الغزالة في عرين الاسد الفصل الأربعون 40 - بقلم فيّد عبدالله

صبااح الوررد شلونكم،،اخبااركم،،مشتاقين للقصة متحمسين، ،،اتمنالكم متابعة طيبة

البارت الخامس والثلاثون
فيد عبدالله

فيدعبدالله

ريم،،رجعت من اهلي لبيتي ورة العشا طبيت بدلت ورتبت شكلي ورحت لبيت عمي اشوف جديتي كعدت يمهم بالغرفة جانت تعبانة ياعيوني كعدت افرك برجليهة واديهة واسولف وياهة انسيهة تعبهة طبت عمتي ام حمزة

ام حمزة،،هاي انتي هنااا

ريم،،ما رديت عليهة اصلا

ام حمزة،،حنااان حنااان تعاي ضيفي الخطار ووراهة تحضريلي لرجلج

ريم،،صدك ابتسمت بستهزاء هههه عمتي مااعرف هالكره البداخلهة الي ليش من شنو والله،،،طبت حنان جايبة فواكه وتباوعلي بابتسامة

حنان،،شونج ام اسد

ريم،،الحمدلله مشكوورة تعبناج

جنان،،من رخصتكم اروح اكوي دشاديش حمزة

ريم،،باوعتلي تبتسم عبالهة انقهر بعدني لو اركض لخدمتة، ،،براحتج عيني اي جدة هسة شونج

الجدة صالحة،،بشوفتج اصير زينة جدة

ريم،،بقيت يم جديتي شوية واترخصت اگوم

فرحة،،عمة اليوم مااگدر ابات يمج امي تعبانة

الجدة صالحة،،ماعلية شي روحي يم البت

ريم،،لا جدة شكو قابل هاي البيت بضهركم كلشي ماعلية اقفل البوب وانام ظلي عمة يم جديتي
بوستهم وطلعت غسلت وبدلت لاسد والي بشي خفيف قفلت البوب ونمت شوية ودك موبايلي باوعت حمزة رديت واني مطفية نعس،،الوو

حمزة،انتي بايتة وحدج

ريم،،اي وشكوو

حمزة،،استغفرك ربي ،،فتحي باب الديوانية وفرشيلي بساااع

ريم،،ماكو شي ما كملت وسدة بوجهي،،اتعوذت الشيطان وكمت فتحتلة الباب وفرشتلة مثل ما راد وطبيت للمطبخ باوعت من البردة شفتة اجة طب رحت مددت واني افكرر بوضعنة نمت كعدت الصبح على طبگة الباب بقوة كمت شفتة طلع قفلت الباب ورجعت مددت صافنة راحت نومتي،،،كملت اليوم بنفس الروتين رحت شفت جديتي ورجعت العصرية هستوني طبيت واحس هبط ضغطي كعدت بالگاع هالحالة صايرة تضوجني كللش اخذت المملحة اكلت ملح شوية يستعدل كمت مددت لحدمااذن كمت اصلي واسوي بالعشا اجني امي والبنات بقينة نتعلل وجلبت بامي يمي تبات بقت يمي وضلينة نسولف شوية ودگ موبايلي حمزة

