رواية الكارمــا الفصل التاسع عشر 19 - بقلم آيــه آلـ صبري

الما سهران مرة وياك
الما باجي بوفاة أمك
الما ماشي وراك بطلعتك فد يوم
عجيب شلون الك گرب؟
جنه ابيات شاعر نفترك نخرب!
-أحمد ملاذ

....................

شفتي يبست ايدي ترجف
معقوله الدا اشوفه
هذا عقابي
الله دايعاقبني بهالطريقه
داياخذ حوبه الطفله بهاي الطريقه

بيت طلحه الضلع مال صاله عباره عن زجاج مو بناء
وبداخل بردات بيض شفافه
ظله للولد وظل طلحه مبينات من الزجاج
واكفين سوه

كعدت على الثيل بعد ما مابيه اكوم
دنكت راسي وصرت اشهك
شنو الاخسره بعد نفوذي صحتي وهسه بقت بس حياتي وحياتي دا اخسرها كدام عيني

رفعت راسي للسما

يااااارب اول مره ادعيك وا اطلب منك ياااارب لا تخليني بهالموقف يااااارب

دنكت راسي وماعندي غير شهكاتي الدنيا دارت بيه
وتاخذ حقها مني

طلع طلحه راح لجهه الحمايه يدور عليه عباله شردت ..

من شافني اشر الهم يبتعدون واجي يمشي ب اتجاهي

مسحت دموعي وكفت

_وينج واني ادور عليج

طلحه منو هذا

_يعني شفتي

هزيت راسي ودموعي ينزلن

عافني ودار ظهر دخل جوا
لحكته جريته من ايده

طلحه مووو دا احجيييي

_ادخلي للغرفه لا يسمع

فتح باب غرفته دخلت وياه قفلها واندار عليه

جسمي كُله يرجف يوم عن يوم اخسر صحتي

كعدت على السرير ومخليه ايدي على راسي
وهو يفتر بالغرفه

طلححححه كاافي بس ساااكت كافي داتحركني حرك بسكوتك والله تعبتتت والله

وكفت كدامه وسحبت ايده لزمتها

طلحه كولي لا والله اصدكك حتى لو كذب لا تحرك گلبي

خله عينه بعيوني الكُلهن دموع وسحب ايده

_ ابنه

لاااااااا لااااا تكذذذب عللليه صرت اضرب بصدره وهو لازم ايدي

_كااافي ابنج ابنج

ركضت على الباب اريد افتحه مقفول

سحبني حيل من زندي وخازرني

_وووين

بس اشوفه

_ لا

طلحه بس مره وحده خليني اشوفه
اريدددده اشووفه

لزم فكي ودفعني على الحايط خازرني

_ممنوع ديري بالج تفكرين بي اصلاً

غصباً عنك اشووفه

_اعتبري موتج اذا شافج

نزلت على الارض ابجي وهو واكف مامهتم

بس مره وحده اشوفه طلحه لا تحرك گلبي

فتح دكم القميص ودنك عليه

_من هالحظه لا انتي شايفتني ولا اني شايفج ولا ملتقين باجر الج كُل حريتج يصبح الصبح وين متريدين تروحين روحي

ماااا اروووح مووو بكيفك ماا اروح الا اشوفه

نزع القميص وراح فتح الخزانه طلع اله ملابس
اخذهن وفتح باب الغرفه طلع وقفلها من برا

الساعه كدامي تفتر مر الوقت واني كاعده مكاني ابجي وجسمي متوكف رجفته
شنو المكتوب الي بعد شنو اشوف اكثر حتى اتعذب

ابنييييي صاااير رجااال واني مشايفته
منظره مدايطلع من راسي
معقوله ما يعرفني

اتجهت على السرير مددت ودفنت وجهي بالمخده اضم شهكاتي
منو عندي منووو لا اب لا ام لا اخ لا اخت من اليسمع همي ويسمع شكوتي ...

