تحميل رواية الجميلة والوحش ادم واحلام الجزء الثاني بقلم نونا pdf

في اليوم التالي صباحا

ف اوضه سيف

نايم ع سريره بس صاحي

ادم خبط ع باب الاوضه ودخل

ادم/صباح الخير..انت احسن دلوقتي

سيف/الحمد لله ي ادم بيه متشتغلش بالك

ادم/قوم يلا حد من الخدم هيجيب لك الفطار

سيف/انا مش جعان

ادم/طيب..انا رايح شغلي ...خروجك برا بوابه البيت ممنوعه..اخرك الجنينه هنا

سيف/انا قاعد هنا مش هطلع..متقلقش..وبعدين هروح فين يعني

ادم/طيب

وطلع برا الاوضه

وسيف اول ما اتأكد انه طلع قام من ع السرير وبدأ يلبس الجزمه وبص ع ادم من الشباك وهو بيركب عربيته ومشي

في الكومباوند ف البلكونه الكبيره

فريده ورولا وميرا قاعدين بيفطرو والخدم بيحطو لهم بقيت الفطار

احلام راحت لهم وقعدت

احلام بابتسامه/صباح الخير

رولا و ميرا/صباح الفل ي مامي

فريده/صباح الخير

احلام وهي بتفطر /ناويين تعملو ايه النهارده

ميرا/انا هروح الجامعه ورايا محاضرات

رولا/وانا هروح النادي هقضي اليوم مع صحابي

فريده/وانا هروح التدريب

نهي بعد ما صبت العصير

نهي/هروح اودي الفطار ل استاذ سيف برا زي ما ادم بيه قالي ي احلام هانم

احلام/ماشي ي نهي

نهي دخلت المضبخ

رولا بغيظ/انا مش فاهمه البني آدم دا هيفضل ف بيتنا لحد امتي

ميرا/فعلا ي مامي هو هيفضل هنا لحد امتي

احلام/وانتو شاغلين بالكم بيه ليه..اعتبروه واحد شغال مع بباكم زيه زي اي حد شغال هنا

رولا /بس دا بني ادم همجي وقليل الزوق مفيش حد من ال شاغلين مع بابي عمل كدا قبل كدا

ميرا/انا جالي فضول اشوف شكله بعد ال سمعته دا ولله

رولا/متشوفيش وحش ي حبيبتي

احلام/خلاص كملو فطاركم يلا وقفلو ع الموضوع دا

فريده/انا هقوم اروح التدريب

وقامت وخدت شنطتها ورايحه ب اتجاهه الباب

احلام راحت ورا فريده بسرعة احلام/فريده

فريده وقفت/نعم ي مامي.

احلام/مالك في ايه..صاحيه مبتتكلميش وباين عليكي متضايقه

فريده /احم لا ابدا مفيش..انا كويسه

احلام /ع اساس انا مش حفظاكي اكتر من نفسي ..احكيلي مالك في ايه

فريده بصت ف الارض/انا..سمعتك انتي وبابي بتتخانقو جامد امبارح

احلام ابتسمت /دا بقي ال مضايقك وشاغل تفكيرك كل دا؟ زعلانه علشان سمعتيني انا وبباكي بنتخانق

فريده/

احلام /انا عارفه انكم مبتشوفوناش انا وبباكي بنتخانق كتير بس عادي اوقات بنتخانق بس بنتصالح ف وقتها.. ما انتي عارفه بباكي مبيسبنيش انام زعلانه..يعني زعلنا مبيطولش ساعه ع بعض

فريده بصت لها/يعني انتو اتصالحتو

احلام ابتسمت وعدلت لها شعرها/طبعا ي هبله اتصالحنا.. مكملناش ساعه و اتصالحنا ..متخافيش

فريده ابتسمت وحضنتها و احلام حضنتها بقوه

عند رولا و ميرا ف البلكونه

بيفطرو وفجأه سيف طلع من الاوضه بعد ما غير هدومه ل بنطلون اسود وتيشرت ابيض بنص

ميرا بصت ناحيه اوضه سيف

ميرا ب اعجاب/واو متقوليش ان ال شاب ال زي القمر دا سيف

رولا بصت عليه بغيظ/اه ي اختي هو قليل الزوق

ميرا /حرام عليكي دا طول بعرض وقمور

رولا/مين دا ال قمور؟الهمجي دا ..ضحكتيني والله

ميرا/بس بقولك ايه...انا حاسه ان بابي مش هيسيبه قاعد كدا من غير ما يشغله ..وحاسه انه هيشغله حارس شخصي ليكي

رولا كانت بتشرب شاي وشرقت

رولا/ايه ال انتي بتقولي دا ..لقدر الله والله

ميرا/انا اكتر واحده حافظه بابيتو وحاسه انه هيعمل كدا..علشان عارف انك مجنونه

رولا بغيظ/وانا مش عايزه حارس شخصي يبقي لازق فيا 24 ساعه انا.. وكمان مش عايزه الدُب دا يفضل موجود ف حياتنا ان شاءالله هيمشي

عند سيف

عايز يطلع من الكومباوند علشان يتكلم ف التليفون ضروري ف اي كشك

وطلع من الكومباوند وفضل ماشي بيحاول يلاقي اي كشك ياخد منه الموبايل ويتصل بس طبعا مش هيلاقي ف الاماكن الراقيه دي

سيف بص حواليه ولقي سايس بيركن عربيات وبيتكلم ف التليفون

سيف بيفكر ف فكره ياخد منه الموبايل يعمل مكالمه

سيف راح له /احم

السايس خلص كلام ف الموبايل/أأمر ي بيه..عايزني اركن لك عربيتك ولا حاجه

سيف/لا انا عربيتي للأسف نسيت المفتاح جوه و كمان موبايلي كنت هستأذنك اعمل مكالمه بس لحد من صحابي يجي يلحقني نوديها لحد يحل الحوار دا

السايس بصله ب شك/بس انا اول مره اشوفك ف الكومباوند هنا..دا ل رجال الأعمال بس..حضرتك ابن راجل اعمال ساكن هنا

سيف ابتسم/ ياريت والله مكنش دا بقي حالي.بس انا تبع ادم بيه

السايس ب احترام/اه تبع ادم بيه الحديدي..اهلا وسهلا خد الموبايل براحتك اهو

واعطاله الموبايل

سيف/كتر الف خيرك..هراضيك بس اطلع موبايلي والمحفظه من العربيه

السايس ابتسم/لالا ولا يهمك ادم بيه خيره سابق

سيف اخد الموبايل وراح يتكلم ف جمب

واتصل ب رقم أحمد وحط الموبايل ع ودنه

احمد/الو

سيف/احمد دا انا

احمد/انت اختفيت فين ي ابني فجأه

سيف/هحكيلك بعدين.. انا ف مجموع كومباوندات كدا بعيد عن بيتي وشغلنا ساعه ونص طريق

احمد ب استغراب/بتعمل ايه عندك

سيف/ابويا حاططني امانه عند واحد لسه عارفو امبارح..وانا مش مضطر استحمل الوضع دا .انا هحاول اخلع من هنا وارجع بيتي واكمل شغلي زي ما كنت..وابويا دا مبقاش ليا علاقه بيه نهائي..طالما هو اختار وجوده من السجن ب ارداته يبقي كل واحد يستحمل نتيجه غلطاته ..هحاول اقابلك خلال كام ساعه..استني اتصالي

احمد/ماشي .مستنيك...آه استني ..لو عايز انا ممكن اجي اخدك من المكان ال انت في

سيف/لا ملوش لزوم انا هتصرف.

وقفل المكالمه واعطي الموبايل ل السايس والسايس شكره ومشي

سيف بص حواليه لقي عربيات كتير

مشي براحه جمب عربيه من غير ما حد ياخد باله وجرب يفتحها لقاها مقفوله ..واتحرك كمان خطوتين وفتح عربيه لقاها مقفوله برضو

عند رولا

كمال سايق ورولا راكبه جمبه قدام وطلعو من الكومباوند وبعد ٥ د العربيه وقفت

كمال/الله ..ايه ال حصلها

وجرب يشغلها تاني

رولا/في حاجه ي عمو كمال

كمال/مش عارف ايه ي بنتي ال حصلها شكلها عايز يتغير لها مايه ..استني خليكي هنا هجيب حد من الكومباوند يساعدني نشوف فيها ايه..مش هتأخر عليكي كدا كدا احنا جمب البيت

رولا/تمام ماشي

كمال نزل من العربيه وراح بتجاه الكومباوند

فجأه حد ورا عربيه رولا زمر علشان عربيه رولا قافله عليه ومش عارف يمشي

والشاب نزل من العربيه وراح ل رولا و خبط ع الازاز

رولا فتحت الباب ونزلت

رولا/نعم

الشاب/ي انسه ممكن بس تحركي عربيتك علشان مش عارف اطلع بسببها

رولا/ممكن تستني بس ٥ د العربيه فيها مشكله و هنحلها دلوقتي

سيف شاف رولا من بعيد ف عربيتها وبتتكلم مع واحد

وابتسم وعرف هو هياخد عربيه مين يقابل بيها احمد

الشاب خلص كلام مع رولا ومشي من عند العربيه

سيف راح ل رولا/ايه ي بنت ادم بيه الحديدي..العربيه فيها مشكله

رولا بنفاذ صبر/دا ال كان ناقصني..لا العربيه تمام خليك ف حالك انت

سيف/تقريبا العربيه فيها مشكله..خليني ابص عليها انا بفهم فيهم

رولا/لاء..مفيش لزوم..عمو كمال راح يجيب حد من الكومباوند

سيف/عمك كمال لحد ما يرجع ويصلحها فيها نص ساعه..بقولك انا هعملها ف 5 د

رولا بعيند/قولت لاء

سيف/طيب ع راحتك

الشاب راح ل رولا

الشاب/ي انسه بقالي ١٠ د عايز اتحرك مش عارف بسبب عربيتك ..ياريت تخلي صاحبك ال معاكي يشغلها ونمشي نشوف مصالحنا

رولا بغضب/طيب وانا أعمل ايه؟قولت لك العربيه وقفت وعمو كمال هيجي يصلحها دلوقتي ..اصبر شويه

الشاب/يارب الصبر

ومشي راح ل عربيته

سيف/لسه برضو مُصره ع رأيك

رولا اتنهدت بغضب/طيب اعملها خلينا نخلص

ونزلت من العربيه

سيف راح فتح كبوت العربيه من قدام وظبط فيها كام حاجه وقفل الكبوت تاني

سيف/كدا تمام..استني اجرب اشغلها

وركب العربيه والعربيه فعلا اشتغلت

رولا/الحمد لله..يلا خلاص انزل بقي عمو كمال زمانه جاي

سيف /انا اسف ع ال هعمله ي بنت ادم بيه

وشغل العربيه ومشي بيها

رولا بصدمه/ايه ال انت بتعمله دا ..انت رايح فين أقف

وراحت وراه بسرعه وسيف كان هيمشي فجأه عربيه قفلت عليه الطريق بالغلط

سيف /وقتك انت كمان

رولا جريب وراه بسرعه وراحت له

رولا بغضب/انت رايح فين ي عربيتي ي بني ادم انت

وخبطت ع ازاز العربيه بغضب

سيف نزل ازاز العربيه

سيف/اركبي

رولا بغضب/انت اكيد كنت ناوي تسرق العربيه صح لولا أن الراجل جه وقف قصادك

سيف/ايه الكلام الغريب دا..انا كنت ناوي اوصلك ف المكان ال عيزاه شكل عمك كمال هيتاخر

رولا بغضب/انزل من العربيه...بقولك انزل

سيف/بصي احنا قافلين الطريق ع الناس يلا اركبي هطلع العربيه من الزحمه دي وهدهالك ..انجزي اركبي

رولا اتنهدت وراحت ركبت العربيه بغيظ وحطت حزام الامان

والشاب ال قفل عليهم الطريق بعد ب عربيته ومشي

وسيف انطلق

رولا اتنهدت/خلاص اركن العربيه ف جمب عمو كمال هيجي لنا كل الطريقه دا ازاي

سيف وهو مركز ف السواقه/ي ستي هوصلك المكان ال انتي عيزاه متخافيش..قوليلي بس حبيبك عامل ايه ان شاءالله محصلوش حاجه

رولا بغضب/انت مالك اصلا؟بتسأل اكن الموضوع هامك

سيف/بحاول أصلح علاقتنا سوا طيب اعمل ايه

رولا /مفيش علاقه بينا من الاساس..انا معرفكش

سيف /لو عايزه تعتذري علشان امبارح الوقت مناسب دلوقتي

رولا بصت له من بجاحته/عفوا ؟انا ل اعتذر منك..ليه ان شاء الله

سيف/لاني امبارح مطلعش بكدب عليكم زي ما قولتي

رولا/حتي لو كان مظبوط اعملك ايه..مش انت ال دخلت بيتنا زي الحرامي

سيف بصلها/ومين ادالكم الحق تبهدولني امبارح كدا

رولا تجاهلت كلامه/النادي اليمين الجاي..وصلني واركن العربيه واتفضل شوف كنت رايح فين

سيف مدخلش يمين وكمل ع طول

رولا بصت حواليها/فوتت الدخله ..في ايه انت مسمعتش ال قولته

سيف/اصبري عادي هندخل من ال شارع التاني

ووقف ع جنب

سيف بصلها/اهو وصلنا..ودلوقتي مضطر اودعك ي بنت ادم الحديدي..وانتي راجعه خدي تاكسي بقي تروحي بيتك

رولا بصت له بعدم استيعاب/انت بتقول ايه..اخد تاكسي ليه اصلا

سيف /انا محتاج العربيه..يلا انزلي..لو سمحتي

رولا بصدمه /يعني فعلا انت كنت هتسرق العربيه من الاول صح

سيف/لاء مش سرقه..هستلفها منك شويه ..انزلي لو سمحتي

رولا بغضب/حلو..يعني انت فعلا طلعت حرامي زي ما انا اتوقعت ف الاول

سيف/لاء انا مش حرامي..ممكن تنزلي من العربيه حالا علشان مستعجل

رولا بغضب/لاء مش ممكن..انا ال المفروض تنزل مش انا..يلا انزل من عربيتي

سيف اتنهد وشغل العربيه تاني وكمل سواقه

رولا بصدمه/انت مشيت ليه ي بني ادم بقولك اقف

سيف/

رولا بغضب /انت ال جبته ل نفسك

وفتحت ازاز العربيه وبدأت تصرخ علشان حد يلحقنا

رولا/الحقوني ...help

سيف بصدمه بيحاول يركز ف السواقه وبيحاول يسكتها ويبعدها عن الشباك

سيف/لالا ي مجنونه بتعملي ايه

رولا بتصرخ/حد يلحقني

سيف مسك دراعها وبعدها عن الشباك وبعدين ركز ف السواقه

سيف/اهدي علشان منعملش حادثه دلوقتي

رولا بصت له بغضب/قولت لك أقف ب العربيه حالا

سيف/لاء مش هوقف..العربيه هتفضل شغاله ساعه ونص لحد ما اروح منطقه معينه ف اخر القاهره..لو عايزه تنزلي هنزلك فورا ..ها انزلك

رولا بعيند/لاء مش هنزل..مش هسيب لك عربيتي

سيف ابتسم/ماشي..خلاص اهلا بيكي نورتينا..رحلتنا ساعه ونص او ساعتين ..نوصل ب السلامه ي هانم

رولا ربعت ايدها بغضب/انا نفسي افهم انت مين..انت وبابي تعرفو بعض منين..اكيد ضحكت عليه صح..نهايتك مش هتكون حلوه خالص انا بحذرك

سيف وهو سايق/لا بالعكس هو ال ضحك عليا..كل ال انا فيه بسببه اصلا..امسكي كويس

وبدأ يزود السرعه

ورولا مسكت ف العربيه بخوف

رولا بتوتر/ع مهلك

سيف/متقلقيش لما اوصل المكان ال عايزو هسيبك انتي وعربيتك وترجعي بيتك براحتك

رولا بغضب/انا مبعرفش اسوق

سيف/نعم؟ازاي يعني

رولا/زي ما سمعت

سيف هدي العربيه ووقف ف جمب

سيف بصلها/لا حول ولا قوه الا بالله ازاي واحده ف سنك ومعاها العربيه ال بملايين دي مبتعرفش تسوق

رولا ربعت ايدها بغضب/امال انت شايف معايا سواق ازاي يعني..وبعدين انت مالك اصلا

سيف اتنهد مش هينفع يسيبها لوحدها وهي مبتعرفش تسوق وقرر يوديها النادي ويبقي يقابل احمد ف وقت تاني

وشغل العربيه تاني ولف رجع ف طريقه للنادي

سيف/ع العموم انا كنت بهزر معاكي وكنت رايح المول اشتري كام حاجه..هوصلك النادي وابقي اروح المول اي وقت

رولا بصتله/صدقتك انا كدا..الحركات دي متعملهاش عليا ..انت كنت ناوي تسرقها..و ع فكره انا هقول ل بابي ع ل عملته دا وهو يتصرف معاك..انا فعلا بقي عندي فضول أعرف ..انت مين بباك ..اكيد مكنش شغال عند ببايا زي ما بتقولو

سيف وهو سايق/ايه كل الاسئله دي والرغي دا..لو مدخلتيش عليا الاوضه وقعدتي تصرخي وتقولي حرامي مكناش وصلنا ل هنا

رولا بعدم تصديق/انا مش مصدقه الوقاحه...وفوق كل دا قليل الزوق

سيف/عيب الكلام دا والله

رولا بغيظ/ع فكره انت ال كنت عامل دوشه ف الاوضه ولا اكنك ماشي ف بيتكم...كان لازم تهرب انت وقتها مش انا

سيف/ف المواقف ال زي دي انتي ال لازم تخافي وتهربي..ايه ال عرفني انك مجنونه للدرجه دي

رولا/ايوا طبعا انا مبخفش ابدا..واقعد ساكت بقي

سيف/ابراهيم الناصري

رولا ب استغراب/دا مين دا

سيف ضحك/بجد متعرفيش مين ابراهيم الناصري

رولا/

سيف/بباكي السبب ف حبسه وعشت طول حياتي لوحدي بسببه..طبعا ما انتو عايشين ف الاماكن الراقيه ومش حاسين ب حد

رولا بصتله/ف ايه؟

سيف/ايه؟مش انتي ال سألتي مين ابويا..وبعدين مستغربتيش ازاي ان بباكي السبب ف حبسه..معندكوش قلب انتو خالص

رولا/لاني مستحيل اصدق حاجه زي دي عن بابي..اكيد مش هصدق واحد زيك يعني

سيف كمل سواقه وقال

بسخريه/ما دا ال ابويا و ادم بيه قالوه...ان ادم الحديدي ملوش زنب و ان ابويا هو ال ساب الشغل مع بباكي زمان وراح يشتغل مع رجال أعمال تانيه ووقتها لبسوه ف تهمه مقابل ان احنا منتأذيش و يبعتو لنا كل شهر فلوس تكفينا وتعيشنا مش محتاجين حد..ف قال يتقي شرهم يعني..يخربيت الفلوس ال تخلي ابويا يتخلي عننا بالطريقه دي

رولا/ااه فهمت ..وبباك طبعا طلب من بابي يحميك مش كدا

سيف/المفروض

رولا /طبعا انت كنت عايز تسرق العربيه علشان تروح ل الناس ال بابي وبباك عايزين يحميك منهم

سيف/بالضبط شاطره حليتي القصه كلها..بنت ذكيه..انا مش زي ابويا ومش هخاف واهرب واسيب شغلي وحياتي بسبب حد

رولا بسخريه/لا برافو عليك..شاطر والله

رولا بصتله/ع فكره كدا انت هتكون اكبر غبي لو عملت ال بتفكر فيه دا ..دا رأيي يعني

سيف بصلها/بصراحه رايك ملوش لزوم مبيهمنيش يعني..انا بس قولت اطمنك واقولك اني خارج من حياتكم قريب مش مطول يعني

رولا بصتله بغيظ /هسجد شكر ل ربنا وقتها..يارب يعني

وموبايل رولا رن وكان ادم

رولا ردت/الو ي بابي

ادم/انتي فين ي رولا..كمال بيقول ان المفروض كان ياخدك النادي ورجع ملاقكيش انتي والعربيه

رولا/ابن ال كان شغال عندك دا أصر هو ال يوصلني بالعافيه كمان..يعني تقريبا كان هيسرق العربيه

سيف بصلها /ايه الكلام ال بتقوليه ل ادم بيه دا هيفهم غلط انا مكنتش هسرق حاجه

ادم/مين؟ انتي معاكي سيف ي رولا هو ال بيتكلم دا

رولا/اه

ادم حاول يسيطر ع غضبه/اديله الموبايل

رولا/انا بصراحه اخاف ادهوله يسرقه هو كمان..ف هفتح الاسبيكر

وفتحت الاسبيكر

ادم بغضب/انت بتعمل ايه برا الكومباوند ي بني ادم..احنا مش متفقين مفيش خروج من باب البيت الا لما تقولي

سيف وهو سايق/ما انا جالي ضيق تنفس من الأماكن الراقيه بتاعتكم دي ي ادم بيه مش متعود عليها.. ف قولت اتمشي شويه لقيت بنت حضرتك عربيتها عطلانه قولت اصلحها واوصلها واعمل خير يعني

ادم/تمام..استني تخلص ووصلها علشان مبتعرفش تسوق وحسابنا لما ترجع

وقفل المكالمه

سيف/اوامرك

وركن العربيه جمب النادي

سيف/اتفضلي وصلنا..مش دا النادي ال قولتي عليه

رولا بصت حواليها

سيف ابتسم/لو اتعرفتي عليا اكتر كنت هتحبيني والله

رولا بصتله/مستحيل

سيف ابتسم /طيب براحتك...انا هستناكي تخلصي ال هتعمليه ..مينفعش اخالف اوامر ادم بيه طبعا...ومن رأيي تتعلمي السواقه علشان المواقف ال شبه دي

رولا /رايك مبيهمنيش نهائي.

واتمني مشوفش وشك مره تانيه

في النادي ف كافيه مفتوح

يحيي واتنين صحابه قاعدين

وفجأه هايدي وصحبتها قعدو ع طربيزه جمبهم

صاحب يحيي/هايدي جت اهي

يحيي قام و راح ل هايدي

يحيي/هايدي فين رولا..بكلمها مبتردش عليا والمفروض تيجي النادي النهارده

هايدي/لاء معرفش هي فين..المفروض حبيبتك تبقي عارف هي فين

يحيي/ما انتي عارفه رولا بترد ع التليفون ع مزاجها

وفجأه شافو رولا نزلت من عربيتها هي و سيف

هايدي بتبص ع رولا وسيف ال واقفين بعيد

هايدي ابتسمت ب اعجاب/واو..هو مين ال رولا جايه معاه دا

يحيي بص ع المكان ال هايدي بتبص عليه وشاف رولا واقفه مع سيف وبيتكلمو

يحيي اتنهد بغضب

ورولا خلصت كلام ف الموبايل وراحت لهم

رولا /عاملين ايه

هايدي ابتسمت/الحمد لله..رولا مين ال قمور ال موصلك دا

يحيي بغضب/رولا انتي بتعملي ايه مع البني آدم دا

هايدي/ايه دا انت تعرفو ي يحيي

رولا/في ايه ي يحيي ..عربيته عطلت وصلحها ووصلني

يحيي بغضب/ب السهوله دي يعني؟اصلا مش فاهم بعد ال حصل امبارح بيعمل ايه جمبك مش المفروض منشوفش وشه تاني ف حياتنا ولا انا فاهم غلط

رولا بغضب/يحيي..متعليش صوتك..كأني هموت ويوصلني يعني..قولت لك كنت مضطره .واصلا انت مالك مش فاهمه مين يوصلني ومين لاء

يحيي خد موبايله من ع الطربيزه بغضب ومشي

هايدي/في ايه ي رولا انا مش فاهمه حاجه فهميني

رولا اتنهدت وسحبت كرسي وقعدت

ضهرا

احلام سايقه وبتكلم ادم ف التليفون

ادم ف الشركه ف مكتبه قدامه ملف

احلام/زي ما قولت لك هعدي ع روان و جنات هنعمل شوبنج . مش هتأخر ان شاءالله

ادم وهو مركز ف الملف ال قدامه/اشمعنا يعني

احلام / علشان واحده صحبتنا من النادي عزامنا ع حفله عيد جوازها هي وجوزها عاملينها ف الفيلا بتاعتهم

و عزمتنا و مقدرتش أرفض الصراحه.انت رايك اي

ادم ساب الملف ال ف ايده /لاء مش موافق اتصلي اعتذري منها وقولي لها مش هقدر اجي

احلام/دا ليه بقي ان شاءالله..

ادم/عايزه تحضري حفله عيد جواز بليل و ف فيلا ناس غريبه انا اصلا معرفهمش ؟ وعيزاني أوافق

احلام/ادم انا مش صغيره انت مش واخد بالك اني كبرت و بقي عندي تلت بنات طولي و شاب اطول مني ..انت ازاي لسه خايف عليا اكني احلام ال صغيره ال عندها حاجه و ٢٠ سنه

ادم ابتسم/والله مهما يعدي سنين هفضل اخاف عليكي و هفضل اخبيكي من الناس الغريبه ع قد ما اقدر ...وبعدين اي (انا كبرت دي ) انتي مبتبصيش ف المرايه ولا اي .انا عمري ما شفت ولا هشوف ف حلاوتك..دا انا عندي اربع بنات مش تلاته بس

احلام ابتسمت بحب/بجد ي ادم

ادم ابتسم/بجد ي عيون ادم

احلام/طيب انا لسه عايزه احضر الحفله برضو

ادم وهو بيمضي ورق

قدامه/قلت مفيييش حفلات

احلام/طب بص خلاص تعالي معايا علشان تكون مطمن

ادم/لاء انا معرفهمش اساسا علشان اروح ..انتي اعتذري ل صحبتك وخلاص

احلام بغيظ/ ماشي ي ادم متتكلمش معايا تاني.... و ع فكره بقي انت بتغيير زي مراهقين الثانويه بالضبط

ادم ابتسم/فعلا ؟انا بغيير زي مراهقين الثانويه وانتي مبتغيريش عليا خالص ؟

احلام بزعل/ايوا ومتتكلمش معايا تاني علشان انا زعلت منك

وقفلت المكالمه

ادم ابتسم/ماشي لما اشوفك بس

بعد ساعتين

في الجامعه عند غزل

خلصت الامتحان وطلعت من المدرج هي وواحد زميلها

الشاب/بس الامتحان كان كويس يعني الحمد لله

غزل/اه والله ي اسلام انا قلت هيعقدنا ويجيب الامتحان صعب

وبصت حواليها بتدور ع ياسين ال اتفق معاها هيوصلها بعد ما رجع من شركه فريده

اسلام/انتي مستنيه حد ؟

غزل/ا

وبص من بعيد لقت

ياسين طالع من الكافتيريا ومعاه بنت و ف ايدهم قهوه والبنت بتضحك وبتهزر مع ياسين

غزل ربعت ايدها بغضب وغيره

عند ياسين شاف غزل من بعيد وهي بتتكلم مع زميلها

ياسين بغضب اعطي البنت ال جمبه القهوه بتاعته

ياسين/انا همشي اتكلي ع الله

البنت/طب هنتقابل امتي تاني ي ياسو طيب

ياسين سابها و راح ل غزل و اسلام

ياسين/حليتي كويس ف الامتحان؟

غزل بغيظ /اه

وحبت تضايق ياسين اكتر

غزل ابتسمت/الحمد لله الامتحان كان كويس لأن قبل ما يوزعو الورق اسلام شرحلي كذا جزئيه فادوني كتير ف الامتحان.ف مش عارفه اقولك اي ي اسلام بجد

اسلام ابتسم/لا متقوليش حاجه انا عملت ايه بس

وياسين كان واقف بيحاول يسيطر ع اعصابه

غزل ابتسمت/

نسيت اعرفك صحيح دا اسلام زميلي ف الكليه..و دا ياسين ابن عمي ي اسلام

اسلام ابتسم وسلم ع ياسين

وياسين سلم عليه بغضب

ياسين/اهلا

اسلام ابتسم ل غزل/لو احتاجتي ايه حاجه رني عليا

غزل ابتسمت/اكيد

اسلام/عن اذنكم همشي

غزل بابتسامه/مع السلامه

ومشي

ياسين بغضب مسك دراع غزل

ياسين/اي ال موقفك مع زفت شاب غريب

غزل بابتسامه /دا مش غريب دا اسلام

ياسين بغضب/انتي هتستعبطي ي غزل

غزل /بستعبط ف اي

ياسين بغضب/ اقسم بالله ي غزل لو شفتك بتتكلمي مع واحد غريب تاني ولا واقفه معاه بس مش هيحصل خير ابدا ..لاء وكمان مدياله رقمك..يلا امسحي رقمه فورا

غزل سحبت دراعها من ايده بغضب/لاء انا براحتي اتكلم مع ال يعجبني و أقف مع ال انا عايزه أقف معاه .انا مش عيله صغيره وانت مش وصي عليا علشان تقولي أعمل ايه ومعملش ايه

وبعدين ما انت ٢٤ ساعه مع بنات رايح جاي معاهم .ف سوري انا من حقي اتعرف ع حد مناسب يمكن احبه ويحبني الله اعلم

ياسين مسكها من دراعها بغضب وبصلها

اول مره يدرك ان فعلا غزل من حقها تحب وتتحب ..عمره ما تخيل انها ممكن تكون مع اي شاب تاني وتبعد عنه..ديما كان شايفها صحبته و اخته الصغيره ال هتفضل جنبه طول العمر

ياسين بغضب/يلا علشان اروحك البيت

وخدها وراحو وبتجاهه العربيه

عصرا

في كومباوند ادم

احلام رجعت من برا وغيرت هدومها وقاعده ف الصالون ماسكه الموبايل و بتشرب قهوتها

وفجأه دخل ياسين و غزل وياسين باين عليه الغضب

احلام ابتسمت/ حمد الله على السلامة

ياسين/انا طالع اوضتي

وطلع غرفته بغضب و غزل كانت بتبص له وهو طالع

احلام /في اي ي غزل انتو متخانقين ؟

غزل راحت قعدت جمب احلام

غزل بصوت واطي/انا عملت زي ما قلتيلي ..خليت ياسين يحس اني ممكن اضيع من ايده واحب واتحب ومش من حقه يمنعني من دا

احلام ابتسمت/اه وواضح ان الخطه نجحت ياسين داخل زي البركان اهو ومش طايق كلمه من حد

فلاش باك

من كام يوم ف كومباوند ادم

غزل كانت بايته مع البنات هنا

ف غرفه ميرا

غزل نايمه ع السرير بس صاحيه و جمبها ميرا رايحه ف النوم

احلام دخلت الغرفه تطمن عليهم

احلام ابتسمت وبصوت واطي/ميرا نامت

غزل ابتسمت/اه من بدري

احلام ابتسمت/وانتي بقي منمتيش ليه. ال واخد عقلك

غزل/مش جايلي نوم

احلام شدت كرسي وقعدت جمبها ع السرير

احلام/يعني مش هتحكيلي

غزل/احكيلك ع اي

احلام/حبيتي ياسين امتي

غزل بتوتر سندت ضهرها ع السرير/ي ياسين .مين قال ل حضرتك أن انا ا

احلام ابتسمت/محدش قالي ..انا عارفه من غير ما حد يقولي انك بتحبي ياسين وهو زي المتخلف مش حاسس ب دا ...انتي بنتي الرابعه ي غزل.. انا ال مربياكي وغلاوتك من غلاوه بناتي بالضبط.

غزل ابتسمت /حبيبتي ي مرات عمو والله

احلام/مين يعرف غيري انك بتحبيه؟

غزل اتنهدت/مامي والبنات بس

احلام ابتسمت/متقلقيش..انا هساعدك وهخلي المتخلف دا يفوق كدا ويعرف ان ال صياعته مع البنات ال برا دا عك ف عك وان محدش حبه ولا هيحبه قدك

غزل اتنهدت/متتعبيش نفسك ي طنط احلام..والله لو قعدنا من هنا ل السنه الجايه مش هيحس ب حاجه ..ديما شايفني اخته الصغيره و صحبته وبنت خالته ومش اكتر من كدا ..٢٤ ساعه صايع مع البنات يسهر ويهزر ويقابل ومش شايفني اساسا

احلام/هو علشان ضامن انك كدا كدا جمبه ي حبيبتي ..ابني وانا عرفاه ..هو دلوقتي عنده كل حاجه....عنده انتي . صاحبة عمره من الطفوله واخته الصغيره ..ف ضامن انك كدا كدا جمبه هتروحي فين يعني ..وعنده البنات والسهر والصياعه مع البنات ل نص الليل ...لما يدرك بقي ان صاحبه عمره ممكن تضيع من ايده وتروح ل واحد تاني ..وتحب وتفكر ف واحد تاني ..وقتها انا أأكدلك انه هيتجنن عليكي ومش هيسمح ل ان دا يحصل ابدا

غزل ابتسمت/بجد ي مرات عمو ؟

احلام ابتسمت وغمزت لها/وحياتك عندي ل هخليه ف فتره قليله يعترفلك انه بيحبك ..امال عيزاني اشوف بنتي بتتعزب بسببه كدا وهسكتله

غزل بابتسامه حضنتها /انا بموت فيكي والله

احلام حضنتها بابتسامه

بااااك

احلام بابتسامه/احكيلي ال حصل بالتفصيل

غزل /عملت زي ما قلتي لي ..بعد ما طلعت من الامتحان كنت بتكلم مع زميل ليا اسمه اسلام .كنا بنتكلم عن الامتحان وكدا ..وشفت ياسين من بعيد كان طالع من الكافتيريا..انا كنت خايفه اعمل زي ما قلتيلي واخليه يغير من اسلام ويفكرني معجبه بيه ..كنت خايفه منه بس لما شفته خارج مع بنت وبيهزرو وبيضحكو اتعصبت وهبيت فيه وقلت له انا مش عيله صغيره ومن حقي احب واعجب ب ال انا عيزاه انا مبقتش صغيره ...بس ومن وقتها طول الطريق وهو ساكت وباين عليه الغضب

احلام/لاء برافو عليكي والله ..شفتي نجحتي ف ال عملتيه ازاي ؟ مع ان حبيب قلبي مش هاين عليا اشوفه متعصب كدا بس ف الاخر كله علشان مصلحتكم انتو الاتنين

غزل بحزن/انا كمان متضايقه يعني حاسه اني عايزه اروح اقوله مفيش بيني وبين اسلام حاجه ولا حتي ب اي راجل تاني

احلام/لاء اعقلي متضعفيش احنا كدا وصلنا ل مرحله كويسه اوي..نسيبه يهدي بس حبه من الموقف دا وبعدين اقولك ع الخطوه الجايه

غزل ابتسمت/اوك ماشي ...هي البنات لسه مجتش ؟كنت عايزه اشوفهم قبل ما اروح

عائشه /لاء لسه فريده ف الشركه و رولا و ميرا ف الجامعه التلاته زمانهم ع وصول ..وبعدين لسه بدري هتروحي البيت لي خليكي اسهري معانا النهاردت ونبقي نخلي ياسين يوصلك ونا هكلم مامتك اقولها انك هتسهري معانا

غزل ابتسمت /اوك

عند سيف ركن العربيه عند البيت

و رولا نزلت من العربيه ورزعت الباب

سيف نزل من العربيه

سيف/هو انتي ع طول متعصبه كدا

رولا بصتله/بتعصب لما بشوف وشك بس .يارب مشوفش وشك تاني و تقدر تمشي من هنا زي ما بتقول وترجع ل حياتك القديمه..ومتقلقش مش هقول ل بابي ع انك ناوي تمشي من هنا من وراه علشان اخلص منك بس مش اكتر

سيف ابتسم/كتر خيرك والله

رولا دخلت البيت و البودي جارد اخد المفتاح من سيف يركن العربيه و سيف راح قعد ف الاوضه بتاعته

عند ادم

رجع الكومباوند ونزل من عربيته

ف اوضه سيف

دخل الاوضه وقعد ع الكنبه يرتاح

فجأه الباب اتفتح بقوه وادم دخل سيف قام بسرعه بتوتر منه

ادم بغضب/انا عايز افهم كلامي مبيتسمعش ليه

سيف/احم خير ي ادم بيه

ادم بغضب قرب منه وسيف رجع خطوتين ل ورا

ادم بغضب/تعالي قرب

سيف بتوتر/لازم؟انا معملتش حاجه والله

ادم بصله وسيف قرب منه وخايف وحاسس انه هينضرب ف اي لحظه

ادم بغضب/ ايه ال طلعك من من ز_فت الكومباوند...هو انا مش قايل مفيش خروج من غير معرفتي

سيف /مهو ..زي ما قولت ل حضرتك انا كنت قريب من البيت وشوفت عربية بنت حضرتك عطلانه والطريقه زحمه ف صلحتها ووصلتها بس

ادم بعصبيه شده من ياقه قميصه وقربه منه/انت هتستعبط يالا؟ فاكرني مخدتش بالي و رولا بتقول كان عايز يسرق العربيه ويمشي...كنت ناوي تروح بيها ع فين؟

سيف بتوتر/احم..مكنتش ناوي اروح ف مكان والله ..صلي ع النبي بس وسيب هدومي

ادم ساب هدومه بغضب

ادم/دا آخر تحذير ليك... لو خرجت من غير اذني بعد كدا انت ال هتزعل..فاهم ولالا

سيف/فاهم ..بس انا هفضل محبوس هنا ل حد امتي..طب وشغلي؟هصرف ع اخواتي ازاي مش فاهم...دول محتاجين فلوس كتير كل اول شهر

ادم/منا اكيد مش جايبك احبسك هنا.. اديني وقت وهدور لك ع شغل محترم بعيدا عن الشغل والناس القر_ف ال كنت معاهم دول.. ووقتها تقدر تصرف ع اخواتك

سيف/ال حضرتك تشوفه

المغرب في الكومباوند

احلام قاعده ف الصالون مع رولا وغزل ال قاعدين ماسكين الموبايلات

رولا بتكلم يحيي ال عايز يصالحها و ياخدها هي وصحابها ويروحو كافيه هيبقي موجود المغني ال هما بيحبوه وهي في حفله حلوه

غزل شافت رولا فاتحه بوستر حفله المغني

غزل ابتسمت/ايه دا الله ..رولا انا بعشق المغني دا هو عامل حفله

رولا بصوت واطي/وطي صوتك ..يحيي عايزني اروح معاه هو وهايدي الحفله ال هتتعمل ف الكافيه دي

غزل بفرحه بصوت واطي/هاجي معاكم ي رولا علشان خاطري ..انا بحبه اوي وعايزه اروح

رولا/انا لسه مقولتش ل بابي مش عارفه هيوافق ولالا

غزل/انا هروح البيت اخد شاور واستأذن بابي و انتي قولي ل اونكل ونتقابل هناك علشان خاطري

رولا/ماشي بس مش هنقول حفله علشان ولا بباكي ولا ببايا هيوافقو

غزل/ماشي موافقه

احلام بصت ع رولا وغزل ال قاعدين بيتهامسو

احلام/خير يارب بتتكلمو ف ايه ف السر كدا

غزل ابتسمت /مفيش ي مرات عمو دا هايدي والجروب ال ف النادي عايزين رولا تقابلهم ف كافيه يقضو شويه وقت وانا بقولها عايزه اجي معاكم

رولا /ب الضبط

احلام/مين هيخرج معاكم من جروب النادي

رولا/ هايدي ويحيي

احلام/ا

رولا/من قبل ما تتكلمي انا مش هكدب ع بابي وهقول الحقيقه..هقول ان يحيي معانا عادي هو عارف انه زي اخونا من زمان ومبيقولش حاجه

احلام اتنهدت

ادم دخل البيت وراح ل احلام و رولا وغزل

ادم/السلام عليكم

رولا بابتسامه /وعليكم السلام ..حمد لله ع السلامه ي daddy

غزل ابتسمت/وعليكم السلام..حمد لله ع السلامه ي اونكل

ادم وهو بيبص ع احلام ال متجاهلاه بزعل

ادم/الله يسلمكم ي حبايبي

وباس راس رولا وبعدين غزل

رولا/dad انا هروح انا وغزل وهايدي وكام حد من النادي نقعد ف كافيه شويه

ادم/واكيد مفيش معاكم اي واحد غريب

رولا/دا يحيي بس ال هيبقي موجود وانت عارف ان يحيي زميلنا من زمان و زي أخونا يعني ي بابي اكيد مش هترفض

ادم /ماشي متتأخروش

رولا ابتسمت/اوك حاضر

وفريده نزلت من غرفتها وباست ادم من خده

فريده بابتسامه/حمد لله ع السلامه

ادم ابتسم/الله يسلمك ي روح قلبي

وباس راسها

احلام تليفونها رن ف غرفتها وطلعت الغرفه علشان ترد وادم بصلها وهي بتطلع

غزل بصوت واطي/انت زعلتها ولا ايه

ادم/وانا اقدر برضو ازعلها ..انت تعرفي عني كدا ؟

غزل بابتسامه/لاء طبعا دا انت الجان بتاع عيلتنا

ادم ابتسم/حبيبه قلبي..هطلع اغير هدومي وانزلك اشوفك عملتي اي ف الامتحان

غزل ابتسمت/اوك

وادم طلع الغرفة

وفريده قعدت مع غزل و رولا

فريده بصت ع غزل ال قاعده سرحانه

فريده/مالك ي روح قلبي..حصل حاجه؟

غزل/انا عايزه احكي لكم ع حاجه

رولا سابت الموبايل/ايه

غزل حكت لهم الحصل بينها وبين ياسين وان احلام عارفه كل حاجه

فريده بصدمه/مامي عارفه انك بتحبي ياسين؟

غزل /ششش وطي صوتك ..ايوا طلعت عارفه

رولا ابتسمت/مش سهله ماموش برضو..لاء وكمان بتعملو خطط و حركات من ورانا

غزل اتنهدت/منا قلت لك اهو

فريده/طب وانتي متضايقه لي دا الخطه نجحت وبتقولي ياسين متضايق من وقتها

غزل/مش يمكن مثلا علشان مبحبش اشوفه متضايق ؟وكمان بسببي

فريده ابتسمت

عند احلام ف الغرفه

واقفه بتتكلم ف التليفون

ادم دخل الغرفه و رمي الجاكيت و الموبايل ع السرير

احلام /ايوا فهماكي...

ادم قرب من احلام وحاوط وسطها ب ايدها وقربها منه

وباس خدها

احلام بصت ل ادم بخجل وبعدت الموبايل عنها

احلام/ادممم

ادم /عيون ادم

وباس رقبتها واحلام ابتسمت وحاولت تخلص المكالمه

احلام/خلاص تمام ماشي ي حبيبتي هكلمك بعدين ..مع السلامه

وقفلت المكالمه

احلام/عاجبك كدا توترني وانا بكلم الناس

ادم وههو باصص ف عيونها /وانتي ينفع كدا متقوليلش حمد لله ع السلامة بعد ما رجعت من الشغل؟

احلام من غير ما تبصله بزعل/ايوا ينفع ..ومتتكلمش معايا بعد اذنك

وكانت هتبعد عنه بس ادم محاوط وسطها بتملك

ادم وهو بيعدل لها شعرها/انا اسف حقك عليا علشان زعلتك

وباس شفايفها

واحلام ابتسمت

احلام /كل مره بتضحك عليا كدا بكلمتين

ادم /مقدرش والله

قوليلي ايه ال يرضيكي وانا اعملهولك

وباس راسها

احلام / اروح الحفله

ادم/مش احنا قفلنا موضوع الحفله دا خلاص

ورجع خصله من شعرها ورا ودنها وقرب منها

ادم ابتسم/وبعدين احنا ممكن نحتفل هنا احتفال احلي من ال هيحصل هناك ١٠٠ مره

وباس شفايفها و رقبتها

احلام ابتسمت بحب

احلام/غلبتني تاني يعني ومقدرتش اقنعك واروح الحفله ..نفسي اعرف افضل زعلانه منك للاخر... مبقدرش

ادم باس راسها/وانا ميهونش عليا زعلك ابدا ابدا ...و علشان اعوضك عن الحفله ال مرحتيهاش .. يلا نلبس هاخدك نتعشى سوا برا ف المطعم ال بتحبيه

احلام بابتسامه/قول والله

ادم /والله ..ولا الخروج مع سي ياسين احلي من الخروج معايا؟

احلام بابتسامه حاوطت رقبته بدراعها وقربت منه

احلام/لاء الخروج معاك احلي طبعا

ادم ابتسم /لسه زعلانه مني؟

احلام بابتسامه/لاء مقدرش

ادم ابتسم وباس شفايفها

بعد ساعه

قاعد ف البلكونه

فريده ال بترسم تصاميم و غزل و رولا ال بتكلم صحابها ع الجروب واتساب و ميرا ال رجعت من برا خدت شاور وغيرت هدومها

فجأه سيف طلع قعد قدام الاوضه بعد ما غير هدومه و بيشرب قهوه وسرحان

غزل بصت ناحيه اوضه سيف

غزل ب اعجاب/هو دا سيف ال انتو حكيتولي عنه..دا طلع قمور بجد

ميرا بصت عليه/اه هو ب عينه

غزل ابتسمت/دا ايه الحلاوه دي بجد

رولا بغيظ/انا مش فاهمه انتو شايفينه حلو ع ايه بجد ..دا دُب

ميرا/حرامي عليكي دا جان وعسول

فريده/خلاص بقي متبصوش عليه كتير هياخد باله

غزل/بذمتك ي فريده مش حلو؟

ميرا بخبث/ولا استاذ زين ال ف التدريب احلي

فريده ابتسمت /بس يبت لمي نفسك...ايه ال جاب سيره زين دلوقتي

رولا ابتسمت/شوف شوف شوف ال بتتكسف لما سيرته تيجي .لالا دا احنا محتاجين لنا قعده مع بعض

فريده ابتسمت

ادم واحلام نزلو من غرفتهم بعد ما احلام لبست دريس بيج سمبل وحلو اوي وادم لبس بدله سوده وراحو للبنات

ميرا ابتسمت/ايه دا ايه الحلاوه والشياكه دي كلها

فريده ابتسمت/رايحين ع فين كدا

احلام ابتسمت/هنتعشي برا

غزل بابتسامه/ايوا ي عم الله يسهلكم

ورولا ابتسمت لما عرفت انها هتاخد راحتها ف الحفله لان ادم واحلام هيتأخرو برا

ادم/ياسين فين

فريده/ف اوضته

ادم/ماشي ..ياريت تفضلو عاقلين وب أدبكم لحد ما نرجع ..و رولا متتأخريش ب الكافيه كدا كدا اخرك 10 انتي عارفه

رولا ابتسمت/حاضر dadd متقلقش

احلام ابتسمت/يلا باي

البنات/باي

وادم واحلام طلعو برا البيت

رولا/انا هقوم اغير هدومي

وطلعت غرفتها بسرعه

و غزل اتنهدت

فريده /اطلعي شوفي ياسين بدل ما انتي قاعده بتاكلي ف نفسك كدا

غزل /اطلع بجد؟ يعني مش هيهب فيا وهو متعصب كدا؟

فريده/انتي عارفه ان ياسين ميهونش عليه يعملك حاجه حتي وهو متعصب متخافيش

غزل/طيب هطلع اشوفه

فريده ابتسمت/اطلعي ي اختي

عند ادم واحلام طلعو من البيت ورايحين للعربيه

سيف قام وقف لما شافهم

احلام ابتسمت/ازيك ي سيف

سيف ب احترام/اهلا ب حضرتك ي احلام هانم

احلام/اهلا بيك

سيف/انا كنت عايز اعتزر ع ال عملته امبارح مقصدتش ابدا اخضكم او اعمل مشاكل

احلام ابتسمت/ولا يهمك خالص دا مجرد سوء تفاهم متعتذرش

سيف ابتسم/شكرا

ادم ل احلام/اركبي العربيه وانا هتكلم معاه دقيقتين واجيلك

احلام/ماشي ي حبيبي.

ادم فتح لها باب العربيه واحلام ركبت وادم قفل الباب

ادم ل سيف/كلت؟

سيف/اه بعتولي الاكل من شويه وكلت متشكر

ادم/ماشي.. انا خارج ساعتين كدا وراجع ..طبعا انت مش هتتحرك من مكانك لحد ما ارجع...كدا كدا قولت للامن انت ممنوع خروجك

سيف فرح لان عنده فرصه يخرج يقابل احمد النهارده بس مش عارف هيهرب من الأمن ازاي

سيف/اكيد طبعا يعني هخرج اروح فين..انا قاعد هنا

ادم/تمام

وطلع موبايل جديد من جيبه

ادم/خد الموبايل دا..مفهوش غير رقمي علشان لو حبيت اتواصل معاك وانا ف الشغل أو برا البيت..وكمان سجلت عليه رقم اخواتك لانهم اتصلو بيك امبارح

سيف/تمام متشكر

في الكومباوند

في غرفه ياسين

قاعد ف البلكونه ع الطربيزه و بيشرب قهوه وسرحان وباب غرفته متوارب

غزل دخلت الغرفه وراحت له

غزل /احممم

ياسين بصلها

غزل سحبت كرسي وقعدت

ياسين/خير ؟

غزل ابتسمت/لاء مفيش قلت اجي اقعد معاك شويه ..انت عامل اي ؟

ياسين ببرود /انا تمام

غزل/غريبه يعني مخرجتش تسهر مع صحابك النهارده

ياسين/مليش مزاج

غزل /ياسين هو انت بتتكلم معايا كدة ليه الله

ياسين مسك دراعها ب ايده وقال بعصبيه/امال عيزاني اتكلم معاكي ازاي بعد ما رحت اخدك من الزفت المدرج لقيتك واقفه مع راجل غريب وبتتكلمو ومبسوطين..مين اصلا الزفت السئيل ال ملوش منظر دا .. لاء وجايه تقولي لي من حقي احب واعمل ال انا عيزاه...انامسكت نفسي ب العافيه علشان مكسرش عضمه لاني اتعلمت الدرس لما زعلت ميرا بس الموضوع دا لو اتكرر تاني والله ما يفرق معايا حاجه واهد الجامعه دي فوق دماغك

غزل ابتسمت ومبسوطه من غيرته عليها

غزل /ايوا من حقي

ياسين بعصبيه/ياك كسر حُقك

غزل ابتسمت/طيب اهدي طيب

ياسين بيحاول يسيطر ع غضبه/غزل قومي من وشي امشي يلا

غزل ابتسمت/لاء انا مش عايزه امشي ..وبعدين قلت لك اهدي اي كل العصبيه دي

ياسين مسك ال كرسي ال هي قاعده عليه وشده وقربه منه وغزل بقت قريبه منه وسرحت ف عنيه

ياسين بحزم /قسما بالله لو اتكررت تاني ي غزل ل اطربق الكليه فوق دماغك ودماغه ..مشفكيش واقفه مع الواد ال ملزق دا تاني ..ولا حتي مع اي زفت واحد غريب ..واتفضلي امسحي رقمه

غزل كانت ف عالم تاني وسرحانه ف قربه الزايد منها و عيونه ال سرحت فيها و غيرته الحلوه اوي عليها

ياسين/مفهوم ولا لاء

غزل انتبهت وبعدت عنه/احم ...لاء ع فكره انا براحتي اعمل ال انا عيزاه مش من حقك تتدخل..ومش همسح حاجه

ياسين/لاء من حقي ومش عايز كلام ف الموضوع دا كتير ..يلا امسحي الرقم ومش هعيد كلامي تاني

غزل بغيظ وعيند ربعت ايدها/مش همسحه

ياسين بصلها بغضب

غزل /طيب خلاص حاضر

وفتحت موبايلها ومسحت رقم اسلام

غزل /يارب تكون مرتاح كدا .. انا غلطانه اني جيت اتكلم معاك ..انا مروحه

وقامت

ياسين اتنهد وحاول يهدي

ياسين/تعالي اقعدي

غزل قعدت تاني

ياسين/انا اسف ..علشان عليت صوتي عليكي .حقك عليا

غزل ابتسمت

غزل/و دراعي وجعني برضو ع فكره انت مسكته جامد

ياسين مسك ايدها وباسها

ياسين/انا اسف

غزل ابتسمت وقلبها دق بسرعه

ياسين/لسه زعلانه مني؟

غزل ابتسمت/لاء مش زعلانه

ياسين ابتسم

عند سيف ف الاوضه

دخل وقفل الباب وجاب ورقه من الدرج كان كاتب فيها رقم أحمد ل حسن الحظ

واتصل بيه

احمد رد/الو

سيف/انا سيف

احمد بيحاول يعلي صوته/انت فين ي ابني هو احنا مش كنا المفروض نتقابل من الصبح

سيف/معرفتش .بس انا لازم اقابلك دلوقتي ضروري

...انت ايه الدوشه ال عندك دي

احمد/ف كافيه ***في حفله ل مغني هنا واحنا جايين نقابل المغني نعمل معاه صفقه علشان أماكن السهر بتاعتنا

سيف/دا جمب الكومباوند ال انا في..دا كدا حلو اوي اوي..خليك عندك انا هجيلك حالا

احمد/ماشي مستنيك

وقفل معاه واتصل ب حبيبه اخته يتطمن عليها

حبيبه/الو

سيف/حبيبه انا سيف

حبيبه/سيف قلقتنا عليك بقالك يومين قافل موبايلك

سيف/حقكم عليا انشغلت كدا ف كام حاجه وغيرت رقمي كمان..انتو عاملين ايه

حبيبه ابتسمت/بخير الحمد لله و ال ٦٠ الف وصلو امبارح شكرا ي حبيبي

سيف ف سره/اه يبقي سامر بعتهم ..كتر خيره

عند رولا

غيرت هدومها ل بلوزه كات زيتي و بنطلون سكيني جينز

وواقفه ف الدريسنج تختار عقد الماظ من بتوعها

ميرا من وراها/بتعملي ايه

رولا بخضه/ميرا ..خضتيني ي ز_فته

ميرا/حضرتك رايحه فين

رولا وهي بتبص ع عقد/ما قولت رايحه اشرب حاجه ف كافيه

ميرا /اه وانا صدقتك فعلا..رايحه تقعدي ف كافيه عادي ب عقد تمنه قد كليتك .هتقولي الحقيقه ولا اروح اقول لياسين وفريده

رولا اتنهدت وبصت لها/هقولك بس مش هتقولي ل حد

ميرا/ها

رولا/الكافيه هيبقي موجود في مغني وفي حفله .هنروح انا وغزل و هايدي ويحيي

ميرا حطت ايدها ع فمها بصدمه/ ومن غيري؟

رولا/علشان عارفه انك مبتحبيش المغني دا..هعوضك ف مره تانيه لو مغني بتحبيه

وانتي طبعا اختي حبيبتي هتداري عني لو اتأخرت..هتقولي ل ياسين وفريده اني رجعت قبل ١٠ و ف اوضتي عادي

ميرا رفعت كتفها/لا مليش دعوه افرض بابيتو رجع بدري وسأل عنك

رولا/مش هيرجع بدري انتي عارفه لما بيخرج هو ومامي بيتأخرو ..وافقي بقي ي ميرا دا انا ياما غطيت عنك

ميرا/اوك بس بشرط

رولا بتلبس العقد/خير

ميرا ابتسمت/هاخد البلوزه بتاعتك ال اشترتيها الاسبوع ال فات

رولا/الله الله ..وليه بقي ان شاءالله

ميرا/خلاص هروح اقول ل ياسو

وكانت هتمشي رولا مسكتها بسرعه

رولا/خلاص خلاص ي جز_مه..خديها

ميرا بابتسامه/ميرسي

عند سيف ف الاوضه

غير هدومه ل بنطلون اسود وقميص ابيض ومشمر ايد القميص و فاتح القميص زرارين

وطلع برا الاوضه ومش عارف يهرب ازاي من الأمن ولا عارف هيركب تاكسي ازاي وادم واخد محفظته

سيف/وبعدين بقي

سيف اتصل ب سامر ال سجل رقمه من شويه عايز يشكره ع الفلوس

سامر/الو مين

سيف/انا سيف

سامر بابتسامه/حبيب قلبي حاولت اكلمك كتير مردتش..عامل ايه

سيف/انا زي الفل والله

سامر/كنت عايز اعتذر منك ملحقتش اجمع لك ل ٦٠ الف من يومين لما طلبت مني بس دلوقتي جمعتهم اهو ابعتهم ع حساب مين

سيف/ايه؟انا لسه مكلم حبيبه وقايله ان الفلوس وصلت لها؟ متأكد مش انت ال بعت

سامر/ايوا ي ابني متأكد

ياسين وصل الكومباوند ونزل من عربيته بعد ما وصل غزل

وبيتكلم ف التليفون

ياسين/يعم انا معنديش مشكله اعمل معاكم السباق بس عربيتي مش مخصصه ل السباق يعني الموضوع هيبقي غير عادل

سيف /هكلمك بعدين

وقفل مع سامر و راح ل ياسين بعد ما سمع اخر كام جمله

ياسين/طيب خلاص...هكلمك بعدين ماشي

وقفل المكالمه

سيف /ايه الاخبار ي باشا

ياسين /انا زي الفل انت عامل ايه

سيف ابتسم/انا الحمد لله..كنت عايز اعتذر ع ال حصل مني امبارح ف بيتكم وبهدلت صاحبك برضو..يعني حصل سوء تفاهم

ياسين/لا ولا يهمك ..انا بعد كدا عرفت انك مش غريب وبباك معرفه قديمه مع ادم ف تمام يعني ولا يهمك

سيف ابتسم /تمام.. بالمناسبه انا اعرف صاحب معرض عربيات عنده عربيات للسباق.لو عايزني اكلمهولك يظبلك واحده

ياسين/بجد والله

سيف/اه يعم سهله

ياسين ابتسم/طب حلو اوي..هستني منك الخدمه دي

بكره

سيف/بس بشرط

ياسين/انا عارف ان محدش بيعمل خير ف الزمن دا من غير مقابل.. اتفضل قول

سيف/عايز استلف منك فلوس تاكسي دلوقتي ..خارج ضروري ونسيت اسحب فلوس..وبباك خرج من البيت.. انت الوحيد ال اقدر اطلب منه دلوقتي

ياسين ابتسم/بس كدا؟يعم سهله..ولو عايزني اوصلك انا تمام

سيف ابتسم/لاء الفلوس كفايه متشكر

ياسين طلع من جيبه محفظته واعطي سيف فلوس

سيف/شكرا ي صاحبي..العربيه مني ليك بكره و الفلوس دي اكيد هرجعهالك

ياسين /عيب ملوش لزوم الكلام دا

سيف ابتسم/ماشي..بس انت مشوفتنيش النهارده

ياسين /انت مين اصلا؟

سيف ضحك/جدع

وياسين ابتسم ودخل البيت

وسيف حط الفلوس ف جيبه

سيف /ايه الحاله ال انا وصلت لها دي بقيت بشحت فلوس من شباب أصغر مني

وبص ع الأمن

سيف/ههرب منهم ازاي دول

وبص لقي رولا بتطلع من البيت

وراحت ركبت عربيتها وكمال ركب يوصلها

سيف وطي شويه وفضل يمشي جمب العربيات المركونه ويستخبي وراها لحد ما وصل ل عربيه رولا

