تحميل رواية الجميلة والوحش ادم واحلام الجزء الثاني بقلم نونا pdf

مساءا في الكومباوند

رولا وميرا قاعدين ف الصالون

ميرا/انا خوفت اوي من بابي من شويه وهو متعصب ع ياسين ..اول مره اشوفه متعصب اوي كدا

..تفتكري ياسين بيشرب سجاير بجد

رولا بتبرد ضوافرها/مش احنا سمعناه من فوق وهو بيحلف ل بابي انها مش بتاعته

ميرا/ايوا هي اكيد مش بتاعته لاني عمري ما شميت ريحه سجاير ف هدومه خالص

رولا/ي سلام هو دا ال مأكد لك يعني انه مبيشربش ..ما يمكن بيفضل برا لحد الريحه تروح من هدومه

ميرا/لالا..مستحيل ياسين يعمل كدا انا متأكده

فجأه الجرز رن

رولا /ايه دا مين ال جاي لنا دلوقتي

ميرا ب استغراب/مش عارفه

وقامت تفتح لقت بتول واقفه ع الباب بنفاذ صبر وضيق مستنيه يفتحو و ف ايدها بوكيه ورد بعد ما اقتنعت بكلام ليلي وقررت تصالح فريده حتي لو هي مش طيقاها بس اهم حاجه زين يرجع يسامحها تاني

ميرا فتحت الباب

بتول بابتسامه /هاي

ميرا ابتسمت ب استغراب/هاي!

بتول بابتسامه/مش دا بيت فريده الحديدي برضو؟

ميرا /المفروض اه

رولا قامت وراحت ل ميرا

رولا /مين ي ميرا

ميرا/مش عارفه والله

بتول/انا بتول زميله فريده ف شركه الأزياء

رولا وميرا فهمو ان دي بتول الصفرا ال فريده حكت لهم عنها كتير

بتول بابتسامه/مش هتقوليلي ادخل؟محتاجه اتكلم مع فريده ضروري

ميرا/احم اكيد طبعا اتفضلي

بتول دخلت ب ابتسامه

رولا وميرا واقفين جمب بعض و باصين لها

ميرا بتهمس ل رولا/دي طلعت صفرا زي ما فريده وصفتها بالضبط

رولا باصله لها من فوق ل تحت بغيظ/حاسه اني عايزه الطشها قلمين بجد

بتول بصت لهم وهما بيتهامسو

ميرا ضحكت بتوتر/اتفضلي اقعدي واقفه ليه

بتول قعدت ف الصالون ب ابتسامه/ميرسي

بتول/هي فريده مش موجوده؟

ميرا/لاء اكيد موجوده هنندهالك حالا..روحي ي رولا ناديها من اوضه الرسم

رولا واقفه باصله لها بغيظ زي ما يكون نفسها تديها علقه

ميرا خبطت رولا براحه علشان تركز/رولا

رولا انتبهت وابتسمت ابتسامه صفرا /اكيد طبعا هروح اندهالك ..لحظه واحده

بتول بابتسامه/ميرسي

ورولا مشيت

ميرا/هروح اقول للخدم يعملو لك حاجه تشربيها

بتول/لا مفيش داعي خالص

ميرا/مينفعش طبعا لازم تشربي حاجه

بتول ابتسمت/صدقيني ملوش لزوم انا ١٠ د وهمشي تاني

ميرا/تمام ع راحتك

بتول وهي بتبص ع البيت/بس بيتكم حلو اوي مشاء الله

ميرا/شكرا

بتول/هو مفيش سمسار هنا اقدر اكلمه اشتري بيت ف الكومباوند

ميرا/بس دا ل رجال الأعمال بس يعني المجمع دا مش اي حد بيسكن فيه

بتول/اوف ي خساره

ميرا/ي خساره فعلا

بتول/انتو اخوات فريده تقريبا؟كنت سمعت ان احلام هانم عندها تلت بنات

ميرا/ايوا احنا التلاته توأم

بتول ب انبهار/توأم بجد متهزريش..بس انتو التلاته مش شبهه بعض خالص

ميرا/مهو مش شرط توأم نبقي توأم متطابق ..ولا ايه؟

بتول ابتسمت/ايوا صح

عند رولا واخده فريده وطالعين الصالون

فريده ب استغراب بصوت واطي/انا مش فاهمه بجد هي جايه تعمل ايه هنا

رولا/احنا كمان مش فاهمين حاجه تعالي خلصينا منها ومشيها علشان زمانها كلت دماغ ميرا

وراحو الصالون ل بتول

بتول اول ما شافت فريده وقفت

بتول بتمثيل وبتأثر/فريده حبيبتي

..سامحيني ي روحي لو سمحتي

فريده باصه لها بصدمه

بتول بزعل/بقالي ايام منمتش ومحطتش لقمه ف بوقي نهائي

وحضنتها وفريده مستغربه ومصدومه من ال بتول بتعملو

و رولا وميرا واقفين مستغربين

بتول طلعت من حضنها

فريده/بتول انتي كويسه؟حرارتك عاليه اكيد وتعبانه صح

وحطت ايدها ع قورتها

بتول/لالا انا كويسه تماما..انا بس بحب ادي فرصه تانيه لكل الناس..انا جايه مخصوص علشان اعتذر منك..دا لو قبلتي اعتذاري طبعا

فريده/اكيد طبعا..انا اتخضيت شويه بس

وبصت ل اخواتها وباصو لها ب معني دي مجنونه

بتول ابتسمت/وانا كمان اتخضيت ل فكره انك ممكن متسامحنيش والله

وراحت جابت بوكيه الورد من ع الطربيزه

بتول/انتو عارفين الفيلسوف ماثيو ماني بيقول ايه؟

فريده ورولا وميرا واقفين جمب بعض وباصين لها وساكتين

بتول كاتبه الحكمه ع كف ايدها بتحاول تغش منها

بتول/ التطور الأخلاقي للمجتمع بيتعلق بطريقه تعاملهم مع حيوانتهم

بتول ورولا وميرا/؟

بتول/لالا مكنش بيقول كدا تقريبا ..لحظه واحده

وبتحاول تبص ع كف ايدها

ميرا بتهمس ل اخواتها ال واقفين جمبها/هي اتجننت ولا هي كدا من زمان

رولا بتهمس لهم/تقريبا دماغها مفوته ع الاخر..اهدو وسبوها تكمل علشان تاخد بعضها وتمشي

