طلع علاء وسد الباب ورى اني ما جنت اشوف بعيوني من كمية العصبية ودي اگتلة بدية واشرب من دمة ابد ما اتوقعت هيج راح اصير ردت فعلي الى ان صاح بابة بصوت عالي
- رغد ما اسمع صوتج؟
- عندي شغل ...
- يعني حجي منار صحيح ؟؟
- اها فهمت والله يا منار انتي وحسين اذا ما خليت حياتج سودة ما اطلع رغد هل الكلبة بنت ست الف كلب.
اجاني راجدي من ابوي... لاول مرة بحياتة ايمد ايدة علية بابة عمرة ما صيح علية اليوم ما اعرف شنو گايلتلة منار وهيج كارهني.
- بابة تضربني علمود منار؟!!
- اضربج واكسر راسج لان اني ما ربيتج عدل هسة اعيد تربيتج.
- ههههههههه فهمت اذا علمود قيصر فالمفروض مو تضربني راجدي المفروض تكتلني خلاص وتخلص من عارك .
- قيصر: ابو رغد انت فاهم الموضوع غلط..
- رغد: انت صوتك ما اسمعة لان اينرفزني و بابة أي شي ما فاهمة غلط اني سويت ويا هذا الساقط علاقة سنتين ونص تقريباً وطول الفترة الي جنت بيهة بغداد ولهذا السبب ارفض الزواج لان وحدة عديمة شرف بنت لليل اني مو مال زواج مو صحيح قيصر؟؟
- قيصر: كمال مو هيج الحجي قسم برب العباد ما مديت ايدي عليهة اله وهية على ذمتي و رغد اشرف من الشرف نفسة و لا حبيت قبلهة ولا بعدة راح احب.
- كمال: اريد احد يشرحلي الموضوع لا اثنينكم اكتلكم واگول غسل عار.
- رغد : اكتلني وخلصني من الدنية تعبت من كلشي وجان بس انت همي واعتقد اليوم خسرتك فاذا ما تكتلني اني راح اكتل روحي.
- قيصر: كمال رغد ماله أي دخل بالموضوع اني السبب كلشي هية ضحية...
- رغد: اسسسسسكت صوتك اينرفزني لا اسوي روحك طيب .
- كمال: رغد اذا اسمع كلمة وحدة منج لا انتي بنتي ولا اعرفج احجي استاذ قيصر!!
- قيصر: شفت رغد بالمحكمة مال منار جانت شاهدة اذا تذكر؟
- أي اذكر.
- قيصر: عجبتني كلش وگلت لان البنية حلوة الله يستر عليهة وبعد فترة شفتة بالسنتر وانت جنت وياهة وهم ما طلعت من راسي عرفتهة على ودع وگدرت اعرف عنهة اشياء من خلال ودع الى ان حبيتة وصار كل تفكيري بيهة بس المشكلة برغد جانت رافضتني بصورة تامة فضطريت اجبرهة على الزواج مني ...
- رغد بصوت مبحوح: گولة اشلون جبرتني؟!
- قيصر: أي اگول ... سجنت عادل وهددتهة بية بس رغد ما اهتمت فهددتهة بمنار صديقتهة و بيكم ...
- كمال: ما فهمت؟
- قيصر: انطيتهة مستمسكات قضيت عادل وانو هية كلهة تلفيق وجانت قضيت مخدرات واذا ما تقبل تزوجني راح اسوي نفس الشي بمنار صديقتهة رغد جانت كلش اتحبهة وهم راح الفق القضية الك اني متأكد انو هية راح اتوافق علمودكم وافقت رغد بالزواج مني ..
- ليمتة ازوجتو؟
- قيصر: قبل ما يطلع عادل بسبوع وقبل ما اسافر بشهر تقريباً... انطيت روحي ولرغد فرصة للتعارف..
- رغد: قصدك ضحكت علية وهمتني انو انت اتحبني.
- قيصر: رغد اني صدگ حبيتج بس خليني اشرحلج.
- رغد: ما اريد اسمع منك ولا كلمت تبرير لان انت كل حجيك جذب ومن الاساس اني بداخلي ماكو أي شي اتجاهك ماعدة الكراهية والحقد فياريت وجهك ما اشوفة مرة ثانية ما اطيقك اني اكرهك .
