الغزالة في عرين الاسد الفصل الثامن وثلاثون 38 - بقلم فيّد عبدالله

صباااحكم سكر،،🌸🌸🌸🌸❤️❤️،،،،متابعة طيبة

البارت الرابع والثلاثون
فيد عبدالله

ريم،،دخلت للغرفة، ،احمم السلام عليكم كلتهة بثقة وجدية ابتعدت حنان فازة من صوتي وهو عينة علية يقرة تعابير وجهي اتقدمت للبردة فتحتهة وفتحت الشباك ،،كلهة ريحة دخان الغرفة حجيت واني افتح بالشباك،،متريك

حمزة،،اي اكلت

ريم،،رحت للكنتور اخذتلي ملابس ابدل اجتي حنان وكفت قريب علية حجت والتوتر مبين بصوتهة

حنان،،شونج ام اسد

ريم،،الحمدلله شون صرتي

حنان،،الله يسلمج الحمدلله

ريم،،اخذو راحتكم عادي احسبووني ما موجووودة وباوعتلة،،وطلعت من الغرفة طبيت سبحت بالحمام الثاني احس ناار ومشتعلة بية سمعت باب المطبخ انطبك عرفتهة مشت ،،طلعت اسد صاعد فوك الدرج، ،،ووووين صاعد تعااال انزل وكفت بالدرج وصحت بيه بعصبية اسدددد،، كام ينزل التفتت حمزة واكف بباب الغرفة يباوعلي بقلق

حمزة،،على كيفج وياه شيفتهم

ريم،،ما رديت عليه صعدت الدرج جبتة ونزلت بسرعة خليتة بالكاع وطبيت للغرفة فتحت المنشفة وانشف بشعري وكمت امشط بي بسرعة اجة هو ويمشي باسد كدامة كعد على طرف الجرباية

حمزة،،على كيفج شعرج تملخ

ريم،،شمررت المشط بعصبية عالميز وصرخت واعصابي فالتة،،،هوووة شعري لووگلبي صدك انت متحس بية لهدرجة لهدرجة رخيصة عندك انيييي جايبهة لبيتي وبنص غرفتي تحضن بيهة يااخي عالاقل استحي من ابنك باوعلي ونتر

حمزة،،،شبيج ريم مو هيج الحجي،،، احجي بهدوء

ريم،،بية وجع ان شاء الله ،،ماكو كل هدوء ما ظل انت جاي تدمرني يوم عن يوم اني جاي اموت بالبطئ من ورة انانيتك وحبك لنفسك

حمزة،،ريم كاافي

ريم،،لا مو كافي همست مووكافي كعدت بالگاع وظهري عالميز،،،انتة الكافي حمزة احجي بتعب احس كلبي يرركض ليش هيج جاي تسوي بية تدري انطيتك حب محد منطيه لبشر من واني زغيرة فتحت عيوني عليك وجان كلبي يرجف لاسمك بس ومن اتزوجنة نذرت كل عمري لراحتك انتة ما قصرت وياك بشعرة اشيائك واغراضك واحتياجاتك وكككلشي ما اتوقع قصرت،،اتحملت كلشي لخاطرك اتحملت اعصابك واهاناتك واذية امك وكلللشي سوتة نسيت وعديت لخاطرك انتة وبس كلشي بلعتة لخاطر متضوج وتزعل لاهلي ما وصلت حجاية بس حتى لا يجي احد يحاججك بحقي وتضوجج وكلشي اعدي وبابتسامة منك انسى كلشي لصار وانتة كلي شسويتلي غلطت غلطة وحدة وياك زليت مرة واعترفتلك بغلطي وطلبت سماحك مررات واتحملت ضرب واهانة واعصاب حجيم وعذاب عيشتني بي واتحملت بس حتى تبرد ونرد سوة عفت اهلي لخاطرك وسكتت واعدي كل هذا وانتة شسويت بالاخير كسررتني بمرة ثانية،،،متدري شسويت بگلبي الحبك حطيت سجينة بنصة ومشيت وعفتة ينززف دم ووجع مرات احس راح يوگف من الوجع

