رواية القاضي و الشاهدة الفصل الثامن 8 - بقلم شامخ

سمعت طگطگة بالمطبخ اتقربت على كيف وفتحت الباب طليت مصنم بمكاني من الشفتة لگيت رغد حاطة السماعات بأذنهة وجاي اسوي عشة ومندمجة وية الاغنية وشعرهة فاتحتة الواضح استوهة طالعة من الحمام لان شكلة رطب ولابسة تراك حصر امبين كل ملامح جسمهة اني صَـَـَـَـَـَ(✓)ـِـًـِــِـًـِـح اجي الهة للبيت بس مشايفهة بلة حجاب رغد كلة تلبس حجاب گبالي ظليت من بعيد اباوع بدون ما تحس شوصف بيهة جسمهة الچنة ثلج لو حصرهة لو شعرهة الواصل للخصر واسود مثل الفحم انوب شنو اتغني (انا بعشگ انا انا كلي الك انا) ولج اني الاعشگچ واموت بيچ
اول مرة اسمع صوتهة اشگد حلو دخلت وگعدت على الميز مال طعام وهية واگفة على الطباخ ومندمجة واني مجرد النضر الهة ايجيب السعادة بس من دارت وشافتني گمزت گمزة الة اشوية جا وگف گلبهة ركضت اهديهة ولج شفتي جني
- قيصر !!!
- اي قابل شبح قيصر.
رادت تطلع بس لزمت ايدهة وگلتهة وين؟؟
- اروح ابدل هدومي والبس حجاب.
- رغد والله مو حرام اني رجلچ ترة هسة آنتي حارمتني منچ عاد خليني بس اباوع ولج اول مرة اشوفچ هيج .
- قيصر نضراتك كلش مو مريحة .
- آنتي ولا صوچچ اني جاي من البصرة ليهنا بس علمود اشوفچ و آنتي بالقابل استقبال براسة خير ماكو اروح اگعد فندق احسن الي .

عفتهة وردت اطلع وجان تركض وراي تشبگني من ضهري اني اصنمت بمكاني رغد هاي لو جاي احلم وينك يا علي وتنهدي والله يفرجهة علينة الليلة... واتقاطع افكاري بصوتهة
- اسفة قيصر والله ما منتبهة انت گمزتني وهيج اصرفت وياك لا اتروح.

على وگفتي احجي وياهة اني وليش بلة زحمة ما اروح شعندي باقي هنا اشو مرتي ما تريدني وهم قبلت وامخلصتهة علية بجاب وعوزهة بس تلبس عباية .
- ما البس حجاب بعد البس اتراكات بعد شنو اتريد .

درت عليهة چان اكو ميز احذية شلتهة وحطيتهة علية علمود اصير بطولي مديت ايدي على خصل شعرهة العب بيهم وهية وجهة ما يتفسر من الخجل ظليت اتمعن بملامحهة والله شكلهة يختلف بلة حجاب
- قيصر لا اتباوعلي هيج .
- اليوم ابات هنا .
- ٱوكي خلي احضرلك الحمام
ارد اشرد منة محاوطني ثنين ادية وجهة بوجهي والله احس وجهي گب نار من الخجل وهوة گصني گص  .
- وين رايحة.
- قيصر وخر .
- رغد ليمتة اتحسين بية والله حرام عليچ ترة اريدچ فهمي .
- انت مو گلت ما اجبرچ على شي اصبر علية شوي .
- يعني اشگد اشوي ؟
- ما اعرف بس ما مستعدة على هذا الشي هسة ابد .
- آنتي اشكين بحبي الج؟
- لا مو هيج الموضوع بس زواجنة حتة ما مصدق بالمحكمة و غير رسمي يعني اكو اسباب هواي اتخوف بي من اباوع بعيونك اطمن بس گلبي يگرصنياحس بعدين راح اتعوفني و ساعتهة راح اخسر كلشي گلبي الي ينكسر و اني راح اكسر روحي .
- ما انكر هسة مستحيل اصدق عقد زواجنة بالمحكمة لان ما اريد اي احد يدري بس مجرد اتخلص الانتخابات التجي اني راح اعلن زواجنة بشكل رسمي و ما راح اخاف.
- الانتخابات بعد ٣ سنوات ايجوز ايصير بينة مشاكل واتعوفني ؟
- آنتي عمرج مراح اتحبيني مثل ما اني احبچ ماشي بس راح اشبهلج شي آنتي بالنسبة الي مثل الهوة يعني اني اگدر ما اتنفس .
- العشة نسيتة على النار ...

