الغزالة في عرين الاسد الفصل الثاني وأربعون 42 - بقلم فيّد عبدالله

مسااء الورد شلونكم،،مستعدين لهالبارت المؤؤؤؤلم اتمنالكم،،متابعة طيبة

البارت السابع والثلاثون
فيد عبدالله

ريم،،جنت كاعدة يم جديتي افرك برجليهة الي ياعيوني صايران ينملن وما نحس الا صياح رج البيت رج صوت حمزة يصيح وحنان تتوسل بي طلعنة نركض جان يسحل بيهة عالدرج شعرهة منفوش وخدهة احمررر وهي تتوسل بي يسمعهة وامة كمزت تتوسل بي يهدهة

حمزة،،لحددد يلزمني ترة ما اعرف شيصير هدددووووني

الجدة صالحة،،ولك جدة شجاك استهدة برحمانك وكول ياالله

حمزة،،جدة كل رحمن ما خلن برراسي حشاا ملفي ببيتي حياية مو نسوان.

حنان،،والله هية كلتلي والله والله

ريم،،اباوع لحمزة عاط بيهة وضربهة راشدي

حمزة،،مو كتلج مااسمع صوووتج

ام حمزة،،انچبي ولج ياهو الكالج

ريم،،اباوع لحمزة صفن بوجه امة. يرجف من الاعصاب،،،لزم محجر الدرج باوع لامة وباوعلي، ،،،صدك والله وصلت بيج ليجاي ليش شسوتلج البنية اذا مو لخاطرهة لخاطري انة مو ابنج

الجدة صالحة،،ولكم احجوا راح اوگع من طولي شمصخمات

حمزة،،جدة وصلت بيهن ياخذن صور...

ريم،،قبض ايدة وعض شفتة بقهر

الجدة صالحة،،يا صور احجي ولك

حمزة،،صور ريم

ريم،،اباوعلة حجاهة بقهرر وعروك كصتة مبينة ،،احس افترت بية الدنيا لزمت عمتي فرحة

ام حمزة،،يا صور شتخربط انتة شلي بصوورهة

حنزة،،كاافي چذب يمممة كااافي مو عييب بعد، ،كلشي حجت حنان كلشي كالت كالت شجنتي تعلمين بيهة وتدرسين كالت شون تردن تخربن بيتي بيت ابنج يا ام حمزة

ام حمزة،،كلشي ماسويت انة تصدك بهالخبلة انتة

حنان،،عمة والله انتي انتي كتيلي راح تلتف عليه وتخليه يطلگج،،انتي الكتيلي اخذي صورهة وراسليه وجبتيلي الموبايل حتى انتي الجبتيلي موبايل ختام انقل منة الصورة

ام حمزة،،شمالج تهذرين كمتي شعلية انة انتي من نارج هيج سويتي

حمزة،،يمممممة كاافي چذب كاافي رحمة لموتاج شتردين توصليلة شسوينالج كاافي دمرتيني بكرهج وحقدج عالكل كاافي چزت روحي من البيت من وراج صرت اكره كلمة يمة انتي مو ام انتي انتقام وغضب

ام حمزة،،انة هيج تكول علية انة لخاطر هالصفرة تهيني

حمزة،،محد هانج انتي الوصلتينة لهنا

الجدةصالحة ،بس جدة راح توگع علينة يطبهم وجع عوفهن

حمزة،،حشاا اعوفهن وراسي يشم الهوة ةحگ هالمكرودة ياهو يطلعة كافي جدة راح تموت من ورانة

الجدة صالحة،،عوفهن ابوك دواهن

حمزة،،اعوفهن جدة صدك تحچين السون هيج يسون الاكثر صرت ما امن على بيتي وعرضي ملفي مدري شني ،،انة الزلمة وانة التصرف

حنان،،ابوس ايدك اعذرني غلطت ومنك السماح والله مالي كل علاقة بعد مااشوفك وجهي اصلا

