الغزالة في عرين الاسد الفصل التاسع وثلاثون 39 - بقلم فيّد عبدالله

هلاوو حبيت انزللكم بارت عنونيي لان البارت القبلة كلتوا قصير مااحب ارد طلبكم، ،،متابعة طيبة

تكملة البارت الرابع والثلاثون
فيدعبدالله

ريم،،كعدت عالكرسي بقهررر احاجي بروحي بصوت عالي،،ريم شجنتي تتوقعين من حمزة ولج كااافي تتاملين بي يقدمج على روحة افتهمي حمزة اهم شي نفسة تدرون احس هالمرة ما تأثرت كلش وكانما تعودت عالخذلان من حمزة صارت عادي كمت فتحت الكنتورمالتة و صعدت جبت جنطة جبيرة صفطت ملابسة كلهن وكلشي يخصة خليتة بالجنطة وخابرت عمي راسا

ابو حمزة،،ها ريمة شونج بوية

ريم،،عمي مو زينة تگدر تجيني للبيت

ابو حمزة،،يا ساتر بوية شبيج جايج جايج

ريم،،سديتة من عمي وكمت بدلت وغسلت كعد اسد اخذتة بدلتلة واريك بي واندكت الباب كمت فتحتة

ابو حمزة،،هلا بوية ريم شونج

ريم،،شمرت روحي بحضن عمي استمد منة قووة وامان

ابو حمزة،،شبيج بوية

ريم،،ااتفضل عمي منحجي هنا،،،دخل عمي للصالة وكلت اسد يمة وهو يباوعلي بقلق ويباوع للجنطة اليم الدرج غسلت لاسد وخليتلة ملاعيبة يمنة وكعدت

ابو حمزة،،خيرج بوية شني هاي الجنطة

ريم،،ملابس حمزة،،مااريدلة كل وجود بهذا بيتي بعد عمي انتة مو كلت ميتقربلج وهذا بيتج خلص مااريدلة كل وجود بحياتي بعد

ابو حمزة،،ليش بوية شسوة مو مداريتة وهو گاعد هنا وببيتة وكلت بديتوا تتصافون

ريم،،عمي اذا ورانة عمتي منصفى ولو هم مو كل الصوج بيهة حمزة المايصون نعمتة

ابو حمزة،،شصخموا هالمرة انووب

ريم،،اسمع عمي بس قبل لااحجي لازم تعرف انه قراري ماارجع منة لو يموت حمزة كبالي واتمنة كلكم تفهمون رغبتي هاي...........سولفت لعمي كللل الصار وهو عروك گصتة بينت من العصبية

ابو حمزة،،هذا صدك متصيرلة چارة،،خلي بعنادة وخل يعرف شخسر بوية انة وياج عالحگ وانة اتعهدتلج ما يتدنالج اذا ما راضية انتي

ريم،،اي عمي مااريد كل اتصال بي يجي خطار يكعد بالديوانية يشوف ابنة ويروح او ادزة الة هناك ،،خلي يشبع بحنان و،،،سكتت احترام لعمي

ابو حمزة،، رسمية دواهة عندي عمي،،وحمزة يستاهل اليجرالة لان ما يتعظ عبالي عگل وراح يلم بيتة ثاري بعدة ما يعرف المسؤولية ،،كومي بوية

ريم،،وين عمي

ابو حمزة،،غراضة بيدج ترديهن الة ماارضالج الذلة بعد عمج كوومي

ريم،،اي عمي جاية دقيقة،،لبست جبة وشال لبست اسد كبوس وحذاء تكرمون شالة عمي واني سحبت الجنطة وطلعت اردد انتي هسة مو بس ربات علي انتي ربات علي وابو حمزة لاتخافين وذولة بضهرج،،طبينة للبيت واني اسحب بالجنطة عمتي ام حمزة بالمطبخ باوعتلي بغضب عبالهة جاية اكعد يمهة يجوز

ابو حمزة،،وين ابنج الشفية

ام حمزة،،ياهو

ابو حمزة،،حمزة

ام حمزة،،نايم بغرفة جديتة سودة علية اجة محموس وخشمة طك دم من القهر

ابو حمزة،بگبررر

ام حمزة،،،اسم الله شجاك عليمن

ريم،،عافهة عمي وطب واني وراه اسحب بالجنطة طبينة غرفة جديتي تصلي وهو نايم على رجل عمتي فرحة وهي تقرالة على راسة وحنان كاعدة يمة تباوعلة بقلق وهو خال ايدة على عيونة ولازم خاولي كلة دم ما اتأثرت شعرررة

ابو حمزة،،گوووم احاجيك

حمزة،،هلا بوية،،ريم

ريم،،باوعلي وعيونة تشخصت عالجنطة، ،بست راس جديتي التباوعلنة بقلق وسحبت الجنطة بكل برود وثقةوخليتهة گبالة،،،اجيت اكلك رحم الله والديك كفيت ووفيت ابن عمي ومشكووور هووواي هاي غراضك الجانت يمي حنان اولى بخدمتك اني تعرف دوام واسد وبيتي ما اكدر خاف اقصر وياك ونتفاشل وي عمي متنازلة واعترف مااكدر اقدملك التريدة اعذرنة من التقصير ابو اسد، ،،،، حنااان طببي غراض ابو اسد لغرفتة ،، درت وجهي امشي هااا هذا اسد. راح اخليه هنا من يتعب دزوا الي اترخص،،بست راس عمي وطلعت عمتي واكفة بباب الغرفة باوعتلي عود منتصرة وتبتسم،،، باوعلتهة وابتسمت عمة حنان لا تحشين براسهة كره الي ترة احنة وحدة متطيق الخ عالجاهز مو حنااان والتفتت لحنان الي نزلت عيونهة بسرعة متبلعمة عفت الكل صاافن وساكت عدا جديتي