البعمري عدهن اسره وزوج واطفال يهتمون الهن ويخافون عنهن اني منوو الي كضيت عمرري وحيدي

ما اعرف شلون وشوكت نمت
بس فزيت واحس جسمي حار مشتعل نار اريد اتحرك ما اكدر
افتح عيوني كوه ويرجعن ينسدن
اشوف طلحه كاعده بصفي على السرير ويسوي الي كمادات ويفرك ايدي ورجلي

اريد احجي اريد احرك جسمي ما اكدر
احس شفتي يااابسه متحجره وعطشانه. ..

ما احس الا شالني وباب الحمام مفتوح دخلني للحمام وكفني وايده على خصري

وفتح الدوش ما اكدر اوكف جسمي نار ومايتحرك
حضني ودخلني جوا الدوش

رجع شالني وكعدني على السرير

راسي راح ينفجر عيوني ناار نار ما احس بيهن
كعدني على السري وراح يفتح الخزانه
اني تلقائياً راسي يروح للمخده مابيه اكعد

اجه شايل ملابس ثبتني ب ايده

رفع تشيرتي يريد ينزعه الي
اريد ابعد ايده عني ما اكدر

دار وجهه ورفع التشيرت نزعنياه ولبسني منه
ما باوع عليه ولا اندار ناحيتي ...

وصل للبنطلون ب طارف اصابعه ودايره وجهه وما اعرف شنو يردد بصوت ناصي
ولبسني البجامه ....

تقرب كعد على السرير وخله راسي بحضنه صار يمشطه وينشفه بالمنشفه من المي ويقرا ايات ب اذني ..

رفع راسي شربني العلاج ونومني على المخده
وظل كاعد يمي يسوي كمادات ويقرا ادعيه بصوت ناصي وهدوء ...

نمت من التعب ما كعدت الا من حسيت جسمي عركان ودافي ...

طلحه نايم بصفي حاضني واني دافنه راسي بصدره ...

ابتعدت اباوع عليه مررت ايدي على لحيته الكُلها شيب نزلت دموعي بسرعه مسحتها
بكُلشي يشبهه الا العيون والشكار ياربي بكُلشي الك حكمه ميزته بالوراثه حتى من بعد كل هالسنين اعرفه ...

كمت على حيلي رجعت كعدت خاويه مابيه امشي خطوتين

ناديته

طلحه

بسرعه فز وفتح عيونه عليه

_شلون صرتي البارحه سخنتي الليل كُله وسكرج تخربط

يحجيها وعينه حمر مبين ما نايم

يعرفني

دار وجهه عني وكال

_لا

يعرف اني امه

_لا

صرخت من كل گلبي
ليششش ليشش كُله لا لا لا
رجااال ما يعررف اني امه ابنييي رجااال صاير بطول ابوه وماايعرف منو امه

_ متستحقين تكونين امه

حجاها وفتح باب الغرفه دايطلع
اني كوه عليه جبرت نفسي امشي ورا ما اريد ابقى مستسلمه اله

وصلت للباب وعيوني غوشن ما اكدر امشي اكثر
من شافني هيج بسرعه تقدم ناحيتي
وخلاني استند عليه

_امشي ارجعج قبل لا يكعد

لعد ليش خليتني اشوفه حتى تعذبني هيج تريد گلبك يبرد

_ما جنت ادري بي راح يرجع كل الاعرفه راد ينام يم جديته لهسبب خليتج تجين هنا
ما متقصد ولا رايدج شوفي ولا اسمح الج شوفي

فزيت من شفته طلع من المطبخ وب ايده كلاص مي يشرب ..

ظل صافن علينا يباوع عليه ويرجع يباوع على ابوه ..

ماجنت رايده اشوفه بهاي الطريقه هسه عباله غير شي بهالمنظر ..

ابتعدت عن طلحه وسندت نفسي على الحايط

ابتسم ب استهزاء وحجه

_شنو بابا مزوج بدون ما تكُلي شنو هالمفاجأت من الصبح

طلحه ما رد ولا جاوب

كام يضحك بصوت ويحجي

_اخاف تالي عمرك القاضي المحترم طلحه يدور نسوان بس ذوقك حلو ..