فريده وميرا هزو راسهم بموافقه

بتول/المسامحة والاحترام دا من اهم الحاجات ال ف الدنيا

وقالت بابتسامه

بتول/تعرفي انا هعترف ان وشك حلو عليا

فريده باصه لها بمعني لا والله؟

بتول/..وبعترف اني غلطت ف حقك كتير و ا

فريده بغيظ/بصراحه اه..انتي غلطتي وكتير كمان

بتول بزعل/انسي لو سمحتي..انا وقتها مكنتش ف وعيي

فريده/انتي بتهزري وكل دا هزار اكيد صح

بتول/طبعا لاء..كل الكلام دا من قلبي..انا بطلب منك السماح

وادتها بوكيه الورد/ممكن تقبلي الهديه دي

فريده خدت منها البوكيه

بتول/من النهارده مفيش ولا كرهه ولا حسد ولا اي حاجه..سامحتيني صح؟سامحيني ارجوكي.. لو مسامحتنيش هطلع برا وهرمي نفسي قدام اول عربيه

ميرا/لالا و علي ايه تعملي لنا مشاكل ليه

فريده/ا ايوا طبعا..مفيش داعي

رولا/وبعدين زنب العربيه ايه يعني خساره

فريده خبطت رولا تسكت

فريده اتنهدت/خلاص ي بتول ممكن نفتح صفحه جديده سوا انا مش زعلانه منك

بتول ابتسمت/تحفه..طالما كدا بقي انا هستاذن وامشي..مش حابه اسيب القعده الحلوه دي بس مضطره انا اسفه.يلا باي ي بنات

وخدت شنطتها من ع الطربيزه

ومشيت

ميرا باصه ل بتول ال بتطلع من البيت

ميرا/انا لحد دلوقتي مش مستوعبه هي جايه وعايزه ايه بالضبط

فريده/تقريبا كدا ندمت ع الحاجات ال عملتها معايا

رولا/نصيحتي ارمي البوكيه الورد دا ف الزباله ممكن تكون حاطه لنا في سم لما نشمو نموت ولا حاجه

فريده/مش للدرجه دي ي رولا..هي مش وحشه للدرجه دي

رولا قعدت ع الكنبه تاني/لا انتي ال طيبه زياده عن اللزوم بس

في اليوم التالي

ف شركه تصميم الأزياء

ليلي رايحه ف اتجاه مكتبها و في مساعده ماشيه معاها

ليلي قعدت ع المكتب/سما اتصليلي ب بتول..خليها تيجي حالا..زمانها دلوقتي نايمه ف العسل..عمرها ما جت ف معادها اصلا

سما/حاضر

ومشيت

فجأه بتول طلعت من ورا الفساتين ال متعلقه ومعاها فنجان قهوه مستنيه ليلي

بتول طلعت من ورا الفساتين وحطت فنجان القهوة ع الطربيزه قدام ليلي

ليلي خدت فنجان القهوه وبدأت تشرب

ليلي/اااه قهوه اخيرا

بتول/ليلي حبيبتي

ليلي بخضه حطت الفنجان ع الطربيزه وبصت ع بتول

ليلي/انتي ؟و جايه الصبح بدري كمان

بتول ابتسمت

ليلي بصدمه /لا انا مش مصدقه ولابسه الفستان ال هنشتغل عليه كمان وجيبالي قهوه

بتول بابتسامه/لو مريحتكيش انتي امال هريح مين ي احلي مصممه ازياء ف العالم انتي ..هاتي ايدك الحلوه دي ابوسها

ليل بصدمه بعدت عنها/لالا مش لازم خالص..بس ممكن تقعدي وتحكيلي سبب التغيير المفاجئ دا

بتول قعدت قصادها /خلاص..بتول القديمه دي راحت خلاص ..وهوري زين قد ايه انا اتغيرت.ورحت ل بيت فريده واعتذرت منها زي ما قولتيلي

ليلي/طب كويس..في تقدم واضح ع الاقل

تحت الشركه

زين دخل و ركب الاسانسير

فريده نزلت من عربيتها ودخلت الشركه بسرعه ولحقت باب الاسانسير قبل ما بيقفل

زين بيبص ل فريده وهي بتدخل مستعجله وبتحط مفاتيح العربيه ف الشنطه وكانت هتخبط ف باب الاسانسير زين حط ايده عند الباب عند راس فريده وفريده خبطت ف ايد زين بدل الباب

فريده /اااه

وانتبهت لقت زين

فريده/زين..اقصد استاذ زين

زين ابتسم/ع طول مستعجله كدا

وباب الاسانسير قفل

فريده ابتسمت/صباح الخير

زين ابتسم/صباح النور

فريده/انا اسفه بس خفت اتأخر ع ليلي لان في تصاميم اشتغلت عليها بليل لازم اسلمهالها دلوقتي

زين/ادوس لك ع الدور ال في ليلي؟

فريده/اه ياريت

زين داس ع الزرار وبعدين زرار دور المكتب بتاعه

زين/متقلقيش اعتقد لو اتاخرتي ع ليلي شويه مش هتقولك حاجه انتي بالذات لانها بتحبك

فريده ابتسمت/ايوا بس علشان محدش يرجع يقول عليا بروح وبمشي ع مزاجي علشان دي شركت مامتي

زين بصلها/فريده

فريده ضحكت/بهزر ..انا كدا كدا سامحتك خلاص متقلقش

زين ابتسم/ماشي

والاسانسير وصل ل دور ليلي

فريده/همشي انا بقي

زين ابتسم /بالتوفيق

فريده ابتسمت /شكرا

وطلعت من الاسانسير وباب الاسانسير قفل وزين ابتسم

بعد ساعه

ف مكتب ليلي

ليلي بتظبط الفستان ل بتول قدام المرايا ومعاها المساعده بتاعتها

وعدي قدامهم من الطرقه زين وادهم

بتول اول ما شافت زين سابت ليلي وجريت عليه بسرعه

بتول/زين بيه..ادهم بيه

زين وادهم وقفو وبصو لها

بتول بابتسامه/اهلا بيكم

ادهم /اهلا !