حمزة،،اجتج عمتي

ريمم،،لا امي يمي

حمزة،،ماشي

ريم،،سمعتة تنهد

حمزة،،قفلي البوب زين

ريم،،ان شاء الله،،سدة وراح واني نمت بالغرفة الصغيرة يم امي كالت استاحش وحدي، ،،عدت الايام واني ممشيتهة بهدوووء احس الوكت كلما يمر يبردني اكثر جديتي جبتهة يمي اسبوع ارتاحت واداريهة مكيفة بيهة وهي ارتاحت يمي ،،رجعت ورة نص السنة اداوم واطبق بمدرسة قريبة اروحلهة الصبح مشي وارد مشي مريحة واتونس مررت الايام طبيعي. وكملت التطبيق وحمزة ما التقيت بي وجها لوجه المحة ومابينة غير سلام باارد واني احس بديت ابررد واتعود حياتي الجديدة النذرتهة لابني وبس مرات مو كلشي نريدة نحصلة اقتنعت اني وحمزة طريق مسدود،،،، اتخرجت الحمدلله ومعدلي جان زين الحمدلله ما مصدكة حققت هالانجاز خوواني طايرين بية وعمي وجديتي وابراهيم جان تشجيعهم كلللش شي حلوو وجديتي صاغتلي محبس ذهب وعمي حط تنازل بالگاع والعليهة باسمي الي هاي،، خواني سولي حفلة وطايرين بية صدك احس حققت انجااز وكطعت شووط طويل تغيرت كل حياتي بي طلعت ريم جديدة متفهمة قوية الهة كلمة ورأي حسيت نضجت كللش بهالتجربة خواني عادل واحمد تخرجوا واحمد بلش دراسات عليا رأسا جان يحب الدراسة وعندة طموح وخواني ما قصروا وياه وشجعوه وعادل قرر يخطب بعدما رفض حسنين انه يتزوج گبلة وكال ببالي وحدة بس مو هسة اخطبهة اخطبوا لعادل التهينة نحضر لخطوبة عادل من بنت عمتي اخت ختام الزغيرة. جانت محبوبة مثل ختاام وحبابة،،،،بعد كل المريت بي احس تغيرت افكاري هواي الوكت جان كفيل يخليني ابرد وافكر عدل شفت عنادنة اني وحمزة ما منة نتيجة والضحية ابنة البنص بعدة هالشكل مو حل شسويت لعد اني برجعتي خو جان بقيت يم اهلي اني ردت اسد يحس بوجود ابوه اذا هوة ميفكر بمصلحة ابنة وشون هالشي يأثر عليه اني اللازم افكر صار لازم نركن مشاعرنة الميتة بجهة ونتصرف كأم واب واعيين لمصلحة اولادهم، ،،خابرتة بعد مرور ست شهور عالصار. ورد بسرعة جانت اول مرة اتصل بي

حمزة،،الووو ريم

ريم،،شونك ابو اسد

حمزة،،احمم الحمد لله اسد شونة

ريم،،الحمدلله خابرت ردت اشوفك اذا تكدر تمرلنة العصر اكو حجي لازم نكعد ونحجي

حمزة،،شكوو بعد مو كلتي الحجي بيناتنة خلص

ريم،، ابتسمت بداخلي بعدك بشخصيتك حمزة متتغير، ،بس هذا مو بيناتنة هذا الحجي يخص اسد

حمزة،،هاي هية العصر امرلكم

ريم،،شكرا اخذ راحتك اعتذر عطلتك

حمزة،،لايابة تتدللين

ريم،،العصر بدلت بشي بسيط جدا ما ردت يحس الفت نضرة لشي لفيت شالي وبدلت لاسد الي عاند يطلع بالحديقة الورة اتعود عليه طبعا بعد ماخلصت دراستي التفتت لبيتي من صدك كلبتة جنة بموديلاتة الاغراض الاشتريهن وللحديقة الورة الي سويتهة كعدة الي ولاسد وهي بيهة ظل حطيت كراسي وميز ومرجوحة وعادل زرعهة الي ورد وثيل صارت تجنن الكعد بيهة العصريات صارت كلهة تلتم بيهة حتى جديتي وعمتي فرحة وامي والبنات حتى سرور تجي وختام لو اجت لبيت عمي واني احضر هالحلويات والجاي والكرزات انتضرهم يونسوني ويردون وحشة البيت عنة ،،المهم حضرت چاي وكيك مسوية من الصبح صرت ابدع بالمطبخ بكلشي اخذت اسد وطلعت للحديقة شوية وسمعت دكة بباب المطبخ افتريت من الحديقة وكتلة اهلا ابو اسد

حمزة،،هاي وين جنتي

ريم،،هنا بالحديقة تتفضل نكعد هنا. اسد معاند ميطب

حمزة،،يلا براحتج

ريم،،افتر من بصف المطبخ باوعلي وباوع للحديقة

حمزة،،عاشت ايدج خوش مسويتهة هاي شوكت رتبتيهة

ريم،،من كملت دراسة التفتت الهة اتفضل بين مااجيب الچاي باوعلي يمكن مستغرب اسلوبي،،كعد عالكرسي واني رحت جبت الجاي وكيك. خليتهن كدامة اخذ الچاي

حمزة،،رحم الله والديج

ريم،، باوعتلة يشرب چاية ويباوع للحديقة ولاسد براحة،،احمم ابو اسد ردت احجي وياك بموضوع،،انتبهلي عدل كعدتة

