رواية الخامس من أكتوبر الفصل الثالث عشر 13 - بقلم دانيا

رواية الخامس من أكتوبر

الفصل الثاني عشر12

بقلم دانيا

قالت لي عشان تكسب زمنك وتمشي تشوف امك المرقده في المستفشى واخوانك الصغار القاعدين في البيت براهم عيونهم جفت من كترة البكاء المساكين ، ول صاحبك والواقع بين نارين "بين إنو يفتشك انت ول يهتم بعائلتك " من قالت لي حسيت كأنو خنجر اتغرس في صدري عاينت ليها بتظرة حادة وقلت ليها امي؟ فيكيني خليني امشي اهتم بأمي انا امي دي لو حصل ليها حاجه م بسامحك فاهمه .... انا عمري م مديت يدي على بت لكن انتي بطلع بروحك .

عاينت لي وابتسمت وقفت على حيلها وقالت لي الكلام م بفيدك الزمن بتكسبو بالطاعه وسماع الأوامر بدون اعتراض .... سكتت مسافه وقالت لي فكر معاك وقت للمساء ،، واتحركت على الباب قلت ليها تعالي فكيني يامختله وقفت وختت يدها على الباب وقبل تفتح الباب وتمش دارت وشها عاينت لي وقالت " مااحلى الخامس من اكتوبر" وفتحت الباب ودارت وشها وطلعت وقفلت الباب .... قمت وقفت على حيلي وانا بنادي ليها حاولت امشي على الباب ونسيت فكرة إنو رجلي مقيدة وخطيت خطوتين م حسيت على نفسي غير خبطت الأرض ،، بقيت بتزكر في كلامها عن ناس امي عيوني دمعت.

ركبو لأمي كم درب ولمن صحصحت شوية وبقت احسن عاينت لقت في ممرضه واقفه جنب الباب .... اول ما شافتها فتحت عيونها جات عليها قالت ليها انتي كويسة ، اها حاسه نفسك احسن ؟ حاولي ارتاحي م تقومي ،، عاينت ليها وقالت ليها عبدالله جاء ؟ الممرضه بقت واقفه بتعاين ليها لثوني وتاني قالت ليها الشاب الجاء معاكي دا قاعد برا دقيقه اناديهو ليكي ... طلعت برا لقت ابوعبيده بتكلم بالتلفون قال كيف يعني ياسيادك م لقيتو ليهو اثر في القريه بكون مشى وين ؟ جات قالت ليهو عفواً ياشاب المريضه صحت بتسأل عنك ، عاين ليها ونزل التلفون من اضانو وقال ليها جاي .. مشت منو تاني خت التلفون في اضانو قال ياجنابو الزول دا امو مرقدة في المستشفى عليك الله اعملوا جهدكم لازم تلقوهو .

بعد خلص المكالمه اتنهد بحسرة وقال يارب ساعدني انا هسي اعمل شنو ؟ لازم اوريها م بقدر اكذب عليها اكتر من كدا يارب اديها القوه عشان تقدر تتحمل الخبر يارب .... واتحرك مشى خشى ليها جوا اول ما شافتو قامت قعدت في نص السرير وقالت ليهو عبدالله وينو؟ عاين ليها بحسرة وتردد جاء قعد في الكرسي الجنب السرير وقال ليها اول شيء عليكي العافيه ياامي ،، بتكلم وهو مدنقر راسو سكت مسافه وقال ليها والله ياامي م عارف اقول ليكي شنو ... قاطعت كلامو بصوت مرتجف وقالت ليهو قول ياولدي انت داسي مني شنو عبدالله مالو؟

عاين ليها وتاني رجع دنقر وبدأ يحكي ليها الحاصل فجأة حست بقصه كبيرة في قلبها قالت عبدالله ولدي ....وانهارت بالبكاء الممرضه جات داخله قالت ليهو لو سمحت قلت شنو للمريضه خليتها تتوتر كدا انت م عارف وضعها م بتخمل ضغوطات قوم اطلع برا ،، بقى يعاين للممرضه بخلعه مسك يد امي وقال ليها ياامي م تشيلي هم الشرطه بتفتش فيهو وح يلقوهو انتي م تشغلي بالك ... عاينت ليهو وبقت بصعوبه بتحاول تأخد نفس الممرضه نومتها على السرير وقالت ليهو امشي هاك امشي جيب الحقنه دي من الصيدليه.

