رواية الكارمــا الفصل الرابع عشر 14 - بقلم آيــه آلـ صبري

وياك آني حرب
وكلمن يشيل اسلاح
تكتلني لو أكتلك
بالحالتين ارتاح
ـ الكاطع

............

ميخصك

رجع خله ايده بجيوبه وهو مبتسم تك خد

_ ماشي ميخصني

باوع على الارض بعده الاكل بـ مكانه

_ليش ما ماكله

ما اشتهي أكل

راح للمطبخ شويه ورجع

كعد على التخم يصفح بتلفونه

طلحه رجعنيييي لامك بدون مشاكل

طلحه مو دا احجي ويااااك

دخلت البنكلاديشه شايله صحون خلتها على الميز وظلت تنقل بالصحون لحد ما نترس الميز اكل ...

كام سحب كرسي وكعد ..

_يلا اني هم بعدني ما متعشي

ما اررريد

_ لعد اني هم مراح اكل اذا ما اجيتي

كمت غصباً عني كعدت مقابيله

سمه ب اسم الله وبدأ ياكل

اريد اكل بس نفسي مسدوده ومالي خلك الا احل سالفتي

طلحه ليش تجبرني ابقى يمك ترا اني ما بقيت ذيج البنيه الصغيره المراهقه المتعرف كُلشي بالدنيا ...

مو من حقك تبقيني هنااااااا

صح اني السبب بموتها بس ما عندك دليل يثبت انو اني السبب ولا عندك شهود ولا عندك اي شي ضدي

وانتَ قاضي وتعرف
ياحضره القاضي المجرم متثبت عليه الجريمه الا اذا اكو دليل وشهود وانت كُلهن ما عنددددك ....

مستمر ياكل ولا معبرني ولا مهتم لكلامي ...

نرفزني بروده

_اكلي وانتي ساكته احترمي النعمه

الصحن كدامي شلته وشمرته على الأرض بكل قوتي
بـ سرعة رفع رأسه خزرني
خليت عيني بعينه وب ايدي دفعت كل الصحون ألي على الطاولة

ضرب الميز بقبضه ايده حيل

ـ أكو ناس تتمنى هَذهِ النعمه وانتِ هيج تشمرينها

ـ حقك تحس بيهم لان انت جنت منهم
بس سبحان ألي غير أحوالك .

كام وكف على حيله

ـ مو ما أريد أ اذيج لا أنتِ صغيرة ولا اني الشاب واكعد اتعارك وياج على كُل شغله أتسوينها .

طلحه ماعندك شي غصباً عليك اني بريئه وبالقانون وماتبقينييي عندك

اخذ الكوت مالته جان مشمور على التخم

_ما عندي كلام ويه وحده متحترم النعمه

عقابج انتي تنظفين الارضيه كُلها بدون محد يساعدج ب 12 ضبط اجي الكه الصاله نظيفه
واذا متنظفت يصير غير حساب وياج .....

رفعت راسي على الساعه جانت 10 ونص ...

صار ينادي البنكلادش بصوت عالي وحجه وياها
ب الانكليزي

_ممنوع اساعديها واذا عرفتج انتي نظفتي تنطردين
مالج علاقه بيها نهائياً

اخذ تلفونه وطلع برا ...

اجت البنكلادش خلت ادوات التنظيف على الارض ومادري وين راحت ...

حركه وحده ما تحركت فوكاها يريدني انظف ..
وهاي العامله دوختني ما تعرف تحجي عربي الا انكليزي صح لغه عندي مضبوطه واصلاً هذا تخصصي بس مالي خلك اكعدد احجي وياها وافهمها  ..

ظليت كاعده على التخم وافور من الاعصاب
كل ما ننجمع لازم نتعارك ...