حمزة،،اتفضلي اسمعج

ريم،،اعتقد اني وياك ثنينة واعيين ونعرف شكد مهم نربي ابنة بجو مناسب،،اني بيوم رجعت جان اهم شي ابني يربة قريب من ابوه ويحس بحنانة

حمزة،،ليش مثلا كلولج مقصر وياه انة

ريم،،ثنينة مقصرين اني اعترف فكرت بانانية ردت راحتي بس وتناسيت ابني وراحتة يمكن جنت بفورة اعصابي ما حسبت الامور عدل اتسرعت ثنينة تسرعنة وما فكرنة بابنة اني اكلك هسة اني اعتذر عن كل طيش او عصبية او كلمة مو حلوة بدرت مني الاعتذار والاعتراف بالغلط مو عيب يمكن هم غلطت هواي اني، ،، الك مني كل احترام وتقدير تبقة ابو ابني وهذا اليجمعني بيك بعد ما اتوقع اكو مجال او فرصة النة سوة بعد بس عالاقل خلي ننطي فرصة لابنة ميحس ببعدنة وانفصالنة مو صح باوعلي بلع ريك بصعوبة

حمزة،،ماكو فرصة النة بعد

ريم،،تتوقع اكو اني مااشوف بقة بيناتنة اي فرص والدليل كدرنة نكمل واحد بعيد عن الثاني هالست شهور الراحت وكل واحد كمل حياتة بدون متوكف،اني ما ردت احجي بموضوعنة بعد لان هاي ورقة وانطوت اني جاي اكلك تفكر بابنة ونرجع الاحترام والمودة بيناتنة لخاطرة باوعلي همس

حمزة،،يعني شتردين

ريم،،ما اريد بعدك عن اسد هالشكل خلي يشوفك هذا بيتك تتفضل بي شوكت متريد ونبقي علاقة بيناتنة طيبة كلهة احترام ووعي. اني بالنسبة الي اسد كل حياتي صار ونذرت عمري الباقي بس الة مااريد احسسة بيوم اني قصرت ولااريد احسسة اني سبب ببعدك عنة شتكول انتة

حمزة،،يعني مصرة على عنادج

ريم،،مو مسألة عناد صدكني بكدما هي قابلية اني هاي قابليتي وحد تحملي لااكدر اظلم روحي ولااريدك تظلم البنية يجوز ظروفهة صعبة صدك ما عندهة غيرك اني احسن الحمدلله عندي اخوان سند وعمي ميقصر وضمان بيت الي ولابني مو انانية اني واريد كلشي الحياة متنطينة كلشي نريدة،،باوعلي يتأملني بعجب اني استغربت روحي وهدوئي ،،،يااابة شكد تغييرت. كاام بدون مينطق حرف بلا مينتبه ضرب الاستكان ووكع بالكاع نصيت شلتة رفعت راسي هو مبتعد، ،،تنهدت بحيرة ماانطاني جوواب،،شوية واجتي امي وجديتي وبدت جلسة السمررر،،،بعد الحجي الصار بيناتنة بيومين حمزة سافر للاردن واجة من الباب سلم علية وعلى اسد جانت عيونة تريد تحجي بس لسانة سااكت

حمزة،،انة رايح للاردن اسبوعين وارد دير بالج على نفسج واسد وعالبيت شتحتاجين وصي ابراهيم وهاي مصرف خلي جوة ايدج

ريم،،متقصر دايم عندي والله

حمزة،،ريم مصرفكم مسؤوليتي

ريم،،من احتاج اكلك ادري بيك متقصر ابو اسد، ،خلاهن هالميز باوعلي ونصة راسة وطلع وصلت وراه للباب،،ترجع بسلامة التفت باوعلي وطول بنضرتة

حمزة،،فيماللا

ريم،،الله وياك ابو اسد جنت اتعمد استخدم هالكلمة وياه حتى تنرسم الحدود على اساس وجود اسد وبسس،،،ذبيت وراه مي وطبيت للبيت اسبوعين ورجع ما رحت لهناك استقبلة رغم عمي مسوي غدة لان جمعة بس ما رحت ما حبيت اتواجد وياهم بعد احس مكاني صاار بيتي بي احترامي وكرامتي، ،الظهر مددت واسد بحضني يغفي واندكت باب المطبخ فتحتة و جان حمزة ،،الحمدلله عالسلامة اهلا ابو اسد

