصب عنها وراحت ضربته بالألم:ابعد عني  انت اتجننت.... قولتلك ابعععععععد........

🌸الى اللقاء في حلقه اخرى🌸 

#استودعكم_الله♡

يلاا بقاا عايزه تفاعل
اسئله الحلقه:-
سفيان ليه طلب السلاح؟!يا ترى ايه المفاجأه بتاعت بكرا؟!مرتضى موقفه مع سفيان ايه؟!سفيان موقفه ايه مع نهلة اللي فقدت اعصبها؟!!!