رواية الكارمــا الفصل السابع عشر 17 - بقلم آيــه آلـ صبري

تعاندني و تگلي أعلىٰ الهجر فنك !
أنة الفني !!
لون عيوني شاهَن ليك
صَدگ يا جِليل عتاب أغَـرگـها بـ دمع حزني
ولَون شفافي ندهَنك
لَـ أشگ شفافي شگ سمچة بطرف سني
أنة الفني !!

......................

غمضت عيوني بكل قوتي من حجايته ...

رفعت راسي اله واني بحضنه

خليت ايدي على حلكه خزرني ونزل ايدي

اني دموعي وحدها تنزل

طلحه ممنوع تحجي هالكلام مررره ثانيه
اني مو ام احدددد ولا اريددد احد

ظل خازرني

شالني وهمس ب اذني

_سكتت لهاي حجايتج لان مريضه ومو بصحتج لو حاجيه هالكلام بغير وقت جان اصرفت وياج غير تصرف ....

نزلني على السرير

وسحب العلاج من الطاوله وفتح بطل المي
خلاهن كدامي

اخذت العلاج شربته

امك تعرف اني منو

_لا

همست ب استهزاء منو يكول هاي امك اصلاً

بسرعه رفع راسه ورجع خزرني
اعرفه شكد ما يكون عصبي بس مستحيل يحجي او يتلفظ ب كلام محلو عنده قدره على الصبر ويتحمل اي شخص ...

استفزيتك مو شنو عبالك بس انت تستفزني

_شكد صار عمرج

مهما يكون عمري بس مو اكبر منك يا حضره القاضي

ضحك ودار راسه يضم ضحكته

_34 مووو

اي بس بعدني بشبابي مو مثلك عجزت من وقت

اخذ بطل المي يشرب ويبتسم

لا دا اشاقه بعدك شباب كُله ماركات وعطور ب ورق لدرجه خدامتك اول ما بدأت تسرق سرقت العطور

رفع حاجبه ونزل نظره للتليفون

واكف كدامي منتجي على الحايط ويگلب ب التليفون ....

طلحه اريد تليفوني

_باجر ادزه بيد واحد من الحمايه

سيارتي و اوراقي جواز سفري وين

_ ميخصج

شنو ميخصني غير اورااقي

_ ما يرجعن لا تتأملين

كالها ودار ظهره دخل لغرفته قفل الباب ورا ....

من هاليوم بعد ما شفت طلحه اختفى بشكل نهائي بدون حتى ما يفسر الي سوه للخدامه واخذت عقابها لو لا ....

بدون ما يكُلي اذا تأكد من الاشخاص القتلوا الطفله وكدر يلزمهم لو لا
اختفى واني كُل هالاسئله براسي ....

مرت الايام وبقيت شهر كامل عند الحجيه دللتني دلال لدرجه حسيت نفسي بنتها
مراه فقيره على نياتها اليشوفها ميصدك ابنها طلحه مادري على منو طالع ...

احس بديت اتشافى واتخلص من الوجع الجان المرافقني طول هالفتره الليل ما جنت انامه من الألم....

رفعت ايدي اباوع عليها منظرها محلو
عباره عن خياطات حرفياً شوهت
اكره اشوفها ولا اباوع عليها حتى من اسبح ما اتقرب الها منظرها مرعب ب النسبه الي .....

اريد اخلص من هاي العيشه المقرفه ما متعوده على الهدوء بحياتي
عقلي يوكف مجرد اذكر ايامي ونفوذي وقوتي ....

مليت من هاي الحياه الهادئه مابيها شي غير نوم واكل اني متعوده على الطبه الطلعه السفر الشغل يوم بعد يوم يزيد كرهي لشي اسمه كعده البيت ...
ويزيد ضعف كرهي لطلحه ...

المغرب كاعده بالمطبخ اصفح بتلفوني بعد ما دزه الي طلحه ب ايد واحد من الحمايه ..

