رواية الخامس من أكتوبر الفصل الحادي عشر 11 - بقلم دانيا

رواية الخامس من أكتوبر

الفصل العاشر10

بقلم دانيا

ابوعبيده دخل القريه وبقى يتلفت زي المجنون بس القريه كانت يملأها الهدوء ، ساكنه لا حركه بشر ولا هواء .... كأنو مافيها سكان بقى يمشي من شارع لشارع ومن زقاق لزقاق وينادي يا عبدالله ، عبد الله باعلى صوتو وهو برجف من القلق على عبدالله ،، بعد شويه طلع ليهو عمك عجوز قال ليهو " خير ماتزعجنا" اول ما سمع الصوت اتخلع طوالي اتلفت عليهو ومشى بناحيتو قال ليهو بصوت مبحوح شفت صاحبي عبدالله؟ الراجل عاين ليهو نظرات غضب وخشى وقفل بابو.

امي بقت قاعده على اعصابها على العليها عيانه طلعت قعدت في الحوش والمنطقه كانت هادئه شديد م فيها اي حركه ....اتصلت لأبوعبيده عاين لتلفون واتنهد بحسرة وقال ااااخ ياامي فاطمه ارد اقول ليكي شنو يارب ساعدني والطف بحالها هي ماليها غير ولدها عبدالله ،، كان بتكلم مع نفسه لمن المكالمه فصلت تاني رجعت ليهو ... رد بعد تفكير وقال ليها الوو قبل ينطق بكلمه تانيه قالت ليهو وين عبدالله ؟ وكان باين التعب في صوتها قال ليها ااا هسي كنت عاوز اتصل عليكم عبدالله دا اتصل لي بتلفون مؤيد قال تلفونو وقع منو وبتلفون مؤيد تلفونكم م خشى معاهو قال لي لو قدرت توصل ليهم طمني عنهم وقول ليهم ببيت والصباح بطلع عليكم ،، سكتت مسافه وقالت ليهو قول ليهو يحاول يرجع لي بتلفون.

بعد قفل الخط قال سامحني ياالله لأني كذبت عليها بس عارفها م بتتحمل ،، اتحرك من مكانو ومشى قدام قال انا مستحيل ارجع بدون عبدالله .

وقفت مستغرب قلت ليها انتي منو وانا وين؟ عاينت لي وسكتت ،، اتحركت من محلها خشت وقفلت الباب بقيت واقف محتار قلت ليهو بسأل فيك انا انتي منو وليه قافله الباب اتحركت على الباب حسيت بحاجه ماسكه في رجلي وقعت عاينت لرجلي لقيتها مربوطه بجنزير .... عاينت لرجلي بخلعه ورجعت عاينت للبت وقبل اتكلم معاها سمعت صوت ضحك في المكان رغم إنها كانت واقفه بهدوء ،، بقيت اتلفت بخلعه لمحت لي خيال في طرف الغرفه شيء عامل زي الطيف بقيت بعاين ليهو بدهشه وإستغراب .

وتاني رجعت عاينت ليها هي اتحركت وقفت جنب الباب وبعدها قالت " نحن جبناك هنا لمهمة م ساي" بقيت قاعد ومستغرب من كلامها قلت ليها إنتوا؟ انتوا منو؟ سكتت مسافه وتاني ردت قالت لي انا وال75 .... وسكتت تاني م اتكلمت وانا راجيها تقول خمسه وسبعين شنو؟ ،، قمت وقفت على حيلي وقلت ليها 75 شنو؟ اتلفتت علي وقالت "75كيان" انا هنا من الخلعه حسيت جسمي كله رجف واطرافي بردت قلت ليها كيان؟ ردت ببرود وقالت ايوه جبناك عشان نعلمك وعن طريقك ح نقدر نطلع نطلعهم للعالم الخاجي .

م فهمت اي شيء من كلامها قلت ليها فكي لي رجلي يابت امي منتظراني امي مريضه ولازم اكون جنبها في الوقت دا ... عاينت لي بنظره حاده وقالت لو بقيت عاقل وبتسمع الكلام ممكن في خلال شهرين تمشي تشوفهم ،، نطط عيوني وبقيت بعاين ليها قلت ليها شهرين شنو وقبل اتم كلامي طلعت وقفلت الباب بقيت انادي فيها .. تعالي فكيني ، تعالي يابت واثناء ما انا واقف بقت تظهر لي اشكال غريبه من الحيوانات وكلهم باللون الأسود وعيونهم حسيتها بتضوء وسط الظلام ،، اتهجمت بقيت بعاين ليها بخلعه ومستغرب ديل شنو وطلعو من وين ...

الفصل الحادي عشر من هنا