حمزة،،ريم كاافي بس اسمعي

ريم،، شسمع هو ظل حجي بعد انت دمرت كلشي حلو يجمعنة ماظل ترة بيناتنة شي غير اسد الرجعت علمودة جان المفروض ما اتأمل بعد براحة وياك ماانسة روحي واكو مرة غيري على ذمتك اجة كعد على ركبة يمي

حمزة،،ريم بس بالورق زوجتي هية والله ما لامسهة ولا الي نفس بيهة

ريم،،باوعتلة وعيوني كوة تميز شكلة من الدموع،،مو لخاطري مالامسهة لان مريضة لو ما مريضة جان هسة حتى مخلف منهة مووو باوعلي بلع ريك نصة راسة واني درت وجهي اتنفس كوة

حمزة،، ريم اسمعي ما تزاودج هية بشي

ريم،،حمزة ما اتحمل انتة ذبحتني مااتحمل اكو مرة غيري انتة بس لكيت رسائل من رجال غريب واني ما رادة حتى كلبت الدنيا ودمرتني شون تريدني اتحمل اكو مرة غيري على ذمتك مرتك هية

حمزة،،اسكتتي لاتذكريني هستوني تناسيت اياج تجيبين هالموضوع على لسانج

ريم،،انت بس فكرة مااتحملت شون تريدني اتحمل اشوفك حاضنهة وتمسح بدموعهة حتى لو ماكو علاقة فراش تجمعكم اكوو مشاعرمااتحمل وجودهة ،،ا انتة جاي تضلمني وتضلمهة هية هم والله حمزة لا تطغى فوكاك رب عادل خزرني

حمزة،،هسة انة صرت ظالم موو

ريم،،انتة شتگول

حمزة،،شتردين انتي هسة شنو اليريحج شتردين

ريم،،سكتت ماادري عقلي واكف صررخ كمزني

حمزة،،، احجييييي جاي اسألج

ريم،،،همست مااريد كلشي تعبت من كلشي

حمزة، ظلي بهذا عنادج شوفي وين وصلنة

ريم،،اني بس، ،اسألك وجاوبني عليك الله انتة ما غلطان بكل الصار

حمزة،،احنة ما جاي نتحاجج

ريم،،بس جاوبني ريحني حمزة

حمزة،،انتي الوصلتينة لهنا انتيي

ريم،،بعدك تكابر ضربت على رجلية شووف بعدك لزم ايدي ونترر

حمزة،،اتخبلتي لجججج كاافي كاافي

ريم،،كمت من يمة بحرگة احس افترت بية الكاع لزمت الميز استندت عليه

حمزة،،شبيج ريم

ريم،،مابية،، اتنفس بسرعة عرفت ضغطي هبط

حمزة،، شو تعاي للجرباية مددي

ريم،،لزمني مني ايدي واني احس تفتر بية الگاع مددت وغطاني كعد كبالي بالگاع واني دموعي مستمرة تنزل لزم ايدي باسهة بهدوء

حمزة،،كافي ريمتي لا تشلعين گلبي بس كليلي شبيج شيوجع

ريم،،شهكت ابجي

حمزة،،استغفرك ربي ريمتي احجي لاتبجين تكطعين گلبي بدموعج شتردين شيريحج روحي انتي لا تأذيني بيج

ريم،،همست لاتخليهة تجي هنا بعد خليني انسة هي مرتك من اشوفهة انذبح وجع منك نسيني الصار وخلينة نعيش تعبت باس راسي ويمسح بدموعي راح جابلي مي وملح وشربت منة كوة ابلعة بلعومي متجرح من البجي احسة

حمزة،،كافي ولج گلبي بس الج ورب العرش بس انتي بي ومحد ياخذة غيرج هاي هية مااخليج تشوفيهة بعد بس لا تضوجين والله مبقيهة لان مالهة غيري وشايفة الضيم جانت شون اردهة بيدي للضيم ذاك رهي تتوسل بية ماتردلة

ريم،،مااريد اشوفهة مااكرهة والله بس اتأذة بشوفتهة عوفني ابرد عوفني لا تتقربلهة جدامي