شال الورقه وطلع جري وهو في حالة صدمه وراسو جايط م عارف يعمل شنو ،، مشى جابها وجاء الممرضه استلمتها في الباب وقالت ليهو خليك برا ... بقى يمشي ويجي قدام باب العنبر وبعد عده دقائق الممرضه طلعت وقفلت الباب وراها جاء وقف قدامها وجسمو كله برجف قال ليها امي كويسة؟ قالت ليهو وضع المريضه م بتحمل اي ضغط او توتر لو كنت بعرف إنك ح تزعجها م كان خليتك تخش لكن هي من صحت بتنادي عليك ، وين عبدالله وين عبدالله ؟ دنقر راسو ودموعو جرت قال ليها ياريت لو كنت عبدالله .

عاينت ليهو بإستغراب قالت ليهو قصدك شنو ؟ قال ليها انا م ولدها عبدالله انا صاحبو ،، عبدالله مفقود من امبارح ... قالت ليهو بإستغراب كدي روق وتعال جاي من الباب مشت قدامو وهو مشى معاها قالت ليهو الحاصل شنو؟ حكى ليها قالت ليهو لا حوله ولا قوة إلا باالله طريق القرية ديك اصلاً كعب مافي زول بقدر يجي بيهو بالليل قال ليها بإستغراب قصدك شنو وكمان ناس القريه ديك مالهم متشددين كدا؟ سكتت مسافه وقالت ليهو ناس القريه م مهم متشدين دا لو كانو ناس اصلاً مافي وقت للشرح لكن ،، طلعت تلفونها من جيب اللابكوت وقالت ليهو سجل دا رقم عمي شغال في المباحث اتواصل معاهو وكلمو بالحاصل قول ليهو شلت الرقم من "سندس" وهو اكيد ح يساعدك.

طلع تلفونو سريع سريع وقال ليها جداً تكوني م قصرتي ... ملتو الرقم سجلو وابتسم بتفاؤل وقال ليها سكراً قالت ليهو العفو وإن شاء الله يجمع ويرجع لأمو سالم ومعافى ،، قال ليها اللهم آمين .. قالت ليهو انت قلت عندها اطفال قاعدين براهم صاح؟ هز راسو وقال ليها ااي والله وخت يدو في رلسو ،، عاينت ليهو وعرفت إنو محتار بينهم وبين امهم الفي المستشفى قالت ليهو هسي دا العشاء اذن م صاح يقعدوا براهم انت ارجع ليهم وانا بهتم بالمريضه ولو في شيء وعشان تطمئن عليها سجلي رقمي ،، عاين ليها وقال ليها والله م بتقصري ربنا يجزيكي خير يادكتورة شال الرقم وعمل ليها جرس رقمو ظهر ليها قال ليها دا رقمي لو حصل شيء بوراي قالت ليهو تمام ... قام ماشي قالت ليهو اسجلو بمنو؟ قال ليها ابوعبيده إسماعيل وطلع فات .

انا بقيت قاعد وبالي كله مع ناس بيتنا ومع امي وقدر ما حاولت وفتشت لي حاجه افك بيها الجنزير م لقيت بعد شوية جات البت داخله ... عاينت ليها وسريع من غير تردد قلت ليها جاهز اعمل المطلوب مني ،، عاينت لي وابتسمت بخبث وقالت واخيراً اخدت قرارك .. عاينت ليها بنظرة حاده وقلت ليها المطلوب شنو ؟ غمضت عيونها ورطنت م عرفتها قالت شنو بقيت بعاين ليها بإستغراب بعد شوية مدت لي يدينها وكان فيهن لوح ومعاهو حاجه زي الفتيل وحاجه تانيه زي الريشه انا بقيت مخلوع وبعاين فيهن قلت ديل جابتهن من وين .

مدتهم لي قالت لي هاك رفعت يدي بتردد وشلت منها قالت لي اكتب " ايه الكرسي بالمقلوب"

الفصل الثالث عشر من هنا