وكمال بدأ يسوق و سيف بدأ يمشي جمب العربيه براحه لحد ما عدي من البوابه من غير ما الامن ياخد باله

الفصل

في الكافيه

في مغني واقف بيغني ووراه فرقته وكل الموجودين واقفين عند طربيزاتهم ال بيرقص وال بيشرب عصاير وال بيصور

والكل مستمتع

عند طربيزه رولا

واقفه هي و غزل وهايدي بيرقصو مع الاغاني ومعاهم يحيي ومستمتعين ومبسوطين

غزل بابتسامه/جماعه المغني تحفه والاغاني تحفه انا مبسوطه

هايدي بترقص بابتسامه/ايواا

رولا ابتسمت

هايدي بتعلي صوتها بسبب الاغاني/انا قهوتي خلصت هروح اجيب

يحيي/خليكم انا هروح اجيب لكم

هايدي/لالا خليك انا هروح

وراحت عند البار تجيب عصير

هايدي/اعملي ايس موكا من دا لو سمحت

الشاب ال ع البار/تحت امرك

عند سيف

دخل الكافيه وبص حواليه

وابتسم للبنات ب اعجاب ال مبسوطه وبترقص

وبيدور ع احمد ورجالته

وهايدي كانت هتاخد الايس كوفي شافت سيف

هايدي ابتسمت/ايه دا سيف

سيف ب استغراب/اه..انتي تعرفيني

هايدي/اه طبعا انا صاحبه رولا وكنت ف النادي معاها النهارده وانت ال وصلتها واستنيتها تخلص واخدتها ومشيتو

سيف ابتسم لها/اه افتكرتك

وبيدور ب عينه ع احمد

هايدي بصتله ب اعجاب/انت جاي مع حد هنا

سيف/لاء انا جاي لوحدي

عند رولا وغزل ويحيي و

واقفه بتهز راسه مع الاغاني ومبسوطه

رولا بابتسامه/الحمد لله اننا جينا هنا النهارده

يحيي ابتسم/المكان مش فارق معايا اهم حاجه انتي معايا

رولا ابتسمت

يحيي/عايزه أسألك ع حاجه بس من غير ما تتعصبي

رولا/قول

يحيي/الشاب ال اسمه سيف دا كان حواليكي بيعمل ايه

رولا اتنهدت/رجعنا ل نفس الموضوع ي يحيي؟

يحيي/ي رولا اعذريني برضو افرض كان بيراقبك؟

رولا/لاء مبيراقبنيش..زي ما قولت لك ع الموبايل هو موجود ف حياتنا فتره صغيره ومش مطول.. ولو فكر يطول انا هعمل اي حاجه علشان يمشي..وانا بحاول اتلاشاه

يحيي/ي رولا دا ساكن جمبكم ..دا ف الاوضه ال ف وشكم..هتعرفي تتلاشيه ازاي بس

رولا اتنهدت/انا فاهمه ي يحيي..وانا متضايقه اكتر منك من الموضوع دا بس انا ف ايدي ايه اعمله

يحيي/

رولا ابتسمت/..انسي الموضوع دا بقي احنا جايين علشان نتسلي

يحيي ابتسم/ماشي..علشانك مش هيجيب سيره ال اسمه سيف دا تاني..وعد

رولا ابتسمت /احسن برضو

غزل بصت

قدامها لقت هايدي واقفه بتتكلم مع سيف وبيهزرو

غزل/رولا هو مش دا سيف

رولا بصت بصدمه/سيف؟ هايدي؟ايه البيحصل دا

يحيي بص مكان ما رولا بتبص شاف سيف

رولا راحت لهم بسرعه

سيف ل هايدي/بقولك ايه انا عندي بس حاجه هعملها ضروري وبعدين هجيلك نرقص للصبح

هايدي /و ايه الحاجه دي بقي

رولا راحت لهم بغضب ويحيي وغزل راحو وراها

رولا ل سيف/انت بتعمل ايه هنا

سيف/انا مش قادر اصدق ..يخربيت دي صدفه

يحيي بص ل سيف بغضب

هايدي/في ايه ي رولا

رولا بغضب/استني ي هايدي

سيف /ليه كل العصبيه دي

اهدي كدا محصلش حاجه

رولا/هو احنا مش اتفقنا مش عايزه اشوفك تاني

سيف /الله الله ..ع اساس ان انا هموت واشوفكم يعني

واتنهد وسابهم ومشي

رولا بصت ل هايدي/انا نفسي اعرف انتي بتعملي معاه ايه ي هايدي بجد

هايدي/انا معرفش انك هتضايقي والله انا شوفته بالصدفه وسلمت عليه بس

عند سيف شاف احمد بيشرب ف جمب ومعاه اتنين رجاله

سيف راحله/واخيرا

احمد بابتسامه ل سيف /فينك يعم

وقام حضنه

سيف/عامل ايه

احمد/انا زي الفل ..اقعد اقعد

وقعدو

احمد/اجيب لك ايه تشربه

سيف/لا مش عايز حاجه ..انا جاي اتكلم معاك ضروري ولازم امشي بدري

انا مسحول ف حوار صعب زي ما قولت لك

وحكاله

احمد/وبباك عايزك بجد تسيب شغلنا وحياتنا وتروح تشتغل عند ادم الحديدي

سيف/ايوا..بس انا اكيد مش هعمل كدا..انا مش هسيب شغلي وحياتي

احمد/طب و ع ايه كل دا ..ما تسيب ادم الحديدي وترجع معايا دلوقتي ونسفرك ونخليك تختفي شويه ومش هيعرف يوصل لك ويفقد الأمل منك وخلاص

سيف/مش هعرف ..انا فكرت ف كدا بس ادم بيه مش سهل وواخد الباسبور والبطاقة...دا حتي المحفظه مش معايا تخيل ؟ انا ماشي من غير ولا جنيه ف جيبي

احمد/متقلقش..سيب الموضوع دا عليا

سيف/هتعمل ايه

احمد/انا هسفرك عادي. ..ومش محتاجين البطاقه متقلقش..المهم الاول خد فلوس مشي حالك بيهم لحد ما انفذ الخطه

وكان هيطلع المحفظه

سيف/لالا مش عايز حاجه..لو شاف الفلوس معايا او ف البيت هيسالني جبتها ازاي وهروح ف داهيه

احمد/سيف نهارك ازرق انت بتخاف منه؟من امتي وانت بتخاف من حد غير بباك دا انت ملكش كبير وولا بيهمك حد

سيف/يعم ايه الكلام دا وانا هخاف منه ليه..وبعدين انت مشفتوش شكله هيبه ازاي...انا عرفت ابويا جايب الشخصيه دي منين اكيد من الشغل معاه طول حياته

احمد ضحك

سيف/المهم سيبك من الكلام دا وفهمني هنعمل ايه

احمد/انا هعمل مكلماتي كدا وهظبط لك الدنيا وانت كل ال عليك ف اليوم ال هنتفق فيه تتصرف وتجيلي اسكندريه..وهتاخد مركب من هناك و

وبدأ يحكي له هيهربو ازاي

عند رولا وغزل هايدي واقفين ف جمب بيتكلمو ويحيي بيتكلم مع صحابه ف جمب

رولا اتنهدت/يلا خلينا نرجع البيت

هايدي/لاء ي رولا حرام عليكي الحفله لسه مخلصتش

غزل/ايوا ي رولا علشان خاطري احنا مبسوطين اهو

رولا اتنهدت/ال دُب ال اسمه سيف دا موجود هنا واخاف يروح يقول ل بابي ان في حفله وانا مقولتلوش

سيف خلص كلام مع احمد وسمع اتنين مديرين اتخانقو ف المكان بس مهتمش وطلع برا الكافيه

هايدي شافته وهو بيخرج

هايدي/القمور ال مسمياه الدُب خارج وماشي اهو كدا نقدر نكمل حفلتنا

رولا بصت ع سيف وهو بيخرج

رولا راحت وراه سيف

رولا/بقولك ايه انت

سيف وقف وبصلها

رولا/انا مش مقتنعه خالص ب انك هنا صدفه..انت جيت هنا تراقبنا صح.. وهتروح دلوقتي تقول ل بابي

سيف/فعلا..انا معنديش شغله ولا مشغله ومكرس حياتي علشان اراقب حضرتك بس..مفيش الكلام دا ي رولا هانم..انا جاي انبسط

رولا ربعت ايدها/هبله انا علشان اصدق انك عملت كل دا علشان تغير جو وتنبسط..واضح اوي انك مش جاي تتسلي..الموضوع في إن..اكيد في حاجه تانيه مخبيها ورا الموضوع دا

سيف/اه في فعلا..أُعجبت ب صحبتك

رولا/نعم؟

سيف/أُعجبت ب صحبتك هايدي فيها ايه يعني..كنت قاعد بتكلم معاها وبتسلي قبل ما تطبي علينا..جيتي خربتي الدنيا علينا

رولا/

سيف/البنت جامده بصراحه

رولا بغضب/ايه الألفاظ السوقيه دي..اتكلم عليها ب أدب

سيف/خلاص..اقصد عسوله ..ع الاقل هي عكسك هاديه ولطيفه عنك

رولا بغيظ /انا هاديه ولطيفه بس مع المحترمين

سيف ابتسم/طب هسألك سوال..اوعي تكوني اتضايقتي اني سبتك انتي وأُعجبت بيها

رولا بصدمه وغضب/انا مش قادره اصدق الوقاحه..انت ايه البجاحه ال انت فيها دي

سيف ابتسم

رولا/هو انا قولت لك ايه الصبح..مش قولت لك ياريت تبعد عني وتخرج من حياتي صح..وصحبتي دي تبعي..ف ابعد عنها واحترم نفسك

سيف/انا مش فاهم متضايقه ليه دا اعجاب متبادل حتي

رولا/شكلك مش ناوي تجيبها البر..وبعدين افرض بابي عرف انك هنا ؟

سيف بنفاذ صبر/خلاص بقي انا تعبت عايزه تقولي له قوليه اتصلي بيه يلا واحكيله.هيعملي ايه يعني؟هيحطلي كلبشات يعني ويحسبني ف الاوضه

رولا /طيب.. لو مش فارق معاك استني اتصل بيه

وطلعت تليفونها

سيف بتوتر/لالا..خلاص اصبري

رولا ابتسمت

سيف/ يحول الله يارب..دا انتي مجنونه فعلا..الواحد ميعرفش يهزر معاكي ابدا

رولا بصتله بغضب

سيف/بصي مش انا اتفقت معاكي هخرج من حياتكم خالص؟اديني بس شويه وقت..شويه وقت كمان وهخليكي تنسيني خالص اكنك مشوفتنيش..وعد..سبيني بس ارجع الكومباوند قبل ما بباكي يوصل ويعرف اني مش ف للاوضه

رولا وافقت تديله فرصه يخرج من حياتها لانها مش مستعده ادم يشغله حارس شخصي ليها زي ما ميرا قالت ومستحيل ترضي ب دا

رولا اتنهدت/تمام بس دا التنبيه الاخير ليك تمام؟

سيف/تمام

رولا بغيظ/طب كويس

سيف/عن اذنك

وسيف طلع من الكافيه وكان لسه هيطلع من باب الكافيه شاف عربيه بتركن بقوه ونزل منها راجلين لابسين اسود ف اسود وكل واحد ماسك سلاح

ورايحين بتجاه الكافيه بغضب

في الكافيه

الكل بيرقص وبيشرب عصير ومبسوطين والاغاني شغاله بصوت عالي

فجأه الشابين المسلحين ضربو طلقات ف الهوا علشان الناس تنتبه

الكل اتصدم وصرخ ب خوف ونزلو ع الارض تحت الطربيزات

والشابين بيضربوا نار ف الديكور و اي حاجه قدامهم

ويحيي وغزل وهايدي مستخبيين تحت طربيزه بخوف و رولا واقفه بخضه ف نص الكافيه لسه بتستوعب ال حصل وسط ضرب النار ومش عارفه تروح فين

سيف راح لها بسرعه بقلق

سيف/رولاا

وشدها وخدها ف حضنه ووقعو الاتنين ع الارض ورولا خبطت راسها جامد ف الارض واغمي عليها وسيف طلقه خدشت كتفه

في مطعم هادي ورومانسي محجوز مخصوص ليهم

ادم واحلام قاعدين ع طربيزه قصاد بعض وبيتعشو

ادم باصص بابتسامه ع احلام ال بتاكل

احلام بصتله وابتسمت/تعرف اني بحب نظرتك ليا دي اوي

ادم ابتسم ومسك ايدها وباسها/وأنا بعشقك

احلام بابتسامه/وانا بموت فيك

ادم /تعرفي ان عندي حلم واحد بس بتمني يفضل طول العمر

احلام ابتسمت/ايه هو

ادم/اننا نصحي سوا كل يوم الصبح..عيوننا ف عيون بعض و وشنا ف وش بعض..يعني لو انا بقيت اغني واحد ف العالم او حتي معنديش جنيه واحد ف حسابي مش هتفرق معايا..كفايه أن احلام حبيبتي وجمبي

احلام حاطه ايدها ع خدها وباصه ف عينه وبتسمعه بابتسامه وبحب

احلام بابتسامه/ربنا يخليك ليا طول العمر وميحرمنيش من وجودك جمبي ي حبيبي

ادم ابتسم وباس ايدها

فجأه تليفون ادم رن

ادم/رولا..وانا ال استغربت ازاي سايبينا لحد دلوقتي لوحدنا من غير ازعاج

احلام ضحكت وادم رد

ادم/ايوا ي رولا

غزل بتوتر/اونكل انا غزل

ادم ب استغراب/غزل.فين رولا ي حبيبتي.انتو لسه برا ولا ايه

عند غزل واقفه ف المستشفى ف الاستقبال وجمبها يحيي و هايدي

غزل بتوتر بتكلم ادم ف التليفون

غزل/احنا ف المستشفى

احلام بصت ع ملامح ادم ال اتغيرت

احلام/في ايه ي ادم

ادم قام بخضه وقلق/مستشفى ؟انتي بتقولي ايه رولا حصلها حاجه؟

احلام قامت بقلق/ادم رولا مالها..ومستشفي ايه فهمني

في المستشفى

سيف قاعد ع سرير وفي ستاره مغطيه وفاصله بينه وبين بقيت السراير

والدكتور جمب سيف بيعالج كتفه ومعاهم ممرضه

الدكتور/حظك حلو..الرصاصه خدشتك بس.. لو اتحركت شويه كانت دخلت ف كتفك

سيف /متشكر ي دكتور ..عايز اسالك بس سوال في بنت جت معايا هنا..طمني وضعها ايه دلوقتي

الدكتور/انت ارتاح بس وركز ع نفسك دلوقتي..حمد ع سلامتك.. كتبت لك روشتت ادويه استني هجبهالك

الدكتور ل الممرضه/ضمدي الجرح

الممرضه/حاضر

والدكتور مشي والممرضه بدات تضمد جرحه و سيف عايز يطمن ع رولا وبيبص حواليه

بعد شويه الممرضه خلصت وسيف لبس القميص بتاعه وقام وبدأ يزرر ازرار القميص وهو بيدور ع رولا ف السراير ال جمبه

وفتح ستاره وكان موجود ع السرير شاب وجمبه ممرضه

سيف/عفوا..حمد لله ع سلامتك

وقفل الستاره ومشي

وراح عند سرير تاني وفتح ستاره وكانت رولا نايمه ع السرير بعد ما الدكتوره كشفت عليها وحطت لها لزقه طبيه ع تعويره صغيره ف قورتها

سيف راح لها وتأملها وهي نايمه وابتسم

ورولا بدأت تصحي

سيف/حمد لله ع سلامتك ي رولا

رولا فاقت وبصت له وحاولت تقوم لما لقت دراعه فيه دم مكان الطلقه

رولا بتعب/سيف انت اتصابت؟

سيف بيحاول يهديها/متقوميش مره واحده اهدي وارتاحي

رولا قعدت ع السرير

سيف/انا زي الفل مفيش حاجه انتي خليكي مرتاحه

رولا/انا كويسه..خليني اقعد شويه

وبصت ع دراعه

رولا/ايدك بتنزف

سيف/مفيش حاجه..الرصاصه عدت من جمبي بس

رولا/انت ازاي مرتاح كدا ومش متوتر حتي

سيف وهو بيشمر ايد القميص/اعمل ايه..عيزاني اقعد اعيط يعني..خلاص ال حصل حصل

رولا حطت ايدها ع دماغها/اخر حاجه فكراها..ان انا وانت كنا واقفين بنتخانق

سيف ضحك

سيف/لاء مش لدرجه خناق ممكن نسميها نقاش بسيط يعني

رولا ابتسمت /الباقي كله اتمسح من دماغي..مش فاكره حاجه نهائي

سيف/عادي عادي..انتي لسه فايقه بس

رولا/هما دول الناس ال انت كنت رايح تقابلهم

سيف/لاء مش للدرجه دي انا مبشتغلش مع قتالين قتله.. مليش علاقه ب الحصل..احنا كنا ف المكان الغلط ف الوقت الغلط بس...وهما ضربو نار ع المكان ومشيو اصلا

رولا بتعب/يعني ايه ضربو ومشيو

سيف بيشمر دراع القميص/يعني نقدر نقول تنبيه او تحذير ل صاحب المكان. مجرد اضرار ماديه ..انا وانتي بس ال خدنا ع دماغنا..محدش اتصاب غيرنا اصلا

رولا/بقولك ايه..انا قلبي مش مرتاح لك وحاسه انك ليك علاقه ب الموضوع..

سيف/لالا شكلك لسه مفوقتيش كويس ومتوتره من الحصل انا همشي وانتي ارتاحي .ريحي دماغك شويه بدأتي تهلوسي شكلك

رولا بصتله/سيف يأما تقول كنت بتعمل ايه هناك زي الشاطر يأما هروح واقول ل بابي انك كنت ف الكافيه معانا وهقول ع كل حاجه ووقتها انت هتعترف بكل حاجه قدامه

سيف بص وراه يشوف حد سمعهم ولا لا وبيشاور لها توطي صوتها

رولا /صدقني هعملها عادي

سيف بنفاذ صبر/كفايه بقي كفايه. قسما بالله خلقي ضاق..ووصلت معايا ل هنا ..رولا انا مليش علاقه ب الناس المسلحه دي انتي هتوديني ف داهيه ليه.. انا الراجل ال قابلته دا احمد صاحبي ..ال هيساعدني اهرب واسافر..ارتاحتي كدا؟

رولا/

سيف/هو ال هيساعدني امشي من هنا..همشي خلال يومين..هسافر واسيب لك البلد وامشي

رولا بصتله/هتروح ع فين

سيف اتنهد/ايا كان بقي..كان لازم اهرب من الكومباوند علشان احل الموضوع دا وحليته..بس كدا

رولا /

سيف بصلها

سيف/اقدر امشي بقي؟

عند المستشفى

ادم وصل بعربيته بسرعه عند المستشفى و احلام نزلت بسرعه بخوف ع رولا وادم نزل من عربيته بسرعه

ودخلو المستشفى بسرعه

عند غزل قاعده ع الكنبه ف الاستقبال وهايدي واقفه جمبها ومعاهم يحيي

هايدي شافت ادم واحلام رايحين عليهم

هايدي/طنط احلام جت

غزل قامت

وادم واحلام راحو لهم بسرعه

احلام بخضه و بدموع/غزل بنتي فين

ادم بقلق و بغضب/حد ينطق رولا فين

غزل بتوتر/هي كويسه ي اونكل ومفيش حاجه خطيره متقلقوش بس البوليس ال بيحقق ف موضوع ضرب النار مرضاش يدخلنا

احلام بقلق وخوف بتعيط/ازاي يعني مش راضي يدخلكم..ادم اعمل حاجه علشان خاطري

ادم رايح بتجاه الأمن واحلام راحت وراه بسرعه وغزل و ويحيي ماشيين معاهم

ادم بغضب وهو ماشي/كنتو بتعملو ايه هناك اصلا ..يحيي ايه الحصل ل رولا

يحيي بتوتر/وقعت وخبطت راسها لما كانت بتحاول تهرب

وراحو للبوليس ال واقفين ع الباب ال بيدخل ل جوه المستشفى

ادم/ادم الحديدي وبنتي جوه

الظباط /طبعا اتفضل ي ادم بيه

ادم مسك ايد احلام

ادم/تعالي ي غزل

ودخل هو و احلام وغزل بسرعه

و يحيي وهايدي فضلو برا

في سرير رولا

نايمه ع السرير وسيف واقف جمبها

رولا/انت عارف ان الخطه ال عايز تعملها غبيه مش كدا

سيف ابتسم/مش انتي ال قولتيلي اخرج من حياتي ف اسرع وقت

رولا /يعني ا

ادم و احلام راحو ل رولا بقلق

احلام بخوف ودموع/رولا

ومسكت وشها ب ايدها وبتطمن عليها بقلق وخوف

احلام بدموع/وقعتي قلبي .انتي كويسه..حصلك حاجه

وادم راح حضنها بقوه وبقلق

وسيف اتوتر لما شاف ادم

ادم بيملس ع شعرها بقلق/انتي كويسه صح..حصلك حاجه؟

رولا ابتسمت وبتطمنهم/انا كويسه والله ي حبايبي محصليش حاجه..متعيطيش ي روح قلبي انا كويسه

احلام اتنهدت ب راحه وحضنتها

احلام/الحمد لله..الف وحمد شكر ليك يارب

ادم حضن رولا وباس راسها وملس ع شعرها/رعبتيني عليكي

رولا ابتسمت/والله انا زي الفل ي dad متقلقوش..خبطت راسي بس

ادم اتنهد وطلعها من حضنه وباس راسها وايدها وبيحمد ربنا انها بخير

وبص ل سيف بغضب وسيف اتوتر من نظراته

ادم ل رولا /ايه ال حصل ي حبيبتي

رولا/في ناس غريبه جت فجأه وضربت نار ع الكافيه..بس مش فاكره اي حاجه بعدها

غزل/خبطت دماغها وهي بتحاول تستخبي

ادم اتنهد وبيحمد ربنا/كان ممكن الوضع يكون اسوء من كدا..الحمد لله انك بخير

وباس راسها وايدها

احلام اتنهدت/الحمد لله يارب

وخدتها ف حضنها

ادم قام من ع السرير وبيبص ل سيف و سيف خايف يبص له

ادم/دراعك ماله ي سيف

احلام بصت ع سيف

سيف /احم ..رصاصه طايشه ف نفس الكافيه..خدش صغير

ادم بصله بشك/انت شوفت ال عملو كدا

سيف/مشفتهومش ي ادم بيه

ادم بغضب/متأكد؟

سيف بتوتر/اه

ادم بغضب/مشفتهومش..والرصاصه جت جمبك كدا بالصدفه وخدشتك

سيف بيتجاهل يبص ف عينه/والله العظيم مشفتهومش

احلام /حمد لله ع سلامتك ي سيف..ربنا ستر الحمد لله

سيف/الله يسلم حضرتك..شكرا

ادم بغضب/وانا كنت منبهه عليك ايه قبل ما امشي؟ايه ال طلعك من البيت؟

سيف /انا ا

رولا بتحاول بتنقذ الموقف/انا ال قولت ل سيف يوصلني الكافيه

احلام/خلاص ي حبيبي متضغطش عليه المهم انهم كويسين

ادم ل رولا/انتي ال قولتيليه يوصلك؟

رولا/اه ي بابي عمو كمال كان تعبان شويه ملقتش حد يوصلني ف طلبت منه..هو ممنوع يطلع ولا ايه

سيف/احم .ايوا فعلا دا ال حصل

احلام بتحاول تهدي الوضع/الحمد لله محصلهمش حاجه ي ادم.دا المهم دلوقتي

ادم بص ل سيف بغضب

الدكتور دخل يطمن ع رولا تاني

الدكتور/حمد لله ع سلامتك ي انسه رولا...عامله ايه دلوقتي

رولا/بخير الحمد لله

الدكتور/مش حاسه ب دوخه ولا اي حاجه

رولا/لالا انا كويسه..شكرا ليك

الدكتور بص ل سيف

الدكتور/وانت ي ابني..دراعك لسه بينذف..تعالي نعيد خياطه كمان مره

سيف/تمام ي دكتور

الدكتور مشي

سيف بتوتر من ادم ال بيبص له بغضب

سيف/حمد لله ع السلامه مره تانيه

احلام/الله يسلمك...وحمد لله ع سلامتك انت كمان ي سيف

سيف/شكرا

ومشي راح ل الدكتور

عند مالك دخل المستشفى بسرعه وراح لهم بعد ما غزل اتصلت بيه

مالك راح ل ادم واحلام و رولا وغزل

مالك بقلق/انتي كويسه ي عزل .انتو كويسين

وخد غزل فحضنه

غزل/الحمد لله ي بابي انا كويسه متقلقش محصليش حاجه..رولا ال وقعت ع دماغها بس

مالك طلعها من حضنه وراح يطمن ع رولا وباس راسها

مالك بقلق/عامله ايه ي حبيبه عمك ..انتي كويسه

رولا ابتسمت/الحمد لله ي اونكل والله بخير..متقلقش

مالك اتنهد/الحمد لله

ادم/شوفت ال حصل

مالك /انا مصدقتش ال حصل انا كنت هتجنن لما غزل كلمتني..ولسه مقولتش ل مامتها علشان متتخضش

احلام اتنهدت/الحمد لله انهم بخير

بعد نص ساعه ف الكومباوند

ادم دخل البيت وهو واخد رولا ف حضنه و احلام معاهم

وراحو الصالون

فريده و ميرا راحو ل رولا بسرعه بقلق

فريده/رولا انتي كويسه

ميرا بقلق/ايه ال حصل ل راسك انتي كويسه

رولا ابتسمت/كويسه والله متقلقوش ..مفيش حاجه وقعت ع دماغي بس

فريده وميرا حضنوها و رولا ابتسمت

فريده/ايه ال حصل ب الضبط

رولا/هحكيلكم

ادم/خدوها تطلع ترتاح ف اوضتها شويه

ميرا /ماشي ي بابي

رولا كانت هتمشي ادم خدها ف حضنه وباس راسها رولا ابتسمت وحضنته بقوه

ادم/رعبتيني عليكي ي رولا..لما عرفت انك ف المستشفى قلبي كان هيخرج من مكانه

رولا ابتسمت/انا كويسه ي حبيبي والله متخافش

وطلعت من حضنه وباست خده

رولا/انا اسفه اني مقولتلكش ان في حفله وقولت لك خارجه ف كافيه عادي..انا عارفه انك زعلت مني..عاقبني زي ما انت عايز ي بابي انا راضيه

ادم اتنهد وباس راسها/انا ف اي وقت تاني كان ممكن اخرب الدنيا.. بس دلوقتي بحمد ربنا انك ب بخير..اهم حاجه عندي انك ف حضني وكويسه

رولا ابتسمت

ادم باس راسها و ايدها/يلا اطلعي ارتاحي

رولا /حاضر

وفريده و ميرا اخدوا رولا وطلعو

ادم ل احلام/هتكلم مع سيف شويه وراجع

احلام مسحت دموعها /ماشي

ادم قرب منها ومسح لها دموعها وخدها ف حضنه

ادم/بس خلاص كفايه دموع ...الحمد لله بنتنا بخير وكويسه

احلام بدموع/الحمد لله..انا اترعبت ي ادم لو كان حصلها حاجه كنت هموت

ادم طلعها من حضنه ومسح دموعها ومسك وشها ب ايده وباس راسها/بعد الشر عليكي وعليها ..الحمد لله ربنا سترها..ورولا بخير

احلام /الحمد لله

وحضنت ادم بقوه و ادم حضنها بقوه وباس راسها

بعد شويه

في اوضه سيف

قاعد ع الكنبه ولسه مغيرش هدومه

ادم دخل الغرفه بغضب وسيف قام بسرعه

ادم راح ل سيف ومسك وشه و رقبته بغضب وزنقه ف الحيطه وسيف عايز يفلت منه مش عارف

ادم بعصبيه/ايه ال انت هببته دا ها؟ هببت ايه يالا ..دي بنتي يالا انت فاهم ي بني ادم ولا لا؟دي بنتي وعيلتي...انت ناوي ع ايه بالضبط فهمني

سيف بيحاول يتنفس ويتكلم وادم ماسك رقبته

سيف بخوف/انت فاهم غلط ي ادم بيه

ادم بعصبيه/ايه ال فهمته غلط ..انطق انت هبتت ايه ومين الناس دي..مين الناس ال ضربت نار ..دول نفسهم ال هربت من هنا ورحت تقابلهم صح

سيف بخوف وبيحاول يتنفس/دول معرفش ..قسما بالله معرفش مين دول

ادم بعصبيه/انت كداب

سيف بيحاول يتنفس وخلاص هيقع ع الارض

سيف /والله العظيم معرفهمش ي ادم بيه قسما بالله ما اعرفهم

ادم بعصبيه/قسما بالله هعتبر انك مكنتش موجود ع وش الدنيا وهدفنك مكانك..بنتي النهارده كان ممكن يحصل لها حاجه..انت فاهم يعني ايه؟بنتي كان ممكن تتصاب ب رصاصه طايشه

سيف اخيرا فلت من ادم وبعد عنه

سيف بيحاول يتنفس وقال بعصبيه ونفاذ صبر /خلاص كفايه ..كفايه بقي...لو كان الموضوع زي ما بتقول ورايح اقابل الناس ال عايزه تأذيني يبقي انا عايش معاك ليه بقي ..منا اكيد مش عايز اموت ي ادم بيه..وربنا ما اعرف مين دول..رحت ع كافيه معرفوش مع ناس معرفهمش. بنتك طلبت مني اوصلها ف وصلتها..لو اعرف ان دا الهيحصل مكنتش رحت من الاول ..عايز تلومني ع الموضوع دا وتقول انه بسببي لومني بس انا معنديش حاجه اقولها ...خلاص بقي كفايه انا تعبت من حياتي ..اضرب عليا نار ف دماغي وخلصني من ال انا في دا(وشاور ع دماغه).. انت ترتاح وانا ارتاح مش معقول هفضل عايش كدا..كل حاجه بتحصل لازم يبقي انا السبب فيها

ادم بغضب/قولي بس انت ازاي عرفت تطلع من الكومباوند والامن موجود

سيف بغضب/روح اسأل الأمن بتاعك الفاشل..وشوف انا طلعت ازاي..طلعت عادي جدا ولا اخدوا بالهم اصلا..حضرتك ارتاحت كدا

ادم قرب منه وسيف رجع لورا بخوف وخبط ف حيطه

سيف رجع راسه بخوف بعيد عن ادم وبلع ريقه/متضربش

ادم بغضب /بص..الموضوع دا مش هيعدي ع خير..كل ال كان السبب ف الحصل ف الكافيه انا هعرفه وهتعامل معاهم..ادعي ربنا بس يكون كلامك صح وملكش علاقه ب الحصل..لو سمعت اسمك اتقال ضمن اي حاجه هناك ..والله ل هندمك

سيف واقف بيسمع عصبيته وخايف منه

ادم بعصبيه/اتزفت يلا ع اوضتك

سيف بغيظ وف نفس الوقت خوف/ما انا رايح اهو.اول حاجه بننصاب وبعدين ناخد بهدله ونتهزأ..ايه دا...فين العدل يارب ..انا كنت هموت..دا اخره ال يعمل خير

ودخل الاوضه

ادم اتنهد

سيف دخل الاوضه و قفل الباب ب المفتاح وطلع تليفونه يحاول يتصل ب احمد

ادم كان هيدخل الاوضه لقي الباب مقفول ف خبط

سيف مسح المكالمه بسرعه ومسح رقمه و حط الموبايل ف جيبه

وفتح الباب ل ادم وبعد عن الباب بسرعه وراح اخر الاوضه خوفا من ادم

ادم/هات موبايلك

سيف/ي ادم بيه ا

ادم/اخرس يالا وهات تليفونك

سيف طلع موبايله من جيبه واعطاه ل ادم

سيف/اتفضل

ادم بغضب/الباب دا ميتقفلش تاني..ولسه الموضوع مخلصش يكون ف علمك

سيف/

وادم طلع برا الاوضه بغضب

سيف اتنهد وقعد ع الكنبه

في اليوم التالي صباحا

في جنينه القصر

قاعد ع الطربيزه روان وغزل وجنات و فريده و رولا وميرا

غزل بتحكي لهم ال حصل ورولا قاعده واحلام واقفه جمبها بتغير لها اللزقه الطبيه ال ف قورتها والخادمه بتصب لهم الشاي

غزل/لسه بنقول يلا نمشي فجأه لقينا ضرب النار ف كل حتي والناس كلها بتصرخ وبتجري تستخبي و انا ويحيي وهايدي استخبينا تحت طربيزه بسرعه وعاملين ننادي ع رولا وهي زي ما يكون اختفت مش لاقيينها خالص

فريده/ينهار ابيض ..دا اكنه فيلم اكشن

ميرا بصدمه/ايوا بجد

روان بقلق/الحمد لله انكم بخير ي حبيايبي عمتك..اياك يكون دا درس ليكم

ياسين خد رولا ف حضنه وباس راسها

ياسين/الحمد لله انك بخير ي روح قلبي ..قلقتيني عليكي

رولا ابتسمت وياسين باس راسها

ياسين ل غزل/وانتي كمان ي زف_ته قلقتيني

ومسك ايدها وباسها

غزل ابتسمت/متقلقش انا كويسه

جنات اتنهدت/حبيبتي انتو ايه ال وداكم بس أماكن زي كدا...يارب تتعلمو الدرس بقي

رولا/دا كان كافيه عادي ي جنات وبنسمع المغني ال بنحبه فجأه حصل الحصل

فريده/الحمد لله انها عدت ع خير ومحصلش حاجه

جنات/وانتي اخص عليكي ي احلام مش تتصلي بيا تعرفيني كل دا امبارح

احلام وهي بتضمد جرح رولا

احلام/محبتش اخضكم والله لما اطمنت ان البنات بخير مالك خد غزل ومشي وأحنا جينا ب رولا ع هنا

في الشركه

عند ادم

ف مكتبه قدامه ملف وبيشتغل

الباب خبط

ادم/ادخل

موظف دخل وراح ل ادم و ف ايده ايباد

الموظف/ تسجيل كاميرا المراقبه ال ف الكافيه والحصل امبارح موجود ف الايباد ي ادم بيه

ادم بصله/وعرفتو مين ال ضربو نار ع المكان؟

الموظف/اه حد تبعنا ف القسم قال ان كان في مشاكل بين صاحب الكافيه و الناس ال ضربت نار..هما ضربو نار ع المكان كان مجرد تحذير بس وهربو

ادم /وريني التسجيل

الموظف حط الايباد ع المكتب وفتح ل ادم التسجيل

وكان المشهد ان في ضرب نار ومعظم الناس مستخبيه تحت طربيزات و سيف جه بسرعه شد رولا والطلقه خدشته مكانها ووقعو هما الاتنين ع الارض

ادم/عيد عيد الفديو تاني

الموظف عاد الفديو

الموظف/مفيش صوت ف الفديو دا..بس ف الوقت دا..كان في ضرب نار والناس كانت مرعوبه ي ادم بيه..والشاب ال لابس قميص ابيض اتصاب وهو بيحاول ينقذ البنت دي..ولو موقعهاش ع الارض اكيد الرصاصه كانت هتيجي فيها هي

ادم قام بصدمه ومش مصدق نفسه

بنته كانت هتروح فيها وكانت هتتأذي لولا ان سيف لحقها ف اللحظه الاخيره

الموظف/اكمل ل حضرتك بقيت الفديوهات

ادم راح قعد ع الكنبه وهو مش مصدق ال حصل ومسح وشه ب ايده

في الكومباوند ف الجنينه

احلام و روان وجنات و رولا وفريده و ميرا لسه قاعدين وبيشربو قهوه

غزل راحت لهم بسرعه وهي ماسكه الموبايل

غزل /جماعه جماعه مش هتصدقو...ال حصل ف الكافيه امبارح أتصور و نزل ع النت

رولا/ايه؟

فريده/ازاي دا

ميرا قامت بسرعه/تعالي ورينا بسرعه

روان/ورينا كدا انا مش فاهمه حاجه

رولا/جماعه هتلاقو الفديو اي كلام هو مين هيفضي يصور ال حصل

غزل حطت ع الطربيزه الموبايل وفتحت الفديو و روان وجنات وفريده بيتفرجوا واحلام قامت وقفت وراهم تتفرج

جنات وهي بتتفرج/اه صحيح دي رولا

رولا قامت تشوف الفديو معاهم

رولا/ايه دا..لحظه عيدو الفديو..انا عايزه اعرف ال حصل انا ناسيه

احلام بقلق/الحمد لله ان ربنا ستر..عديتي ب خطر كبير ي رولا والله ..كان ممكن تتصابي

ياسين طلع من البيت وراح لهم

ياسين/ايه دا متجمعين بتتفرجو ع ايه كدا

فريده/ياسين تعالي شوف في فديو متصور للحصل امبارح مع غزل و رولا..شغليه ي غزل تاني كدا

غزل شغلته تاني

ميرا/بصو بصو ال حصل..كل الناس هربت الا رولا الهبله فضلت واقفه مكانها

روان/عديتو من موقف صعب ي بنات والله الحمد لله انكم بخير

غزل/ودلوقتي جه احلي مشهد ف الفديو..رولا ركزي كويس..

رولا بصت لقت سيف بينقذها وشدها وخد الطلقه ف كتفه مكانها ووقعو ع الارض

روان وهي بتتفرج/شفتو الشاب المحترم رمي نفسه قدام الرصاصه علشان بس يحميها..يعيني دا اتصاب ف ايده

ميرا ابتسمت/والله جان وجدع.. ضحي ب نفسه علشان ينقذ اختي حبيبتي..برافو عليه والله

جنات/دا ال قاعد ف الاوضه دي جمبكم صح

ميرا/انا قولت لكم دا باين عليه جان اصلا

فريده/والله فعلا..لو مخدش الرصاصه مكانها كانت جت ف رولا

غزل/اه والله

احلام بقلق/حبايبي متفولوش عليها علشان خاطري

رولا ابتسمت

جنات/بس للامانه الشاب قلبه جامد..ضحي ب نفسه علشان ينقذ بنتنا حبيبتنا

ياسين/انتي كنتي فاكره ال حصل ي رولا

رولا انتبهت/لا ابدا..من امبارح بحاول افتكر مش عارفه

جنات/انا مش فاهمه بصراحه يحيي كان فين وسايب راجل تاني ينقذ رولا

ميرا/فعلا والله..دا لو كان في كيس جوافه كان اهتم ب رولا اكتر من كدا

رولا/يحيي ملوش زنب..انا ال بعدت عنه هو و غزل

روان/لالا بس سيف دا قلبه جامد فعلا ..لازم تتكلمي معاه ي رولا وتشكريه

عصرا ف الكومباوند

في بيت سيف

سيف قاعد ف الصاله وجمبه بودي جارد ادم قايله يفضل مع سيف علشان ميتحركش من مكانه

البودي جارد بيتفرج ع التلفزيون و سيف جمبه ماسك كوبايه شاي

سيف بصله/بقولك ايه انا زهقان والله..ينفع اخرج اشم هو شويه

البودي جارد وهو بيتفرج/ممنوع.. في تعليمات من ادم بيه

سيف بصله/يعني هنفضل قاعدين انا وانت لازقين ف بعض كدا ل بكره ولا ايه

البودي جارد/

سيف/انا متفهم والله..وعارف انكم اتهزأتم من ادم بيه بسببي..انا بعتذر يعني مقصدتش بس فين الانسانيه خليني بس اطلع شويه اتنفس ..اتفهم موقفي ي اخي

البودي جارد بصله/جت لنا تعليمات من ادم بيه انك متخرجش من البيت..أعمل ال نفسك فيه ف البيت اما غير كدا لاء

سيف/هنفضل قاعدين كدا يعني

البودي جارد/لما يرجع ادم بيه من الشغل نبقي نشوف الموضوع دا

سيف اتنهد

فجأه ادم فتح الباب ودخل

البودي جارد قام ب احترام وقفل التلفزيون وسيف لسه قاعد مكانه ومتجاهل يبص ل ادم

البودي جارد/اهلا وسهلا ي ادم بيه..كل حاجه ماشيه زي ما أمرت

ادم/تمام تقدر تمشي

البودي جارد/تحت امرك

وطلع برا البيت

سيف /

ادم بصله/قوم أقف

سيف قام ووقف قصاده وباصص ف الارض

ادم قرب منه وبصله وسيف واقف خايف يبصله وباصص ف الارض

سيف بصله

ادم قرب منه وحضنه وسيف استغرب بس الحضن عجبه

اوي..من سنين متحضنش حضن زي دا

سيف ابتسم

ادم/ جدع ي سيف..برافو عليك

وخرجه من حضنه

ادم/شوفت تسجيلات كاميرات المراقبه...انت خاطرت ب حياتك علشان بنتي رولا..شكرا..لو بنتي كويسه وبخير النهارده ف دا بسببك ..شكرا ي ابني

سيف بصله وابتسم عجبه حنية ادم وحضنه ..وعجبو كلمه ابني

سيف/اي حد مكاني كان عمل كدا

ادم/لاء مش اي حد

سيف ابتسم

الباب خبط وادم راح فتح

وكانت احلام

احلام ابتسمت/..حمد لله ع السلامه..شوفتك من البلكونه لما رجعت

ادم ابتسم وباس راسها/الله يسلمك..رجعت اكلم سيف ف حاجه وراجع تاني

احلام ابتسمت/لا مترجعش ونتغدي سوا كلنا علشان خاطري..هعمل لك المحشي ال انت بتحبه

ادم ابتسم

احلام/وجيب سيف معاك

وبصت ل سيف

احلام/سيف..هنستناك النهارده ع الغدا..تمام؟

سيف ابتسم/حاضر تحت امرك

عند ميرا خلصت كورس وراحت شركه مراد

ميرا طلعت من الاسانسير

وراحت ل سكرتيره مراد

ميرا ابتسمت/ازيك ي ساره

ساره قامت بابتسامه/اهلا ي ميرا هانم

ميرا/مراد ف مكتبه؟

ساره/اه موجود بس معاه كلاينت مهمه جوه وقايل محدش يقاطعه

ميرا بغيظ/معاه واحده جوه ومش عايز حد يقاطعه كمان مش كدا؟

ساره بصوت واطي/اه وبصراحه جامده

ميرا بصتلها/حلوه بجد؟

ساره ابتسمت/اه موت

ميرا بغيظ/حلوه ع نفسها احنا مالنا اصلا وبعدين خليكي ف شغلك ي ساره

ساره/احم اه احنا مالنا فعلا ..انا اسفه

ميرا /مراد دا حسابه معايا انا

ودخلت المكتب ب غيظ

ومراد كان قاعد ع مكتبه و الكلاينت قاعده قصاده وبيتكلمو ف شغل

مراد /ميرا

وقام

مراد ابتسم/بتعملي اي هنا

وراح لها

ميرا وهي بتبص ع ال كلاينت بغيره/جايه اشوفك ..اي المفروض مكنتش اجي اشوفك يعني ؟

مراد ابتسم /لا طبعا تيجي ف اي وقت .

ميرا بصوت واطي/دي طلعت حلوه فعلا

الكلاينت ابتسمت/اي ي مراد مش هتعرفني ؟

ميرا بصدمه ف سرها/مراد .مراد كدا من غير القاب

مراد بابتسامه/اه اعرفك دي ميرا بنت خالي..و دي كلاينت مهمه عندنا اسمها رهف ي ميرا

رهف سلمت عليها بابتسامه/اهلا وسهلا ي ميرا

وميرا سلمت عليها بغيره/اهلا بيكي

رهف قامت /طب ي مراد انا مضطره امشي ونبقي نكمل كلامنا بعدين ان شاءالله

مراد/تمام مفيش مشكله

وسلمت عليه

رهف بابتسامه/عن اذنك ي ميرا .مع السلامه ي مراد

مراد/مع السلامه

ومشيت

ميرا ربعت ايدها بغضب وبصت ل مراد

ميرا/والله؟

مراد/ايه ؟ انا عملت اي

ميرا بغييره/مين دي اصلا علشان تقولك ي مراد من غير القاب كدا وقاعده معاك ب اريحيه ولا اكنها من بقيت اهلك .

مراد ابتسم/منا قلت لك رهف

ميرا/اه فعلا رهف ..طب تمام انا همشي انا علشان متأخرش ع البيت

وكانت هتمشي مراد مسك دراعها وقفها

مراد بابتسامه/تعالي بس رايحه فين

ميرا/بتضحك كمان .شكلها عجبتك ع الاخر

مراد بص ف عينها وابتسم/ايوا عجبتني

ميرا بصدمه/عجبتك!

مراد /غيرتك عليا عجبتني ..بحبها اوي

ميرا بتوتر سحبت دراعها من ايده /ا ا نا مغرتش طبعا هغيير لي .انت فاهم غلط

مراد ابتسم/فعلا؟ يعني انتي مش غيرانه

ميرا بتوتر /احم ..لاء طبعا انا هغيير لي.

مراد بابتسامه/تمام ..عامة انا علاقتي ب رهف شغل وبس وعلاقتي ب اي بنت موجوده هنا برضو شغل وبس ومفيش اي حاجه تانيه .

ميرا ابتسمت

مراد ابتسم /. تعالي يلا اغدكي النهارده السوشي ال بتحبيه واكلك تشيز كيك

ميرا /والله كان نفسي بس مامي مأكده علينا كلنا هنتغدي سوا النهارده علشان عازمه سيف يتغدا معانا

مراد بغيره/نعم؟وال اسمه سيف دا يتغدا معاكم ليه

ميرا ابتسمت/مامي حبت تشكره ع ال عملو مع رولا امبارح منا حكيت لك كل حاجه ف التليفون ..انت متضايق ليه بقي

مراد بغيظ مرر ايده ف شعره/وانا هتضايق ليه..انا مش متضايق

ميرا ابتسمت /قول قول اعترف ان انت بتحبني ومش عايز اي حد يكون صاحبي غيرك او اتكلم معاه غيرك

مراد مسك ايدها وقربها منه وبص ف عيونها

مراد /لاء مهو كدا كدا محدش يجرؤ يصاحبك ولا يقرب منك ولا يكلمك غيري..مفهوم

ميرا ابتسمت/لاء مش مفهوم..ايه ال يخليني بقي اسمع كلامك واعمل كدا

مراد/علشان اجبلك الحاجات الحلوه ال انتي بتحبيها وال تشيز كيك

ميرا سحبت ايدها من ايده بغيظ/مراد انت بتضحك ع عيله صغيره

مراد ابتسم ومسك ايدها تاني

مراد/لاء بتكلم بجد..لو فضلتي تسمعي الكلام كدا هجبلك من كل الحاجات ال انتي بتحبيها

ميرا /كدا كدا انت بتبعت لي كل يوم جمعه ورد ومعاه شوكلاته وطول الوقت حاجات حلوه كتير من غير ما اسمع الكلام

مراد ابتسم/لاء لازم تسمعي الكلام برضو

وباس ايدها وميرا ابتسمت

مراد اتنهد/خلاص طالما مش هنتغدي سوا تعالي اوصلك ع الاقل

ميرا ابتسمت /ماشي يلا بينا

وطلعو من المكتب لقو

فراس واقف ماسك ملف وبيتكلم مع موظفه

فراس شافهم وساب الملف مع الموظفه وراح لهم

فراس بابتسامه/ميرا روح قلبي..عامله ايه

ميرا بابتسامه/اونكل حبيبي

..انا بخير انت عامل ايه

فراس/انا زي الفل ي روح قلبي ...طمنيني رولا عامله ايه..انا كلمتها الصبح والحمد لله كانت احسن..خضتنا عليها هي وغزل

ميرا ابتسمت /متقلقش هي كويسه الحمد لله هي وغزل.انت وحشتني اوي اوي ع فكره مبقناش نتكلم ونقول أسرار

فراس ابتسم/ايوا ف دي معاكي حق ..ف يوم اخلص شغل بدري واخدك نخرج سوا ونقعد ف الكافيه ال انتي بتحبيه

ميرا بابتسامه/ماشي موافقه..بس اي الشياكه دي يعم انت كان عندك ميتينج ولا اي

فراس عدل هدومه بثقه/دي أقل حاجه عندي ي بنتي

مراد بغييره/تحبو امشي انا واسيبكم براحتكم؟

فراس/اي ياض بتدخل بيني وبين بنتي لي

وخد ميرا ف حضنه وباس راسها

ميرا ابتسمت/ايوا صح بتدخل ليه اصلا

مراد /احم لاء ابدا مبتدخلش بس علشان منتأخرش واوصلك

فراس ابتسم /ماشي يلا هسيبكم تشوفو كنتو رايحين فين ونا هروح اكمل شغل

مراد /اوك

ميرا/مع السلامه ي اونكل

فراس/مع السلامه ي حبايبي

ومشي

الفصل

المغرب

في الكومباوند ع السفرا

ادم قاعد ع راس السفرا واحلام جمبه و ياسين جمبه من الناحيه التانيه وسيف جمب ياسين و فريده ورولا وميرا قاعدين جمب بعض وبياكلو

ياسين فاتح الفديو وبيوري ادم

ياسين/بص ي ادم شوف ازاي سيف حماها..ولا اجدعها سوبر مان والله

ادم بيتفرج وساكت

رولا/ياسين.للمره الالف تتفرجو عليه كفايه بقي

احلام اتنهدت/ايوا ي ياسين اقفلو الفديو دا خلاص صوت صراخ الناس هناك تعبلي اعصابي

ياسين قفل الفديو

احلام بصت ل سيف/والله مش عارفه ازاي اشكرك ع ال عملته ي سيف

سيف ابتسم/من وقت ما قعدنا وحضرتك بتتشكريني ي احلام هانم..العفو والله انا معملتش حاجه

احلام ابتسمت/نورت بيتنا اهلا وسهلا فيك..مبسوطين انك معانا

سيف ابتسم/ شكرا ..اهلا بيكي

احلام/اخواتك عايشين ف القاهره هنا صح

سيف/ايوا مظبوط

احلام/ومامتك

سيف/امي متوفيه

احلام /انا اسفه مكنتش اعرف

سيف ابتسم/لاء ابدا متعتذريش عادي ولا يهمك..هي اتوفت من زمان كنت صغير وقتها

رولا/الله يرحمها

سيف/تسلمي

احلام/طيب بما ان الخدم خلصو وقت شغلهم وبيرتاحو ..كل واحده تشيل طبقها تدخله ع المضبخ

فريده خدت طبقها وقامت دخلته المضبخ

ياسين موبايله رن وكنسل وقام /تسلم ايدك ي احلام ع الاكل الحلو دا بس انا هطلع اغير هدومي علشان همشي

وباس راسها

ادم/ع فين

ياسين/خارج مع صحابي ي أدوم ..يعني لو معندكش اعتراض..والله لو عندك اعتراض اقعد

ادم/لاء روح ي اخويا

ياسين/انا شايف كدا برضو

وطلع اوضته

رولا قامت تلم طبقها

ميرا خلصت اكل وقامت وحاولت تهرب من غير ما تشيل طبقها

ميرا ابتسمت/انا هدخل ارتاح ف اوضتي شويه بقي ..عن اذنكم

وقامت وكانت هتمشي

ادم/ميرا

ميرا وقفت

ادم/ارجعي خدي طبقك زي ما مامتك قالت وساعدي رولا ودخليه المضبخ

ميرا اتنهدت/حاضر

ورجعت خدت الطبق و مشيت

سيف قام يشيل الاطباق /انا هساعدها

احلام/متتعبش نفسك هما هيعملو كدا

سيف/مفيش اي تعب والله

وسيف و رولا دخلو المضبخ وهما شايلين الأطباق

وحطو الأطباق ع الرخامه

رولا بصتله/ليه خبيت عليا انك انت ال انقذتني

سيف/خلاص قفلي ع الموضوع..خلينا نخلص من السيره دي بقي والله خلقي ضاق من الكلام فيها كبرتوا الموضوع الصراحه

رولا/معلش والله اعذرني انا مش كل يوم حد بينقذلي حياتي

سيف/اعتبري اننا كدا اتصفينا خلاص قفلي ع الموضوع..انتي برضو يعتبر انقذتيني لما قولتي ل ادم بيه انك انتي ال طلبتي مني اوصلك والا ادم بيه كان علق رقبتي قدام المستشفى والله

رولا ضحكت

سيف ابتسم/لاء وطلعتي بتضحكي مش مصدق عيوني والله اخيرا

رولا ابتسمت/طب يلا حط الأطباق ف غساله الأطباق بدل ما انت واقف كدا

سيف وهو بيحط الأطباق ف غساله الأطباق

سيف/في حد بيشكر التاني كدا

رولا ابتسمت وفريده دخلت المضبخ وميرا دخلت وراها

فريده ابتسمت/الكيك ال مامي عملاه تقريبا جاهز خلاص

وطلعته من الفرن وحطته ع الرخامه وبدأ تقطعه

ميرا /سيف هتدوق كيك بقي من ايد احلام مش قادره اقولك قد اي تحفه

سيف ابتسم/بعد الأكل ال كلته ع العشا انا اتطمنت ع المستوي خلاص

رولا ابتسمت

ميرا/رولا برضو بتعرف تعمل كيك ع فكره

سيف ب استغراب/دا بجد

فريده ابتسمت/اه اتعلمت من مامي

سيف/مستحيل اصدق

رولا بصتله بغيظ/دا ليه بقي ان شاءالله..انا ابان فاشله؟

سيف/لالا ليه العصبيه ما احنا كنا كويسين.انا بقول مستحيل اصدق انك تعملي حاجه وحشه اكيد هيبقي حلو يعني

رولا/اه بحسب

ميرا ضحكت وفريده ابتسمت

عند السفرا

ادم قاعد ساكت

احلام /مالك ي حبيبي ساكت ليه

ادم/لسه مش مستوعب ال حصل..مش مستوعب ان بنتي كان ممكن يحصل لها حاجه امبارح وتتصاب.. لو دا حصل انا ممكن اروح فيها..اعمل ايه ي احلام علشان عيالي يبقو خير وميتأذوش..احبسهم جمبي ف البيت؟

احلام اتنهدت بحزن ومسكت ايده

احلام/الحمد لله قدر ولطف.. بنتنا زي الفل وبخير الحمد لله

ادم اتنهد وباس ايد احلام

احلام ابتسمت/فاكر لما التلاته تمو ال 6 سنين وكان لازم يروحو المدرسه ل اول مره..وانت كنت خايف عليهم وشايفهم لسه صغيرين وقاعد تنصحهم وتنبه عليهم ياخدو بالهم من نفسهم ولو حصل اي حاجه يجرو يحكو لك

ادم ابتسم/كنت عايز أأجل لهم الدراسه كمان سنه لما يكبرو اكتر

احلام ابتسمت/لو عليك حابب تحبسهم ف حضنك ومتخرجهمش برا ابدا...امال لما يتجوزو هتعمل ايه

ادم بغيره/مين دول ال يتجوزو..انا بناتي لسه صغيره ومحدش هياخدهم مني

احلام ابتسمت/دا ربنا يستر هتبقي حمي صعب خالص

ادم /دا لو بقيت حمي اصلا. بناتي هيفضلو جمبي محدش يستاهل شعره منهم

احلام ابتسمت

ادم/بفكر اشغل سيف يبقي حارس شخصي ل رولا.. هو من جواه شخص محترم وكويس وبعد ال عمله مع رولا انا واثق انه هياخد باله منها كويس

احلام/تفتكر رولا هتتقبل دا ..ان يبقي في حد فوق دماغها ديما و مقيد حريتها ..هي مش متعوده

ادم/انا هقوله يشتغل معانا مخصوص علشان يبقي فوق دماغها و معاها ف كل خطوه سواء ف الجامعه او ف الاسطبل او ف الكورسات والشوبنج ..لان انا مش عارف اركز ف شغلي ولا ف اي حاجه ..تفكيري كله ف رولا وقلقان عليها..فريده كدا كدا عاقله وبعيده عن المشاكل و ف اي حاجه بترجعلي..وميرا اه احيانا عصبيه وتسرع وساعات بتتصرف ب تلقائيه بس مش زي رولا خالص.. ع الاقل ميرا لو حصل معاها اي حاجه بتخاف وتتوتر وبتقولي انا اتصرف وبتتجنب المشاكل اما

رولا بتتصرف من دماغها ديما وعصبيه و عنيده ودا بيوقعها ف مشاكل ديما وخايف عليها..انا عارف انها تعمدت امبارح متقولش ان في حفله ف الكافيه علشان عارفه اني مش هوافق

احلام اتنهدت/معاك حق ..فكره ان سيف يبقي موجود مخصوص ل حمايه رولا فكره كويسه ..وفعلا هو باين عليه شخص محترم

ادم اتنهد/انا هتكلم معاه

احلام مسكت وشه ب ايدها وبصت ب عينه

احلام/وانت متضايقش نفسك ي حبيبي ماشي؟كل حاجه هتبقي كويسه والله ..وبناتنا مسيرهم يعقلو ويتصرفو ب حكمه زي اختهم الكبيره.. اهم حاجه انت متزعلش

ادم شد الكرسي ال هي قاعده عليه وقربها منه/مش زعلان

.انا بس خايف عليهم..مهما عملو مشاكل هما و ياسين ويغلطو انا هفضل اصلح والم وراهم من غير ما امل ولا ازهق

انتو حياتي كلها اهم حاجه عندي تبقو جمبي وبخير .