حمزة،،تصعدين هسة بوجهج تلمين شكو شغلة الج وتنزلين

حنان،،ابووس ايدك لا تردني لعمي

حمزة،،انچبي مااسمع صووتج ولج صاينج وحاطج ببيتي ومعتبرج وحدة من عندنة وانطيتج وعد رجال ما ردج لضيم عمج لخاطر لا تردين للاذية وياه ،،بيتي خررب وكلت لاخطية احملهة صوج انة الغلطت وانة الاتحمل ما اضلمهة وياي تااالي شسويتي لج انتي تحجين وياي هيج انتي ولج انتي تعايرني مااصون بيتي اشون اصونة وبي وحدة مثلج ادب سزز و.....انتي بيدج جبتي الخراب لروحج

حنان،،خفت تخليك تطلكني وتردني لبيت عمي والله حباب

حمزة،،والسويتيه هسةة شنيييييي عبالج ابقيج بعد، ،انتي مالج بعد عيشة وياي لمي غراضج ولبيت عمج عدل ما تفتحين حلگج بحجاية وحدة كل التكوليه عيشتنة خلصت افتهمتتتي ان فتحتي حلكج ذبحج حلال،،،انتهة كلشي من ايدج،،

ريم،،اباوعل تنهد ونطق بعصبية

حمزة،، حناان انتي طالللللگ

حنان،،حمززة عليك الله لا والله مااسوي هيج بعد هاي هية والله

حمزة،،اشششششش بوجهج فووك تلمين غراضج،،اما انتي ياام حمزة فاللاسف امي والا الي غير فعل بس انة اعرف شوصل لابوي واخلي هو يتصرف

ام حمزة،،يمة حمزة استهدة بالرحمن انة جنت اريدك تظل بهيبتك مو تركض ورة هالزعطوطة الما تستاهلك

حمزة،،انة مو ابنج انسي من هاللحظة انتي عندج ولد اسمة حمزة امي من اليوم ماتت سمعتي ماتت بعيني،،ريم جدامي للبيت، ،انة طالع ارد الكة حنان مختفية سااامعييين

فرحة،،هسة عمة اخلي واحد يوصلهة كافي عمة لا تقهر بروحك

ريم،،احس بعد مااكدر اسمع شي هووسة وناس تبجي وناس تدعي ووو رحت جبت اسد وطلعت من غرفة جديتي بوجهي ام حمزة

ام حمزة،،كلة من وراج يا سوسة البلة من لفيتي علينة انتي وامج راحت بركة بيت الشيخ مثل امج سوسة بلة جانت دومهة مخربة راحة البيت كلهة تركض وراهة وهي حية

حمزة،،ام حمززززة والتااالي اذا گربتيلهة بعد والله الله بسماواتة انسة حتى انتي جنتي بيوم امي ساااامعة

ريم،،اباوعلة شون يصيح وجهة احمر ادم صاعد لوجهة وكصتة عرگانة رأسا طك خشمة دم ركضت سحبت الخاولي من غرفة جديتي وانطيتة الة وهو يغسل عالمغسلة جوة الدرج اشرلي اروح للبيت، ،،همست تعال هناك ارتاح

حمزة،،ما بية شي روحي بعدين اجي

ريم،،حباب بس ارتاح شوية وارجع

فرحة،،اي اي عمة فدوة اروحنلك ترد تلكة الامور صافية

ريم،،وكفت بباب الترك وعيني عليه باوعلي وحجة بتعب جاي وراج هسة،،اي ماشي،،رجعت للبيت كوة اوكف بس طبيت المطبخ كعدت عالكراسي واحس رجفة بادية حتى صارت من الصار اندمرت اعصابي ذني شيسون بعد شنو هالسوالف التشيب الراس شدعوة هالحقد التارس گلوبهن احس انمردت روحي ونفسي كامت تلعب ركضت للحمام اتقيأ القهر حمسني حمس شوية واسمع صوت حمزة يصيحني واسد يگلة ماما اوواه غسلت وطلعت من الحمام وهو بوجهي

حمزة،،شبيج ريم شو ترجفين

ريم،،مابية شوية معدتي اذتني

حمزة،،تعاي اكعدي

ريم،،مابية شي لايظل بالك انت صرت احسن

حمزة،،ناار وتاكل بية تعبت

ريم،،اباوعلة كعد بتعب عالتخم مال الصالة ويفرك براسة،،رحت عصرتلة ليمون وحليتة ووديتة الة