دفعتة وخرت لان لو باقية اكثر چان انطيتة كلشي اعترف احبة        ودي اسوي الي ايريدة بس اخاف ما اعرف من شنو واتحجج بـاي شي بعدين هذا قيصر اشو صار جريئة هاي الايام مو مثل البداية خرب حضي خاف ايمل وايعوفني واني اتعلقت لا ما معقولةهوة ايحبني اكيد مراح ايعوفني ...
كملت العشة وصبيتة قيصر راح يسبح رحت للغرفة علمود اصيحة لگيتة ايمشط وبطرگ الخاولي درت وجهي بسرعة وگتلة صبيت عشة ما تتعشة ؟
كالي جاي .
رديت علية راح تجي هيج ؟
- اي .
- لا طبعاً ما تجي هيچ .
- ماعندي هدوم وخاف على ملابسي تتلف .
- عندي تراك رجالي .
- من ويلج اتراك ؟
- هيج واني اشتري هدوم عجبني اشتريتة الك بس ايجوز ما ايكفيلك ...رحت طلعتة من الكنتور واني دايرة وجهي منة انطيتة الة وطلعت .

قيصر : تعبتني من هل بنية والله واخاف يخلص صبري وياهة بس ميخاف  اتحمل علمود عشگي هية گالت اشويت وقت دخلت اسبح وطلعت انتبهت ما عندي هدوم وما اگدر ابقة بقاطي خاف يتوصخ لفيت الخاولي علية وطلعت امشط حطيت من ريحتهة اويلي اشگد احب ريحتهة واني احطهة اتخيل هية تشبگني  واني صافن واتخيل دخلت رغد وخجلت ودارت وجهة بسرعة ضحكت علية بداخلي گالتي على العشة ودت علية جاي هية ما قبلت لان مالابس هدوم گتلهة ماعندي هدوم گالت عندي اتراك رجالي من هيچ گالت احس نار گبت بية شسوي بتراك رجالي عدهة بس ما ردت احكم مقدمة فسالتهة ردت هية مشتريتة الي شسولف على فرحتي معقولة تشتريلي شي يعني تذكرني مو مثل جنان البومة اتروح اسافر بجداحة ما تذكرني كبر طمهة واخلص منهة .
لبستة جاي فيت علية وايخبل ذوقهة حلو والله رشيت علية من ريحتهة ونزلت لگيتهة بعدهة منتضرتني ما ماكلة گعدت على الميز هية گالت
- كفالك ؟
- فيت علية .
- عجبك ؟
- ايخبل انطيچ فلوس واشتريلي بعد منهم حلوات ومريحات.
- ما اشتريلك .
- ليش؟
- وين اتريد تلبسهم عندك واحد تلبسة هنا وانت من جياتك .
- اي ارد اخذهم وياي للبصرة.
- علمود ست جنان تكشخ الگلابية كلش هواي علية .
- يا نعمت الله اتغارين علية !
- لا ما اغار بس اضوج من جنان لا اكثر.
- هـہُہَہَہَــہَہَہَ(ツ)ہَـہَہَہَہَہَهه  والله اتغارين .
- قيصر اتعشة واسكت.
- ماشي وبعدين شعدي جاي الج مكالمة فيديو على الواتساب تفي بالغراض اشو حتة بوسة ماكو .
- يعني بعد ما تجي ؟
- اي ماكو شي ايخليني اجي مرتي ماتريدني عليمن احجي وياهة بالتليفون .
-  على راحتك

رغد: يعني شنو ما يجي ما اتحمل ابعادة والله ماشي قيصر والله اخليك تجي وغصباً عليك خلصنة عشة
وگعدنة نباوع على التلفزيون  على فيلم طالع على MBC ماكس بس الفيلم كلش حزينة نهايتة اتموت البطلة بالاخير والبطل ايظل يبجي عليهة وايظل يفتر بالاماكن الي جانو بيهة واني ما اتحمل خلصتهة بس بجي قيصر ايريد ايسكتني واني اناشغ من البجي .

قيصر : اقترحت على رغد انباوع فيلم على التلفزيون وشفنة فليم استوة طالع سوتنة شامية وگعدت ابصفي هية اتباوع بدايت الفلم كلش حلو واندمجت بصراحة ويا بس بعدين ماتت البطلة بحادث اني انقهرت بس من درت على رغد لگيتهة اتناشغ من البجي انصدمت بيهة ما جنت ادري بيهة هيج تتأثر بلافلام ارد اطفي التلفزيون ما تقبل ما اعرف اضحك لو انقهر عليهة والحمد لله ايخلص الفلم بس رغد دارت علية بعصبية كلة من وراك انت ردتنة انباوع فيلم وشغلتي فلم مأساوي.
ساعتهة ما تحملت طگت بطني من الضحك على شكلهة خشمهة احمررر والعيون مغورگة بالدموع كل هذا علمود فيلم .
- انوب تضحك اروح أَنَــــْامّ احسلي .
- والله مو قصدي بس آنتي شايفة روحچ وجهچ مورم من البجي علمود فيلم هههههه.
-  انت عديم المشاعر اني مو مثلك .
- اسف اسف .
- تـٍّـِْصٌٍـِْـٍْبـٍّζــينٍ ؏ ..{✮ خٍّـٌٍّـٍَْيْـٌٍّرَُ ✮} .