وباس راسها

احلام ابتسمت/ربنا يخليك لينا يارب

ادم ابتسم وباس ايدها

و رولا وسيف خرجو من المضبخ

وفريده و ميرا خرجو وراهم وشايلين صينيه الكيك والأطباق

سيف ورولا قعدو

فريده ابتسمت/الكيك ال مامي عملاه جاهز

وبدأت تحط ف الأطباق

احلام/حطي حطي ل سيف كتير

وخدت طبق وحطت فيه كيك ل سيف كتير

سيف /لالا ايه كل دا..دا كتير ي احلام هانم

ادم/مش كتير ولا حاجه كول

سيف ابتسم/حاضر

و خد الطبق وبدأ ياكل

وفريده غرفت طبق ل ادم

ميرا /طيب وانا كمان عايزه قبل ما يخلص

ادم خد طبقو وحطه قدام ميرا

ميرا ابتسمت وبدأت تاكل

وفريده واحلام غرفو ل رولا وادم وفريده قعدت والكل بدأ ياكل الحلويات

سيف/حلو اوي نفس حلاوه الاكل بالضبط.. تسلم ايدك

احلام ابتسمت/الف هنا

ميرا وهي بتاكل الحلويات/تحفه

ادم/محتاجين نرجع نظبط اكلك للحلويات دا علشان كدا مبقاش نافع

احلام/بباكي معاه حق ي ميرا..بتاكلي تشيز كيك وحلويات كتير ف اليوم.لو مظبطتيش الموضوع دا هتتعبي لقدر الله

ميرا ب اعتراض /لا إلا الحلويات بجد انا مش هقدر اعيش من غير ما أكلها...اطلبو مني اي حاجه الا كدا

ورجعت تاكل الكيك تاني

ادم اتنهد

ميرا/وبعدين انا طالعه لك ي مامي ما انتي بتاكلي تشيز كيك ديما

احلام هزت راسها بمعني مفيش فايده

رولا /بابي

ادم/نعم

رولا /انا عارفه انك قولتلي مش زعلان بس انا عارفه انك زعلان مني علشان خبيت عليك امبارح ومقولتش قصدا ان فيه حفله..يمكن لو كنت قولت لك مكنش حصل ال حصل

ادم/انا لما بمنع حاجه او برفض حاجه بيبقي علشان خايف عليكم..علشان عارف انكم مش هتبقو ف امان او مش كويسين..وانتي شوفتي ب نفسك ال حصل

رولا/معاك حق..انا اسفه.. وعد مش هخبي اي حاجه تاني

ادم ابتسم/تعالي

رولا قامت بابتسامه وحضنته و ادم حضنها بقوه وباس راسها

سيف ابتسم

رولا/انا بموت فيك

ادم /مش اكتر مني والله

احلام ابتسمت و رولا طلعت من حضن ادم وباست خده وادم باس ايدها

ورولا رجعت قعدت مكانها تاني

ياسين نزل من غرفته بعد ما غير هدومه

ياسين بابتسامه/ايه دا ايه حلويات احلام المفضله عندي

وخد شوكه وبدأ ياكل من طبق رولا

رولا شالت الطبق بعيد عنه

رولا/وسع ي حبيبي دا الطبق بتاعي

ياسين بص ل ادم/عاجبك كدا حركات بنتك دي

سيف ابتسم

ادم/معاها حق بتاخد من طبقها ليه عندك كتير اهو

ياسين/متبقاش بابا لو غلطت بناتك والله ..كفايه دلع فيهم ي ادم والله الدلع هيبوظهم

ادم/والله م حد بايظ غيرك..انا بناتي مبتغلطش

رولا ابتسمت له غيظا فيه

ياسين بغيظ/قسما بالله همسكك ا

وبص ل ادم لقاه بيبص له بغضب

ياسين بخوف /وربنا بهزر..انا اسف

سيف ابتسم

احلام ابتسمت وحطت له كيك ف طبقه

احلام/اقعد يلا خد طبقك اهو

ياسين/انا هفكس ل صحابي واكل فعلا..مينفعش افوت الحلويات الجامده دي

وقعد ياكل و فضلو ياكلو كلهم ويتكلمو ويهزرو وسيف ابتسم واول مره يحس ب الاحتواء وانه ف وسط عيله بجد

بعد ساعه

سيف راح الاوضه بتاعته

احلام ف اوضتها

و رولا ف اوضتها بترتاح

و فريده وميرا قاعدين ف الصالون بيتفرجوا ع التلفزيون

في مكان للسهر

ادهم واقف ومأنكج ليلي

ادهم لابس قميص وبنطلون وليلي لابسه دريس بني كات وقصير لحد تحت الركبه ولابسه عليه بالطو فارو ولابسه هيلز

زين نزل من عربيته وكان لابس قميص ومشمر الايد وبنطلون كلاسيك و الأمن راح له بسرعه ياخد منه مفتاح العربيه يركنها

زين راح ل ادهم و ليلي

ادهم ابتسم /حمد لله ع السلامه ي زين بيه

زين/الله يسلمك ي اخويا

ليلي ابتسمت/اهلا وسهلا ب الحلو بتاعنا ..حمد لله ع السلامه

زين ابتسم/الله يسلمك ي ليلي

وسلم عليها

زين/ايه واصلين من بدري

ادهم بخبث/لسه واصلين حالا..ايه مجبتش بتول معاك ليه

زين بتوعد/اوعي تكون متخيل اني نسيت ال انت عملته فيا الفتره ال فاتت .. انا بس ال مشغول و لما افوق لك والله ل انتقم منك أشد انتقام

ادهم ضحك/انا مبسوط اني خدت حقي منك ع كل مره صحتني بدري فيها للشغل مع اني كنت ببقي نايم الفجر

ليلي وهي بتبص ب اعجاب ع الرجاله الحلوه ال بتدخل/تعالو نكمل كلامنا جوه بالمره نبص ع مناظر حلوه وتفتح النفس

زين ضحك

ليلي خبطت ادهم ع صدره /انت موقف سوقي ع فكره ي ادهم وانت جمبي وحلو كدا ..هيفتكروك حبيبي

ادهم ابتسم/دا شرف ليا

ليلي ضحكت

فجأه بتول نزلت من عربيتها وهي لابسه جيبه قصيره جدا و بلوزه كات وقصيره وعليها جاكيت وشاورت ل زين من بعيد بابتسامه

بتول بابتسامه/زينن

زين اتنهد /لا حول ولا قوة الا بالله

وابتسم لها بجامله

ليلي اتنهدت/ايه ال عرف الصفرا مكاننا ..انا مش قادره لها نهائي

ادهم عدل هدومه بثقه/انا

زين بصله بغضب

ادهم بابتسامه/انتقامي لسه مخلصش ي اخويا ي حبيبي

بتول راحت لهم وكانت هتبوس زين ..زين بعد عنها ك العاده وبتول سلمت ع ليلي و ادهم

بتول بابتسامه/مش هتتخيلو انتو وحشتوني قد أيه

ليلي /متخيلين طبعا حبيبتي

ادهم/يلا ي ليلي ندخل احنا ونسيب زين و بتول يدخلو مع بعض

ليلي/يلا ي بيبي بليز

ودخلو وادهم بعت بوسه ل زين ف الهوا وزين بصله بتوعد

بتول/اخص عليك ي زين ازاي اعرف من ادهم مش منك أن انتم هتسهرو هنا النهارده

وابتسمت له وبدأت تلعب ل شعرها

بتول/بس كدا كدا ادهم قالي ان انت مش هتعرف تسهر من غيري ف جيت لك ع طول

زين اتنهد

بعد شويه

ادهم قاعد عند البار وبيصيع مع بنت ك العاده وبيشربو

وليلي واقفه ف جمب بتغازل ف شاب

وبتول بترقص مع بنات وولاد

وزين قاعد لوحده بعد ما بتول اتحايلت عليه يرقص بس هو رفض وجمبه جاكيت ليلي و جاكيت بتول ال خلعوه

زين افتكر فريده وابتسم

ليلي راحت له و ف ايدها عصير

ليلي/تسمح لي اقعد معاك انت وافكارك

زين ابتسم/اكيد طبعا ي ليلي

ليلي قعدت

ليلي/ايه قاعد لوحدك بتفكر ف ايه احنا جايين نفضي دماغنا من وجا دماغ الشغل

زين/مفيش قولت اسيب كل واحده ينبسط ب طريقته واقعد مع نفسي شويه

ليلي ابتسمت بخبث/فريده لو كانت جت معانا كنا هننبسط اكتر

زين ابتسم

ليلي بخبث/ما تتصل بيها تيجي

زين/مش احنا عرضنا عليها ف الشركه وهي رفضت

ليلي/جرب تاني...ولو ع مامتها قول لها متشليش هم ليلي هتتصل بيها تقنعها

في الكومباوند

وموبايل فريده رن وكان زين

فريده ابتسمت

ميرا بصت لها وبعدين بصت ف التليفون

ميرا بابتسامه/الله الله .. زين بيه بيتصل بيكي ليه ي تري

فريده ابتسمت/مش عارفه

ميرا بابتسامه/شكلك وحشتيه

فريده ضربت ايدها/اخرسي يبت..مفيش حاجه من ال ف دماغك دي ..زين مجرد مديري ال بيدربني ف الشركه وبس

ميرا ابتسمت/اها ..طب روحي روحي ردي ع مديرك

فريده ابتسمت وقامت ردت ع زين بعيد عن دوشه التلفزيون

فريده /الو

زين/صحيتك من النوم

فريده ابتسمت/لالا ابدا انا لسه منمتش

زين/انا قاعد سهران مع ليلي وادهم ..ايه رايك تيجي..يعني لو حابه ممكن اجي اخدك فورا

فريده ابتسمت/ياريت والله بس مستحيل بابي يوافق

زين /ليلي قالت لي هتعرف تقنع مامتك ..احم يعني لو حابه

فريده ابتسمت/شكرا ع اقتراحك بس صدقني مستحيل يوافقو اهلي وانا عرفاهم ..بالذات ان اخري بره البيت 10

زين ابتسم/تمام..تتعوض مره تانيه ان شاءالله

فريده ابتسمت/سلملي ع ليلي

زين /اكيد

وخلصوا كلام وفريده راحت ل ميرا بابتسامه

ميرا بتغني بخبث/ي سلام ع الحب .

لما يدق ..بابك فجأه

فريده جابت مخده ورمتها عليها

وميرا ضحكت

عند زين وليلي

زين خلص المكالمه

ليلي ابتسمت وهي بتشرب عصير/ها قالت لك ايه

زين/بباها مستحيل يوافق و لازم تبقي ف البيت قبل ١٠

ليلي ابتسمت وهي بتهوي ع نفسها ب المروحه/واووو..حبيت والله...يعني الواحد يبص عليها من برا يقول واحده غنيه زيها ومتدلعه اكيد بتعمل كل حاجه من غير حدود

بس طلعت اخرها برا 10

زين ابتسم و بتول راحت لهم بعد ما سمعت آخر كام جمله وهي بتقعد

بتول جابت عصير من ع الطربيزه بغيره

بتول ابتسمت/مين اخرها برا البيت 10

ليلي ابتسمت غيظا ف بتول/فريده ي بيبي...زين اتصل بيها أصر عليها اصرار رهيب تيجي تسهر معانا بس هي للاسف بباها معودها ممنوع تسهر وآخرها برا البيت 10

بتول بسخريه /معقوله الكلام دا ..احنا عايشين ف انهي عصر يعني ..وبعدين دي كبيره مش عيله صغيره

ليلي ابتسمت /ايه المشكله.يعني حلوه ..ومتواضعه..ومتربيه كمان ولا بتشرب ولا بتسهر ...يعني perfect بيبي(مثاليه)

بتول شدت المروحه من ليلي بغل وغيظ وبتهوي ع نفسها بغيره

بتول عايزه تطرق ليلي علشان تبقي مع زين لوحدهم

بتول/احم ليلي ..ما تروحي تشربي حاجه بيقولو عاملين مشاريب هنا جديده تحفه

ليلي شدت منها المروحه بتاعتها ليلي/انا مش متحركه من مكاني ي بيبي انا عارفه هدفك ايه ف مش هناولهولك

بتول بصت لها بغيظ

وليلي بتهوي ع نفسها شافت شاب حلو اوي من بعيد بيبتسم لها

ليلي وهي بتبص له ب اعجاب/او غيرت راايي ..انا ماشيه باي

وقامت ومشيت

بتول ابتسمت/احم..ازيك ي زين..بقالنا كام يوم مبنتكلمش

زين/انا الحمد لله

بتول بتأثر

بتول/انا بجد مش عارفه ازاي صدقت انك ع علاقه ب البنت دي ..افكر مجنونه فعلا

زين اتنهد/رجعنا ل نفس الموضوع تاني

وكان هيقوم بتول مسكت دراعه قبل ما يقوم

بتول بخبث وتأثر كاذب/لاء انا مقصدش والله ..بس البنت دي غريبه فعلا ..مبينه لكم الوش البرئ الكيوت ال بتحب كل الناس. إنما هي قليله الزوق ل ابعد الحدود. انت متخيل ان واحده من الموظفين ال بيساعدوني سمعتها بتتكلم ف التليفون وبتقول انا مسكت موظفه شرشحتها شكلها متعرفش انا مين وبنت مين ! هي

زين/

بتول/يعني انا شكلها كدا انا مش اول واحده تقلل ادب معاها..اكيد بتعمل كدا مع كل الموظفين ..شكل قلبها جامد علشان معاها واسطه كبيره ..ومش اي واسطه مامتها بتملك نص الشركه

زين كان بيمسع الكلام وساكت

بتول ابتسمت بخبث لان زين صدق الكلام

زين قام وخد مفاتيح عربيته والموبايل من ع الطربيزه

بتول/ايه دا زين رايح فين

زين/صدعت شويه وهروح

ومشي

وبتول ابتسمت ب انتصار/والله طردك من الشركه دا هيبقي ع ايدي ي ال اسمك فريده انتي ...وعرفيني بقي واسطتك هتنفعك ازاي

وشربت شويه من المشروب

في اوضه سيف

غير هدومه وقعد ع الكنبه

ادم خبط و دخل الاوضه

سيف قام من ع الكنبه

سيف/اتفضل ي ادم بيه

ادم قفل الباب وراح له

ادم/كنت عايز اتكلم معاك ف موضوع كدا

سيف/اكيد طبعا اتفضل

ادم قعد ع الكنبه وسيف قعد جمبه

ادم/بما انك قاعد هنا فتره بعد ما اتفقنا انا وبباك ع كدا ..انا عايزك تشتغل معايا بدل ما انت قاعد كدا..بالمره تعرف تبعت فلوس ل اخواتك زي ما بتعمل

سيف/..انا كنت عايز اسأل حضرتك سوال

ادم/قول

سيف/هو حضرتك ال بعت 60 الف ل اخواتي؟

ادم/اه لما موبايلك كان معايا شوفت الرساله من برا بالصدفه وعرفت انهم محتاجين فلوس ف بعتهم

سيف/ليه كدا ي ادم بيه..انا كنت هتصرف وابعت لهم الفلوس

حضرتك لو سبتني ارجع ل حياتي الطبيعيه ول شغلي انا هعرف اصرف عليهم زي ما بعمل وكنت هبعت لهم الفلوس..لان طلباتهم مبتخلصش وانا ملزم ب حاجات كتير

ادم/شغلك اي ال بتتكلم عنه؟مكان السهر ال انت عملته..اول حاجه دا فلوسه حرام تاني حاجه الفلوس ال بتيجي منه مبتكفيش حاجه وانت عارف..اشتغل معايا وانا هديلك مرتب محترم يصرف ع اخواتك

سيف/هشتغل ايه؟اعذرني يعني اي ادم بيه انا متصرفش ع تعليمي زي ما ولاد حضرتك مصروف عليهم.انا علامي ع قدي.. يعني ولا هعرف اشتغل ف شركه من شريكاتك ولا مستشفى من بتوع حضرتك

ادم/هتشتغل حارس ل رولا بنتي...عايزك تبقي موجود معاها ف كل خطوه

سيف/هي رولا بنت حضرتك محتاجه حمايه فعلا

ادم بصله

سيف /احم هزرت ف الوقت الغلط بعتذر

ادم/هي كدا كدا مبتعرفش تسوق ف انت هتسوق عربيتها وتوصلها المكان ال هي عيزاه ..بس طبعا لو حبت تتصرف من دماغها وتروح اي مكان تاني انت هترفض وتبلغني

..انا عارف ان رولا بنتي عنيده شويه وانا مدلعها وهتتعبك ..محدش بيقدر عليها و ع اخواتها غيري..بس انت الشخص ال وحيد ال اقدر اثق فيه وهو موجود مع بنتي طول الوقت وبالاخص بعد ال عملته معاها

سيف/وهتسبني اخرج ف كل الاماكن ال ف الكومباوند وبرا الكومباوند براحتي؟يعني الحبس خلص

ادم/اه ..انا حابب اثق فيك ي سيف.. زي ما كنت بثق ف بباك وعمك الله يرحمه ..ياريت تبقي قد الثقه دي

سيف/تمام ي ادم بيه انا موافق هشتغل بس كام شهر..علشان ارجع لك حضرتك ال فلوس ال بعتها ل اخواتي و اختي تكمل جهازها ..بس بعدها همشي وهرجع ل حياتي الطبيعيه تاني..وهصرف ع اخواتي ب طريقتي زي ما كنت بعمل قبل كدا

في اليوم التالي

العصر

في الصالون

ادم واحلام قاعدين ع الكنبه بيشربو حاجه دافيه ومتغطيين

ادم ضحك

احلام بتحذير/ع فكره انا بتكلم بكل جديه ..والله اطوب عليكم ف الشركه ف اي لحظه علشان تبقي عارف

ادم ابتسم/لاء منا عارف ..ما انتي عملتيها كتير زمان ولا ناسيه

احلام بغيره/ايوا علشان الموظفات قليله الادب ال عندك دي محتاجه ربايه من اول وجديد ..وكلهم صغيرين وحلوين كمان

ادم ابتسم وقرب منها/ما انت صغير وحلو برضو..هو في احلي من كدا

احلام ابتسمت/ي سلام ..لا ي حبيبي اكيد عندك بنات ف الشغل احلي مني بكتير

ادم ابتسم ومسك ايدها/انتي مبتبصيش ع نفسك ف المرايه ولا ايه..دا انتي لسه صغيره وزي القمر ..وكل يوم بتحلوي اكتر

وباس ايدها

احلام ابتسمت وبصت ف عينه/بجد ي ادم

ادم ابتسم وباصص ف عيونها/بجد ي عيون ادم..عمر ما واحده تقدر تملي عيني غيرك ..وكل يوم بعشقك اكتر من اليوم ال قبله

احلام ابتسمت وباست خده

و ادم خدها ف حضنه وباس راسها

رولا نزلت من غرفتها وهي لابسه بلوفر نبيتي اوفر سايز وبنطلون سكيني جينز

رولا /انا خارجه مع صحابي زي ما قولت لك ي بابي..عايزين حاجه

ادم/رولا تعالي عايزك دقيقه

رولا راحت له/نعم ي بابي

ادم /تعالي اقعدي

رولا راحت قعدت ع الكنبه قصادهم

ادم/سيف هيشتغل معانا هنا بعد كدا ..هيبقي حارس شخصي ليكي يبقي معاكي ع طول يسوق لك عربيتك وياخد باله منك

رولا /ايه ؟سيف ويبقي حارس شخصي ليا ليه ي بابي وفين عمو كمال

ادم/اخد اجازه علشان تعبان شويه

رولا/بس ي بابي انا مش عايزه حارس شخصي انا ...مش عايزه حد ...ولو ع السواقه اي حد من من ال شغالين عندنا ال ف الجنينه يوصلني او اخواتي ي أما أوبر

ادم/و ع ايه كل دا؟ سيف موجود..هيوصلك بعد كدا كل الاماكن ال انتي عيزاها وف نفس الوقت ياخد باله منك علشان ابقي مطمن

رولا/جايب لي حارس شخصي دا معناه انك شايفني مش مسئوله ي بابي صح؟

ادم/معناه اني خايف عليكي وعايز حد ياخد باله منك ويوصلك ال مكان ال انتي عيزاه

.فين المشكلة

رولا بغضب بس طبعا من غير ما تعلي صوتها لان ممنوع حد يرفع صوته قدام ادم

رولا /المشكله ي بابي ان انت جايبه يراقبني مش يبقي مجرد بس سواق. لان لو ع السواقه ف أمرها سهل ممكن عادي اي حد يوصلني من البودي جارد ال برا

ادم/رولا ...دا النظام بعد كدا و ياريت تتعودي..سيف هيبقي معاكي ف كل خطوه و ف كل مكان ومفيش اي حد هيوصلك غيرو .ومش هتطلبي تاكسي ولا أوبر... يعني اعتبريه الحارس الشخصي بتاعك ..ولو ال بيحصل دا مش عاجبك خلاص سهله .اقعدي ف البيت متخرجيش

رولا بغضب/تمام عن اذنكم

وطلعت برا البيت

ادم اتنهد

احلام/متقلقش ..شويه وهتتعود ع الوضع دا

وباست خده و ادم خدها ف حضنه وباس راسها

رولا كانت هتخرج من الكومباوند بغضب

سيف راح لها

سيف/رولا

رولا وقفت وبصت له

رولا/عايز ايه

سيف ابتسم/طالما متعصبه كدا يبقي ادم بيه قالك ع الاخبار الحلوه ..من النهارده للاسف هنتعامل كتير مع بعض يعني مضطره تستحمليني

رولا/لا انسي .. انا كدا كدا قولت ل بابي انا مش عايزه حراسه علشان انا مبحبش المرافقه ف عن اذنك انا ماشيه

وكانت هتمشي سيف وقف قصادها منعها

سيف/والله مسألتش عن رأيك انتي كدا كدا لازم تيجي معايا

رولا ربعت ايدها بغضب/دا ليه بقي ان شاءالله؟ علشان تحميني؟ ..شكرا أنا مش محتاجه حمايه والله اعرف ادافع عن نفسي كويس اوي وبعدين هو انت بقي بابي قالك تبقي سواقي بس ولا تراقبني

سيف ابتسم/ليه بس العصبيه انا توقعت ان علاقتنا اتحسنت مؤخرا خلاص

رولا بغيظ/قولت لك مفيش علاقه من الاساس علشان تتصلح..وياريت تقول ل بابي انك مش عايز تبقي حارس شخصي ليا علشان نخلص من الموضوع دا..مبحبش اكون متراقبه انا

سيف /بصي انا مش جاي اراقب حد .. انا بنفذ اوامر ادم بيه.هو ال قالي انت حارس ل رولا من النهارده وانا مش ممنون والله من الحاله ال انا فيها انا مجبر زي زيك بنفذ اوامر وبس

رولا بغضب/ع اساس انت يومين وهتخرج من حياتي..دا محصلش ليه مش فاهمه

سيف /اضطريت اقعد هنا فتره ..متقلقيش مش مطول وهتخلصي مني..ياريت بقي نستحمل بعض ال كام يوم الجايين لحد ما امشي لان والله مش مبسوط ان سايب شغلي وحياتي وبيتي وبشتغل سواق هنا ف زقي معايا الدنيا

رولا بغضب /لاء انت متتكلمش معايا ب الأسلوب دا اصلا واحترم نفسك

وربعت ايدها بثقه علشان تضايقه وتطفشه/طالما مضطرين نستحمل بعض بجد او انا مضطره استحمل اشوف وشك كل يوم ياريت تلتزم الحدود ما بينا وتقولي رولا هانم زيك زي اي حد شغال عند بابي هنا

سيف بغيظ مكتوب/تمام ي رولا هانم من عنينا الاتنين..تحبي اوصلك ل مكان معين

رولا /لا شكرا

انا هروح اخد تاكسي

وكانت هتمشي سيف وقف قصادها منعها

سيف/كان ع عيني والله بس ممنوع ..ي أنا ال اوصلك ي تتفضلي ترجعي البيت..ي رولا هانم

رولا بغضب/مش من حقك تقولي اركب تاكسي ولا مركبش انت مالك

سيف/زي ما قولت لك انا بنفذ الأوامر ..ودي أوامر من ادم بيه مقدرش اعصيها..ف ي تتفضلي تركبي ي ترجعي البيت

رولا واقفه بصاله بغضب

سيف/انا قولت كدا برضو

وفتح لها الباب ال ورا ورولا ركبت بغيظ وغضب وسيف ابتسم وقفل الباب وراح ركب العربيه

بعد شويه

سيف سايق و رولا قاعده ف الكرسي ال ورا مربعه ايدها بغضب

سيف وصل قدام الكافيه ال هي قالت له عليه

رولا نزلت من العربيه وسيف نزل

رولا بتحاول تتخلص منه وجات لها فكره

رولا ابتسمت /محتاجه اقولك ان انا هتأخر جوه ف انت ممكن ترجع الكومباوند ولما اخلص تيجي تاخدني.يعني حرام تستناني كل دا ف البرد واكيد هتزهق ..ولا ايه

سيف /لالا متقلقيش عليا معنديش مشكله استناكي للصبح هنا

رولا اتعصبت من بروده

رولا بغيظ/اوك استني للصبح بقي

ودخلت الكافيه لأصحابها

وسيف سند ع العربيه يستناها والمطعم الازاز بتاعه شفاف ف هو شايف رولا من جوه وهي بتسلم ع صحابها

رولا قاعده ع طربيزه مع اتنين صحابها

وطلبت حاجه تشربها

هايدي/وحشتينا اوي بجد..بقالنا كتير متقابلناش

دنيا/انتي مالك باين عليكي متضايقه ليه

رولا بغضب/بابي جابلي سيف حارس شخصي هيبقي معايا ديما ويوصلني المكان ال عيزاه ..واقف عند عربيتي هناك اهو

هايدي و دنيا بصو مع بعض ع سيف ال واقف ساند ع العربيه برا

هايدي ابتسمت/ايه دا..دا سيف فعلا ..هيبقي حارس شخصي ليكي معقوله

رولا/اه

دنيا/ بس انا مفهمتش عمو كمال فين

هايدي ضحكت/اكيد اونكل ادم شاف ان عمو كمال ميقدرش ع رولا ..ف جاب لها سيف الشخصيه الكاريزما دا

رولا بصت لها بغضب

هايدي بخوف/احم اسفه

دنيا ابتسمت/خلاص ي ام عيون شيطانيه انتي متضايقيش نفسك ..زيه زي اي سواق يعني اعتبريه عمو كمال

رولا بغيظ/دا مش زي عمو كمال.. عمو كمال مكنش بيتدخل ف قرراتي ولما كنت بقوله يرجع البيت لما اخلص كان بيرجع ..أما دا هيلزق فيها ٢٤ ساعه .بيراقبني بمعني أصح..بس انا هطفشه من حياتي كدا كدا

والجارسون جه حط لهم الايس لاتيه ومشي والبنات بتشرب وبيتكلمو

و في تلت شباب ف الطربيزه ال جمبهم قاعدين يبصو لهم من اول ما قعدو ورولا بتحاول تتجاهلهم وتسيطر ع اعصابها

دنيا/امتحانات الميد ترم هتخلص وهنرتاح اخيرا

هايدي/مش هنسافر بقي سفريه حلوه ولا ايه

دنيا/ياريت بس اونكل ادم مبيوافقش رولا تسافر لوحدها

رولا /للاسف..تعالو انتو سافرو معانا

هايدي ابتسمت/ياريت والله ..ع الاقل بباكي هيودينا اجمد واغلي الاماكن

دنيا ابتسمت/صح والله

رولا ابتسمت

وبعدين اتنهدت بغضب

هايدي/في ايه..الشباب لسه بتبص برضو

رولا/هاين عليا اقوم اخزق عنيهم بس مش قادره اتعاقب تاني لو بابي عرف

دنيا/فكك منهم احنا شويه وهنمشي اصلا

فجأه الجارسون راح لهم وف ايده صينيه فيها تلت كوبيات عصير وكان هينزلهم ع الطربيزه

رولا/لحظه بس. احنا مطلبناش عصير

الجارسون/الاساتذه ال هناك دول طلبوه ل حضراتكم ودفعو حقو

رولا و هايدي و دنيا بصو عليهم والتلت شباب ابتسمو لهم وشاورو لهم

رولا /حلو اوي ..كدا حلو اوي

هايدي بتوتر/رولا اعقلي

رولا ابتسمت للجارسون/تقدر تنزل العصير عادي

الجارسون حط العصير و رولا طلعت الفيزا

رولا/عليا انا ي بنات المره دي

وحاسبت الجارسون ع الايس كوفي ال شربوه

والجارسون مشي

رولا خدت كوبايه وقامت

دنيا/رولا اهدي

رولا عدلت شعرها/انا ف قمه هدوئي

وراحت ناحيتهم وهايدي و دنيا راحو وراها بسرعه

رولا ابتسمت/مين فيكم ال طلب لنا العصير

شاب ١ ابتسم/أنا ..بس اعتبريه مننا كلنا يعني

شاب ٢ ابتسم/دي حاجه بسيطه تعبر عن اعجابنا بيكم يعني.. وانتو حلوين وزي القمر كدا

شاب ٣ بصلهم ب اعجاب و بجاحه

رولا ابتسمت/مفهوم طبعا

ورمت العصير ف وش الشاب 1

و هايدي و دنيا حطو ايدهم ع فمهم بصدمه

والناس بدأت تتفرج

الشاب 1 بصدمه /ايه ال انتي هببتيه دا ي مجنونه

رولا بعصبيه/علشان تبقي اخر مره تفكر فيها تشقط بنات محترمه ي حي_وان

الشاب ال اتدلق عليه العصير بيمسح ب المناديل بغضب

الشاب/قسما بالله ل ادفعك التمن غالي

وقام وكان هيروح لها فجأه لقي سيف ف وشه وخبي رولا ف ضهره ووقف ف وش الشباب

سيف بغضب/ايه ال بيحصل هنا

الشاب 2 /أنت مين انت كمان

شاب 1 بغضب /انت بتدخل ليه اصلا..اوعي كدة

وحاول يروح ل رولا سيف مسكه من هدومه بغضب وضربه ب الروسيه والشاب وقع ع الارض بوجع و كل ال ف المكان قامو و دنيا وهايدي حطو ايدهم ع فمهم بصدمه

شاب 2 قرب منه

سيف مسك دراعه لواه ورا ضهره ووقعه ع الأرض

شاب 3 كان هيقرب منه سيف ضربه بوكس ف وشه ووقع ع الارض

شاب 1 رفع ايده /بس بس محصلش حاجه ل كل دا ..مكناش نعرف انهم يخصوك ي معلم ..اعتبر ال حصل محصلش.

و حاول يقوم صاحبه ال واقعين ع الارض

سيف ل رولا/ياريت تتفضلي قدامي ي رولا هانم

رولا خدت شنطتها من ع الطربيزه و خدت صحابها ومشيو قدام سيف وطلعو من المطعم

رولا/تعالو اوصلكم

هايدي/لا ي حبيبتي روحي انتي انا معايا عربيتي

دنيا/باي

رولا/باي

ومشيو راحو عربيتهم

ورولا وسيف راحو ع العربيه

سيف فتح باب العربيه ل رولا و رولا ركبت العربيه

سيف قفل الباب وراح يركب

بعد شويه

سايق العربيه بتجاهه البيت و رولا راكبه ورا

رولا بصتله بغضب/ممكن افهم ايه ال انت عملته دا

سيف وهو مركز ف السواقه/عملت ايه

رولا بغضب/بتدخل ف حياتي ليه مش فاهمه؟ انا قولت ل محتاجه مساعده؟علشان تدخل الكافيه وتعمل ال انت عملته دا.

سيف /انا بعمل شغلي ..وشغلي انك تفضلي ف امان زي ما قولت لك

رولا هتجنن من بروده

رولا بعصبيه/شغلك ان انت توصلني المكان ال عيزاه وبس ..وبعدين انا مكنتش محتاجه مساعده ع فكره كنت هتصرف انا عادي انا مش صغيره

سيف بعصبيه /ياريت متعليش صوتك قدامي..انا صحيح شغال عند بباكي بس مش معني دا انك تكلميني ب الأسلوب دا نهائي ..وبعدين واضح فعلا انك مش محتاجه مساعده..باين من ال حصل جوه من شويه

رولا بغيظ/متعليش صوتك عليا انت فاهم ولالا .وبعدين قصدك ايه يعني ..قصدك ان انا عيله صغيره و مبعرفش اتصرف ب عقل؟

سيف بغضب /اه فعلا دي تصرفات عيله صغيره ودا مش منظر واحده عندها ٢٠ سنه وعاقله تماما...ديما بتحبي تدوري ع المشاكل وتروحي تحطي نفسك فيها ..بتتخانقي مع تلت شباب ف كافيه انا مش قادر اصدق

رولا بعصبيه/انت مالك اصلا...انت مالك وازاي تكلمني ب الاسلوب دا .. متكلمنيش ب الاسلوب دا مره تانيه ..وانا هقول ل بابي ع فكره انا مش مضطره استحمل الوضع دا

سيف/تمام ياريت تقولي له فعلا..بس معتقدش يجيب اللوم عليا واللوم هيبقي عليكي انتي..بس احنا نحكيله وهو يحكم

رولا ربعت ايدها بغضب

رولا /احم عايز تقول ل بابي قوله انا مش هخاف منك يعني انا مبتهددش

سيف/تمام هنشوف

رولا بغيظ سندت ضهرها ع الكنبه

وبعد شويه سيف وصل الكومباوند

رولا كانت هتنزل

رولا/احم ..انت هتقول ل بابي ع ال حصل دا؟

سيف بصلها من المرايه/ع اساس مش خايفه ومبتتهدديش

رولا بغيظ/اصلا براحتك عايز تقوله قوله

ونزلت من العربيه وسيف نزل من العربيه و رولا كانت هتمشي بس راحت له تاني

رولا اتنهدت/هتقوله ولالا

سيف/متقلقيش ..اكيد مش كل ما يحصل مشكله شبهه كدا هروح اقول ل ادم بيه واقلقه عليكي

رولا بغيظ/تمام عن اذنك

ودخلت البيت وسيف ابتسم وهز راسه بمعني مفيش فايده

سيف/شكلنا هنشوف ايام ما يعلم بيها الا ربنا

بعد ساعه

في الكومباوند

فريده قاعده ف اوضه الرسم بتاعتها ال بتطل ع البسين والجنينه وبترسم

وميرا قاعده ماسكه الموبايل

رولا دخلت وقعدت معاهم بعد ما خدت شاور وغيرت هدومها

فريده /داخله كدا من غير مساء الخير ولا ازيكم ولا اي حاجه

رولا ربعت ايدها بغضب/سبوني دلوقتي علشان انا ع اخري

ميرا /ايه ال حصل

رولا بغضب/كلامكم طلع صح

بابي قال ل سيف دا يبقي حارس شخصي ليا و يبقي معايا فوق راسي ديما

فريده/اهااا علشان كدا انتي راجعه متعصبه

ميرا/ربنا يسامحك ..حد يبقي سواقه وحارسه الشخصي مز وقمر كدا ويزعل ..شكلك كنتي حابه عمو كمال

ميرا وفريده ضحكو و رولا بصت لهم بغضب

فريده وميرا سكتو بسرعه

فريده/احم ..انا لازم اروح انام علشان التدريب بكره ..تصبحو ع خير

وسابت ال لوحه وقامت

ميرا/خوديني معاكي قبل ما تعمل فيا حاجه

وراحت معاها وطلعو برا الاوضه

رولا مربعه ايدها وباصه ع سيف بغضب

سيف بص لها و رولا قامت وطلعت من اوضه الرسم

في اليوم التالي صباحا

فريده و رولا وميرا طلعو من البيت

فريده/يلا انا هروح الشركه عايزين حاجه

رولا و ميرا/باي باي

فريده /باي

وركبت عربيتها وانطلقت

رولا/يلا علشان توصلينا الجامعه..انا مش هركب مع البني آدم دا

ميرا/طبعا لاء...عيزاني اسوق انا واتعب نفسي واحنا عندنا سواق حلو اوي كدا

وبصت ع سيف ال ساند ع العربيه

رولا ضربتها ف كتفها بغضب

رولا/احترمي نفسك

ميرا بوجع/اههه

رولا/مش فاهمه شايفينه حلو ع اي دا..دا دُب

ميرا/حرام عليكي دا دُب

رولا/والله ل اقول ل مراد ان انتي ماشيه تعاكسي الرجاله

ميرا/و ايه دخل مراد بقيي

رولا بتريقه/ و ايه دخل مراد بقي

رولا/ما انتي عارفه انه بيضايق منك لما بتتكلمي عن الشباب كدا من وانتم صغيرين

ميرا/خلاص سكتت ..بس تعالي بجد يوصلنا هو علشان مش قادره اسوق

رولا ربعت ايدها بغضب وهزت راسها ب لاء/مش هعمل كدا

ميرا ابتسمت/بس انا هعمل عادي

وراحت ناحيه سيف

رولا /م ميرا ..ز_فته

ميرا راحت ل سيف و سيف اتعدل و رولا راحت وراها

ميرا بابتسامه/سيف صباح الخير

سيف ابتسم/صباح الخير

ميرا ابتسمت/ممكن توصلني انا و رولا الجامعه علشان انا مش قادره اسوق

سيف/اكيد طبعا ..اتفضلو

وفتح الباب و ميرا شكرته وركبت

وسيف راح فتح الباب التاني ل رولا

ورولا ركبت بغيظ

وسيف راح يركب قدام ويسوق

وانطلق

الفصل

في شركه تصميم الأزياء

زين طلع من الاسانسير لقي ادهم و فريده واقفين يتكلمو مع بعض ويهزرو

زين واقف باصص عليهم بغيره

عدل ياقه القميص وحاول يخفي غضبه

وعدي عليهم وراح مكتبه من غير ما يسلم وفريده استغربت

فريده/شكرا بجد ع المساعده لو كنت قعدت ادور ع الملف تلت ايام مش هلاقيه

ادهم ابتسم/هتفضلي تشكريني لحد امتي وبعدين مفيش الكلام دا بين الأخوات مش انتي اختي الصغيره برضو

فريده ابتسمت/اكيد

..المهم هروح اودي الالوان دي ل ليلي قبل ما تقتلنا كلنا

ادهم ضحك/انا رأيي كدا برضو

فريده ابتسمت /عن اذنك

ومشيت

و ادهم راح مكتب زين

بعد ربع ساعه

زين ف مكتبه و يارا و ليلي واقفين

زين بعصبيه رمي جرنال الاخبار ع المكتب

ويارا كانت واقفه مرعوبه

زين بعصبيه/ازاي فكره المشروع ال بقالنا شهر شغالين عليه مع العملا الايطاليين لحق يتسرب للشركه المنافسه..ازاي

ليلي/اهدي بس ي زين علشان نلاقي حل

زين بعصبيه/حل ايه هي دي فيها حل ي ليلي ..خلاص ما ز_فت المشروع اتسرب..يارا

يارا بخوف/نعم ي زين بيه

زين/اعرفيلي فورا مين ال سرب المشروع

يارا بلعت ريقها/و وانا هعرف ازاي ي زين بيه

زين بعصبيه/اتصرفي..هو انا ال هقولك

يارا بخوف/حاضر ..عن اذنك

ومشيت بسرعه

ليلي/انا هحاول اكلم كام حد اعرف منه برضو مين المشروع.وانت حاول تهدي ماشي؟

وكانت هتطلع ادهم دخل المكتب بسرعه

ادهم/انا عرفت مين ال فكره المشروع

زين و ليلي بصوله

زين/مين ي ادهم ما تنطق

ادهم/حد من الموظفين عندنا الشركه المنافسه اشترته ..الموظف الله اعلم عرف مضمون الاجتماع منين وسرب فكره المشروع للشركه المنافسه

عند فريده

واقفه بتلم تصاميم من ع مكتب ف الطرقه

بتول راحت لها بسخريه

بتول/كنت بدور عليكي

فريده بصت لها ب استغرب/ليه

بتول/علشان اوقفك عند حدك..وعلشان اقولك برضو ان حركات البنت البريئه الطيبه دي متمشيش عليا

فريده /انتي بتقولي ايه انتي

بتول بغيظ/شيلي زين من بالك..انتي فاهمه ؟

فريده اتنهدت وحاولت تهدي/استاذ زين يبقي الشخص ال بيدربني ف الشركه وبس ..يعني يعتبر مديري..مفيش حاجه بينا..اصلا انتي مين علشان تتكلمي معايا ب الأسلوب دا

بتول ضحكت/اوهه ..شايفه قلبك جامد علشان عندك واسطه

وبصت لها بغضب

بتول/طبعا من حقك تعملي كدا علشان مامتك صاحبه نص الشركه بس مش معايا انا الكلام دا ي روح قلبي..ومبكونش بتول لو مخلتكيش تنطردي من هنا قريب

فريده رمت التصاميم ال معاها ع المكتب بغضب ووقفت قصادها

فريده بعصبيه/مع اني عارفه انك مبتفهميش ب الكلام ..بس انا واحده مهتمه اتعلم واتدرب هنا بس مش اكتر.. مبجريش ورا حد زي ما بتقولي ..ومش قريبه من حد علشان ابعد

زين كان عايز موظفه ف حاجه وراح لهم وكان واقف ورا فريده و بتول شافته وابتسمت بخبث بس بينت غير كدا

فريده بنفس العصبيه/انتي ازاي اصلا تسمحي ل نفسك تتكلمي معايا ب الأسلوب دا ..انا ال مستغربه ازاي استاذ زين معجب بيكي ..ع ايه اصلا

بتول بتمثيل و زعل /بس انتي كدا بتجرحي مشاعري ي فريده ..أنا كنت جايه اصلا اعتذر لك ع سوء التفاهم ال حصل ف التويلت من اول يوم شوفنا بعض فيه..وبصي انتي بتتكلمي معايا ازاي ربنا يسامحك

فريده ب استغراب/تعتذري ايه وسوء تفاهم ايه ..انتي بتقولي ايه

بتول بصت ل زين ال واقف ورا فريده

بتول/اه زين انت هنا

فريده بصت وراها ب صدمه

فريده بتوتر/استاذ زين انا ا

زين بيحاول يهدي/تعالي ع مكتبي..فورا

ومشي

بتول ابتسمت ب انتصار

فريده بصت لها

وبتول شاورت لها باي باي

فريده راحت ورا زين بسرعه

بتول ضحكت ب انتصار وفرحه/yess

في مكتب زين

زين واقف ف مكتبه و فريده واقفه قدامه بتحاول تبرر له ال حصل

فريده /استاذ زين انت فاهم الموضوع غلط..لو سمحت اسمحلي اشرح لك

زين/انا سمعت ال سمعته

فريده /بس كان فيه قبله ا

زين بمقاطعه /انا برايي ال سمعته كفايه

فريده/انا بجد مش عارفه انت سمعت عني ايه او فهمت ايه بس حضرتك كدا فاهمني غلط..اسمعني ع الاقل

زين /ايه رأيك نسيبنا من ال سمعته ونركز ع ال شوفته من شويه

فريده بصت له بعدم فهم

وزين راح من عند مكتبه ووقف قصادها

زين/اول يوم جيتي في التدريب جيتي متأخر.. اتخانقتي مع الموديل الاولي للشركه ..فوق كل دا قللتي ادب معاها وهنتيها

فريده/

زين بغيره حاول اخفائها/

دا غير اني مش عايز اتكلم ع انك سايبه شغلك و قاعده تضحكي وتهزري مع المديرين هنا

فريده ب عدم فهم/هزاري مع مديرين؟ ..م مدير مين ال هزرت معاه انا مش فاهمه

زين/

فريده بفهم/ااه ..لو حضرتك قصدك ع استاذ ادهم ف هو ساعدني ف حاجه وانا كنت بشكره بس مش اكتر وا

زين بمقاطعه/و الأهم من كل دا انك محافظتيش ع سريه الاجتماع واتكلمتي من غير مسؤوليه قدام الموظفين وسربتي فكره المشروع ال اتقالت وبسببك اتنقلت للشركه المنافسه

فريده قربت منه ووقفت قصاده بجرأه

فريده بغضب/مستحيل اعمل حاجه شبهه كدا

زين/لو انتي لسه معتمده ع واسطه احلام هانم ف تبقي غلطانه

فريده بغضب/انت ال غلطان ي استاذ زين..علشان انت لسه متعرفنيش كويس ..انا مسمحلكش تتهمني ب الخيانه لاني عمري ف حياتي ما خنت حد ومستعده اثبت لك ان كلامك كله ظلم ..زي ما انا عمري ما اتخطيت حدودي معاك انا مسمحلكش ابدا ابدا تتخطي حدودك معايا

وكانت هتمشي من قدامه

زين /رايحه فين انا لسه مخلصتش كلامي

فريده وقفت بغضب/بس انا خلصت ...انا سمحت لك تستجوبني ف الحاجه الحصلت من شويه وحاولت ابرر علشان تصدقني وتعرف انك فاهم غلط مع اني مش مضطره ابرر لك ابدا ..كل دا تمام وعديته..بس مسمحلكش تتهمني ب الخيانه ي زين بيه ..وكمان هخون شركه مامتي!

زين/انا مقولتش انك خونتي شركه مامتك ورحتي قولتي للشركه المنفاسه ..انا قولت انك بعد الاجتماع اتكلمتي وهزرتي مع الموظفين ك العاده وحد سمعك وسرب المشروع للشركه المنافسه..هيكون مين غيرك عمل كدا ..اكيد مش اخويا و ليلي ال شغاله معانا من سنين..وبعدين انا اقول ال انا عايزه علشان انتي بتدربي معايا وأنا يعتبر مديرك

فريده راحت وقفت قصاده وبصت له /وانا مبقتش عايزه اتدرب.. يعني اعتبرني استقلت..ومبقتش مديري من النهارده

زين /احنا مبنلعبش هنا ي فريده ودا شغل مش لعب عيال..ومينفعش تقولي مش هتدرب تاني من غير موافقتي

فريده بجرأه/وانا مش طالبه موافقتك

زين/وهتقولي ل احلام هانم ايه بقي عنم الاستقاله

فريده بسخريه/اكيد هقول الحقيقه ..وانت ال لازم تفكري يتري هتقول اي ل مامتي و اونكل سالم لما الحقيقه تنكشف وتعرف انك ظلمتني..موقفك هيكون ايه؟

زين/

فريده مشيت من قدامه

وزين اتنفس بهدوء وحاول يهدي

وراح ضرب ع المكتب بغضب

في مكتب ادهم

سالم قاعد ع مكتب ادهم وقدامه لاب توب و ادهم واقفه جمبه وباصين ع صوره ف الاب توب

ادهم ب اعجاب/اوففف ي بابا

سالم ابتسم ب اعجاب/هو في حلاوه كدا ي ابني

ادهم/لاء مفيش ..دي لو اشتريناها هتبقي صفقه حلوه اوي

(صوره فيلا ف إيطاليا )

ادهم ابتسم وبص ل سالم/واهو ب المره لو حبيت تتجوز ولا حاجه تاخد المدام ع هناك ..ولا ايه ي سالم بيه

سالم ضحك/اتلم ي واد

زين دخل المكتب وباين عليه متضايق بس بيحاول يبين غير كدا وقعد ع الكرسي قصاد سالم

سالم بابتسامه/تعالي ي زين ي ابني شوف الفيلا الخطيره دي ال ف إيطاليا هتعجبك اوي

زين/

ادهم بص ل زين/كأن زين في حاجه مضيقاه ي بابا

سالم بص ل زين/مالك ي حبيبي حاجه حصلت

زين/احم ..البنت دي مش بتاعت تدريب ولا شغل اصلا وانا قولت لك بلاش انا ي بابا وبلاش تدرب معايا انا مليش ف الواسطه وانت ال اصريت

سالم/انا مفهمتش حاجه بنت مين

زين/فريده ادم الحديدي ال شايفه نفسها دي علشان بتملك نص الشركه

سالم/مالها ايه الحصل

زين بضيق حاول يداريه/ استقالت ومش هتيجي تدرب هنا تاني

سالم بصدمه/ايه؟ ليه ي زين ايه الحصل

زين/انا قولت لك من الاول بلاش وسايط لانهم بيكونو مش بتوع شغل ..تخيل اول ما كلمتها كلمتين علشان الشغل مستحملتش واستقالت

سالم بيحاول يفهم/طيب استقالت ليه؟

ادهم/انا اقولك السبب ي بابا ... زين اخويا مبيعرفش ازاي يتعامل مع البنات ..والبنت حساسه وديما متعوده ع معامله الهوانم ومبتقدرش تتحمل اسلوبه الحجر دا ال بيتعامل بيه مع الموظفين

سالم بص ل زين/الكلام دا صحيح ي زين

زين/انا كنت محترم جدا معاها ..وانت عارف ان ادهم بيحب يبالغ

سالم اتنهد/بص ي زين..انت عارف اني ع طول بحترم قراراتك ال بتخص الشغل ف الشركه ومبتدخلش فيها ابدا علشان عارف ان كل حاجه بتعملها بتبقي صح وف مصلحه الشركه..بس دلوقتي لازم افهم ايه الحصل..لان زي ما انت عارف بعيدا عن ان فريده بنت احلام وبيملكو نص الشركه

فريده غاليه عليا لان باباها ومامتها دول ناس محترمه جدا وأصدقائي من سنين

زين اتنهد

عند فريده

ف مكتبها بتلم حاجتها ب زعل ومش مصدقه ازاي زين يتتهمها اتهامات زي دي ومتضايقه انها سمحت له يتكلم معاها ب الأسلوب دا

يارا خبطت ودخلت

يارا/كنت بدور عليكي

فريده وهي بتلم حاجتها/انا سبت التدريب خلاص ي يارا

يارا/بس سالم بيه منتظر حضرتك ف مكتب ادهم بيه

بعد شويه ف مكتب ادهم

سالم قاعد ع كرسي المكتب و زين و فريده واقفين قصاده جمب بعض

سالم/بصو ي ولاد ..انا هنا مبتكلمش ب صفتي سالم بيه صاحب النص التاني للشركه او المدير....انا دلوقتي بتكلم بصفتي بباك ي زين و برضو زي والدك ي فريده بالضبط..زي ما قولت لك ي فريده بباكي ومامتك غاليين عليا وانتي ف غلاوتهم ب الضبط واكتر ..ف ياريت تحكولي ايه المشكله ال حصلت بينكم براحه علشان اعرف احلها

زين وفريده ساكتين

سالم بص ف زين/زين

زين وهو باصص قدامه/الهانم الاول

سالم بص ل فريده/فريده

فريده /الحقيقه ان ابن حضرتك ميعرفش اي حاجه عن الزوق والاحترام وتقريبا بيبقي محترم قدام حضرتك بس...بس معانا مبيتعاملش بيه ابدا

زين بصلها

فريده تجاهلته وكملت

فريده/وانا مش هتدرب تاني مع حد مبيحترمنيش..ومش مضطره اصلا استحمل دا

زين ل سالم/بابا انت عارف اني مبتكلمش بعدم احترام او قله زوق مع حد نهائي..بس ال غلط اكيد لازم يتعاقب..انا مبحبش الغلط ومبطقهوش

سالم بحزم/خلاص كفايه ..مش علشان قولت لكم انا هنا بصفتي اب تتخانقو قدامي زي الأطفال

زين وفريده ساكتين

سالم ل فريده/انا بس عايز اعرف حاجه واحده..انتي ليه استقلتي من التدريب ي بنتي

فريده بصت ل زين

وبعدين بصت ل سالم/ياريت حضرتك تسأله وهو يقولك

سالم اتنهد وبص ل زين/زين

زين/حست نفسها مش قد الشغل والتدريب..كانت مفكراه لعب عيال ف استقالت تصلح موقفها

فريده بصتله بغيظ/والله ؟و ايه هو الموقف ال انا استقلت علشان اصلحه

زين بصلها

سالم بنفاذ صبر/ما تحكولي وخلوني اعرف ايه البيحصل بقي زين/انا معنديش حاجه احكيها

فريده ل سالم /اونكل سالم خليه ع راحته ..اصلا مبيهمنيش اتكلم ولا فضل ساكت..انا فعلا غلطت اني قولت ل مامي تدربني هنا...بس انا مبسوطه اني اتعرفت ع حضرتك ..انا بس عايزه اطلب منك طلب

سالم/قوليلي ي حبيبتي

فريده/ياريت بس متقولش ل مامي دلوقتي اني سبت التدريب ف الشركه انا هقولها لما يجي الوقت المناسب

سالم اتنهد/اكيد طبعا متفهم دا

فريده/شكرا جدا ل حضرتك ..عن اذنك

سالم اتنهد/مع السلامه ي بنتي

فريده طلعت من المكتب

سالم/عجبك ال حصل دا

زين/انا معملتش حاجه ومغلطتش هي ال مش حابه تفضل هنا

عند فريده بعد ما طلعت من مكتب سالم راحت مكتبها تجيب شنطتها

طلعت من المكتب

وهي مش مركزه خبطت ف زين ال كان رايح مكتبه وزين مسكها بسرعه قبل ما تقع

زين بص ف عيونها/مش مركزه ك العاده

فريده بصت له بغضب وبعدت عنه وكانت هتمشي

زين/احم ..ليه مقولتيش ل بابا انا اتهمتك ب ايه ..ايه اتكسفتي؟

فريده وقفت قصاده بثقه وبصتله/وليه انت ال مقولتلوش ؟ولا علشان عارف انه مش صح

زين بصلها ف عينها

وفريده مشيت من قدامه و زين بصلها وهي بتمشي

و دخل مكتبه وحاسس انه مخنوق

وفضل يتمشي ف المكتب شويه وهو سرحان

عند فريده نزلت من الشركه وطلعت منها وبصت ع الشركه واتنهدت

وقعدت ع كرسي لازق ف الشارع عند الشركه وبصت ع الشركه

عند زين اتنهد وراح عند الشباك يشم هوا وبعد الستاره شويه لقي فريده قاعده قدام الشركه وسرحانه

زين بص عليها وتأملها وهي قاعده

عند فريده قاعده سرحانه

موبايلها رن

فريده طلعت موبايلها من الشنطه وكانت ميرا

فريده ردت

ميرا بابتسامه/فيرو انا و رولا لبسنا و ف الطريق جايين لك نعدي عليكي ونروح السينما في فيلم لسه نازل جديد وتحفه ..