حمزة،،مااستاهل تداريني هالكد

ريم،،شون انت تظل ابو ابني والك كل معزة واحترام شون اهون بيك،،باوعلي ونصة راسة وشرب العصير

حمزة،،عادي انام بالغرفة الزغيرة

ريم،،صدك چذب بيتك هذا وتستأذن مني براحتك،،باوعلي وابتسم بتعب ،،واتوجه للغرفة وصل للجرباية وصاحني

حمزة،،ريم لا توصلين الصار لاهلج

ريم،،هاا ونصيت راسي

حمزة،،انة سديتة للموضوع مو حلوة بحگي لو وصلت للولد

ريم،،اي هاي هية

حمزة،،روحي انتي هم نامي وارتاحي يلا

ريم،،اي اي ارتاح انتة،سديت الباب ورحت للمطبخ احضر بالعشا اذان صليت ورجعت احضر بالعشا اخرتة شوية ودزيت اسد يكعد ابوه اسمعة يصيح بابا تعااال وهو كعد على صياحة اخذة يبوس بي مديت راسي من الباب،،تكعد اتأخر الوكت

حمزة،،اي اي

ريم،،كام غسل واني حطيت الصينية بالصالة

حمزة،،مااشتهي

ريم،،عالواهس،،صدك كعد اكل شي قليل وكام كعد بباب المطبخ فتحة ويدخن شوية ودك على عمي واسمعة يگلة جايك هسة ونحجي سدة وكام عدل شعرة

حمزة،، انة رايح خابري ختام شكو صورة الج تنمسح شكو صورة الج باي موبايل تنمسح

ريم،،ماعندي بس هاي بالعقد

حمزة،،المهم امسحيهن الواحد باهلة صار ميأمن

ريم،،اممم

حمزة،يلا قفلي ودير بالج على روحج واسد ،فيماللا

ريم،،الله وياك

حمزة،،احس نار وشابة بضلوعي شون امي تسوي بية هيج لهدرجة تكره ريم شصاير لكل هذا توصل تاخذ صورهة وتريد تبليهة بتهمة باطلة لو ما وازنهة عدل لو مستعجل ما جان ضلمت ريم ما جان اذيتهة سوالف توگف عقلي ،،رحت للمضيف وابوي متعصب اكثر مني عالصار

ابو حمزة،،لهنا وحتى الصبر مل مني وي امك بعد وتاليهة وي هالمرة ما تعگل ولا تتوب

حمزة،،بوية اليريحك سويه امي خربتهة وي الكل

ابو حمزة،،وحنان هاي هية طلگتهة خابر عمهة جاينة هسة

حمزة،،كل الهلا بيه يجي ويسمع مني بنت اخوه ترجعلة مالهة كل مكان ببيتي

عم حنان،،السلام عليكم

الكل،،وعليكم السلام

عم حنان،،شونك شيخنة شونك بوية حمزة

حمزة،،الحمدلله

عم حنان،،الله بالخير بوية

الكل،،الله بالخير والعافية

عم حنان،،انة جيت ولهسة مااعرف شسوت حنان وردت وانتة مطلگهة

حمزة،،عمي السوتة شي چبير بحگي شغلة خاصة بيناتنة بس عگبهة مالهة كعدة ببيتي

عم حنان،،احجي يا بوية نفتهم احنة اهل

حمزة،،اعذرني عمي بس الاكدر اگولة هاي عيشتنة لهنا وخلصت رديتهة الك مثل مااخذتهة

عم حنان،،شون مثل ما خذيتهة

حمزة،،يعني مثل ما طلعت من بيتك

عم حنان،،هالعايقة نزلت روسنة والله ذبحهة حلال

حمزة،،اهدة عمي ما نزلت روسكم بس چان لازم تكولون مرضهة يمنع زواجهة عيب تسكتون وتضمون هالشغلة عالشيخ بس انة خفت الله بيهة وبقيتهة يمي احافظ على سمعتهة ولاتنمسون بحجاية نظل ولد ديرة وحدة بس لهنا وبعد خلصت خبزتهة يمي تردلك احسن