دخلت لصفحه المركز لالي حاذفه صوري من كل المواقع وحتى حساباتي الشخصيه حاذفتهن باقي بس المركز وصور الشغل بي ...

صار هوواي مداخله على الصفحه
فتحت الحساب الوهمي ومن خلاله دخلت لصفحتي

ابتسمت من شفت تعليقات الناس على المركز واعجابهم بشغلنا ومدحهم النا وخاصه على اخر منشور جان اعلان اعلاميه معروفه جداً لمركزنا .....

كُلها بالتعليقات تسأل عني وعن سبب اختفاء مديره او ب الاحرى مالكه المركز الست زيتونه ....

ومستمره التعليقات يسألون ومحد يرد عليهم
وحده من الجانن يشتغلن عندي راده من حسابها شخصي عليهم ومبلغتهم
حسب كلام الحارس مال مركز الست زيتونه سافرت وقريباً تبيع المركز بدون مقدمات اختفت ومحد يعرف السبب الحقيقي ورا اختفائها .....

الحجيه سحبت كرسي وخلت كدامي علبه بيها ذهب

_ عهد نجحت واريد انطيها شي من ذهبي ما اريد اشتري الها جديد لان اكو فرق بين تنطيها شي غالي على گلبج وبين تشترين الها جديد ....

مفهت

_بعدين تفهمين

ابتسمت بيني وبين نفسي نوب حتى الحجيه صار تحجي ب الالغاز وياي

_حاسه بيج هالجو مو جوجچ ولا العيشه عيشتج
بس اني متأكده طلحه مراح يخلي هالموضوع يعدي بسهوله واكو شي براسه
ومتأكده كل هالاشهر اخذها بس علمود ما دخلين للسجن
ابني واعرف تفكيره حاشه لله ان ينطي هالسلطه كُلها لطلحه بدون سبب
ربج شاف طلحه شكد حكيم ويكدر يتحمل هالمسؤوليه بدون ما يظلم احد ....

حجيه ليش ما تروحين لبيت طلحه وتعيشين هناك افضل الج منطقه راقيه عيشه فخمه خدام يخدموج احسن ما ظاله وحدج انتي وعهد

_ مثل ما انتي روحج ما تهوى هاي العيشه اني هم روحي ما تهوى عيشه القصور والخدم مو ثوبي ...

على الاقل جيبي الج خدامه

_ ما احب احد يخدمني
جبت خدامه راح اظل بس كاعده كُلشي ما اسوي
بالعكس الشغل شويه يحرك من جسمي ويضيع وقتي ....

شو الخدامه رادت تموتج لو ما ربج ستر جان هسه انتي من الموتى

حجيه ليش قابل اني مثل طلحه ادخل اي خدامه لبيتي طبعاً لا
كل خدامه ادخلها اختبرها الف اختبار واظل ادور وراها وانتبه لتصرفاتها حتى من تشتغل ارجع اباوع على المكان منظفته عدل لو لا
وما اخلي فلوسي بالبيت اغلب فلوسي ب البنك حسابي الشخصي ...
وحتى مجوهراتي واشيائي الغاليه ظامتهن بخزنه وبيها رمز سري لو تموت متكدر تفتحها

اصلاً اني مستغربه من تصرف طلحه شلون هيج عايف غرفته حتى لو عنده حمايه بس الخدامات عدهن الف طريقه وخبره ....

_ اني هم سألته وكال مبلغ احتياط مخلي جان تقريباً 70 مليون مو هواي
والله هو ابني مادري شلونه عنده هالملايين مبلغ قليل .....

صوت الآذان ويه غروب الشمس وصوت العصافير تملي البستان اباوع من شباك المطبخ واني كاعده مكاني منظر الاشجار والنخل والسما البدأت تظلم ينقي العين ويمتعها ....