رولا من جمب ميرا/متقوليش بقي عندي شغل وبتاع ملناش دعوه مش هنروح من غيرك

فريده اتنهدت/كويس ان انتم جايين انا مش قادره اسوق عربيتي خالص حاسه ان رجلي مش شيلاني

ميرا بقلق/مالك ي فريده ايه الحصل

فريده/صدقوني انا مش قادره اتكلم دلوقتي خالص..انا هستناكم عند بنزينه *** جمب الشركه تعالو خدوني ع البيت مش عايزه افضل هنا دقيقه واحده

رولا/حاضر ي روحي متقلقيش احنا جايين لك بسرعه اهو 5 د ونبقي عندك

فريده اتنهدت وقفلت المكالمه وحطت الموبايل ف الشنطه

وقامت وبصت ع الشركه

وزين واقف مراقبها من فوق

فريده مشيت من عند الشركه وزين بيبص عليها وهي بتمشي موبايله رن

زين رد /الو

ادهم /زين انزل بسرعه في مشكله تحت

زين/مشكله ايه ي ادهم

ادهم/انا ف عربيتي تحت الشركه تعالي بعد اذنك بسرعه

زين اتنهد وقفل المكالمه و نزل ل ادهم تحت

ادهم قاعد ف عربيته ف كرسي السواقه

زين نزل من الشركه وراح ركب جمبه

زين/مشكله ايه ي ادهم ال منزلني علشانها مخصوص

ادهم ابتسم/لا ابدا مفيش اي مشاكل دا انا قولت اعزمك ع الغدا علشان ميت من الجوع

وشغل العربيه

زين /اه ي جز_مه ..اعمل فيك ايه بس

ادهم ضحك وهو سايق/ما اعملك ايه لو كنت قولت لك الحقيقه مكنتش هتوافق تسيب الشغل ونتغدي ف قولت اخطفك

زين وهو بيلبس الحزام/هحاسبك ع كل دا بس اصبر عليا

ادهم ضحك

فوق ف الشركه عند مكتب ليلي

بتول واقفه قدام المرايه و لابسه دريس ليلي عملاه و ليلي جمبها بتظبطهولها وبتحط فيها دبابيس

بتول عماله تفرك ب فرحه وبابتسامه

ليلي بنفاذ صبر وهي بتحط دبوس ف الدريس من تحت

ليلي بغضب/لو فضلتي تتحركي كدا كتير هغرز الدبوس دا ف عضمك لان مفيش لحم اغرزه فيه من الاساس

بتول بفرحه وحماس/لالا انا مش قادره اتحمل اكتر من كدا هقولك

ليلي حطت الدبوس ف الفستان ووقفت بنفاذ صبر

ليلي اتنهدت وجابت المروحه من ع مكتبها وبدأت تهوي

بتول بفرحه/مزاجي رايق لدرجه مش هتتخيليها..اخيرا زين عرف الوش الحقيقي لل اسمها فريده ..سمع ب ودنه ازاي هزأتني و قللت ادب معايا

ليلي وهي بتهوي ب استغراب/غريبه..مش باين عليها انها بنت من النوع دا

بتول اتنهدت براحه/طبعا انا جودت من عندي وعملت خدعه بسيطه

وبصت ل ليلي ب انتصار

بتول/..ضغطت عليها ..حرضتها.. اتعصبت عليها وقلت لها سيبي زين حبيبي ف حاله

ليلي وهي بتهوي بصدمه /وبعدين ايه ال حصل

بتول/مش هتتخيلي ازاي خرجتها عن شعورها ..وبعدين شوفت زين جاي علينا بس هي مخدتش بالها ولسه عماله تتعصب عليا ..وبعدين انا عملت ان انا بريئه وغلبانه خالص وبصت لها بحزن كدا ..يعني لو شفتيني مش ههون عليكي..وجمعت شفايفي كدا ب حزن

ومثلت النظره وليلي بصت لها بقرف

بتول بابتسامه/و زين راح قايل لها تعالي فورا ع مكتبي

وسقفت بفرحه

ليلي بغيظ /طبعا علشان كدا من الصبح فرحانه ..افتريتي ع واحده بريئه..بس بهنيكي حركه ذكيه منك

بتول بثقه/دي حقيقه..اوقات بحس اني ذكيه والله

ليلي بتريقه/دي حقيقه ..بنت بريئه سابت شغلها بسببك

وبتهوي ب المروحه بتفكير/وانا عماله بقول فريده سابت التدريب ف الشركه فجأه ليه

بتول بصدمه/ايه؟ بتهزري ...هي سابت التدريب

وسقفت بفرحه/النهارده حرفيا احلي يوم ف حياتي

وبصت ع نفسها ف المرايه بفرحه

وليلي بغيظ كانت هتخبطها بالهوايه ع دماغها بس حاولت تتمالك اعصابها

عصرا في عربيه ميرا

ميرا سايقه و جمبها رولا و فريده قاعده ف الكنبه ال ورا سانده ع الشباك بحزن وحكت لهم ال حصل

رولا بغضب/ليه ي فريده مقولتليش الكلام دا من بدري وانا كنت طلعت له الشركه هديتها فوق دماغه..هو اتجنن ولا ايه ازاي يفكر يزعل اختي كدا

ميرا وهي سايقه/بس برافو عليكي والله ي فريده.. انا فخوره بيكي ..رديتي عليه ب الزوق وعرفتيه حدوده ..هو علشان انتي بتتعاملي معاهم هناك ب تواضع وبأدب ومش محسساهم انك بنت ادم الحديدي اهم رجل اعمال ف مصر هيسوءو فيها؟

رولا بغضب/وهي كدا اصلا ردت عليه ولا قالت له حاجه ؟هو دا بس الكلام ال قولتيهوله؟ كان لازم تهدي الشركه دي فوق دماغه علشان تبقي بنت ادم الحديدي ع حق ..ازاي يستجري يقولك كدا اصلا ؟

فريده بحزن/عارفين ايه اكتر حاجه ضايقتني ف الموضوع..انه قال عليا نقلت اسرار الاجتماع ال حضرته للموظفين وبسببي انا

اتسرقت فكره المشروع

رولا/ايه التخلف دا هو انتي هتأذي شركه مامتك يعني؟

فريده اتنهدت/مهو ميقصدش اني روحت قولت للشركه المنافسه ..قصده ان بسبب قربي من الموظفين وكلامي وهزاري معاهم عرفتهم فكره المشروع وبسببي اتسرقت

ميرا بصت ع فريده من المرايه/طيب اونكل سالم ال هو بباه ..ميعرفش انك سبتي التدريب ف الشركه؟ ليه مقولتيلوش كل حاجه

فريده/هو فعلا ندهنا علشان يفهم ايه الحصل..بس احنا مقولناش حاجه..حتي كمان حاول يخليني اغير رايي..بس طبعا بعد ال ابنه عمله مستحيل أوافق

رولا بغيظ/غلطانه..كان المفروض تقولي قدام بباه كل الهو اتهمك بيه علشان يجبره يعتزر لك قدامه

فريده/مقولتش حاجه..كل ال قولتهوله ميقولش ل بابي او مامي حاجه لحد ما اشوف انا هقول لهم ايه

رولا/دا بابي لو عرف هيروح يطربق الشركه فوق دماغ زين دا..ازاي يستجري يزعل بنته الكبيره

فريده/علشان كدا مش عايزه ولا بابي ولا مامي تعرف وياريت محدش منكم يقول لهم حاجه..انا مش عايزه اتدرب ف الشركه دي تاني ولا اشوف حد منهم تاني خلاص

ميرا بحزن/خلاص ي روحي متزعليش نفسك ..وبعدين ان شاءالله نقول ل بابي يشوف لك اي تدريب تاني ف اي شركه تختاريها ف مصر..بابي ليه نفوذ وعلاقات ف كل حتي ..شاوري بس

فريده اتنهدت وبعدت راسها عن الشباك

فريده/انا مش مشكلتي ف التدريب او هلاقي ولا لا..انا مشكلتي ف الحصل..وف كلام زين...مستحيل انسي ..ولو ايه ل حصل

رولا و ميرا بصو ل بعض بحزن ع زعلها واتنهدو

في مطعم

زين و ادهم قاعدين بيفطرو قصاد بعض

ادهم وهو بيقطع الاكل ب الشوكه والسكينه/هو انا مش جايبك هنا علشان نتكلم ف شغل بس قولت اطمنك ..عرفت مين الموظفه السربت فكره المشروع للشركه المنافسه واديتها ال فيه النصيب وطردتها

زين وهو بياكل/انا فعلا مش عايز اتكلم ف اي حاجه النهارده تبع الشغل نهائي

ادهم/خلاص تعالي نتكلم ف اي حاجه تانيه

زين/زي اي مثلا

ادهم/ نتكلم ف اي حاجه ف الحياه يعني انا أسألك وانت جاوب بس

زين ابتسم/ماشي ي اخويا اتفضل اسأل وانا جاهز اجاوب

ادهم/ممكن نبدأ مثلا ف ايه السبب ال خلي فريده تستقال فجأه

زين /اه كدا انا فهمت انت مخليني اسيب الشغل وخاطفني ليه

ادهم/اصل انا مستغرب ايه ال حصل بينكم فجأه خلي الأمور توصل للستقاله

زين وهو بياكل/هي عملت كدا ب ارادتها الحره

ادهم/اه يعني انت عايز تفهمني انك عاملتها بكل حنيه و قولت لها صباح الخير ي فريده هي قالت لك صباح النور انا هستقيل

زين /انت عارف ان انا مبحبش الغلط ف الشغل وهي غلطت غلط ميتغفرش..طلعت مش مسؤوله و بتنقل كلام

ادهم بصدمه/بتهزر ..نقلت كلام ل مين

زين/متعملش نفسك مستغرب..مش هي ال عكت كلام قدام الموظفين وبسببها فكره المشروع ال بقالي شهر شغال عليها اتسرقت

ادهم/بس ي زين الموظفه معرفتش فكره المشروع من فريده

زين/بقولك ايه ي ادهم متحاولش تدافع عنها وخلاص

ادهم/ي ابني الموظفه اصلا لما ضغطت عليها قالت ان وهي بتقدم القهوه سمعت شويه كلام واستخبت جمب الباب وسمعت ال هي عيزاه ومشيت

زين ساب الشوكه والسكينه ال ف ايده

زين بص ل ادهم/ادهم الموضوع دا مفهوش هزار ب النسبه لي

ادهم/والله العظيم بتكلم بجد

زين/

ادهم/ااه انا كدا فهمت..لما انت اتهمت ال بنت ب كدا مقدرتش تستحمل وردت عليك و سابت التدريب ف الشركه..بس باين عليها قويه والله مقبلتش ب حاجه زي دي

زين بصله

ادهم ضحك/خلاص والله سكتت

وكمل اكل

في الكومباوند في غرفه ادم واحلام

ادم واقف بيتكلم ف التليفون جمب الشباك بعد ما رجع من الشغل

احلام طلعت من الحمام وراحت ل ادم

احلام واقفه جمب ادم مربعه ايدها بغضب وغيره مستنياه يخلص كلام ف الموبايل

ادم بيعدل ل احلام شعرها وباس راسها وهو بيتكلم ف التليفون

ادم/طيب تمام بكره ف الشركه نكمل كلامنا ف الموضوع دا

وخلص كلام ف الموبايل

ادم ل احلام ال واقفه متعصبه

ادم ابتسم/خير يارب

احلام بغيره/ممكن افهم ايه دا

وكانت ماسكه دبله ادم ف ايدها

ادم /دي دبلتي

احلام بغيظ/انا عارفه انها دبلتك ..ممكن اعرف هي ليه ع الحوض و مش ف ايدك ؟

ادم ابتسم من غيرتها /ايه المشكله..افرض عايز اتجوز تاني ولا حاجه..ع الاقل كدا الفرص هتزيد اكتر

احلام بصدمه /ايه

وكانت هتمشي من قدامه بغضب

ادم ابتسم وحاوط وسطها ب ايده وشدها ل حضنه

ادم/تعالي بس رايحه فين ..انا بهزر

احلام بزعل حاولت تبعد عن حضنه بس ادم مش راضي يسيبها

احلام/لاء انت مبتهزرش ي ادم انت بتتكلم بجد وعايز تتجوز عليا صح..علشان كدا خلعت الدبله

ادم ابتسم وباس شفايفها/والله بهزر معاكي علشان اشوف غيرتك الحلوه دي عليا

اتجوز عليكي ايه بس...هو في حد يبقي معاه القمر دا ويتجوز تاني ..انا لو فضلت ٢٠ سنه ادور عمري ما الاقي واحده زيك

احلام بصتله بغيره/ي سلام.يعني انت عايز تدور ٢٠ سنه

ادم قرب منها ورجع خصله من شعرها ورا ودنها

ادم/لاء ...عيوني متقدرش تيجي ع اي واحده غيرك ..علشان انا مشوفتش ف حلاوتك ولا هشوف ..وبموت فيكي

وباس خدها ورقبتها

احلام ابتسمت بحب

احلام/قول والله ي ادم

ادم باس راسها/والله ي عيون ادم

احلام /طب ليه خلعت الدبله ..انت عمرك ما خلعتها قبل كدا

ادم /علشان كنت داخل اخد شاور وبعدين موبايلي رن وانا كنت مستني مكالمه مهمه من الشغل ف طلعت ارد ونسيتها جوه

احلام طلعت من حضنه واعطته الدبله

احلام بغيره /طب خد اتفضل البسها وإياك اشوفك خالعها مره تانيه حتي وانت بتاخد شاور هتفضل لابسها..افرض نسيت وروحت الشغل من غيرها ..عايز الموظفات ال حلوين ال هناك ياكلوك

ادم ابتسم ولبس الدبله

ادم /هدخل اخد شاور وبعدين اطلع نكمل كلامنا ف الموضوع دا.وواضح انك بتغيري زي مراهقين الثانويه ع فكره

احلام بغيظ/ ي سلام يعني بتردهالي يعني.. طب ع فكره بقي انا مغرتش ..و الدبله هتلبسها بعد كدا حتي وانت بتاخد شاور ي ادم

ادم بابتسامه رايح للحمام/لما اطلع من الشاور نشوف الموضوع دا زي ما قولت

احلام ابتسمت وبخبث وقررت تنتقم منه

احلام ابتسمت/طيب اجي انا كمان

ادم وقف و بصلها

ادم ابتسم/هتيجي ؟

احلام ابتسمت/اجي؟

ادم ابتسم/تعالي

احلام ابتسمت/مش جايه ..ايه رأيك بقي ف الهزار دا

ادم بصلها

احلام ضحكت لما لقته اتضايق

احلام بابتسامه/مش انت لسه معصبني من شويه وبتقول بهزر ..وعايز تتجوز عليا ..اتفضل انا كمان بهزر

ادم بغيظ/احلام ..هو في هزار ف الحاجات دي

احلام ضحكت /مش انت لسه مهزر معايا انك هتتجوز عليا

ادم بغيظ /لا الهزار ليه حدود وطريقه وعيار

.لازم تكوني كرييتف اكتر من كدا بصراحه

احلام بابتسامه/طب ايه رايك تألف كتاب وتسميه ازاي بيكون الهزار وانا اقراه واتعلم ها

وضحكت

ادم ابتسم وراح لها بسرعه و احلام كانت هتجري وهي بتضحك ادم شالها ل حضنه

ادم بص ف عيونها/ رايحه ع فين بس ..متقدريش تهربي مني

احلام ابتسمت وحاوطت رقبته ب دراعها

احلام/معنديش نيه اني اهرب اساسا

ادم ابتسم و باس شفايفها

المغرب في الكومباوند

البنات رجعو خدو شاور وغيرو هدومهم و قاعدين ف الجنينه ع طربيزه

فريده قاعده حاطه ايدها ع خدها وسرحانه و رولا و ميرا جمبها بيحاولوا يطلعوها من الزعل ال هي فيه

ميرا/مالك ي روح قلبي بس ايه ..مبحبش اشوفك زعلانه والله..لو علشان خبيتي ع بابي ومامي انك سبتي التدريب ف دا غصب عنك

فريده اتنهدت/مش بس دا الموضوع

رولا/امال

فريده بزعل /حاسه ان انا مش قادره اتنفس ومخنوقه ومتضايقه اوي كمان.. يمكن متحملتش ال زين عمله فيا النهارده..اتهمني اتهامات وحشه اوي وحاسه اني مدافعتش عن نفسي كويس

رولا بصت لها وابتسمت/متضايقه من زين ولا وحشك؟

فريده بصت لها بغيظ و انكار/وهيوحشني ليه ان شاءالله ي رولا؟ بصفته ايه ..ايه الكلام ال بتقوليه دا

رولا ابتسمت

فريده بغيظ/اصلا دا بني ادم غرور ومفهوش صفه عدله

وحطت ايدها ع خدها

فريده بزعل/وهو ميهمنيش ابدا

رولا وميرا بصو ل بعض وابتسمو

في مكان للسهر

الاغاني شغاله والبنات والشباب بترقص ومبسوطين و في ال بيشرب وفي ال بيتكلم

زين قاعد ع كنبه و متضايق وخنوق وكان فاكر انه هيفك عن نفسه شويه لما يجي يقعد لوحده هنا

زين اتنهد

زين فلاش باك

ادهم /بس ي زين الموظفه معرفتش فكره المشروع من فريده

باك

زين اتنهد وجاب موبايله من جمبه وفتحه وجاب رقم فريده

كان هيتصل

زين افتكر ادهم و فريده وضحكهم و هزارهم ف الشركه

زين قفل الموبايه وحطه جمبه ومسح وشه ب غيره

زين فلاش باك لما فريده كانت هتقع ف الأرشيف وزين لحقها قبل ما تقع

وابتسم

وافتكر لما اتخانقت معاه اول يوم قابلها فيه ف مكتب احلام

وافتكر عيونها وابتسامتها

واتنهد

عند باب مكان السهر

بتول واقفه لابسه بنطلون جينز وتوب ابيض كات وقصير ومستنيه ليلي

ليلي دخلت بابتسامه وراحت ل بتول وهي لابسه دريس بيج ديق و لابسه هيلز

بتول بابتسامه وحماس/اوووه شكلك تحفه

ليلي ضحكت بابتسامه وحماس/اول ما قولتيلي في هنا رجاله حلوه و مهمه وعاملين حفله جيت بسرعه..يلا ندخل بسرعه نلحقهم

بتول ابتسمت/مفيش حد جوه ومفيش حفله انا كدبت عليكي

ليلي بصت لها بصدمه

بتول ابتسمت/اتعصبتي مني صح؟ اتعصبتي؟ يلا اتعصبي عليا

ليلي بغضب/ازاي يعني مفيش حفله ولا رجاله حلوه؟ انتي عارفه جزاء ال عملتيه دا ايه

بتول ابتسمت/عارفه طبعا..يلا طلعتي عصبيتك فيا..مستحيل ازعل منك اصلا

ليلي بغضب/بقولك ايه انا مش ناقصه النهارده ناس مخُتله

بتول بابتسامه/انا جيباكي علشان تتعصبي عليا وازعل ..لان من اول ما قولتيلي ان فريده سابت الشركه ..زين جوه..وانا لازم ادخل واعمل فيها زعلانه..بس انا مش قادره .كل ما اجي ادخله اضحك جامد

وضحكت بفرحه

بتول /مش قادره اقفل بوقي من كتر الضحك

ليلي بعصبيه/اخرسي بقي

بتول وقفت ضحك بخوف

ليلي بغضب/انتي عمرك ما هتبقي بني ادمه .. البلاشر ال حطاه شكله يقرف ..وشعرك مضروب ف الخلاط شبهه الاندومي ب الضبط..و ع فكره جسمك مش متناسق نهائي

بتول كانت بتسمع الكلام بصدمه وبتحسس ع وشها وبصت ع جسمها

ليلي بصت ع وشها/ع فكره تقريبا عينك وارمين قد اللمونه ب الضبط

بتول بصت لها بحزن وصدمه

ليلي بصت ع وشها وشهقت بصدمه

بتول بلعب ريقها بزعل/ليلي انتي بتعملي كدا علشان ازعل واعرف ادخل ل زين صح..معقوله شكلي كدا فعلا

ليلي/لاء لو عيزاكي تتقهري كنت قولت لك البوتكس باظ ومحتاج يتجدد ...لانك طبعا من غير البوتكس متتشافيش..هتطلعي بشعه وبتخوفي

بتول عيطت بقهره

ليلي أعطت لها مناديل/اظن كدا عملت ال عليا

بتول خدتها منها المنديل بحزن

ليلي/مش كفايه واحده حلوه اوي كدا زيي تنحط ف الموقف دا

وسابتها ودخلت جوه

و بتول راحت وراها بحزن

ودورت ع زين ال قاعد لوحده وراحت له وليلي راحت وراها بغضب

بتول ابتسمت/ااه زين انت كمان هنا..انا و ليلي جايين نغير جو..شوفتي ي ليلي الصدفه

وقعدت

ليلي قعدت بسخريه/اااه قولتيلي صدفه؟

بتول قاطعتها بتوتر

بتول ابتسمت/لو حابه ممكن تروحي تجيبي لك حاجه تشربيها

ليلي بغضب/لو انا عايزه هروح اجيب ل نفسي .فهمتي؟

بتول بصت لها بغيظ

ليلي /بس دلوقتي حابه انتقم منك شويه

بتول ضحكت ل زين بتوتر/ليلي بتهزر

ليلي بصت ل زين/لا مبهزرش ..بتول جت هنا مخصوص علشان تشوفك ي زين

بتول ب احراج/ليلي

ليلي/وقالت لي ان في حفله ورجاله حلوه

بتول جت لها فكره تتخلص منها

بتول شاورت ع راجل بعيد

بتول/اااه ..مش دا الراجل ال خد لقب ملك جمال السنه ال فاتت

ليلي بصت عليه ب اعجاب/اه تقريبا هو..طب عن اذنكم انا بقي

وقامت ومشيت

بتول بصت ل زين ال قاعد ساكت

بتول بتمثل التأثر وبتكلم زين وبتحاول تعلي صوتها بسبب الاغاني

بتول/احم..مكنتش صدفه فعلا..كنت جايه اشوفك علشان قلقت عليك

زين بصلها

بتول/عامل ايه دلوقتي

زين/انا بخير مفيش حاجه

بتول/انا عرفت ال حصل النهارده..وتوقعت انك هتبقي متضايق..صدقني انا كمان اتضايقت جدا..حتي حسيت ان ال حصل مع فريده النهارده ف الشركه كان بسببي

زين/لا انتي ملكيش علاقه ب الموضوع..دا كان لازم يحصل وحصل

بتول اتنهدت/وزعلت ع البنت بصراحه..ممكن لو كانت جد ف شغلها او ف التدريب شويه..مكنش حصل ال حصل

زين/لا متشغليش بالك

مساءا في الكومباوند في ال جنينه

لسه قاعدين نفس القاعده وفريده قاعده سرحانه و رولا و ميرا مش عايزين يسبوها لحظه وعايزين يطلعوها من ال هي فيه

رولا/وبعدين معاكم بقي ..احنا قاعدين ف عزا ولا ايه ..يلا قومو نعمل حاجه

فريده اتنهدت/لاء مش عايزه ..مليش نفس اعمل حاجه

ميرا بابتسامه/ايه رأيكم نتفرج ع فيلم سوا

وبصت ل فريده

ميرا ابتسمت/انتي ال هتختاري الفيلم ي فريده ايه رأيك ف الاكشن

رولا ابتسمت/او مثلا نروح السينما نتفرج ع الفيلم ال كنا هنتفرج عليه

ميرا/دي فكره تحفه برضو..او مثلا نروح نتعشي سوا برا ايه رايكم.او لو مش عايزه تتطلعي من المجمع ممكن نروح النادي.. او نلعب بادل

فريده ابتسمت بحزن وبصت لهم/صدقوني انا مش جاي ع بالي اعمل حاجه ..انتو اتسلو سوا واعملوا ال انتو عايزينه..مليش خلق ل حاجه النهارده ..انا هنام تصبحو ع خير

وقامت و دخلت البيت

ميرا و رولا بصو ل بعض واتنهدو ..مش هاين عليهك يشوفو فريده زعلانه

ميرا بحزن/انا مش عايزه فريده تزعل وتكبر الموضوع..ايه المشكله بكره نشوف لها ايه تدريب تاني .الموضوع سهل

رولا بصت لها /ي هبله.. مش التدريب ال مزعلها كدا...الحب ..وهي نفسها مش واخده بالها

ميرا ابتسمت

في غرفه فريده

دخلت الغرفه و بدأت تزبط السرير علشان تنام

عند زين ف مكان السهر

قاعد ع الكنبه سرحان

وبتول بترقص مع صحابها وفرحانه و ليلي جمبها بترقص مع شاب

بتول شاورت ل زين يجي يرقص بس هو قال لها لاء وهي كملت رقص

زين اخد تليفونه ومفاتيح عربيته وقام مشي

عند فريده شالت التصاميم من ع السرير

و فجأه شافت اول تصميم ورته ل زين وفضلو يعدلو فيه سوا

مسكت التصميم وابتسمت

وقعدت ع السرير

فريده فلاش باك

افتكرت اول مقابله بينها وبين زين ..وبعدين افتكرت اول مره شربو فيها قهوه سوا لوحدهم ف المكتب

فريده ابتسمت

..وافتكرت لما وقعت ف اوضه الأرشيف وهو لحقها

واتنهدت وقطعت التصميم خالص

عند زين في الفيلا

رجع من برا غير هدومه ل تيشرت وبنطلون وقاعد ف الجنينه قدام البسين وسرحان

وقام وخلع التيشيرت ونزل حمام السباحه يعوم شويه وفضل يسبح وهو بيفكر وسرحان

زين فلاش باك

فريده/استاذ زين انت فاهم الموضوع غلط..لو سمحت اسمح لي اشرح لك

زين/انا سمعت ال سمعته

فريده/بس كان في قبله ا

زين/انا برايي ال سمعته كفايه

.....

فريده/لو حضرتك قصدك ع استاذ ادهم ف هو ساعدني ف حاجه وانا كنت بشكره بس مش اكتر

......

زين بطل سباحه ووقف جمب السور وسند عليه

ولسه كلام فريده بيتكرر ف دماغه

فريده بغضب/انت ال غلطان ي استاذ زين ..انت لسه متعرفنيش كويس .أنا مسمحلكش تتهمني ب الخيانه لاني عمري ف حياتي ما خنت حد ..و زي ما عمري ما اتخطيت حدودي معاك انا مسمحكلش ابدا ابدا تتخطي حدودك معايا

باك

عند فريده

ف الاوضه نايمه ع السرير ع ضهرها ومتغطيه وباصه ف السقف وسرحانه

رولا و ميرا فتحو باب الاوضه براحه و بصو عليها بحزن وبصو ل بعض..وقالو يسيبوها لوحدها شويه ..وقفلو الباب تاني

في الصالون تحت

ع السفرا

ادم قاعد وجمبه احلام و ياسين قصاد احلام و الخدم بيحطو بقيت العشا ع السفرا

ياسين وهو بياكل ب استعجال علشان خارج

ياسين/ادم حطيت لي فلوس ف الفيزا النهارده

ادم/اه حطيت لك ي اخويا ..كول براحه هتشرق

ياسين وهو بياكل/مستعجل والله ي حج

ادم/رايح تصيع ك العاده يعني

ياسين بيشرب عصير/اه ك العاده امال هروح فين

ادم بصله

ياسين بخوف /بمزح ..يعني بهزر معاك انا هروح اشرب قهوه عادي

احلام ضحكت

ادم/ البنات فين

احلام/ممكن تندهيهم ي دادا رحمه

دادا رحمه/حاضر من عنيا

كانت هتمشي رولا و ميرا نزلو من فوق

احلام/تعالو يلا اتعشو

رولا و ميرا قعدو ع السفرا

ياسين وهو بياكل/نازلين متأخر كدا لي دا انتو اول ناس بتبقو ع السفرا

ادم/هي فريده فين

احلام/مش هتتعشي؟

ميرا/احم ا

رولا/قالت مش عايزه تتعشي وهتنام

ادم/يعني ايه الكلام دا دي مكالتش حاجه من وقت الفطار

احلام/ايوا و مبتلحقش تاكل ف ال شركه

ادم قام /هشوفها

احلام/ماشي ي حبيبي

ادم طلع غرفه فريده وخبط

فريده وهي نايمه ع السرير/ادخل

ادم فتح الباب ودخل

فريده ابتسمت وقعدت/تعالي ي بابي

ادم ابتسم/يعني ولا سلمتي عليا اول ما رجعتي من الشركه ولا حتي نزلتي تتعشي

فريده ابتسمت/حقك عليا والله انا بس رجعت من برا مرهقه شويه ..اتعشو انتو انا مش جايلي نفس

ادم راح لها وقعد جمبها ومسك ايدها

ادم/طيب مش هتقوليلي مالك؟

فريده بصتله وابتسمت/مالي ي حبيبي منا كويسه و زي الفل اهو

ادم بص ف عينها/لاء مش كويسه ..رجعتي من برا ولا سلمتي عليا ولا رسمتي ف اوضه الرسم بتاعتك ولا حتي كلتي ..وطلعتي حبستي نفسك ف اوضتك وبعدين

..انتي بنتي الكبيره ال حافظها اكتر من اي حد ..و روح قلبي ..واكيد لو اتضايقتي ولو بس شويه هفهم دا ع طول من غير ما تتكلمي

وباس ايدها

فريده ابتسمت ونفسها تترمي ف حضن ادم وتقوله كل حاجه بس فعلا ادم هيعمل ل زين مشكله كبيره ومش هيعدي ال حصل ع خير ابدا

فريده حضنت ادم و ادم ابتسم وحضنها بقوه وباس راسها

فريده ابتسمت/ربنا يخليك ليا ي بابي .. انا كويسه متقلقش

وطلعت من حضنه

فريده/ومش جايلي نفس اكل النهارده

ادم/طب يلا قومي البسي هنطلع نتعشي سوا برا

وقام من ع السرير

فريده بصتله و ابتسمت/بجد

ادم ابتسم/ايوا طبعا بجد..يلا هروح ألبس لحد ما انتي كمان تلبسي

فريده بابتسامه قامت /ماشي موافقه

ادم ابتسم

بعد شويه تحت عند السفرا

ياسين و رولا وميرا قاعدين بياكلو واحلام قاعده معاهم بس بالها مشغول ع فريده ال لسه منزلتش تاكل لحد دلوقتي

ياسين موبايله رن وطلعه من جيبه و قام من ع السفرا وبص ع الموبايل

احلام بصت له/ياسين رايح فين انت لسه مكملتش اكلك ..مش وقته مكالمات دلوقتي

ياسين/انا شبعت والله ي احلام وتسلم ايدك ال مكرونه ال عملتيها خطيره

وراح باس راسها

احلام ابتسمت/الف هنا ي حبيبي

وياسين طلع الجنينه يرد

ادم و فريده نزلو من فوق بعد ما غيرهو هدومهم

ادم لبس قميص وبنطلون وفريده لبست بنطلون وايد ليج جينز وتوب ابيض كات وعليه كارديجان قصير

وراحو لهم

رولا/اوووه رايحين ع فين كدا

احلام/مش هتتعشو ؟

ادم مسك ايد فريده/هنطلع نتعشي انا وفريده برا النهارده

احلام ابتسمت

رولا و ميرا ابتسمو ع الاقل الخروجه دي هتحسن نفسيتها شويه بس حبو يرخمو ع ادم وفريده ك العاده

ميرا بغيره/الله الله ..اشمعنا واخدها هي بس ..انا كمان عايزه اجي

رولا قامت/ايوا وانا كمان عايزه اجي .dad استنانا نغير هدومنا

وقامو

ادم/اقعدو يبت انتي وهي ..انا هاخد فريده بس

وخد فريده ف حضنه وفريده ابتسمت

ميرا قعدت تاني /بابيتو انا بدأت اغير بجد انا بقولك اهو

رولا قعدت هي كمان/that's true(دي حقيقه)

احلام بغيظ/المفروض لو في حد هيغير هيبقي انا ..انتو كمان هتاخدو حقي حتي ف الغيره

فريده ضحكت و ادم ابتسم وباس راس احلام واحلام ابتسمت

رولا بغيظ /okay daddy remember that(ماشي ابقي افتكرها )

ادم/هفتكرها حاضر

وفريده شاورت لهم باي باي وادم مسك ايد فريده وطلعو برا البيت

بعد شويه في الجنينه

عند ياسين خلص كلام ف الموبايل وبص ع سيف ال كان بيتكلم ف التليفون قدام اوضته وباين عليه الغضب..وخلص كلام هو كمان

ياسين ابتسم/الستات دي ديما نكديه صح ..اتنكد عليك

سيف بصله و ابتسم

سيف/معاك حق بس دي كانت اختي الصغيره عادي مش حبيبتي

ياسين راح له

ياسين/الأخوات دول نكديين اكتر من الحبيبه والله

سيف /والله معاك حق

ياسين ابتسم/عرفت انك هتشتغل معانا هنا خلاص

سيف/ ادم بيه قالي هبقي موجود حارس شخصي ل رولا..ادعيلي علشان انا من اول يوم كنت هنط من العربيه وهي شغاله والله

ياسين ضحك/فاهمك عموما

سيف ابتسم

ياسين/..رولا دي اكتر واحده عنيده فينا وعصبيه ومحدش بيقدر عليها غير بابا ..بس هي أطيب واحن مما تتخيل دا مجرد قناع بس

سيف ابتسم

وموبايل ياسين رن

ياسين /هسيبك انا بقي واطلع اغير هدومي ..بس خلي بالك لسه مخلصناش كلامنا ..هنتكلم تاني اكيد

سيف ابتسم/اكيد

وياسين دخل البيت

بعد شويه

في مطعم عند ادم و فريده

قاعدين قصاد بعض ف ال مطعم ال فريده بتحبه وبياكلو

وادم مبسوط ان فريده بدأت تاكل لانه عارف انها لما بتزعل بتمنع الاكل خالص

ادم قطع لها الاكل وحطه ف طبقها

فريده /كفايه والله ي بابي انت اكلتني كتير اوي وشبعت

ادم/لاء انتي لسه مكالتيش حاجه عدله..كملي

وأكلها ب الشوكه فريده أكلت منه

وكملت اكل

فريده ابتسمت/بس الاكل هنا حلو اوي

ادم ابتسم/الف هنا ي روح قلبي

فريده ابتسمت ومدت الشوكه بتاعتها ال فيها لحمه علشان تأكل ادم وادم أكل منها

ادم/دي بقي احلي مره كلت فيها لحمه

فريده ضحكت و ادم ابتسم

ادم وهو بيقطع الاكل /قوليلي بقي...ايه ال رجعك من التدريب النهارده متضايقه كدا ..حد هناك زعلك

فريده ابتسمت وبتمثل ال لامبالاه/انت كان معاك حق بصراحه ي بابي...التدريب من دلوقتي ف شركه احلام كان قرار غلط ..انا استعجلت ..انا مش عايزه اروح تاني خلاص

ادم ساب الشوكه والسكينه وبصلها

ادم/انا كدا كدا معاكي ف اي قرار تاخديه..بس ينفع اعرف السبب ال غير رأيك مره واحده كدا

فريده/تعبت بصراحه ..يعني مجهود زياده عليا اروح الجامعه و التدريب مع بعض

ادم / وانا مش عايزك تتعبي ابدا ابدا .. انا اصلا مكنتش مقتنع ب فكره التدريب من البدايه بس وافقت علشان دي حاجه كانت مفرحاكي..مكنتش عايزك تتعبي ف الشركه وتشتغلي شغل مش بتاعك..

انا بنتي تعيش هانم كل حاجه تترمي تحت رجلها ومحدش يأمرها ..هي التؤمر ..انا فضلت السنين ال فاتت دي اشتغل و اتعب علشان انتي و ومامتك واخواتك تعيشو مبسوطين وكل حاجه نفسكم فيها تلاقوها مجابه ف وقتها..انا عايش علشانكم أصلا

فريده ابتسمت و ادم مسك ايدها وباسها

ادم/اول ما تتخرجي أختاري الشركه ال انتي نفسك فيها..شاوري بس وانا اشتريلك اسهم فيها ولو عايزه هشتريهالك كلها وتبقي صاحبتها مش بس موظفه هناك ..يكفي عندي انك تبقي مبسوطه ومشفكيش زعلانه ابدا

فريده دمعت و ادم قام وراح لها ومسح لها دموعها وباس راسها و خدها

فريده حضنته/الحمد لله ان انت موجود ..الحمد لله ان انت ببايا ..انا مقدرش اعيش من غيرك

ادم/وانا فخور انك بنتي..وبموت فيكي

وباس راسها وفريده ابتسمت وطلعت من حضنه

ادم مسح لها دموعها و مد ايده ليها

ادم/يلا علشان نرقص سوا ..الاغنيه ال انتي بتحبيها اشتغلت

فريده ابتسمت بخجل/بجد؟ بس الناس بتبص علينا هتكسف

ادم ابتسم/طبعا لازم يبصو علينا... غيرانين ان معايا بنت زي القمر

فريده ابتسمت ومسكت ايده ال هو ماددها وقامت وبدأت ترقص مع ادم سلوو

فريده ابتسمت/انا بحبك اوي اوي ي بابي بجد..ربنا يخليك ليا طول العمر

ادم ابتسم وباس راسها/انا ال بموت فيكي والله

فريده ابتسمت وحضنته و ادم حضنها بقوه وباس راسها

و رقصو و خلصو وادم جاب ل فريده الورد ال بتحبه و جاب لها هديه و بعدين جاب لها الايس كريم ال بتحبه و فريده كانت مبسوطه اوي اوي وحست انها مش محتاجه حاجه من الدنيا تاني طالما ببابها موجود جمبها ..هي بتبقي قويه بوجوده

في اليوم التالي صباحا

في شركه تصميم الأزياء

زين دخل الشركه و هو مخنوق ومش طايق نفسه وكان رايح ب اتجاه مكتبه و يارا راحت وراه بسرعه

يارا/صباح الخير ي زين بيه ..اجيب ل حضره القهوه

زين وقف وبصلها و يارا بلعت ريقها بخوف

زين بغضب/لو عايز قهوه كنت طلبت ..مش هستناكي تقولي

يارا بخوف/اسفه

زين/ هاتيلي ملف الصفقه الجديده ع مكتبي

يارا/حاضر

وزين دخل مكتبه بغضب

يارا/استر يارب.. ي تري ايه ال معصبه النهارده كدا

ف مكتب زين دخل الاوضه و قعد ع المكتب وبيفكر

ادهم دخل المكتب

ادهم/ي صباح الفل

زين /صباح الخير

ادهم راح قعد قصاده ع المكتب

زين/غريبه جيت بدري الشركه ع غير العاده

ادهم/انا عارف ان انت بسبب ال حصل مش هتبقي قادر تشتغل ف قولت اجي احضر الاجتماع انا.علشان تعرف قيمتي بس

زين فتح ال ملف ال قدامه/مالي منا زي الفل اهو

ادهم/انت هتمثل ع اخوك ولا ايه..انت متضايق من امبارح بسبب ال حصل بينك وبين فريده..انا اخوك الصغير وحافظك

زين بيمثل ال

لا مبالاه /لاء خالص وانا هتضايق من ايه ي ابني..ال حصل حصل

زين/توقعت انت ال هتبقي متضايق

ادهم/انا ؟اشمعنا؟

زين/

ادهم ابتسم وفهم ان زين غيران

ادهم/ااه علشان يعني شوفتنا اتكلمنا مرتين قبل كدا..لاء انت فهمت غلط انا طلبت مساعدتها ف حاجه مره وهي طلبت مساعدتي و شكرنا بعض وخلاص ..دي ب النسبه لي اختي الصغيره عادي...انا ممكن اكون بتاع بنات اه بس مستحيل ابص ل واحده اخويا معجب بيها

زين /ايه الكلام ال فاضي ال بتقوله دا انا مش معجب بحد

ادهم ابتسم/باين فعلا.يعني مش ع بعضك من وقت ما سابت الشركه ..و فضلت سهران كام ساعه ف مكان السهر بتاعنا..و بعدين باين عليك اصلا منمتش طول الليل وانت لازم تكون نايم ال ٨ ساعات بتوعك ..وجاي الشركه مش طايق نفسك..فعلا مش فارق معاك

زين/قوم ي ادهم من وشي ..قوم

ادهم ضحك وقام /خلاص خلاص مشيت

وطلع برا المكتب

وزين قفل الملف ال قدامه ومسح وشه ب ايده بغضب ومتضايق من نفسه انه اتهم فريده ب حاجات مش صح..ولا ليها علاقه ب ادهم ولا هي ال قالت للموظفين ع فكره المشروع بس غيرته عليها من اخوه جننته ومكنش شايف قدامه

الباب كان مفتوح وليلي خبطت

زين من غير ما يشوف مين ع باب

زين بغضب/مش عايز اشوف حد

ليلي بتوتر/الاحسن ارجع صح؟

زين بص ل ليلي واتنهد/انتي تعالي براحتك ي ليلي ..معلش انا بس مش متظبط النهارده

ليلي راحت وقعدت قصاده ع المكتب

ليلي بتوتر/طيب انا محتاجه اقولك ع حاجه مهمه جدا جدا

زين/خير قولي

ليلي بتوتر/انا بس مش عارفه اجيبهالك ازاي

وخدت كوبايه مايه من ع المكتب وبدأت تشرب بتوتر

زين/قوليها زي ما هي كدا..انا سامعك

ليلي بسرعه/فريده ملهاش زنب وبتول ال خطتت ل كل حاجه

زين بصدمه/ايه

ليلي اتنهدت براحه

ليلي/اخيرا قولتها

الفصل

في شركه تصميم الازياء

ضهرا

عند بتول

قاعده ف جلسه تصوير عاملين لوكيشن وواقفه بتتصور ب دريس و حواليها اضاءه و كاميرا وموظفين بيساعدو لو في حاجه ناقصه

زين طلع من الاسانسير وراح لهم بغضب بعد ما ليلي حكت له كل حاجه بتول عملتها

زين قطع جلسه التصوير و شد بتول من دراعها بغضب علشان ياخدها ع جمب و بتول كانت بتتوجع

بتول/ايه دا ..في ايه ي زين ايه ال حصل..انت وجعتني ع فكره

زين بغضب/انتي مش مكسوفه من نفسك وانتي بتفتري ع الناس

والموظفين واقفين بتوتر وخايفين من غضب زين لانه من اول اليوم اصلا مش طايق نفسه

بتول بتوتر/انت بتتكلم عن مين ي حياتي انا مش فاهمه حاجه

زين بغضب وبتحذير/كفايه ..انا وانتي عارفين كويس اوي انا بتكلم عن مين تمام؟ كفايه كدب لحد كدا

بتول بغيظ/انا مش عارفه البنت الكدابه دي حكت لك ايه ب الضبط بس ا

زين بعصبيه/بتول

بتول سكتت بتوتر وخوف

زين/مش فريده ال حكتلي انتي ازاي خدعتيها ..واتكلمي عنها عدل

بتول بلعت ريقها/امال عرفت من مين

زين بعصبيه/هو دا ال فارق معاكي؟مش مهم عرفت من مين المهم انك كدبتي عليا ببجاحه قدامي.ال عملتيه دا ملوش علاقه ابدا بحبك ليا زي ما بتقولي ..دا تماما مرض نفسي

بتول بتوتر مسكت ايد زين /حياتي لو سمحت اسمعني

زين بغضب بعد عنها

زين بعصبيه/اياك تقوليلي ز_فت حياتي مره تانيه ...من هنا ورايح انا بالنسبه لك زين بيه وانتي زيك زي اي موظفه عندي..وبعد ما يخلص عقدك معانا هتخرجي من حياتي وياريت مشوفش وشك تاني...حتي العلاقه ال مش جد ال دخلتها معاكي كانت غلطه من الاول وندمان عليها

والموظفين كانو واقفين بصدمه سامعين كلام زين ل بتول

زين ساب بتول ومشي

وبتول عيطت بصدمه و الموظفين اتلمو عليها بسرعه يهدوها

في الكومباوند

في غرفه فريده

نايمه ع السرير بس صاحيه وباصه ف السقف

احلام دخلت الغرفه

احلام ابتسمت/روح قلبي صاحيه

فريده بصت لها و ابتسمت/اه ي مامي تعالي

احلام راحت لها و

فريده سندت ضهرها ع السرير واحلام قعدت جمبها وخدتها ف حضنها وفريده ابتسمت ونامت ف حضنها

احلام/احكيلي بقي ..بباكي قالي انك مش عايزه تدربي تاني ف الشركه..في حد زعلك هناك؟

فريده /

احلام وهي بتملس ع شعرها/لو حد زعلك او حصل مشكله قولي لي وانا وعد هحل المشكله من غير ما بباكي يتدخل

فريده ابتسمت /لا ي حبيبتي متقلقيش..مفيش اي حاجه حصلت..انا بس ال تعبت..مش عارفه اوفق بين التدريب و الجامعه..وانتي عارفه انا واعده بابي اني ههتم بمذاكرتي والتقدير

احلام/ال انتي حباه احنا هنعملهولك ..ومتقلقيش كدا كدا اول ما تتخرجي مكانك محفوظ ف الشركه

وباست راسها

فريده ابتسمت و طلعت من حضنها وباست خدها وحضنتها تاني

فريده/ربنا يخليكم ليا يارب

احلام ابتسمت

في الصالون ادم اخد مفاتيحه و الموبايل علشان يروح الشغل بعد ما اطمن ع فريده

رولا قاعده ع السفرا بتفطر لابسه بنطلون بيجامه وتوب ابيض كات

رولا ابتسمت ل ادم/رايح فين وانت زي القمر كدا ي dady ..والله بخاف عليك تتخطف مننا

ادم ابتسم /والله دا انت ال زي القمر

رولا بعتت له بوسه ف الهوا

ادم/رايح الشركه هروح فين

رولا/معقوله رايح الشغل متأخر كدا ..قول الصراحه يعني مش رايح ل مراتك التانيه..قولي انا بنتك وهحفظ السر

ادم /بس يبت ..انا مكنتش رايح الشركه النهارده اصلا بس في اجتماع مهم بعد الضهر ..وبعدين متقوليش كدا قدام مامتك علشان بتصدق

رولا ضحكت

وكملت فطار

رولا بصوت عالي/ نورا I told you many times that I don't like eggs. Come and take them from me.(انا قولت لك كتير مبحبش البيض تعالي خديه من قدامي)

ادم/هو انا مش قايلك ١٠٠ مره اتكلمي مع دادا رحمه والخدم ال هنا ب العربي.. مش عايز اسمع انجليزي ف البيت هنا

رولا بصتله/why dad يعني انت معلمنا كل اللغات دي علشان منستخدمهاش

ادم وهو بيجيب الجاكيت بتاعه وبيلبسه/علشان مش هيفهموكي حبيبتي..بتصعبيها عليهم ليه

الخادمه طلعت من المضبخ

نورا/رولا هانم انا مفهمتش اي حاجه غير كلمه egg ..اعمل فيه ايه

رولا/شيلي البيض دا وهاتيلي الجبنه ال بحبها

نورا ابتسمت/عنيا

وراحت شالت الطبق ودخلت المضبخ

ادم/انا ماشي عايزه حاجه

رولا/هتروح الشغل من غير ما تبوسني ..طب دي هعديها .ازاي تروح من غير ما تبوس احلام

ادم/لا ي اختي متقلقيش بوست احلام ..الدور و الباقي ع ال قاعده بتاكل و مش عايزه تيجي تحضني و تبوسني

رولا بابتسامه فتحت له دراعها وادم ابتسم وراح لها و رولا باست خده وحضنته وآدم باس راسها

رولا طلعت من حضنه

رولا /خلي بالك ل البنات تعاكسك وانت حلو كدا ..انت عارفه اني بروح ارشد ل مامي واحكيلها كل حاجه ع طول

ادم /انتي هتقوليلي ع ارشادك..دا انتي عيون مامتك التانيه فعلا

رولا ابتسمت/ايوا وانا شبهها و عيني شبهها ..حتي بص

ادم ابتسم وباس خدها /دي حقيقه.

رولا ابتسمت

ادم/يلا انا همشي وانتي كملي فطارك

وباس ايدها

رولا ابتسمت/اوك ي حبيبي مع السلامه

وادم خد موبايله والمفاتيح ومشي

في غرفه فريده

احلام قاعده ع السرير وواخده فريده ف حضنها

ميرا دخلت الاوضه بعد ما غيرت هدومها ل جيبه قصيره وتحتها كولون اسود ولابسه من فوق بلوفر ابيض ولامه شعرها ديل حصان

ميرا/خيانهههه ..بتحضنو بعض من غيرييي ؟

احلام ابتسمت/انتي لسه مروحتيش الجامعه..احنا بقينا الضهر

ميرا حطت ايدها ف وسطها/لا مروحتش والحمد لله اني مروحتش علشان اشوف الخيانه دي ب عيني

فريده ابتسمت

احلام ابتسمت/هو انا اقدر اخون بنتي الصغيره الحلوه دي ..تعالي انتي كمان

ميرا بابتسامه راحت قعدت جمبهم و احلام خدتها ف حضنها هي كمان و باست راسهم

ميرا وهي ف حضن احلام/مامي احنا بنحبك اوي

فريده /دي حقيقه..ربنا يخليكي لينا ديما

احلام ابتسمت/وانا بموت فيكو والله

وباست خدهم وحضنتهم والبنات ابتسمت

احلام/يلا انا هقوم اصحي ياسين يفطر قبل الامتحان..علشان ميروحش الجامعه مستعجل من غيار فطار

فريده /ماشي ي حبيبتي

وطلعو من حضنها

واحلام باست خدهم و قامت وطلعت من الغرفه

رولا دخلت الغرفه /هالو

فريده/ايه دا انتو مش ناويين تروحو الجامعه ولا ايه .احنا بقينا الضهر

رولا /انا مش ورايا محاضرات النهارده..انا out من الجامعه

خدوني جمبكم

فريده/تعالي ي روحي

رولا نامت جمب فريده

و فريده خدت رولا و ميرا ف حضنها

رولا بصت ل فريده/عامله ايه النهارده

فريده اتنهدت/انا احسن الحمد لله..بعد ما خرجت مع بابي امبارح واتكلمت معاه ارتاحت .بس طبعا مقدرتش اقوله ال زين عمله علشان هيروح له الشركه يعمل مشكله كبيره وانا مش عايزه دا يحصل

ميرا/ that's true(دا صحيح )

رولا /متجبيش سيره قليل الزوق دا قدامي بجد بتعصب اول ما افتكر ال عمله معاكي

ميرا/جماعه ما يمكن بجد حصل حاجه خلته يتصرف ب الطريقه ..يعني زين من اول ما فريده دخلت الشركه وهو بيعاملها حلو اوي و بيبصلها بطريقه حلوه اوي ...بعيدا طبعا عن سوء التفاهم ال حصل ف اول لقاء

فريده ابتسمت وميرا بتتكلم و بتفتكر

ميرا بابتسامه/يعني تاني يوم قالها انه مش شخص قليل الزوق زي ما هي فاكره .وبرر لها مع انه لو هي مش فارقه معاه مش هيبرر ..وبعدها شربو قهوه ف المكتب لوحدهم ..و انقذها لما وقعت ف مكتب الارشيف..و بعد الاجتماع اعتذر لها انه كان متجاهلها واعترف لها انه تجاهلها علشان غيران

فريده ابتسمت

رولا/والله ي ميرا هتموتيني ف مره من كتر تفاؤلك ..وبتحاولي تطلعي للناس اعذار من تحت الارض ..حبيبتي دا شخص فريده متأمنش ع نفسها معاه 5 د ع بعض ..دا لما الحربايه الصفرا حبيبته القديمه دي نزلت دمعتين صدقها وكذب فريده

فريده/

ميرا بغضب/رولا علشان خاطر ربنا يعني كل التصرفات والحاجات دي ليه يعملها طالما مش مهتم ب فريده

رولا/علشان الرجاله كدا ي حياتي ..همجيين ومغرورين وخاينين كمان

ميرا بصت ل رولا بغضب وشاورت ع فريده ال اتضايقت

رولا/احم ..انا مقصدش انا اقصد يعني ان ال اسمها بتول دي ا

فريده/لا ي رولا .انتي معاكي حق..انا ال غبيه علشان تخيلت انه هيصدقني انا ويكذب حبيبته بتول

ميرا بصت ل رولا بمعني برافو و رولا اتنهدت

قبل العصر

في كافيه جمب شركه تصميم الأزياء

ليلي قاعده بتشرب عصير و ف وشها بتول ال حزينه ومتضايقه

ليلي بفضول و حماس/احكيلي تاني كدا انا مفهمتش اوي...زين قال ايه..ازاي اتعصب عليكي

وضحكت وهي بتشرب العصير ب الشاليموه

بتول بحزن/ليلي متخلنيش اعيد كل شويه..بتدمر ف كل مره بحكي فيها

ليلي ابتسمت بحماس بمعني يلا كملي

بتول بحزن/دا هزأني قدام الشركه كلها ..قالي من هنا ورايح علاقتنا شغل وبس

ليلي بصدمه وهي بتاكل لوز /اوووه

وضحكت

بتول/حتي العلاقه ال مش جد ال دخلناها كانت غلطه وندمان عليها

ليلي ب انبهار/اوففف

بتول/وانا مريضه نفسيه

ليلي بصدمه ضحكت

بتول بصت لها

ليلي /احم

بتول بغل/يارب ال فتن عليا وراح قال ل زين يتحاسب امين يارب

ليلي بتفكير/يتحاسب دي ليها اكتر من معني يعني ممكن ربنا يجازيه خير

بتول/مبقاش فيه انسانيه ي ليلي والله

ليلي/معاكي حق ي حبيبتي والله ..مبقناش عارفين نثق ف الناس

بتول هزت راسها ب اه

ليلي بسخريه/الواحد مبقاش عارف يظلم حد و يفتري عليه ب متعه ف الزمن دا ..يخساره

بتول بغيظ/مش عارفين يستحملوني شويه..ايه ال كان هيحصل يعني..راحو وقالو ل زين ف ثانيه كدا

ليلي بصوت واطي بنفاذ صبر /انا لو اعرف انك هتاكلي دماغي كدا مكنتش قولت ل زين

واتنهدت

في العربيه عند رولا و فريده

سيف سايق العربيه و رولا جمبه و فريده قاعده ورا سانده راسها ع الشباك ورايحين الاسطبل بعد ما رولا اقنعت فريده تروح معاها تغير جو بدل ما تقعد ف البيت تفكر

رولا بغيظ/مش كنا رحنا ب عربيتك ي فريده بدل ما الدُب دا هو ال يوصلنا

سيف بصلها

رولا بصتله بمعني ايه؟

سيف هز راسه بمعني يارب اديني الصبر

وكمل سواقه

فريده/انا مش قادره اسوق عربيتي ي رولا والله...انا اصلا مكنتش عايزه انزل

رولا/يعني عايزه تفضلي قاعده مكتئبه ف البيت علشان واحد مايستاهلش ؟والله ما يستاهل زعلك ابدا

فريده اتنهدت

فريده طلعت موبايلها من الشنطه تشوف الساعه كام

لقت ان زين اتصل 4 مرات بس كانت عامله موبايلها صامت

فريده بصدمه وهي بتبص ع الموبايل/رولا

رولا بخضه بصت لها/ what's wrong

فريده بتوتر قلبها دق/زين اتصل 4 مرات

رولا/عايز ايه قليل الزوق دا ..

وبصت ل فريده

رولا/لحظه بس .انتي مالك اتحمستي كدا ليه..هو وحشك؟

فريده بتوتر رجعت شعرها ورا ودنها /احم..انا اتحمست ايه ووحشني ايه مفيش الكلام دا ي رولا

وفجاه زين اتصل

فريده قلبها دق بتوتر/احم ..رولا دا بيتصل تاني

رولا/لاء واضح فعلا انك مش متحمسه..بس طبعا مترديش عليه ..ولو رديتي هتفتحي تهزقيه وتقفلي السكه ف وشه

فريده حطت الموبايل جمبها وربعت ايدها/لاء مش هرد ..أنا مش طايقه اسمع صوته اصلا بعد ال حصل

رولا /لاء واضح فعلا

وبصت قدامها

فريده اتنهدت وبعدين سيف وصل عند الاسطبل

ونزلو من العربيه

رولا راحت ل لونا بابتسامه ال واقفه ف الحوش

رولا بفرحه/روح قلبي وحشتيني

وراحت حضنتها وفريده راحت ل رولا و سيف واقف ساند ع العربيه ومربع ايده

رولا بابتسامه/فريده يلا نركب خيل ونتسابق انا وانتي ..وطبعا كدا كدا انا هكسبك ك لعاده

وباست لونا

فريده وهي بتلمس حصان من ال موجودين

فريده/مليش نفس والله ي رولا ...اركبي انتي وأنا هقف اشم هوا شويه الجو هنا حلو

رولا اتنهدت وركبت الحصان وبدأت تمشي بيه ف المكان

وكل شويه الحصان يمشي اسرع ورولا بتسوقه بطريقه محترفه جدا وشعرها بيطير وهي بتجري وسيف واقف ساند ع العربيه ومراقبها وابتسم

بعد شويه

فريده واقفه سانده ع حصان وبتملس عليه وسرحانه

ورولا خلصت ركوب خيل ونزلت من ع الحصان وبتتكلم مع فريده بتحاول تخليها تفك

عند العربيه عند سيف سمع موبايل ف العربي بيرن بص وراه لقي موبايل فريده نسيته ف العربيه

فتح الباب وجاب الموبايل وراح لهم

سيف ل فريده/موبايل حضرتك بيرن ونستيه ف العربيه

فريده خدت الموبايل وابتسمت/شكرا ي سيف وبلاش حضرتك و هانم والكلام دا احنا حتي أكلنا من كيكه واحده

سيف بص ل رولا/بنفذ طلبات رولا هانم

رولا بصت له بغيظ

فريده/هتاخد ع كلام رولا برضو

وبصت ع موبايلها ال بيرن

فريده/.يارب ميبقاش بابي ال كان بيرن ويقلق

وبصت ف الموبايل وكان زين

فريده بصت ل رولا

رولا /زين برضو صح

فريده /رن كتير اوي تفتكري ارد اشوف عايز ايه

رولا/طبعا مترديش ع قليل الزوق دا..انا لو منك اعمله بلوك اصلا

فريده/انا بجد تعبت ومبقتش قادره اعمل ايه

سيف/انا هستناكم عند العربيه

فريده/لاء استني...قولي انت رأيك ايه ي سيف

سيف/هو انا معرفش ايه ال حصل بالضبط بينكم بس انا شايف بصراحه انك تردي عليه اكيد بعد الإصرار دا كله هيقول حاجه مهمه

رولا/انتي بتاخدي رأيه ليه اصلا اكيد زيه زي كل الرجاله قليلين الزوق وهيقف ف صف زين

سيف/رولا .وربنا انا ساكت ومستحملك بس علشان خاطر ادم بيه بس مش مضطر استحمل كلام من النوع دا انا نبهتك مره..انا عمر ما حد كلمني ب الأسلوب دا قبل كدا ..أنا شغال بتهزأ ولا ايه ي جدعان

رولا بغضب/لا والله تنبهني؟انت ازاي تتكلم معايا كدا اصلا ..وبعدين انا من حقي اقول ل انا عيزاه ف الوقت ال انا عيزاه

سيف بغضب /لاء مش من حقك طبعا

رولا بغيظ/ا

فريده بمقاطعه/بس بقي كفايه انتو كمان..هو انا ناقصه خناق بجد

رولا و سيف سكتو

فريده اتنهدت/سيف معاه حق انا هرد ..بس ي سيف مش محتاجه اقولك بابي بلاش يعرف حاجه عن الموضوع دا

سيف/موضوع ايه اصلا؟انا مسمعتش حاجه

فريده ابتسمت

وراحت وقفت ف جمب وفريده ردت

فريده بغيظ/نعم

زين وهو سايق عربيته/انا برن عليكي من الصبح ي فريده مبترديش ليه

فريده/وانا مش مضطره ارد اصلا

زين/انا محتاج اتكلم معاكي ضروري..عايز اقابلك

فريده بغضب/اكيد لاء

زين/فريده ..بلاش عيند دلوقتي بقولك محتاجين نتكلم ضروري والا هجيلك البيت حالا انا ف طريقتي ل بيتك اصلا

فريده بصدمه عملت ميوت وراحت ل رولا وسيف بسرعه

فريده بتوتر /رولا الحقيني دا عايز يقابلني ولو موافقتش هيروح البيت

رولا/بس لو راح البيت بابي هيعرف كل حاجه وال حصل بينكم ف الشركه

فريده /ايواا الحقيني اقوله ايه بسرعه

زين ع التليفون/الو ..فريده رحتي فين

رولا/خلاص خلاص خليه يجي يتكلم معاكي هنا وانا وسيف هنمشي علشان تبقو براحتكم

فريده شالت الميوت وحطت الموبايل ع ودنها

فريده/احم لالا مينفعش تروح البيت اصلا انا مش ف البيت

زين/امال انتي فين

فريده/انا ف الاسطبل بتاعنا...هبعت اللوكيشن وتيجي نتكلم هنا

زين/تمام ماشي

فريده قفلت المكالمه وبعتت له اللوكيشن واتنهدت

بعد ربع ساعه

عند عربيه سيف ركب العربيه و رولا ركبت و فريده واقفه جمب العربيه

رولا/هنستناكي ف الكافيه ال جمب الاسطبل لما تخلصي كلميني وهنيجي ناخدك

فريده اتنهدت/انا حاسه ان انا مش عايزه اقابله بجد بعد كل ال حصل مش عايزه اشوفه

رولا/اسمعيه وشوفي عايز اي يمكن حس ب غلطه وهيعتذر قليل الزوق دا

فريده/معتقدش تمثال الغرور دا يحس ب غلطه ويعتذر بس حتي لو عمل كدا مستحيل اسامحه

واتنهدت

فريده/يلا روحو

سيف شغل العربيه ومشي

وفريده راحت تقف جمب حصان وبتملس عليه

عند زين

وصل الاسطبل ونزل من العربيه

زين لما شافها من بعيد بصلها وابتسم مع ان عدي يومين بس مشفهاش بس وحشته و حاسس بنقص كبير جواه ف اليومين دول

وكان هيروح لها الأمن ال واقف ع الاسطبل

الامن/حضرتك مين ورايح فين

فريده من بعيد شافت زين

فريده/سيب استاذ زين يدخل ي عمو محمد

محمد/تمام ي بيه اتفضل

زين دخل وراح ل فريده

فريده/نعم ي استاذ زين قولت لي انك عايز تتكلم معايا ضروري

زين/هنتكلم واحنا واقفين ؟

تعالي نروح مكان نتكلم

فريده ربعت ايدها/لا انا مش هروح معاك ف مكان ..ياريت تقولي عايز مني ايه علشان امشي

زين بصلها/احم ..ادهم قالي ان مش انتي ال كشفتي فكره المشروع للموظفين

فريده/واخيرا عرفت الحقيقه يعني

زين /وعرفت كمان ان بتول ال خطتت لكل دا وانها افترت عليكي

فريده/

زين بصلها/انا اسف ..انا مش متعود اعتذر من حد ولا حتي متعود اغلط بس انا فعلا غلطت وظلمتك..ياريت ترجعي التدريب تاني

فريده/بكل سهوله كدا؟ انت اسف وانا ال مفروض اقبل الاعتذار وارجع التدريب..يعني كلمتني ب اسلوب عمر ما حد ف حياتي كلمني بيه ..واتهمتني ان انا مش مسؤوله وبنقل كلام الاجتماعات للعملاء وبسببي فكره المشروع اتسرقت ..واتهمتني ان انا ماشيه اتدلع واهزر ف الشركه..وبرضو اتهمتني ان انا كلمت حبيبتك بتول ب تعالي علشان واثقه ان ف ضهري واسطه وبنت ادم الحديدي ومامتي صاحبه نص الشركه

زين/انا ا

فريده /

انا عمري ما هسامحك ي زين ..آه عفوا استاذ زين ..ولا هنسي الكلام ال انت قلتهولي ولا هقدر انسي اتهمامتك البشعه ليا ..مهما عملت ..وانا مش راجعه التدريب تاني ..عن اذنك

وكانت هتمشي

زين مسك دراعها وقفها /فريده لو سمحتي انا لسه مخلصتش كلامي ..خلينا نتكلم

فريده سحبت دراعها من ايده/وانا خلصت ومش عايزه اتكلم ف حاجه تاني

في الكافيه عند سيف و رولا

سيف وصل قدام الكافيه و رولا نزلت وسيف نزل

رولا كانت هتدخل

رولا/ايه انت مش هتيجي معايا نشرب القهوه

سيف بيفكرها ب كلامها /لاء العفو ي رولا هانم مش من حدي اشرب معاكي قهوه انا هستناكي هنا

رولا/انا فعلا عايزه حدود بينا بس انا مش هقعد اشرب قهوه مع الحيطه جوه ..مع ان مفيش فرق بينك وبين الحيطه يعني...ف يلا ادخل معايا

سيف بصلها

رولا/خلاص بهزر انت روبوت للدرجه دي يعني .. مبتهزرش

ودخلت الكافيه وسيف هز راسه بمعني مفيش فايده ودخل وراها

وقعدو ع الطربيزه

الجارسون راح لهم بسرعه

الجارسون بابتسامه /ي الف اهلا وسهلا ي رولا هانم

رولا ابتسمت/ازيك ي طه

طه/انا زي الفل..اجيب لك القهوه بتاعت حضرتك

رولا/اه ياريت

طه ل سيف/وحضرتك تشرب ايه

سيف/قهوه مظبوط

طه/حاضر ثواني والقهوه تكون عندكم

ومشي

سيف /شكلك معروفه هنا

رولا ابتسمت/اه انا ع طول بشرب قهوتي هنا بعد ما اخلص ركوب خيل ف الاسطبل باجي اشرب قهوتي هنا ..قهوتهم هتعجبك هنا ع فكره

سيف ابتسم

بعد شويه طه جاب القهوه وحطها ع الطربيزه

طه بابتسامه/اي أوامر تانيه

سيف/متشكر

رولا/ميرسي ي طه

طه /تمام الف هنا

ومشي

و رولا و سيف بدأو يشربو القهوه

فجأه سمعو ع الطربيزه ال جمبهم راجل اربعيني ومعاه صحابه وبيحتفلو ب حمل مراته وبيشربو

الراجل بفرحه/اشربوا اشربوا كل ال انتو عايزينه ع حسابي النهارده

رولا ابتسمت /تقريبا هيخلف قريب

سيف ابتسم

وقال ل طه

الراجل/طه اي حد ف الكافيه هنا حسابه عليا..والأستاذة دول كمان

وشاور ع رولا وسيف

سيف/مفيش داعي والله احنا هنحاسب ع حاجتنا

الراجل/لا طبعا كل دا ع حسابي النهارده اشرب اشرب ال انت عايزو

رولا ابتسمت و بصت له

رولا/مبروك ..ولد ولا بنت

الراجل بفرحه وبفخر/ولد ولد

رولا بتريقه/ولد ولد.