ريم،،الله يسلمج شونكم

ريم،،الحمدلله،،اتفضل

حمزة،،احمم،،اشتاقيت لاسد وما شفتة من اجيت

ريم،،هذا مكانة بعد احسن من ما يظل يفتر بين البيوت

حمزة،،جيبي منعس موو

ريم،،انطيتة الة وهو مطفي باوع لابوه وضحك بوجهة يتلمس بلحيتة وهو شايلة ،،اتفضل ابو اسد مو عيب تظل واكف بالباب،،باوعلي بغضب

حمزة،،لا ميحتاج جيت اشوف اسد هاي صوغتكم يلا نوميه خطية،،،فيماللا

ريم،،انطاني اسد وخلة جنطة زغيرة بالباب ومشة، ،طببت اسد نومتة ونمت وياه كعدنة العصر سبحت وبدلت الي ولاسد باوعت للجنطة فتحتهة جايب تراكات لاسد وملابس طلعة والي عطرر كللش طيب عطرة خليتة عالميز وشي مثل القفطان مرتب نيلي وبي تطريز ذهبي شي راقي كلش علگتة ورتبت غراض اسد وطلعت حضرت فواكه وكرزات وچاي وطلعنة للحديقة،نخطط لمهر عادل واتفقنة نروح للصالون نحف وانضف وجهي احسة تعبان،،،بالليل رسلتلة (السلام عليكم ابو اسد حبيت اتشكر منك عالغراض تسلم وردت اكلك باجر اروح للصالون اني ومرت علي )

حمزة،،تتدللون،بيش الساعة اني اوديكم

ريم،،متقصر بس علي راح ياخذنة

حمزة،،ماااشي

ريم،،صدك من الصبح كعدت كملت شغلي ورحنة اني وحسناء للصالون رتبت حواجبي ونضفت وجهي وقشرتلي بشرتي صاارت ناعمة تخبل وبيهة لمعة احس مرينة منهة للسوك واشتريت الناقصني والملابس حسنين جابلي من بغداد فديت ذوقة رجعنة مفرفحة من الحر ذبنة علي وراح لبيت عمي يمهم هوسة كعدة بمضيف عمي طبيت لبيت اهلي سلمت عليهم لكيت اسد نايم كالت امي هوسة ببيت عمج وجماعة الولد من بغداد جايين

حسناء،،عزة شنطبخ

ام ريم،،طابخ عمج وچلب بيهم

ريم،،خوش يمة اودي غراضي للبيت وابدل متت تعب

ام ريم،،تعاي هنا تغدي

ريم،،لايمة طابخة ومابية حيل، ،اسد من يكعد رمشيلي حسناء اجي اخذة خطية اشيلة نايم بهالحر ينمرد وطبيت من الحديقة لبيتي اريد اروح مديت ايدي الوح السركي من الداخل ماكو رفعت النقاب السطرني من الحر نزلت العلاليك وكفت على اطراف اصابعي وكوة لحت السرگي لميت العلاليك طبيت واقفل بالباب كوة مسيطرة كوم علاليك بيدي واتنفس سريع واحجي وي روحي اووف شهالضيم ميكولون اكو ناس گصار متلوح التفتت وبوجهي ولد غريب واكف وصافن علية اول مرة اشوفة لابس بنطرون وتي شيرت شهكت بفزع ونزلت نقابي بسرعة،،،انتة شجابك هنااا

حسام،،انتي مو جنية مووو منين طبيتي

ريم،،باوعتلة بعصبية ومشيت اطب للبيت رجع مقابيلي وكف

حسام،،بس كليلي بتمن انتي اخت حمزة لو بت عمة

ريم،،شبيك انتة صاااحي

حسام،،لا والله عيونج سطرتني والله

ريم،،انتة متستحي طاب بيتنة وما تحشمة الا اكول لعمي وحمزة عليك،، دنكت بسرعة واتوجهت للبيت واسمعة يحجي

حسام،،اعتذر والله اسف اتصرفت بدون وعي اعتذر جدا اختي احسبيهة علية

ريم،،ما رديت اصلا طبيت للبيت بسرعة وگلبي يرركض شربت مي وغسلت وجهي وحضرت ملابس خفيفة وطبيت سبحت هستوني طلعت من الحمام جاي انشف بشعري بالمنشفة والباب يندك بخبال وكع گلبي ،،ركضت صحت منوو لان لابسة دشداشة قصيرة ودلع ما اكدر ارفع البردة