عم حنان،،عمتهة نفس الشي وتزوجت وخلفت

حمزة،،لاعمي مو نفس الشي خليهة يمك والله يوفق الجميع

عم حنان،،السموحة منكم شيخنة اعذرونة گصرنة بحقكم

حمزة،،لا عمي تمون هاي هية سدة السالفة وخلي البنية مستورة ببيتك والله يشافيهة

عم حنان،،مشكور ابني مشكور شيخنة ولد اصول وما تطلع منكم العيبة انة اترخص

ابو حمزة،،بعدك كاعد ابو محسن

عم حنان،،لا شيخنة ارخصني عندي شغلة

ابو حمزة،،مرخوص كل الهلا

حمزة،،فضت مشكلة حنان وخلصت وانة احس مالي كل عين اباوع لابوي لو لريم لو لجديتي كلهم منعوني من هالزواج وانة العاندت هاي تالي عنادك ياحمزة لميت غراضي وطلعت للمعرض ومناك كملت شغلي وترتيباتة وطلعت للاردن شهر كامل مر وانة ما واصل للبيت ميت على شوفتهة هية واسد بس احس خلصت فرصي وي ريم ،جنت اخابرهم بس وكل اتصال اريد انطق واكللهة نرجع سوة بس احس ما استاهلهة من صدك بعد ،عرس عادل وماحضرت عرسة رغم جنت متمني اشوفهة باللبس الجبتة الهة بس عليمن احرگ بدمي انة خسررت وحگهة متخليلي كل مكان بحياتهة بعدشسويت بيهة وشكد اذيتهة ، ،، لحكني اخر اسبوع ابراهيم للاردن احتاجيتة بشغل وجابلي فلوس عوزت اجاني وجابهن ويغير جو اخر يومين افتر بالسوك وانتبهت لكلادة حلوة على شكل غزالة فضة صدك ترهملهة لريم صدك هية غزالة اشتريتهة وطلعت جاي امشي وخابرني علي رديت عليه

علي،،هلا ابو اسد شونك مشتاقين

حمزة،،انة المشتاقلكم وروح عمي بس شغل

علي،،هو عالمود هالرزق عاذرينك وسكتنة جيف ما حضرت عرس عادل

حمزة،،شسوي ان شاء الله نوكفلة بيوم صيرت ابنة

علي،،ان شاء الله

حمزة،،اسد شونة امة

علي،،هو انة خابرتك بخصوص ريم

حمزة،،كلشي بية انتفض من جاب طاريهة،،خير شبيهة ريم

علي،،والله مااعرف شكلج حمززة

حمزة،،احجي علي شبيهة ريم

،،،،،،،،

ريم،،ما شفتة بعد من طلع مني بليلتهة ما شفتة ولالمحتة طلع لبغداد ومناك للاردن واختفة ما شفتة واسد كام يشتاقلة وزرف گلبي عليه كمت اخابرة ويحاجي اسد يفتح كامرة وياه بس ابد ماطلب يشوفني واني هم ابتعدت اباوعلة من بعيد تعبان وضعفان مبين،،ليش هيج ابتعد مااعرف ما وضح كالعادة يدير وجهة ويمشي هذا هوة طبعة ريم بعدج تتأملين، ،،، بهالفترة التهينة نحضر لعرس عادل واني اركض وياهم تعبت هالفترة كلش حتى كمت ماابات ببيتي هواي لان حمزة مو هنا وعمتي متعوف جديتي والبيت بعد ما عمي طرد عمتي من البيت وكال لاخوهة بس ترد تطلگ تكعد يمك بكرامتهة احسن فكمت ابات يم اهلي لو ااجيب الولد لو وحدة من البنات يمي وصدفة هالمرات بالحنة لبست القفطان الجابة الي وطلع يخبل بس جان كبران علية لان ضعفت هالفترة كصفتة وكعد تمام ووياه شال وكعب طلع شي ناازك اتمنيت ادز صورتي واني لابستة لحمزة لان ضال ببالة يشوفني بي بس هم رجعت للواقع وكلت اثكلي ريم خاصة هو ما طلب هالشي رغم سالني شلبستي وجاوبتة اكتفة انه يتنهد ويسكت واني هم سكتت،،حسيت افتقدت وجودة كلش خاصة بالحنة من رگصوا الولد چوبي اتذكرت عرس كاظم جان هو وياهم يلا ريم عادي هو ما حاب يتواجد ، ،ثاني يوم بالعرس كعدتني امي (هالشي نقلا عن حسناء)