حمزة،،هاي هية نامي بس ارتاحي هسة

ريم،،اي تعبت اسد بالك عليه حباب

حمزة،،ما عليج بي ارتاحي ،بس ارتاحي يا بعد رويحتي وعمري

ريم،،بقة كاعد گبالي ويمسح بشعري ويبوس براسي وادية واني احس مالي قدرة بعد انطق حرف غفيت من التعب ما كعدت الا على صوتة

حمزة،،ريمتي شو گومي اكلي جابت عمتي الغدة

ريم،،مااريد

حمزة،،كومي تصحين من تاكلين والله شو يا رويحتي انتي

ريم،،كمت اكلت شوية واحس استعدل وضعي وكلت اسد وغسلتلة وبدلتلة، ،،شربت علاجك

حمزة،،معليج بية بس ارتاحي

ريم،،تتوجع خاف هذا اشربة جبتة من الجيس وانطيتة الة اخذة شربة وخذاني لحضنة نزلت دموعي مقهورة للحال الوصلنالة تعبانة لوضعي اغاار موبيدي مااتحمل اي وحدة لو تخلي روحهة بمكاني تسوي السويتة واكثر لااحد يلومني كل مرة تريد زوجهة الهة وبس لو تحس اي وحدة غريبة باوعتلة بنضرة اعجاب بودهة تاكلهة شحال لو مرتة الثانية وهي تحضنة وتجهر بحبهة الة وتطلب قربة بكل لحظة شي يخليك تتگطع وجع وقهر خلصت اليوم كلة اصفن يتراولي منضرهة شون بحضنة وهو يمسد عليهة شحجت وياه كلمة كلمة تررن باذني هذا هو وضعهم هيج عايشين همة عادي زوجتة تحضنة وتبوسة وتهمسلة بحب،، كلبي يوورم من اتخيلهة بقربة حتى لو ميجمعهم فراش واحد مجرد قربهم هالشكل يخليني اشووط واتراجع عن خطوتي انه اكمل وية حمزة مثل قبل لان هسة الوضع مو مثل قبل،، اخاف اتنازل واظل اباوع وانقهر واتحمل واسكت وارجع انداس لان اني الرضيت بهالوضع اعتكفت اليوم كلة ابتعدت عن حمزة اعتكفت وهو اتفهم وضعي وابتعد بس عيونة محاوطتني وين مااروح جنت هادئة كلللش ما نطقت كلمة يجووز كوة گلبت الامتحان شون ماجان ونمت من وكت كعدت قبل المنبه طبخت وحضرت الريوك وبدلت وطلعت للدوام اريد انفجر امتحنت واخذت انسام واسولف وياه مااتحمل بعد اريد واحد يكلي غلط هالوضع لاتكملين على حساب نفسج لو يكلي كملي لخاطر شي تستاهليه انتي راحتج انتي

انسام،،مااعرف شكلج سالفتج تدوخ انتي مو كلتي ماعلية بيه

ريم،،ولج انسام شون ماعلية رجلي هذا باسمي حمزة هذا الفتحت عيوني على حبة شكد ما اچذب على روحي واكول اكرهة دگة كلبي تكلي تچذبين بس عزة نفسي وكرامتي تخليني احترك من اتذكر السواه

انسام،،هي مو مريضة ومبتعدة عنة

ريم،،مريضة اي بس ما مبتعدة باذني سمعتهة تموت عليه ولج وهي مرتة مرتة تفهمين

انسام،،كافي ياعمري انتي موتي روحج بس انطي وكت لنفسج بعديهة عنكم وشوفي تكدرين تتأقلمين بهيج وضع انتي وحمزة ترجعون طبيعي لو تشكل حاجز تتحملين وجودهة كملي حياتج ما تحملتي لكل حادث حديث بس والله حمزة يحبج والله مبين جنت قبل حاقدة عليه بس هسة عرفت واتأكدت يمووت عليج

ريم،،يحبني بس اكو حاجز خلاه بنصنة، ،،تنهدت الله كريم،،خل اشوف شون تصفى اهم شي مااريد اتخيلهة بذاك الموقف بعد،،خابرت الخط وطلعت رجعت للبيت طبيعي الوضع كملت شغلي وكلشي بس ماحجيت وي حمزة غير السلام اريد اهدء وهو يراقبني ووين مااروح يجي يكعد يمي كلما تلتقي نضراتنة يبتسملي وارد ابتسامتي الة اريد المس منة اماان مااريد انغدر لو انوجع بعد منة بالليل نومت اسد وعدلت فراش حمزة وفرشت بالگاع اجة سحبني من ايدي