- كمال : انتي مو ابكيفج تختارين بعد اذا يطلع من حياتج او يبقة بعد سواد الوجه الي سويتي اني مراح الومج بعد لان اني دفعتي ثمن غلطج بخسارة اعز الناس عليج ويا رغد اني ما گايلهة الج من قبل بس بسببج امج و حمد ماتو لو انتي امأجلة سفرتج جان رحنة وراهة بيوم ومباشرة للبصرة بس انتي رفضتي اتعوفين شغلج او بالاحرة انتي كرهتي العراق وفكرة السفر الة و حمد رفض نضغط عليج گال اني احجي وياهة واقنعهة وعلمودي تقبل وانتي فشلتي برفضج حمد جان ودة اتكونين موجودة بالخطبة .
- رغد: حلفت من طلعت من العراق بعد ما ارجعلة الة اذا مضطرة وسبب انت... اني ادري همة ماتو بسببي ما يحتاج اتگلي اني جسد بلة روح .
- كمال: تستاهلين كل الي صار وياج وانت يا قيصر مشكور على الي سويتة بية وعلى الثقة الي انطيتهة الكم انت و ودع حسبتهة مثل بنت الي طلعت هية مرسال الغرام الي بينكم..
- رغد : ودع مالهة غرض هية من البداية حذرتني وما قبلت بالعلاقة ولا جانت تدري بطريقة زواجنة.
- كمال: قيصر شنو حلك بهذا الموضوع مو انت قاضي والمفروض تعرف العدل.
- قيصر: اني مستعد اسوي أي شي علمود رغد و سمعتهة .
- كمال: ترجع تزوجهة وبشكل علني.
- رغد : مستحيل اقبل ارجعلة اموت روحي احسن الي انت مو بكيفكم.
- كمال: غصب عليج راح تزوجي هم الج وجه وتحجين .
- رغد : اني احب نوار وراح ازوجة انت لا تدخل.
- كمال : شنو راح اتگولين لنوار ست رغد اني مزوجة بالسر قبلك لو راح اتگولية اني بنت ليل لو شنو العذر الي ضامتة؟ ما فكرتي من خطيتي هيج خطوة .
- قيصر: رغد ما اجبرج على شي اذا انتي ما تريديني اتگدرين اسافرين بعد المهر.
- رغد : انت شنو صنفك من البشر اگلك ما اريدك اتگلي نمهر !!
- كمال : قيصر باجر جيب الشيخ وخلينة نمهر لان راح نرجع بعد اربع ايام.
ما اتحملت حجي ابوي والحقير قيصر امسوي روحة فقير النذل يحلم ارجعلة اخر شي بابة گال للحقير جيب شيخ خلي نمهر باجر اخذت جنطتي وطلعت من الاستقبال صعدت ركض لغرفت ودع لميت كم شغلة بجنطة اصغيرة واخذت افلوس وبثواني وفتحتت الباب وصارت ودع بوجهي
- خير رغد شنو صاير اشبيج تبجين؟
- سألي اخوج الشفية .
وخرتهة و طلعت بابة صاحلي ما رديت علية اجرت تكسي ورحت لفندق اخذتلي حبوب مهدئة وقفلت التليفون ,
ثاني يوم رحت للشغل بس صوتي مبحوح وعيوني مورمة من البجي الليل كلة ما نمت بس ابجي على حضي لو ما اخاف من الله جان انتحرت من زمان على كميت القهر والهم الي اشوفة كل يوم بحياتي بديت اشتغل بفايلات الموضفين من لساعة 8 الى الاربعة جرة وحدة بدون انقطاع بس الشغل ايلهيني عن المشاكل الي اني بيهة باوعت على الساعة بالاربعة وخلص كلشي وين اروح هسة وين انطي وجهي اجرت تكسي وجعت للفندق طلبت منهم سيارة اتوديني للنجف اذا ما ععندي احد بالبصرة احسن شي اروح لامي اشكيهلة همي وصلت للنجف حوالي 3 الفجر رحت ابو السيارة اجرلي فندق قريب من الحضرة سبحت ونزلت للسوگ اشتريت عباية ودخلت للامام انشرح نفسي واني بحضرت الامام علي بس ابجي الى ان صارت صلاة الفجر صليت جماعة وخلصت الصلاة انتجيت على حايط بحرم ونمت من گد ما بجيت شفت امي بالحلم اتمسح على راسي واني بحضنهة جن اگلهة
- يمة تعبت اخذيني يمج.
- رغد انتي قوية تگدرين اتحلين مشاكلج .
- ما اريد ارجعلة وبابة جابرني.
- ابوج ايفكر بمصلحتچ.
- يمة مشتاقتلج انتي وحمد.
گعدتني مرة وهية تحجي وياي
- يا زايرة ما ايصير اتنامين اهنا .
- اسفة ما انتبهت على روحي.