_امك

تغيرت كُل ملامحه وتحول وجهه غضب

_ مو وقت شقه شنو امك

_انت مو تريد اشوف امك هاي امك هالموضوع بي شقه

باوع عليه من فوك ليجوا

ويحجي بكل استهزاز

_جايب الي مرت اب شابه ويكُلي امك شنو طفل كدامك وتقنعه ومنو يكول اني اريد اشوف امي

_شلون اكذب عليك وانت وارث عيونها وشكارها ...

بسرعه التفت الي يباوع بعيوني

خله الكلاص على طاوله ومشى دا يريد يصعد

_ شنو ما تريد تسلم على امك

_لا يابه لا بعد وقت لو من جايب اطفال يلا جايتني حتى اشوف احفادها
ما اريدها ولا اريد اشوفها وما هامتني ولا اعترف بيها

صاح طلحه

_انززل سلم على الاقل

نزل واتجه الي

_ يعني شنو تريديني استقبلج ب الاحضان منين طلعتي الي
اكيد جايه طمعانه بفلوس زوجج طلحه

_احجي عدددل ويه امك

صاح بوجهي

_شنوو احجيي عدل وياهااا تعرف ابنها عاش مات وين اكل شرب وين عاايش ب اي دوله
تعرررف هسه ابنها شكد عمرررررره

عاط بوجهي

_تعرررفين هسسسه شكدد عمرري تعرررفين اسمي وين ام اسم ابنهااااا ماااا تعرفه

نزلت دموعي وشهكت ماعندي جواب اله

_يابه لو اني لو هي بالبيت اذا ما تطلع هسه اني طالع وبعد ما اشوف وجهي

تقدم عليه اكثر
وصاح

_لا ليش هيج احجي
مووو انتي التخربين علاقتي ب ابوي متسوه وحده مثلج اخرب علاقتي ويه ابويه مو تريدين تعيشين حياتج مو تريدين حياه بدون مايقيدج احد يلا روحي شكو جايتني هسه دورين مني اكون ابن صالح الج

دفعني حيل ب قبضه ايده على الارض

اطلعي من حياااتي ما ارريدج منو انتي جايتني تالي عمري جايه تستغلينا لازم خلصتي فلوس موو وشفتي ابوي خوش فريسه

كليتي انضربت بالحايط من دفعني واحس روحي طلعت ...

طلحه جره حيل اله وضربه بوكس بوجهه
اريد اكوم امنعه هيج راح يكرهني بس كليتي بسمار نزرفت

ورجع ضربه بوكس ثاني من الجهه الثانيه
وهو حتى ما دافع عن نفسه ولا حاول يبعد طلحه عنه........

_عفيه ب وليدي عفيه اول مره بحياتي امد ايدي عليك
هيج راحت تربيتي وتعبي عليك
تمد ايدك على مراه هييييج ربيتك انيييي
هيييج ابن طلحه يستقوي على النسوووان
حرامات بيك كسران ظهري
تمددد ايدك على مره لا حول ولا قووه
لك اصحىىى امك هاي امك
وحتى لو ما تريدها حقك واني وياك
بس موو تمد ايدك عليها

_ اني طالع وخليها الك تفيدك لو على جثتي ما اعترف بيها وعود ما اوصيك روح جدد زواجكم

_عفيه ب الدكتور عفيه ب المثقف عفيه ب ابن طلحه اليستقوي على مراه ...

من سمع هالكلام من طلحه

بسرعه فتح باب الصاله وطلع
طلع وراه طلحه

سندت نفسي كعدت على التخم انهااريت ابني ما يريدني ابني حتى ما يعرف شكلي ..

مجان عندي غير الانهيار الخايفه منه صار ..

كلمه طلحه وهو يكُله دكتور
يعني ابني كبر وصار دكتور وكل هالشي اني ما اعرفه ابنييي رجااال حتى مو طفل ولا مراهق وهسه يلا شفته ....

الصاله داير مدايرها الاضلع بس زجاج شفاف وبردات خفيفه داسوفهم شلون طلحه عصبي ويحرك ب ايده وهو اعصاب اكثر منه ..