حمزة،،تعالي لحضني بس اشتم ريحتج وانام

ريم،،ما ناقشت يمكن اني المحتاجة هذا الحضن اكثر منة مددت على ايدة وانطيتة ضهري غمر راسة بشعري ورگبتي يسحب نفس عميق ودكات گلبة احسهة بظهري تضرب غفيت بدون ماافكر اريد ارتاح بس حتى يشتغل دماغي عدل كعدت الصبح عالمنبه كوة كمت احس دوخة خفيفة عندي ونفسي تلعب مااعرف شبية ضغطي يتخربط جاي اتعب ومااكل كمت سويت ريوك وجبرت نفسي اكل شوية وطلعت للدوام وصلت وروحي تفوور مااتحملت طلعت للحمامات اتقيأ وانسام وياية خطية اخذتني للمديرة وهي بس شافتني كالت عوفي الامتحان واطلعي ماما انتهيتي خابرت حسنين واجة اخذني

حسنين،،شبيج ريمة شو منتهية بس لا حمزة وياج

ريم،،لا جاي اتعب بالبيت والدوام وهو مريض

حسنين،،ميروح لاهلة مورط اختي وياه

ريم،،هههههه صدك ضحكتني

حسنين،،تدوم الضحكة اي هيج حتى الدم رد لوجهج

ريم،،وكف جابلي لفة وشربت زبيب وجبرني اكل شربت الشربت بس وماكدرت اكل بس احس احسن وصلنة البيت ونزلت سلمت على اهلي وشفتهم وفتحلي حسنين الباب الفاصل دخلت منة فتحت باب المطبخ مقفول دگيتة راسا انفتح وبوجهي حناان

حنان،،ها عمة......هااا عبالي عمتي فرحة ردت امشي هسة

ريم،،باوعت لايدهة شايلة صينة الريوك مبينة لحمزة، ،،طبيت واني خازرتهة سديت الباب وهي خلت الصينية عالميز

حنان،،وديهة انتي الة خل يتريك انة راح اروحن

ريم،،حناان شتردين توصليلة انتي

حنان،،انة كلشي مااريد

ريم،،لا لا صدك ورحت سديت باب المطبخ الي عالصالة سحبت كرسي وكعدت،،اكعدي وحاجيني شترردين

حنان،،مااريد غير راحة حمزة

ريم،،ومنو كلج هو ما مرتاح هنااا

حنان،،مو عمتي رسمية كالت انتي بالدوام الصبح

ريم،،هاااا رسمية حطت روحهة، ،امممم فكالتلج روحي خربي عليهم وحشري روحج بنصهم موو

حنان،،ترة اني هم مررتة والي حق بي واداري مثلي مثلج

ريم،،تعجبت جرأتهة ، ،مررتة هناااك مو يمي تقبلين تدخلون غرفتكم واجي اني احشر روحي واكعد بنصكم

حنان،،انتي ما فارغتلة الصبح بدوامج شكو بيهة لو تعاونة نداريه وهو مريض

ريم،،لو كاعد هنااك ايي داري مثل متحبين بس ببيتي تاخذين راحتج وتفوتين غرفتي بكيفج لااا مااقبل ولهنا وحدج عيب ترة تقبلين اطب غرفتج

حنان،،قابل بايكتج اني

ريم،،مو هيج بس اكو شي اسمة حدود واحترام وببيتي اذا ردتي تجين فانتي خطار تكعدين باحترامج احطج على راسي لا والله غير هيج اكلج بعد لاتعتبين باب البيت ومادامني ما موجودة ببيتي مالج حق تدخليه

حنان،،انة ردت اخدم رجلي وبس مااتدخلت بيج

ريم،،من يجي يمج خدميه ولاتقصرين،،،بهالاثناء وانفتحت باب المطبخ الداخلي وطب حمزة

حمزة،،هاي شكوو،،

ريم،،اتفاجأ حمزة بية موجودة

حمزة،،روحي حنان للبيت

حنان،،صارر

ريم،، باوعتلي بقهرر وطلعت، ،التفتت لحمزة وهمست بقهرر،،ابد متبطل انانيتك لو تموووت متبطل خزرني