وكملت بغيظ/لو كانت هتخلف بنت كنت هتفرح كدا ي تري؟

الراجل/!

سيف بيحاول يسكتها/رولا

رولا كملت بغضب/الله يلعن نرجسيتكم ي اخي ..الست حامل وطلعان عينها ف البيت وانت جاي تشرب مع صحابك

وبتحتفل انها هتجيب ولد

سيف هز راسه بمعني مفيش فايده وقام وطلع فلوس من محفظته حطها ع الطربيزه ورولا لسه بتهاجم الراجل

الراجل بغيظ/ايه ال حضرتك بتقوليه دا انا جاي هنا ومسافر اشتغل مش بلعب

رولا/اه اه طبعا واحنا صدقنا

سيف مسك دراع رولا وواخدها وماشي

سيف/احنا بنعتذر جدا ليك هي متقصدش

يلا ي رولا

رولا/استني ي سيف بعد اذنك .

رولا بغضب للراجل /لا انا اقصد ع فكره ..لان العنصريه بتاعتكم دي هي ال موديانا ف داهيه

سيف خد رولا من دراعها وطلعو ورولا لسه بتهاجم ف الراجل وهما ماشيين

الراجل/ايه الجنان دا !

سيف و رولا طلعو من الكافيه وراحو عند العربيه

رولا سحبت دراعها من ايده/مسبتنيش ليه اعرفه مقامه

سيف/لا حول ولا قوه الا بالله..انتي فعلا مبتعرفيش تقعدي دقيقه واحده من غير ما تدخلي نفسك ف مشاكل ..انا كل يوم بقتنع ليه ادم بيه عايز لك حارس شخصي انتي مخصوص

رولا ربعت ايدها/انا مش بتاعت مشاكل ع فكره ..بس قله زوق الناس مبعرفش اسكت عنها

سيف /لاء واضح

رولا بغضب/وبعدين مش من حقك اصلا تاخدني وانا قاعده بتكلم مع الراجل.. انت مالك اصلا

سيف/لاء من حقي

رولا بغضب/لاء مش من حقك

سيف/من حقي اعمل اي حاجه ف سبيل اني احميكي من الحاجات ال بتحطي نفسك ف خطر فيها و دا اصلا شغلي

رولا بغيظ/شغلك انك تسوق لي عربيتي و تاخد بالك من ف العموم مش تدخلك ف أدق تفاصيل حياتي

سيف/والله انا لو شايف انك مش محتاجه حمايه ف أدق تفاصيل حياتك مكنتش اتدخلت بس انا شايف العكس تماما ..ودي اصلا أوامر من ادم بيه مبعملش كدا من دماغي..يلا علشان نمشي

رولا ربعت ايدها بغيظ/انا عايزه اشرب قهوه ملحقتش اشرب

سيف/مفيش قهوه بعد ال حصل جوه ..يلا نمشي

رولا ربعت ايدها بضيق/لاء مليش دعوه انا عايزه اشرب قهوه

سيف فتح لها الباب

سيف/يلا ي رولا قولت مفيش قهوه

رولا /لا مليش دعوه انا مش همشي من هنا غير لما أشرب القهوه بتاعتي

سيف اتنهد وقفل الباب تاني/طيب هندخل نجيب قهوه تيك اواي تشربيها ف العربيه لاني لو دخلت اجيب لك هرجع الاقيكي عامله ٣٠٠ مشكله ..هتدخلي معايا ومش عايز مشاكل

رولا/طب أنجز

سيف اتنهد /مش عارفه اعمل ايه ف طوله لسانك دي..اتفضلي

ودخلو سوا لحد البار ال بيتعمل فيه القهوه وكان طهه واقف مع واحد بيعملو قهوه

سيف/هات لنا اتنين قهوه بعد اذنك ي طه وهناخدها معانا..مش اسمك طه برضو

طه ابتسم/مظبوط ..حاضر لحظه واحده والقهوه هتبقي جاهزه

وبدأ يعملها

رولا/انا ال هحاسب المره دي

سيف/وماله

رولا/انا مبهزرش انا ال مفروض عزماك ع فكره

سيف/منا بقولك وماله حاسبي انتي

طه اعطي سيف صنينه ورق عليها اتنين قهوه

طه/اتفضل

سيف /شيلي دي ثانيه كدا لحد اشوف مين بيتصل عليا

رولا شالت الصينيه ب استغراب لان موبايله مرنش وسيف طلع من جيبه المحفظه وبدأ يحاسب

سيف/الحساب كام ي طه

طه/200

سيف اعطاله الفلوس

رولا بصدمه/انت نصبت عليا وشيلتني الصينيه علشان تحاسب انت

سيف وهو بيرجع المحفظه ف جيبه/الصينيه لايقه ف ايدك

رولا ابتسمت

سيف بصلها وابتسم/ وضحكتك لايقه عليكي اكتر

رولا ابتسمت بس حاولت تخفي ابتسامتها

رولا/انا كدا كدا عارفه

وحطت الصينيه ف ايده

وسيف خد منها صينيه القهوه وطلعو من الكافيه

المغرب ف الكومباوند

في غرفه فريده لابسه بنطلون بيجامه و توب كات ونايمه ع السرير و جمبها رولا لابسه بنطلون قطن و بلوزه بكوم اوفر سايز قصيره و ميره جمبهم لابسه بنطلون وتوب وعليهم كارديجان قصير

وفريده بتحكي لهم ال حصل مع زين

رولا/اخيرا عرف غلطته يعني

فريده/اه

ميرا/انا مبسوطه انه عرف حقيقه الحيه الصفرا ال اسمها بتول دي

رولا/هتفرق ف ايه..بعد ما زعل فريده و اتهمها الاتهامات دي جاي يقول لها ارجعي التدريب انا اسف

ميرا/يعني الراجل عرف غلطته واعتذر المفروض نديله فرصه تانيه يعني..ولا ايه رايك ي فريده

فريده/مش قادره اسامحه بعد ال عملو...اعتذارو ليا مش هينسيني اتهاماته ليا

فجأه الباب خبط وناديه الخادمه دخلت و ف ايدها بوكيه ورد كبير

ناديه ابتسمت/فريده هانم الورد دا جالك

فريده قعدت ع السرير ب استغراب /الورد دا علشاني؟

رولا بابتسامه/الله الورد تحفه

فريده/متأكده ي ناديه دا علشاني و مراد مش باعته ل ميرا

ميرا بابتسامه وحماس/ي هبله النهارده مش الجمعه دا اكيد ليكي. شوفي من مين

فريده اخدت الورد من ناديه وناديه استأذنت ومشيت

فريده اخدت الكارت وكان مكتوب فيه

(انا اسف حقك عليا..عايزك تسامحيني..زين)

فريده ابتسمت

رولا وميرا قرأو الكارت

ميرا بابتسامه/الله.. زين طلع كيوت والله

رولا ابتسمت/حركه حلوه منه بصراحه

فريده ابتسمت وشمت الورد

ميرا ابتسمت/لالا وبنشم الورد كمان

رولا/دا كدا شكلنا سامحاناه بقي

فريده ابتسمت/لاء مسامحتوش.. دا الورد بس ال عجبني

ميرا ورولا بابتسامه/الورد اه

وموبايل فريده رن وكان زين

ميرا ابتسمت/ردي ردي ع ال ورد...اقصد زين

ميرا و رولا ضحكو

فريده ابتسمت وخطبتهم ب الورد بغيظ

فريده/احترموا نفسكم

رولا/سكتنا

فريده ابتسمت وردت ع زين

و ميرا و رولا لزقو جمبها علشان يسمعو هيقول ايه

زين/سامحتيني؟

فريده ابتسمت بس بينت غير كدا/احم لاء

زين ابتسم/تمام براحتك بس انا مش هسيبك الا لما تسامحيني ي فريده هانم.. ولو مكلمتنيش وقولتي انا سامحتك ي زين انا هبعت لك بوكيه ورد كل دقيقه لحد ما تسامحيني

فريده/وانا مسامحتكش.. ومتتعبش نفسك وتبعت حاجه ي استاذ زين..عن اذنك

وقفلت المكالمه

ميرا بابتسامه/والله الزين دا طلع رومانسي

رولا ابتسمت/دي حقيقه..بس الموضوع هيبقي رومانسي اكتر لو بعت ورد فعلا وبابي شافو

ميرا بصدمه/اه صح دا لو بابي عرف هتبقي مصيبه

فريده/ورد ايه ال هيبعتو كل دقيقه اكيد بيقول كدا علشان اسامحه وخلاص متقلقوش

وبصت ع الورد ال ف ايدها وابتسمت

وفجأه الجرز رن

فريده ورولا وميرا بصو ل بعض

وبعدين قامو من ع السرير بسرعه و فريده خدت الجاكيت بتاعها من ع السرير وجريو ع برا بسرعه وفريده بتلبس الجاكيت

تحت ف الصالون ناديه كانت هتفتح الباب

فريده راحت لها بسرعه /ناديه لاء استني

ناديه وقفت بخضه

ميرا ابتسمت بتوتر/متتعبيش نفسك احنا هنفتح

ناديه/ولا تعب ولا حاجه ي ميرا هانم

رولا ابتسمت/اصل احنا طالبين حلويات ومش قايلين ل بابي علشان مانع ميرا منها النهارده

ناديه ابتسمت/اها ماشي بس متقلقوش كلو براحتكم كدا كدا ادم بيه لسه مجاش من الشغل

ميرا/ومامي فين

ناديه /قالت لنا انها رايحه الميتم

رولا ابتسمت/طب كويس..شكرا ي ناديه تعبناكي

ناديه راحت المضبخ وفريده راحت فتحت الباب بسرعه ال قاعد يرن

وكان فعلا مندوب ماسك بوكيه ورد

المندوب/مساء الخير

رولا وميرا راحو ل رولا بسرعه

فريده/مساء النور

المندوب/الورد دا جاي ل فريده ادم الحديدي

رولا وميرا ابتسمو

فريده ابتسمت/انا فريده

المندوب اعطاها الورد/استأذنك توقعي هنا

فريده اخدت الورد ووقعت والمندوب استأذن ومشي

وفريده قفلت الباب وهي بتبص ع الورد بابتسامه وطلعت الكارت وكان مكتوب فيه انا اسف

رولا /دا طلع مجنون وهيبعت كل دقيقه ورد بجد

ميرا بابتسامه/بس الورد تحفه

رولا/هو حلو بصراحه

فريده ابتسمت وحضنت الورد

فريده/تعالو نطلع بدل ما حد يشوف معانا الورد مش هعرف ابرر الصراحه

وكانو هيطلعو

الجرز رن تاني

فريده/لاء بقي

رولا بصدمه/لا مش للدرجه دي

ميرا ضحكت بصدمه/دا هيبعت ورد كل دقيقه بجد

رولا/استنو انا هفتح

و فتحت الباب

وكان مندوب تاني واقف ومعاه ورد

المندوب/دا بيت فريده هانم

رولا/ايوا..هات هات الورد

وخدت الورد

رولا/طبعا محتاج توقيع فريده

المندوب/لالا الجاي كله من غير توقيع..عن اذنك

رولا وهي بتقفل الباب/ال جاي كله؟انا سمعت صح

ميرا ضحكت/بوكيه الورد ال تالت ..تحفه والله

فريده خدت الورد بابتسامه وبصت ع الكارت ومكتوب فيه انا اسف

رولا/فريده كلمي المجنون دا يوقف ال بيعمله لو بابي او ياسين شافو الورد دا هنقول ايه

فريده /انا مش هكلم حد ومش هسامحه

الجرز رن تاني

فريده/لا كدا كتير بجد

ميرا بابتسامه/دوري افتح

رولا/روحي ي اختي..وسيبي الباب مفتوح بدل ما كل شويه حد يرن..اسهل يعني

ميرا راحت فتحت الباب

المندوب/الورد دا جاي ل

ميرا بابتسامه/ل فريده صح

المندوب/ايوا مظبوط

ميرا اخدت الورد بابتسامه

ولسه هتقفل الباب

مندوب غيره راح لهم وماسك بوكيه ورد وحطه ف الصاله و مشي ومندوب غيره جاب بوكيه ورد تاني وحطه وفضل يجي ورد ب مناديب كتير وسط دهشه فريده و رولا وميرا

واخر مندوب حط اخر بوكيه ورد

المندوب/حضرتك تأمري ب حاجه تانيه

فريده وهي باصه بصدمه ع الصالون ال بقي في حوالي 15 بوكيه ورد شاورت ب راسها لاء

والمندوب مشي

رولا بصدمه باصه ع الورد /oh my god

ميرا ضحكت بصدمه/فريده ايه كل الورد دا انا مش مصدقه

ومسكت بوكيه ورد وبدأت تشمه

فريده بتبص ع الورد بابتسامه ومش مصدقه ان زين بيعمل كل دا علشان تسامحوا

رولا بتبص ع الورد/لاء و زوقو حلو كمان

وبصت ع فريده ال واقفه مبتسمه

رولا /ست رومانسيه هانم..انا اسفه اني بقاطعك بس بابي لو جه شاف الورد دا كله هتبرري تقولي له ايه

فريده انتبهت بتوتر/ايوا صح هنعمل ايه.انا مش عايزه بابي يعرف ان في مشكله حصلت بيني وبين زين ف الشركه

ميرا/عادي ي جماعه نقوله في واحد عشقان اختي وبيحاول يراضيها بعد ما زعلها

فريده خبطت ميرا ب الورد وميرا ضحكت

فريده ابتسمت/احترمي نفسك مفيش الكلام دا.. هو بيحاول يصلح ال عملو بس لانه عارف انه غلطان

رولا ابتسمت/اه اه صدقناكي فعلا ..طب انتي بقي سامحتي

فريده ابتسمت وناديه و دادا رحمه طلعو من المضبخ وباصين ع الورد بصدمه

دادا رحمه بابتسامه/ي مشاء الله ايه الورد دا كله

ناديه ابتسمت/هو ادم بيه عامل حفله ولا ايه

ميرا ضحكت/ادم بيه لو رجع وشاف الورد دا هيعمل حفله فعلا

فريده بتوتر/ايوا صح لازم نطلع كل الورد دا اوضتي بسرعه..دادا رحمه وناديه ساعدونا يلا بسرعه نشيل الورد

رولا/ايوا وياريت براحه علشان ياسين مياخدش باله

ناديه/حاضر

دادا رحمه ابتسمت/نشيل وماله

و فريده وميرا ورولا و دادا رحمه وناديه بدأو كل واحد يشيل بوكهين ورد ويطلعو يحطوه اوضه فريده وينزلو يجيبو تاني ويطلعو بسرعه لحد ما الورد ال ف الصالون خلص

فريده و رولا وميرا ف اوضه فريده ال اتملت كلها ورد حرفيا

فريده قاعده ع السرير حاضنه بوكيه ورد بابتسامه

رولا قعدت ع السرير بتعب

ميرا نامت ع السرير وهي بتنهج

رولا/انا تعبت

ميرا/ربنا يستر وزين ميبعتش ورد تاني مبقتش قادره

رولا/لاء كدة كتير بجد فريده هانم كلميه قولي له انك سامحتيه وخلصينا

فريده/مين قالكم بقي اني سامحته

ميرا /الورد ال انتي حضناه دا بيقول كدا

رولا ضحكت

فريده ابتسمت/ماشي يعني الورد حلو وكل حاجه ..وحاول كتير اسمعه واسامحه

رولا ابتسمت/اها

فريده ابتسمت/وعرف غلطته و اعتذر بدل ال مره 15

ميرا ابتسمت/وايه كمان

فريده انتبهت/احم..بس دا ميمنعش اني لسه مسامحتوش ع الكلام ال هو قاله يعني

رولا/باين طبعا

ميرا ضحكت

وفريده ابتسمت

ميرا/بس مش انتو ملاحظين انه مبعتش ورد تاني مع ان فريده متصلتش بيه

رولا/اكيد الورد ال ف المحل خلص..هيبعت ورد اكتر من كدا ايه دي الاوضه اتملت

احلام دخلت الاوضه بعد ما رجعت من برا

احلام/بنات ا

وبصت ع الاوضه ال مليانه ورد

فريده قامت من ع السرير /احم

احلام ابتسمت/ايه الورد دا كله..مشاء الله..مين جايبه

رولا ابتسمت/دا حد كدا ي احلام بيحاول يعتذر من فريده

احلام/حد مين؟ ويعتذر ع ايه مش فاهمه حاجه

ميرا ابتسمت/دا واحد ندمان و عشقان..استاذ زين

احلام/زين!

فريده بغيظ خبطتها ب الورد

فريده/متصدقيش كلام العيال الاوفر دي ي احلام..بصراحه أنا سبت التدريب بسبب مشكله بيني وبين استاذ زين.حصل سوء تفاهم يعني.ف هو حب يعتذر عن سوء التفاهم دا

احلام /كدا ي فريده؟تخبي عليا ال حصل ...من امتي وانتي بتخبي عليا حاجه

فريده /انا اسفه والله ي احلام انتي عارفه اني مبخبيش عليكي حاجه بس خوفت اقولك ومتعرفيش تخبي ع بابي ويعرف ووقتها كان هيعمل مشكله كبيره ل زين انتي عارفه

احلام ابتسمت/طب سامحتيه بعد كل دا طيب...وبعد كميه الورد دي

فريده ابتسمت/يعني..لسه بفكر

وسمعو الجرز بيرن

احلام/اكيد الأمن جاب الطلبات ال طلبتهم منهم..هنزل اشوف

رولا/او ورد تاني من زين بيه.. اكيد كان بيدور ع محل ورد تاني

ميرا ضحكت واحلام ابتسمت وطلعت برا الاوضه

فريده/لمو نفسكم بقي شويه

بعد 5 د

فريده ورولا وميرا بيتكلمو ف الاوضه

دادا رحمه خبطت ودخلت

دادا رحمه ابتسمت/فريده في ضيف ف الصالون مع احلام هانم تحت واحلام هانم عيزاكي تنزلي

فريده ب استغراب/ضيف مين ..واشمعنا انا انزل

دادا رحمه/تقريبا اسمه استاذ زين

فريده بصدمه/زين تحت

ميرا و رولا بصو ل بعض بصدمه

في الصالون تحت

احلام قاعده و زين قاعد قصادها والخادمه بتقدم له القهوه

زين ابتسم/اسف لو جيت من غير معاد بس زي ما قولت ل حضرتك كان لازم ابعت التصاميم دي ل فريده تشتغل عليهم

وشاور ع الملف ال جمبه

احلام ابتسمت لانها عارفه انه بيتحجج ب التصاميم علشان يشوف فريده ويتفاهمو

احلام بابتسامه/متقولش كدا ي زين انت تيجي ف اي وقت ..بالعكس دا انا مبسوطه اني شوفتك

زين ابتسم/انا اكتر

فجأه ادم دخل البيت بعد ما رجع من الشغل وراح لهم

احلام ابتسمت/ادم تعالي ..زين ابن سالم بيه عندنا النهارده

زين قام ع طول ب احترام

زين ابتسم/ازي حضرتك ي ادم بيه

ادم مد ايده يسلم عليه

ادم ابتسم/عامل ايه ي زين

زين ابتسم/انا الحمد لله زي الفل ..مبسوط اني شوفت حضرتك

ادم ابتسم/انا اكتر

من فوق فريده و رولا وميرا بيبصو ع زين ال واقف بيسلم ع ادم واحلام قاعده وبيتهامسو

رولا/دا طلع قمور بجد

ميرا /ايوا دا عسول اوي فعلا و كاريزما

فريده ابتسمت

ف الصالون

احلام/زين جاي يشوف فريده ويرجع لها تصاميم بس مش عارفه فريده اتأخرت ليه

ادم /انا هطلع استعجلها.. اتفضل كمل قهوتك ي زين وانا هغير هدومي واجيلك ..البيت بيتك

زين ابتسم/متشكر

وقعد تاني وادم باس راس احلام واحلام ابتسمت وادم طلع فوق ولمح البنات وهما بيتفرجو من فوق ع زين والبنات اول ما شافو ادم كانو هيمشو بسرعه

ادم/تعالو تعالو

البنات وقفت تاني

ادم/واقفين عندكم بتعلمو ايه..بتتسنطو

ميرا/ها ..لا ابدا ي بابيتو هنتسنط ع أيه

فريده بتوتر/ب الضبط انا اصلا كنت هنزل لهم لان مامي ندهت لي

رولا/فعلا ي ادم دا ال حصل

فريده/عن اذنك ي بابي هنزل لهم

وكانت هتمشي

ادم بص ب غيره ع جاكيت فريده ال مفتوح ولابسه تحته توب

ادم/تعالي يبت هنا

فريده وقفت قصاده

فريده/نعم

ادم مسك سوسته جاكيت فريده وقفلهولها وفريده ابتسمت

ادم/رايحه ع فين بالمنظر دا..اوعي تكوني نزلتي كدا

فريده ابتسمت/لا والله لسه منزلتش

رولا/وبعدين بقي ف غيرتك علينا دي ي أدوم يعني لما نتجوز هتعمل ايه

ادم/بس يبت ..جواز ايه محدش فيكم هيتجوز اصلا شيلو الفكره دي من دماغكم

ميرا بابتسامه /الله الله..افرض حبينا حد وعايزين نتجوز يعني ي ادم..شوفنا واحد من الجامعه مثلا من الشغل..بتحصل يعني

ادم بغيظ/علشان وقعتها اقعدكم من الجامعه خالص وتفضلو جمبي ي عيون ادم

ميرا/لا كله الا تعليمي خلاص والله بهزر...جواز ايه انا لسه صغيره اصلا

ادم/شاطره

فريده ابتسمت وباست خده/اقدر انزل بقي

ادم ابتسم/ماشي

وباس راسها وفريده نزلت

ادم/وانتو ايه..مفيش بوسه ولا حضن بعد ما رجعت من الشغل ولا ايه حاجه

رولا بابتسامه/دا انت تاخد اكبر حضن

ميرا ابتسمت/واكبر بوسه كمان مش حضن بس

والاتنين باسو خدو وحضنوه وادم ابتسم وحضنهم بقوه وباس راسهم

عند فريده

نزلت من فوق وراحت لهم وزين كان بيشرب القهوه اول ما شافها ابتسم وساب القهوه

احلام ابتسمت/تعالي ي فريده

فريده راحت لهم

احلام ابتسمت/زين جايب لك شويه تصاميم كنتي نسياها ف الشركه...اتكلمو براحتكم وانا هدخل اشوفهم عملو ايه ف الكيك

وقامت

احلام/عن اذنك ي زين

زين قام ب احترام /اه طبعا اتفضلي

احلام مشيت ودخلت المضبخ

و رولا و ميرا نزلو ع السلم كام خطوه بيحاولوا يشوفو زين وفريده بعد ما ادم دخل يغير هدومه

فريده ربعت ايدها /ممكن اعرف انت بتعمل ايه هنا

زين بص ف عيونها/جاي اشوفك ونتكلم

فريده /وانا قولت لك الكلام بينا خلص ي زين ..وبعدين ايه ال عملته دا وكميه الورد ال بعتها دي

زين ابتسم/كل الورد دا مش من مقامك لو أطول ابعت لك كل الورد ال ف الدنيا هعمل كدا

فريده ابتسمت

زين جاب الملف ال فيه تصاميم وطلع منه ورده حمرا حلوه اوي

واعطاها ل فريده

فريده ابتسمت وبصت ع الورده ال ف ايدها وكانت مبسوطه اوي

زين/حقك عليا انا اسف..انا عارف ان انا غلطت ي فريده..وقلت كلام كتير مش صح واتهمتك اتهامات وحشه بس ا

فريده/لاء طبعا مقدرش ألومك..لازم تصدق حبيبتك وتكدبني انا

زين/حبيبتي مين؟!

فريده بغيظ/بتول مين غيرها

زين ابتسم/بتول ولا عمرها كانت حبيبتي ولا هتكون ..ولو قالت لك كلام زي دا ف هي بتكدب..هما يومين كنا متصاحبين فيهم من زمان اوي وانا نسيتها من بعدها...عمري ما حبيت بجد غير مره واحده مؤخرا كدا

وبصلها ف عينها

وفريده ابتسمت

زين ابتسم /سامحيني بقي...والله العظيم الشركه ملهاش اي لازمه من غيرك ..وانا بجد ندمان ع كل كلمه قولتها ونفسي تسامحيني من قلبك

فريده ابتسمت وهزت راسها بموافقه

فريده/سامحتك

زين ابتسم/بجد..يعني هترجعي التدريب تاني

فريده ابتسمت

عند رولا و ميرا واقفين عند نهايه السلم بيحاولوا يسمعو اي حاجه من غير ما حد ياخد باله

ميرا/سامعه حاجه..اتصالحو

رولا بتحاول تسمع/مش عارفه ..الصوت مش واصل ل هنا

ميرا وهي بتحاول تسمع كانت هتقع

رولا حاولت تمسكها اتكعبلو وبقو ف نص الصالون

زين وفريده بصو لهم

ميرا ابتسمت بتوتر/ازيك..احنا ا

رولا بتوتر/طبعا هتستغربو احنا بنعمل ايه هنا فجأه بس مامي بتسألك سكر قهوتك ايه

زين ابتسم وشاور ع القهوه/بس انا شربت قهوتي

ميرا ابتسمت بتوتر/ايه دا فعلا ي رولا القهوه بيشربها اهي شكل مامي عملت لها

رولا/شكلها كدا

فريده بصت لهم/ومامي بتسألكم سكر قهوته كام من ع السلم فوق..حسابكم بعدين

ميرا بصوت واطي/كان لازم تفكري ف كذبه اذكي من كدا

رولا /كنتي فكرتي انتي ي ذكيه

فريده هزت راسها بمعني مفيش فايده وزين ضحك

فريده/دول رولا وميرا اخواتي ي زين

زين ابتسم وسلم عليهم /اهلا وسهلا

رولا وميرا/اهلا بيك

زين ابتسم/مش محتاج اعرف نفسي تقريبا كدا فريده قايله كل حاجه وانتو عارفين

ميرا/دي حقيقه

فريده حطت الورده ف الملف ال زين جابه

واحلام طلعت من المضبخ مع الخادمه ال ماسكه صينيه عليها اطباق كيك وخادمه تانيه ماسكه مقبلات

احلام ابتسمت/يلا اقعدوا الكيك جاهز

والخدم حطو الحاجه ع الطربيزه

زين/تعبتي نفسك والله ي احلام هانم

احلام ابتسمت/مفيش اي تعب ولا حاجه والله هما ال عملو كل حاجه

ادم نزل من فوق بعد ما غير هدومه

زين/بس انا كدا كدا لازم امشي

احلام/لاء مينفعش لازم تاكل معانا الكيك الاول

ادم/ تمشي فين انت لسه مخلصتش قهوتك

زين ابتسم /مره تانيه ان شاءالله ادم بيه و وبعتذر اني جيت من غير معاد

ادم/متقولش كدا عيب دا بيتك تيجي ف اي وقت.. يلا اقعد كمل قهوتك

زين ابتسم/ماشي

فريده ابتسمت وادم و زين واحلام قعدو

ادم /هو انا مش قايل لكم تدخلو اوضتكم؟

ميرا /احم كنا بنسلم ع زين

رولا/نقعد ي بابي؟

ميرا شاورت له بتستأذنه يقعدو ولالا

ادم/اتفضلو اقعدو

ميرا ورولا قعدو

و بصو ل فريده المبتسمه بمعني لا والله

و فريده بخجل خبطتهم من غير ما حد ياخد باله و قعدو

وقعدو سوا بيتكلمو و ياسين نزل من فوق سلم ع زين وقعد معاهم وفضل ينكش فيهم ك العاده وكملو السهره بيهزرو وزين كان مرتاح معاهم وحس ب دفي مش طبيعي اكن وسط عيلته بجد

بعد ساعه

فريده ف عرفتها ومعاها رولا وميرا قاعدين ع السرير بياكلو كيك

فريده فتحت الملف ال ف ايدها ومسكت الورده ال زين اداهلها وشمتها وابتسمت

ميرا ابتسمت/الله الورده دي من زين

فريده ابتسمت/أيوا

رولا ابتسمت/ والله الزين دا طلع مش هين خالص..طب سامحتيه ع الاقل

ميرا /طبعا لازم تسامحه..دا جاب لها ١٦ بوكيه ورد و كتب عليهم كلهم اسف و جالها مخصوص ل حد البيت واتحجج ب تصاميم علشان يشوفها

رولا/وقمور كمان

ميرا/دي حقيقه

والبنات بتتكلم فريده مسكت موبايلها وفتحت الكاميرا وبدأت تتصور سيلفي مع كميه الورد ال ف اوضتها دي

فريده ابتسمت/انا قولت له اني سامحته خلاص..وهرجع التدريب

رولا وميرا ابتسمو والباب خبط و ادم دخل

وبص حواليه ع كميه الورد ال موجوده ف الاوضه

رولا وميرا/احم

ادم/ايه دا

فريده بخجل وتوتر/دا ورد

ادم/والله؟ منا عارف انه ورد..مين جايبه

فريده /احم زين ال جايبه ي بابي..حصل سوء تفاهم ف الشركه ف كان بيعتذر لي

ادم/وانا اخر من يعلم مش كدا..يعني استاذ زين يزعلك ف تسيبي الشركه بسببه وتفضلي متضايقه يومين كاملين وانا معرفش

فريده /انا اسفه والله ي ادم انا مقصدتش اخبي انا بس محبتش اضايقك انت ومامي ومقولتش

رولا ابتسمت/بس خلاص زين اعتذر لها وهي عايزه ترجع التدريب تاني

فريده /ايوا..بس لو انت مش عايزني اروح مش هروح اهم حاجه متزعلش مني

وباست خده ادم ابتسم وخدها ف حضنه وباس راسها

ادم/لاء روحي..اهم حاجه عندي انك مرتاحه ومبسوطه

فريده ابتسمت وباست خده وادم باس راسها

ورولا وميرا ابتسمو

الفصل

صباحا في شركه تصميم الأزياء

عند زين طلع من الاسانسير ورايح ف اتجاه مكتبه وبيدور بعينه ع فريده يشوفها رجعت التدريب زي ما اتفقو امبارح ولالا ..ويارا قامت من ع مكتبها ب سرعه

يارا/اهلا ي زين بيه

زين وقف/صباح الخير

يارا /صباح النور..اتفضل..تأمرني ب حاجه غير القهوه

زين/لاء قهوه بس

يارا/حاضر تحت امرك

زين/احم ايه..انتي شغاله لوحدك

يارا ب استغراب/اه لوحدي

زين/ماشي

يارا/في حاجه ي زين بيه

زين/لاء ارجعي ع شغلك.. وابعتيلي القهوه

يارا/حاضر

وقعدت ع مكتبها بسرعه وطلبت من حد ف البوفيه يعمل القهوه

عند زين دخل مكتبه وقعد ع المكتب واتنهد

وطلع موبايله من جيبه وبص فيه وحطه ع مكتبه تاني

وقام وراح وقف عند الشباك

وبيفكر ف فريده وميعرفش هي هترجع التدريب زي ما قالت له ولالا

وفتح موبايله تاني ولقي ان كان في نوتفكيشن من امبارح ان فريده نزلت ستوري ع الانستجرام..زين فتح الاستوري وكانت فريده متصوره ف اوضتها وماسكه بوكيه ورد وحضناه وحواليها ف الاوضه ال ١٥ بوكيه ال زين جايبهم وكان باين عليها مبسوطه زين ابتسم

وقام و طلع برا المكتب

يارا قامت بسرعه

زين/اتصلو من دبي؟

يارا/لا ي زين بيه لسه مقالوش حاجه

زين/عرفيني اول ما يتصلو..ومتنسيش كمان تتصلو ع المحامي وتقولي له ع العقد

يارا/حاضر

زين بيبص ع الطرقه ع امل فريده تيجي

يارا بصت ل زين

زين انتبه/مجموعه المعرض امبارح قالو هيقدمو اقتراحات ياريت تشوفيهم وتستعجليهم

يارا/حاضر تحت امرك

زين/احم ..هي لسه مجتش؟

يارا بعدم فهم/هي مين ي فندم

زين/ابعتيلي القهوه

وكان هيمشي

فريده جت وشايله صينيه عليها القهوه اشترتها من الطريقه وجمبها طبق فيه كيك هي ال عملته

فريده/قهوتك جاهزه

زي وقف وبص ع فريده

ال واقفه بابتسامه وشايله القهوه

زين ابتسم وبيتأمل حلاوتها

فريده ابتسمت/اسبريسو مظبوط ومن غير سكر زي ما بتحبها

زين ابتسم/جيباها بنفسك؟ مكنش في داعي تعبتي نفسك

فريده/لاء مفيش اي تعب ولا حاجه انا جبتها وانا جايه ف الطريق

زين ابتسم

و يارا واقفه ف النص بتبص عليهم ب استعجاب

زين ابتسم/حطيها ع مكتبي لو سمحتي

ووسع لها الطريق علشان تروح مكتبه و فريده ابتسمت وعدت من جمبه ودخلت المكتب

وزين ابتسم

يارا/حضرتك تأمر ب حاجه تاني؟

زين/لا خلاص

ودخل المكتب

زين اخد من فريده الصينيه بسرعه

زين/هاتي عنك..تعبتي نفسك ليه

فريده ابتسمت /مفيش اي تعب والله

وزين حط الصينيه ع المكتب

زين بص ع الكيك

زين/دا برضو اشتريته مع القهوه

فريده ابتسمت/لاء انا ال عملته

زين ابتسم/دا بجد؟ انتي بتعرفي تطبخي

فريده ابتسمت/لاء مش طبيخ بالضبط يعني بس مامي علمتني شويه حاجات بسيطه

زين /الكيك بتاعت احلام هانم امبارح كانت خطيره فعلا..ف انا واثق ان دي هتطلع حلوه برضو

فريده ابتسمت/طب يلا دوق دي وقولي رايك

زين/ اقعدي يلا كلي معايا

فريده/لاء شكرا انا فطرت.انا جيباها علشانك انت

زين ابتسم/طب اقعدي

فريده ابتسمت وقعدت

وزين قعد ع كرسي المكتب

زين /انا مكنتش عايز اتعبك والله ب الكيك دا..بس شكله حلو اوي

فريده ابتسمت/لا مفيش اي تعب ..يارب يعجبك بس

زين ابتسم

في الجامعه عند رولا

قاعده مع صحابها قدام الجامعه و سيف راكن العربيه وساند عليها ومستنيها وبيدعي ربنا يخلصه من الوضع ال اتدبس فيه دا..و رولا مش عاجبها الوضع ومش عاجبها ان في حد بيراقبها ٢٤ واحتمال كبير يكون بينقل اخبارها ل ادم

هايدي/شوفتي صورنا ف حفله اسكندريه ي رولا

منه/كانت خطيره بجد كانت نقصاكي

رولا/أيوا شفت كانت حلوه اوي..كان نفسي اجي والله بس هنعمل ايه ف بابي

منه/كنتي اسمعي كلامي وتعالي من وراه ..مكنش هياخد باله اكنك خارجه معانا عادي

رولا/انا كنت ناويه اعمل كدا فعلا ..بس ميرا وغزل كانو هيشبطو معايا ومش هعرف اهرب بيهم ع اسكندريه..بس المره الجايه كدا كدا لازم هاجي معاكم

منه بحماس/طب بقولكم ايه ..تيجو نروح حفله عيد ميلاد ساره النهارده بليل ..هتعملها ف كافيه وهتبقي تحفه

هايدي/بس اونكل ادم مش هيوافق رولا تيجي

رولا/عادي هعمل نفسي رايحه اعمل شوبنج وهعدي عليكم ف الحفله

منه بفرحه/أحلفي. يعني هنروح

هايدي/ف حاله ان الحارس القمور دا موجود معتقدش تعرفي تهربي وتيجي معانا

رولا/يعني بقدر اهرب من daddy مش هعرف اهرب من دا ...that's easy baby (دا سهل ي بيبي)

وبصت ف سيف

رولا/استنوني بليل ف الحفله بس وملكوش دعوه

في شركه تصميم الأزياء

ادهم وصل ب عربيته تحت الشركه

بتول كانت طالعه الشركه وهي لابسه اسود ف اسود وباين عليها الحزن

ادهم راح لها/بتول

بتول وقفت

ادهم/انتي لابسه اسود ليه ايه الحصل؟ل تكوني سبتينا واتفقتي مع شركه ازياء تانيه

بتول بحزن/ لاء ي ادهم.. مقهوره

ودخلت الشركه ادهم ضحك

وراح وراها

ادهم/استني بس احكيلي ال حصل

بتول وقفت

ادهم ابتسم/قوليلي ايه الحصل..حد مات من عيلتك

بتول بحزن/خسرت حبي الابدي ي ادهم..معني حياتي كلها

ادهم/والله انتي مكبره الموضوع ع الفاضي ي بتول ومش مستاهله لبس اسود ابدا

والاسانسير وصل ودخلو

بعد شويه ادهم و بتول ماشيين ف الشركه ف الطرقه

ادهم/انتو كدا كدا اموركم من الأول كانت متلخبطه

بتول بغضب/كله من البنت دي..الصفرا الحربايه..آه لو وقعت تحت ايدي هق*لها..الحمد لله انها استقالت وارتحت من وشها..خلي بالك زين هو السبب.هو ال ادلها وش من الاول

فريده كانت واقفه ماسكه تصاميم وفجأه لفت ل ادهم و بتول

فريده ابتسمت/صباح الخير

بتول بخضه /ايه دا..انتي؟

فريده/اها

بتول بصدمه/انتي بتعملي ايه هنا ان شاءالله

فريده بتقلدها/لاء..انا بشتغل هنا انتي نسيتي يعني ولا مش مركزه ي بتول

ادهم ابتسم

بتول بصدمه/ايه..ازاي يعني..مش زين كان طردك

فريده بابتسامه غيظا فيها/استاذ زين جه لحد بيتنا اعتذر مني شخصيا واتحايل عليا ارجع

بتول/!

ادهم ابتسم بصدمه

فريده ابتسمت/وانتي مش مطوله ع فكره. والكلام دا قولتهولك من يومين بس انتي نسيتي ممكن..قولت لك وقتها انه هينكشف وشك الحقيقي

بتول/

فريده/بس انتي ليه لابسه اسود صحيح...علشان الموضه ولا لبساه ع روحك

ادهم/اوف

بتول ب احراج وتوتر /انا هبدا اشتغل بقي ..اشوفك بعدين ي ادهم

ومشيت بسرعه

ادهم/طيب ماشي ي بتول اتفضلي

ادهم ل فريده ال واقفه مبسوطه انها ضايقت بتول

ادهم ابتسم/تعالي هنا احكيلي.. هو اخويا اعتذر منك بجد وجه ل حد بيتك

فريده هزت راسها بابتسامه

ادهم /دي عمرها ما حصلت..حاجه متتصدقش

فريده ابتسمت/والله جه اعتذر وشرب قهوه مع بابي كمان..اقولك ع حاجه بينا..لو تعرف كام بوكيه ورد بعتهولي ع البيت علشان اسامحه

ادهم بابتسامه/دا كدا اخويا منتهي ع الآخر...دا عمره ما عمل كدا ف حياته

فريده ابتسمت

في مكتب ليلي

قاعده ع مكتبها ماسكه مقص وبتقص ف قماش وراسها هتنفجر من الصداع بسبب رغي مرام ال قاعده قصادها

بتول بحزن وبتعيط/انا شوفت البنت فجأه واقفه قدام عيوني..لو مت كان أرحم لي ي ليلي ..انا اتدمرت .انتي متخيله الموقف؟زين اعتذر من البنت دي..ورجعت ع الشغل عادي..زين عمرو ما اعتذر من حد..ليه اعتذر منها اشمعنا هي ل يكون بيحبها. والله هتجنن لو حصل كدا ..انا مقدرش اعيش من غير زين بجدد..انا بموت من غيره ي ليلييييي

ليلي بغضب/يارب صبرني..احسن حاجه تموتي دلوقتي وتطلع روحك وتريحيني

بتول بتعيط

ليلي بتقلد عياطها

ليلي بغضب/قومي اطلعي برا مكتبي يلا

وسابت المقص ومسكت دماغها بوجع وبتحاول ترتاح

بتول بحزن/انتي كمان مش طيقاني..معقوله بتطرديني

ليلي اتنهدت/مهما حكيت بقيتي مبتفهميش ابدا..مخك تخين

بتول/

ليلي/هتقومي وتصلحي وضعك مع فريده. وبتعتذري منها..زين مش هيسامحك الا ب الطريقه دي

بتول ب اعتراض/مستحيل..انا مش طيقاها اصلاا..مستحيل مش هروح

ليلي بتحاول تهدي/حطي عقلك ف راسك وخليكي عاقله انتي ال غلطانه..وبكل احترام روحي اعتذري منها..خليكي كويسه ٥ د بس

ومسكت المقص تاني

بتول /لا لا مش عايزه اتنازل لها ابدا اوفففف

بعد الضهر

في الشركه زين ماشي مع بباه ف الطرقه و يارا ماشيه معاهم ماسكه ملف و بتحاول تلحق خطواتهم بسرعه

سالم/واخبار اجتماع وفد امريكا

زين/اتفقنا معاهم خلاص وهيبدأو شغل معانا من السيزون الجاي متقلقش

سالم/طب كويس اوي

وهما ماشيين سالم شاف فريده واقفه ماسكه الوان قماس وبتشتغل عند مكتب

زين بص ع فريده ال مشغوله و مركزه ف الشغل وابتسم

سالم ابتسم وراح ل فريده/ايه دا فريده بنتي

فريده انتبهت ووقفت ب احترم

فريده ابتسمت/ازي حضرتك

وزين ويارا راحو لهم

سالم بابتسامه/انا دلوقتي بقيت بخير لما شفتك..فرحيني وقولي لي انك رجعتي التدريب تاني

فريده ابتسمت/ايوا رجعت

سالم/سوء التفاهم ال بينك وبين زين اتحل خلاص

فريده ابتسمت وبتحاول تتجاهل نظرات زين ال باصص لها ف عينها

فريده ابتسمت/ايوا

سالم ابتسم/انا فرحت جدا برجوعك والله

فريده بابتسامه/شكرا جدا ل حضرتك

سالم ابتسم/هسيبكم بقي تكملو شغل وهروح مكتب ادهم ابص ع كام حاجه

فريده/اه طبعا اتفضل

زين/اتفضل ي بابا

سالم/هاتيلي قهوتي ع المكتب ي يارا

يارا/امر حضرتك

وراحت بسرعه تجيب القهوه

وسالم مشي

فريده/احم...لازم اودي دول ل ليلي علشان محتجاهم

وكانت هتمشي زين وقف قدامها منعها

زين بص لها ف عينها/انا كنت عايزه اشكرك ع الكيك ال حلو اوي ال انتي عملتيه بنفسك دا...ونروح نتغدي سوا بعد الشغل النهارده

فريده بصتله ف عينه وابتسمت

فريده/يعني انت مش محتاج تشكرني خالص دي حاجه بسيطه

زين/لاء مهو انا بتحجج علشان توافقي نتغدا سوا

فريده ابتسمت

العصر في الكومباوند

ادم وصل الكومباوند بعربيته

ونزل منها

وراح ل سيف ال ساند ع العربيه واول ما شاف ادم اتعدل ع طول

ادم /عامل ايه ي سيف

سيف ابتسم/انا زي الفل

ادم/رولا تعبتك من الاول شكلها

سيف/والله ي ادم بيه كل يوم بدعيلك ربنا يكون ف عونك ان عند حضرتك بنت ف عيِندها

ادم ابتسم

سيف ابتسم/بس متقلقش عليها

ادم ابتسم/لاء مش قلقان عليها طول ما انت موجود انا متأكد انك هتاخد بالك منها زي اختك الصغيره حبيبه بالضبط

سيف ابتسم /اكيد

ادم/انا عايزك بس توسع خلقك معاها شويه هي عنيده زي ما قولت لك ومش اي حد بيقدر عليها وبتسمع كلامه. هي مبتسمعش كلام حد غيري تقريبا

سيف/والله ي ادم بيه انا مستعد احلفلك دلوقتي ان محدش قبل كدا قدر يكلمني ب الأسلوب ال هي بتكلمني بيه دا

ادم/متعملش نفسك مظلوم اوي كدا هي بتيجي تحكيلي انك بترد عليها برضو كلمه ب كلمه ومبتسكتش

سيف/ما هي ال لسانها طويل ي ادم بيه وانا مبستحملش حد يهيني الصراحه

ادم بصله

سيف بلع ريقه/انا اسف..مقصدتش اقول لسانها طويل والمصحف

ادم/اياك اسمعها بتشتكي منك وتكلمها ب اسلوب وحش تاني ..تعملها ال هي عيزاه ومتزعلهاش ابدا انت فاهم؟

سيف/حاضر..انا جاي اتهزأ هنا مش اشتغل انا عارف

ادم /انا كدا شكلي محتاج اجيب حد ياخد باله منكم انتو الاتنين..بشغل العيال ال انتو بتعملوه دا

سيف ابتسم

وادم دخل الكومباوند

موبايل سيف رن وكان احمد

سيف رد/الو

احمد/اخيراا ..انت فين كل دا ي ابني ..بعد اخر مقابله ف النايت كلب اختفيت وبرن عليك مبتردش ..مش هنكمل ال خطه ال اتفقنا عليها

سيف/علشان رميت الخط الجديد وشغلت موبايلي الاساسي اهو

احمد/منا استغربت لما جالي رساله ان خطك القديم اتفتحت..هو الباشا ال انت قاعد معاه سابك تمشي ولا ايه..انا مش فاهم بصراحه ايه ال بباك دبسك فيه دا

سيف سند ع العربيه/ولا فك الحظر ولا حاجه ..بالعكس دا انا اتدبست اكتر

وحكاله انه مضطر يشتغل مع ادم فتره

احمد/نعم؟ايه ال انت بتقوله

دا..هتسيب شغلنا وحياتنا واتفاقنا انك هتهرب وهتقعد تشتغل عند ادم بيه عادي كدا؟

سيف/ ..انا عايز اغور من هنا ي احمد..المشكله ان ادم بيه دفع مبلغ كبير ل اختي علشان جهازها وانا كان لازم اقعد علشان اسددهوله..انا مش حرامي علشان امشي عادي كدا من غير ما اسدد. بس انا عايز امشي زي ما اتفقنا وارجع ل حياتي الطبيعيه تاني

احمد/ومقولتليش ليه ..كنت دفعت انا المبلغ ال انت عايزو

سيف/علشان انا عارف ان شغلنا مطلعش سيوله كبيره الفتره ال فاتت والمبلغ كان ٦٠ الف هنجيبه ف يومين ازاي

احمد/سيبك من كل الهري دا..ال هيقعدك عندك بالشهور علشان تسد ..هنعمل ال قولنا عليه وهنهربك من عندك ل برا البلد شويه يكون هو فقد الأمل فيك ويروح يقول ل بباك انه ملوش دعوه بيك تاني .بالمره تظبط لنا الشغل ال برا..وبعدين ترجع تاني

سيف/وفلوس ادم بيه؟

احمد/يعم علشان بالك يرتاح انا هتصرف وقبل ما تتحرك من عندك هنحولهاله ع حسابه ولا تقلق..انت وشغلنا عندي اهم من كل دا

في الصالون

احلام قاعده بتكلم ليليان فديو كول ع الاب توب

احلام/وبعدين معاكي بقي..مش عايزه تفرحيني وتقولي لي ان في حد عاجبك وعايزه تتجوزي

ليليان ابتسم/وبعدين معاكي انتي ي احلام ..مش هتبطلي تسأليني في حاجه جديده ولا لا اكنك بتكلمي حد من بناتك ومخبي عنك حاجه

احلام ابتسمت/طب ما انتي بنتي فعلا..انتي علشان كبرتي وبقيتي زي القمر وف طولي هتنسي ان انا ال مربياكي

ليليان ابتسمت/لاء مقدرش انسي ..دا انتي روح قلبي.. بس والله مفيش حاجه جديده ولا اي حاجه انا مركزه ف شغلي وبس ..عارفه ان انا مبقتش صغيره و٣٢ سنه وعارفه اني لازم افكر ف الموضوع دا بس مش عايزه دلوقتي

احلام/ليه ي ليليان ؟انا عارفه انك مش عايزه غير انك تشتغلي وتكبري ف شغلك وبس ..ماشي دي حاجه حلوه وانا فخوره بيكي وكل حاجه بس لازم تدي نفسك فرصه برضو

ليليان ابتسمت/حاضر..هنشوف الموضوع دا بعدين..فين عيالك طيب وحشوني اوي..بقالي اسبوع مسمعتش صوتهم الجزم..مفيش حد بيكلمني ديما غير ياسيو روح قلب خالته القمر دا

احلام ابتسمت/فريد لسه ف التدريب و ميرا مع صحابها و رولا بترتاح ف اوضتها فوق... بيسألوني عليكي ع طول والله وبيزنو ع ادم يجي لكم دبي ف الاجازه

ليليان ابتسمت/ياريت والله ي احلام انتو كلكم وحشتوني اوي اوي..وانتي كمان بقالنا كتير مقعدناش سوا كدة وخدتيني ف حضنك

احلام ابتسمت /حبيبه قلبي..انتي عارفه ان لولا جامعه الولاد وشغل ادم كنت جيت لكم ديما والله

ورولا نزلت من غرفتها ماسكه الموبايل بتتكلم مع صحابها ف الجروب ع عيد ميلاد ساره بليل وبتفكر ازاي هتجيب الهديه الاول وبعدين تروح وسيف لازق لها

احلام/اهي رولا نزلت اهي

رولا بصت ع الاب توب

رولا بابتسامه/خالتو روح قلبي وحشتيني

ليليان بابتسامه/وانتي كمان ي روح قلبي مش متخيله وحشتيني قد ايه..عامله ايه

رولا ابتسمت /انا بخير والله انتي عامله ايه

و قعدت جمب احلام

ليليان/انا هبقي زي الفل لو عرفتو تقنعو ادم وتيجو ف الاجازه بجد ..فاضل شهرين بس

رولا/والله ي ليليان بقوله بس بابي رابط الموضوع ب تقديرنا ف الكليه ودي مشكله كبيره

ليليان ضحكت

ليليان/هو مفيش فايده فيكم ابدا..ما تذاكرو علشان تجيبو تقدير كويس وتيجو

رولا/موعدكيش بس هحاول والله

ادم دخل البيت

رولا /بابي حمد لله على السلامة

احلام ابتسمت/حمد لله ع السلامه

ادم ابتسم وراح لهم/الله يسلمكم

وباس راس احلام و باس خد رولا

ورولا حضنت ادم وادم حضنها بقوه وباس راسها

رولا طلعت من حضنه/تعالي بص بنكلم ليليان

ادم بص ع الاب وبص ليليان بابتسامه

ادم/اهلا اهلا ب الاستاذه ال مبتسألش..عامله ايه

ليليان بابتسامه/انا بخير طول ما انت بخير ي قمر..لو تعرف انا مبيهونش عليا اقولك اونكل ادم وانت حلو وصغير كدا والله

ادم ابتسم/والله دا انتي ال قمر..وفخور بيكي..كل يوم ببقي فخور بيكي اكتر من اليوم ال قبله وانتي بتنجحي عندك كدا ومكسره الدنيا

احلام ابتسمت

ليليان ابتسمت/دا علشان انا تربيتك وتعليمك بس والله

ادم ابتسم /احلام فتحت معاكي موضوع الجواز تاني اكيد

ليليان ابتسمت/انت بتقول فيها؟ دي فقره كل يوم دي..وبعدين بصراحه انا مش هتجوز حد الا لما يبقي زيك كدا ي جوز اختي..مع اني حاسه اني هفقد الأمل ومش هلاقي

رولا/انا كمان مش هتجوز الا حد شبهه بابي الصراحه..يكون جنتل مان و قمر وحنين

احلام ابتسمت وبصت ل ادم/لاء لو كدا هتفضلو تدورو طول حياتكم لان مفيش حد زي ادم خالص..انا لحد دلوقتي مش عارفه انا عملت ايه حلو ف حياتي علشان ربنا يرزقني بيه

ادم ابتسم وباس راسها /دا انا ال محظوظ بيكي لو لفيت عمري كله مش هلاقي ضُفرك والله

احلام ابتسمت

ليليان بابتسامه/ربنا يخليكم لبعض ديما يارب

ادم ل ليليان /وانتي ي هانم مش ناويه تنزلي قريب

ليليان/والله ياريت بس انت عارف الإجازات ف دبي بتبقي صعبه ازاي

ادم/عارف ي حبيبتي..ربنا يعينك يارب

رولا/طب بابي علشان خاطري وافق اروح اكمل تعليمي مع ليليان ف دبي هناك

ادم/بس ي بت

رولا/ليه ي dadd علشان خاطري

ليليان ابتسمت/طب انا هسيبكم بقي علشان في ميتنج بعد ساعه وهرجع اكلمكم تاني

احلام ابتسمت/ماشي ي حبيبتي

ادم/سلميلنا ع حمزه ومريم والولاد

ليليان ابتسمت/حاضر من عنيا..مع السلامه

وقفلت و احلام قفلت الاب توب

رولا ربعت ايدها /اشمعنا بقي لو ياسين طلب منك يسافر اي مكان لوحدو بتسافر واحنا لاء

ادم حط جاكيته ع الكنبه

ادم/علشان انا مش هبقي خايف ع ياسين وهو بعيد عني قد ما هخاف عليكم..ياسين راجل ويعرف يعتمد ع نفسه

رولا /طب نروح ف الاجازه طيب

ادم/انتي عارفه شرطي ايه علشان نروح كلنا ف الاجازه..التقدير..وانتي مشاء الله شايفك من اول الترم مبوظه الدنيا خالص

رولا /طب ع فكره بقي احلام نفسها تروح

ادم بص ل احلام وملس ع شعرها/انتي عايزه تروحي؟

احلام ابتسمت/..حمزه وليليان ومريم وحشوني ومشفتهمش داخله ف سنه تقريبا

ادم باس راسها/خلاص يبقي هنروح الاجازه الجايه دي ع طول ان شاءالله

احلام ابتسمت/بجد..يعني هنروح كمان شهرين

ادم/طبعا بجد..انتي تأمري بس

احلام ابتسمت وحضنته وآدم ابتسم وحضنها بقوه وباس راسها

رولا بفرحه/يعني هنروح كمان شهرين دبي بجد ي بابي

ادم/لا ي حبيبتي انا واحلام بس ال هنروح

رولا/يعني ازاي بقي ان شاءالله

احلام طلعت من حضن ادم

ادم/زي ما سمعتي كدا..ال هيجيب ال تقدير ال اتفقنا عليه هو ال هيجي معانا والباقي هيفضل هنا مع عمكم مالك

رولا بصدمه/لا ي دادي بليز ..اونكل مالك

ميتخيرش عنك لما بتسافرو لوحدكم احيانا وبنفضل معاه مبيسبناش نخرج من باب البيت اصلا لحد ما ترجعو

احلام/خلاص يبقي ذاكري علشان دا ميحصلش

رولا نفخت/اوفف..طيب انا هقوم اذاكر شويه لحد ما اروح اعمل شوبنج بليل...معنديش استعداد اسيب سفره دبي واقعد هنا الصراحه

وخدت موبايلها وقامت

ادم ابتسم/متنفوخيش ..تعالي هاتي حضن

رولا ربعت ايدها/لا مش عايزه حاجه انا زعلانه منك

ادم/لا مقدرش..تعالي وانا هصالحك والله

وشدها وخدها ف حضنه وباس راسها و رولا ابتسمت وحضنته بقوه واحلام ابتسمت

رولا/انا بحبك

ادم باس راسها/وانا بموت فيكي

رولا ابتسمت وطلعت من حضنه

ادم/يلا روحي ذاكري

رولا /حاضر

وباست خده وباست خد احلام

وطلعت غرفتها

احلام/ادم احنا هنسافر من غيرهم بجد؟ انا مقدرش اسافر وانبسط من غير عيالي

ادم راح قعد جمبها

ادم اتنهد/وانا ميهونش عليا نسافر ونسيبهم اصلا..انا بقول كدا علشان يذاكرو ..وكدا كدا مشاء الله تقديراتهم حلوه ع طول

وسند ضهره

احلام بصتله/بس انت في حاجه مضيقاك النهارده..حصل حاجه ف الشغل؟

ادم/لا

احلام بقلق مسك وشه ب ايدها/امال ايه ال حصل؟مالك

ادم مسك ايدها ال ع وشه وباسها

ادم/مفيش اي حاجه حصلت ..متخافيش (وقال بغيره)انا بس مش فاهم زين دا يبعت ل بنتي كميه الورد دا ليه

احلام ضحكت

ادم بغيره/انا بتكلم بجد..في ايه بينهم يعني علشان يبعت لها ورد اصلا هو ماله بيها

احلام ابتسمت/خضتني والله فكرت فيك حاجه ..اتاريك غيران ع بنتك

ادم/

احلام/ ايه المشكله لو بعت لها ورد يعني ي حبيبي ..حصل سوء تفاهم بينهم ف الشغل وكان بيصالحها

ادم بغيظ/ايوا يصالحها ليه ويزعلها ليه اصلا من الاول..ودا مش باعت بوكيه ورد ولا اتنين دا باعت اكتر من ١٥ واحد..انا مرضتش اتكلم مع فريده واضايقها بس الموضوع دا معصبني من امبارح بفكر فيه