زين بجديه/اهلا ي انسه بتول خير

بتول بجديه /لو سمحت سبني اكمل كلامي..اول حاجه انا سعيده جدا اني جزء من شركتكم

ادهم باصص لها ب استغراب وضحك

بتول/ثانيا..عندي ايمان كامل ان خطواتنا وشغلنا هيكبر اسم الشركه اكتر واكتر

زين/حلو جدا

بتول بجديه/عايزه ميكنش عندك شك خالص اني هعمل ال عليا وزياده

زين/لا وكدا ف احنا محظوظين بيكي ف الشركه ..ولا ايه ي ادهم

ادهم ب استغراب/دا اكيد

زين/ماشي ي بتول تقدري تروحي تكملي شغلك دلوقتي

بتول بابتسامه/ماشي..عن اذنكم

ومشيت

زين ل ادهم/ايه دا؟

ادهم ضحك

في مجمع الكومباوندات

رولا قاعده ف كافيه ف هدوء بتشرب قهوه وبتسمع اغاني من الهيد فون ال ع ودنها

فجأة يحيي شال الهيد فون من ع ودنها

رولا بصت وراها تشوف مين شال السماعه

يحيي شد كرسي وقعد جمبها

رولا ابتسمت/يحيي

يحيي ابتسم/يحيي اه..زي ما توقعت مقدرتش اقعد من غير ما اكلمك ولا اشوفك اليومين ال فاتو دول ووحشتيني.. حتي ي ستي لو احنا صحاب بس واصدقاء طفوله زي ما بتقوليلي..بس للاسف برضو بتوحشيني

رولا ابتسمت

في شركه تصميم الأزياء

في مكتب ليلي

ليلي لسه بتظبط الفستان ل بتول و ادهم واقف معاهم بيكلم ليلي ف الشغل

فريده راحت لهم و ف ايدها تصميم

ليلي ابتسمت /وصلت مكتبي ام ابتسامه حلوه اخيرا..صباح الخير

فريده ابتسمت/صباح النور ..دي ال تصاميم ال حضرتك طلبتي اعدلها

وحطتها ع المكتب

ليلي/ماشي ي روحي

بتول لفت ل فريده ب ابتسامه

بتول/فريده ي روحي

وراحت لها بسرعه تحضنها

بتول حضنتها بقوه/وحشتيني جدا جدا ي صحبتي

فريده بصدمه/دا احنا لسه امبارح متصالحين..ملحقناش نبقي صحاب انا وانتي

بتول حاضنه فريده بقوه ب ابتسامه

ادهم ضحك/بتول براحه هتخنقي البنت

بتول طلعت من حضن فريده

بتول/اعمل ايه طيب بموت فيها

وبعتت لها بوسه ف الهوا

فريده /انا بقول اروح اكمل شغلي

ليلي شاورت لها تروح من غير ما بتول تاخد بالها/اهربي ..اهربي بجلدك

فريده ابتسمت ومشيت

بعد الضهر

في الكومباوند

يحيي وصل رولا بعربيته للبيت

ونزلو من العربيه

يحيي ابتسم/هشوفك بليل بقي ف الحفله ال هنعملها ف كافيه المجمع..كل صحابنا من الدفعه هيبقوا موجودين

رولا /هستاذن من بابي وهاجي ان شاءالله..يعني طالما هي هتبقي قبل ١٠

يحيي/متقلقيش عاملين حساب الموضوع دا

عند سيف خد كوبايه الشاي ال عملها ل نفسه من المضبخ وراح يقف جمب الشباك وشاف رولا ال بتتكلم مع يحيي وباين عليهم مبسوطين واتصالحو

سيف اتنهد ميعرفش هو ليه اتضايق اوي كدا

من ناحيه مبسوط ان رولا اتصالحت مع بباها ومع يحيي ومبقاش في حاجه مزعلاها و من ناحيه مش قادر يشوفهم واقفين جمب بعض حتي

سيف طلع من الاوضه و يحيي ركب عربيته ومشي

سيف ل رولا ال كانت هتدخل البيت

سيف/شايفك ان انتي ويحيي اخيرا اتصالحتم

رولا بصتله/اه اتصالحنا..فيها مشكله؟

سيف/لا طبعا..فيها مشكله ازاي ...اهم حاجه بس ميجرحش قلبك تاني ويحافظ عليكي

رولا/لا متقلقش انا مسمحش ل اي حد يجرح قلبي كدا كدا..وبعدين تقريبا يحيي الشخص المناسب ليا..لو محبتهوش دلوقتي يمكن احبه بعدين..احنا لسه صغيرين

سيف/صح...معاكي حق..ومن نفس مستواكي طبعا وعايش ف المجمع زيكم يعني اكيد بباه راجل اعمال محترم

رولا/ايواا مظبوط..عن اذنك

سيف/اتفضلي

رولا دخلت البيت و سيف دخل اوضته تاني ورمي كوبايه الشاي ف الحوض بغضب

في الكومباوند

قبل المغرب

احلام قاعده بتلف محشي ع السفرا والخدم جوه بيجهزو بقيت الاكل

و فريده و ميرا بيحاولوا يعملو معاهم وتعلمهم وهي بتحكي لهم ع حاجات زمان حصلت بينها وبين ادم