حمزة،،افتهمي يلا تحجين

رين،،شفتهم احجيلي بالله شو بعيني شفتهة ماخذة راحتهة وريحة عطرهة واصلة للشارع وحمرتهة وردي وشايلتلك صينية الريوك وتريد تاخذهة الك للغرفة لغرفتي توكلك بيدهة هلى فراشنة فراشي اني وانتة شفتهمم بعددددد

حمزة،،لا تصيحين لججججج

ريم،،لا اصيح واگلب الدنيا عليك

حمزة،،احترمي لا ااذيج والله

ريم، ، تحب هذا الدور انتة تحب تشوفنة مثل الخدم نركضلك اربعة وعشرين ساعة تحب تشوف الجواري الاشتريتهن شون حايرات بس براحتك شنو من بشر انتة بس گلي بشنو قصرت اني حتى تجي حناان تسوي الك بس ميغزر وياك والله لو اشعلك العشرة شمع ميغزر تعودت تاخذ التريدة وتمشي ميهمك المقابل

حمزة، كتلهة روحي ما راحت شسويلهة يعني وكافي لا تزودين بالحجي كووة لازم اعصابي وعاذر عصبيتج

ريم،،صدك والله تعبت روحك خاف بهالحجاية،،لو صدك تحبني مثل متكول وتريد راحتي وسعادتي وياك جان عالاقل كتلهة هذا بيتي اني وريم ممنوع تدخليه دخلتهة حياتنة غصب عني وهم جنت احاول بكل قوتي اتقبل وكتلك ابعدهة تالي حتى لهنا لهالمكان استخسرت ارتاح جبتهة لهنا بنص بيتي من اطلع للدوام يعني لو راجعة متأخر جان بقيت بثولي وعماية مووو

حمزة،،ريم اصحي واتقبلي هي موجودة بحياتنة بس عالورق ليش تخليهة تخرب بينة

ريم،،مو اني انتة ،،انتة الجبتهة وانتة الجاي تحشرهة بنصنة

حمزة،،كااافي لو احجي وي حااايط هم جااان افتهم لج مو مرتي انتي مرتي وبسس افتهمي

ريم،،خلص طلكهة

حمزة،،انتي متعرفين وضعهم ريم ارحميهة

ريث،،وشوون جانت عايشة لعد هااا من وصلت يمي صارت متتحمل واني الوحيدة اللازم اتحمل مااكدر والله حااولت ومااااكدر اعييط بعد وكمت اضرب على وجهي واحس فقدت لزم وحدة من ايدية وكعدني عالكرسي بقوة

حمزة،،تخبلتي انتي وين هدوئج راح ،،،

ريم،،مسحت دموعي بعصبية

حمزة،،انة رايح هسة من تردين تحجين بهدوء نحجي

ريم،،اتوجه للباب كمت وكفت، ،،لاتطلع هسة جاي نحجي بعدنة التفت علية رفع تك حاجب

حمزة،،تمنعيني مثلا لو تتحكمين بية

ريم،،سكتت اتنفس بغضب

حمزة،،ريم ماكو حل اتقبليهة وخل نعيش

ريم،،دار ضهرة اتوجه للباب،،حمزة اذا طلعت هسة وخذلتني هالمرة هم صدك وداعت ابووي ينتهي كل حجي بيناتنة بعد وكف ثواني قبض ايدة حيل وما التفت علية اصلا كمل طريقة وطلع وطبك الباب وراه،،،،،،يتبع

بس ردت اسأل الي ينتقدون ريم بكل احترام لو تحطون نفسكم بمكان ريم دقايق تتحملون الوضع ارجوكم خلوا نفسكم بالميزان وحكموا لا تكولون زودتهة ريم ترة المرت بي مو قليل ابد اكو تعليقات تجررح،، كل زوجة تستقتل حتى تحافظ على بيتهة وزوجهة بس الهة ولاتكولون حنان مريضة وخل تعتبرهة ما موجودة مرضهة ما يمنع المشاعر بينهم وهو هنا الاساس