بعدهة رحت للمگبرة خويت من البجي ورجعت من صارت الدنية ضهر دخلت للفندق سبحت وبدلت وطلعت التليفون من الجنطة لان ما مافاتحتة من المشكلة كنكت والاشعارات احترگت علية فتحتت الواتساب لگيت رسائل من نوار كلش هواي ومن بابة ومن ودع والبقية شغل فتحت رسائل نوار يسال علية وليش مختفية واثناء ما اقرة اتصل بية واني ما بية احجي نهائباً رفضتة كتبتلة اني طالعة وية العائلة ما گدر اجاوب بس اكتب كتبلي
- رغد مشتاگلك امتة بترجعين؟
- ما اعرف الوضع اهنا كلش متوتر بصراحة بس الشغل مالتي خلص تگدر اطمن والدك .
- الشغل ما بيهمني وش صاير معاج؟
- نوار تعبانة هسة بعدين احجي وياك.
- على راحتك مع السلامة.
فتحت رسائل ودع موديتلي بصمت صوت اتگول بيهة رغد لازم ترجعين ابوج من طلعتي اتخربط ودينا للمستشفى وحالتة مو مستقرة )
ضاليت مصطكة بمكاني اخاف اتصل عليهم وايگولون مات وهم ابسبب اعنادي وكبريائي راح اخسر ابوي لا يا رب والله اسوي أي شي بس علود يرضة بس لا ايموت دگيت على ودع رفعتة .
- الوو ودع بابة اشلونة؟؟
- الحمد لله جبنا للبيت بس بعدة تعبان خطية ويسأل عليج ولج حسبالنة متي يومين مختفية وين انتي؟
- اني بالنجف اشوي وارجع للبصرة طمني ابوي علية كوليلة الي ايريدة ايصير بس لا ينقهر.
- رغد شنو الموضوع عمو ليش اتعارك وياج وقيصر شنو دخلة؟
- ابوي عرف كلشي من منار و انتفقو هو وقيصر انو نرجع نزوج اني رفضت وطلعت من البيت والباقي اتعرفي.
- يعني انتي بهل كلمات وافقتي على الزواج من قيصر؟
- أي علمود لا اقهر ابوي ما مستعدة اخسرة مثل امي وحمد .
- لا تشاقين رغد لا اتغلطين من جديد ولنفس السبب ترة قيصر عاشرتي وعرفتي اكبر مصلحجي.
- امري لله مع السلامة ودع ارد الم غراضي علمود ارجع.
- مع السلامة.
رجعت للبصرة اول ما دخلت اتگتني خالة ام علاء يمة رغد خفت عليج حمدلله على سلامتج
- الله ايسلمج خالة.
- علاء: ولج بوية كلت صار بيهة شي وين جنتي؟
- رغد : اسفة قلقتكم جنت بالنجف زرت امي و حمد.. بابة وين؟
- علاء : بغرفت الحجي روحيلة تعبان.
دگيت الباب ودخلت شفتة متمدد ومتغطي حسبالي نايم سديت الباب وگعدت يم رجلية وبس ابجي اني سبب كلشي اني السبب يارب موتني وخلصني من هاي الدنيا .
- رغد اجيتي؟
ادنيت يم راسة وبستة
- بابة اسفة تعبتك وقهرتك بعد ما عيدهة وكلشي اتريدة اني قابلة بس لا تنقهر.
- تعالي گعديني ...
گعتة حط ايد على ايدي
- بوية اني من ارد ازوجج من قيصر علمود ادبج بس على الاقل اصيريين مطلقة بصورة رسمية احسن من هذا الحال مالج وحتة نوار ايجوز اتگدرين تاخذي بعدين..
- بابة وين اكو واحد يقبل يزوجني بعد اصلاً بعد ما ايهمني شي لا نوار ولا قيصر بس ياريت تحجي وية من يوم طلعت.
- رغد بوية انطي فرصة ثانية لقيصر ترة ايحبج سولفلي على كلشي هوة .
- بابة لا اصدگ بي قيصر اكبر جذاب و حقير اتعس ايام حياتي هو سببهم الله لا ايوفقة .