ميرا/مامي بجد مش عارفه انتي مقعداني اعمل ب العافيه المحشي دا ليه واصلا بابي مش ناوي يجوزنا ف انا بتعلم لمين انا دلوقتي

احلام ابتسمت /اعملي طيب حلو ..ايه العجينه ال عملتيها دي..بصي فريده بتعمل حلو ازاي

ميرا/فريده مشاء الله بتعرف تعمل كل حاجه يعني مش عارفه اقول ايه

فريده ابتسمت

رولا نزلت من غرفتها وراحت لهم

رولا/بتنمو علي مين

وقعدت

ميرا ابتسمت/مامي بتحكي لنا عن المره الوحيده ال بابي قال لها فيها نتطلق..والمره ال وحيده ال هي قالت له فيها انا عايزه اتطلق

رولا/بابي يطلق مامي؟مستحيل

فريده /كملي طيب ي مامي يعني بابي بجد زمان قبل ما تحملي فينا كان عايزكم تطلقو؟انا كمان مستحيل اصدق

ميرا/وانا كمان..دا من سابع المستحيلات دا بابي بيموت فيكي

احلام ابتسمت/هو قالها مره واحده بس طول ال ٢٤ سنه...اننا هنتطلق وكان ف اول جوازنا وبصراحه انا ال كنت غلطانه يعني ..انا زعلته وقتها جدا وغلطت..ف ك رد فعل طبيعيه ل بباكم كان عايز يطلع غضبه ف اي حاجه وخلاص ف قال هنتطلق..وبعدين طبعا ندم ع ال هو قالو وانا تعبته معايا شويه طبعا ...خليته يندم ع الدقيقه ال قالي فيها هنتطلق..وحاول يرجعني كتير ويتحجج بحملي ..لاني وقتها كنت حامل زي ما قولت لكم قبل كدا...وحاول اني اسامحه بس انا خلاص..نشفت دماغي وانا ال اصريت ع الطلاق

ميرا ب صدمه/وبعدين ايه الحصل؟اتطلقتو

احلام/كلمت محاميين كتير ولما كانو بيسمعوا اني متجوزه ادم الحديدي كانو بيرفضو ياخدو القضيه اصلا..ومكتب المحاماه الوحيد ال قبل ياخد القضيه بباكم جه المكتب كلمو كلمتين بس خاف وساب القضيه من نفسه ع طول .ادم عارف قد ايه انا عنيده ووقتها خلاص حس اني بضيع من ايده و اني مصره ع الطلاق وكان خايف يخسرني بس هو طبعا اعند مني وكان مستحيل يطلقني مهما حصل ومهما انا قولت ..ف الفتره دي استحمل مني جنان كتير اوي عصبيه و عيند و جنان طول الوقت

رولا ابتسمت

احلام/بعدها بقي سامحته خلاص وعملنا حفله جوازنا انا وريتكم الصور قبل كدا.. وبعدها بقي سقطت البيبي.

رولا/زعلتي وقتها جدا طبعا

احلام ابتسمت/زعلت بس انا لو كنت اعرف ان ربنا بعدها هيعوضني ب تلت بنات زي القمر زيكم كدا مكنتش زعلت دقيقه واحده..

فريده و رولا ابتسمو و ميرا باست خدها واحلام ابتسمت

احلام بابتسامه/بباكم دا مفيش منه ابدا ولا في ف حنيته ..بعد ما انا سقطت البيبي قعدت سنتين من غير ما احمل تاني وانا كنت خايفه مقدرش اجيب له العيال ال نفسه فيها بس هو طول السنتين عمرو ما حسسني لحظه واحده انه فارق معاه الخلفه. ديما كان بيقولي انا عايزك انتي بس مع اني انا متأكده وواثقه انه نفسه يخلف مش طفل واحد عايز 4 كمان

رولا ابتسمت/هو في حد زي ادم ف الدنيا دي ؟

فريده ابتسمت/معتقدش خالص بابي دا نسخه واحده مش هتتكرر

ميرا بحماس/طب احكي لنا ع المره بقي ال انتي قولتي فيها ل بابي انك عايزه تطلقي

رولا/ال يبص ال حماس ميرا يفتكرها بتتكلم عن المره ال بابي ركع ع ركبته يتقدم لها مش المره ال كانو هيتطلقو فيها خالص

فريده واحلام ضحكو

احلام/انا بحكي لكم الكلام دا علشان ان شاءالله لما تتجوزو تعرفو ان اي بيت بيكون في مشاكل عادي وفي اللحظات الحلوه وفي اللحظات الوحشه عادي بس مهما حصل مهما حصل بينكم اوعو توصلو الموضوع للطلاق

.متخلوش دا اوبشن ف حياتكم اصلا

رولا/مش لما بابي يفكر يجوزنا الاول ي احلام

احلام/ي سلام..شيفاكم انتو الاتنين مستعجلين ع الجواز اوي...مالكم

رولا/لا مش قصه مستعجلين يعني احنا كدا كدا منقدرش نعيش من غير ادم

ميرا/ايوا دي حقيقه

فريده ابتسمت

ميرا بابتسامه/هااا كملي بقي طيب

احلام/هحكي بس لما رولا تبدأ تعمل معانا محشي الاول

رولا/لالا مستحيل ابوظ ضاوفري ب المحشي دا واحنا خارجين بليل

ميرا/الله الله طب منا خارجه معاكي بليل وبعمل اهو..انجزي ي رولا علشان مامي تحكي

احلام ابتسمت/يلا علشان لما تتجوزي تعملي له اكل حلو من ايدك الحلوه دي

رولا وهي بتاخد ورق عنب وبتبدا تحشي

رولا/اصلا انا مش فاهمه ليه ي مامي بتتعبي نفسك وتعملي مع ان بابي جايب لك خادمين قد كدا

احلام ابتسمت/علشان انا بحب اعمل ل ادم الاكل ب ايدي ..متعوده ع كدا من زمان وببقي مبسوطه وانا بعمل دا..واصلا مبعملش اي حاجه ف البيت غير الاكل بساعدهم في بس هما بيعملو كل حاجه