مر الوقت ومابقى غير ربع ساعه
الساعه كدام عيني صارت ب 12 الا ربع

اخذت الادوات وصرت انظف تالي عمري انظف هو اني بيتي اجيب اله عامله
بس لا السيد طلحه ميعرف الا يمشي اوامره عليه
انظف واحجي بيني وبين نفسي ...

خلصت التنظيف ورجعت كُلشي بمكانه ...

عبرت الـ 12 و هو ماكو ما اجه

ورا وين يلا دخل

باوع على الارض وراح لغرفته ولا عبرني ولا اهتم لوجودي

البيت كُله تدفئه بعز الشتا صاير دافي ..

اخذت كوشه خليتها على التخم ونمت بدون غطه
حتى غرفه ما انطاني منومني بصاله شنو الجااابرك...

فزيت مختنكه على نفس الحلم الحلمته البارحه

اختنكت فد مره كمت افتر بالصاله اريد هوا اريد اتنفس كعدت على رگبي ..

ابجي دموعي وحده ورا الثانيه تنزل

لا ياربي الا هالشي لا تحققه
سنين تعبت علمود اتخلص منه ومن هالشعور البشع
مو نوب بعد كل السنوات يرجع الي بهيئه حلم
معقوله شلون شفته بحلمي اني حتى شكله ما اذكره ..

صرت اخاف انام لا ترجع الي نفس الكوابيس الطفله المركز وكُلشي سيء ..

احس نفسي خلص راح اجن
الضغط عليه من كل مكان حتى بنومني ماكو راحه

صفنت على زوايه احاول اهدء نفسي
صارت صوره الطفله كدامي
ليش الا من اكون تعبانه تجيني هالطفله وزيد تعبي ..

جنت رايده اصلي بس ماكو حجاب ..

ضميت راسي لرجليه وصرت احاجي ربي من شده توتري وخوفي ..

ياارب انت الوحيد التعرف شكد كافحت
شكد ركضت وكعت ورجعت ركضت ..
شكد تعبت حتى اكدر ابني نفسي وما احتاج احد

تعرف قله حيلتي وضعف نفسي وجسدي ..

انت تعرف كم عثره رادت توكعني لاسفل السافلين ..

كم واحد خذلني بنص الطريق ..

انت وحدك تعرف الخلاني اكون هيج انسانه ...
والحاضر العشته ابددد ما ينطااق ....

أعني يا الله على عقلي وضجيجه ...

صوت المركز احترك وصياح العالم علمود يطفوا ب اذني لو ادري مشايفه المقطع ولا هالعذاب ..
صار هالصراخ عقده دائما وياي ..
اتذكرها بكل حذافيرها ومستحيل انساهااا ...

كل ما اكون تعبانه وانام افز مثل المهلوسه كل الاشياء البشعه كدام عيني اشوفها ...

غمضت عيني وصرت اردد

فأجبني بربد أنقذني تسمعني و لست تكلمني
يا روحهما ما هكذا كنت تشتاقك أروقة البيت
هل سبق و أن شاق أحدهم لملاك
يا روحهما ما هكذا كنت تشتاقك أروقة ...

اردده ودموعي تجري
ماكو تليفون يمي علمود اسمعها ...

كمت اريد اطلع بالحديقه بس باوعت من الشباك الحمايه برا

رجعت لمكاني نوب اطلع ويشك بيه عباله داسوي شي ..

صبح الصبح واني مانمت نهائياً صرت اخاف انام لا احلم ..
حسيت اكو حركه بغرفه طلحه
بسرعه مددت على التخم وسويت نفسي نايمه ما اريد يشوفني بهالحاله ...

ما طول هواي شويه وطلع

رجعت كعدت ماكو شي اسوي

بقيت على هالحاله شهر كاااامل ....
ما انام بالليل بس ابجي والصبح من اشوف العامله دا تنظف بصاله انام شويه وافز اخاف انام وحدي

حتى ملابس منطي للعامله هم فانيله وبجامه بعدهن بالكيس من اريد اسبح اخذ منهن ...