عاف طلحه وشخط السياره بعد ما اشر للحمايه يفتحون الباب ....

دخل الي

تقربت عليه صرخت بوجهه

ليشششش ليشش حتى شكلي ماااا يعرررفه ليشش مكرهه بيه ابنيييي ابنييي الوحيددد يكرهنيي

لزمني من ايدي بقبضه ايده وعيونه خازرتني

_مو علمودج ضربته لو صاير هالموقف كدامي ويه اي مراه غريبه جان رده فعلي نفسهاااا
وهسه انسي عندج ابني وطلعي من راسج واطلعي من حياتنا اني بنفسي راح اطلعج

لزمته من ياخه قميصه

مستحيل ما اروح الا افهم السالفه كُلها ليش كارهني ليش مايعرفني ليش حتى ما مسولف اله عني

هيييج هنت عليك طلحه هيج هينه دموووعي وجوع گلبي موووتتني اني وعااايشه ...

نزل ايدي منه وطلع تليفونه

_السياره البلغتكم تحجزوها خلال نص ساعه اريد يمي

واكفه كدامه وهو ابتعد مسافه يحجي بصوت ناصي

رجع وكف كدامي وهو اطول مني دنك راسه ومستمر خازرني

_راح ارجع الج سيارتج وفلوسج واوراقج وكُلشي يخصج راح يرجع
وراح اعتبر نفسي ما اعرف بسالفه قتل الطفله ولا الي علم بالموضوع ولا شايفج ولا اعرفج
الج يوم واحدددد بس ابكج منفيه من حياتي
وين متروحين روحي محد يحاسبج ولا احد اله حق يمج تكدرين تفوتين كل السيطرت
ما اريددد اسمع اي خبر عنج حتى خبر وافاتج ماا اريد اسمعه
حياه ابنييي اهم منج ....

كل كلمه يحجيها احسها سجين وتطعن بيه لو ضاربني ولا حاجي هالسم ولا ناطق هالكلام
يحجي هو واني اذني صفرت وعيوني غوشت ما اسمعه شنو يحجي

وكعت على الارض وصارت طبه قويه بعد ما تناثرت كُل التحفيات القريبه عليه ...

يضرب بخدي ويناديني مفتحه عيوني بس مغوشه

_ابقييي مركززه وياي لا تغمضييين لاااا

اي شي ما اذكر غير غمضت عيوني ونشاليت من الارض ...

ما اعرف شكد مر وقت بس صحيت بالمستشفى وماكو احد يمي

الممرضه تفتر من شافتني فتحت عيوني

كالت راح انادي الدكتوره ماطول صحيتي

رأسي يأذيني ألم فضيييع وايدي بس ترجف

الدكتوره دخلت تحجي والممرضه تكوللها هاي البنيه الوصه عليها السيد طلحه

_ليش هيج صحتج هاملتها سكرج وضغط ماعده الوضع النفسي وسخونه مو زين ما ضربتج جلطه انتبهي النفسج

تفحصني وتحجي واني اريدها بس تسكت راسي الم ذبحني ذبح ...

تحاول وياي علمود احجي تسألني واني ما اجاوب بس صافنه تعبانه مالي نفس احد من وجوع گلبي مدا احس ب ألم
حتى ألم رأسي لا شي كدام وجع گلبي .....

دخلوا الحمايه وبلغوا الممرضه اطلعني برا حتى اصعد بسياره وما اعرف شكد انطوها فلوس ..

كعدتني بالكرسي المتحرك وصلتني لحد برا يم السياره محد جان بيها غير الحمايه ...

وصلوني لبيت الحجيه استقبلتني هي وعهد بس ما حجن وياي اي كلمه وحده تباوع بوجهه الثانيه ..

مر اسبوع كامل واني مجرد جسد بلا روح
بس نايمه بسبب العلاج بي منوم بشكل مو طبيعي
رجعت الوضعي السيئ
ويسوء اكثر من اذكر كلمه طلحه وشلون يريدني اطلع من حياته ....

من يوم الطلعت بي من المستشفى لليوم واني ماناطقه حرف واحد اكل ما اكل كل الأكلة اتقيئه حمام عهد توديني ...
وصلت لحاله اسوء من السيئه ...