عفتة ورحت للغرفة لان ضوجني فوك ما مشغلي فيلم يلعب النفس يضحك علية .
اتمددت على الجرباية اشو هذا ما بين صراحة خفت عليك بس لا نام بصالة واحتة ما عندة غطة طلعت واخذتلة غطة من الغرفة الثانية لگيتة يحجي بالتليفون وية صخمان لا ومتونس فرت والله فرت من سمعتة يحجي وياهة ايكلهة
~يا جنون باجر راجع وانشالله اسويلج حل لا تقلقين
...طبعاً مشتاقلج ... عندي شغل باجر الصبح اني بالبصرة ... لا ما اگدر امر للبيت عندي شغل بالمحكمة... انشالله من المطار اجيب بعد شنو محتاجة ؟...تدللين وديلي كلشي برسالة .. حبيبتي ديربالج على روحج وعلى بنيتي مع السلامة .
دخلت وشمرت الغطة بوجهة ودخلت للغرفة هوة اجة معصب من الحركة الي سويتة وصرخ
- رغد صَـَـَـَـَـَ(✓)ـِـًـِــِـًـِـح اني منطيج مجال بس مو معناهة تتمادين واشمرين الغطة بوجهي علمود فيلم !! احترمي نفسج لا  اشوفين الماشيفتة بحياتج.

متت من القهر معقولة بس حجت ويا هيج  اتغير علية امسوي روحة ايحبني  الجذاب همزين ما وثقت بي . رديت علية بتحدي
انت حسبالك اخاف من تهديدك الي اذا بيك خير طلع اسوالفك هاي على غيري .
وجهة گب نار ولزمني حيل من ايدي وعصرهة بحيث حسيت اصابيعي خدرو من الوجع وحچة وهو ايهز بجسمي
عرفي اشلون تحجين لا اكسر راسچ.

ما گدر اقاوم نزلت دموعي وعيني بعينة
- انت شنو اتريد مني اذا انت اتحب مرتك ليش تلعب علية والله حرام عليك الي اسوي بية .

قيصر: اتفاجئة من سمعت حجيهة ليش هيج تحجي وادموعهة تذبحني ما اتحمل اشوفهة.
- آنتي اجاي اتمسلتين مليون مرة كتلج احبچ وجنان بس علمود شغلي ازوجتهة.
- كافي جذب قيصر اني سمعت مكالمتك وياهة حبيبتي وجنون ومشتاقلهة اذا انت تشتاق الهة المن تجي هنا .
- اها فهمت السالفة هههههه.
- اني ما حجيت نكتة علمود تضحك.
- يا رغد يا روحي آنتي ليمتة اتفهمين اني من احجي هيج وية جنان بس علمود اخليهة ما اتحس بعلاقتي وياج يعني آنتي يرضيج الي صار بالبطل من ماتت مرتة .. صدگيني اذا عرفت جنان بعلاقتنة اول وحدة اتموت هية آنتي .
- ليش صخمان مالهة رداد .
- للاسف ابوهة وسلطة ما ايخليله رداد آنتي ما تدرين اشكد اني اعاني من حياتي وياهة عمرهة ما اعتبرتني رجل الهة وهذا الشي موتني .
- اتولي هية الخسرانة اكو وحدة عدهة هذا الجمال واتعوفهة.
- اي اكو هواي وحدة منهم آنتي.
- لا يعني اني جاي اجاملك لا تصعد عندك الحماوة وتاخذ الموضع بشكل ثاني.
- هههههه وبعدين وياج يا ام خدود .
- شنو بعدين اگلك اشو انت جلبتلي اتحسسني اني المذنبة لنفرض سويت الي اتريدة واخذت حقوقك الزوجية واني ترة هم الي حقوق عندك وانت قاضي وتعرف هذا الشي هم لازم تعدل بين نسوانك يعني هم اظل اشوفك كل اسبوعين او اكثر  وتجيني ساعات واتروح وين حقي كزوجة!؟.....

En.Zahraa