فريده ابتسمت

احلام /المهم هحكي لكم احلام فلاش باك

ف القصر

فلاش باك

في الكومباوند من ١٥ سنه

لما البنات كان عندهم 6 سنين وياسين داخل ف ال 5سنين

ادم نقل الكومباوند من ٤ سنين لما احلام طلبت منه انهم يعيشو ف بيت جديد بذكريات جديده مع ولادهم و مالك عمل نفس الحاجه وخد فيلا جمب الكومباوند يعيش فيها هو ومراته وبنته و ادم أصر ع طارق يعيش معاه هو واحلام ف الكومباوند وطارق مقدرش يرفض له الطلب دا

ادم قاعد ف الصالون وقدامه لاب توب بيشتغل وطارق قاعد جمبه

ف الصالون التاني فريده وميرا بيعلبو

ورولا واقفه ع الارض جمب ادم ال قاعد بيشتغل ومخاصمها مبيكلمهاش

رولا/ي بابي علشان خاطري شيلني بقي

ادم/روحي ي رولا العبي مع اخواتك انا مبكلمكيش

رولا/انا اسفه والله مش هضرب ميرا تاني..قوله ي جدو يشيلني لو سمحت علشان ابوسه واصالحه

طارق ابتسم/انا هحاول اقوله والله بس شكلك زعلتيه جامد المره دي

رولا / ع فكره بقي هي ال ضربتني الاول ع فكره

ادم بصلها/انا قولت لك قبل كدا ١٠٠ مره متضربيش اخواتك ولا تزعليهم منك..وانا اصلا شوفتك ميرا مضربتكيش الاول ولا حاجه انتي ال اتعصبتي لما خدت اللعبه بتاعتك وكنتي هتعوريها ف عينها ...دا ينفع؟

رولا هزت راسها ب لاء/انا اسفه

ادم بص ع اللاب توب/لا انا مش عايز اسفك خلاص..طالما الكلمه ال بقولها مبتتسمعش

رولا ربعت ايدها بزعل وبصت ف الارض وسكتت

ادم مهنش عليه زعلها واتنهد وشالها قعدها ع حجره

ادم/خلاص متزعليش..انا مش زعلان منك

رولا بصتله/بجد

ادم باس خدها وايدها/ايوا بجد

بس حصل دا لو اتكرر تاني وضربتيها انا هزعل منك جدا ووقتها مش هصالحك علشان تكوني عارفه

رولا بابتسامه حضنته/لا مش هعمل كدا تاني والله

ادم ابتسم وحضنها وباس راسها

ورولا نزلت من رجله باست خد طارق وراحه تلعب

طارق ابتسم/روح قلبي

احلام نزلت من فوق وماسكه ياسين ف ايدها بعد ما غيرت له هدومه

ياسين جري ع طارق /جدو انا غيرت هدومي اهو يلا علشان نروح نتمشى زي ما قولت لي

احلام ابتسمت وقعدت جمب ادم

طارق ابتسم/من عنيا ي روح قلب جدو .انا جاهز انا كمان اهو

ادم/حضرتك رايح فين كدا من غير ما تسأل عليا ولا حضن ولا بوسه ولا اي حاجه

ياسين ابتسم وباس خد ادم وادم باس خده وحضنه

ياسين طلع من حضن ادم وفتح له ايده/ادم هات فلوس

ادم/هو ايه ال هات فلوس..انت بتعمل ايه ب الفلوس ال بدهالك كل شويه دي انت بتستثمر

احلام ضحكت

ياسين/علشان اجيب ايس كريم لما جدو يخرجني

ادم طلع من جيبه محفظه واداله ٢٠٠ جنيه

ادم/كدا حلو ولا عايز تاني

ياسين/لا خلاص كدا حلو

وطبق ال ٢٠٠ جنيه وبيحاول يحطها ف جيبه

طارق ابتسم/تعالي تعالي

وياسين راح ل طارق وطارق حطله و الفلوس ف جيبه وباس خده و قام

طارق/يلا بينا نمشي؟

ياسين/يلا..مع السلامه

احلام بابتسامة باست خده /مع السلامه

وطارق وياسين مشيو

فريده طلعت من الصالون التاني و ف ايدها ورق

فريده راحت ل ادم بابتسامه/بابي بص رسمت ايه مع مامي

ادم ابتسم/روح قلب بابا..تعالي وريني

وشال فريده قعدها ع رجله

احلام ابتسمت وفريده بدأت توري ادم الرسومات

ادم بابتسامه/ينهار ابيض ع الحلاوه..انتي ال رسمتي كل دول لوحدك

فريده بابتسامه/ايوا..حلوين؟

ادم /حلوين بس ..دول احلي حاجه شافتهم عيني..بعدك طبعا

وباس خدها و ايدها و فريده حضنته بابتسامه

وفريده نزلت من رجله وباست خد احلام وراحت ل اخواتها ف الصالون التاني

ادم جاله رساله ع الموبايل وكانت من سكرتيرته

احلام بغيظ وغيره بصت ع الموبايل/انا مش فاهمه هي بتكلمك ليه بعد ما وقت الشغل خلص وبعد ما مشيت من الشركه..هي عايزه ايه

ادم ابتسم وحاوط وسطها ب ايدها وقربها منه/انتي غيرانه عليا بقي ولا ايه؟

احلام ابتسمت بخجل/ادم لم نفسك علشان بناتك او الخدم ممكن يجو يشفونا

ادم قرب منها باس خدها وشفايفها/اعمل ايه طيب بتوحشيني...طول اليوم وانا ف الشغل بتوحشيني..ولما برجع من الشغل وانتي مشغوله مع الولاد برضو بتوحشيني..مش عارفه استفرد بيكي بسببهم