حمزة،،افتحي

ريم،،صرت ورة الباب وفتحتة بسرعة،،،دخل هو مووجر نار باوعتلة ارجف عبالي شو منو صار بي شي جانت دكتة مو طبيعية،،،شكووو شصاير

حمزة،،انتي الكليلي شصاير

ريم،،شنو عليمن تحجي،،شكوو

حمزة،،شكلج حسام شحجة وياج شون حفظ عيونج واجاني دايخ بيهن ويسألني انتي منووو يريد يخطب مررتي مني

ريم،،بلعت ريك،،اوكف مو هيج الحجي

حمزة،،ولج هو ظل حجي لوما عيب اطردة والله يا عار يتحمل يتغزلون بمرتة جدامة هاااا،،ولج حافظ عيونج وشكلج اجة يوصف الزمااال

ريم،،حجيت بهدوء شعلية بيه اني دخلت من بيت اهلي وشايلة النقاب من الحر التفتت هو بوجهي وراسا نزلت نقابي، شمدريني بي هو شدخلة لهنا

حمزة،،ابراهيم المطي كايلة جيب حطب من الترك نشوي سمج وهو متيه

ريم،،اهدة اعصابك،،سوء فهم واكيد من عرف اني مرتك لزم حدودة واحترم نفسة

حمزة،،ادفنة عدل لو مفكر دقيقة بعد،،نقابج مترفعيه بعد

ريم،، هاي هية اهدء ،،باوع لطولي رجلية طالعة والدلعة جبيرة شعري الينقط مي اتقرب مني لزكني بالحايط ودنك بهدوء ويشتم بشعري ورگبتي وهمس

حمزة،، انتي مالتي اذبحة اليوصلج

ريم،، خليت ايدي على صدرة ودفعتة بهدووء، ،مو هيج اتفقنة ابو اسد اني مو مالت احد ، ،،فتح عيونة متفاجأ رمش بعيونة وابتعد مسح وجهة وطلع بدون ميباوعلي بعد،،رحت امشط وافكر هيج احسن مالازم ارجع لنفس الغلطة،،،ثاني يوم خلصنة بنفس الروتين وجديتي تعبانة جانت رحتلهة العصر اشوفهة حنان تباوعلي بقلق وتوتر من ردت اطلع لحكتني

حنان،،ريم انتضري

ريم،،وكفت، ،ها حنان محتاجة شي

حنان،،هااا،،حمزة شعندة هالايام يمكم والبارحة اسمعة يصيح بالمطبخ

ريم،،باوعتلهة متفاجأة فضولهة،،،اتوقع ذاك هم بيتة وعادي لو راحلة

حنان،،اي اي بس كلت خاف هم مشاكلكم الماتخلص

ريم،،منو كلج بيناتنة مشاكل بالعكس بيناتنة كل احترام ومعزة، ،،من رخصتج طلعت فاير دمي من فضولهة بس سيطرت على روحي لاانفجر بيهة هذا طبعهة بعد وفوكاه تعاليم رسمية،، لليل علي بايت ببغداد طلع يوصل الولد وعندة شغل جلبت بحسناء تبات يمي خطية عمتي تعبت بيني وبين جديتي رغم اكللهم ابات وحدي بس ميقبلون،،ومرات امي اجلب بيهة وطبعا حمزة يومية يخابر بالليل اذا محد يمي يكلي فرشيلي بالديوانيةصدك افرشلة ويجي يلعب اسد شوية يمة ياخذة و ينام والگاه من الصبح طالع ،،،خابرت علي كال