خلت ايدها على شعري تجمع بي

_ما شاء الله انتي حتى بمرضج جميله لحد هسه ما مقتنعه عمرج 34 اليشوفج حالج حال عهد
على منو طالعه هيج جميله

مع الأسف على امي

رفعت راسها الي

_ليش مع الأسف

مو مهم

عرفتني ما اريد احجي سكتت

دخلت جوا اصلي وعهد وياها ملاحظه تغيرها جداً واضح حتى اغلب الشغل صارت هي تشتغله وما تخلي امها تشتغل هواي ...

حتى التليفون مليت منه هاي شلون هيج متحملات هالعيشه ....

راحت الحجيه نامت من وقت

واجت عهد شايله ب ايدها حلويات وجباسه طلحه بين فتره وفتره يدز واحد من الحمايه مسوك كُلشي يخطر على بال الواحد حتى ميحتاجن شي لان السوك بعيد عليهن ....

شغلت فلم اذكر جان اسمه
Sanam teri kasam

شكد ما جنت مغثوثه من شفت هالفلم نغثيت اكثر

اباوع على عهد ميته من البجي ......

باوعت عليها ما عاجبني

اووي انتي شكد حساسه لا ظلين تبجين على كُلشي
محلو هيج شخصيتج راح تضعف

تدرين اني بعمرج ما اذكر بجيت جنت كُلش وكحه بس ب احترام وعلى حق
مانزلت دمعه مني احنا بزمن الضعيف محد يحترررمه ولا احد يريده هذااا واقع .....

يجوز هالفتره بجيت بس هاي الفتره رادت تنهي حياتي ورغم هالشي مضعفت ولا استسلمت

بعد وراج كليه وزواج وعيال وجهال خوما على كل كلمه تبجين خاصه اذا بيوم زوجتي واني ما موجوده اذكري حجايتي كدام العيال ديررري بالج تنزل دمعه الج ديري بااالج شكد ما جانوا زينين وياج احذذري تبجين كدامهم هالكلمه خليها كدامج اخاف اروح وبعد ما شوفيني لا تخلين احد يستضعفج ويشوفج ضعيفه ...

_زيتونه بيج شي غريب كم مره تمرضتي وصلتي الموت ماعدا مشاكلج انتي وطلحه ما اعرف على شنو امي متقبل تكُلي بس ابدد ما مبين على وجهج بالعكس اليشوفج يكول مابيها اي شي لهدرجه انتي متتأثرين

الوجع ب الروح ياا عهد شعليهن ملامحي ....

_تدرين زيتونه امي مره كبيره ما اذكر بيوم كعدت وحجت هيج وياي
جنت مغفله اضوج اذا يضوج وافرح اذا يحجي الي كلمه وحده ..

احس من امي تعلمت امور الدين ومنج تعلمت امور الدنيا ....

لان امج عاشت بيئه غير بيئتج وحياه وجيل يختلفاً جذرياً عن حياتج ...

اكبر خطأ تخلين سعادتج مرتبطه ب انسان
والتعلق شي خطأ
عودي نفسج انو لازم يجي يوم وتفترقين عن كل التحبينهم بكافه الوسائل لازم تكونين مستعده لهذا الشي ...
بين قوسين كل ما تعلقتي اكثر كل ما تتأذين اكثر ..
وهالكلام ما احجي بس على علاقه الولد والبنيه
حتى على مستوى الاصدقاء والمعارف وكل انسان تعرفينه ويعرفج .....

كمت دخلت ب السرير وهي راحت تنظف الهوسه
اجيت دا انام وصلتني رساله ...

من طلحه استغربت شعجب

فتحته

_باجر العصر اجي اخذج للطبيب يتأكد من وضعج

دزيت

ماشي

ورجعت غلقته

الظهر دخلت سبحت وطلعت بنطلون جينز واي تشيرت كدامي نص ردن

اباوع على نفسي بالمرايه

شعري البني طويل لنهايه ظهري
عيوني رصاصي فعلاً مع الأسف لان اليشوفني يعرفني بنت امي بسبب لونهن ...
واكره لونهن يذكرني بشكلها

حنطاويه هم على امي الموضوع يحزني انو اني نسختها ب الشكل ماكو اي اختلاف .....