احلام ابتسمت بحب /بجد ي ادم

ادم باس راسها/بجد ي عيون ادم

احلام/طيب ي ادم البنت ال اسمها حنين دي انا بجد مش مرتحالها

ادم رجع خصله من شعرها ورا ودنها/انا قولت لك ان مفيش اي واحده ع وش الدنيا دي فارقه معايا غيرك..ولو عايزه امشيها دلوقتي حالا هنقلها مكان بعيد عني وهمشيها

احلام ابتسمت بحب

احلام/بس كدا شغلك هيتأثر صح

ادم باس راسها/يولع الشغل كله اهم حاجه انتي متزعليش نفسك ولا بالك ينشغل دقيقه واحده

احلام باست خده/لاء خلاص سيبها انا مرضاش شغلك يبوظ ولا يتأثر

ادم/متخافيش والله ما في اي واحده تقدر تملي عيني غيرك.. انتي حياتي كلها

احلام ابتسمت و حضنته /انا بحبك

ادم /وانا بموت فيكي

وباس راسها

بعد يومين

بعد العشا

ف القصر

احلام ف غرفتها قاعده ع السرير بدموع بعد ما اتصلت ب ادم واتخانقو وباصه ع الصوره ب دموع ومش مصدقه ان ادم بيكدب عليها وبيتعشي مع السكرتيرة ال اسمها حنين ف مطعم لوحدهم

ميرا دخلت الغرفه /مامي

احلام مسحت دموعها بسرعه

احلام ابتسمت/نعم ي روح قلب مامي

ميرا راحت لها

ميرا/هو جدو كرم هيرجع من السفر هو و ليليان امتي

احلام بتعدل لها هدومها ال بهدلتها من اللعب

احلام/مش هو لما كلمك امبارح فديو كول قال هينزل الشهر الجاي ان شاءالله

ميرا/شهر دا يعني ازاي

كدا؟

وفتحت صوابعها العشره

احلام ابتسمت/اكتر شويه بس ان شاءالله هيعدو بسرعه متقلقيش

ميرا ابتسمت وحضنت احلام واحلام حضنتها بقوه وباست خدها

فجأه سمعو فريده ورولا وياسين بيندهو ع ادم بفرحه وبيحضنوه

ميرا بابتسامه/بابي رجع..هروح اشوفه

ونزلت من حضن احلام وطلعت من الاوضه بسرعه

بعد شويه ادم دخل غرفته هو واحلام وقفل الباب

ادم بغضب/ممكن افهم ايه الجنان ال انتي بتعمليه دا

احلام قامت من ع السرير بغضب

احلام بعصبيه/انا ال ف الاخر طلعت مجنونه صح؟

ادم بغضب/وطي صوتك

احلام بغضب/لا ي ادم مش هوطي صوتي..انا قولت لك قبل كدا مليون مره انا مش مرتاحه ل قرب البنت دي منك وانت كل مره كنت بتضحك عليا وتقولي كل علاقتك بيها شغل بس وانا كنت هبله وبصدقك ..دلوقتي افتح الانستجرام بالصدفه الاقيها منزله صورتك انت وهي بتتعشو سوا لوحدكم ؟ دا اسمه ايه

ادم بعصبيه/مفيش حاجه من ال بتقوليها دي حصلت اساسا ..واحنا مكناش لوحدنا انتي فاهمه غلط

احلام مسحت دموعها/ادم طلقني

ادم /

ادم بصلها ومش مصدق انها بتقول كلمه كبيره زي دي فمشكله تافهه زي دي

احلام بدموع/انا قولت لك وحذرتك قبل كدا كتير الحاجه الوحيده ال مقدرش استحملها وهتخرب البيت دا هو انك تخوني

ادم فتح لها موبايله يوريها الصور

ادم/انا مكنتش بتعشي مع حد لوحدي.. دا كان عشا عمل وكان وفي وفد إيطالي والسكرتيره كانت معانا علشان تترجم ..فراس كمان كان معايا

احلام شافت الصور وكان فعلا ادم وفراس وحنين والوفد الإيطالي متجمعين وبيمضو ورق والوفد الإيطالي بيحب يصور اللحظات ال زي دي وتقريبا كدا حنين قصت الصوره ليها هي وادم بس عن قصد

ادم/لو مش مصدقه الصور كمان تقدري تكلمي فراس تسأليه اذا كان معانا ولالا

احلام بدموع/ادم انا ا

ادم اخد تليفونها منها وطلع من الاوضه ورزع الباب بغضب وطلع من الكومباوند كله

بعد ساعتين

احلام فضلت طول الساعتين دول بتحاول تتصل ب ادم وهي بتعيط بس ادم مبيردش عليها وندمت علشان شكت في وقالت له كلمه كبيره زي كلمه طلقني..هي مش قادره تستحمل بعده عنها ساعتين بس ازاي عايزه تطلق وتبعد عنه طول العمر!

احلام طلعت من الحمام بعد ما خدت شاور وغيرت هدومها وحاولت ترن ع ادم تاني بس مردش برضو

احلي مسحت دموعها ونزلت تحت ل طارق ال كان قاعد بيلعب مع ياسين

والبنات قاعدين مع دادا رحمه ع السفرا بيشربو اللبن

احلام/اونكل هو ادم لسه مرجعش؟

طارق/لا ي حبيبتي لسه

احلام/طب هو مكلمش حضرتك خالص؟

طارق/هو كلمني من شويه يطمن عليكي انتي والولاد وقولت له انكم بخير وقفل بس

احلام/

طارق/انتو اتخانقتو سوا؟ لما رجع من الشغل من ساعتين طلع برا البيت تاني وباين عليه متضايق حتي لما ندهت عليه اشوفه ماله تقريبا مسمعنيش

احلام اتنهدت بزعل

احلام/لا ي اونكل متقلقش مفيش حاجه احنا كويسين ..هاخد البنات وياسين انيمهم علشان وقت نمهم جه

طارق /ماشي ي حبيبتي..ربنا يهدي سركم يارب..انتو محسودين والله انا عارف انتو مبتتخانقوش كتير بس لما بتتخانقو بتبقي عين