طول اليوم نايمه على السرير بغرفه عهد اكعد نص ساعه وارجع انام كانوا حاربت نفسي بنوم علمود اطلع من هالواقع المر....

لالي جانت تجيني وعبالها بس مريضه مثل كل مره ماتعرف سالفه شنو لان ما حجيت الها ولا جنت احجي ويه احد ...

بعد ما مر اسبوعين نايمه وحدي بغرفه عهد لان عدها دوام ...

فزيت على ايد تخلت على خصري حاولت اظاهر بالنوم

المرايه كدامي تعكس ...

طلحه حاضني من ظهري ودافن راسه بركبتي ..
كل ظنه اني نايمه كل ظنه بعدني ما تشافيت وما احس بالحواليه ..

صار يهمس ب اذني وايده على خصري

_ياريت لو اكدر اكلج ياريت لو اكدر افهمج
ما جنت رايد شوفي لان اعرف رده فعله
لان خايف عليج ادري بيج ما راح تتحملين هالصدمات وحده ورا الثانيه
ياريت لو سامعه كلامي ....
ابنج مابقى ذاك الطفل لو المراهق الاكدر اقنعه انتي امه ابنج رجال بنه حياته وعنده حياته الخاصه ..

اصحي ما متعود اشوفج بهالضعف
وخر شعري من ركبتي وشفايفه طبعها على الوشم بركبتي ...

كزبر جسمي ..

سكت ورجع يهمس بكلمات متقطعه

اصحي واطلعي من حياتي خلصيني من همج ...

حاولت اقاوم بكل القوه العندي ما ابجي من كل السمعته ما اريد اشوف وجهه ما اريد اشوفه بحياتي كُلها بعد .....

ابتعد عني بكل هدوء اباوع بالمرايه اخذ سترته وسلاحه من الكرسي وطلع سد الباب على كيف ...

مجرد ما طلع راحت كل القوه العندي صرت اشهك ونفسي نكطع خلص ما ابقى بعد اذا هو دايطلب مني اطلع من حياته .....

صوته وهو يطلب من امه مجرد ما اشافى اطلع من البيت ب اسرع وقت وامه معارضته وتكُله البنيه مريضه ...
معقوله ما عرفت اني منو لحد هسه ما عرفت اني ام حفيدها ...

ظليت مكاني دموعي تجري وگلبي ينزف ألم رأسي هاج عندي بس ما احس بي من الدمار ....

صار العصر كمت غيرت ملابسي وما اخذت اي شي وياي ...

طلعت للصاله ما لكيت احد
دخلت الغرفه الحجيه لكيتها كاعده اصلي وعهد يمها امدده تقرا علمود لا تكعدني صارت تقرا بغرفه امها

دنكت بستها من راسها ..

شكراً صرتي الي ام بالوقت الفاقده بي امي داريتيني وتحملتي مرضي ما اعرف اذا عرفتي اني منو او لا بس ما احب اخليج مستغفله

تكدرين اسألين طلحه ويفهمج
اني هالمره ما راح اشرد لا
راح اطلع بعلمكم وكدام عينكم طلعتي هاي بدون رجعه
اعتذر اذا ضايقتكم وسببت مشكله الج ويه ابنج سمعت كلامه قبل شويه من حجه وياج ...

عهد تبجي اجت بسرعه حضنتني

_شنو يحجون عنج اني حبيتج وما انسى فضلج لو ما انتي جان هسه اني منتهيه
احنا النشكرج اني سولفت لامي موقفج وياي

ابتسمت الها

كل هذا والحجيه ما حجت كلمه ولا انطت رده فعل غير دموعها التمسحهن ب حجاب الصلاه ...

راحت لخزانتها فتحتها طلعت منها كيس اسود

خلته ب ايدي

_ما شفت منج الا الخير الله يوفقج ويعوضج
هاي امانه طلحه امني انطيها الج قبل لا تروحين وسيارتج برا السويج موجود بالكيس ...