حقنت شفتي بسبيل ما ابقى اشبهها وصبغت شعري من ايام مراهقتي الجان اشقر حولته بني بسبيل ما اشوف شكلها بيه ...

ولو ما هاي الاحداث جنت ناويه اسوي تجميل ل انفي حتى ما تبقى اي ذره شبه بيناتنا ....

جنت داخله جم وناحته جسمي ب الرياضه بس بعد ما اجيت هنا خرب النحت وصرت مجرد هيكل عظمي من الضعف ....

اتجهت للحديقه داسمع صوت طلحه ..

يسولف ويه امه ومخلي ايده على كتف عهد حاضنها وكل شويه يبوس وجهه لو يلعب بشعرها
يريدن يروحن للسوك
الحلو بي كدام امه واخته ينسى كل سلطته ومكانته ويكون وياهن مجرد طلحه ...

من شافني نهى الحديث وياهن واشر الي بعيونه اصعد بالسياره
مجان بيها سايق عرفت هو راح يسوق
والسايق راح يوصلهن ب السياره الثانيه ...

صعد وحرك السياره يباوع على الطريق ومركز

_شلونج وضعج شلونه

اصير زينه من تخلص الي سالفتي

ما رد بقى مركز نظره للطريق

اول ما دخلت للطبيب مباشره دخلنا ما نتظرنا طلحه دخل وياي وطول ما دكتور يفحصني طلحه واكف فوك راسي ...

بلغنا مابيه شي وضعي متحسن بس لازم اسوي عمليه تجميل لايدي وكليتي ما اتعرض ل اي طخه ....

وكف السياره كدام مطعم جنت اروح اله هواي لان اساساً مشهور بالمنصور وأكله يجنن

فتح الي الباب ومشى كدامي

نزلت امشي ورا طلع حاجز طاوله بسرعه كعدنا ونزلوا النا الاكل مجرد طلبنا طلعوا يعرفون طلحه وكل شويه واحد جاي سيدي محتاج شي ...

كام راح للحمام

واني هسه بدأيت دا اكل
نداريت على صوت يناديني

اصدقائي وشركائي بالعمل خمس زلم واثنين بنات جانوا دا يأكلون وطاولتهم قريبه على طاولتنا ...

البنات تقدمن حضنني ويسلمن عليه

واحد منهم حجه

_ وينج زيتونه اخنفيتي نتصل عليج يطلع الخط ماكو اصلاً مركزج احترك ونغلق الموظفين العندج نسألهم ميعرفون اي شي عنج وين رحتي ...

جنت مسافره وهالفتره رجعت وغيرت ارقامي وراح افتح مركز بسليمانيه وهذا يمكن ابيعه

اشوف طلحه اجه من بعيد يمشي شلون موقف استغفر الله

تقرب طلحه يباوع ب استفهام ..

_وين سافرتي جان كلتي نسافر وياج

طلحه تقرب عليه وخله ايده على خصري

_حبيبتي ما عرفتينا عنهم منو

كُلهم ظلوا يباوعون

_ اعرفكم عن نفسي خطيبها

باوعت عليه بسرعه قربني عليه اكثر بمعنى اسكتي ...

الشباب صاروا يسلمون عليه

_ واحنا اصدقائها صار سنين

تبادلوا الكلام واني بس ساكته واحد منهم حجه بشقه

_ها زيتونه انخطبتي وحظرتينا كلنا من حياتج هاي اي وحده تنخطب هيج

_ لا اني طلبت منها بسبب عملي وخوفاً عليها مدا اخليها تختلط هواي

ابتسموا اله يسألون

_قاضي

صاروا يباوعون بتعجب والبنات اكلن طلحه اكل بعيونهن ...