احلام اتنهدت وراحت للبنات وياسين

احلام/لو خلصتو شرب اللبن يلا قومو علشان دا وقت النوم

فريده/حاضر

ياسين/انا لسه عايز العب شويه ي ماما

احلام ابتسمت وباست خده/تبقي تلعب بكره علشان عندكم حضانه الصبح بدري

ياسين/ماشي

وسابو كوبايات اللبن الفاضيه

وطلعو مع احلام

ودادا رحمه شالت الكوبايات تدخلها المضبخ

عند احلام نيمت البنات ف اوضتهم

وبعدها نيمت ياسين ف اوضته

بعد شويه ف اوضه احلام

احلام نايمه ع السرير بس صاحيه مستنيه ادم يرجع بس هي عارفه انه هيبات برا..دي هتبقي اول مره من سنين ادم يبات فيها بعيد عن حضنها علشان زعل منها ع الكلمه ال قالتها ..حتي وهي ال غلطانه مهنش عليه يمشي من غير ما يبرر لها ويطمنها انه مكنش مع حنين ف مكان لوحدهم وانها فاهمه غلط ..علشان يريح بالها

فجأه ياسين فتح باب الغرفه واحلام مسحت دموعها بسرعه

احلام/ايه دا ي ياسو ايه ال صحاك تاني ..انا مش لسه منيماك

ياسين دخل /احلام احكيلي story

احلام ابتسمت/دا انا اتهريت stories النهارده وبرضو صحيت..تعالي

ياسين بابتسامه حاول يطلع ع السرير واحلام ساعدته يطلع وخدته ف حضنها وباست خده

احلام/عايز story عن ايه بقي

ياسين/اي حاجه

احلام ابتسمت وباست خده/حاضر..بس هتنام بعدها ع طول

ياسين/لا هنام بعدها ي شويه صغننين

احلام/لا مفيش شويه صغننين هننام بعدها ع طول

ياسين/ماشي حاضر

احلام ابتسمت وباست راسه

وبدأت تحكي له حدوته

وياسين نام ف حضنها واحلام باست راسه و جابت الموبايل من جمب ياسين براحه تشوف اي رساله او مكالمه من ادم تطمن عليه بس ملقتش اي حاجه..احلام اتنهدت ودمعت

في اليوم التاني صباحا

ادم رجع الكومباوند ودخل اوضته وهو واحلام بعد ما اتطمن ع طارق واتطمن ع البنات ال نايمين ف اوضتهم وباسهم

ادم دخل الغرفه لقي احلام نايمه ع السرير و ياسين نايم ف حضنها

ادم قرب منهم وباس راس احلام و مسح دموعها ال لسه ع خدها وباس خدها

وباس راس ياسين

ودخل الحمام ياخد شاور ويغير هدومه وطلع من الحمام وبعدين طلع من الغرفه

احلام صحيت من النوم وبصت حواليها ملقتش ادم موجود مع انها حست بوجوده قريب منها

احلام اتنهدت وبصت ف الساعه وبدأت تصحي ياسين

احلام /ياسين ..ياسو حبيبي

ياسين/

احلام/يلا علشان تروح الحضانه

ياسين وهو نايم/كمان شويه

احلام باست خده/لا مفيش شويه كدا هتتاخر

الباب خبط

احلام/ادخل

دادا رحمه دخلت بابتسامه/ايه دا ياسين لسه نايم..يلا علشان يروح الحضانه مع اخواته

احلام/ياسين سمعت دادا رحمه قالت ايه..اخواتك هيمشو ع الحضانه ويسيبوك

ياسين قام بسرعه/لا انا عايز اروح معاهم

دادا رحمه ابتسمت/يلا اجري اغير لك هدومك بسرعه

ياسين قام من ع السرير وراح ل دادا رحمه

احلام /البنات صحيو؟

دادا رحمه/اه ادم بيه صحاهم علشان الحضانه وراح اوضة مكتبه يشتغل

احلام/ايه؟هو ادم رجع

دادا رحمه ابتسمت/ايوا رجع من نص ساعه كدا..عن اذنك هلبس ياسين

وخدت ياسين ومشيو

احلام قامت من ع السرير وطلعت من الاوضه وراحت اوضه مكتب ادم

وادم كان واقف بيشوف الملف ال ع المكتب ال هياخده معاه الشركه

احلام بصت ل ادم بدموع وراحت حضنته وادم حضنها بقوه وباس راسها

احلام بتعيط/انا اسفه ي ادم..والله العظيم اخر مره اقول كدا تاني

ادم بيملس ع شعرها بحنان بيهديها

احلام طلعت من حضنه بدموع

احلام/قول حاجه ي ادم متفضلش ساكت علشان خاطري..انا عارفه ان انا غلطت وانت زعلان مني بس اتعصب عليا وزعقلي زي ما انت عايز بس متزعلش مني وتسبني علشان خاطري

ادم بيمسح لها دموعها ومسك وشها ب ايده

ادم/انا زعلت منك بطريقه انتي مش متخيلاها ..ال بينا بالنسبه لك تافهه للدرجه دي؟الحصل دا يستاهل الكلمه ال قولتيها دي

احلام بدموع هزت راسها ب لاء

ادم/علشان موقف فهمتيه غلط تقولي لي طلقني؟

احلام بدموع/انا اسفه..انا مش هقول كدا تاني والله بس متزعلش مني علشان خاطري

ادم مسح لها دموعها وباس شفايفها وراسها وخدها ف حضنه وباس راسها

ادم/خلاص كفايه دموع انا مش زعلان

احلام بحزن/قول والله ي ادم

ادم طلعها من حضنه وباس شفايفها وخدها

ادم /والله العظيم ي روح قلب ادم...انا مش زعلان خلاص

احلام ابتسمت وحضنته بقوه وادم ابتسم وباس راسها

احلام بزعل/ينفع كدا تسبني لوحدي وتنام برا البيت؟انت عمرك ما عملتها من وقت ما اتجوزنا