طلعت منهم واني مكسوره بعد ما جنت اكول محد يكدر يكسرني بس الصار غيرني ..

صعدت بسيارتي وطلعت من المنطقه كلها
فتحت الكيس بي كل اوراقي والفلوس
حتى الجواز السفر موجود ...
والمبلغ اكثر من مبلغي الحقيقي جان موجود بالكيس 150 مليون ...
عرفت طلحه خله فلوس اكثر حتى بعد ما ارجع نهائياً .....

خليت راسي على الستيرن
وين اروح هسه ماعندي احد لا عندي عائله لا اهل منو يشيلني ويتحملني ..

دست السياره بكل سرعتي ورحت لبيت واحد من اصدقائي اعرفه معرفه من سنوات طويله علاقتنا اخويه حتى زوجته واطفاله اعرفهم ..

تفاجأه بشوفتي بعد ما مرت سنه كامله على اختفائي ..

من بعد الكلام امنته يبقي سيارتي يمه بدون ما يكول لاي شخص بهالدنيا ويبعيها الي ويحول الفلوس والمركز هم يحاول يبيعه الي ...

اخذت تكسي وطلعت
ليل ودنياه مو أمان واني طالعه وحدي بهالطريق الطويل محد وياي غير السايق كبير بالعمر
خليت راسي على الجامه طول الطريق دموعي حاركه گلبي ...

وصلت لاربيل ب بيت ب احدى مزارع اربيل اجرته لمده اسبوع واحد
بعد هالاسبوع فتحت تليفوني محد مفتقدني ومتصل عليه غير لالي
مجرد ما فتحته اتصلت عليه بسرعه

رديت عليها

_وينج يوميه ملوعه گلبي بيج مخليت مكان ما دورته شلون هيج رحتي بدون متنطيني خبر

غمضت عيوني وجاوبتها

اسفه روحتي بدون رجعه مجنت رايده اقلقج

_انتي وين

وحيده مثل كل مره
محد وياي ولا احد الي

_بس گليلي انتي وين اني يمج انتي مو وحدج

دراستج اهم ما بقى الج غير كم شهر وتتخرجين
ما راح تعرفين اني وين ولا راح احجي وياج مره ثانيه هاي اخر مكالمه تسمعيها مني واخر مره اسمعين صوتي

_هالمره مراح اسمع اي كلمه منج وراح احجي كُلشي لطلحه حتى يعرف هو شكد ظلمج

ديري بالج اسويها

_لااا حتى يعرف انتي كل هالسنين وين جنتي وعند منو عايشه

لاااا لالي اذا اسويها ما احجي وياج بعد

_ باي زيتونه

سدته بوجهي جنت اعررف مراح تسكت

طلعت الشريحه بسرعه كسرتها وكسرت التليفون وشمرتهن ب الزباله ...

حتى ميلكون أثر ادري بطلحه يكدر يطلعني من موقعي بس هسه ما الي اي أثر مثل ما راد حتى خبر وفاتي مراح يوصله ....

اتصلت بصاحبه البيت بلغته راح اطلع منه والفلوس الباقيه اخذيهن الج لان مستعجله ...

أجرت سياره واتجهت لسيلمانيه

مرت الايام بقيت بيها شهر كامل انقطعت عني كُل الاخبار ...

بديت حياتي من جديد بكل روح مطفيه وتعاسه اروح افتر وارجع بدون تفكير وبدون امل مجرد اريد يومي يخلص وانام بدون ما افكر ما اختلطت ويه احد حتى ما يعرفوني أجرت شقه بمجمع ..

ب ايدي فنجان القهوه اختلطت دموعي وياه
عشت وحيده ونهايتي ...

كسرتني وذهبت ...
وقد لا نلتقي يا اعز العابرين في حياتي ...
اتذكرك واتجنب حتى الدموعي التي اخفيها عن الجميع كي لا يلاحظ ..
لا اريد ان يلاحظ احد انكساري
وهم اعتادوا على شخصيتي القويه
اتمنى لو اعود اليك من دون تفكير
لقد تعبت من الكتابه
لقد تعبت من الجميع ...

يتبع .....