علي،، خل تبات يمج علواه تخلصينة منهة شهرر صايرة جنهة بطريق

حسناء،،هاا هسة متريدني غير من ورة ابنك صايرة شكبرني

علي،،اتشاقة ولج وين الكة مثلج وابدلج ام محمد

حسناء،،يا بعد عمري الله لايحرمني منك

ريم،،غير يفضوهة عصافير الحب خلص رصيدي

علي،،ههههههه كبرنة بعد

حسناء،،احجي عن نفسك،،يلا عمري دير بالك على روحك

علي،الله وياكم قفلوا زين ونامن من وكت مو تگضنهة حش ونميمة

ريم وحسناء،،هههههههه الله وياك

حسناء،،يممة شكد احبة

ريم،،الله يخلي النة ويحفظة،،دك مو بايلي بهالاثناء حمزة

حسناء،،اممم اممم تعيب علينة روحي ردي

ريم،،بسيطة انتضريني،،،طلعت للصالة،،الو ها ابو اسد شونك

حمزة،،ها ريم شونكم جنت ادك مشغول

ريم،،جنت احجي وي علي

حمزة،،همم،،منو بايت يمج اليوم اجيكم

ريم،،لا يمي مرت علي متقصر تسلم

حمزة،،ررريم

ريم،،اتفضل ابو اسد،،تنهددونفسة وصلني صوتة

حمزة،،انعل اسد لابو اسد، ،فيماللا

ريم،،سديتة منة شبي تعصب دووم اصيحلة ابو اسد شتغير اليوم،،، رحت يم حسناء

حسناء،،ها رجعوا العصافير يغردون

ريم،،عكدت حواجبي،،يا عصافير

حسناء،،شعندة مخابرج تالي الليل هاااا

ريم،،يشوف منو بايت يمي وبس

حسناء،اممممم البارحة كلتي هو بات هنا موو

ريم،،ووجع شبيج

حسناء،،هذا ميت عليج بس يكابر

ريم،،،غلطانة حمزة ما يموت غير على روحة

حسناء،،الله يهديكم

ريم،، حسناء اني مكملة لخاطر ابني وهو مكمل لخاطرة هم ،،اني طلعت من گلبة وهو هم طلع من گلبي

حسناء،،مااتوقع والله حتى علي يكول

ريم،،شيكول

حسناء،،يكول احس الندم بعيونة يحاول يصلح الانكسر ويرجع علاقتة بالولد مثل گبل

ريم،،علواه ويرجعون مثل گبل من اصفن انقهر خوتهم جانت حلوة حرامات تخررب واحس بسببي الله يهديهم حسنااء لا تتصورين اني لهسة بحقدي عليه لو بحقدي معناهة لهسة احبة

حسناء،،الله عليج ما تحبيه هسة شون نسيتيه

ريم،،ما ادري حسناء شي بية وانطفى فجأة احس حتى اتندمت كلش من جنت اضهرلة مشاعر كره او حقد عليه عيب يبقى ابو اسد واني جاي اعاملة على هالاساس وبس مااريد يرجع بيناتنة شي خاص لان اني ادري بروحي مااتحمل وجود حنان بحياتنة غيرة حب امتلاك بكيفج بس هذا طبعي وعقلي لا اني اتقبلت حلله ولاهو تقبل حللي خلينة بهالوضع والله يوفقة ويوفقني من اباوع لابني استزحم اكبرة واني حاقدة على ابوه عيب من ابني والله اني نذرت عمري اربيه احسن تربية وهالشي ميصير اذاماشاف مني كل احترام لابوه ،،اباوع لحسناء نزلت دموعهة

حسناء،،حرامات كل ذاك حبچ الة راح المفروض انتو هسة بنص السعادة ما عرف يصونج

ريم،،ثنينة غلطنة وهذا ثمن اغلاطنة خلصت يمعوودة كااافي دمووع هو اني ما ابجي بكدج هسة هاي لمتنة سوة وطبة عمي وخواني علية تسوة الدنيا حتى هوة وجودة سالم وطيب لابنة نعمة الف الحمدلله والشكر عليهة مو الا نحب يلا نعيش اكو اشياء اهم

حسناء،،الله يسعدج ويعوضج كل خيرر

ريم،،اي ادعيلي احتاج دعائكم هوواي حتى اظل بقوتي واربي ابني احسن تربية

حسناء،،الله يقويج ويريحج

ريم،،اميين يارب يلا كومي ذولة طفوا من النعاس كمت شلت الجهال خليتهم بفراش واحد بالگاع و اني وحسناء كل وحدة على چرباية طفيت الضوة وجانت البردة مفتوحة شوية رحت اعدلهة واسدهة زين باوعت حمزة كاعد بالحديقة الورة مرجي راسة عالمرجوحة وصافن للسما وجگارتة بحلگة ينفخ دخانهة لفوووك فهمت صفنتة هااي واني الحافظتة اكثر من روحي بس اتوقع يا حمزة فاات الاوان مررت سنين وككلش اتأخرت،،،،،،،،،يتبع