ام ريم،يلا يمة هم يلا تگعدين ورانة هوسة

ريم،،اووه يمة مابية اداوم اليوم

ام ريم،،يمعزاية يا دوام حلمانة شو دگومي

ريم،،رجعت نمت واحس بصوت حسناء تكعد بية

حسناء،،يلا ريمة شجاج عالنوم يومية انتي تگعدينة

ريم،،فتحت عيوني وبقيت صافنة عالسگف احس وجع راسي يمووت

حسناء،،يلا ولج تتصفنين ورانة طبخ الغدة والزفة والعشا وهوستة

ريم،،باوعتلهة صفنت،،ليش عرسمن اليوم

حسنااء،،احس باد حيلي اتقربت لريم الصافنة علية ،،ريم شبيج عرس عادل

ريم،،ها خطب هوة

حسناء،،عززة ريم شبيج

ريم،،اهووو اريد انام عوفيني،،جريت الغطا ورجعت نمت وابوس باسد النايم بحضني

حسناء،،ريم شبيج،،ما ردت رجعت غفت طلعت ارجف كل حيلي يختض،،طبيت علي جاي يبدل باوعلي عگد حاجبة

علي،،شبيج حسناء شبيج لونج مخطوف

حسناء،،ريم ريم مدري شبيهة،،كمز علي يطلع

حسناء،،اوكف رجعت نامت اوكف

علي،،شكو ليش شبيهة

حسناء،،كعدت متتذكر اليوم وشكو اتكلي شوكت خطب عادل

علي،،شبيج حسنااء شتحجين

حسناء،،والله والله هذا الصار اصلا هية صار فترة بس تدوخ وراسهة يوجعهة وكلما نكللهة راجعي تكول هذا ضغطي

علي،،شتحجين انتي ليش ماكتيلي من گبل

حسناء،،والله هية جانت تگول ضغطي

علي،،وهسة شون

حسناء،،دخليهة نايمة بلكن تكعد ترتاح ومابيهة شي نخلص هوسة اليوم وباجر اخذهة للطبيب

هلي،،اي اي هو هيج لا تكولين لاحد هالصار

حسناء،،اي اي يارب خير

علي،،ان شاء الله دخيلك ربي هالوحدة عندي

حسناء،،ماكو شي كول يالله

علي،،يا الله يا ارحم الرحمين

ريم،،كعدت من النوم بالعشرة تقريب،،طلعت غسلت ورحت للمطبخ ،،ها يمة ليش ما كعدتيني اني تعبت وذبيت روحي

حسنااء،،ها مو شفت تعبتي البارحة كلت لخالتي تعوفج ترتاحين ورانة ركضة اليوم

ريم،،اي والله ارتاحيت

حسناء،،اي الحمدلله

ريم،،بلشنة بهوسة اليوم واحس حسناء تراقبني وين مااروح وراية هية، ،خاب حسناء سطرتيني خيالي تفترين وراي لزمت الميز احس افترت الدنيا بية

حسناء،،ها ريمة شبيج هم دختي

ريم،،اي اي جيبيلي ملح

حسناء،،اي هسة،،ركضت للمطبخ وعيوني تصب دموع عززة بعيني عزة شبيهة ريم جبت مي ملح ورجعت

ريم،،جيبي سطرتيني كدما تفترين وراي،،،شربت المي وكعدت شوية احسن كملنة هسة الزفة وتونسنة من صدك بعرسهم عادل يكمز ما مصدك ورقية مرتة وياه طايرة رجعنة للبيت وفضت هوسة العشا وزفيناهم والزلم مشت لل12 كملنة وطبيت نمت كبل حتى موبايلي ما شفتة يجوز مخابر حمزة هسة لباجر عود نمت بتعب ثاني يوم للظهر يلا كعدت شنو القصة امي عايفتني لهسة انام كعدت غسلت ورحت بوست امي كاعدة بالمطبخ ابتسمت بوجهي