الجدة صالحة،،،مو هيج جدة

حمزة،،لا هيج جدة هية هيج تريد عوفيهة

ريم،،اييي عفية اني هالمرة هيج اريد مو انتة

حمزة،،لججج

ابو حمزة،،جررب تتدنالهة وشوف

رين،،من رخصت عمي وجديتي وطلعت من باب الترك وعفتهة مفتوحة طبيت بيتي احس شي بية بررد لملمت البيت وعزلتة واني احس خصمت الصراع البداخلي جاان مررتاحة بقوتي فرحانة ما نزلت روحي فخورة ما كسرت خواني حمزة ميستاهل انقهر علمودة كملت وطبيت مددت وغفيت من التعب كعدت على دكة باب المطبخ كمت فتحتة عمتي فرحة جايبة اسد

فرحة،،شونج عمة شون صرتي

ريم،،زينة عمة شبية،،حضنتني عمتي وطگتهة بجية،،،شبيج عمة

فرحة،،حضج اعوج ياعمة على عمتج

ريم،،لاعمة اني ما احتاج حمزة بحياتي اني عندي اهل ينسوني حمزة وايامة مو الا رجال يلا تكمل حياتي ترة،،
طبي عمة ظلي يمي اليوم

فرحة،،اي عمة اظلن اخاف عليج

ريم،،كل الهلا بس ترة مابية كلشي،،طبت عمتي للغرفة الصغيرة واني اخذت اسد لحضني ونمت بفراشي ابوس بابني واشتم بيه وكملت ايامي صدك لخاطرة وبس رجعت اداوم بانتظام واعوض الدروس التفوتني وامتحن واطلع درجات اسد يظل نايم يم عمتي فرحة الي تجي كل ليلة تبات يمي واهلي يروحون ويرجعون اني كل عصرية اكمل شغلاتي وافتح الباب واطب لبيتهم براحتي خواني لاحظوا انه حمزة ما يجيني ولايبات يمنة ومن سألني علي كتلة لاتخاف رباتك اني اقهر ماانقهر

علي،،عفية بريمتي

ربم،،مسواگي وشحتاج عمي يدزة بيد عمتي فرحة لو ابراهيم،،ختام تروح وترجع تنسيني همومي بضحكهة صدك من عزلت ارتاحت، ، خواني وحنانهم الله يحفظهم طابين طالعين ينگلون ويسألون ومل وجبة حصتي تندز لو يجون ياخذوني يمهم واني احس رجعت اتفتح امتحنت نصف السنة وعطلنة. كمت اروح لبيت عمي من صارلي وكت اروحلة عادي اشوف جديتي وكأن شيئا لم يكن حنان من اطب تختل متشووف روحهة والعرفتة عمي لاعب بيهة طوبة من سوايتهة بس عادي مااهتم هي الصوج مو بيهة ابد ما حملتهة صووج اما عمتي فانكسرت عينهة و هدأت بعدما عمي ضاربهة وكاسر ايدهة لان بعد الصار متعارك وياهة ومطولة لسان وضاربهة وطايحة ومكسورة ايدهة ورايحة زعلانة لاخوهة ما اتحمل مشاكلهة اسبوع وردهة، وهاي الاخبار يومية نشرة مفصلة من عمتي فرحة واكللهة ما اريد اعرف اخابرهم وهي ترد چا بيش نخلص الليل الشطولة هههههه،،اماااحمزة فشفتة بعد كل هالفترة مرة وحدة بس،،جانت نضراتنة تشرح شعور كل واحد بينة جانت نضراتة غضب وناار اما اني نضراتيلا مبالاة و برووود تاام خالية من كلل مشاعر شفت حتى الكره هواي عليه بعد السواه،،باوعتلة وهو يطلع من غرفتة ابتسمت ببرود وكتلة شونك ابو اسد الحمدلله عالسلامة جان ذاب الصب من ايدة مارد علية اصلا خزرني وطلع باوعت لحنان واكفة عالدرج تباوعلنة بفضوول ،،حجيت بضحكة شفتي بالله يا حنان غير تديرين بالج عليه سلمتة الج صاخ سليم مو كلتي اداريه. شوفي هالصاير ميسمع زين

حنان،،ليش تحجين عليه هو مو ميسمع هوة ميريد يرد عليج ضايج منج ومن السويتيه

ريم،،ههههههه اوووه والله حقة عمي، ،وين جديتي وعمتي شو ماكو

حنان،،بالدكتور جديتي تخربط سكرهة

ريم،،هااا ياعيوني اجيهة بالليل حضريلنة چاي. واتقربت يم الدرج همست بس مو تسمعين من رسمية وتحطيلي سم وتموتيني ضحكت بوجهة ،،،عفتهة وفتحت باب الترك وطلعت لبيتي باوعت حمزة واكف بباب المطبخ من شفتة من بعيد رأسا توجهت لبيت اهلي فتحت الباب الي على حديقتهم باوعتلة عيونة وكفت بالطول من الغضب. طبيت وسديتة وطبيتلهم للمطبخ كاعدين يشربون جااي وكعك كعدت يمهم وولا مهتمة اريد راحتي بعد وراحتي مو يم حمزة ابددد،،،،،،يتبع