خلص الكلام وياهم وراحوا لطاولتهم اني بسرعه طلعت اسمع طلحه يناديني وما همني
بقى وراي يدفع الحساب ...

وكفت قريب على السياره انتظره يجي حتى اصعد اعصابي تفورر ...

من بعيد فتحها صعدت وفتحت الجامه
شويه واجه ..

حرك السياره مر وقت وما كدرت اسكت ...

طلحه ليش هيييج حجييت شلوون هيج تكول اني خطيبتك كدامهم ..

خفف السرعه
دار راسه عليه

صارت عينه بعيني

ما انطاني جواب

ثبتت عيني بعيونه ..

كُل يوم تكرهنييي بيك اكثررر ...

دار وجهه عني
وحرك السياره بكل سرعته

خليت ايدي على وجهي ودنكت راسي ضامه وجهي بشعري النازل ...

وجهي نكلب احمر من العصبيه اريد بس اوصل ...

اول ما وصلنا دخلت للحمام وقفلت الباب
البيت جان فارغ بعدهن طالعات ...

اغسل وجهي بمي حتى ما ابجي
منظرهم وهمه طالعين بكل حريه رجعني لايامي ما اتحمل بعد هاي الحبسه عذبني نفسياً
اغسل وجهي بكل قووتي
ما اريد ابجي ما اريد اضعف ...

يدك باب الحمام بكل قوته واني فاصله ...

رووووح ما افتح ما اريد اشووفك ...

اختفى صوته وما سمعت غير صوت السياره تحركت ...

طلعت البيت فارغ ما بي احد
بدلت ملابسي وكعدت على السرير بغرفه عهد ...

اليوم من شفتهم تبهذلت احوالي اشتاقيت لحياتي ...

فتحت الخزانه طلعت منها مفتاح الشقه تأكدت من وجوده ...

مرت الايام ومثل كل مره طلحه يختفي..

وامتحنوا السادس واني قررت ما امتحن نفسيتي تعبانه
خلص اكتفي بشهاده البكالوريوس تربيه قسم انكليزي ....

نفسيتي زادت سوء كل الجنت مخططه اله فشل ...

استغليت اختفاء طلحه ...
وانشغال عهد بدروس الخصوصيه تتحظر للسادس

بليل انتظرتهم ينامون واخذت مفتاح شقتي ضميته بملابسي وجنت ضامه بملابسي مبلغ ورقتين تقريباً..

لبست البنطلون والتشيرت واخذتهن وطلعت
مشيت مسافه طويله يلا وصلت للشارع العام تليفوني ب ايدي اباوع على الوقت ب 12 ..

كوه كدرت احصل تكسي

وين توصلين

_ المجمع السكني ....

اي اندله

قررت اروح لشقتي اخذ فلوسي الضامتهن واوراقي حتى لو استنساخ احس من ماكو ...
وبعدها اطلع ويه اي سياره لسليمانيه ...

دخلت المجمع اظلم كُلها نايمه بس الحراس موجودين اكو بعضهم يعرفوني سلمت عليهم وصعدت بالمصعد ...

الاثاث عباره عن تراب الارضيه اول ما دخلت لميت شعري ونظفت الصاله من التراب خفت لا من اروح لسليمانيه ويبقى هيج الاثاث مدمر يتأكل ويتلف ....

طلعت جراجف من غرفتي غطيت كل الاثاث بيهن ...

السرير غيرت الفرشه ونظفته الجرجف صار جوزي من التراب ....

طلعت جنطه صغيره جمعت بيها مجوهراتي الغاليه وساعاتي اغلبهن ذهب والماس ...

ارخص عطر عندي ب خمس اوراق حرامات راح اعوفهن كُلهن ...

فتحت الخزنه جان باقي بيها بس خمس ملايين اخذتهن ...