احلام ابتسمت/متقلقش مفيش اي حاجه بينهم وال بينهم شغل وبس دا كان مجرد سوء تفاهم و كان بيصلح غلطو .انت حافظ فريده وعارف انت مربيها كويس قد ايه ..ولو في حاجه هتيجي تحكيلك من نفسها

ادم اتنهد

احلام ابتسمت بخبث/وبعدين بناتنا كبرو يعني ي ادم حتي لو في بينهم حاجه ا

ادم بصلها/احلام

احلام ضحكت

احلام/بهزر والله انا اسفه .تعالي

وحضنته وآدم حضنها بقوه وباس رقبتها

احلام/ادم

ادم طلع من حضنها وباس راسها /عيون ادم

احلام ابتسمت/احنا بقالنا كتير اوي مدخلناش سينما مع بعض و نفسي نروح قريب ينفع؟

ادم بيملس ع شعرها/حاضر...نروح النهارده بليل..ونتعشي برا بعدها

احلام ابتسمت/قول والله ..هنروح النهارده

ادم رجع خصله من شعرها ورا ودنها وباس راسها /والله

احلام/انت هتفضل تحققلي اي حاجه نفسي فيها ع طول لحد امتي

ادم/لحد ما اموت

احلام بخضه و بحزن/ادم متقولش كدا تاني بعد الشر عليك

ادم ابتسم وخدها ف حضنه/تعالي انا اسف

احلام/انا مقدرش اعيش من غيرك متقولش كدا تاني

ادم حضنها بقوه وباس راسها/مش هقول كدا تاني ..حقك عليا انا اسف

احلام ابتسمت وحضنته بقوه

موبايل ادم رن وكان فريده

احلام طلعت من حضن ادم وادم بص ع الموبايل

ادم/فريده

احلام/ي تري هتجيب زين يتعشي معانا ولا ايه

ادم بص ل احلام واحلام ضحكت

ادم ابتسم وحاوط وسطها ب ايده وقرب منها وبص ف عيونها

ادم/لما نبقي لوحدنا فوق هعلمك الأدب ع ال انتي بتعمليه فيا دا ...وبضحكتك الحلوه ال بعشقها دي

احلام ابتسمت بخجل/طب ادم لم نفسك حد يشوفنا

ادم ابتسم/جيبي بوسه الاول

احلام ابتسمت /لاء

ادم ابتسم و قرب منها/ يعني مش هتجيبي بوسه

احلام ابتسمت/لاء مش هديلك حاجه علشان ال قولته من شويه دا

ادم قرب منها اكتر /طب منا اعتذرت مينفعش تعاقبيني العقاب القاسي دا

وباس شفايفها وخدها

احلام ابتسمت بخجل/ادم احترم نفسك والله حد هيشوفنا

ادم/انا كدا محترم نفسي والله بس مليش دعوه انا هاخد البوسه يعني هاخدها

احلام ابتسمت

و باست خده و بعدين خده التاني

ادم ابتسم وباس خدها وخدها ف حضنه وباس راسها

و رد ع التليفون واحلام قربت من ادم بتحاول تسمع فريده بتقول ايه

فريده/بابي

ادم/نعم ي حبيبتي..لسه مخلصتيش التدريب

فريده/لاء قربنا بس كنت عايزه اطلب منك طلب

ادم/قولي

فريده/ينفع نتغدي سوا برا انا وزين بعد الشغل

ادم بص ل احلام بغيظ وغيره و

احلام بصت له و ابتسمت وماسكه ضحكتها

بعد نص ساعه

في مطعم

فريده و زين قاعدين ع طربيزه قصاد بعض

زين /المكان عجبك؟

فريده ابتسمت/اه اوي اوي..هادي كدا ولذيذ

زين باصص ف عنيها وابتسم /زيك كدا

فريده ابتسمت واتكسفت وبصت قدامها

فريده/ممكن تبطل تبص لي كدا لو سمحت

زين ابتسم وباصص ف عيونها/ لا صعب بصراحه انتي ال حلوه زياده عن اللزوم

فريده بصت له ف عينه وابتسمت ومش مصدقه انها بتسمع الكلام دا من زين وكانت مبسوطه اوي

زين انتبه بتوتر/اقصد يعني المكان..المكان حلوه اوي يعني

فريده ابتسمت/ايوا طبعا..المكان حلو فعلا

والجارسون راح لهم وحط الاكل ال طلبوه ع الطربيزه وحط العصير

الجارسون/حضرتك تأمر ب حاجه تاني

زين بص ل فريده/اجيب لك حاجه تانيه؟

فريده ابتسمت/لاء شكرا كدا حلو اوي

وزين قال للجارسون يمشي

وفريده بدأت تقطع الاكل وبتاكل وزين باصص لها ومبتسم

زين ابتسم/الاكل عجبك؟

فريده ابتسمت/اه اوي

زين قطع ستيك ب السكينه وحط الاكل ف طبق فريده

فريده بصتله و ابتسمت

زين ابتسم/ايه؟ بتضحكي ليه

فريده/بابي بيعمل معايا الحركه دي ديما لما بناكل سوا بيحطلي انا الاكل قبل ما هو ياكل

زين /والله دا شرف ليا اني بعملك حاجه بتحبيها زي ادم بيه...كلي يلا

فريده ابتسمت وكملت اكل

وزين بدأ ياكل

وزين موبايله ورن

زين اتنهد و فريده بصت ع الموبايل وكان بتول

زين كنسل عليها وكمل اكلو

فريده/انا ..تقريبا عملت مشكله ما بينكم..عرفت من ليلي انك بهدلتها وسط الموظفين

زين ساب الشوكه و السكينه وبصلها/

هي غلطت واتعدت حدودها وانا معملتش حاجه غير اني عرفتها حدودها ..دا غير ان مفيش بيني وبينها اي حاجه علشان تعملي مشكله ما بينا ..واي حد يقولك غير كدا بيكدب عليكي

فريده ابتسمت

المغرب

في الكومباوند

في غرفه ادم واحلام

احلام واقفه ترطب ايدها قدام المرايه

وادم دخل الاوضه و ف ايده الموبايل

ادم اتنهد/المغرب اذن وفريده لسه مرجعتش

احلام/ي حبيبي هما واصلين المطعم من ساعتين بس ..يعني متاخرتش ولا حاجه

ادم بغيظ/انا مش عارف ازاي طاوعتك ووافقت انهم يتغدو سوا اصلا

احلام راحت له/حرام عليك ي ادم يعني البنت اتصلت بيك تستأذنك قبل ما تتغدي معاه يعني ومبتعملش حاجه غير لما بتاخد اذنك الاول ...وعايز تزعلها وترفض...سيبهم ينبسطوا علشان خاطري

ادم بغيره/منا سبتهم خلاص بما فيه الكفايه..انا هتصل بيها ترجع كفايه كدا

وكان هيطلع الموبايل من جيبه احلام قربت منه وحاوطت رقبته ب دراعها وباست خده

احلام ابتسمت/بقولك علشان خاطري ...سيبهم شويه كمان لو سمحت وتعالي يلا اختار معايا هلبس ايه علشان نخرج

ادم حاوط وسطها ب ايده وقربها منه

ادم ابتسم وقرب منها/بتغريني يعني علشان أوافق

احلام ابتسمت/يعني.. بحاول ..سيبها ترجع براحتها علشاني

ادم قرب منها/وانا مقدرش علي العيون الحلوه دي خالص..مقدرش اقول لاء

وباس شفايفها

احلام ابتسمت/انا بحبك

ادم باس خدها ورقبتها/وانا بموت فيكي

احلام ابتسمت/يلا علشان نلبس وننزل

ادم ابتسم وقرب منها/لاء ننزل ايه بعد ما دوبتيني بدلعك دا...مفهاش نزول خلاص احنا هنقعد سوا هنا

وباس شفايفها واحلام ابتسمت

احلام /لا ي ادم انا عايزه اخرج علشان خاطري..وبعدين انت وعدتني خلاص

ادم /هعوضهالك يوم تاني

احلام ابتسمت وباست خده/لا انا عايزه النهارده ..اول فيلم دخلناه سوا من سنين بيتعرض دلوقتي وعايزه اشوفه تاني

ادم ابتسم واتنهد وباس راسها/احنا عيوننا ل احلام هانم..تعالي يلا

احلام ابتسمت وباست خده وادم مسك ايدها وباسها ودخلو الدريسنج سوا

عند رولا

لبست وطلعت من الكومباوند وراحت ل سيف ال واقف ساند عند العربيه وقررت هتروح المول تشتري دريس للحفله و هديه ل صحبتها وتخلع من سيف من المول

رولا اتنهدت/عايزه اروح اعمل شوبنج

سيف/اتفضلي

و فتح لها باب العربيه ورولا ركبت وسيف راح يركب وساق العربيه

في العربيه سيف بيسوق و رولا ورا ماسكه الموبايل بتتشات ع الجروب مع صحابها

سيف تليفونه رن وكانت حبيبه اخته

سيف رد/الو ..ايوا ي حبيبتي..منا قايل لك هحاول اجي بكره حاضر...هحاول والله...ااه وعد ....عايزين حاجه وانا جاي اجيبهالكم...ماشي..مع السلامه

وقفل المكالمه

رولا بصتله/كان ممكن تأجل كلام مع حبيبتك ع فكره بعد ما تخلص مواعيد شغلك

سيف بص لها من المرايه وبيحاول يمسك لسانه/

رولا بغيظ/انا بكلمك ع فكره

سيف/لا حول ولا قوه الا بالله..وأنا سمعت بس مش عايز ارد والله

رولا /قولي ي سيف..انت ع طول بتبقي بارد ومستفز كدا كدا ومن غير مشاعر ولا احيانا

سيف وهو سايق/لاء والله عندي مشاعر الحمد لله

رولا بصدمه/معقوله؟ مش باين عليك خالص صدقني

سيف /اه عندي عقبالك بقي

رولا بغيظ /انت لقحت عليا ب الكلام من شويه؟

سيف/ما انتي لسه قايله عليا عديم المشاعر من ٥ ثواني ومتكلمتش

رولا بغضب/انا اقول براحتي انت متقولش

سيف/دا ف الأحلام ان شاءالله..مش معني اني شغال مع ادم بيه يبقي شغال عندك..ف مسمحش حد يتكلم معايا ب الاسلوب دا والله

رولا بغيظ نفسها تديله ب الشنطه ال ف ايدها ع دماغه بس بتحاول تهدي

سيف وصل قدام المول

ونزل من العربيه وفتح الباب ل رولا

رولا ربعت ايدها بغضب ومنزلتش

سيف/احنا وصلنا

رولا/اه منا واخده بالي

سيف اتنهد/ف ايه؟

رولا/انا مش عايزه المول دا ..انا قولت لك عايزه اروح المول ال كبير ال ف***

سيف/المول التاني اكيد انتي عارفه انه ديما زحمه سبت واتنين ي رولا ..ودا أأمن ليكي..يلا انزلي

رولا بصتله بغيظ /وانا قولت لك مش هروح الا المول التاني

وبصت قدامها

سيف بيحاول يهدي/رولا هانم ياريت تنزلي من غير عيند علشان انتي مش عارفه انا ماسك اعصابي ازاي

رولا بصتله/الله الله ..ولو عاندت هتعمل ايه؟ ها؟لو أعصابك فللت هتعمل ايه يعني هتزعقلي ولا ايه

سيف/لا حول ولا قوه الا بالله

رولا /بتبصلي كدا ليه يعني اضربني قلمين احسن

سيف بغيظ/..لو اتكلمت زنب ولو متكلمتش برضو زنب..يارب خلصني من ال انا فيه

رولا بعيند/انا قولت لك مش هروح الا المول التاني حتي لو هنقعد هنا للصبح..انا معنديش مشكله اقعد ل بكره بس انت ال مستعجل تروح لحبيبتك

سيف/يلا ي رولا متعنديش وانزلي

رولا ربعت ايدها ب اعتراض زي الاطفال ورفضت تنزل

سيف اتنهد وقفل الباب وراح ركب العربيه وشغلها تاني وبيدعي ربنا يديله الصبر ورولا ابتسمت

الفصل

عند سيف و رولا

سيف وصل عند المول

ونزل من العربيه و فتح الباب ل رولا و رولا نزلت

رولا/استناني هنا وانا هخلص شوبنج وارجع لك

سيف/لا والله مفيش الكلام دا ..انا هدخل معاكي

رولا بصت له/نعم؟ تدخل معايا ليه ان شاءالله

سيف سند ع العربيه/علشان دا شغلي..شكلك بتنسي

رولا وقفت قصاده/اه طبعا شغلك انك توصلني وتاخد بالك مني بس مش للدرجه تبقي فوق دماغي ف المول كمان

سيف /لاء والله ع حد علمي من ادم بيه شغلي اني ابقي معاكي ف كل حته..بس لو مش عاجبك اني داخل معاكي المول هتفهم دا طبعا وهرجعك البيت

وفتح لها باب العربيه

رولا اتنفست بغضب وبتحاول تهدي

رولا بغيظ/خلاص تقدر تدخل معايا

سيف قبل الباب و رولا دخلت المول وسيف راح وراها

وكان المول زحمه جدا زي ما سيف قال ..وطول ما هما ماشين سيف كان بيحمي رولا ب دراعه علشان محدش يخبط فيها او يلمسها ف الزحمه

رولا دخلت محل بيبع دريسات

وسيف دخل معاها

بنت من ال شغالين ف المكان راحت ل رولا بابتسامه

البنت/اقدر اساعد حضرتك ازاي

رولا/عايزه دريس يكون ....

وبدأت تتكلم معاها والبنت بتوريها اجدد كولكشن موجود وسيف واقف ف المحل ف جمب مراقبها ومراقب المكان ف هدوء

رولا اختارت كام دريس ودخلت تقيسهم ف البروفا وقفلت البروفا ب الستاره الموجوده

في شاب كان واقف مع بنت بيشترو لبس و بيبص ع رولا ب اعجاب من وقت ما دخلت

سيف بص ع الشاب دا ولقاه وبيبص ع بروفا رولا ال فيها حته صغيره مفتوحه

سيف راح وقف قدام بروفا يغطيها ب جسمه وبص للشاب بغضب والشاب اتوتر من نظراته وبعد نظره ع البروفا

رولا ف البروفه بتغير و بتكلم نفسها

رولا بغضب/قال شُغله انه يبقي فوق دماغي 24 ساعه قال ..مش فاهمه ايه الدُب ال ظهر ف حياتي فجأه دا بس ياربي

سيف من برا/انا سامعك ع فكره

رولا بصدمه برقت

وبعدت الستاره شويه وبصت لقت سيف مديلها ضهرها

رولا/انت بتعمل ايه هنا

سيف/ها خلصتي ولا لسه

رولا بغيظ/لاء لسه

وقفلت الستاره تاني

رولا وهي بتعدل الفستان ال لبسته

رولا/ممكن تروح تنقي فستان او حاجه ل حبيبتك بدل ما انت واقف كدا ..بالمره تحسسها ان عندك مشاعر ي حضره البودي جارد

سيف من برا/طبعا انتي مفكره ان كل الناس زيك تقدر تشتري فساتين زي دي وب السعر دا

رولا بلا مبالاه/ايه المشكله

سيف ابتسم وهز راسه بمعني مفيش فايده

سيف/حق فستان من ال انتو بتشتروه احنا نقدر ندفع بيه إيجار البيت لمده 5 شهور

رولا/متبالغش اكتر لو حابب يعني

سيف ابتسم

سيف/ع فكره انا ماشي من هنا خلال يومين بالكتير

رولا/تمشي فين

سيف/احمد صاحبي هيسفرني برا البلد ..صحيح مش هعرف اسافر ب طياره عادي علشان ادم بيه واخد الباسبور والبطاقة حتي الفلوس بيديني مصروف زي العيال ..وهسافر ب مركب..بس مش مشكله المهم اني همشي من هنا

رولا/تصدق دا اكتر خبر بيفرح سمعته ف حياتي. اخيرا يارب هخلص منك

سيف ابتسم/طب انجزي يلا

ورولا فتحت الستاره بعد ما لبست الدريس

رولا/خلصت

سيف لف لها وبص لها من تحت ل فوق ب اعجاب واضح مقدرش يخبيه

رولا كان شكلها حلو اوي

لابسه دريس نبيتي ضيق وطويل و كات

رولا /انا كدا كدا عارفه اني حلوه انت مش اول ولا اخر واحده يبص لي بالطريقه دي ..بس ياريت لو تبعد شويه علشان اشوف نفسي قدام المرايه الكبيره

سيف انتبه وبعد عنها ومرر ايده ف شعره بتوتر

و رولا راحت تبص ف المرايه الكبيره الموجوده ف المحل وبتعدل شعرها

ونفس الشاب لسه بيبص لها وسيف بيحاول يتحكم ف اعصابه علشان ميعملش مشكله و رولا معاه

سيف بص ع الشاب بغضب ومسح وشه ب ايده وراح ل رولا قبل ما يرتكب جريمه

سيف/يلا لو خلصتي وعجبك ياريت ناخده ونمشي

رولا وهي بتبص ع نفسها ف المرايه/اه ما طبعا انت مستعجل ع حبيبتك ..متقلقش انا كمان عايزه اخلص ف اسرع وقت علشان اتخلص منك

سيف/معنديش حبيبه

رولا وقفت قصاده وبتعاتب نفسها/غريبه ي رولا ..ازاي توقعتي ان عنده حبيبه ..ما طبيعي مفيش واحده هتستحمل الُدب دا اصلا

وبصت له ف عينه و ابتسمت غيظا فيه و سيف سرح ف جمال عيونها وجمالها ورولا مشيت من قدامه وراحت البروفا

سيف ابتسم وبيقول ف نفسه لو حد تاني غيرها استجرأ يقوله كلام من دا كان عمل منه اتنين حتي لو ف إطار الشغل ومش فاهم ازاي متقبل الكلام من رولا عادي كدا

سيف بيكلم نفسه/ماشي..عيونك الحلوه دي تغفر لك اي حاجه عامة

في الكومباوند

ميرا قاعده ف الصالون بتشرب حاجه دافيه وبتتفرج ع التلفزيون

ياسين نزل من فوق بعد ما غير هدومه

ياسين/امال بابا واحلام فين

ميرا من غير ما تبصله/ف اوضتهم

ياسين بصلها وابتسم/طب هاتي بوسه قبل ما اخرج

وراح لها

ميرا بزعل/لاء اوعي انت زعقت لي الصبح مش هديلك حاجه

ياسين ابتسم وقرب منها/يبت هاتي بوسه والله هصالحك

ميرا/لاء بقولك اوعي

ياسين باس خدها وراسها وحضنها

ياسين/انا اسف مش هزعقلك تاني والله..وبعدين انتي ال بتستفزيني

ميرا طلعت من حضنه/والله؟

ياسين ابتسم وخدها ف حضنه تاني/خلاص بقي انا اسف

وباس راسها

ميرا ابتسمت/ ماشي خلاص سامحتك

وباست خده

ياسين/ينهار ابيض..احلي بوسه باخدها ف حياتي

وباس خدها وراسها وميرا ابتسمت

ادم واحلام نزلو من فوق بعد ما غيرو هدومهم

ميرا ابتسمت/ايه دا رايحين فين وانتو حلوين اوي كدا

احلام ابتسمت/هنروح السينما ونتعشي برا

ياسين صفر ب اعجاب /لالا مقدرش ع الحلاوه دي ي احلام والله ...ايه الحلاوه دي

ومسك ايد احلام ولففها

ياسين/قمر وحياه ربنا قمر

وخدها ف حضنه وباس خدها

احلام ابتسمت وباست خده/روح قلبي

ياسين/والمصحف ي ادم يبختك

ادم شد احلام من حضن ياسين بغيره و خدها ف حضنه

ادم/يبختي طبعا ..خليك ف حالك انت وملكش دعوه بمراتي

ياسين /ماشي يعم حقك والله

ادم/انت رايح ع فين كدا

ياسين/خارج مع صحابي

ادم/لا مفيش خروج..انت هتقعد مع اخواتك هنا لحد ما ارجع علشان ميفضلوش لوحدهم

ياسين/يعني ايه بقي الكلام دا...انا اتفقت مع صحابي خلاص ..وبعدين هما هيحصل لهم ايه يعني وكل الأمن دول برا

ادم/ياسين...انا قولت ال عندي خلاص ..الغي مع صحابك واقعد مع اخواتك هنا..و فريده ورولا كلمتهم وشويه ويبقو ع وصول

ياسين /حاضر ي ادم بيه..انت تؤمر بس

ادم باس راس ميرا/خلو بالكم من نفسكم

ميرا ابتسمت/حاضر وانتو انبسطوا

احلام ابتسمت /يلا مع السلامة

وادم مسك ايد احلام وطلعو من البيت

ياسين ل ميرا/عاجبك كدا

ميرا ابتسمت/احسن..انا عارفه انك خارج مع واحده مش صحابك ولا حاجه ف عادي يعني مش لازم تقابلها النهارده

ياسين/طب اخرسي بقي

وموبايله رن

ياسين طلع موبايله من جيبه

ميرا ابتسمت/هي صح؟سيبك منها واطلب لي تشيز كيك بما اننا قاعدين مع بعض

ياسين حط الموبايل ع ودنه يرد وشاور ل ميرا ب معني هخلص وهوريكي

ميرا ضحكت

وياسين راح يرد ف البلكونه

موبايل ميرا رن وكان مراد

ميرا ردت

ميرا/عايز ايه ي مراد

مراد ابتسم/وحشتني ي روح قلب مراد

ميرا/وانت موحشتنيش ع فكره

مراد ابتسم/هتفضلي تعامليني ب القسوه دي طيب ..والله العظيم الشغل كتير وغصب عني

ميرا بزعل/ايوا ..علشان تقريبا كدا الشغل اهم مني..بقالنا كتير متقابلناش

مراد/..شغل ايه دا ال اهم منك؟مفيش اي حاجه ف الكون اهم منك ي ميرا

ميرا ابتسمت

مراد/حقك عليا والله الشغل كتير اوي ف الشركه اليومين دول وانا مش زي الموظفين يعني مليش معاد محدد امشي فيه ولازم اتأكد ان كل الشغل مظبوط قبل ما امشي

ميرا /انت وحشتني...مكنتش اعرف ان لو عدي كام يوم مشوفتكش فيهم هتضايق اوي كدا

مراد ابتسم بحب ومش مصدق انه بيسمع الكلام دا من حب عمره

مراد ابتسم/حقك عليا...مش هسمح اني انشغل عنك تاني ..انا جايب لك سوشي وجايلك ف الطريق ع فكره

ميرا ابتسمت/قول والله

مراد ابتسم/والله..مقدرش مشوفكيش كل دا اصلا

ميرا ابتسمت/ماشي هستناك..جيب لي تشيز كيك وانت جاي

مراد وهو سايق /من عنيا.. اجيب لك ايه تاني

ميرا ابتسمت /لا خلاص كدا كفايه

في المول

رولا ماشيه ف المول وسيف وراها وشايل لها كل الشنط ال فيها الحاجات ال اشترتها ورولا شايله شنطه واحده ال فيها الفستان مش عارفه تهرب منه متوقعتش انه يكون معاها خطوه ب خطوه للدرجه دي

سيف بص ف الساعه/مش كفايه النهارده..الساعه داخله ع 9

رولا وقفت وبصت له/ so ؟(وإذا)

سيف/لازم تبقي ف البيت 10

رولا/لازم ابقي ف البيت 10 والساعه 9..ف لسه معانا وقت..آه ولو انت تعبت ممكن تستناني ف العربيه

سيف/لا انا متعبتش.. بس لازم نمشي حالا علشان أوامر ادم بيه انك تبقي ف البيت قبل 10

رولا بصت له بغيظ

رولا بتفكير/ي تري انا ظلمت مين علشان ربنا يبتليني بيك...انا اكيد عملت ف حد ذنب كبير ودا تكفير عن ذنوبي

سيف ضحك بسخريه /انا واثق

رولا بصتله بغضب/قصدك ايه..قصدك اني بمشي اغلط ف الناس يعني؟

سيف/لا ل سمح الله انا مقولتش كدا ..ويلا اتفضلي قدامي من غير عيند ..كفايه كدا هنرجع البيت

رولا ربعت ايدها وابتسمت /ولو ممشتش دلوقتي هتعمل ايه يعني؟استني خليني اجاوب..مش هتعرف تعمل اي حاجه دا غير اني اسمي رولا هانم والمفروض تقولي حضرتك انا مبلعبش معاك ف الشارع ع فكره

سيف طلع الموبايل /صح ي رولا هانم مش من حقي طبعا اعمل حاجه بس نقدر نتصل ب ادم بيه نقوله ان حضرتك عايزه تتأخري شويه

وكان هيتصل ب ادم

رولا بغيظ/خلاص استني..هنمشي

سيف ابتسم وشاور لها ناحيه باب الخروج علشان تمشي قدامه

رولا بغضب شيلته الشنطه ال معاها

سيف/ايوا هاتيها ل تكون تقيله عليكي

رولا بغيظ مشيت بتجاه باب الخروج وسيف ابتسم وراح وراها

عند العربيه سيف فتح الباب ال ورا حط شنط رولا

ورولا كانت هتركب في شاب كان مراقبها من بعيد وعدي بسرعه من جمبها وشد السلسله ال الماظ ال مكتوب عليها اسمها من ع رقبتها وجري

رولا بخضه/السلسله

سيف رمي الشنط ال معاه ف العربيه بسرعه وجري ورا الشاب والشاب كان بيجري بسرعه بخوف و سيف لحقه ومسكه واخد منه السلسله وضربه بوكس وقعه ع الأرض

الحرامي بخوف/سبني..سبني بالله عليك انا اسف والله

سيف بغضب/اسف صح.. وحياه امك ل اندمك ع ال عملته دا

وشده من ع الارض تاني

وضربه ب الروسيه والشاب وقع ع الارض بوجع

والناس كانت بتتفرج والامن ال كان قدام المول راح لهم بسرعه

سيف لف دراع الحرامي ورا ضهره

راجل الامن/خلاص سيبه حضرتك واحنا هنتصرف معاه

سيف افتكر رولا ال سايبها لوحدها وساب الحرامي بغضب و الأمن خدوه و سيف راح ل رولا بسرعه

رولا كانت لسه واقفه مكانها عند العربيه مصدومه و بتحاول تاخد نفسها براحه لانها لما بتخاف مبتقدرش تاخد نفسها

سيف بقلق/رولا انتي كويسه؟ رولا

رولا واقفه مش عارفه تاخد نفسها

سيف فتح باب العربيه بسرعه

و مسك ايدها بقلق و قعدها ع طرف الكرسي

وركع ع ركبته علشان يبقي ف مستواها ومسك ايدها وبصلها ف عينها وبيحاول يهديها ورولا بتحاول تاخد نفسها

سيف بقلق /رولا ..رولا اهدي وبصيلي

رولا بصت له ف عينه وهي بتحاول تاخد نفسها

سيف/اتنفسي براحه...يلا اتنفسي معايا براحه

وبدأ يتنفس وهي بدأت تقلده وتتنفس بهدوء

سيف/اتنفسي براحه.. اتنفسي زيي..ايوا ايوا شاطره

رولا بتعمل زي ما بيقول لها

وبدأت تحس انها احسن

سيف باصص ف عيونها/انا مش هسيبك..متخافيش..انا معاكي..مفيش اي حاجه خلاص

رولا/م مايه

سيف قام بسرعه وجاب لها ازازه مايه من الموجوده جمبها ع تبلوه العربيه وكان هيسيب ايدها بس رولا ماسكه ايده بقوه وبخوف

سيف /متخافيش انا موجود..مش هسيبك

و فتح الازازه ب ايده التانيه وبدأ يساعد رولا تشرب براحه و شربت

سيف وهو قدامها ولسه ماسك ايدها

سيف/انتي كويسه؟

رولا هزت راسها ب اه /ا اه الحمد لله بقيت احسن

وانتبهت

رولا بتوتر/السلسله ..السلسله ال بابي جبهالي

سيف /متخافيش ..السلسله معايا اهي.. اهدي

وطلعها من جيبه و رولا سابت ايده وخدتها واتنهدت براحه

سيف ابتسم/شكلها غاليه عليكي

رولا بصت ل السلسله ال ف ايدها

رولا ابتسمت وبصت ل سيف/اه ..دي اول هديه من بابي ..بحبها اوي..لبسهالي انا و فريده وميرا من واحنا صغيرين ..حتي مامي لابسه واحده زيها ومبنخلعهاش ابدا

سيف ابتسم

رولا /شكرا ي سيف..لو كانت اتسرقت كنت هزعل اوي

سيف/ع ايه بس ..دا واجبي

رولا ابتسمت ولبست السلسله

سيف/يلا علشان نمشي

رولا/اه يلا بينا

وسيف ركبها جمبه ف العربيه وقفل الباب

وراح يركب مكانه الناحيه التانيه

في الكومباوند

ميرا وفريده قاعدين ف الصالون بعد ما زين وصل فريده ل حد هنا

ميرا بصدمه وبفرحه/بتهزري اتغديتو سوا لوحدكم؟اتكلمتو ف ايه ها؟قولتو ايه وعملتو ايه

فريده/ششش وطي صوتك ياسين هيسمع ..انا صحيح قايله ل بابي بس ياسين ممكن يعلق ع الموضوع

ميرا وطت صوتها/حاضر والله خلاص

فريده ابتسمت/انا كنت مبسوطه اوي اوي ي ميرا

ميرا بحماس/طب احكيلي يلا مش قادره استني

فريده/

هحكي لكم كل حاجه..فين رولا

ميرا/رولا لسه بتعمل شوبنج

والجرز رن

ميرا /شكلها هي ..هروح افتح علشان الخدم خلصو وقت شغلهم

وقامت تفتح وكان مراد وشايل ف ايده أكياس السوشي والتشيز كيك

ميرا بابتسامه/مراد

مراد ابتسم/وحشتيني

ميرا بابتسامه /وانت كمان..مش مصدقه انك حتي بعد يوم الشغل الصعب والطويل دا جيت علشان تشوفني

مراد مسك ايدها وباسها/انا اعمل اي حاجه علشان اشوفك

ميرا ابتسمت/تعالي يلا ادخل

مراد دخل وميرا قفلت الباب ودخلت وراه

فريده ابتسمت/مراد ازيك

مراد ابتسم/انا زي الفل انتي عامله ايه

فريده/الحمد لله والله

مراد حط الاكياس ع الطربيزه وقعد جمبهم

ميرا /جبت التشز كيك ولا نسيت

مراد ابتسم /جبته طبعا

فريده ابتسمت/ايه دا الله وجبت سوشي كمان

وبداو يفتحو أكياس السوشي

مراد/الف هنا انا جايب لكم كتير وجايب ل رولا علبه تاكلها لما تيجي

فريده وهي بتاكل ب الشوب ستيك/والله انت اخ مفيش منك

ميرا وهي بتاكل/دي حقيقه

مراد ابتسم/الف هنا

..امال ياسين فين

ميرا/ف اوضته بيغير

ياسين نزل من اوضته بعد ما غير هدومه

ياسين ابتسم/اخويا حبيب قلبي..وحشتني موت والله

مراد/بطل كدب بس ..بقالك اكتر من يومين متصلتش تشوف اخوك عايش ولا ميت اصلا

ياسين /بعد الشر عليك ي حبيب قلبي ..حقك عليا انشغلت مع صحابي شويه

وراح لهم

ياسين باس راس فريده ال بتاكل

ياسين/حمد لله ع السلامه...رجعتي امتي

فريده ابتسمت/لسه جايه حالا

ياسين قعد وبص ع السوشي ال ميرا وفريده بياكلوه

ياسين/استغفر الله ..البتاع دا عمري ما حبيته..مش فاهم بتحبوه ع ايه

مراد/ولا انا والله.. انا جايبه علشان البنات

ياسين/تعالي نطلب اكل بقي بما اني مخرجتش النهارده وانت شكلك مكلتش

مراد/ماشي..خالو لسه برا

ياسين/اه خرج هو واحلام شكلهم مطولين

ياسين بص ل فريده

ياسين/اتأخرتي ليه صحيح ف التدريب كدا..انتي ف العادي مبتتأخريش

فريده/احم..منا ..روحت اكل بعد التدريب يعني كنت بتغدي

ياسين/مع مين؟

فريده بصت ل ميرا

وميرا بصت لها

فريده معرفتش تكدب/اتغديت بعد التدريب مع زين..اقصد استاذ زين ال شوفته ف الشركه

ياسين ومراد بصولها

مراد/يعني ايه..ويطلع مين زين دا ان شاءالله

ياسين بغيره/مش فاهم خارجه معاه ليه لوحدكم

ميرا/احم .مديرها ف الشركه مالكم ي جماعه ايه ال حصل..ع فكره هي استأذنت من بابي ووافق يعني

ياسين/مين دا ال وافق..ادم وافق تروح تتغدي مع حد غريب؟ ال هو ازاي يعني

فريده بتوتر/الله ايه ال حصل يعني للتحقيق دا كله..كنت ف ميتنج معاه برا وبعدين قالي نتغدي استأذنت من بابي وقالي ماشي ..هو تحقيق بقي ولا ايه ..انا هطلع اوضتي

وقامت

مراد/ي حبيبتي ولا تحقيق ولا حاجه احنا بنتطمن بس .. خليكي طيب كملي اكلك

فريده اتنهدت/ماشي هطلع اغير وانزل تاني

ميرا/طب متتأخريش علشان مخلصش السوشي كله

فريده/حاضر

وطلعت

ياسين شاور ع الاكل/هتاكلي كل دا لوحدك؟ي طفسه

ميرا /ايوا ايه المشكله

وكملت اكل

مراد /خليك ف حالك يالا وملكش دعوه بيها

ياسين سند ضهره وهو ماسك الموبايل/ماشي ...انا طلبت لنا اكل عامة

قدام الكومباوند

سيف ركن العربيه و رولا نزلت و سيف نزل من العربيه وجاب لها الشنط ال فيها الحاجات اشترتهم

ورولا اخدتهم

رولا كانت هتمشي وبعدين رجعت ووقفت قصاد سيف

رولا بصت ل سيف/شكرا

سيف ابتسم/ع ايه ..لو علشان السلسله ف قولت لك ان دا واجبي اني احميكي

رولا/لاء..علشان ساعدتني ف ضيق التنفس ال حصلي ..مش عارفه لو مكنتش موجود كان هيحصلي ايه

سيف/الموضوع دا بيحصلك من وانتي صغيره

رولا هزت راسها ب لاء/حاجه حصلت ف حياتي من كام سنه ومن وقتها الموضوع دا بيحصلي كل فتره .بابي بس ال بيعرف يتعامل مع الموضوع دا وبيعرف يهديني ...المهم يعني شكرا

سيف ابتسم

سيف/انا مش متخيل ان رولا هانم بتشكرني لاء وبتتكلم معايا زي البني ادمين كمان

رولا بغضب/تصدق ان انا غلطانه ..وبعدين ايه بتتكلم زي البني ادمين دي هو انا مش بني ادمه

وكانت هتمشي

سيف ابتسم ووقف قصادها يمنعها تمشي/اهدي ..انا بهزر

و فريده ف اوضتها غيرت هدومها و وبصت من الشباك شافتهم واقفين يتكلمو ف هدوء ع غير العاده وابتسمت

عند رولا

سيف بصلها/انا اسف بهزر معاكي مش قصدي اضايقك...وبعدين ي ستي استحمليني دا انا حتي يومين وماشي

رولا/صاحبك دا هياخدك امتي

سيف/بكره هيبدأ يقولي هنتحرك ازاي

رولا/ماشي. متقلقش مش هقول ل بابي اي حاجه..علشان بس اخلص منك وكمان ارجع حره من غير حراسه

سيف ابتسم/عارف انك مش هتقولي

رولا/تصبح ع خير ي حضره البودي جارد

ومشيت ودخلت البيت وسيف ابتسم

الفصل

في مجمع الكومباوندات مساءا

رولا

راجعه من الجيم ال ف المجمع ولابسه بيزك توب اسود بكم وبنطلون سويت بانتس وعامله شعرها ديل حصان وحاطه السماعه ع ودنها وع كتفها شنطه الجيم

و ف طريقها للكومباوند بتاعهم

شافت كرسي قعدت بتعب وشالت السماعه من ع ودنها وهي بتشرب مايه وبتحاول تنظم نفسها بهدوء

عند سيف بيتمشي حوالين الكومباوند ومستني مكالمه من احمد علشان خطه هروبه بكره

وشاف رولا وهي بتحاول تتنفس براحه

سيف راح لها ورولا مش واخده بالها

سيف/انتي كويسه؟

رولا انتبهت وهزت راسها ب اه/ايوا ..انت بتعمل ايه هنا

سيف راح لها وقعد جمبها

سيف ابتسم وبص حواليه/بحاول استمتع ب اخر ليله ليا ف المجمع دا

رولا/خلاص قررت؟

سيف/احمد هيعدي عليا بكره علشان نطلع ع اسكندريه..مستني احمد يتصل بيا يقولي هنمشي الساعه كام..هطلع من اسكندرية ع سفينه وبعدين هطلع ع بلد تانيه

رولا/ي مسهل..يارب بس متتقفش

سيف ابتسم/انبسطي بقي هتخلصي مني اخيرا

رولا/لاء والله انبسطت فعلا..اخيرا مش هشوف وشك تاني

سيف/بتحاولي تنكشيني وتداري تعبك..مالك ايه الحصل

رولا قفلت ازازه المايه/مفيش والله دا ضيق تنفس ال بيجلي احيانا..حصلي من شويه وانا بتمرن ف الجيم..اتعودت ع الموضوع دا

سيف ابتسم/وحصل برضو عند المول..مش حابه تقولي لي ايه الحصل؟ سرك ف بير يعني انا كدا كدا ماشي وسرك هيمشي معايا

رولا ابتسمت/مش حاسه اني عايزه اتكلم دلوقتي لاء...انا اصلا كويسه مفيش حاجه

سيف ابتسم/مبتعرفيش تكدبي ي رولا خالص ع فكره..اتعلمي الكدب شويه

رولا/مين قال ؟انا بعرف اكدب عادي جدا ع فكره

سيف/يعني منسمهوش بتعرفي تكدبي. نسميه ان الحاجات ال انتي نفسك فيها بتتصرفي ع اساس انها مش فارقه معاكي..دا اسلوبك

رولا بصتله/لا والله..دا ال فهمته؟

سيف/ايوا..لازم تحددي انتي عايزه ايه بكل وضوح

رولا/شوف مين بيتكلم

سيف/ليه انا مالي منا زي الفل اهو

رولا/لا والله؟طيب كنت محتاجه اسأل بس ..انت واحد صاي_ع ولا بطل وشجاع؟ بتاخد دور اكتر واحد مجنون و صايع ف الدنيا كلها وبعدين بترمي نفسك قدام الرصاص علشان تنقذ حياه واحده من الموت.ليه؟

سيف/انا لو مكنتش عملت كدا بباكي كان قتل.ني..علشان كدا عملت ال عملته

رولا/لاء مش بس دا السبب. انت مش وحش زي ما انت بتبين.. انت بس بتخاف تبين ضعفك والناس تكشفك.. لأنك شايف ان دي حاجه هتضعفك ..بصراحه ال لازم يحدد هو عايز ايه هو انت

سيف/

عند يحيي

بيراقب رولا وسيف بغضب وهو بيتكلمو من بعيد...رولا بقالها يومين مبتردش عليه وقاعده بتتكلم مع سيف عادي

عند سيف ورولا

سيف موبايله رن وكان احمد

سيف بابتسامه/اوباا واخيرا

ورد

سيف/قول ي قبطان...هتيجي تاخدني امتي ع اسكندريه

احمد/الساعه ١٠ الصبح هتكون السفينه ف البحر ف اسكندريه. لازم تطلع من عندك 8 الصبح وهتاخد مركب صغير ل جوه شويه ف البحر وهتلاقي السفينه التانيه جايه تاخدك

سيف/و انت هتيجي امتي مش فاهم

احمد/للاسف ي سيف هقدر اجيي اخدك

سيف/يعني ايه مش هتقدر مش فاهم

رولا بصتله

احمد/الشغل هنا حصل له مشاكل وانا لازم ابقي موجود من اول اليوم..انا كدا عملت ال عليا.تحويل الفلوس هيبقي ف حساب بنك ادم الحديدي بكره الصبح..والسفينه هتاخدك من بحر اسكندريه

سيف قام بغضب/هو ايه العبط دا ي احمد انت بتبيعني يعني؟ احنا مش متفقين ؟

احمد/اعمل ايه يعني ي سيف

عند احمد

مصطفي ورجالته واقفين ف بيته ومعاهم اسلحه ومصطفى بيشاور له يكمل المكالمه وانه ماشي تمام

عند سيف بعصبيه /قسما بالله لو موصلتش اليونان والموضوع مكملش بسببك ل اكون قاتل.ك ب نفسي ومش هعمل حساب ل عشرتنا وشغلنا سوا انت فاهم؟...لأنك وعدتني انك هتكمل معايا الموضوع للاخر وهتيجي معايا اليونان كمان

وقفل المكالمه بغضب

رولا راحت له

رولا/اهدي فيه ايه..ايه الحصل

سيف بغضب/مش هعرف امشي ي رولا

رولا/ليه؟

سيف/احمد مش جاي ياخدني...وربنا لما اشوفك بس ي احمد هكسر عضمك بنفسي

رولا/طيب خلاص اهدي..ان شاء الله هنلاقي حل

سيف اتنهد/هنلاقي حل ايه بس . انا لازم اكون ف اسكندريه ف السفينه ف وقت معين والا كل الخطه عملتها هتروح...دا غير اني هطلع من بوابه الكومباوند ازاي لوحدي انا مبطلعش من الكومباوند الا وانا بوصلك ل مكان هطلع لوحدي قدام الأمن ازاي.. هيروحو يقولو ل ادم بيه طبعا

رولا/طيب انا هوصلك ليهم

سيف/نعم؟

رولا/هساعدك تهرب

سيف/!

عند احمد

مصطفي شاور ل رجالته ينزلو السلاح من ع احمد

مصطفي ابتسم/خلاص ي جماعه..ما احمد شاطر اهو وعمل ال اتفقنا عليه..برافو ي احمد

وقعد ع الكنبه قصاده

مصطفي/دلوقتي بقي تقعد زي الشاطر تقولي خطه الهروب ال كنتو هتعملوها ايه..علشان نروح ورا سيف من غير ما يعرف ..وامسك ب ايدي الكلب الواطي دا... قسما بالله قت*لو هيبقي ع ايدي انا

احمد بص له بغضب مكتوم

عند سيف ورولا ماشيين بتجاه كومباوند ادم

سيف/وهترجعي ب العربيه للقاهره ازاي ان شاءالله وانتي مبتعرفيش تسوقي

رولا اتنهدت/واحده صحبتي من زمان معايا ف جامعه القاهره وبتزور أهلها كل أسبوع ف اسكندريه ..هي هناك دلوقتي هكلمها هي تسوق وترجعني القاهره..كان ممكن اديك العربيه تروح بيها لوحدك بس بابا هيلاحظ غيابها ووقتها هنخش ف س و ج مع بابي وهيقفش كل حاجه ف وقتها ..ف اني اوصلك انا أسهل وتعدي من الامن اسرع

سيف/يعني كدا هنتقابل بكره ٧ ونص مش كدا

رولا/ايوا

ووصلوا الكومباوند

سيف بصلها/رولا.. انا مش هنسي ال عملتيه معايا دا ومساعدتك ليا طول حياتي

رولا ابتسمت/تصبح ع خير

سيف/وانتي من اهله

ودخلت الكومباوند

سيف ابتسم ودخل بيته ال جمب الكومباوند

عند سيف ف اوضته

غير هدومه وقعد ع السرير وماسك موبايله..وبدأ يقلب ف اكونت رولا وصورها ل ع الانستا ...وابتسم ..كان فيه صور ليها ف بلاد مختلفه ف العالم و صوره ليها مع ادم واحلام حاضنينها وصوره مع ياسين و ميرا وفريده

عند رولا قعدت ع سريرها بعد ما غيرت هدومها

جالها رساله مسكت موبايلها

كان يحيي

يحيي/هنتقابل بكره الصبح ف الجامعه

رولا ردت/انا تعبانه مش هعرف اشوفك بدري كدا..نتقابل العصر

في اليوم التالي

صباحا الساعه ٧ ونص

في بيت سيف

طلع من غرفته بعد ما غير هدومه و ف ايده ظرف كتبه ل ادم

سيف/يارب تفضل بخير ي ادم بيه

وحط الظرف ع الطربيزه ف الصاله

وطلع برة البيت

في عربيه رولا

سيف بيسوق ورولا قاعده جمبه ووصلو عند بوابه الكومباوند

سيف/صباح الخير

الأمن/صباح النور..حضرتك ممنوع تطلع لوحدك

سيف/ايوا عارف والله. بس انا معايا بنت ادم بيه نفسها

ونزل الازاز و رولا قربت من شباك سيف علشان يسمعوها

رولا/انا ال طلبت منه يوصلني ي مرتضي ..علشان عندي محاضره ضروري دلوقتي وبابي اصلا عارف

سيف /شوفت بقي

مرتضي/تمام اتفضلو مفيش مشكله

سيف/ربنا يعينكم

وسيف ساق العربيه تاني وطلعو من المجمع

سيف/برافو عليكي بتعرفي تكدبي فعلا...توقعت العكس..كويس انك مطلعتيش هبله

رولا بصتله/ انت قدرك بين ايدي دلوقتي انت مستوعب دا؟

سيف ابتسم /بعد ساعتين هتخلصي مني اتحمليني شويه

رولا/ يارببب

عند ادم ف الكومباوند

قاعد بيفطر وبيشرب قهوه قبل ما يروح الشغل

احلام حطت فنجانين القهوه وقعدت جمبه تفطر

ادم/تسلم ايدك

وباس ايدها

احلام ابتسمت/الف هنا ي حبيبي

وادم بدأ يشرب القهوه

احلام/انا هروح الشركه النهارده مع فريده .بقالي كام يوم مروحتش

ادم/ماشي...هي لسه مصحيتش

احلام/اه شويه وهروح اصحيها لسه بدري كدا كدا

ادم/انا ال مستغرب رولا ال رايحه محاضره بدري اوي كدا

احلام ابتسمت/اه والله وانا كمان استغربت لقيتها صاحيه من ٧ ولابسه وجاهزه وبتقولي رايحه الجامعه..ربنا يهديها

ادم/يارب

وادم جاله رساله ف موبايله بتحويل ٦٠ الف جنيه..من حساب بنكي عمرو ما اتعامل معاه ف شغل قبل كدا واشمعنا المبلغ دا بالذات

ادم بص ف الرساله بشك

ادم قام ومسك الجاكيت بتاعه

ادم/انا هروح الشغل انا بقي

احلام/طب كمل فطارك طيب..انت مكلتش حاجه

ادم/لا كلت والله كملي انتي ب الف هنا ..محتاجه حاجه

وباس خدها

احلام ابتسمت /لا ي حبيبي شكرا عايزه سلامتك

ادم باس راسها وطلع برا البيت ورايح ب اتجاه اوضه سيف وبيتمني ال شاكك فيه ميبقاش صح

ودخل الاوضه وبص ع الطربيزه لقي في رساله محطوطه ومكتوب عليها ل ادم بيه

بعد ساعتين

عند سيف و رولا

وصلو اسكندريه عند البحر عند المكان ال بيتأجر منه مراكب للصيد و الفسح

سيف/الراجل ال هأجر منه المركب اهو يلا اتكلي ع الله انتي قابلي صاحبتك وارجعي القاهره

رول/اكيد لاء...انا هركب المركب معاك وهطمن انك قابلت مركب احمد وبعدين انا هرجع

سيف بصدمه/نعم؟؟انتي جايبه الجرأه دي منين ..ايه العبط دا مفيش الكلام دا

رولا/بقولك ايه متضحكش ع نفسك انت خلاص مجبور عليا انا عرفت كل حاجه متخلنيش اروح اقول ل بابي

سيف/جرأتك دي مش لاقيه ع الكومباوند ال انتي عايشه فيه

رولا بصتله بغضب/قصدك ايه

سيف بسخريه/لاء ابدا اقصد حاجه كويسه متقلقيش..قلبك جامد مبتخافيش بسرعه يعني..برافو عليكي

رولا/رغبتي ف اني اتخلص منك اتغلبت ع خوفي .هعمل ايه

سيف ضحك وهز راسه بمعني مفيش فايده

رولا بصت ع مركب/بص المركب دا حساه كويس

سيف/تمام هروح اخده

وكان هيمشي رولا وقفته بسرعه

رولا/لالا سيف استني عندك.انا هتصرف

سيف/وليه ان شاءالله مروحش انا؟

رولا/بسبب شخصيتك و اسلوبك..مش عايزين تعمل مشاكل من الصبح وتوتر الناس معاك.انا هتصرف ارتاح انت

ومشيت من قدامه

سيف بيكلم نفسه/وماله اسلوبي يعني مش فاهم

رولا راحت للراجل ال ف الخمسينات ال قاعد ع الارض بيظبط شبكه صيد وسيف مراقبهم من بعيد

رولا بابتسامه/ربنا يعينك ي عمو

الراجل ابتسم/ربنا يخليكي ي بنتي

عند مصطفى ورجالته

ف طريقهم ل اسكندريه بعد دا عرفو مكان سيف قبل ما يسافر برا البلد

راجل بيسوق وجمبه راجل تاني ومصطفى قاعد ورا

مصطفي بغضب/انجزوا شويه قبل ما يهرب

عند رولا

الراجل/لا مستحيل..مينفعش اديكي اي مركب .ممكن الموج يعلي فجأه..وانا معرفكيش

رولا/ي عمو افهمني قولت لك انا بسوق مراكب عادي اصلا بابي علمني ف سفره قبله كدا وبفهم فيهم

الراجل/سامحيني ي بنتي مقدرش أأجر لك المركب برضو لوحدك

رولا اتنهدت/ماشي..خدت من وقتك شكرا

الراجل/العفو

وراحت ل سيف بفقدان امل

رولا/مرضيش..قال لو مكنش معانا ع المركب مش هيعرف يأجرها..معرفتش أقنعه

سيف/طبيعي يقولك كدا ما شايفك بنت صغيره ..سبيني انا اتكلم معاه

وكان هيمشي رولا وقفته ب تحذير

رولا/اوعا تعمل مشكله مع الراجل وتعملنا مشاكل

سيف/عيب والله ي رولا..ربنا يسامحك.احنا كمان بنفهم ف الاصول ..انتي كل ال عليكي متكدبيش ال هقوله..بما اننا وصلنا كل الطريق دا احسن ما نرجع فاضيين ..استني هنا

رولا اتنهدت

وسيف راح للراجل

رولا ربعت ايدها/وريني شطارتك.. انا معرفتش أقنعه اتصرف انت

عند سيف راح للراجل ب ابتسامه

سيف/ربنا يعينك ي خال

الراجل/الله يخليك

سيف/تقريبا انت قولت للبنت مينفعش تأجر لنا المركب

الراجل/بص ي ابني لو عايزين تروحو انا ال هوصلكم..غير كدا مستحيل

سيف شد كرسي من الارض وقعد قصاده

سيف /والله معاك حق ي خال..لو كنت مكانك كنت هعمل نفس للحاجه ..بس لو سمعت ال هقوله ..ممكن تقف ف صفي

وبص ل رولا وبعدين بص للراجل

سيف ابتسم/حبيت واحده مجنونه..بتعقد تتعصب وتغضب طول الوقت..وكل الوقت رغي رغي الله يعيني عليها

الراجل ابتسم/وانا مراتي بتقعد تاكل دماغي كدا برضو..بكره هتتعود

سيف ابتسم/ف الحقيقه هي بتحبني من قلبها .بتقعد تقول نفسها تخلص مني بس ف الواقع لو حصلي حاجه يمكن هي الوحيده ال هتزعل

وبص ع رولا وبعدين الراجل

سيف/علشان كدا حبيتها..فاهم قصدي..هي احلي حاجه ممكن يقابلها شاب زيي ملوش ايه فايده ف الحياه..انت لو كنت اديتنا المركب دا..كنت هعرض عليها الجواز و اعمل لها مفاجأه. بس يلا نصيب بقي هنعمل ايه..ربنا يرزقك

وقام وكان هيمشي

الراجل/اقف ي ابني اقف

سيف وقف وبصله

الراجل ابتسم/جايب معاك الخاتم

سيف راح بفرحه/جايب معقوله ميكونش معايا..كل اموري تمام الا المركب بس

الراجل ابتسم/طيب ماشي كسبتني.. انا موافق

سيف بابتسامه/والله انت اجدع خال شوفته ف حياتي

الراجل/روح قبل ما اغير رأيي..واخرك ساعه ..وعايز ٢٠٠ إيجار

سيف/تحت امرك ي سلام..لحسن الحظ ادم بيه كان مديني فلوس

وطلع من جيبه ٢٠٠ جنيه وادهاله

سيف نده ع رولا بابتسامه

سيف/تعالي ي رولا

رولا ال مرقباهم من بعيد

رولا ابتسمت/اقنعته؟

سيف ابتسم/تعالي تعالي

وراحت لهم بسرعه

رولا بابتسامه/فهمني اقنعته ازاي

سيف/يلا بقي قبل ما يغير رايه

رولا/ ي عمو .شكرا جدا بجد

وراحو للمركب وسيف ساعد رولا تركب

الراجل/انت ي ابني..عيله البنت موافقه اخدت ازن من بباها الاول

سيف/امال ايه..دا ابوها بيعتبرني ابنه التاني متقلقش

الراجل/لو كدا تمام

سيف/فك لنا البتاع دا علشان نمشي الله يسترك

الراجل قام وفك المركب وسيف ركب مع رولا وبدأو يشغلو المركب

وانطلقو ف البحر

في نص البحر

مصطفي راكب مركب وبيبص ب المنظار ع مركب سيف وواقف جمبه احمد

وفي تحت رجالته الاتنين

والمركب ماشيه ف البحر

مصطفي شال المنظار/فاضل كام دقيقه ي قبطان

الراجل ال بيسوق/٥ د ونوصل ي مصطفي بيه

مصطفي لبس النضاره تاني/5..كلها 5 د ونتقابل ي خاين .5 د وتبقي ف ايدي

عند سيف و رولا

واقفين ف المركب

سيف/دا الراجل معرفش يقتنع ب كلامك..كان لازم اكدب عليه انا علشان يسيب لنا المركب

رولا وهي بتحجب الشمس من ع عينها/طيب ي عبقري..حضرتك فكرت موقفي ايه وانا راجعه؟ وانا رايحه اسلمه المركب هيقولي فين الشاب ال كان معاكي

وقعدت ع المركب وسيف قعد جمبها

سيف/عادي قولي له عرض عليا الجواز وانا مقبلتش.. راح رمي نفسه ف البحر وانا سبته ورجعت ..ونزلي له دمعتين علشان يصدق وهتعدي عادي

وضحك

رولا بسخريه/لاء عسل والله.انت عسل

سيف ضحك

رولا/بس استني بس لما انت تحل عني هيجي دوري وانا ال هضحك

سيف ابتسم وبيبص حواليه

سيف/بس بقولك ايه ...احنا جينا مكان ما اتفقنا ..بس مش شايف ولا مراكب ولا سفن

رولا/علشان احنا جينا قبل المعاد بربع ساعه..عادي بتحصل

سيف/هتبتكري ع بباكي كدبه وهتقولي ايه بقي ..فكرتي؟

رولا/مش هفكر ف كدبه ع بابي ولا كلام من دا.لانه مش هيعرف اصلا..وبعدين اسمها هتألفي كدبه مش هتبتكري

سيف/معلش محضرناش حصص العربي اعذرينا ي بنت ادم الحديدي ي مثقفه

رولا بسخريه / ايه دا فعلا؟متفاجئتش خالص ع فكره

سيف/يبقي هتتفاجئي بقي لما تعرفي اني ف الجامعه ..ع فكره انا طالب ف سنه تانيه بزنس

رولا ابتسمت/دا بجد؟اشمعنا قررت تدخل جامعه ..علشان يبقي ليك مكانه مهمه ف عالم الجرايم؟

سيف ابتسم/بتنبسطي ب الطريقه دي صح.. اول ما بتشوفيني غلطان او واقع ف مشكله بتنبسطي ..بدل ما تنبسطي ب الطريقه دي فكري هتكدبي ع بباكي وهتقولي ايه

رولا/قولت لك مش هكدب ومش هقول اصلا

سيف/ انتي عنيده وراسك ناشفه زي بباكي بالضبط..تقريبا وراثه

رولا/وبيتضايق مني بسبب كدا مع اني وخاده الطباع دي منه

سيف ابتسم/امي كانت بتقولي كدا ديما برضو الله يرحمها.انت نسخه عن بباك..وانا كنت عايز اكون شبهه امي مش شبهه ابويا..عارفه ليه؟

رولا بتسمعه بحزن

سيف/كانت هاديه...ووقره و رزينه كدا..وحنينه فوق ما تتخيلي

رولا /خسرتها لما كنت صغير صح؟

سيف هز راسه ب اه/اه..كان عندي ٨ سنين

وبيحاول يغير الموضوع

سيف ابتسم/خلاص انسي..غيري الموضوع

رولا /ربنا يرحمها

سيف/يارب

وفجاه مركب قربت منهم

سيف بص عليها وقام

سيف/في مركب جايه علينا

رولا قامت/فين

سيف/معقوله هما دول الجماعه..بصي هناك اهم

وشاور علي المركب

رولا بتبص/معرفش هما ولا ايه..مركب مهربين البشر دا شكله؟ انا ايش عرفني

المركب جايه عليهم ب أقصي سرعه

سيف ب شك/وليه جايه ب السرعه دي؟!

