الفصل الثاني

رواية الغرور والندم الجزء الثاني 2 بقلم قمر الليل الغرور والندمرواية الغرور والندم الحلقة الثانية

طق علينا الباب فتحت لقيته كريم قتله خير تفضل قالي الله يزيد فضلك خير انشاءالله بلله يا خوي يوسف اني من يومين ما مشيتش للمدرسة و ناقصتني دروس ممكن تشوفلنا اختك رانيا تعطيني كرسات باش نكملهم اني قتله شن تقول انته كرسات غدوى اطلبهم من زملائك وسكرت في وجها الباب لكن امي كانت شايفة كل شي جت دفتنا وطلعتله اعتذرت منه وخشت جابت الكرسات من رانيا واعطتهملا جت عاركتني قالتلي عيب الولد جاي يطلب في كرسات شن هذا التصرف اللي ادير هذي آخر مرة نشوفها منك ايوا

اني طبعاً طنشت امي بعدها لاحظت في المدرسة ان كريم بدي يتغير معاي كأنه يبي يكون صديقي في الاستراحة يجي يقعمز بحداي في الاستراحة ويهدرز و لما تصير مشكلة يفزع فيا و يضرب معاي و مرات يجيبلي معاه فطور و في مرة جيت بنشري من المقصف حطيت إيدي في جيبي ما لقيتش فلوس لقيت روحي في موقف مشيت كلمته أعطاني فلوس وأهنى بدأ قصتي القذرة معاه لأني اني مكنتش نشوف فيه صديق من الأساس بالعكس كنت نستغل في طيبته معاي لأني مغرور بطبعي و نحب

استغلال الناس بديت ديما نطلب منه وهو مسكين ما يردش فيا سوى فلوس او مساعدة في اي شي لما كنا نقعمزو في حوشنا اني و العيلة كانت اختي رانيا تحكي عليه وتقول ان طالب مجتهد و ممتاز و يساعد فيها و مؤدب هلبا و حتى اختي الصغير قالت اني نحبه كريم لان يشريلي في الحلوى اني قتلهم مشاءالله الميه تمشي من تحت رجليا اسمعوني كويس هذا ولد درويش باعدو من عليه احسنلكم و معاش تحكولي عليه مرة ثانية فاتت الايام على هذا الوضع لعند ما خشيت

الثانوية كنت سنه أوله و اختي ثالثة بدت حالتنا المالية تستاء لان كنا عايشين على معاش امي بس و فلوس الورث تمو سيارتنا خربت وقعدنا من غير سيارة قعدنا نمشو للمدرسة على رجلينا اني واخواتي بعد ما وقفتنا سيارة لقيته كريم قالي اركبو ركبنا قتله مشاءالله سيارة قالي ايه عقبالك ادير سيارة طبعاً اني كملت في قصتي في الاستغلال و خليته كل يوم يوصلنا و يروح بينا و مش هكي وبس نطلع و ندهور معاه و حتى ناخذ فيها السيارة منها لعند يوم من

الايام خبطهالا ولما رجعتهالا ما زعلش مني بالعكس قالي حمدالله على سلامتك عادي سيارة وتتصلح و اني بكل وقاحة ما سعدتاش في تصليحها المهم حالتنا قعدت تستاء لعند جتنا هذيك المعجزه كنا في يوم مقعمزين طق علينا الباب فتحته لقيته ضابط قتله تفضل قالي انت يوسف قتله ايه خير انشاءالله قالي نادي الوالده جت امي قالنا جدي توفى و جداي جاها الزهايمر و عمامي جابو محامي و شيخ جو بيبيعو الحوش ويقسمو لكن لقوه كله باسم بوي لان طلع بوي هو

اللي شرى الارض و بنى الحوش لكن جدي لصق في الحوش لان كان ساكن في الايجار و بدي ساكن بالرسمي لدرجة ان العيلة كلها تحساب الحوش لجدي و هو لبوي هو و الارض قالت امي و شن المطلوب منا يا افندي قال غدوى تتفضلو فيه جلسه في المحكمة

ثاني يوم مشينا للمحكمة ……. لقراءة الفصل التالي : لقراءة الرواية كاملة اضغط على : (رواية الغرور والندم)