حاله نفسيه لازمنتني مجان يمي لا علاج ولا اي شخص حتى احجي وياه بس وحدي طول اليوم بعد ما جانت حياتي بس طلعات حتى تلفوني ماكو العذاب العشته خلاني اندم على كل لحظه رديت بيها على اتصالهم وافقت بدون حتى ما اخذ رأي لالي ....

ما حسيت بعذاب الضمير  لان فعلاً ماجنت اعرف راح يموتوها بهالطريقه البشعه
كل ظني بس يخطفوها لان ابوها عنده فلوس وياخذون مبلغ كبير بعدها يرجعوها ....

خلال هالشهر كله ما شفت طلحه ولا حجيت وياه
يطلع من الصبح وما يرجع لليل يدخل راساً لغرفته حتى اكل ما ياكل بالبيت من بعد ما صار الموقف نقطع الكلام بينه  ...

من بعد هالشهر مادري شلون بالليل نمت بدون ما احس على نفسي رغم هالفتره كلها  احارب جسمي علمود ما ينام بالليل ..

كعدت على نفس الحلم مختنكه صرت ابجي بشهكه مخليه ايدي على حلكي حتى ما يسمعني ...
افتر بصاله اهلس بشعري من العصبيه اضرب براسي اريده يهدأ ....

فتحت الباب وطلعت الحديقه كبيره حتى يمكن مساحتها اكبر من البيت
اتجهت للمسبح خليت رجلي بي وكعدت ...
الحمايه من شافوني دخلوا لغرفتهم الخاصه بيهم ...

اول مره بحياتي لهدرجه انعزل ما احجي ويه احد وما اشوف ولا احد شايفني حبسني بهالبيت
تلف اعصابي ببروده واستفزازه الي حاربني بكل برود لو ساجني ولا هل عيشه ...

ابجي بحرگه من كل گلبي ما اكدر اتحمل هاي العيشه

_شعندج كاعده هنا

بقيت دايره وجهي عنه ما اريد اشوفه كارهته

_  ادخلي راح تتمرضين

حرف ما جاوبته

_ شلون بعنادج اني

طلحه عوووفني مالك علاقه بيه لا تلح

_صووتج منا الحمايه
امشي دخلي جوا نتفاهم

روووح ما اجي

ظل واكف فوك راسي
كمت على حيلي بدون ما اباوع عليه ودخلت جوا للصاله نزلت البجامه جنت رافعتها حتى لا تتنكع ...

دخل وراي يحجي

_ شكو شبيج

نداريت عليه واكف مقابيلي والنوم بعيونه

طلحه افهمني اني راح اجن هاي العيشه صعببببه عليه افهم افهم
حياتي وين جانت وين صااارت
بعد ما اكدر اتحمل ابقى بالبيت اكثر
اني ما متعوده على هاي الحياه بس كاعده بين اربع حيطان
شغلي مركزي موظفيني بيتي سيارتي فلوسيي كلهن راحن من ايدي بلحظه ...
بلحظه كُلشي خسرت وحده هذا الموضوع عذبني واخذ صحتي مني
وفوك كل هذا اجيت وخليتني بهالبيت وحدي بدووون بشررر ...

احجييي ردد لا ظل ساكت والله دا اموت من برودك
اعرفك دا تعاقبني ببرودك وتستفزني

عذبتني بسكوتك وهدوئك ...

كل هالكلام صار شهر كاتمته ماكو احد اليسمعني

كعدت على الارض خليت ايدي على عيوني وابجي بشهكه كدامه ...

رفعت راسي اله وهو بس واكف وجهه نگلب احمر من الاعصاب

افهمممم والله ما بقيت ذيج الطفله كبرت وبنيت حياه بعيده عنكم وعشت ونسيتكم الف موته متت يلا نسيت عشت برفاهيه كُلشي عندي
مو سهل الموضوع عليه ارجع ابدي من الصفر
ارجع اشوفكم بحياتي واواجهكم واحد واحد
مو سهله والله والله
داموت الف موته حس بيه كاافي ...