ام ريم،،يمة شجاج بهالنوم اكعد بيج وما تقبلين تكومين

ريم،،كعدتيني شو مااتذكر

ام ريم،،اي يمة كوم كعدتج وانتي تكعدين تباوعيلي اكول كعدت ارد الكاج نايمة

علي،،تعبت من هوسة البارحة خليهة براحتهة يمة

ريم،،طب علي للمطبخ باس راسي وجرني للغرفة

علي،،تعاي كليلي شبيج هالايام ما عجبني وجهج احد غاثج

ريم،،لا منو قابل بالعكس فرحانة لعادل وماسايعتني الفرحة

علي،،اشوفج تعبانة وضعفانة وحسناء تكول الدوخة ووجع الراس ميفكنج حضري روحج العصر اخذج للطبيب

ريم،،لا علي مابية شي والله ويني ووين الطبيب بهالهوسة

علي،،ماكو اعز من ريمتي مااريد يظل بالي عليج العصر اخذج

ريم،،علي مابية شي

علي،،مو ترديني ارتاح

ريم،،اكيد

علي،،اسويلج تحليل فقر دم ونشوف ضغطج ونرد

ريم،،هو اني اكدر اضوجك هاي هية

علي،،عود حمزة كتلة اخذج ما حاجة تخابريه

ريم،،اي خووش هو هم عندة شغل بالنهار

علي،،اي هاي هية

ريم،،العصر بدلت وامي تحجي على علي مو وكتهة وعماتي يمنة بس هو صمم،،رحنة للطبيب واجة سرانة علي گال بس اشوف الدكتور خاف يحتاج نحلل گبل لانطب طب وخلاني كاعدة يم السكرتيرة شوية وطلع كال تعاي يشوفج بالاول طبيت وبدة الدكتور يسألني من شوكت الصداع عندي والدوخة اذا اكو غثيان وتقيأ اسألة هواي اخر شي كتب ورقة لعلي وكلة هاي التحاليل والفحوص للمستشفى باجر وصدك رجعنة تعبااانة طبيت بدلت و مددت ماادري بروحي غفيت حتى عماتي ما شفتهن دك تلفوني رديت حمزة جان

حمزة،،ها ريم نايمة

ريم،،امم تعبانة

حمزة،،يلا كملي نومتج وبوسيلي اسد تصبحون على خير

ريم،،رجعت غفيت ما حسيت غير امي تكعدني لصلاة الفجر واسد بحضني غافي

ام ريم،،يمة شچاچ على هالنوم من البارحة المغرب وانگعد وماكو عماتج سألوا عليج وماكو لا صليتي لا تعشيتي وعلي يصيح عوفوهة تعبانة

ريمم،مدري شبية يمة صدك تعبانة احس اكوم اغسل واصلي، ،كمت غسلت ورجعت صليت واتريكت وبدلنة وطلعنة للمستشفى فحوصات ودوخة وتالي حولونة لبغداد نص التحاليل ما موجودة وعلي ماقبل نرجع بوجهة لبغداد طلع وخابر حسنين يلحگنة وصلنة وحسنين ويانة نزلنة لشقة حمزة ببغداد لان حسنين اخذ مفتاحهة من عمي جانت مهوسة صدك مال عزابي الملم وعلي يكلي ارتاحي اتغدينة وطلعنة هم فحوصات وثاني يوم هم اكو بعد بالمستشفى من صارت هيج هوسة خفت وكل شوية اسأل علي يگلي دمج ناازل كلش من فقر الدم لا تخافين بس احس اكو شي ما مرتاحة وهمة نضراتهم حايرة وياية نزلت دموعي خايفة ومشتاقة لابني اول مرة يبات بدوني وعلي يسكت بية كوة غفيت بليلتهة ثاني يوم بالمستشفى اليشتغل بي نفس الدكتور الراجعناه ببغداد سوينة الفحوص والاشعة والهوسة ودخلهن علي واني وحسنين ننتظر برة اباوعلة استمد منة قوة يهدأ خوفي وهو يبتسملي لازم ايدي

الدكتور،،مثل ما اتوقعت

علي،،شني دكتور

الدكتور،، المريضة عندهة ورم بالدماغ وجاي يضغط على مناطق معينة ويسبب هالتشوش

علي،،اخخ بوووية،،احس بهاللحظة انهد حيلي وكعت الدنيا على راسي ياربي دخيلك ياربي رحمتك،،،،،يتبع