رولا بتوتر وخوف/سيف دا مسرع جامد وجاي ف اتجاهنا

سيف بسرعه /شغلي المحرك شغلي المحرك بسرعه خلينا نمشي

رولا بتوتر/ماشي ..ي نهار ابيض .يارب ساعدنا

ودخلت جوه بسرعه تحاول تشغل الماطور

رولا بتوتر وخوف/سيف دا مبيشتغلش

سيف بصدمه وتوتر/يعني ايه مبيشتغلش

والمركب بتقرب منهم اكتر

رولا بخوف /والله معرفش مبيشتغلش

سيف بخوف عليها/طيب تعالي ..تعالي هنا

رولا راحت له بسرعه

وسيف خباها وراه

رولا/استخبي...استخبي ورايا واوعي تسبيني مهما حصل..سامعه؟متسبنيش ابدا

رولا بخوف ماسكه فيه ومستخبيه ف ضهره

رولا بخوف/يارب ساعدنا

والمركب قربت منهم ووصلت عندهم وسيف واخد رولا ف حضنه وباصص ع المركب وكان كل خوفه عليها وخايف يحصل لها حاجه

فجأه ادم طلع من المركب

وسارينا البوليس اشتغلت واتنين ضباط كانو مع ادم ف المركب ووقفوا جمب ادم ومعاهم الظابط محمد

ادم واقف باصص لهم بغضب وسيف ورولا باصين له بصدمه

رولا بصدمه/بابي

ف الجهه التانيه

مصطفي ماسك المنظار ومراقب مركب سيف ال الظباط وادم معاه

احمد/كدة مش هنقدر نعمل حاجه تاني

مصطفي بغضب رمي المنظار ف البحر

مصطفي بعصبيه/فهموني انا ليه مش عارف اخد حقي من ال راجل دا ليههه..ليه

احمد/

مصطفي بعصبيه/مين دول ي احمد ما تنطق

احمد/البوليس

مصطفي بعصبيه/والله؟منا عارف انه البوليس

احمد/لو كنا هناك كانو هياخدونا احنا كمان..كدا مش هنقدر نعمل حاجه لازم نرجع

مصطفي للبيسوق/اتزفت ارجع

وشغلوا المركب

عند الشط

سيف ورولا وصلو ب مركبهم ونزلو

وادم نزل هو و البوليس من المركب التاني

ادم رايح بغضب ب اتجاه سيف

سيف بتوتر/ادم بيه اسمعني بس ا

ادم بغضب جهوري ضرب سيف بوكس ف وشه

رولا شهقت بصدمه/بابي

ادم بعصبيه/ي واطي

سيف حط ايده ع وشه بوجع مكان الضربه

ادم بعصبيه مسك سيف تاني وضربه تاني ع وشه

ادم بعصبيه/هي دي رجولتك وشهامتك

وضربه تاني

رولا بتحاول تمنع ادم وتهديه

رولا بخوف/بابي بتعمل ايه كفايه لو سمحت

ورولا بتتكلم مع ادم سيف بيحاول يمشي بعيد عن ادم بخوف وبيمسح الدم من ع وشه

ادم راح ورا سيف بغضب وقال بعصبيه/تعالي هنا يالا

وراح مسك سيف بغضب وضربه تاني

ادم بعصبيه/ايه ال انت هبتته دا..دي مرجلتك وشهامتك

سيف /والله معملتش حاجه

ادم بعصبيه/عملت ايه انطق.. هددت بنتي ب ايه

رولا بتوتر/ي بابي انا السبب والله

ادم بعصبيه/هددتها ب ايه علشان تستغلها ي واطي

سيف بيبعد عننه و ادم عايز يروح وراه ورولا بتحاول تهديه

رولا/بابي مهددنيش ولا اي حاجه والله..انا ال عملت كدا ب ارداتي

سيف/اهدي شويه ي ادم بيه ايه الحصل مش كدا

ومسك وشه بوجع

رولا /والله ي بابي انا ال كنت عايزه كدا

ادم بصلها

رولا/هو مهددنيش انت فاهم غلط..انا ال ساعدتو يهرب.هو ملوش زنب...كانت فكرتي انا

ادم بعصبيه/هو انتي عمرك شوفتي ف حياتك مرهبين بشر؟ها؟ انتي مفكراها لعبه عيال؟ردي ..مفكراها لعبه ي رولا؟

رولا واقفه بتوتر

ادم شاور ع سيف

ادم بعصبيه/يعني لو قلنا الكلب الواطي دا يعمل كدا عادي.. دي حاجه متوقعه منه.بس انتي ازاي؟ ايه ال بتعمليه دا فهميني ..ازاي توافقي ع حاجه زي كدا

سيف/هي ملهاش زنب ف حاجه انا ال اصريت عليها ومتحملتش الزن بتاعي

ادم بغضب جهوري/انت اخرس خالص

سيف/والله انا ال اصريت عليها

ادم بعصبيه/قولت اخرس واتزفت ع العربيه

سيف راح ناحيه العربيه وهو بيمسح الدم من ع فمه

رولا بخوف/بابي انا ا

ادم/انت دلوقتي خيبتي أملي بطريقه انتي مش متخيلاها..انتي تحديدا متوقعتش منك تصرف شبهه كدا ي رولا

رولا بحزن/انا اسفه

ومسح وشه ب ايده وبيحاول يهدي...عمرو ما توقع ان بنته تتحط ف خطر كبير زي دا..كان هيموت ف لحظتها لو حد مس شعره واحده منها

ادم/روحي اركبي العربيه

رولا بتوتر/في عربيتي مركونه ..جينا بيها

ادم/هاتي مفتاح العربيه

رولا طلعت المفتاح من جيبها وادتهوله

وراحت تركب العربيه قدام وسيف كان راكب ورا

في الكومباوند عند ياسين

طلع من البيت لاء عربيه شكلها غريبه مش تبع عربياتهم

حد من الامن راح ل ياسين وف ايده مفتاح عربيه

الامن/ياسين بيه..حد بعت لك العربيه دي وبيقول انك طلبت تأجرها علشان سباق

ياسين ابتسم وافتكر ان سيف ال كان متفق معاه ع الحوار دا

وخد المفتاح من الامن

ياسين/متشكر ي علي والله ..بس بلاش تسيح لحد ع حوار السباق دا بالذات بابا انت فاهم

علي ابتسم/حاضر متقلقش

ياسين/حبيبي

وعلي رجع لشغله وسيف طلع موبايله يكلم صحابه علشان يعملو السباق النهارده

بعد ساعتين

ادم ركن العربيه ف الكومباوند

ونزل من العربيه و رولا وسيف نزلو

ادم ل رولا/ادخلي حالا ع البيت...ومتقوليش ل مامتك حاجه عن الحصل ولا ل اخواتك..مفيش داعي تخضيهم

رولا هزت راسها ب موافقه

ادم ل سيف/ وانت اتفضل روح لم هدومك حالا

سيف هز راسه بموافقه وراح ب اتجاه الاوضه بتاعته

رولا/بابي انتو رايحين فين

ادم بغضب/ادخلي البيت زي ما قولت من غير كلام كتير

رولا/حاضر

ودخلت البيت

سيف رجع ل ادم وف ايده شنطته صغيره ال فيها هدومه

ادم بغضب/هات تليفونك

سيف طلع من جيبه موبايله واعطاه ل ادم

وسيف فتح العربيه وحط شنطته ورا وقفل الباب

سيف/انت يعني بتعمل كل دا ي ادم بيه علشان بس حاولت اهرب

وراح يركب العربيه قدام

وادم ركب علشان يسوق وشغل العربيه واتحرك

رولا دخلت البيت

واحلام كانت قاعده ف الصالون

احلام ابتسمت/حمد لله ع السلامه ي حبيبتي

رولا/الله يسلمك

احلام/ ايه ي رولا مالك؟حصل حاجه

رولا حاولت تبان طبيعيه وابتسمت

رولا/لا ي احلام مفيش حاجه انا بس تعبت من كتر المحاضرات النهارده ..هطلع ارتاح ف اوضتي

احلام ابتسمت/ماشي ي روح قلبي وانا هقول لهم يجهزو لك الاكل

رولا طلعت غرفتها

عند ادم

بعد نص ساعه ادم وصل قدام مركز الشرطه

ووقف العربيه

سيف/احنا جينا هنا ليه ي ادم بيه ..بص لو كان هدفك اني أواجه ابويا ف انا رايي بلاها احسن

ادم/

سيف بص ع الشرطيين ال واقفين عند مركز الشرطه ومعاهم محمد بيه

سيف/مش فاهم دول جايين ياخدوني يعني

ادم باصص قدامه /انا ازاي دخلت واحد زيك بين عيلتي؟..انا ازاي غلطت غلطه كبيره زي دي

سيف/انت عايز تسلمني ليهم يعني؟!

ادم/انزل من العربيه

سيف/خليهم يجو هما ينزلوني انا مش نازل

ادم بصله بغضب

سيف بعيند/مش نازل

ادم خلع حزام الامان ونزل من العربيه

سيف/والله منا نازل

الشرطيين راحو ومحمد بيه راح ل ادم

محمد/تحب نتصرف احنا ي ادم بيه

ادم/لا انا هتفاهم معاه

ادم راح عند باب سيف وفتح باب العربيه ووطي ع سيف علشان يكلمه

ادم بيحاول الهدوء/انزل من العربيه

سيف بصله/مش هنزل

ادم بصله بغضب/ايه جاي تعمل فيلم قدام مركز الشرطه دلوقتي .اتصرف زي الرجاله..انا دخلتك بيتي وبين عيلتي وولادي..دا انا مرجعك من نص البحر ومسكتك بتهرب وبنتي كانت معاك..كل الفرص ال ادتهالك انت ضيعتها. وقراري انا خدته..انزل من العربيه

سيف بصله /طيب وانت بتاخد القرار دا فكرت ف سيف ايه ال ممكن يحصله ي ادم بيه؟فكرت فيا

ادم/ايا كان الكلام ال هتقوله مش هيغير حاجه.انت خلاص مبقتش تحت مسؤوليتي

سيف/اكيد مش هتقدر تعمل حاجه زي كدا بعد ما اتفقت مع ابويا.ووعدته

ادم/الموضوع دا يخصني انا وانا ال هحله..يلا انزل

سيف بغضب/طب وانا ام زنبي ايه..ها؟ لو ع الهروب ف انا كدا كدا كنت ههرب لوحدي..بنتك ال حبت تساعدني ب ارادتها الكامله..قولت لها ارجعي وهي ال أصرت.. انت وابويا اتفقتو ع كل حاجه من ورايا بس حد فيكم جه ع باله ياخد رأيي؟ لا طبعا..اخدتو قراركم ف غيابي وطبقتوه عليا..ضربتني وزلتني ومفتحتش بوقي ب حرف..بس حضرتك مفكرتش اني عندي كرامه وعزه نفس؟ مفكر كل حاجه هتمشي تمام لما تخلص مني؟ وكل حاجه هترجع زي الاول؟ عايز تسبني ف المكان ال خدتني منه زي الكلب ال ملوش صاحب وتمشي من غير ما تبص وراك..كان المفروض اعمل ايه لو مهربتش..فهمني .كنت هتصرف ازاي؟ انتو ال دخلتوني ف السكه دي..قولت لكم قبل كدا انا واحد مش شايف غير مستقبلي..ف علشان كدا مينفعش تعاملني ع اني بغلط ف كل حاجه.. مينفعش تعاملني اكني مجرم وقاتل قتيل ..انا اكتر شخص ملوش زنب ف الاتفاقيه ال عملتوها دي وبرا عني وانت عارف كدا كويس

ادم اتنهد وقال ل محمد يتصرف هو

محمد شاور للشرطيين ياخدو من العربيه بالعافيه

سيف بيحاول يترجي ادم/ي ادم بيه ..ي ادم بيه والله ال حضرتك بتعمله دا مش صح..ي ادم بيه اسمعني

ظابط/يلا انزل وخلصنا

سيف بعيند/مش هنزل

وسند ضهره ع الكرسي

سيف/اتفضلو شيلوني من هنا

الشرطي/يلا انزل من غير مشاكل

سيف/لاء والله ما انا نازل

الشرطي بنفاذ صبر قرب يشيل حزام الامان بتاعه

سيف/والله ما هنزل عايزين تنزلوني شيلوني بالعافيه مش هنزل ب ارادتي

ظابط ٢/يلا بقي خلصنا

ظابط ١/انزل من العربيه انجز

وبدأو يشدوه من العربيه

سيف بغضب/سيبوني انا معملتش اي حاجه قسما بالله

الظباط طلعوه من العربيه بالعافيه

سيف بصلهم/طب فهموني طيب انا متهم ب ايه ..ب اي تهمه هتحبس دلوقتي ؟

وبص ل محمد وادم

ادم/قوله بعد اذنك ي محمد بيه

محمد والظباط بتكلبش ايده

محمد/سيف ابراهيم الناصري انت مطلوب القبض عليك ب تهمه حيازه سلاح غير مرخص ف بيتك

سيف بصدمه /ايه؟ازاي...سلاح ايه دا

ادم/

سيف للظباط/وانتو امتي فتشتو بيتي اصلا ؟

وبص ل ادم

سيف/انت ال عملت كدا فيا صح؟كل دا تخطيطك انت ي ادم الحديدي صح

والظباط خدو سيف وداخلين المركز

سيف وهو ماشي/لاء والله برافو ي ادم الحديدي..عملت كدا علشان تخلص مني والله برافو

في المركز جوه ف غرفه التحقيق

سيف قاعد وواحد بيحقق معاه قاعد قصاده

وادم ومحمد واقفين برا مراقبين التحقيق من الازاز الكبير ال بيبن الجوه بس الجوه ميقدرش يشوف ال برا

وفي شرطي راح جاب ازازه مايه وحطها قدام سيف

المحقق كامل/انت من سنتين اتحكم عليك بسبب ضرب نار ع شخص.. واندفعت كفالتك بدل السجن ٦ شهور..ووجود سلاح من غير رخصه ف بيتك مش من مصلحتك ابدا

سيف بص ع الازاز الكبير مع انه مش شايف ادم بس عارف انه واقف هنا/والله برافو..تهمه محبوكه كويس اوي

كامل/مفيش حد هناك ركز معايا ..انا دلوقتي هوقف التحقيق و هطلب فورا عقوبه سنتين ولو انت محظوظ شويه عقوبتك هتنزل ل ٤ او ٥ شهور

سيف قام وقف/انا عارف انك هنا ي ادم بيه وشايفني

الظابط ال ولقف مع كامل/اقعد مكانك

كامل/مش مشكله سيبه

سيف راح وقف عند الازاز

وادم باصص له

سيف بغضب/انت عارف ان الناس ال تبع مصطفى جوه وهيقتلوني..انت كرهتني للدرجه تسيبهم يقتلوني ي ادم بيه..انا عملت لك ايه؟ انا بس كنت هسافر برا البلد..لو انت سبتني ف حالي انا كنت هسافر..انت كدا بتعاقبني يعني بتنتقم مني؟(وقال بعصبيه) انا عملت لك حاجه ي ادم بيه..جاوبني

الظابط راح مسك دراعه/كفايه زعيق واقعد مكانك

وخده قعدو

الظابط/احنا محترمين بس و صبورين معاك علشان خاطر ادم بيه ف متندمناش ع دا وأهدي بقي

سيف/لا كتر خيره

وسند ضهره وبص ع الازاز بغضب

ادم ل محمد/ممكن ي محمد بيه تعرضو عليه العرض ال اتفقنا عليه

محمد/اه طبعا

وداس ع زرار المايك يكلم كامل ف السماعه ال لابسها

محمد/أعرض عليه العرض

كامل/دلوقتي انسي كل ال بتقوله دا وركز معايا..دلوقتي انت قدامك اختيارين.. ي تروح ع المحكمه مباشرة.ياما نشوف لك بيت أمن تقعد فيه وتفضل تحت مراقبتنا لمده ٣ شهور

سيف بغضب بص ع الازاز يكلم ادم /ليه هو انا كيس زباله هتسيبه ف صندوق عربيتك و ف اول فرصه ترميه مكان ما انت عايز ..معقوله انت بتعمل كدا؟

ادم/

كامل طلع من ال ملف ال جمبه ورقه

كامل/خد اقري الورقه دي..فكر وبعدها وقع

سيف/هات قلم

سيف مسك الورقه ووقع عليها من غير ما يشوف ايه ال مكتوب

سيف/هوقع لك ع بياض علشان ترتاح

وبص ع الازاز/كدة تمام..شفيت غليلك كدا ي ادم بيه؟ دلوقتي كل حاجه وضحت..انا واطي جدا ف نظرك..انا السئ ف الروايه دي..كرهك ليا مبقاش يتوصف..كنت بتقولي ابص ل قدام واخطط ل مستقبلي..ازاي دلوقتي هقدر اخطط ل مستقبلي والله وانت نهيته ب ايدك؟ علشان حتت اتفاق بينك وبين ابويا دمرتو حياتي..ربنا يحاسبك ديما وينتقم منك ع ال عملته معايا

بعد نص ساعه

في اوضه محمد بيه

ادم واقف مستني ابراهيم

في ظابط دخل و ف ايده ابراهيم

وإبراهيم دخل وابتسم ل ادم

والظباط ال جاب ابراهيم مشي وقفل الباب

ابراهيم/ازي حضرتك ي ادم بيه

وابتسامه ابراهيم اختفت لما لقي ادم باين عليه التغيير والغضب

ابراهيم/هو سيف جراله حاجه

ادم/لا كويس..وموجود هنا..بس الولد حاول يهرب برا البلد ومسكته ف اخر لحظه رجعته

ابراهيم اتنهد/هو غضبان ومتضايق مني..وعارف كويس اني مش هعرف اجي جمبه طول ما هو مش قدامي ..دلوقتي مش هتعرف تسيطر عليه.. ابني زي الرصاصه الطايشه هيفضل يخبط شمال ويمين

ادم/انا طلبت اقابلك علشان نتكلم ف الوضع الجديد .أقعد

ابراهيم قعد وادم قعد قصاده وحكي له الحصل

ابراهيم/طب لو قولت لك ي ادم بيه اني مش عايزك تديله ضهرك وتسيبه. هتسيبه؟

ادم/والله دا ال عندي...انا دخلته بيتي وسط عيالي ووثقت فيه وخليته حارس شخصي ل بنتي ..وبعد دا كله يعمل ال عملو؟

ابراهيم اتنهد/تمام..لو ال حضرتك عايزه تعملهوله دا امان زي ما بتقول يبقي اتصرف معاه براحتك ي ادم بيه

ادم قام وكان هيمشي

ابراهيم/ادم بيه

ادم وقف

ابراهيم/شكرا انك حاولت تحمي ابني ودخلته وسط عيالك اوعتبرته واحد منهم

وطلع من جيبه ظرف

ابراهيم/ممكن بس تديله الظرف دا..دي رساله من والدته الله يرحمها انا محتفظ بيها من سنين وتقريبا دا الوقت المناسب ادهاله فيها

بعد شويه ادم طلع من المكتب و

الظباط كلبشو ابراهيم تاني علشان يودوه السجن

وطلعو الطرقه

سيف كان واقف ف الطرقه متكلبش وجمبه ٢ ظباط

سيف شاف بباه وجري عليه بغضب

الظابط راح وراه بسرعه/تعالي هنا..امسكوه

سيف راح وقف قصاد بباه

سيف/ابراهيم الناصري

الظباط راحو مسكو سيف بسرعه

سيف بغضب/قبل ما تروح تكمل طريقك بص لي ف عيني كدا ي باشا

ابراهيم/

سيف/فهمني ازاي تعمل فيا كدة وتبيعني ..بعد ما ضحيت بكل حاجه علشانك وعلشان شغلنا..ازاي بعتني وبعت شغلنا ف لحظه..ع الاقل كنت حافظ ع اسم عيلتنا ولا مستكتر عليا دي كمان.. ها

وادم واقف متابعهم ف هدوء

الظباط ماسكين سيف وعايزين يسكتوه

ابراهيم للظباط/سبوه ي ابني..سبوه يحكي ال ف قلبه

سيف بغضب وقهره/كأنك نسيت معني الرجوله ي ابراهيم الناصري..ان شاء الله سجنك ال انت داخله دا يكون قبرك..ان شاء الله متطلعش تاني ف حياتك .بس قسما بالله ما هخليهم يحطو اسمك ع قبرك...سامع؟ قبرك دا هيكون موجود من غير اسم كدا

وادله ضهره علشان يمشي مع الظباط والظباط خدوه

سيف وهو ماشي/خلي شريكك الجديد ال اتفقت معاه عليا هو ال ياخد عزاك..انتو الاتنين نفس الحاجه اصلا نفس الجحود...متفرقوش حاجه عن بعض

ابراهيم دمع وراح مع الظباط واخدوه ومشيو

ادم اتنهد

سيف فكر ادم بنفسه وهو صغير

لما بباه قرر يسيبهم ويروح يتجوز زمان ..ادم فضل لوحدو طول حياته و اضطر ببقي الام والاب ل اخواته زي سيف دلوقتي بالضبط

عند سيف راكب ف

عربيه الظابط محمد ف طريقها ل البيت ال سيف هيعيش فيه تحت المراقبه الالكترونيه(هيحطو ف رجله انزار لو اتحرك ل ابعد من الماكن ال محدد ليه الانزار هيضرب والبوليس هيجيله)

ادم وراهم ب العربيه لان ميعرفش المكان ال هيروح عليه هيبقي مرتاح فيه ولالا وعايز يطمن عليه للمره الاخيره

ادم زود السرعه شويه ووقف قدام عربيه الظابط محمد والعربيه وقفت

ادم نزل من العربيه وراح عند شباك محمد

ادم/بعتذر عن المقاطعه ي محمد بيه محتاج ادي سيف حاجه

محمد/اكيد طبعا ي آدم بيه براحتك خالص.اتفضل

ادم راح عند باب سيف وفتح الباب

ادم/سيف..انزل عايزك

سيف/مفيش كلام بينا. مشفتش غليلك مني لحد دلوقتي؟

ادم اتنهد وطلع من جيبه ظرف

ادم/امسك..دي ليك..بباك ادهالي وقالي انها من مامتك

سيف/اكيد بيكدب

ادم/انا معرفش بس خدها وشوف انا واجبي اسلمهالك

سيف نزل من العربيه ووقف ف جمب وفتح الظرف

سيف ل محمد/الشاب معايا متقلقش. استنانا دقايق بس

محمد/تمام ي ادم بيه مفيش مشكله

ادم هز راسه ب موافقه وراح ل سيف ال متردد يفتح الرساله ويقراها

ادم/ايه مش هتفتح الرساله

سيف فتح الظرف وقرا اول كام كلمه

(ابني حبيبي سيف)

سيف قفل الورقه تاني بسرعه

سيف/انت قرأت الرساله دي صح

ادم/لاء

سيف/تمام..عايز اي مني تاني؟

ادم/انت ال جبرتني ع البيروقراتيه التافهه ال حصلت دي..دلوقتي مقدرش اثق فيك تاني

سيف/سبني ف حالي وامشي..ليه لحد دلوقتي بتحاول تطمن عليا؟

ادم/مقدرش اسيبك ف حالك

سيف اتنهد ومسح وشه ب ايده

ادم/تعالي معايا..بدأنا الموضوع مع بعض وهنخلصه مع بعض. هقول ل محمد بيه انك هتقضي معايا الحبس الالكتروني .بس خلي بالك هتزيد الاحتياطات علشان تكون ف الصوره ..ومش هتعيش معانا ف الكومباوند هشوفلك ايه بيت قريب من الكومباوند

سيف/يعني اول حاجه ترميني ي ادم بيه..وبعدين عايز تساعدني..انا مجبور امشي وراك ف اي حاجه تعوزها يعني؟

ادم/ابدا مش مجبور.. تقدر تختار الطريقه ال محمد بيه هيعملها معاك وتروح معاه دلوقتي

سيف اتنهد

سيف/كنت ورا الازاز مش كدا؟ سمعت كل ال قولته

ادم/

سيف/طبعا مفيش رد

سيف/انا هسال حضرتك تاني..ليه بتكرهني للدرجه دي ي ادم بيه

ادم بصله/لو كنت كيس زباله محطوط ف صندوق عربيتي مكنتش هرميك ف الطريق ف اول فرصه ..كنت هشيلك واوديك بنفسي عند المزبله ال جيت منها..انا عمري ما كرهتك..هكرهك ليه بالعكس..انا جبتك بيتي وسط عيالي ال اعتبرو وجودك امان ليهم مش العكس...ومراتي حطت لك طبق زياده ع السفره وفتحت لك بيتها... وانت ال خونت الامانه...بس خلاص ال حصل حصل

سيف /

ادم/ولو كنت انت السئ الوحيد ف الروايه ف انا معنديش رد للموضوع دا..بس انت ال هتقرر.ولو مش عايز تيجي معايا دلوقتي هسلمك ل محمد بيه..وطريقنا يخلص دلوقتي وهنا

سيف بصلو وسكت

مساءا

ادم وقف بالعربيه قصاد البيت ال سيف هيعيش فيه

سيف/ايه المكان دا

ادم/هيكون ايه يعني..بيت من بيوتي

سيف/قولتي لي هتاخد احتياطات زياده.. فين الزياده دي بقي

ادم/محمد بيه هيبعت لنا دلوقتي ظابط هيحط لك الكلبشات الالكترونيه

سيف/اه وماله..حلو اوي..وحط لي ف رقبتي طوق بالمره

ادم/لو حضرتك كنت قريت الورقه ال وقعت عليها كنت عرفت انك قبلت انك تنسجن ف بيت

سيف/طيب ما علينا..مش فارقه معايا اصلا..انا بس مستغرب ازاي عرفت اننا ف اسكندريه. حضرتك عرفت منين اني عايز اهرب اصلا

ادم/لما جالي التحويل ب الفلوس فهمت انك بتحاول ترجع لي فلوسي ال دفعتها ل اخواتك..اكيد مجبتش الفلوس دي فجأه من تحت الارض..ف شكيت ورحت اوضتك لقيت الورقه ال سبتهالي ع المكتب

سيف ابتسم/مش سهل انت خالص ي ادم بيه وذكي..جايبها من تحت اوي يعني

ومبتقدرش تستحمل تأنيب الضمير..خوفت تكون ظالمني ولو حتي ١%علشان كدا مسبتنيش وادتني ضهرك

ادم/كفايه رغي وخلينا ننزل..هقعد معاك ف البيت لحد ما محمد بيه يبعت ال هيحط لك الكلبشات

ونزل من العربيه وسيف نزل

وادم موبايله رن وكان احلام

ادم رد/نعم ي حبيبتي

احلام بقلق/ادم انت فين

ادم/في ايه مال صوتك؟ انتو كويسين؟حد من الولاد حصلو حاجه

احلام بدموع/ياسين راجع من برا دراعو متعور وجسمه في كدمات وبيقول عمل حادثه ب العربيه وهو بيتسابق..وبيعند معايا بيقول مفيش داعي نروح المستشفى

ادم بقلق و بخضه/ايه؟ عمل حادثه ازاي يعني

الفصل

مساءا ف الكومباوند

في الصالون

ياسين قاعد ودراعه ملفوف ب شاش مكان الخبطه...واحلام جمبه بتضمد له جرح ف وشه

وقاعد جمبها فريده ورولا و ميرا وغزل

ومعاهم فراس ومراد

احلام/حاسس بوجع او اي حاجه .انا بوجعك

ياسين/لا ي روح قلبي متقلقيش

وباس ايدها

مالك طلع من المضبخ و ف ايده كوبايه مايه و برشام

مالك/خد ي حبيب عمك اشرب الدوا دا

ياسين/والله ي عمو انا كويس متقلقش

فراس/اسمع الكلام وخد الدوا علشان متدوخش من الحادثه..هتعند ف دا كمان

ياسين اتنهد وخد الدوا واحلام خلصت تضميد جرحه ودمعت

ياسين/لالا علشان خاطري متعيطيش ي احلام وحياه ربنا انا كويس مفيش حاجه

وخدها ف حضنه وباس راسها

احلام بدموع/افرض كان حصلك حاجه ي ياسين؟انا كنت اموت فيها والله

روان بحزن/متعيطيش ي حبيبتي الحمد لله ياسو قدامك بخير اهو. احمدي ربنا

احلام بحزن/الحمد لله يارب.الحمد لله

ياسين طلعها من حضنه و مسح لها دموعها وباس راسها وايدها

ياسين/متزعليش بقي علشان خاطري..والله كله الا دموعك كدا انا ال هزعل

احلام مسحت دموعها/خلاص مش هعيط

ياسين باس راسها

مراد خبطه ف رجله براحه بقلق عليه /ايه ال وداك السباق دا من غير ما تقولي ي زفت انت؟ها خضتنا عليك

ياسين/اهو ال حصل بقي هعمل ايه

فراس اتنهد/الحمد لله انك بخير..خضتنا عليك خضه وانت داخل علينا بمنظرك دا كدا

فريده بقلق /حمد لله ع سلامتك ي ياسو

رولا بحزن/الحمد لله انك بخير قلقتنا عليك

ميرا باست خده/الحمد لله انك كويس

غزل بحزن/حمد لله ع سلامتك ي ياسين الحمد لله انها جت ع قد كدا

ياسين ابتسم/حبايب قلبي الله يسلمكم

احلام مسحت دموعها/هقوم اقول لهم يعملو لك حاجه دافيه تشربها

غزل/لا خليكي ي مرات عمو انا هقوم اقول لهم

احلام هزت راسها ي موافقه وغزل قامت ودخلت المضبخ

ادم وصل الكومباوند وركن العربيه ونزل بسرعه وسيف نزل وراح ورا ادم ال رايح بتجاه البيت بسرعه وعايز يطمن ع ياسين ب اي شكل

ادم دخل البيت بقلق بعد ما الخادمه فتحت له وسيف دخل معاه

ادم بخضه/ياسين فين

ياسين/ادم

ادم راح حضن ياسين بسرعه وبقلق/انت كويس ؟

ها ؟انت كويس حصلك حاجه ؟

وطلعه من حضنه يطمن عليه ومسك وشه ب ايده

ادم بلهفه/رد عليا

ياسين ابتسم/متقلقش والله ي ادم انا كويس عملت حادثه بسيطه بس

ادم بقلق/حادثه بسيطه ازاي بس ..ماله دراعك

قوم يلا..نروح المستشفى

ياسين/لا الموضوع مش مستاهل مستشفي والله صدقني انا كويس

مالك/الحمد لله ي ادم هو بخير متقلقش

فراس/حادثه بسيطه الحمد لله جت ع قد كدا

ادم اتنهد وحضن ياسين بقوه وباس راسه وياسين ابتسم

ياسين/والله العظيم انا كويس ي حبيبي متقلقش

ادم طلعو من حضنه ومسح وشه ب ايده كان مرعوب ع ياسين وقلبه كان هيخرج من مكانه لما سمع انه عمل حادثه

ادم/انا كنت هموت من الخوف ي ياسين..ايه ال وداك السباق دا ليه بتعمل فيا كدا

ياسين/بعد الشر عليك..انا اسف والله ي بابا

ادم اتنهد وحضنه تاني براحه وياسين ابتسم

ياسين/انا بخير والله متقلقش

ادم طلعو من حضنه/هحاسبك بعدين ع موضوع السباق دا مش هعديه

ياسين/كنت حاسس والله

سيف/حمد لله ع سلامتك ي ياسين

ياسين ابتسم/الله يسلمك ي سيف

سيف/انا هستني حضرتك برة ي ادم بيه

ادم هز راسه ب موافقه وشيف طلع

ورولا بصتله وهو بيطلع

وبصت ع ادم ال بيتجاهل يبص لها علشان متضايق منها

ادم باس راس احلام ال باين عليها مخضوضه ع ياسين وخدها ف حضنه

احلام بحزن ودموع/انا مكنتش عايزه اخضك بس كان لازم اقولك

ادم /كان لازم تقولي لي طبعا

ومسح لها دموعها وباس راسها واحلام اتنهدت وحضنته بقوه

ادم باس راس فريده وميرا

وبص ع رولا ورولا كانت خايفه تبص له

فراس/هو سيف دا الحارس الشخصي بتاع رولا

مالك/اه وتقريبا ال انقذ رولا من موضوع الحفله دا

ادم /اه بس مبقاش الحارس الشخصي بتاعها خلاص..هيشتغل معانا اي حاجه تانيه

رولا متضايقه اوي ان ادم زعلان منها ..حتي مبسهاش زي ما باس اخواتها

وقامت وطلعت تشوف سيف

قدام الكومباوند

سيف قاعد ع الطربيزه ف الجنينه وماسك الظرف ال فيه رسالة مامته وسرحان..خايف يفتح الرساله

رولا طلعت من البيت وراحت له

رولا قعدت جمبه/ ايه ال حصل لما بابي خدك..عملتو ايه

سيف انتبه وخبي الظرف ف جيب الجاكيت بتاعه

سيف/مفيش..اخدت بهدله من ادم بيه ورجعنا..وبكره الصبح هيحطو ف رجلي كلبشه الكترونيه..هيبقي حتي طلوعي الجنينه صعب..علشان كدا لو سمحتي سبيني لوحدي دلوقتي

رولا/يعني ايه كلبشه الكترونيه اصلا..هو بابي ينفع يعمل كدا اصلا؟وبعدين مين ال قاله ع مكاننا؟احمد صاحبك دا صح؟محدش غيره كان عارف مكاننا

سيف /هو باين عندك دلوقتي اني شخص عايز يحكي همومه لحد؟ روحي نامي يلا

رولا بصدمه من وقاحته /دا بجد؟ انتي جاي تديني تعليمات المفروض اعمل ايه وانت ف نص بيتنا؟بعد كل ال عملته معاك...ايه الأسلوب الوقح ال بتكلمني بيه دا؟

سيف مسح وشه ب ايده واتنهد ..بيحاول يبعدها عنه ب ايه طريقه ويكلمها ب الاسلوب دا علشان هو سبب لها مشاكل بما فيه الكفايه وكان ممكن تتأذي بسببه النهارده لولا ستر ربنا

سيف/علشان ساعدتني مرتين بقينا قريبين ل بعض خلاص؟

رولا/

سيف/خلاص انسي كل الكلام دا دلوقتي..اصلا المشاكل دي مش مشاكلك انتي ي رولا..ارجعي كملي حياتك ..مش انتي كان نفسك تخلصي مني؟كملي ف طريقك شاغله بالك بيا ليه

ومسك دماغه ب ايده واتنهد

رولا ف العادي عمرها ما تسمح ل حد يكلمها كدا بس عارفه ان سيف مهموم وفي حاجه مضيقاه ومش عايزه تسيبه ف الحاله دي

رولا/سيف.. باين عليك متضايق من حاجه تانيه وبتحاول تطلع غضبك فيا...ايه الورقه ال خبيتها ف جيبك اول ما جيت .دي رساله صح

سيف بصلها/هو انتي لازم تعرفي كل حاجه يعني؟

وقام وسابها ومشي راح ل اوضته

في الكومباوند من جوه ف الصالون

ادم قاعد وواخد ياسين ف حضنه وبيحمد ربنا انه بخير وجمبهم فراس و روان و مالك و غزل وفريده

ومراد و ميرا بيتكلمو ف البلكونه

فراس/سيب الواد يتنفس ي ادم خلاص هو بخير والمصحف

ادم/خليك ف حالك انت

مالك ضحك وفريده وغزل ابتسمو

ياسين ابتسم/انا مكنتش اعرف انك بتحبني وبتخاف عليا كدا ي ادم والله

مالك/مش عارفه ان ادم بيحبك اوي كدا؟علشان متخلف..دا ادم روحه فيك ..بيحبك اكتر من نفسه

روان ابتسمت/ربنا يخلي لهم بباهم ويحفظه طول العمر يارب

ياسين ابتسم وحضن ادم اكتر/يارب

وادم باس راس ياسين

احلام طلعت من المضبخ و ف ايدها مسكن

احلام/خد ي حبيبي المسكن دا علشان وجع دراعك يخف شويه

ياسين طلع من حضن ادم وخد من احلام المسكن

واحلام ناولت له مايه وياسين اخد الدوا

في البلكونه عند مراد و ميرا بيتكلمو وبيطمنها

مراد ملس ع شعرها ورجع خصله من شعرها ورا ودنها/اهم حاجه انتي متضايقيش..الحمد لله ياسين كويس

ميرا اتنهدت/الحمد لله يارب..لو كان جراله حاجه كنت هموت

مراد مسك ايدها/بعد الشر عليكي وعليه.. متقوليش كدا ي ميرا دا انا مقدرش اعيش من غيرك

ميرا ابتسمت ومراد باس ايدها

مراد موبايله رن و مراد ساب ايد ميرا وطلع الموبايل من جيبه وكان مكتوب سما

ميرا بصت ع الموبايل بغيره ومراد بص ل ميرا ال مركزه ف موبايله

مراد ابتسم/تاخدي تردي انتي

ميرا ربعت ايدها بغيره/ممكن افهم مين ال مسجل رقمها دي وبترن عليك دلوقتي

مراد ابتسم من غيرتها/دي سما

ميرا بغيظ/والله؟منا شايفه انها سما..مين هي بقي وبتتصل بيك ليه

مراد ابتسم/دي موظفه عندنا ف الشركه ..تلاقيها كانت بتتصل علشان الورق ال طلبته منها..وبعدين مش هتبطلي غيرتك الحلوه دي عليا..علشان انا مبقدرش عليها

ميرا بتوتر/احم انا مش غيرانه اصلا انا هغير ليه..انا بس استغربت هي بتتصل بيك دلوقتي ليه..وبعدين مش انا اختك الصغيره وصحاب ومن حقي اسأل

مراد ابتسم/انتي من حقك تعملي اي حاجه

ميرا بغيظ/طب تصدق بقي ي مراد انا مستنيه اتخرج علشان اشتغل ف الشركه ال انت وبابي شركا فيها علشان اراقبك واشوف بتتعامل ازاي مع الموظفات قليله الأدب دي

مراد قرب منها/ي سلام ..دي الشركه هتنور والله العظيم

ميرا ابتسمت/ي سلام

مراد ابتسم/والله ..مش مصدقاني

ميرا ابتسمت /انا بصدق اي حاجه انت بتقولها

مراد ابتسم وباس راسها

في الصالون

فراس قام/نستأذن احنا بقي

روان قامت

ادم/ما انتو قاعدين.. لسه بدري

احلام/ايوا اتعشو معانا طيب الاول

مالك قام/لا يدوب كدا علشان برضو نصحي بدري للشغل بكره ..يلا ي غزل

غزل قامت وكانت عايزه حجه تبات بيها هنا علشان تفضل جمب ياسين/بابي انا عايزه ابات مع البنات هنا النهارده

مالك/لاء مش وقته دلوقتي ي غزل وبعدين عندك جامعه الصبح

احلام/سيبها ي مالك تبات مع اخواتها ويبقو يروحو الجامعه بكره سوا

مالك/خلاص ماشي خليكي

غزل ابتسمت بفرحه

وبصت ل ياسين

ياسين ابتسم/اقعدي ي هبله اقعدي

غزل ابتسمت وقعدت جمبه البنات تاني

عند مراد راح لهم وهو وميرا الصالون

روان/يلا ي حبيبي علشان ماشيين

مراد/اه يلا بينا ..تصبحو ع خير ي خالو

مالك و فراس/تصبحو ع خير

ادم واحلام/وانتو من اهل الخير

وطلعو من البيت

احلام للبنات/روحو غيرو هدوم الخروج دي يلا لحد ما الخدم يجهزو العشا

فريده/حاضر

وفريده خدت ميرا وغزل وطلعو فوق

واحلام قعدت جمب ياسين وخدته ف حضنها

احلام/محتاج اي حاجه اجيبهالك

ياسين حضنها بقوه/انا مش عايزه حاجه غير الحضن دا والله

احلام ابتسمت وباست خده

رولا دخلت الكومباوند وطلعت غرفتها من غير ما تتكلم

احلام بصت لها وهي بتطلع وبصت ع ادم ال باين عليه متغير

احلام/ادم هو حصل حاجه النهارده؟

ادم /حاجه زي ايه؟

احلام/مش عارفه بس انت النهارده متغير ..و رولا كمان..حاسه انك مخبي عني حاجه ..انتو اتخانقتو؟

ادم/لا متقلقيش مفيش اي حاجه ..انا هقوم اغير هدومي

وقام وباس راس احلام وطلع فوق

احلام ل ياسين ال ماسك الموبايل ونايم ف حضنها/وانت مصدق ان مفيش حاجه

ياسين/طالما قالك ان مفيش حاجه يبقي مفيش حاجه فعلا...وبعدين متضغطيش عليه ي احلام علشان ميتجوزش عليكي

احلام بغيظ خبطته ف كتفه براحه/بس ي جزمه انت

ياسين ضحك وباس ايدها

في اليوم التالي صباحا

في غرفه ياسين

طلع من الدريسنج بعد ما غير هدومه

واحلام واقفه بتكلمو

احلام/يعني ايه ي حبيبي عايز تروح الجامعه النهارده بعد ال حصل امبارح..خليك ارتاح النهارده علشان خاطري

ياسين ابتسم/ي احلام والله العظيم انا زي الفل مفيش اي حاجه كل الموضوع دراعي بس متعور وشويه وهيخف

وباس راسها

احلام ربعت ايدها /ايه بقي سر حبك للجامعه المفاجئ دا..اشمعنا عايز تروح يعني

ياسين/علشان انا بتخنق من قعده البيت انتي عارفه

ادم طلع من غرفته بعد ما غير هدومه وراح لهم

احلام/تعالي ي ادم شوف ياسين علشان انا تعبت بجد

ادم/في ايه.

ياسين/مفيش حاجه ي أدوم والله احلام مش عايزه تخليني اروح الجامعه

ادم/ومستعجل ليه..خليك ارتاح النهارده انت لسه عامل حادثه امبارح

ياسين/انا كويس والله متقلقوش وبعدين انا زهقان وعايز انزل

احلام/ما اخرج ف الكومباوند زي ما انت عايز..عندك كافيهات ومطاعم ونادي وكل الرياضات ال بتحبها.ليه لازم تخرج برة الكومباوند وتسوق العربيه بعد ال حصل

ادم/خلاص ي احلام..روح ي ياسين الجامعه زي ما انت عايز..بس هقول لحد من الحرس يوصلك علشان متسوقش النهارده ومامتك تبقي متطمنه

ياسين/حاضر..كله الا زعل احلام هانم والله

وباس خدها

احلام ابتسمت/خلي بالك من نفسك

ياسين/حاضر

وباس ايد ادم وادم باس راسه وياسين خرج

ادم/هعدي ع سيف وبعدين اروح الشغل..محتاجه حاجه؟

احلام /عايزه سلامتك..بس هو حصل حاجه امبارح معاك انت وسيف؟

ادم/ليه بتقولي كدا

احلام/قولت لنا امبارح ان سيف مش هيشتغل حارس ل رولا تاني..ورولا من امبارح مش ع بعضها ومش عايزه تقولي مالها ونامت من غير عشا ..وكنت هسالك امبارح تاني بس كنت تعبان مهونتش عليا وسبتك تنام وترتاح حتي انت برضو متعشتش ..و انا عارفه انك مخبي حاجه

ادم مش متعود يخبي حاجه عن احلام ولا يكذب عليها بس المره دي مضطر لان لو حكي لها ع ال رولا عملتو امبارح هتتخض وتزعل كفايه خضتها ع ياسين امبارح

ادم ابتسم وقرب منها وباس راسها

ادم/مفيش اي حاجه مخبيها متقلقيش..كل الموضوع ان رولا حكت لي انها مش قادره تتفاهم مع سيف خالص وبيعندو مع بعض ديما ..ف انا قولت هرجع الوضع طبيعي زي ما كان قبل ما سيف يظهر

احلام/لو تقدر تشغل سيف اي حاجه هنا شغلو ومتتخلاش عنه ي ادم.. هو ملوش حد غيرنا..لو مش علشان اتفاقك مع بباه ف علشان سيف شخص كويس بجد..رولا حكت لي انها كانت هتتسرق و جالها ضيق التنفس ال بيجيلها دا ولولا ان سيف معاها كان ممكن تتعب جدا لقدر الله..وعربيتي عطلت قبل كدا قدام الكومباوند وموبايلي مكنش فيه شبكه اتصل بيك وهو شافني ومسبنيش الا لما صلحهالي دا غير معاملته للبنات وياسين اكنهم اخواته بجد

ادم اتنهد وهز راسه بموافقه

ادم/حاضر

احلام ابتسمت وباست خده وحضنته

ادم حضنها بقوه وباس راسها

بعد شويه ادم نزل من فوق ورايح بتجاه الباب

رولا طلعت من المضبخ بعد ما اخدت النسكافيه ال الخادمه عملتهولها

رولا/بابي ا

ادم بصلها ومردش عليها و خرج برة البيت

رولا حطت النسكافيه بتاعها ع الطربيزه بحزن..متضايقه اوي من نفسها علشان ادم زعلان منها.وهي عارفه انها غلطت وغلط كبير كمان وخيبت امل ادم فيها..بس من كتر ما وجود سيف حارس شخصي معاها ف كل حتي موترها كانت عايزه تخلص من الوضع دا ب اي طريقه

احلام نزلت من فوق وراحت ل رولا

احلام/ايه ي حبيبتي فطرتي ولا لسه

رولا /لا ي مامي

احلام/طب استني هقول لهم يحضرولك الفطار قبل ما تروحي الجامعه

رولا /لالا انا اصلا مش هروح الجامعه انا هروح المطعم ال ف المجمع هبقي افطر مع هايدي هناك.

احلام ملاحظه ان في حاجه مضايقه رولا بس مش عايزه تضغط عليها

احلام ابتسمت /انا كنت بفكر اخدك انتي واخواتك وغزل و روان وجنات ونروح نتغدي سوا ف النادي كلنا ونقعد قعده بنات ايه رايك

رولا ابتسمت/خلاص ماشي ال انت عيزاه

احلام ابتسمت وحضنتها بقوه

/انا مش عايزه حاجه غير اني اشوفك مبسوطه وبس والله

رولا ابتسمت وحضنتها بقوه/انا بموت فيكي

احلام /مش اكتر مني

وباست راسها وطلعتها من حضنها

احلام ابتسمت/يلا روحي ..وخلي بالك من نفسك

رولا/حاضر

و باست خدها وطلعت برا

عند ادم

كان هيروح غرفه سيف

في راجل لابس بدله وف ايده شنطه راح ل ادم

الراجل/ادم بيه..انا اسماعيل من مركز الأمن تبع محمد بيه..وجاي اركب ال كلبشه الالكترونيه

ادم/ايوا انا كنت ف انتظار حضرتك.. تعالي اتفضل

بعد شويه في اوضه سيف

اسماعيل قاعد وسيف قاعد جمبه وادم واقف واسماعيل فاتح الشنطه وطلع منها الكلبشات

اسماعيل/دا ي ادم بيه جهاز إرسال.. هنستخدمه ومن خلال الجهاز دا بنراقب الشخص من مركز الشرطه .ولو طلع خارج النطاق ال احنا بنحدده..

المركز هيحدد مكانه الجديد..وهنتواصل بحضرتك ع طول

وبدا يركب الجهاز ف رجل سيف من تحت

اسماعيل وهو بيركبه/ولو عرفنا انه طلع من البيت من غير اذن حضرتك هنبعت الشرطه فورا ع المكان ال جهاز حددو

ادم/طب كويس جدا..حلو الاختراع دا..يعني انا ديما هقدر أعرف هو فين من خلال الجهاز دا ٢٤ ساعه

اسماعيل خلص تركيبه/مظبوط ي ادم بيه

ادم/ولو حاول يشيل الجهاز ايه ال هيحصل

اسماعيل/لو حاول يشيل الجهاز بيبعت لنا انزار ع المركز وطبعا هو ضد المايه وضد الكسر

ادم/تمام

وبص ل سيف

ادم/وانت اصلا مش هتحاول تعلم حاجه شبهه كدة

سيف /مستحيل..ب الذات ان الدوله اكيد صرفت كتير اوي علشان تعمل اختراع زي دا

اسماعيل فتح الاب توب

اسماعيل/اهو حددنا اشاره الجهاز

ادم بص ع الاب توب وسيف حاول يبص معاهم

سيف/طيب انا اقدر اطلع الجنينه حتي اشم هوا

اسماعيل/الاشاره انظبطت ف حدود مجمع الكومباوندات كله

سيف/ف حدود المجمع؟ دا جامد دا يعني كدا اقدر الف براحتي ف المجمع كله

ادم بص ل اسماعيل/تمام شكرا ي استاذ اسماعيل تعبناك

اسماعيل /مفيش اي تعب ولا حاجه ي ادم بيه

وقام ولم الشنطه بتاعته

ادم ل سيف/الجهاز مش ضاغط ع رجلك صح؟ مريحك

سيف/اه مريحني جدا

ادم/طب كويس

ادم ل اسماعيل/شرفتنا

اسماعيل/شكرا جدا. عن اذنك

اسماعيل مشي وطلع برا الاوضه

سيف /ادم بيه.. كأنك بقيت عادل معايا زياده عن الزوم..هتسبني اللف ف المجمع كله بجد؟ دا احلي سجن دا ولا ايه..دا الكومباوند مرفهه اكتر من حياتي

ادم/انا ببين لك حسن نيتي ي سيف..واني عايز اثق فيك تاني..

يعني انا هعاملك بحسن نيه وانت هتقدر دا ..لو قدمتلي ف المقابل حاجه كويسه وبقيت مؤدب وبتسمع الكلام من غير مشاكل هنبقي زي الفل اما لو قدمتلي المقابل بطريقه مش كويسه هتودي نفسك ف داهيه .. فهمت

سيف هز راسه بموافقه/طبعا

ادم/انا هروح الشغل دلوقتي..عندك التلاجه فيها اكل ولو احتاجت اي حاجه تانيه اطلب من الخدامين ال ف الكومباوند

سيف/حاضر...مع السلامه ي ادم بيه

ادم مشي

بعد شويه ف مجمع الكومباوندات

رولا قاعده ع الطربيزه ف الكافيه وبتتكلم مع هايدي

رولا/انا مش قادره حتي احكي الموضوع دا ل اخواتي ف البيت علشان مخضهمش عليا واحلام بالذات لو سمعت ال حصل هتزعل اوي

هايدي مسكت ايدها/متزعليش نفسك ي روح قلبي..صدقيني اونكل ادم هيصالحك هو بس مخضوض عليكي شويه من ال حصل ..بس هو بيموت فيكي وانتي عارفه

رولا اتنهدت/يارب

وبصت من شباك الكافيه لقت سيف ماشي ورايح بتجاه بوابه المجمع

رولا/هايدي خليكي هنا وانا شويه وجيالك ماشي

هايدي/ايه الحصل

رولا قامت وطلعت برا الكافيه وراحت بسرعه ورا سيف

رولا/سيف انت رايح فين

سيف بصلها/ضروري تعرفي ؟

وكمل ف طريقه

رولا مسكت دراعه وقفته

رولا/انت مجنون انت كدا هتطلع برا البوابه يعني برا الحدود ال عملوهالك

سيف بغضب/هروح ل أحمد.. هروح أحاسب احمد

رولا/هو انت مش بتقول حطو لك كلبشات ..بابي مش حط لك واحده؟ دا هيبعتو للبوليس مكانك ف اللحظه ال هتحط رجلك فيها برا البوابه افهم بقي

سيف بغضب/هروح ل احمد والنهارده هقفل حسابي معاه وهقفل الصفحه دي خالص...فهمتي دلوقتي ؟

وكان هيمشي من قدامها رولا وقفت قدامه ووقفته بغضب

رولا/لاء مش هتتحرك من هنا مش هتروح ف مكان..المره دي مش هسيبك تروح ومش هساعدك. بس براحه فهمني ايه ال معصبك كدا وايه الحصل

سيف بعصبيه/عايزه تعرفي ايه ال حصل؟ مصطفي ال***اتصل و قالي ان احمد معاه ف كل حاجه ..وهو ال قاله ع مكاني..يعني احمد باعني لاء وكمان شتم امي؟..لسه عايزه تخليني مروحش احاسبه؟ ها ي رولا؟ لسه هتقولي لي مروحش. ازاي يعني مش عيزاني اروح احاسبه...دا انا لحد دلوقتي مش عارف اقري رساله امي ي رولا.. مش قادره اقري الرساله من خوفي ل يكون فيها حاجه تخصها تكسر قلبي ..مش قادر افتحها واقرأها

رولا بصتله ف عينه/تمام..فاهمه شعورك..وفهمت ان هي دي الرساله نفسها المقدرتش تقرأها امبارح ..بس انت دلوقتي الغضب ماليك ومبتفكرش ب طريقه منطقيه..اهدي شويه الأول

سيف/انا مش الشخص ال انتي متخيلاه ف دماغك دلوقتي..موقفي ف الحياه واضح وبسيط..مينفعش اوطي راسي لحد مهما حصل..لازم اخلي راسي مرفوعه ديما. مش بمزاجي غصب عني

يحيي شاف رولا و سيف وهما واقفين يتكلمو مع بعض وقريبين من بعض

يحيي اتجنن ..بقالها ايام مبتردش عليه ومتجهلاه بسبب سيف!

سيف بص ف عيون رولا/انا فاهمك..وعارف أن ال بتعمليه دا و خوفك عليا من نيتك الطيبه وقلبك الحنين .علشان كدا الأحسن انك تبعدي عن طريقي علشان مش عايز اجرح قلبك واضايقك اكتر من كدا

يحيي راح لهم بغضب

يحيي/قلب مين ال عايز تجرحه؟

رولا/يحيي

يحيي بغضب/ايه جيت ف وقت مش مناسب؟

رولا/يحيي ايه الكلام ال انت بتقوله دا احنا واقفين نتكلم عادي اهدي شويه

يحيي بغضب/لا والله بقيت انا ال بقول اي كلام وبشوف غلط ي رولا؟مع انكم من يومين كنتو قاعدين ف جمب بتتكلمو لوحدكم بعد ما رجعتي من الجيم..وبقالك ايام مش معبراني بسبب كدا

رولا/انا وانت نبقي نكمل كلامنا ف الموضوع دا بعدين مش وقته الكلام دا دلوقتي

يحيي بعصبيه/مفكراني اهبل صح ي رولا..احنا هنتكلم هنا و دلوقتي

سيف بعصبيه/ متزعقش للبنت كدا..انا ال طلبت منها اتكلم معاها واطلب مساعدتها ف حاجه واتكلمنا وخلصنا

يحيي بغضب/انت تخرس خالص يالا

سيف بغضب مسك يحيي من رقبته وزنقه ع مكان ع الرصيف بيعمل عصاير ومشروبات

رولا بصدمه/سيف..سيف انت بتعمل ايه

يحيي بيحاول يتنفس/ابعد عني وشيل ايدك

رولا بقلق/سيف .سيف سيبه لوسمحت

سيف بغضب جهوري/انت بتحاول تعمل مشكله معايا من اول مره جيت فيها الكومباوند هنا وانا كنت صبور معاك بس انا صبري له حدود يالا

رولا بتحاول تشد سيف من ع يحيي

رولا بقلق وخضه/سيف بقولك سيبه لو سمحت مش قادر يتنفس حرام عليك

سيف سابه بغضب

يحيي بيحاول يتنفس وبيكح بقوه

رولا راحت تطمن عليه بقلق

رولا/يحيي..يحيي انت كويس.حصلك حاجه..رد عليا

سيف بغضب/بقولك ايه ي دلوع ي ابن الاغنيا انت..روح العب مع حد من مستواك.. روح استعرض رجولتك ع حد غيري انا وانت مش من نفس المستوي ..سامعني؟

يحيي بعصبيه ل رولا/هو الكلب دا ل امتي هيفضل هنا ف حياتنا..

وبص ل سيف/انت عايز ايه ها بتعمل ايه هنا ومفكر نفسك مين

رولا بتحاول تهديه

ويحيي بغضب جاب كوبايه ازاز من المكان ال جمبه وعايز يروح يبطح سيف بس رولا بتترجاه يهدي وبتحاول تمنعو

سيف بصله/اضربني..اضربني بيها يلا

يحيي بتحذير/متخلنيش اعملها

سيف بسخريه قرب منه/عايز تضربني يعني..