ادم باس راسها/مين قالك ان انا نمت اصلا؟هو انا هيجي لي نوم وانتي بعيده عن حضني؟

احلام طلعت من حضنه وبصت له ف عينه

احلام/مهما حصل بينا ي ادم متمشيش وتسبني لوحدي تاني..احنا عمرنا ما نمنا بعيد عن حضن بعض حتي لو كنا زعلانين من بعض ..انا حاسه اني كنت هموت ف الليله دي والله وانت بعيد عني وزعلان مني كدا

ادم مسك وشها ب ايده وباس شفايفها /بعد الشر عليكي.. اوعي تقولي كدا تاني ..انا مقدرش اعيش من غيرك ولا اتنفس من غيرك دقيقه واحده...انا اسف ان انا قسيت عليكي وسبتك لوحدك امبارح بس انتي عارفه عصبيتي عامله ازاي خوفت اتعصب عليكي أو اجرحك ..انا بخاف عليكي من نفسي...انا بحبك وبحب عيالنا وبحب بيتنا ومستحيل افكر اخونك ف حياتي لاني بموت فيكي

احلام ابتسمت بحب/ربنا يخليك ليا

ادم باس شفايفها ورقبتها احلام ابتسمت وكان هيبوسها تاني الباب اتفتح وياسين دخل واحلام بعدت عن ادم بسرعه بخجل

ياسين دخل الاوضه وهو لابس لبس الحضانه بس خالع البنطلون ولابس شورت وماسك علبه ال لانش بوكس ف ايده

ياسين بصلهم وابتسم/انتو بتلعبو؟

ادم/احم..ايه؟ اه

احلام بتوتر/ا اه كنا بنلعب

ياسين/عايز العب معاكم

ادم /ممكن اعرف قلعت البنطلون ليه بعد ما دادا رحمه لبستهولك؟

ياسين/حيان(حران)

احلام ابتسمت/حيان ايه بس هتروح الحضانه كدا

ياسين/ايوا

ادم ابتسم/طب هات بوسه طيب مسلمتش عليا لما صحيت

ياسين ابتسم وراح له وادم شاله ف حضنه وباس خده وراسه

ياسين/ادم وديني انت الحضانه

ادم/ما انت هتروح مع دادا رحمه واخواتك والسواق هيوصلكم زي كل يوم

ياسين/لا انت وديني

ادم ابتسم/ماشي أمري لله هوديكم كلكم قبل ما اروح الشركه

احلام ابتسمت وادم شدها من وسطها قربها ل حضنه وباس راسها واحلام ابتسمت وباست خد ادم وخد ياسين

باك

احلام/وبس ..بباكم علمني الادب ف اليوم دا ومن وقتها مهما حصل بينها مشاكل عمري ف حياتي ما فكرت انطق كلمت طلاق دي..وكمان السكرتيرة ال كان وجودها مضايقني دي نقلها فرع تاني بعيد عنه

فريده ابتسمت/اصلا ي مامي انتي مهما عملتي ادم مستحيل يفكر يطلقك علشان كلنا عارفين انه بيموت فيكي اصلا مش احنا بس اي حد عارفك انتي وبابي عارف انه بيموت فيكي وميقدرش يستغني عنك

ميرا ابتسمت/ايوا احنا بنتعلم الحب منكم اصلا. يارب الاقي حد يحبني نص الحب ال ادم بيحبهولك دا

احلام ابتسمت/ان شاء الله هتلاقو رجاله تحبكم وتبقي حنينه عليكم زي ادم كدا ب الضبط وكدا كدا متخافوش بباكم مش هيجوزكم لحد الا لما يبقي متأكد مليون ف الميه انه بيحبكم ومستعد يضحي ب حياته علشانكم

رولا ابتسمت

ميرا نفضت ايدها من الرز/هستاذن انا بقي اغسل ايدي وانام شويه لحد ما الاكل يجهز وبعدين نلبس علشان حفله بليل..فريده هتيجي معايا انا ورولا؟

فريده/لالا روحو انتو انا بعد ما ناكل هسهر ع تصاميم اخلصها

ميرا راحت الحمام تغسل ايدها

رولا/متبقيش بايخه وتعالي معانا

فريده/مره تانيه ان شاءالله هاجي معاكم والله اعذروني المره دي

وقامت وباست خد رولا وراحت الحمام تغسل ايدها

احلام ابتسمت وبصت ل رولا/احم... ي تري سيف هيجي معاكم الحفله دي؟

رولا/سيف؟ايه علاقه سيف يجي معانا ليه

احلام ابتسمت بخبث/يعني انتي مش ملاحظه زيي ان سيف زي ما يكون معجب بيكي؟

رولا بتوتر/ايه الكلام ال انتي بتقولي دا ي احلام اكيد مفيش الكلام دا

وقامت من ع الكرسي

احلام ابتسمت/اه يبقي انا فهمت غلط بقي

رولا/انا مليش اي علاقه ب الشاب ال اسمه سيف دا انا اصلا مبطقهوش وانا وهو مينفعش نتجمع ف جمله واحده اساسا

احلام ابتسمت/لدرجه دي يعني

رولا /هروح اغسل ايدي ف الحمام التاني ..مش عارفه اقولك ايه ي مامي بجد

احلام ابتسمت/خلاص يعني كان مجرد سوال مفيش داعي للانفعال دا كله

رولا /اصل ل تاني مره تسأليني ف الحوار دا وا

وراحت الحمام التاني وهي بتبرطم واحلام ابتسمت

رولا دخلت الحمام ووقفت تفتكر سيف لما كان بيواسيها ف الجنينه لما كانت بتعيط

وافتكرت لما الحرامي سرق السلسله بتاعتها وركع تحت رجليها يمسك ايدها ويهديها

رولا ابتسمت وبعدين رجعت ل وعيها بسرعه

رولا/ايه الهبل دا..لالا ي رولا ارجعي ل وعيك

وفتحت الحنفيه بسرعه تغسل ايدها

الفصل