- انتي حبيتي؟
- للاسف حبيتة وضحيت بكلشي علمودة بابة جان ايعاملني بسلوب حقير ورغم كل الضروف اتحملت و گلت اصبر قيصر ايحبني بس ضروفة ما تتحمل يعلن عن زواجنة ... بابة ما اريد اذكر بعد اسفة
- صدگ جهضتي طفل ؟
- جانت اكثر فرحة الي هية من عرفت روحي حامل طرت من الفرح بوقتهة علاقتي وية قيصر كلش زينة گلت شي اكيد من يعرف اني حامل راح يعترف بزواجنة بس قيصر بكل برود گالي ما اگدر اعترف بالطفل لازم اجهضي گتلة عندي استعداد اختفي الى ان تنتهي الانتخابات وبعدهة انگول جنة مزوجين ونشرح لهلنة قيصر رفض نهائياً موضوع الطفل وحتة من اجهضتة ما جان موجود هو بس ودالي بيد زلمة دوة گالي شربي بساعتهة شكيت بحب قيصر وهاي اول صدمة بي ومن ورة هل الحادث ادهورت علاقتي بي بعدهة اكتشفت مرتة حامل وبنفس فترت حملي هاي جانت اخر ايام علاقتنة ..بابة خلي انروح لفندق ما مرتاحة هنا كلش .
- باجر انشوف انتي روحي ارتاحي و الصباح رباح.
- باجر اطلع من الصبح خاف ما اشوفني وانت احجي وية قيصر واحتمال ما ارجع.
- وين تروحين؟
- عازمني عادل ومرتة ومن ارجع اروح لفندق ما تحمل واحد يسألني بموضوع الخطبة.
- بابة عائلتهم مو مثلنة ام علاء وابو اكلو وجهي ليش اتخلي بنتك تطلع وحدهة وابكيفهة.
- انت دبرهة منا الباجر وبعدين اني محتاجة مكان اشتغل بي راح يبدون ايودولي ايميلات واني اراجهم اهنا السالفة واگفة .
- من اتصل بيج ردي .
- اوكي تصبح على خير.
صعدت لغرفة ودع هية جانت جوة فتحت الجنطة لان ما دام اني بقلق ما انام وجسمي كلش تعبان امد ايدي واني ارجف لان ممنو اشرب حبوب منوم واذا ما اشرب ما انام طبعاً نهاية الصراع شربت وهاي ثاني انتكاسة الي اول وحدة من ماتو اهلي وهسة هاي ثاني مرة
( للي مايعرف معنى الانتكاسة هية كلمة يطلقهوهة للمدمنين من ايبطلون ويرجعون للادمان مرة ثانية وبيهة هواي شرح بس هذا مختصر ههههه)
وبيهة هواي شرح بس هذا مختصر ههههه)
نزعت اهدومي واتمددت على الجرباية وعيوني احسهم وحدهم تنسد سمعت الباب انفتح وبعدهة ما حسيت بشي تليفوني ما فتحت اعيوني الة على دگت التلفون رفعتة
- الوو صباح الخير عادل...
- صباحيش بس لا بعدج نايمة؟؟
- بيش الساعة؟
- 12!!
- افففف بس ابدل اجي .
- لا تتريگين فد مرة اتغدي.
- انشالله وابشرك ما ماكلة طول اليومين الفاتو ميتة جوع.
- ابسرعة تعالي .
طبيت ذبيت على روحي ماي بسرعة لان الصداع فضيع عندي بدلت بسرعة ونزلت لگيتهم كلهم جوة وحتة قيصر الي بدخلتي ابتسم بوجهي جان ودي ارگعة بالتاوة الي على الطباخ ياخي حس ما طايقتك ..
- الكل : صباح الخير .
- رغد: صباح النور.
- بابة: طالعة ؟
- رغد: أي بابة وكلش متأخرة اخذتني النومة.
- علاء: اخذي سيارتي اذا مستعجلة.
- رغد : تسلم عمو بس ما اشوف شي حالين عيوني مغوشة اسوي حادث اذا اسوق.
- علاء: ليش خاف مريضة؟
- رغد: لا اشوي تعبانة.
بابة گام و جرني من ايدي واخذني على صفحة
- رغد رجعتي اشربين ادوية.
- لا بابة بس تعبانة.
- يا تعب من 12 نايمة ل12 الضهر وانتي بس ساعتين اتنامين وشوفي الرجفة الي بديج و غواش عيونج هاي اعراض اتنكاسة..
- بابة عوفني الله ايخليك والله الي بية امكفيني كافي دعوفوني .
- مو گلتي بطلت ...
- سد الطاري منا ناس مع السلامة.
رجعت للادمان يارب سامحني كل مرة اگول هذي اخر مرة بس ما ايفيد
- ابو التكسي : خوية وين البيت بالضبط .
- لحضة اخابرهم نسيت خوية.
وصف عادل وصلت الهم اتغديت وعادل هوة ومرتة ايشاقوني علمود اغير مزاجي و اصدك اتغير اشوي.....
///////////////////////////
مو تنسون التعليقات والنجمة والي ما امتابعني ايتابعني رجاءاً ترة ابجي ههههه
EN.Zahraa
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!