رولا مرعوبه يحيي يعملها/يحيي

سيف/اضربني يلا

يحيي بتحذير/متجربش تستفزني

سيف/هتضرب؟ مش انت راجل ؟اضرب يلا

سيف بعصبيه/اضرب

يحيي بغضب كسر الكوبايه ف راس سيف وسيف راسه انفتحت

رولا شهقت بصدمه

سيف باصص ل يحيي بغضب جهوري

رولا بتحاول تهدي سيف علشان ميعملش مصيبه

رولا بصت ف عين سيف/سيف

وحطت ايدها ع صدر سيف

رولا/سيف بص لي..اوعي تتجنن وتعمل حاجه ..علشان خاطر ربنا حاول تهدي..سيف

سيف كل دا باصص ل يحيي بغضب

يحيي سابهم ومشي بغضب

رولا/سيف..انا بعتذر منك بداله..هدي نفسك تمام؟

سيف بيحاول يهدي/خبي حبيبك ف مكان انا معرفش الاقيه فيه..تمام؟

رولا /

سيف بصلها بغضب/فاهمه انا بقول ايه؟

رولا/تمام

سيف مشي من قدامها بغضب وحط ايده ع راسه ال بتنزف دم

رولا/سيف ا

وبصت ع يحيي ال ماشي

رولا/ي يحيي

ووقفت مكانها مش عارفه تروح ل مين

في كومباوند ادم الحديدي

سيف قاعد ع الطربيزه ال قدام اوضته وماسك مناديل وحاطهها مكان الجرح

عند احلام ف الصالون لابسه بنطلون سكيني جينز و بلوزه بيضا بكم وبتشرب قهوه وبترسم تصاميم

الباب خبط

احلام قامت

الخادمه كانت رايحه تفتح الباب

احلام/خليكي ي هبه كملي انتي ف المطبخ وانا هفتح

هبه/تمام ي احلام هانم

احلام قامت تفتح الباب و هبه دخلت المضبخ تاني وكان البودي جارد بيوصل اوردر اخدوا من المندوب برا

البودي جارد/دا اوردر جاي ب اسم فريده هانم

احلام وهي بتاخد الاوردر بصت ف الجنينه ع سيف ال قاعد حاطط مناديل ع دماغه وباين عليها متعوره

احلام للبودي جارد /دا اوردر مدفوع صح

البودي جارد/اه فريده هانم دفعت فلوسه اون لاين

احلام /تمام شكرا

والبودي جارد مشي

احلام ل نها الخادمه ال نازله من فوق بعد ما روقت الاوض

احلام/نها ممكن تحطي الاوردر ال فريده طلبته دا ف اوضتها

نها/حاضر ي احلام هانم

وخدته منها واحلام طلعت من البيت راحت

ل سيف

احلام/انت راسك بتنذف؟

سيف بص ل احلام واول ما شافها قام ب احترام

سيف/مظبوط ي احلام هانم ..حادثه بسيطه

احلام/اقعد طيب خليني اشوف

سيف قعد تاني ع الكرسي

سيف/ماشي بس هي حاجه بسيطه متقلقيش

احلام/حتي لو..خليني اتطمن

وبدأت تشيل المنديل ال حاطه ع الجرح براحه

احلام وهي بتبص ع الجرح/ازاي اتعورت كدا..حادثه ايه دي

سيف حط المناديل تاني

سيف/احم..كنت ماشي وبعدين وقعت..بس كدا

احلام/طيب تحب اخدك ونروح المستشفى؟

سيف/المستشفى ؟

سيف جاتله فرصه من دهب لحد عنده علشان يهرب ويروح ل احمد

سيف/بس مكنتش عايز اتعب حضرتك والله

احلام ابتسمت/تعب ايه بس..هروح اجيب مفاتيح العربيه واجيلك

وكانت هتمشي

سيف قام/احلام هانم

احلام وقفت

سيف /لحظه..مش هيكون احسن لو قولتي ل ادم بيه الاول..يعني تقولي له ان سيف رايح معايا المستشفى

احلام/انا كدا كدا كنت هقوله قبل ما اخرج بس هو انت مينفعش تطلع من الكومباوند خالص الا لما تقوله؟مش القصه دي كانت اتحلت

سيف/لالا الموضوع مش كدا..بس يعني انا قولت الأحسن نقوله.. لان بعد كل المشاكل ال بعملهاله وصلت معاه ل هنا مني

وشاور ع مناخيره

احلام/ماشي بس عندي شرط واحد

سيف/ايه هو

احلام/هتقولي ازاي خبطت راسك كدا..لان اكيد محصلش كدا بسبب انك بس وقعت

سيف/تمام هقولك

احلام ابتسمت/ماشي استناني هنا

ودخلت الكومباوند

وبترن ع ادم وهي بتجيب ال جاكيت بتاعها

وادم كان ف مكتبه ف الشركه وبيوقع ورق

احلام/ادم حبيبي

ادم وهو بيوقع /عيون ادم.. قولي لي حصل حاجه

احلام وهي بتلبس الجاكيت/انا هاخد سيف ع المستشفى ..وطلب مني استاذنك الاول انه جاي معايا

ادم/مستشفي ليه؟ايه الحصل

احلام/اتعور ف راسه وبتنزف لازم حد يخيط له الجرح

ادم بغضب من حركات سيف/يعني ايه اتعور ف راسه؟هو جنبك دلوقتي؟ ادهولي حالا خليه يفهمني

احلام/ي حبيبي اسمعني ..هو اصلا مكنش عايز يروح انا ال اقترحت عليه علشان صعب عليا .كان بينزف جامد وجرحه وحش..علشان خاطري ي ادم وافق

ادم اتنهد/ماشي ي احلام هتروحو المستشفى ال جمب الكومباوند ف ١٠ د هتخلصو موضوع راسه دا ومش هتبعديه عن نظرك دقيقه واحده.. ترجعو مع بعض ع الكومباوند

احلام/هو في ايه ي ادم هو انت حابسو ف الكومباوند ؟انا مش فاهمه حاجه

ادم/لاء انا مش حابسو بس هو اوقات بيعمل حركات متخلفه من ورايا ما بيصدق اغيب عنه علشان يصيع براحته ما انتي عارفه

احلام/خلاص حاضر انا هوديه بنفسي وهنرجع سوا ومش هنتاخر

ادم/ماشي..خلي بالك من نفسك

احلام ابتسمت/حاضر ..يلا باي

وقفلو المكالمه

ادم اتصل ب اسماعيل

ادم/استاذ اسماعيل

اسماعيل/اهلا ي ادم بيه اتفضل انا معاك

ادم/سيف صاحب جاهز ٢٩ ٢٥ هيطلع برا منطقه مراقبتي وبمعرفتي ..تمام

اسماعيل/تمام ي ادم بيه مفهوم

عند احلام طلعت من البيت بعد ما اخدت شنطتها وسيف راح لها وهو حاطط المناديل ع دماغه

سيف/احلام هانم انا بتعبك معايا والله انا اسف

احلام وهي ماشيه مع سيف بتجاه العربيه

احلام ابتسمت/لا ولا عزاب ولا حاجه وبعدين معقوله اسيبك وانت متعور كدا

سيف/طيب كنت عايز استاذنك لما نطلع برا المجمع ممكن بعد ما نخلص اروح محل اجيب شويه لبس لاني من وقت ما جيت هنا مجبتش حاجه

احلام بعد ما وصلو عند العربيه

احلام/بس ادم موصيني متبعدش عن عيني خالص

سيف/مش انا بابا حاطنني امانه عنده؟هو بعد المشكله ال حصلت ف الكافيه مع رولا محرج عليا اخرج برا الكومباوند لوحدي لو هخرج يبقي علشان اوصل رولا المكان ال هي عيزاه غير كدا خروج لوحدي ممنوع..ف يعني بيني وبينك كدا لو تديني ساعتين زمن اشتري لبس فيهم هيبقي كتر خيرك

احلام بصتله وابتسمت /عايزني اكذب ع ادم يعني

سيف/يعني منقدرش نعتبرها كذبه اوي..اكنك متعرفيش اني مشيت

رولا دخلت الكومباوند وراحت لهم بعد ما سمعت آخر كام جمله

رولا/كذبه ؟انتو رايحين ع فين ي مامي

احلام/سيف خبط راسه ورايحين ع المستشفى

رولا بصت له بمعني لا والله

لانها عارفه انه بيدور ع حجه يروح بيها ل احمد

رولا/لا حمد لله ع السلامه ي سيف..انت ال طلبت منها توديك المستشفى؟

احلام/ايه الكلام دا ي رولا ما لازم يروح المستشفى ودلوقتي حالا اصلا

وبصت ل سيف

احلام/اركب العربيه يلا ي سيف.. وانتي ي رولا ادخلي البيت يلا ياما تيجي معانا

رولا/لا انا هاجي معاكم

احلام/طيب تعالي

واحلام ركبت علشان تسوق

رولا راحت ل سيف/قعدني قدام

وركبت جمب احلام وسيف ركب ورا

واحلام شغلت العربيه وانطلقت

احلام سايقه ورولا جمبها و سيف قاعد ورا حاطط ايده ع دماغه

احلام/مش المفروض في اتفاق بينا قبل ما نطلع من البيت ي سيف

وبصت له من المرايه ورجعت بصت ع الطريق

سيف/اه مظبوط

رولا بصت له

احلام/طيب انا سمعاك قول.. ازاي خبطت راسك

رولا/ايه ي مامي انتي شيفاه ولد صغير يعني. خبط راسه ف مكان وخلاص ..ليه بتستجوبيه دلوقتي مش فاهمه

سيف بص ل احلام/والله كلام بنت حضرتك مظبوط ي احلام هانم

احلام بصت ل رولا ..هي حفظاها كويس وعارفه ان في حاجه هما مخبينها

احلام/ماشي بس هو مش غريبه شويه انك تقولي كدا... بدل ما تقولي له حمد لله ع السلامه وتعرفي حصلو ايه

رولا/علشان حاسه انه مفيش حاجه كبيره حصلت علشان اسأله

وسندت ضهرها ع الكرسي

احلام/ولا كنتي معاه لما خبط دماغه؟

سيف/لا ي احلام هانم مفيش الكلام دا هي متعرفش حاجه

احلام وهي سايقه/يمكن مكنش لازم اسأل سيف ايه ال حصل كان لازم أسألك انتي ي رولا

رولا معرفتش ترد تقول ايه

في المستشفى

سيف قاعد ف اوضه ع سرير والممرضه واقفه جمبه بتنضف جرح راسه وواقف معاهم احلام ورولا

الممرضه/هننضف الجرح وبعدين هنخيطه..ممكن تقعدو ترتاحو برا لان الموضوع هيطول

رولا خايفه سيف يهرب من غير ما ياخدو بالهم ويحط نفسه ف مشكله و ادم لو عرف هتبقي مشكله اكبر

رولا/احم لاء احنا هنفضل هنا لحد ما تخلصو

احلام مستغربه تصرفات رولا/تعالي ي رولا نتكلم شويه برا..عيزاكي

وسبقتها ع برا ورولا راحت وراها

احلام وهما ماشيين ف الطرقه

احلام ربعت ايدها /احكيلي اتفضلي

رولا/مامي انتي ملاحظه انك بتضغطي عليا صح؟انا عملت ايه طيب.. بتبصيلي ب شك ليه

احلام/في حاجه غريبه انتي مخبياها انا واثقه..وبباكي رد فعله كان غريب لما قولت له هاخد سيف للمستشفى

وقعدو ع كرسيين ف الطرقه

احلام/بقيت حاسه انكم متفقين ومخبيين حاجه عليا

رولا/أبدا ي احلام مفيش اي حاجه مخبيينها عنك

احلام/خلاص احكي وقولي ل حقيقه وخليكي صادقه معايا علشان مزعلش منك

رولا اتنهدت/يحيي..ا

احلام/ايوا يحيي ايه بقي

رولا/يحيي شافني انا و سيف واقفين بنتكلم ف النادي وعمل حركات غيره مكنش ليها اي داعي

احلام بصدمه/يحيي ال ضرب سيف ف راسه

رولا/ايوا هو

احلام/

رولا/بس اتطمني ي مامي انا هشوف يحيي واتكلم معاه وهحل الموضوع دا ..مش عايزه بابي يعرف ب الحصل لو سمحتي

احلام هزت راسها ب موافقه

احلام/ماشي مش هقوله

رولا/بس هو دا كل ال حصل

احلام/وانتي وبباكي متخانقين ؟حصل حاجه تانيه انا معرفهاش

رولا/احم لاء ابدا.. كل الموضوع ان انا وبابي شدينا مع بعض شويه علشان قولت له مش عايزه سيف يبقي حارس شخصي ليا تاني ..وانتي عارفه بابي بيخاف عليا ف معجبهوش كلامي

احلام/طيب ويحيي كان معاه حق؟

رولا/معاه حق ف ايه

احلام/ف موضوع الغيره بينك وبين سيف

رولا بتحاول تنكر/لا اكيد ي مامي مفيش الكلام دا.. وانا ايه هتكون علاقتي ب ال شئ د دا

وسرحت ف سيف

احلام بصت ل رولا وهي سرحانه وابتسمت

احلام/شئ مين

رولا انتبهت بتوتر/س سيف قصدي

وبصت ل احلام بتوتر واحلام ابتسمت

في اوضه سيف

الممرضه خيطت الجرح

الممرضه/هضمد الجرح وبعدين تقدر تمشي

سيف/لا شكرا جدا مفيش داعي راسي بقت زي الفل

وقام وطلع برا الاوضه بحذر علشان يشوف احلام ورولا فين

ويهرب منهم

بص ع الطرقه لقي احلام و رولا قاعدين بيتكلمو ف اخر الطرقه

سيف راح بتجاه الباب الخلفي للمستشفى بسرعه

عند رولا واحلام

رولا/يعني مش فاهمه ي مامي بتلمحي ليه ف الموضوع دا

احلام/

رولا/ايه الحصل يعني لكل دا

احلام ابتسمت/انا مفتحتش بوقي ومتكلمتش انتي ال قاعده بتتكلمي وتردي ع نفسك وتبرري

والممرضه ال خيطت جرح سيف كانت ماشيه ف الطرقه

رولا علشان تغير الموضوع/اهو الممرضه جت

واحلام ورولا قامو

رولا للمرضه/احنا نقدر نمشي دلوقتي

الممرضه/الشاب ال كان معاكم مشي من شويه

رولا بصدمه/ازاي يعني راح فين

الممرضه/معرفش والله .. عن اذنكم

ومشيت

احلام/مش معقوله هيكون مشي من غير ما يقول لنا الاول صح؟

رولا/بصي ي مامي خليكي هنا وانا هروح اشوفه ماشي..وممكن لو حابه تستنينا ف العربيه

احلام/ماشي شوفيه وتعالي

رولا/حاضر. مش هتاخر

رولا راحت بسرعه بتجاه الاوضه ال سيف كان فيها

وبعدين شافت باب الخروج التاني مفتوح

راحت عنده بسرعه

عند سيف

ف الشارع موقف عربيه فيها بنتين راكبين قدام وبيقنعهم ياخدو يوصلوه لانه حتي مش معاه فلوس يطلب تاكسي

البنت الاولي ابتسمت/معقوله موقفنا علشان بس نوصلك

سيف ابتسم/انا شايف انكم طيبين زي ما شايفكم حلوين كدا..وصلوني منطقه***

رولا شافته وهو بيتكلم مع البنات وراحت لهم بسرعه

وراحت تكلم البنات من الشباك

رولا/ي بنات تقدرو تمشو دلوقتي...هو مش رايح ف حته..يلا مع السلامه مش عايزين ناخد من وقتكم اكتر من كدا

البنت التانيه/الظاهر حبيبته قفشته

وبدأت تشغل العربيه تاني

رولا/يلا مع السلامه ..يلا اتفضلو

والبنت شغلت العربيه ومشيت

سيف اتنهد/ي الله ي ولي الصابرين

رولا بصت له بغضب/انا مش مصدقه انك قاعد بتكدب ع مامي كدا بكل وقاحه..ايه ال أنت بتعملو دا

سيف بغضب/انا قولت لك النهارده هروح اتحاسب مع احمد واقفل الصفحه دي خالص..هنفضل نتكلم ف السيره دي كل شويه؟

وسابها ومشي ورولا راحت وراه وقفته بسرعه

رولا/لحظه بس كلمني كدا..انت مش متضايق بس بسبب احمد ي سيف

سيف وقف وبصلها بغضب

سيف/ع فكره انا بدأت اتعصب منك يكون ف علمك

رولا/انت اكيد مجنون..دا يحيي ضربك ب ازاز ع دماغك وانت معملتلوش حاجه خالص ..دي مش رده فعل طبيعيه نهائي

سيف/هو مش حضرتك ال اتحايلتي عليا معملوش حاجه؟

رولا/بقولك ايه انت مش من النوع ال حد يقولك حاجه وتجري تسمع كلامه..انت لو كنت عايز تضربه مهما اتكلمت معاك مكنتش هتسمع كلامي

سيف بغضب/تمام ..بكره اول ما اشوفه هبوظ له خريطه وشه كلها وانهي الموضوع..حلو كدا مبسوطه؟

وكان هيمشي رولا وقفته

رولا بغضب/انت بس عايز تأذي نفسك وبتدور ع اي حجه ..انت جواك جرح كبير ي سيف.. وبتحاول تخفف شعورك دا بعصبيتك وغضبك بس كدا انت مش هترتاح ومش هتستفاد حاجه ..ومامتك سبب من اسباب غضبك دا

سيف بصلها/متدخليش سيره امي ف الموضوع

رولا/قريت الرساله؟

سيف/

رولا/شايل الرساله معاك ف كل حته بس مش قادر تقرأها علشان خايف..انت بتتهرب علشان متواجهش الكلام ال مكتوب ف الرساله

سيف/انتي عمرك خسرتي حد قبل كدا ف حياتك؟

رولا/

سيف/عمرك ما هتفهمي شعور ان حد يخسر حد غالي عليه ف حياته..وايه ال ممكن يتغير فيه من بعد الخساره دي

رولا اتنهدت/تمام..بص..متروحش ل احمد..انا مش عيزاك تروح له قبل ما تقرا الرساله الاول..اقراها هتخسر ايه؟متخفش..متخافش من ال مامتك قالته ف الرساله مش هيحصلك حاجه..اقراها وبعدين لو عايز تروح ل احمد روح له.وانا بوعدك اني مش هتدخل ومش همنعك

سيف/

رولا/وانا مش هتدخل تاني ف حياتك بعد ما تقرا الرساله واي قرار هتاخده هيبقي قرارك ي سيف..انا همشي دلوقتي وانت اقرا الرساله براحتك..ولو عايز تروح ل احمد انت حر..دا قرارك

سيف بيحاول يتنفس بهدوء

سيف/تمام..روحي

رولا بصت له

وسابته ومشيت

عند بوابه المستشفى الرئيسيه

احلام واقفه

رولا طلعت من المستشفى وراحت لها

احلام/ايه ي رولا كل دا..روحتي فين ..وفين سيف

رولا/احم...سيف ا

ومش عارفه تكذب ع احلام تقول لها ايه

وفجأه سيف طلع من جمب المستشفى ورايح لهم

رولا اتنهدت براحه/سيف..سيف اهو

احلام بصت له

سيف/انا اسف ي احلام هانم خليتكم تستنو كتير

احلام/وريني جرحك ..قرب

سيف وطي راسه واحلام مسكت راسه براحه تبص ع الجرح

احلام/الحمد لله خيطو الجرح كويس..بس ع الاقل كانو يضمدوه

سيف/مش مشكله

احلام/طيب ماشي اركبوا العربيه يلا..مش حابب اوصلك تجيب لبس زي ما طلبت؟

سيف/لالا خلاص ملوش لزوم النهارده ..ممكن نرجع الكومباوند لو حابه

موبايل احلام رن

احلام/تمام ماشي اسبقوني ع العربيه يلا

سيف ورولا راحو ل عربيه احلام

واحلام طلعت الموبايل من شنطتها وكان ادم

احلام/الو ي حبيبي..لسه طالعين من المستشفى حالا اهو

ادم وهو طالع من اوضه الاجتماع/طب كويس.. سيف معاكي

احلام/اه معايا..تحب تكلمو؟

ادم/لا خلاص..كنت بتطمن بس..انتو راجعين ع المجمع صح

احلام/هنوصل سيف الاول المجمع وبعدين هنتغدي مع البنات ف النادي كلنا زي ما قولت لك الصبح

ادم/وهتسيبني انا وابنك الغلبان دا نتغدي لوحدنا

احلام ابتسمت/انا اسفه والله..بس كنت عايزه نتجمع احنا والبنات علشان بقالنا فتره معملناش كدا.لما نرجع هبوسك انت وياسين بوسه كبيره قد كدا علشان اعوضكم

ادم بغيره/ياسين مين دا ال هتبوسيه..انتي هتبوسيني انا بس

احلام ابتسمت/خلاص انت بس

ادم ابتسم/ماشي..لما اشوفك بس..خلو بالكم من نفسكم

احلام ابتسمت/حاضر يلا باي

وقفلو

بعد شويه

احلام سايقه وجمبها رولا

وسيف قاعد ورا باصص من الشباك وسرحان

سرحان ف رساله مامته ال قرأها عند المستشفى

مامت سيف/سيف ..حبيب قلبي ونور عيني..الله اعلم انت فين وبقيت كام سنه دلوقتي ي روح قلبي ..اكيد بتبص ع الدنيا حواليك ب عيونك الحلوه دي..لسه عيونك حلوه وبتتكسف من كل حاجه؟ي يتري لسه فاكر صوتي..سامحني ي روحي لو زعلان مني..نفسي يفضل قلبك نضيف زي ما انت..نفسي تفضل كويس وطيب مع كل الناس زي ما كنت..وسيرتك الطيبه تبقي سبقاك.. ياريت الطفل ال جواك يفضل موجود ديما..الطفل ال انا ربيته .ال عنده ضمير..اوعي تبص بس ع الحاجات ال وحشه ال ف الدنيا وتمشي وراها..والا هتاذي نفسك ف الاخر..خليك ماشي ف النور ..ولو ف مره احتارت بين حاجتين..خلي قلبك الطيب هو ال يختار.. خليك ديما مبسوط..وحب من قلبك..لان الحياه قصيره.. مفيش بحر اكبر من بحر الحب..والأهم من كل دا خليك ديما انسان كويس..خليك طيب زي ما انت

سيف وهو بيفتكر كلام مامته كان بيفتكر ذكرياته معاها وهو صغير ال عمرو ما نساها

احلام وهي سايقه بصت من المرايا ع سيف ال قاعد سرحان

سيف بص ع رجله ال فيها الكلبشات الالكترونيه واتنهد

بعد ربع ساعه

احلام وصلت عند بوابه المجمع ووقفت العربيه

احلام بصت وراها ل سيف/سيف احنا رايحين النادي مفهاش مشكله لو نزلتك هنا وكملت انت صح

سيف/طبعا طبعا ي احلام هانم

.. انا هنزل هنا

احلام ابتسمت/يعني هكون مبسوطه اكتر لو بطلت كلمه احلام هانم دي

سيف ابتسم/خلاص هقولك مدام احلام

احلام ابتسمت/ماشي كويس

رولا ابتسمت

سيف/عن اذنك

احلام/مع السلامه

وسيف نزل من العربيه

وبص ل رولا من الشباك

سيف ل رولا/بالمناسبه..شكرا..شكرا ع كل حاجه

رولا ابتسمت له

واحلام بصت لهم وابتسمت

وسيف دخل المجمع من البوابه واحلام ساقت تاني ومشيو

بعد شويه عند سيف

دخل المجمع وراح عند ال شاب ال بيمسح الطربيزه ال قدام الكافيه

سيف/اسف ع الازعاج بس ممكن استاذنك ف موبايلك

الشاب بصله ب استغراب

سيف/انا معاكم هنا ف المجمع بس موبايلي فصل شحن ولازم اعمل مكالمه ضروري

الشاب طلع موبايله من جيبه /اتفضل

سيف/شكرا جدا

وطلع الورقه من جيبه وكتب رقم مصطفى

عند مصطفى ف البيت

معاه رجالته ومعاهم احمد

موبايل مصطفي رن وكان رقم غريب

مصطفي رد/ا

سيف بغضب/اسمعني من غير ما تقاطعني..انت اتجاوزت حدودك معايا..وجبت سيره امي بطريقه غلط ..وانا عمري ما هسامحك انت وأحمد ي مصطفي..بس اوعي تخاف وتفتكر اني جايلك اخد حقي ولا حاجه واقتلك.. مش هاجي ...لان لو جيت..الست ال انت شتمتها دي وجبت سيرتها..هتزعل من ال هعملو..انا من هنا ورايح هكمل حياتي تاني ف المجمع الحلو دا وهنساك..ومش عايز اشوف خلقتك تاني..آه وبالمناسبة اشبع ب احمد..وقوله يشبع ف نصيبي ف مكان السهر بتاعنا..مبقاش يلزمني ..يلا روحو ف ****

وقفل السكه ف وشه

مصطفي رمي الموبايل بتاعه ف الحيطه بغضب

واحمد اتنهد

بعد العصر في النادي

ف المطعم

احلام و روان و جنات و فريده ورولا وميرا وغزل قاعدين بيتغدو

روان وهي بتقطع اللحمه /بقالنا كتير اوي متجمعناش وقعدنا قعده بنات بس حلوه كدا

جنات ابتسمت/دي حقيقه والله

فريده ابتسمت/مامي حبيبتي هي ال فكرت ف الفكره دي

وباست خد احلام واحلام ابتسمت وخدتها ف حضنها وباست راسها

ميرا ابتسمت/مامي ينفع بعد ما ناكل تطلبيلي تشيز كيك

غزل بابتسامه/ايوا وانا كمان

احلام ابتسمت/حاضر من عنيا

جنات/ياسين عامل ايه دلوقتي صحيح ي احلام..والله اتضايقت اوي لما مالك حكالي امبارح بس قالي انه بقي كويس الحمدلله

احلام ابتسمت/متقلقيش الحمد لله هو كويس..وحتي النهارده مستحملش قعده البيت وراح الجامعه

جنات/ربنا يحميه ديما يارب..دا كله الا ياسو والله

روان/اه والله

جنات بصت ع رولا ال شبهه مبتاكلش

جنات/مالك ي رولا ي حبيبتي..مبتاكليش ليه

رولا انتبهت/ها ..انا باكل اهو ي مرات عمو

روان/جنات معاها حق..انتي مش عاجبني برضو من امبارح..فين رولا ال كانت بتقعد تنكش فينا كلنا وتهزر وتضحك

فريده ملست ع شعر رولا ال قاعده جمبها

فريده/مالك ي رولا

ميرا/حصل حاجه

رولا ابتسمت/لا ابدا مفيش حاجه والله انا كويسه..انا بس ال مصدعه شويه

روان/سلامتك ي روح قلب عمتك

فريده باست راس رولا و رولا ابتسمت

رولا بصت من شباك المطعم لقت يحيي ماشي لوحده وسرحان وباين عليه متضايق

رولا قامت بسرعه

غزل/رولا رايحه فين

احلام/انتي لسه مخلصتيش اكلك اقعدي كملي

رولا /احم انا تقريبا شوفت هايدي هروح اسلم عليها واقول لها تيجي تتغدي معانا

احلام/متتأخريش

رولا/حاضر ي مامي

وطلعت برا المطعم بسرعه

وراحت ورا يحيي ال قاعد ع كرسي من الكراسي ال لازقه ف الارض ف المجمع

رولا راحت له وقعدت جمبه

رولا/انا مبقتش عارفه افهمك خالص ي يحيي..بقيت شخص تاني تماما

يحيي بص لها/انا ال مبقتش قادر اعرفك ..عمري ما توقعت انك تكدبي عليا

رولا/يحيي انت الصبح كسرت كوبايه ع دماغ سيف بسبب غيرتك وشكوكك ال ملهاش داعي ودلوقتي جاي تتهمني اني كدبت..دا بجد؟

يحيي/

رولا/انا مبقاليش يومين بس عارفه سيف..وانت صاحبي من الطفوله...وبعدين انا مروحتش معاه ف حته انا بجد مبكدبش عليك الموضوع مش زي ما انت فاهم

يحيي/فعلا انتي مبتكدبيش عليا بس انتي مبقتيش بتحكيلي اي حاجه نهائي لان احنا بقالنا فتره مبنتكلمش مع بعض اساسا..ولا قولتي له انك روحتي معاه ف العربيه اسكندريه لوحدكم ولا انكم طلعتوا ع السفينه سوا

رولا/

يحيي/طبعا دي بالنسبه لك مجرد تفاصيل تافهه ..ليه تحكهالي طبعا

رولا بصدمه/انت ليه كنت بتراقبنا ي يحيي

يحيي بصلها /لاني متاكد ان في حاجه مخبياها عني وانا لازم اعرف ايه الحاجه دي

رولا /يبقي انت ال قولت ل بابي اننا ف اسكندريه!

يحيي/

رولا بغضب/يحيي انت ازاي تعمل كدا؟انت مش واثق فيا يعني؟ وبعدين انت مالك اصلا..احنا بس مجرد صحاب واخوات ليه بتدخل ف حياتي ب الطريقه دي..انا بابي بقاله يومين مبيبصش ف وشي بسبب انك روحت قولت له

يحيي/حلو اوي الكلام دا..انا فضلت كل السنين دي بحاول ابين حبي ليكي وبحاول اخليكي تحبيني زي ما بحبك..او ب الاصح كنت

وبص قدامه

رولا/قصدك ايه

يحيي بص لها/انا مبقتش عايز اعرفك تاني ي رولا..ولا بقيت عايز احاول اخليكي تحبيني..وانسي اننا كبرنا سوا وكنا صحاب

وقام وسابها ومشي

ورولا فضلت قاعده مكانها مش مصدقه..صحيح هي عمرها ما حبت يحيي زي ما حبها بس كان بالنسبه لها اخوها وصاحبها ال متربي معاها من وهما صغيرين ومعاها ف المجمع وف النادي وف كل مكان..عمرها ما شافت منه حاجه وحشه بالعكس كان ديما ف ضهرها وبيحميها

المغرب

عند رولا لسه قاعده مكانها من وقت ما يحيي مشي وسابها وسرحانه ..متضايقه من نفسها جدا وبتلوم نفسها انها زعلت ادم منها وبقاله يومين مبيكلمهاش ويحيي صديق طفولتها ال ملوش اي زنب ف حاجه غير انه حبها

ودمعت وموبايلها رن

رولا طلعت الموبايل من جيبها وكانت احلام متصله بيها مرتين وفريده كمان

رولا مسحت دموعها وردت ع احلام

رولا/نعم ي مامي

احلام/ايه ي رولا انتي فين كل دا ي حبيبتي بقالك ساعتين مع هايدي مرجعتيش

رولا/احم ..مهو الكلام خدنا ومحستش ب الوقت..انا مروحه معاها دلوقتي هي هتوصلني الكومباوند

احلام /طيب ماشي..احنا شويه وراجعين البيت برضو

وخلصت كلام معاها ورولا قامت و قررت تطلب تاكسي وتروح البيت لانها مش عايزه ترجع ل مامتها وأخواتها ب الحاله دي لان هيبان عليها انها متضايقه وهي مش قادره تتكلم وتبرر

بعد شويه في كومباوند ادم الحديدي

سيف طلع من اوضته يشم هوا شويه

وكان هيمشي يتمشي شاف رولا بتنزل من التاكسي ودخلت بوابه البيت وهي بتمسح دموعها

سيف لما شاف دموعها اتضايق

وتوقع انها اتخانقت مع يحيي

سيف/يلعن **** ي يحيي

سيف دخل من بوابه الكومباوند تاني لقي رولا قاعده ع الكنبه ال ف الجنينه وحاطه غطا ع رجلها وبتعيط

سيف راح لها

سيف/رولا..ايه ال حصل انتي كويسه؟

رولا مسحت دموعها

رولا/مفيش حاجه

سيف قعد جمبها ع الكنبه

رولا/هو باين عندك دلوقتى اني عايزه احكي همي لحد؟

سيف ضحك لانه عارفه انها بتردهاله

سيف/ايواا ...نفس المكان ونفس الكلام.. بس وقتها الكلام كان مني انا

رولا بصتله/لو انت مش هتقوم خلاص انا هقوم

وكانت هتقوم

سيف/استني طيب..اصبري ي رولا

رولا اتنهدت

سيف ابتسم/انا من اول ما جيت هنا انتي مسبتنيش ..وكل ما بقع ف مصيبه بلاقيكي ورايا..عامله زي الجاسوسه الصغيره

رولا/

سيف/تعرفي ..انا قولت ل نفسي البنت دي بتكرهك ي سيف.. وهترتاح اول ما تمشي من هنا

رولا بصتله/مظبوط

سيف ابتسم/لاء مش مظبوط..انتي بتمشي ورا الحاجه ال مقتنعه انها صح..يعني بني ادمه عندك مبادئ..مع شويه نشفان دماغ وعِند طبعا. بس ال بتعمليه دا صح

رولا/

سيف بصلها ف عينها/انا بفضلك قدرت افتكر صوت امي بعد كل السنين دي..بفضلك انتي..بعد كل دا ازاي عيزاني اسيبك لوحدك وامشي ..فهميني

رولا بصتله ف عينه

سيف/انا مقدرش امشي واسيبك متضايقه كدا..في حاجه حصلت وباين عليكي..قوليلي ي رولا..في حد متضايقك ومزعلك

رولا/

سيف/رولا

رولا بصتله/يحيي خلاص مبقاش عايز يعرفني تاني ولا عايزنا نبقي صحاب تاني

سيف اتنهد

رولا/عرفت بقي متضايقه ليه؟

سيف/هو اكيد مفكر ان في بيني وبينك حاجه .. هو فاهم غلط بس انا لو حطيت نفسي مكانه هفهم زيه

رولا/الموضوع ملوش اي علاقه بيك ي سيف..كل ال حصل دا بسبب تراكم حاجات جواه مش اكتر من كدا..هو حاول كتير نرتبط ببعض وحاول يخليني احبه وفضل جمبي كل الوقت دا ع الامل دا بس انا مقدرتش..غصب عني مقدرتش

سيف/يعني قصدك تقولي ان انا مش راجل حد يغير منه صح؟معتقدش يعني دا انا اجدع راجل يغير مني

رولا بصتله/بالله عليك متدورش ع مجامله ل نفسك ف الوضع ال انا فيه دا وسبني ف حالي ي سيف

سيف ابتسم/كفايه كدب طيب واعترفي

رولا/مفيش الكلام دا..وبعدين المفروض يعني اني اضحك دلوقتي صح؟

سيف ابتسم/منا بعمل كل دا علشان تضحكي..متتعصبيش كدا

رولا بصت قدامها/انا لما بكون متضايقه بحب اقعد لوحدي

سيف/تمام..انا فاهم دا..بس معتقدش القعده لوحدك هتحل المشكله ولا هتفيدك

رولا/

سيف/بصي...يحيي دا شخص معدنه كويس..ومحترم.ودا باين عليه.. والا ادم بيه عمرو ما كان هيوافق يسيبه حواليكي ف النادي و ف الجامعه ومتقلقيش ..هيلف ويدور وهيرجع لك برضو...هو محتاج يهدي بس الاول.. يعني معرفش بس انا لو مكانه عمري ما اسيبك وهرجع

رولا ابتسمت

سيف/والله بتكلم بجد

رولا/واحد زيك ولابس سلسله زي دي مش لايق عليه خالص يتكلم ب الحنيه دي

سيف خبي السلسله ف القميص بتاعه

سيف/مش معقوله كل ما اتكلم معاكي تلفي وترجعي ل موضوع السلسله تاني

رولا/في ليها ذكري عندك؟

سيف/دي مجرد سلسله عاديه

رولا بصتله/كنت متوقعه ان ليها قصه

سيف/ملهاش قصه

رولا/ماشي

سيف قام

وبصلها ف عينها

سيف/بقولك ايه..متعيطيش تاني ابدا ..ماشي؟ ال لازم يعيط هو يحيي مش انتي

رولا بصتله ف عينه

سيف/امسحي دموعك..وافضلي اضحكي ديما..علشان ضحكتك حلوه اوي و...و لايقه عليكي..لما بتضحكي عيونك بتلمع وبتبقي وبتبقي حلوه اوي

وسابها ومشي ودخل اوضته ورولا ابتسمت

بعد شويه احلام وصلت الكومباوند ب عربيتها ونزل منها فريده و ميرا

فريده/رولا

ميرا/انتي جيتي امتي

واحلام نزلت من العربيه

رولا/انا لسه جايه قبلكم من شويه

احلام/قاعده لوحدك هنا ليه ي حبيبتي

رولا/كنت بشم شويه هوا ي مامي

فريده و ميرا راحو ل رولا وقعدو جمبها

احلام راحت ل رولا وباست راسها

احلام/انتي كويسه؟

رولا ابتسمت وهزت راسها ب اه/كويسه متقلقيش

احلام/هسيبك تتكلمي مع اخواتك شويه بس انا وانتي لينا قعده مع بعض

رولا ابتسمت/مكفكيش ال قررتيه مني النهارده

احلام ابتسمت/لاء حاسه اني معرفتش كل حاجه

رولا/حاضر

احلام باست خدها ودخلت البيت

ميرا باست خدها /في ايه ي رولا انتي كويسه؟ مالك ي روحي

فريده رجعت خصله من شعرها ورا ودنها/انتي من امبارح مش طبيعيه ومش عجباني

رولا/مفيش حاجه منا كويسه اهو

فريده ابتسمت/ينفع كدا..هتخبي علينا يعني؟من امتي واحنا بنخبي حاجه عن بعض..يلا احكي لنا

ميرا/قولي لنا ي حبيبتي مالك

رولا اتنهدت وبدأت تحكي لهم المشكله ال حصلت بينها وبين يحيي بس مقدرتش تقول لهم ع موضوع هروب سيف من اسكندريه علشان ميقلقوش عليها ع الفاضي واحلام تعرف

رولا/انا عارفه كويس اني مبحبهوش وعارفه اننا مكناش مرتبطين بس انا بعتبره اخويا ومش عيزاه يزعل مني ..انا مش عايزه اكون وحشه معاه يحيي ميستاهلش دا مني

ودمعت

فريده خدتها ف حضنها وباست راسها

فريده/بس ي روحي خلاص متزعليش

ميرا اتنهدت بحزن وحضنتها هي كمان/متعيطيش ي رولا علشان خاطري..وبعدين يحيي بيحبك والله هيصالحك تاني اكيد..متاخديش ع كلامه وهو متضايق

رولا /لا معتقدش..يحيي فعلا مش عايز يبقي موجود ف حياتي تاني

ميرا/خلاص براحته..هو كان يطول اصلا ...مش اي حد يستاهل ان القمر دا يكون ف حياته والله..انتي كتير ع اي حد

وباست خدها ورولا ابتسمت

فريده باست راس رولا/متزعليش نفسك ي روح قلبي..انا عارفه ان يحيي كويس ومحترم بس انتي مغلطتيش ف حاجه..انتي كل السنين دي بتعامليه ك اخ وصحاب مش زنبك انه حبك وكان عايز يرتبط بيكي

رولا بصت لها/تفتكري

فريده/طبعا...انتي معشمتيهوش ب اي حاجه ي رولا ..متشيليش نفسك زنب ال حصل

رولا اتنهدت ومسحت دموعها

ميرا ابتسمت/متزعليش بقي..انا عيزاكي ترجعي رولا ال بتتخانق معانا كلنا ومش سايبه حد الا لو بتنكش فيه..ارجعي رولا بتاعتنا

رولا ابتسمت/ربنا يخليكم ليا..انا بموت فيكم

فريده ابتسمت وخدتها ف حضنها وخدت ميرا هي كمان ف حضنها

في الكومباوند ف الصالون

ياسين قاعد ع السفرا بيتعشي وماسك الموبايل

احلام دخلت البيت

ياسين ابتسم/أخيرا ي احلام..حمد لله ع السلامه

احلام ابتسمت/الله يسلمك ي حبيبي..امال بباك فين

ياسين/ف اوضة المكتب بيشتغل..مش هتصدقي البيت كان وحش من غيرك ف الكام ساعه دول ي احلام..حتي الاكل ملوش طعم علشان انتي محطتيش ايدك فيه

احلام ابتسمت /حبيب قلب امك انت والله

وباست خده وياسين مسك ايدها وباسها

احلام/دراعك عامل ايه دلوقتي

ياسين ابتسم/انا الحمد لله زي الفل متقلقيش

ادم نزل من فوق

ادم ابتسم/حمد لله ع السلامه

احلام ابتسمت/الله يسلمك ي حبيبي

ادم راح لهم وباس ايد احلام و راسها

ادم/البنات فين

احلام/التلاته ف الجنينه برا

ياسين/ ع فكره ي ماما حتي بابا يعتبر مكالش اصلا

احلام بصتله/ليه كدا ي ادم..انت متغدتش ليه انت بترجع من الشغل تعبان

ادم/الاكل ملوش اي طعم من غيرك..والبيت ميتقعدش فيه دقيقه واحده وانتي مش موجوده فيه انتي والبنات

ياسين/دي حقيقه وحياة ربنا احنا من غيرك ولا حاجه والله

احلام ابتسمت بحب/ربنا يخليكم ليا يارب

ادم خدها ف حضنه وباس راسها

ادم/ويخليكي انتي لينا طول العمر

ياسين/شايفه ي احلام علشان انا وهو كنا قاعدين ف وش بعض مش عاجبه القعده معايا ازاي

ادم/اخرس انت بس..اقل عده معاك بتخسرني ملايين..لسه مغير له العربيه الشهر ال فات واقنع اني اجيب له عربيه جديده واحنا قاعدين بناكل

ياسين/بس اهم حاجه انك مقتنع

احلام ضحكت

ياسين/و ع فكره كمان كان بيضايقني النهارده و بيقولي اني جيت غلطه..أنا قولت اعرفك بس جوزك بيقولي ايه وانتي مش موجوده

ادم/الله مش دي الحقيقه؟مش مامتك حملت فيك بعد ما خلفت البنات ب ٤ شهور

ياسين/ايوا بس اكيد مش غلطه يعني اكيد كنتو عاملين حسابكم متقولهاش ف وشي كدا

احلام ابتسمت/حتي لو غلطه والله العظيم دي احلي غلطه حصلت لنا ف حياتنا

وباست خد ياسين وياسين ابتسم وباس ايدها

ياسين/روح قلبي انتي والله

ادم ابتسم

احلام ل ادم/انا هغير هدومي وهحضر لك انت و رولا عشا..ع فكره رولا برضو كانت قاعده معانا مبتاكلش ..مكالتش حاجه من الصبح

ادم/ليه؟

احلام/يمكن لو اتصالحتو يجي لها نفس وتقدر تاكل

ادم/انتي مين قالك اننا متخانقين

احلام /هو انا يعني مش حفظاكم..مش لازم حد يقولي

بعد نص ساعه

فريده و ميرا غيرو هدومهم ل بيجامات وقاعدين ف الصالون واحلام نزلت من غرفتها بعد ما غيرت هدومها ل بنطلون بيجامه و توب كات

الخادمه طالعه من المطبخ ماسكه فنجان قهوه

احلام/نهي القهوه دي ل ادم صح

نهي/ايوا ي احلام هانم وهو بيشتغل ف اوضته المكتب

احلام/طيب هاتيها وروحي المضبخ كملي انتي

نهي /حاضر

احلام خدت القهوه ونهي مشيت

ورولا نزلت من غرفتها بعد ما غيرت هدومها

احلام/رولا خدي طلعي دي ل بباكي

رولا/احم..اشمعنا انا ي احلام

احلام/علشان تتكلمي معاه و

تتصالحوا ..كفايه زعل لحد كدا

رولا/لا ي مامي طلعيها انتي بلاش انا

احلام ابتسمت/متخافيش ي هبله انتي ..هو ادم يهون عليه يعمل لك حاجه حتي وهو زعلان منك؟ يلا خدي القهوه واطلعي

رولا اتنهدت/حاضر

وخدت القهوه

احلام ابتسمت/هو ف اوضة المكتب

رولا هزت راسها ب موافقه وطلعت فوق

عند ادم ف الغرفه

قاعد ع الكنبه بيشتغل

قدامه طربيزه عليها الاب توب وملف

رولا خبطت ودخلت

رولا /احم..بابي القهوه ال حضرتك طلبتها

ادم بصلها وبعدين بص قدامه تاني وكمل شغل

رولا بزعل حطت القهوه ع الطربيزه

رولا بحزن قعدت جمب ادم وبصت له

رولا/بابي انا ا

ادم/انا مش عايز اسمع حاجه.. روحي ع اوضتك يلا انا ورايا شغل كتير

رولا مبقتش قادره تستحمل خلاص وعيطت وحطت ايدها ع وشها وهي بتعيط

ادم مقدرش يستحمل دموعها ومهانتش عليه

ادم شال ايدها من ع وشها وخدها ف حضنه ورولا حضنته بقوه وهي بتعيط

ادم ملس ع شعرها بحنان وباس راسها

ادم/ممكن اعرف بتعيطي ليه دلوقتي..انا لسه عملت حاجه

رولا بدموع/علشان انت زعلان مني ومبتكلمنيش من امبارح

ادم/مسألتيش نفسك انا عملت كدا ليه؟مش عارفه انتي عملتي ايه

رولا طلعت من حضنه/انا اسفه ي بابي

ادم/انا زعلت منك اوي ي ورولا..متوقعتش منك ابدا حاجه زي كدا...اول حاجه تكدبي عليا وتقولي انك رايحه الجامعه وانتي ال تقترحي ع سيف انك توصليه وتساعديه وتكدبي ع الأمن وتروحي معاه اسكندريه ..ومش بس كدا ركبتي معاه المركب كمان ف نص البحر..مفكرتيش فيا و ف مامتك واخواتك لو كان حصلك حاجه؟ انتي لو كان جرالك حاجه انا كنت هموت..

انتي واخواتك اغلي حاجه ف حياتي ..انا عايش علشانكم وبتشغل علشانكم وبتنفس عشانكم ومش عايز اي حاجه ف الدنيا غير انكم تبقو جمبي وف حضني وب خير..

انا كنت فاكر اننا صحاب وانك مبتخبيش عني حاجه..بس تقريبا انا كنت غلطان

رولا بدموع/انا اسفه ي بابي والله مستحيل افكر اعمل حاجه زي كدا تاني..انا مكنتش اعرف ان الموضوع كبير اوي كدا وان حضرتك هتضايق وتزعل مني اوي كدا..انا فكرت اني هساعد سيف يروح اسكندريه ويقابل ال ناس ال يعرفهم ويختفي من حياتنا وهو يكمل حياته وخلاص..علشان انا مكنتش قادره استحمل فكره ان في حد فوق دماغي ٢٤ ساعه انا مش متعوده ع كدا.. بس

انا عارفه ان انا غلطت...واتعلمت الدرس ومستحيل اعمل حاجه زي دي تاني والله..بس متزعلش مني علشان خاطري .. انك تزعق لي وتتعصب عليا اهون لي بكتير من انك تخاصمني والله..انت بالنسبه لي حاجه كبيره اوي وزعلك مني انا مقدرش استحمله

ادم مسح لها دموعها وباس راسها وايدها

ادم/خلاص كفايه دموع ..انا مش زعلان منك

رولا بصتله/قول والله ي ادم

ادم ابتسم/والله ي عيون ادم

رولا حضنته بفرحه وبابتسامه وادم ابتسم وحضنها بقوه وباس راسها

رولا بزعل/بس انا بقي ال زعلانه منك ع فكره

وطلعت من حضنه

ادم ابتسم وبيمسح لها دموعها وبيعدل لها شعرها/طيب ممكن اعرف انا زعلت رولا هانم ف ايه

رولا بحزن/علشان امبارح لما رجعت من برا بوست مامي و فريده و ميرا وانا لاء

ادم /ف دي معاكي حق ..انا اسف..بس انا كنت زعلان منك جدا وقتها

ومسك ايدها وباسها

رولا بحزن/حتي لو زعلان مني برضو متبوسهمش وتسبني

ادم ابتسم/حاضر انا اسف

وباس خدها

وخدها ف حضنه وباس راسها

ادم/حقك عليا انا اسف

رولا ابتسمت/ماشي خلاص انا مش زعلانه

ادم باس راسها/دي أهم حاجه عندي

رولا بابتسامه طلعت من حضنه وباست خده

رولا/ انا بحبك اوي اوي اوي

ادم ابتسم/وانا بموت فيكي والله

ومسك ايدها وباسها

ادم /تيجي نتعشي سوا انا وانتي برا

رولا ابتسمت/وناكل بيتزا

ادم ابتسم/ماشي ..ناكل بيتزا

رولا ابتسمت/بس لوحدنا..انا وانت بس

ادم/طبعا لوحدنا..دا انا يبختي والله...يلا روحي غيري وقولي ل مامتك متجهزلناش العشا

رولا بفرحه باست خده وحضنته وآدم حضنها بابتسامه وباس راسها

رولا طلعت من حضنه بابتسامه/هروح اغير هدومي وانت كمان غير هدومك بسرعه

ادم ابتسم/ماشي روحي

في الصالون تحت

ياسين نزل من غرفته بعد ما غير هدومه

ياسين/احلام انا خارج

احلام طلعت من المضبخ

احلام/ياسين متسوقش ب الليل لوحدك علشان خاطري.كفايه ال حصل اخر مره

ياسين/متخافيش عليا والله هاخد بالي

وباس راسها

احلام/متتاخرش طيب

ياسين ابتسم/حاضر مش هتأخر

احلام/وخلي بالك من نفسك. خد بالك وانت سايق

وباست خده و ياسين مسك ايدها باسها

ياسين/حاضر

وطلع برا البيت

رولا من فوق بعد ما طلعت من اوضه المكتب

رولا ابتسمت/احلام متعمليش عشا علشان انا وبابي هنتعشي سوا برا

احلام ابتسمت ومبسوطه انهم اتصالحو/ماشي

رولا بابتسامه راحت اوضتها تغير هدومها

بعد ساعتين

في اوضه سيف

طلع من الاوضه ماسك كوبايه شاي

وقعد ع طربيزه جمب الاوضه يشم هوا ويشرب الشاي

فجأه ياسين وصل ب عربيته الكومباوند وركن العربيه ونزل منها

ياسين ابتسم وشاور ل سيف/ايه الاخبار

سيف ابتسم/انا زي الفل ..تشرب شاي؟

ياسين ابتسم/اشرب شاي

سيف /تعالي

ياسين راح له وسحب كرسي وقعد وسيف قام

سيف/هصب لك كوبايه وهجيلك

ودخل الاوضه وبعد شويه طلع ب الشاي

ياسين/تسلم ايدك

واخد منه الشاي

سيف ابتسم/الف هنا

وقعد تاني

ياسين شاور ع راس سيف/راسك لسه بتوجعك

سيف/لا الحمد لله بقيت كويس..البركه ف احلام هانم هي ال خدتني المستشفى ضمدو الجرح..وانت دراعك لسه بيوجعك

ياسين ابتسم/لاء الحمد لله..البركه ف احلام برضو..هي ال ضمدتهولي

سيف/انا متضايق من نفسي علشان انا السبب انا ال بعت لك عربيه السباق بنفسي

ياسين ابتسم/يعم ولا انت السبب ولا حاجه ..كدا كدا لو مكنتش بعتلي العربيه كنت اتصرفت وجبت واحده من اي مكان..وبعدين متقلقش مقولتش ل ادم ان انت ال بعتلي العربيه

سيف/عارف انك مقولتش..علشان لو كنت قولت كنت خدت ضرب او تهزئ من ادم بيه اكيد

ياسين ضحك وسيف ضحك وشرب شويه شاي

وسيف بص ع جيب ياسين لقي علبه سجاير ظاهره

سيف/انت بتشرب سجاير؟

ياسين طلع علبه السجاير من جيبه

ياسين/والله عمري ما دوقتها.. بس صاحبي اداني العلبه دي وقالي جرب..ف قولت اجرب يعني ميجراش حاجه ..اصلا لو بابا شافها معايا هيبقي حوار كبير دا

سيف /بس متقولش صاحبك بس..دا لو صاحبك بجد وبيحبك وبيخاف عليك عمرو ما هيضرك ويقولك جرب...وبعدين متخذلش ثقه ادم بيه فيك.. هو بيحبك جدا ع فكره..انت ال شايل اسمه وانت سنده وضهره ف الدنيا ..وعنده امل تشيل شغله كله وتشيل عنه الحمل ال تقيل دا وعايزك تبقي قد المسؤولية ف نفس الوقت مش عايز يضغط عليك وسايبك براحتك تعيش سنك

ياسين/تعرف..انا كنت ناوي لما اطلع الاوضه اجرب سيجاره..بس بعد الكلام دا والله ما انا مجربها

سيف ابتسم وفجأه ادم وصل الكومباوند وركن عربيه و ياسين خبي علبه السجاير بسرعه تحت رجله وقعد عليها وادم وهو بينزل من العربيه لمح حاجه ياسين بيخبيها

ادم نزل من العربيه هو و رولا

ادم/مساء الخير

سيف قام /مساء النور ي ادم بيه

ياسين/احم..مساء النور ي بابا

ادم/ادخلي انتي ي رولا وانا جاي وراكي

رولا/حاضر

رولا دخلت البيت

ادم راح ل سيف و ياسين

ادم/اقعد كمل الشاي بتاعك

سيف قعد تاني

ادم/انت كنت فين كدا

ياسين/ كنت مع صحابي..انا قولت ل احلام قبل ما اخرج

ادم/انت مخبي ايه تحت رجلك

سيف بصوت واطي/ينهار اسود

ياسين بتوتر/هكون مخبي ايه ي أدم انا مش مخبي حاجه

ادم/طب قوم وريني

ياسين/ي بابا ا

ادم بصله بغضب وياسين قام من ع الكرسي وهو مرعوب من رد فعل ادم

ادم بص ع الكرسي لقي علبه السجاير

ادم مسك علبه السجاير/ايه دا؟

ياسين بلع ريقه وبص ل سيف/ايه دا؟

سيف بتوتر/ايه؟دي تقريبا سجاير؟

ياسين بخوف/تقريبا اه

ادم بص ل ياسين/انت بتشرب سجاير؟

ياسين/

ادم بعصبيه/رد يالا..انت بتشرب زفت سجاير؟

وقرب منه

ياسين استخبي ورا سيف بسرعه

ياسين/بابا استني قسما بالله فهمك

ادم بعصبيه/تفهمني ايه...خد تعالي هنا اقف قدامي

ياسين بتوتر/والله العظيم ي بابا مبشربش سجاير.. وربنا

ادم بغضب وعصبيه شد ياسين من هدومه من ورا سيف /انت كمان بتكدب ...ع اخر الزمن تشرب سجاير..هو دا ال ناقص ..ال سجاير ال انا عمري ما حطيتها ف بوقي ابني جايبها بيشربها من ورايا

ياسين بيحاول يبعد عن ادم وهو خايف منه وخايف ينضرب

ياسين/ي بابا اسمعني علشان خاطري والله هفهمك

سيف بتوتر خبي ياسين ورا ضهره/ادم بيه اهدي ..دي السجاير بتاعتي اصلا هو ملوش زنب

ادم بعصبيه/انت تخرس خالص مسمعش صوتك ومتدافعش عنه

سيف بتوتر/حاضر انا اسف

ياسين وهو مستخبي ورا سيف/والله ي بابا دي مش بتاعتي..وكمان بصراحه دي مش بتاعت سيف هو ملوش زنب..دي بتاعت واحد صاحبي

ادم بعصبيه/طالما هي بتاعت واحد صاحبك بتعمل معاك ايه..جايبها معاك ليه البيت ..؟

ياسين بتوتر/مهو ا

ادم بغضب جهوري/مهو اي ي ياسين انطق

ياسين بخوف/هنطق ازاي وانا ميت من الرعب

ادم بعصبيه/اطلع لي من ورا سيف كدا..اطلع

وكان رايح ياخده بغضب من ورا سيف

ياسين بخوف طلع من ورا سيف وراح ع البيت بسرعه وخبط والخادمه فتحت له وادم راح وراه

سيف/راح فيها الشاب ال زي الورد..ربنا معاك ي ياسين

في الكومباوند ياسين دخل بسرعه واستخبي ورا احلام

ياسين/احلام الحقيني ابوس ايدك

احلام بخضه/في ايه ي ياسين مالك

ادم دخل البيت ورزع الباب ورا

احلام بصدمه/في ايه ي ادم ايه ال حصل

ادم بعصبيه/والله العظيم ل اربيك من اول وجديد ..اطلع من ورا مامتك وكلمني زي الرجاله يالا

احلام بتوتر/ادم اهدي وفهمني ايه ال حصل

ياسين بخوف/لاء ي ادم انت ايدك تقيله..خليني اشرح لك علشان خاطري

ادم بعصبيه/تشرح ايه..هتشرح ايه بعد السجاير ال انا شوفتها معاك دي

فريده وميرا طلعو من الصالون التاني بسرعه ع صوت الزعيق وراحو لهم

احلام بصدمه بصت ل ياسين/سجاير ايه ي ياسين

رولا نزلت من فوق بعد ما غيرت هدومها

رولا/في ايه

فريده/ايه ال حصل ي بابي

ادم بصلهم/ انتو ال تلاته اطلعوا ع اوضتكم حالا

ميرا بتوتر/حاضر

و رولا وميرا وفريده طلعو فوق

ياسين /قسما بالله ي بابا ع عمري ما دوقت السجاير دي ف حياتي..والله ي احلام ما بكدب

ادم بغضب/احلف كدب كمان..انا عايزك تحلف كدا

وقرب من ياسين

ياسين/احلام الحقيني والنبي

احلام بتحاول تهدي ادم وتحمي ياسين ورا ضهرها

احلام بتوتر/ادم علشان خاطري اهدي ومتعملهوش حاجه..

ادم بغضب شد ياسين من هدومه طلعو من ورا احلام

احلام بصدمه وخوف ع ياسين/ادم اهدي

ادم ضربه بوكس ف وشه

احلام بصدمه وخوف ع ياسين /ادم ابني لاء علشان خاطري

ياسين حط ايده ع وشه بوجع/ي ادم والمصحف السجاير دي مش بتاعتي

ادم/بتشرب سجاير ها..السجاير ال انا عمري ما حطتيها ف بوقي مره واحده علشانك ..علشان متشوفنيش بعمل حاجه غلط وتقلدني ف الغلط

ياسين حاطط ايده ع وشه مكان الضربه وبيحاول يبعد عن ادم علشان مينضربش تاني

ادم شده تاني من هدومه علشان يضربو ياسين جري منه وطلع ع السفرا بخوف

ادم كان هيروح له احلام وقفت قصاد ادم بسرعه وبتحاول تمنعه وتهديه

احلام/ادم علشان خاطري اهدي..علشان خاطري..اسمع منه بس الاول يمكن فعلا تكون السجاير دي مش بتاعته..انا ابني ميعملش حاجه زي كدا ي ادم انا واثقه

ادم/مهو دلعك في دا هو ال مخليه يسوق فيها كدا

...يعني ايه مش بتاعته امال كانت ف جيبه بتعمل ايه

ادم بص ل ياسين وقال بعصبيه/كانت ف جيبك بتعمل ايه

ياسين/ادم ايدك تقيله والمصحف..اسمعني بس بالله عليك..من امتي وحضرتك بتتفاهم ب الضرب قبل الكلام

ادم بعصبيه/مظبوط..طول عمري كنت بتفاهم معاك ب الكلام مش ب ايدي وعمري ما مديت ايدي عليك طول السنين ال فاتت بس الظاهر كدا اني دلعتك وبتسوء فيها..من هنا ورايح دي الطريقه ال هعاملك بيها ع اي حاجه تحصل منك متعحبنيش ..فاهم ولالا

ياسين بخوف بلع ريقه/فاهم والمصحف فاهم..انا هقولك الصراحه هقولك كل حاجه

ادم بعصبيه/طب انزل كلمني زي الرجاله الاول

احلام منعت ادم ال عايز يروح ينزل ياسين من فوق بالعافيه

احلام/ادم حبيبي لو سمحت اهدي وأسمعه الاول..علشان خاطري متضربوش ..انا قلبي بيوجعني لما بتضربه بالطريقه دي والله

ياسين/ايوا ي ادم بالله عليك اسمع من احلام

ادم اتنهد وحاول يهدي /تمام ..انا هادي اهو

وبص ل ياسين/انزل يلا علشان تشرح لي ونتكلم زي الناس

ياسين بتوتر/هنزل بس مش هتضربني صح؟

ادم/انا قولت هتفاهم معاك براحه خلاص..مش عايز رغي كتير

ياسين بتوتر/تمام انا هنزل اهو..بس متضربنيش تاني بالله عليك..احلام قالت لك اهو قلبها بيوجعها.. وانت ميرضكش وجع قلب احلام حبيبتك طبعا

ادم بصله بغضب

ياسين/خلاص انا اسف

ونزل من ع السفرا

واستخبي ورا احلام

ادم/تعالي اقف قدامي

ياسين بلع ريقه/احلام اروح؟

احلام بتوتر/ما انت لازم تروح..دا مش اوبشن...روح يلا متخفش

ياسين راح وقف قدام ادم

ادم/قولي يلا طالما السجاير دي بتعمل معاك ايه طالما مش بتاعتك..

ياسين/بص انا هقول لك الصراحه..انا كنت خارج مع صحابي النهارده..وكلهم بيدخنو الا انا..ف هما قالولي مش حابب تجرب وبتاع..أنا قولت لهم لاء ف الاول..وبعدين قالولي لو مش عايز دلوقتي خلاص خد العلبه وجرب براحتك اي وقت

ادم/اه ف انت سمعت كلامهم وخدتها

ياسين/انا مش هكدب انا فعلا كنت ناوي اجرب حتي لو نفس واحد.بس بعد ال حصل دا قسما بالله لو هيشنقوني كدا انا مستحيل ادوقها حتي

ادم/ماشي ي ياسين..وانا هصدقك..علشان انا عايز اصدقك...بس صحابك دول انت مش هتشوفهم تاني

ياسين/بس ا

ادم بغضب/انا مش عايز اي اعتراض..الكلام ال اقوله هو ال هيتنفذ ..صحابك دول لو شوفتك ماشي معاهم ف اي مكان أو شميت خبر انك لسه مصاحبهم انت هتشوف وش عمرك ما شوفته

ياسين بلع ريقه/لاء وعلي ايه..اعتبرني قطعت معاهم من بدري خلاص

ادم/وطبعا مش محتاج اقول السجاير دي مشوفهاش حواليك ابدا

ياسين/مستحيل .والله مستحيل اعمل حاجه شبهه كدا تاني

ادم اتنهد وطلع غرفته فوق

ياسين اتنهد براحه

احلام بصت له بزعل/ كدا ي ياسين؟كنت عايز تجرب السجاير زي ما صحابك قالو لك؟مفكرتش فيا هزعل ازاي لو عرفت اني ابني ال اهم حاجه ف حياتي بيشرب سجاير

ياسين قرب منها وخدها ف حضنه وباس راسها/انا اسف ي احلام والله لحظه تهور ومش هعمل كدا تاني

احلام اتنهدت