الفصل الثالث

رواية الغرور والندم الجزء الثالث 3 بقلم قمر الليل الغرور والندمرواية الغرور والندم الحلقة الثالثة

مشينا للمحكمة وزي ما قتلكم طلع الحوش و الارض من حقنا لان بوي اللي شاريها وبانيها و عمامي و جدي ناقزين نقوز و ماعندهم شي طبعاً عمامي ما سكتوش في القاعة و بدو يعيطو في المحكمة لكن القاضي سكتهم و قال الورق و كل شي يثبت ان المالك الشرعي هما حوش خوكم بعد وفاته و توا الموضوع واقف عليهم بيعطوكم او لا اني وامي طبعاً من حقدنا على عمامي من اللي داروه فينا قلنالهم كأنكم تبو تقعدو اشروه الحوش منا لان احنى مش حا نعطوكم قرش زي ما كان يحلف شيباني النحس قصدي جدي لما كان يهدد فينا بان بيحرمنا هما سكتو قال القاضي انتم سمعتوهم هما مش حا يعطوكم الأملاك ليهم وانتهت الجلسة

روحنا واحنى فرحانين لان انتقمنا من عمامي بعد اللي داروه معانا و ثاني يوم مشينا مع دورية محكمة للحوش و قلنالهم فضوه وعندكم اسبوع واحد بس هما هزو روسهم قالو باهي بعد اسبوع فضو الحوش و امي دارت الوراق متاعه و لا لينا اني و خواتي و عرضناه للبيع لان ما نبوشي عندنا فيه ذكريات سيئة و بعد شهر انباع وجاب مبلغ كبير هلبا ما نوصفلكمش كمية الفلوس اللي صارت عندنا امي هي بدت الوكيلة علينا و قالت كان بتقعد الفلوس بتنصرف في الدوة

الفارغة خلوني اني نتصرف مشت امي كلمت خالي خالي قال خلاص تو نديرلكم راي كام امي على محلات للبيع في شارعنا قاللها اشريهم تحصلي منهم مردود شهري ممتاز و حقهم يقعد فيهم امي وافقت و شريناهم المحلات و لو عندنا اربعة محلات كبار و باقي الفلوس امي شرت بيهم ارض و قعد مبلغ شرتنا بيهم سيارات قالت الارض يا يوسف مقسومة بينك وبين خواتك خود حصتك منها و برا ابني يا ولدي احسنلك قتلها انشاءالله و قعدولنا شوية فلوس فتحت بيهم في محلاتنا

قهوة كبيرة ومشت الامور بديت عندي مردود كويس لكن اني ما شكرتش ربي على النعمه بالعكس بديت انسان متغطرس بعد ما صارو عندي الفلوس و درت سيارة مليحة حتى القراية سيبتها حاولت اني معاي شي سكرت راسي قلت معاش بنرجع لكن خواتي بما فيهم رانيا ما وقفوش قرايتهم و قعدو يداومو في يوم امي كانت مشغولة مشيت بنروح بخواتي والدنيا امطر و عاصفة لقيت واحد واقفه بيه السيارة يصلح فيها و حالته حاله لما قربت لقيته كريم فته ما عدلتش عليه قلت كان

نوقفله تو نحصل فيه ونسيت كيف كان يوصل فيا و كيف ضربتله سيارته

مشيت روحت بخواتي و احنى مروحين لقيت كريم مروح على رجليه في العاصفة و حاط كرتوني على راسه ما عدلتش عليه بكل و فتت ثاني يوم اني روحت من القهوة قعمزت في وسط الحوش لقيت رانيا مقعمزه تقرا و مش على بعضها قتلها خيرك قالتلي كريم قتلها خيره قالتلي ما جاش اليوم لامتحان قتلها باهي وشن دخلنا فيه قالتلي واحد من الطلبة قال انه رقد في المستشفى لان روح تحت العاصفة و جاته برده قوية قريب مار منها قتلها باهي نرجع انقولك احنى شن دخلنا فيه مشكلته هذي مش مشكلتنا قالتلي انته شن خسرت كان روحت بيه مش كان يرفع فيك بسيارته مسكين اني تعصبت قتلها اللي كان بيني و بينه تم خلاص اني انسان عندي اهتماماتي توا مش نتبع في واحد نيه و على البركه

هي سكتت بعدين قالت …… لقراءة الفصل التالي : لقراءة الرواية كاملة اضغط على : (رواية الغرور والندم)