دا اقفل بالخزنه وحسيت اكو حركه بالغرفه ...

نداريت واشوف الشخص الاتفقت وياه نفسه واكف ويه واحد

رجعت ليوره معقوله شدخلهم للشقه منو انطاهم نسخه المفتاح ..

والله واجيتي برجلج تدرين صار شكد انتظرج مخليت واحد ما وصيته بس يشوفج يبلغني شنو انتي جني اختفيتي وما ظل الج أثر...

كلب حقيررر اطلع من شقتي هسسه افضحك فضيحه اطلع برررررا

يااااااناااس ياااعالم حرررررامييييي حرراميييي

هجم عليه ضربني وشمرني على الارض واحد لازمني من ايدي وحلكي حتى ما اصيح
واحد فوك راسي يحجي

_نعوفج بس لا تعيطين وصيحين إريد اتفاهم وياج ..
هسه عوفها وتعاي نحجي ..

وخر ايده من حلكي ظليت ساكته سايرتهم حتى اوصل للاريده

_ ما نريد شي منج بس تبقين ويانا وشتريدين احنا حاظرين ما نلكه احسن منج ذكيه وكحه نبهه معروفه والج اسمج
يعني حتى لو طلعوا عليج اشاعات محد راح يصدك لان معروفه ف بهاي السالفه انتي تفيدينه ...

واحد واكف بعيد يخابر وهذا واكف قريب مني ومندمج يحجي

سوت نفسي جاي اسمع اله ومركز وياه كمت وكفت

يلا تعال نتفق بصاله

_ عرفتج راح تقتنعين من اسمعين فلوس

مشيت كدامه للصاله خليتهم يأمنون بيه وطفرت ركض للحمام قفلت الباب
طلعت تليفوني من جيب البنطلون بعده صاحي

ايدي ترجف ودموعي وحده ورا ثانيه ينزلن ..

اتصلت على طلحه رن مرتين يلا رد وهمه بعدهم بصاله

رد

وما سمع غير شهكاتي

_ وين انتي
انتيييي وين

طلحه تعال بسرعه لشقتي

_جاي ابقي مكانج

غلقه وبقيت اني بالحمام محبوسه شلون عرفوا اجيت الا اكو واحد بلغهم شلون كدروا يدخلون ...

نص ساعه مرت وطلحه ماكو ايست منه ...
المشكله اني تقريباً بالطوابق الاخيره الشقه البصفي عائله والشقه الثانيه فارغه محد ساكن بيها اشتروها وسافروا ..

وعرفوا اني دا العب عليهم
صاروا يدكون الباب ويريدون يكسروا

فتحت الباب بعد ما ايست من طلحه مسحت دموعي حتى ميشوفوني ويستضعفوني ..

_يلاااا امشي ويانا

اعيط بعلو صوتي حرررررامييييي
بلكي الجيران يسمعوني بس اعرفهم ذولي لو يشوفون ميت كدامهم يعوفوا ويسدون الباب ...

ضربني على حلكي وشمرني على الارض شك التشيرت على طوله واحد سد حلكي والثاني نام فوكاي يريد يشيلني

عضيته من رقبته حييل وخرمشته بوجهه ب اظافري ..

فلتت من جوا وركضت على الباب كسرت التحفيه الكبيره وشلت الكزاز ب ايدي

بس تتقرب اذبح روحيييي

اجاني الثاني من ورا سد حلكي حيل ولازم ايدي يريدني اذب الكزاز بحيث شكيت جف ايده وما عفتها ....

انفتح الباب جان بس مسدود ما مقفول دخل لطحه والسلاح ب ايده ...

رفعه بوجههم

من صدمه ما يعرفون شنو يسوون ولا يعرفونه منو ظلوا واكفين مكانهم

عضيته من ايده

وختلت ورا ظهر طلحه ...