راحن عيوني من البجي وشهكه كطعت گلبي وهو مامهتم

كعد على الكرسي مقابيلي ويردد استغفر الله...

طلحه تصير وياهم عليه ...

رفع راسه الي

_تستاهلين الدا يصير بيج

خلصصص ماااا اريد اسمع صوووتك

ظليت كاعده مكاني ودموعي متوكف ...

كام دخل الغرفته شويه وطلع مبدل ملابسه ..

_ب 2 الظهر اجي اخذج ارجعج لبيت امي

عافني وراح طلع برا ...

صار الصبح وشفت العامله دا تشتغل بصاله
العرفته جديده اجتي للبيت قبل لا اجي بيومين وهاي اول مره تجي لبغداد حسب ما تكول شغلها كله ب شمال .....

عربي متعرف تحجي هواي بس ب الانكليزي
فمن جنت اريد شي احجي وياها ب الانكليزي

خليت ايدي على راسي وغفيت من التعب ...

فزيت على صوت شي انكسر ..

كمت من مكاني واشوف غرفه طلحه مفتوحه شعجب هو ما يقبل احد يدخلها حتى العامله ممنوع ..

مشيت على كيف بس انصدمت واني اشوفها فاتحه كل الخزانات ومطشره الغراض
واكو جنطه سوده كبيره على السرير بيها كل ساعاته وعباره عن فلوس

بسرعه ختلت ورا الحايط حتى لا شوفني ..

هي مشغوله دور وكل ظنها اني نايمه يعني بالها مو يمي ..

مشيت بكل هدوء للمطبخ فتحن الجرار اخذت منه سكين ...
جنت ناويه بس اخوفها .....

دخلت الها

وعطت

شدااااسوين

مجرد ما شافتني سدت الجنطه بسرعه

اني ركضت عليها هي سمينه وشعرها كاصته ولادي جريتها من شعراتها الباقيات حيل بكل قوتي ...

وخليت سكين بوجهه

ما احس الا بضخامتها دفعتني حيل على الارض وكعدت على صدري خنكتني

اريد اضربها بالسكين ما كدرت ب ايدها شمرتها حيل
وطلعت من جواريبها سكينه تخوف مدري شلون فتحتها

جريت ايدها عضيتها واريد اكوم نفسي ما اكدر اختنكت

اريد اعيط حتى الحمايه يسمعوني بس نفسي ضاق وزنها ثگيل

دجت السكين بصفحتي ورجعت مره ثانيه سحبتها ..

كامت من عندي
اجر النفس كوه خليت ايدي على الجرح

وايد اريد اسند نفسي بيها بعد ما اكدر

جري ايدي وشكيها على طولها

احس جسمي كله خدر بس مفتحه عيوني واباوع عليها
هي سمينه ولابسه ملابس عريضه خلت الجنطه بين رجليها ما ادري شلون

واقفلي عليه باب الغرفه واطلعي

جان عندي امل من تطلع احاول اطلع وراها بس من قفلت الباب مابقى عندي اي امل
اريد اعيط اريد اصيح وماعندي قوه بعدني كوه اتنفس وزنها حيل ثكيل ...

رفعت راسي على الساعه ب الـ 1

وطلحه گلي حظري نفسج ب 2

الارض دايري مدايري عباره عن دم نزيف قوي طعنتني اكثر من مكان

حاولت ابقى مفتحه عيوني ربع ساعه ما طولت

غمضتهن وهاي جانت اخر شي اذكره

اشاهدت

اشهد ان لا اله الا الله واشهد ان محمد عبده ورسوله .....

يا ترى ربي يغفر الي ويرحمني ....

يتبع .....

التنزيل كل

اثنين واربعاء وجمعه .....