عطت

صاح
_اسكتتتتي صوتج

تقدم واحد منهم راد يضرب طلحه
طلحه ضربه بجعبيه السلاح على راسه
الثاني شال البقايه مال الكزاز جانت كُلش كبيره راد يضرب راس طلحه بس اجتي بزنده شكته ...

استغلوا ضربه طلحه والباب مفتوح نزلوا يركضون ..
لان جانوا جايين بدون سلاح ..

ركض وراهم طلحه بالسلاح بس من شاف الجيران واكفين
خله السلاح ورا ظهره وسحبني بنفس الايد هم بظهره

الحجي الكبير وابنه وزوجته

_وين حارس المجمع شنو هاي الهوسه بس انتم ساكنين بي ما تحسبون حساب بشرر بصفكم

_رجاءً مشاكل عائله لحد يدخل وما مأثريين عليك

الحجي باوع عليه مطالع غير وجهي وجسمي طلحه مغطي بظهره

_ست زيتونه محتاجه شي

_زوجتي وگلت مشاكل عائليه محد يدخل ونعتذر كعدناكم من النوم ...

راحوا سدوا الباب بسبب حديه كلام طلحه وياهم ..

قفل الباب واندار عليه

لزمني من ايدي
ثبتني كدامه رفع ايده راد يضربنه

خليت ايدي على وجهي

عافني وب ايده ضرب شكو تحفيه على الطاوله القريبه عليه ...

_شسوووويلج هسسسه شلوون اصرررف وياااج
مااابقيتي شغله ما سويتيهااااا

فتح دكم القميص شمره على الارض ..

كعد على التخم ولزم ب ايده الثانيه زنده عباره عن دم

رفع راسه مغمض عيونه وايده على زنده ...

السلاح مشمور بصفه ..

بقيت كاعده مكاني حتى ما سألني منو همه وليش خلاهم يروحون وليش جاي وحده بدون حمايه ...

مدد على تخم وبقى مغمض عيونه والايد الثانيه لازم جرحه ....

تأكدت منه نايم او مغمي عليه ماادري وما همني

السلاح بصفه على التخم

كمت على حيلي بكل هدوء سحبته منه ...

دخلت للغرفه نزعت التشيرت المشكك ...

اجيت اريد افتح الخزانه حتى ابدل

بس تراجعت من شفت صدري شلون مخرمش ودم يجري منه لهدرجه الوجع بروحي ما حسيت بوجع الخراميش ...

امسح دموعي التنزل خلص اعلن استسلامي
اريد اموت الحياه الماحصلتها ما اريدها بعد ...

سحبت السلاح ...

ما احس الا طلحه حضني من ظهري يجر السلاح
تقاويت وياه ما اريد انطيه اريد انتحر الا بسلاحه حتى يبقى يأكله الندم طول عمره ...

شمرني على السرير وصار فوكاي
لوه ايدي لدرجه سمعت صوت طكتها وجر مني شمره بعيد ..

خله راسه بركبتي

وهمس ب اذني ..

_تعبتينـي

دفعته عني حس على نفسه

بسرعه وخر من شاف الوضع الاحنه بي ...

دار وجهه يستغفر

_كومي البسي شي وتعاي وراي بصاله

دنك اخذ السلاح من الارض من دنك انتبهت حتى ظهره مخرمش وبي كزاز ...

طلع وسد الباب ورا حتى ابدل

اجيت دا اقفل الباب اسمع تلفونه رن ورد

_باباتي حبيبي ما اكدر اجيك للمطار دزيت الحمايه يستقبلونك ..

حطيت ايدي على حلكي حتى اظم شهكتي من صدمه السمعته ....

يتبع ....

التأخير مو مني الواتباد مدا يشتغل عندي وحتى آشور انحذفت وكوه دارجع بيها بلغتكم على الانستا ف مو ذنبي ما تعرفون
اعتذر منكم ....

حبيبتي 😂😂❤️